22

31

04.11.2012
Editor Jt. Ed. : C. Lalmuanpuia 8014125196 : J. Zosangliana 9862614890

Y M A ch u ta n p u i n g a i t e t a n pu i t u a ni

News Ed. : H. Remsanga 8014225294 : Zodinsanga 8014764717 Cir. Man. : All Section Asst.Secy. & Ramchuana, Keifangtlang Manager:R.Lalchhuanawma 9862530551

CHAMPHAI VENGSANG BRANCH Y.M.A CHANCHINBU KARTIN CHHUAK ( Chawlhni a piangin ) Hall Ph. 234336

67th YMA General Conference-a Rorel Palai ten Agenda an pawm te

The Vengsang 04 th November 2012 A YMA KHAWIH : i) Mizo mipui te inpumkhatna tichhe zawnga Mizo hnahthlak chibing hmalakna reng reng tihtawp a nih theih nan Central YMA-in hmala rawh se tih chu zau taka sawiho a nih hnuin Mizo mipui te inpumkhatna tichhe thei zawng leh Mizoram thendarh zawnga chibing hmalakna reng reng tihtawp a nih theih nan YMA-in hma la rawh se kan ti. ii) Ram pum huap faina beihpui thlak turin Central YMA-in hma la rawh se tih chu sawiho a nih hnuin lungrual takin kan pawm. iii) Sorkar atanga Development Work veng/khua atana lo kal thin hi, tha leh rotling zawka thawh a nih theih nan YMA-in hmala rawh se tih chu zau taka kan sawiho hnuin lungrual takin kan pawm. iv) Mizorama piang ni lo, Foreigner-te Birth Certificate pek an nih loh nan hmalak ni rawh se tih chu sawiho a nih hnuin lungrual takin kan pawm. v) Human Trafficking dona kawnga kan chak zawk theih nan YMA-in hmala rawh se tih chu lungrual takin kan pawm. vi) Electoral Roll dik leh felfai tak kan neih theih nan YMA-in hma la rawh se tih chu kan sawiho hnuin Electoral Roll hi kan hmalak mekna a nih avangin hetiang hian kan passed. Electoral Roll dik leh felfai tak kan neih theih nan YMA-in dik leh uar zawka hmalak ni rawh se tiin. B. SAWRKAR KHAWIH : i) Mizoram chhunga Quarry awm te hi mihring tan a hlauhawm loh nan YMAin a tul angin hma la rawh se tih chu kan sawiho hnuin lungrual takin kan pawm. ii) Assam Rifles chhuahsan tur ram hi mimal hnena pe lo tur leh tangkai taka hman a nih theih nana humhalh turin sorkar ngen ni rawh se tih chu sawiho a nih hnuin hetiang hian kan passed- Aizawl khawpui laili, Assam Rifles chhuahsan tur ram hi mimal hnena pe lo tur leh pek tawh sa pawh cancell tur leh tangkai taka hman a nih theih nana humhalh turin sorkar ngen ni rawh se tiin. iii) Branch YMA tinin mahni area-a Motor kawngpui kamah uar zawka thingphun nise, tin, kawngpui kam, mimalin an neih thin hi sorkar dan ding lai anga reserved a nih zel theih nan sorkar-ah thlen ni rawh se tih chu lungrual takin kan pawm. iv) Tribal Certificate pek chhuah chungchangah YMA te hriatpuina (Recommendation/Verification) a tel theih nan sorkar-ah thlen ni rawh se tih chu lungrual takin kan pawm. VENGSANG BRANCH MHIP TEN GENESARETH HOME TLAWH (Rs. 4500/- leh Thawmhnaw pek a ni.)\ Vengsang Branch MHIP te chuan Ni 24.10.2012 (Nilaini) khan Genesareth Home tlawhin hetah hian thilpek Rs. 4500/- leh Thawmhnaw thahnem tak pek an ni.MHIP ten Home tlawh nana Motor Phal taka hmantir tu Pu H. Vanlalmawia te chhungkua chungah lawmthu an sawi mawlh mawlh a. Tin, Vengchhung mipui te sum leh pai leh thawmhnawm Home tana phal taka lo petu zawng zawng te chungah lawmthu an sawi tak meuh meuh a ni.

