Since 2006

ZAM Information Department

Volume 6, Issue 33 January 22, 2012

Estd. 2006

informing people, transforming lives

Na sepna khempeuh uh ah ki-itna tawh na gamta un. I Korin 16: 14

Khutme Mekding Vai Ahun Kikhinto
January 19, 2012 ni-in, UNHCR-CDU te makai-in Kipawlna makaite tawh kikupna leh thu pulakna hun khat Chinese Assembly Hall ah ki bawlkhawm thei hi. ZAM Lutangpi va kihel in, 2012 maban omziate va zathei hi. Hih kikupna pen, a taktakin, kum 2012 sung UNHCR leh Kipawlnate-in galtaite aa ding nasep khopzia ding, a thupi maban tampi kikupna hizaw hi. Hun sungah, UNHCR lam panin thu pulakna khatah, khutme mekding vai zong kihel hi. Nung kum sungin, a gelsa uh January kha sung kipan ding cihpen vai lemlohna om cihding hiding hi. March kha ciangin, KL Selangor pualamte pan khutme meksak kipanta ding, cih thu tangko uh hi. Kumpi thunei immigration te leh UNHCR Registration uliante kithuah in semkhawm ding uh aa, UNHCR card tawite bek meksak ding uh hi. Abeisa Putra Jaya kipai lai hun danin kuamah mawk delh cihbang omtheilo ding aa, ih omna tawh kinai penah hong pai ciang bek un khutpi mai mekding ahih manin, kuamah lung himawh khol selo aa ih omna ih veng hong tun ding ngak hithiat ding himai hi. Bang hunin, bang veng/khawk te-ah ki vaihawm ding cihpen UNHCR pan hong zasak khol hamtang ding uh hi. A thupi pen ah, a beisa khatvei ih kithawi lai danin, hun tomno sung aa va delh ngeingai ding hilo hi. Kikupna sungah, UNHCR lampan pulakna thak khat nei uh aa, tu aa kipanin, Kipawlna khat peuhpeuh ii nasep zia leh ki vai puakziate tung tawnin, thu zaksak ding leh kikupna sap leh saploh ding amau-in khentat thei uh hi, cih pulak uh hi. Hih ni mahin, nung kum sung aa Ki Makaihzia Thusinna azo khempeuh zong Pahtawina Laipi pia banah, Kipawlna zumte aading Theihpihna Laidal tukum aa dingin a thak pia khia thei uh hi.

Mipi Theihhuai ZSM Thukhentat Pawlkhat

January 20, 2012 ni-in ZSM OB teng leh Thudotpite kikupna khat kinei aa, anuai aa bangin thu khentatna kinei thei hi; ZSM/2012/01 - Naungek kha (2) nuai a site vai kikupna kinei aa, a nu leh pa ZSM ah member lut ahih nak leh ZSM in panpih ding aa, sivui ding vai tawh kisai-in, ZSM makaite, si nei nu leh pa te leh zatote thukimna bangin kisem dingin vekpi thukim na tawh ki khentat hi. ZSM/2012/02 - Thukhun D. Pawllutna nuai a III & IV March kha a nunung penin ZSM member lut ding cih tawh kisai kikupna kinei aa, a kha (a hun) ciangtan omlo-in pawl hong lut hunhunin kisang ding hi. Theihding: A lutma-in asih zenzen leh pawllutlo mahin ki ciamteh ding aa, panpihna ngah tuanlo ding hi. Lutpah ding cihnopna hi. Zomi Genvai Kipawlkhopna

Zomi Nam Ni Aa Ding Sum Khiakhinte

January 15 leh 21 kikal apia kipawlna, pawlpi leh mimal: AZCF RM100 CMF RM200 Tungzang RM200 Valvum RM100 Saizang RM200 IZCC RM200 Ngalbual RM100 Singgial RM100 ZCF-Dengkil RM100 MSCCF RM200 Life Mission Church RM100 Lamzang RM100 Sia Mangpu (Tungzang) RM50 Sum tawh ma panna ih neihtek ding a kizomto hi aa, January 31, 2012 ma peuhmah in ih khiattek ding ahi hi. iNFO [ZND Committee]

