korido. ● Naisasalaysay ang kaligirang pangkasaysayan ng Ibong Adarna. ● Nakakasulat ng isang maikling pananaliksik ukol sa bagong ideya tungkol sa Ibong Adarna. Balik-Aral Ano ang sanaysay?
Uri ng panitikan na nasusukat sa anyong
tuluyan na karaniwang pumapaksa tungkol sa kaisipan at mga bagay-bagay na sadyang kinapupulutan ng aral at aliw ng mambabasa. Balik-Aral Ano ang mga bahagi ng isang sanaysay?
● Unang talata – Panimula o introduksyon
● Pangalawang talata – Nilalaman o Katawan ng Sanaysay ● Pangatlong talata – Buod o Pangwakas Tulang Romansa Ang tulang romansa ay tulang pasalaysay tungkol sa pakikipagsapalaran at kabayanihan na karaniwang ginagalawan ng mga prinsipe’t prinsesa at mga maharlika. Naging palasak ang mga tulang romansa sa Europa noong Edad Media at maaaring nakarating ito sa Pilipinas mula sa Mexico noon pang 1610. Ngunit noong dantaon 18 lamang ito naging palasak sa ating bansa kasabay ng pagkakilala sa impremta at pagkatuto ng mga katutubo ng alpabetong Romano. Tulang Romansa Nagkasanib sa tulang romansa ang dayuhan at ang katutubo. Dayuhan ang (1) anyong pampanitikan na galing sa Europa at dinala rito ng mga prayle at sundalong Kastila; (2) ang mga tauhan, na may prinsipe at prinsesang may mga pangalang dayuhan; (3) ang tagpuan, na karaniwang isang malayong kaharian sa Europa; at (4) ang paksang relihiyoso na pinalalaganap sa pamamagitan ng anyong pampanitikang ito. Tulang Romansa Ngunit binibihisan na ang tulang romansa ng katutubong pagkamalikhain. Katutubo ang (1) wikang ginamit sa mga tulang romansa; (2) ang tradisyon sa pagtula na dati nang ginagamit sa panitikang salimbibig, tulad ng bugtong, sawikain, at iba pa; (3) ang mga talinghagang likas sa wika; at (4) ang mga pagpapahalagang pamana ng ating mga ninuno, tulad ng pagmamahal sa magulang, pagtulong sa nangangailangan at iba pa. Dalawang Anyo ng Tulang Romansa
Ang awit at korido ay ang
dalawang anyo ng tulang romansa. Nagkakaiba ang dalawang ito ayon sa sukat, himig, at pagkamakatotohanan. Pagkakaiba ng Awit at Korido KORIDO 1. May walong pantig sa bawat taludtod. 2. Sadyang para basahin, hindi awitin. 3. Kapag inawit, sa himig na mabilis o allegro, ito ay dahil maikli ang mga taludtod, wawaluhing pantig lamang. 4. Ang mga tauhan ay may kapangyarihang supernatural o kakayahang magsagawa ng mga kababalaghan na hindi magagawa ng karaniwang tao, tulad ng pagpatag ng bundok, pag-iibang anyo, at iba pa. 5. Dahil dito, ang mga pakikipagsapalaran ng mga tauhan ay malayong maganap sa tunay na buhay. Pagkakaiba ng Awit at Korido AWIT 1. May labindalawang pantig sa bawat taludtod. 2. Sadyang para awitin, inaawit sa tanging pagtitipon. 3. Ang himig ay mabagal o banayad, tinatawag na andante. 4. Nahaharap sa mga pakikipagsapalaran ang mga tauhan sa awit, ngunit higit na makatotohanan o hango sa tunay na buhay ang mga pangyayari. Walang kapangyarihang supernatural ang mga bida. 5. Maaaring maganap sa tunay na buhay ang mga pangyayari sa isang awit. Buong Pamagat ng Ibong Adarna
Korido at Buhay na Pinagdaanan ng
Tatlong Prinsipeng Magkakapatid na Anak ng Haring Fernando at Reyna Valeriana sa Kahariang Berbanya. Pangkaligirang Kasaysayan ng Ibong Adarna
