VOL. XXX ISSUE NO. 46 An Official Organ of Y.M.A. Republic Veng Branch Dt. 09.12.

2012

Ram leh hnam hmangaih hi mahni in hmangaihna kawng pawimawh ber a ni.

BRANCH YMA INTHLAN A HUN LEH TA

Republican 9th December 2012 : Kan Branch YMA kum 2013 atan a hruaitu tur thlanna chu ni11.12.2012 (Thawhleh) zan dar 7:00 hian Community Hall ah neih a ni leh dawn ta. Nomination ah mi 30 hming chhawp chhuah a ni a, floor atangin mi pathum (3) nominate belh theih tura ruahman a ni. Inthlan programme hetiangin :A hun : Dt. 11th December, 2012 (Thawhleh) zan dar 7:00 A hmun : Community Hall NOMINEE LISTS SESSION I 1 Pu Lalramchhana Pachuau Hruaitu : Pu R. Liandawla, Pre. 2 Pu Ramngaihawma 3 Pu C. Zirliana Hunserh hmangtu : 4 Tv. J.K. Lalmuanpuia Pu Danny Lalremmawia, Leader 5 Pu J. Lalchhuanmawia (K|P, Republic Veng Br.) 6 Pu R. Liandawla Reports : 1) Secretary report 7 Pu Ngurthanmawia 2) Finance report 8 Pu Rohnuna Ralte Solo : F. Vanlalhlimpuii, Sec-III 9 Pu Lalchhuangliana Member thi sunna :10 Pu Ramfangzauva Pu C. Laldawngkima, 11 Pu B. Zokhuma Sec i/c Thlanmual 12 Pu H. Lalbiakmawia Solo : Nl. Lalfakkimi, Sec-I 13 Pu R. Vanlalsawma Lawmman sem : Kum tluana 14 Tv. Ramdinliana Renthlei Section inelnaa ti \ha te 15 Pu Lalhmangaihzuala Vuite Solo : Tv. Lalrinmawia, Sec-IV 16 Pu F. Vanramsanga 17 Pu Vanlaldika Lawmman sem : Section kal \ha 18 Pu Vanlalhriata inelna (percentage lakin) 19 Pu Rokima Ralte Solo : Pu Kananmawia, Sec-III 20 Pu Malsawmtluanga SESSION II 21 Pu C. Laldawngkima Kum 2013 atana YMA, Republic 22 Tv H. Lalhriatpuia Veng Branch hruaitu tur thlanna 23 Pu Lalramnghaka RO : Pu H. Vanlalruata, Chairman (LC) 24 Pu Biakengmawia PO : 1) Pu R. Tawnluia, Ad.Br. YMA 25 Tv. R. Lalremruata 2) Pu M. Sawmliana, Ad. Br.YMA 26 Pu Lalfamkima Chhangte 3) Pu F. Lalnienga, Ad. Br.YMA 27 Tv. Lallawmkima 4) Pu Lalthlamuana, Ad.Br. YMA 28 Pu R. Lalthanzawna 5) Pu Danny Lalremmawia, 29 Tv. R. Zothankima Leader (K|P, Republic Veng Br.) 30 Pu Darhmingliana

CENTRAL YMA
* 6.12.2012 : Naviin Shyam Poddar, Director, Vital Links & Services Pvt. Ltd. chuan Central YMA Office a rawn tlawh a, Pu J. Lalsailova, Fin. Secretary-in a lo kawm a, Thalaite hnathawh tur chungchang an sawi * 6.12.2012 khan Sihhmuiah Electoral Roll Revision Hearing neih a ni a, CYMA aiawhin Pu C. Lalzamlova CEC, Dr. Lalnghinglova CEC leh Pu R. Lalvensanga CEC te an kal. * 7.12.2012 : Saron Veng Electoral Roll Revision Hearing neih a ni a, CYMA aiawhin Pu Lalbiakzuala Vice President, Pu Vanlalruata Gen. Secretary, Pu J. Lalsailova Fin. Secretary, Pu Jeffrey L. Fanai CEC, Pu Lalhmingmawia CEC, Pu R. Vanlalawmpuia CEC leh Dr. C. Lalthlengliana CEC te an kal. * 7.12.2012 : Rangvamual leh Phunchawngah Electoral Roll Revision Hearing neih a ni a, CYMA aiawhin Pu J. Lalsailova Fin. Secretary, Pu Lalthanruma Sailo CEC, Pu J.H. Vanlalhuma CEC, Pu Vanlalzuiliana CEC, Pu Jeffrey L. Fanai CEC te bakah Chaltlang Branch YMA hruaitu te an kal.

