01 / 11 / 2020

TERSACHI MANDDAVOLL
Aytar – Mhoymeche Gutt
(Kuttumbamni)

Chotrai:
1. Saibinnichi Imaz eka kherit zagear dovorchi.
2. Vati ani fulam Saibinnichea manank toyar dovorchim.
3. Hi Rit chalu astanam tumchea ghorchea altaracheo vati pettoilear borem
zatolem.
4. Jeo vostu suchoileat teo vella pormannem ani zagea pormannem korcheo
vô soddcheo.
5. Kuttumbache poristhiti pormannem veg-veglle magnneache bhag
vanttche. Vachpanchi toyari bore toren korchi.
6. Sompeponnam khatir gayonam dil’lim asat, Gayonacho Jhelo asa zalear
soglleamni vaprum yeta.
7. Tersachea Magnneachea xevottak yukt Mariechem Git gheunchem.
8. Toxench dor-eka khondda uprant yukt dulpod vo slok gheuncho vo
Fatimachem Magnnem korchem.
9. Hi manddavoll dor-eka kuttumbak pavunk amcho husko.
Konnank mellunk nam zalear tankam WhatsApp, PDF / E-Mail dhaddchi.
10. Hi manddavoll ami kuttumbamni korunk magta. Upkar korun
kuttumb ekttaim zaun, zaum somudayamni, khursa lagim vo dusre
suater korchi nhoi.

Povitr Khursachi Kuru

Survatechem Git: Bapa Mhojea pritichea (Q-6)

1. Bapa mhojea pritichea,

Kedo Tuzo maiemog!
Papiank soddounk patkantlim
Putak dhaddloi sonvsarim!

2. Bapa mhojea pritichea,

Kedi tuji konnvallai!
Suttka diuncheak gulamank
Putak khursar khillailoi!

Bhavarthachi Ucharnni
Amchya Bapa, tin Noman Marye ani Mhoyma Bapak.

Survatechim Utram

Bhov doyall Bapa, aychya disa khatir ami tuka dhinvastanv, vakhann’ttanv ani
argham ditanv. Az ak’khi Povitr Sobha sogllyam ‘santancho’ ugddas korta.
Sogllim jim Jezuche xikovnne pormonnem jiyelim tim sorga-rajyant asant ani
tankam ami sant vo bhagivont mhonn pachartanv. Ankvar Mari zali Jezuchi
poyli pattlavdar ani sogllyank ek nomunno Jezucho pattlav korunk. Aychem
tersachem magnnem kortanam, kherit bhaxen, Ankvar Maryeche vinnovnnen
amkam sogllyank kurpa ani boll magum-ya, hya sonvsarant jiyetanam ami
Jezuche pattlavdar zavunk ani amchem jivit novsorun sorgincho rosto dhorunk.
Tyach borobor, Covid-19 he piddek ani he piddechim bhirant, ji he piddek
gombhir korta, taka ami dhiran, bhavarthan ani bhorvanxyan fuddo korunk ani
zoytivont zavun sogllyank portun kuddi-mona-otmyachi bholayki favo zaunk
Magum-ya.

Az ami Mhoymeche gutt niyallum-ya

Poylo Gutt

Somi Jezu Krist, Aplech podven tisrya disa melelyantlo jivont zalo.

Devachem Utor: “Punorjivontponn ani Jivit Hanvuch, Jim konn Mhojer

bhavarth dovortat, tim melim-i zalear jivim astolim; ani jim konn jivim asat ani
Mhojer bhavarth dovortat tim sasnnak morchim nant” (Ju.11:25-26)

Niyall / Magnnem:

Koxttam viret zoyt nam. Jezun Bapachi khoxi manun ghevun soglle koxtt
sonslem ani dekhunuch Jezu punorjivont zalo.
Mogall Maye, amchya jivitant yetele koxtt ami manun ghevun, Bapak mandta
toslem jivit jievun ek dis Jezuchya punorjivontponnant amkam-i vantto mellonk
amche pasot vinonti kor.

Amchya Bapa … 10 Noman Marye … ani Mhoyma Bapak

Dp: Pav Maie, io Maie, ghe amkam Tujea gopant!

Dusro Gutt

2
Somi Jezu Krist jivont zatoch challis disamnim porzollit zavun sorgar
chodd’llo.

Devachem Utor: “Dev dita tem funkeachem dennem amchea Somia Jezu
Kristachea ekvottant Sasnnik Jivit.” (Rom 6:23)

Niyall / Magnnem:
Sompi vatt nhoy, ponn Devachya utracher adarloli, sorgar pavoytoli koxtti vatt
vinchun kaddunk, Jezun amkam aplya jivitantlyan xikoylem.
Mogall Maye, Jezuk Tuvem sangat dilo ani Tachem aykat mhonn dusryank-ui
ulo kelo. Ami-i, Jezu tuzo put sangta tem aykun ghevunk ani amchem jivit
novsorunk, amchem kalliz ani mon aytem kor mhonn amche pasot mag.