Zomi Cup Kipanta Ding

January 23-27 sung Khua (26) tukpeng kidemna tawh ki lawmtatna Taman Pudu Ulu (Maruli) ah kineita ding hi. Kimawlna tualpi sung leh a kiimah Tualpi huangsung mahah om khinkhian zaw in, apualam peuhmah ah gamtat ziate kidawm tek ni. Paisuk, paitohna kidawm mahmah ni; Pilvang ni. Buaina khatpeuh a omnak leh a langkhat kia buai cih omthei ngeilo aa, alang khat tuak khialhna nei ki cithei hi. Kikupna sung aa ih gensa mah bangin, thunei palikte zong hong hawhding uh hi. A picing zaw, thukhual zaw leh lungduai zaw Kidemna hisak ni! Tualpi sung leh a kiim aa om peuhmahin, pawi a nawngkaisak theiding vai khat peuhpeuh a om leh unau lungsim tawh ih daalkhop tekding thupi hi. leh tui kizuak ding hi. Vaikhak kholhzong kingah An hi. Apua lampan vanzuak tuamtuam kiphallo hi. Khamtheih guihtheih peuhmah zangh theilo, keng theilo! Zomi-te pawi hiin, Zomi min leh vaihawmkhop siamna a lakding hihang! January 23 ni Khua makaite vaipuak ding A kimawl khempeuh January 23, 10am lapin (pello) ih tunkim kul hi. Khua min laipi tawiding numei khatta tonpih kul hi. Khua khat peuhpeuh 10am ma nong tun phet un Committee te hong theisak pah un. Laidal, ngawng-awh hawmding leh ki vaikhak ding pawlkhat om hi. Kigualin thugenna hunno neihzawh ciang, khua khatkhit khat maan (photo) kizaih hamtang kul hi; Tua maan pen mah kimawldingte sitna-in ki zangsuak ding hi. Vai khatpeuh thu kizaktheihna: Tg. Kham (016 340 6743), Hau Khai (012 367 4665)

ZRDP Maban Panpihna Piate

Anuai aa ZRDP vai mapanna anei khempeuh ii sumtangte a ngah dingte tung ki khakkhin hi; SNO Malaysia - RM400, Zomi Ebenezar Malaysia - RM120, Sezang Vontawi Malaysia - RM200, Lailo Khua Kipawlna - RM1000, ZCF Kajang - RM500, Mualpi Khua Kipawlna - RM580, Pa Dai Za Kam - RM200, Rev. Dr. Zam Khan Thang - RM100, Sia Kap Lian Thang - RM100 Sia Zam Khan Sang - RM50

Mai Kaal Sung ZAM Palai Nasepzia Ding ZAM palai

a tamzaw Zomi Cup vai tukpeng tualpi-ah buaikul leh vaidang tampi kinei ahih manin, ZAM zum pen vai a omzia zui-in kihong zo bekding hi. Vai a om bangbang palaite tawh kikup masak thupi hi. Card bawlding, card tawikum behlap ding vai neite-in 014 220 1850 leh 016 285 1234 ah hopih masa-in ahun kikup ding kisam hi. Deihloh penin damlohna emergency vai a omkhak 012 920 5881 ah ki hopih thei hi. Zum vai neiding, a gamla aa om meltheih tanaute na hilhsawn sak un. Zumpite Kikhak RSC, DHS leh UNHCR zumte January 23 leh 24 ni zum khakding uh hi.

ZAM THUPUAK THUKHUN 2012

A. Min, Omna, Gamgi I. Amin: Kipawlna minpen Zomi social welfare of Malaysia (ZSM) Zomi Genvai kici ding hi. II. Amun: Jalan Maharajalella, KL, Malaysia III. Gamgi: Malaysia Gamsung teng. B. Ngimna I. Malaysia a om Zomite Sihna Mannate-ah khat leh khat vai ki puakpih ding. II. Luang pham ding omlo Zomite sihna manna aphu kha ih om leh panpih zawh nang. C. ZSM Member lutna dingin a kisam thute I. Malaysia gamsung a om Zomi hi hamtang ding. II. Hih kipawlna thukhunte zuih dingin a thukim pih mi hi hamtang ding. III. A zi (ahih kei leh) A pasal, Anu (ahih kei leh) A pa khat zawzaw Zomi hi hamtang ding. D. Pawl lutna I. Pawlpi ahih kei leh Khua Kipawlna khat peuhpeuh panin ZSM sum kum 1 ai RM10 akhia peuhmah member lutin ki ciamteh hi. II. Calender kum January ni 1 ni pan December 31 ciang tawh kizui-in, Malaysia ah a om tan vei kum sialin kumsum RM10 ta tawh Member alut mi hiding hi. III. ZSM kumsum don Calender kum ii March kha a nunung penin ZSM OB khat peuhpeuh tungah apia hi hamtang ding hi. IV. Kongzing gamlatna hang leh thu zaklo manin March kha a a khiatzawh kei leh kum beima-in khia ding aa, ahi zongin a sumpi pen kumbul pan panto-in RM10 mah khia ding hi. V. Kum ciangtan omlo mi khempeuhin member sum khia ding hi. VI. Pawlpi ahih keileh Khua Kipawlna pan ZSM zumpiah a kipuak min sazian a kihelte bek pawl lutin ki ciamteh ding hi. VII. Pawlpi khat aii ahih kei leh, khua khat aii kipawlna khat aii cih bangin mipi tangin ZSM sumkhia theilo ding hi. E. Member Khat I Ngahtheih Hamphatnate I. Han leitang leina leh Bus khat sap manh ki vansak ding hi. (A HUN ZUI HIDING HI.) II. Siluang lei-ah khiat theihna dingin a kisam zumvaiteah ki vanpih ding hi. III. Biakna ngeina vai khempeuhah ki panpih ding hi. F. Member Lutlote I. Biakna pawlpite, Khua Kipawlnate leh Kipawlna khat peuhpeuh panin min sazian leh kum sum RM10 a kipuakna-ah akihello min khempeuh member pualam mi-in ki ciamteh ding hi. II. Zomi khat ZSM member lutlo-in sihna atuah zenzen aa, avan ding a om keileh ZSM in mei-ah halna (Cremation) ciang ki vansak ding hi. (Bus tawh ki panpihlo ding hi.) III. ZSM member lutlo khatin sihna manna hong tuakin kipawlna khatpeuh pan tua luang hawm panpihna Makaipite (Office Bearers) President Pa Kam Lian Mung (016 995 6231) Vice President Tg. Tuan Sawm Tuang (016 254 4093) Secretary (1) Tg. Kap Lian Thang (012 620 2125) Secretary (2) Rev. Ngul Khen Pau (017 368 7250) Secretary (3) Pa Joseph Kam Tung Sang (012 920 5881) Treasurer (1) Pa Zam Cin Dal (016 205 3370) Treasurer (2) Tg. Thaa Mung (016 646 5375)

