Professional Documents
Culture Documents
November Ni 11, 2012
November Ni 11, 2012
2012
I hnam hmangaih la, i ram a him zel theih nan i tha thawh rawh
SAWMNA
Dt. 13th November, 2012 (Thawhlehni) chawhnu dar 1:00 hian VOHBIK RN, Pathian hnena hlanna leh lawmthu sawina hun hman tur a ni a, veng mipui a thei apiang he huna lo tel tur hian sawm kan ni. Programme hi phek hnung lamahah tarlan a ni.
BRANCH NEWS
* 5th November, 2012 -a Central Executive Committee (CEC) Meeting neih chuan kum 2012-13 chhunga Central YMA SubCommittee peng hrang hranga mawhphurtu tur a ruat thar a, Pu R. Vanlalsawma, Branch Fin. Secretary chu Finance SubCommittee-ah Chairman atan an rawn ruat nawn leh a, kan lawmpui hle. * Vohbik Run Pathian hlanna a hman turin kan Branch President Pu R. Liandawla, chuan gas bur khat a thawh a, lawmawm hle.
Dt. 11.11.2012
E DITORIAL B OARD
News Editors
YMA RUN hmang turte tan Br. YMA I/c Secy., Property - 9862369320 / 9436362024
Ngaihhlut zawng... Thil engpawh hi ngaihlutu an awm a,a chhiat a that thuah mawhphur ngam khawp a ta neih tu an awm tlat chuan, thil ho mai mai a ni thei lova,palzam mai mai chi lah a ni ngawt hek lo. Bungrua emaw, inleh lo emaw eng hmanrua pawh nise, kan ngaihhlut tlat a venhim kan tum tlat chuan, midangten a hlutna min hriatpui chiah lo mahse thilhlu a nih zia kan lantir tihna a ni. He kan ram pawh hi zofate tan a hlutzia leh a tangkai zia te,hei lo ram dang kan neih loh zia te leh ramdang kan hriat phak chin aia a nawmzia te kan hriat a,kan ngaihhlut a, kan humhalh tlat chuan, a neitu kan nihzia kan lantir tihna a ni a, kan ta a nih zia hnamdang hriatah kan puangzar tihna ani bawk. Chuti ni lova, he ram nena inzawmna nei reng reng lo te ai pawh a mahni chenna ram thatna tur ngaihtuah lo zawk kan nih chuan, ram kan ti zahawm lova, ram tan a fahrin manhla lo ber kan ni ang. Republic Veng pawhin kan zavai a kan ta Vohbik Run kan nei ta a. Branch Y.M.A. in a enkawl hna a thawk a ni mai. RepublicVeng chhung a cheng mipui zawng zawngte ta anih angin a mawi leh mawi loh leh a chhiat thatah pawh mawh kan phur a, ngaihlu tu ber tur pawh Republic Veng mipui te kan ni. Tupawhin lo luah se, thuam mawi a chei a ngaih pawh a chei tha tu tur kan nih avangin, he vohbik run lakah hian mawhphurtu kan ni theuh tihna a nih chu. Ngaisang ila ngaihlu ila, a hlu ani mai.
* Pathian malsawmna dawn dan thu ruk : Fai hi hlimna a ni a. Hlim hi hriselna a ni. Hrisel hi damreina a ni a, damrei hi vanneihna a ni a, vanneihna hi pathian malsawmna a ni. - Lamparda nutei
Dt. 11.11.2012
CHHUANAWM
* Jonathan Lawmsanga, s/o Vanngaia, SectionIII, Republic Venglai chu ni 5.11.12 chhunga AR Lammuala Mizoram Archery Championship neih zawh takah hengah te hian lawmman a la. 1. Sub-Junior (20m) Gold 2. Junior (30m) Bronze 3. Senior (50m) Gold National Championship, Mini-Sub Junior, Sub Junior, Junior, Senior ah te Mizoram aiawhin a kal ang. * Jason Lalruatfela Hnamte S/o H.Lalzamlova Section-I a mi chu British Royal Artilery tling in Grade-A ah a pass. * Angie Lalnunpuii d/o Lalthenlova section-IV ami chu Physiotherapy 3rd year tha takin a pass a, tunah hian 4th year zir turin a inbuatsaih mek. Kan Veng in mi hlawhtling chhuanawm tak tak kan nei hi a lawmawm hle a, an kal leh zelna turah Republican Editorial Board chuan duhsakna kan hlan.
