DAMCHHUNG NI CHHIAR DAN

Lal Davida chuan "damchhung ni chhiar dan tur min zirtir ang che, finna thinlung kan neih phah
hialna turin'(Sam 90:20) tiin a dil a ni. He kan damchhung ni reilote, thawnthu ang lek a ral leh mai
ṭhin hi kan chatuan hun rel felna hun tiam a ni miau mai si a, a pawimawh tak zet a ni.

Damchhung ni chhiar fuh lo tawh lai lengte nun awh awm loh zia chu kan mitin kan hmu a, ka bengin
kan hre fo thin a ni, mi fing leh zir sangte, mi huaisen leh chak te pawn he thil hi chu an duh an maka
an thiam ngawt theih a ni tlat si lo. Engvangin nge mi awm thei leh sum ngah tak tak te hi an khum
laizawlah rilru hah taka an leh tawp tawp fo ṭhin? Engvangin nge mi chak leh huaisente hi rapthlak
taka an tawp fo.Eng dang a lo ni lo, damchhung ni chhiar dan an lo la zir thiam reng reng lo a lo ni!!

Damchhung ni chhiar thiam tur hian eng chu nge kan mamawh chu ni ta ang? Kan Pathian thu chuan
"Lalpa ṭih hi finna bul a ni" tiin min hrilh a, a va dik tehlul em. Miin Lalpa a ṭih tlat chuan engtia nun
tur nge, eng nge tiha tih loh tur a lo hrethiam tawh ṭhin a, chutiang mi chu mifing an lo ni mai ṭhin.
Kan Pathian thu vekin "Miin Lalpa ṭihnain sual a kal san ṭhin" a lo ti leh a, sual kalsantu chu thil ṭha in
a lo hmuak fo ṭhin a ni.

Lalpa tih vanga tawrh leh chan/hloh tur a awm a nih pawh a, chu kawng zawh tlat ṭhinte chu Lalpa'n
a thlahthlam ngai lo, 'In ngaihtlawmna leh Lalpa ṭih man chu, sum te, chawimawina te, nunna te a ni'
tih ziaka ni si a. Damchhung ni chhiar thiam tur chuan amah Lalpa chauh kan mamawh a, amah
ṭihnaa nun hmang ṭhin te hi damchhung ni chhiar thiam te chu an lo ni. Chutiang mite chuan finna
thinlung an lo nei ṭhin a, Lalpa ṭih nachang hriatna thinlung ngei chu.

Lalpa ṭih la, mi fing i ni mai, Lalpa ṭih la, i damchhung ni chu aman a rel fel sak ang che, Lalpa ṭih la,
sual i kalsan ang, Lalpa ṭih la, a chawimawi ang che, Lalpa tih la, i tih Lalpa chu i hausakna a ni ang a,
mite'n an awh ngawih ngawih nun chu nangmahah a lo lang chhuak ang, chu chu a ni damchhung ni
chhiar dan tur chu.

Thubelh:

Pathian thu hi a hre ril leh zir nasa te hian nun tam an neih phah kher lo va, kan natna te dam nan
kan tawng tai fo a, Lalpa hian kan natna aiin a tuartu min tih dam a duh zawk ngei ang. Kan duh
zawngte a lo hlawhtlin nan Lalpa hi kan dawr a, hlawh tling se kan tihna chu Pathian beiseina emaw
kan ti a, a dik ber lem lo. Lalpa hnungzui hi tuarna kawng ni mah se tuartute hlawkna, amah avanga
hrehawm tuarte nawmsakna a ni thung. Pathian thu hi a har kan ti fo a, Pathian thu aiin he kan
hringnun pianpui hi a harsa fe zawk a.

Thlemna leh sual hnathawhte hi Lalpa'n min hneh saka min dah awl der a tum lo, lo hneh ve turin a
hnehna nun min pe zawk a ni. Beidawn hlawk loh zia hi ngaihtuah chiang la, chumi hnua i la
beidawng talh a nih chuan nangma mawh a ni tawh ang. I duh dana thil a thlen loh vanga i beidawn
khan nangma hma i sial zia i ti lang a ni. Sual ti tur kan taimak ang zat ve tal pawh hian Lalpa tan
taimak chhuah ila, tun ai hian kan hlim fe zawk ngei ang.

"Bawrhsâwm hun chauhaLalpa autu ni mai loin, dam sen ṭûn lai pawha Pathian nena lêng dûn ṭhin
mi i ni ang u."