ADUNA BAY KASALIGAN?

Nangandoy ka adunay makatabang

sa mga problema nga giatubang . .
may higala ka kuno mao gituohan
kanimo mounong ug motabang.

gitug-an mo kaniya imong kahimtang

ang kinabuhi nga mao gilawigan
sa pagtuo siya kanimo makatabang
sa matag problemang giatubang . . .

tanan nga sekreto nimo nasayran

ug wala na kay sarang kataguan
tataw na niya ang mga lakang
nga imong subayon nga dalan.

apan dili kaha mismong gisaligan

ang moguba sa imong dalan .. .
aron sa imong dalan nga subayon
may andam siyang dakong laang?