LUNGDAMNA THU MATTIU GELH

Jesu Khris khang thu Abraham suan pan David suan leh Jesu Khris dong khang simna in: 2Abraham tapa Isaak, Isaak tapa Jakob, Jakob tapa Judah leh a sanggamte ahi hi. 3Judah in a zi Timar tawh a neih a tapa Perez leh Zerah, Perez tapa Hezron, Hezron tapa Aram, 4Aram tapa Amminadad, Amminadad tapa Nashon. Nashon tapa Salmon, 5Salmon in a zi Rahab tawh a tapa Boaz, Boaz in a zi Ruth tawh a tapa Obed, Obed tapa Jessi, 6Jessi tapa David kumpipa ahi hi. David in Uriah zi ahi ngei tawh a tapa Solomon, 7Solomon tapa Rehoboam, Rehoboam tapa Jehosafat, Jehosafat tapa Joram, Joram tapa Uzziah, 8Uzziah tapa Jotham, 9Jotham tapa Ahaz, Ahaz tapa Hezekiah, 10Hezkiah tapa Manasseh, Mannaseh tapa Amon, Amon tapa Josiah, 11Josiah in Babilon khuapi ah a om lai in a neih a tapa Jekhoniah leh a sanggamte ahi hi. 12Babilon khua pan a pai khit ciangin Jekhoniah tapa Shealtiel, Shealtiel tapa Zerubabel, 13Zerubabel tapa Abiud, Abiud tapa Eliakim, 14Eliakim tapa Azor, Azor tapa Zadok, Zadok tapa Akhim, Akhim tapa Eliud, 15Eliud tapa Eleazar, Eleazar tapa Matthan, Matthan tapa Jakob, 16Jokob tapa Mari pasal Josef ahi hi. Tua Mari in Khris a kici Jesu nu ahi hi. 17Abraham khang panin David khang dong khang sawm leh li, David khang panin Babilon ah sal in a pai donguh khang sawm leh khang li, Babilon khuapi pan a pai khiat donguh khang sawm leh khang li ahi hi. Jesu Khris suahna 18Jesu Khris suahna thu in hi bang ahi hi. A nu Mari in Josef tawh kingai a, a kiten ma un Kha Siangtho Mari in a gai sak hi. 19Josef in mi lungsim pha ahih man in, Mari mindaisak nuam loin, mak sim dingin a lungngai hi. 20Tua bangin a lungngaih lai takin Pasian vantung mi khat a kiangah hong kilang a: David suan Josef aw! Na lawmnu Mari na tenpih ding in lunghimawh kei in. Ama gaina in Kha Siangtho a gai sak hi. 21Amah in tapa khat nei ding in, tua tapa in a mi pawlte mawhna sung panin gumkhia ding ahih man in a min Jesu na phuak ding hi ci-in a hilh hi. 22Tua

thu in kamsangte tung ah a genkholh thu a tangtunna ding ahi hi. Tua thu in: 23En un, nungak khat gai in, Tapa a nei ding hi. Tua a tapa in a min Emmanuel kici ding hi a ci hi. Emmanuel a khiatna in: Eite tawh Pasian hong om khawm hi a cihna ahi hi. 24Josef a khanlawh ciang in Pasian vantung mi hilh bangin mang in a lawmnu a tenpih hi. 25Ahih hang in a ta suah mateng in a luppih kei hi. Tua a tapa a min Jesu a phuak uh hi. 1:12 2Kum. 24:14-15; 2Khg. 36:10; Jer. 27:20; 18 Lk. 1:27; 21 Lk. 1:31; 23 Isa. 7:14; 25 Lk. 2:21. Mipilte hawhna Judah gam ah Herod kumpipa a man lai takin, Bethlehem khua ah Jesu a suah khit ciang in, mipilte in nisuahna lam gam pan in Jerusalem khuapi ah hong tung uh a: Tu lai tak in a suak Judah kumpipa in koi lai-ah om ahi hiam? 2Nisuahna gam lam panin ama aksia mu khin ka hih man un, a bia dingin kong pai uh hi ci-in a dong uh hi. 3Herod kumpipa in tua thu a zak ciang in, Jerusalem khua mi khempeuh tawh a lunghimawh uh hi. 4Pasian siampite, laitheite leh upate kaikhawm in: Khris in koi lai-ah suak ding ahi hiam? ci-in a dong hi. 5Amaute in: Pasian kamsangpa khat in: 6Nang! Judah gam Bethlehem khua aw, Judah gam khuapi lakah, khua neu khua gina-lo na hi kei hi. Bang hang hiam cihleh, ka mi pawl Israel mite cing dingin, na sungah mang pa khat a piang ding hi ci-in Lai Siangtho sung ah a kigelh mah bangin Judah gam Bethlehem khua ah Khris a suak ding hi ci-in kumpipa kiang ah a gen uh hi. 7Herod in mipilte sam sim in, aksi a kilat hun phatak in a dong hi. 8A theih khit ciangin: Va pai un la, tua naupang va hah zawn un. Na muh khit uh ciang in, ka kiang ah hong gen kik un. Kei zong pai in tua naupang ka va bia ding hi ci-in a vaikhak khit ciang in, Bethlehem khua ah a pai sak hi. 9Kumpipa thu a zak khit uh ciang in paikhia uh a, nisuahna lam panin a muhuh aksi in amaute maiah pai in, naupang omna tung a tun ciang in a

MATTIU 3 khawl hi. 10Mipilte in tua aksi khawl a muh uh ciang in a nuam mahmah uh hi. 11Inn sungah a lut uh leh, naupang leh a nu Mari a muh uh ciang in, a bia uh hi. A vante uh a suah khituh ciangin; kham, paknamtui leh mirrah-te a pia uh hi. 12Tua ciangin Herod kumpipa kiangah a pai not lohna dingun, a mang sunguah kihilh ahih manin, lampi dang tawn in a ciah uh hi. Izipt gamah taina 13Tua mite a paikhiat khit uh ciangin, Pasian vantung mi khat Josef mang sungah kilang a: Tho in, naupang leh a nu samin la, Izipt gam ah taipih in. Kong hilh kik matengin tua gamah va om in. Herod kumpipa in naupang that nuamin a zong hi ci hi. 14Tua ciangin Josef zong tho a, naupang leh a nu zankim pi-in sam khia in, Izipt gamah a taipih hi. 15Herod kumpipa a sih mateng in tua gamah va om hi. Tua bangin a omna ding thu pen Pasian in a kamsangpa tungah: Ka tapa Izipt gam panin ka sam khin hi ci-in a genkholhna a tangtunna ding ahi hi. Naungekte thahna 16Herod kumpipa in mipilte khemna thu a theih ciangin heh mahmah a, mite sawl in, mipilte gen hun tawh kituak in geel in, Bethlehem khua leh a kim khuate khempeuh ah a om kumnih nuai siah pasalno khempeuh a that sak hi. 17Pasian kamsangpa Jeremiah genkholhna bangin tua lai takin a tangtung hi. 18A genkholhna in: Ramah gamah nakpi takin kahna aw kiza hi. Rachel in a tate a dingin a kap hi. A tate omlo ahih manin a kinem zo kei hi a ci hi. Izipt pan ciah kikna 19Herod kumpipa a sih khit ciangin Josef mang sungah Pasian vantung mi khat kilang kik hi. 20Vantung mi in: Tho in, naupang leh a nu samin la, Isreal gamah ciah pih in. Naupang that nuam in a zongte a si khin uh hi ci hi. 21Tua ciangin amah tho in, naupang leh a nu samin Israel gam ah a ciah kik hi. 22Herod za pen a tapa Arkhelaus in luah a, Judah gam ah a manna thu a mang sungah a kihilh ciangin, tua gamah a tung ngam kei hi. 23Galile gamah pai a: Khris in Nazareth mi kici ding hi ci-in Pasian kamsangte in a genkholhna thu a tangtunna dingin Nazareth khua ah tungin a teng hi.

2 2:6 Mik. 5:2; 15 Hos. 11:1; 18 Jer. 31:15; 23 Mk. 1:24; Lk. 2:39; John 1:45; 23 Isa. 11:1. Baptaizpa Johan thuhilhna Tua lai takin Baptaizpa Johan hong kilang a: Van Gam a hong nai zo hi. 2Tua ahih ciangin na mawhnate uh kisikkik ta un ci-in Judah gam gamlakah thu a hilh hi. 3Pasian kamsangpa in a genkholh na in: Gampa lakah kikopa aw in, Topa paina ding lam na sial un. Ama lampi na tangsak un a ci hi. A cihna in tua mi a cihnopna ahi hi. 4Johan in kalaoh mul kigan puan silh in, savun kawnggak tawh a kawng a ngak hi. Kauphe leh gampa lak khuaizu tawh a kivak hi. 5Tua lai takin Jerusalem khuapi, Judah gam leh Jordan gun gei-ah a om khempeuhte Johan kiangah hong pai uh hi. 6Amaute in a mawhnate uh pulak in Jordan gun sungah ama khut sungah a kibaptaiz uh hi. 7Farisaite leh Saddusite a kibaptaiz dingin hong pai Johan in a muh ciangin: No mualtan suante aw, a hong tung ding hehna panin na taikhiatna dingun kua in hong hilh khol ahi hiam? 8Mawhna kisikkikna tawh kilawm na ngah ta un. 9Abraham ka pa uh hi ci-in lungngai in ngaihsun kei un. Ken hong cihin Pasian in hih suangte zong Abaham suante a suaksak thei hi. 10Tu in sing phungah hei om khin hi. A gah hoih lo kung khempeuh kiphuk in, mei sungah kikhul ding hi. 11Keimah in na mawhnate na kiksikna hangun tui sungah kong baptaiz hi. Ahih hangin ka nungah hong paipa in kei sangin lian zaw hi. A khedap khau sut dingin nangawn in ka kilawm kei hi. Amah in Kha Siangtho leh mei tawh hong baptaiz ding hi. 12A khut sungah lawhpi tawi in, a buhphual zap siang ding a, a tak teng sal sungah koih ding hi. A site ahih leh a mit ngeilo mei tawh a hal ding hi ci-in a gen hi. Jesu kibaptaizna 13Tua lai takin Jesu zong kibaptaiz dingin Galile gam panin Jordan gun gei Johan kiangah va pai hi. 14Johan in: Kei kei hong baptaiz ding in kilawm zaw hi mah napicin, bang hangin ka kiang ah hong pai na hi hiam? ci-in a nial hi. 15Jesu in: A dik thu khempeuh zuih dingin kilawm hi. Tua ahih manin tu in ka thu hong mangin a ci hi. Tua ciang in Johan in a mang hi. 16Jesu in a kibaptaiz khit ciangin tui sung pan a thawh toh lai takin van

3 kihong a, Pasian Kha Siangtho in vakhu bang in hong kum suk a, a tungah a khawl ka mu hi. 17Van pan in aw khat in: Hihpa in ka lung hong damsak ka it ka Tapa ahi hi ci-in hong ging hi. 3:2 Mat. 4:17; Mk. 1:15; 3 Isa. 40:3; 4 2Kum. 1:8; 7 Mat. 12:34; 24:33; 9 Joh. 8:33; 10 Mat. 7:19; 17 Pian. 22:2; La. 2:7; Isa. 42:1; Mat. 12:18; 17:5; Mk. 1:11; Lk. 9:35. Jesu a kikhemna Tua ciangin dawimangpa khemna thuak dingin Kha Siangtho in gampa lakah Jesu a sawl hi. 2Jesu in ni sawmli leh zan sawmli an a tan khit ciangin a gil hong kial hi. 3Tua lai takin a khem dingpa in va nai a: Pasian Tapa na hih takpi leh, hih suangte khomun suaksak in a ci hi. 4Jesu in: Mihing in khomun bek tawh nungta lo hi. Pasian kamsung pan hong pusuak thu khempeuh tawh nungta hi, ci-in Lai Siangtho sungah a kigelh hi a ci hi. 5Tua khit ciangin dawimangpa in Jesu khua siangtho sungah paipih in, biakinnpi khum zangah a koih khit ciangin: 6Nangmah in Pasian Tapa na hih takpi leh, kikiasuk sak in. Bang hang hiam cihleh: Amah in nang adingin a vantung mite thu pia ding hi. Na khe in suangte tawh a kisuk khak lohna dingin, amaute in a khut uh tawh hong dom dinguh hi ci-in Lai Siangtho sungah a kigelh hi a ci hi. 7Jesu in: Na Topa Pasian na ze-et kei ding hi, ciin Lai Siangtho sung ah kigelh hi a ci hi. 8Dawimangpa in mual sang dawn ah Jesu paipih to a, leitung ah a om gam khempeuh leh gam sungah a om, 9minthanna khempeuh a lah khit ciangin: Bokin hong bia lecin, kong lah khempeuh kong pia ding hi a ci hi. 10Tua ciangin Jesu in: Na Topa Pasian bek na bia ding a, ama na bek na sem ding hi, ci-in Lai Siangtho sungah kigelh hi a ci hi. 11Tua khit ciangin dawimangpa in Topa kiang pan in paikhia a, vantung mite hong pai in an a vak uh hi. Galile ah Jesu nasep kipatna 12Johan kimatna thu Jesu in a zak ciangin Galile gamah a pai hi. 13Nazareth khua khengin Zebulun gam leh Naftali gam kikal khua, tuili tawh a kinai Kapernaum khua ah tungin a teng hi. 14Tua a omna in Pasian kamsang Isaiah in a genkholhna a tangtunna ding a hi hi. A genna in:

MATTIU 5 gam leh Naftali gam ahi Jordan gun gal tuipi lian lam Gentailte omna Galile gamah. 16Khuamial sungah a om mite in, khuavak a mu uh hi. Sihna lim guam sungah a tute tung ah khuavak a taang zo hi a ci hi. 17Tua khit ciangin Jesu in: Na mawhna uh kisikkik un. Bang hang hiam cihleh, Van Gam hong nai zo hi ci-in thuhilh a kipan hi. Jesu in ngabeng lite a sapna 18Galile tuili gei ah a pai lai takin Piter kici Simon leh Andru-te unau in ngabeng mi ahih manun, tui sungah ngen pai in om a mu hi. 19Jesu in: Ka nung hong zui un, mi a mante kong suaksak ding hi a ci hi. 20Tua ciangin amaute in thakhat in a ngente uh nusia in Jesu nung a zui pah uh hi. 21Tua mun a khen khituh ciangin, unau dang nih ahi Zebide tapa Jakob leh Johan-te in a pa tawh ngunkuang sungah ngen khui in om a muh ciangin sam hi. 22Amaute in thakhat in a pa leh a ngente uh nusia in Jesu nung a zui uh hi. Mihonte tung nasepna 23Jesu in kikhopna inn sungah, Van Gam Lungdamna Thu hilh a, cinate damsak in, Galile gam sung tengah a vak kawikawi hi. 24A thu in Siria gam khempeuh kizel in, dawi lut sibup, khut leh khe zaw khempeuh leh natna namcin a veite a kiang ah hong paipih uh a, natna khempeuh a dam sak hi. 25Galile gam, Dekapolis gam, Jerusalem khua pan, Judah gam leh Jordan gal khat panin mi tampite hong pai in, a nung a zui uh hi. 4:1 Heb. 2:18; 4:15; 3 Thkna. 8:3; 6 La. 91:11-12; 7 Thkna. 6:16; 10 Thkna. 6:13; 12 Mat. 14:3; Mk. 6:17; Lk. 3:19-20; 13 Joh. 2:12; 15-16 Isa. 9:1-2; 17 Mat. 3:2; 23 Mat. 9:35; Mk. 1:39.
15Zebulun

Mualtung thuhilhna Jesu in mihonpite a muh ciangin, mualtung ah kahto in a tu hi. Tua lai takin a nungzuite in a kiang ah va nai uh hi. 2Amah in kam ka in a nung-zuite thu a hilh hi. 3Lungsim niamkhiate in thupha a ngah ding uh hi. Bang hang hiam cihleh, Van Gam in amaute gam ahi ding hi. 4A dahte in thupha a ngah dinguh hi. Bang hang hiam cihleh, lungdamna a ngah ding uh hi.

MATTIU 5 5Lungnemte in thupha a ngah ding uh hi. Bang hang hiam cihleh, leitung a luah ding uh hi. 6Gilkial in, an duh bangin lungsim siangtho a deihte in thupha a ngah ding uh hi. Bang hang hiam cihleh, amaute in vakna a ngah ding uh hi. 7Midang a hehpih theite in thupha a ngah ding uh hi. Bang hang hiam cihleh, amaute in zong hehpihna a ngah kik dinguh hi. 8Lungsim siangthote in thupha a ngah dinguh hi. Bang hang hiam cihleh, amaute in Pasian a mu dinguh hi. 9Mi kitawng kilemsak kik theite in thupha a ngah dinguh hi. Bang hang hiam cihleh, Pasian tate cihna a ngah dinguh hi. 10Dikna thu hangin bawlsiatna a thuakte in thupha a ngah dinguh hi. Bang hang hiam cihleh, Van Gam in amaute gam ahi ding hi. 11Keima hangin note in gensiatna, bawlsiatna leh ahi lo mawhsakna na thuak uh leh thupha na ngah dinguh hi. 12Lungdam in na nuam un. Bang hang hiam cihleh, Van Gam ah a lian noptuamna na ngah dinguh hi. Note pianma in, a piang masa kamsangte zong tua mah bangin a bawlsia uh hi. Ci leh khuavak 13Note in leitung ci na hi uh hi. Ci in a alna a man leh bang ci bangin al kik thei ding ahi hiam? Dai pua lam ah paikhia in mite sik gawp ding longal kimanna a om nawn kei hi. 14Note in leitung khuavak na hi uh hi. Mual dawnah a om khua a kiliah zo kei hi. 15Meivak a kivak khit ciang in seeng tawh kikhuh ngeilo hi. Inn sungah a om mi khempeuh in a muh theihna dingun, kho sang ah a vak uh hi. 15Tua mah bangin, midangte in na gamtatna pha uh a muh uh ciangin van ah a om na Pa uh ahi Pasian min a phatna dingun, na khuavak uh mite mai-ah na taang sak un. Thukham leh Jesu thuhilhna 17Thukhamte leh Pasian kamsangte thute sia sak dingin hong pai hi ci-in hong um kei un. Sia sak dingin hong pai ka hi kei a, a kicingsak dingin hong pai ka hi hi. 18Ken aman takpi kong cihin, van leh lei a mangthang zongin, thu khempeuh a kicin matengin Pasian Thukham a neu pen na ngawn a kisia kei ding hi. 19Tua ahih ciangin, mi khat peuh in ka Thukham a neu pen khial in, mi dangte zong hilh in, a khialh sak leh, tu mi in van Gam sung ah mi neu pen kici ding hi. Mi khat

5 peuh in ka Thukham zui-in, mi dangte hilh in, a zuih sak leh, tua mi in van Gam sungah milian kici ding hi. 20Note gamtatna in laitheite leh Farisaite gamtatnate sangin a phat zawk kei leh, Van Gam sungah na tung zo peuh mah kei dinguh hi. Hehna thu 21Mi na that kei un, Mi thatte in zum innah thukhenna thuak ding hi, ci-in, tanglai mite kiang panin na za khin uh hi. 22Ken kong cihin, a sanggamte tungah a heh khempeuhte in zum innah thukhenna a thuak ding uh hi. A sanggam a gensiate in upa vaihawmna panin thukhenna a thuak ding uh hi. 23Pasian biakna tau ah biakna pia ding in na kithawi lai takin, na sanggamte khat na tung ah lungkim lo hi cih na phawk leh, 24biakna tau ading na biakna koih phot in, ciah kik in la, na sanggam tawh na kilem khit ciangin pai kik in la, biakna na pia in. 25Na kittotpihpa tawh lam na paikhop lai takin na kilem mengmeng in. Tua ahih kei leh, amah in thukhen mangpa kiangah hong khia ding a, thukhen mangpa in palikte kiangah hong pia in, thong sungah hong khum ding hi. 26Ken a man takpi kong cihin, na liau ding dangka san na piak khit matengin thong sung panin na paikhia thei kei ding hi. Numei tawh mawhna 27Mi zi tawh na mawh kei in, a cihna thu na za khin uh hi. 28Ken kong cihin, numei khat peuh khialh nopna lungsim tawh a ente in, a lungsim sungah tua numei tawh a mawh khin hi. 29Tua ahih ciangin, na mit taklam in hong puk sak leh, khel khia in la paai in. Bang hang hiam cihleh, na pumpi kim tawh hell sung ah na pai sangin, na na khat kisia leh nang a dingin a pha zaw ding hi. 30Na khut taklam in hong puk sak leh, sat tanin la paai in. Bang hang hiam cihleh, na pumpi kim tawh hell sungah na pai sangin, na na khat kisia leh nang adingin a pha zaw ding hi. Kimakna thu 31A zi a ma nuam peuh mah in kikhenna lai pia ta hen, a cihna thu om khin hi. 32Ken kong cihin, mawhna thu khat longal thu dang hangin a zi a mate in a zi a mawhsak hi. A maksa numei a tenpihte in mi zi tawh a mawh uh hi. Kiciamna 33A hilo pi-in na kiciam kei un. Pasian tawh na kiciamnate uh na tangtung sak un, a cihna thu

5 tanglai mite kiang panin na za khin uh hi. 34Ken kong cihin, na kiciam peuh mah kei un. Van in Pasian tokhom ahih manin van tawh na kiciam kei un. 35Lei in Pasian khe ngakna ahih manin lei tawh na kiciam kei un. Jerusalem khuapi in a lian kumpipa khua ahih manin Jerusalem khuapi tawh na kiciam kei un. 36Na sam zang khat a kang ding leh a vom ding ahi zongin bawl theilo na hih manin na lu tawh na kiciam kei un. 37A hite, A hih mah hi. A hi lote, A hilo mah hi, na ci un. Tua sangin a kan zaw mi in, a gilo mi sung panin piang ahi hi. Thuhkikna thu 38Mittang khat tangin mittang khat, ha khat tangin ha khat, cihna thu na za khin uh hi. 39Ken kong cihin, a gilo mi na thukkik kei un. Na pang langkhat hong kibet leh a langkhat zong na dawh lai in. 40Na puanak hong kideihgawh manin zum inn ah hong khiate na puanza zong na lasak lai in. 41Zawhthawh thu tawh tai khat hong paipih nuamte tai nih na zui in. 42Hong ngente na pia in. Lei hong tawite na nungngat kei un. Galte itna 43Na pawlte it in la, na galte mudah in, a cihna thu na za khin uh hi. 44Ken kong cihin, van ah a om na Pa uh ahi Pasian tate na suahna ding un na galte na it un. 45Bang hang hiam cihleh, Pasian in miphate leh mi gilote tungah ni taang sak kim in, mi siangthote leh mi siangtho lote tungah guah a zusak kim hi. 46Hong itte bek na it uh leh na gitna uh bang phatuamna om ding hiam? Siahdongte in tua bangin gamta uh hilo ahi uh hiam? 47Na sanggamte tung bekah kam na siam uh leh, mi dangte sangin na phat zawkna om ding ahi hiam? Gentailte in zong tua mah bangin gamta uh hi lo hi uh hiam? 48Tua ahih manin, vanah a om na Pa uh a migit mah bangin na migi ta un. 5:5 La. 37:11; 6 Isa. 55:1-2; 8 La. 24:3-4; 10 1Pi. 3:13; 11 1Pi. 4:14; 12 2Khg. 36:16; Sawl. 7:52; 13 Mk. 9:50; Lk. 14:34-35; 14 Jhn. 8:12; 9:5; 15 Mk. 4:21; Lk. 8:!6; 11:33; 16 1Pi. 2:12; 18 Lk. 16:17; 21 Pai. 20:13; Thkna. 5:17; 27 Pai. 20:14; Thkna. 5:18; 29 Mat. 18:9; Mk. 9:47; 30 Mat. 18:8; Mk. 9:43; 31 Thkna. 24:1-4; Mat. 19:7; Mk. 10:4; 32 Mat. 19:9; Mk. 10:11-12; Lk. 16:18; 1Kor. 7:10-11; 33 Siam. 19:12; Gam. 30:2; Thkna. 23:21; 34 Jeim 5:12; Isa. 66:1; Mat. 23:22; 35 Isa. 66:1; 35 La. 48:2;

MATTIU 6 38 Pai. 21:24; Siam. 24:20; Thkna. 19:21; 43 Siam. 19:18; 48 Siam. 19:2; Thkna. 18:13. Hehpih piakna thu Mi mai-ah kisial in, mite muh dingin gamtatpha na bawl lohna dingun na kikem un. Tua bang ahih kei leh van ah a om na Pasian kiang pan in nopna na ngah kei ding uh hi. 2Hehpihna na piakuh ciangin mi simtatte in phatna a ngah nop man un, kikhopna inn sung leh lampi ah a pai lai uh ciangin a mai-ah peengkul a tum sak bang in na hih kei un. Ken aman takpi kong cihin, amaute in phattuamna a ngah khin uh hi. 3Note in hehpihna na piak uh ciangin, a kithei lo dingin na taklam khut gamtatna na veilam khut na theisak kei un, 4A kilang lo nate a mu thei na Pa un phattuamna hong pia ding hi. Topa thungetna 5Thu na get uh ciangin mi simtatte bangin na ngen kei un. Amaute in mi dangte muh ding a ut man un kikhopna inn sung leh lamka bomah ding in thu a ngen uh hi. Aman takpi kong cihin, a maute in phattuamna a ngah khin uh hi. 6Note in thu na nget uh ciangin inn sung tawngah lut un la, kong na khak khituh ciangin a kilang lona mun ah a om na Pa uh kiangah na ngen un. A kilat lohna ah a om na Pa un phattuamna hong pia ding hi. 7Thu na ngetuh ciangin, Gentailte bangin kam nawngkaite na zang kei un. Amaute in tampi gen le hang a ngai deuh ding a sa uh hi. 8Tua bang in na ngen kei un. Bang hang hiam cihleh na deihna khempeuh uh na nget ma un na Pa un thei khin hi. 9Tua ahih ciangin, thu na ngat uh ciangin hi bangin na ngen un: Vantungah a om kote Pa aw, na min siangtho ta hen. 10Na Gam hong piang ta hen, Vantungah na deihna a kicin mah bangin, leitungah zong hong kicing sak ta in. 11Tu ni-in ka khamkhop dinguh an hong pia in. 12Kote tungah hong mawhte ka maisak mah bangin, kote mawhna zong hong maisak ta in. 13Khemna hong thuak sak kei in. Gilopa kiang pan hong honkhia in. ci-in na ngen un. 14Mite mawhna na maisak uh leh, vantung ah a om na Pa un, note mawhna zong hong maisak ding hi. 15Note in midangte

MATTIU 7 mawhna na maisak kei uh leh, na Pa un zong note mawhna hong maisak kei ding hi. Antanna thu 16An na tan uh ciangin, mi simtatte bangin na mai uh na vulsak kei un. Bang hang hiam cihleh, amaute in an a tanna uh mi dangte in a theihna ding a deih manun, a mai uh a sia sak uh hi. Ken aman takpi kon cihin, amaute in phattuamna a ngah khinuh hi. 17An na tan uh ciangin maitangah kilang sak loin, a kilang loin a om na Pa uh maiah a kilatna dingin na samuh sathau nilh un la, na mai uh na phiat un. 18A kilang lo nate a mu thei na Pa un, phattuamna hong pia ding hi. Vantungah sum 19Na sum na paite uh kekseu thei leh nget in a nek theihna leh gutate in luhin, a guk theihna hih leitungah na khol kei un. 20Kekseu thei lo, ngetin a nek theih lohna leh guatate a guk theihna na mun vantungah na khol un. 21Bang hang hiam cihleh, na sum omna ah na lungsim zong a om ding hi. Pumpi khuavak 22Mittang in pumpi khuavak a hi hi. Tua ahih manin na mituh a cim leh na pumpi zong a vak kim ding hi. 23Na mit a mial leh na pumpi khempeuh a mial ding hi. Na pumpi tungah a om khuavak a mial leh, tua khuamialna in mial pha lua zen ding hi. Pasian leh sum 24To nih na kua mah in a sem khawm zo kei ding hi. Bang hang hiam cihleh, a tote khat mu dah in khat a it ding hi. Khat beel in khat a simmawh ding hi. Note in Pasian na leh leitung na nasem khawm zo kei dinguh hi. 25Tua bang ahih leh: Bang ne in, bang dawn ding ka hiam? ci-in na nuntakna dinguh lunghimawh kei un. Bang ka silh ding hiam? ci-in na pumpi adingin lunghimawh kei un. An sangin nuntakna a lian zaw hi. Puan sangin pumpi lian zaw hilo ahi hiam?. Kinna leh lunghihmawhna 26Van ah a leng vasate na lunggai un. Amaute in khaici tuh in, vawh in, at in, seng in, sal sung ah a khol kei uh hi. Ahih hangin vanah a om na Pa un tuate a vak hi. Note in tuate sang in manpha zaw tham hilo na hi uh hiam? 27Lunghihmawhna hang in tong khat bek a khangkhan thei note lak ah kua om na hi uh hiam? 28Puan silh

6 dingin bang hangin lunghimawh na hi uh hiam? Gam lakah a om uknok kungte bangci bangin khang thei hiam cih na lungngai un. Amaute in na sem loin khau zong a khek kei uh hi. 29Ahih hang in Solomon in a minthanna puan a silh lai tak na ngawn in, uknok khat bangin a kizem kei hi, ci-in kong gen hi. 30Upna neute aw, tu ni-in a om zing ciangin meikhuk ah kikhul thei lopate Pasian in puan silh sak ahih leh, note zong puan hong silh sak zaw kan ding hi. 31Tua ahih ciangin: Bang ka ne, bang ka dawn, bang ka silh ding hiam? ci-in lunghimawh kei un. 32Gentailte in tua nate hangin a lungmanguh hi. Na kisapna uh nate khempeuh van ah a om na Pa un a thei hi. 33Pasian Gam leh a dikna zong masa un. Na zon uh leh tua nate khempeuh hong pia thuah ding hi. 34Tua ahih manin zing ciang adingin na lunghimawh kei un. Zing ciang adingin amah a lunghimawh ding hi. Tu ni-in a om a phalo na in, tu ni adingin a kicing hi. 6:1 Mat. 23:5; 5 Lk. 18:10-14; 14-15 Mk. 11:25-26; 19 Jeim 5:2-3; 29 1Kum. 10:4-7; 2Khg. 9:3-6 Mi dangte tungah thukhenna Thukhenna tawh na kipelh theihna dingun, mi dangte thu na khen kei un. 2Bang hang hiam cihleh, midangte tungah thu na khen bangun note in zong thukhenna na ngah ding uh hi. Mi dangte na piakna uh seeng mah tawh note hong kipia kik ding hi. 3Na mit sung ah a om singluang lungngai loin, na sanggam mit sungah a om ninthem om pen bang hangin en na hi hiam? 4Na mit sungah singluang om mah napi-in, na sanggam kiangah: Na mit sungah a om ninthem bang hangin hong lakkhiat sak ning ci na hi hiam? 5Nang mi simtatpa aw! Na mit sungah a om singluang lakhia masa in. Tua khit ciangin na sanggampa mit sungah a om ninthem na tel muh ding lamtak thei in. 6A siangtho nate uite na pia kei un. Vok mai-ah suangmanpha na paai kei un. Tuate in a khe uh tawh a sik gawp khituh ciangin, kihei in hong pet kha lai ding hi. Ngen, zong, kiu 7Ngen un, na ngetuh leh na ngah dinguh hi. Zong un, na zonuh leh na mu dinguh hi. Kiu un, na kiuh uh leh hong kihon ding hi. 8Bang hang hiam cihleh, a ngen khempeuh ngah uh a, a zong

7 khempeuh in mu-in, a kiu khempeuh kongkhak a hon ding hi. 9A ta in khomun ngen leh, suang a pia ding note lakah kua om na hi uh hiam? 10Ngasa ngen leh gul a pia ding note lakah kua om na hi uh hiam? 11Note migilo tate na hi mah na pi-un, na tate uh a hoih na piak nopuh leh, tua sangin van ah a om na Pa un a ngente a hoih zaw bang zah in pia nuam ding hiam? 12Tua ahih manin, nang tungah hong kibawl ding na deih bangin, mi dangte tungah zong na bawl in. Hih thu in Pasian Thukham leh Pasian kamsangte thu-te zungpi ahi hi. Kong kawciik 13Kong kawciikah lut un. Bang hang hiam cihleh, siatna mun tunna ding in kong leh lampi tanzau ahih manin, mi tamte a lut uh hi. 14Nuntakna mun tunna ding lampi in kawciik a, lampi kawcik ahih manin mi tawm khat bek a lut uh hi. Singkung a gahin kithei 15A sungah hangsan ngia hi na pi-in, tuuvun silh in note kiangah hong pai thuhilh siate na ngaihsun un. 16Amaute a gah in en le-uteh, a lungsim na thei ding uh hi. Liingkung tung ah leenggah kilo thei ahi hiam? 17Thangling kung ah thei gah kilo thei hiam? A kung hoihte in gah hoih a gah thei in, kung hoih lote in gah hoih a gah thei kei hi. 18Kung hoih in gah hoihlo gah loin, kung hoih loin gah hoih a gah thei kei hi. 19A gah hoihlo kung khempeuh kiphuk tan in, mei sungah kikhul ding hi. 20Tua ahih manin, tua mite lungsim in a gah tawh na thei dinguh hi. Hong thei ngei keng 21Topa aw! Topa aw! hong ci khempeuh Van Gam sungah a lut thei kei dinguh hi. Vanah a om ka Pa deihna bangin a gamtate bek a tung ding uh hi. 22Tua Ni ciangin: Topa, Topa aw, kote in na min tawh thu hilh in, dawite hawlkhia in, na Lamdang tampi bawl hilo ka hi uh hiam? ci-in, mi tampi in hong gen dinguh hi. 23Hong gen uh ciang in: Note cik mah hunin kong thei ngei kei hi. Mawhna a bawlte aw, ka kiang panin paikhia un ka ci ding hi. Bulpi nihte 24Tua ahih ciangin, ka thuhilhna za in, a zuite khempeuh in suang tungah inn a lam mipilpa tawh kibang hi ci-in ka genteh ding hi. 25Guah tampi hong zu in, tui hong luang a, huihpi hong

MATTIU 8 nun ciangin, tua inn in suang tungah kilam ahih manin a puk kei hi. 26Ka thuhilhna za napi a, a zuilote khempeuh in sehnel tungah inn a lam mihaipa tawh ka genteh ding hi. 27Guah hong zu in, tui hong luang a, huihpi hong nun ciangin, tua inn mut a, sehnel tungah kilam inn ahih manin a puk hi. Tua pukna in pukna lianpi ahi hi ci-in Jesu in a hilh hi. Jesu in ukna ana nei 28Hih thute khempeuh a hilh khit ciang in, mihonte in, Topa thuhilhna lamdang a sa uh hi. 29Bang hang hiam cihleh, amah in laitheite bang in hilh loin, ukpa bangin thu ahilh hi. 7:2 Mk. 4:24; 12 Lk. 6:31; 19 Mat. 3:10; Lk. 3:9; 20 Mat. 12:33; 23 La. 6:8; 28-29 Mk. 1:22; Lk. 4:32. Mi phak khat damsakna Mualtung pan in Jesu hong kumsuk khit ciang in, mihonpi in a nung zui uh hi. 2Tua laitak in mi phak kha in Jesu kiang ah va pai in bia a: Topa aw, nong hih nop leh hong dam sak in ciin a ngen hi. 3Jesu in a khut zanin lawng a: Ka hih nuam hi. Na dam ta in a cih leh thakhat in a dam pah hi. 4Jesu in: Hih thu kua ma kiangah gen kei in. Pasian siampi kiang ah va pai in la, va kilak in. Amaute in a theihna ding un Moses thupiak bangin biakna na pia in a ci hi. Galkap mang nasem khat damsakna 5Kapernaum khua-ah Jesu a tun ciangin, galkap mangpa khat in a kiang va nai hi. 6Tua ciangin: Topa aw, ka nasem khat, a khut leh khe si ahih manin gim lua in, inn sung ah a lum hi ciin Jesu a ko hi. 7Jesu in: Hong pai in ka damsak ding hi a ci hi. 8Galkap mangpa in: Topa aw, ka inn khum nuai ah, na lutna dingin a kilawm kei hi. Na kam bek tawh thupia lecin, ka nasempa a dam ding hi. 9Bang hang hiam cihleh, kei mah in galkap uliante khutnuai ah ka om a, ka nuai ah zong galkap tampi om uh hi. Tua galkapte kiang ah: Pai in ka cih ciangin pai a, hong pai in ka cih ciangin hong pai hi. Ka nasepa kiangah: Hih sem in ka cih ciangin a sem hi a ci hi. 10Jesu in tua thu a zak ciangin lamdang sa in: Ken a man takpi kong cihin, hih zahin upna lian Israel mite sung ah ka mu kei hi. 11Ken kong cihin, mi tampite in nisuahna lam, nitumna lam panin hong pai in, Abraham, Isaak leh Jakob-te tawh Van

MATTIU 9 Gam sung ah a tukhawm ding uh hi. 12Gam mite ahih uh leh, a pua lam ah khuamial sung ah a nilkhia ding hi. Kahna leh ha gawina a om ding hi ci-in a nungzuite kiangah a gen hi. 13Jesu in galkap mangpa kiangah: Ciah in. Na upna bang in, nang adingin piang ta hen a ci hi. Tua nasem pa in tua hun lian in a dam pah hi. Piter sungnu damsakna 14Piter inn sungah Jesu a lut leh, Piter sungnu in nattun in a lum a mu hi. 15Jesu in a khut a lawn ciangin, a nattun natna panin dam in tho a, zinte an a vak hi. Nitak in mi tampi damsakna 16Nitak ciangin dawi lut tampite Jesu kiangah hong pai uh a, thu khat bek tawh dawite hawl khia in, cina khempeuhte a damsak hi. 17Tua thu khempeuh in kamsangpa Isaiah tungah a gen ahi: Amah in eite gimna leh tawlna-te la in, eite natnate khempeuh a thuak hi a cih a tunna ding ahi hi. Nungzui dingte 18Mihonpite a kim ah um cih in a om a muh ciangin: Gal khatah pai ni a ci hi. Tua lai takin laitheipa khat hong pai hi. 19Tuapa in: Sia aw, na paina khempeuh ah kong zui ding hi a ci hi. 19Jesu in: Ngia in kua nei a, vasate in zong sing dawn ah bu a nei uh hi. 20Ahih hangin Mihing Tapa ahih leh lutang ngakna ding nagawn a nei kei hi a ci hi. 21A nungzuite khatin: Topa aw, ka pa ka vui masakna dingin thu hong pia in a ci hi. 22Jesu in: Misite in amau leh amau kivui ta hen. Nang na hih leh ka nung hong zui in a ci hi. Huihpi daihsakna 23Tua khit ciang in Jesu gunkuang tung ah tuang a, a nungzuite in a zui uh hi. 24Huih nakpi tak in nung a, tui kilok in, gunkuang lok gawp a, tua lai takin gunkuang sungah Jesu a ihmu hi. 25A nungzuite in Jesu phong uh a: Topa aw! Ka si dek tak uh hi. Hong hon in a ci uh hi. 26Jesu in: Upna neute aw, bang hangin lau na hi uh hiam a cih khit ciangin, tho a, huihpi leh guahpi a tai khit ciangin a dai pah hi. 27Tua mite in: Hihpa in bangci mi ahi hiam? Huihpi leh tuipi na ngawn in a thu a mang tazen uh hi ci-in lamdang sa uh hi. Gadara Gamah dawivei mi damsakna 28A gal khat ahi Gadara khua a tun uh ciangin, kuama a pai ngam lohna lampi tawn uh a, a

8 hang san mahmah dawilut mi nihin hanlak pan in hong paikhia in, Jesu a dawn uh hi. 29Amaute in: Pasian Tapa aw! nang tawh kote bang kikum i hi hiam? A hun tung nailo pi-in hong susia dingin, bang hangin hong pai na hi hiam? ci-in a kiko uh hi. 30Tua mun pan in a gamla lo ah vok honkhat gamta in a om uh hi. 31Dawite in: Topa aw! kote nong hawlkhiat leh vok honte sung ah hong lut sak in ci-in a ngen uh hi. 32Jesu in: Pai un a cih ciangin dawite paikhia in, vokte sungah a lut uh leh, vok honte in keen sang tung panin nakpi takin taisuk in, tui sungah kia in a si khin uh hi. 33Vok cingte tai uh a, khua sungah lutin, dawilutte thu a kipan thupiang khempeuh a ko uh hi. 34Tua ciangin khuazang bupin Jesu dawn dingin kuankhia uh a, Jesu a muhuh ciangin: Ka gam uh panin taikhia in ci-in a thuum uh hi. 8:4 Siam. 14:1-32; 11 Lk. 13:29; 12 Mat. 22:13; 25:30; Lk. 13:28. Khut leh khe si khat damsakna Tua khit ciangin Topa zong gunkuang tungah tuangin galkah a, a tenna khua a tung hi. 2Tua lai takin khut leh khe a si mi khat a lupna tawh pua uh a, Jesu kiangah a paipih in, Jesu in a maute upna a theih ciangin khut leh khe sipa kiangah: Ka ta aw, lunghimawh kei in. Na mawhnate hong kimaisak khin hi a ci hi. 3Laitheite kim khatin: Hihpa in Pasian tungah pau khial hi ci-in a ngaihsun uh hi. 4Jesu in a maute lungsim a theih ciangin: Na lungsim sung uah bang hangin thu hoihlo ngaihsun na hi uh hiam? 5Bang cileng baih zaw ding hiam? Na mawhnate kimaisak khin hi cileng a baih zaw ding hiam? Tho in la pai in cileng a baih zaw ding hiam? 6Ahih hangin mihing tapa in mawhna maisak theihna ding thu a neih lam na theihna ding un: Tho in la, na lupna pua in, na inn ah ciah in ci-in khut leh khe sipa kiangah a gen hi. 7Amah tho in, a innah a ciah pah hi. 8Mihonte in a muh uh ciang in lau uh a, hih bang bawl theihna ding mi tungah a pia Pasian a phat uh hi. Mattiu kisapna 9Tua lai pan in Jesu a paikhiat ciang in, Mattiu kici mi khat siahdonna buk sung ah tu in a om mu a: Ka nung hong zui in a cih leh a zui pah hi. 10Jesu in inn sung ah an a nek lai takin, siah-

