Bhagevont Kutmache Feast (Sir 3:2-6,12-14; Col 3:12-21; Lk 2:41-51)

Br Blison D’Souza
Mummy maka cha hadun di, Zaith puta. Papa maka iskalache fees borounk asa, Zaith puta, phallea tu poishe
vorun vos. Mummy ani papa apllea putak mhuntat, Puta hinga ille ievun amka ille kumok kor, Zaith Mummy
yeta hanv.

Krista thoim mhujea bhavano, bhoinino ani tashech bhurgeano. Kutmant asli ulouni cholun astat, Avoi Bapain
divcho adhar apllea bhurgea thoim, bhurgeani apllea avoi bapuik thoim divcho man ani gaurav spasht ritin
disun yeta, ani ashe mogache bhand asa munn samzovaith Ashe ek dis dadarnichea classint, teacherin apllea
bhurgeak vicharle, Kutamb mullear kite? (What is family?). Ek bhurgo takshanch utoun mhunallo, teacher
maka gothu asa, ani vhoddlean mhunallo, Father and Mother I Love You, Teacherik mosthu khuxi zalle, anek
bhurgo mhunallo Mhuje kutamb mogache kutam, ani ashe, uprant, zaithea bhurgeanim apllea kutma visheant
bore – bore shegunaichean denneanim apllea kutma visheant vivaran kelle. Akhrek teacher mhunalli, khorech
tumche sakdache kutam ek povitr kutam ani bhagevont kutam.

Az ami Nazrethchea Bhagevont Kutmache feast acharan kartanv, hea Bhagevont kutam amka ek dekh, ek zar
amchea kutma jivitant zaithe boreponn zodunk adhar zata. Az maggea, amchei kutam Nazrethchea kutma bhori
zau-di munn. Jezu, Marie ani Jujeche kutam amchea kutmak ek adarshay zaun jieunk preran dita.

Bhagevont vo Bhagevont Kutam mhuntana, sakad tanchea jivitant uttim asana vo tanchea dispoddtea jivitant
sukh asa mulle, kaslech kaxxt natle mhulle na. Har ek Kutma borich Bhagevont Kutmak zaithe zuz, poddneo
asle, punn hea Nazrethchea Kutuman apllea samasyacher, Kaxtacher sosnikai ani khalteponn gheun aplle jivit
te sarun asle. Tanchea jivitak aillea khursak veng tannem marle. Tor hea nazrethchea kutmak ek bhagevont vo
povitr zaunk karan kasle? Hea savalak zap ekuch, Povitr Pustok ani aiche vanjelech asllea savalak saks zaun
asa.

Poille, Jujechea tashech Mariechea jivitant, kite sakad ghadun asa munn khainch tanka samzuna, zedna Marie
Povitr atmea vorvim gorbest zallea vellim. Ani asllea ghaditacher eka munshean patieuche asadhy. (Mat 1.20)

Dusre, Zedna Jujen Mariek gupti sodche munn chintun aslo, Kitle dukh ek avoichea kalzant mhuntana
Mariechea Kallzant yevunk puro. (Mat 1.19)

Tisre, Eka gorvachea ravlerant, Marien Jezuk zolm dillo.

Chovte, Herodichea pasantlean suttounk, bhagevont kutuman ek niradharea bari Bethlehema thaun Egyptank
dhanv dhanvi bhoir sarlleat.

Panchve, Zoxe aiche vanjellant ami aikun asle, Mariek ek khuxiechi ghazal-i melli taschech dukheche ghazal-i
melle, zoxe Simiyavhea provadi pormanne, dukh ek darichea talvari borim tujhea kallzant papsitali, hea sakad
aikun-i apllea puta thoim apllo mog kedinch unne korunk na vo apllea zavabdari thaun kedinch thi pois dhavun
vosunk na.
Asle zaithe gaditha amka aikunk meltale hea Povitr Pustoka thaun, Tor hea Bhagevont kutmak kitle poddneo,
kitleshe kaxt aileari ti eka meka thaun pois vosunk na bagar ekvottit zavun aplleach kutmak adhar zalleat. Ani
aslle ekvottponn aslear, thoim sor Mog ubzata. Ani Mogachea bhanda dvarich he Nazrethche kutum ek
bhagevont zaunk pavlle. Vishesh ritin pollelar, Bhagevont Kutam kedinch patkachea pasant podunk na.
Bhurgoch Devacho Sabd Munis zallo, Marie Khatavinnem ghorb-sambovlli, Jujeche nitivontponn, hea sorv
karanak lagun aplle kutmache jivit samadhanen tashech vorthea mogan jielle ani patok tanchea kutma jivitak
rigunk asadhy zalle.