BRANCH
Electoral Roll Hearing ah Branch OB te tel :Ni 1.11.2012 (Ningani) Dar 10:00 AM - 1:00 PM chhung khan Vengsang YMA Hall-ah Eletoral Roll Hearing neih a ni a hetah hian Vengsang Branch YMA OB te chu sawm an nih angin telin, Rolll a thun thar kan veng atangin Mi 163 an awm a ni. Calendar zuar dawn : VENGSANG Chanchinbu Silver Jubilee lawm na tur atana intuakna atan 2013 Calendar naktuk zing atang hian vengchhung ah an zuar tan dawn a, vengchhung chhungkaw tinte tlawmngaia lo lei sak turin kan ngen che u a Calendar hi pakhat Rs. 20/zel tur a ni ang. Tin Calendar hi man man deuh zawka lei tur chhungkaw engemawni zat te ngen an ni bawk. Pem Lehkha la te : Octber Ni 16 - 31 chhunga Vengsang Branch YMA hnen atanga pem lehkha la te: Pu H. Lalventluanga te chhungkua, Pi Lalhmangaihthangi te chhungkua, Pu Lalruatdika te chhungkua. Hetih lai hian Pem Lehkha dawn kan nei lo a ni. Hall hmang dawn : Vengsang Presbyterian Kohhran in Tunkar atanga Gospel Camping an buatsaih turah Campers te riahnan leh Tawngtai khawl awmna atan YMA Hall hmang dawn. Keimahni.. Chanchinbu man khawn alo hun leh ta a, Chanchinbu Agent zawng zawng ten thahnem ngai taka khawna arang lama Manager hnenah thehlut turin kan inngen a ni. Tin, Chanchinbu latu chhungkua te pawhin Chanchinbu man hi lo pe hma hram hram turin kan inngen nawn leh a ni.

AGENTS : Lalramchuana Keihfang Tlang, NEUVA Sec.: Peka, Zarzova, Sang sangi, Zoremi, Hmangaihi. TAITESENA Sec. : Rammawia, Chama, Hriatpuia, Rinpuii VANAPA Sec. : Ropuia, Moses-a, Melody-i, Nununi, Emily, Hmingsangi,Hriatpuii KHUANGCHERA Sec. : Zaia, Huna , Rammawii, Mamawii

Tualchhung
VC News: NLUP Vety Trade : NLUP First Phase Vety Trade a vawk vulh thlang tu zawng zawng ten APR Sign leh tur a ni a, tunkar Ni 6.11.2012 (Thawhlehni) hmain Pu Rambuatsaiha Chawnghlut (Lat-a) hnenah tih fel vek tur ani. * Ni 100 inhlawhna atanga thawh Vawmbal Road hnuai chu Boulder phah zawh ni in, Road Roller a chil mam zawh thawkhat a ni, Ni 100 inhlawhna hi kar leh lamah chhuak tura beisei a ni a, hnathawh tur pawh ruahman fel thawkhat tawh a ni. * UD&PA hnuaiah insak tanpuina dawng tur Chhungkaw 16 kan vengchhungah in awm a, Rural Bank ah Account hawn vek tur a ni, NLUP lak nana Account hawn sa kha arin theih lovang. * Ui leh Ar chungchangah chhungtin ten uluk leh zualin mahni ranvulh te khuahkhirh theuh turin kan in ngen bawk a ni. * Karleh chhung hi chuan Camping neih a nih dawn avangin VC ten vengchhungah hna an thawk mumal thei lo dawn lova, Security lamah an chet dawn avangin. Sporting Club News: Jersey Dah tur: Vengsang VC Foo tball Team Vengsang Sporting Club Jersey la kawl zawng zawng te Ni 6.11.2012 hma ngeiin Tv. Jacob Lawmsangzuala hnenah Jersey thehluh tur a ni. Thehlut lote chu Chanchinbu ah an hming nen chhuah an ni ang. Lawmthu : Vengsang Sporting Club ina Player kan lak te lo mikhual tu Pu Zonunthara leh Pu PC. Lalzuiliana te chungah lawm thu kan sawi mawlh mawlh a, Tin, vengchhung a player nu leh pa leh an chhungte chungah lawmthu kan sawi mawlh mawlh bawk a, tin, sum leh pai leh tha leh zung thawhtu zawng zawngte chungah lawmthu kan sawi mawlh mawlh a ni.