9 dongte leh mawhneite va pai uh a, Jesu leh a nungzuite tawh a tu khawm uh hi. 11A tutkhop uh Farisaite in a muh uh ciangin: Na siapa uh siahdongte leh mawhneite tawh bang hangin an ne khawm ahi hiam? ci uh hi. 12Jesu in tua thu a zak ciangin: Cidamte in zato a kisam kei uh hi. Cinate bek a kisam uh hi. 13Sagawh biakpiakna sangin hehpihna ka deih zaw hi, a cihna thu na theihna dingun pai un la, va sin un. Miphate sam dingin kong pai kei a, mawhneite sam dingin hong pai ka hi hi a ci hi. Antan thu dotna 14Tua khit ciangin Jesu kiang ah Johan nungzuite va pai uh a: Kote leh Farisaite in an ka tang den uh hi. Bang hangin na nungzuite in tang ngeilo uh ahi hiam? ci-in a dong uh hi. 15Jesu in: Zipipa in a lawmte tawh a om khop lai takin, a dah thei ding uh hiam? Zipa in a lawmte tawh a kikhen ni hong tung ding hi. Tua ni ciangin a lawmte in an a tang ding uh hi. 16Kua mah in puan lui, puan thak tawh a thuap ngei kei hi. Tua bangin a thuap uh leh, a lui puan pen kikek semsem ding a, a vang a gol ding hi. 17Mite in savun um lui sung ah leenggah tui thak a thun kei uh hi. A thun uh leh savun puak kham sak ding a, lenggahtui luangkhia in, savun a kisia gawp thei hi. Savun um thak sungah, lenggahtui thak a kithun leh a kisia ngei kei ding hi a ci hi. Ukpa tanu leh Jesu puan mong teep a lawng numei 18Tua thute a hilh lai takin, ukpa khatin va nai a, Jesu a biak khit ciangin: Ka tanu si khin hi. Ahih hangin Topa hong pai-in la, a tungah na khut nga lecin, a nungta kik ding hi ci-in a gen hi. 19Jesu dingin, a nungzuite tawh tuapa zui pah uh hi. 20Tua bangin lam a pai lai takun, kum sawm leh kum nih tawntung siluang natna a vei numei khat in: A puan mongtep bek lawng kha leng zong ka dam ding hi ci-in a ngaihsun hi. 21Jesu nung ah pai in, a puan mongtep a va lawng hi. 22Jesu kihei in tua numei a muh ciangin: Ka tanu aw, lunghimawh kei in. Na upna in hong damsak khin hi a cih ciangin, thakhat in a dam pah hi. 23Jesu in ukpa inn sungah a lut leh, tamngai tumte leh mihonte gamlum in om a mu hi. 24Tua ciang in: Tai khia un. Numeino pen a si hi loin, a ihmu a hi hi a cih leh tua mite in zahpih in a

MATTIU 10 nuihsan uh hi. 25Jesu in mihonte a hawlkhiat khit ciangin, inn sungah lut in, numeino nu khut a let leh, numei no a thokik hi. 26Tua thu in gam sung khempeuh ah a kizel hi. Mittaw nih damsakna 27Tua mun pan in Jesu a paikhiat ciangin, mittaw nih in a nungzui uh a: David Tapa aw, ko hong hehpih in ci-in a kiko uh hi. 28Innn sungah a lut ciangin, mittawte in Jesu kiangah va nai uh a, Jesu in: Hih thu bawl thei dingin nong um uh hiam? ci-in a dot leh, amaute in: Ka um uh hi. Topa aw a ci uh hi. 29Tua ciangin Jesu in a mit uh lawn sak a: Na upna bangun note adingin hong piang ta hen a cih ciangin, a mit uh dam in khua a mu thei uh hi. 30Jesu in: Hih thu kua mah in atheih lohna dingin na kikem un ci-in nakpi tak in a kham hi. 31Ahih hangin amaute in paikhia uh a, tua thu gam sung khempeuh zel in, a thangsak uh hi. Pau theilo khat damna 32Tua mite a paikhiat lai takun, dawivei pau theilo khat Jesu kiang ah hong paipih uh hi. 33Jesu in dawi a hawl khiat leh a pau theilopa a pau thei pah hi. Mihonte in lamdang sa uh a: Israel mi pawlte sung ah hih bang thu a piang ngei kei hi a ci uh hi. 34Farisaite in: Dawimang pa suangin dawite a hawlkhia hi a ci uh hi. Jesu in hehpihna nei 35Jesu in kikhopna inn sungah thuhilh a, gamsung khuapi leh khuaneu khempeuh ah a vak kawikawi in, Van Gam Lungdamna Thu hilh in, cina leh luna khempeuh a damsak hi 36Mihonpite a muh ciang in hehpihhuai a sa hi. Bang hang hiam cihleh, tua mite in, a cing omlo leh a kikhenthang a gim mahmah tuute bangin a om uh hi. 37Tua ciangin Jesu in a nungzuite kiangah: Buh at ding tampi a om hi. Ahih hangin a at ding mite a tawm hi. 38Tua ahih manin, buh at nasem dingin hong sawlin ci-in buh nei Topa tung ah thu na ngen un a ci hi. 9:10-11 Lk. 15:1-2; 13 Mat. 12:7; 13 Hos. 6:6; 34 Mat. 10:25; 12:14; 35 Mat. 4:23; Mk. 1:39; Lk. 4:44; 36 Gam. 27:17; 1Kum. 22:17; Khg. 18:16; Ezk. 34:5; Zek. 10:2; Mk. 6:34; 37-38 Lk. 10:2. Sawm leh nihte teelna Jesu in a nungzui sawm leh nihte a sap khit ciangin, kihhuai dawite a hawlkhiat

10

MATTIIU 10 theihna ding leh natna tuamtuam a damsak theihna ding un thu a pia hi. 2A teelkhiat sawltak sawm leh nihte min in: Piter a kici Simon leh a naupa Andru, Zebedi tapa Jakob leh Johan, 3Filip, Bartholomai, Thomas, siahdong Mattiu, Alfeas tapa Jakob leh Thaddeas, 4Kanan mi Simon leh Jesu a heekpa Judah Iskariot-te ahi hi. Sawm leh nihte sawlna 5Jesu in sawm leh nihte sawl in: Gentailte omna ah pai kei un. Samaria khua sung ah lut kei uh. 6A gammang Israel mite ahi tuute kiang ah na pai zaw un. 7Na pai uh ciangin: Van Gam hong nai zo hi ci-in na hilh un. 8Cinate na damsak un la, misite na hingkik sak un. Miphakte na damsak un la, dawite na hawlkhia un. Man piak loh in na ngah mah bang un, man ngen loin na pia un. 9Kham, ngun leh sumngo-te na kawnggak sung ah na vom kei un. 10Lampi ah na zat ding un thungip, puanak nih, khedapte leh ciangkhutte na vom kei un. Bang hang hiam cihleh, nasempa in nek ding leh dawn ding a ngah dingin a kilawm hi. 11Khuapi leh khuaneu khat peuhah na lutuh ciangin: Na tunna dinguh kua in kilawm hiam? ci-in dongun la, na paikhiat mateng un tuapa inn ah na om un. 12Inn sungah na lutuh ciangin: Thupha om ta hen na ci un. 13Tua inn tawh a kilawm leh, note thupha tung hen la, a kilawm kei leh tua thupha in note tungah hong kilehkik ta hen. 14Mi khat peuhin hong nolh in, na thu uh a ngaih nop kei leh, tuapa inn panin leh khua panin na paikhiat uh ciangin na khepeek uah a bang leivuite na sing khia un. 15Ken aman takpi kong cihin, thukhen ni ciangin tua khua in, Sodom leh Gomorrah khua-te sangin a thuak zaw kan ding uh hi. Hong tung ding bawlsiatna 16Ngia hon lak tuuno kikhah bangin note kong sawl hi. Tua ahih ciangin, gul bangin pilin, vakhu bangin na migi un. 17Mite lak panin na kikeem un. Bang hang hiam cihleh, amaute in upa vaihawmte thukhenna ahi kikhopna inn sung ah note hong sat ding uh hi. 18Gentailte mai-ah teci na panna dingun, amaute leh kumpite mai-ah ka min hangin hong paipih dinguh hi. 19Tua bang hun ciangin, bang thu gen in, bangci pau ding cih lunghimawh kei un. Na gen dinguh thu tua hun lai takin na ngah ding uh hi. 20Bang hang hiam cihleh, note in a gen ding na hi kei uh a, na Pa uh

10 ahi Kha Siangtho in note tungah hong gen ding hi. 21Sangam khat leh khat ahi zongin, sihna dingin hong kiheek dinguh a, tate in a nu leh pate galin do in, thah dingin a pia ding uh hi. 22Ka min hangin mi khempeuh in note hong mudah ding uh hi. Ahih hangin a tawp dong a thuak zote in gupna a ngah dinguh hi. 23Khua khatah hong kibawlsiat leh khua dang khatah na pai un. Ken aman takpi kong cihin, Israel mite khua khempeuh ah na vak kim khit ma-un Mihing Tapa hong pai ding hi. Nungzuite tavuan 24Nungzuite in a siapa uh sangin lian zaw lo hi. Nasempa in a topa sangin lian zaw lo hi. 25Nungzuite in a siapa bangin leh nasempa in a topa bang in a kibawl leh a kituak hi. In teekpa: Beelzebul a cihuh leh, a innkuanpihte nak cih kan ding uh hi. 26Tua ahih manin amaute na kihta kei un. Bang hang hiam cihleh, a kilang lo dingin a kisincip bang mah a om kei hi. A kithei lo dingin, a kiseel bang mah a om kei h. 27Khuamial lakah kong gente, khuavak sungah na gen un. Na bil sunguah kong huau simte innkhum dawn panin kiko in na gen un. 28Pumpi a thah theihuh hangin, kha a that theilote na kihta kei un. Pumpi leh kha hell khuk sungah a khul theipa na kihta zaw un. 29Gitta nih in dangkasan peek khat tawh kizuak hilo ahi hiam? Na Pa un thupia kei leh, tua gitta khat zong leitungah mot kiat kei ding hi. 30Na samzang uh zong kisim khin hi. 31Tua ahih ciang in, kihta kei un. Note in gitta tampi sangin na manpha zaw uh hi. 32Mite mai-ah hong mangin hong ngai mi peuh mah, van ah a om ka Pa maiah zong ka ngai ding hi. 33Mite mai-ah hong nial peuh mah, van ah a om ka Pa mai-ah ka nial ding hi. Kilemna hilo namsau 34Leitungah kilemna pia dingin hong pai hi ciin hong um kei un. Kilemna pia dingin hong pai ka hi kei hi. Namsau khat khah dingin hong pai ka hi zaw hi. 35A tapa leh a pa, tanu leh a nu, monu leh a teeknu-te khat leh khat kitawng sak dingin hong pai ka hi hi. 36Mi kim khat in a innkuanpihte galin do ding uh hi. 37Kei sangin a nu leh pa a it zawte in kei tawh kituak lo hi. 38A singlamteh pua in hong zui lote in, kei tawh kituak lo hi. 39A nuntakna a ngahte in, a nuntakna mang-

11 thang ding a, Keima hangin a nuntakna a mangthang sakte in, nuntakna a ngah kik ding hi. Sepna thaman 40Note hong ngaite in, kei zong hong ngai ahi hi. Kei hong ngaite in, hong sawlpa zong a ngai hi. 41Pasian kamsangpa in, kamsangpa ahih mah bangin, tua kamsangpa a ngaite in, kamsangpa thupha a ngah ding hi. Mi siangtho in, a siangtho ahih manin, tua mi a ngaite in mi siangtho thupha a ngah ding hi. 42Ka thu a zahtakna hangin, hih naupang neu pen na ngawn tui hai khat a piate in, a man takpi kong cihin, thupha ngah loin a om kei ding hi ci-in Jesu in a gen hi. 10:10 1Kor. 9:14; 1Tim. 5:18; 14 Sawl. 13:51; 15 Mat. 11:24; 15 Pian. 19:24-28; 7-15 Lk. 10:4-12; 16 Lk. 10:1; 17-20 Mk. 13:9-11; Lk. 12:11; 21:12-15; 21 Mk. 13:12; Lk. 21:16; 22 Mat. 24:9-13; Mk. 13:13; Lk. 21:17; 24 Lk. 6:40; Jhn. 13:16; 16:15; 25 Mat. 9:34; 12:24; Mk. 3:22; Lk. 11:15; 26 Mk. 4:22; Lk. 8:17; 33 2Tim. 2:12; 35-36 Mik. 7:6; 38 Mat. 16:24; Mk. 8:34; Lk. 9:23; 39 Mat. 16:25; Mk.8:35; Lk. 9:24; 17:33; Jhn. 12:25; 40 Lk. 10:16; Jhn. 13:20; 40 Mk. 9:37; Lk. 9:48. Jesu tungah thudotna Nungzui sawm leh nite tua bangin a vaikhak khit ciangin, khua sungah thu gen ding leh hilh dingin tua mun panin a paikhia uh hi. 2Thong sung panin Johan in Jesu nasepna thu a zak ciangin a nungzuite a sawl hi. 3A nungzuite kiangah: Nangmah in hong pai dingpa na hi takpi hiam? Ahih kei leh mi dang khat ka lamen lai ding uh hiam? ci-in a dong sak hi. 4Jesu in: Note pai un la, na zaksa uh leh na muhsate uh Johan kiangah va gen un. 5Mittawte in khua mu kik a, khebaite lam pai thei kik in, miphakte in damna a ngah kikuh hi. Bengngongte khua za thei kikuh a, misite in hinkikna a ngahuh hi. Mi zawngte kiangah Lungdamna thu kihilh hi. 6Keima hangin pukna ding a mu lo mi-in thupha a ngah dinguh hi a ci hi. 7Tua mite a paikhiat khit uh ciang in, Jesu in mihonte kiang ah Johan thu a genna in: Note in bang en ding in hong paikhia na hi uh hiam? Huih mutna hang in a kihuang pumpeengte en ding hong paikhia na hi uh hiam? 8Ahih kei leh, bang en dingin hong paikhia peuh mah na hi uh hiam? Puannel silhte en ding in hong paikhia na hi uh hi? Puanneel silhte in

11

MATTIU 11 kumpipa inn sungah a om uh hi. 9Ahih kei leh bang en dingin paikhia na hi uh hiam? Pasian kamsangpa en dingin paikhia na hi uh hiam? Hi mah hi. Pasian kamsangpa sang a lian zaw om hi kong ci hi. Lai Siangtho sungah: En in! Na paina ding lam sial dingin, na maiah ka sawltakpa ka paisak ding hi a cihin tua mi a cihna ahi hi. 11Ken aman takpi kong cihin, numei sung panin a suak khempeuh lak ah baptaizpa Johan sang in alian zaw a om kei hi. Ahih hangin Van Gam sung ah a neu pen in, tuapa sang in a lian zaw hi. 12Baptaizpa Johan pan kipan in tu dong in, Van Gam in zawhthawh bawlna a thuak hi. Tua bang in zawhthawhna a bawlte in gam a sut uh hi. 13Johan dongin Pasian kamsangte khempeuh leh Pasian Thukham khempeuh a hilh uh hi. 14Note thumang nuam na hih uh leh, hihpa in a hong pai ding Elijah ahi hi. 15Zakna ding bil nei khempeuh in za ta hen!. 16Tu lai khang mite bang tawh ka genteh ding hiam? Sumbuk ah a tu naupangte in a lawmte sam in: Tamngai ka tum uh hangin na lam kei uh hi. 17Ka thuum uh hangin na kap kei uh hi a kici naupangte tawh a kibang uh hi. 18Bang hang hiam cihleh, Johan in an ne lo leh tui dawn loin hong pai in, amaute in: Hihpa in dawilawm nei hi a ci uh hi. 19Mihing Tapa in an ne leh tui dawn in hong pai in: Hihpa in an hai, zu haipa hi. Siahdongte leh migilote tawh zawlin a kiman hi a ci uh hi. Ahih hangin lungpilna ahih leh, a tate tung ah thumanna tawh a kilang hi a ci hi. A kisiklo khuapite 20Vangliatna a lahna khuate in kisik lo uh ahih manin Jesu in a mawhsakna in: Khorazin khuapi aw, gimna na thuak ding hi. 21Bethsaida khuapi aw, gimna na thuak ding hi. Bang hang hiam cihleh, na sungah hong kilak vangliatnate in Taiar khuapi leh Sodom khuapi-te sungah kilak hileh, khautang puan silh in, vut kibuakin, a kisikkikna uh a sawt khin ding hi. 22Ken aman takpi kong cih in, thukhen Ni ciangin, note in Taiar khua leh Sodom khuapi-te sangin gimna na thuak zaw kan ding uh hi. 23Kapernaum khuapi aw, vantung dongin minthanna na ngah ding hiam? Hell khua dongin na kia suk ding hi. Bang hang hiam cih leh, na sung ah hong kilak vangliatnate in Sodom

MATTIU 12 khuapi sungah kilak ngei hi leh, tu ni dongin a kip lai ding hi. 24Ken kong cihin, thukhenna Ni ciangin Sodom khuapi sangin, na thuak zaw kan ding uh hi a ci hi. Ka kiangah tawlnga un 25Tua ciangin Jesu in: Van leh lei a uk ka Pa aw, nangmah in hih nate mipilte leh misiamte tung ah na im a, naupangte tung ah lak na hih manin, na hehpihna ka phat hi. 26Hi mah hi, ka Pa aw, tua bangin nangma deihna a hi hi. 27Ka Pa in na khempeuh hong pia khin hi. Pa longal kuamah in Tapa a thei kei hi. Tapa in a theihsak nopte longal kuamah in Pa a thei kei hi. 28Vangik pua a gim mi khempeuh aw, ka kiangah hong pai ta un. Tawldamna kong pia ding hi. 29Ka hakkol kisuan un la, ka kiangah hong kisin un. Bang hang hiam na cihuh leh, keimah in lungsim a kiniam mi ka hi hi. Note in lungsim noptuamna zong na ngah dinguh hi. 30Bang hang hiam cihleh, ka hakkol puak nop in, ka van zong a zang hi ci-in a gen hi. 11:5 Isa. 35:5-6; 61:1; 10 Mal. 3:1; 12-13 Lk. 16:16; 14 Mal. 4:5; Mat. 17:10-13; Mal. 9:11-13; 21 Isa. 23:1-18; Ezk. 26:1; 28:26; Joel. 3:4-8; Amos. 1:9-10; Joel 3:4-8; Amos. 1:9-19; Zek. 9:2-4; 23 Pian. 19:24-28; 24 Mat. 10:15; Lk. 10:12; 27 Jhn. 3:35; 27 Jhn. 1:18-; 10:15; 29 Jer. 6:16. Sabath thu dotna Khatvei Nipi ni khat Jesu leh a nungzuite buh lei ah vak uh a, a nungzuite gilkial ahih man un buhvuite lo in, a ne uh hi. 2Farisaite in a muh uh ciangin: En un! Nipi ni-in hih dingin a kilawm lo a nungzuite a gamta uh hi a ci uh hi. 3Jesu in: David in a lawmte tawh a gilkial lai tak in, 4Pasian biakna inn sung ah lut in, amaute nek ding in a kilawmlo, siampite ading bekin a kikoih khomun siangtho a nekna thu uh sim ngeilo na hi uh hiam? 5Pasian biakna inn sungah a om siampite in, Nipi ni a tan khialh uh hang in, a mawh kei uh hi, a cihna Pasian Thukham bu sung ah sim ngeilo na hi uh hiam? 6Hih san takah Pasian biakinn sangin a lian khat a om hi kong ci hi. 7Tua ahih manin: Sagawh biak piakna sangin, thumanna ka deih zaw hi a cihna thu na theih uh leh, mawh neilo mite na mawhsak kei ding uh hi. 8Bang hang hiam cihleh, Mihing Tapa in Nipi ni ukpa ahi hi ci-in a gen hi.

12

12 Khut langkhat sipa damsakna 9Tua mun panin paikhia uh a, kikhopna inn sungah a lutuh hi. 10Tu lai ah khut langkhat a si mi khat a om hi. 11Jesu in: Tuu khat bek a neihsun, Nipi ni-in leihawm sungah kia leh, note lakah a la khia lo ding kua om na hi uh hiam? 12Mi khat in tuu sangin a manpha zaw hi. Tua ahih manin Nipi ni-in a pha bawl dingin a kilawm hi a ci hi. 13Tua ciangin cinapa kiangah: Na khut zan in a cih leh a khut zan pah a, a lang khat mah bangin a dam hi. 14Tua ciangin Farisaite paikhia uh a: Amah bangci bangin susia thei ding i hi hiam ciin a kikum uh hi. A kiteel nasempa 15Jesu in tua thu a theih ciangin, a paikhiat leh, a nungzuite in zui uh a, cina khempeuh a damsak hi. 16Tua ciangin: Kei kua ka hi hiam? cih mi dangte kiangah gen kei un ci-in a kham hi. 17Bang hangin kham hiam cihleh, Pasian kamsangpa Isaiah tung a genkholhna a tangtunna ding ahi hi. A genna in: 18Ka teelsa ka nasempa, Ka lung hong dam sak, ka it luatpa en un. A tungah ka Kha Siangtho ka om sak ding hi. Amah in Gentail mite tungah thukhenna thu a hilh ding hi. 19A mah in thu imlo leh a kiko kei ding a, lampi-ah a aw kuamah a za kei ding uh hi. 20Thu a khenkhit matengin, a awnsa pumpeng kuai tanlo ding a, a khu suaksa meivak a sumit kei ding hi.21A min zong Gentailte in a muang ding uh hi a ci hi. Jesu leh Beelzebub 22Tua ciangin dawilut mittaw leh a pau theilo mi khat Jesu kiangah hong paipih a, a damsak ciangin, tuapa in khua mu in, a pau thei pah hi.23Tua gam mi khempeuh in lamdang sa mahmah uh a: Nipi ni-in natna damsak ding a kilawm hiam? ci-in khat leh khat a kidong uh hi. 24Farisaite in a zak uh ciangin: Hihpa in Beelzebul suang in dawite a hawlkhia hi a ci uh hi. 25Jesu in a ngaihsutna uh a theih ciangin: Gam sung mite kilem loin, a kikhen gam khempeuh kisia ding hi. Mite kilem lohna khua leh inn khempeuh in a kip ngei kei ding hi. 26Satan in Satan a hawlkhiat leh, amah leh amah kilemlo ahih manin a kikhen ahi hi. Tua bang ahih leh a gam bangci kip theih ding ahi hiam? 27Beelzebul suang in

13 dawite ka hawlkhiat leh, na tate un kua min suangin dawite hawlkhia dinguh ahi hiam? Tua ahih manin, amaute in note tungah thu hong khen dingte ahi uh hi. 28Kha Siangtho suangin dawite ka hawlkhiat leh, Pasian Gam in note kiangah hong tung khin hi. 29Mi khatin, a thahatpa a hencip masak kei leh, a inn sungah lut in, a sumte bangci bangin sut zo ding ahi hiam? Mi thahatpa a kihencip khit ciangin, a inn sungah lutin, a sumte a laksak thei pan ding hi. 30Kei tawh kipawl lote in, ka lang khatah a panguh hi. Kei tawh a kaikhawm lote in, a khenthang uh hi. 31Tua thute hangin, kong cihin, a mawhte leh Pasian a gensiate khempeuh in mawh maisakna ding thu a ngah ding uh hi. Ahih hang in Kha Siangtho a gensiate khempeuh pen mawh maisakna a ngah thei kei dinguh hi. 32Mihing Tapa a gensiate a mawhna kimaisak ding a, Kha Siangtho gensiate a hihuh leh tu khang panin, a hong pai lai ding hun khempeuh ah a mawhna kimaisak zolo ding hi. Singkung leh a gah 33A kung a hoih leh a gah a hoih hi na ci uh hi. Ahih kei leh a kung a hoih kei leh a gah zong hoih lo hi na ci uh hi. Bang hang hiam cihleh, a kung pen a gah in kithei hi. 34No mualtan suante aw, gilo na hih manun, thu hoih bangci gen theih ding na hi uh hiam? Bang hang hiam cihleh, lungsim sungah a kidimte kam in a gen khia thei hi. 35Miphate in a sum kholna sung panin, a pha nate paikhia sak uh hi. Mipha lote in a hoihlo sum kholna panin a sia nate a paikhia sak hi. 36Ken kong cihin, mite in a mawhna khempeuh hangin thukhen Ni ciangin teldotna a thuak ding uh hi. 37Bang hang hiam cihleh, na kampauna hangin mawhsakna tawh na kipelhin, tua bang mah in thutanna na thuak dinguh hi ci-in a hilh hi. Lim khat kalhna 38Tua lai takin laitheite leh Farisaite kim khat in: Topa aw, lim khat hong lak lecin, ka mu nuam uh hi a ci uh hi. 39Jesu in: Mi paktat leh a gilo khang mite in, lim a ngetuh hangin, Jonah lim longal lim dang a kilak ngei kei ding hi. 40Jonah in ngapi gil sungah, ni thum sung a om mah bangin, Mihing Tapa in zong ni thum sung lei sungah a om ding hi. 41Thukhen Ni ciangin, Nineveh khua mite in, tu lai khang mite langkhat ah mawhsakna

MATTIU 13 teci a pang ding uh hi. Bang hang hiam cihleh, amaute in Jonah thuhilhna hangin a mawhna pan un a kisikkik uh hi. Hih lai ah, Jonah sangin a lian zaw mi khat a om hi. 42Leitaw lam kumpinu in, thukhen Ni ciangin tu lai khang mite lang khat ah mawhsakna teci a pang ding hi. Bang hang hiam cihleh, amah in leimong gam panin Solomon lungpilna thu ngai dingin a pai hi. Hih lai ah Solomon sangin a lian zaw mi khat a om hi. Dawinin ciahkikna 43A kihhuai dawi in mi khat sung panin a paikhiat khit ciangin, mun keuna ah vak kawikawi in khawlna ding a zong hi. 44A muh loh ciangin: Ka paikhiatna inn lamah ciah kik ning ci-in a pai leh, tua inn awngin, kiphiat a, kipuah in a mu hi. 45Tua ciangin, va pai in, amah sangin a gilo zaw dawi sagih va sam in, tuapa sungah a lutuh hi. Tua ahih ciangin, tuapa in a pian masak sangin, a pian nunung in sia zaw hi. Tua mah bangin hih khang mite zong ahi uh hi. Jesu nu leh a sanggamte 46Jesu in mihonte thu a hilh lai takin, a nu leh a sanggamte in amah hopih nuamin, inn pua lamah dingin a om uh hi. 47Mi khat in: Na nu leh na sanggamte in hong hopih nuam in innpua lamah dingin a om uh hi a ci hi. 48Jesu in: Ka nu leh sanggamte in kuate ahi uh hiam? ci-in a dong hi. 49A khut zanin a nungzuite kawk a: En in, hih mite in ka nu leh ka sanggamte ahi uh hi. 50Bang hang hiam cihleh, van ah a om ka Pa deihna bang in a gamtate in ka sanggamte leh ka nu ahi uh hi a ci hi. 12:1 Thkna. 23:25; 3-4 1Sam. 21:1-6; 4 Siam. 24:9; 5 Gam. 28:9-19; 7 Mat 9:13; Hos. 6:6; 11 Lk. 14:5; 18-21 Isa. 42:1-4; 30 Mk. 9:40; 32 Lk. 12:10; 33 Mat. 7:20; Lk. 6:44; 34 Mat. 3:7; 15:18; 23:33; Lk. 3:7; 6:45; 38 Mat. 16:1; Mk. 8:11; Lk. 11:16; 39 Mat. 16:4; Mk. 8:12; 40 Jhn.1:17; 41 Jhn. 3:5; 42 1Kum. 10:1-10; 2Khg. 9:1-12. Khaici vawh thugentehna Tua ni-in Jesu in inn panin paikhia in, tuili gei ah a tu hi. 2Tua mun ah mihonpite hong kikaihkhop ciangin, gunkuang sungah a tu hi. Mihonpite in tuili gei sehnel tungah a tu uh hi. 3Jesu in thugentehna tawh thu a hilh hi. 4Tua a thuhilhna in: En un, khaici vawhpa in khaici vawh ding in kuan khia a, khaci a vawh ciang in,

13

MATTIU 13 kim khatin lampi gei-ah kia in, vasate hong pai in tawmin a ne uh hi. 5Kim khat in suanghum lak ah a kia hi. 6Lei dai ahih manin, a po pah hang in, ni suakin a sat ciangin a vul gawp hi. 7Kim khatin ling lakah kia a, lingkungte a khan ciangin a deep gawp hi. 8Kim khat in lei hoihna ah kia uh a, a zah zakhat, a zah sawm guk leh a zah sawm thumin a gah hi. 9Zakna ding bil nei khempeuh in za ta hen a ci hi. Thugentehna a deihna 10A nungzuite in va nai uh a: Topa aw, hih thugentehna tawh bang hang hih mite hilh na hi hiam? a ci uh hi. 11Jesu in: Note in Van Gam thu a theihhakte na theihna dingun thu hong kipia hi. Amaute ahih leh a kipia kei hi. 12A neite kipiak beh ding a, a neilote kiang panin a neihsa na ngawn kilak sak ding hi. 13Tua ahih manin, hih mite thugentehna tawh ka hilh hi. Bang hang hiam cihleh, amaute in en napi in mu lo ding uh hi. Ngai naipi-in a khiatna thei lo ding uh hi. 14Pasian kammsangpa Isaiah tungah a hilhkholh mah bangin amaute tungah a tung ding hi. Tua thu in: Note in ngai in, na zakuh hangin, a khiatna na thei kei dinguh hi. Note in en in, na mu kei ding uh hi. 15Bang hang hiam cihleh, hih mi pawlte mit in khua mu lo, a bilun khua za lo, a lungsim un thei lo ahih man un, a gamtatna uh kikhel kei uh hi. Amaute cinatna uh ka damsak lohna ding in, a lungsim uh khauh in, a bil uh gong in, a mit uh a si uh hi a ci hi. 16Note mit in mu thei ahih manin, thupha na ngah dinguh hi. Na bil un khua za thei ahih man in, thupha na ngah dinguh hi. 17Ken aman takpi kong cihin, na muh uh nate Pasian kamsangte leh mi siangtho tampite in a muh nop uh hang in mu lo uh a, na zakte uh a zak nopuh hang in a za kei uh hi. Khaici vawhpa thu telgenna 18Tua ahih manin khaici vawhpa tawh thugentehna thu na ngai un. 19Mi khat in Van Gam thu a zak ciang in, theilo ahih manin dawimangpa hong pai in, a lungsim sung ah a om khaici a lakhia hi. Tua in lampi gei-ah a kiate ahi hi. 20Suang lak ah kiate ahih leh, thu a zakuh ciangin, lungdam in sangpah uh a, a sungah zungkha lo ahih manin tawlno khat sung bek a kip hi. 21Tua thu hangin gimna a thuak ciang in, thakhat in a pukte ahi uh

14 hi. 22Linglak ah kiate ahih leh, thu a zak uh ciang in, leitung lunghimawhna ahi: sum leh pai khemna in deep gawp a, a gah zolote ahi hi. 23Lei hoihna ah a kiate in, thu a zak uh ciangin a khiatna thei uh ahih manun: a zah zakhat, a zah sawmguk leh a zah sawmthum a gah thei uh hi. Taanglakah tahum 24Thugentehna dang khat in: Van Gam in khaici hoih a vawh mi tawh kibang hi. 25Mite ihmut kal in, a galpa pai a, taangtang lak ah tahum tang a vawh khit ciang in a paikhia hi. 26Taang po in, hong vuih ciangin tahum zong hong kilang hi. 27A nasemte in a topa kiang ah pai in: Topa aw, lo lai ah khaici hoih vawh hilo na hi hiam? Tahum in koi pan in hong piang ahi hiam? ci-in a koh uh ciangin a topa un: Hih thu in galte hong bawlsiatna a hi hi a ci hi. 28A nasemte in: Tahum kungte va bot le ung nong awi hiam? a ci uh hi. 29A topa in: Bot nai kei un, na bawhuh leh, taangkung tawh na bot khawm kha dinguh hi. 30Taang lak hun mateng in a nih in khangkhawm ta dih hen. Taang lak hun a tun ciangin, lopate bot masa un la, mei tawh hal dingin lom hen un. Taang ahih leh, ka sal sungah hong koih un ci-in taang late kiangah ka vaikhak ding hi a ci hi. Ankamtang thugentehna 31Thugentehna adang khat in: Van Gam in, mi khat in lo lai-ah a cin ankam tang tawh kibang hi. 32Ankam tangin tang khempeuh lakah a neu pen ahi hi. Ahih hangin a khan ciangin kung khempeuh sang in gol zaw a, vasate leengin a hiang ah a tuang thei uh hi a ci hi. Silngo thugentehna 33Thugentehna dang khat in: Van Gam in, numei khatin, buhnel seeng thum a tawk mateng in a sawh silngo tawh kibang hi a ci hi. Thugentehna a zatna 34Jesu in tua thute khempeuh thugentehna tawh mihonpite a hilh hi. Thugentehna lo tawh thu a hilh kei hi. 35Tua thu in: Ka kam ka in, thugentehna ka hilh ding hi. Lei piancil a kipan, thu ki-im khempeuh ka pulak ding hi ci a, Pasian kamsangte tung ah a genkholhna a tang tunna ding a hi hi. Taang lakah tahum thu telgenna 36Jesu in mihonpite lak pan in paikhia a, inn

15 sungah a lut khit ciangin, a nungzuite in va nai uh a: Lo lai-ah a po tahum kung thugentehna hong tel gen in a ci uh hi. 37Jesu in: Khaici vawhpa in Mihing Tapa a hi hi. 38Lo lai-in leitung mite ahi uh hi. Khaci hoih in, gamsung tate a hi uh hi. Tahum tangin gilo tate ahi uh hi. 39Tahum tang vawh galpa in dawimangpa a hi hi. Taang lak hun in, leitung beina ding hun a hi hi. Taang late in vantung mite a hi uh hi. 40Lopa kungte botkhia in, mei tawh a kihal mah bangin, leitung bei hun ciangin, tua mah bangin a piang ding hi. 41Mihing Tapa in a vantung mite sawl ding a, a khialte leh a pukte khempeuh, a Gam sung panin nilkhia in, 42meiphualpi sungah khul ding a, kahna leh ha gawina om ding hi. 43Tua hun lai takin miphate ahih leh amaute Pa Gam sungah ni bangin taang dinguh hi. Zakna ding bil neite in za ta un. A kiseel sum 44Van Gam in lo lai-ah a kiseel sum tawh kibang hi. Tua sum mupa in khatvei seel kik a, a lungdam lua ahih manin, a neih khempeuh zuak in tua lo a lei hi. Suangmanpha 45Vang Gam in suangmanpha a zong sum zuakpa tawh kibang hi. 46Tuapa in suang manpha a muh ciang in ciah a, a neih khempeuh a zuak khit ciang in tua suangmanpha a lei hi. Ngeen 47Khatvei! Van Gam in tuili ah a kipaai, ngasa tampi a awk thei ngeen tawh kibang hi. 48A dim takin ngasa a awk ciangin, tui gei-ah kaikhia uh a, ngasa hoihte teel in bawm sungah a guang uh hi. A hoihlo ngasate pen a pam khawngah a paai uh hi. 49Tua mah bangin leitung a bei ciangin, vantung mite hong kumsuk dinguh a, mi siangthote lak panin, a gilote teel khia in meiphualpi sung ah a khul dinguh hi. 50Kahna leh ha gawina a om ding hi. Sum thak leh a lui 51Jesu in: Hih thute na thei uh hiam? ci-in a dong hi. Amaute in: Thei khin ung ci-in a dawng uh hi. 52Jesu in: Tua ahih leh, Van Gam thu zuiin a suak laithei khempeuh in, sum kholna panin a thak leh a lui a lakhia thei innteekpa tawh a kibang uh hi a ci hi.

MATTIU 14 Nazareth ah Jesu kisanglo 53Jesu in thugentehna khempeuh a hilh khit ciangin, tua mun panin a paikhia hi. 54A khua a tun ciangin, kikhopna inn sungah lut in thu a hilh leh, a khuapihte in lamdang a sa uh a: Hihpa in, hi bang pilna leh vangliatna koi panin ngah ahi hiam? 55Amah in khutsiampa tapa hilo ahi hiam? A nu min in Mari hilo ahi hiam? A sanggamte in Jakob, Josef, Simon leh Judah-te hilo ahi uh hiam? 56A sanggamte khempeuh in i kiangah om uh hilo ahi hiam? Tua bang ahih leh hi thute khempeuh koi panin ngah ahi hiam? ci-in khat leh khat a kidong uh hi. 57Amaute in, ama hangin lungkia uh a, tua ciangin Jesu in: Pasian kamsangpa in a pianna khua ah minthanna ngah ngeilo hi ci-in a gen hi. 58A khuapihte in a thugen um lo ahih manun, a khua ah na lamdang tampi a bawl zo kei hi. 13:2 Lk. 5:13; 12 Mat. 25:29; Mk. 4:25; Lk. 8:18; 19:26; 14-15 Isa. 6:-10; 16-17 Lk. 10:23-24; 35 La. 78:2. Baptaizpa Johan sihna Tua lai takin Herod kumpipa in Jesu thu a za hi. 2Amah in: Tuapa pen baptaizpa Johan ahi hi. A sihna panin thokik ahih manin, vangliatna in a tungah a om hi ci-in a nasemte kiangah a gen hi. 3Herod in a nau Filip zi Herodias thu hangin Johan a mat khit ciangin, hen in thong sungah a khum hi. 4Bang hang hiam cihleh, Johan in: Tua numei na tenpih ding kilawm lo hi ci-in Herod kiangah a gen hi. 5Ahih hangin Herod in Johan a thah nop hangin Pasian kamsangpa hi ci-in ki-um ahih manin a lau hi. 6A suah ni hong tun ni in, Herod in pawi a kham hi. Tua pawi ah Herodias tanu a lam ciangin a nuam hi. 7Tua ciangin: Nong nget peuhpeuh kong pia ding hi ci-in numeino thuciam a pia hi. 8Tua numeino in, a nu hilh bangin: Baptaizpa Johan lungtang, dalkuang sungah hong pia in ci-in a ngen hi. 9Kumpipa in a dah hangin a kiciamna sa leh sabuai kimah a tutkhopihte a zahtakna hang in: Pia ta un a ci hi. 10Mi khat sawl in, thong sung ah a om Johan ngawng a tan sak hi. 11A lutang dalkuang sungah koih in, tua numeino a piak leh, numeino in a nu kiang ah a paipih hi. 12Johan nungzuite hong pai in, a luang la uh a, a vui khit uh ciangin Jesu a ko uh hi.

14

MATTIU 15 Tulnga vakna 13Jesu in tua thu a zak ciangin, gunkuang tung ah tuangin, gamdaihna munah amah kia a pai hi. Mihonte in a theih uh ciangin khuapite leh khuaneute panin hong paikhia uh a, lei lampan in a delh uh hi. 14Jesu in, a hong paikhia mihonte a muh ciangin hehpihhuai sa ahih manin cinate khempeuh a damsak hi. 15Nitak ciangin a nungzuite in Jesu kiang va nai uh a: Hih munin gampalak ahi hi. Ni lah a tum khin hi. Hih mihonte khua sungah an lei dingin pai sak in a ci uh hi. 16Jesu in: Ka pai sak kei ding a, amaute nek ding na pia dinguh hi a ci hi. 17A nungzuite in: Khomun pumnga leh ngasa tawnnih longal a dang nek ding bang mah ka nei kei uh hi a ci uh hi. 18Jesu in: Tua khomun leh ngasa hong paipih un a ci hi. 19Tua khit ciangin Jesu in: Mihonte lopa tungah tu sak un a cih khit ciangin, Jesu in khomun nga leh ngasa tawnnih la in, van lam ento in hehpihna a phat khit ciangin, khomun leh ngasa balnen in a nungzuite a pia hi. A nungzuite in mihonte a lui uh hi. 20Mi khempeuh in ne uh a, a kham khit uh ciangin a khamvel nengthem a kaihkhop uh leh, seengsawm leh seengnih dim a ngah uh hi. 21An ne mite in, numei leh naupangte sim loh pasal tulnga bang pha hi. Tui tungah paina 22Jesu in mihonte a piakhiat sak lai takin, a nungzuite thakhat in gunkuang tungah kahsak in, gal khat ah a pai masa sak hi. 23Mihonte a paikhiat khit uh ciangin, thungen dingin mualtunga a mah kia in kahto in nitak dong a om hi. 24Gunkuang ahih leh, tuili lai zangah om a, a deih lohna lam panun huih in lehmut ahih manin, tui kilim lok mahmah a, gunkuang sungah a tuangte a gim lua uh hi. 25Khuavak dek tak nai thum hun pawl in, Jesu in a nungzuite kiang zuan in tui tungah pai hi. 26Tui tungah a pai a nungzuite in a muh uh ciangin: Sikha hi ci-in lau in a kiko uh hi. 27Jesu in: Na lungdam ta un. Keimah ka hi hi, lau kei un a ci pah hi. 28Piter in: Topa aw nang na hih leh, kei zong na kiang kong tun theihna dingin, tui tungah hong pai sak in ci-in a ngen hi. 29Jesu in: Hong pai in a ci hi. Piter in gunkuang sung pan in kum a, Jesu kiang zuan in tui tungah a pai hi. 30Ahih hangin huihpi nung leh tui kilok a muh ciang in lau in, a tum dektak ciang in: Topa aw!

16 hong hon in ci-in a kiko hi. 31Jesu in thakhat in a khut zan in Piter len a: Upna neupa aw, bang hangin um khial na hi hiam? a ci hi. 32Gunkuang sung ah a kahtoh khit ciangin, huihpi a dai hi. 33Gunkuang sungah a omte in: Pasian Tapa na hi takpi hi ci-in bokin bia uh hi. Gennesaret ah cina damsakna 34Gal khatah a kah khituh ciangin, Gennesaret gam a tunguh hi. 35Tua munah a om mite in, Topa mel thei uh ahih manun, a kimkot khua khempeuh ah mite sawl in, cinate khempeuh a sam sak uh hi. 36Cinate in Jesu puan mongtep a lawnna ding un a ngen uh hi. A lawng khempeuh in damna a ngah ciatuh hi. 14:4 Siam. 18:16; 20:21; 3-4 Lk. 3:19-20. Taanglai upate ngeinate Tua khit ciangin Jerusalem khua panin Farisaite leh laitheite Jesu kiang ah hong pai uh hi. 2Amaute in: Na nungzuite in bang hangin tanglai ngeinate palsat uh ahi hiam? Khut sil loin an a ne uh hi ci-in a ko uh hi. 3Jesu in: Note in tanglai geinate zui-in, bang hangin Pasian Thukham palsat na hi uh hiam? 4Pasian in: Na nu leh pa na zahtakin, a nu leh pa a gensiate in sihna thuakta hen a ci hi. 5Note na hih uh leh: Ka kiangah na zat theih keima sum, Pasian ka pia khin hi a ci mi khatin a nu leh pate zahtak kei hen na ci uh hi. 6Na tanglai ngeina uh zui-in Pasian thukham na val sak uh hi. 7Isaiah in misimtat note tawh kituak in a gen kholhna in: 8Hih mi pawlte in, a kam uh tawh hong zahtak uh hangin, a lungsim uh tawh ka kigam la hi. 9Mite thukham hilh in, a mawkna in kei hong bia uh hi a ci hi. A ninsak thei nate 10Tua lai takin Jesu in mihonte sam in: Note in ngai un la, thei ta un. 11Kam sung pan in a tum sukte in mi a ninsak thei kei hi. Kam pan in a pusuakte in mi a ninsak thei hi a ci hi. 12A nungzuite in va nai uh a: Tua na thugentehna Farisaite in zak uh ciangin, a lungman lam uh na thei hiam? ci uh hi. 13Jesu in: Van ah a om ka Pa in a suan loh kung khempeuh kibotkhia ding hi. 14Tua mite amaute ut bang in omsak un. Amaute mittaw lam hilhte ahi uh hi. Mittaw in mittaw mah lam a hilh leh a nih un leihawm sung ah a kia

15

17 khawm dinguh hi ci hi. 15Piter in: Thugentehna kote hong hilh in a ci hi. 16Jesu in: Note in zong lungpilna neilo na hi uh hiam? 17Kam sungah a lut khempeuh in gilpi sungah tum suk a, gilpi pan in a kithakhia kikna theilo na hih uh hiam? 18Kam suang panin a paikhiate in lungsim sungah a kidimte a paikhia ahih manin, mite a nin sak thei hi. 19Hoihlo ngaihsutna, mi thahna, mi zi tawh mawhna, numei tawh mawhna, mi sum gukna, zuau thu tawh tecipanna leh mi gensiatna khempeuh in lungsim sung panin a paikhia ahi hi. 20Tuate in mi a ninsak thei hi. Khut sil loin an nekna in hong nin sak thei kei hi a ci hi. Kanaan numei upna 21Jesu in tua mun panin paikhia a, Taiar khua leh Sidon khua lam zuan in a pai hi. 22Tua bangin a pai lai takin, Kanaan numei khatin tua gam panin paikhia in: David tapa aw! hong hehpih in. Ka tanu in dawi bawlsiatna naktakpi in a thuak hi ci-in a kiko hangin Jesu in kam khat beek a dawng kei hi. 23A nungzuite va nai uh a: Tua numei nu na paikhia sak un. I nung hong zui in a kiko hi a ci uh hi. 24Jesu in: Israel mipawl a mangthang tuute longal a dang mipawlte kiangah kei hong kisawl lo hi a ci hi. 25Numei in Jesu va nai a: Topa aw, hong huh in ci-in a bia hi. 26Jesu in: Tate nek ding la in, uite piak ding a kilawm kei hi ci-in a dawng hi. 27Numei in: Hih mah hi. Topa aw, uite in a topa sabuai panin anneng kiate a ne hi a ci hi. 28Jesu in: Numei aw, na upna a lian hi. Na deihna bangin na tungah hong piang ta hen a ci hi. Tua nai hun pan kipan in, numei nu tanu in damna a ngah hi. Mitampi damsakna 29Jesu in tua gam panin pai khia in, Galile tuipi gei a tun ciangin, mual tungah kahto in a tu hi. 30Mi tampite a kiangah hong tung uh a: khezawte, mittawte, pautheilo leh mi ciangtaak lote leh natna a vei khempeuh hong paipih in, Jesu khebul ah hong nga uh hi. 31Jesu in cinate khempeuh a damsak hi. A pau theilote pau thei in, a cingtaak lote cingtaak in, khezawte in lam a pai thei uh hi. Mittawte in khua mu kik in, tuate khempeuh mihonte a muh uh ciangin lamdang sa uh a, Israel mi pawlte Pasian min a phat uh hi.