SUB CENTRE HRIATTIRNA

Malaria leh Dengue Fever laka in ven dan 1. Zanah mut hlanin thosi len zar vek tur. 2. Mahni in chhung leh a velah tuitlin theihna tihbo tur. 3. Barrel, Sintex, tuizem te chhin neih tir vek tur. 4. Hritlang, damlo reng reng Sub-

SECTION YMA NEWS

Section-I YMA leh Paho committee tangkawp chuan Krismas vuak velah khawng takin duty leh an tum. He duty atana senso section huamchhungah thawh thei an awm chuan hruaitute hnenah eng lai pawhin thawh theih reng a ni. Ni 13.12.12 (Ningani) zan dar 7-ah Pi Saikungi thing zai thiara hnatlang tur a ni a, memberSection IV : Chhawmdawlna ip an sem chhuah chu remchang hmasa berah lak khawm an tum a, section mipuite lo inring turin an in chah. Section V : Nimin inrinni nileng khan Aquqtic centre, Lawibualah infuih tharna hun an hmang a, hlawk thlak an ti hle. Hemi atan hian Pu Lalramzauva chuan chini thahnem tak a thawh avangin an lawm hle a, heng bakah an bungraw mamawh a

The REPUBLICAN WEEKLY

Editors Jt. Editors : H. Lalhriatpuia R. Lalthanzawna : Robert Zosangliana RD.Lalrammawia Lalzarzova : H.Lalremruata Lalhmingmawia Andrew Lalrohlua Lalliantluanga Lalthanmawia Zomuanpuia Sailo : Ngurthanmawia : Lalhmangaihsanga Sailo Biakzosanga Kananmawia

Y.M.A. REPUBLIC VENG BRANCH

9862536632 9436159221 9862379583 9612698049 9856310432 9862449817 8974963471 9612318217 8575707353 9612325489 9862732404 9436375023 9862170549 9615820570 9862754953

