Vol.

XV :

Issue No. 36

Dt. 8 September 2013

Pathianni

Phek 1 - na

Inzirtirna

Aia Upa Zah

(chhunzawmna)

9. Chhungkuah inzirtir thar leh tur Khawtlang, zirna sikul leh Kohhranah te beiseina sang tak kan nei rih loh pawhin chhungkaw tina kan inzirtir thar keh chuan awmzia a nei ngei ang. Beiseiawm a la nih laiin i fapa chu thunun la, boral mai turah ngai suh(Thuf 19:18). Nu leh pa tinin mahni in chhungkhur theuhah kan tu leh fate chu aia upa zah chungchang zirtir leh ila, a bikin pa aiin nuin fate an kilkawi tam zawk avangin mawh an phur nasa lehzual ang. Aia upate koh leh biak dan tur te, zahna lantir dan tur te hrilhin zirtir ila, tawngkam hawihhawm leh chaltlai te, awmdan mawi leh mawi lo te hrilh ila. Nu leh pa, aia rual u zawkte zah leh chawimawi chu Pathian thupek zawmna leh dam reina a nih thute hrilh mawlh mawlh ila, sawi ngun chuan zawm hun an nei mai thin 10. An zah leh hlauh tura awm a tul Naupangte u, engkimah in nu leh in pate thu zawm rawh u, chu chu Lalpaah chuan a lawmawm si a (Kol 3:20) tih hi an zawm theihnan nu leh pa chu zah tlak leh hlauh tlakin an awm a ngai a, chu chu nu leh pa mawhphurhna a ni. An naupanlai atanga thunun an nih loh chuan an leikan hnu leh puitlin hnuah thunun theih an ni tawh lo. Fate hlauhtlawn leh an tih ang anga awm zel mai nu leh pate chu faten an zah ngai lo vang a, midang phei chu an zah lo lehzual ang. Naupang chu inzahtir a, in hlauhtir a, khauh taka enkawl an tul chang a awm ang, an nel theih nana inhawn zau hun pawh hriat a tul ang. Kan duhzawng leh kan tih loh zawng chu chiang takin an hre tur a ni a, chutiangah chuan duap kai lova din khawng tlat a tul bawk. 11. Tiang hmang hreh suh Bible-ah chuan, Naupang thinlungah chuan atna a bet tlat a, mahse thununna tiangin hla takah a hnawt kiang ang(Thuf 22:15) tih kan hmu. Tunlai naupangte enkawl dan inzirtirna chuan inhrem te, invuak te tha a ti tawh lo. KAn Pathian thu danglam ngai lo leh pangngai reng erawh chuan hrem mai ni lovin tiang

hmanga vuak tur a la ti reng a, mi thiam hrang hrang pawh lo chhuakin zirtirna thar tha awm tak tak rawn hmuchhuak mahse, he thu hi chu a danglam ngai lo vang. Naupang thunun tim suh, tingin vaw mah la, a thi dawn si lo va, tiangin i vua ang a, tichuan Seol ata a nunna i chhanchhuak ang(Thuf 23:13,14). Mahse, fate vaw tur chuan vaw tlak nu leh pa nih a ngai a, misual vuaka vaw ringawt lovin a fa duh leh hmangaih tak a nih vang zawkin a vaw ngam tur a ni ang. 12. Kohhranah inzirtir tur Khawtlang nun zirna sikul tha ber Zawlbuk chu a lo tawp tawh a, nitin sikul zirlaibuah hetiang lam zirtirna hi a tlem telh telh a, chuvangin, in chhungkhur baka inzirtirna remchang tak, kan tih mai theih chu Pathianni Naupang inkhawm leh Sunday School-ah a ni. Chuting hun an hman theihnan an hruaitute thurawn pea ngen thin turin Kohhran tina hmeichhiaten hma an lak a tul hle ang. 13. Sikul zirlaia telh Naupan laia kan zir leh hriatte hi kan belin hriatreng a awl thin. Chuvangin, awmdan mawi leh aia upa zah chungchang inzirtirna hmun atan sikul aia tha a tam lo hle awm e. Jack and Jill tih ai mahin Pu Liandal hla Aia upate zah thiamin tih hla chuan Mizo naupangah hnuhma a nei lian zawk ngei ang. Chuvangin, nunkawng dik inkawhhmuhna lam hawi hi sikul zirlai ah a tam thei ang ber telh ni se, loh theih lohin naupangin exam-naah an zir a tul ang a, an nun a kaihruai khawp ang. 14. Chetziaa lantir Aia ute zahna lantir dan tha ber chu chetziaa entir a ni ang. Zin nikhuaa lirtheia thutna tha inken te, intlara thil nghah ngaia hmasaktir te, chak lo zawk an nih anga tanpui te, an thil ken leh phurh chhawk te, an tihtur tihsak te, kalkawng lo ken te hi cheziaa lantir dan tur thenkhat chu a ni. Hnam dang hi chuan an aia upate zah entirna chibai buk emaw engemaw ti taka han chet zeuh dan an nei thin. Chutiang chu Mizote hian kan nei ve lo va, nei ve thei ila a duhawm hle mai.

