VOL. XXX ISSUE NO. 48 An Official Organ of Y.M.A. Republic Veng Branch Dt. 23.12.

2012

Republican 23rd December 2012 : Branch YMA Executive Committee member 2013 chu ni 21.12.2012 (Zirtawpni) zingkar khan YMA Runah neih a ni. Executive committee hi section inthlan chungchang ngaihtuah BRANCH YMA 2012 tur a awm avangin hma tak thut khawm a ni. SUM REPORT Kum 2013 atan Section Section-V a kal turte : Kum 2012 chhung a kan Branch YMA sum hman dan report, tin, hei YMA chu Branch YMA chuan a din Pu H.Lalbiakmawia, R.O. hi Branch YMA inthlan zan thleng a leh dawn a, section inthlan hun atan Pu F.Lalhmingliana P.O. Finance Report a ni. ni 27.12.2012 (Ningani) zan dar Pu Dengvunga P.O 1. GENERAL :7:00 P.M. ruat a ni. Branch YMA Section-VI a kal turte : Hmuh zat : Rs.2,77,485.00 atangin Section inthlanpuitu tur te Pu R.Liandawla, R.O. Hman ral : Rs. 1,86,356.00 Pu R.Lalthanzawna P.O. pawh hetiang hian ruat an ni :Hman bang : Rs. 91,129.00 Nl.Lalrintluangi P.O Section-I a kal turte : 2.Thlanmual :Section-VII a kal turte : Pu Lalchhuangliana, RO Hmuh zat : Rs.1,64,232.00 Pu C.Zirliana R.O. Pu Lalhmangaihzual Vuite P.O. Hman ral : Rs. 1,18,961.00 Tv.H.Lalhriatpuia P.O. Pu J.Lalchhuanmawia P.O. Hman bang : Rs. 45,271.00 Pu Lalfamkima Chhangte P.O Section-III a kal turte : 3.Library :Section-VIII a kal turte : Pu R.Vanlalsawma, R.O. Hmuh zat : Rs.3,72,584.00 Pu Ngurthanmawia, R.O. Pu Lalramchhana Pachuau P.O. Hman ral : Rs. 3,48,421.00 Pu Rokima Ralte P.O. Pu B.Zokhuma P.O Hman bang : Rs. 24,163.00 Pu David Lalremruata P.O Section-IV a kal turte : 4.Information :Section inthlan hi a hma Pu Biakengmawia, R.O. Hmuh zat : Rs.18,209.00 thei ang bera neih thuai tum a nih Pu Rohnuna Ralte P.O. Hman ral : Rs. 12,803.00 avangin Section tin te lo in Pu Vanlalhriata P.O Hman bang : Rs. 5,406.00 buatsaih thuai turin ngen in ni.
5.Vohbik Run :Hmuh zat : Rs.3,51,635.00 Hman ral : Rs. 3,34,218.00 Hman bang : Rs. 17,417.00

Zohnahthlak hnam zawng zawng te hmangaih hi, hnam hmangaihna dik a ni

BRANCH YMA EXECUTIVE COMMITTEE NEIH A NI.

SECTION YMA NEWS

Section III : Ni 21.12.2012 (Zirtawp) zan khan Soil Dept. garage-ah duty an tan a, duty hawn nan hian Pu Lalremtluanga Local Council member chuan sawhchiar tui duty hawn nan a buatsaih sak a, a chungah an lawm hle. Tin, Republic Presbyterian Upa bial-4na ten Kawipui an chei leh tawh bawk a, vengchhung a ti mawiin an chungah section YMA chuan lawmthu an sawi a ni. Section IV : Ni 20.12.2012 (Ningani) zan khan an section chu an duty tan. Tin, ni 22.12.2012 (Inrinni) zingkar khan section huamchhung thenfai hnatlang an nei a, YMA member mai bakah YMA chhangte member thahnem tak an hnatlang bawk a ni. Section V : An section a chhungkua pathujm te hnenah Krismas Chibai bukna thilpek Rs 1000 theuh an hlan. Ni 15.12.12 (Inrinni) khan Pu Hmachhuana, Field Veng te vawk an talh a, sum tuakna siamsaktu leh tlawmngaia sa leisaktute chungah an lawm hle. Kirsmas vuak vetah ngawrh taka Duty an tum a, tumah buainsa siam zawng leh midang tgana hnawksak zawnga khawsa lo turin an in ngen. Section VI : Ni 12.12.2012 (Zirtawp) zan khan section duty Br.Pre.Pu R.Liandawla'n a hawn sak a, member te thahnem ngai taka duty turin an in ngen a ni. An section huamchhunga tanpui ngai hnenah krismas thilpek Rs.1000/- an hlan bawk. Ni 27.12.2012 dar 7:00 ah section inthlan tur a ni a, member te kal vek turin an in ngen. Section VIII: Ni 15.12.12 (Inrinni) khan section property chhiar fel hnatlang bakah section huamchhung thenfai hnatlang an nei.