Dt. 09.12.2012

E DITORIAL B OARD

HRUAITU THLANG ANG AW

- Om Om-a Pa
Kan ram leh khawtlang, Kohhran leh pawl hrang hrang ten hruaitu turte kan thlang chhuak thin a, kan inthlan dan kalphung chu sawi ngai lovin kan hre tlang vek awm e. Heng hruaitu thlan chung changah hian a thlang chhuak theitu mipui te hian a pawimawhna hi kan hrechiang tawk lo nge kan ngai pawimawh lo tih erawh kan in enchian a hun ta hle in a lang. Hruaitu thlang chhuak tur hian pawlah member kan nih chuan kan mawhphurhna a ni tih kan hriat chiana engemaw thil bik rokhawlhna kan nei a nih loh chuan hruaitu thlang chhuak tur hian member kan nihna anga kan mawhphurhna a ni tih hria a inthlanna hmuna kal hi kan tihtur a ni. Hruaitu tha leh rintlak thlang chhuak tur hian tu nge mawhphur kan tih chuan member te kan ni tih I hre thar ang u. Eng pawlah pawh awm ila mahni hruaitu tur thlang chhuak peih lo khawpa thatchhia leh rintlak loh mawhphurhna hlen chhuak ngamlo nih hi kan hlau tur a ni. Kan tello pawn an thlang thei teh meuh mai, mahse mahni in ngai pawimawh chungin min hruaitu tur chu kan thlang chhuak zawk tur a ni. Mi thlan chhuahsa sawisel ai chuan mahni ngei kala kan duhtak thlan hi member te tih tur a ni. Kan mi duh zawng tak te anlo tling talo a nih pawha hnual mai lovin member ka nihna ang a pawl tana thahnem ngai taka thawhpui tur mitha zawk kan thlang chhuak a ni tih hria a, theih tawpa tawiawm tura rilru kan siamthar pawh a tha hle ang. Hruaitu thlan chung chang kan veng chanchinbu Republican a lo lang te kha ka hria anga, Section kal that dan a zira lawman siam sak tur kan nih thu te khan ngaihtuahna a ti thui hle mai. Kum hmasa lamah pawh lo siam tawh a ni a, kan sim tawh ang chu tih nak a laiin a zual za pui vaihlenhlo antih ang maiin kan han tinawn leh dawn chu a ni si a. Veng dang ten kan chanchinbu hi an chhiar ve ang tihte pawh a hluahawm hle in ka hria.Kal tha lawmman siam ngai hial khawpa Republic Veng Y.M.A member te kan han awm ringawt mai pawh hi in enfiah angai ta hlein a lang.Hruaitu thlang chhuak theilo khawpa inthlanna hmuna kan kallo a nih chuan Republic Veng Y.M.A. chu awmlo mai ang hmiang tih te pawh min ngaihtuah tir rum rum thin. Heng harsatna zawng zawng hi engvang leh tu vang nge ni ang? Keimah leh nangmah vang a ni ngei ang.Y.M.A. hruaitu thlang chhuak tur hian mahni lam hi kan lian tawh lutuk zawk em ni? Kan chhiat leh thata min tuam hlawmtu hruaitu thlan chhuah ngailo khawp hian kanin todelh tawh zawk, chhuanlam hote te siam hian hruaitu thlannah kan kallo ta fo mai. Heng thil thalo tak mai hi kan sim a hunin engpawl pawh a lo chak zawk nan member ten hruaitu hi kan hlutin mitha thlang chhuak turin ke I pen ang u. Chutih rual chuan kan hruaitu te pawn tan lakna tur chu tam tak annei ve ngei ang.Heng thil kan han sawi te hi haw mai lovin kan that tlanna tur leh khawtlang nuam kan neih theih nan hruaitu leh member ten tan kan lak thar a ngai tak zet ta. Ram inrelbawlna, politics thilah chuah hruaitu kan mamawh lo va, pawl hrang hrang leh hna kawng tinreng,mihring a huhova kan khawsak theihna turah hian hruaitu kan mamawh thin. Hna ropui leh lian tham thawk tur chuan hruaitu an pawimawh a,hruaitu pawhin mi

News Editors

Manager Cir. Managers

YMA RUN hmang turte tan Br. YMA I/c Secy., Property - 9862369320 / 9436362024

Hruaitu thlan hi..... Mihringte hi a huhova khawsa chi social animal kan nih avangin hmun khatah kan cheng hova, kan chen honaah chuan pawl hrang hrang kan din leh a, he kan ram zim te ah pawh hian pawl hrang hrang an tam hle. Chung ang pawl hrang hrang te chuan hruaitu an nei theuh a, hruaitu that leh that lovah pawl chakna leh hmasawnna a innghat a, pawl chak ni tur chuan hruaitu chak kan mamawh a ni. Tunah pawh hian Republic Veng Branch YMA chuan hruaitu kan thlang leh dawn a, hruaitu tha leh chak, pawl mai ni lo, veng tihmasawn thei neih kan duh chuan inthlannaah kan kal vek a ngai a, a thlangtu te ber hian hruaitu tha chu uluk taka ngaihtuah in kan thlan chhuah a tul a ni. Inthlanna a kal tha peih si lova a kal te thlan chhuah lo sawisel leh zuah zuah si hi thil zahthlak tak a ni a, kan sim a tul hle. Dik tak chuan hruaitu pawh thlang peih lo te hian hruaitu tha an phu lova, hruaitu tha lo an lo awm pawh a mawhphurtu ber pawh heng ho hi an ni. Chuvangin YMA member zawng zawngte hian mawhphurhna inang vek kan neih chu hruaitu thlanchhuah hi a ni a, hruaitu tha thlang chhuak turin Republic Veng YMA member zawng zawng te, Republic Veng YMA Hall ah ni 11.12.2012 zan hian i kal khawm vek ang u.
* Gas Consumer te an thih chauhva hming thlak an phal kha, tunah chuan I.O.C ten duh ang hminga thlakna hun a hawng an ti (A neitu hriat tawh loh pawh). Veng thenkhatah chuan YMA ten hma la in, Affidavit pawh veng chhunga ukil te nen

