8.

VANTUNGMI THUMNA TAANGKONA

(A Maanlo Biakpiakna Thu Patau Hilhkholhna)

Hih thupuak taangkonate avekin thu thum (nam thum) bangin ahih hangin apaizia, adeihna kituak,
agenna uh akibang thu khat sungah om ahihna phawk ciatni, Tua ciangin athumna vantungmi
hong pai-in awging lianpi tawh akiko khia hi. Mang. 14; 9 agual masa. Amaute aman Pasian biakna
panin lampial ahihna thu zong tua thu thum sung mah ah kimukhawm thei hi, Tua ganhing leh alim
bia-inataltang ahih kei leh akhut tungah ciamtehna angah mi peuhmah in. Mang. 14:9 atawpna
lam.
Pasian biak ding sangin athumanlo biakpiakna sungah atualbial mite ii mailam nunzia ding bang hi
ding ahiam? Pasian leenggahzu zong dawn ding uh hi. Pasian in Amaa hehna ahi leenggahzu
khauh pen Amaa hehna hai sungah adim takin sung khinzota hi. Tua bang mite pen asiangtho
vantung mite leh Tuuno mai-ah meikuang leh kaat khu tawh gimna kipia ding hi. Amaute
akibawlsiatna mei, khu tawntung-a, ganhing leh alim bia-in amin kigelhna anei mi peuhmah in asun
azan in tatsat lo-in gimna thuak pai suak uh hi, aci hi. Mang. 14:10, 11. Isa. 33:13; 34:1-10; Heb.
12:29.
Hih patau hilhkholhna asang siam, angai, amangte nunzia koici bangin kiciamteh ahiam? Pasian
thukhaam (thupiakna) zui-in Zeisu tungah acitak Pasian mite adingin thuakzawhna kisam hi.
Mang. 14:12.