Kohhran Aw

Pathianni chhuak

Dt. 8th September 2013

Phek 2- na

2013- KOHHRAN AW SEMTUTE: B-1: Lalengkima, Lalruatfeli, Lalkhawngaiha B-2: Lalrinzuala, Zahmingliana B-3: Vanlalruata, Lalfakmawia, Lalruatsanga B-4: Vanlalawmpuii, Lalrinawma B-5: Lalruatkima, Lalramluahkima B-6: Lalawmpuia, Lalmuanawma, Zonunmawia B-7: Zodinmawia, Jonathan Lalnuntluanga B-8: F. Lalremruatpuia, Lalrindika, MS Dawngliana, Zohmingkima B-9: Lalrinhlui,Lalbiaksiami, Lalramtharzuala B-10: Lalhmangaiha, Roluahpuia B-11: Vanlalpeka, Remruatsanga B-12:Lalnunthara, Lalfelkima, New Saron : BL Thanzama, TBC VL Remruatsanga, Lalruatkima (Phek 1-na chhunzawmna)

Synod News
** Sept 3&4 khan Synod Office-a Lloyd Hall-ah SEC vawi 246-na a thu a, member 130 an kal a ni. Rev. H. Lalrinmawia, Synod Secretary-chuan Committee inkara hmalakna chi hrang hrang a report. He Committee hian thu pawimawh bawhzui tur 44 zet a nei a, chung zingah chuan Synod Calendar pawmna leh Chanchin Tha thlen Ni March ni 15 chungchang te, Pay Commission thu te, Mission Board hnuaia Pro. Pastor-te hlawh chungchang te, Synod Higher Secondary School-a zirlai tam zawk dah dan tur te, Synod Pension Dan thar 2013 te, Chhim Bial enkawl dan enthat te, Hlamzuih tibo zawnga kawng zawn thu te, Synod Administrative Set Up leh Management en that te, India ram khawpui liana Pastor dah chungchang te, Kristian Thalai Pawl Inhruaina Dan enthat te, Presbyterian Church in America zirchianna thlir ho te, kum 2013 MLA Inthlan thuchah thlir ho te, John William Hospital staff awm zat tur ruahmanna ennawn te, kum 2016 Nilai leh beihrual Thupui leh Synod Working Committee siam dan tur te chu a langsar zual an ni. ** Synod Finance Committee Vawi 106-na chu Sept. 5 khan a thu a, member 51-ah 40 an kal. Nursing School tana budget head hran siam chungchang te, John Williams Hospital 2013-14 budget-a sum awm cheng nuai 50 hman dilna te, Synod-in account a neihna bank thenkhata account khar rawtna te, Synod Hospital-a Private Ward leh Nursing Hostel sakna atana ` 23250000 dilna chungchang te an rel. April - August chhungin Pastoral-ah ` 254716026 hmuh tawh a ni a, chu chu budget pum pui atangin za zela 39.14 a ni. Mission lamah ` 20456761 hmuh tawh a ni a, chu chu budget pum pui atangin za zela 44.52 a ni. A pum puiah April-August chhungin ` 459222787 hmuh tawh a ni a, chu chu budget pumpui atangin za zela 41.36 a ni HNA RUAK DIL THEIH Synod Press-ah Contract basis-a thawk turin Graphic design thiam mamawh a ni a. HSLC pass chin tan dil theih a ni. Dilna chu plain paper-ah ziakin Kohhran lehkha nen a hnuaia hming ziak hnenah hian thehluh theih a ni ang. Dil theih hun chhung : September 30, 2013, 4:00 p.m. thleng Written & Practical Test : October 1, 2013, dar 11:00 a.m. Interview : October 7, 2013, dar 2:00 p.m. Upa R. Lalmalsawma General Manager Presbyterian Communication Department