Walang bansang matutukoy nang pinagmulan
ng Ibong Adarna. Hanggang sa ngayon ay hindi matukoy kung sino talaga ang sumulat o lumikha nito. Nanatilihing lihim ang awtor nito, bagaman may ilang naniniwala na ang nasabing tula ay isinulat ni Huseng Sisiw na palayaw ni Jose de la Cruz. Jose de la Cruz o “Huseng Sisiw” - Binigyan ng karangalang Hari ng mga Makata sa Katagalugan. - Isinilang siya sa Tondo, Maynila noong Disyembre 20, 1746. - Kinilala siya sa kahusayang sumulat ng mga tula kaya marami ang nagpapaturo sa kanya ng pagtutugma ng mga salita. - Ikinapit sa kanya ang taguring Huseng Sisiw dahil kung may nagpapagawa sa kanya ng patulang liham ng pag-ibig, ang hinihingi niyang kabayaran ay sisiw. Pangkaligirang Kasaysayan ng Ibong Adarna Taglay ng Ibong Adarna ang motif ng cycle na matatagpuan sa mga kuwentong bayan. Ito’y ang sumusunod: may sakit ang ina (isang reyna), isang ama (isang hari) at kailangan ng isang mahiwagang bagay upang gumaling - tulad ng ibong umaawit, tubig ng buhay, halaman, at iba pa. Maglalakbay ang tatlong anak ngunit, ang bunso ang magtatagumpay na makuha ang makalulunas na bagay sa tulong ng matandang ermitanyo. Pagtutulungan siya ng nakatatandang mga kapatid upang agawan ng karangalan, at magdaranas siya ng maraming hirap, ngunit magtatagumapy rin sa huli. Pangkaligirang Kasaysayan ng Ibong Adarna Ilan sa mga kuwentong-bayan na hawig ng Ibong Adarna ay ang sumusunod:
1. Mula sa kuwentong Scala Celi (1300)
2. Mula sa Hessen, Alemanya (1812) 3. Mula sa Paderborn, Alemanya 4. Mula sa Vaderbon, isinulat ni Gretchen Wild ang “Ang Maputing Kalapati” (1808) 5. Mula sa Denmark (1696) 6. Mula sa “Isang Libo’t Isang Gabi” Kabuuan ng Ibong Adarna - Ang koridong Ibong Adarna ay binubuo ng 1,056 na saknong at ang kabuuan ng aklat ay umaabot sa 48 pahina. - Nagkaroon ng pagkakaiba-iba sa gamit at baybay ng salita dahil na rin sa pasalin-saling sipi, ngunit noong 1949, dahil sa matiyaga at masusing pag- aaral ni Marcelo P. Garcia ay isinaayos niya ang pagkakasulat ng kabuoan ng Ibong Adarna partikular ang mga sukat at tugma sa bawat saknong. Pagbubuod Ang akdang Ibong Adarna ay isang tulang romansa dahil nagsasalaysay ito tungkol sa pakikipagsapalaran at kabayanihan ng mga prinsipe’t prinsesa at mga Maharlika. May dalawang anyo ang tulang romansa ang awit at korido. Ang Ibong Adarna ay isang korido dahil may walong pantig ito sa bawat taludtod at sadyang para basahin, hindi awitin. Pagsasanay! Paglalapat Mula sa mga nabanggit na kuwentong-bayan na hawig ng Ibong Adarna sa ikalawang teksto, saliksikin ang buod o ang kabuuang kuwento nito. Isalaysay sa klase ang mahalagang bahagi ng kuwento at isadula ito sa pamamagitan ng isang karilyo. Pagkatapos ng pagsasadula, tukuyin ng klase ang mahalagang detalye at mensahe ng akdang ibinahagi sa klase. Pagsasanay
Magtungo sa online quizziz link
na ibibigay at sagutan ang mga sumusunod na katanungan bilang pagtataya o ebalwasyon. Takdang Aralin Magsaliksik sa mga aklat o internet tungkol sa iba pang ideya tungkol sa kaligirang pangkasaysayan ng Ibong Adarna. Isulat ang buong talata at sa ibabang bahagi ang pinagkunan o ang sanggunian batay sa pormat ng pagsusulat ng bibliograpiya. Maraming Salamat!