VOL. XXX ISSUE NO. 20 An Official Organ of Y.M.A. Republic Veng Branch Dt. 13.05.

2012

Ram leh hnam hmangaih hi mahni in hmangaihna kawng pawimawh ber a ni.

BRANCH EXECUTIVE COMMITTEE VAWI - 6 - NA NEIH ANI.

The Republican 13thMay 2012 : Ni 10.5.2012 (Ningani) zan dar 7:15 YMA Run Branch Excutive Committee neih a ni a. An thurel thenkhat hriattur tul awm lo tarlang ila a tha awm e. * Joint Meeting : Ni 17.5.2012 (Ningani) zan dar 7:00-a Presbyterian Kohhran Committee leh Branch YMA Executive Committee te Kohhran Common Room-a Joint Meeting (Inkawmhona) neih tum a ni. * Reception & Ushering : Central YMA leh I&PR Department tangkawpin ni 17.5.2012 (Ningani) a I&PR Auditorium a Media Workshop neih turah, kan branch chu Reception & Ushering buaipui tura min ngen angin mipa 5 leh hmeichhia 10 ruat an ni. * Central YMA Sports : Central YMA Sports inbuatsaihna atana hman tur pawisa thawhkhawm tur a ni a, tin, Branch-in Rs. 5,000/- leh Section tinin Rs. 1,000/- theuh thawh bawk tura ruahman a ni. Hei hi a hma thei angin Branch sum enkawltute hnenah pek tur a ni, hemi bak chu a tul anga ngaihtuah chhunzawm zel tum a ni. * YMA Day : Kumin YMA Day hman dan tur ruahmanna lo siam tura O.B te ruat an nih anga ruahmanna an lo siam leh infiamna neih dan tur chungchanga Sports Sub-Committee-in ruahmanna an lo siam chu siamthat ngai lai te siamthain pawm a ni a. YMA Day zingkarah Section tinin mahni Section huam chhung tihfai hnatlang neih tum bawk a ni. YMA Day hian infiamna tur item hrang hrang a dan (Rules) lo siam chu Sport Sub-Committee kutah dah a ni. Tin, YMA Chhang Khuallam intihsiakna turah hian dan (Rules) leh incheina (Dress) chungchang chu Cultural Sub-Committee kutah dah a ni bawk. * Mi harsa In sak sak : Branch YMA Executive Committee-in mi harsate chenna tur In sak sak chu tha ati a, O.B. ruahmanna siam tura ruat an nih angin Local Council-te nen In sakna tur hmunhma enfel phawt tum a ni a, Central YMA Sports zawh hnuah uluk zawka ngaihtuah that leh tum a ni.

Branch News
* Ni 5.5.2012 (Inrinni) khan Basketball Court hungna siam hnatlang neih a ni a, member thawkchhuak an tha hle. * Nimin ni 12.5.2012 khan kuang duan hnatlang neih a ni.

PEM LEHKHA
Central YMA in pem lehkha Form a siam danglam avangin Secretary hnena Y.M.A. Pem lehkha la tur reng rengin chhungkaw hming, pianni/ thla/kum chiang takin hriat tur a ni. Voters I.D. Card-a Epic No. tarlan tel a ngaih thin avangin Voters I.D. Card emaw Epic No. emaw tel lovin pem lehkha lak chhuah theih a ni lo. Tin, Pem lehkha hi Branch-in Central YMA Office atanga a lei a nih avangin pem lehkha man Rs. 10/- ken tel bawk tur a ni. LOCAL COUNCIL HRIATTIRNA Tunlai hian ruah nasa taka a sur fo avangin vengchhung mitin te leimin leh chhiatna dang thleng thei lakah fimkhur tlan theu i tum ang u. Tin, kan in leh a vel vawng fai a, kan tui chhe paihna te enkawl uluk theuh turin leh bawlhhlawh pawh a paihna hmun turah chauh paih turin kan in hriattir nawn e.