15. I bawhzui nghal ang aw Aia upa zahna a lo tlakhniam tak zia leh a chhan ni awm te kan han tarlang a, hmalakna tur awm te pawh kan sawi a, mahse, hun tawiteah hian kimchang takin kan sawi vek seng lo. A tak taka hmala tur leh ti thei ber chu Kohhran tina hmeihhiate kan ni. Kan vei zawng chu kan ti tak tak thin a. Bial emaw Kohhran mal emaw ah hmalakna tur leh inzirtir zel dan tur te ngaihtuahin rel chhunzawm ila. Kan Mizo ze mawi tak, Kristian nundan tur dik tak lo tlahniam ta chawinung tur leh tithar leh turin Pathian rinchhanin hma i han la tak tak teh ang u. Kan Lalpa leh Kohhran tan, kan ram leh hnam tan theihtawpin i bawhzui zel ang u. 16. Tihtur Aia upa zah chungchang leh awmdan mawite chhungkaw tina chhiar chhuah tur leh Kohhran in tina tar tur point hrang hrang tawi fel taka ziah chhuah ni se ( entirnan - Aia upate an hnial zawt zawt ngai lo, Miin thil an pek chein Ka lawm e an ti zel ngai etc). Hei hi Bial/Kohhran Hmeichhe Committee-in bawhzui se. Tihdan tur hre lo leh thiam lo ten a thiamte tih entawn mai ni se. Aia upa zah inzirtirna hi vawikhata hmalaka tawk mai chi a ni dawn lo va, Kohhran tinten inzirtir tur point pawimawhte siama tanlak chhunzawm zel theih a duhawm hle.
( He thu hi Mizoram Presbyterian Kohhran Hmeichhe Inkhawmpui Lianin a rel angin Kohhran tinah inzirtirna atana hman tur a ni a. A sei deuh avangin vawi 3 chhuah atan kan hmang ta a ni)

ALUMINIUM MISTIRI TRAINING

Synod Social Front chuan October - November 2013 chhungin Alluminium Mistiri Training a buatsaih dawn a. Training-a telte hnenah thla hnih chhungin stipend Rs. 1,000/- pek an ni ang. Dil duhte chuan Synod Office Social Front Department-ah dilna form la chhuakin September 20, 2013 hmain kohhran lehkha nen thehluh tur a ni ang a, September 24, 2013 (Thawhlehni) 11:00 a.m. ah interview tur a ni ang. REV. P.C. PACHHUNGA, Executive Secretary i/c Social Front

Kohhran Aw

Pathianni chhuak

Dt. 8th September 2013

Phek 3-na

Primary & Intermediate Deptt Inkhawmpui Programme

Dt. 13.01.2013 (Pathianni) Chawhma : 10:00 a.m Chairman : Upa F. Lalrintluanga, Electric Veng Kohhran Zai hruaitu : Venglai Kohhran atangin Tantu : Nl. H. Lalsangpuii, Vengthlang Reports : Kohhran tin Primary & Intermediate Deptt. Reports : Inkhawmpui Secretary Intihsiakna : Primary Department 1) Thu : I Johana 3 : 1-3 2) Hla : Buaina tinrengten min chim buai mahsela Intermediate Department Thu inchhang : Part IV, Bung 5 :1-8 Recitation : Primary Department : Sam 65 : 1-4 Solo : Intermediate Department (Pathian hla, mahni duhzawng) Dt. 13.01.2013 (Pathianni) Chawhnu : 01:30 p.m Chairman : Upa F. Lalrintluanga, Electric Veng Kohhran Zai hruaitu : Vengthlang Kohhran atangin Tantu : Nl. Irene VL Nunhlimi, Vengthlang North Intihsiakna : Primary Department Thu inchhang : Part II, Bung 9 : 1-10 Intermediate Department Thu : Thuhriltu 5 : 1-7 Hla : Kan tan naupang a lo piang a Recitation : Intermediate Department : Isaia 40 : 3-8 Solo : Primary Department (Pathian hla, mahni duhzawng) Result puan : Secretary Lawmman sem : Chairman To, The Editor, Kohhran Aw Champhai Vengthlang Kohhran hi Mizoram Presbyterian Kohhranah chuan a lian pawl tak kan ni a. Kohhran Committee leh mipui zinga rawngbawltu chi hrang hrangte hian kan hma theuhvah hian hma kan sawn theuh theih nan heti zawng hian tan lak i tum theuh teh ang u. 1. Kan Kohhran rawngbawl dan tlangpui kan hriat theih nan rawngbawltu chuan 2014 Kristian Diary neih theuh tum turin infuih ila. 2. Nilai leh Beirual Thupui zirlaibu hi nei theuh bawk ila. Heng lehkhabu atang hian kan Kohhran inrelbawl dan leh kan rawngbawlna kal mek leh kan kal zel dan turte a chuang deuh vek a. Heng atang hian kan tawngtai thupui hi a kimin hre vek thei lo mah ila, heng lehkhabu pahnihte hi a pawimawh hle a ni tih inzirtir a tul hlein ka hria. 3. Zai hruaitute chungchang : (i) Hla number ring deuhva sawi thin a, vawi hnih(2) tal sawi thin nise. (ii) Hla chang dang lak hmain vuak khat tal chawlh nise zai a rual tha deuh lovang maw ? 4. Kristian Tlangau leh Ramthar chanchinbu han en hian kan Kohhran hian Synod Hospital lam hawia tanlak kan mamawh deuh lo maw ? I rawngbawlpui, V. Rozama

