Vol. 3,Hawm-21.

New Delhi

Date:15-10-2012
(Thang KhawMang,President.ZID)

DR.PAUPU-TE NUPA-IN DELHI ZOMI INNKUAN HONG VAAN:

New Delhi, 08 October2012 : REV.DR.JM NGUL KHAN PAU LEH A ZI SIAMA.DIMNU-in Zomi Innkuan makaite tawh ka kimu nuam uha An kong neekkhawm pih nuam-uh a cih ciangin kilungdam mah maha, EC metting kisam pah hi. EC geelna bangin EC member-te leh aZi-te uh,Minam aa dinga akizang mi pawlkhat leh Pawlpi-9pan Pastor/Makai-te leh aZi-te uh kisamin nuamtak hun kizanga hun khamlo pi-in khua hong mial ahihmanin Ankuangumkhopnakizangtohi.

Hicibang thu manpha zaktheihna,theih theihna di-a hun hawmthawh pi pi,veina leh deihsakna khualna takpi tawh hun hong zatpiha neek leh dawn dongciang hong vaihawm sak,Dr.paupu-te nupa ahizong,ZID hong uap mimal khatkim tungah genloh theihloh lungdamna om hi,cih ka hong taangko kawmin;Mailamah zong Dr. Paupu-te nupa ih biak Topa Pasian-in hong zattoh sak zel tahen. (Dr.Paupu-te nupa thu genna, Laimai-2na ah;ZYAD PRESIDENT IN ZOZUM HONG PHA: Dated; 30/09/12 ni-in Zomi Youth Assocation Delhi, President Pu.VumSuan-in, Zomi Innkuan Zum hong pha-a, Zomite ahi thei bang banga ki zom tuaha Na ih sepkhop akul thute leh maban tampi ih neih thute kiciantakin hong gen hi.

LUNG DAMNA KIKO-LO THEILO* HUHNA HONG TUNG LEU LEU: Brisbane, Queensland,Australiaa,Emmanuel Pawlpi(Gospel Mission Church)pan-in Delhi Zomi Inkuan huhna hong khak zel uhi.Anu nungpen Dated; 30/09/`12 ni-inRs.8680/- hong khak leu leu uha, Delhi Zomi-tein lung damthu kiko pha pha nuam hi. CI-NA GIM : Tuteng damlohna tama, Zato mun tuam tuam-ah mi kitam mahmah hi. Pu.Kham Ki Thang tulai tak ARYA HOSPITAL Room-101 , 2nd Floor ah om hi. (Near,C-1Bus Stand). DDU AH NAU NEI, KI-AT : Pa.Chungbawi ii zi Nu.Lun, DDU Zatoah nauneiin ki-ata,Tanu hoih mah mah nei uhi.

DR.PAUPU-TE NUPA THU GEN ATAANGPI:

