SIMEIKHU KARTIN CHHUAK THINGSULTHLIAH

Dt. 15 December 2012 (INRINNI) PHEK- 2

Editorial : KUMIN ATAN SIMEIKHU ISSUE HNUHNUNG Kan rawn tarlan tawh angin kumin atan tun issue hi Simeikhu tihchhuah hun hnuhnung ber a ni dawn a, kumthar January kar tawp lam issue vawi hnih tihchhuah tum a ni a, hei hi thla khat anga ngaiin tun Dec-ah hian aman pawh khawn fel vek tura ngaih a ni.. EPL inkhel hi kan hlut tlang thin a. Chuvangin, Simeikhu a chhuah loh lai pawh-a EPL programme kan hriat theih nan nakum January chawlhkar 3 thleng EPL Fixture tarlan a ni. Simeikhu chhiartu zawng zawng te Krismas leh Kumthar hlim tlang taka hmang theuh turin duhsakna kan hlan a, chibai kan buk vek a che u.// TST BAZAR THAR Kar kalta a Tst C/Hall hnuai Bazar thar, thla tina seat number pawh thar tura kan rawn tarlan kha tihdanglam leh niin, hun engemaw chen a that zawk leh zawk loh en nan kar tin seat number pawh thar a ni zawk tawh dawn a ni. Tin, Bazar hung pawn seat number pek ve lohah hian mahni thlai thar dik tak zuar duh tan seat number pawt lovin a inzawrh theih tih thu Pu T. Lalliantluanga, VCM i/c Bazar hnen atangin kan dawng. CAMPING NEI DAWN Nunna Lalhnam ten Tst Aichalkawn-a an ram Kulhbing Ram-ah ni 21 28 Dec 2012 chhung hian Thu leh Hla bakah Hnam Lam leh Cultural programme hmangin Camping an buatsaih dawn a. Hei hi Thalai leh Naupang pual niin Zoram hmun hrang hrang atangin Camp tur hi an lokal dawn a ni. Vawiin inrinni hian he Camp atan hian hnatlang neih an tum. TAR PENSION SEM Tunkar ningani atang khan Tst ICDS Office chuan Tar pension an sem chhuak a. Kumin April Sept chhung atan Pension hi sem niin mi pakhat tan Rs. 1500/- sem a ni. Kum 80 chin chunglam te chuan Arear nen lain Rs. 3900/- an dawng thung. Tar pension dawng hi Tst ICDS Project chhungah 1288 awmin chung zinga 194 te chu
kum 80 chunglam an ni. Tar pension la hi Tst-ah 131, Tlangnuam-ah 38, Seling-ah 46 an awm a ni.

KRISMAS RUAI THEH DAN TUR TLANGPUI Sl Member 25 26 27 Kohhran Hming No zat Dec Dec Dec Thingsulthliah 1 Lalchhungkua Unity 33 Ruai Ruai 2 Catholic Church 150 Ruai Ruai 3 Mizoram UPC 164 Nizanah an rel 4 Seventh Day Adventist 54 An la rel fel lo 5 UPC(NEI) 295 Ruai Ruai 6. Salvation Army 506 Ruai 7 Presby. Hospital Veng 900 Ruai 8 Presby. Tst. Kohhran 1680 Ruai Tlangnuam 1 IKK 52 Ruai Ruai 2 UPC NEI 125 Ruai Ruai 3 Salvation Army 119 Ruai Ruai 4 Presbyterian Kohhran 963 Ruai Seling 1 Presbyterian Kohhran 1550 Ruai 2 UPC NEI 40 Ruai 3 Mizoram UPC 70 Ruai 4 Catholic Church 120 Ruai 5 Baptist Church 50 Ruai 6 Salvation Army 220 Ruai Ruai Dec 23-28 chhungin Thalai Seventh Day Adventist 7
camp an buatsaih ang.

KRISMAS CAROL Thingsulthliah KTP ten Ni 17, 19, 21 leh 24 zanah an Kohhran chhungkaw hrang hrangah Carol an tum. Hospital Veng KTP ten ni 16, 18 leh 20 zanah Carol neih an tum chu an Kohhran-ah Camping neih mek vangin an sawn danglam dawn a, he thu lakkhawm lai Ningani zan hian an la rel fel hman lo a ni. Thingsulthliah SAY ten ni 22 zanah Carol neih an tum a, Kohhran In tin an tlawh dawn leh dawn loh zanin inkhawm banah an rel leh dawn a, In tin an tlawh dawn chuan hemi zan bak pawh an carol ang. Thingsulthliah PYD ten ni 20 & 22 zanah te Carol neiin Kohhran in tin tlawh chhuah an tum Seling KTP te zan 4 carol an tum a, ni 12, 14, 17 leh 19 zanah te an carol dawn a, Kohhran in tin tlawh chhuah an tum. Tlangnuam KTP chuan ni 17 leh 21 zanah carol service neih an tum a, kohhran In tin tlawhchhuah an tum. RAWN CAROL DAWN Sesawng Vengpui UPC Biakin sak lai mek sum tuak nan karleh thawhtan zan hian Sesawng Vengpui PYD te Thingsulthliah-ah lokalin an kohhran chhungkaw hrang hrangah Cristmas Carol an rawn nei dawn.
TAWNGTAI RUALNA NEI DAWN Tst Kohhran Hmeichhia te chuan ni 22/12/2012 zan inkhawm banah Krismas leh Kumthar hlim tak leh muanawm taka kan hman theih nan tawngtai rual hun hman an tum a, a hmun Thingsulthliah Field a ni ang. CHESS TOURNAMENT Thingsulthliah Chess Club chuan Sub-town huap Chess tournament buatsaih an tum a, Krismas leh Kumthar inkar ni 28 & 29 Dec 2012ah neih nise an ti. Entry Fee Rs. 50/- per head niin Pu K.L.Rodanga D/A, Pu PC Lalhmachhuana D/A, Pu C.Lalhriatkima, Tlangnuam leh Pu R.Lalfakawma, Seling te hnenah ni 22/12/2012 thleng pek theih a ni ang. Ni 23/12/2013(sun)-ah thumvawr a ni ang. Lawmman tur hi Pu PC Lallianthanga, S.P., MPRO-in a rawn tum dawn a ni.
MAN CITY (2-3) MAN UNITED : RING DIK Mi 65-in in rawn ring a, chung zingah 5-in in rawn ring dik a, thumvawr a ni a, 9862561926(K.Lalngaihawma, Seling Champhai Road) chu a vannei ta a ni. I lawmman Rs. 50/- hi Pu K.Khualluna, Correspondent Seling hnenah i lam thei ang. Ring dik dang te chu 8575707120, 8413897328, 8575325535, 8014092446 te an ni.

THISEN PE Ni 10/12/2012 khan Tlangnuam Centenary pualin Aizawl Civil Hospital tan thisen Unit 27(mipa 26 leh hmeichhia 1) pek a ni. Thisen la tur hian Aizawl Civil Hospital, Blood Bank te lokalin YMA Inah thisen pek a ni.