6.Bank Interest : Rs.5,311.00 Grand Total :Hmuh zat : Rs.11,84,145.00 Hman ral : Rs. 10,00,759.00 Hman bang : Rs. 1,88,697.00

YMA Information Network

YMA Information a puan tir duh kan neih chuan a hnuai a phone number tarlanah hian hriattir thin nise. Tin, a chhiat t h a ta h m i p ui t e h i a n k a n m a w h p h u r hn a a n i t i h hriain a lo chhiat pawh in phone N o. tarlanah hian i hriattir thin ang u. 9612310138 Tin, he number tarlan hi Information mike leh a hmanrua chhia report na chauh a ni a, thildang complain na a ni lo.

The REPUBLICAN WEEKLY

Editors Jt. Editors : H. Lalhriatpuia R. Lalthanzawna : Robert Zosangliana RD.Lalrammawia Lalzarzova : H.Lalremruata Lalhmingmawia Andrew Lalrohlua Lalliantluanga Lalthanmawia Zomuanpuia Sailo : Ngurthanmawia : Lalhmangaihsanga Sailo Biakzosanga Kananmawia

Y.M.A. REPUBLIC VENG BRANCH

9862536632 9436159221 9862379583 9612698049 9856310432 9862449817 8974963471 9612318217 8575707353 9612325489 9862732404 9436375023 9862170549 9615820570 9862754953

Dt. 23.12.2012

E DITORIAL B OARD

Khang Hunlai Krismas Kha Aw..

- Saingura Sailo (Guti-a)
Kum tawp Exam pui a han zova kan nghahhlelh em em Krismas in kan lung a len nghal a, tute inhnuaiah nge buk kan sak ang a, tuin nge a bang tur buara thawh ang tiin kan buai nghal ngawt a. Chutah kan helhhawlhin eng ber nge kan tih ang tia kan ngaihtuah fe hnuah thlanmualah kan liamthla a tlangsam leh hnim bawh en, inbiruksiak in hun kan hmang a, chhun a lo ni a, rairuang kan kek a, kawlbahra leh pangbal kan chova silfai lem lova eithei nih kha pa riaua inhriatna kan nei thin.World Trade Centre tih lam kan ngaihtuah pha ve lova, field thlang lungrem zawh chhuak ngam kan ngsaihsan theih thin zia kha aw... Bruce Lee tluk hialah kan ngai a ni ber mai.

News Editors

Manager Cir. Managers

YMA RUN hmang turte tan Br. YMA I/c Secy., Property - 9862369320 / 9436362024

Krismas lo thlen hian... Krismas kan hman chhan hrelo kan awm lo. Mahse krismas kan hmuah dan leh hemi atana kan inbuatsaih dan erawh a dik tawk lo niin a hriat thin. Hei vang tak hian krismas kan hman dan tur pawh hi ama duh dan ni lovin kan duh danin kan hmang dawn niin a lang tlat mai. Krismas kawr mawi kan lei a, nau piang hmuak tur chuan kawr thar chu thil tih awm reng a ni. Chutihrualin chhungkaw pawisa neih dan ngaihtuah lek lova, thenawmte pawn an lei thei alawm, tih vang ngawta kawr man to tak tak lei hi chhungkaw harsatna siamtu pakhat a ni a, krismas nun zalen taka kan hman theihloh chhan ava ni em. Kan pawisa neih dan zela in siam rem thiam ava tha em. Chutiang bawkin a leina tura buai lo te pawn man tlawm zawk lei tum ila, chu chu midang thil pek tluka hlu a ni tih pawh hi kan hriat ava tul em. Krismas vuak vetah ruihtheihthil leh buaina chhuah loh nan kan veng chhung ngeiah pawh section hrang hrangah an duty leh dawn a. Duty te thawhrimna leh inpekna a fakawm a. Krismas pawh thlamuang zawkin kan hman phah ngei ang. Mahse krismas vuak veta duty ngai leh thin hi chu inenfiah kan va ngai tak em. He hun kan hmuah dan leh kan hman dan hi mahni theuh i enfiah leh ang u.

