Professional Documents
Culture Documents
Musset
1. Características do Romanticismo
O Romanticismo non é unha escola estruturada nin un sistema filosófico
claro, senón un movemento literario cuxos seguidores comparten consideracións,
reivindicacións e temas, sendo isto último o que mellor caracteriza este movemento.
É un movemento que chega a Francia medio século máis tarde ca no
resto de Europa, na década de 1820. Neste momento o teatro é un lugar de
enfrontamentos literarios, e así acontece na estrea, 1827, de Herrani de Víctor
Hugo, na que hai un enfrontamento físico entre defensores e detractores do
Romanticismo. Isto amosa o peso que tiña xa o movemento na opinión pública.
O Romanticismo supón unha reacción contra a literatura clásica de
autores coma Racine, Corneille ou Pascal, unha literatura na que imperaba a razón e a
impersoalización dos sentimentos. O Clasicismo estendérase desde o século XVII até
finais do XVIII (até que aparece a Ilustración).
1.1. Temas
1) Reivindicación do moi: a diferenza do que acontecía no Clasicismo o eu é o autor
e o tema fundamental, hai un desexo de individualizarse que se reflicte en obras
de contido autobiográfico coma as novelas de Chateubriand (René), as
memorias de Lamartine1 ou a autobiografía de Benjamin Constant.
2) Importancia dos sentimentos: a expresión da emoción persoal será o obxecto da
obra literaria, neste senso:
a) Rousseau é un precursor do Romanticismo, xa que expresa sentimentos
impúdicos.
b) Rompe coa bienséance ou decoro do Clasicismo, caracterizada por:
Evitar a expresión de emocións físicas e certos sentimentos
persoais, só se expresan sentimentos verosímiles sen saír das
convencións sociais.
Rexeitar a mestura de xéneros.
Rexeitar a representación de batallas ou mortes no teatro.
1
Di Lamartine “je m’exprime moi-même pour moi-même” (“exprésome a min mesmo para min
mesmo”).
2
Narra as aventuras de Julien Sorel, rapaz de clase social humilde que se propón ascender. Consigue o
seu propósito coa hipocrisía pero un acto de paixón (intenta matar a unha amante que lle fora infiel) fai
que acabe executado.
3
Conta a historia dun criado que é amante da raíña, quen o ascende a primeiro ministro, mais a súa
vida estará dominada pola fatalidade.
1
Literatura da Segunda/Terceira Lingua I: Francesa
2006/2007
USC
1. O Romanticismo; A. Musset
2
Literatura da Segunda/Terceira Lingua I: Francesa
2006/2007
USC
1. O Romanticismo; A. Musset
4) Outros:
a) Natureza: trátana con frecuencia como espello dos seus sentimentos.
b) O descoñecido, vontade de expresar as contradicións do individuo
(tamén na actualidade).
c) Mestura das artes (tamén na actualidade) como explicación da
realidade e como proceso artístico.
d) Desexo de expresión da alma, do aspecto espiritual do individuo. De aí
que parte dos románticos lle dean importancia á relixión.
***
En conclusión, o romántico busca mediante a imaxinación e a liberdade
creadora unha unidade superior e poética, onde se resolvan nunha harmonía ideal
as contradicións do individuo. O medio de busca desa unidade superior é a obra
literaria. O Romanticismo é un movemento de grande importancia porque renova as
bases da moral e da concepción da vida.
3
Literatura da Segunda/Terceira Lingua I: Francesa
2006/2007
USC
1. O Romanticismo; A. Musset
emprende unha tarefa que lle queda grande e que só pode ter un final
tráxico para el.
É un personaxe contraditorio: busca a xustiza por medios pouco xustos.
É unha imaxe romántica da confrontación do desexo individual
(xustiza) e a sociedade (comodidade aristócrata), o tema tráxico por
excelencia. É unha reflexión sobre a corrupción do poder e do destino
individual fronte ao poder.
Sitúase a comezos do XIX:
Obsérvase o mal du siècle porque é un reflexo da situación política de
1830, cando trala Revolución, o Imperio e a Restauración xa non se
confía na política como medio para cambiar a situación vital.
Por mor disto hai unha visión pesimista da Historia, e crese que o
progreso agravará a situación da maioría (liberalismo).
B) Outros personaxes con valor simbólico que definen actitudes humanas fronte ao
destino e a Historia:
Philippe: idealista, intelectual, pero tamén improdutivo.
Pierre: fillo de Philippe, simboliza o fanatismo político, o activista
irresponsábel.
Cardinal: poder oculto, encarna o mal.
Catherine: símbolo da inocencia.
Tebaldeo: pintor que se nega a aceptar o compromiso e usa a arte para
superar as contradicións individuo/realidade.
Florencia: a cidade de Florencia é un personaxe colectivo, é obxecto de
tódalas loitas e desexos e o seu dominio é a finalidade dos heroes. É só
unha metáfora da problemática Francia de 1830 (ansia dos románticos
de influír na sociedade).
A complexidade, a multiplicidade de acción e as actitudes dos
personaxes están relacionadas cun momento histórico: a Francia de
1830.
En xeral, os personaxes caracterízanse por:
a) Ser moi complexos, están cheos de contradicións, paixóns extremas e
contraditorias, son guiados polas súas emocións.
b) Son moi numerosos, a diferenza dos personaxes do teatro clásico, xa que se
busca expresar a complexidade da vida sen excluír nada. Isto é unha influencia
de Shakespeare, quen tamén inflúe na mestura de niveis (abstracto/concreto).
c) Esta complexidade non se reflicte na linguaxe, que non determina aos
personaxes xa que é sempre semellante (sutil, elegante).
d) Segundo a crítica, non afonda dabondo na psicoloxía dos personaxes (como si
facía Shakespeare).
