PUISI BALI ANYAR

NGWANGUN PANGRESEP
Puisi Bali Modérn wantah karya sastra sané
nyritayang indik unteng daging pikayunan
manut ring rasa basa sang sané ngripta.
NGWACÉN TÉKS PUISI BALI
ANYAR
APA BUIN PANGENANG Cerik-ceriké babiki :
Apa buin pangenang
Apa buin selselang
Magending “diktatur absolute”
Buka kenehé ibuk madusdus gémbong api Ngékatang sinapang karét
Yan tuara déwék lan nyama braya
Nyén lakar ngisinin basang kola?
Békbékan dekil
Sawai-wai mupuh yéh mata lakar daar Maingket dadi bal meriem
Pangenang awaké tiwas
Ndikapan bakal sida madingehang?
Ibi sanja ningeh orta :
Unduk I maling nguyutang maling
Gumanti tekén I maling
Ada maling ada maling!
Cirin malingé masuriak maling! Olih I Ketut Suwija
TATIKES NGWACÉN PUISI
BALI ANYAR
Wirasa inggih punika puisi ngrarasayang daging miwah unteng puisi sané jagi
kwacén,sekadi ksinatrian, kalulutan, kaasrian, ka,asrian, kritik sosial.
Wirama inggih punika suara miwah intonasi rikala ngwacén puisi mangda anut ring
dagingipun.Ring dija patut suarané alus banban, keras tur kapireng.
Wiraga inggih punika paripolah angga sarira manut ring wirasa puisi sane kawacén.
Wates lengkara inggih punika tanjek bebaosang mangda sumeken, tetuek, miwah
unteng pikayun sajeroning mapuisa.
Semita inggih punika sebeng, raras, miwah semita rikala ngwacen puisi.
SARANA NGWANGUN PUISI
BALI ANYAR
Kria sastra puisi Bali anyar madué kalih unsur
inggih punika unsur intrinsik miwah éktrinsik:
a. Unsur Intrinsik Puisi Bali sakadi :
Murda (judul) manut ring daging puisiné. dados
marupa peséngan, genah, kahanan, miwah
katerangan.
Unteng (Tema) manyihnayang paundukan tema
sane kasurat pabesen, sane karauhang ring
pamiarsa (pendengar).
Suara (Sajak, Irama) suara sane becik ritatkala
kawacén utawi kapirengan.
Wirasa (Emosi) inggih punika basa sané becik
turmaning anutang ring daging puisi.
Wangun puisi (Tifografi ) inggih punika
wangun utawi bentuk puisi sane kasurat,olih
sang pangawi wenten sane kasurat, pepolosan
kemaon wenten sane tawah-tawah.
Baris lengkara (Larik) inggih punika lengkara
ring puisi mangda becik tur lengut.
Kosa basa inggih punika patut pisan
kauningin, awinan kosa basa pacang
mresidayang ngwéhin puisi punika mangda
sida kamanahang, miwah kawirasayang
daging ipun wenten puisi sane nganggen basa
Bali Kasar, Alus Sor, Madia, miwah Singgih.
SARANA NGWANGUN PUISI
BALI ANYAR
b. Unsur Ekstrinsik Puisi Bali
Inggih punika ngunggahang indik kehanan sang pengawi saha madaging
pabesen,miwah tetujon sané kaaptiang.
SEKAR ALIT
PANGRESEP INDIK SEKAR
ALIT
Puisi ring sajeroning Kasusastraan Bali Purwa kabaos kasusastraan tembang. Kasusastraan
tembang inggih punika kasusastraan sané marupa awi-awian sané kawangun antuk tembang,
minakadinnyané marupa kakawin, kidung, geguritan miwah gegendingan, sané soang-soang
karya
sastra punika madrué uger-uger sané kawastanin padalingsa.

Daging padalingsané punika sekadi: akéh wanda sajeroning asulur, akéh sulur sajeroning
apada,miwah kanti suara Sekar alit taler kabaos sekar macapat santukan kadasarin antuk panarka
carané nembang utawi ngwacén, patpat-patpat sakadi sané ketah memargi ring Jawi, duaning
tembang macapat sané katami ring Bali kocap mawit saking Jawi. Sakéwanten, juru tembangé
ring Bali rikala nembangang sekar alit punika durung janten pangambilan ipun patpat-patpat.
Sané bobot kautsahayang inggih punika élah nembangang, manut ring uger-uger padalingsa,
manut teges kruna, tur becik kapirangan
TETUJON MLAJAHIN
KASUSASTRAAN TEMBANG
Mangda sida nguningin kautaman budaya Baliné sané mawiguna pinaka sarana nglimbakang budaya
Baliné
Mangda wénten anggén tetimbang midabdabin kebudayaan Baliné sajeroning ngarepin aab jagaté
mangkin
Ngmargiang pidabdab mlajah masrana antuk nyastra sakadi: malajah sambilang magending,
magending sambilang malajah.
Kanggén nincapang rasa bangga druéné makrama Bali
Kanggén nincapang seni, ilén-ilén, miwah unén-unén ring Bali
Mangda prasida ngamolihang daging-daging tatwa agama saha nincapang sradha bhaktiné sajeroning
ngrajegang budaya Bali
Sané ngranjing ring puisi tradisional inggih punika : Sekar Rare (gegendingan ), sekar Alit ( macapat),
Sekar Madia ( kidung ), Sekar Agung ( kakawin )
PADALINGSA SEKAR ALIT
Sekar Alit kawangun tur kaiket antuk uger – uger pada lingsa, inggih punika akéh
kecap wanda sajeroning asulur, akéh sulur sajeroning pada, miwah wangun suara ring
panguntat carik sane ketah kabaosang kanti suara utawi labuh suara ungkur. tiosan
ring punika patut taler guratiang
indik :
Guru Wilangan : uger - uger wanda sajeroning acarik
Guru Dingdong : uger-uger wangun suara ring panguntat sajeroning acarik
Guru Gatra : uger - uger katah carik sajeroning apada
PADALINGSA SEKAR ALIT
OM SANTIH, SANTIH,
SANTIH OM