Paghahambing ng Dalawang Panitikan: Ang Noli Me Tangere at El Filibusterismo ni Dr.

Jose Rizal

Ang "Noli Me Tangere" at "El Filibusterismo" ay dalawang mahahalagang akda ni Jose Rizal na
naglalarawan ng kalagayan ng lipunan noong panahon ng Kastila sa Pilipinas. Bagamat parehong
naglalaman ng mga mensahe at kritisismo sa pamahalaan at lipunan, mayroon silang mga pangunahing
pagkakaiba.

Sa paksang ito, tatalakayin natin ang paghahambing ng dalawang kilalang akda. Layon natin na
maunawaan ang kanilang mga pananaw, estilo, at mensahe sa pamamagitan ng paghahambing ng
dalawang panitikan.

PAGKAKAIBA

Ang Noli Me Tangere at El Filibusterismo ay dalawang mahahalagang akda sa panitikang Pilipino na

isinulat ni Jose Rizal. Ang Noli Me Tangere ay unang nailathala noong 1887, samantalang ang El
Filibusterismo ay sumunod na nailimbag noong 1891. Ang dalawang nobela ay naglalarawan ng
kalagayan ng lipunan noong panahon ng kolonyalismong Espanyol sa Pilipinas.

Ang Noli Me Tangere at El Filibusterismo ay dalawang nobelang isinulat ni Jose Rizal na naglalarawan ng
kalagayan ng lipunan noong panahon ng Kastila sa Pilipinas. Sa Noli Me Tangere, ipinakita ni Rizal ang
mga pang-aabuso ng mga prayle at kolonyal na pamahalaan sa mga Pilipino. Sa kabilang banda, sa El
Filibusterismo, binigyang-diin niya ang kahalagahan ng paglaban at pagtindig laban sa mga pang-aapi.

-Sa aspeto ng pananaw, makikita natin na si Rizal ay nagpakita ng kritikal na pagtingin sa mga suliranin ng
lipunan sa pamamagitan ng kanyang mga akda. Sa Noli Me Tangere, ipinakita niya ang kanyang
pagkadismaya sa mga pang-aabuso at katiwalian sa lipunan. Sa El Filibusterismo naman, ipinakita niya
ang kahalagahan ng pagtindig laban sa mga ito.

PAGKAKATULAD

-Sa usapin ng estilo, mahahalata ang pagiging makatotohanan at detalyado ng paglalarawan ni Rizal sa
mga karakter at pangyayari sa kanyang mga akda. Gamit ang kanyang husay sa pagsusulat, naipahayag
niya ng mabisa ang mga mensahe at aral na nais niyang iparating sa kanyang mga mambabasa.

-Sa mensahe, mahalaga ang mga aral at pagpapahalaga na matututunan ng mga mambabasa mula sa
mga akdang ito. Layunin ni Rizal na magmulat, magbigay-inspirasyon, at magtulak sa mga Pilipino na
magkaroon ng pagmamahal sa bayan at ipaglaban ang kanilang karapatan.
 •Ano nga ba ang pagkakaiba ng dalawa sa iba't ibang kaligiran?

—Pamagat at kung sino/ano ang nakapagimpluwensya sa pagsulat ng dalawang nobela.

*NOLI ME TANGERE

Ang pamagat ng "Noli Me Tangere" ay salitang Latin na ang ibig sabihin sa Tagalog ay "Huwag Mo Akong
Salingin" na hango sa Ebanghelyo ni San Juan.

Ang Noli Me Tángere ay isang nobelang isinulat ni Jose Rizal, at inilathala noong 1887, sa Europa.

Ang pagsusulat ng "Noli Me Tangere" ay bunga ng pagbasa ni Rizal sa "Uncle Tom's Cabin"(na isa sa
kanyang paboritong aklat) ni Harriet Beacher Stowe, na pumapaksa sa kasaysayan ng mga aliping Negro
sa kamay ng mga panginoong putting Amerikano. Inilarawan dito ang iba't ibang kalupitan at
pagmamalabis ng mga Puti sa Itim. Inihambing niya ito sa kapalarang sinapit ng mga Pilipino sa kamay ng
mga Kastila.