9. THUNEIHNA ANEI GANHING (SAPI) KUA AHIAM?????
Hih patau hilhkholhna thu tawh kisai atawpna lam-a akigen biakpiakna anei hih ganhing ii aom zia,
sepzia bangci bangin kigen ahiam? Tua laitak-in tuipi sung panin ganhing khat ahong pusuak kamu
hi. Tua ganhing in kii sawm leh lutang sagih nei-a, akii sawmte tungah lukhu khat ciat oma, alutang
sagihte tungah min hoihlo khat ciat kigelh hi. Tua ka muh ganhing pen Kamkei tawh kibanga,
akhete Vom khe tawh kibang-a, akam pen Humpinelkai kam tawh akibang hi. Gulpi in tua ganhing
tungah amaa vaangliatna, amaa tokhom leh thuneihna lianpi apia hi. Mang. 13:1, 2.
Tuipi panin ong pusuak na tuamtuam, thu tuamtuam akigawm tua ganhing sungah ciaptehna lim
atuamtuam leh limciingna atuamtuam hi-a Daniel 7na sungah akigen Rome, Greece, Medo-Persia
leh Babylon limciinna vive ahi hi.
Asang Pasian alangpan kammalte mi siangthote abawlsiatna, amau gamtat nading hun akisehsakna
Daniel 7:5-7 te in hih ganhing pen lutang sagih anei, Daniel 7 na sunga kii neu tawh kibanghi, tua
ban-ah tua ganhing pen khangthak Babylon, Pope ahi hi. Pasian bek mah biak ding ahihna thu?hi
mah tase leh hih ganhing biakna pen Pope thupit sakna, pahtawina lahkhiatna hi mawk h. Pope ii
thuneihna tawh abawl hih biakpiakna pawlpi sungah Babylon, Medo-Persia, Greece leh Rome gamte
ii dawi biakpiakna, lawki biakna upna te kihel-a, tua akigawmkhawm lim leh meel apua ganhing ii
gamtatna, tatzia lahkhiatna ahih banah Khristiante min leh om zia nuai ah akiseel, alimciing khat
zong ahi hi. Daniel 7:2.
Tua bang thu leh la te Roman te ii siampi ahi athunei Ponti Fex Maximus in zom to suak hi.
Kiphatsakna, athupi mahmah kisaktheihna tawh hih Pontifix Maximus in akiniamkhiat, amigi Zeisu
ai-awh, alimciing khat hing ci-in kigen hi. Tua ban-ah Mangmuhna Lai Siangtho sungah Pope ii
thuneihna, tokhom, thuneihna leh vaang aneihna te pen Khazih kiang panin ong pai khia ahih lohna
kigen hi.
Ganhing abia, anungzuite hangin bang vauna, hilhna hong om ahiam? Gulpi in tua ganhing tungah
amaa thuneihna pia ahih manin mite in tua gulpi abia uh hi. A ganhing zong bia uh-a, Hih ganhing
tawh akibang in kua om-a, kua in amah su zo ding ahi hiam? aci hi. Mang. 13:4.
Tua mah bangin kua ii ukna, thuneihna phinna, tona, vauna kinei ahiam? TOPA aw, nang tawh
akibang kuamah omlo hi. Nang Na lian-a, Na min vaanglian mahmah hi. Jer. 10:6; Late 71:19;
86:8; 89:6, 8 te zong sim un.
Mihingmawhna atuam sitset, akhentuam vilvel bang teng kipholaak, kimu thei ahiam? Ahi
zongin, kuamah khemsa-in ta kei un. Bang hang hiam cih leh nakpi tak-a, Pasian langpanna lianpi
leh hell khuk sunga tung ding ahi Agilopa ahong kilat matengin tua Ni hong tung lo ding hi. Tua
Agilopa in mite biak pasian akici khempeuh leh na khempeuh nialgawp ding hi. Tuate khempeuh
sangin alianzaw in akingaihsut ban-ah, Pasian ka hi hi, ci-in Pasian biakinn sung mahmah ah pai-in
vatu ding hi. II Thes. 2:3, 4. (Hih website sunga; Earths Final Warning sim un).
Babylon in leitung minam atuamtuam te bang dawn sak ahiam? Amah in ahuk alanna leenggahzu,
mi khempeuh tungah pia in akhamsak hi Mang. 14:8 atawpna lam.
Tua mah bangin ganhing zahtakna apia leh Babylon thuhilhna asang, azuite in adawn ding uh bang
ahiam? Pasian leenggahzu zong dawn ding uh hi. Pasian in Amaa hehna ahi leenggahzu khauh pen
Amaa hehna hai sungah adim takin sung khinzota hi. Mang. 14:10 amsa lam.
Zeisu sisan tawh akibawl thuciamna thak ahi TOPA hai leh Babylon hai ahi hehna thangpaihna
leenggahzu hai te hih leitung mite ading kipia hi. Amasa hai ahi TOPA hai adawnte ahih leh
athuman lungdamna thupuak angahna uh hangin tawntung nuntakna kipia dinga, ahi zongin
Babylon hai sunga leenggahzu adawnte ahih leh Pope ii thuhilhna athumanlo thupuakte asang azui
ahih manun Pasian lungkim lohna, hehna hai sung panin Pasian hehna lenggahzu adawn ding uh-a,
athaman angah ding uh hi. A thuman lungdamna thupuak ii deihna pen tawntung nuntakna cihna
hi-a, a thumanlo thupuak cih adeihna pen tawntung sihna ahi hi.


10. A THUMANLO BIAKNA PIAK DING THUNEIHNA TAWH SAWLNA
Ganhing biakna piak nading alotheilo nadingin bangci bang thuakna, gatna thamna tawh kivau
ahiam? Tua ganhing nihna in ganhing masa lim dingin akibawl milim sungah ahu amuap uh ciangin
hong pau thei-a, tua milim abialo khempeuh thah theih nadingin thu angah hi. Mang. 13:15.
Mi khempeuh in ganhing ciaptehna angah nading hanciam-a thuneihna tawh tawsawn in hih
khuavannuai ah bang thu tawh nialna, thuneihna kizang ding ahiam? Tua ganhing in alian aneu,
ahau azawng, sila leh sila ahilo, mi khempeuh in ataklam khut tunguh ahih kei leh ataltang uh ah
ciamtehna aneihna dingun thu apia hi. Tua ahih manin tua ganhing min ahih kei leh amin tangin
anambat ciamtehna atungah aneilo mi peuhmah, van lei van zuak in pai khia theilo uh hi. Mang.
13:16, 17.