8/10/2012 On Monday ni a Dr.J M aPau pu te hong pai-in Chainman Pa Ngin Sian Lian Pau in hong sepsak in, Rev. TK.Lianpu thungetna tawh hun ki panpah hi. Introduction Ei leh ei mimal in ki nei hi. Hong pai mivek pi 35 kipha hi. Report na Secretary pu Neng Za Dong in tukum sung Zomi innkuan nasep nateng atomkim in reportna hongnei thei hi. Atawpna-ah Hastsal lamah zongh sang neihbeh nop thu zongh hong pulak hi. Tuazawh teh Rev.Dr.JMPaupu te letsong piakna leh dial Siamah Dimsan in hong oksak na hong nei hi. Tuazawh teh Khuallian pu in thunge- na hong neitosuak in, tualai ah hong thungen te: 1. 21-22, 2012 sung Pastor Training kinei ding. 10. Hong thuk zolo dingpi ih vuakvuak pen Tapidaw 2. US tungsa piteek/puteek te akihopih ding uh omlo dinmun tawh kituak lo ahihman in hong thukkik zo ahihman in cimlua in hailawh dekdek uh. keitah ci-in na zi mawk vuakvuak ken! Na vuak leh 3. Gamdang ih tuna pen Zuauphuah tawh atung ih hong thuk kik zoding te bek vua in. hihman in ih Biak Topa alungkim diam? Thupha 11. Kong huh ding cihpen ei adingin supna lianpi khat sang taak minam ih hitakpi diam? kamciam ki hi gige hi. 4. Gamdang atungsa Zomi te atung masa ten atung 12. Ih gamtat nading te athei midang te leh Experience nunung te neuet uh. neisa te dong masa hamtang leng ki khial lo pen. 5. Burg khua min bua limlim pen Germany te Siaman Dimhnu Thungen te: khuasatna hi a, ageina uhleh apau alai uh sin in pau 1. Gamdang na tung sang Pasian hong deihsak na ciatciat napi-un kum hong tamteh hong mang ngilh mun ah omzaw in. in Mikang pau mah in hong pau veve uh ahih man 2. Pasian mah zong tangtang in, tua hileh na lam in, tuazah a minam it ten mansuah uh ahihleh ei hong ki hong zaw ding hi ci. khawng ten mangsuah lua mahmah ni. 3. Mangpau sin tangh tangh un ci. 6. Sen kumpi in Siang Hai khuapi ngei ah khuathak 4. Gamdang ah eimi ten sum ki zong pah in namdang satin tuapen gamdang atung amipih asapkik ten pilna zong masa zaw uh ahihman in namdang aciahte ten nading hi ci. Tuaban ah na khat ten hong makhelh ta ci. peuhpeuh siamna nei a, US kumpi in kha sum hong 5. U.N vai ngaihsutna in Ki ngailo pi-in kiteng nawn piak zahzah Chinna Kumpi in zongh hong kipia ding kei un, Topa lungkim hetlo dinghy. hi ci-ahihman in China gamdang tungsa te ciah kik Atawpna ah Jacob tangthu tawh athungen hong ziahziah ta uhci. khup a, atawpna pen ah ama thungentna tawh hun nai 7. Gamdang ah siamna kician khat anei limlim ten 6:30pm in ki man hi. Thu manpha bek hilo, an lim nasep mu in aneilo te val uh ci. mahmah tawh hong vaklai ahihman in amau Nupa tung 8. Gamdang ten Beh min pen anung nung ah koih uh leh Pasian tungah lungdamna lianpi Zomi innkuan in ki ahihman in ih minnung ah ih behmin ahih keileh ih ciamthe hi. Topan hong zatsak semsem ta hen. Amen minam min koih hamtang huai ci.( Nidang teh ih (RecordingSecy.ThawngMang) kikan kik nading) 9. Mikang te apil hituan zenzen lo in, US leh ei kum 400 bangh ki khai ih hih hang hi ci.

*ZID-IN THAUHKHANSA MAN RS.50 LA TA DING: 22/09`12 Ni-a EC thu kimna bangin ;ZID-in thauhkhansa
lakman Rs.50/- kila ta ding hi. Community dangte-in kum ciil panin na la khinuh hi *FOOTBALL TAWH KISAI : Football ahi-a, kimawlna khat pepeuh a vai sai dingin, Sports Committee a ki guang ahih banah Full power zong kipia hi. *ZOMI SANG TAWH KISAI: Siama-te nih manlohna aneih manun amau munah midang kila-a,angeina bang-in lai kisim to zel hi. Zaan lamah zong a kahnuamte ki kah beh thei zel. *KHUADO PAWI VAAI : Khuado pawi Celebration Committee hong ngetna tawh kizuiin, Sia Min Thang (ZIC) kholhpih dingin ZID panin Sia KhaiBawi kiseh hi. Item hong ngetna bangin, hih anuaia makai panmun kisehte tawh hong sem khawm ding uhi.(1) Pa.Pau Siing; Phiit Laam. (2) Pa.BenjaminThawn; Daak Laam. (3)Syama Saanlek; Tulai Laa & Laam (4) Love Song/Solfa-laa Item-5 mi tuam tuam pan Leh (5)Pa. Andrew Kappi & Pa Mang (Anlangh); Laam gui. * Hih laamgui pen huntawpna lam hihena, ZID EC teng honglammasain,zinmang/ulian tuam tuamte hong kaih/laam khit ciangin mipi zongtawh vekpi-a laam siat theih hileh ,cih pen EC thupuukna leh lunggulh khat ahi hi. *ZOMI INNKUAN COMPUTOR MAH: A siat zawh hong sawtta,malkaite zong lung kham uhin,Eimi sunga muan leh suan zawdeuhte Inn-7 kiangah huh ngetna neih dingin thukimna kinei hi . (Sia.Dongpu. GS,ZID).
Pawi-kei ih cih hangin ana Pawikhin lua hi-a, maisakna kam bek hizaw hi.(Pu.ZelSiam,I.A.S) #Hong ki gensiat leh hong kiphawk den hizaw, Hong ki daisak leh a min thang khat na hizaw#