2013 Calendar zuar tur te:

VENGSANG Chanchinbu Silver Jubilee lawmna tur atan 2013 Calendar chu naktuk atang hian an zura tan dawn ta a Organising Committee chuan Section hrang hrang a zuar tur thlangin heng mite hi an ni. TAITESENA SECTION Pu Hmingthansanga, Pu DK. Tluanga, Tv. V. Lalmuankima, Tv. F. Lalthanmawia, Tv. Zodinpuia, Nl. R. Lalhmachhuani. VANAPA SECTION Pu Rohnuna, Pu V. Lalduhzuala, Pu V. Vanlalfaka, Pu H. Lalhminghlua, Pu David Rualthankhuma, Tv. K. Lalmalsawma Nl. H. Lalawmpuii, Nl. K. Lalnuntluangi. NEUVA SECTION Pu C. Lalawmpuia, Pu J. Ralkulhtawna, Pu SH. Lianchhunga, Pu R. Lalchhuanawma, Pu C. Zohmingliana, Tv. JC. Lalrammawia KHUANGCHERA SECTION Pu H. Remsanga, Pu Lalrinsanga, Pu C. Lalchhuanawma, Pu C. Lalmuanpuia, Tv. C. Vanlalchhuanga, Nl. Zothanpuii. Heng Chanchinbu zuar tur a ruat te hi Lehkha pek an ni dawn lova Chanchinbu hi rin mai tur a ni a, tlawmngaia lo pawma lo tihlawhtling hram turin ngen kan ni. Chanchinbu zuar tura ruat zawng zawng te Vawiin Chawhnu Inkhawm ban hian Vengsang YMA Hall ah inhmuhkhawm tur a ni a, ngaipawimawha kim taka kal turin ngen kan ni. Lalnunmawii Mizoram Nulian Inchai Challenger Sponsor duh tan Lalnunmawii d/o Sailuta Vanapa Section chu Mizoram Nulian inchai Challenger ah tlingin December 14 2012 khian Aizawl Lammual ah title fight an nei dawn a, hetiang ang mi kan vengin kan nei hi kan chhuang in a champion ngei kan duhsak a ni. Lalnunmawii hi tunah hian Sponsor tu la nei lovin a telpui te chuan Sponsor tu tha tak tak nei tawhin Vengsang Nula Mizoram Nulian Inchai Challenger Sponsor duh chuan Vengsang Sporting Club kaltlangin atih theihin Sporting Club hruaitu te hriattir tur a ni. Kan Veng VC Football team te an chak zo ta lo. Champhai District Inter Village Football Tournament khelh mekah kan veng VC Football Team te chuan Ni 2.11.2012 (Zirtawp) khan Zotlang VC Football Team te nen Vengsang VC Football Team Semi Final khelin kan veng Football team te hi 3-2 in an chak zo ta lo a ni. Kan veng hian First Half ah 2-0 a hmahruaiin Zotlang lam hian Second Half ah 3-2 in rawn lehthalin kan veng team te hi an chak zo ta lo a ni. Kan veng tan hian Captain Lallawmtluanga leh Lalbiakmuana ten Goal an thun a ni. VC Football Team te hi inkhelhna senso atan Vengsang VC ten Rs. 25000 (Singhnih sangnga) an tum in VC te inpekna ropui hle a ni.

