Prinsepe

Urong na Prinsepe nga naga padulong

Muklata ang mata mo basi kon ga piyong

Daan ka kasayod subong man saakon

malaw ay sang guya kurapa sing ilong

Sugiran ta nonoy sang pag pangasawa

Pangayuay balay dala ang kusina,

pananglit pa gani ang lima ka dupa

dili pa ma kasal kong walay musika

Sugiran ta nonoy sang pagpangabuhi

Dili hulam hulam dili uli uli

Kung wala kay bugas, kahoy mo kag tubi

sa lawas mo ina tanan mapauli

Sugiran ta nonoy sang pag pangasawa

Pangayuay balay dala ang kusina,

pananglit pa gani ang lima ka dupa

dili pa ma kasal kong walay musika

Sugiran ta nonoy sang pagpangabuhi

Dili hulam hulam dili uli uli

Kung wala kay bugas, kahoy mo kag tubi

sa lawas mo ina tanan mapauli

 Saamon Baryo

Aton umpisahan ini nga pag amba

Sa pag abi abi sang mga bisita

Akon nga panamyaw sa inyo may gugma

maga pasundayag sang kinaadman ta

Capiz nga Probinsya akon gin gikanan

Ining ulitawo sainyo atubang

Sa banwa sang Dao akon nga gin dak an

Miswa, balot pinoy inyo matilawan

Ini nga isturya sa pag pangonseho

Mga hilitabo saamon nga baryo

Paga suguran ta tugoti niyo ako aton tukibon

baganihan sa baryo

Sang isa ka adlaw saakon pag bugtaw

Nagtoktok sa perta saakon nag pukaw

Samtang si nanay naga hikot pamahaw

Si tatay nag lambo sang amon karabaw

Akon ginikanan dapat pamarisan

Ang ila pag antos dili matupongan

Gasakripiyo para sa kabataan

Bagani nga tunay, aton palakpakan

Ako may kilala saamon nga baryo

Bantog ang ngalan niya kay tatay Arnolfo

Mapisan, makusog maghawid arado

Ulan ukon init nasulay ang ulo

Sapagpanglakaton akon nasugata

Si tatang Ernesto may dala nga isda

Batod kag tilapia nadakpan sa sapa

Agod maka kwarta iya ibaligya

Sapagpadulong sa amon bulothuan

Hinali nag kuba kuba ining dughan

Kay akon nakit an kalayo sa unhan

Mayad man aga pa Bombero nag tabang

Lisod paminsaron ini nga sitwasiyon

Nasunog ang balay ni ante Corazon

Sa isa ka pisok wala na ang tipon

Nga kinabudlayan sa iban nga nasiyon

Akon nadumduman nagligad nga bagyo

Walay naisulod saamon kaldero

Mayad lang may bulig halin sa gobyerno

Naga kabalaka sa isig katawo

Sang sa eskwelahan akon nasaksihan

Kainit sang tyempo indi masarangan

Mga manunudlo pag antis makit an

Paghanas sang talento kag kinaadman

Pag uli sa balay ako nakabati

Uwang sang ambolansya nga daw gadali

Na Covid na naman ni lolo ko Tawi

Kay may bag o naman ang Covid nga sahi

Ako nag bisita sa balay bulolngan

Mga nars kag doktor siya gina atipan

Pagtatap sa iya imo mabatyagan

May pag ulikíd gid sa mga katawhan

Sang sa kagab ihon sa tagsa ka balay

Mahipis malinong matawhay masulhay

Soldado kag pulis sila naga bantay

Kabuhi nga kubos ila ginatan an

Wala man namitlang ila nga pangalan

Gamay man o dako ang ila natabang

Tagsa tagsa may papel may ikasarang

Bulig pag dumdom walay pinilian

Luyag ko tapuson ining ambahanon

Mga baganihan subong nga panahon

Dili man kalimtan Diyos makagagahom

Kay tungod sa iya kabuhi na angkon

 Quartero Palangga Ko

Mga kasimanwa inyo pamatian

Ining malahalon ko nga kasaysayan

Mga Quateronon bata kag tigulang

Malahalon nga petsa dapat mahibal an

Sang una nga tyempo ining Quartero

Barangay lang anay sa banwa sang Dao

Didto pa ga kagto ang tawo

Kung may kinahanglan sa ila munisipyo

Disisais sang Agosto milnyuebe trantay otso

Si Pascual Dela Torre kag si Manuel Poona

Amo ang naglakat pakadti sa Manila

Sa pag konsulta kay Manuel Roxas

Salamat sa presidente Manuel L. Quezon

Kay gin aprobahan ang ilang kinahanglan

Dako ang kalipay sang mga tawo

Kay natigayon ang ila kinahanglan

Sang mag abot sila halin sa Manila

Dala nila ang matahom nga balita

Dako ang kalipay sang mga Quarteronon

Kay nasiparar ining Quartero

Sa lubos nga na hilway na Quartero nga banwa

Ang mga lideris nagtatap sa iya

Bulig kooperasiyon sang mga residente

Padayon ang pag umwad sang banwa nga ini

Baynte tres sang Agosto kaadlawan sang Quartero

