AKLAMASYON: Juan 3 : 16 Diyosesis ng Rizal at Pampanga

Ika-Apat na Linggo ng Kuwaresma

PARI: Gayon na lamang ang pag-ibig ng Diyos sa sanlibutan,
BAYAN: Kaya ibinigay niya ang kanyang bugtong na Anak,
upang ang sumasampalataya sa kanya ay hindi
mapahamak, kundi magkaroon ng buhay na walang
hanggan.
EBANGHELYO: Juan 3 : 14 - 21
At kung paanong itinaas ni Moises ang tansong ahas doon sa ilang,
gayundin naman, kailangang itaas ang Anak ng Tao, upang ang
sinumang sumampalataya sa kanya ay magkaroon ng buhay na
walang hanggan. Sapagkat gayon na lamang ang pag-ibig ng Diyos sa
sangkatauhan, kaya't ibinigay niya ang kanyang kaisa-isang Anak,
upang ang sinumang sumampalataya sa kanya ay hindi mapahamak,
kundi magkaroon ng buhay na walang hanggan. Isinugo ng Diyos ang
kanyang Anak, hindi upang hatulang maparusahan ang mga tao,
kundi upang iligtas ang mga ito sa pamamagitan niya.
Hindi hinahatulang maparusahan ang sumasampalataya sa Anak.
Ngunit hinatulan na ang hindi sumasampalataya, sapagkat hindi siya
sumampalataya sa kaisa-isang Anak ng Diyos. Ganito ang paghatol ng
Diyos: naparito sa sanlibutan ang ilaw, ngunit inibig pa ng mga tao
ang dilim kaysa liwanag, sapagkat ang kanilang mga gawain ay
masasama. Kinasusuklaman ng mga gumagawa ng masama ang ilaw,
ni hindi lumalapit dito upang hindi mahayag ang kanilang mga gawa.
Ngunit ang namumuhay ayon sa katotohanan ay lumalapit sa ilaw,
upang maihayag na ang mga ginagawa niya ay pagsunod sa Diyos.
Marso 10, 2024 (Taon B)
DIWANG-PANALANGIN:
Mapaglingap at mapagbigay na Ama, sa Iyo nagmumula ang
pagmamahal na may pagpapatawad: sa pamamagitan ng Iyong
Bugtong na Anak ay ipinagkaloob Mo po sa amin ang kapatawaran ng
aming mga kasalanan; magsilbi nawa Siyang matatag naming
sandigan sa gitna ng aming pagsusumikap na makapagpanimulang
muli sa aming pagkakamali; siya na nabubuhay at naghaharing
kasama mo at ng Espiritu Santo, iisang Diyos, ngayon at
magpakailanman. AMEN !
UNANG PAGBASA: Mga Bilang 21: 4 – 9
(Sa gabay ng Diyos, pinangunahan ni Moises ang pag-aalis sa mga Israelita sa
pagkaalipin nila sa mga Egipcio. Dinala sila sa ilang. Nagreklamo ang mga
Israelita sa Diyos at kay Moises dahil sa mga walang kwentang pagkain.
Nagkasala sila kay Yahweh kaya’t pinadalhan sila ng ahas. Ahas ding yari sa
tanso ang nagligtas sa kanila sa kamatayan.)
Pagbasa mula sa Aklat ng mga Bilang, ika – 21 kabanata, nagsisimula
sa ika – 4 na talata.

ANG MABUTING BALITA NG PANGINOON !