11. SATAN AHIH KEI LEH PASIAN?
Ganhing tungtawn in na sawm thuneihna, vaangliatna anei taktak kua ahiam? Gulpi in tua ganhing
tungah amaa vaangliatna, amaa tokhom, leh thuneihna lianpi apia hi. Mang. 13:2.
Gulpi acih kua ahiam? Tua ciangin, tua taanglai gulpi, Dawimangpa ahih kei leh Satan akici,
leitungmi khempeuh akhempa pen avantungmite tawh leitungah kilawnsuk hi. Mang. 12:9.
Dawimangpa in koici bangin amah pen Zeisu in abiak nadingin bangci zol ahiam? Tua ciangin
Dawimangpa in Zeisu paipihto-a, thakhat thu-in leitung gam khempeuh alah khit ciangin, Hih te
khempeuh keimaa tungah ong kipia khin ahih manin, ka piaknop peuhpeuh tungah kong pia ding hi.
Keimaa mai-ah kunin, ong bia lecin hihnate khempeuh nangmaa-a hi pah ding hi.. Luke 4:5-7.
Koci bangin Zeisu in Pasian tungah acihtakna lak ahiam? Zeisu in, Lai Siangtho in, Topa na
Pasian bia-inla, Amaa na bek semin, ci hilo ahi hiam? ci-in adawng hi. Luke 4:8.
Hih nam thum, thu thum vantungmi thumte taangkona Mang. 14:6-12 sunga thupuakte pen Khazih
leh Satan kikaal kidona lianpi ii atawpna, azawhna thu tawh kizopna nei hi. Lucifer in amah pen
Pasian dinmun luah theih nading lunggulh in athu zong hi Isa. 14:12-14, tua banah Pasian bek mah
biak ding thu hi mah napi Satan zong amah akibiak theih nading hanciam hi. Pasian thukhaam
tungtawn in atawpna sittelna ong kinei veve ding hi. Pope in amaa thuneihna tawh alaihkhiat
Pasian thukhaam leh apaizia te zui-in pom thei-a, ganhing ii thuneihna tawh agamtatna athukimpih
te pen ganhing bia-a, amaa ciaptehna asang, amaa lim acing te hipah uh hi. Tua bang mite pen
Pasian thuneihna alangpang dingin Satan in apawl dingin zang theipah, pompah, lammat pah hi.
Ganhing bia-a, zuih ding thupiakna, ngetna ah mi bang zah in anungzui ding ahiam? Tua ahih
manin akigo Tuuno laibu sungah anungta ding mite min, leitung pianmaa pekin akikhumna-ah
akihello leitung mi khempeuh in tua ganhing bia ding uh hi. Mang. 13:8.
Thukhenna hun-a akitaangko thupuakna ah kua bang mite biakpiakna, pahtawina, zahtakna, launa
anei dingin kisam ahiam? Amah nakpi takin kiko-a Amah in mihingte thu akhen ding hun hong
tungta ahih manin Pasian kihta unla Amah phat un. Van leh lei, tuinak leh tuipi te Abawlpa bia ta
un, aci hi. Mang. 14:7.
Limlang tuipi tungah kuate in gualzawhna lasa ding ahiam? Tua ciangin mei tawh akihel
limlangpeekpi kiphah tuipi tawh akibang kamu hi. Ganhing, alim leh amin nambat tawh akipiasa
azote, Pasian lasakna harpte tawi-in tua tuipi tawh akibang gei-ah ading uh hi. Amaute in, Pasian
nasem Moses la leh Tuuno la sa uh-a, A Vaanglian Topa Pasian aw, Na nasepnate lamdang in lian
mahmah hi. Khang tawntung-a kumpipa aw, Na nasepnate ah thumanin na thutang hi. Topa aw kua
in nang hong kihta lo dinga, Na liatna hong phat lo ding ahi hiam? Nang bek Na siangtho hi.
Thuman-a Na sepna te mi khempeuh in mu ahih manin minam khempeuh Nang kiangah hong pai-in
Na mai-ah Nang hong bia ding uh hi. aci uh hi. Mang. 15:2-4.