4
Literatura da Segunda/Terceira Lingua I: Francesa
2006/2007
USC
1. O Romanticismo; A. Musset
2.3. Espazo
A) Florencia: 32 escenas e multiplicidade de espazos (rómpese coa unidade
espacial). Florencia reflicte o gusto dos románticos polo italiano, o seu
refinamento artístico e o seu exotismo.
B) 2 escenas nun campo.
C) Venecia: 2 escenas.
D) Montolivet: 1 escena.
E) 1 escena nun albergue.
En total, a representación desta peza supón 20 decorados (11 exteriores e
9 interiores). No século XIX hai un gusto polo espectacular, razón pola que se
desenvolve moito a maquinaria teatral.
2.5. Estilo
O estilo, igual có romántico en xeral, caracterízase pola variedade e o
rexeitamento do estilo clásico:
a) Variedade de tons: intervencións rápidas exclamativas ou interrogativas,
propias da lingua falada, ao carón de intervencións máis longas e
estruturadas que tratan, por exemplo, temas filosóficos (tradición clásica).
b) Variedade de rexistros: temas e frases de traxedia, de melodrama (en auxe
na época) ou de comedia; momentos de intimidade e momentos colectivos;
desenvolvementos líricos ao carón de desenvolvementos vulgares e mesmo
crus (imaxe do can, páx. 98).
c) Importancia dada ás metáforas e imaxes: é frecuente o diálogo poético, con
figuras retóricas, no que o emisor se dirixe ao público, non ao seu
interlocutor. En certas partes amósase un gusto polo estilo de finais do século
XVIII (Ilustración): sutil, espiritual, racional e moitas veces irónico.
En resumo, hai unha mestura de rexistros para expresar os sentimentos
do individuo romántico.
2.6. Fontes
5
É o caso de Antígona, que seguindo a súa ética enterra aos seus irmáns malia a prohibición do seu tío,
quen a terá que castigar por incumprir as normas.
6
Literatura da Segunda/Terceira Lingua I: Francesa
2006/2007
USC
1. O Romanticismo; A. Musset
a) Feito real acontecido en 1577: conspiración dun Medici para derrocar ao seu
curmán, recollico na Storia Fiorentina de Varchi. Esta anécdota é recollida por
Gerges Sanz (amante de Musset) nunha das súas obras, que inflúe en Musset.
b) Shakespeare.
c) Schiller (triloxía)
2.7. Temas
1) Le mal du siècle: angustia existencial por mor da aspiración ao absoluto (xustiza e
bondade) enfrontada á realidade mediocre e decepcionante.
2) Correspóndese coas características do drama romántico francés descritas por
Víctor Hugo no prefacio de Cromwell (1827):
a) Novidoso en termos e formas:
Debate alma vs. corpo, xa que a súa última finalidade é metafísica (o
individuo fronte ao destino).
Mestura de contrarios: elevado/baixo, cómico/tráxico (ananos6 de Rubens
ao carón do monarca), sublime/horríbel (o 2º dálle máis valor ao 1º).
b) Presenza do grotesco como verdadeiro elemento fundamental da poética
(sátiros, harpías, parcas). A súa importancia reside en que cuestiona o
idealismo. Para o que os románticos consideran “espírito moderno” o horríbel
está en tódolos sitios.
c) División esquemática dos personaxes:
Sublimes: ideais, puros. Inflúen neste caso personaxes de Shakespeare
coma Xulieta.
Ridículos, deformes, horríbeis.
Outros que están entre os dous anteriores, pero que nunca son personaxes
da vida cotiá.
d) Importancia dos temas históricos que reflicten transformacións da sociedade
(tamén os movementos de masas, non só os aristocráticos).
e) Abandono da división tradicional de xéneros imperante até 1827 (traxedia vs.
comedia), agora mestúrase o grotesco e o sublime. O lirismo é a fonte
fundamental do drama romántico.
f) Liberdade da arte, sen regras nin normas.
g) Crítica á regra das tres unidades:
Unidade de tempo: accións de máis de 24h, mesmo accións simultáneas
(moi importante para a historia do teatro).
Unidade de espazo: amosar diferentes espazos para amosar tamén os
diferentes niveis sociais. Ademais hai un gusto polas imaxes visuais.
Unidade de acción: é máis limitada, Víctor Hugo recomenda unha certa
unidade que se manterá.
O drama romántico supón unha abertura con respecto aos modelos
neoclásicos aínda que, malia proclamar a liberdade da arte, dita unha serie de normas.
O seu período de apoxeo dátase:
a) Entre 1827, cando Víctor Hugo describe as súas características no prefacio de
Cromwell e 1843, coa obra Les brugraves do mesmo autor.
b) Segundo outros críticos o período sería máis amplo: 1820 – 1848.
6
Símbolo do grotesco para os románticos.
7
Literatura da Segunda/Terceira Lingua I: Francesa
2006/2007
USC
1. O Romanticismo; A. Musset
***
Por outra banda, entre 1840 e 1890 o teatro non terá unha grande calidade
literaria, haberá intentos realistas e naturalistas fracasados até 1887. É, ademais, un
teatro que practicamente só se representan en París.
9
Literatura da Segunda/Terceira Lingua I: Francesa
2006/2007
USC