January 22, 2012

ZOMI SOCIAL-WELFARE OF MALAYSIA (Zomi Genvai Kipawlkhopna)

la-in, ZSM panpih ding hong koh uh leh Service teng leh aki tangsam vanteng bek tawh ki huhding hi. IV. Malaysia gampua lamah Zomi khatpeuh si-in ZSM ah huhna hong nget uh leh ki panpihlo ding hi. (Banghang hiam cihleh ZSM pen Malaysia gamsung Zomite genvai kipawlna bek ahi hi.) Member Pan Khawlna I. ZSM member khat Malaysia pan alalkhiat, azinkhiat leh member in ki ciamteh nawnlo ding aa, tua kum sungin mundang khatah sihna atuah leh member khat ii ngahtheih hamphatnate kipia nawnlo ding hi. (Sum kipia kik nawnlo ding.) ZSM Fund leh Fund Raising I. Pawlpi (ahih kei leh) Khua kipawlna leh kipawlna tuamtuamte bulphuh in member te khiat kumsum RM10 pen ZSM fund sum dingin ki ciamteh hi. II. ZSM tawh a kipawl Biakna Pawlpite leh Khua Kipawlnate-in Kizopna Sum kum 1 in RM200 ZSM zum ah puakding hi. Nasepziate I. Biakna leh Pawlpi tuamtuamte bulphuhin kumsum RM10 ta dongin vai kipanpihna. II. Khua kipawlnate tawh ma pangkhawmin biakinn azuan manlo nasem aa om, Zomi te amau Khua Kipawlna ciatpan member lutthei ding hi. III. ZSM member khatpeuh deihlo penin sihna manna atuak zenzen aa leh han leitang leh Bus khattawh panpihna ngahding hi. IV. Han tan zawh nang a kisam zumvai teng ki vansak ding hi. (Gentehna UNHCR zum, Zato, Palik) V. Christian ngeina (ahih kei leh) misi nu/pa ii innkuanpih leh ZSM tawh kikum khawmin biakpiakna (service) ki bawlsak ding hi. VI. Aki tangsam bangin tha leh ngal, pilna siamna neihzah tawh ki panpih ding hi. ZSM Kilamzia I. Thu dotpi (Advisor) - 6 II. Office Bearer (OB) - 7 III. Pawlpi leh Khua Kipawlna pan palai (Delegate) - 1 IV. ZAM pan President (ahih kei leh) Secretary panmun hong la-in ma hong pangding. Fund Sum Zat Theihna I. Meeting Refreshment te II. Haan leitang leina manh leh Bus sapna manhte III. Palik zum, UNHCR zum leh Zato painate-ah TA tuamtuam leh zum tawh kisai vanzat leh laikung, laidal, laitui manhte IV. Thu kizakna ding aa a kizang phone-bill manhte V. Siampi noptuamna VI. Khua Kipawlna min tawh Kizopna Sum khia te sungpan mimal Member lutlo 1 a sih leh RM500 tawh Khua Kipawlnate tungah galna kipia ding.

G.

H.

I.

J.

K.

NB: Sihna programme bawlna aa beizah si neite-in apiak kei aa, a kisap leh zangthei ding hi.

PANMUN 2012
Thudotpite (Advisors) Rev. Dr. Zam Khan Thang Rev. Philip Pum Khan Khai Sia Francis Do Lian Kham Pa Nang Khan Pau Pa Dai Kam Pa Suan Khan Mang