Pagbulag sang banwa sa iya nag sapupo

Sa bulig ni Pascual kag ni Manuel Poon

Nahilway ang Quartero sa banwa sang Dao

Sa karon nga panahon ang Quartero nakilala

Sa bilog nga Probinsya Quartero nangibabaw na

Hublag sang pamoluyo, katinlo kag katahom

Sa pag panguna ni Mayor Tido Mayo

Salamat Ginoong Diyos kami gin ubayan

Naagom namon karun lubos nga kahilwayan

Sa inyo nga tanan mainit nga panginbulahan

Kag ilabi na gid Quartero Palangga Ko

 Capiznon Akon Palanggaon

Mga kasimanwa inyo pamaitian

Ini nga composo akon panalambiton

Mga Capiznon nga amo natawhan

Ang among pangitan an pangusda kag palangumhan

Ang mga ginikanan sa ila paghimakas

Naagom sang ila mga kabataan

Nga naka trabaho sa maayong kahimtangan

Kay ginbakasan sang mga ginikanan

Ang mga Capiznon sa adlaw nga tanan

Sa ila pag himakas sa ila mga obligasiyon

Para masuportahan ang ilang pamilya

Sa pagtinguha sa maayong pamatasan

Sa subong nga tyempo ang pagpangabuhi

Sang mga Capiziño nga naga himakas

Sa adlaw nga tanan naka tibawas

Sa ila kinahanglan sa oras oras

Sa karung panahon ining Capiznon

Padayon ang pag umwad sa sining probinsiya

Kay gin tatap gid sang mga lideris

Kay maayo sila nga mga opisyalis

Salamat Ginoong Diyos imo gin ubayan

Naagom namon karun lubos nga kalipayan

Sainyo nga tanan mainit nga panginbulahan

Kag ilabi na gid Capiznon Akon Palanggaon

 Mga Isda

Diri nakon usuyon istorya sang isdaanon

Senyoris pamatii ninyo ining panalambiton

Ang tanan tanan nga isda gapuyo sa kadagatan

Kag ila nga opisyo parehas man sang tawo

Ang Akon nga Lugar

Ang akon nga lugar Barangay Sinabsaban

Sakop sang Quartero banwa nga luloy an

Ang akon nga ubra isa ka mangunguma

Ang akon nga tanom hulumayan kag malaisan

Sa kada hapon akon nga tatapon

Kun ako ang magtan aw ako malipayon

Kay banwa sang Quartero amon ginadangpan

Kay among ginakwaan sang among kinahanglan

Abono kag bulong tanan kinahanglan

Kay ang banwa sang Quartero makabulig gid sa tanan

Panagbuhe karon

Mga kasimanwa, mga kautotan

Ako magasaysay, inyo pamati-an

Pangabuhi natun karun nga panahon

May ara nga kapi-ot kag may kabudlayan.

Ang 2019 sadto nga tini-on

Madamo nga tawo ang nagatalangison

Banod sinang (koved)nag abot sa aton

Dako nga problema sang pangabuhi naton.

Karon nga panyempo, kabudlay kaayo

Mangita trabaho, manubo ang sweldo

Dugangan sang pletehan, mahal man kayo

Pag-abot sa balay, maluya ang lawas ko.

Sato nga tinuig sina nga panahon

Umabot ang baha sa Provencia sang Capisnon

Aton mangunguma, nagahilibion

Gasalig kontani sila may anihon.

Apang ini tanan pagtilaw lang sa aton

Sa inbabaw, sang langit, sang makahgagahom

Kag ang paghimakas atun padayunon

Agud nga mag umwad and pangabuhi naton.

Diri nalang kutob ang akon pagsaysay,

Pangabuhi natun, kita magbuligay

Ihalad ta sa Dios ang kabudlay

Agid kita tanan hatagan sing bugay.

Pan ay nga nalulotan

Aton karun pamatian

Ang bilidhon nga kasaysayan

Sang duta kong natawhan

Pan-ay nga nahamut-an

Banwang pinanubli

Sa unang ginikanan

Sa daan nga pagtawag

Dagayang Dios sang Bamban.

Ginasugid sadto

Espanyol nga misyoneros

Mga paring Agustino

Nagdala sang ebanghelyo

Nagpanguna sa ila

Padre Martin De Rada

Ginbantala nila

Si Kristo nga manluluwas ta.

Hantop sa taguipusuon

Sang tumandok ila ginbaton

Ang ebanghelisasyon

Kristyanismo nagsanyog
Sa madamo nga duog

Ang pagtulo-ohan

Nahanungod sa aton Dios.

Tumulo-o sadtong una

Sa dako nga pagkilala

Nahimo ang simbahan

Tubtob nangin parokya

Sa iya kadungganan

Sang mahal nga patrona

Sa dako nga pagsalig

Kay Santa Monica.

Kag mabatian man

Bagting sa kahanginan

Sang dakung lingganay

Manggad kag handumanan

Kag ini nakahatag

Sang dakung kabantugan

Ano nga naagda

Dumulu-ong kadamo-an.

Hinigugmang Pan-ayanon

Aton gid nga tandaan

Kaayohan sang banwa

Kag iya kauswagan

Aton nga himu-on

Sa aton masarangan

Kay man bahin, bahin kita

Sang iya kasaysaya.