CHAMPHAI VENGSANG CHANCHINBU KARTIN CHHUAK. A MAN THLAKHATAH Rs 10/-

President Secy. Treasurer

: : :

Hmingthansanga ( 9862713079 C.Lalmuanpuia (8014125196) F Lalthanmawia (9862506254)

Vice Pre : Asst. Secy : Fin. Secy :

C. Zohmingliana ( 9862533342) C. Lalchhuanawma (9856553974) C. Vanlalchhuanga (9862775452)

Editorial

HUN INHER

Section News
Taitesena Section : LAWMTHU Taitesena Section te kar hmasa chhung khan Section sum tuak nan Insukna pher Pu H. Lalkima In bul a mi chu siam zawh a ni ta a. Inhlawhna min siam sak tu Pu Pachhunga ASO-II, Champhai Vengsang chungah lawmthu kan sawi mawlh mawlh a, Tin, Motor phal taka hnatlang nana min hman tir tu DVO leh a Staff te chungah lawmthu kan sawi a, hnatlang te thingpui lo lum thin tu te leh hmanrua kan mamawh te phal taka lo hman tirtu zawng zawng te chungah lawmthu kan sawi mawlh mawlh e. Vanapa Section : Vanapa Section te tunlai hian Section huam chhung Census Update mekin tunah zawh tep tawh a ni a, Member te hun remchang ah inhlawh hnatlang nei turin lo inrin lawk tur a ni. Tin, thla alo thar leh ta a Electric Bill khawn tu ten arang lama khawn leh vat turin ngen kan ni e. Neuva Section : Neuva Section te kar hmasa khan Section inhlawh hnatlang neih a ni a, Pu H. Vanlalthanga 2nd OC inhmun laih a ni in, nimin Inrinni nileng khan neih leh a ni a, Inhlawhna petu leh member hnatlang zawng zawngte chungah lawmthu an sawi mawlh mawlh a ni. Khuangchera Section : Khuangchera Section te tunlai Section huamchhungah hmalakna langsar tak awm lovin hun remchang hmasa berah Section Committee neih tum a ni a, Committee Member te lo inrin lawk tur a ni. 67th YMA GENERAL CONFERENCE REPORT YMA General Conference 2012 chu October 23-25, 2012 chhung khan HACHHEK RN, Kawrtethawveng-ah tluang taka neih a ni a report tlangpui: Kawrtethawveng Statistics-a a lan dan chuan - Khaw din kum - 1929, In ding zat- 417, Mihring zat- 2122, Kohhran zat- 10, Biak In awm zat- 8, High School- 1, Middle School- 3, Primary School- 4, Damdawiin (PHC)- 1, VC members- 5, YMA Br.- 2 a awm a. Riak luta palai kal inziak hi mi 2937 niin, langa kal hi mi 1102 an ni a, a thlengtu inbuatsaihna a tha in a felfai hle a, an beisei aiin palai riak kan tam lo thung. Palai kal tam ber hi Tukual S niin Bus 1, LMV 4, Bike 1-in mi 54 an kal a ni. Khawchhung a faiin, a khaw mipui te pawh mikhual lakah an hawihhawm hle. Ni 24.10.2012 (Nilaini) 11:00 Am-ah Pu T. Sangkunga, President, Central YMA kaihhruainain Rorel Inkhawm neih a ni a, rorel palai kal dan : 1. Central YMA OB - 6 2. C.E.C Member - 30 3. Central YMA OB hlui - 2 4. Sub-Headquarters YMA - 165 5. Group - 258 6. Aizawl khawpui chhung Branch - 297 7. CYMA-in direct-a a awp Branch - 3 Total - 761 YMA Branch awm zat : 789 Sub Hqrs. YMA awm zat : 5 Group YMA awm zat : 46 YMA Member zat : 388146 ( Mipa- 231615 Hmeichhia- 156531 ) YMA Life member zat : 9052 Library nei zat : 392 Park/Reserve ram nei zat : 287 Sangha dil nei zat : 16 Sanctuary nei zat : 6 YMA Chanchinbu la zat : 11000
Phek 4 naah chhunzawm a ni..

