Allahu Akbar 9 x Wallilahil Hamdu . . . : . : . . . . .

Allahu Akbar 3X walillahil hamdu. Kaum Muslimin malabirika ngaseng niaka hadere Anne Allowa taena bukuang kana masarro labirangngangan ia akkulle nirampe-rampe passangngallinna pappakalompo siagang pammuji mange rikaraeng kaminang kammayya iami antu karaeng Allahu Taala taena karaeng akkulle ni somba, nikussiangngi, nikamalakkang, nipanganro-nganroi ri allo bangngi passangalinna, riayai tallasallatta, riayai matenta ri iya tongki sallang nipoterang punna narapi ero kalompoanna. Sallang pappasalama saniasa nikiring mange rijunjungang nabita Muhammad SAW, Ia Nabi ajari suro mange ritompona linoa anne, taena maraeng poro ampacinikangki singara siagang pappijojo mange rikasalamakkanga baji ri lino labipa ia ri allo riakherat Allahu Akbar 3X walillahil hamdu. Tau Toa Sa,riba,tan tunipakala,birika ngaseng niaka Hadere Anne allowa niaki ritampa lebaka nipassamaturuki nisangkanai, nipabulo sibatangngi untuk assibuntu-buntulu, julu agama, sicini-cini, sibija sipammanakang appakajai takabbere pammuji pappakalompo rikaraeng Allahu SWT. Ampasituruki kananna Allahu Taala ilalang ri Quran malabirina S.Al-Ahzab 41

Battuanna:Ee sikamma tumatappaka angngu,rangiki mange ri karaeng Allahu Taala siagang pangngurangi sijai-jaina. Anne allowa battuki ribundu lompowa ambunduki hawa nafsuta, sibulangki sallonna massing Allati kalenta bajikana, lamma nyawa, lamma ati,lammoro passare-sare, ampelaki sifat tampowa, takabborotinggi langgaya, sifat eroka nikana nipelami sipakodiya, nibokoimi pappisangkaya, pang gaukang bajimami nigaukang, passuroang nilaku-laku,sipa boyaimi baji natenamo naki sipaboyang kodi, nakammayammi anne antama rigolongang tumatappaka siagang malla rikaraenga anggappa predikat lallakum Tattakun singkamma najanjiangki Allah Taala ilalang ri kitta malabirina ilalang risurah Al-Baqarah ayat 183: Battuanna:Ee sikamma tumatappaka niwajikkangi mange rikatte ngaseng untuk appuasa sangkamma todong niparentangi mange ri ummat leba lalowa dasi na dasi naki antamaja rigolongangna tumallaka Anne allowa battuki ribulang rumallanga appuasa, appakajai amala baji appasulusakka, lanynyimaki ridosa kammatong lanyinynna ana berulassuka battu ribattanna anronna.