Amchya Bapa … 10 Noman Marye … ani Mhoyma Bapak

Pav Maie, io Maie, ghe amkam, Tujea gopant (2)

Tisro Gutt

Somi Jezu Krist sorgar vetoch pattoylo Povitr Atmo Cenekal mhonnlole suvater
zhoym Ankvar Marya ani Apostl aslet.

Devachem Utor: “Ani Hanv Bapa kodde magtolom ani To tumkam anik ek
Xaroti ditolo.” (Ju 14:16)

Niyall / Magnem:
Jezun sorgar vochun amkam soddun divunk nam, bhogor amkam ek xerati
pattoylo.
Povitr Atmo amcher zonn eklyacher pattoyla. Hoch Povitr Atmo amkam borem
korunk apoyta tednam ami amchya jivitantlem vankddem tem soddun, Jezuk
manovta toslem jivit jievunk goroz.
Mogall Maye, Povitr atmya vorvim ami amchem jivit bodlun Tri-ek Devak
mhoyma haddunk vavrunk amche pasot vinonti kor

Amchya Bapa … 10 Noman Marye … ani Mhoyma Bapak

3
Pav Maie, io Maie, ghe amkam, tujea gopant (2)

Chovto Gutt
Somya Jezuchya morna uprant sobar vorsamnim Ankvar Maryek kuddi-otmya
soyt sorgar vheli.

Devachem Utor: “Promannik mon’xanche otme Devachea hatant asat, ani

koslech dogd tankam lagche nant. Pixeanchea dolleam mukhar tim
melolim dislim, sonvsar sanddun promannik mon’xam gelim, tem ek noxtt
dislem, tanchem moronn tancho sotianas mhonn him pixim somzolim;
punn tim aplim xant asat”. (Zan 3:1-3)

Niyall/Magnnem:
Ankvar Maryek kuddi-otmya soyt sorgar ubharun vheli. Dhor disak ami
yatrekaram ho ugddas korunk ani sorgincho rosto dhorunk goroz.
Mogall Maye, ami-i ek dis tuje bhaxen Jezu sangatak sorga-rajyant asunk, hya
sonvsarant jietanam Jezuchem jivit apnnavunk amche pasot vinoti kor.

Amchya Bapa … 10 Noman Marye … ani Mhoyma Bapak

Pav Maie, io Maie, ghe amkam, tujea gopant (2)

Panchvo Gutt

Povitr Tritven Ankvar Maryechya mostokar mukutt ghalo ani keli tika sorga-
sonvsarachi ranni.

Devachem Utor: “Ani Porom’ Gonvlli dixtti poddtolo tedna, bigoddna tosle
mhoimecho mukutt tumkam melltolo.” (I Ped. 5:4)

Niyall/Magnem:

Ankvar Mari sorgar ani sonvsarant aslole rocnnenchi ranni. Hya sonvsarant
jiyetanam, ti, bhov Povitr Tritvecher bhavarth dhovorun apli koxtti vatt chol’li
ani hya khatir sorgincho mukutt tika favo zalo. Hya misterant ami magum-ya,
amcher yetelya koxttank, ami, Ankvar Marye bhaxen bhavartan apnnavunk ani
ek dis tichya sangatak amkam-i sorgincho vantto favo zaunk.

4
Amchya Bapa … 10 Noman Marye … ani Mhoyma Bapak

Pav Maie, io Maie, ghe amkam, tujea gopant (2)

Noman Rannye
V. Bhov Povitr Ruzariche Rannye, amche pasot mag.
Z. Kristachyo bhasavnnyo amkam favo zaunchyak.

Xevottachem Magnnem:
Mogall Bapa, Ankvar Maryechya bhoktivont jivitacher ami niyall
kortanam, amche-i bhitor bhoktiponnachim bhavnnam zagovlyant. Marye
ani sogllya bhoktam bhaxen ami-i Jezucheruch amchi nodor dovorun
amchem jivit jievunk ani oxem ek dis Tuka rup-rup pollevunk pavum
mhonn magtanv. Krista amchya Somya vorvim, Amen.

V: Devacho adhar sodamkal amche thaym asum

Z: Oxem zaum

Xevottachem Git: Zoitivont amcho Dev (U-33)

1. Bhavam-bhoinnimno, ieiat,
Diat xabaski Bhoktank
Sogllim borabor utthun
Tallio pettat thor Kristak

Ch. Zoitivont amcho Dev, zoi!

Zoi Jezu! zoi Jezu! Zoi!

2. Amche-sarkelea soimbant
Tallnniam-patkacher zhuzle
Soddvonnarachea bollan
Bhokt-ui patkacher jikle!

Alinda Rego
Diocesan Family Service Centre, Goa

5
6