REV. KAM LIAN HI-TA HI

Teddim Gam,MualNuam khuaah pianga, a neua kipan Pasian amanggilh ngeilo khat hi-in, nuntakna haksat manin sum leh paai zonga mun tuam tuamah azin ngei khat zong ahi hi.,Leitung ngaih sutna lamkhat pan kamsiatna zong amulkim huai no no na tuak ngeia, ahizongin Pasian piak Talen mah len tintenin, haksa genthei kisa pi pi-in,Lai Siangtho Sang khawngzong hanciam takin kah kankan hi. Delhi-ah 2008 kum2008in,Delhi-ah Laisiang tho sang kahin,tu kum2012 ciangin zong Mission India Bible College hong kah leu leu hi. Tu-in tanu-4 leh tapa khat nei-in, aZi Sianu.Cing Lun Maan(Mankhek) tawh a Innkuanun Delhi,Hastsal vengah om uhi. Full Gospel Pawlpi-ah Senior Pastor asep laitak hi-a, Dated;04 October`2012 Ni-in,Rev. ahong ngah manin Zomi akua mapeuhin kipaakin ki aangtanpih mah mah hi. Delhi-a aom Zomi midangtein zong,khantohna khat tek beek ih neih theihna dinga Lam hong lak khat hi,ciin zong kituat hi.Siapa-te Innkuan ih biak Topa Pasian-in na makaih to zel tahen.

*PASIAN THU TAANGKONA NEI:

Tulaitak,ZCD (Zomi Church Delhi)BiakIn-ah , Rev.Zam Sian Lal(Sia.Lalpu)in Pasian thu taangkona neiin tha kingah thei mah mah hi *CRUSADE LEH TENTAN OM DING : 25-28 October kha sung, Bethel AG BiakInn-ah Crusade & Teentaan om ding hi. Speakers; Sia.Awnpi Leh Sia. Thapau(Teddim Section )cih thu kiza-a kilawp thei peetmah. * A THEIH HUAI THU: Delhi-ah genthei kisa pi-in bang hih ka hiam, Ka UN vaaiah ka lawhcin keimah lehzong adang bang phat tuamna ka ngah thei ding hiam, ngaihsut sut hun hinawnlo hi. *CASE TAWH KISAI: Delhi-ah case a sawtkhin te pen UN-in thupi sa khollo hihtuak hi. *RESETLEMENT NGAH THAK : Tunai,Sia.Khuppu(Don Bosco)te leh Sia Mang(PresidentZID)ii sungh-nu lo buang zak/theih kineilo. *PU.ZO KHAI VAANG TAWH : Zomi a it aveingiat, Mi citak,Zomi Nam aa dinga ahun atha a ngal anun takna donga a kipiakhia ngam, Malaysia hitaleh Australia hitaleh aom omna ah Zomi kipawlna picing tak tak a phut khia,Pu.Zo Khai hanciamna hang tawh, Australia gam College Sang Inn te-ah Zolai kisin ding cih thu thang kiza. *DCCF President : Pu.Tin Duh Thang Haka Community pan in khawl cih kiza. *OTHER MEDIA TEN REFUGEE TE LAKAH NASEM KIK DING: Other Media tein Refuugee-te lakah na hong seem kik dinga, FRRO vai khawngah zong hong buai pih ding hi. (Sia.Khaibawi. Inf,CRC) *BURMA CENTER TE LEH COMMUNITY MAKAITE ZOZUM-AH : Burma Center makaite leh Community-9 pan makaite in ,Pi. AungSan Suu Kyi(ASSK) hong pai cianga hun zat dan ding kamkupna Zomi Community Zumah Dated;13/10/12 Nitak 02:00 PM pan kinei hi. A khel kik zel keileh November 14`2012 ni-in Hall-pi khat sap ding, Kawl gammi mipi maiah thu genna zong nei sak ding` tua dingin Makai tuam tuam zong tawh kimuhna vaihawmna a kinei lai tak ahi hi. (Pa.Laltuang,V.Prest.ZID)