Inai-nai appuasa angentengani sambayang, akkusiang siagang tappa na are relanna Alla Taala.Lanyingi dosana sangkama ana beru lassuka ribatanna manronna Allahu Akbar 3X walillahil hamdu. Kaum Muslimin mabirika ngaseng niaka hadere Mingka anne allowa assibokoimaki bulang rumallanga bulang malanynyinga, bulan tarranka ribarakka,abbokomi tamammaliang Kaddeji kilangngere saranna bulang rumallanga appalakkana rikatte manassa rerai atinta,dinging-dinging pamaitta lari jene matanta kamangei rikatte appalakkana Assalamu alaikum ya-Ayyuhal muslimina wal muslimat Assalamu alaikum Ya-Ahlus siyaam Assalamu alaikum Ya-Ahlut Tarawih Assalamu alaikum Ya-Ahluz zakat Assibokoimaki anne mingka tenaja kisassa lalang katarompoki ripassawallang, rassiki ripammetengang kagannaki puasata, sukkuki taraweta, loei sambayang lantang bangnginta,tammattongi baca quranganta, nalappasa zakka pitaratta, lassicinikki sallang ridallekanna Allah Taala.Kamma rinakanana nabita Lishoimi Farhatani,Farhatan indal Yuftiru wa farhatan Indalliqai Rabbi Naiya tau puasaya langgappai rua kassanangngang sannangi wattunna abbuka sannnga tongi riwattu assibuntuluna Allah SWT Sambayanta ajari sabi, kado danniarita ajari kanre, jene inung siagang jakkatta ajari palalangang ripadang mahsyar silamaka matanna Allowa tallantena riulunta. Allahu Akbar 3X walillahil hamdu. Tau toa Saribattang tunipakalabirika ngaseng niaka hadere Bullang rumallanga mange tongi ritau mongkereka battu ri passuroanna Allah Taala appalakana: Allampama anne kurangsiri ,kurang malla taena pangngali rannumaki anne alloa katenamo kikasirikang taena tommo kisiri-siri karata mi tawwa anganre anginung riwattu allowa, Anne allowa sannaki rannunu mingka sanna cilakata, rassiko rikarugiang tarompoko ri sassa lalang, nisungkei suruga mingka naraka kipammantangi nakiajari papparinra rinaraka nibalambang ri tompona Nampapi nasassala, kalenna tau tenayya naero anggaukang pakkusiang ilalanna anne bulanga tau niaka ansia-siakangi rumallanga napassabakkang kasibukanna angngondangi usaha katalassang linona. Sassa lalang tena na leba riolo, riboko tompi manjina mappilannassi Kupakaingakki kammaya tompa ribatang kalengku angkanaya tea laloki angkanai sangnging linoji ni usahai, doeji kiboya, barang-barangji kipatambung. Nampa kikaluppai karaeng ampajariaki ansareaki dalle kiurangi pappasanna karaeng Alla Taala Kiboyai katallasang linota mingka teaki kaluppai katallassang ahiratta. ESikamma saribattang malabbirikku. Maeki naki massing kipappala popporang, massing kipanganro-angroang ri Allahu Taala saribbatan Islamta kammaya anne barang nikamaseangi ri Allah Taala nani tiroang atinna nisare hidayah pappijojjo ri Allahu Taala, nammotere toba, na tobakkang gau salana barang ammotereki battu ri palappassanga anne, nangentengammo sambayang barang taungpole ribulang rumallang labattua nat-tojeng tojeng tommo appuasa nani tarima tobana ri Allahu Taala ( Taubatan Nasuhah ). natenaja na toba kiti, ka antu kitika tungga-tunggala lebana anyunyuru paccairang nammuntulu jene, ci,non naungi antangkasi bulunna nampa mae attingallo massissi sanggenna tangkasa, napunna tangkasa;mo, nammuntulu paccairang ammoterimiseng naung aramaramasa, battuanna : leba-lebaki toba ammoteremisseng agaukang dosa. Nauzu billahi min dzalik. Allahu Akbar 3X walillahil hamdu.Kaum Muslimin wal Muslimat Mala,birika ngaseng niaka hadere

