TEKSTONG NARATIBO

Ang masalimoot na kinabuhi ni Kenneth

Ipinasa ni: Jun Rey S. Bering

Sa usa ka sulok nan isaka kwarto makit an usa ka ulitawo na si Kenneth naghawid sija nan
ija selpon para bisitahon ang ijang social media account. Ang tanan na ija nakita sa ijang
social media account kay puro malipayong panghitabo na sukwahi sa ijang kinabuhi. Si
Kenneth na lamang ang nabilin ug waya nay lain kauban saija kinabuhi kay ya namay ijang
mga ginikianan, kay namatay naman an ijang mga ginikanan sa usaka disgrasya. Naglisud
sija sa nahitabo sa ijang kinabuhi. Niabot pa gajud sa punto na mura na sija tagta-bugan nan
langit ug lupa sugod tong namatay ang iyang mga ginikanan puros napud sunod-sunod ang
mga panghitabo na dili maajo. Nawad an nan mga amigo,tag bujagan nan uyab, ug permi na
lamang bagsak saija mga exam. Ug miabot napud sa punto na waya na sija ganahi mabuhi
diri sa kalibutan. Pero ing-ana man gajud, dako ijahang pasalamat sa ijang iyaan sapag tabang
sa pinaka-ubos sa panahon nan ija kinabuhi.

Ni tindog si Kenneth sa ijahang gi ingkoran ug gi-buhian an ijang selpon ug na huna-

hunaan nan ulitawo na si Kenneth na dapat na nija kalimtan ang mga ngil-ad na panghitabo
saijang kinabuhi ug dapat na nija ipadajun ang ijang kinabuhi. Ning kadto na sa kusina si
Kenneth ug ni-inom nan tubig pagkahuman ni Kenneth gi-inom ang ijang tubig ,nag sugod na
dajun sija pag pangandam para saijang trabaho. Pag abot sa trabaho, dili makatoo ang ijahang
mga ka-trabaho saijang gina-pakita na mga lihok.

Pagkahuman nija sa ijang trabaho si Kenneth kay nag panaw pasingod sa ijang bayay. Ija
nakit-an ang ijang daang klasmeyt na si Nilo. Silang duha nag kinamustahay ug nag
istoryahanay sa kilid nan dayan. Tag isturyahan nila ang ilahang kaagi kaniadto sa mga high
school pa lamang sila pag kahuman nan ila pag-isturyahanay nan klasmeyt nija nasi Nilo kay
nag ijahay na silag panaw na. Nag padajun si Kenneth sa iyahang panaw pauli ug ya nija
mabantaji na jauy nag sunod na kawatan sa likod. Gikuha sa kawatan ang selpon ug pitaka ni
Kenneth ug misukol niini si Kenneth sa kawatan na amoy hinungdan nan ija pagka luba . Nag
dali-dali pag jagan ang kawatan na daya ang selpon ug pitaka nija. Tapos nakahigda na
lamang sa semento si Kenneth ug nangajo nan tabang sa mga tawo. Bago pa ma kuyapi si
Kenneth may ija na dunggan na tingog nga mi syagit ang ijahang ngayan. Marajaw gani kay
naapsan ni Nilo si Kenneth kay mangajo tana nan ija number sa selpon. Tungod ani nakit an
nija si Kenneth na nakahigda sa semento ug dali-dali sija sapag hanap nan tabang ug tag daja
dajun sija sa hospital. Hilabinan ang pasalamat sa doktor na mabatian ni Nilo na marajaw na
ang kahimtang ni Kenneth. Taghuyat ni Nilo ang pag mata ni Kenneth, sa pag mata ni
Kenneth gi-gakos dajun nija si Nilo ug nag pasalamat ug tag sulti sab ni Nilo ang panghitabo
kani-adto nga mihawa ra lamang si Nilo pag kalit sa kinabuhi ni Junrey.

Pagka-human niini sa mga panghitabo nahimo utro sila nga mga matinud-anon na higala ug
ilang tag kalimtan ang mga dili marajaw na panghitabo sa ilahang mga kinabuhi kaniadto ug
nagpadajun sila sa ilahang kinabuhi padulong sa ilahang mga pangandoy.