*TUNU NEI-UNG : 12-10`2012 zing05:45AM-in Pa.Siingpi Leh Nu.Nuambawi tein tanu melhoih mahmah nei uha,Sia.Tangpi(BAG)te nupa-in a lungdam thu-uh,ZIT-in kipaak pih mah mah hi. Topa Thupha * MALAYSIA AH KHUADO PAWI: TuniOctober15`2012 ni-in Malaysia Zomi tein Khuado Pawi nopci takin zang
ding, Concert zong bawl dinguh cih,zomidaily pan kiza., Enhuai lua ! Ei-zong maikha ah bawl ding. *ZCD(Zomi Congree for Democracy) THU SUAH : Zomi kipawlna party-khat ahi, ZCD-in nang zong member khat ahi dingin hong zawn/sam hi. (Email; zcd2012mly@gmail.com)

*MI-5 PAN 10 KIKAL KIMAN DEN: Malaysia-ah ZAM THUPUAK(14-10-2012) in a gen danin Zomite mi5 pan 10 kikal nisimin kiman den hi ci-in suah khia hi.!

GAMBUP LAIPIAN PHUNGPI UPA-THAK KITELNA OM Gambup Laipian Pau Cin Hau Pasian paaina pawlpi phungpi zum Tedim ah 10/Oct/2012 ni in upa thak kitelna neiuha, Tua kitelna ah kihel upa delegate 93pha uh hi.
Zomidaily,HauThang

Editorial:

IH PANGKHAWM TAK TAK NAI-HIAM:

Tukum ciil-in Dr.MuanThang-in ZID hong pha-a, Zomi-te ih Christion-na leh ih Leitung kipawlna vai-a ih kalsuan dan a ki-hal zia leh a kisem khawm thei ahihzia hong genin mi tampi takin piangthakna`n ih nei khin uhi. Tua khitah 06/09/2012 Ni-in,Sia. S.Dal Sian Pau in hong pha leu leua; MiNam khat ih hih theihna ding kisam tuam tuam, ih Ngeinate leh Ih Zolai-in Zomi ih hihna ahong kip sakna thu,tua Zolai-in Zotual lai ih cih pen ahihthute kician takin hong hilh hi. Dated;30/09/2012 Ni-in Zomi Youth Assocation (Delhi) president Pu.Vum Suan-in Zozum hong pha leu leuin; ih Nam aa ding kipawl khopna ih kisap zia,kipawl khopna omloa ih ki peek ngeingai hangin bangmah tak tak ih hih loh ding thu leh a to loh ding thu uang tak leh hangsan tak in hong pulak khia hi. Tutung; Dr.Paupu-te nupa-in Zozum hong pha leu leu uha; Leitung Gam/Mun tuam tuam Tuilu tuitaw aphakna uh pana a mipihte ahong muh dan uleh mailama ih kalsuan dan ding thupil tampi hong gen uh. A sawtloin, Mesia hong pai ding bangphiala ih ngaklah, Pi. SuuKyi hong pai ding ci , Suu Kyi-te hunah Zomi-ten lungdam thu ih koh dingin bang tak ahong hihsak/pih tam? Phunloh sawm photni maw. Zomi-te aa ding bangmah mawk seplo kha dinghi,ih pankhop keilehamah hailo hi!! Atak takin; Nainganyi party min ahilo, KIPAWLNA; Nam aa ding huhna apia nuamte,Gamkhatpeu,Mikhatpeuh, NGO khatpeuhin huhna a piak theihna ding,Thu lehla ih sunh-theihnading, Ut hunteh Zomi oma, ut hun teh Zomi omlo,cihbang zanzan aom nawnloh nading,IH-NAMBUP AHUAPZO Kipawlna aom masiah ih awt-awt hangin, TV sunga Bawlung kisui, apualampana a ente banga amawk awt awtte hilel ding hihang. Delhi mah mah panin zong ih nidang paidante tawh, ih Nam ih paipih sawmloh ding thupi mah mah-khadinghi.

