Soal Ujian Sekolah

Tahun Pelajaran: 2023-2034

Mapel: Mulok

Pilihan Ganda

1. Ungkapan ‘Lombok Mirah Sasak Adi’ secare sederhane baun teartian siq:
a. Dengan Lombok nike ye lurus-jujur
b. Lombok aran pulau Sasak aran suku
c. Jujur nike permate saq utame
d. Permate solah kembang mate
e. Kembang mate saq bau jari permate
2. Léq bawaq niki barang-barang saq tedait nyengken saq araq penggalian
léq dése Truwai kecamatan Pujut, kecuali:
a. Sogon d. Kerangke manusie
b. Keméq e. Pecahan logam
c. Kereweng
3. Léq takepan Sasak, kerajaan Suwung tsebut jari kerajaan pertame léq
gumi Sasak. ‘Suwung’ dalem base Sasak berarti:
a. Kélép d. Sepi
b. Memésaq e. Musim balit
c. Anak iwoq
4. Lelakaq Sasak léq khazanah nusantara baun tepadean kance:
a. Puisi d. Syair
b. Pantun e. Tembang
c. Phrase
5. Léq bawaq niki ciri-ciri lelakaq, kecuali:
a. Ye tesebaran secare lisan
b. Ndéqn tetaoq sai pengarangn
c. Muncul ato lahir léq masyarakat dése dait kote
d. Ye bedoé loéq macem versi
e. Kadu base saq tkadu bilang jelo
6. Lelakaq nike bedoé fungsi léq masyarakat. Fungsi lelakaq nike antare
lain:
a. Jari langan masyarakat ato generasi penerus berajah
b. Jari inspirasi pinaq lagu-lagu cilokaq
c. Langan kumpulan warge siq lembaga-lembaga adat
d. Sumber utame nilai ato norma masyarakat
e. Tpinaq jari sopoq kedemanan siq pare sesepuh masyarakat
7. Jenis lelakaq saq berdasarkan isi araq empat keloéqn. Léq bawaq niki
keempat jenis lelakaq nike, kecuali:
 a. Lelakaq sindiran d. Lelakaq nasehat
b. Lelakaq nyembilinan e. Lelakaq betimbalan
c. Lelakaq bebajangan