The REPUBLICAN WEEKLY

Y.M.A. REPUBLIC VENG BRANCH

Dt. 09.12.2012

CHHUANAWM
Jonathan Lawmsanga s/o Vanngaia, Section-III chu 26-30 November, 2012 chhunga Mini-Sub Junior National Archery Championship (Vijaywada, Andra Pradesh)-a neihah telin Bronze Medal a la a, Mizoram hminga chhuak, Archery-National Level-ah Mizo zinga Medal la hmasa ber a ni a, hetiang mi chhuanawm kan vengin kan nei hi a lawmawm kan ti hle mai a, a hlawhtlinna hi kan lawmpui tak zet zet a ni.

LAWMPUINA
Nl. R. Lalrinchhani d/o Pu R. Lalfala, Section VI ami chu ni 30.11.12 a MPSC Exam result chhuakah Tourism Officer-ah a tling a. Vengchhunga hetiang Officer tling thar kan nei hi kan lawmpuiin kan chhuang hle a ni. Nl. R. Malsawmtluangi d/o Lalengmawia Ralte, Section III ami chu RIPANS hnuaia Diploma in Optometry-ah pakhatna niin Profiency Award (Citation, Certificate leh Rs 5000) Pu Lal Thanhawla, Chief Minister hnen atangin a dawng.

NEET A APPLY THEIH TA E

National Eligibility-cum-Entrance Test (NEET) chu ni 1.12.12 atanga ni 31.12.12 thleng late fee chawi lovin a apply theih a. Ni 1.1.13 atanga ni 31.1.13 thleng late fee chawi a apply na hun hawng a ni bawk ang. NEET hi MBBS leh BDS zir tur tan chuan paltlang ngei a ngai dawn a. BVSc, B. Sc. Nursing, B.Sc(Agri) leh a dangte zir duh tan erawh Mizoramin entrance test hran a buatsaih anga, a buatsaih dan tur erawh an la tarlang chiag lo thung. Neet apply tur chuan official website www.cbseneet.nic.in hi tlawh mai tur a ni e.
Section News chhunzawmna....

thlan 11.12.2012 ( Tuesday ) zan a Community Hall a neih turah member te thahnem ngai tak a kal vek turin an in ngen bawk. Section VII: Ni 11.12.2012 hian YMA inthlan turah sound systemm hman tur a tul ang lakkhawm hnatlang neih tur a ni. Tlai dar 3:00 P.M. Mual veng kawnah innghah khawm tur a ni. Section VIII: Ni 15.12.12 (Inrinni) lo awm turah hian section chhung thenfai 'Hnatlang Pui' section VIII Welfare nena tangkawma neih tur a ni a. Chhungtin atangin mi pakhat aia tlem lo hnatlang a thawk chhuak turin an hriattir a ni. Hemi ni hian YMA Property en fel hnatlang neih nghal a ni ang.