Iglesia Filipina Independiente

 Mula sa Bundok ng Hor, nagpatuloy ang mga Israelita
patungong Dagat na Pula bupang iwasan ang Edom. Subalit nainip sila
sa pasikut-sikot na paglalakbay. Nagreklamo sila sa Diyos at kay
Moises, "Inilabas mo ba kami sa Egipto upang mamatay lamang sa
ilang na ito? Wala kaming makain ni mainom! Suyang-suya na kami sa
walang kuwentang pagkaing ito." Dahil dito, pinadalhan sila ni
Yahweh ng mga makamandag na ahas at maraming Israelita ang
natuklaw ng mga ito at namatay. Kaya, lumapit sila kay Moises. Sinabi
nila, "Nagkasala kami kay Yahweh at sa iyo. Ipanalangin mo kami na
kanyang paalisin ang mga ahas na ito." Nanalangin nga si Moises para
sa Israel at ganito ang sagot sa kanya ni Yahweh: "Gumawa ka ng
isang ahas na tanso. Ilagay mo iyon sa dulo ng isang mahabang kahoy.
Sinumang natuklaw ng ahas at tumingin doon ay hindi mamamatay."
Ganoon nga ang ginawa ni Moises. Kaya lahat ng natuklaw ng ahas ay
tumitingin sa ahas na tanso at hindi nga namamatay.
ITO ANG SALITA NG PANGINOON !
SALMO RESPONSORIO: Awit 107: 1-3, 17-22
TUGON: Purihin si Yahweh sa kanyang kabutihan!
1. Purihin si Yahweh sa kanyang kabutihan!
Pag-ibig niya'y tunay, laging tapat kailanman.
Lahat ng niligtas, tinubos ni Yahweh, bayaang magpuri,
mga tinulungan, upang sa problema, sila ay magwagi.
Sa sariling bayan, sila ay tinipo't pinagsama-sama,
silanga't kanluran timog at hilaga, ay doon kinuha.
TUGON
2. May nangagkasakit, dahil sa kanilang likong pamumuhay;
dahil sa pagsuway, ang dinanas nila'y mga kahirapan.
Anumang pagkain na makita nila'y di na magustuhan,
anupa't sa anyo, di na magluluwat ang kanilang buhay.
Sa ganoong lagay, sila ay tumawag kay Yahweh,
tinulungan sila at sa kahirapan, sila ay tinubos.
TUGON
3. Sa salita lamang na kanyang pahatid sila ay gumaling,
at naligtas sila sa kapahamakang sana ay darating.
Kaya't dapat namang kay Yahweh ay magpasalamat,
dahil sa pag-ibig at kahanga-hanga niyang pagliligtas.
Dapat ding dumulog, na dala ang handog ng pasasalamat,
lahat ng ginawa niya'y ibalita, umawit sa galak!
TUGON
IKALAWANG PAGBASA: Efeso 2: 1 - 10
(Noon, tayo;y patay mula sa ating pagsuway at kasalanan. Ngunit sa habag at
pag-ibig ng Diyos, tayo’y naligtas at nabuhay dahil sa Kanyang kagandahang-
loob at sa ating pakikipag-isa kay Kristo.)
Pagbasa mula sa Sulat ni San Pablo sa mga taga Efeso, ika – 2
kabanata, nagsisimula sa ika – 4 na talata.
Noong una'y patay kayo dahil sa inyong mga pagsuway at mga
kasalanan. Sinusunod ninyo noon ang masamang takbo ng mundong
ito, at napailalim kayo sa prinsipe ng kasamaan, ang espiritung
naghahari sa mga taong ayaw pasakop sa Diyos. Ang totoo, tayong
lahat ay dati ring namumuhay ayon sa ating laman, at sumusunod sa
masamang hilig ng katawan at pag-iisip. Kaya't sa ating likas na
kalagayan, kabilang tayo sa mga taong kinapopootan ng Diyos.
Subalit napakasagana ng habag ng Diyos at napakadakila ng pag-ibig
niya sa atin. Tayo'y binuhay niyang kasama ni Cristo noong tayo'y
mga patay pa dahil sa ating pagsuway. Naligtas nga kayo dahil sa
kanyang kagandahang-loob. Dahil sa ating pakikipag-isa kay Cristo
Jesus, tayo'y muling binuhay na kasama niya upang mamunong
kasama niya sa kalangitan. Ginawa niya ito upang sa darating na mga
panahon ay maipakita niya ang di-masukat na kasaganaan ng kanyang
kagandahang-loob, sa pag-ibig niya sa atin sa pamamagitan ni Cristo
Jesus. Sapagkat dahil sa kagandahang-loob ng Diyos kayo ay naligtas
sa pamamagitan ng pananampalataya; at ang kaligtasang ito'y kaloob
ng Diyos at hindi sa pamamagitan ng inyong sarili; hindi ito bunga ng
inyong mga gawa kaya't walang dapat ipagmalaki ang
sinuman. Sapagkat tayo'y nilalang ng Diyos; nilikha sa pamamagitan ni
Cristo Jesus upang iukol natin ang ating buhay sa paggawa ng mabuti.
Iyan ang layuning pinili ng Diyos para sa atin noong una pa man.

DITO NATATAPOS ANG PAGBASA !