Hun han inher velin kan hnam nuna nghawng a neih dan hi thawnthu ngaihnawm takin a ziah theih ang. Hman ni lawkah khan he hnam hi hnam mawl, A AW pawh nei lo kan ni a, tuma tlawhpawh lohvin, mahniin, mahse, khawhar si lovin kan awm thin. Kan tum leh kan sualchhuah pawh ni chiah lovin khawvel tharah kan lut a, kan luh dan pawh - zawi zawia lut ni lovin, Aihniara speed daih a ni nghe nghe. Chu 'speed' hmu phakte chu vawiinah, kan zingah ngei hian an la awm.Tuna la dam, kan pi leh pute hi ek ina inthiar lova naupan lai hun hmang an ni deuh fur a, an naupan lai chuan khawnvar eng chu sawi loh, mei enga lehkha chhiar thin an ni deuh fur bawk.Chutianga seiliante chuan vawiinah, computer age-ah an tu leh fate min la dampui a, post office pawh chhawr mumal pha lo thin khawpte khan mobile phone thlengin an hum ta. Vawiina kan zinga awm pitar/putar te khawvel hi; culture engzat nge an paltlang tawh tih chungchang hi thawnthu ngaihnawm tak tur a ni. Sap putarte tunlai khawvel leh an naupan lai khawvel khu, a kar a zau bawk na a, keini pute khawvel ang em hi chu a ni lo.Thangtharte khawvel ringawt pawh hi ziah fe tham a awm tho ang. 'Chitrahar' en tura a neinung deuhte ina an kalkhawm lai kha hmanni lawk a ni a, veng khata phone nei hmasa te'n khawtlang zualko hna an thawh lai te kha nimin lawk tak tak a la ni. Han thlir let thuak chuan mumang ang mai a ni a, mahse, hman ni lawk a ni si. Khawlaiah nalh deuh deuhvin kan insulpel a, mahse, a nihna takah chuan, hmanni lawka TV nei, hmanni lawka English Premier Leauge hrethiam, hmanni lawka fridge nei pha kan ni deuh fur. A nawlpuiin telephone kan neih phakna te hi kum 10 em pawh a tling dawn em ni?Kan ramah hian Zo te, sap te, vai te a awm a, Zo hian chhan a ngai char char. Tunlai hian a rawn huai ngam ve ta deuh emaw'n chu aw!?