PIC OF THE WEEK

SOUTH-I A BASKETBALL THIAM BER REPUBLIC VENG Aizawl South-I Sports Meet Basketball Finalah Republic Veng chuan College Veng 74-46 a sawpin an Champion a. Football-ah erawh Bethlehem Vengthlang 5-2 ngawta an hneh loh hnuah Venghlui 41 a hneh leh avangin Semifinal an lut tho va. Naktuk ni 10.12.12 (Thawhtanni) dar 11 hian AR Lammualah Group A Winner College Veng nen Semifinal an khel ang. Republic Basketball Team : 8 Win - 0 Draw- 0 Loss Group Stage (Round Robin League) (27.11.12) Republic Veng 68-34 Venghlui (28.11.12) Republic Veng 70-45 College Veng (28.11.12) Republic Veng 80-24 Republic Vengthlang (29.11.12) Republic Veng 88-51 Bethlehem (01.12.12) Republic Veng 65-42 Bethlehem Vengthlang (01.12.12) Republic Veng 57-53 Upper Republic Semifinal (03.12.12): Republic 75-59 Bethlehem Final (04.12.12): Republic 74-46 College Veng Final-ah Republic Veng kan chungnung! Hawla Indoor Stadium, Pitarte Tlang-ah Republic Veng leh College Veng ten Basketball final an khel a. Veng neitu ang zawka ngaih theih Republic Veng in tantu an nei tlem a, College Veng erawhin tantu an ngah viau thung. Republic Veng lamin R. Lalmuanpuia hmangin bul an tan tha viau mahse first quarter a zawh meuh chuan College Veng in 14-13 in hma an hruai thung a, mahse 2nd quarter a rawn thlen chuan Republic Veng tan Lalmalsawma, Nelson-a, Muanpuia leh Rinnunga te rawn khel tha chhovin, half time a nih chuan 29-25 in hma an hruai ta a ni. 3rd Quarter-ah Republic Veng Basketball team tak tak an rawn lang a, College Veng fans lamin au tum viau mahse au na tur an rawn nei tawh lova. 3rd Quarter a zawh chuan 47-35 in hma an hruai tawh a, 4th Quarter-ah Fabian-a dang thei an awm loh avangin Republic Veng an fal leh zual a, hun tawp thlenga fal tlangin 74-46 in College Veng chu an sawp ta a ni. Final-ah hian Nelson Lalrohlua chuan 19 points a nei a, tournament pumpui-ah 143 points neiin points score hnem ber a ni. Football Team in SemiFinal an lut hram! Group Stage match hmasaberah Lalchhanchhuaha leh Vanlalawmpuia ten Republic Veng tan goal khung mahse Bethlehem VT 5-2 in an hneh zo lova. Match hnihna erawh Vannunmawia, Lalruatfela leh Vanlalawmpuia goal hnih hmangin Venghlui 4-1 a hnehin Semifinal an lut a ni.

The REPUBLICAN WEEKLY

YMA MOTTO: * Hun awl hman that * Zofate hmasawnna ngaihtuah * Kristian nundan tha ngaihsan

Y.M.A. REPUBLIC VENG BRANCH

Dt. 09.12.2012

YMA NIHNA : YMA chu Politics rawngkai lo tlawmngai pawl a ni.