* Republic Veng chhunga cheng zawng zawng te hian krismas vuak velah veng chhungah buaina siam lo ila, veng pawna kan chhuahnaah pawh Republic Veng ti hmingchhe thei tur zawngin i khawsa lo ang u. - Republic Veng Hmangaiha * Krismas boruak lai ni mahse nakum lawka Board exam hmachhawn tur an awm tih i hria ila, bengchheng siam loh hram i tum ang u. - Naupang Duhsaka-a

Pic : Boys Club Kela Road (1982) Carol: Krismas carol nan khuangtlir (Little Drummer Boy) a lar thei hle. Kela Road leh Field veng te khuangtlir zir thawm hriat tur a awm tan a, Kela Road ah Machhuana, Liandawla (Rep. Y.M.A President), Hmaa, Madintea, Mawia, Maawma, Chhuanga, Zaia, Sawmpuia, Ruatea, Sangtea, Mawitea te an ni a, Pu K. Huala thlan awmna ah khuan an zir thin a, Field veng in Pu Kawlhnuna (L) kawt thingbuk hnuaiah Mavala, Mafinga, Biaka, Marintea, Kaia, Dawnga, Adingliana, Masawma te hovin an zir bawk a. Teng ke re leuh keuh dung tih leh Pachhunga kekawr a zuih a zuih dan a in anglo tih beat te kha a lar thei hle.Kela Road nge Field veng thiam zawk tih mai maiah te khan kan inhnial thin kha a nia, kan lo a thei ngawt mai. Assam Rifles baza pu te tih dan angin field vengin an khuang khuh nan puan dum an bat thin a, ropui danglam tak a ni.Keini thianho (Tluanga (L), Jaak-a, Malsawma, Patea) pawh Kela Road leh Field Veng tih dan entawnin khuang kan tlir ve a, urlawk zana chow kana tur tuakin kan carol ve thin. E..taka tawngkam a thiam deuh avangin Liandawla kha kawngka kik tu ah tangin pawisa dawngtu a ni bawk thin. Bawng rim Krismas: A tlang puiin 15th Dec velah Krismas bawng tur lei a ni thin a, tunlai angin Biak in ah hman a ni ngai lova, a veng venga hman a ni thin. Keini naupang chuan a thau lam kan ngaihtuah lova, insik huai tur leh a chungchuan ngam tih bak kan ngaihtuah pha ngai lo. Bawng thlahtur kan nei ve ta a, Masi intualah an thlung a khawdang kan hawi thei tawh lova kan thlek kan thlek tawh mai thin. Bawng rim a rawn nam tawh hi chuan Krismas rim hliah hliah hian kan hria a, a bak Krismas rim dang awm velo ang hialin kan ngai a ni ber mai.Tunlai naupangte hian Krismas rim hi engtin ngai ve tak maw. Zing chaw eikhamah field ah bawng kan thlah a , thianpa Alberta (L), Hriata,

Phek li-naah chhunzawm a ni...

The REPUBLICAN WEEKLY

Y.M.A. REPUBLIC VENG BRANCH

Dt. 23.12.2012

DAMLO
* Pu B.Lalmawia Sec-VI chu in check-up turin Kolkata ah an thang mek. * Pu J.H.Zoena Sec-VI chu damlohna avangin damdawiina a awm hnuin in lama inenkawl chhunzawm turin an rawn chhuak.