RBC NEWS
Kan hma a, Aizawl South-I huap infiamna lo awm turah ngawrh takin inbuatsaihna an kalpui mek a. Dt 27.11.12 (thawhlehni) tlai dar 5:00 ah Bethlehem vengthlang nen Hawla Indoor Stadium ah match hmasa ber an khel dawn a ni. Section news chhunzawmna.... ser, a sa man chu khawn chhoh tan mek a ni a, section mipuite lo inring turin an in hriattir a ni. Section IV : Nimin zing khan an section chuan sumtuak nan an section Sr.Adviser Pu Lalzarliana Sailo kawmthlang lung thiarin an hnatlang. * An section Treasurer Nl.Laltlanmawii chu zirna sang zawk foreign lamah a zir dawn a, an lawmpui rual in an ui hle a ni. * Ni 17.11.2012 (Inrinni) khian section sumtuak nan bawng ser an tum a, section mipuiten tlawmngai a lo lei sak turin an sawm a ni. Tin, Lucky Ticket pawh siam an tum a, a hralh kawngah member te lo inring turin an in hriattir bawk. Section V : Nimin inrinni zing khan Pu. Lalrinsanga vawk chu sun tuak nan an talh a, inhlawhna siamsaktu leh tlawmngaia sa leisak tu te chungah an lawm hle. #Mitthi in leh avelah tlangvalte ruichung leh kawhmawhbawl zawnga awm lo turin an in hriattir a, thlanlaih, bungraw lakkhawm leh senghawi bakah chet tulna kawng hrang hrangah tun aia tan la zual turin an in hriattir bawk. Nula te pawh thingpui lum, hmunphiah leh kawng hrang hranga tan la leh zual turin an in hriattir bawk a, tleirawl te pawh mithhi buhfai khawnah inringthul lova tan la thar turin an in hriattir bawk. Hemi kawngah hian nu leh pa te pawh tu leh fate fuih a tir chhuak thin turin an in hriattir.
BOZAWNNA
Thawnthu bu la thar tha tak chhar a ni a, a neitu chuan a hnuaia phone number 9206140851 ah hian zawhfiah theih a ni.
NAUTE THAR
Pu Robert Zotinkhuma te nupa Section-I chuan 1st November 2012 khan Synod Hospital-ah fanu thar duhawm tak Rosaline Zochhingpuii Ralte an nei.
DAM LO
* Pu Jeffrey Zoramdina Section-I chu hun eng emaw chen damdawiina a awm hnu in in lama inenkawl chhunzawm turin an rawn chhuak. * Pu Paul Lalremruata section-VII chu Grace Hospital-ah damlohna avangin a awm mek.
HRIATTIRNA
Kum 2013 January thla atanga hman tan turin RSBY leh Mizoram Health Care Scheme hnuaiah BPL leh APL chhungkua te tan Registration Republic Health Sub-Centre ah office hun chhungin a tih leh theih ta a. Health Department BPL List hi Health Sub-Centre ah en theih a ni e. Enrolment ti tur ten heng hi hriat / ken tur a ni e :1. Chhungkaw hotu Voters I.D. 2. House No. 3. Phone No. 4. Chhungkaw hming leh kum zat * Enrolment tih nan BPL tan Rs.30/- ken tur. * APL tan Bill duh zat a zirin Rs.500/- atanga Rs.1000/- a ni e.
KEIMAHNI
Pic : Section-III hnatlang Ni 3.11.2012 khan section-III YMA leh YMA chhang te chuan ruahsur hnuaiah an section huamchhung tifaiin an hnatlang.
* Kan Manager Pu Ngurthanmawia te chhungkua chu Guwahati lamah an zin mek, dam taka an lo hawn leh kan duhsak. * Republican man la thehlut lo section ten a rang lama theh lut turin leh tan la deuh turin kan in ngen e.
