PARAKOPRA

Tigsik ko an mga parakopras

Uminit umuran sinda nasa luwas
Pag sanggot, pag ba’tak, pag lukad; sinda gamay na
Maski mga lugad sa kamot dae iniinda.

Tigsik ko ining mga parakopras

Madurudiklom pa alagad pa-kanyugan na
Tanganing hilingon an nilutong kopra
Hila an damulag na pirmi nindang kaiba.

Tigsik ko ining mga parakopras

Saindang pangadyi ‘makusog na bagyo dae man lugod magrampas’
Tanganing mga lumbod na niyog, dae magwaras
Asin sinda may maguno saka maikopras.

Tigsik ko ining mga parakopras

Sa gobyerno sinda nangangapudan
Hababang presyo sinda mina-agrangay
Alagad mayong maginibo ta ini sana aram na hanapbuhay.
Photo by: Pinterest