Pang khawm nuamlua kisa-a kipawlna ih huah dan etkik masak huai ! Migam kipawl dan etteh hun mahmah ta !A ki pawl khawm theilo,ih Kawlgam Chritian Pawlpi paia ihpai paileh khiatna neilo dinga, Ei lehei teng kuama do kulloa kido do bangding.Mi-in lauhlohna tengin hong neiding. Tuin vanman tam semsem, Insap khang khang,(Zozum sapman zong maikha pan 6500+10%= Rs.7150 hiding).Gas man September khaciil-in kg-khat Rs.55/-hi-a, tuin Rs.100/- hita hi, Ih UN Card-te zong 2015 ciang bek anungta vi ve hi.UN ii Nasep hong piak sun telah,amau India-te sep theihloh/pau theihloh na munte bek hi-a,khasum amau aa zah zong hong pialo, tua pen ahong lungkim sakna a sang pen pen hi.Tua bang asem kha te-in zong gam-thumna pai ding tawh ih teh ngam diam, ngaihsut huai.Pasian thuhi, mah ici lel tam ! Pasian thu tawh Delhi apai lah kihi masalo zela!

Gam tuamtuamah,Zomi-ten,Zomi Innkuan phut kawi kawia, kua gam kua khua teng kipawl khawm cihzong kitheilo,Lai Siangthobu,Laa-bu te thu-khat! Han Mual na-ngawn atuamneih kipawkna bekmah aki etteh ding hihtuak laiei ! Delhi-ah zong Mission nasep nading ci-in Biak Inn 8/9 bang Dangka tampi beiin kisaap, kua teng kipawlkhawm uhiam, atel eimau teng mah ihi uhi. Zomite ih tuna sang mahmah ta-a, Ih pankhop loh man bekhi.Delhi nangawn-ah,asia apha aphul ngam,ei Zomi-te ki neuseek loin ih maban;Bangma peuhah PANKHOP HATNA ahihlam mang ngilh kei nii. . DELHI PAN PENGLAM GALKAP: . (Pa.ZoMang)

Internet pana ka na muh phetin; ZIA te a Pawl min mah mahuhzong hoihsa ngaiting. Ei pau aa Zomi Itna Anbang ,cih hipah lodia mawleh ! Ih gam zuun takpi ding ahih uleh ko New Delhi Penglam Galkap, `Suangtaat sat ngam pawlin zong banghun banghun cih omlo,ih Zogam aa dingin ki gingsa-in om den ungei. Kalaisai ! Eipawl bel I minte nasia thei buangei. HangSai-in hong zaleh zong hong kihta sim pianpah lodia mawtaw.. He he hee . . **Willard Mitt Romney Vs. President Obama **: Tukum-2012` May kha in Willard Mitt Romney Republican party pan presidential nominee ding in teel cing ahih manin 2012 November kha Presidential election-ah President Obama tawh a ki dem laitak uh a hi hi. (ZomiNam/Steven Sian) ZOMI INNKUAN T HUPUAK; Thu zeekpi: Benjamin Thawn THU BULPHUH: `PANKHOP HATNA & Thawng Mang. NEW -DELHI. INDIA 15.10`2012. Email; ( ziddelhi @ gmail.com)