Dt. 11.11.2012
Hemi bakah ramri-ah India Independence avanga chungkua inthen an awm avangin,ramri atanga Km 40 chin inkalpawh phal anni thei,Nimahsela hengte hi Mizoram ami cheng diktak (Indigeneous) an ni tur ani, 40 km hi boruak nge kawng dunga teh tur tih chiangtaka ziah a awmlo,Mahse,boruak Km anih chuan Mizoram pum ahuam thei deuhthaw dawn a,chuvang chuan kawng dunga teh tur anih hmel.Tin,hetianga lo lutte pawh hi border-ah leh an thlenna hnunah Police hnena in report tur an ni.Kan sawi tawh ang khan,Mizoram hi India ramdangte nen kan dinhmun a dang leh zela,ramri(International Boundary) kan ngah avangin Foreigner te pawh apangngai angin anlo lut thei lo ani.Mimal (tourist) angin lo luh phal a ni lo.Mi panga (5) aia tlemlo an nih angai thin (phalna bik pek an nih loh chuan). Tin, an kal chin tur pawh duansa a awm a, a pangngaiah chuan Aizawl bak kal phalsak a ni lo. Mizoram a kan ngaihdan dik lo tak pakhat chu, ramri kan a lo lutte chu kan unau-te an ni, tih hi a ni. kan pianpui unau ngeite pawh lo ni mahse, India khua leh tui diktak an nih loh chuan, dan an zawm a ngai ve tho a ni. Kan ramri ah hian kan Police leh sawrkar te pawh hian tun aia khauh hian dan kengkawh thei se a duhawm hle. Mipui te pawhin mawhphurhna kan neihte hre chiangin zir chiang thin bawk ila. India khua leh tui nih theih dan kawng hrang hrang a awm a, chungte chu hetiang hian han sawi dawn ila, Citizenship Act, 1955 chuan India khua leh tui nihna (citizenship) neih theih dan kawng hrang hrangin a sawi a, chungte chu citizen by birth - India ram chhunga piangte, citizens by decent - India ram pawna piang January 26, 1950 leh December 10, 1992 inkara piang, a pian laia a nu leh pa India khua leh tui dik tak emaw, December 10, 1992 emaw a hnulama piang, a pian laia a nu leh pa India khua leh tui nite, citizen by registration leh citizen by naturalization - miin khua leh tui nih a dil a, phalsak anih chuan khua leh tui nihna a nei thei a, tin, India ramah ramdang mi a rawn behin chu ram mi chu Sawrkarin khua leh tuiah (citizen by incorporation) a puang / chhiar thei bawk. Electoral Roll Rev ision te kan neih hian, a tlangpuiin Driving license, Ration card te tan chhan-ah kan hman fo thin hi a dik lo. Supreme Court hial pawhin he document hian India khua leh tui nihna a pe lo tiin thuthlukna a lo siam tawh thin a ni. Electoral Roll a khung tur chuan an pianna te, baptisma certificate te, an thlahtu nihna chiang taka ka chhui fo a tha ang. Ramdang mi (foreigner) te hi electoral roll ah kan khung zel anih ngat chuan number game ah Mizo mipuite hi kan chak loh vat mai dawn avangin, fimkhur tak leh dan hmanga kan inven a ngai a. Hnam tlemte kan nih avangin kan in humhalh tlat angai a, YMA in Kumpuan ah Ram leh Hnam Humhalh ahmang hi hnam tlem,dam khawchhuah tum tan chuan thil tul tak ani reng a ni. Tunah hian sawrkar laipui chuan Bangladesh nena kan inri-na chu a hung mek a. Ramri venghim turin sipai a dah hlawm bawk. Amaherawhchu, ramri hung leh hetianga sipai dah ringawt hi a tawk lo a, Mizoram sawrkar pawhin foreinger te khuahkhirh tura tan a lak ve a ngai a ni. Kan Police te a thuam chak a, ramri ah te police hmun a dah belh a tul ang. Ramri a lo lutte uluk taka kan chhinchhiaha kan en zui a tul a ni. Khawchhak, Myanmar ram atangin kan Zo hnahthlak unau thahnem tak, ei leh bar zawnna kawnga harsatna avangin Mizoramah an rawn tla thla reng a. Hetiang mite zingah hian ruihhlo rawn keng thla tawk an awm mai bakah, sualna leh pawikhawihnaa inhnamhnawih an awm fo. Tin, eizawnna ah hmar lam atangin vai cement mistiri leh mutia turin an lo lut fo bawk. Heng hnamdang hnathawk tura lo lut zinga a tam zawk
: Pu R. Liandawla, P r e si d e n t Introductory Speech : Hruaitu kutah Finance Report : Pu R. Vanlalsawma, Fin. Secretary Technical Report : Pu Rohnuna Ralte, Supervisor (Leader, Section V) Solo : F. Vanlalhlimpuii, Section III Vohbik R<n hlanna : Upa Lalthianghlima, Vice Chairman (Presbyterian Kohhran, Republic Veng) Thusawi: i ) Pu K. Liantlinga, Bialtu MLA ii) Pu H. Vanlalruata, Chairman (Local Council) iii) A duh apiang tan (5 Minutes aia rei lovin) .....REFRESHMENT..... i) Thutna rem leh ei leh in lo buaipui turin Section - V te ruat an ni. ii) Sound System lo buaipui turin Information Secretary-te ruat an ni.
LIBRARY NEWS
Kan branch YMA library a dah turin Steel Almirah leh lehkhabu thahnem tak Mizoram State Library atangin kan dawng a, a lawmawm hle.Kan library building pawh sak chhoh mek zel a ni a hun rei vak lo ah zawh theih beisei a ni,
Published by Republic Veng Branch YMA, Printed at Zo-Awm Press, Khatla, Copy750