Az hea kutmacher ek nadar ghallea: Jezu, Juje ani Marie. Amchea kutmak khorech ek adharshy. Apllea jivitant
Devak poille sthan dille ani Devakch kendr sthan diun eka kutmant yevchea kaxtacher zaith vhelle. Bhagevont
Kutum dublim asleari, Khalteponnan aplle jivit Devachea Khushek khal zavn, aichea hea sonsarant ek navadtik,
vorthe kutam zaunk pavlle. (The greatest Family on the earth.) Devan apllo mog putachea zolma mukhantr
porgott kello. Jezuk sorgar thaunk eka zanthea borim dhaduna bagar hea sonsarachea kutmant zolm ghevun
sonsarak to ailo. Devan aplle sodvenneche kam mundarun vhorunk tachea putak eka kutmant zolmashe kelle,
ashe ami amchea kutma jivitant Jezuk sodun, kutmant toch amcho sodvondar mhunn manun gheunk asa.

Amche Kutam ek avchit zaun yevunk na. Kutamache yojann Devachea alochanant asle. Ani amche-I kutam
povitr zaunk zai mhulli, Devachi asha. Kutam,povitr sabhent ani samajent ek mhullave samuday, anek ritin
sangche zallear Kutamch ek lhan povitr sabha. Kutmant ami eka meka lagim ulounk xiktanv, Kutmant ami mog
korunk xiktanv, Kutmant ami eka mekak ami bhogsunk ani tanche pasot magunk xiktanv.Prathaik zaun Kutmant
ami Devache, Jezuche ani Marie ashe Bhagevont kutmache Volokh ami zodun ghetanv, Kutmant ami zaithe
shegun attapun ghetanv kite bore asle ghetanv ani vaitt asle ami pois kortanv. Ani Munsheaponnache fuddar
Kutmacher adharit zalle asa, ani Kutma dvarich amche samaj mukhar sorta.

Bhurgeano kitle-she zann tumi tumchea avoi-bapaiche mog kortat? Kondit zaun kitech unneponn nastana ami
tancho mog kartanv. Mogachea sheguna thoim asa seva, mann ani sacrifis. Hea utrak aichi Dev stuti vivarun
sangta, Aichea Poillea vachpant, Bhurgeanim apllea avoi bapaik mann diuk zai, sodanch man diunk zai ani
tedalla matr khari griestkai tashech lamb avk favo zata. Sirachache pustok ashe mhunnta, Dev axirvadit karta jo
apllea Bapaik vidhay, doyall zata, kondit zaun Dev taka axirvadit kartalo. Uprant Paul apllea patrant bhoroita,
Bhurgeanim zata title borim shegunachi folla apllea jinneat lakti korun gheunk zai. Zai di te bhogsonne,
doyallai, mayamog. Ani ashe zallear har ek kutam bhagevont zaun pavta ani tanche thoim aslo mog kedinch
tanka pois sorunk diucho na.

Tor amchea Kutmani Kasle lisanv xikait hea Bhagevont Kutma thaun.

Poille Magnnem, Zoxe ami aikalle aichea vanjellant Marien ani Jujen, Jezuk templant bhettaitana Devak poille
sthan dille ani Devak poille sthan diun tanchea kaxtant zaith vellem. Az zai amchea kutmant magnnem ani
Devak amchea kutma jivitant poille sthan. Zor ami Devakch ani Maggneak tache kendr sthan dina zallear,
Amchea kutmant rigta asamadan, eksurponn, ashanti ani hea karana lagun amka amchea kutma jivitant kaslech
boreponn labna, zai amka shanti, samadan, boreponn tor tumche kutam magnnea mukhantr Devak samparpunn
diat.(Family that prays together, stays together.)

