FILITWO 11.
Breaking the Fourth Wall - Parang
MGA NARATIBONG TEKNIK/FILM
DEVICES NA GINAGAMIT SA
PELIKULA:
1. Backstory - Ang pagsisimula ng mga
eksena sa pelikula ay nag-uugnay ng
nakaraang pangyayari sa kasalukuyan. Ito'y
karaniwang ginagamit upang ipakita ang
tagpuan ng kuwento. Sa "The Lord of the
Rings" trilogy, ang pagsasalaysay sa umpisa
ay nagpapakita ng mga mitolohikal at
makasaysayang pangyayari mula sa una at
ikalawang panahon.
2. Cliffhanger - Sa nasabing pelikula, hindi
agad na nilulutas ang kuwento upang pukawin
ang interes ng mga manonood na maghintay
sa susunod na pangyayari o episode.
Halimbawa nito ang "FPJ's Ang
Probinsyano."
3. Deus ex Machina (Act of God) -
Ang plot ay nababago at ang mga mahihirap
na suliranin ay nareresolba nang biglang
pumasok ang isang bagong karakter, bagay, o
pangyayari na hindi pa naipakilala sa simula
ng kwento.
4. Eucatastrophe - Ito ang pagresolba ng
konflikto sa pamamagitan ng isang
pangyayaring hindi konektado sa pangunahing
plot ng pelikula. Madalas itong nauunawaan
bilang resulta ng isang malakas na puwersa.
Isa itong mahalagang pangyayari na
nagpapakita sa bida na humaharap sa hamon
na tila magtatapos sa kanyang pagkawala,
ngunit sa huli ay nagiging kapaki-pakinabang
para sa kanya.
5. Flashback - Pangkalahatang tawag sa
pagbabago ng sikwens batay sa panahon na
nagdadala sa mga tauhan s mga naunang
pangyayari.
6. Flashforward - Isang eksena na
nagpapahiwatig ng magaganap sa hinaharap.
7. Foreshadowing - Ito ay mga simbolikong
pangyayari na nagbibigay ng paunang
impormasyon o hint sa mga susunod na
eksena.
8. Plot Twist - Ito ay hindi inaasahang
pagbabago sa direksyon o inaasahang resulta
ng mga kaganapan sa pelikula.
9. Poetic Justice - Batay sa pang-uugali at
kilos na ipinakita ng tauhan, ang kanyang
kabutihan ay gagantimpalaan o di kaya’y ang
kanyang kasamaan ay parurusahan. Isang
panghuhula na nagkatotoo.
10. Ticking Clock Scenario - Nagpapakita na
may napipintong panganib.
personal na pag-uusap ng tauhan sa manonood.
Sulat ng liham ng tauhan tungkol sa
kakaibang karanasan. Kwento mula sa
pananaw ng bidang tauhan.
12. Defamiliarization - Pagkuha ng pang-
araw-araw na bagay at pagpapakita nito sa
paraang kakaibang hindi pamilyar para makita
natin ang bagay sa bagong paraan.
13. Ellipsis - Omisyon o pag alis ng ilang
yugto ng kuwento kung saan hinahayaan ang
mga mambabasa na magpuno sa naratibong
antala.
14. Comic Book Death - Isang teknik kung
saan pinapatay ang mahahalagang karakter
ngunit kalaunan ay biglang lilitaw upang
magbigay- linaw sa kuwento.
GABAY SA PAGSULAT NG SCRIPT NG
PELIKULA:
1. Isapuso ang mga Karanasan - Kahit sa
anong uri ng buhay, maaari nating gamitin
ang bawat karanasan sa paglalarawan ng mga
tao, mga lugar, at iba pa. Ito ay nagpapalawak
sa ating imahinasyon at tumutulong sa
pagpapalabas ng mga detalye sa bawat eksena
sa pelikula.
2. Ilarawan ang Bawat Detalye - Mahalaga
na malinaw ang deskripsyon ng bawat
karakter at pangyayari sa isang script upang
madaling isalin ito sa pelikula. Payo ni Abueg
ang panatilihin ang natural na pagkakasulat
upang maiwasan ang teknikalidad na nagiging
mahirap unawain.
3. Maghanap ng Literary Barkada -
Sina Abueg at Reyes, kasama sina Dominador
Mirasol, Rogelio Ordoñez, at Rogelio Sicat,
ay bahagi ng grupo na nagbuo ng "Agos sa
Disyerto," isang antolohiya na unang lumabas
sa Liwayway noong 1960. Ayon kay Abueg,
ang kanilang mga pagtitipon ay madalas
nauuwi sa isang "maboteng usapan." Sinabi
naman ni Rolando Tolentino, Dean ng UP
College of Mass Communications, na kung
noon ay kasama ang alak sa mga pagtitipon ng
manunulat, sa kasalukuyan ay milk tea na ang
paborito ng mga kabataan.
Ang pakinabang ng literary barkada ay ang
pagkakaroon ng malawak na paksang napag-
uusapan sa iba't ibang pagkakataon. Ayon kay
Abueg, ang pagkakaiba-iba ng personalidad
ay nagbibigay-daan sa magandang palitan ng
mga ideya sa pagitan ng mga kasapi.