YMA Information
Kan Branch YMA information hi electric current a awmloh in thu puantheih a ni lo a, rikrum thilah pawh buaichang kan nei thin. He harsatna sutkian nan inverter battery neih tum mek a ni a, chhungte boral tawh hriatrengnan emaw donate thei kan awm anih chuan Branch YMA chuan lawm takin a dawng thei e. YMA Information hi a chhiat thatah m ipuite hian kan mawh phurhna a ni tih hr iain a lo c hhi at paw h in phone N o. tarlanah hian i hriattir thin ang u. 9612310138 Tin, he number tarlan hi Information mike leh a hmanrua chhia report na chauh a ni a, thildang complain na a ni lo.

SECTION YMA NEWS

Section I : NI 21.04.2012 ( Sunday) khan Neuva section, Venghlui branch Y.M.A te nen veng inrina lai ( Hmawngkai Tuikhur bawr) alo thianghlim zawk nan joint committee annei a. Khawngtaka kalho turin resolution an pass a, helai hmun a ruihtheih thil ti thin an man chuan nataka action lak an tum ani. Property house sak na tur chu tunkar lo awm tur hian khawn tum ani a, section huamchhunga chungtin te kan in hriattir a, tlawmngaih chhuaha chhungtin te phal ang tawk tawk lo pe turin kanin ngen ani e. Section V : An section chhung mi thahnemngai te thawh khawm atangin No(cup) thar tha tak 16 dozen lai an lei thar a, No lei nana a pawisa pe tu zawng zawng te chungah an lawm hle. * 5th May (Inrinni) Zing khan Anganwadi chhuar siamin an hnatlang a, 9th May (Nilai) zing khan Poho Committee hmalakna in an Section chhung Electric Ban phun sawnin an hnatlang bawk. * REPUBLICAN man an khawn chhunzawm zel a, REPUBLICAN la tu ten tha tak a lo pe turin an ngen nawn leh a ni.

The REPUBLICAN WEEKLY

Editors Jt. Editors : H. Lalhriatpuia R. Lalthanzawna : Robert Zosangliana RD.Lalrammawia Lalzarzova : H.Lalremruata Lalhmingmawia Andrew Lalrohlua Lalliantluanga Lalthanmawia Zomuanpuia Sailo : Ngurthanmawia : Lalhmangaihsanga Sailo Biakzosanga Kananmawia

Y.M.A. REPUBLIC VENG BRANCH

9862536632 9436159221 9862379583 9612698049 9856310432 9862449817 8974963471 9612318217 8575707353 9612325489 9862732404 9436375023 9862170549 9615820570 9862754953