BO / CHHAR
* Dt 14.12.2012 zan khan sub-center bul kawngpuiah hmeichhe purse a chhunga pawisa awm chhar a ni a, a ti bo chuan a awmdan chiang taka sawiin a hnuaia phone no.-ah hian zawhfiah a lam theih a ni. 9862133168 * Ni 12.12.2012 (Nilaini) khan camera (Canon SX10) kan veng chhungah tihbo a ni a, a chhar emaw a awmna chin hria chuan Tv.Zonunsanga Pachuau phone no. 9206012294 / 9774776199 ah hriattir nise a lawmawm hle ang.

JAC THUCHHUAK
Kumin Krismas leh Kumthar te veng mipui ten hlim tak leh thlahmuang taka kan hman theih nan Republic Veng Joint Action Committee (JAC) chuan theihtawpa hmalak a tuma, vengchhungah buaina leh harsatna siam a, mipuite ti thlabar zawnga tumah awm lo turin kan inhriattir a ni. JAC te duhdan nilo zawnga che/awm kan awm anih chuan an chungah action lak a ni ang. Ruihtheih thil zawrh leh lakluh khap tlat a ni bawk. Veng mipuiten heng a hnuaia hming leh Phone number-ah hian harsatna kan tawk a nih chuan hriattir theih a ni. 1. Pu H. Vanlalruata - 9436197281 2. Pu Lalremtluanga - 9862342726 3. Pu Lalchhuangliana - 9436192239 4. Pu Biakengemawia - 9862860225 5. Pu Vanlalsawma - 9436197184 Heng bakah hian mahni section YMA hruaitute pawh hriattir theih an ni bawk.

KOHHRAN
Republic Veng Presbyterian Kohhran chuan Camping follow up bawhzui zelna atan hnehna kawngzawh an buatsaih a. Pi Pangi peng atanga Pu F. Lalnienga in thleng ni 21.12.12 (Zirtawpni) zan khan kawng an zawh.

MIZORAM PREMIER LEAGUE Mizoram Premier League transfer hun (Second Window/Winter Transfer) chu ni 17.122012 (Thawhtanni) khan hawn tan a ni a; Local players tan ni 10.1.2013 (ningani) thlen hawn a ni anga. State pawn leh ram pawn players tan ni 31.12.2013 (ningani)-ah transfer hun hi a tawp ang. MPL Season 1, Second Phase chu ni 14 January 2013-ah tan a ni dawn bawk a ni. ALL INDIA POLICE MEET - 2012 BN Mullik Memorial 61st All India Police Football Championship Bihar-a khelh zawh takah Mizoram Police chuan semi-final a Assam Rifles 30 a an hneh loh hnuin Third Place-ah Kerela Police 3-0 a hnehin pathumna an ni. Third Place-ah hian kan veng tlangval F. Lalrinpuia'n goal khat thunin, Police Meet chhung hian goal 5 a khung a ni. AIFF NEWS December ni 20 (Ningani) khan All India Football Federation (AIFF) chuan Annual General Body Meeting neiin AIFF President ni lai Praful Manoharbhai Patel chu thlan nawn leh a ni. Mohun Bagan player Syed Rahim Nabi (Mohun Bagan) chu Indian Player of the Year a thlan a ni. FOOTBALL NEPNAWI 1. Argentina goalkeeper thin Sergio Goycochea kha a timak ve khawp mai. Kum 1990 Workd Cup Semi Final a Italy nen an intum tum khan Penalty Shootout dawnah ground chhungah a zung a, an chak zui tak avangin a hnu lehzel a penalty shootout a hmachhawn dawn apiangin ground chhungah zu han zung ziah a!. 2. He Denmark League a thil thleng hi chhinchhiah tlak tak a ni. Norager leh Ebeltoft intum tumin Norager lam hian 4-3 in hma an hruai mek a, referee Henning Erikstrup chuan hun tih tawp nan a hamrik a ham dawn mek laiin a ha lem vuah lai a tla thut mai a, a zawn buai laiin Ebeltoft lamin an lo ti goal leh hman zui. Amaherawhchu, Referee Erikstrup chuan goal chu pawm lovin a ha lem chu a vuah nawk nawk a, a ham tawp zui ta nghal a. T.V. SCHEDULE 08:25 PM : Man United vs. Newcastle - ESPN 10:55 PM : Aston Villa vs. Tottenham - ESPN 08:24 PM : Arsenal vs. West Ham - STARSPORTS

PIC OF THE WEEK

MC&DC News
MC&DC ten an thawhchhuah atangin veng chhung a tanpui ngaite hnenah krismas thilpek chhungkaw paruk hnenah an pe a. Hemi pek tur atan hian Pi Veronica K.Zatluangi'n Rs.5000/- a pe bawk a, a chungah an lawm hle.

