SA FILIPINO 8 IPINASA NI: Kerby R. Trogon Baitang at Seksyon: 8-Eddington Epiko ng mga Ilokano
Simula: May pambihirang lakas si Lam-ang na ‘di
karaniwan sa mga batang katulad niya. Siya ay taga-Namongan at lumaki siyang walang ama ‘pagkat bago pa man siya ipanganak ay nawawala na ito mula sa pangangahoy na iniutos ng kanyang ina. Itinanong niya kung nasaan ito at may nagsabing matatagpuan ang kanyang ama sa kamay ng mga Igorot. Naglakbay siya patungo sa mga Igorot kahit ‘di payag ang kanyang ina.
Gitna: Nakita niyang nagsasagawa ng sagang ang
mga Igorot. Nasilayan niya din ang putol na ulo ng kanyang ama. Dahil sa galit, pinatay niya nag lahat ng mga Igorot. Pagbalik sa Namongan, agad siyang naligo at hinanap si Ines Kannoyan ng Kalanutian. Nakarating siya matapos makipaglaban kay Sumarang at pang-aakit ni Sarindang.
Wakas: Nasindak ang mga manliligaw ni Ines kay
Lam-ang. Naibigay ni Lam-ang ang lahat ng nais ng magulang ni Ines kaya kinasal silang dalawa. Minsan, nangisda si Lam-ang at nakain siya ng isang malaking isda. Isang maninisid ang nakakita ng kanyang labi, at sa tulong tandang, nabuhay muli si Lam-ang. Epiko ng Palawan
Simula: May isang binatang nagngangalang
Manimimbin na naghahanap ng kanyang mapapangasawa. Isang araw, nakahanap siya ng babaeng kanyang inibig ngunit hindi siya mahal nito. Ang kanyang minamahal ay may kapatid na babaeng pangalan ay Labit. Naging magkaibigan sila Labit at Manimimbin.
Gitna: Isang araw, nagaway si Labit at
Manimimbin. Dahil sila ay may mahiwagang kapangyarihan, nagtagal ang laban hanggang sa kumonsulta na sila sa isang bathala na si Kulog upang tagapamagitan. Nagkasundo na sila Manimimbin at Labit.
Wakas: Sa tulong ng mga mahiwagang ibon
at ng Binibini ng Isda, ikinasal si Manimimbin sa kapatid ni Labit at si Labit naman sa kapatid ni Manimimbin. Epiko ng Kalinga
Simula: Sa kasal ng magkaaway (Nibalya da
Kalinga), dumating si Banna at kanyang mga kasama upang mamugot. Nagkaroon ng madugong labanan at napahiwalay si Banna sa kanyang mga kasama. Dahil tinutugis siya, nagpaanod siya sa ilog at nakilala si Onnawa at inibig ito. Nabuntis niya si Onnawa, at para malihim ito, pinaanod ni Onnawa sa ilog ang kanyang anak na si Gasingga. Nasagip ni Manom-ombilayon ang sanggol at pinalaki ng maayos.
Gitna: Lumipas ang araw, may napusuhan si
Banna, at ito ay si Laggunawa. May kondisyon ito na kung sino ang makapapatay sa higanteng si Liddawa ay kanyang papakasalan. Sumali si Banna at Gasingga. Napatay ni Gasingga si Liddawa. Nagalit si Banna at hinamon ang hindi nakikilalang anak. Nanalo sa hamon si Banna at nakain ng ahas si Gasingga.
Wakas: Iniligtas ni Banna si Gasingga at nalamang
anak niya ito. Dahil dito, pinabayaan niya na makasal na ito kay Laggunawa. Makalipas ang ilang araw, ikinasal si Gasingga at Laggunawa pati sina Banna at Onnawa. Epiko ng Palawan
Simula: Sa Palawan, may nagngangalang
lalaking si Kudaman. Napangasawa niya si Tuwan Putli pagkatapos niyang makapangasawa ng tatlong babae. Si Kudaman ay dumalo sa isang pagdiriwang ng mga Ilanun upang manggulo
Gitna: Ilang taon nang naglalaban si
Kudaman at pinuno ng Ilanun ngunit wala pa ring nananalo. Sa dulo ng labanan ay nagkabati ang dalawa at uminom ng sandaang tapayan ng alak. Nakapangasawa na ng sampung babae si Kudaman.
Wakas: Hinangad na ni Kudaman ang
kapayapaan. Maraming sigalot na nangyari at napagtapusan ito dahil kay Kudaman na naging bayani ng Palawan. Epiko ng Maranaw
Simula: Sa kaharian ng Bumbaran, naninirahan
ang magkapatid na si Prinispe Bantugan at kanyang kapatid na si Haring Madali. Lubhang naiinggit si Madali kay Bantugan dahil maraming babae ang lumalapit dito. Isang araw, pinagbawalan ng hari na makipag-usap ang mga babae kay Bantugan. Nalungkot si Bantugan at naglayas. Nagkasakit si Bantugan hanggang siya ay namatay malapit sa Kaharian ng Lupaing nasa Pagitan ng Dalawang Dagat.
Gitna: Nakita ni Prinsesa Datimbang ang labi ni
Bantugan. Agad niyang pinulong ang konseho. Isang loro ang pumasok at sinabi ang pagkakakilanlan ng Prinsipe. Nabalitaan ito ni Madali. Agad siyang pumunta sa langit at binawi ang kaluluwa ni Bantugan at muli itong nabuhay. Nabalitaan ito ng kanilang kalabang si Haring Miskoyaw. Binihag ng Hari si Bantugan na nanghihina. Nang magkalakas, pinuksa niya ang lupon ng kawal ni Miskoyaw at nanalo siya.
Wakas: Naging payapa ang Bumbaran. Nawala
na ang inggit ni Haring Madali kay Prinsipe Bantugan. Sa huli, pinakasalan ni Prinsipe Bantugan ang mga babaeng kanyang iniirog.