Ingakki anne lino lani bokoiji ahira pasti lani mangei Ingakki angkanaya jai tau attallasa riolonganta amate-mateang angkaresoi lino mate anjo mange tena naerangi barang-barangna Bajiki kalumanyanyanga, empo sunggua, eroka abalanja nania. bija, tabija battu ngaseng attimporong. mingka nia todong anne allowa kamase, ikukang pung kasi-asi tama anrong tama mangge amminawang alappasa arannu-rannu sibengkoro simpung pamai ang kalanta biberena amai lompo nanasapu barangbangna. Ammatti jene matanna lonna naciniki paranna anak-anak nirurungan ri manggena ri anrong tullassukanna. massing ammake pakeyang beru. ammemteng mami antapisang urusuna angkerei jene matanna nakana pamaina kadde tallasa iji ammakku nia tongija manggeku takam mainne sarengku. adundumi naung nanasapu barambanna nanakana pamaina kamma tongi sem sarengku lebba tawaku lebba iya Poyiku ri Allah Ta,ala. Siagan Riballana pun kasi-asi massing attoa assallerang anciniki tu maeya alappasa kammai tunibasaya jene atinna dingin-dingin pamaina ammatti jene matanna. kamassing erotongi mange alappasa kamase natena baju beruna kateyami angkana baju beru akkulle naballi kamanna palluanna tena todong nasirapi. Taukammayami anne parallu nipitugguri pangngamaseang nitanroi passidakka punna nisarei pittara langsungi rannu atinna natene pamaina Allahu Akbar 3X walillahil hamdu.Kaum muslimin malabirika ngaseng niyaka hadere. Ri Anne allowa massing angngu,rangimi anaka ri tau toa allassukanna,nakasu,mami pammajikinna anrong manggena.naurangi ri kalimbuna anronna ri danni ariya, labbipa pole lantanna pangnguranginna punna ri katallassanna niaki tuli natampassang bombang ka susang na ayukan urussu kaparisang battumi nakku takkele-kele lanri erona sibuntulu angrong tumang lassukanna, ero appala popporo rikadosanna. tabayammi ammotere pangngainna buranenna riwattu ri tallasana pangngainna bainenna riwattu ri tallasana. Taki saringami kalengta tassungenge angkarruki bija mareppesetta, baine burane tuningainta. iya salloamo abboko. Kiurangngimi anatta pammanakkanta niaka ribori mabellaya manassa rumbangmi pajempang majarretta nabangka aba jene mata manakkutta. Ikatte niaka ammallaki tau toa, teaki maring kigagara anronta iareka anggeta, kipagalinta biberetta, kikanammi eroka kikanang nakigaukang eroka kigaukang, tamangngali-ali tamassirisiri tanasikkomaki riada tau kammayyami anne tau doraka ritau toa, tau cilaka sallang riallo riboko. Kipahangi baji-baji angkanayya manna gagaki kigammara tinggi pangngasengang siagang empoanta,kabbala tanakanre bassi punna dorakaki ritau toa, tanrasayyaki salama tammuntulu singara niboyai dalletta iraya mingka ilauki ammumba, nakana Nabbita Rellana Allah ta-ala battu rirellana tau toata siagang pangngalarroinna Allah ta-ala battu pangngalarroinna tau toata. Angngurangiki saribattang riwattunta ilalang battang nikimbolong 9 bulan 10 allo nierang mange-mange, ammatta attinro tamabaji, angnganre tamassipa nilassukangki assulu sidallekangi tallasa iareka mate, naiya manggeta napassabaki rannu natenamo naassengi kasappoanga amboyangki tallasa, sassang napalampang nasassang todong nakabattuang mingka tena naleba akkunrareng labipa iya lanre rikatte na iya harapanna lompoki nai, nakijari tau, naki matu-matu riparanta rupa tau; mingka apa kajariang kagassing lompoki naparisi nyawaja kibalassiang tautoata. Air susu dibalas air tuba Rasullullah naancangi tau kammayya anne antamapi ontayya risobolo jarunga nampa antama suruga tau dorakaya ri tau toa .Bahkan narampai nabbita Inai- inai tau doraka ritau toana manasa antu taua najallakangi kalenna antama rinaraka. apami anjo lanibalassangi, pammajikinna ruaya tautoata,kamanna ambarang nakisareang ngaseng sikamma boya-boya,erang poleta taenapa nasing nganggara, pammajikinna mangerikatte. Sunggumi riminasanna lebbami ri palapala-na ruaya tau toata punna aj-jariki