Dt. 13.05.2012

E DITORIAL B OARD

SAWI HLAWH EIRAWNGBAWLNA GAS CHUNGCHANG

-Lallunghnema, Charity Lodge
Eirawngbawlna Gas hi chhungkaw tin deuhthaw nghawng a nih avangin a pawimawh hle a. Gas awlsam leh awlsam loh pawh hi sorkar chak leh chak loh tehna fung atan kan hmang ta deuh zel a; hei hi tun hnaiah kan ram hruaitu thenkhat ten Gas hi sorkar mawhphurhna nilo leh Company leh Agent te inkar a ni tia an lo sawi deuh avangin ram mipui titi a lo tling ta hial a. Sorkar beih nan tak Eptu lam ten an lo hmang ve chhen bawk si nen. Tlawmngai pawl thenkhat pawh an inrawlh phah hial a. Consumer Union erawh chu englai pawha inhnamhnawih leh mipui chanvo humhalhna kawnga ke pen ber a nih avangin helam kawnga thluak hmang ber an ni bawk a. Chuvangin, sorkar pawhin an thu leh hla hi a ngaihchang viau a ni. Hetianga eirawngbawlna Gas khuahkhirh leh kaihhruai thua mipui an chiai lai hian Gas awmzia leh nihphung te kan hriat chian leh thain ka hria a, chungte chu ka'n ziak tel nghal a ni. 1. Gas chu engnge ni?: Hetiang hian tawite in kan hrilhfiah ang. Tuialhthei chikhat, eirawngbawl nana tangkai tak, heksak silo a ni. Liquified Petroleum Gas tih a ni a. A lam tawiin LPG kan ti mai thin. 2. L.P. Gas chu engtingnge kan neih theih ang?: A dan dik takah chuan Gas connection ti tur chuan Distributor hnenah Document pawimawh kengin Booking kan ti hmasa ang, an nin Booking Voucher min pe ang. Booking tih nan hian pawisa sen tam a ngai lo. Tunlaia Gas Distributor thenkhatin Booking tih nan cheng tam tak tak an phut thin hi dan bawhchhiatna a ni, phuahchawp mai a ni. Tin, Gas Connection tih nana Rs 3600-7500 an lo la thin pawh hi tih dan tur a ni hek lo. Gas Connection tih nan hian Rs 1000 pawh sen a ngai lo. Hetianga cheng sang engemaw zat min chawi tir thin hi Gas thuk min lei luih tir thin vang a ni a. Pawisa tam tak Customer te atanga eirukna chikhat a ni. Gas Connection tihnaah Hot plate inlei luihtir hi dan bawhchhiatna a ni. Miin khawi hmuna mi pawh ISI mark anih phawt chuan Hot plate a lei thiang a ni. Hetiang Gas inlei luihtir report a awm chuan Rs 20,000/- thleng chawi tir theih an ni. 3. L.P. Gas hi Loan a ni: Gas hmangtute hi Company tawngkamah chuan Subscriber tih an ni a, Gas Connection kan tih hian gas Cylinder leh Regulator te hi Loan-a pek kan ni. Leitu leh neitu ni lovin a hawhtu kan ni zawk anih chu. Heng Hot plate Regulator leh Cylinder te hi Gas kan hman loh hun huna Company-a surrender tur a ni. Gas Cylinder hi i ta a ni lova, Company ta a ni tihna anih chu. 4. L.P. Gas Control chungchang: Gas Distributor te hi, kan sawi tawh thin angin Marketing Guideline leh LPG Control Order te, The Essential Commodities Act 1955 te, L.P. Gas Cylinder rules te leh dan chi hrang hrang heta sawi vek sen loh te hmang hian sorkar chuan a khuahkhirh tur a ni. Sorkar thuneihna a ni. State sorkar chu Gas Connection pek thuah te, Gas hmun hrang hranga sem chhuah thuah te a inrawlh tur a ni. State sorkar chuan mipuite hnenah heng eirawngbawlna Gas te hi anih tur ang takin a thleng em? a hmu tur dik takin an hmu em tih hi a en thlithlai reng tur a ni. Dan bawhchhiate chu State sorkar chuan dan hmang vekin a hrem thin tur ani. (chhunzawmna phek 4)

News Editors

Manager Cir. Managers

YMA RUN hmang turte tan Br. YMA I/c Secy., Property - 9862369320 / 9436362024

Cement Mistiri. Aizawl khawpui veng hrang hrang hi fang kual ila cement concrete a in, saklai hmuhtur atam hle mai, Cement, rod, balu leh brick zawrhna dawr te pawh hian stock annei hman meuhlo a tihtheih awm e. Heng insak hnathawktu (Mistiri leh helper) te hi Vai deuh vek anni, Mizo hmuhtur an vang hle mai! Vai mistiri leh helper te hian hna an hmu hle anih hmel, mamawh huna han chhawr mai tur an vang hle bawk. An rate pawh Central YMA in a siamsak angin an thawk meuhlo, kan state sum engemaw zat hi Karimganj lamah an thawnthla deuh reng a nih hmel hle. He mi tih reh theihna tur hian Central YMA hian Cement Mistiri training a buatsaih fo tawh a, tunhnai maiah pawh khan buatsaih lehin, DA atan Rs.150/day a pe nghe nghe ani. Kan vengin quota ka neih pakhatah khan tumah diltu kan awm lova a pawi hle a ni. Tunhma deuh 1990 bawr chho vel thleng khan lumet zawng zawng kha vai deuh vek anni a, mizo in lumeh kan lo thiam chhova kum 2000 chho ah chuan vai lumet hmuhtur an awm ta lo. Hetiang ang deuh a cement mistiri leh helper zawng zawng Mizo kan nih hun a nghahhlelhawm hle mai. * Thawm bengchheng tak, ngaihnawm tak ni si nena champion lawma zanlai a lo haw te khan hnuk in ti ulh a, awmhmunah kan lo lawm ve a sin, CYMA Basketball leh Football Tournment lo awm turah pawh veng tana thahnemngai taka in theihna zawng zawng nen min champion pui ngei turin tan han la sauh sauh teh u..... - Empy Gerrad * Central YMA sports lo awm tura players te leh management staff te inpekna a sang in a thuk hle a, players te tha tichak leh zual turin veng mipuiten kan tih ve theih chhun sum leh pai lama tanpuina hi thahnem ngai takin i pe ve ang u khai..... - Veng hmangaih-a