Damlo Tawngtaipui Ngaite

Pu Lalzarmawia, Pi Sangkhawli,Upa Hrangvelthanga, Pi Zoramthari, Pu Lalhlunthanga, Nl. Zoramthangi, Pi Laltluangi leh Pu T. Lalduhawma te i tawngtaipui zel ang u.

Pangpar Enkawltu Turte

Dt.09-15.09.2013 chhunga pangpar enkawltu tur te:-(1) Pi Lalrinawmi (2) Pi Muanthangi (3) Pi Lalremruati (4) Pi Lalrinsiami

Pangpar Khawitute
Vawiina pangpar khawitute : 1) Pi F. Ramfangzauvi 2) Pi Lalropari Pathianni leha pangpar khawitute : 1) Pi Vanlalvuani 2) Pi Laldinpuii

Chhungkaw Thu
Dt.04.09.2013(Nilaini) zan khan Gospel Baptist Kohhran atangin Parlawmnghaki leh Rualthanfeli te unau kan Kohhranah lawmluh an ni.

Pathianni Zan Tawngtai

Zanin inkhawm bana tawngtai hruaitu Nl. Vanlalhriati a ni a, tawngtai turin Kohhran mipuite sawm kan ni.

S.S Report : Dt 01.09.2013

Particulars Puitling Naupang Hming ziak 1230 914 Kal 573 726 Kal lo 657 198 Thawhlawm `7565 `4885

Kum 25-na Lawm Tum

Champhai Electric Veng Kohhran chuan Dt 13-15, Sept chhung khian an Kohhran kum 25-na lawm an tum a, hemi rual hian an Biak In thar pawh an hawng nghal ang. Hemi hun hmanpui tur hian kan Kohhran mipuite min sawm a ni.

Video Shooting
Kan Kohhran Pavalai Pawl chuan nimin khan hla panga an khung fel tawh atan Music Video shooting phai zawl hmun hrang hrangah an nei a, an hlim tlang hle.

Kohhran Aw

Pathianni chhuak

Dt. 8th September 2013

Phek 4-na

Darthlalang : Mihringte Rorelna

Kohhran siamthat hna bul tantu leh langsar ber Martin Luther-a khan Bible chhung thu hrilhfiahna tamtak a ziak a. Chutiang a ziak zingah chuan Thuhriltu 9:15 thu tin, chu khuaah chuan mi rhethei fing tak a awm a, a finnain khawpui chu a chhanchhuak ta a; mahse, tumahin chu mi rethei chu an hre reng lo tih thu hrilhfiahna hian hmanlai Greek pasaltha leh sum lama chu lua bik lem lo Themistocles-a chanchin a tarlang a. Themistocles hi Athens khaw sipai huaisen leh ram tana ngaihtuahna seng tlat mi a ni a. A finna leh remhriatna hmangin Salamis Indovah Persia sipaite lakah hnehna changin Greek leilung atan Persia sipaite an umchhuah phah a. Themistocles hian Athens khua a chhanchhuak a ni ber awm e. Mahse a thiltih thatte hi a ram mipuite hian a hre reng lova, an mahni tanghma an hai luatah an khaw humhimtu chu duhsakna lantir a hnehin an khua ata an hnawtchhuak ta hial a ni awm e. Mihringte hi chuan duhsak zawng neiin ro kan rel a, mi thiltih thate, an finna te leh remhriatna te hi kan hre reng lova, an sum neih kan hre reng zawk thin. Lei mihringten ro kan relnaah te, hma kan lakna kawng hrang hrangah hian kan famkim loh zia hi a lang chhuak thin a. Sum hian min ti a em em a, rethei tan fing nih a har hle bawk a. Thil tha ngaihtuah mi aiin sum thawh tam thei hian ro an rel a ni ber mai. Mihring kan nih chhung hi chuan mahmawh hrang hrang kan ngah em em a, kan ei leh bar ngaihtuah reng a ngaih avangte hian sum hi kan thinlungah a lang lian em em thin. Pathian, sum leh ei leh bar lama tlakchham nei reng reng lovin ro a relnaah erawh chuan mi hausa leh mi rethei ang khatin min en a, a rorel duh dan ki a dang daih mai a. Chu mi rorelna hnuaiah chuan kan duh emaw, kan duh lo emaw, kan kun hrim hrim mai a ni. Pathian chuan mi hausate hausakna aiin mi retheite finna a ngaihlu zawk a, tin, finna a tih hian mahni tanghma hai thiam a kawhtir hek lo. Pathianin fing a tihzawng chu inngaitlawma, thuhnuairawlh tak a khawsate, Pathian tih mi te hi fing a tih zawng an ni zawk a. Chutiang mi, kan sum leh pai neiha thil en ngai lo, amah kan pawh leh pawh loh lam zawng zawka thlir thin Pathian rorelnaah kan la inlan dawn avangin, mi retheite hi khawvelah theihnghilhin awm thin mah ila, Pathian ngaihah erawh chuan kan dinhmun hi mi hausa, khawvela Pathian ngaihtuah ngai miah lova khawsate ai chuan a thlanawm zawk fe a ni.