Dusre, Khalteponn gorjeche. Az dovora tumchi dixt hea bhagevont kutmacher. Devak tanche Kutam
samparpunn diun az zaunk pavlle, hea sonsarant Vorthe navadthik kutam. Templant balidan bhettounk kaslech
uttim balidan bhetounk na bagar ek kovdeache jodd. Kutmak dubli-kai asle, ek niradharea borim eka gava thaun
dusrea gavant poinnari zali, punn he sakad ghadatana tanchi dixt ani kalliz Deva thoim asle, apllea ballkak
thoim aslle. Az amchea-I kutmak zai nhoi Dusre kite amchea kutma visheant chintun asa bagar ami kitle
khalteponnan Jezuchea kutma sangim jieun asat munn. Amchi kutma Sadarn asunk puro vo ek sadharn ganvant
asunk puro, punn az ami-I Jujeche ani Mariechi dekh ghevun, Jezu sorxim pavunk zai. (Family that has simple
living with high thinking gets closer to God.)

Tisre, Kutma Sangata vhell. Kutmak zai az sangatponnache dhanv, bagar nhoi griestkaiche vo eksurponnache
dhanv. Kutam az ek corporate office zalla, sakad velar zatha. Kamak chad vell asa, t.v polleunk vell asa,
Shoppingak vosunk vell, Punn makach mujhea kutmak diunk vell na mhulle ami aikale asa. Kutmak mog diunk
zai, mog dakhounk zai tar tuven tumchea kutma sangata vell diunk praythan korunk zai. Zor hanv mujhea
kutmak mog karta zallear, tar hanv mujhea kutmak kitench sacrifis korunk toair asa punn vhell diunk fati sarta
zallear, mogch kutmant unne zaunk sadhy asa.

Chovte, Tumcheant Kutmant ek missionary zaunk apovne labla. Kutmachea har ek sandheani zaunk zai ek
missionary. Tor kasle misanv asa amchea kutmani, Asa misanv Devache utar porgottunk ani vantun gheunk, asa
misanv tumchea kutmachea sandheak dukhi velar sangat diunk, asa misanv podllelea velar hath diun sangata
chollunk, asa misanv eka mekacher bhorvosun ravunk. Poishillea ganvant misanv asa, punn az asa misanv
amcheach kutmant, taka tumi pramug sthan diunk zai.

Panchve, Kutmachea sandheani Bhogsannem diunk and Bhogsannem zodunk xikunk zai. Har ek munshea
sabanda thoim sukh tashech dukh astat, zatha title podneo astat, punn hache pras Mog ani bhogsannem asche
gorjeche. Dogi Avoi-Bapuin taschech Bhurgean asli utra sangunk praythan korunk zai, Hanv chuklo, Maka
bhogxi ani mukhar kedinch korche nat, Ani akhrek Dogainim Avoi-Bapui taschech bhurgeanim, Hanve tuka
bhogxilla munn sangunk praythan korche.

Az Bhagevont kutmache feast acharan kortana, ek dixt amcheach kutmacher dovruiam. Devan amka dille
zavabdarent kitle ami vishwasi asanv mhulle. Avoi-Bapui Devache dennem vo Devachech anek rup mhunneat.
Ani har eka kutmant Bhurgim Deva thaun yevche ek dennem. lhanshe praiyer, Bhurgim apllea Avoi-bapaik
sontos, teach borim tanchea tarnat praiyer ek adhar ani bhuzavonn ditali bhurgim zaunk zai. Ani Avoi-Bapain
kashe hi bhurgim Devache dennem zaun prapt zalle, asa tumka ek kaido borea ritin tanche dekh-ball korunk ani
zavabdaren vadunk, Kiteak akhrek Bhurgim Devachech. Tor maggea ami hea Eucharista vellim amiche-I kutam
Bhagevont kutmache dekh ghevun boreach ritin ravun ani Devachea Mogant sodanch vishvasi ravcheak hea
Eucharista vellim ami maggea.