The REPUBLICAN WEEKLY

Y.M.A. REPUBLIC VENG BRANCH

Dt. 13.05.2012

DAM LO
* Lalrinsanga (Tawtawa) s/o Pu Lalnunpuia (Mana) Section-VIII ami, accident avanga hun eng emaw chen damdawiin a enkawl a nih hnuin dam takin an rawn chhuak leh ta.

CYMA SPORTS ATANA INPUAHCHAHNA

SAWMNA
Dt.15.5.2012 (Thawhlehni) hian kan pa C.Lalbiaknema hriatrengna lungphun kan tum a. He hun min hmanpui tur hian veng chhung mi zawng zawng te kan sawm a che u. Veng chhungah sawmna card sem anih loh avangin hei hi sawmnaah min lo ngaihsak turin kan ngen a che u. A hnu : 15.5.2012 (Thawhlehni) Zaiho : Zing dar 10:00 A.M. atangin Hunserh : Chawhnu dar 1:00 P.M. Ruai : Tlai dar 3:00 P.M. Selziki leh a fate J-44/Republic Venglai Pic : Kan Branch YMA Football Team Football News: * Ni 9.5.12 (Nilaini) khan Electric Veng nen practice match neiin 2-2 in kan in draw. * Ni 12.9.12 (Inrinni) khan Dinthar nen practice match neiin 5-0 in kan chak. * Kan veng player F. Lalrinpuia (Valpuia), Sec-VI chu Mizoram Santosh Team-ah thlan a ni a. Tunah hian Santosh Trophy khelhna tur Orissa-ah a awm mek a ni.

Lawmthu Sawina
Pu M.Sawmliana'n (Branch Sr. Adviser) Republic Veng Football Team ball min pe a. A chungah kan lawm hle a ni. Players-te an tang! Mipui kan tang ve thei dawn em! CYMA Football leh Basketball Tournament lo awm tur atan kan veng team te pawh an practice nasa tawh hle a. Basketball tournament hi tunkar lo awm tur hian tan a ni dawn a, kan veng team hian ni 22.05.12 hian Bungkawn nen an inkhel ang. Football erawh fixture siam ala nih loh avangin khelh hun tur hriat ala nilo. Football player tan Football Boot? Kan veng player te hi an practice that avangin an boot te a chhe tan tawh a, boot thar mamawh tawh tak tak te an ni hlawm. Chumai bakah boot hlawh hi an phu a, Republic Veng hmingthatna turin an hun hlu tak sengin theihtawp chhuahin an practice a. Branch YMA in sum a neih duh anga a neih loh avangin a hautak lo thei ang berin practice an kalpui a ni. Football player te ang bawk hian basketball player te pawh hian practice an bei ngawrh hle a, kan veng hi sum leh pai a neinung fal awm lo mah ila, kan tan rual chuan kan team te mamawh tur hi chu kan thawhkhawm theih a rinawm. Player ten theihtawp an chhuah tawh bawk a. Tunah chuan veng mipuite tan a hun ta e.