anak sholeh iyamintu anak mannaba gauna, baji ampe-ampena, baji bongkara bawana, alusu kana-kannanna, natuli napappala dowangan ruaya tungnganakkanna baji riwatuna iji attallasa labipa ri lebbanamo ammoterang. Rabbigfirli? Allahu Akbar 3X walillahil hamdu. Tau toa Saribattang tunipakalabirika ngaseng niaka hadere Anne alloa, allo pajamataengan; allo sipappala popporo, sipammoporang rimassing lebata assisala pamai rigau katalasanta, ajamataeng maki sipammopporang, lebaka lebami manna mamo naki leba assibuangi mata poke Assiteba berang kalewang, siunteang pangngulu badi angsungkei kancing bajunta namassing kitede barambanta nampa kikanang eronu eroku todong apaseng katenamangkaja kileba nigaukang anne kammayya napassabbaki besere anaanaji iareka kana taleroji, passala, barang-barang, sisala pammetangan, ajama taenganmaki naki sipammoporang teaki tagalli angkanaya eja tompi seng na doang. katenaja antu nangerang kabajikang, Appakabellai nikanaya passisalang-salang assampa parasangang tasipakana, siampi balla tasipattau, assigette gantiro tasiasseng , tau kammayya anne tau nicalla rikaraeng Allahu ta-Ala siagadang ri nabina situru rikananna Taena natappa serea rupa tau tenayya nangai sarebattanna kammatodong nangainna batang kalenna Kupasangki saribattang terutama batanna kalengku nakana serea tupanrita inai-nai agau baji lanierang antu mange rikabajikanga , inai-naimo tau nierang mange rikabajikanga lani erangi antama ri suruga . inai-inai tau agau kodi lani erangi mange rikakodianga lani erangngi antu antama rineraka. Suruga neraka ikatte tonji ampareki mateki sallang, langsung mami nipammantangi. Assambayangki kitoba pakajai amalatta eranna anjaya bokonna tau mateya. Anne lino pakkaresoang butta palamung-lamunga ri akherat pi sallang nialle wasselena. Teaki maring nataba kananna tau toata, sambayanna passayua sallina sakaroloa erokki toba nanalumbaki matea tutuki malepa-lepa, mabiseang ribontoa tallangki sallang nanasakkoki alimbubu, battuangkana tallasakki angngondangi rilinoa anne taena namminawang aheratta mingka punna aherat kituntu attantumi amminawang linota . Allahu Akbar 3 kali walillahil hamdu. Tau toa Saribattang tunipakalabirika ngaseng niaka hadere Lanri kammanami anjo appatetea pappasang mange ri kambe ngaseng : Kipajjari laloi tallasatta sangkuntu tallasana kalukua. Labu umuruna najai matu-matunna. Ka antu kalukua batangna nipaeki benteng nipareki pallangga , assinna nipareki santang, sauna nakaddarona bajiki nipattunui juku, lekona nipareki pattongko, nacapiuna kanang-kanangi nipare pabarrasa. Tea laloki pajjari tallasata sangkamma tallasana kayu pulia punna niya kayu napattimboi akurasaki lekona, dattuluki bakkana, talentengai bunganna. Punna talintakka nipalesan nabunoi kalebbakkanna. Ikambe tau kalumanynyanga, punna eroki labiri rilino, labiri ri-ahera gau baji kigaukang, sambayang kilaku-laku naki pakajai sambayang barajamatta kimanannungang rimasigi musallata. Ikambe tau kasi-asia punna teajaki tuna ri-lino tuna ri-ahera anggaukangki parentana Allah ta-ala tungga-tunggala wattu. Nasaba mana tena kissambayang kasi-asijaki bajikangngang assambayangmaki tunaki rilino mingka labirikki ri-ahera sallang, insya Allah. E sikamma saribbantangku bai-bainea Assengi kalenta ikattemi antu bentenna parasanganta, anne lino pabelo-belo naia belo-belo kaminang mabajika kaminang kabuyu-buyua ikattemintu bai-bainea apaji nakuppasammo rikatte. Teaki sicalla-callai riparangta tau, kagassingi taua kicallayya naikatte sarringangang, iburi accalla naibari sarroangngang, gassing awang nipela pattapian nitarai. Gassingi ikatte appiru nakalenta kipirui. Teyaki papparekangi tawwa kodi, teyaki carita ribokoi paranta tau, nasaba antu accarita ribokoa sangrapangi tau nakanrea bakkena saribattanna. Teaki appitinakki nasaba antu appitinaka lompoangngangi dosana natummunoa tau tabunoanna.