MATTIU 16 Tulli vakna 32Tua lai takin Jesu in a nungzuite sam in: Hih mite hehpihhuai ka sa hi. Bang hang hiam cihleh, ni thum sung tawntung kei tawh om khawm uh a, an nek ding a nei kei uh hi. Lampi ah a gim dinguh lunghimawh ka hih manin, an ne loin ka ciahsak nuam kei hi a ci hi. 33A nungzuite in: Mi hih zah kham dingin hih gampalak ah khomun koi lak pan in ngah ding ka hi uh hiam? ci-in a dong uh hi. 34Jesu in: Khomun pum bang zah na nei uh hiam? ci-in a dot leh, amaute in: Pum sagih leh ngasa tawm a om hi a ci uh hi. 35Tua ciangin Jesu in: Mihonte leitungah tu sak un ci-in a sawl hi. 36Tua khit ciangin khomun pum sagih leh ngasate la in, hehpihna a phat khit ciangin khomun leh ngasa belnen in a nungzuite a pia hi. 37A nungzuite in mihonte lui uh a, a om khempeuh in ne in, a kham khit uh ciangin, a khamval a nengthem a khopuh leh seeng sagih a ngah uh hi. 38A ne mite in numei leh naupang sim loh pasal tulli pha hi. 39Mihonte a paikhiat sak khit ciangin, gunkuang ah tuangin Magadan gam ah a pai hi. 15:4 Pai. 20:12; 21:17; Thkna. 5:16; Siam. 20:9; 8-9 Isa. 29:13; 14 Lk. 6:39; 18 Mat. 12:34. Lim khat kalh Tua lai takin Farisaite leh Saddusite in, Jesu ze-et dingin va nai uh a: Van panin lim hong lak in ci-in a ngen uh hi. 2Jesu in: Note in nitak ciangin, meii a san leh khua pha ding hi na ci thei uh hi. 3Zing sangin: Khuanim in, van a vom leh tu ni-in huih nungin, guah hong zu ding hi na ci thei uh hi. Note in van maitang na khen theih uh hangin, leitung khua hunte na khen thei kei uh hi. 4A gilo leh a paktat khang mite in lim a nget uh hangin, Pasian kamsangpa Jonah lim longal a dang a kilak kei ding hi a cih khit ciangin a kiang panin tua mite a paikhia uh hi. Farisaite leh Saddusite silngo 5Gun gal khatah a pai uh ciangin, a nungzuite in khomun puak ding a mangngilh uh hi. 6Jesu in: Farisaite leh Saddusite silngo na tang un a ci hi. 7A nungzuite in: Eite in khomun i pua kei hi ci-in khat leh khat a kikum uh hi. 8Jesu in a theih ciang in: Upna neu mite aw, khomun na neih loh man un, bang hangin khat leh khat kikum na hi uh hiam? 9Khomun pum nga pen mi tulnga in a nek

16

MATTIU 17 khit uh ciangin, a kham valuh seeng bangzah khawm kik na hi uh hiam? 10Khomun pum sagih pen mi tuli in a nek khit ciangin a kham val uh seeng bangzah hiam na khop kik lam uh, phawk nawn lo na hi uh hiam? 11Khomun gen ka hih loh lam bang hangin theilo na hi uh hiam? Farisaite leh Saddusite silngo na tangun, kong ci hi a ci hi. 12Tua lai takin amaute in: Khomun leh silngo a ci hi loin: Farisaite leh Saddusite thuhilhna na tang un a cihna ahih lam a thei uh hi. Piter in Jesu a pulakna 13Jesu in Filippi-Kaisaria khua a tun ciangin: Mite in keimah Mihing Tapa kua hi hongci uh hiam? ci-in a nungzuite a dong hi. 14Amaute in: Mi kimkhat in: Baptaizpa Johan ci uh a, kim khat in Elijah ci-in, kim khat in Jeremiah a kipan Pasian kamsangte khat peuh ahi hi, a ci ciat uh hi ci-in a gen uh hi. 15Jesu in: Note in kei kua hi nong ci uh hiam? ci-in a dong hi. 16Simon Piter in: Nangmah in a nungta Pasian Tapa Khris na hi hi a ci hi. 17Jesu in: Jonah tapa Simon aw, thupha na ngah ding hi. Bang hang hiam cihleh, silesa tawh hih thu a thei na hi kei hi. Van ah a om ka Pa in hong hilh a hi hi. 18Ken kong cihin, nang Piter na hi hi. Hih suangpi tungah ka pawlpi ka lam ding hi. Hell khua kongkhatte in, tua pawlpi a zo ngei kei ding hi. 19Van Gam kong honnate kong pia hi. Leitung ah na hen khempeuh, van ah kihen ding a, leitung ah na phel khempeuh van ah zong kiphel ding hi a ci hi. 20Tua khit ciangin, Khris ahihlam kuama kiangah gen lo dingin, a nungzuite a kham hi. A sih ding genkhol 21Jesu in Jerusalem khuapi ah pai ding a, upate, siampi liante leh laitheite khut tungah gimna tampi a thuak khit ciangin, thahna thuak in, ni thum khit ciangin a thokik ding hi, ci-in a nungzuite kiangah a pulak hi. 22Tua ciangin Piter in Jesu sam sim a: Topa aw, hih thu bangin piang kei ta hen! Hih thu in na tungah a tung kei ding hi ci-in a seel dingin a kipan hi. 23Jesu in kihei in: Satan aw! ka nungah kihem khia in. Ka suih khak dingin om kei in. Nangmah in Pasian thu na ngaihsun kei hi ci-in Piter a tai hi. 24Tua ciangin Jesu in: Mi khat peuh in hong zuih nop leh, a pumpi nial in, a singlamteh pua in hong zuita hen. 25A nuntakna a gum nuamte in a

18 nuntakna a mangthang sak ding hi. Keima hang in a nuntakna a mangthang sakte in nuntakna a ngak kik ding hi. 26Mi khat in leitung khempeuh a ngah hangin, a nuntakna a mangthan leh, bang phattuamna om ding hiam? Mi khat in a nuntakna sum tawh a lei kik thei ding hiam? 27Mihing Tapa in, a Pa vangliatna tawh vantung mite tawh hong paikhawm ding hi. Tua Ni ciangin mi khempeuh a gamtatna uh tawh kizui-in a thuaksak ding hi. 28Ken aman takpi kong cihin, Mihing Tapa in, a Gam sungah hong paikikna, hih san takah a ding kimkhat in a muh matengin a si kei dinguh hi ciin a nungzuite kiangah a gen hi. 16:1 Mat. 12:38; Lk. 11:16; 4 Mat. 12:39; Lk. 11:29; 6 Lk. 21:1; 9 Mat. 14:17-21; 10 Mat. 15:34-38; 14 Mat. 14:1-2; Mk. 6:14-15; Lk.9:7-8; 16 Jhn. 6:60-69; 19 Mat. 18:18; Jhn. 20:23; 24 Mat. 10:38; Lk. 14:27; 25 Mat. 10:39; Lk. 17:33; Jhn. 12:25; 27 Mat. 25:31; La. 62:11; Rom. 2:6. Meel kilamdanna Niguk khit ciangin Jesu in Piter, Jakob leh a nau Johan sam in, mual sang tungah gamdaihna munah a paipih hi. 2Amaute mai-ah a meel kilamdang a, a maitang ni bangin taang in, a puan in khuavak tawh kibangin a ngo hi. 3A kiangah Moses leh Elijah-te zong kilang in, Jesu tawh a kiho uh hi. 4Tua lai takin Piter in: Topa aw, hih mun ah kong omuh a hoih hi. Nang ading buk khat, Moses ading buk khat, Elijah a ding buk khat, buk thum lam ding na ut hiam? ci-in a dong hi. 5Tua bangin a dot lai takin meingo khatin amah tuam a: Hihpa in, ka lung hong damsak ka it ka Tapa ahi hi. Ama thu na ngai un ci-in meii lak panin aw khat a ging hi. 6A nungzuite in tua thu a zak uh ciangin lau lua in, a bok uh hi. 7Jesu hong pai in a khutin lawng a: Tho un, lau kei un a ci hi. 8Tua ciangin amaute a khuadak uh leh, Jesu longal midang khat zong a mu kei uh hi. 9Mual tung panin a kumsuk lai takun Jesu in: Mihing Tapa in sihna panin a thawhkik mateng in, tua mangmuhna kuama kiangah na gen kei un ci-in a nungzuite a kham hi. 10A nungzuite in: Elijah hong pai masa ding hi ci-in laitheite in bang hangin hong genuh hiam? ci-in a donguh hi. 11Jesu in: Elijah hong pai takpi ding a, na khempeuh a bawl kik ding hi. 12Ken kong cihin, Elijah hong tung khin a, mite in amah theilo uh

17

19 ahih manun, a tungah a bawl nop bangbang un a bawl khin uh hi. Tua mah bangin Mihing Tapa in zong tua mite khut tungah a thuak ding hi a ci hi. 13Tua bang a cihna in bataizpa Johan a cihna ahih lam a nungzuite in a thei uh hi. Dawivei naupang damsakna 14Mihonte omna a tun uh ciangin, mi khat in Jesu kiangah va nai in a khuk din hi. 15Tua ciang in: Topa aw, ka tapa tungah hehpihna hong pia in. Amah in sihbup natna vei-in gim mahmah hi. Meikhuk sung leh tui sungah tamveipi a puk ngei khin hi. 16Na nungzuite kiangah ka paipih hangin a damsak zo kei uh hi ci-in a ko hi. 17Jesu in: Upna neilo a lungkhauh pawlte aw, note tawh bang tanvei om khawm ding ka hi hiam? Note hong thuak zo ding ka hi hiam? Tua naupang ka kiangah hong paipih un a ci hi. 18Jesu in tua dawi a taai ciangin, naupang sung panin dawi paikhia a, tua a kipan in naupang a dam hi. 19A nungzuite in, gamdaihna mun ah Jesu va nai uh a: Kote in bang hangin tua dawi hawlkhia zolo ka hi uh hiam? ci-in a dong uh hi. 20Jesu in: Na upna uh a neu hang ahi hi. Ken aman takpi kong cihin, ankam tang cia upna na neih uh leh hih mualte kiangah: Kikhinkhia in na cihuh leh a kikhin ding hi. 21Note in upna na neih uh leh bawl zawh loh na nei kei ding uh hi ci-in a gen hi. Jesu in a sih ding genkhol kik 22Gentailte gam sungah a om lai takun Jesu in: Mihing Tapa in mite khut sungah kipia ding hi. 23Tua mite in amah that ding uh a, nithum khit ciangin a thokik ding hi ci-in a nungzuite kiangah a gen ciangin, a dah mahmah uh hi. Biakinn siah piakna 24Kapernaum khua a tun uh ciangin, biakinnpi siahdongte in Piter kiangah hong pai uh a: Na siapa un biakinnpi siah hamu liau lo ahi hiam? ci-in a dong hi. 25Piter in: A liau hi a ci hi. Piter inn sungah lut ciangin Jesu in: Simon aw, nang bang ngaihsun na hi hiam? Leitung kumpite in kua tungah phiangsiah a dong uh hiam? ci-in a dong hi. 26Piter in: Mi dangte tungah a dong uh hi a ci hi. Jesu in: Tua bang ahih leh a tate a peng uh hi. 27Ahih hangin, tua mite in eite hangin a puk lohna dingun, tuili ah va pai in la, ngathang vasiah in. Nga na mat masak la in la, a kam phen lecin peekkhat na mu ding hi. Tua dangka la in

MATTIU 18 la, kei ading leh nang adingin siahdongte na pia in a ci hi. 17:5 Pian. 22:2; La. 2:7; Isa. 42:1; Mat. 3:17; 12:18; Mk. 1:11; Lk. 3:22; Thkna. 18:15; 2-5 2Pi. 1:17-18; 10 Mal. 4:5; 12 Mat. 11:12; 20 Mat. 21:21; Mk. 11:23; 1Kr. 12:2; 24 Pai. 30:13; 38:26. Kua lian pen Tua lai takin a nungzuite in Jesu kiang va nai uh a: Van Gam sungah kua lian pen ding hiam? ci-in a dong uh hi. 2Jesu in naupang khat samin, a lai zangah a koih hi. 3Tua khit ciang in: Ken aman takpi kong cihin, kikhel in hih naupang bangin na suak kei uh leh, Van Gam sung ah na tum zo kei dinguh hi. 4Tua ahih manin, naupang bangin lungsim a kiniam sakte in, Van Gam sungah a lian bel ahi ding hi. 5Ka min hang in hih naupangno a ngai khempeuh in kei zong hong ngai ahi hi. Pukna ding ze-etna 6Kei hong um hih naupang no khat a puksak mi in, a ngawngah an gawina suang lian khat khih in, tuipi thuk sungah tumsuk leh, a ma ading in a pha zaw ding hi. 7Pukna ding om ahih manin, leitung mite in gimna a thuak ding uh hi. Bang hang hiam cihleh, pukna ding thu a om hi. Ahih hangin a puksakpa in gimna a thuak ding hi. 8Na khut ahi a, na khe ahi zongin, hong puksak leh sattan in la paai in. Khut leh kim tawh mei kuang sungah khulna na thuak sangin, khutbui, khebui leh a poisa in, nuntak tawntung na sung ah lut lecin, nang adingin a pha zaw ding hi. 9Na mittangin hong puk sak leh, khelkhia in paai in. Mittang kim nei in, meikuang sungah khulna na thuak sangin, mittang lang khat guak tawh nuntakna sungah lut lecin nang ading a pha zaw ding hi. Tuumang thugentehna 10Naupang khat peuh na simmawh lohna dingin na kikeem un. 11Bang hang hiam cihleh, amaute vantung mi ahi van mihingte in, van ah a om ka Pa maitang a mu den uh hi. 12Na bangci ngaihsut uh hiam?: Tuu zakhat a neipa in, tuu khat a mansuah leh, tuu sawmkua leh kua-te nusia in, mualtung ah a mang ahi tuu khat zong thei hilo ahi hiam? 13A muh ciangin, a manglo tuu sawmkua leh kua-te tung sang in a lungdam zaw

18

MATTIU 19 ding hi ci-in a man takpi-in kong gen hi. 14Tua mah bangin van ah a om na Pa un, naupangno khat kisiat ding a phal kei hi. Sanggam a khialpa 15Na sanggam khat in, na tungah hong khialh leh, a kiangah pai in la, no gel bek omin, a mawhna pulak in, thu hilh in. Amah in na thu hong man leh, na sanggampa na ngah khin hi. 16Na thu hong man nop kei leh, na thu a kip theihna dingin, teci dingin mi dang nih hiam? thum hiam? na sam in. 17Tua mite thu a man nop kei lai leh, pawlpite kiangah ko in. Pawlpite thu a man kei leh, Gentailte leh siahdongte bangin ngaihsun in. Henna leh phelna 18Ken aman takpi kong cihin, lei ah na hen khempeuh, vanah zong kihen ding hi. Lei ah na phel khempeuh, van zong kiphel ding hi. 19Khatvei kong gen kik in, lei ah mi nih kithuhual in thu na nget uh leh, na nget khempeuh uh, van ah a om ka Pa in hong pia ding hi. 20Bang hang hiam cihleh, nih bang thum bang ka min tawh a kikhop uh ciangin amaute lai zangah ka om ding hi ciin Jesu in a gen hi. A maisaklo nasempa thugentehna 21Tua khit ciangin Piter in va nai a: Topa ka sanggamte ka tungah hong khialh leh bang zah vei maisak ding ka hi hiam? ci-in a dong hi. 22Jesu in: Sagih vei dong maisak in, kong ci kei hi. Sawm sagih mun swmsagih dong na maisak ding hi, kong ci hi. 23Tua ahih ciangin Van Gam in a nasemte ciamtehna lai a en nuam kumpipa tawh kibang hi. 24A ciamtehna lai a et lai takin: telen tulsawm a ba nasempa khat a mai-ah hong paipih uh hi. 25Tua in a leiba lohna ding neilo ahih manin: Amah a kipan, a zi leh tate leh a neihsa khempeuh zuakin loh ta hen a topa in a ci hi. 26Tua ciangin, nasempa in a mai-ah bok in: Topa aw, kei hong hehpih in. Ka leiba khempeuh kong loh ding hi a ci hi. 27A topa in hehpih in, a leiba khempeuh maisak in, a khah hi. 28Ahih hangin, tua nasempa paikhia a, a dangka zakhat a ba, a lawmpa ahi a naseppihpa a muh ciangin a ngawl mek in: Na leiba hong loh in a ci hi. 29Tua nasem pa bokin: Hong hehpih in la, na ngak lai in, ka leiba khempeuh kong loh ding hi ci-in a thum hi. 30A thum hang in, sum neipa in hehpih nuam loin,

20 a leiba khempeuh a loh khit matengin thong sungah a khum hi. 31Tua thu a dang nasempa khatin a theih ciangin, dah ahih manin, a gamtatna thu uh a topa kiangah a ko hi. 32Tua ciangin a topa un leibapa samin: Gilo nasempa aw, ka kiangah nong thum ciangin, na leiba khempeuh kong maisak hi. 33Nang kong hehpih bangin, tua na lawmpa tungah hehpih theilo na hi hiam? ci-in a heh mahmah hi. 34Tua ciangin a leiba a loh khit masiah, mi bawlsiate khut sungah a pia hi. 35Note in zong na sanggamte uh na tungah hong khialhna mai sak le-ucin, van ah a om ka Pa in tua kumpipa mah bangin, note khempeuh tungah hong bawl ding hi a ci hi. 18:1 Lk. 22:24; 3 Mk. 10:15; Lk. 18:17; 8 Mat. 5:20; 9 Mat. 5:29; 11 Lk. 19:10; 15 Lk. 17:3; 16 Thhna. 19:16; 18 Mat. 16:19; Jhn. 20:23; 21-22 Lk. 17:3-4. Kimakna thu Tua thute Jesu in a hilh khit ciangin, Galile gam panin pai a, Judah gam Jordan gun galkhat a tung hi. 2Mi tampite in a nung zui uh a, tua munah cinate a damsak hi. 3Farisaite in a kiangah va nai uh a: Thukhamna hang in zi a mak tuak hiam? ci-in Jesu a ze-et uh hi. 4Jesu in: A piang sakpa in a kipat cilin, numei leh pasal a piangsak hi. 5Tua ahih manin, pasal in a nu leh pa nusia in a zi a bel ding hi. Tua nihte in sakhat, pumkhat suak dinguh hi a cihna Lai Siangtho thu sim ngeilo na hi uh hiam? 6Tua ahih ciangin, amaute nih hi nawn loin, khat bek ahi uh hi. Tua ahih manin, Pasian in a gawmsate, kua mahin khen kei ta hen a ci hi. 7Amaute in: Tua ahih leh, Moses in bang hangin thu hong pia hiam? ci-in a dong uh hi. 8Jesu in: Na lungsim uh khauh lua ahih manin, zi mak theihna dingin, Moses in thu a pia hi. Ahih hangin a kipat cilin tua bang ahi kei hi. 9Ken kong cihin, a dang pasal tawh mawhna longal, thu dang hangin a zi ma-in numei dang tawh a kitengte khempeuh in numei tawh a mawh uh hi. A masa numei tawh a kiteng peuh mah in mi zi tawh a mawh hi a ci hi. 10A nungzuite in: Nupa thu tawh kisai-in hi bang ahih leh kiteng kei lehang a pha zaw ding hi a ci uh hi. 11Jesu in: Hih thu mi khempeuh in zui zolo dinguh hi. Thu ngahte bek in zui zo ding hi. 12A nu sung panin geh bangin a suak khia om a, Van

19

21 Gam thu hangin geh bangin a piang zong a om hi. Hih thu a mang zote in na zui ta un a ci hi. Naupangte thupha piakna 13Tua ciangin naupangte tungah a khut nga in, thunget sak ding deih in, Jesu kiangah a paipih uh a, ahih hangin a nungzuite in a kham uh hi. 14Jesu in: Naupangte ka kiangah hong pai ding kham kei un. 14Bang hang hiam cihleh, Van Gam in tua bangte gam ahi hi ci-in, naupangte tungah a khut a ngak khit ciangin, tua mun panin a paikhia hi. A hau tangvalpa 16Tua lai takin mi khat in Jesu va nai a: Sia aw, nuntak tawntungna ka ngahna dingin a pha bang bawl ding ka hi hiam? ci-in a dong hi. 17Jesu in: Bang hangin phatna thu kei hong dong na hi hiam? Mipha khat bek a om hi. Ahih hangin nuntakna sungah na tum nop leh thukhamte na tang in a ci hi. 18Tangvalpa in: Bang thukham tang ding ka hi hiam? ci-in a dong kik hi. Jesu in: Mi zi tawh na mawh kei in. Mi sum na gu kei in. A man lo teci na pang kei in. 19Na nu leh na pa zahtak in. Na pumpi na ki-it bangin, na lawmte zong na it in a ci hi. 20Tangvalpa in: Tuate khempeuh ka tang khin hi. Bang kisam lai ahi hiam? ci-in a dawng kik hi. 21Jesu in: Siangtho nuam takpi na hih leh, pai in la, na neih khempeuh zuak in, mi zawngte na pia in. Tua ahih leh, vangam sungah sum na nei ding hi. Tua khit ciangin ka nung hong zui in a ci hi. 22Tua thu a zak ciangin amah in hau ahih manin, lungkim loin in a paikhia hi. 23Jesu in: Ken aman takpi kong cihin, sum haute in Van Gam sung a lutna ding haksa mahmah hi. 24Khatvei kong cih kik in, sai khat in phimbil vang sungah khum sangin, sum haute in Pasian Gam sungah a lut dinguh a haksa zaw hi ci-in a nungzuite a hilh hi. 25A nungzuite in tua thu a zak uh ciangin, lamdang a sa a: Tua bang ahih leh, kua in gupna ngah zo ding hiam a ci uh hi. 26Jesu in amaute en in: Hih thute mihingte in ahih zo kei uh hi. Ahih hangin Pasian in na khempeuh ahih thei hi a ci hi. 27Tua lai takin Piter in: Kote in ka neih khempeuhte uh nusia in kong zui uh hi. Tua ahih ciangin bang ka ngah dinguh hiam? ci-in a dong hi. 28Jesu in: Ken aman takpi kong cih in, na khempeuh a thak in a kibawl phat

MATTIU 20 khit ciangin, Mihing Tapa in vangliantna tokhom tungah a tut Ni ciangin, ka nung hong zui note in, thukhenna tokhom sawm leh nihte tungah tu in, Israel minam sawm leh nihte tungah thu na khen ding uh hi. 29Ka min hangin a inn, a sanggampa, a sanggamnu, a nu leh pa leh a tate a nusiate in, a zah zakhat ngah in, nuntak tawntungna a luah ding uh hi. 30Ahih hang in, a masate in nunung ding uh a, a nunungte in masa ding uh hi. 19:4 Pian. 1:27; 5:2; 5 Pian. 2:24; 7 Thkna. 24:1-4; Mat. 5:31; 9 Mat. 5:32; 1Kor. 7:10-11; 18 Pai. 20:13; Thkna. 5:17; 18 Pai. 20:14-16; Thkna. 5:18-20; 19 Pai. 20:15; Thkna. 5:16; Siam. 19:18; 28 Mat. 25:31; Lk. 22:30; 30 Mat. 20:16; Lk. 13:30. Leenggah lo-ah na a semte Van Gam in leenggah lo sungah nasem dingte cial dingin, zingsangin a kuankhia innteekpa tawh kibang hi. 2Amah in: Ni khat pek khat hong pia ning ci-in nasem dingte tawh a kiciam khit ciangin, leenggah lo ah a kuansak hi. 3Nai kua ciangin kuankhia kik a, mi kimkhat na sem loin sumbuk ah a ding mawkte a mu hi. 4Tuate kiangah: Note zong ka leenggah lo ah va kuan un. A kituak zah thaman kong pai ding hi a cih leh tua mite a kuan uh hi. 5Sun lai takin khat vei, nitak nai thum pawl in khatvei pai kik in, ahih ngei bangin a hih hi. 6Nitak nai nga hun kuan khia kik a, nasem loin a ding midangte a muh ciangin: Bang hangin ni khat tawntung nasem loin, hih lai-ah ding mawkmawk na hi uh hiam? ci-in a dong hi. 7Amaute in: Nasem dingin kua mah hong cial lo hi a cih ciangun: Tua ahih leh note zong ka leenggah lo ah va pai un a ci hi. 8Nitak ciangin leenggah lo neipa in, nasemte sam in: A tum nunung pen pan kipanin, a tum masate dong in thaman pia in ci-in sumkempa thu a pia hi. 9Tua ciangin, nitak nai nga hunin a kuante hong pai uh a, peek khat ciat a ngah uh hi. 10A kuan masate in: Eite in a tam zaw i ngah kha ding hi ci-in a kilamet uh hangin, peek khat bek mah a ngah uh hi. 11Amaute in a ngah khit uh ciangin innteekpa gensia uh hi. 12Amaute in: A kuan nunungte in nai khat bek nasem uh a, eite in sun khua in nasem in, nisa a thuak kote tawh a thaman nong kibang sak hi a ci uh hi. 13Innteekpa in: Lawmte aw, na tung ah ka khial kei hi. Note in kei tawh dangka peek khat bek ngah dingin, i

20

MAATIU 21 kiciamna lungkim hilo na hi uh hiam? 14Na sum uh la un la, pai un. A kuan nunungte zong note tawh a kibangin ka pia nuam hi. 15Ka sumte ka ut bangin ka zang thei hi. Ahih keileh, mipha ka hih manin hong mudah na hi uh hiam? a ci hi. 16Tua mah bangin a nungnungte masa dinguh a, a masate in nunung ding uh hi ci-in a hilh hi. A sih ding thumvei a genkholhna 17Jerusalem khuapi ah a pai lai takun, a nungzuite gamdaihna mun ah sam in: Eite in Jerusalem khuapi ah i pai ding hi. 18Mihing Tapa in siampi liante leh laitheite khut sungah kipia ding hi. 19Amaute in a sihna ding thu a khen khit uh ciangin, zahko in, sat ding uh a, singlamteh tung ah thah dingin Gentailte khut tungah a pia ding uh hi. Nithum khit ciangin a thokik ding hi a ci hi. Jakob leh Johan ngetna 20Tua lai takin Zebide tapate in, a nu tawh Jesu kiangah hong pai khawm in thu khat a ngen uh hi. 21Jesu in: Bang deih na hi uh hiam? ci-in a dot leh: Topa aw, na Gam sungah ka tapate khat na ziat lamah, khat na vei lamah a tut theihna dingin thu pia in a ci hi. 22Jesu in: Nong ngetuh na thei kei uh hi. Ka dawn ding hai na dawn zo dinguh hiam? a cih ciangin: Ka dawn zo dinguh hi a ci uh hi. 23Jesu in: Ka dawn ding hai na dawn takpi dinguh hi. Ahih hangin, ka ziat lam leh ka vei lamah tutna dingin thu kong pia thei kei hi. Ka Pa in a ngah dingin a sehsate in a ngah dinguh hi a ci hi. 24A nungzui sawmte in tua thu a zakuh ciangin, tua unaute tungah a heh uh hi. 25Jesu in a nungzuite sam in: Mihaute leh mi liante in Gentailte a ukna uh note in na thei uh hi. 26Note lakah tua bang ahi kei ding hi. Note lakah mi lian a suak nuamte in na nasem uh suak hen. 27Note lakah makai a suak nuamte in na sila suak uh hen. 28Tua mah bangin, Mihing Tapa in mi dangte na semsak dingin hong pai hilo hi. Mi dangte na sem ding leh mi tampi tankhia ding leh nuntakna pia ding hong a pai ahi zaw hi a ci hi. Mittaw nih khuamuhkikna 29Jerikho khua panin a paikhiat lai takun, mi tampi in Jesu nung a zui uh hi. 30Jesu hong paina thu lampi gei-ah a tu mittaw nih in a zak uh ciang in: David Tapa Topa aw, kote hong hehpih in ciin a kiko uh hi. 31Mihonte in a daihna dingun tuate a taai uh hang in: David Tapa aw, kote hong

22 hehpih in ci-in a kilimko zaw sop uh hi. 32Jesu dingin mittawte sam a: Note adingin bang hong bawl sak ding deih na hi uh hiam? ci-in a dong hi. 33Amaute in: Topa aw, ka mit uh hong vak sak lecin ka ut uh hi a ci uh hi. 34Jesu in heh-pihhuai sa in, a mit uh a khut tawh a lawn ciang in, thakhatin khua mu in, a nung a zui pah uh hi. 20:8 Siam. 19:13; Thkna. 24:15; 16 Mat. 19:30; Mk. 10:31; Lk. 13:30; 25-26 Lk. 22:25-26; 26-27 Mat. 23:11; Mk. 9:35; Lk. 22:26. Jerusalemah gualzawhna tawh lutna Jerusalem khuapi tawh a kinai Oliv mual tungah a om Bethfage khua a tunuh ciang in, Jesu in a nungzuite nih sawl hi. 2Tuate kiang ah: Na mai khua ah pai un. Tua khua ah khau khihsa la nuta tha khatin na mu dinguh hi. La khau sut un la, ka kiangah hong paipih un. 3Mi khat peuhin, thu khat peuh hong dot leh: Topa in deih hi ci-un. Tua bang na cihuh leh thakhat in hong khak dinguh hi ci-in a vaikhak hi. 4Tua bang a gamtatna in Pasian in a kamsangpa tung ah a genkholh thu a tangtunna ding ahi hi. A genna in: 5En in! na Kumpipa, lungsim niam tawh, lapi ta lano tungah tuangin, na kiangah hong pai ding hi ci-in Zion tanu kiangah na gen in ci-in a gen hi. 6A nungzuite in Jesu vaikhak bang in a pai uh hi. 7La nuta hong paipih in, a tungah a puante uh a phah khituh ciangin, Topa a tuang sak uh hi. 8Mihonte in lampi ah a puante uh phah uh a, a dangte in singhiang satin lampi ah a phah uh hi. 9A mai-ah a pai leh a nungah a zui mihonpite in: Davih Tapa tungah Hosanna! Pasian min tawh hong paipa in thupha ngah ta hen! Van a sang belna ah Hosanna! ci-in a kiko uh hi. 10Jerusalem khuapi ah a lutuh ciangin mipite a kising hehu uh a: Hihpa in kua mi ahi hiam? ci-in a donguh hi. 11Mihonte in: Hihpa in Galile gam Nazareth khua kamsangpa Jesu ahi hi a ci uh hi. Biakinn siansuahna 12Pasian biakinnpi sungah Jesu a lut ciangin, biakinnpi sungah sumzuakte leh sum leite khempeuh hawlkhia in, dangka khekte sabuaite leh vakhu zuakte tutphahte sawn paiksak hi. 13Tua ciang in: Ka inn in thungetna inn kici ding hi. ci-in Lai Siangtho sungah a kigelh hangin, note in guta buluhte omna na suaksak ta zenuh hi ci hi. 14Tua

21

23 khit ciang in, mittawte leh khelbaite, biakinnpi sungah Topa kiangah hong pai in, amaute khempeuh a damsak hi. 15Na lamdang a bawl a mute leh naupangnote in: David Tapa tungah Hosanna! ci-in biakinnpi sungah a kiko uh, siampi liante leh laitheite in a zak uh ciangin, a hehuh hi. 16Amaute in: Hih naupangte in bangthu gen uh cih na za hiam? ci-in a dot uh ciang in, Jesu in: Ka za hi. Naupangte leh nawi nete kamsung panin, nangmah in min phatna a piang sak hi a cih thu, note in khatvei beek sim ngeilo na hi uh hiam? a ci hi. 17Tua lai takin, amaute in khua sung panin paikhia in Bethani khua tunguh a, tua khua ah a giakuh hi. Theikung samsiatna 18Zingsang ciangin khuapi sungah a pai kik lai tak un, Jesu a gil a kial hi. 19Lampi gei-ah theikung khat a muh ciangin, a kiang a va naih leh a teh longal bangmah a mu kei hi. Jesu in: Tu pan kipanin gah nei loin om den in a cihleh, thakhat in theikung a keugaw pah hi. 20A nungzuite in a muhuh ciangin: Hih theikung thakhat in a keugaw hi ci-in lamdang a sa uh hi. 21Jesu in: Ken aman takpi kong cihin, um khial loin, na upna na neih takpi uh leh, hih theikung tungah ka hihna bek tham loin, hih mual kiangah: Na omna panin kikhinkhia in la, tuipi sungah kipaai in ci le-ucin, na cih bangun a piang ding hi. 22Upna tawh thu na ngetuh leh, na nget khempeuh uh na ngah dinguh hi a ci hi. Jesu in ukna a neihna thu kidotna 23Jesu biakinnpi sungah lutin, thu a hilh lai takin, siampi liante leh laitheite hong pai uh a: Hih nate kua thu tawh bawl na hi hiam? ci-in a donguh hi. 24Jesu in: Note kam khat kong dong ding hi. Nong dawn theihuh leh, hih nate kua thu bawl ka hiam cih kong gen ding hi. 25Johan baptaizna in koi panin hong piang ahi hiam? Van panin hong piang ahi hiam? Lei panin hong piang ahi hiam? ci-in a dong hi. 26Amaute in: Van pan in hong pai hi cile hang, bang hangin a thu umlo na hi uh hiam ci-in hong dawng ding a, mi tung panin cile hang, mite i kihta hi. Bang hang hiam cihleh, Johan in kamsangpa hi a ci uh hi ci-in khat leh khat a kikum uh hi. 27Tua khit ciangin:

MATTIU 21 Ka thei kei uh hi a ci uh hi. Jesu in: Tua mah bangin, hih nate kua thu tawh bawl ka hiam cih gen kei ding hi. Tapa nihte tawh gentehna 28Note in bangci ngaihsut na hi uh hiam? Mi khat in tapa nih a nei hi. A ta upa zawpa kiangah: Ka ta aw, tuni-in ka leenggah lo ah kuanin, na va sem in a ci hi. 29A tapa u zaw in: Ka kuan kei ding hi a cih hangin, a nungkuan kik hi. 30A tapa neu zaw kiangah a sawl masak bangin va gen kik a, a ta in: Ka kuan ding hi a cih hangin a kuan tuan kei hi. 31Tua ta nihte in a pa deihna bangin kua gamta zaw a hiam? ci-in a dong hi. Amaute in: A tapa upa zaw pen a gamta hi a ci uh hi. Jesu in: Ken aman takpi kong cihin, siahdongte leh numei gilote in note sangin Pasian Gam sungah a lut masa zaw dinguh hi. 32Bang hang hiam cihleh, Johan in thuman lampi tawh note kiangah hong pai hangin, a thu na um kei uh hi. Siahdongte leh numei gilote in a umuh hi. Note in tua thu na muh uh ciangin, Johan thu um dingin na kisik kei uh hi a ci hi. Leenggah lo leh nasemte tawh gentehna 33A dang thu gentehna khat a gen in: Inn neipa khatin lo lai-ah leenggah kungte suanin, gawl tawh a um khit ciangin, leenggah cilna ding to a, tausang buk khat a lam khit ciangin, lokhote khawhlawh sakin, gam dang ah a pai hi. 34A gah hun a tun dek tak ciangin, a gah ngah dingin lo neipa in a nasemte lo khawhlawhpa kiangah a sawl hi. 35Tua lo khawhlawhte in a nasemte a mat khituh ciangin, khat sat, khat that, khat suang tawh a denguh hi. 36Khatvei a masa sangin a tam zaw a nasemte a sawl kik ciangin, lo khawhlawhte in, a masa mah bangin na hih den uh hi. 37A tawp khakna ah lo neipa in: Tua mite in ka tapa a zahtak dinguh hi ci-in a tapa a sawl hi. 38Lo khawhlawhte in a tapa a muh uh ciangin: Hihpa in a innluah dingpa ahi hi. Hong pai-un, amah that in a luah ding sum khempeuh eite in i tang ding hi ci-in khat leh khat a kikum uh hi. 39Lo neipa tapa a mat khituh ciangin, leenggah lo nawl ah paikhiat pihin a thatuh hi. 40Tua ahih manin, lo neipa a tun ciangin, lo khawhlawhte tungah a bangci bawl ding hiam? ci-in a dong hi. 41Amaute in: Tua migilote su gawp ding a, a gah a tunuh ciangin gah piak dingin khawhlawh

MATTIU 22 dangte a cial ding hi ci-in a genuh hi. 42Tua ciang in Jesu in: Inn lamte nilkhiat suangin, a nung ciangin, innkiu suang a piang hi. Tua thu in Pasian bawl a, eite mai-ah a lamdang hi a cihna Lai Siangtho sim ngeilo na hi uh hiam? 43Tua ahih ciangin, ken kong cihin, Pasian Gam in note kiang panin kilakhia in, tampi a gahsak thei minam dangte kiangah a pia ding hi. 44Hih suang tung ah a kiate in a kitan ding hi. A tungah hih suang kia in, a deen khak peuhmah kizan gawp ding hi a ci hi. 45Farisaite leh siampi liante in, hih thugentehna a zakuh ciangin, amaute a cihna ahih lam a thei uh hi. 46Jesu mat dingin a zonuh hangin, mihonte a kihta uh hi. Bang hang hiam cihleh, mi khempeuh in Topa in Pasian kamsangpa ahi hi, ci uh hi. 21:5 Zek. 9:0; 9 La. 118:25-26; 13 Isa. 56:7; Jer. 7:11; 16 La. 8:2; 21 Mat. 17:20; 1Kor. 13:2; 32 Lk. 3:12; 7:29-30; 33 Isa. 5:1-2; 42 La. 118:22-23. Mopawi thugentehna Jesu in mihonte kiangah thugentehna tawh a gen kikin: 1Van Gam in, a tapa a ding molak pawi a kham kumpipa tawh kibang hi. 3Amah in a nasemte sawl in, a khohsate a sapsak hangin kua mah pai nuam lo uh hi. 4Khatvei a nasem dangte sawl kik a: Pawikham dingin ka kisa khin hi. Ka bawng leh bawngno thaute ka go khin hi. Na khempeuh a baihsa in om hi. Mopawi ah hong hawh un, ci-in ka khohsate va hilh kikun ci-in a sawl hi. 5Ahih hangin, a misapte in thusim lo uh a, khat lo ah kuan in, khat sum zuakin a pai hi. 6A om laite in a nasemte bawlsia in a that uh hi. 7Kumpipa in a zak ciangin, hehlua ahih manin, a galkapate sawlin, mi thatte khempeuh thatin, a khua uh mei tawh a halsak hi. 8Tua ciangin kumpipa in a nasemte kiangah: Ka mopipa pawi a baihsa in om hi. Ahih hangin ka sap mite a kilawm kei uh hi. 9Tua ahih ciangin lamka bomah pai un la, na muh khempeuh uh hong sam un a ci hi. 10Lampi ah nasemte paikhia in, a gi, a gilote, a muh khempeuhte kaikhawm in, pawi ah mi a dim hi. 11Kumpipa in a hawhte en dingin a lut ciangin, molakna puan a silh lo mi khat a mu hi. 12Tua

22

24 ciangin: Zawl aw, molakna puan silh loin, bang hangin hong lut na hi hiam? ci-in a dot leh a dawnna ding a thei kei hi. 13Tua ciangin kumpipa in: Tuapa a khut leh khe hen un la, a pualam khuamial sungah paikhia un ci-in a nasemte a sawl hi. Kahna leh ha gawina om ding hi. 14A kisam mite a tam hangin, a kiteel mite a tawm ding hi a ci hi. Kaisar tungah siah piakna 15Tua lai takin Farisaite paikhia in: Bangci le hang Jesu ama kam tawh i siah thei ding hiam? ci-in a kikum uh hi. 16Tua ciangin a nung-zuite leh Herod nungzuite Jesu kiangah sawluh a: Sia aw, nangmah in thutak genpa na hi hi. Kuamah kihta loin, maitang zahtak zong nei tuam loin, Pasian thu tangtakin na hilhna thu ka thei uh hi. 17Tua ahih ciangin, sia aw, hih thu bangci na ngaihsut hiam? Kaisar kumpipa siah piak tuak maw? piak tuak lo cih hong hilh in? ci-in a dong uh hi. 18Jesu in amaute gitlohna a theih ciangin: Mi simtate aw, bang hangin kei hong ze-et na hi uh hiam? 19Phiangsiah dangka hong lak un a cih leh, denarias pek khat hong paipih uh hi. 20Jesu in: Hih in, kua min leh kum lim ahi hiam? ci-in a dong hi. 21Amaute in: Kaisar kumpipa min leh lim ahi hi ci uh hi. Tua ciangin Jesu in: Kaisar kumpipa sum Kaisar na pia un. 22Pasian sum Pasian na pia un a ci hi. Amaute in tua thu a zakuh ciangin, lamdang sa in, a kiang panin a paikhia uh hi. Thawhkina thu dotna 23Misite thawhkikna om lo hi ci-in a um Saddusite in, 24tua ni-in Jesu kiangah va pai uh a: Topa aw, mi khat in ta nei loin a sih leh, a zi pen a nau in luah hen la, a u khang a man lohna ding in kizom ta hen, ci-in Moses thu hong pia hi. 25Kote lakah unau sagih a om hi. A u pen in zi nei in, a si hi. 26Ta nei lo ahih manin, a zi pen a naupa tawh a nusia hi. Tua mah bangin, a nihna leh a thumna a kipan sagihna dong ahi hi. 27A nunung penah a numei nu zong a si hi. 28Tua ahih leh, thawhkik ni ciangin, tua numei in, unau sagihte lakah kua pen zi ahi ding hiam? Bang hang hiam cihleh, a vekpi un tua numei a tenpih uh hi ci uh hi. 29Jesu in: Note in Lai Siangtho leh Pasian vangliatna theilo na hih manun, na um khial uh hi. 30Thawhkik ni ciang in kipina leh