VENGHLUN -III PAHO COMMITTEE

* Electric ban Pu Ralpianga in bul ami thlakna turin kawngthlang lam Pu Vanlalthlana leh Pu Lalsangzuala in inkarah ni 5.4.2012 khan phun a ni a. Tin, ni 8.5.2012 Pu Zaneihsangzuala leh Pu V.Lalramliana in inkar kawngthlangah phun leh a ni a. P&E Department in a hrui te min rawn thlun sak hnuah Pu Ralpianga in bula ban hlui hi Pu L.Thangchhawna in bulah phun leh tura ruahman a ni bawk. Tin, heng electric ban thar pahnih te hi kan Local Council member Pu Biakchhawna min ngaihtuah sak a ni a, a chungah Venghlun III Paho Committee chuan lawmthu an sawi a ni. * Lane thlang mipuiin College Education of Teacher Education atanga kalna kawng chu JCB te chhawrin an lai zaua, kawrpui kanna leihlawn pawh bike tlan theihna turin leihlawn an dawh kai bawk a ni.

Pic : Pu Venliana te in kawt (Section-VIII) Electric bana street light a awm hi hun eng emaw chen atang khan a chhiat tak avangin helai hnai a chengte tan harsatna a siam a, siamthat vat atan a tha hle.

Pic : Basketball practice lai Basketball Court hungna hi Branch hnatlang in ni 5.5.2012 khan siam a ni.

The REPUBLICAN WEEKLY

YMA MOTTO: * Hun awl hman that * Zofate hmasawnna ngaihtuah * Kristian nundan tha ngaihsan

Y.M.A. REPUBLIC VENG BRANCH

Dt. 13.05.2012

(Article chhunzawmna...)
Govt. Oil Company leh sorkar te chuan mipui hnena Gas hi tha tak leh awmze nei taka a thlen theihna turin hma an la reng tur a ni. Chung atana theihtawp chhuahtu tur chu sorkar leh Gas Agent te an ni tih hi a chiang khawp mai. Kan sawi bakah hian sorkar mawhphurhna a nih leh nih loh tih chian nan hei chauh hi han sawi dawn ila. Kum 1997 vel khan Mizoram sorkar chuan MLA rual awmna High Level Committee on L.P. Gas a din a. Heng ho thurawn ang hian Gas Agent ten hna an thawk a. Gas Connection tihna a manto tak taka pawisa seng thin kha Agent thenkhat Mizofed te chuan Rs 3500 atangin Rs 1995 ah an tlahniam a. Agent dangte pawhin engemaw zatin an tihniam ve leh bawk. Tin, hetih lai hian veng chhungah Gas sem a ni ve leh bawk a. Hengte hi Consumer Union leh State sorkar hmalalkna rah liau liau a ni. Gas Supply-ah hi chuan kan sorkar te hi an che tha lo tlangpui a. Congress Party hun hmasa lam khan Consumer Union te nen nasa takin State sorkarin hma a la a, Gas connection man tih hniam a ni a, veng chhungah Gas sem a ni bawk a, MNF hunlai khan Mualkhang Bottling Plant hawn ani a, an hunlai ve ve hian Gas Supply-ah harsatna kan tawk ani. MNF hunlai khan Gas-ah kan harsa viau tho a, zankhaw tairek thleng thlengin gas lak tum kilometre 1 deuh thaw thaw an intlar emaw tih tur a ni a. Gas bur ruak aiah lungtum te an tlar dul mai a, Rs 50/- in thenkhat chuan lungtum an inlei sak nawk thin. A van lai tak tak chuan vang ve tak tho a ni, kan hniang hnar ngai lo. Tum hnih khat erawh Gas in duh em tia au thawm kha a awm ve a, mahse reilote a ni. Gas harsat luat avangin Consumer Card aiah V/C card kan introduced a, hei hi reilote chhung atan tih ani. Mahse, tun thlengin kan hmang a, hei hi dan bawhchhiatna a ni. consumer Card tel lova Gas lak hi dan bawhchhiatna ani bawk. Ni 150 chhung Gas card hman loh phei chu cancel sak theih ani a. Tin, Gas bur ni 90 chhung hman loh phei chu Gas Connection tih tawp sak theih an ni bawk a ni. V/C card hi tih tawp thuai a tha hle a, Consumer card nei dik tak chauhin Gas hi la thin ila kan zia phah ngei ngei ang. Tunah chuan chhungkaw tin eirawngbawl hrang tawh phawt chuan Gas hman kan tum vek a. Connection kan nei bawk silo, hei hi kan buaina ber pakhat a ni. Tunlaia Gas hetianga taka harsatna kan tawhah hian Ministry pahnih kan khaikhin fo a, Minister pahnih hming kan lam fo te hi kan inenfiah nan a tha khawp mai. Heti taka mipui hnena Gas thelng khat ta em em mai te hi thuneitute tan phei chuan zahthlak a tling a. Gas chinchang hre mang silvoa, a sem chhuah ringawta kan phur em em mai te, intihtheih nana kan han hmang fo mai te hi sim chi a ni. Sorkar chak leh thiltithei zia pawh niin a lang lo. Tunlai hian veng chhungah V/C hovin Gas an sem thin a, V/C card neilo chu Consumer card nei pawh ni sela, an pe lo te pawh hi dan a ni lo hrim hrim a ni. Phuahchhawp lutuka kan kalpui fo chuan kan kalpui reng thei dawn chuang lova, chuvangin, V/C card hi tih tawp a. Registered Consumer dik takin la sela hei hi a that dan ber a ni. a bulfuk leh bulthum hre mang silva a lera lo thuai ve hmawk hmawk ang chi hi zawng awmzia a nei tak tak love. Hetiang renga kan kal chuan mipui thinrim kan la tawng baw lovang tih pawh a sawi theih loh. Good Governance-ah chuan Gas a thleng tha anga, buhfai, chini, petrol a thleng tha tur a ni. Hei hi sorkar chak zia a ni mai. A tul dan azirin kan chhunzawm leh ang.

