kaniyang tunay na katauhan sa likod ng pangalang Simoun. Sa katunayan, siya ay si Juan Crisostomo Ibarra na nagbalik upang magbuo ng isang alyansa, maghiganti sa kaniyang mga kaaway, at manguna sa himagsikan laban sa pamahalaang Espanya. - Basilio
Isang mag-aaral ng medisina, matagumpay na
manggagamot sa kaniyang huling taon sa unibersidad at naghihintay na mailabas ang kaniyang lisensya sa kaniyang pagtatapos at siya rin ang kasintahan ni Juli na anak ni Kabesang Tales. Buod Pauwi na sana si Basilio nang mayroong siyang marinig na yabag at maaninag na imahe ng tao. Si Simoun, ang mayamang mag-aalahas. Naalala ni Basilio ang kaganapan sa mismong lugar na ito labing-tatlong taon na ang nakakalipas. Nilantad ng binata ang kaniyang sarili upang ibalik ang kabutihan nito sakaniya noon at namutla si Simoun dahil may nakakaalam na ng iniingatan niyang lihim. Tinutukan ni Simoun ng baril ang binata at balak paslangin para mailigtas ang kaniyang mga layunin. Ngunit alam ni Simoun na parehas silang pinagkakautangan ng lipunan ng katarungan at sa halip na ito’y kaniyang ipahamak, nararapat na lang na sila’y magtulungan. Ipinamukha niya rin kay Basilio ang kahangalan nito sa pagpirma ng kasulatan sa pagpapatayo ng Akademya ng Wikang Kastila. Dagdag pa niya na ito’y magiging ugat ng hindi pagkakaunawaan dahil ang wika ay ang diwa ng bayan at habang angkin ng bayan ang kaniyang sariling wika ay taglay niya ang sariling pag-iisip. Pilit binibigyang katwiran ni Basilio ang mga sinasabi ni Simoun na siya ay isa lamang hamak na mag-aaral ng medisina ngunit nilaban ni Simoun na walang mas higit na karamdaman ang papantay sa sakit ng bayan at walang kahulugan ang buhay kung hindi iaayon sa dakilang layunin. Sinabi ni Simoun na bukas ang kaniyang tanggapan kung sakaling magbago ang isip ng binata at bahala na siya kung anong gagawin niya sa nalaman niyang lihim, at tuluyan nang nilisan ni Basilio ang gubat. Mahahalagang Salita - “Ang wika ay ang diwa ng bayan at habang angkin ng bayan ang kaniyang sariling wika ay taglay niya ang sariling pag-iisip”
- “Walang mas higit na karamdaman ang papantay sa sakit
ng bayan”
- “Walang kahulugan ang buhay kung hindi iaayon sa
dakilang layunin.” Aral “ Ang pabubulag-bulagan sa tunay na dinaranas ng lipunan ay isang kasakiman at kaduwagan sa katotohanan bagkus nararapat lamang nating iparinig ang ating boses at ipaglaban ang karapatan ng bawat isa”.