MATTIU 23 kitenna om lo ding hi. Amaute in vantung mite tawh kibang dinguh hi. 31Thawhkikna thu panin, 32Pasian in: Keimah in Abraham Pasian, Isaak Pasian leh Jakob Pasian ka hi hi a cihna thu note in sim ngeilo na hi uh hiam? Pasian in a site Pasian hilo a, a nungtate Pasian ahi hi a ci hi. 33Mihonte in tua thu a zakuh ciangin, a thuhilhna lamdang a sa uh hi. Thukham lian pen 34Saddusite dotna thu Jesu in dongkhak takin a dawnna thu Farisaite in a theihuh ciangin a kikhawm uh hi. 35Laitheipa khat in Jesu ze-etna in: 36Sia aw, Thukhamte lak panin bang lian pen hiam? ci-in a dong hi. 37Jesu in: Na Topa Pasian na lungsim khempeuh, na kha khempeuh, na pilna khempeuh tawh na it in. 38Hih thukham in a masa leh a lian pen ahi hi. 39Na pumpi na it bangin na lawmte na it in, a cih in, tua a masa thukham tawh kibang hi. 40Hih thukham nih in, Thukham khempeuh leh Pasian kamsangte thuhilhna khempeuh a meen khiatna bulpi ahi hi a ci hi. David tapa thudotna 41Farisaite a kikhop lai takun, Jesu in: Note in, Khris in kua ahi hiam? 42Kua ta hi na ci uh hiam? ci-in a dot ciangin: David Tapa hi a ci uh hi. 43Jesu in: Tua ahih leh, David in Kha Siangtho tawh: Topa ci-in bang hangin ci thei ahi hiam? ci hi. 44David cihna ah: Topa in, Na galte na khenuai-ah ka koih matengin, ka ziat lamah na tu in, ci-in, ka topa kiangh a ci hi ci-in David in a ci hi. 45Tua mah bangin David in: Khris in Topa hi a cih ciangin bangci bangin a ta hi thei ding hiam? ci-in a dot leh, 46kuamah in kamkhat beek a dawng kik theilo uh a, tua ni a kipanin thu a dong ngam nawn kei uh hi. 22:13 Mat. 8:12; 25:30; Lk. 13:28; 23 Sawl. 23:8; 24 Thkna. 25:5; 32 Pai. 3:6; 37 Thkna. 6:5; 39 Siam. 19:18; 35-40 Lk. 10:25-28; 44 La. 110:1. Laitheite leh Farisaite mawhsakna Tua khit ciangin Jesu in, mihonte leh a nungzuite thu a hilh hi. 2A thuhilhna in: Farisaite leh laitheite in Moses tokhom tungah a tu uh hi. 3Tua ahih manin, amaute thukham

23

25 khempeuh na zui un la, na tangun. Ahih hangin amaute gamtat bangin na gamta kei uh. 4A gik mahmah a puak hak ding van, mi dangte liangko tungah a sawt uh hangin, a khutme na ngawn uh a khin nuam kei uh hi. 5A gamtatna khempeuh uh mite mai-ah a kilatna dingin ahih uh hi. A khutbuhte uh lian sak in, a puanmong teepkai uh a sau sakuh hi. 6Pawikhamna ah tutna a pha bel leh kikhopna inn sungah tokhom sang bel deih in, 7sumbuk ah zahtakna tawh hopihna ahi: Rabbi aw cih a deihuh hi. 8Rabbi hong kicih na deih kei un. Bang hang hiam cihleh, to khat bek na nei uh a, note in sanggam khat na hi uh hi. 9Leitungah kuamah Pa na ci kei un. Van ah na Pa uh khat bek a om hi. 10Note in: Topa hong kicih ding na deih kei un. Note in Khris ahi na Topa uh khat bek a om hi. 11Note lakah a lian pen in, na hong sepsakpa hi ding hi. 12A pumpi a kiphat peuh mah in, niam-khiatna ngah ding a, a kiniamkhiat peuh mah in, minphatna a ngah ding hi. 13A simtah laitheite leh Farisai-te aw, note in vantung kongkhak mite mai-ah khakna hih man un gimna na thuak dinguh hi. Note lah lut loin, a lut nuamte khamuh hi. 14A simtat Farisaite aw, note in mi khatin na nunguh hong zuih theihna dingin tui lam leh lei lam ah na pai kawikawi uh hi. 15Na ngeina uh hong zuite note mah bangin khang nihna dongin hel khua tate suak sak na hih manun gimna na thuak dinguh hi. 16Lam hilh mittawte aw, note in: Biakinnpi tawh a kiciam peuh mahin, a kiciamna a peel leh phamawh lo hi. Biakinnpi ah piak dingin kham tawh a kiciam peuh mahin, leiba a nei hi ci na hih man un, gimna na thuak dinguh hi. 17Mihai mittawte aw, koi zaw lian zaw hiam? Tua kham a siangtho sak biakinnpi lianzaw ahi hiam? 18Biakna tau tawh a kiciamte in, a kiciamna a pelh leh phamawh lo hi. A tungah piak ding tawh a kiciam peuhmah in leiba a nei hi na ci uh hi. 19Koi lian zaw ahi hiam? Biakna tau lian zaw ahi hiam? Tua biakna tau a siangtho sak piakna lian zaw ahi hiam? 20Tua ahih ciangin biakna tau tawh a kiciamte in, biakna tau a kipan, biakna tau tungah a om khempeuh tawh a kiciam hi. 21Biakinnpi tawh a kiciamte in biakinnpi ahi zongin, a sungah

MATTIU 24 a teengpa tawh ahi zongin a kiciam hi. 22Van Gam tawh a kiciamte in, Pasian tokhom tungah a tupa tawh a kiciam hi. 23A simtat laitheite leh Farisaite aw, note in: leengmasel, anis, lumin-te sehsawm suah seh khat na piakuh hangin, thuman thukhenna, mi dangte hehpihna, gamtatpha ahi, Thukham sung ah a lian pen thute tanglo na hih manun gimna na thuak dinguh hi. A dang tang loin, hihte na tan dinguh a kilawm kei hi. 24Thuhilh mittawte aw, note in thovai om lohna dingin tui na khaihuh hangin saipi na valhuh hi. 25A simtat laitheite leh Farisaite aw, note in hai leh dalkuangte a pua lam sil siangin, a sung lam hansanna leh huaihamna tawh kidim na hih man un gimna na thuak ding uh hi. 26Mittaw Farisaite aw, hai leh dalkuang pua lam a sianna dingin, a sung lam sil siang masa un. 27A simtat laitheite leh Farisaite aw, note in suangkangtui kizut han tawh kibang na hih manun gimna na thuak dinguh hi. Tua hante in a pua lam a hoih hangin, a sungah misi guh leh kihhuaina khempeuh tawh a kidim hi. 28Tua mah bangin note zong, na pua lam uh mite mai-ah a siangtho bangin om in, ahih hangin na sung lamuh simtatna leh gitlohna tawh a kidim hi. 29A simtat laitheite leh Farisaite aw, note in Pasian kamsangte han na puahuh a, miphate hante na zepna hangun, gimna na thuak dinguh hi. 30Note in: Ka pu-te khang hunin om le ung, Pasian kamsangte a kithahna ah ka kihel kei ding uh hi na ci uh hi. 31Tua bang na hihuh ciangin note in, Pasian kamsang a that mite suan leh khakte na hih manun, note langkhatah teci a pang ding uh hi. 32Tua ahih ciangin, na pute pate a kitehna seeng na dim sak un. 33Mualtan suante aw, note in hell sung ah mite khiat ding in, thukhenna nei na hih manun, bangci suakta thei ding na hi uh hiam? 34Note kiangah kong sawl: kamsangte, lungpilte leh laitheite kimkhat thatin, kimkhat singlamteh tungah khai in, kimkhat kikhopna inn sungah sat in, khua khat pan in khua khatah bawlsia in na hawlkhia dinguh hi. 35Tua ahih manin, mipha Abel sisan a kipan, biakinnpi leh biakna tau kikal a, na thah uh, Barakhiah tapa Zekhariah sisan leh leitung ah a kibua sa mipha khempeuhte si khempeuh in, note tung

26 ah hong tung ding hi. 36Ken aman takpi kong cih in, hih thu khempeuh in hih khang mite tungah a tung ding hi. Jerusalem hangin thuumna 37Pasian kamsangte that a, na omna ah hong kisawlte suangtum tawh a deeng lum Jerusalem khuapi aw, akpi in a note a khanuai ah a khop bang in, na tate tamveipi ka khawm nuam zo a, ahih hangin nang na ut kei hi. 38En un, na innte uh mite ten lohna, gamsim thamin kinusia ding hi. 39Ken kong cihin: Pasian min tawh hong paipa in thupha ngahta hen na cih mateng un, tu a kipan in nong mu nawn kei ding uh hi ci hi. 23:5 Thkna. 6:8; Gam. 15:38; Mat. 6:1; 11 Mat. 20:26-27; Mk. 9:35; 10:43-44; Lk. 22:26; 12 Lk. 14:11; 18:14; 22 Isa. 66:1; Mat. 5:34; 23 Siam. 27:30; 27 Sawl. 23:3; 33 Mat. 3:7; 12:34; Lk. 3:7; 35 Pian. 4:8; 2Khg. 24:20-21; 39 La. 118:26. Biakinn siat ding genkholhna Biakinnpi panin Jesu a paikhiat lai takin, a nungzuite in biakinnpi lak dingin a va nai uh hi. 2Jesu in: Hihte khempeuh mu lo na hi uh hiam? Ken aman takpi kong cihin, phelkhiat kul loin suang khat tungah suang khat kiciang khat beek a om kei ding hi a ci hi. Gimna kipatna 3Tua lai takin Jesu in, Olive Mual tungah tu in om a, a nungzuite a kiangah va pai sim uh a: Tua thute cik ciangin hong tung ding hiam? Topa aw nong kumkik ding leh leitung bei ding ahi zongin, bang lim tawh hong kihil ding hiam? cih hong hilh in ci-in a donguh hi. 4Jesu in: Kua mah in hong khem zawh lohna dingin na kikeem un. 5Bang hang hiam cihleh, mi tampi in: Keimah in Khris ka hi hi ci-in ka min tawh hong pai-in, mi tampi a khem dinguh hi. 6Gal kidona thu leh gal kikapna ding thu na za dinguh hi. Ahih hangin na lunghihmawh lohna dingun na kikem un. Bang hang hiam cihleh, tua thu khempeuh hong piang ding hi. Ahih hangin beina hun a tung nai kei ding hi. 7Nam khat leh nam khat, gam khat leh gam khat hong kido dinguh a, mun khat ah kial hong tungin, ziin hong ling ding hi. 8Tuate khempeuh in gimna kipatna ahi hi. 9Tua ciangin amaute in note hong bawlsiat dingin hong pia dinguh a, hong that dinguh hi. Ka min hang in mi khempeuh in note hong mudah

24

27 dinguh hi. 10Tua lai takin mi tampi puk dinguh a, khat leh khat kihek in, khat leh khat a kimudah dinguh hi. 11Kamsang zuau theite hong piang dinguh a, mi tampi a khem dinguh hi. 12Gitlohna thu khang ding ahih manin, ki-itna hong kiam ding hi. 13A bei dongin a thuak zote in gupna a ngah dinguh hi. 14Mi namkimte tungah teci kipang in, leitung khempeuhah Lungdamna Thu kihilh ding a, tua khit ciangin beina piang ding hi. Gimna lianpi 15Kamsangpa Daniel genkholhna om bangin, kisiatna leh a kihhuaipa in, a siangtho munah hong tut na mu ding uh hi (Lai Siangtho a sim theite in theita hen). 16Judah gamah a om mite in mual tungah tai ta hen. 17Inn khum tungah a omte in, inn sungah sum la dingin kum suk kei ta hen. 18Lo lai ah a omte in, innah puan la dingin ciah kei ta hen. 19Tua lai takin naupai leh naungek nei numeite in gimna a thuak dinguh hi. 20Na tai ding hunun, phalbi lai tak leh Nipi ni tawh a kituak lohna dingin thu na ngen un. 21Bang hang hiam cihleh, lei piancil panin a piang ngeilo, a nung ciangin a piang nawn lo ding gimna lianpi hong hong tung ding hi. 22Tua nite a kitom sak kei leh kuamah in thuak zo kei ding hi. Ahih hangin a teelsa mite adingin kitom sak ding hi. 23Tua lai takin mi khat peuh in: Hiah Khris a om hi, hua lai ah a om hi hong cih hangin na um kei un. 24Bang hang hiam cihleh, zuauthu a gen kamsangte leh Khris kineih zuau theite hong piang dinguh hi. 25En un! Hih thu kong genkhol khin hi. 26Tua ahih ciangin amaute in: Khris in gam lakah a om hi hong cihuh hangin pai kei un. Inndei sungah a om hi hong cih hangin na um kei un. 27Bang hang hiam cihleh, khuaphialep in nisuahna lam panin phia in, nitumna lam dongin a tan mah bangin, Mihing Tapa hong paikikna a piang ding hi. 28Sapul omna peuh ah musanete hong kikhawm ding uh hi. Mihing Tapa hong paina 29Tua gimna Ni khit ciangin, thakhat in ni hong mial ding a, kha zong tang nawn loin, aksite hong kia in, vanah a om vangliatnate killing dinguh hi. 30Tua lai takin van panin Mihing Tapa hong kilang ding a, leitung mi khempeuh kap in, vangliatna leh minthanna tawh Mihing Tapa meii tungah hong kumsuk na mu dinguh hi. 31Peengkul nakpi-

MATTIU 24 in tumsak ding a, a vantung mite sawl in, amaute in a teelsa mite leikiu li panin, mong khat dongin a kaikhawm sak ding hi. Theikung thuhilhna 32Theikung tungah thugentehna na sin un: Theikung a hiang meengin, a teh hongno ciangin khuakhal hun nai ta hi ci-in na thei uh hi. Tua mah bangin ka gensa thu khempeuh na muhuh ciangin, Mihing Tapa kong biang dongin hong nai khin hi, ci-in na ciamteh un. 34Ken aman takpi kong cihin, hih khang mite a beima in, hih thu khempeuh hong tung ding hi. 35Van leh lei mangthang ding a, ka thu ahih leh a mangthang ngei kei ding hi. A ni leh a nai kuamah in theilo 36Kumah in tua ni leh nai a thei kei uh hi. Vantung mite in theilo uh a, Mihing Tapa in zong thei loin, Pa khat bek in a thei hi. 37Noah khan lai mah bangin Mihing Tapa hong kum ciangin hong piang ding hi. 38Tuiciin a tun ma in, Noah teembaw sungah a lut ni dongin, mite in ne in dawnin, kipi kitengin a omuh hi. 39Tuiciin a tun ciangin, mi khempeuh a suksiat khit matengin, bang mah ngaihsun loin a om mah bangun, Mihing Tapa hong pai ciangin tua bangin a piang ding hi. 40Tua lai takin, lo lai-ah a om mi nih in, khat kila in, khat kinusia ding hi. 41An gawi khawm khat kila in, khat kinusia ding hi. Tua ahih manin na gakun. 42Bang hang hiam cihleh, na Topa uh a hong pai ding a Ni leh a nai na thei kei uh hi. 43Gutate hong pai ding hun, innneipa in theikhol hi leh, a inn a suksiat lohna dingin, pang ding hi ci-in na thei ta un. 44Tua ahih ciangin kiging khol in na om un. Bang hang hiam cihleh, na ngaihsut loh lai takun Mihing Tapa hong pai ding hi. A diktat leh a diktat lo nasempa 45A topa in a hun a tun ciangin, a innkuanpihte adingin nek leh dawn dinguh a hawm sak dingin, a diktat leh a lungpilpa kua ahi hiam? 46A topa hong tun ciang a, tua bang nasem a muhpa in thupha a ngah ding hi. 47Ken aman takpi kong cihin, a topa in a sum khempeuh tuapa a uk sak ding hi. 48Ahih hangin nasem gilopa khat in: Ka topa hong pai kik hak ding hi ci-in, a lungsim sungah a ngaihsun hi. 49Tua ahih manin nasem dangte sat gawp a, zuhaite tawh an ne in, zu dawn khawm hi. 50Khua a donloh lai tak leh a

MATTIU 25 theih loh kal in a topa hong tung ding hi. 51Tua ciangin, tua nasempa sat gawp in, mi simtatte tawh a om khawm sak ding hi. Kahna leh ha gawi-in a om ding hi. 24:9 Mat. 10:22; 13 Mat. 13:22; 15 Dan. 9:27; 11:31; 12:11; 1718 Lk. 17:31; 21 Dan. 12:1; Mang. 7:14; 26-27 Lk. 17:23-24; 28 Lk. 17:37; 29 Isa. 13:10-31; 3:15; Mang. 6:12; Ezk. 32:7; Joel 2:10; 3:15; Isa. 34:4; Mang. 6:13; Joel 2:10; 30 Dan. 7:13; Mang. 1:7; 37 Pian. 6:5-8; 39 Pian. 7:6-24; 43-44 Lk. 39:40. Nungak sawm thugentehna Tua ahih ciangin Van Gam in, zipipa dawn dingin, a meivak tawi kawm in a kuankhia nungak sawm tawh kibang hi. 2Tua nungak lak panin ngate pil uh a, a dang ngate hai uh hi. 3A hai nungakte in meivak a tawi uh hangin, namgimtui a pua kei uh hi. 4A pilte in ahih leh meivak leh thawl sungah namgimtui a tawi khawmuh hi. 5Zipipa hong tun ma in, a vekpi un a ihmu uh hi. 6Zankim lai takin: En in! zipipa hong tung khin hi. A dawn dingin hong paikhia un ci-in hong kiko uh hi. 7Tua ciangin nungakte tho in, a meivak ciat a bawluh hi. 8A haite in: Ka meivak uh a mit khin hi. Na namgimtui uh hong hawm un; ci-in, a pilte kiangah a ngenuh hi. 9A pilte in: Kong piakuh leh, no ading leh ko adingin a kicing kei ding hi. Tua ahih ciangin namgimtui zuakte kiangah va pai un la, va lei leucin hoih zaw ding hi a ci uh hi. 10Amaute in namgimtui lei dingin, a pai kalun, zipipa hong tungin, a baihsa in a om nungak ngate tawh mopina pawi sungah a lut khop khituh ciang in, kong a khakuh hi. 11Tua ciangin namgimtui lei dingin a pai nungakte hong tunguh a: Topa aw! kote zong kong hong hon in ci-in a kiko uh hi. 12Topa in: Ken aman takpi kong cihin, note kong thei ngei kei hi a ci hi. 13Tua ahih manin, a ni leh a nai theilo na hih man un na ngak un. Talen thugentehna 14Tua thu in, mi khat in gam dang ah a pai sawm ciangin, a nasemte sum a kemsakpa tawh kibang hi. 15Tua mi in, a lungpilna uh kituak in khat kiangah talen nga, khat kiangah talen nih leh khat kiangah talen khat a piak khit ciangin a zin khia hi. 16Talen nga ngahpa in, a met bawl leh, a dang talen nga a ngah hi. 17Tua mah bang in talen nih ngahpa in, a met bawl leh, a dang talen nih a ngah hi. 18Telen khat ngahpa in, leito

25

28 in a topa dangka pen tua sungah a seel hi. 19A sawt vei ciangin a topa uh hong ciah in, a sum ciamtehna lai a en hi. 20Tua khit ciangin talen nga ngahpa in a kiangah hong pai in, a dang talen nga hong paipih in: Topa aw, talen nga nong pia hi. En in! A dang talen nga a met ka ngah hi a ci hi. 21A topa in: Thuman diktat nasempa aw, a pha hi. Thuneu tungah diktat na hih manin, thu tampi kong uksak ding hi. Na Topa tawh lungdam khawm in a ci hi. 22Talen nih ngahpa zong hong pai in: Topa aw, talen nih nong pia hi. En in! A dang talen nih a met ka ngah hi ci hi. 23A topa in: Thuman diktat nasempa aw, a pha hi. Thuneu tungah diktat na hih manin, thu tampi kong uksak ding hi. Na topa tawh lungdam khawm in a ci hi. 24Talen khat ngahpa hong pai a: Topa aw, nangmah in mi haksa na hi hi. Na vawh lohna leh na suan lohna munah na at hi. Na pawi lohna munah na khop thu ka thei hi. 25Tua ahih manin, hong kihta ka hihmanin mun dangah ka pai a, talen khat nong piak pen lei sungah ka seel hi. Tu-in na sum la in a ci hi. 26A topa in: Gilo thadah nasempa aw, ka pawi lohna leh ka suan lohna mun ah ka atna leh, ka vawh lohna munah ka khop lam cikin thei na hi hiam? 27Ka dangka sumsinte kiangah na pia lecin, kong pai kik ciang in, ka sumte leh a mette ka ngah khawm thei ding hi. 28Tua ahih manin a khut sung panin talen khat lakhia un la, telen nga a kempa pia un. 29Bang hang hiam cihleh, a neite kipiak beh ding a, a hau dinguh hi. A neilote kiang panin, a neihsun na ngawn kilak khiatsak ding hi. 30Kimanna a neilo nasempa a pua lam khuamial sungah hawlkhia un a ci hi. Kahna leh ha gawina om ding hi. Minamte thukhenna 31Mihing Tapa in, minthanna leh a vantung mite tawh hong pai ciangin, minthanna tokhom tungah hong tu ding hi. 32A mai-ah mi nam khempeuh kikhawm sak ding a, gan cingpa in tuu leh kel a khen mah bangin, mi khempeuh tungah thu hong khen ding hi. 33Tuute ziat lamah, keelte vei lamah a koih ding hi. 34Tua ciangin a ziat lamah a omte kiangah Kumpipa in: Ka Pa kiangah hehpihna ngahte aw, lei piancil panin a kibawl kholsa Gamah hong pai un la hong luah un. 35Bang hang hiam cihleh, ka gilkial lai takin an nong vak uh a, ka dangtaak lai tak in tui nong pia uh hi. Zin

29 mi ka hih lai takin zin nong do uh hi. 36Puan ka neih loh lai takin puan nong silh sahuh a, ka cinat lai takin hong veh in, thong sungah ka om lai takin nong hawhuh hi a ci ding hi. 37Miphate in: Topa aw, na gilkial lai takin cikin hong mu in, an hong pia a, na dangtaak lai takin cikin hong mu in na dawn ding tui hong pia ka hi uh hiam? 38Zin mi na hih lai takin cikin hong mu in, hong zin do in, puan na neih loh lai takin cikin puan hong silhsak ka hi uh hiam? 39Na cinat lai leh thong sungah ahi zongin cikin hong mu in, hong pai ka hi uh hiam? ci dinguh hi. 40Kumpipa in: Ken aman takpi kong cihin, note in ka sanggamte ahi: a neu pen khat tungah na bawluh ciangin, ka tungah a bawl na hi uh hi a ci ding hi. 41Tua ciangin vei lamah a om mite kiangah: Samsiatna a thuak mite aw, dawimangpa leh a nungzuite adingin a kibawl meikuang tawntung sungah ka kiang pan in paikhia un. 42Bang hang hiam cihleh, ka gilkial lai takin hong vak loin, ka dangtaak lai takin ka dawn ding tui nong pia kei uh hi. 43Zin mi ka hih lai takin, nong zin do kei uh a, puan nei loin ka om lai takin puan nong silhsak kei uh hi. Ka nat lai tak leh thong sungah ka om lai tak in nong veh kei uh hi a ci ding hi. 44Amaute in: Topa aw, na gilkial leh na dangtaak lai takin, zin mi na hih lai tak, na nat lai tak leh thong sungah na om lai takin cikin hong mu in, hong kem hong khoi lo ka hi uh hiam? a ci ding uh hi. 45Kumpipa in: Ken aman takpi kong cihin, hih mite lakah a neu pen khat tungah na bawl lohna hangun, ka tungah zong hong bawl lo na hi uh hi a ci ding hi. 46Tua mite in a tawntung gimna thuak dingin paikhia dinguh hi. Miphate ahih leh nuntak tawntungna ngah dingin paikhia dinguh hi ci-in thu a hilh hi. 25:1 Lk. 12: 35; 11-12 Lk. 13:25; 29 Mat. 13:12; Mk. 4:25; Lk. 8:18; 30 Mat. 8:12; 22:13; Lk. 13:28; 14-30 Lk. 1:11-17; 31 Mat. 16:17; 19:2; 46 Dan. 12:2. Makaite in Jesu a sawmna Tua thute Jesu in a hilh khit ciangin, a nungzuite kiangah: 2Ni nih khit ciangin paisan pawi hong tung ding hi cih na thei uh hi. Tua lai takin Mihing Tapa in, singlamteh tungah thah dingin a kipia ding hi a ci hi. 3Tua lai takin siampi liante leh upate in, Kaiafas kici, siampi ukpa inntual ah a kikhawm uh hi. 4Jesu bangci

26

MATTIU 26 khem bawlin, i mat khit uh ciang in, bangci thahlup theih ding cih a vaihawm uh hi. 5Ahih hangin: Mihonte a gamlum ding a lauh man un, pawikham sung hih kei ni a ci uh hi. Bethani ah Jesu sathau kinilh 6Bethani khua ah, miphak Simon inn sungah Jesu a om hi. 7Tua lai takin, numei khat in a manpha mahmah paknamtui suangngo thawl khat a kiangah hong paipih in, sabuai gei-ah a tu Topa lu tungah a buak hi. 8A nungzuite in a muhuh ciangin heh uh a: Bang dingin a mawkna in zang ahi hiam? 9Tua paknamtui in, tampi in zuak in, mizawngte a kipia thei hi ci uh hi. 10Jesu in a theih ciangin: Tua numei bang hangin simmawh na hi uh hiam? 11Amah in ka tungah thupha hong bawl khin hi. Mizawngte ahih leh note tawh om khawm tawntung ding hi. Kei ka hih leh note tawh a om khawm den ding ka hi kei hi. 12Hih paknamtui ka pum tungah hong kibuakna in, ka luang kivuina dingin hong bawl khin hi. 13Ken aman takpi kong cihin, Lungdamna Thu a kihilhna mun khempeuh, hih numei nu phawkna dingin a bawlna thu a kigen ding hi a ci hi Jesu lehhek ding Judas thukimna 14Tua lai takin sawm leh nihte lak panin Judas Iskariot in siampi liante kiangah a va pai hi. 15Amaute kiangah: Note khut sungah Jesu hong pia lengh bang zah tawh hong guai ding na hi uh hiam? ci-in a dot leh, amaute in dangka peek sawmthum piak dingin a tawi khai uh hi. 16Tua pan kipan in, Judas in amaute khut sungah Jesu a piak theihna dingin thu a zong hi. Nungzuite tawh paisan pawi an nekna 17Silngo sawh loh khomun nek kipat ni-in, a nungzuite Jesu kiangah: Paisan pawi na nek theihna dingin, koi munah hong bawlsak le-ung na deih hiam? ci-in a dong uh hi. 18Jesu in: Khuapi sungah a om mipa kiangah va pai un la, Siapa in, ka hun a nai zo hi. Na innah ka nungzuite tawh Paisan pawi ka ne ding hi va ci-un a ci hi. 19A nungzuite in Jesu cih bangin pai in, Paisan pawi nekna ding a bawl khol uh hi. 20Nitak ciangin Jesu in a nungzui sawm leh nihte tawh an ne khawmin sabuai ah a tu uh hi. 21An a nek lai takun Jesu in: Ken aman takpi kong cihin, note lakah khat in nong lehheek dinguh hi a ci hi. 22A nungzuite dah mahmah uh a: Topa aw,

MATTIU 26 kei ka hi hiam? ci-in a dong ciat uh hi. 23Jesu in: An kuang ka sawk khop pihpa in hong lehheek ding hi. 24Mihing Tapa in Lai Siangtho sungah a kigelhsa bangin a pai ding hi. Ahih hangin a lehheekpa in gimna a thuak ding hi. Tuapa in a nu gil sung panin suak kei leh, ama adingin a pha zaw ding hi a ci hi. 25Jesu lehheekpa Judas in: Topa kei ka hi hiam? ci-in a dot leh Jesu in: Na cih bangin na hi hi a ci hi. Nekkhawm bawlna a pianna thu 26An a nek lai takun Jesu in khomun la in, hehpihna a phat khit ciangin khomun balnen a: La un la ne un ci-in a nungzuite a pia hi. 27Hai zong la in, hehpihna a phat khit ciangin: Na vekpi-un la un la dawn un. 28Hih in mi tampite mawhna kimaisakna dingin a kibuasa, kiciamna ka sisan a hi hi. 29Ken kong cihin, ka Pa Gam sungah note tawh a thakin ka dawn kik matengin, tu a kipanin leenggahtui ka dawn nawn kei ding hi a ci hi. 30Amaute in la a sak khit uh ciangin, Oliv Mualah a pai uh hi. Piter nial ding genkholhna 31Tua lai takin Jesu in: Tuucingpa ka satlum a, tuu honte a kikhenthang dinguh hi ci-in Lai Siangtho sungah a kigelh mah bangin, keima hangin tuzan ciangin na vekpi-un na lungkia ding uh hi. 32Ahih hangin, ka thawhkik khit ciangin, note mai-ah Galile gam ah ka pai ding hi a ci hi. 33Tua ciangin Piter in: Hih mite khempeuh in, nangma hangin a lungkiat uh hangin, ka lungkia ngei kei ding hi a ci hi. 34Jesu in: Ken aman takpi kong cihin, tuzan ak khuan ma in, thumvei nong nial ding hi a ci hi. 35Piter in: Nang tawh ka si khawm zongin, kong nial ngei kei ding hi a ci kik hi. A nungzuite khempeuh in tua bangin a ci uh hi. Gethsemani huanah thungetna 36Tua lai takin Jesu in Gethsemani huan kici mun khat a tun uh ciangin: Hua lamah pai in thu ka va ngen ding hi. Note na hih uh leh hih lai mun ah na tu un ci-in a nungzuite kiang ah a gen hi. 37Piter leh Zebide tate nih sam in, a lungkhamna leh dahna a kipan hi. 38Tua ciangin Jesu in: Si dek takin ka dah hi. Hih lai mun ah tawlkhat na ngak un ci-in thu a pia hi. 39Jesu a mai lam ah tawm khat pai in bok suk a: Pa aw, hih hai tawh a kipelh theih leh hong kipelh sak in. Ahih hangin

31 kei deihna bang hi loin, nang deihna bang hi zaw ta hen ci-in thu a ngen hi. 40A nungzuite kiangah hong pai kik leh, amaute ihmu in a om uh a muh ciangin: Note in nai khat na ngawn kei tawh ngak kham zolo ding na hi uh hiam? 41Khemna tawh na kipelh theihna dingun thungen in ngak un. Lungsim a ut hangin pumpi thazawm hi ci-in Piter kiangah a gen hi. 42Nihveina va pai kik in: Pa aw hih hai dawn loin, kei tawh a kipelh theih kei leh hong kipelh sak in. Ahih hangin, nangma deihna bang hi ta hen ci-in thu a ngen kik hi. 43Hong pai kik ciangin, a nungzuite in a mit uh tak lua ahih manin, ihmu in om a mu kik hi. 44Tua bangin amaute om sakin, khat vei va pai kikin, a masa a, a nget ngei bangin a thumveina thu a va ngen hi. 45Tua khit ciangin, a nungzuite kiangah hong pai kik a: Tu-in nuam takin ihmu un. En un! Mihing Tapa in migilote khut sung ah hong lehheek dingpa hun a tung khin hi. 46Tho un pai ni. Hong lehheek dingpa hong nai zo hi a ci hi. Lehheekna leh kimatna 47Jesu in tua bangin a gen lai takin, nungzui sawm leh nihte lak panin Judas hong pai in, siampi liante leh upate tawh a sawl mihonte tawh, namsau leh molhtum tawi in hong ton khawm uh hi. 48Jesu lehheekpa in: Ka nappa in Jesu ahi hi. Tuapa man un ci-in amaute a hilhkhol hi. 49Topa kiangah thakhat in va pai a: Topa aw, na ci dam ta hen ci-in a nam hi. 50Jesu in: Lawm aw, bawl dingin na hong paina bangin bawl in a cih ciangin amaute hong pai in, Jesu a mat khit uh ciangin a kai uh hi. 51Tua lai takin, a tonpihte khat in, a namsau dok in, siampi lianpa nasemte khat a sat leh a bil a sat khia hi. 52Jesu in: Namsau a paai ah siat kik in. Namsau tawite namsau tawh a si ding uh hi. 53Tu na ngawn in ka pa kiangah ngen lengh, vantungmi kuan sawm leh kuannih sangin a tam zaw ka kiangah hong sawl dingin um lo na hi hiam? 54Tua bang ahih leh: Hih bangin a piang ding hi ci-in Lai Siangtho thu in bangci tun theih ding hiam? a ci hi. 55Tua ciangin Jesu in: Note in galgu mat bangin hong man dingin, namsau leh molhtumte tawh hong pai na hi uh hiam? Nisim in biakinnpi sungah thu ka hilh lai takin nong man kei uh hi. 56Hih thute khempeuh in, Pasian kam-sangte genkholh ahi Lai Siangtho sungah a kigelh bangin a tunna ding

31 ahi hi ci-in mihonte kiangah a gen hi. Tua ciang in a nungzuite khempeuh in Jesu a taisan uh hi. Upate mai-ah Jesu 57Jesu a mante in upate leh laitheite kihopna siam ukpa Kaiafas innah a paipuh uh hi. 58Piter in siampi ukpa inntual dongin gamla sim kihal in Jesu zui a, hih thu a tawp dong a theihna dingin, inntual ah lutin, palikte tawh a tu khawm hi. 59Siampi liante leh upate in Jesu a thahna dingin zuauthu teci a zonguh hi. 60Zuauthu tecipang mite tampi hong pai uh hangin, a mawhna a mu zo kei uh hi. 61A nu nung pen in zuauthu a gen teci ding in mi nih hong tung uh a: Hihpa in: Biakinnpi ka susia ding a, ni thum sungin ka lamkik zo ding hi a ci hi ci-in teci hong panguh hi. 62Siampi ukpa dingin: Kam khat beek dawng kik lo ding na hi hiam? Hih mite in na langkhat ah teci bangci pan uh hiam? ci-in a gen leh, Jesu pau loin a om hi. 63Siampi ukpa in: Nang! Pasian Tapa Khris na hi hiam? Kote tungah nong genna dingin, a nungta Pasian min tawh thu kong pia hi a ci hi. 64Jesu in: Na gen bangin ka hi hi. Tua bek hi loin, ken kong cihin, tunung ciangin Mihing Tapa in vangliatna ziat lam ah tu in, meii tungah hong kum suk na mu dinguh hi a ci hi. 65Tua ciangin siampi ukpa in a puan balkeek a: Hihpa in Pasian tungah a pau khial khin hi. 66A dang bang teci deih lai i hi hiam? a ci hi. Amaute in: Hih mi in si dingin a kilawm hi a ci uh hi. 67Tua ciangin, amaute in Jesu maitang cilphih in, khuttum tawh a tum uh hi. Kim khatin a khutuh tawh a beenguh hi. 68Tua ciangin: Khris aw, kuan hong beeng ahi hiam? kamsangte bangin hong gen in a ci uh hi. Piter nialna 69Inntual ah Piter a tut lai takin, numei khat a kiang ah hong pai a: Nangmah in, Galile mi Jesu tawh na kipawl hi a ci hi. 70Piter in: Na cih mipa ka thei ngei kei hi ci-in, mi khempeuh mai-ah a nial hi. 71Tua khit ciangin Piter in innliim ah a paikhiat ciangin, numei dang khat in mu a, tua mun ah a om mite kiang ah: Hihpa zong Nazareth khuami Jesu tawh kipawl hi a ci hi. 72Piter in: Tuapa ka thei kei hi ci-in kiciamna tawh a nial hi. 73Tua khit a sawt loin, midangte Piter kiang ah hong pai uh a: Hua mite lakah khat na hi takpi hi. Na pau panin a kithei hia ci uh hi. 74Piter in: Tua pa ka thei kei hi ci-in hamsiatna tawh a kiciam

MATTIU 27 phet in, ak a khuang hi. 75Tua ciang in Piter in: An khuan ma in, thumvei nong nial ding hi ci-in Jesu thugen a phawk ciangin, paikhia in a pua ah, nakpi takin a kap hi. 26:2 Pai. 12:1-27; 7 Lk. 7:37-38; 11 Thkna. 15:11; 23 La. 41:9; 28 Pai. 24:8; Jer. 31:31-34; 31 Zek. 13:7; 32 Mat. 28:16; 55 Lk. 19:47; 21:37; 61 Joh. 2:19; 64 Dan. 7:13; 65-66 Siam. 24:16. Pilat mai-ah Jesu A zingsang ciangin, siampi liante leh upate khempeuh in Jesu thah dingin a vaihawm uh hi. 2Khau tawh a hen khit uh ciangin Pilat mangpa kiangah a paipih uh hi. Judas sihna 3Tua lai takin a lehheekpa Judas in, Jesu si ding in a thukhenna uh a theih ciangin kisikkik a, siampite leh upate kiang ah dangka sawmthum a pia kik hi. 4Tua ciangin: Ka khial hi. Mawh neilo sisan kong pia kha khin hi a ci hi. Amaute in: Kote in kong kikuppih theih dinguh om ahi hiam? Hih thu in nangma thu hi ta hen a ci uh hi. 5Judas in biakinnpi sungah dangka paai a, a paikhiat khit ciangin a gui-awk hi, 6Siampite in dangka la uh a: Sisan man sumpi koihna ah koih dingin a kilawm kei hi a ci uh hi. 7A vaihawm khit uh ciangin, mite kivuina ding in, beel sekpa lei tang khawk khat a lei uh hi. 8Tua mun in tu dongin: Sisan leitang kici hi. 9Pasian in kamsangpa Jeremiah tungah: Israel mite a man a tansa mipa man dingin dangka sawmthum a la uh hi. 10Ka kiang ah Pasian in hong gen mah bangin, beel sekpa leitang khat khat lei uh hi a cihna thu a tangtung hi. Pilat mangpa thudotna 11Jesu in Pilat mangpa mai-ah a din ciangin mangpa in: Nang mah in, Judah Kumpipa na hi hiam? ci-in a dot leh Jesu in: Na cih bang in ka hi hi a ci hi. 12Siampi liante leh upate a mawhsak uh ciang in, Jesu in kam khat beek a dawng kei hi. 13Tua lai tak in Pilat in: Na langkhat ah hih zahta teci a pangte thu za lo na hi hiam? ci-in a dong hi. 14Jesu in, kam khat beek dawng kiklo a hih man in, kumpipa in lamdang a sa hi. Sihna ding thukhenna 15Pawikham ciangin, mangpa in mipite deihna bangin, thong sungah a kikhum mi khat khat theihna thu a nei hi. 16Tua lai takin Barnabas kici

27

MATTIU 27 mithatpa thong sungah kikhum in a om hi. 17Pilat in mihonte kiangah: Note in Barnaba khah lengh ut zaw maw, ahih kei leh Khris a kici Jesu? ci-in mihonte a dong hi. 18Bang hang hiam cihleh, amaute in Jesu a hazat manun a piak lamuh a thei hi. 19Thukhenna tokhom tungah a tut lai takin, a zi in, a kiangah mi khat sawl a: Tua mipha tungah bang mah na bawl kei in. Bang hang hiam cihleh, tu ni-in, ka mangsungah tuapa hangin gimna nakpi-in ka thuak hi ci-in kam a vaikhak hi. 20Barnaba suahtakna dingin ngen uh a, Jesu a siatsakna ding un, siampi liante leh upate in mihonte a hansuah uh hi. 21Tua ciangin mangpa in: Tua mi nihte lak ah kua khah lengh na deih zaw uh hiam? ci-in a dot kik ciangin: Barnaba khah in a ci uh hi. 22Pilat in: Tua ahih leh, Khris kici Jesu bang cih ding ka hi hiam? ciin a dot ciangin, mihonte in: Tuapa singlamteh tungah that in ci-in a kiko uh hi. 23Pilat in: Amah in mawhna bang ta khial ahi hiam? ci-in a dot ciang in, amaute in: Singlamteh tung ah sihna thuak ta hen ci-in mi khempeuh nakpi takin a kiko uh hi. 24Pilat in kham zolo ahih man in, mipi galumna a khang semsemna amuh ciang in, tui la-in, mihonte mai-ah a khut sil a: Hih mipha pa sisan in ka tungah hong tung kei ta hen a ci hi. 25Tua ciang in mihonte khempeuh in: A sisan in kote tung leh ka suan ka khatte tung ah om tawntung ta hen a ci uh h. 26Pilat in amaute tung ah Barabas khah a Jesu ahih leh a sat khit ciang in, singlamteh tung ah that ding in a pia hi. Galkapte zahkona 27Tua ciangin Pilat galkapte in mangpipa inntual ah Jesu paipih uh a, galkap khempeuh a kikhawm sak uh hi. 28Tua ciang in Jesu puan suahkhia in puan san khat a silh sak khit uh ciangin 29liing tawh a kigan lukhu khu sak in, pumpeeng khat a tak lamah a tawi sak khituh ciangin a maiah a khukdin uh hi. 30Tua ciangin: Judah kumpipa aw, na ci damta hen ci-in zahko in, cil a phih uh a, pumpeeng la in a lutang a satuh hi. 31Tua bang in a khel bawl khituh ciangin, a puansan suahkhia kik in, a puan mah silhsak kik khituh ciangin, singlamteh tungah thah dingin a paipaih uh hi.

32 Singlamteh tungah kilhna 32A paikhiat lai takun Simon a kici, Sairin mi khat mu uh a, zawhthawh bawl in Jesu singlamteh pua ding in, a zui sak uh hi. 33Tua ciangin: Lutang guh cihna ahi Golgotha kici mun a tung uh hi. 34Zatui kha tawh a kihel leenggahtui a piak uh ciangin, a ciap leh kha ahih manin a dawn nuam kei hi. 35Jesu singlamteh tungah a khai khit uh ciangin, lai aisan in a puante a hawm uh hi. 36Tua ciangin tu kawm in, Jesu cin a kipan uh hi. 37A lutung ah mi khempeuh sim theih ding mawhsakna lai suang uh a, tu lai in: HIHPA IN JUDAHTE KUMPIPA JESU HI ci-in a gelh uh hi. 38Tua mun ah Topa leh misuam nihte tawh, khat a veilam leh khat a ziat lam ah, singlamteh tung ah a khai khawm uh hi. 39Lampi ah a pai mite in: Biakinnpi susia in, ni thum sungin a lamkik zo dingpa aw, na pumpi kigum in. 40Pasian Tapa na hih takpi leh, singlamteh tung panin hong kumsuk in ci-in a lu uh peisan in, a zahko uh hi. 41Tua mah bangin siampi liante leh laitheite in zong: Hihpa in mi dangte a gup theih hangin, ama pumpi a kigum zo kei hi. 42Israel Kumpipa ahih takpi leh, tu mahmah in, singlamteh tung panin hong kumsuk hen. Hong kumsuk leh, ka um ding uh hi. 43Suan leh muan in Pasian a neih takpi leh, Pasian in amah a it takpi leh, tu mahmah in hong gum ta hen. Bang hang hiam cihleh, amah in: Pasian Tapa ka hi hi a ci hi ci-in a zahko uh hi. 44Tua mah bangin singlamteh tung ah Jesu gei-ah a kikhai khawm misuamte in zong a zahko uh hi. Jesu sihna 45Sun lai tak, nai sawm leh nai nih hun pan kipan in, nai thum dongin leitung khempeuh khua a mial hi. 46Nai thum lai takin Jesu in: Eloi! Eloi! Lama sabakthani ci-in nakpi takin a kiko hi. A khiatna in: Ka Pasian! Ka Pasian aw! bang hangin, kei hong taisan na hi hiam? a cihna ahi hi. 47Tua mun ah a ding mi kim khat in a zak uh ciangin: Elijah a sam hi ci uh hi. 48Amaute in thakhat in tai in, tuihupna la in, tuithuk sungah a diah khit uh ciangin, pumpeeng dawnah suangin Jesu tawp dingin a pia uh hi. 49Mi dangte in: Khuangai dih ni. Elijah in amah gum dingin hong pai leh pai loh en dih ni ci uh hi. 50Jesu in nakpi in a kiko kik khit ciang in a si hi.