Mount Everest-ah Pu David-a

Khawvela tlang sang ber Mt.Everest a lawn turin Northeast India atangin mi 14 thlan chhuah an ni a. Heng mi 14 te zingah hian Mizo 2 an tel a, kan veng tlangval Pu David Zohmangaiha (Dz Khawlhring) leh Vanlalliana te a ni. Heng Northeast mi 14 te hian December ni 10-15 chhung khan Aizawl ah Preparation Camp an lo nei tawh a ni. Mt.Everest lawn tura Northeast mi bikte thlan hi a vawi khatna a ni.

Pic : Section-III YMA te chuan Zirtawp zan khan duty khuh hawnna neiin,sawhchiar an pir ho.

The REPUBLICAN WEEKLY

YMA MOTTO: * Hun awl hman that * Zofate hmasawnna ngaihtuah * Kristian nundan tha ngaihsan

Y.M.A. REPUBLIC VENG BRANCH

Dt. 23.12.2012

2013 ATANA CHANVO NEI THARTE

Republic Veng Branch YMA hruaitu hlui leh tharte chuan ni 18.12.12 (Thawhlehni) zan khan charge inhlanna an nei a, Office Bearers' Meeting nei nghalin a hnuaia tarlan ang hian kum 2013 chhunga mawhphurhna hrang hrang chelhtu tur an ruat a ni. 1. Incharge Secretaries: Secy i/c Thlanmual : Pu Rohnuna Ralte, Sec-V Secy i/c Property : Pu F. Lalhmingliana, Sec-VII Secy i/c Sports : Pu Lalramchhana Pachuau, Sec-I Secy i/c Information : Pu C. Zirliana, Sec-III Secy i/c Culture : Pu Lalhmangaihzuala Vuite, Sec-VIII 2. Advisers i) Chairman, Local Council ii) Pu R Tawnluia, Sec-VII iii) Pu M Sawmliana, Sec-IV iv) Pu F Lalnienga, Sec-VIII v) Pu V. Kianlova, Sec-III vi) Pu S. Lalthanghuta Sailo, Sec-I 3. Republican Editorial Board Editors i) Tv H. Lalhriatpuia, Sec-IV ii) Pu R. Lalthanzawna, Sec-III Joint Editors i) Pu R.D. Lalrammawia, Sec-VII ii) Tv Lalzarzova, Sec-VIII iii) Tv Lalhmangaihsanga Sailo, Sec-III Cir Managers i) Tv Biakzosanga, Sec-VI ii) Pu Kananmawia, Sec-III iii) Pu H. Lalremruata, Sec-III Manager : Pu Biakengmawia, Asst. Secretary

YMA NIHNA : YMA chu Politics rawngkai lo tlawmngai pawl a ni.