8. Care dengan Sasak, bulan Dzulka’dah/Dzulkaédah pade kenen kance

bulan Lalang. Tesebut aran bulan Lalang, séngaqn saq:
a. Pelalang bulan Bubur Putéq – Bubur Béaq
b. Pelalang bulan – bulan Suwung
c. Pelalang due lebaran
d. Pelalang bulan Puase kance lebaran
e. Pelalang bulan Mi’raj kance bulan Rowah
9. Bulan Suwung (Penembéq, Penengaq, Penutuq) temulai léq bulan:
a. Rabi’ul Akhir d. Sya’ban
b. Rabi’ul Awal e. Dzulhijjah
c. Rajab
10. Léq bawaq niki termasuk dalem warige Sasak, kecuali:
a. Péte jelo taoq begawé d. Péte ilmu kebal dll
b. Mulai pinaq bangunan e. Péte jelo dengan nganak
c. Mulai betaletan
11. Wayen saq dengan-dengan Jepang dateng tipaq gumi Lombok,
tanggepan masyarakat Sasak macem-macem. Salaq sopoq tanggepan
nike:
a. Ngelawan d. Tedoq doang
b. Nerimaq e. Pade beriuk lalo nyebo
c. Péte bantuan
12. Tebandingan kance Belande, Jepang bedoé kelemahan dait kelebihan.
Kelebihan Jepang saq paling pedas ruen:
a. Suruq rakyat sembah jelo
b. Pinaq sekolah macem taoqn
c. Tuan guru kanggo pinaq pengajian-pengajian
d. Selapuq dengan kanggo kadu base Indonesia
e. Base Jepang tekadu jari base resmi léq sekolahan
13. Léq bawaq niki termasuk kebijakan-kebijakan Jepang selamen araq
léq gumi Lombok, kecuali:
a. Rakyat tepaksaq pinaq rurung
b. Disiplin teharusan tipaq selapuq dengan
c. Kanak sekolah tesuruq sembah jelo bilang jelo
d. Tepinaq RT dait RW bilang gubuk
e. Léq sekolahan guru wajib kadu base Jepang
14. Due tahunan tejajah siq Jepang, loéq macem réspon batur-batur
Sasak. Araq saq tedoq, araq saq ngelawan, serte araq (éndah) saq béle
Jepang. Salaq sopoq tokoh Sasak saq bedoé peran lawan dengan
Jepang, ye nike:
 a. Saleh Sungkar d. Lalu Srinate
b. Datu Tuan e. Mamiq Fadelah
c. Tuan Guru Umar
15. Léq dalem konsép bangunan tradisional Sasak, araq saq teparan aran
balé tajuk. Balé tajuk niki ye saq befungsi jari:
a. Taoq dengan terimaq temoé
b. Jari taoqn téndoq dengan toaq
c. Tetauq siq pejabat dése
d. Taoq poloq gabah dait paré
e. Taoq sangkep dengan-dengan rapat
16. Balé tradisional Sasak saq biasen tetauq siq hampir selapuq dengan
Sasak, ye teparan aran:
a. Balé jajar d. Balé tajuk
b. Balé tani e. Bencingah
c. Bale bonder
17. Ruang-ruang niki ye araq léq dalem balé tani, kecuali:
a. Sesangkok d. Taoq dengan nganak
b. Pawon e. Kamar dengan toaq
c. Kamar dedare
18. Sistem nilai saq terkait kance kanggo-ndéq kanggo, halal-haram,
patut-ndéq patut, ye teparan aran nilai:
A. Mérang D. Tatas
B. Tindih E. Trasne
C. Maliq
19. Saq teparan aran inti nilai léq dalem sistem nilai budaye Sasak, ye
nike nilai:
a. Maliq d. Tatas
b. Mérang e. Pacu
c. Tindih
20. Nilai-nilai ‘maliq’ dait ‘mérang’ araq léq hal-hal saq léq bawaq niki,
kecuali:
a. Bareng-bareng sugul paléq maling
b. Milu besiaq lamun araq batur besiaq
c. Bareng-bareng laksanaq awig-awig gubuk
d. Béle bantel batur kenaq seleséan masalah
e. Ndéqt kanggo léngkak asaq, laun baq selapuq apaqn
21. Istilah ‘ngenduh rerasan’ , sopoq istilah saq kereng tedengah
ato tedait léq tengaq-tengaq masyarakat Sasak. Arti istilah “ngenduh
rerasan” nike:
a. Girang lalo ngayo d. Milu kegiatan gubuk
b. Matiq tipaq dengan toaq e. Betolong ngerampék
c. Diskusian pikiran
 22. Salaq sopoq tradisi khas Sasak teparan aran tradisi Bekayat.
Tradisi Bekayat niki tekenal masih aran tradisi:
a. Memaos d. Nyarup
b. Nyendol e. Selakar
c. Nyaér
23. Tradisi Nyaér, teparan aran ‘nyaér’ séngaqn saq:
a. Tebace belagu-lagu d. Araq saq milu belagu
b. Tebace siq mesin toa e. Loéq puisi dait syair
c. Kadu hurup Arab
24. Kitab saq tebace léq dalem tradisi Nyaér, biasen kitab saq kadu
aksare:
a. Latin Itali d. Arab
b. Hanacaraka e. Melayu
c. Sankskreta
25. Léq perkembangan awal, tradisi Bekayat, selain jari bentuk
hiburan, tekadu éndah jari:
a. Taoqn berajah ngaji d. Mentre senggégér
b. Siqn ngédung léq bangket e. Hiburan dengan merariq
c. Siqn sebaran Islam