33 51Tua lai takin, Pasian biakinnpi dalna puan, a tung lam pan in, a nuai lam dong in phelnih a kisuah hi. Ziin lingin, suangpite zong a kitam uh hi. 52Hante kihong in, a sisa mi siangthote luang tampi hong thokik uh hi. 53A thawhkik khituh ciang, han sung panin paikhia uh a, khua siangtho ah lut in, mi tampi mai-ah a kilang uh hi. 54Jesu a cing galkap mangpa a kipan amah tawh a om khawmte in, ziin ling a muh uh ciangin, lau mahmah uh a: Hihpa in Pasian Tapa ahi takpi hi ci uh hi. 55Galile gamah, Jesu a vak lai in, a nungzui numei tampite in zong a gal panin a gal et uh hi. 56Tua numeite lakah Magdala khua mi Mari leh Jakob leh Josef nu ahi Mari leh Zebedi tate tanute zong a omuh hi. Jesu kivuina 57Nitak ciangin, Arimathai khua mi, Jesu thu a zui ahi Josef kici sum haupa khat, Pilat kiangah va pai in Jesu luang a ngen hi. 58Pilat in: A luang pia un a ci hi. 59Josef in Jesu luang la in, a siangtho saihadial puan tawh a tun hi. 60Tua khit ciangin, suang a kikhuak ahi, ama han sungah sial a, han kongvang suangpeek lian khat tawh a khak khit ciangin a ciah hi. 61Magdala khua mi Mari leh a dang Mari-te in hang kongkhakah tu-in a om uh hi. Han cingte 62Kigin ni khit, a zingsang ciangin siampi liante leh Farisaite in, Pilat mangpa kiangah hong kikhawmuh hi. 63Mangpa kiangah: Topa aw, tua mi khempa in: Ni thum khit ciangin ka thokik ding hi a cih thu ka phawkuh hi. 64Tua ahih manin, a nungzuite in zan in pai sim in, a luang a guk khiat khituh ciangin: Sihna panin a thokik zo hi ci-in mite kiangah gen le uh, khialhna masa sangin a nunung a lian zaw kan ding hi, ci-in ngaihsutna thu om ahih manin, ni thum sung khempeuh han a kicin theihna dingin thu hong pia in a ci uh hi. 65Pilat in: Note in tua bang a cing ding mi na nei uh hi. Pai un la, na hih zawhzah un na cingsak un a ci hi. 66Tuate in a cing dingte tawh pai uh a, han khakna suang a ciamteh khituh ciangin, a cingte koih in, han bit takin a bawluh hi. 27:3-8 Sawl. 1:1-19; 9-10 Zek. 11:12-13; 24 Thkna. 21:6-9; 35 La. 22:18; 39 La. 22:7; 109:25; 40 Mat. 26:61; Joh. 2:19; 43 La. 22:8; 46 La. 22:1; 48 La. 69:21; 51 Pai. 26:31; 3:33; 55-56 Lk.

MATTIU 28 8:2-3; 63 Mat. 16:21; 17:23; 20:19; Mk. 8:31; 9:13; 10:33-34; Lk. 9:22; 18:31-33. Thawhkikna Nipi ni khit ciangin, nisagih lakah ni kipat ni, khuavak tungin, Magdala khua mi Mari leh adang Mari-te dai hawh dingin a pai uh hi. 2Tua lai takin lei nakpi-in a kiling hi. Pasian vantung mikhatin, van panin hong kumsuk a, han kongkhak suangpi a likhiat khit ciangin a tungah a tu hi. 3A mel in, khuaphialep bangin, a puan zong vuk bangin a pak hi. 4Han cingte in, vantung mi kihta in lingin, misi bangin, a sibup uh hi. 5Vantung mi in: Lau kei un. Singlamteh tungah a kithat, Jesu na zon uh ken ka ka thei hi. 6Hih mun ah om nawn lo hi. Hong genkholh bangin a thokik zo hi. Hong pai un la, Topa lupna hong en un. 7Nawh pai un. Thokik khin hi. Na mai-uah Galile gamah a pai ding hi. Tua munah Topa na mu dinguh hi, ci-in a nungzuite va hilh un. Kong gen khin hi ci-in tua numeite a sawl hi. 8Tua numeite in launa leh nuamna tawh han panin a nungzuite ko dingin a tai pah uh hi. 9Tua lai takin Jesu in lampi ah na dawntuah a: Note cidam ta un a cih ciangin, numeite in va nai in a bia uh hi. 10Jesu in: Lau kei un. Pai un la, ka sanggamte kiangah: Galile gamah na pai un. Tua mun ah nong mu ding uh hi a ci hi, ci-in va hilh un a ci hi. Hang cingte thuzaksakna 11Numeite a pai lai takun, han cingte kimkhat khua sung ah va lut uh a, thupiang khempeuh siampi liante a zasak uh hi. 12Siampi liante leh upate kikaikhawm uh a, a vaihawm khit uh ciang in, galkapte dangka tampi a pia uh hi. 13Tua ciang in: Zan ka ihmut kal un, a nungzuite hong pai in, a luang a gu uh hi, ci-in mite kiangah va gen un. 14Hih thu pen mangpa in a theih leh, note hong mawhsak lohna dingin, mangpipa ka na neem ding uh hi ci uh hi. 15Galkapte in dangka sang khin uh ahih man un, a kihilh bangin a genuh hi. Tua thu in Judahte lakah kizeel in, tu dongin a um uh hi. Sawm leh nihte sawlna 16A nungzui sawm leh khatte in, Jesu vaikhakna mualah a pai uh hi. 17Topa tawh a kimuh uh ciangin bia uh a, kimkhatin a um khial lai uh hi. 18Tua ciangin, Jesu in amaute va nai a: Van

28

MARKA 1 leh lei vangliatnate khempeuh hong kipia khin hi. 19Tua ahih ciangin, note vak kawikawi un la, mi khempeuh nungzui na suaksak khit uh ciangin, Pa min tawh, Tapa min tawh, Kha Siangtho min tawh na baptaiz un. 20Note kong thukham piak

34 khempeuh a tanna ding un na hilh ta un. Leitung a bei dongin note tawh ka om khawm tawntung ding hi ci-in a vaikhak hi. 28:16 Mat. 26:32; Mk. 14:2; 19 Sawl. 1:8.

LUNGDAMNA THU MARKA GELH

Baptaizpa Johan thuhilhna Pasian Tapa, Jesu Khris Lungdamna Thu a kipatna in hi bang ahi hi. 2Kamsangpa Isaiah Lai Siangtho sung ah: En in! na paina ding lam sial ding in, na maiah ka sawltakpa ka paisak hi. 3Gampa lakah kikopa aw in: Topa paina ding lam na sial un la, a lampite na tang sak un ci-in a kigelh hi. 4Johan hong kilang in, gampa lakah mawhna kimaisakna dingin, mawhna kisikkikna thu leh baptaizna thu a hilh hi. 5Jerusalem khuapi a kipan, Judah gam sung ah a om mi khempeuhte a kiangah va pai uh a, a mawhnate uh pulak in, a khut tung ah Jordan gun sung ah a kibaptaiz uh hi. 6Johan in kalaoh mul a kigan puan silh in, savun kawnggak tawh a kawng a gak hi. Kauphe leh gampa lak khuaizu tawh a kivak hi. 7A thuhilhna in: Kei sangin a lian zaw khat ka nungah hong pai ding hi. A khedap khau sut ding na ngawnin ka kilawm kei hi. 8Keimah in tuisungah note kong baptaiz a, a mah in Kha Siangtho sungah hong baptaiz ding hi ci-in a gen hi. Jesu kibaptaizna 9Tua lai takin Jesu in Galile gam Nazareth khua panin va pai a, Johan in Jordan gun sung ah a baptaiz hi. 10Tui sung pan in thakhat in a thawh toh lai tak in, van kihong a, Kha Siangtho in vakhu bang in a tung ah hong kumsuk ka mu hi. 11Tua ciang in: Nang in ka lung hong damsak ka it ka Tapa na hi hi ci-in van pan in aw khat a ging hi. Jesu a kikhemna 12Tua ciangin, Kha Siangtho in gam lak ah Jesu a sawl pah hi. 13Gampa lak ah ni sawmli leh zan sawmli om in, Satan khemna thuak a,

gampa lak ganhingte tawh om khawm in, vantung mite in a vak uh hi. Nasep kipatna 14Johan a kimat khit ciangin, Galile gam ah Jesu pai a, Pasian Lungdamna Thu a hilh hi. 15A thuhilhna in: A hun kicing khin hi. Pasian Gam hong nai zo hi. Na mawhnate uh kisikkik un la, Lungdamna Thu na um ta un a ci hi. Ngasa beng lite sapna 16Galile tuilii gei-ah a pai lai takin, Simon leh Andru-te unau nga beng mi ahih man un, tui sung ah ngen pai in a om, a mu hi. 17Jesu in: Ka nung hong zui un, mi a mante kong suak sak ding hi a ci hi. 18Amaute in thakhatin a ngen uh nusia in Jesu nung a zui uh hi. 19Tom kha a pai kik khit ciang in Zebedi tapate Jakob leh anau Johan-te in, ngunkuang sung ah ngen khui in a om uh a muh phet in a sam pah hi. 20Amaute in a gunkuang sung ah a thacialte uh leh a pa Zebedi nusia in Jesu nung a zui uh hi. Dawinin vei khat damsakna 21Kapernaum khua ah a lut uh ciang in, Nipi ni-in kikhopna inn sung ah thakhat in lut in thu a hilh hi. 22Amah in laitheite bang in thuhilh loin, ukpa bang in thuhilh ahih manin mite in a thuhilhna lamdang a sa uh hi. 23A kikhopna inn sungah thakhat in dawi lut mi khat a om hi. 24Tua dawi in: Nazareth mi Jesu aw, kongte nang tawh bang kikum i hi hiam? Kote susia dingin hong pai na hi hiam? Nang kua mi na hi cih kong thei hi. Pasian mi siangtho na hi hi ci-in a kiko hi. 25Jesu in: Pau kei in la, a sung pan in paikhia in ci-in a taai hi. 26Kihhuai dawi in nakpi tak in a kiko khit ciangin, a sung panin a paikhia hi. 27Mi khempeuh in lamdang sa uh a: Hih in bang thuhilhna thak ahi hiam? Ukna thu tawh kihhuai

35 dawite thu a piak ciangin, a thu a mang uh hi ciin khat leh khat a kikum uh hi. 28Thakhat in a thu in Galile gam sung khempeuh a kizeel pah hi. Piter sungnu damsakna 29Kikhopna inn sung panin a paikhiat khit uh ciang in Simon leh Andru-te inn sungah, Jokob leh Johan tawh a lut pah uh hi. 30Simon sungnu in nattun in lum in om a, amaute in Jesu a ko pah uh hi. 31Jesu in va nai in, tua numei a khut lenin a phottoh leh dam pah in, zinte an a vak hi Thuhilh dingin zinkhia 35Zingsang khuavak ma-in, Jesu tho a, gampa lakah paikhia in thu a ngen hi. 36Simon leh amah tawh a om khawm mite in a nung a zui uh hi. 37Jesu a muh uh ciangin: Mi khempeuh in nang hong zong uh hi a ci uh hi. 38Amah in: Thuhilh dingin, khua kim naite ah pai ni. Bang hang hiam cihleh, tua bang a sep ding deihna tawh hong pai ka hi hi ci-in a gen hi. 39Amah in Galile gam sung kikhopna inn khempeuh ah thuhilh in dawite a hawlkhia hi. A phak khat damsakna 40Tua lai takin mi phak khat Jesu kiang ah hong pai in, a mai ah a khuk din a: Topa aw, nong hih nop leh nong damsak zo ding hi ci-in a thum hi. 41Jesu in hehpihhuai sa ahih manin, a khut zan in lawng a: Ka hih nuam hi, na dam ta in a ci hi. 42Tua ciangin tua phak natna in a tung panin thakhatin paikhia in, a dam pah hi. 43Jesu in tuapa a paikhia sak pah hi. 44A kiangah: Hih thu kua ma kiangah gen kei in. Ahi zongin siampite kiangah pai in la va kilak in. Amaute in a theihna dingun Moses Thukham bangin biakna na pia in ci-in a sawl hi. 45Ahih hangin, tupa a paikhiat ciangin a thute gen in a kizel sak hi. Tua thu hangin Jesu in a kilangin khua sungah lut thei nawn lo a, khuanawl gampa lak a om hi. Mun khempeuh pan in a kiangah mite hong pai uh hi. 1:2 Mat. 3:1; 3 Isa. 40:3; 6 2Kum. 1:8; 11 Pian. 22:2; La. 2:7; Isa. 42:1; Mat. 3:17; 12:18; Mk. 9:7; Lk. 3:22; 15 Mat. 7:28-29; 39 Mat. 4:23; 9:35; 44 Siam. 14:132. Khut leh khe si damsakna Ni tawmno khit ciangin, Jesu in Kapernaum khua ah lut kik in, inn sungah a om mite in a thu a za uh hi. 2Kongvang na ngawnah lut theih

MARKA 2 loh zah dongin mi tampi hong kikhawm uh a, Jesu in amaute thu a hilh hi. 3Tua lai takin khut leh khe a si khat mili in hong pua uh a, a kiangah a paipih uh hi. 4Mi tam lua ahih manin, Jesu kiang nai thei lo uh a, a omna tung lian, innkhum a vutlet khit uh ciang in, lupna tawh cinapa Jesu mai-ah a khia suk uh hi. 5Jesu in amaute upna a theih ciangin khut leh khe sipa kiangah: Ka ta aw, na mawhnate kimaisak khin hi a ci hi. 6Tua mun ah a tu laithei kimkhat in: Hihpa in bang hangin tua bangin gen ahi hiam? Pasian tungah a pau khial hi. 7Pasian longal kua in mawhna a maisak thei hiam? ci-in, a ngaihsun uh hi. 8Jesu in a lungsim uh a theih ciangin: Note in bang hang in, na lungsimuh tawh tua bangin ngaihsun na hi uh hiam? 9Khut leh khe sipa kiangah bangci lengh a baih zaw ding hiam? Na mawhnate hong kimaisak khin hi ci lengh a baih zaw hiam: ahih kei leh: Tho in la pai in ci leng baih zaw ding hiam? 10Ahih hangin Mihing Tapa in leitungah mawhna a maisak theihna thu a neih lam na theihna ding un, 11Tho in la, na lupna pua in, na innah ciah in kong ci hi ci-in khut leh khe sipa kiangah a gen hi. 12Amah tho a, thakhat in a lupna pua in, mi khempeuh mai-ah a paikhia hi. Tua mite khempeuh in lamdang sa uh a: Hih bang thu khatvei beek ka mu ngei kei uh hi ci-in Pasian a phat uh hi. Levi sapna 13Tua khit ciangin tuilii gei-ah Jesu a pai kik leh, mihonte a kiangah hong pai uh a, thu a hilh hi. 14Lam a pai lai takin Alefas tapa Levi in siahdonna buk sungah tu in a om mu a: Ka nung hong zui in a cih leh dingin a zui pah hi. 15Jesu in Levi inn sungah an ne in a om lai takin, mi tampi in a nungzui a hih manun, Jesu in a nungzuite, siahdongte leh mawhnei tampite tawh a tu khawm uh hi. 16Jesu in siahdongte leh mawhneite tawh an a nek khopuh Farisaite leh laitheite in a muh uh ciangin a nungzuite kiangah: Bang hangin amah in siahdongte leh mawhneite tawh ne in dawn khawm ahi hiam? ci uh hi. 17Jesu in a zak ciangin: Cidamte in zato a kisam kei uh hi. Cinate bek in a kisam uh hi. Miphate sam dingin hong pai ka hi kei hi. Mawhneite sam dingin hong pai ka hi hi a ci hi.

MARKA 3 An tanna thu dotna 18Khavei Johan nungzuite leh Farisaite in an nek a tan lai tak un Jesu kiangah va pai uh a: Johan nungzuite leh Farisaite in an nek a tang den uh hi. Bang hangin na nungzuite in tang lo uh ahi hiam? a ci uh hi. 19Jesu in: Zipipa in a lawmte tawh a om khop sung tengin, an a tang ngei kei uh hi. 20Ahih hangin zipipa in a lawmte tawh a kikhen hun hong tung ding hi. Tua ni ciangin a tang dinguh hi. 21Kuamah in puanlui puanthak tawh a thuap ngei kei hi. A thuap uh leh a thuapna puan thak in puanlui keeksak in, a vang a golsak ding hi. 22Kuamah in savun um lui sungah, leengahtui thak a thun ngei kei uh hi. A thunuh leh leenggahtui in savun puakkham sak ding a, leenggahtui leh savun kisia ding hi. Savun thak sungah leenggahtui thak a thun uh hi a ci hi. Sabath thu dotna 23Nipi ni khat buh lei-ah vakin lam a pai lai takun, a nungzuite in buhvui a zut uh hi. 24Farisaite in Topa kiangah: En in! Nipi ni-in, hih ding in a kilawm lo bang hangin na nungzuite in hih uh ahi hiam? a ci uh hi. 25Jesu in: Siampipa Abithar a khan lai takin, David leh a lawmte tawh a gilkial uh hi. 26Tua lai takin Pasian biakinnpi sung ah lut uh a, siampite bek in a nek theih khomun siangtho ne in, a lawmte zong a piak thu sim ngeilo na hi uh hiam? 27Nipi ni in mite ading in piang hi a, mite in Nipi ni adingin piang ahi kei hi. 28Tua ahih man in Mihing Tapa in Nipi na ngawn a ukpa ahi hi ci hi. 2:23 Thkna. 23:25; 26 Siam. 24:9; 25-26 1Sam. 21:1-6. Khut langkhat si damsakna Kikhopna inn sungah Jesu a lut kik leh, khut langkhat si mi khat na om hi. 2Nipi ni-in natna damsak ding hiam? damsak lo ding hiam? ci-in mawhsak nopna tawh a en uh hi. 3Jesu in cinapa kiangah: A laizangah dingin a ci hi. 4Tua ciang in Jesu in: Nipi ni-in phatna bawl tuak maw? bawl tuak lo? ci-in mihonte a dot ciangin, pau loin a om uh hi. 5Jesu in hehna tawh a kim leh pam en in, a lungkhauhna hangun dah a, tuapa kiangah: Na khut zan in a cih ciangin, a khut a zan leh a dam pah hi. 6Tua ciangin Farisaite paikhia uh a: Jesu bangci lehang susia thei ding

36 i hi hiam? ci-in, thakhat in Herod nungzuite tawh a vaihawm uh hi. Tuipi gei-ah mihonpite 7A nungzuite tawh tuili gei-ah Jesu pai in, Galile gam pan in mi tampi in a nung a zui uh hi. 8Judah gam, Jerusalem khuapi pan, Idumia gam pan, Jordan gun gal pan, Taiar leh Sidon khua kim a kipan mi tampite in Jesu bawlna thu khempeuh a zak uh ciangin, a kiangah hong pai uh hi. 9Mihonte Jesu a suk khat lohna ding un, gunkuang khat koih khol dingin, a nungzuite thu a pia hi. 10Jesu in cina tampi a damsakna hang in, cina, luna, bawlsiatna a thuak khempeuhte in a lawn theihna dingun a neh nuam uh hi. 11Kihhuai dawite in Topa a muh uh ciangin a mai-ah bok uh a: Nangmah in Pasian Tapa na hi hi ci-in a kiko uh hi. 12Amah in bangci mi hiam cih genlo dingin a lim kham mahmah hi. Sawm leh nihte teelna 13Mual tungah Jesu kahto in, a deih mite a sap ciangin, a kiangah hong pai uh hi. 14Amah tawh om khawm ding leh thuhilh in a paisak ding ahi zongin, 15dawite hawlkhiat theihna thuneihna a neihna ding un mi sawm leh nihte a koih hi. 16Tuate in: Simon a min thak Piter, 17Zebedi tapa Jakob leh Johan (vangging tate cih nopna a phuah: Boaner-ges), 18Andru, Filip, Bartholo-mai, Mattiu, Thomas, Alefas tapa Jakob, Thad-deas, 19Kanan mi Simon leh Topa lehheekpa Judas Iskariot-te ahi uh hi. Jesu leh Beelzebul 20Jesu inn sungah a lut leh an kine thei lo zawzen in, mihonte hong kaikhawm uh hi. 21A lawmte in a zak uh ciangin: Amah a hai hi ci-in, a man dingin hong pai uh hi. 22Jerusalem panin hong paisuk laitheite in: Hihpa in Beelzebul a vei hi. Dawimangpa suangin dawite a hawlkhia hi a ci uh hi. 23Jesu in amaute sam a, gentehna tawh thu a hilhna in: Satan in Satan bangci bang in hawlkhia thei ding ahi hiam? 24Gam khat sung ah mite kilem loin, a kikhen leh, tua gamin a kip ngei kei ding hi. 25A kilem lo, a kikhen innkuan zong a kip ngei kei ding hi. 26Satan in amah leh amah kido in kikhen leh, kip loin a beimang ding hi. 27Mi thahatpa a kihen masak kei leh, kua mah in mi thahatpa inn sungah lut in, a neihsate a sut zo ngei kei ding hi. Mi thahatpa a kihen khit

37 ciangin, a inn sungah a om sumte a sut thei pan dinguh hi. 28Ken aman takpi kong cihin, mawhna leh Pasian gensiatna khempeuhte in, maisakna ding thu mite in a ngah ding uh hi. 29Ahih hangin Kha Siangtho a gensiate ahih leh mawhna maisakna ding thu a ngah ngei kei dinguh hi. Tuapa in tawntung khialhna thuak dingpa ahi hi a ci hi. 30Hih thu a genna hangin: Amah in kihuai dawivei ahi hi a ci uh hi. Jesu nu leh a sanggamte 31Tua lai takin, a nu leh a sanggamte va pai uh a, innpua lamah dingin Jesu sam dingin mi khat a sawl uh hi. 32A kimah a tu mihonte in: Na nu leh na sanggamte in hong zongin, innpua ah a om uh hi ci-in a hilhuh hi. 33Jesu in: Ka nu leh ka sanggamte in kuate ahi uh hiam? a ci hi. 34A kim leh pam en kawikawi in: En un! Hih mite in ka nute, ka sanggamte ahi uh hi. 35Bang hang hiam cihleh, Van ah a om Ka Pa deihna bangin a gamtate mi in, ka sanggamnu, ka sanggamte leh ka nute ahi uh hi a ci hi. 3:9-10 Mk. 4:1; Lk. 5:1-3; 22 Mat. 9:34; 10:23; 29 Lk. 12:10. Khaici vawhpa thugentehna Khatvei Jesu in tuilii gei-ah thu a hilh lai takin, a kiangah mihonte hong kikaikhawm uh a, tuilii gei ah a om gunkuang sungah a tu hi. 2Mihonte in tuilii gei leitang tungah a om uh hi. Jesu in thugentehna tawh thu a hilh hi. 3A thuhilhna in: Ngai un! Khaici vawhpa in, khaici vawh dingin a kuan khia hi. 4Khaici a vawh lai takin, kimkhat in lampi gei-ah kia in, vasate in tawm in a ne uh hi. 5Kimkhat in suanghum lakah kia a, a po pah hi. 6A po pah hangin, a lei dai ahih manin, ni hong sat ciangin zung kha zo loin, a vul pah hi. 7Kimkhat in ling lakah kia in, lingkungte hong khang in, a deep gawp ciangin a gah thei kei uh hi. 8Kimkhat in lei hoihna ah kia in, po in hong khan ciangin, a zah sawm thum, a zah sawm guk leh a zah zakhat gah hi. 9Zakna ding bil nei khempeuh za ta hen a ci hi. Thugentehna a deihna 10Gamdaihna mun ah Jesu a om lai takin, a kim ah a om a nungzui sawm leh nihte in gentehna thu a dong uh hi. 11Jesu in: Pasian Gam thuthukte na theihna ding un, thu hong kipia hi. A pua lam ah a om mite in ahih leh kikheel in, a

MARKA 4 mawhna uh a kimaisak lohna dingun, 12en na pi in, a mu kei dinguh a, ngai in, za na pi-in a khiatna thei tuan lo ding ahih manun, thugentehna tawh thu ka hilh hi. 13Note in thugentehna thu theilo na hi uh hiam? Na theih kei uh leh, thugentehna khempeuh bangci theihtheih ding na hi uh hiam? 14Khaici vawhpa in thu a vawh hi. 15Lampi gei ah a kiate in, thu a zak uh ciangin, thakhat in Satan hong pai in, a lungtang sungah a om thu a kivawhte a lakkhiat sak hi. 16Suang lakah a kiate in thu a zak uh ciangin, lungdam in sang pah uh hi. 17Ahih hangin a lungtang tungah zungkha lo ahih manin, tawl khat bek kipin, thu hangin gimna leh bawlsiatnate a thuak uh ciangin thakhat in a puk uh hi. 18Ling lakah kiate ahih leh, thu a zak uh ciang in, leitung lunghihmawhna, 19sum leh paai tawh khemna leh deihgawh luatnate in deep gawp in, gah a gah zo kei uh hi. 20Lei hoih ah a kiate ahih leh, thu a zakuh ciang in mang uh a, a zah sawmthum, a zah sawmguk leh a zah zakhat a gah thei uh hi a ci hi. Seeng nuai ah meivak 21Jesu in: Meivak kho sang ah vak loin. Seeng khuh ding leh lupna nuai ah vak dingin hong kitawi ahi hiam? 22A kilang ding longal a kisel cip bangmah a om kei hi. A kipholak ding longal a ki-im bang mah om lo hi. 23Zakna ding bil nei khempeuh in za ta hen a ci hi. 24Jesu in: Note in na bangci zakuh hiam? na kikem un. Mi dangte na piakna uh seeng mah tawh note hong kipia kik ding a, a tam zaw in hong pia ding hi. 25Bang hang hiam cihleh, a neite kipiak beh in, a neilote kiang panin, a neihsa na ngawn kilakkhiat sak ding hi a ci hi. A khang thei khaici thugentehna 26Jesu in: Van Gam in, leisung ah a kituh khaici tawh kibang hi. 27Sun leh zan in, tuapa in ihmu in tho zel a, a theih loh kalin hong po in hong khang hi. 28Leitang in ama thu tawh gah sak a, a masa pen a kung, a nihna ah a vui, tua khit ciangin a vui sungah a tak mahmah gah a piang thei hi. 29A gah a min ciangin, lak hun ahih manin, thakhat in phiau kawi tawh a ki-at hi. Ankam tang thugentehna 30Jesu in: Bang tawh Pasian Gam genteh in, bang thu gentehna tawh ka lak ding hiam?

MARKA 5 31Ankam tang tawh a kibang hi. Ankam tangin lei-ah a kivawh lai takin, khaici khempeuh lakah a neu pen ahi hi. 32Ahih hangin, a kivawh khit ciangin hong khang a, an kung khempeuh sang in gol zaw in, van ah a leeng vasate in a lim belh ding hiang a meng khia thei hi a ci hi. 33Jesu in thugentehna tawh thute a tel theihna dingun a hilh hi. 34Thugentehna lo tawh thu a hilh kei hi. Ahih hangin, thu khempeuh a kitel takin gamdaihna mun ah a nungzuite a hilh hi. Huihpi daihsakna 35Tua ni, nitak ciangin Jesu in a nungzuite kiangah: Gal khatah pai ni a ci hi. 36Tua ciangin mihonte nusia in paikhia uh a, gunkuang sungah Topa tawh tuang in a paikhawmuh hi. Gunkuang dangte zong amaute tawh a paikhawm hi. 37Tua lai takin huihpi nakpi-in nung a, gunkuang kilok in a sungah tui a dim hi. 38Jesu in gunkuang taw lamah na ihmu hithiat hi. Jesu phong uh a: Topa aw kote kisia dingin hong deih na hi hiam? a ci uh hi. 39Jesu tho in huihpi taai a: Dai in ci-in thu a piak ciangin a dai pah hi. 40Tua ciangin Jesu in: Bang hangin note patau na hi uh hiam? Upna neilo na hi uh hiam? ci-in a dong hi. 41Amaute in lau lua uh ahih man un: Hihpa in bangci mi ahi hiam? Huihpi leh tuipi na ngawn in a thu a mang tazen hi ci-in khat leh khat a kikum uh hi. 4:1 Lk. 5:1-3; 12 Isa. 6:9-10; 21 Mat. 5:15; Lk. 11:33; 22 Mat. 10:26; Lk. 12:2; 24 Mat. 7:2; Lk. 6:38; 25 Mat. 12:12; 25:29; Lk. 19:26; 29 Joel 3:33. Gerasa gamah dawivei damsakna Tuilii gal khatah Gerasa gam a tung uh hi. 2Jesu in gunkuang panin a tuah khiat ciangin, thakhat in kihuai dawilutpa khat in han lak panin na dawn tuah hi. 3Tuapa omna in han lak hi a, sikkhau na ngawn tawh kuamah in a hencip zo kei uh hi. 4Amah in kawl bulh in sikhau tawh tam veipi a kihen khit hangin sikkhau peksatin, a kawlte kuai tan ahih manin, kua mah in a zo zo kei hi. 5Sun leh zan a tawntungin han lak leh mual tungte ah suang tawh a pumpi kikui sak hi. 6A gamlatna panin Jesu a muh ciangin, a kiang ah tai in a bok hi. 7Tua ciangin: Sang pen Pasian Tapa Jesu aw, nang tawh bang kikum i hi hiam? Nong bawlsiat lohna ding in Pasian min

38 tawh thu hong pia in ci-in nakpi takin a kiko hi. 8Hih thu a genna hangin: Kihhuai dawi aw, tuapa sung panin taikhia in ci-in Jesu in thu a pia khin hi. 9Jesu in: Na min bang ahi hiam? ci-in a dot leh: Tampi ka hih manun, ka min in: Legion ahi hi a ci hi. 10Tua gam panin, amaute a hawlkhiat lohna dingin nakpi takin a thuum uh hi. 11Tua lai mual tungah vok honpi gamta in a om uh hi. 12Dawite in: Vok honte sungah ka lut theihna dingun thu hong pia in la, hong pai sak in ci-in a ngen uh hi. 13Jesu in thu a piak ciangin, dawite paikhia in, vokte sungah a lut uh leh, vokte in kensang tung panin tuak sukin, tui sung ah a si khin uh hi. Vokte a kisim ciangin tulnih bang a pha uh hi. 14Vok cingte tai uh a, khua sung leh gam sung mite kiangah hih thupiang a gen uh ciangun, mite in bangci bang hiam cih en dingin a kuankhia khengkhang uh hi. 15Jesu kiang a tun uh ciangin, dawilut Legion neipa in, puan silh in, lungpilte bangin a om a muhuh ciangin a kihta uh hi. 16A mute in dawiluta leh vokte thu ahi zongin a thei uh hi. 17Amaute in tua gam panin Jesu paikhia dingin a thuum uh hi. 18Gunkuang sungah Jesu a kah lai takin, dawilutpa in amah tawh a om khopna dingin a ngen hi. 19Jesu in amah tawh a om khopna dingin thupia lo a: Na innah ciah in. Pasian in na tung ah bangci bangin noptuamna hong pia hiam cih na behte va zasak in ci-in thu a pia hi. 20Tuapa pai in Jesu in a tungah bangzah ta in nopna a tun sakna thu Dekaplis gam khempeuh zeel sak a, mi khempeuh in lamdang a sa uh hi. Jairas tanu leh puan a lawng numei 21Jesu in gunkuang tawh a galkah khit ciangin, tuilii gei-ah om in, mihonpite hong kikaikhawm uh hi. 22Tua lai takin Jairas min nei, kikhopna inn ukpa khatin va nai a, Jesu a muh ciang in a khebul ah va bok hi. 23Tua ciangin: Ka tanu si dektak hi. Topa hong pai in la, dam sak kik in, a hin theihna dingin a tungah na khut na ngakna ding kong thuum hi a ci hi. 24Jesu in tuapa tawh pai khawm in, kiphu kha liangin mi tampi in, a nung a zui uh hi. 25Tua lai takin kum sawm leh kum nih tawng tung siluang natna a vei, 26gimna thuak in zato tampi ah, a neihsa khempeuh a bei hangin, noptuamna a ngah loh ban ah, a gim semsem numei

39 khat in, 27Jesu thu a zak ciangin: A puan mong beek lawng kha leng zong ka dam ding a ci hi. 28Tua ciangin mihonte lakah a nung lamah pai in, a puan va lawng hi. 29A lawn ciangin thakhat in a siluang lai kangin, a natna dam pah hi ci-in kitheihna a nei hi. 30Jesu in a tung panin vangliatna a paikhiatna thu a theih ciangin mihonte lamah kihei in: Ka puan kua in hong lawng ahi hiam? a ci hi. 31A nungzuite in: Topa aw, mi tampi hong phukhak lam thei na pi-in: Kua in hong lawng hiam? ci-in na dong hi a ci uh hi. 32Jesu a lawng mi a muhna dingin a kim leh pam a en hi. 33Numei in a tung a thupiang a theih ciangin lau in ling a, Jesu kiangah pai-in thu piang khempeuh kician takin a hilh hi. 34Jesu in: Ka tanu aw, na upna in nang hong damsak khin hi. Nuam takin na ciah in la, na cidam suak ta hen a ci hi. 35Jesu in tua thu a gen lai takin, kikhopna ukpa inn panin mite tai uh a: Na tanu a si khin hi Bang hangin Siapa gimsak lai ding na hi hiam? ci-in hong ko uh hi. 36Ahih hangin Jesu in tua thu mang loin: Lungmang kei in, upna bek nei in ci-in kikhopna inn ukpa kiangah a gen hi. 37Jesu in: Piter, Jakob leh Jakob nau Johan longal mi dangte a zui sak kei hi. 38Kikhopna inn ukpa inn a tun uh ciangin, gamlumna leh mi tampi kap in, thuum in a om a mu uh hi. 39Inn sung ah a lut ciangin: Bang hangin gamlum in kap na hi uh hiam? Numeino a si hi lo hi. A ihmu ahi hi a ci hi. 40Tua mite in zahpih in a nuihsan uh ciangin, Jesu in amaute khempeuh hawlkhia a, numeino nu leh pa ahi zongin, amah tawh a ton khawm mite a sap khit ciangin numeino gei ah a lut hi. 41Tua ciangin a khut lenin: Talitha kumi a ci hi. A khiatna in: Numeino aw tho in kong ci hi a cihnopna ahi hi. 42Thakhat in numeino tho pah in kal suan hi. A nat zawh kum sawm leh nih pha khin ahih manin, amaute in lamdang a sa mahmah uh hi. 43Tua thu kuamah theisak lo dingin Jesu in nakpi takin a kham khit ciangin, numeino an pia dingin thu a pia hi. Nazareth ah Jesu kisanglo Tua mun panin a khua ah Jesu pai-in, a nungzuite in a zui uh hi. 2Nipi ni a tun ciangin kikhopna inn sung ah thu hilh a, a za mi tampite

MARKA 6 in lamdang sa in: Hihpa in hih thute koi panin a ngahin, a kipia pilna in bang pilna hi a, a khut tawh hih bang na lamdang a bangci bawl theih hiam? 3Mari tapa hilo ahih hiam? Khutsiampa tapa hi-in, a sanggamte in Jakob, Josef, Judas leh Simon-te hilo ahi hiam? A sang gamnute in i kiang om hilo ahi hiam? a ci uh hi. 4Jesu in: Pasian kamsangpa in a inn, a khua leh a behte kiang ah minthanna a ngah ngei kei hi ci-in amaute kiangah a gen hi. 5Cina tawmnote tung ah khutnga in, a damsak sim loh, a khua ah a lian na lamdang a bawl kei hi. A up lohna uh lamdang a sa hi. 6Jesu in khuapi leh khuaneute ah thuhilh in a vak kawikawi hi. Sawm leh nihte sawlna 7Jesu in a nungzui sawm leh nihte a sap khit ciangin, kihhuai dawite a zawhna ding uh thu pia in, kop khat ta in a sawl khia hi. 8Amaute kiang ah: Lampi ah zat dingin ciangkhut sim loh a dang bangmah na keng kei un. 9Khomun, thungip leh kawnggak sungah dangka san na vom kei un. Khedap bulh un la, puanak na silh thuah kei un. 10Inn khat peuhah na tun khit uh ciangin, na paikhiat dong uh tua inn ah na om un. 11Hong kinolh in, na thu uh a san kei uh leh, tuate kiang panin na paikhiatuh ciangin, amaute lang khat ah teci dingin, na khepeek nuai a leivuite na sing khia un ci-in thu a pia hi. 12Amaute paikhia uh a, mawhna kisikkikna thu a hilh uh hi. 13Dawi tampi hawlkhia in, cina tampi sathau tawh zut in a damsak uh hi. Baptaizpa Johan sihna 14Tua lai takin Herob kumpipa in a mingthang Jesu thu a zak zia in: Baptaizpa Johan in, sihna panin thokik in, hih vangliatna in a tungah a kilang hi a ci uh hi. 15Mi kimkhat in: Hihpa in Elijah ahi hi ci-in, midangte in: Tanglai kamsang khat peuh tawh a kibang hi ci uh hi. 16Hi bang in Herod in a zak ciangin: A ngawng ka tan sak Johan thokik hi a ci hi. 17Herod in a naupa Filip zi a ten pih ciang Johan in: Na nau zi na tenpih ding kilawm lo hi ci-in Herod a hilh hi. 18Tua thu hangin Herod in Johan man in thong sungah a khum hi. 19Herodias in Johan mudah in a thah nop hangin a that zo kei hi. 20Bang hang hiam cihleh, Herod in Johan pen mi thuman leh mi siangthopa ahih

MARKA lam a theih ciang in kihta in a kem hi. A thu genna a zak ciangin, lungmang in, lungdamna tawh a thu a ngai hi. 21Tua khit ciangin, pawi bawlna ding a kilawm, Herod suah ni-in in a upate, galkap mangte leh Galile gam u lian khempeuh an a vak hi. 22Tua lai takin Herodias tanu lut in a lam ciang in, Herod leh amah tawh an ne khawmpeuhte a lungdam sak hi. Herod in: Na deih peuhpeuh hong ngenin, kong pia ding hi. 23Ka gam langkhat dongin kong pia ding hi ci-in a ciam hi. 24Amah paikhia in: Bang ka ngen ding hiam? ci-in a nu a dot leh a nu in: Baptaizpa Johan lutang ngen in a ci hi. 25Thakhat in kumpipa kiangah pai kik a: Baptaizpa Johan lutang dalkuang sungah hong pai lecin ka ut hi a ci hi. 26Kumpipa a dah hangin, a kiciamna thu hangin, a tut khoppihte zahtak a, numeino ngetna a nial nuam kei hi. 27Tua ciangin: Johan lutang hong paipih un ci-in, galkap khat sawl a, amah pai in thong sungah Johan ngawng a tan hi. 28Tua khit ciangin dalkuang sungah a lu koih in paipih a, numeino a piak khit ciangin, amah in a nu a pia hi. 29Johan nungzuite a zakuh ciangin, a luang va la uh a, hankhuk sungah a vui uh hi. Tulnga vakna 30Sawltakte in Jesu kiangah hong kikhawm uh a, a bawl nate uh leh a thuhilhna-te khempeuh a zasak uh hi. 31Jesu in: Gamdaihna ah hong pai un la, na tawldamna dingun khawl un a ci hi. Bang hang hiam cihleh, a tunuh ciangin an zong ne man loin a omuh hi. 32Tua ahih manin, gunkuang tungah tuangin gamdaihna mun gam lakah a pai uh hi. 33A pai uh mite a muh uh ciang in, amaute ahih lam a thei khempeuh in, khuapi panin hong pai khia uh a, tai in a tung masa uh hi. 34Mihonte hong pai Jesu in a muh ciangin, a cing neilo tuu hon tawh kibang a, amah in hehpihhuai sa in thu tampi a hilh hi. 35Ni a tum dektak ciang in, a nungzuite in Topa va nai in: Hih munin gamlak hi-in, ni zong a tum khin ta hi. 36I kim khuaneute ah mihonte an lei dingin pai sak in a ci uh hi. 37Jesu in: A an nek dinguh na pia ding uh hi a ci hi. Amaute in: Pai in dangka zakhat tawh khomun ka lei khit uh ciangin, amaute ka pia dinguh hiam? ci-in a dawng uh hi. 38Jesu in: Khomun pum bang zah na nei uh hiam? Pai-in va en un ci-a, amaute in: Khomun

40 pum nga leh ngasa tawn nih a om hi ci-in a gen uh hi. 39Tua ciangin Jesu in: Mihonte lopa tung ah a honhon in tu sak un a ci hi. 40Amaute in, pawlkhat za, sawmnga cih bangin a tu uh hi. 41Jesu in khomun nga leh ngasa tawn nih la a, van lam ento in hehpihna a phat khit ciangin, khomun balnen in mipite lui dingin, a nungzuite pia a, ngasa tawn nih zong a hawm sak hi. 42Mi khempeuh in a ne uh hi. 43A kham khituh ciangin khomun leh ngasa a neng themte a kaihkhop kik uh leh seeng sawm leh seeng nih dim a ngah uh hi. 44Khomun a ne pasal bek tul nga a pha uh hi. Tuipi tungah paina 45Jesu in mipite a paikhiat sak khit phet in, a nungzuite gunkuang tungah tuang sakin, galkhat Bethsaida khua ah, a pai masa sak hi. 46Jesu ahih leh thungen dingin mual tungah a kahto hi. 47Nitak ciangin gunkuang in tuilii laizangah om a, Jesu ahih leh amah kia in leilakah a om hi. 48A deih lohna lamah a gunkuang uh huih in lehmut ahih manin, a nungzuite gunkuang a hotna hang un a gim lam uh Jesu in a mu hi. Khuvak dektak naithum pawl in, amaute gei-ah Jesu a peel ding bangin a pai hi. 49Tui tung a pai a nungzuite in a muh uh ciangin, sikha sa in lau in a kiko uh hi. 50Jesu in: Na lungdam ta un, keimah ka hi hi. Lau kei un a ci pah hi. 51Gunkuang sungah a kahtoh khit phet in, huih nung a dai pah hi. Amaute lamdang a sa mahmah uh hi. 52Bang hang hiam cihleh, lungpilna nei lo uh a, khomun thu zong a ciamteh kei uh hi. Gennesarethah ah cina damsakna 53Tuipi gal a kah khit uh ciangin Gennesarethah gam tungin gunkuang tui gei-ah a khawl sakuh hi. 54Gunkuang panin a paikhiatuh ciang in, mi khempeuh in Jesu mel a thei uh hi. 55Koi mun ah om hi cih a zakhuh ciangin, a kimkot gam khempeuh panin tua mun ah cinate lupna tawh hong paipih uh hi. 56Khuapi, khuaneu leh gamlak a tunna khempeuh ah a cinate lam geiah koih uh a, a puan mongteep a lawnna dingun a ngen uh hi. A lawng khempeuh in damna a ngah uh hi. 6:4 Jhn. 4:44; 11 Sawl. 13:51; 8-11 Lk. 10:4-11; 13 Jeim 5:14; 14-15 Mat. 16:14; Mk. 8:28; Lk. 9:19; 17-18 Lk. 3:19-20; 34 Gam. 27:17; 1Kum. 22:17; 2Khg. 18:16; Ezk. 34:5.