4. Igalang ang mga Katrabaho - Ayon kay
Raymond Lee, isang kilalang producer ng
pelikula, hindi makatarungan na asahan mong
eksaktong matatranslate sa pelikula ang lahat
ng isinulat mo sa papel. Dapat ay mayroong
"two-way street" na relasyon ang manunulat
at direktor upang mapadali ang proseso ng
pagbuo ng pelikula.
5. Hintayin ang Pagkakataon -
Solito ay nagpapatunay na ang mundo ay
hindi palaging paborable. Kailangan mong
ibinabaul ang mga likha mo kung walang
tumatanggap, ngunit hindi dapat tumigil sa
paglikha ng mga istoryang gusto mo.
MOVIE EDITING:
Ang Editing ay proseso ng pag-aayos at
pagpapaganda ng mga video, na mahalagang
bahagi sa pagbuo ng isang palabas. Ito ay
nagbibigay ng kakayahan na baguhin ang
istruktura, tanggalin ang hindi kanais-nais na
bahagi, ayusin ang pagkakasunod-sunod ng
pangyayari, at magpalit ng kulay sa video.
Ito'y ilan lamang sa mga posibleng gawain sa
video editing.
Ang editing dati ay gumagamit ng pisikal na
manipulasyon sa flm negative para
magkaroon ng kakaibang dating sa mga
manonood. Ngayon, ang teknolohiya na ang
ginagamit sa editing, na mas mabisa at mas
maganda ang resulta kaysa sa dating paraan.
URI NG PAG-EEDIT:
1. Simpleng Pag-eedit - Ginagamitan ng
simpleng pagpuputol upang maihanay ang
mga kuha sa tamang pagkakasunod-sunod na
sinusundan ng order ng iskrip.
2. Malikhaing Pag-eedit - Paggamit ng iba’t-
ibang effects/
GAMIT NG PAG-EEDIT:
1. Pagsasamahin
2. Pagpapaiksi o Pagbawas
3. Pagbabago o Pagkorek
4. Pagbuo
Sa video editing, madaming mga terminong
ginagamit. Ilan na lamang dito ang mga
sumusunod:
1. Slow Motion - ito ay paraan kung saan
bumabagal ang kilos ng mga bagay o tao sa
loob ng video.
2. Voice Over - Ito ay ang paraan ng
pagbibigay ng boses sa isang video kahit
walang tao. Parang background music, pero
ang naririnig ay ang boses sa likod.
3. Sweetening - Ito naman ay ang paglagay
ng background music sa isang video.
4. Superimposition - Ito ay paglalagay ng
pamagat o iba pang mga salita na kailangan sa
isang video.
5. Sound Effects - paraan kung saan
naglalagay ng mga tunog upang mas
mapaganda ang video.
6. Sepia - ito ang pagpalit ng kulang ng buong
video na parang kulay
kalawang.
7. Dissolve - Ito ang pagpapalit ng eksena,
kung saan isang imahe ay papalitan ng iba.
Karaniwang ginagamit ito para ipakita ang
pagbabago ng oras at lokasyon.
8. Fade In - Ang simula ng eksena sa pelikula
ay madilim at unti-unting nagiging liwanag
hanggang sa makita ang kabuuan.
9. Fade Out - Ang simula nito ay maliwanag
ngunit unti-unti itong mag didilim.
10. Freeze Frame - Ang pag pili sa isang
eksena sa pelikula na kung saan paulit ulit
itong ipi-print para magkaroon ng epek na
ito’y nakatigil.
11. Jump Cut - Dalawang eksena na
pinagsama pero hindi siya magkasunod na
kinuha. Halimbawa tatlong sunod sunod na
eksena tapos pinag sama ngunit hindi kasali
ang ika-lawang eksena Kaya jump cut dahil
mula sa unang eksena, ki-nut natin ang ika-
lawang eksena at tumalon sa ika-tatlong
eksena.
12. Reverse Cutting - Sa pagkuha ng eksena,
halimbawa, may dalawang tao na nag-uusap,
ang camera focus ay nasa mga balikat at ulo
lang para ipakita na sila ay nag-uusap. Sa mga
palabas, kadalasang ipinapakita ang
nagsasalita mula sa balikat hanggang mukha
at kapag ang isa naman ang sumasagot, siya
naman ang ipinapakita, at ganito ang patuloy
na pagpapalit.
13. Sequence Shot - Isang scene na hindi
nagkakaroon ng cut mula sa una hanggang sa
huli. Halimbawa, magsisimula ang eksena sa
loob ng isang kwarto at magpapatuloy sa
labas ng bahay nang walang pagputol. Diretso
lang ang pagkuha mula sa isang karakter
patungo sa isa pa hanggang sa makarating sa
dulo ng eksena.
14. Cross-cutting - Sa mga pelikula at TV
series, madalas may mga pangyayari na
magkakatulad sa iba't ibang eksena.
Halimbawa, sa CSI, dalawang magkakaibang
kaso ang ini-investigate ng dalawang grupo ng
detectives sa iba't ibang lugar, ngunit may
kaugnayan pa rin sa pangunahing tema ng CSI.
Gayundin sa 24, maaaring may isang eksena
na may hinahabol na tao habang sa ibang
eksena, mayroong bomba na dapat pigilan.
Bagaman magkahiwalay ang mga eksena,
nauugnay pa rin ang mga ito sa pamamagitan
ng tema o pangyayaring nagaganap.