*EL FILIBUSTERISMO

Ang nobelang El filibusterismo (literal na "Ang Pilibusterismo") o Ang Paghahari ng Kasakiman ay ang
pangalawang nobelang isinulat ng pambansang bayani ng Pilipinas na si José Rizal, na kaniyang buong
pusong inialay sa tatlong paring martir na lalong kilala sa bansag na Gomburza o Gomez, Burgos, at
Zamora.

Sinimulan niya ang akda noong Oktubre ng 1887 habang nagpapraktis ng medisina sa Calamba.

—Saan/kailan naisulat ang mga nobela?

*NOLI ME TANGERE

Sinimulang sulatin ni Dr Jose Rizal. Ang mga unang bahagi ng "'Noli Me Tangere" noong 1884 sa Madrid
noong siya ay nag-aaral pa ng medisina. Nang makatapos ng pag-aaral, nagtungo siya sa Paris at doon
ipinagpatuloy ang pagsusulat nito. At sa Berlin natapos ni Rizal ang huling bahagi ng nobela.

*EL FILIBUSTERISMO
 Sinimulan niya ang akda noong Oktubre ng 1887 habang nagpapraktis ng medisina sa Calamba. Sa
Londres, noong 1888, gumawa siya ng maraming pagbabago sa banghay at pinagbuti niya ang ilang mga
kabanata.

Ipinagpatuloy ni Rizal ang pagtatrabaho sa kaniyang manuskrito habang naninirahan sa Paris, Madrid, at
Bruselas, at nakompleto niya ito noong 29 Marso 1891, sa Biarritz.

—Saan/kailan nailimbag ang mga nobela?

*NOLI ME TANGERE

Noong Marso 29,1887 sa Impentra Letre nailimbag ang Noli na ipinautang ni Dr. Maximo Viola.

*EL FILIBUSTERISMO

Isang Nagngangalang Valentin Viola na isa niyang kaibigan ang nagpahiram ng pera sa kanya upang
maipalimbag ang aklat noong Setyembre 22, 1891 sa Ghent Belgium.

•Ang Pagkakatulad/Pagkakapareho ng Dalawang Nobela

-Ang mga nobelang "Noli Me Tangere" at "El Filibusterismo" ay parehong isinulat ni Jose Rizal at
naglalarawan ng mga suliranin at isyu sa lipunan noong panahon ng Kastila sa Pilipinas.

Una, pareho silang naglalaman ng mga pangunahing tauhan na nagtataglay ng katangian ng pagiging
makabayan at pagmamahal sa bayan. Si Crisostomo Ibarra sa "Noli Me Tangere" at si Simoun sa "El
Filibusterismo" ay parehong nagsisilbing halimbawa ng paglaban sa pang-aapi at kawalang katarungan
sa lipunan.

Pangalawa, pareho rin silang naglalaman ng mga paksang panlipunan tulad ng korapsyon sa
pamahalaan, abuso ng mga prayle, at kahirapan ng mga Pilipino. Sa pamamagitan ng mga karakter at
kuwento sa nobela, ipinapakita ni Rizal ang mga suliraning kinakaharap ng lipunan at ang
pangangailangan ng pagbabago at pagpapalaya.

Sa kabuuan, ang mga nobelang "Noli Me Tangere" at "El Filibusterismo" ay hindi lamang mga akdang
pampanitikan kundi mga salamin ng kalagayan ng lipunan noong panahon ng kolonyalismo. Ang kanilang
mga pagkakatulad ay nagpapakita ng patuloy na pagtindig at pagtanggap ng mga Pilipino sa mga hamon
ng kanilang panahon.