VAWIIN BIAK INPUI

Chawhma : NPSS Inkhawmpui Chawhnu : NPSS Inkhawmpui Zan : Pathian Biak Inkhawm Hruaitu : Rev. Ramdinthara Colney Thuhriltu : Upa Lalthlamuana Thupui : Kohhran - Khawvel Eng Dt. 09. 09. 2013:THAWHTAN ZAN Hruaitu : T.Upa C. Lallianzauva Tantu : Pi Lalsiammawii Thupui : Synod Executive Committee Hawngtu : Pu JC Laldinsanga Dt. 10. 09. 2013 : THAWHLEH ZAN Hruaitu : Upa Vanlalhranga Tantu : Pu DL Zadinga Hnamte Thupui : Synod Pastoral Committee Hawngtu : Pi Lalropari Dt. 11. 09. 2013 : NILAI ZAN Hruaitu : Upa H.Thangliana Tantu : Pi Hmingthansangi (B-10) Thupui : Synod Mission Board Hawngtu : Pu HS Lalchhuanmawia Dt. 12. 09. 2013 : NINGANI ZAN Hruaitu : Upa Vanlalhruaia Sailo Tantu : Pi Lalventhangi Thupui : Synod Theological Education Board Hawngtu : Pu K. Vanlalhriata Dt. 06. 09. 2013 : ZIRTAWPNI ZAN Hruaitu : T.Upa Lalhuapzauva Tantu : Pu F. Hranghluna Thupui : Synod Hospital Board Hawngtu : Pi H. Lalthianghlimi Dt. 07. 09. 2013 : INRINNI ZAN Hruaitu : Upa H. Nghakliana Tantu : Pi Vanlalhruaii ( B-14) Thupui : Presbyterian Communications Board Hawngtu : Pu VL Zauva Chhangte
(Kohhran Aw-a thuchhuah tur nei chuan Editorial Board member hnenah emaw Chowkider inah emaw thehluh thin tur a ni )

TAWNGTAI INKHAWM HRUAITU

TAHRIK ZING :Dar 5:30 AM TLAI: Dar 4:00 PM 09.09.13(Thawhtanni) : Pi Lalpeki Pi Lalnunnemi 10.09.13(Thawhlehni) : Upa JC Rohnuna Pi H. Lalzawmliani 11.09.13(Nilaini) : Pu Rohlira Colney Pi Zoramliani 12.09.13(Ningani) : Pu Vanenga Varte Pu K. Thangdailova 13.09.13(Zirtawpni) : Pi Biakthuami Pi Lalsiammawii 14.09.13(Inrinni) : Pu C. Lalngaihthanga Pu Laikhama 15.09.13(Pathianni) : Pi Lalzamliani Tv. PC Lalruatfela

Editor : T/Upa Lalhuapzauva, Jt. Editor : C.Lalthanpuia, News Editor : Robert Lalmuanpuia Adviser : Upa C. Hualchhunga Cir. Manager : Zorampari, Published by Vengthlang Kohhran & Printed at C.K.Offset, Vengthlang. Biak In Ph.: 235380