Riyas nang Paglaum

(Sugilon)
ni Alda Baquido Pawin

Aun isa ka baryo na kadaigan pubrehay yang

gahuya. Sang isa ka adlaw, madayaw makakan ng kanon yang
kanilan tag 10-12 na mga anak. Wa gayud yanag-eskwela
sang kanilan mga iso. Tag singko ka oras yang pagpanaw
bago moabot sang sunod na baryo na aun eskwelahan.

Ngaun siyan na baryo aun yoabot na magpamilya na

mga taga –Visayas.Yagapainang nang bay na dagdago na aun
ininang isab na dakul’la na riyas. Kada utaw na molabay
siyan na bay, mointo gayud aw mosilib siyan riyas. Adon lang
gayud silan makakita siyan kadako na bay. Yang yanaguya
ngaun di pa mapagbal’law nang madayaw sang taga-baryo kay
di pa masyado matigam magtiyab nang Mandaya.

Isa ka adlaw, yusilib si Udi,10 anyos na bubay na

yagada nang sipol’l. Mopasingud si Udi sang pawa kay
magalabon. ”Day, dayon diri”, tawag nang 45-anyos na bubay
na yagaikol’l. Kyakamay man si Udi aw amo kay yusod yan
san riyas. Yalangad-langad si Udi kay kadakul’la gayod sini
na bay. Pyapakan yan aw pangatagi nang mga gamit- bado,
tsenilas aw makaan. “Salamatay gayud, Tiya. Adon pa lang
ako makakita ng main nini na bay. Kun unan kagwapo nang
riyas, amo isab yang kagwapo nang batasan mayo”, laong ni
Udi bisan yatigam yan na wa yan abay kasabti nang bubay.

Pyagalaong yan nang bubay na makainang sa giyapon

yan nang aud sini na bay aw riyas kon makatapos yan nang
pageskwela .

Sugod sidto kay wa da katingon si Udi na pagkulig

sang ginikanan na magaeskwela yan. Yanguyaonon si Udi san
pikas baryo para lang makaeskwela. Yatapos yang kinse ka
tuig, yam pamilya ni Udi lang gayud yang yakainang nang
main sidto na bay na aun riyas.

Yakapaglaong yan na kon wa yan sangaun magsilib-

silib sidtong riyas, akawan gayud yan nang paglaum na
makaabot nang main sini na kabutang.
 Lyabi ni Litoy
(Tugma)
ni Alda Baquido Pawin

Yang tagbi na lyabi ni Litoy

Tyatangag-tangag nang itoy
Aw lupug-lupoga ni Litoy
Yang ikog nang itoy ikitoy.

Aber malayoay yang itoy

Nginyang kadi itoy yalooy
Wa gayud yan magligoy-ligoy
Para asakpan yan ni Litoy.

Ngadi Kanami
Tula
ni Alda Baquido Pawin

Ngadi kanami sang kabutayan

Kon dom da gani sang pyagauyan
Aw gakinahanglan, tyatabangan
Mga iso, mamin sang ginikanan.

Wa magpakita nang kalisdanan

Yani kanami da kyakanadan
Magandogay yang managsilingan
Kapangambog sangaon mga batasan.

Yang Ompo Ko
(Tula)
Alda Baquido Pawin

Gusto ko pa makita gao

Ngaong kanami ompo
Laong nang ginikanan ko
Pagkadayaway nan kuno.

Aun mga ampangan sidto

Na tyataguan sang sako
Ubutbuton gayud dato
Para lamang san lumon ko.

Pagkamatay nang ompo ko

Utaw sang kanami baryo
Yamamingaw gayud tibo
Sang ininang nang ompo ko.