E..Saribattangku tau loloa. Ikatte mintu bunga-bunganna ballatta, belo-belona paranglakenta, rapponnaki atinna ruaya tau toata, cahayana matanna, rikatte mintu parimpunganna pangngai tamatappuna lanri kammana mi anjo naki sitinaja angkatutungangi sirina, angjagai katuna leleanna anrong manggeta bija pangmanakanta. E . . sikamma tau rungkaya. Ikattemintu bentenna negaraya, pangngala kallina parasanganta , kipajari laloi kalenta kalli majarre, pangngala tenang nibangka, jagai naki katutuiang sirina saribatannta kaum baibainea, ikattejintu antaggalaki potona, kapunna ikatte allagasi tappela mintu sirika gesarami adaka, tenamo naki sialleang kana, sipammanakan. ESikamma tau niaka annuntu,pangngissengan Kikatuilaloi sikolata,katutui panrannuanna tautoata,tuntutlah ilmu setinggitingginy,gantungkalah cita-citamu setinggi langit muda-mudahan engkau mengapainya setinggi pohon kelapa, inka parallui kiasseng angkanaya tealaloki niakki dosa riruayya tautoata nasaba antu pangngissenganga sukkaraki lanttama ri tau niaka doraka ritau toana. E sikamma Tunipakalabirikku Tao Toaya, Kipajari laloi kalenta carammeng lompo, contoh mabaji, gau mannaba risikamma jari taunta, kinaturuki sikamma gau bajitta. Kapunna ikatte memang kodi gautta, ampe-ampeta, tena pangngadakkanta, kasara kanakanannta, ia tommi antu naturuki anatta jari taunta. Kapunna reppeki carammenga taena antu natangkasa rupaya nicini. E .. sikamma Pammimpinga pammarentaya. Ikattemi antu anttaggalaki tappu bicara, ikattemintu pangngulunna parasanganta, angrongmanggena tumabuttaya. Ikattemi antu ajari jarum ri sikuntu jama-jamanga, tumabuttaya sanrapanji bannang panjai, teyaki pajjari kalenta jarung tippulu, nataiyang, ka antu jarung tippuluka angngekkeki care-care, naiya jarung taiyanga apparotasaki bannang panjai. Naikatte tumabuttaya punna caraddeki accalla, sadiaki appasaile, sadiaki anjama, sadiaki ammajiki, sadiaki ambantui tumaparentata. Ka iya biasaya kajarian accallayaji naasseng, mingka taena naero nabajiki.na,iyya siri,na tuma,buttaya niaki ripammarentayya,pa,rupanna gauka niaki ritujaia,parentai tauwwa ri ero,na Ikatte pabalu-baluka, padangganga, pangngusahaya. Kipakabellai jekkonga balle-ballea, nasaba passawallang kigappaya rigau jekkonga ribai arena, kurangi barakkana, lompoi pammanrakinna alampa salai kalebbakanna. Saribattanku akkusianga anggaukanga ibadah, tumassam-bayangnga, tuma puasanya teyaki ia ero nicini, attayang nipuji ni rampe-rampe nipale-palece. Nari sesena tau angngassenga teaki lammoro takkaluppa. Inga-ingakki kikkale tutu ri sala iyanna gau, nai katte muballika, tau abbicaraya, guru-gurua, teaki abballe-ballei, nasaba sikalijaki abballe-balle situ tu nai umurutta, tani paracaya. Lanri kammanna minjo, nakuppasammo rikatte, sangkamma pattonko kana tea laloki tatappa rijunnuka nasatinjaya kasingaranai antu sambayang lima-wattua. Manna junnu nasatinja, kataena sambayanta rugiji sallang, kasambayang kibattui. Rugiji sallang riyanja, tallang lebba tamammumba, tamang gaukang parallu empo rilino. Sapupalaki riyanja taena kabuntulanna, ritatappanu risambayang lima wattu. Tappakamo anrong guruang nungngunjungi rinianu numannojengang pannyomba rikaraengnu ,takadderangi tubunu risara lebba janjinnu numappisona attagala rikaraengnu. Ingka kau tukammaya iyakana iyagau nutea lalo sisalakki kuntu tojennu.

Kokohkan ukhuwah islamiya antara sahabat, tetangga, anak yatim-piyatu, sipakir miskin dengan sikaya, orang tua dengan anak, pemimpin dengan sirakyat, dibawa panji panji Allahu Akbar, dan keadilan yang dilandasi iman dan taqwa sebagai modal yang utama, demi terwujudnya idaman cita bersama adil dan makmur. Baldatun Thoibatun warabbung gafur. Allahu Akbar 3 kali walillahil hamdu. Tau toa Saribattang tunipakalabirika ngaseng niaka hadere Maemaki naki nia appala doang ri Allah Ta-ala barang niajaki nasare umuru malabu siagang tubuh masalewangang naki niaja assomaballangi tallasatta ampanannungangi pakkusianta assibuntulu rumallang labattua Amin Ya Rabbal alamin

. . .
Khutbah Kedua
Allahu Akbar 7X Allahu Akbar Kabiro Walhamdulilhi Katsiro,Wasubehanallahi bukratan Waasila,Lailaha Illallahu Wallahu Akbar,Allahu Akbar Walillahil Hamdu.

. . : } . : { : { } : { .} . . . . . . .

Dibuat Oleh :Sudirman,SE