YMA NIHNA : YMA chu Politics rawngkai lo tlawmngai pawl a ni.

HSSLC RESULT 2012

Higher School Leaving Certificate (HSSLC) result Mizoram Board of School Education (MBSE)in tih chhuah a kan veng chhung a HSSLC pass thar then khat lo tarlang ila :Section-IV 1) Christopher Lalrinsanga S/o C.Lianngura II (commerce) 2) Lalthlamuana S/o Zosangliana III (Sc) 3) Lalremruati d/o Lalzarliana Sailo III (Arts) 4) Lalremsangi c/o Lalhrilliana III (Arts) 5) Lalthlengliani d/o H.Vanlalruata III (Arts) Section-VII 1) Laldinpuii d/o F.C Liannghinga 2) Albert Lalsawmliana s/o Lalramnghaka 3) Lalhriatpuii d/o B Zokhuma 4) Rachelle Lalbiakkimi d/o Biakhnuna II Div Arts III Div Arts III Div Arts I Div Sc

HSLC RESULT 2012

Section-I Lalremruata Renthlei s/o R.Vanlalsawma Section-III Lalrinhlua s/o Lalrintluangi IInd Div

Ist Div (L-Sc,Mizo)

Matric (HSLC) pass thar kan rawn tarlante hi tih hmaih palh a awm thei a, tih hmaih hriat kan la neih chuan section hruaitut hnenah hriattir thei ila a lawmawm khawp ang.

NUTE NI (MOTHER'S DAY)

The Salvation Army te chuan khawvel pumpuiah tun chawlh ni 13th May hi a rualin NUTE NI an hmang leh dawn ta. He mi ni hian Nu te chawimawi nan pangpar te leh present te hlanin an Nu te chawmawina ni atan an hmang thin a ni. Republic corps te pawhin he ni hi uar tak a hmang turin an inbuatsaih a, Treasury Square ah pawh Nute chawmawina thuziak Banner 15 ft. vel zet a sei an tar a ni. Biakin lamah an nute chawimawina pangpar an hlan bawk ang. Nu thihsan/boralsan tawh naupang te pawh in an nute thlan ah pangpar te an khawi thin bawk.

MATHEMATICS TUTION
Class tan a ni tawh e *Class X leh a hnuailam tan Rs 800/month *Class XI leh XII tan Rs 1000/month Contact : 9856310432 Lalzarzova (4-4) M.Sc.(Maths)

Published by Republic Veng Branch YMA, Printed at Zo-Awm Press, Khatla, Copy 750