Article chhunzawmna...
Rinchhana leh Mat-a(L) ten Mualvengthlang bawng anlo thlah ngei a, BM-a ten Biak in mual bawng, Zohmaa, Makohtea, Johana ten Mualveng chung bawng an rawn thlah ngei bawk a.Venglai in Sial neih an ching hle a, kawipuia Pu Chuauva (L) te in ah krismas an hmang tlang pui thin. Field Veng leh Kela Road in zo bawng til chhutloh neih an ching a, a huai thei hle. Madintea ten bawng an neih hunlai a ni bawk a, bawng huai nei veng nih kha chu nuam ve thin tak a ni. Bawng chung chuan master Jack-a (Vengchung) a chuan hmasak phawt loh chuan pakai ve ngawt chi a ni lo, Jack-a lar theih zia kha aw....Kan bawng thlah a puar ta maw tihah a ki a tar tur tlangsam par kan thliak a, zing kara a eitur hnim kan sahsak kan phurh tir bawk a, a lo nuam ve thin ngawt mai. E... taka Venglaiin 'Ki Zara' (bawng) an neih kuma Sangtea (Super-a U) nuam tih thin zia kha aw... Kawrthar: Krismas kan nghalhlelh chhan ber chu duhtawka sa ei tur a awm dawn tih lam ai mahin kawrthar kan neih ve theih hun a nih vang a ni. A man to leh tlawmah kan buai lova, a thar a nih tawh phawt chuan kan lungawi em em thin.Kan nu leh paten thingrem ah an dah tha a, a khat tawkin kan va en leh zauh thin a, hak thuai thuai kan chak a, Kristmas thleng thuai thuai se tih chu kan thupui ber a ni thin. Ur lawk zan :Tlaivar chu kan thupui ber a ni leh ta a, halpuah sakeibaknei chuang tlep khat ngat kan neih tawh chuan a bak kan ngailo. Kan carol na in chow (Pocket khat Rs 2/-) kan lei a, folk kan hmu pha ve lova, a tir lamah thirfian in kan hawp a, atawp lamah kuta inchuh a ni tlangpui bawk a, thianho zinga a dawih pawl nih chu hreawm thin tak a ni. Lactogen/Sangha tin bur ruak kan rek pawp a, a khaina tur hrui vainuam tawk vel turin kan siam bawk a, a chhungah thingnawi kan dah a, tuta nge vam/ling tha ber tih chu kan thupui ber a ni leh ta.Mit khap miah lova tlaivar thei nih kan tum theuh a, thiante mit khap zeuh hmuh chuan champion tluk hialah kan inngaia, mit khap miah lova tlaivar thei nih kha chu thian ho zingah pawh in chhuanna tham a tling ve hial thin reng a ni.. A lo thleng ta : Kum tluana kan nghahhlelh Krismas ni chu a lo thleng ta, Krismas putar in kan thleng dawha min pek keng chungin Masi intualah kan kalkhawm a, bawng an chek thlu lai ngei hmuh tumin kan lo bawr tua tua a, pa hovin a sa an chan laiin keinin kan duh ber a phing kha leiah kan rap hruala maian kuangro in kan ham puar a, kan pet hrep hnuah a kawl tutur kan zinga huaiber khan a ruat leh mai thin. Tuk dang zawnga inbual dawna nuar thin kha hemi tuk hi chuan kan nuar phallo, kawr thar kan hak dawn vang a ni. Inkhawm banah Masi intual kan pan ding nghal a, pa hovin sa an lo chhum mup mup a, thla zawng a muang a ni. Fatu hovin changel hnah an phah a, thian hova kilho ngei tumin tan kanlo khawh ve sauh sauh a, chaw alaiah sa an rawn chhung vum hnur a, kan in enheho hlawm a kan hmelah kan hlim a ni tih hairual a nitawh thin lo Kela Road zaikhawm boruak a tha in an tui thei hle a, tlemin an nawn rei deuh hlek thin. Khang hunlai Krismas kha aw......

KIM KIM VARIETY STORE

Nitin mamawh eichawp thil chi hrang hrang wholesale leh retail in electric office (Bill pekna) bulah kan pe thei reng e,min han dawr ve teh u. Veng dang pa hnen a sum tam tak i pek thin kha mahni vengchung mi hnenah ngei han pe ve teh le.
Prop : Ma-dawli (3-1) Ph-9862021522

CHICKEN TANDOORI
Rs 500/- chunglam atangin duh duh zat man a order theih a, ni 24.12.12 leh ni 31.12.12 atan order lawk theih a ni e. TANDOORI HOUSE Saron Veng 8974539424/9862322458/0389-2320276

www.ZoFooty.com
ZoFooty.com chuan Republican chhiartu zawng zawng Krismas leh Kumthar Chibai a buk che u a. ZoFooty Facebook page www.facebook.com/zofooty lo LIKE theuh turin a sawm bawk che u a ni. Administrators & Authors ZoFooty Team

Published by Republic Veng Branch YMA, Printed at Zo-Awm Press, Khatla, Copy750