41 Tanglai upate ngeina Tua ciangin Jerusalem khua panin hong tung Farisaite leh laitheite kimkhat in Jesu kiangah hong kikhawm uh hi. 2A nungzuite kimkhat in a zehtan a cihuh a kisilo khut tawh an a nek uh a mu uh hi. 3Farisaite leh Judah-te khempeuh in tanglai upate ngeina zui-in khut phatakin a sil khit uh ciangin an ne bekuh hi. 4Sumbuk panin a ciah uh ciangin zong a pumpi uh sil siang masa loin an a ne kei uh hi. A ngeina dangte ahi: haite, sumngo kuangte leh dalkuangte zong tui tawh sawp siang in a zanguh hi. 5Farisaite leh laitheite in: Na nungzuite in tanglai upate ngeite zui loin, bang hangin a khut uh sil loin an ne uh ahi hiam? ci-in a dong uh hi. 6Jesu in: Isaiah in mi simtat ahi note tawh kituakin a genkhol khin hi. Tua thu in: Hih mipawlte in a kam uh tawh hong zahtak uh hangin, a lungsimuh ka kigamla hi. 7Mite thukham ngeinate hilhuh a, a mawkna in kei hong bia uh hi a ci hi. 8Note in Pasian Thukham paai in, mite kiang panin na ngah uh ngeina na zui uh hi. 9Na ngeina kipte uh na zuih theihna ding un, Pasian Thukham na nial uh hi. 10Tua thu tawh kisai in Moses genna ah: Na nu leh na pa na zahtakin. A nu a pa a gensiate in sihna thuak ta hen a ci hi. 11Note na hih uh leh, ka kiangah na zat theih keima sum a cihnopna: Korban hi na ci uh hi. 12Tua bangin mi khatin a cih leh, tua mi in a nu leh pate tungah neu kha beek a pha bawl ding na kham uh hi. 13Na kipiakna un Pasian thu a val sak hi. Tua bang dan gamtatna tampi na zui uh hi a ci hi. A ninsak thei nate 14Jesu in mohonte sam kik in: Note in ngai un la thei ta un. 15A pualam panin mi sungah a lut suk nate in mihing a ninsak ngei kei hi. 16Mite sung panin a paikhiate bek in mite a nin thei hi a ci hi. 17Mihonte lak panin Jesu paikhia in, inn sungah a lut ciangin, a nungzuite in tua thu gentehna thu a dong uh hi. 18Jesu in: Note in zong lungpilna nei nailo na hi uh hiam? A pualam panin mi sungah a lut nate in mite a nit sak theih loh lam thei nailo na hi uh hiam? 19Tua nate in a lungtang sungah lut loin, a gilpi sungah tumsuk

MARKA 7 in, tua panin a kithakhia hi a ci hi. Tua bang a gen ciangin sa khempeuh a siangtho ahih lam a gennopna ahi hi. 20Jesu in: Mi sung panin a paikhiate in mi a nin sak thei hi. 21Bang hang hiam cihleh, mi sung panin: a hoihlo ngaihsutna, nu mei tawh mawhna, 22mi sum gukna, mi thahna, mi zi tawh mawhna, huaiham-na, gitlohna, mi khemna, kihuai lunggulhna, eenna, 23mi gensiatna, kiphatsakna leh mot gamtat-na khempeuhte in sung lam panin paikhia in, mi a nin sak hi a ci hi. Sirofoenisia Numeinu Upna 24Tua mun panin Jesu in Taiar leh Sidon khua nai lamah a pai ciangin, inn khat sungah lut a, kuamah in a theih loh ding a ut hangin, a kisel zo kei hi. 25A tanu sungah dawilut numei khat in Jesu om hi cih thu a zak phetin hong pai in, a khebul ah a bok hi. 26Tua ciangin a tanu sung panin dawi a hawlkhiat sakna dingin a ngen hi. Tua numei in Sirofoenisia mi Grik numei ahi hi. 27Jesu in: A masa in tate kivak masa ta hen. Bang hang hiam cihleh, tate nek ding la in, uite piak dingin a kilawm kei hi a ci hi. 28Numei nu in: Hih mah hi, Topa aw. uite in sabuai nuai ah an neng kiate tawm in a ne uh hi ci hi. 29Jesu in: Tua thu hangin: Pai in! na tanu sung panin dawi a paikhia khin hi a ci hi. 30Numei nu a innah ciah pah a, numeino in lupna tungah na lumin, a sung panin dawi a paikhiat khit lam a mu hi. Bengngawng leh paumawl khat damnasakna 31Taiar khua panin Jesu paikhia in, Sidon a paltan khit ciangin, Dekapolis gam kantan suak in Galile tuilii a tung kik hi. 32Tua mun bengngawng paumawl khat a kiangah hong paipih uh a, a tungah a khut a ngakna dingin a thuum uh hi. 33Jesu in mihonte lak panin tuapa sam khia a gamdaihna munah a papih khit ciangin, a khutme a cil a phit a, tua khit ciangin a bil sung holh sak a, a lei zong a lawng hi. 34Khuisa kawm in van lam en to a: Kihong ta hen a cih nopna in: Effatha a ci hi. 35Tua lai takin a bil kihong pah a, a leiigui kikhah khia in limtak in a pau thei pah hi. 36Tua thu kua ma kiangah a gen lohna dingun a kham hi. A nak khamsem ciangin, a lim tangko zaw sop uh hi. 37Amaute in a kigen thei lo zah dongin lamdang sa uh a: Amah in na khempeuh

MARKA 8 phatakin a bawl khin hi. Bengngawngte in khua za kik in, pau theilote a pau theisak kik khin hi ci-in a gen uh hi. 7:6-7 Isa. 29:13; 10 Pai. 20:12; Thkna. 5:16; 10 Pai. 21:17; Siam. 20:9. Tuli vakna Mohonte hong kikaikhawm kikuh a, an nek ding a neih lohuh ciangin a nungzuite a sam hi. 2Tua ciangin: Hih mite hehpihhuai ka sa hi. Bang hang hiam cihleh, amaute in ni thum tawntung kei tawh a om khawm in, an nek ding a nei kei uh hi. 3An ne loin ciah sak lengh lampi ah gim dinguh hi. Pawl khat in hong paina uh a gam la hi a ci hi. 4A nungzuite in: Hih mite kham ding an bang lak panin la thei ding i hi hiam? ci uh hi. Jesu in: Khomun pum bang zah na nei uh hiam? ci-in a dong hi. 5Amaute in: Pum sagih a om hi a ci uh hi. 6Tua ciangin Jesu in: Mihonte lei ah tu sak un ci-in a sawl hi. Tua ciangin khomun pum sagih la in, hehpihna a phat khit ciang in balnen a, mite lui dingin a nungzuite pia a, amaute in mihonte a lui uh hi. 7A neih uh ngasa tawm khate zong hehpihna a phat khit ciangin mipite lui dingin thu a pia hi. 8Mihonte in ne uh a, a kham khituh ciangin, a khamval uh a nengthemte a kaikhop uh leh, seeng sagih a pha hi. 9A ne mite in pasal bek tulli bang a pha uh hi. 10Jesu in mihonte a paikhiat sak khit ciangin, a nungzuite tawh gunkuag tungah tuang pah uh a, Dalmanutha gam a tung uh hi. Limkhat kalhna 11Tua mun ah Farisaite hong pai suk uh a, Jesu tawh thu a kinial uh ciangin ze-etna dingin, van panin lim khat a ngenuh hi. 12A lungsungah Jesu khuisa in: Hih khang mite in bang lim hong ngen uh hiam? Ken aman takpi kong cihin, hih khang mite lim a kilak ngei kei ding hi a ci hi. 13Tua mun panin paikhia in gunkuangah tuangin tuipi gal khatah a pai hi. Farisaite leh Herod silngo 14A nungzuite in khomun puak ding mangngilh uh a, gunkuang sungah pumkhat bek a nei uh hi. 15Jesu in: Farisaite leh Herod silngo panin na kikem un la, na tang un a ci hi. 16A nungzuite in: Khomun pum khat bek i nei hi ci-in khat leh khat a kikum uh hi. 17Jesu in a theih ciangin:

42 Khomun na neih loh manun bang hangin khat leh khat kikum na hi uh hiam? Ngaihsun theilo lai na hi uh hiam? 18Na lungsim uh khauh lai ahih manin, mittang na neih uh hangin mu lo, bil na neih uh hangin za lo, phawk nai lo lai na hi uh hiam? 19Khomun pum nga pen mi tulnga a dingin ka balnen ciangin, a nengthem seeng bangzah kaikhawm kik na hi uh hiam? ci-in dong a, amaute in: Seeng sawm leh seeng nih a ci uh hi. 20Tua khit ciangin: Khomun sagih pen mi tuli adingin ka balnen ciangin a nengthem seeng bang na kaikhawm kik uh hiam? ci-in a dot lai leh, amaute in: Seeng sagih a ci uh hi. 21Jesu in: Note in thei nai lo na hi uh hiam? a ci hi. Bethsaida bualah mittaw khat damsakna 22Bethsaida khua a tun uh ciangin, mittaw khat a kiangah hong paipih uh a, a lawnna dingin a thuum uh hi. 23Jesu im mittawpa a khut lenin, khuanawlah a paipih in, a cil tawh a mittang phih in a khut a ngak khit ciangin: Na khat peuh na mu thei hiam? ci-in a dong hi. 24Amah in: Mite ka mu a, amaute in singkung pai tawh kibangin ka mu hi a ci hi. 25Tua ciangin Jesu a mittang tungah a khut tawh khatvei lawng kik a, tuapa in a et kik leh damin na khempeuh kician takin a mu thei hi. 26Jesu in tuapa a innah ciah sakin: Khua sungah lut kei in ci-in thu a pia hi. Piter in Jesu a pulakna 27Jesu in a nungzuite tawh Kaisaria Filippi gam sung khuaneute ah a pai uh hi. Lampi ah a pai lak takun Jesu in: Mite in kei kua hi hong ci uh hiam? ci-in a dong hi. 28Amaute in: Baptaiz pa Johan, ci uh a: Kimkhat in Elijah ci uh hi. Mi dang kimkhat in Kamsangpa khat peuh ci ciat uh hi ci-in a gen uh hi. 29Jesu in: Note in kei kua hi hong ci na hi uh hiam? ci-in a dot leh Piter in: Nangmah in Khris na hi hi ci-in a dawng hi. 30Amah in kua mi hi cih kuama kiang ah gen lo dingin amaute a kham hi. A sih ding genkholhna 31Jesu in: Mihing Tapa in gimna tampi thuak ding a, upate, siampi liante leh laitheite in nial in, thahna a thuak khit ni thum ciangin a thokik ding hi ci-in tua hun pan kipanin a nungzuite a hilh hi. 32A piang ding thu im loin a gen hi. Piter in Jesu samsim in seel dingin a kipan hi. 33Jesu kihei in, a nungzuite a muh ciangin: Satan aw, ka nung

43 ah kin in. Nang in Pasian thu ngaihsun loin, mite thu bek na ngaihsun hi ci-in Piter a taai hi. 34Tua khit ciangin mihonte leh a nungzuite kiangah Jesu in: Mi khat peuh in hong zuih nop leh, a pumpi nialin, a singlamteh pua in hong zui ta hen. 35Ama nuntakna a gum nuamte, a nuntakna a mangthang sak ding hi. Keima hangin leh Lungdamna Thu hangin a nuntakna a mangthang sakte in a nuntakna a ngah kik ding hi. 36Mi khat in leitung khempeuh a ngah hangin, a nuntakna a mangthan leh bang phattuamna ngah ding ahi hiam? 37Mi khatin a nuntakna sum bangzah tawh lei thei ding ahi hiam? 38Mi paktat leh a gilo hih khang mite lakah, kei ka hi a, thu ahi zongin a daisak peuh mah, Mihing Tapa in zong a Pa minthanna leh a siangtho vantung mite tawh hong paikik ciangin tua mite a dai sak ding hi a ci hi. 8:11 Mat. 12:38; Lk. 11:16; 12 Mat. 12:39; Lk. 11:29; 15 Lk. 12:1; 18 Jer. 5:21; Ezk. 12:2; Mk. 4:12; 28 Mk. 6:14-15; Lk. 9:7-8; 29 Jhn. 6:68-69; 34 Mat. 10:38; Lk. 14:27; 35 Mat. 10:39; Lk. 17:33; Jhn. 12:25. Meel kilamdanna Jesu in: Ken aman takpi kong cihin, Pasian Gam in vangliatna tawh hong tung hi santak ah a ding kimkhat in a muh matengin, a si kei ding uh hi.a ci hi. 2Niguk khit ciangin, Jesu in Piter, Jakob leh Johan-te samin, mual tung gam daihna muh ah paipih a, amaute mai-ah a meel a kilamdang hi. 3A puante in lengin, kuamah in a sawp pak zawhloh zah dongin a paak hi. Amaute kiang ah Moses leh Elijah hong kilang a, Jesu tawh a kiho uh hi. 5Tua ciangin Piter in: Topa aw, kong om uh a pha hi. Nang ading buk khat, Moses ading buk khat leh Elijah ading buk khat hong lam sak in a ci hi. 6Amaute lau lua uh ahih manun, Piter in a gen ding dang a theih manin hih thu a gen ahi hi. 7Tua lai takin meiingo khatin amaute hong tuam a: Hihpa in ka it ka Tapa ahi hi. A thu na ngai ta un ci-in meii kawm panin aw khat hong ging hi. 8Tua khit ciangin, amaute in a kim leh pam a et uh leh, Jesu longal a dang mi dang a mu kei uh hi. 9Mual tung panin hong kumsuk lai takin Jesu in: Mihing Tapa in sihna pan a thawhkik ma teng in, na muhte uh kuama kiang ah na gen kei

MARKA 9 un ci-in a kham hi. 10A lungsim sungah hi thu koih uh a, a thawhkikna ding thu a cih in bang a deihna hi ding hiam ci-in khat leh khat a kidong uh hi. 11Tua lai takin amaute in: Elijah hong pai masa ding hi ci-in laitheite in bang hangin gen uh hiam? ci-in a dong uh hi. 12Jesu in: Elijah hong pai masa takpi ding a, na khempeuh a bawlpha kik ding hi. Mihing Tapa in zong gimna tampi leh nialna a thuak ding hi ci-in Lai Siangtho sungah kigelh hilo ahi hiam? 13Ken hong cih in, Elijah hong pai khin a, Lai Siangtho sung a a kigelh mah bangin, a tungah ahih nop bang peuh in a bawl khin uh hi ci-in a gen hi. Dawivei naupang khat damsakna 14A nungzuite omna a tun uh ciangin, mitampi amaute in hong nai uh a, laitheihte in tua mite tawh thu kidong leh kikum in a om a mu hi. 15Thakhat in mihonte in Jesu a muh uh ciangin lamdang sa uh a, a kiangah hong tai in a hopih uh hi. 16Jesu in: Note in amaute tawh bang kikum na hi uh hiam? ci-in a dong hi. 17Mihonte lak ah khat in: Topa aw, a pau theilo dawilut ka tapa na kiangah kong paipih hi. 18Tua dawi in amat ciangin, leitang satna a, a kamsung panin cilphuan bua in, a ha gawi a, a kawngkaw gawp hi. Dawi hawlkhia dingin na nungzuite kiangah ka gen hangin ahih thei kei uh hi a ci hi. 19Jesu in: Upna neilote aw, note tawh bang tan vei om khawm ding ka hi hiam? Tua naupang ka kiang ah hong paipih un a ci hi. 20Naupang hong paipih uh a, dawi in Jesu a muh ciangin naupang kawngngaw sak in, letang satna a, a ciphuan bua in, a kisan niloh hi. 21Jesu in: Hih natna a kipat zawh a sawt hiam? ci-in a dot ciangin naupang pa in: A neu tung panin a kipan hi, 22Naupang a kisiatna dingin meii sung leh tui sungah tam veipi a puksak hi. Ahih hangin ama adingin na hih theih leh, kote hong hepih in ci-in a gen hi. 23Jesu in: Na bawl theih leh na ci hiam? A um mite adingin ahi thei lo omlo hi a ci hi. 24Naupang pa in thakhat in kiko a: Ka um hi. Ka up lahna hong huh in a ci hi. 25Tua ciangin mihonte kikhawm dingin hong tai uh, Jesu in a muh ciangin: Bengngawng leh pautheilo dawi aw, a sung pan paikhia in. Tu nung ciangin na tum kik not lohna dingin, thu kong pia hi ci-in kihhhuai dawi a taai hi. 26Tua ciangin dawi in

MARKA 10 kiko in naupang a kawngkawt sak khit ciangin a paikhia hi. Naupang in misi tawh kibang ahih manin, mi tampi in: A si khin hi a ci uh hi. 27A hih hangin Jesu in naupang khut lenin, a phottoh ciangin a tho hi. 28Jesu in inn sungah a lut kik ciangin, a nung zuite in: Kote in bang hangin tua dawite hawlkhia zolo ka hi uh hiam? ci-in a donguh hi. 29Jesu in: Tua dawite in thungetna leh antanna lo tawh a paikhia thei kei hi a ci hi. A sih ding genkhol kik 30Tua mun panin paikhia uh a, Galile gam kantan in kuama theih ding a ut kei hi. 31Jesu in: Mihing Tapa in mite khut sungah kipia ding hi. Tua mite in that in, a thah khit ni thum ciangin thokik ding hi ci-in a nungzuite a hilh hi. 32A nungzuite in tua thu a tel loh uh hangin a dong kik ngam nawn kei uh hi. Kua lian pen 33Kapernaum khua tung uh a, inn sungah a om lai takun Jesu in: Lampi-ah bang thu kikum na hi uh hiam? ci-in a nungzuite a dong hi. 34Lampi ah kua lian pen ding cih khat leh khat kiseel uh ahih manun pau loin a om uh hi. 35Jesu tu in, sawm leh nihte a sap khit ciangin: Mi khat in makai a suak nop leh a niam pen ahi mi khempeuh nasempa suak masa ding hi a ci hi. 36Naupang khat samin, amaute laizang ah a koih khit ciangin a angah a tawi hi. 37Tua ciangin: Ka min tawh hih naupangno khat a ngaite in, kei zong hong ngai hi a, kei hongngaite in, kei hong sawlpa zong a ngai hi ci-in a gen hi. I langpang lote ei tawh kipawl 38Johan in: Sia aw, na min tawh dawi a hawl khia mi khat ka mu uh hi. Amah in hong zuilo ahih manin ka kham uh hi ci-in Jesu kiangah a gen hi. 39Jesu in: Tuapa na kham kei un. Bang hang hiam cihleh, ka min tawh na lamdang a bawl khat peuh in, hong kosia hilo hi. 40Eite hong lang pan lo khempeuhte in i pawl ahi hi. 41Khris mi na hihna hang un, tui hai khat peuh hong pia mi in, aman takpi kong cihin noptuamna ngah loin a om kei ding hi. Pukna ding ze-etna 42Kei hong um, naupag no khat a puksak mi in, a ngawng ah an gawina suan lian khat khih in, tuipi sungah tuak suk leh, ama adingin a pha zaw ding hi. 43Na khutin hong puksak leh sat tan

44 in. 44Khut kim khe kim tawh hell sungah na pai sangin, khutbui tawh nuntakna sungah lut lecin nang adingin a pha zaw ding hi. 45Na khe in hong puksak leh sat tan in. 46Khe kim tawh hell khuk sungah hong kikhul sangin, nuntakna sungah khebui in lut lecin, nang adingin a pha zaw ding hi. 47Na mit in hong puksak leh khel khia in. 48Than na ngawn a sih lohna mei a mit ngeilohna hell khut sungah na pai sangin mittang khat guak tawh Pasian Gam sungah lut lecin nang adingin a phazaw ding hi. 49Bang hang hiam cihleh, mi khempeuh ci sawh bangin mei tawh a kisawh ding uh hi. 50Ci in a hoih hangin, a alna mang leh, bangci a al kik thei ding hiam? Note sungah ci na om sak un la, khat leh khat kilemin na om un ci-in a gen hi. 9:7 Mat. 3:17; Mk. 1:11; Lk. 3:22; 2-7 2Pi. 1:17-18; 11 Mal. 4:5; Mat. 11:14; 34 Lk. 22:24; 35 Mat. 20:26-27; 23:11; Mk. 10:43-44; Lk. 22:26; 37 Mat. 10:40; Lk. 10:16; Jhn. 12:20. 40 Mat. 12:30; Lk. 11:23; 41 Mat. 10:42; 43 Mat. 5:30; 47 Mat. 5:29; 48 Isa. 66:24; 50 Mat. 5:13; Lk. 14:34-35. Kimakna thu Tua panin Jesu ding khia in, Judah gam leh Jordan gun gal khatah a tung hi. Mi tampi in a kiangah hong kikaikhawm kik uh a, a ngeina bangin thu ahilh hi. 2Farisaite in va nai in: Mi in zi mak tuak hiam? ci-in ze-etna dingin a dong uh hi. 3Jesu in: Moses in note bang thu hong pia hiam? ci-in a dong hi. 4Amaute in: Kikhenna lai pia in, a zi makna ding thu a pia hi a ci uh hi. 5Jesu in: Na lung sim uh khauh lua ahih manin, Moses in tua thukham a gelh hi. 6Ahih hangin a cil in, pasal leh numei a piang sak hi. 7Tua ahih manin, pasal in a nu leh pa nusia in a zi a beel ding hi. 8Tua nihte in sakhat pumkhat suak ding uh a, amaute in nih hi nawn loin khat ahi ding uh hi. 9Tua ahih manin Pasian gawmsate kuamah in kikhen sak kei ta hen a ci hi. 10Inn sungah a om uh ciangin, a nungzuite in hih thu a dong kik uh hi. 11Jesu in: A zi ma in, numei dang tawh a kitengte in, numei tawh a mawh hi. 12Numei in zong a pasal ma in, pasal dang tawh a kiten leh a pasal thak tung ah a mawh hi a ci hi. Naupangte thupha piakna 13Tua lai takin naupangte a lawn theihna ding deih in a nute un Jesu kiangah hong paipih uh a,

10

45 ahih hangin a nungzuite in a kham uh hi. 14Jesu in a muh ciangin heh a: Naupangte om sak un. Ka kiangah hong pai ding kham kei un, Pasian Gam in tua bang mite aa ahi hi. 15Ken aman takpi kong cihin, naupang bangin Pasian Gam a sang lote peuhmah in tua gam sungah a lut kei ding uh hi ci-in a gen hi. 16Tua khit ciangin naupangte tawi in amaute lutungah a khut nga in thupha a pia hi. A hau tangval 17Lampi ah a pai lai takun, Jesu kiang ah mi khat hong tai in khuk din a: Sia pha aw, nungtak tawntungna ka luah theihna dingin bangci gamtat ding ka hi hiam? ci-in a dong hi. 18Jesu in: Bang hangin kei mipha hong ci na hi hiam? Pasian sim loh mipha khat beek a om kei hi. 19Thukhamte na thei hi. Mi na that kei in. Mi zi tawh na mawh kei in. Guta kei in. A hilo teci na pang kei in. A kilawm lo pi-in mite neihsa na sut kei in. Na nu leh pa na zahtak in a ci hi. 20Tuapa in: Sia aw, tua thu khempeuh ka neu a kipan in ka tang den hi a ci hi. 21Jesu in tuapa a et ciang in it a: Na khat na kisam lai hi. Pai in la, na neih khempeuh na zuak khit ciangin, mizawngte na pia in. Tua hi leh vantung gam ah sum na nei ding hi. Tua khit ciangin ka nung hong zui in a ci hi. 22Tuapa sumhau ahih manin, tua thu hangin a maikhing leh lungkim loin a paikhia hi. 23Jesu in a kim leh pam en a: Sum tampi a neite adingin Pasian Gam sung ah lut ding a haksa mahmah ding hi a ci hi. 24A nungzuite in a thu gen lamdang a sa mahmah uh hi. A gen kik in: Ka tate aw, sum leh paai suangte in Pasian gamah a lutna ding bang zahta haksa hiam? 25Saipi khat phim bil vangah khum sangin, sum haute Pasian gam sungah a lut ding a haksa zaw hi a ci hi. 26Lamdang sa lua uh a hih man un: Tua bang ahih leh kua in gupna ngah zo ding hiam? a ci uh hi. 27Jesu in amaute en in: Hih thu pen mite in ahih zo kei uh hi. Pasian in na khempeuh hih thei ahih manin, ama adingin a haksa kei hi a ci hi. 28Tua lai takin Piter in: Kote in ka neihsa khempeuh uh nusia in kong zui uh hi ci-in gen dingin a kipan hi. 29Jesu in: Ken a man takpi kong cihin, keima hang leh Lungdamna Thu hangin a inn, a sanggampa, a sanggamnu, a nu

MARKA 10 leh a pa, 30a lo a nusiat leh, tu mahmah in, a zah zakhat innte, sanggampate, sanggamnute, nute, pate, tate leh lote bawlsiatna tawh ngah in, a nung ciangin hong piang ding hun ah nuntak tawntungna zong ngah ding uh hi. 31Ahih hangin a masa tampite in nunung ding uh hi. A nunnung tampite in a masa ding uh a ci hi. A sih ding thumvei genkholhna 32Jerusalem paina lampi ah a pai lai takun, Jesu in a nungzuite a pai masa sak hi. Amaute in lamdang sa uh a, a nungzui mite in a lau uh hi. 33Tua lai takin Jesu in sawm leh nihte sam kik a: En un, Jerusalem khuapi i pai ding hi. Siampi liante leh laitheite khut sungah Mihing Tapa kipia ding hi. Amaute in a sihna ding thu a khen khituh ciangin, Gentailte khut tungah a pia dinguh hi. 34Tua mite zahko in, cil phih in, satin a that ding uh hi. Ni thum khit ciangin a thokik ding hi ci-in a tungah a piang ding thute a nungzuite kiangah a gen hi. Jakob leh Johan ngetna 35Tua lai takin Zebedi tapa Jakob leh Johan-te a kiangah hong pai uh a: Sia aw, kong nget khat peuh uh nong piak ding ka deih uh hi va ci uh hi. 36Jesu in: Kong piak dingin bang deihna hi uh hiam? ci-in a dong hi. 37Amaute in: Topa aw, na minthanna sung kote zong na veilam leh na ziat lamah ka tut theihna dingun thu hong pia in a ci uh hi. 38Jesu in: Nong nget uh na thei kei uh hi. Ka dawn ding hai na dawn zo ding uh hiam? Ka thuak ding baptaizna na thuak zo ding uh hiam? a ci hi. 39Amaute in: Ka hih zo dinguh hi a cihuh ciangin Jesu in: Ka dawn ding hai leh ka thuak ding baptaina zong na thuak takpi ding uh hi. 40Ahih hangin ka ziatlam leh veilam ah na tutna ding uh thu kong pia thei kei hi. A ngah dingin a kisehsate in a ngah ding uh hi a ci hi. 41A nungzui dangte a zak uh ciangin, Jakob leh Johan tungah a heh uh hi. 42Jesu in amaute samin: Gentailte in a amaute uk dingin a kilawm mihau leh mi liante in thuneihna a neite koih in amaute a uk lam na thei uh hi. 43Note lakah tua bang ahi kei ding hi. Note lakah milian a suak nuamte in na nasem uh suak hen. 44Note lakah makai ahi nuamte in, note sila suak hen. 45Bang hang hiam cihleh, Mihing Tapa in mite a na semsak dingin hong pai hi loin, mite na sem ding

MARKA 11 leh mi tampi tankhia ding leh a nuntakna pia dingin hong pai ahi zaw hi a ci hi. Mittaw Bartimai damna 46Jerikho khua ah lut in, Jesu in a nungzuite leh mihonte tawh Jerikho khua panin a paikhiat lai takun. Timeus tapa Bartimai a min nei; mittaw khat khutdawh ngen in lampi gei-ah a tu hi. 47Nazareth khua mi Jesu a hihna thu a zak ciangin: David Tapa Jesu aw, hong hehpih in ci-in a kiko hi. 48Mihonte dai dingin khamuh hangin: David Tapa aw, hong hehpih in ci-in a kilim ko zaw sop hi. 49Jesu khawl a: Tuapa va sam un a ci hi. Amaue in mittawpa sam uh a: Nuam in, la tho in, nang hong sam hi a ci uh hi. 50A puante a paih khit phet in, Jesu kiangah a pai pah hi. 51Jesu in: Nang adingin bang kong hih sak ding deih na hiam? ci-in a dot ciangin: Topa aw, ka mit in khua a muhna ding ka deih hi a ci hi. 52Jesu in: Pai in, na upna in hong damsak khin hi a ci hi. Thakhat in khua mu pah a, lampi-ah Jesu nung a zui hi. 10:4 Thkna. 24:1-4; Mat. 5:31; 6 Pian. 1:27; 5:2; 7-8 Pian. 224; 11-12 Mat. 5:32; 1Kor. 7:10-11; 15 Mat. 18:3; 18 Pai. 20:13; Thkna. 5:17; 19 Pai. 20:14; Thkna. 5:17; 19 Pai. 20:14; Thkna. 5:19; 19 Pai. 20:12; 20:15-16; Thkna. 5:16; 5:19-20; 31 Mat. 20:26; Lk. 13:30; 38 Lk. 12:50; 42-43 Mat. 23:11; Mk, 9:15; Lk. 22:25-26. Gualzawhna tawh Jerusalemah lutna Jerusalem khua tawh kinai Oliv mual ah a om Bethfage khua leh Bethani khua a tun uh ciangin Jesu in a nungzuite nih a sawl hi. 2Amaute kiangah: I mai-ah a om khua ah va pai un la, tua khua ah na lutuh ciangin, kuama tuan ngei lohna lano khat khau kikhih sa in a om thakhatin na mu dinguh hi. Lano khau sut un la, ka kiang ah hong paipih un. 3Mi khat peuh in: Bang hangin hi bangin gamta na hi uh hiam? hong cih leh: Topa in a deih hi cile-ucin thakhat in hong khah dinguh hi ci-in a vaikhak hi. 4Amaute pai uh a inn kongkhak gei lampi ah a om lano kikhit khat a muh uh ciangin, la khau a sut uh hi. 5Tua munah a ding mi kimkhat in: Bang dingin la khau sut na hi uh hiam? a ci uh hi. 6Jesu vaikhakna bangin a genuh leh, tua mite in a khah uh hi. 7Lano pen Jesu kiangah hong tun pih uh ciang in Topa a tuang sak uh hi. 8Mi tampi-in

11

46 lampi-ah a puante phah uh a, mi dangte in lo lai a singhiangte satin a phah uh hi. 9A mai-ah a pai leh a nung a zuite in: Hosana! Pasian min tawh hong paipa in thupha ngah ta hen. 10A hong tung ding i pa David Gam in thupha ngah ta hen! Van a sang belna ah Hosana! ci-in a kiko uh hi. 11Jerusalem khua biakinnpi sungah Jesu lut a, na khempeuh a kawivel khit cianngin, nitum ahih manin, sawm leh nihte tawh Bethani khua ah a pai uh hi. Theikung samsiatna 12A zingsang ciangin Bethani khua panin a paikhiat lai takun Jesu a gil kial hi. 13A tehpha theikung a gamla panin mu a, tua kung tungah a gah om kha ding hi ci-in a va naih leh, a gah hun hilo ahih manin, a teh longal a dang bangmah a mu kei hi. 14Jesu in: Tu a kipanin kuamah in na gah ne nawn kei ta hen a ci hi. A nungzuite zong hih thu a za uh hi. Biakinn siansakna 15Jerusalem khua ah Jesu a tun ciangin, biakinnpi sungah lut in, sumzuakte leh sumleite khempeuh hawlkhia in, dangka khekte sabuaite leh vakhu suakte tutphate a sawn pai mang hi. 16Biakinnpi sungah beel khat na ngawn, kuamah in a paipih lohna dingin a kham hi. 17Tua ciangin: Ka inn in mi khempeuhte thungetna inn kici ding hi, ci-in Lai Siangtho sungah kigelh hilo ahi hiam? Ahih hangin note in guta buluhte omna na suaksak tazen uh hi ci-in a hilh hi. 18Siampi liante leh laitheite in a zakuh ciangin, Jesu thahna ding thu a zonguh hi. Bang hang hiam cileh, mihonte khempeuh in a thuhilhna lamdang sa lua uh ahih manun, Jesu a kihta uh hi. 19Nitak simin Jesu khuanawl ah a paikhia hi. Theikung keugaw pan thuhilhna 20A zing ciangin lampi ah a pai lai takun, theikung a zung pan kipan in a dinggaw in a mu uh hi. 21Piter in phawk kik a: Rabbi aw, na samsiat theikung a dinggaw khin hi ci-in a gen hi. 22Jesu in: Pasian na um un. 23Ken aman takpi kong cihin, mi khat peuh in, a lungsim tawh a upkhialh kei leh a cih bangin piang ding hi ci-in a up leh, hih mual kiangah: Na omna panin kikhin in la, tuipi sungah kipaai in a cih leh, a cih mah bang in a piang ding hi. 24Ken kong cihin, thu na nget uh ciangin, na nget khempeuh uh ngah dingin na

47 up uh leh na ngah dinguh hi. 25Note in thu na nget uh ciangin, midang tungah lungkim lohna na neihuh leh, 26vantung ah a om na Pa un note mawhnate hong maisak theihna dingin a mawhnate na maisak un a ci hi. Ukna thu a neihna kidong 27Jesusalem khua a tun kikuh ciangin, Jesu in biakinnpi tualah a kawivak lai takin, siampi liante, laitheite leh upate a kiangah hong pai uh hi. 28Amaute in: Hih nate kua thu tawh bawl na hi hiam? ci-in a dong uh hi. 28Jesu in: Note in, ka dotna nong dawng masa dinguh hi. 29Nong dawn theih uh leh hih nate kua thu tawh bawl ka hi hiam cih kong hilh ding hi. 30Johan baptaizna thu in van panin hong piang hiam? lei panin hong piang hiam hong dawng un ci-in a dong hi. 31Amaute in: Van panin hong piang cile hang, bang hangin a thu manglo na hi uh hiam? ci-in hong dawng ding hi. 32Mi tung panin hong piang hi, cile hang mite in Johan in kamsangpa sa uh hi ci-in khat leh khat a kikum uh hi. 33Tua ciang in: Ka thei kei uh hi ci-in a dawn uh ciangin, Jesu in: Tua mah bangin hih nate kua thu tawh bawl ka hi hiam? cih kong gen kei ding hi a ci hi. 11:9 La. 118:25-26; 17 Isa. 56:7; Jer. 7:11; 23 Mat. 17:20; 1Kor. 13:2; 25-26 Mat. 6:14-15. Leenggah lo leh a khote tawh gentehna Jesu in thugentehna tawh a hilhna in: Mi khat in lo lai-ah leenggah kungte suan in, ngawl tawh a um khit ciangin, leenggah cilna to a, tausang buk a lam khit ciangin, a kho ding cial in, gam dangah a pai hi. 2A lak hun a tun ciang in, lo khawhlawhte tung panin a gah ngah dingin lo neipa in a nasemte khat a sawl hi. 3Lo khawhlawhte in a nasempa manin, a sat khituh ciangin, khutguak tawh a ciah sakuh hi. 4Khatvei nasem dang khat sawl kik a, tuapa lutang a liamsak khituh ciangin a zahhuai sakuh hi. 5Nasem dang khat a sawl kik ciangin, tuapa zong a thatuh hi. Nasem dang tampi sawl lai a, kimkhat satin a thatuh hi. 6Lo neipa in a it luat a tapa neih sun: Tua mite in ka tapa zahtak ding uh hi ci-in a nunung pen in a sawl hi. 7Ahih hang in lo khawhlawhte in: Hihpa in a innluah dingpa ahi hi. Hong pai un! A luah dingte i neih theihna dingin amah that ni ci-in a kikum uh hi. 8Lo nei pa tapa

12

MARKA 12 a mat khit uh ciangin, that in, leenggah lo nawlah a paaikhia uh hi. 9Tua ahih manin, lo khawhlawhte pen a lo neipa in bangci bawl ding hiam? Amah hong pai-in, lo Khawh-lawhte su gawp in mi dangte leenggah lo a cingsak hi. 10Inn lamte nilkhiat suangin, a nung ciangin Innkiu suang a piang hi. 11Pasian in tua thu bawl a, eite mai-ah a lamdang hi a cihna thu Lai Siangtho sungah khatvei beek sim ngeilo na hi uh hiam? ci-in a gen hi. 12Mat theihna dingin a zon uh hangin mihonte a kihta uh hi. A gen thu in, amaute a cihna ahih lam a thei uh hi. Tua lai takin amaute in amah nusia in a paikhia uh hi. Siah piakna thu 13Jesu a kampau tawh mawh matna dingin Farisaite kimkhat leh Herod nungzuite kimkhat a kiangah a sawl uh hi. 14A kiang a tun uh ciangin: Sia aw, thutak genpa na hi hi. Kuamah kihta lo leh maitang zahtakna nei loin Pasian thu tang takin na hilh lam ka thei uh hi. Tua ahih manin, Kaisar tungah siah piak tuak maw piak tuak lo? 15Ka pia dinguh hiam? ahih kei leh ka pia kei dinguh hiam? ci-in a donguh hi. Jesu in amaute simtatna a theih ciangin: Bang hangin hong zeet na hi uh hiam? Denarias peek khat ka et ding in hong pia un a ci hi. 16A hong paipih uh ciang in Jesu in: Hih in kua lim leh kua min ahi hiam? ci-in a dot ciangin, amaute in: Kaisar kumpipa lim leh min ahi hi a cih uh hi. 15Jesu in: Kaisar sum Kaisar na pia un la. Pasian sum Pasian na pia un a ci hi. Amaute in a dawnna lamdang a sa uh hi. Thawhkikna thu dotna 18Misite thawhkikna om lo hi ci-in a um Saddusite in Jesu kiangah va pai uh hi. 19Tua ciang in: Topa aw, mi khatin a zi a sih ciangin a zi nusia in, ta a neih kei leh, a nau in a zi luah hen la, a u khang a man lohna dingin kizom hen, ci-in Moses in thu hong pia hi. 20Unau sagih a om uh hi. A u pen in zi nei a, ahih hangin ta nei loin a si hi. 21A zom pa in a upa zi luah a, ta nei loin a si hi. 22Tua mah bangin a thumna in hih hi. Unau sagihte in tua numei a tenpih kim a, ahih hangin ta neih pih kuamah om loin a si uh hi. A tawpna ah numei zong a si hi. 23Thawhkik ni ciangin, tua numei in, a kua pen zi ahi ding hiam? Bang hang

MARKA 13 hiam cihleh, tua numei tawh unau pasal sagihte a kiteng kim hi ci-in a donguh hi. 24Jesu in: Note in Lai Siangtho leh Pasian vangliatnate thei loin na um khial uh hi. 25Sihna pan thawhkik ni ciangin, kipi kitenna a om kei ding hi. Amaute in vantung mite tawh kibang in a om dinguh hi. 26A sisate thawhkikna tawh kisai-in: Keimah in Abraham Pasian, Isaak Pasian, Jakob Pasian ka hi hi ci-in Moses in a gelh Lai Siangtho sungah sawl kawm panin a kilhilhna thu sim ngeilo na hi uh hiam? 27Pasian in a site Pasian hi lo a, a nungtate Pasian ahi hi. Na lim khialh mahmah uh hi a ci hi. A lian thukham 28Laitheipa khat hong pai in, thu kidongte Jesu in a kituak in a dawn kikna thu a theih ciang in: Thukham a lian pen in bang ahi hiam? ci-in a dong hi. 29Jesu in: Thukham a lian pen in: Israel mite aw ngai un! Eite Topa Pasian in Topa khat bek ahi hi. 30Na Topa Pasian na lungsim khempeuh, na pilna khempeuh, na hatna khempeuh tawh na it in. 31Thukham a nihna in: Na pumpi na it bangin na lawmte zong na it in cih ahi hi. Hih Thukhamte sangin thukham lian zaw a om kei hi a ci hi. 32Laitheipa in: Topa aw, Pasian khat bek hi a, tua Pasian sim loh Pasian dang a om kei hi, ci-in na ngen thu in a man takpi ahi hi. 33Tua Pasian pen lungsim khempeuh, pilna khempeuh leh hatna khempeuh tawh it in, a pumpi a it bangin a lawmte zong a it ding hi, a pumpi mei a khul biakna leh sagawh biakna sangin a pha zaw hi ci-in a gen hi. 34Tua pa in pilna tawh a gen lam Jesu in a theih ciangin: Pasian Gam tawh na kigamla kei hi a ci hi. Tua khit ciangin kua mah in thu a dong ngam nawn kei uh hi. David tapa thu dotna 35Jesu in biakinnpi sungah thu a hilh lai takin: Khris in David ta hi, ci-in laitheite in bang hangin gen thei uh ahi hiam? 36David in: Topa in, na galte na khenuai ah ka koih matengin, ka ziatlamah na tu in ci-in ka Topa kiangah a ci hi ci-in Kha Siangtho tawh a gen hi. 37David in: Khris in Topa hi ci ahih manin, bangci bangin a ta hi thei ding hiam? ci-in a dong hi. Mihonte in

48 nuamna leh lungdamna lianpi tawh a thugen a ngai uh hi. Laitheite mawhsakna 38Jesu in thu a hilh lai takin: Laitheite lak pan in na kikem un. Amaute in puantual silhin a vak nuam uh hi. 39Sumbuk ah zahtakna tawh hopihna, kikhopna inn sungah tokhom pha bel, pawikhamna sungah tutphah pha bel a deihuh hi. 40Amaute in meigongte neihsa ne tumin, mawhna uh a selna in sauveipi thu ngen uh hi. Tuate in mawhsakna lian zaw thuak dinguh hi ci hi. Meigongnu piakhiatna 41Tua lai takin Jesu in sumkholna mai-ah tu a, mihonte in sumkholna sungah a dangka khiat uh a en hi. Sum hau tampite in sum tampi a khia uh hi. 42A zawng meigong khat hong pai in, dangka san pai nih a khia hi. 43Jesu in a nungzuite sam a: Ken a man takpi kong cihin, sumkholna sung ah a khia meigong in tam a khia pen hi. 44Mi dangte in a sum valte uh khia uh a, ahih hangin tua numei in zawng napi-in a kivakna ding na ngawn sit loin a khia hi ci-in a gen hi. 12:1 La. 118:22-23; 18 Sawl. 23:8; 19 Thkna. 25:1; 26 Pai. 3:6; 29-30 Thkna. 6:4-5; 31 Siam. 19:18; 32 Thkna. 4:35; 33 Hos. 6:6; 28-34 Lk. 10:25-28; 36 La. 110:1. Hong tung ding thute Biakinnpi panin Jesu a paikhiat lai takin, a nungzuite in: Topa aw en in! Bang zahin a lamdang suangte leh innte ahi uh hiam? ci-in a genuh hi. 2Jesu in: Hih a lian mahmah innte na mu uh hiam? Phel kul loin, suang khat tungah suang a kiciang khat beek a om nawn kei ding hi a ci hi. 3Tua lai takin biakinnpi pam Oliv mual tungah Jesu tu in a om lai takin Piter, Jakob, Johan leh Andru-te in a sim dotuh hi. 4Amaute in: Tua thute in cik ciangin hong piang ding a, a pian ding a nai ciangin bang lim tawh kithei ding hiam? a ci uh hi. 5Jesu in: Kuamah in hong khem zawh lohna dingin na kikem un. 6Mi tampi in: Kei tuapa ka hi hi ci-in ka min tawh hong pai in, mi tampi a khem dinguh hi. 7Gal kidona thu na zakuh ciangin lunghimawh kei un. Tuate hong piang ding hi. Ahih hangin beina a tung nai kei ding hi. 8Nam khat leh nam khat hong kido dinguh hi. Mun khatah kial tungin, ziin zong hong ling ding hi. Tuate in gimna kipatna ahi hi.