Article chhunzawmna...
mi dangte a mah zui tura siam thei hi a nia ti a. Tin A.W.Tozer chuan Hruaitu dik chuan hruaitu dinhmun chelh hi a chak hran lo mahse, a tul avang leh a mizia leh thiltihin zui a phu a, a hlawh zawk mai thin a ti bawk a ni. Heng mithiam Pahnihte hrilhfiah dan a tang pawh hian hruaitu tha leh thalo chu kan hre thei mai awm e. Hruaitu chu sulsutu leh hmahruaitu a ni a, hna zahawm leh pawimawh chelhtu, mi rintlak leh zuitlak a ni tur a ni a. Amaherawhchu, mi famkim a ni bik lova, chak lohnate nei, chin than nei a nih ve tho avangin, thurawn pek fo ngai a ni. Chutiang thila lawm taka thurawnte pawm thiam thei mi a nih pawh a tul hle ang. Pawl anga kan lo insiam hian hruaitu neih a tul thin a. Pawl chak leh chak lohna hi hruaitu tlin leh tlin lohvah a innghat thui hle a ni. Hruaitu dinhmuna ding tam takte hian, hna leh mawhphurhna lam la peih lova, nihna duh a, hotu anga awm kan tum fo, harsatna thlentu kan ni duh viau. Hetiang mite hian pawl alo chak lovin, Pawlin harsatna leh bahlahna a lo neihin, tute emaw dem a,mawhpuh tur kan zawng ruai thin.Hruaitu ni tlak lo zia dik tak a lo lang chhuak thin a ni. Hruaitu tha leh ropui chuan mi rin kaia zah phur turin a nihna ang takin a nung thin. Mahni in ngai pawimawh hmasa lovin,mi dang a dah pawimawh hmasa a,a mawhphurhna a ngai pawimawhin, chumi hlen chhuah chu a tum ber thin. Chau tak chung pawhin a pen hram hram a;a huaisenin a tum a ruh a;a ngilneiin a zaidam a; thin lung thianghlim tak puin thudik a ngainain dawtthu a mausam thin. Tarlan ngam loh leh zep ruk engmah a nei ngai lo. A ngaihdan puangchhuak turin a tim ngai lo va; ngaihdan tha zawk leh zawm tlak a hmuhin a inphahhniam hreh ngai lo. Dodalna leh hnialkalhna karah pawh thil tha tih a tim ngai lo. Pawl thil tihsualah leh hlawhchhamna,harsatna a lo thlenin a mah leh amah thiam loh inchantirin,ama mawhah a la ngam thin. Hruaitu tha lo leh tling lo chuan Pawl thil tihthatah ka an

ti zing dup a;a tha lo lamahan emaw in emaw an ti hluah thin. Hruaitu thlang chhuak tur hian ngaihtuahna fim tak pawh kan hman a ngai reng a ni. Pawla member-te hian,an hruaituin a tihtur ti lova an hriat emaw,a mawhphurhna hlen zo lova an hriat chuan,an rilru a hnual a, an phun a,an ang thin. Chutiang thil alo thlen tawh chuan an thahnemngaihna te a lo chuai a, an thawk tha duh lova, Pawlin a chhiat phah thuai thin a ni.; Hruaitu tling chuan, Pawl ho tan, tha leh zung,sum leh pai thlengin a sen a tul chang a awm thin. Mahni in pekna tello chuan hruaitu tha a nih theih lova, mahse a inpekna leh a thil tih te a chhuangin a sawi chhuak ngai lo, Pawl thil tihthat a lo awmin, thiante vang a ni tiin midangte a chawimawi thiam thin a ni.Hruaitu chu hotu ni lovin, rawngbawltu a ni a. Kawng hrilhtu leh thupetu ni mai lovin,sulsutu leh thawktu a ni zawk thin.Y.M.A angah te phei chuan hruaitute hi member-ten hna hram thawk turin chempui an pe a, Iptepui leh hnathawhkawr an haktir a ni tih an hriat a tha. Chutiang khawpa mi pawimawh chu kan thlang chhuak leh dawn a ni a, tuman ka tling ka tha anti huah lovang,nimahsela member ten hnthawhkawr kan hak tir ngam tur mi tlawmngai leh taima sorkar khawtlang leh Kohhran duh dana khawsa thin te thlang chhuak turin Hruaitu I thlang ang aw.

99 DAWR
J.S Collection Rs 99/- dawr Venghlui MPC office oppositeah thil chi hrang hrang Rs 99/- in a lei theih a, minlo dawr ve turin kan sawm a che u. (1-1)

ADMISSION NOTICE
M.Sc (H.Sc.) Specialization in Human Development enkawl - LITTLE STEPS ( Pre-School, Daycare & After School Care ) Republic Venglai ah 2013 Session atan admission hawn ani leh ta e. Hrechiang duh tan Phone No.0389-2321633 / 9612386946 (3-3)

SOUTH-I BASKETBALL CHAMPION REPUBLIC VENG