VENGSANG BRANCH YMA DIN TAN KUM: 13th OCTOBER 1946

YMA CHANCHINBU CHHUAH TAN KUM : 1991

YMA General Conference report chhunzawmna

Kum 2011-2012 chhunga sum dinhmun chu hmuh zawng zawng Rs 1,27,29,063.00 a nia, hman zawng zawng Rs 1,16,90,495.00 a ni. Pu R. Lalngheta, Treasurer, Central YMA in kum 2012-2013 Budget a pharh hnuah kum 2012-2013 Central YMA budget atan Rs. 83,66,352.00 pawm a ni bawk. Kum 2012-2013 chhunga YMA kumpuan atan Ram leh hnam humhalh thlan a ni. Ni 25.10.2012 zan Palai thlahna inkhawmah Pi Lalawmpuii (36) W/o Lalthlengliana, Lungdai Sentlang, Hnamdang kut tuara boral ralna thawhlawm khawn a ni a, Rs 45,947.00 hmuh a ni a, Tanpuina pawisa hi Sakawrhmuituai Gr. hruaitute hnenah hlan nghal a ni. Ni 23.10.2012 zanah Article tha tak tak leh Kawrtethawveng khaw chung-changa thu bengvar thlak tak tak inziahna YMA General Conference Souvenir TAWLHLOH tih chu Pu P.C. Lalzuiliana, Ex- Vice President, Central YMA-in a tlangzarh a, ni 24.10.2012 zing dar 10:00-ah Pu J.H. Zoremthanga, CEC-in YMA Exhibition a hawng bawk. Kum 2013 YMA General Conference Khawbung South-ah nghah nise kan ti. Kumpuan bawhzui tha : Branch : 1st - Chaltlang Branch YMA 2nd - Venghlui Branch YMA 3rd - Bethlehem Branch YMA Group: 1st - Khawzawl Group YMA 2nd - Tuipuiral Group YMA 3rd - Saitual Group YMA Ramngaw leh Nungcha humhalh tha :Branch: 1st - Ngopa Branch YMA 2nd - Bungzung Branch YMA 3rd - Khawzawl Zaingen Br. YMA Group: 1st - Khawzawl Group YMA 2nd - Tuipuiral Group YMA 3rd - Chalfilh Group YMA Branch YMA Chanchinbu tha 1st - MARYMA, Ramhlun North 2nd - CHANMARIANS, Chanmari 3rd - VENGHLUI AW, Venghlui YMA Chanchinbu la tha Branch te, Aizawl khawpui chhung 1st - Bawngkawn, Copy 487 2nd - Chaltlang, Copy 361 3rd - Kanan, Copy 250 Aizawl pawn 1st - Saitual Chawnpui Copy 321 2nd - Vengthlang,Champhai Copy 275 3rd - Kahrawt, Champhai Copy 200 Member zat hisapa la tha 1st - Marpara 87.1% 2nd - Saitual Chawnpui 81.1% 3rd - Serchhip Bukpui 53.8% A behbawm.... 1. Central YMA hruaitu hlui, chatuan ram pan ta Pu L.N. Tluanga (L) nupui Pi Zaithanchhungi, Electric Veng hmel kan hmu a, a lawmawm hle. 2. Mizoram Truck Drivers Association, Gen. Hqrs., Kolasib hnen atangin Inkhawmpui tanpuina Rs 3000/- kan dawnga, a lawmawm hle. 3. Sound System buaipuitute chu Ocean Sound & Record, Aizawl an ni a, Conference programme te chu ram pum hmuh theih turin LPS ten Live in an chhuah a ni. Conference laia zai hruaitu Bungkawn Nursery Branch YMA ten an mawhphurhna an tlin hle. 4. YMA Hruaitu Hlun Certificate mi 63 hnenah sem a ni. 5. 67th YMA General Conference Organising Committee te hian Central Anti Drugs Squad (CADS) te tanpui nan Rs. 50,000.00 leh kum 2013 Conference thlengtu tur tanpuina Rs. 30,000.00 an hlan.

Englo huang..
J Kei aia Pa zawk a ngaiin Pathlawi pakhat an dap chu le.. -P. Vansanga, N. Sec J Kan veng leh Zotlang an inkhelh kha chuan keichu Zotlang a ni ka tan deih ni... -Hriatpuii. V. Sec J Thiannu, Doctor in min zai khan ka mawngkua hi a thui ping a mi mawni le... ka vawih thei miah lo mai aa.. -Pi Rozari Pre. MHIP, N. Sec J Tunlai chu englo i te inah ka tla tlum ta lo hle mai Remote pawh ka chang pha tawh loh.. Camping lut anga Mark a sang leh sawt mai ang chu maw... -Jonathana, Jt. Edt. V. Sec J Pu Sanglawma hi ka iai ta miah lo mai.. alo zei khawp mai.. -Nl. Miki-i K. Sec J Pu Hawla te nupa min tih atang khan Chaw pawh ei tawh lovin Salad hlir a ni kan ei tak ni... -Enkawl (Tuka), N. Sec J KTP in Mualbawka Bonfire an neih zan khan thian ho thla eng lawm emaw ka tia ka va thlenphei ve chu le.. -Remsanga, News Edt. V. Sec J Hmeichhia hi chuan ka hmel hi chu an ngaidam thei mai mahse ka sam kher kher hi chuan min ti zak ngun tawh khawp mai.. -Lalthara T. Sec J Ka mumangah tihian ka lo hmu che a B.. Palian buang theng thung, mit meng paw riai, hnar ngul sang vah, heh sen deuh ham hian ka lo hmu che a sinn.. mahse min lo be duh miah lova.. awi.... -Nl.SH Ropuii, N. Sec J UPC khawmpui na a an lam laia duh duh a lova zuan luh ve chu tihchi vak loh....kan langsar duh emai.. -Lalngaiha (Vawmbal). V. Sec In hmuh khawm tur... VENGSANG Chanchinbu Silver Jubilee lawmna tur atana sum tuakna 2013 Calendar zuar tura Organising Committee in a ruat te vawiin chawhnu inkhawm ban ah Vengsang YMA Hallah kim taka kalkhawm vek tur a ni e.