13

49 9Na kikem un. Bang hang hiam cihleh, amaute in upa vaihawm thukhennate mai-ah note hong pia dinguh a, kikhopna inn sungah hong kisat ding hi. Tua mangte leh kumpite mai-ah ka min hangin teci na pang dinguh hi. 10Lungdamna Thu a masa belin mipawl khempeuh a kihilh ding hi. 11Amaute in zum innah hong piakuh ciangin na thugen dinguh na lunghimawh kei un. Note in gen loin Kha Siangtho in hong gen ding ahih manin, na ngah bangun na gen un. 12Sangam khat leh khat sihna dingin hong kiheek dinguh a, pa in a tate heek in, tate in a nu leh a pa uh gal in do in a kithat dinguh hi. 13Ka min hangin mi khempeuh in note hong mudah dinguh hi. A tawp dong a thuak zote in gupna a ngah dinguh hi. 14Kisiatna leh kihhuaipa in, a luahna ding a kilawm lo, a siangtho munah hong om na muhuh ciangin, (Lai Siangtho a sim theite in theita hen) Judah gamah a om mi in mual tungah tai kei ta hen. 15Innkhum tungah a omte in, inn sungah sum la dingin kumsuk kei ta hen. 16Lo lai-ah a omte in zong puan la dingin inn ah ciah kei ta hen. 17Tua lai takin naupai leh naungek nei numeite in gimna a thuak dinguh hi. 18Tua hun in, phalbi lai ahih lohna dingin thu na ngen un. 19Bang hang hiam cihleh, Pasian bawlsa leitung piancil panin a piang ngeilo, zong a piang nawn lo ding gimna lianpi in, tua hun lai takin hong piang ding hi. 20Topa in tua nite a tom sak kei leh kuamah suakta zolo ding hi. Tua ahih manin, a teelsate adingin a tomsak ding hi. 21Tua lai takin mi khat peuh in: Hih lai ah Khris a om hi, hua lai ah om hi hong cih hangin na um kei un. 22Kamsang zuau theite leh Khris zuaute in hong piang dinguh a, a teelsate nangawn a khem zawh leh, a khemna dingun lim leh na lamdang liante hong lak dinguh hi. 23Na kikem un. Thu khempeuh kong gen khin hi. Mihing Tapa hong paina 24Tua gimna khit ciangin: Ni in hong mial ding a, kha in hong tang nawn kei ding hi. 25Aksite in van panin hong kia dinguh a, vanah a om vangliatnate a kiling ding hi. 26Tua lai takin vangliatna leh minthanna tawh Mihing Tapa meii tung ah hong kumsuk na mu dinguh hi. 27Tua lai takin a vantung mite sawlin, amaute in a teelsate lei kiu

MARKA 14 li leh lei mong khat pan mong khat dongin a kaikhawm dinguh hi. Theikung thuhilhna 28Theikung tungah thugentehna na sin un. Theikung in a hiang mengin, a teh a no ciangin khuakhal ding hong naita hi ci-in na thei uh hi. 29Tuamah bangin, tuate a piang na muh uh ciangin, kongbiang dongin hong nai ta hi cih na thei ta un. 30Ken aman takpi kong cihin, hih khang mite a beima in, hih thu khempeuh hong piang ding hi. 31Ahi zongin ka thu a mangthang kei ding hi. A ni leh nai kuamah in theilo 32Tua ni leh hun kuamah in a thei kei hi. Vantung mite in thei lo uh hi. Mihing Tapa in zong theilo hi. Pa khat bekin a thei hi. 33Hong tun hun ding theilo na hih manun, kikem un la thungen in na ngak un. 34Mi khat in gam dang pai ning ci-in, a inn nusia in, a nasemte tungah a sep ding ciatuh a piak khit ciangin, kong khakpa kiangah: Na ngak in ci-in a vaikhak mah bangin, na ngak un. 35Tua ahih manin na ngak un. Inntekpa in nitak ahi zongin, zankim lai tak ahi zong in, zingsang ahi zongin hong tun hun ding theilo na hih manun, na ngak un. 36Tua bang ahih kei leh, na ihmut lai takuh hong tuak kha ding hi. 37Note kiangah ka cih mah bangin, mi khempeuhte kiangah zong: Na ngak un ka ci hi ci-in Jesu in a gen hi. 13:9-11 Mat. 10:17-20; Lk. 12:11-12; 13 Mat. 10:22; 14 Dan. 9:27; 11:31; 12:11; 15-16 Lk. 17:31; 19 Dan. 12:1; Mang. 7:14; 24 Isa. 13:110; Joel. 2:10:31; 3:15; Mang.6:12; 24 Isa. 13:10; Ezk. 32:7; Joel 2:10; 2:15; 25 Isa. 34:14; Mang. 6:13; Joel. 2:10; 26 Dan. 7:13; Mang. 1:17; 32 Mat. 24:36; 34 Lk. 12-38. Makaite in Jesu a sawmna Ni nih khit ciangin, Paisan pawi leh silngo sawhloh khomun pawikhamna tung ding hi. Tua lai takin siampi liante leh laitheite in Jesu khem bawl in, a mat dan dinguh a vaihawmuh hi. 2Ahih hangin mihonte a gamlum khak ding patau uh ahih manun: Pawikham hun sungin hih kei ni a ci uh hi. 3Bethani khua: miphak Simon inn sungah an a nek lai takin numei khatin a man pha mahmah nard paknamtui sumngo thawl khat a sukkhap khit ciangin Topa lu tungah a nilh sak

14

MARKA 14 hi. 4Mi kimkhatte heh uh a: Bang hangin paknamtui a mawkna in zang hiam? 5Tua paknamtui in dangka zathum tawh a kizuak khit ciangin, mizawngte a kipia thei hi ci-in numei a mwhsak uh hi. 6Jesu in: Tua numei omsak un. Bang hangin bawlsia na hi uh hiam? Ka tungah amah in thupha hong bawl khin hi. 7Mizawngte ahih leh note tawh om khawm den ding ahih manin, na ut hun peuhuh ciangin amaute tungah thupha na bawl thei uh hi. Kei ka hih leh note tawh a om khawm tawntung ding ka hi kei hi. 8Hih numei in ahih theih zahin ahih khin hi. Ka kivuina dingin ka tungah sathau hong nilh khin hi. 9Ken aman takpi kong cihin, Lungdamna Thu a kihilhna mun khempeuh ah, hih numei phawkna in, a hong bawlna thu a kigen ding hi a ci hi. 10Tua lai takin sawm leh nihte lak panin Judas Iskariot in, amaute khut sungah Jesu pia dingin siampi liante kiangah a pai hi. 11Amaute in a zak uh ciangin nuam uh a: Dangka tawh kong guai dinguh hi ci-in a kiciamuh hi. Tua pan kipan in, amaute khut sungah Topa a piak theihna ding a zong hi. Paisan pawi nekna 12Paisan pawi tuuno a kigawh ni, silngo omlo khomun nek kipat ni-in a nungzuite in: Paisan pawi na nek theihna ding koi lai-ah mun hong bawlsak le-ung na deih hiam? ci-in a donguh hi. 13Jesu in: Khua sungah pai un la, tuibeel pua mi khat na tuak dinguh hi. 14Tua mi nungzui un la, a lutna inn neipa kiangah: Siapa in, ka nungzuite tawh Paisan pawi ka nekna dingin, na zintunna inndei koi lai-ah om hiam? a ci hi va ci un. 15Tua mi in, a kibawlsa dei tungnung a lian khat hong lak ding hi. Tua dei sungah eite adingin na bawl khol un ci-in a nungzui nihte a sawl hi. 16Amaute pai uh, khuasung a lutuh ciangin Jesu in a genkholh bangin mu uh a, Paisan pawi a bawl khol uh hi. 17Nitak ciang in, Jesu in sawm leh nihte tawh hong pai uh hi. 18An a nek lai takun Jesu in: Ken aman takpi kong cihin, i an nekkhopih khatin kei hong lehhek ding hi a ci hi. 19A nungzuite dah lua uh a: Kei ka hi hiam? ci-in khat khit khat in a donguh hi. 20Jesu in: Sawm leh nihte lakah ankuang ka sawk khopihpa ahi hi. 21Mihing Tapa in, Lai Siangtho sung ah a kigelh mah bang in a

50 pai ding hi. Ahih hangin Mihing Tapa a lehhekpa in gimna a thuak ding hi. Tuapa in a nu sung panin suak vet kei leh, ama adingin a pha zaw ding hi a ci hi. Nekkhawm bawl a pianna 22An a nek lai takun Jesu in khomun la in hehpihna a phat khit ciangin balnen in: Hih khomun in ka pumpi ahi hi. La un la ne un ci-in a nungzuite a pia hi. 23Hai zong la in, hehpihna a phat khit ciangin amaute pia a, a vekpi un a dawn uh hi. 24Jesu in: Hih in mi tampi adingin a kibuasa kiciamna ka sisan ahi hi. 25Ken aman takpi kong cihin, Pasian Gam sungah a thak in ka dawn matengin tu a kipanin ka dawn nawn kei ding hi a ci hi. 26Amaute in la a sak khituh ciangin, Oliv Mual ah a pai uh hi. Piter nial ding genkholhna 27Jesu in: Tuucingpa ka satlum a, tuute a kithehthang ding hi ci-in Lai Siangtho sungah a kigelh mah bangin, note in tu zan ciangin keima hangin na vekpi-un na lungkia dinguh hi. 28Ahih hangin ka thawhkik khit ciangin, note mai-ah Galile gamah ka pai ding hi a ci hi. 29Piter in: Mi khempeuh a lungkia zongin, ka lungkia ngei kei ding hi a ci hi. 30Jesu in: Ken aman takpi kong cihin, tuzan ak nihvei a khuan ma in, thumvei nong nial ding hi a ci hi. 31Piter in: Nang tawh ka si khawm zongin kong nial ngei kei ding hi ciin a lungtang khauhna tawh a gen hi. A dangte khempeuh in zong tua mah bangin a gen uh hi. Gethsemani huanah thungetna 32Gethsemani huan a kici mun a tunuh ciangin Jesu in: Thu ka nget kalin, hih muhah na tu un ci-in a nungzuite kiangah a gen hi. 33Tua khit ciangin: Piter, Jakob leh Johan-te sam in, a lungkhamna a kipan hi. 34Amah in: Si dektak liangin ka dah hi. Hih san takah ngakin na om un ci-in thu a pia hi. 35Jesu in, a mai lamah tom kha paiin lei lakah boksuk a, tua hun in amah tawh a kipelh theih leh, a kipelhna dingin thu a ngen hi. 36Tua ciangin: Abba Pa aw, na khempeuh na bawl thei hi. Hih hai tawh hong kipelh sakin, ahih hangin kei deihna bang hi loin, nangma deihna bang hi ta hen a ci hi. 37A nungzuite kiangah a paikik leh, ihmu in a om a muh ciangin Piter kiangah: Simon aw, ihmu na hi hiam? kei tawh nai khat nangawn ngak khawm zolo na hiam?

51 38Khemna tawh na kipelh theihna dingin thungen in la, ngak in. Lungsim a ut hangin pumpi tha zawm hi a ci hi. 39Khatvei va pai kik a, a nget masak mah bangin a ngen hi. 40Hong paikik ciangin, a nungzuite ihmu in a om a mu hi. A mit uh kham ahih manun, a dawnkikna ding a thei kei uh hi. 41Thumveina hong paikik a: Tu in nuam takin ihmu un. Hun a kicing zo hi. A hun a tung khin hi. Mihing Tapa in migilote khut sungah kilehhek khin hi. 42Tho un, pai ni. Hong lehhekpa hong nai zo hi a ci hi. Jesu kimatna 43Jesu in tua bangin a gen lai takin, a nungzuite lak panin khat ahi: Judas in thakhat in, siampi liante, laitheite leh upate in a sawl uh mihonte in, namsau leh molhtum tawi in hong tawn khawm uh hi. 44Jesu a lehhekpa in: Ka nappa in Jesu ahi hi. Tuapa manun la, paipih un ci-in lim a hilh khol hi. 45A tunuh ciangin Topa kiang ah Judas thakhat in va nai a: Topa aw ciin a nam hi. 46Amaute in Jesu a mat khit uh ciangin a kai uh hi. 47Tua lai takin a gei-ah a ding khat in, a namsau dokin, siampi lian ukpa nasem khat a sat leh a bil a sat khia hi. 48Tua ciangin Jesu in: Note in galgu mat bangin molhtum leh namsau tawh hong pai na hi uh hiam? 49Keimah in Biakinnpi sungah nisim in thuhilh in, note tawh ka om khop lai takin nong man kei uh hi. Hih thute in Lai Siangtho thu a tunna ding ahi hi ci-in mihonte kiangah a gen hi. 50Tua ciangin a nungzuite khempeuh in a taisan uh hi. 51Tangval khat in, saihadial puan khat bek silh in Jesu zui a, 52Jesu a kimat ciangin, a saihadial puan nusia in, a tangguak in a tai hi. Upate mai-ah Jesu 53Siampi ukpa kiangah Jesu a paipih uh hi. Siampi liante, upate leh laitheite khempeuh in, hong kikhawm uh hi. 54Piter in siampi ukpa inn tual dongin a gamla sim kihal in Jesu zui a, palikte tawh mei a awi khawm hi. 55Siampi liante leh upate khempeuh in Jesu thah theihna dingin teci a zon hangun a mu kei uh hi. Bang hang hiam cihleh, a tecipannate uh zuau thu ahih manin a kituak kei hi. 57Kimkhat in: Hihpa in ka khut tawh hih biakinnpi ka suksiat khit ciangin, 58khut tawh kibawl lo biakinnpi ni thum sungin ka lamkik ding hi, a cihna ka za khinuh hi ci-in zuau

MARKA 15 thu tawh teci a pang uh hi. 59Ahih hangin, a tecipannate uh a kituak kei hi. 60Siampi ukpa in amaute laizangah dingin, Jesu kiangah: Kam khat beek dawng kik lo ding na hi hiam? Hih mite in na langkhat ah teci a bangci pan uh hiam? ciin a dot leh, Jesu pau loin a om hi. 61Siampi ukpa in: Nangmah in thupha a nei Pasian Tapa Khris na hi hiam? a ci kik hi. 62Jesu in: Ka hi hi. Mihing Tapa in vangliatna ziat lamah tu in, meii tungah hong kumzuk na mu ding uh hi a ci hi. 63Tua ciangin siampi ukpa in: A dang bang teci deih lai i hi hiam? 64Pasian tungah a pau khialhna thu na za khin uh hi a ci hi. Amaute khempeuh in: Hihpa thah tuak hi a ci uh hi. Piter in Jesu a nialna 65Tua lai takin, kimkhat in Jesu cil phih uh a, a maitang a tum uh hi. Tua ciangin: Kua in hong tum hiam Pasian kamsangte bangin hong hilh in a ci uh hi. Palikte in a khutuh tawh pangbet in a paipih uh hi. 66Piter in a dawl nuainung inntual ah a om lai takin siampi ukpa nasem numei khat hong pai in, 67Mei awi in Piter a om a muh ciang in lim takin en a: Nangmah in Nazareth khua mi Jesu tawh na kipawl hi a ci hi. 68Piter in: Na cihpa ka thei ngei kei a, zong ka tel kei hi ci-in a nial hi. Innlim ah a paikhiat khit ciangin ak a khuang hi. 69Numei in Piter a muh kik ciangin, tua munah a ding mite kiangah: Hihpa zong tua mite khat ahi hi a ci hi. 70Piter in a nial kik hi. Tua khit a sawt loin a gei-ah a dingte in: Hua mite lakah khat na hi takpi hi. Nangmah in Galile mi na hi hi a ci uh hi. 71Tua ciangin Piter in: Na gen mipa ka thei ngei kei hi ci-in hamsia tawh a kiciam hi. 72Tua khit phetin ak a khuang hi. Piter in: Ak khuan ma in, thumvei nong nial ding hi ci a, Jesu gen phawk kik in, a ngaihsut ciangin a kap hi. 14:1 Pai. 12:1-27; 3 Lk. 7:37-38; 7 Thkna. 15:11; 18 La. 41:9; 24 Pai. 24:8; Jer. 31:31-34; 27 Zek. 13:7; 28 Mat. 28:16; 49 Lk. 19:47; 21:37; 58 Jhn. 2:19; 62 Dan. 713; 64 Siam. 24:16. Pilat mai-ah Jesu A zingsang ciangin, thakhat in siampite, upate, laitheite leh vaihawmte khempeuh in a vaihawm uh a, khau tawh Jesu a hen khituh ciangin Pilat mangpa kiang a pia uh hi. 2Pilat in: Judah Kumpipa na hi hiam? ci-in a dot leh Jesu

15

MARKA 15 in: Na cih bangin ka hi hi a ci hi. 3Siampite in a mawhsakna uh tam mahmah hi. 4Khatvei Pilat in: Na langkhat ah hih zahta mawhsaknate en in. Kam khat beek dawng kik lo ding na hi hiam? a ci hi. 5Ahih hangin Jesu in kam khat zong dawn loh manin, Pilat in lamdang a sa hi. Si dingin thukhenna 6Pawikham hun ciangin, mipite ngetna bangin, mangpa in mi khat khah theihna thu a nei hi. 7Tua lai takin mi suam leh mi that in a thongkia lakah Barnabas kici mi khat thong sungah a om hi. 8Mihonte in Pilat kiangah pai in, a tungah a bawl ngeina bangin a hihna dingin a ngen uh hi. 9Pilat in: Judah Kumpipa khah lengh na ut uh hiam? ci-in a dong hi. 10Siampi liante in a mah a hazat man ahih lam thei ahih manin hih thu a dong ahi hi. 11Jesu khah loin, Barnabas a khah zawkna dingin siampi liante in mipite a hansuah uh hi. 12Khatvei Pilat in: Tua ahih leh Judah Kumpipa na cih uh bang cih ding ka hi hiam? ciin a dong hi. 13Mihonte in: Tuapa singlamteh tungah that in ci-in a kiko uh hi. 14Pilat in: A hang kician takin hong gen un. Amah in mawhna bang ta khial ahi hiam? ci-in a dot ciangin: Singlamteh tungah that in ci-in a kilimko sem uh hi. 15Pilat in mihonte a lungdam sakna dingin Barnabas khah in, Jesu a sat khit ciangin, singlamteh tungah thah dingin a pia hi. Galkapte zahkona 16Tua ciangin galkapte in mang inntual ah Jesu paipih uh a, galkap khempeuh a kikhawm sak uh hi. 17Puansan khat Jesu silh sakin, ling tawh kigan lukhu a khusak uh hi. 18Tua khit ciang in: Judah Kumpipa aw na cidam ta hen ci-in a kiko uh hi. 19Pumpeeng tawh a lu satuh a, cilphih in, amai-ah khukdin in a bia uh hi. 20Tua bangin a khelbawl khit uh ciangin, puansan suah khia in, ama puan mah a silh sakkik khit uh ciang in, singlamteh tungah thah dingin a paipih uh hi. Singlamteh tungah khaina 21Alexandar leh Rufas pa Simon kici, Sirin mi khat gam lak panin hongpai a, zawhthawh thu tawh Jesu singlamteh pua dingin a kizuisak uh hi. 22Lutangguh a cihna: Golgotha kici munah paipih uh a, 23Zatui kha tawh a kihel leenggahtui dawn dingin Jesu a piak uhleh a sang nuam kei hi. 24Singlamteh tung ah Jesu a khaikhit uh ciang

52 in, bang la ciat ding uh hiam ci-in aisan in a puan a hawmte a hawm uh hi. 25Zingsang nai kua hun in singlamteh tungah Jesu a khai uh hi. 26A maute in: JUDAHTE KUMPIPA HI ci-in mawhsakna lai a tungah a kigelh hi. 27Misuam nih, a veilam leh ziat lamah Jesu tawh a khai khawmuh hi. 28Lampi ah a paite in: Hei, biakinnpi susia in ni thum sung a lam kik dingpa aw, 29na pumpi kigum in la, singlamteh tung panin hong kumsuk in ci-in lupei in a zahko uh hi. 30Tua mah bangin siampi liante leh laitheite in: Hihpa in midangte a gup theih hangin, a pumpi a kigum zo kei hi. 31Kong up theihna ding un, Israel Kumpipa in kote muhna ah singlamteh tung panin hong kum suk hen ci-in khat khit khat in a zahko uh hi. 32Singlamteh tungah Jesu tawh a kikhaikhawmte in zong a zahko uh hi. Jesu sihna 33Sun kim lai tak nai sawm leh nih pan in nai thum dong leitung khempeuh khua a mial hi. 34Nai thum lai takin Jesu in: Eloi! Eloi! Lama Sabakthani ci-in nakpi takin a kiko hi. A khiatna in: Ka Pasian Ka Pasian aw! bang hangin hong taisan na hi hiam? a cihna ahi hi. 35A kim ah ding in a om a zate in: Elijah a sam hi a ci uh hi. 36Mi khat tai in, tuihuupna la in pumpeeng dawn ah a suan khit ciangin a tawp dingin Jesu pia a: Khawngai un. Amah gum dingin Elijah hong pai ding maw? Pai lo ding cih en dih ni a ci uh hi. 37Jesu in nakpi takin a kiko kik khit ciangin a si hi. 38Tua lai takin Pasian biakinnpi a dalna puan in, a tung lam panin a nuai lam dongin phelnih a kisuah hi. 39Jesu gei ah a ding galkap mangpa in, Jesu sihna a muh ciangin: Hihpa in Pasian Tapa ahi takpi hi a ci hi. 40Numei kimkhat in zong a gamla panin gal etuh a, tua numeite in Magdala khua mi Mari, a nau Jakob leh Josef-te nu Mari leh Salome-te a omuh hi. 41Amaute in Galile gamah Jesu nung a zui uh a, Jerusalem khua dongin a paikhawm numei dang tampi zong a om uh hi. Jesu kivuina 42Tua ni pen Nino Ni (Kigin ni) hi a, nitak ciang in, 43Arimathea khua mi Josef kici a min-thang upa ahi Pasian Gam a lamenpa hong pai in, Pilat kiangah lau loin lut in, Jesu luang a ngen hi. 44Pilat in Jesu a sih khitna thu a zak ciangin

53 lamdang sa a, galkap mangpa sam in: A sih zawh a sawt khin hiam? ci-in a dong hi. 45A sihna thu galkap mangpa kiang panin a theih ciangin a luang Josef a pia hi. 46Josef in a lei saihadial tawh, Jesu a lak khit ciangin lim takin tun a, suang a kikhuak ama han sungah sial in, hang kongvang suang peek khat a lik hi. 47Magdala khua mi Mari leh Josef nu Mari-te in a luang vuina mun a mu uh hi. 15:21 Rom. 16:13; 24 La. 22:18; 28 La. 22:7; Isa. 53:12; 29 La. 22:7 109:25; Mk. 14:58; Jhn. 2:19; 34 La. 22:1; 36 La. 69:21; 38 Pai. 26:31-33; 40-41 Lk. 8:2-3. Thawhkikna Nipi ni a bei khit ciangin, Magdala khua mi Mari, Jakob nu Mari leh Salome-te pai uh a, Jesu luang zutna dingin paknamtui a lei uh hi. 2Ni sagih lakah ni masa ni, zingtung, nisuah lai takin hanah a pai uh hi. 3Amaute in: Han kongkhakna suangpi kua in hong lik khiatsak ding hiam? ci-in khat leh khat a kiho uh hi. 4Tua lai takin a et uh leh, tua suangpi kilik khia khin a om a mu uh hi. Tua suang in a lian mahmah suangpi ahi hi. 5Han sungah a lut khituh ciangin, tangval khat puanpak silh in, han ziat lamah tu in a om, a muhuh ciangin lamdang a sa uh hi. 6Tangvalpa in: Lamdang sa kei un. Na zonuh ahi, singlamteh tungah a kithat Nazareth mi Jesu in a thokik zo hi. Hih munah om nawnlo hi. A luang koihna hong en un. 7Tu-in pai un la: Na mai-uah Galile gamah a pai ding hi. Thu hong piak kholh mah bangin, tua munah Topa na mu dinguh hi ci-in Piter a kipan a nungzuite va hilh un a ci hi. 8Amaute paikhia in, han panin a tai uh hi. Bang hang hiam cihleh, lamdang sa in a linguh hi. Lau lua uh ahih manun, kuama kiangah a gen kei uh hi.

16

LUKA 1 Magdala Mari tungah kilatna 9Ni sagih lakah ni kipat ni, zingtung in Jesu a thawhkik khit ciangin a sung pan dawi sagih a hawlkhiatna Magdala khua mi Mari tungah a kilang masa pen hi. 10Mari pai in, Jesu tawh a kipawlte in dah in, a kah lai takun tua thu va hilh hi. 11Amaute a zakuh ciangin, Jesu thawhkikna thu ahi zongin, Mari in a muhna ahi zongin a um kei uh hi. 12Tuanung ciangin, nungzuite nih khuaneu ah a pai lai takun Jesu in meel kilamdanna tawh a kihil hi. 13Tuate pai uh a, nungzui dangte a zaksak uh hangin amaute thugen a um kei uh hi. Sawm leh khatte sawlna 14Tua khit ciangin, nungzui sawm leh khatte in an a nek lai takun Jesu in amaute tungah hong kilang a, a thawhkik khit ciangin a up lohna man un, a up khialhna uh a mawhsak hi. 15Tua ciang in: Note leitung khempeuh ah vak kawikawi un la, mi khempeuh kiangah Lungdam-na Thu na hilh un. 16Thu um a, a kibaptaizte in gupna a ngah dinguh hi. A um lote in mawhna thukhenna a thuak dinguh hi. 17Thu um mite tungah hih na lamdangte a piang ding hi: Ka min tawh dawite hawlkhia in, kamthak in a pau dinguh hi. 18Gulte manin, sihna gu a dawnuh hangin gimna a thuak kei dinguh hi. Cinate tungah a khutuh na ngakuh ciangin a dam dinguh hi ci-in Jesu in a vai khak hi. Vankahna 19Tua thute Topa Jesu in a gen khit ciangin, vantungah kilato in, Pasian ziatlamah a tu hi. 20Amaute paikhia in, mun khempeuh ah thu a hilhuh hi. Topa in amaute ompih in, lim tawh a sepna uh a kipsak hi. AMEN! 16:7 Mt. 26:32; Mk. 14:28 ; 15 Sawl. 1:8; 19 Sawl. 1:9-11.

LUNGDAMNA THU LUKA GELH

Theofilas thupiakna A lian Theofilas aw, a cil panin mittang tawh a mu teci leh Pasian thuhilh na a sem mite in hong genna bangin, 2eite lakah zong a piangsa thute, hong kizaksakna tawh kizomin lai a gelh mi tampi a omuh hi. 3Kei zong tua thu khempeuh

a cil panin tel takin ka dot khit ciangin, 4hong kihilh sa thute in aman takpi hi cih na theihna dingin a kizomin zasak ning ci-in ka ngaihsun hi. Baptaizpa suah ding genkholhna 5Judah gamah Herod kumipipa a man lai tak in, Abijah pawlte lak ah Zekhariah a min nei

LUKA 1 siampi khat a om hi. A zi in Aaron suan hi a, a min in Elisabeth ahi hi. 6A nupa un Pasian Thukham khempeuh leh ngeinate khempeuh zui uh a, mawhsakna ding om loin, Pasian mai-ah mipha ahi uh hi. 7Elisabeth in ta sel ahih manin a teek dongin ta a nei kei hi. 8Zekhariah in, siampi pawlte in a banban in Pasian mai-ah a siampi sep hun tungin, 9siampi ngeina bangin biakinnpi sungah lutin, paknamtui mei tawh halna ding thu a ngah hi. 10Paknamtui a hal lai takin, mi khempeuh in innpua lamah thungen in a om uh hi. 11Tua lai takin Topa vantung mi khat hong kilang a, paknamtui tau ziat lamah a ding hi. 12Zekhariah in vantung mi a muh ciang in lunghimawh in a lau hi. 13Vantung mi in: Zekhariah aw, lau kei in. Na zi Elisabeth in nang adingin tapa khat a nei ding hi. Tua tapa a min Johan na phuak ding hi. 14Lungdamna leh nuamna na ngah ding a, a suahna hangin mi tamte zong a lungdam ding uh hi. 15Tuapa in Topa mai-ah mi lian hi ding ahih manin, leenggahzu leh zu neu kha beek dawn loin a nu gilsung pan in Kha Siangtho tawh a kidim ding hi. 16Israel minam tampite Topa Pasian kiangah a kihei sak ding hi. 17A pate lungsimin a tate uh a kihei sakna ding leh Topa adingin a kisehkhol mite a pianna dingin, amah in Elijah lungsim leh vangliatna tawh Pasian mai-ah a pai ding hi. ciin a gen hi. 18Zekhariah in: Tua a pian ding thei ding ka hi hiam? Ka teek khin hi. Ka zi zong upa khin hi ci-in a gen hi. 19Vantung mi in: Keimah in Pasian kiangah a ding Gabriel ka hi hi. Hih lungdamna thu na kiangah zasak dingin hong kisawl hi. 20Nang mahin ka thugen um lo na hih manin, hih thu a tun matengin pau thei loin na om ding hi a ci hi. 21Mite in Zekhariah ngak in, biakinnpi sungah sawtpi om ahih manin lamdang a sa uh hi. 22Hong paikhiat ciangin pau theilo ahih manin, biakinnpi sungah mangmu hi cih a thei pah uh hi. Zekhariah in lim bek tawh lak a, pau loin a om hi. 23A siampi nasepa bei ciangin a innah a ciah hi. 24Tua khit ciangin a zi Elisabeth a gai hi. 25Amah in: Mi dangte kiang pan ka thuak gensiatnate hong paih khiatsakna dingin, hong en in, hih bangin ka tungah Topa in hong bawl hi ci-in kha nga sung tawntung inn sungah a bucip hi.

54 Jesu suah ding genkholhna 26Kha nga khit ciangin Galile gam Nazareth kici khua khatah, 27David suan Josef tawh a kingai nungak kiangah Pasian in a vantung mi Gabriel a sawl hi. Tua nungak min in Mari ahi hi. 28Gabriel in: Thupha ngah nungak aw, na cidam ta hen. Topa in nang tawh a om khawm hi a ci hi. 29Mari tua thu a zak ciangin, a lungmangin: Bang thu hiam? ci-in a ngaihsun hi. 30Vantung mi in: Mari aw, lau kei in. Pasian maipha na ngah khin hi. 31Gai in tapa na nei ding hi. Tua tapa a min Jesu na phuak ding hi. 32Tua ta in milian hi ding a, sang bel Pasian Tapa kici ding hi. Pasian in a pa David tokhom a pia ding hi. 33Amah in Jakob suante uk tawntung ding a, a gam in bei hun a nei ngei kei ding hi a ci hi. 34Mari in: Hih thu in bangci pian theih ding ahi hiam? Pasal ka nei kei hi a ci hi. 35Vantung mi in: Kha Siangtho in na tung ah hong tung in, Sang bel Pasian vangliatna in hong liah ding hi. Tua ahih manin tua a siangtho a piang ta in Pasian Tapa kici ding hi. 36Tua lo a dang: tasel a kici na behnu Elisabeth in zong a teek khit hang in, tu in tapa khat gai in, kha guk a pha khin hi. 37Bang hang hiam cihleh, Pasian in sep theihloh a nei kei hi a ci hi. 38Mari in: Pasian sila numei ka hi hi. Na thu bang in ka tungah hong piang ta hen a cih khit ciangin, a kiang panin vantung mi a paikhia hi. Elisabeth kiangah Mari hawhna 39Tua ciangin Mari in kham tung gam Judah khuapi khatah manlang takin a pai hi. 40Zekhariah innah lutin Elisabeth a hopih hi. 41Mari in a hopihna Elisabeth in a zak ciangin, a gil sungah a om naungek diangin Kha Siangtho tawh a kidim hi. 42Elisbeth in: Nangmah in numeite lak ah thupha ngah na hi hi. 43Ka Topa nu ka kiang ah hong paina dingin bang hangin hehpihna ngah ka hi hiam? 44Nong hehpihna aw ka zak ciangin, ka gil sungah a om naungeek in lungdamna tawh a diang hi. 45Thu um numei in thupha a ngah ding hi. Bang hang hiam cihleh, tua numei tungah a kipia Topa thu khempeuh in a tung kim ding hi ci-in aw lian tawh a gen hi. Mari phatna la 46Mari in : Ka lungsim tawh Topa ka phat hi.

55 hong gum Topa Pasian hangin ka kha a nuam hi. 48Bang hang hiam cihleh, a sila numei kiniamkhiatna hong mu khin hi. Tu a kipanin khang khempeuh in thupha ngah hong ci ding uh hi. 49Bang hang hiam cihleh, vangliatna a neipa in ka tungah a lian thute hong bawl khin hi. Tua pa min in a siangtho hi. 50A kihta mite tungah, khang khat pan khang khat dongin a hehpihna a om den ding hi. 51A khut tawh a vangliatna a lak khin hi. A ngaih-sutna tawh a kiphasakte khenthang khin hi. 52Amah in kumpite a tokhom panun kiasak a, mizawngte a lamto hi. 53A gilkial mite an pha tawh vak a, sumhaute khutguak tawh a pai khia sak khin hi. 54I pu leh pa-te kiangah a gen ngei bangin, Abraham a kipan in a suan leh khakte tungah,55Hepihna thupha a ngaihsut den theihna dingin, a sila Israel kiangah huhna pia khin hi a ci hi. 56Mari in Elisabeth kiangah kha thum a om khit ciangin a ciah kik hi. Baptaizpa Johan suahna 57Elisabeth a suah hun tungin tapa a suak hi. 58Topa in hehpihna a lian Elisabeth tungah bawl a, a inn vengte leh a behte in a zak uh ciangin, a mah tawh a lungdam khawm uh hi. 59Ni giat a cin ciangin, naungek vunat dingin hong paipihuh a, a min dingin a pa min ahi Zekhariah a phuak uh hi. 60Ahih hangin a nu in: Hilo hi. A min Johan kiphuak ding hi a ci hi. 61Amaute in: Tua bang min in, na behte lakah kiphuak ngeilo hi a ci uh hi.62A pa kiangah: Bang phuak ding i hi hiam? ci-in lim tawh a dong uh hi. 63Zekhariah in lai ngen a: Ama min in Johan kici ding hi ci-in a gelh ciang, amaute in lamdang a sa uh hi. 64Tua khit phetin thakhat in Zekhariah kam kihong in, a leii kikhah a, Pasian phatin a pau thei pah hi. 65A inn vengte khempeuh lau uh a, tua thu in kham tung gam ahi Judah gam khempeuh a zeel hi. 66A za khempeuhte in a lungsim sunguah a ciamteh uh a: Hih naunek in bangci mi ahi ding hiam? a ci uh hi. Bang hang hiam cihleh, Topa khut in amah tawh om khawm hi.
47Keimah

LUKA 2 Zekhariah genkholhna 67Naungeek pa Zekhariah in Kha Siangtho tawh kidim a, 68Isarel mite Topa Pasian in thupha ngah ta hen.69Bang hang hiam cihleh, tanglai a kamsangte kam siangtho tawh a genkholh mah bangin, 70I galte khut sung pan i kikhakhiat khit ciang in, a mai-ah i khan tawntung sianthona leh thumanna in, 71Lau loin i biakna ahi zongin, i pa Abraham tung ah a thuciamna leh, 72A ciamna thu a siangtho in i ngaihsutna ding in, i pu i pate tungah hehpihna thupha hong bawlna ding ahi zongin, 73A mi pawlte kiangah pai-in amaute adingin gupna hong bawl a, eite in i galte khut sung panin ahi zongin, 74Hong mudah khempeuhte khut sung panin ahi zongin, hong gupkhiatna dingin, 75A sila David suan sung panin, eite ading a lian Gumpa a piang sak khin hi. 76Ahi hi. Naungeek aw, nangmah in sang bel Topa kamsangpa hong kici ding hi. Bang hang hiam cihleh, eite Pasian hong hehpihna thupha hangin, a mi pawlte khialhna hong maisak hi. 77Gupna thu a mite na theihsakna ding leh a lampi na sialsakna dingin, Topa mai-ah na pai ding hi. 78Tua hehpihna hangin, khuamialna leh sihna liim sungah a tu mite tungah khuavak a tanna ding leh nopna lampi ah i khete lam hong hilhna ding ahi zongin, 79a tung panin ni suak ding a, eite kiangah hong tang ding hi ci-in Pasian kamsangpa bangin thu a gen hi. 80Tua naungek khangin a lungsim siamna zong khangto a, Israel mite kiangah a kilah matengin gampa lakah a om hi. 1:5 Khg. 24:10; 15 Gam. 6:3; 17 Mal. 4:5-6; 19 Dan. 8:16; 9:21; 27 Mat. 1:18; 31 Mat. 1:21; 32-33 2Sam. 7:12; 13:16; Isa. 9:7; 37 Pian. 18:14; 46-55 1Sam. 2:1-10; 55 Pian. 17:7; 59 Siam. 12:3; 76 Mal. 3:1; Isa. 9:2. Jesu suahna Tua lai takin mi khempeuh kisim ding in, Kaisar kumpi pa Augustas in thu a pia hi.

LUKA 2 2Kurunias in Siria gamah menzi ahih lai takin hih kisimna in a masa pen ahi hi. 3Mi khempeuh kisim dingin a khua ciatah a pai uh hi. 4Josef zong David suan ahih manin, zuthol a piaksa Mari tawh kisim dingin Galile gam Nazareth khua panin, Judah gam Bethlehem kici David khua ah a pai uh hi. 5Mari in a gai zawh a sawt khin hi. 6Bethlehem khua ah a om lai tak un a suah hun a tung hi. 7A tacil suak in, puan tawh a tun uh hi. Zintunna inn awng nawn lo ahih manin, bawng ankuang sungah naungek a sial hi. Tuucingte leh Vantung mite 8Tua gamah tuucingte in gam lakah giakin a tuu honte uh zan in a cing uh hi. 9Topa vantung mi khat in, amaute kiangah hong dingin, Pasian vang in a kimkotah hong taang pempam ahih manin, a kihta uh hi. 10Ahih hangin vantung mi in: Lau kei un. Mi khempeuh ading nakpi nuamna thu note kong zasak ding hi. 11Tu ni-in David khua-ah Khris Topa ahi Gumpa in note adingin a suak khin hi. 12Note in: Bang lim tawh thei ding ka hi uh hiam? na cihuh leh, naungek in puan tawh kitun in, bawng annekna kuang sungah kisial in a om na mu dinguh hi a ci hi. 13Tua khit ciangin vantung galkap tampite in thakhatin hong kikhawm uh a: 14Van a sang belna ah Pasian minthang ta hen. Leitung a deih mite tungah nopna om ta hen ci-in Pasian a phat uh hi. 15Vantung mite a ciah toh khituh ciangin, tuucingte in: Eite in Bethlehem khua ah va pai-in, Pasian hong hilh hih a piang-sa thu va en ni ci-in khat leh khat a kikum uh hi. 16Manlang in paipah uh a, Mari, Josef leh bawng an nekna kuang sungah a kisial naungek a mu uh hi. 17A muh khit uh ciangin, amaute kiangah naungeek thu a kigente a zasak uh hi. 18Tuucingte thugen a zate khempeuh in lamdang sa uh hi. 19Mari in tua thute a ciamteh in a ngaihsun hi. 20Tuucingte in amaute kiangah a kigen bangin, a zaksa a muhsa khempeuhte hangin Pasian min phat in a ciah uh hi. Jesu vun kiatna 21Nigiat a cin ciangin, naungek a vun ki-atna dingin, vantung mi genkholh bangin, a min Jesu a phuak uh hi. 22Thukham ngeina bang in, a

56 kisiansuahna ding ni a cin ciang in, Jerusalem khua ah naungek a paipihuh hi. 23Tua ciangin: Ta upa pasal khempeuh in Topa adingin siangtho hi a kici ding hi ci-in Topa Thukham laibu sungah a kigelh hi. 24Topa kiangah a piak khituh ciangin: Vakhu nupa kop leh kawl vakhu neu tawh ci-in Topa Thukham laibu sungah a kigelh bangin biakna a pia uh hi. 25Tua lai takin Simeon kici khat Jerusalem khuapi sungah a om hi. Tuapa in dik in, Pasian zahtak a, Israel mipawlte nopsakna ding a lamen hi. 26Kha Siangtho in a tungah om a: Topa Khris na muh matengin na si kei ding hi ci-in Kha Siangtho in a hilh khin hi. 27Thukham ngeina bangin, Jesu biakinnpi ah a paipih lai takun. Simeon in Kha Siangtho hilhna tawh biakinnpi ah hong pai hi. 28Tua ciangin Simeon in Jesu a ang ah tawi in Pasian a phatna in: 29Topa aw, na genkholh mah bangin, na sal in nopsakna tawh a paina ding thu hong pia in. 30Bang hang hiam cihleh, na mipawl Israelte minthanna ding leh Gentailte tung khuavak a tanna ding ahi zongin, 31Mipawl khem peuhte mai-ah na bawl gupna, 32Ka mit tawh ka mu zo hi a ci hi. 33Naungek tungah a genna thu, a nu leh pa-te in lamdang a sa uh hi. 34Simeon in amaute thupha a piak khit ciangin a nu Mari kiangah: Hih naungek in Israel mi tampite kipukna ding leh mi tampi in a lungngaihna a kilatna ding ahi zongin, nialna thuakna ding lim ahi zongin a kikoih hi. 35Ahi hi. Namsau in na lungsim hong sun ding hi a ci hi. 36Tua lai takin Asher mipawl sung panin Fanuel tanu Anna min nei numei kamsang khat a om hi. Amah teek a, a nungak lai pan kipan in kum sagih sung bek pasal a nei hi. 37Amah in kum sawmgiat leh kum li dong meigong in om a, thungetna leh an tanna tawh biakinnpi a lawi ngei kei hi. 38Tua lai takin amah biakinnpi om in, Pasian hehpihna phat in, Jerusalem khuapi suahtakna ding a lamen mi khempeuhte kiangah tua naungek thu a ngen hi. Nazareth ah ciah kikna 39Topa Thukham bangin naupang adingin a bawl khit uh ciang in, Galile gam a khua uh ahi

57 Nazareth khua ah a ciah uh hi. 40Naupang khang in, a thahat a, lungpilna tawh kidim in, Pasian hehpihna thupha zong a tungah a om hi. Biakinnpi sungah Jesu 41A nu leh pa-te in kum simin Paisan pawi kham dingin Jerusalem khua ah pai den uh hi. 42Jesu in kum sawm leh nih a phak ciangin, ngeina bangin Paisan pawi khamna ah a paito uh hi. 43Pawikham hun a bei ciangin, nu leh pate ciah in, naupang Jesu in Jerusalem khua ah a om lai hi. 44Tua thu a nu leh pate in thei loin, a lawmte tawh ton dingin a ngaihsun lel in a pai uh hi. Tua ciangin a behte leh a meel theihte lak a zong uh hi. 45A muh loh uh ciangin Jerusalem khua ah kilehkik in a zong uh hi. 46Ni tum khit ciangin naupang in, biakinnpi sungah thuhilhte laizangah tu a, a thu uh ngai in, thu zong dongin a om a mu uh hi. 47A gen thu a zate khempeuh in a pilna leh a dawnkiknate hangin lamdang a sa uh hi. 48A nu leh pate in a muh uh ciangin lungmang uh a, a nu in: Ka ta aw, bang hangin hong hici bawl na hi hiam? Na pa tawh lungkham in kong zong uh hi a ci hi. 49Naupang in: Bang hangin kei hong zong na hi uh hiam? Ka pa inn ah om ka hih lam theilo na hi uh hiam? a ci hi. 50A thu gente a nu leh pa in a thei kei uh hi. 51Amaute tawh ciah suk khawm in, Nazareth khua tung uh a, amaute thu mang in a gamta hi. A nu in hih thute khempeuh a lungsim tawh a ciamteh hi. 52Jesu in lungpilna tawh a pumpi khang semsem in, Pasian mai leh mite mai-ah maipha a ngah semsem hi. 2:23 Thkna. 23:25; 26 Siam. 24:9; 25-26 1Sam. 21:1-6. Baptaizpa Johan thuhilhna Kaisar kumpipa in Tiberias gamah a man zawh kum sawm leh kum nga ciangin Judah gamah Pontias Pilat mangpi hi a, Galile gamah Herod in menzi sem in, Iturea gam leh Takhonis gamah Herod nau Filip menzi ahi hi. 2Annas leh Kaiafas-te in siampi ukte a hih lai takun, mualtungah a teng Zekhariah tapa Johan tungah Pasian thu hong tung hi. 3Pasian kamsangpa Isaiah Lai Siangtho sungah a kigelh bangin Johan in Jordan gun dung ah vak kawikawi in, mawhna maisakna ding leh kisikikna tawh kituak baptaizna thu a hilh hi. 4Isaiah gelhna in:

LUKA 3 Gampa lakah a kikopa aw in: Topa paina ding lam na sial un. A lampi na tangsak un. 5Guam thuk khempeuh kivuk dim ding a, mual liante leh mual neute khempeuh kito tam ding hi. Lam kawi khempeuh kitang sakin, lei hamte kinel sak ding hi. 6Mi khempeuh Pasian Gupna thu a thei dinguh hi ci-in a gelh hi. 7Tua lai takin, a khut sungah kibaptaiz dingin hong pai mihonte Johan a muh ciangin: No mualtan suante aw, a hong tung ding hehna panin na taikhiatna dingun kua in hong hilh ahi hiam? 8Tua ahih ciangin kisikkikna tawh kilawm gah na ngah un. Abraham ka pa uh hi ci-in ngaihsun dingin kipan kei un. Ken kong cihin, Pasian in hih suangte zong Abraham tate a suak sak thei hi. 9Tu in sing phung ah hei om khin a, a gah lo kung khempeuh kiphuk dingin, mei sungah a khul ding hi a ci hi. 10Mihonte in: Tua bang ahih leh kote in bang hih ding ka hi uh hiam? ci-in a dong uh hi. 11Johan in: Puanak nih neite in a neilote hawm ta hen. An nek ding a neite in, a neilote hawm ta hen a ci hi. 12Siahdongte in zong kibaptaiz dingin hong pai uh a: Kote in bang ci hih ding ka hi uh hiam? ci-in a donguh hi. 13Johan in: Note in thu hong kipiakna zah khengin na dong kei un a ci hi. 14Galkapte in zong: Kote in zong bang hih ding ka hi uh hiam? ci-in a dot uh ciangin Johan in: Kuama neihsa zawhthawhna tawh laksak loin, mi dangte zuau thu tawh na mawhsak kei un. Na ngahzah khasum uh tawh na lungkim un ci-in a gen hi. 15Johan in hong pai ding Khris ahi kha ding hiam? ci-in mi khempeuh in a ngaihsun uh hi. 16Johan in: Tui sungah note kong baptaiz hi. Kei sangin a lian zaw khat hong pai ding hi. A khedap khau sut ding na ngawn in ka kilawm kei hi. Tuapa in Kha Siangtho leh mei sungah hong baptaiz ding hi. 17Buh phual a zap sianna dingin a khutah lawhpi a tawi hi. A tak teng sal ah, a site ahih leh a mit ngeilo mei tawh a hal ding hi ci-in a hilh hi. 18Tua bangin hansuahna tawh mite kiangah Lungdamna Thu a gen hi. 19Ahih hangin menzipa in a nau zi Herodias leh a mawhna hangin Johan in a tai hi. 20Herod in a mawhna khempeuh tungah hih thu tawh behlap in, thong sungah Johan a khum hi.