26. Bekayat tebace léq julun masyarakat loéq. Salaq sopoq wayen
dengan Bekayat, wayen saq:
a. Besunat d. Merampék
b. Merariq e. Nowong
c. Bésoq tian
27. Loéq wayen masyarakat Sasak Bekayat, laguq mangkin wah
mulain jarang telaksanaq. Salaq sopoq wayen saq jarang gati taoqn
tebace, lamun dengan:
a. Bésoq tian d. Malem begawé
b. Nuzulul Qur’an e. Israq miqraj
c. Boye wayang
28. Lamun araq dengan ninggal, selain léq malem nyiwaq, araq
éndah dengan Bekayat léq wayen saq:
a. Wayen Mituq d. Jelon tame tanaq
b. Malem-malem genep e. Wayen Pelayaran
c. Tiep malem atau malem ganjil
29. Léq tradisi Bekayat araq unsur-unsur positif. Salaq sopoqn araq
unsur sastra religi. Teparan aran unsur sastra religi séngaqn saq:
a. Becerite kelampan De Side Nabi d. Jari alat propanda
b. Araq unsur dakwahn e. Kitab kadu hurup Arab
c. Tegabung siq belagu
30. Dengan saq bekayat pastin araq ato loéq kancen. Sebenarn, dengann
saq Bekayat nike minimal araq:
a. 2 dengan d. 5 dengan
 b. 3 dengan e. 6 dengan
c. 4 dengan
31. Lamun dengan Bekayat, araq dengan saq betugas sambut
bacaan dengan lain. Dengan nike tesebut aran:
a. Tukang terjemah d. Pembace
b. Pujangge e. Hadi
c. Tukang sarup
32. ‘Pujangge’ berasal léq kata ‘pu’ dait kata ‘jangge’. Kata ‘Jangge’
nike bedoé arti:
a. Terjemahan d. Belong
b. Bacaan e. Penyingak (mate)
c. Cangkembiwih
33. Dengan saq nerjemah ato bejelasan léq tradisi Pepaosan
teparan aran:
a. Pujangge d. Nyarup
b. Hadi e. Penerjemah
c. Pemaos
34. Kata Kata ‘Paos’ léq istilah Pepaosan bedoé arti:
a. Ngeraos d. Bedengah
b. Membace e. Belagu
c. Bebaraq
35. Tradisi Sasak saq bareng due-telu dengan ato lebih, buq bace
naskah-naskah Kawi serte buqn terjemahan dait jelasan, teparan
aran tradisi:
a. Bekayaq d. Nyaér
b. Pepaosan e. Mujangge
c. Bekayat
36. Loéq kitab naskah-naskah saq tebace léq tradisi Pepaosan.
Salaq sopoqn kitab Puspakarma saq biasen tebace wayen dengan
besunat ato nowong. Kitab niki becerite masalah kelampan:
a. Rajaputera saq masih kanak buq tceritean wah mulai tao
kicaq tanaq
b. Dewi Rengganis saq maté jaét tipaq bijen Wong Ménak
c. De Side Nabi saq bélo jate (bulun) buq terus haparas
(begunting)
d. Perang-perang Sayidina Hamzah saq kalahan dengan-dengan
kapir
e. De Side Nabi kenyengken saq tebosangin (tepetianan) siq
Mamiq Bini (Inaqn)
37. “Kesempurnaan diriq nike tehasilan léq tergantung berembé
caren sopoq dengan atur hawe nafsu. Séngaqn hawe nafsu nike
asaln léq masalah kelampan kejadian mahluk maraq ntan tanaq,
aiq, api, dait angin”.
 Saq baruq nike ye saq teceritean léq kitab:
a. Puspakarma d. Nabi Haparas
b. Indarjaya e. Medang Sekar
c. Rengganis
38. Inditan atau tahapan tradisi Pepaosan nike biasen wah umum
tetaoq siq masyarakat. Saq terahir ye nike tahapan:
a. Tamaq kitab d. Kyai bedo’e
b. Sugulan lompaq e. Ramah tamah
c. Tesugulan pesajiq
39. Léq bawaq niki hal-hal saq araq léq Tradisi pepaosan, kecuali:
a. Berugaq d. Pesajiq
b. Takepan atau kitab e. Buku
c. Tukang sarup
40. Apresiasi sastra santer kuat léq dalem tradisi Bekayat atau pun
tradisi Pepaosan séngaqn léq dalem due tradisi nike:
a. Araq sambut suare saq nyarup
b. Araq tukang terjemah
c. Araq bace aksare Hanacaraka
d. Séngaqn belagu dait nembang
e. Séngaq araq bagian syair-syair

Essay

1. Lapisan tata nilai Sasak saq ketelu lebih aplikatif ketimbang lapisan
saq pertame dait kedua. Silaq sebut telu conto tata nilai Sasak saq
ketelu nike dait berembé penerapan léq érup saq sejelo-jelo
2. Napi penjelasan pelinggih léq slogan Lombok Tengah “Tatas Tuhu
Trasne”, dait napi conto sikap léq tiep-tiep istilah nike
3. Silaq pelinggih jelasan kandungan nilai léq sesenggak Sasak “Tetéh
bangkén ulah tipaq kokoh belabur”
4. Napi perbédaan antare sesenggak, seselip dait setilah. Tulis 1 conto
léq tiep-tiep istilah nike
5. Napi doang jenis krama saq berarti norma sosial dalem hubungan
sosial masyarakat Sasak. Silaq jelasan