LUKA 4 Jesu kibaptaizna 21Mi khempeuh a kibaptaiz khit uh ciangin, Jesu zong kibaptaiz in, thu a nget lai takin van hong kihong hi. 22Tua ciangin Siangtho in vakhu bangin a tungah hong kumsuk a: Nangmah in ka lung hong damsak ka it ka Tapa na hi hi ci-in van panin aw khat a ging hi. Jesu khang thu 23Jesu thuhilh a kipatcil in kum sawmthum bang a pha hi. Mite upna bangin Jesu in Josef ta ahi hi. Josef in Heli ta hi. 24Heli in Mathat ta hi, Mathat in leivi ta hi. Levi in Melkhi ta hi, Melkhi in Jannai ta hi, Jannai in Josef ta hi. 25Josef in Mattathias ta hi. Mattathias in Amos ta hi, Nahum in Esli ta hi. Esli in Naggai ta hi, 26Naggai in Maath ta hi, Maath in Mattathias ta hi, Mattathias in Semein ta hi, Semein in Josek ta hi, 27Josek in Joda ta hi, Joda in Joanan ta hi, Joanna in Resa ta hi, Resa in Zerubbabel ta hi, Zerubbabel in Shealtiel ta hi, Shealtiel in Neri ta hi, 28Neri in Melkhi ta hi, Melkhi in Aadi ta hi, Aadi in Kosam ta hi, Kosam in Elmadam ta hi, 29Elmadam in Er ta hi, Er in Joshua ta hi, Joshua in Eliezer ta hi, Eliezer in Jorim ta hi, Jorim in Mathat ta hi, Mathat in Levi ta hi, 30Levi in Simeon ta hi, Simeon in Judah ta hi, Judah in Jonam ta hi, 31Jonam in Eliakim ta hi. Eliakim in Melea ta hi, Melea in Menna ta hi, Menna in Mattatha ta hi, Mattatha in Nathan ta hi, Nathan in David ta hi, 32David in Jessi ta hi, Jessi in Obed ta hi, Obed in Boaz ta hi, Boaz in Shelah ta hi, Shelah in Nashon ta hi, Nashon in Amminadab ta hi, 33Amminadab in Admin ta hi, Admin in Arni ta hi, Arni in Hezron ta hi, Hezron in Perez ta hi, Perez in Judah ta hi, 34Judah in Jakob ta hi, Jakob in Isaak ta hi, Isaak in Abraham ta hi, Abraham in Terah ta hi, Terah in Nahor ta hi, 35Nahor in Serug ta hi, Serug in Reu ta hi, Reu in Peleg ta hi, Peleg in Ebar ta hi, Ebar in Shelah ta hi, 36Shelah in Kainan ta hi, Kainan in Arfasat ta hi, Arfasat in Shem ta hi, Shem in Noah ta hi, Noah in Lamek ta hi, 37Lamek in Methuselah ta hi, Methuselah in Enok ta hi, Enok in Jared ta hi, Jared in Mahalate-el ta hi, Mahalate-el in Kainan ta hi, 38Kainan in Enos ta hi, Enos in Seth ta hi, Seth in Adam ta hi, Adam in Pasian ta ahi hi.

58 3:4-6 Isa. 40:3-5; 7 Mat. 12:34; 23:33; 8 Jhn. 8:33; 9 Mat. 7:19; 12 Lk. 7:29; 19-20 Mat. 14:3-4; Mk. 6:17-18; 22 Pian. 22:2; La. 2:7; Isa. 42:1; Mat. 3:17; Mk. 1:11; Lk. 9:35. Jesu a kikhemna Jesu in Kha Siangtho tawh kidim in Jordan gun panin a ciah ciangin, Kha Siangtho in gampalak ah a paiph hi. 2Tua munah ni sawmli tawntung dawimangpa in a khem hi. Tua sung teng khem-peuh Jesu in an nelo ahih manin a gil a kial hi. 3Dawimang in: Pasian Tapa na hih takpi leh, hih suangte khomun suaksak in ci hi. 4Jesu in: Mite in khomun bek tawh nungta lo hi, ci-in Lai Siangtho sungah a kigelh hi a ci hi. 5Tua khit ciangin dawimangpa in Jesu paipih to a, tomkha sungin leitung gam khempeuh a lak hi. 6Tua ciangin: Hih vangliatna leh minthanna khempeuh kei hong kipia khin ahih manin, ka piak nop peuh tungah ka pia thei hi. 7Tua hih manin hong bia lecin, hite khem-peuh nangma neihsa hi ding hi a ci hi. 8Jesu in: Na Topa Pasian bek na bia ding hi. Ama na bek nasem ding hi, ci-in Lai Siangtho sungah a kigelh hi a ci hi. 9Tua ciangin dawimangpa in Jeru-salem khuapi ah Jesu paipih a, biakinnpi khum-zangah a koih khit ciangin: Pasian Tapa na hih takpi leh, kikiasuk sak in. 10Bang hang hiam cihleh: Amah in a vantung mite nangma adingin thupia ding hi. 11Na khe in suang tawh a kisukkhak lohna dingin, amaute in a khut uh tawh hong dom ding uh hi ci-in Lai Siangtho sungah a kigelh hi a ci hi. 12Jesu in: Na Topa Pasian na ze-et kei ding hi ci-in a kigelh hi a ci hi. 13Dawimangpa in a khemna a vekpi-in a hih khit ciangin a kiang pan in tomkha a paikhia hi. 14Jesu in Kha Siangtho vangliatna tawh Galile gamah ciah hi. A thu in a kim gam khempeuh ah kizeel in a thang hi. 15Kikhopna inn sungte ah thuhilh in, mite in amah a phat uh hi. Nazareth ah Jesu kisanlohna 16A khan khua ahi Nazareth ah Jesu pai in, ngeina bangin Nipi ni-in kikhopna innah lut in, Lai Siangtho sim dingin a ding hi. 17Kamsangpa Isaiah Lai Siangtho a kipiak ciangin phen a: 18Topa Kha Siangtho in ka tungah a om hi. Bang hang hiam cihleh, mi zawngte kiang ah

59 Lungdamna Thu gen dingin hong kisawl zo hi. A kiman a kikhum mite a kikhahkhiatna ding ahi zongin, Mittawte in khua a muh kik theihna ding ahi zongin, bawlsiatna a thuak mite kikhahna ding ahi zongin 19Topa hehpihna kum ahi hi, cih zasak dingin kei hong kisawl khin hi ci-a a kigelhna mun a sim hi. 20Lai Siangtho zial in, kikhopna inn ukpa a piak khit ciangin a tu hi. Kikhopna inn sungah a om khempeuh in lim takin a en uh hi. 21Jesu in: Hih Lai Siangtho thu in, note zak dingin tu ni-in a hong tung ahi hi a ci hi. 22Mi khempeuh in Jesu thu mang uh a, a kamgsung panin a paikhia thu in a lungtangte uh phawng ahih manin, lamdang a sa uh a: Hihpa in Josef tapa hilo ahi hiam? a ci uh hi. 23Jesu in: A kician takin note in: Zatopa aw, nang leh nang na kidamsak in, Kapernaum khua ah na bawl khem-peuhte ka zakuh bangin, na gam ah zong bawl in ci-in thugentehna tawh ka kiang ah nong ci uh hi. 24Ken aman takpi kong cihin, kamsang khat peuh a gamite in a deih kei uh hi. 25Ken aman takpi kong cihin, Elijah a khan lai-in kumthum leh khaguk tawntung guah tui kangin, gam sung khempeuh ah kial a tun lai takin, Israel mite lak ah meigong tampi a om hi. 26Tua meigongte khempeuh kiangah Elijah a kisawl kei hi. Sidon gam Sarepta khua ah a om meigong khat kiang bek ah a sawl hi. 27Kamsang Elisha a khan lai takin Isreal mite lakah a phak mi tampi a omuh hi. Ahih hangin Siriapa Naman lo ngal damna a ngah kuamah a om kei hi. ci-in a gen hi. 28Kikhopna inn sungah a omte in tua thu a zakuh ciangin a heh mahmah uh hi. 29Ding in Jesu khua nawl ah a hawlkhiat khit uh ciangin, khua nawl mual kui dawn panin, a bungbu sa in, sawn khiat dingin a paipih uh hi. 30Ahih hangin Jesu in amaute laizang pan in gelsim in, a taimang hi. Dawinin vei khat damsakna 31Galile gam Kapernaum khua ah Jesu a pai suk khit ciangin, Nipi ni-in thu a hilh hi. 32Amah in ukpa bangin thuhih ahih manin lam-dang a sa uh hi. 33Tua kihopna sungah dawi nin a lut mi khat a om hi. 34Amah in: Naza-reth mi Jesu aw, kote in nang tawh bang kikum i hi hiam? Kote a susia dingin hong pai na hi hiam? Nang kua mi na hih kong thei uh hi. Pasian mi siangtho na hi hi ci-in

LUKA 5 nakpi-in a kiko hi. 35Jesu in: Pau kei in la, a sung panin pai-khia in ci-in a taai hi. Dawi in amaute laizang ah tuapa a puk sak khit ciangin, bang mah natna bawl loin a sung panin a paikhia hi. 36Mi khempeuh in lamdang sa uh a: Hih in bang thu ahi hiam? Thu leh vangliatna tawh dawite thu a piak ciangin a paikhia uh hi ci-in khat leh khat a kikum uh hi. 37A thu in a kimkot mun khempeuh ah a zel hi. Piter sungnu damsakna 38Kikhopna inn pan a paikhiat khit ciangin Simon inn ah a lut hi. Simon sungnu in, nakpi in nattun ahih manin, ama adingin Jesu kiangah a ngen hi. 39Jesu in a kiangah dingin natna a taai khit ciangin, a nattut natna panin dam in thakhat in tho in zinte an a vak hi. Nitak in tampi damsakna 40Ni a tum ciangin, natna a neite khempeuh Jesu kiangah hong paipih uh a, amaute khempeuhte tungah a khut nga in a damsak hi. 41Dawite in: Nangmah in Pasian Tapa na hi hi ci-in a kiko khituh ciangin mi tampi sung panin a taikhia uh hi. Khris ahih lam mite kiangah a gen lo dingin a kham hi. Thuhilh dingin paikhiatna 42Khua a vak ciangin Jesu in gampa lakah a pai hi. Mihonte in zong uh a, a kiang a tun uh ciang in, amaute kiang panin paikhia lo dingin a kho uh hi. 43Ahih hangin Jesu in: Pasian Gam lungdamna Thu khua dangte ah zong ka hilh ding hi. Bang hang hiam cihleh, tua bang sep ding deihna hang tawh hong kisawl ahi hi a ci hi. 44Tua lai takin Jesu in Galile gam kikhopnate ah thuhilh in a om hi. 4:4 Thkna. 8:3; 8 Thkna. 6:13; 10 La. 91:11; 11 La. 91:12; 12 Thkna. 6:16: 18-19 Isa. 61:1-2; 24 Jhn. 4:44; 25 1Kum. 17:1; 26 1Kum. 17:8-16; 27 2Kum. 5:1-14; 32 Mat. 7:28-29. Nungzui masate a sapna Tua lai takin mihonte in Jesu hong nai uh a, Pasian thu a ngaih lai takun, amah in Gennesaret tuipi gei-ah a ding hi. 2Tua lai takin tupi geiah a khawl gunkuang nih a mu hi. Ngasa bengte in ngunkuang sung panin paikhia uh a, ngasa a sawp uh hi. 3Simon ngunkuang ahi, tua tungah Jesu a tut khit ciangin, gunkuang in lei tawh a kihal theihna dingin, Simon kiangah a ngen hi.

LUKA 5 Tua ciangin Jesu in ngunkung sungah tu in mi honte thu a hilh hi. 4A thuhilhna aman khit ciang in: Tui thukah khin in la, ngasa khuhna dingin na ngen paai in ci-in Simon thu a pia hi. 5Simon in: Topa aw, zan tawntung ka hahkat uh hangin, khat beek ka man kei uh hi. Ahih hangin na thupiakna tawh ngen ka paai ding hi a ci hi. 6Tua bangin a paihkhit ciangin, ngasa tampi khuhkha ahih manin a ngen a kikek hi. 7Gung-kuang dang tungah a om a lawmte zong a huhna dingin a khut van a, amaute hong pai in ngun-kuang nih dim in a tum dek tak liang hi. 8Simon Piter in a muh ciangin Jesu khebul ah bokin: Topa aw, mawhnei mi ka hih manin, ka kiang panin paikhia in a ci hi. 9Tua bangin a genna hangin, amah tawh a om khawmte in zong, a khuh uh ngasate hangin lamdang a sa uh hi. 10Tua mah bang in Simon lawmte ahi Zebide tapate Jakob leh Johan in zong lam-dang a sa uh hi. Jesu in Simon kiangah: Lau kei in. Tu ni a kipanin nangmah in mite na man ding hi a ci hi. 11Tuipi gei-ah gunkuang a khawlsak khit uh ciangin, a neihsa khempeuh nusia in Jesu nung a zui uh hi. Phak khat damsakna 12Khua khat ah Jesu a om lai takin, a pumpi bup a phak khat a om hi. Tuapa in Jesu a muh ciangin bok a: Topa aw, nong hih nop leh nong damsak zo ding hi ci-in a thuum hi. 13Jesu in a khut zanin lawng a: Ka hih nuam hi, na dam ta in a cih leh thakhat in a dam pah hi. 14Jesu in hi thu kuama kiangah gen lo dingin thu pia in: Pasian siampi kiangah pai in la, va kilak in. A maute in a theihna dingun Moses thupiak bang in biakna na pia in a ci hi. 15Ahih hangin Jesu thu kizel semsem a, mihonte in a thu a ngaih theihna dinguh ahi zongin, cinate in damna a ngah theihna dingun a kikai khawmuh hi. 16Ahih hangin gampa lakah pai in thu a ngen hi. Khut leh khe si damsakna 17Khatvei Jesu in thu a hilh lai takin, Jerusalem khuapi pan kipanin Galile gam leh Judah gam khempeuh panin a hong pai Farisaite leh Pasian Thukham hilh siate in a kiangah a tu uh hi. Cinate a damsak theihna dingin vangliatna in Jesu tungah a tung hi. 18Tua lai takin khut leh si mi khat a lupna tawh hong pua in, inn sungah lutpih in Jesu mai-ah koih theihna ding a zonguh

60 hi. 19Mihon tam lua ahih manun, lut theihna ding amuh zawh lohuh ciangin, inn tungah kahto in, innkhum a vuhlet khituh ciang in lupna tawh cinapa Jesu mai-ah mite laizangah a khiasukuh hi. 20Jesu in a upna uh a theih ciangin: Lawm aw, na mawhnate kimai sak khin hi a ci hi. 21Laitheite leh Farisaite in: Hihpa in kua ahi hiam? Pasian tungah a pau khial hi. Pasian longal kua in mawhna a maisak thei hiam? ci-in a ngaihsun uh hi. 22Jesu in a ngaihsutna uh a theih ciangin: Bangci lengh baih zaw ding hiam? 23Na mawhnate kimaisak khin hi ahih kei leh: Tho in la pai in ci lengh? 24Ahih hangin Mihing Tapa in leitung ah mawhna maisak theihna a neih lam na theihna dingun: Tho in la, na lupna pua in, na inn ah ciah in ci-in khut leh khe sipa kiangah a ci hi. 25Mihonte mai-ah thakhat in ding in, a lupna pua a Pasian min phat in a ciah hi. 26Mihonte khempeuh lamdang sa uh ahih manun Pasian phat in: Eite in tu ni-in na lam-dang a tuampian i mu khin hi ci-in a lau uh hi. Levi sapna 27Tua khit ciangin Jesu paikhia in, Levi kici siahdong bukah tu in a om a muh ciangin: Ka nung hong zui in a ci hi. 28Tua ciangin a neihsa khempeuh nusia in a zui pah hi. 29Levi in a innah lawmvakna pawi a kham hi. Siahdongte leh mi tampite in amaute tawh an ne in a tu khawm uh hi. 30Farisaite leh laitheite in: Note in bang hangin siahdongte leh mawhneite tawh an ne in, tui dawn khawm na hi uh hiam? ci-in a nungzuite kiangah a genuh hi. 31Jesu in: Cidamte in zato kisam lo uh a, cinate bek in zato a kisam uh hi. 32Miphate sam dingin hong pai hi lo-in, mawhneite zong ding in hong pai ka hi hi a ci hi. Antanna thu dotna 33Amaute in: Johan nungzuite in an tangin thu a ngen zel uh hi. Farisai nungzuite in tua bangin ahih uh hi. Ahih hangin na nungzuite in an ne in, tui a dawn uh hi a ci uh hi. 34Jesu in: Zipipa in a lawm-te tawh a om khop lai-in, tuate antang sak ding hiam? 35Ahih hangin a hun hong tung in, zipipa in a lawmte tawh a kikhen ni ciang in amaute in an a tang dinguh hi a ci hi. 36Tua lai takin Jesu in thungentehna thu a hilhna in: Kuamah in puakthak bek khat eu khia in, puanlui tawh a thuap ngei kei uh hi. Tua bang in a

61 thuap uh leh, a puankthak kikeek in, puan-thak in a lui tawh a kilem kei ding hi. 37Kua mah in savun um lui sungah leenggahtui thak a thun ngei kei uh hi. A thun uh leh leeng-gahtui in savun kitamsak ding a, leenggahtui luangkhia in savun zong a kisia ding hi. 38Leeng-gahtui thak pen savun um thak mahah kithun ding hi. 39Leenggah tui lui cik in a dawn khit uh ciangin, kuamah in a thak a duh nawn kei uh hi ci-in Jesu in a gen hi. 5:1-3 Mat. 13:1-2; Mk. 3:9-10; 4:1; 5 Jhn. 21:6; 14 Siam. 14:13; 30 Lk. 15:1-2. Sabath thu dotna Nipi ni khatvei Jesu in a nungzuite tawh buh lei-ah a vakuh leh, a nungzuite in buhvui zut in, a nuai khituh ciangin a ne uh hi. 2Farisai kim khatin: Nipi ni-in hih dingin a kilawmlo bang ding in hihuh ahi hiam? a ci uh hi. 3Jesu in: David in a lawmte tawh a gil a kial hi. 4Tua ciangin Pasian biankinn sungah lut uh a, siampite bek in a nek theih ahi khomun siangtho la in ne in, la in a lawmte zong a piakna thu sim ngeilo na hi uh hiam? 5Mihing Tapa in Nipi ni ukpa ahi hi a ci hi. Khut langkhat si damsakna 6Nipi ni dang khat in Jesu in kikhopna inn sung ah lutin thu a hilh hi. Tua lai ah khut lang-khat si mi khat a om hi. 7Nipi ni-in natna damsak ding hiam? ci-in Laitheite leh Farisaite in Jesu mawh sak nopna tawh a en uh hi. 8Jesu in a ngaihsutna uh a theih ciangin: Tho in la, a lai zangah ding in ci-in khut langkhat sipa kiangah a ci hi. Amah tho in a ding hi. 9Jesu in: Note kong dong ding hi. Nipi ni-in phatna bawl tuak hiam? siatna bawl tuak hiam? Nuntakna khat peuh gup tuak hiam? siatsak tuak hiam? ci-in a dong hi. 10A maute khempeuh en kawikawi a: Na khut zan in ci-in tuapa kiangah gen a, a khut a zan leh a dam pah hi. 11Ahih hangin amaute heh mahmah uh a, Jesu tungah: Bangci i hih ding hiam? ci-in khat leh khat a kikumuh hi. 12Mual tungah thungen dingin Jesu kahto a, Pasian kiang ah thungen in zan tawntung a om hi. 13Khua a vak ciangin a a nungzuite samin, sawm leh nihte teel in: Sawltakte ci-in a min a phuak hi. 14Tuate in: Simon a min thak Piter leh a naupa Andru, Jakob leh Johan, Filip leh Bartholomai, 15Mattiu leh Thomas, Alesfas tapa

LUKA 6 Jakob leh Zealot ta kici Simon, 16Jakob tapa Judas leh Topa lehheekpa Judas Iskariot-te ahi uh hi. Mihonte tungah nasepna 17Jesu in amaute tawh mual tung panin kum suk a, mun zang ah a ding hi. Thu ngai ding leh damna ngah dingin Judah gam a kipan, Jerusalem khuapi, Taiar leh Sidon khua tuipi geite pan mi tampi leh a nungzuite hong pai uh hi. 18Kihhuai dawi bawlsiatna a thuakte in zong damna a ngahuh hi. 19A tung panin vangliatna paikhia a hih manin, mihonte in Jesu a lawn theihna ding in a zonguh hi. Thuphate leh diknate 20Jesu in a nungzuite en in: Mi zawng ahi note in thupha na ngah dinguh hi. Bang hang hiam cihleh, Pasian Gam in note gam ahi hi. 21Tu lai takin a gialkial note in thupha na ngah dinguh hi. Bang hang hiam cihleh, gilvahna na ngah dinguh hi. Tu lai tak in a kap note in thupha na ngah dinguh hi. Bang hang hiam cihleh, na nui ding uh hi. 22Mite in Mihing Tapa hangin note hong mu dah in, hong bawlsiat in, hong kosiat in, na min uh hong siatsakuh ciangin thupha na ngah ding uh hi. 23Tua lai takin nuam un la lungdam in na diangun. Bang hang hiam cihleh, vangtung ah a om nop tuamna na ngah dinguh hi. A pute a pate un zong tua mah bangin kamsangte a bawlsia uh hi. 24Sumhau note in gimna na thuak ding uh hi. Banghanghiam cihleh, nopna na ngah khin uh hi. 25Tu lai taka an kham note in gimna na ngah ding uh hi. Bang hang hiam cihleh, na gil uh a kial ding hi. Tu lai takin a nui note in gimna na ngah ding uh hi. Bang hang hiam cihleh, thuum in na tau ding uh hi. 26Mi khempeuh in note hong phat ciangin gimna na thuak dinguh hi. Bang hang hiam cih leh a pute pate in kamsangte tungah tua mah bangin a bawl uh hi. Galte itna 27Ka kam a za note kiangah kong cihin, na galte uh na it un. Hong mudahte tungah thupha na bawl un 28Hong samsiatte tungah thupha na pia un. 29Hong bawlsiate a dingin thu na ngetsak un. Na pang langkhat hong bet leh a langkhat

LUKA 7 zong na beng sak un. Na puanza a late na puanak lak ding zong na kham kei un. 30Hong ngen khempeuhte na pia un. Na sum uh a late kiang pan na ngah kik ding lamen kei un. 31Note tung ah hong kibawl ding na deih bangun, mite tung ah zong na bawl un. 32Hong itte bek na it uh leh, bang phatuamna om ding ahi hiam? Migilote in zong amaute a itte bek a it uh hi. 33Thupha hong bawlte tung bekah thupha na bawluh leh bang phattuamna om ding ahi hiam? Migilote in zong tua bangin ahih uh hi. 34Mi dangte in na sum hong leitawi ciangin hong loh kik ding hi cih lametna tawh na tawi sak leh bang phattuamna om ding ahi hiam?. Migilote in zong a piak banguh a ngah kik dingin mi dangte lei a tawi sak uh hi. 35Note na hih uh leh, na galte na it un la, amaute tung ah thupha na bawl un. Na khat peuh ka ngah ding hi ci-in lamen loin na leitawi sak un. Tua bang na hih uh leh noptuamna lian ding a, Sang Bel Pasian tate na hi dinguh hi. Bang hang hiam cihleh, amah in hehpihna a thukkik lote mi leh migilote a hehpih hi. 36Na Pa un hehpihna lungsim a neih bangin note in zong hehpihna lungsim na nei ta un. Midangte tungah thukhenna 37Mi dangte thu na khen kei uh leh, thutanna tawh na kipelh dinguh hi. Mi dangte na mawhsak kei uh leh, mawhsakna tawh na kipelh dinguh hi. Midangte mawhna na maisak uh leh note mawhna zong hong kimaisak ding hi. 38Midangte na piak uh leh note zong hong kipia ding hi. Seeng tawh a teh bek tham loin, kinengcip a kilok a kitat leh a dimlet in a om na ang sungah hong pia ding hi. Bang hang hiam cihleh, mi dangte na piakna uh seeng mah tawh note hong kipia kik ding hi a ci hi. 39Tua khit ciangin Jesu in thugentehna thuhilh a: Mittaw leh miitaw lam a kihilh thei dinguh hiam? A nih un lei hawm sung ah kia ding uh hilo ahi uh hiam? 40Nungzuite in a siapa sangin lian zaw lo hi. Ahih hang in a kicing khin nungzuite khempeuh in, a siapa mah bangin ahi ding uh hi. 41Na mit sungah siangluang lungngai loin, na sanggamte mit sung ah ninthem a tang, bang hangin en na hi hiam? 42Na mit sungah singluang om mah napi-in na sang-gamte kiangah: Sanggam aw, na mit sung ah nin a om hong paihkhiat sak ning bang hang

62 in ci thei na hi hiam? Nang mi simtatpa aw, na mit sung ah a om singluang lakhia masa lecin, tua khit ciangin na sanggam mit sungah a om ninthem lakkhiatna ding in tel takin na mu thei ding hi. Singkung a gah in kithei 43Singkung pha in gah hoihlo a gah ngei kei hi. 44Kung khempeuh a gah panin in a kithei hi. Bang hang hiam cihleh, thangling kungah leeng gah a kilo ngei kei hi. 45Miphate in sumkholna a hoih a lungsungah om ahih manin, a pha nate a paikhia sak hi. Mipha lote in a hoihlo sum kholna panin phalo nate a paikhia sak uh hi. Bang hang hiam cihleh, tuapa in a lungsung ah a dimlet bangin a kam in a gen hi. Bulpi nihte 46Ka thu ngai loin: Topa aw! Topa aw! bang hangin hongci thei ding ahi uh hiam? 47Ka kiang ah hong pai a, ka thu za in, a ngai khempeuhte in kua mi tawh kibang hiam cih kong lak ding hi. 45Amah in inn a lam ciangin, thukpi in to suk a, suang tung ah khuam a phut mi tawh kibang hi. Tui a khan ciangin hawk tui in tua inn a nawt hangin pha takin kilam ahih manin a liingsak zo kei hi. 49Ka thu za-in, a zui lo mi in, khuam phut loin lei tungah inn a lam mi tawh kibang hi. Hawktui in tua inn a nawk ciangin thakhat in a puk hi. Tua inn kisiatna in kisiatna lianpi ahi hi a ci hi. 6:1 Thkna. 23:25; 4 Siam. 24:9; 3-4 1Sam. 21:1-6; 22 1Pi. 4:14; 23 2Khg. 36:16; Sawl. 7:52; 44 Mat. 12:33; 45 Mat. 12:34. Galkap mangpa nasempa damsakna Jesu in thu khempeuh mihonte zak dingin a gen khit ciangin, Kapernaum khua ah a lut uh hi. 2Galkap mangpa khat in a it luat nasempa khat nei a, tuapa in si dek takin a cina hi. 3Galkap mangpa in Jesu thu a zak ciangin, Judah upate a kiang ah a va sawl a. Topa hong pai-in tua nasempa a dam-sakna dingin a gensak hi. 4Tua upate in Jesu kiang tun uh ciangin: Tua thu ama adingin na hihna ding in tuapa a kilawm hi. 5Bang hang hiam cihleh, a mah in ei pawl hong it a, i kikhopna inn hong lam-sak hi ci-in a va thum sak uh hi. 6Jesu in amaute tawh a pai khawm hi. Galkap mangpa inn a nai uh ciang in

63 galkap mangpa in a lawmte khat sawl in: Topa aw, kigim sak kei in. Ka innah nong lutna dingin ka kilawm kei hi. 7Tua mah bangin kei zong Topa kiangah hong pai dingin ka kilawm kei hi. Na kam tawh thupia lecin, ka nasempa a dam ding hi. 8Bang hang hiam cihleh, keimah in mi za a uk dingin hong kikoih a, ka nuai ah galkapte a om uh hi. Tuate kiangah: Pai in ka cih ciangin pai a, a dang khat kiangah: Hong pai in ka cih ciangin hong pai hi ci-in a gen sak hi. 9Jesu in tua thu a zak ciangin lamdang sa a, a nung a zui mihonte kiangah: Ken kong cihin, hih zah upna in Isreal mipawlte lakah ka mu ngei kei hi ci-in a gen hi. 10A sawltakte in a inn a tun uh ciangin, nasempa dam khin a om a mu uh hi. Meigong nu tapa damsakna 11Jesu in Nain kici khua hong tung a, a nungzuite leh mihonte in amah tawh a paikhawm uh hi. 12Khua kongpi a tun uh ciangin numei in a tapa neihsun si a, a luang a puakhiat lai tak uh ahi hi. Tua numei in meingong hi a, a khuapih tampite tawh a paikhawm hi. 13Jesu in tua numei hehpihhuai sa a: Kap kei in a ci hi. 14Laang a khut tawh lawngin, a puate a khawl sak hi. Jesu in: Tangvalpa aw, tho in kong ci hi a ci hi. 15Tua ciangin mi sipa tho in, thu a gen hi. 16Jesu in tua pa a nu kiangah a pia hi. Mi khempeuh in a lau uh a: A lian mahmah kamsangpa eite lak ah hong piang khin a, Pasian in a mipawlte kiangah hong hawh zo hi ci-in Pasian min a phatuh hi. 17Tua thu in Judah gam khempeuh a kipan a kimkot gam sung khem-peuhah a kizeel hi. Baptaizpa Johan kiang panin kamtaite 18Johan nungzuite in hih thute a kiangah a vekpi-in a gen uh hi. 19Johan in a nungzui nih samin, Topa kiangah sawl a: Nangmah in hong pai dingpa na hi hiam? Ahih kei leh mi dang khat ka lamen lai ding uh hiam? ci-in a dong sak hi. 20Jesu kiang a tun uh ciangin: Nangmah in hong pai dingpa na hi takpi hiam? Ahih kei leh, mi dang ka lamen lai dinguh hiam? ci-in baptaizpa Johan in hong dongsak hi a ci uh hi. 21Tua hun in, Jesu in natnate leh pul leh dawite gilo a veite tampite dam sak a, mittaw tampi in zong khua a mu kik uh hi. 22Tua ciangin Jesu in: Note pai un la, na zak uh leh na muh sa uh thute Johan kiangah va gen un. Mittawte in khua mu kik uh a,

LUKA 7 khebaite kalsuan in, phakte in damna a ngah uh hi. Bengngongte in khua za thei kik uh a, misite in hin kikna a ngah uh hi. Mizawngte kiangah Lungdamna Thu kihilh hi. 23Ka tung ah pukna ding a theilote in thupha a ngah ding hi a ci hi. 24Johan kamtaite a paikhiat khituh ciangin, Jesu in mihonte kiangah Johan thu gen a: Note in bang en dingin gampa lakah paikhia na hi uh hiam? 25Huih mutna hangin a huang pumpeengte en ding in paikhia na hi uh hiam? Puanneel silhte en dingin paikhia na hi uh hiam? En un puanhoih tawh kizem in, a nuamsate in kumpi inn sung ah a om uh hi. 26Ahih kei leh, bang en dingin paikhia na hi uh hiam? Kamsangpa en ding in paikhia na hi uh hiam? 27Ahi hi. Pasian kamsangpa sangin a lian zaw hi kong ci hi. Lai Siangtho sungah: En in, na paina ding lam sial dingin, na maiah ka sawltakpa ka paisak hi a cihna in tua mipa a cihna ahi hi. 28Ken kong cihin, numei sung panin a suakte lak panin Johan sangin a lian zaw khat beek a om kei hi. Ahih hangin, Van Gam sungah a neu pen in, tuapa sangin a lian zaw hi a ci hi. 29Siahdongte a kipan mi khempeuh in hih thu a zak uh ciangin Johan baptaizna ngah ahih manun, Pasian dik a sa uh hi. 30Ahih hangin, Fari-saite leh laitheite in a noptuamna ding uh Pasian deihna nial uh a, Johan baptaizna a sang kei uh hi. 31Jesu in: Tulai khang mite in bang tawh ka genteh ding hiam? Kua tawh kibang uh ahi hiam? 32Sum-buk ah tu-in a om naupangte khat kikona ah: Tamngai ka tumuh hangin, na lam kei uh hi. Ka thumuh hangin na kap kei uh hi a kici naupangte tawh kibang hi. 33Bang hang hiam cihleh, baptaizpa Johan in an lum ne lo, leeng-gahtui dawn loin hong pai in note in: Hihpa in dawi lawm nei ahi hi na ci uh hi. 34Mihing Tapa in an ne tui dawn in hong pai a, note in: Hihpa in an hai, zu haipa ahi hi. Siahdongte leh migilote tawh zawlin a kiman hi na ci uh hi. 35Lungpilna in thumanna a tate tungah kilang hi ci-in a gen hi. Farisai Simon inn ah Jesu 36Tua lai takin Farisai khat in an ne dingin samin, Farisai inn sung ah lutin an a ne hi. 37Tua khua sungah numei paktat khat a om hi. Amah in

LUKA 8 Farisaipa inn sungah Jesu in an a nek lam a theih ciang in paknamtui suangngo thawl khat a paipih hi. 38A nung lamah a khe kiangah dingin kap a, a khitui tawh kawtsak in, a sam tawh a nul sak hi. A khe namin, paknamtui tawh zong a nuhsak hi. 39Jesu an a vakpa Farisai in a muh ciangin: Hih mi in Pasian kamsangpa hi takpi leh a lawng hih numei in numei paktat ahih lam a thei ding hi ci-in a ngaihsun hi. 40Jesu in: Simon aw, na kiang ah gen ding khat ka nei hi a cih ciangin amah in: Sia aw, hong gen in a ci hi. 41Jesu in: Sum haupa in, sum a ba mi nih a nei hi. Khat in dangka zanga, a khat in dangka sawmnga ba uh hi. 42Tua nihte in leiba lohna ding a neih loh uh ciangin sum neipa in, a nih un a maisak hi. Tua bang ahih leh tua nihte lak panin kua pen in sum neipa a it zaw ding hiam? ci-in a dong hi. 43Simon in: A tam zaw a maisakpa in it zaw in ka um hi a ci hi. Jesu in: Na up bangin a man hi a ci hi. 44Tua ciangin numei lam ah kihei a: Hih numei na mu hiam? Na inn ah kong lut lai takin ka khe silna ding tui nong pia kei hi. Hih numei in ka khe a khitui tawh kawtsak in, a sam tawh a nul hi. 45Nong nam kei a, amah in hong lut phet a kipan ka khe a nam den hi. 46Ka lu sa-thau nong nilh kei a, amah in ka khe ah paknamtui hong nilhsak hi. 47Tua ahih manin, ken kong cih in, a mawhna a tam hangin a kimaisak hi. Bang hang hiam cihleh, a itna a lian hi. Tawm no khat mawhna a kimaisak mi in, tawm no khat bek mah a it thei hi ci-in Simon kiangah a gen hi. 48Numei kiangah: Na mawhnate kimaisak khin hi a ci hi. 49An a nek khoppihte in: Mawhnate a maisak hipa in kua mi ahi hiam? ci-in a ngaihsun uh hi. 50Jesu in: Na upna in hong damsak khin hi. Nuam in la, pai in ci-in numei nu thu a pia hi. 7:22 Isa. 35:5-6; 61:1; 27 Mat. 3:1; 30 Mat. 21:32; Lk. 3:12; 37-38 Mat. 26:7; Mk. 14:3; Jhn. 12:3. Numei kimkhatte in a nungzui Tua khit a sawt loin, Khuapi leh khuaneu-te ah vak kawikawi in thuhilh a, Pasian Gam Lung-damna Thu zasak in, sawm leh nihte in amah tawh a om khawmuh hi. 2Dawigilo a lut leh cina a dam-sak numeite in a zui uh hi. Tuate lakah dawigilo sagih a hawlkhiatna: Magdalene

64 kici Mari, 3Heros nasempa Khuza zi Joana leh Susanna leh a dang tampite in zong amau an guai pua in a zui uh hi. Khacivawhpa thugentehna 4Mihonte hong kikhawm in, khua khempeuh panin hong pai mi khempeuhte kiangah, Jesu in thugen-tehna tawh thu a hilh hi. 5Tua thu in: Khaici vawhpa in khaici vawh dingin a kuankhia hi. Khaici a vawh ciangin kimkhat lam gei-ah kia a, vasate hong pai in a ne uh hi. 6Kimkhat in suanghum lakah kia in, a po pah hangin lei kawtlo ahih manin a vul gawp hi. 7Kimkhat in ling lakah kia in, lingkungte tawh po khawm in a dep gawp uh hi. 8Kimkhat in lei hoihna ah kia a, po in a zah zakhat a gah hi ci-in a gen khit ciangin: Zakna ding bil nei khempeuh in za ta un ci-in a kiko hi. Thugentehna a deihna 9A nungzuite in: Tua thugentehna in bang ahi hiam? ci-in a dong uh hi. 10Jesu in: Note in Pasian Gam thu a theih hakte na theihna ding un thu hong kipia hi. Midangte ahih leh en in, a mu kei ding uh hi. Ngai napi-in a khiatna a theih lohna dingun thugentehna tawh ka hilh hi a ci hi. Khaicivawhpa thu telgenna 11Jesu in: Thugentehna thu in hi bang ahi hi: Khaici in Pasian thu ahi hi. 12Lampi gei-ah a kiate in, thu a zak khit uh ciangin thu um uh a, gupna a ngah lohna dingun dawimangpa hong pai in, a lungtang sungah a om thute a lakkhiat sakte ahi hi. 13Suang lakah a kiate in, thu a zak uh ciangin lungdamin a mangpah uh a, ahih hangin zungkip nei loin, a up uh hangin khemna a tuak uh ciangin a tawpkikte ahi hi. 14Ling lakah kiate in, thu a zak khituh ciangin, amaute deihna zui-in, lunghih-mawhna, hauh nopna leh leitung gualnopnate in dep gawp ahih manin a gah lote ahi uh hi. 15Lei hoihna ah a kiate in, thuman thutak leh lungsim pha tawh thu a zak khit uh ciang in kem in, lungkip in a gahte ahi uh hi. Beel nuai ah meivak 16Mei a kivak ciangin beel tawh khuh ahi zong in, lupna nuai ah ahi zongin a koih kuamah a om kei hi. A lut mite in a muh theihna dingun kho sangah a vak uh hi. 17Bang hang hiam cihleh, a kilak lo ding a kibu bangmah a om kei hi. A kitheilo leh a kilanglo ding in, a ki-imcip bangmah

65 a om kei hi. 18Tua ahih ciangin note in na bangci zak uh hiam? na kikem un. Bang hang hiam cihleh, a neite kipiak beh ding a, a neilote neihsa a ki-upmawh na ngawn kilakhia ding hi ci-in thu a hilh hi. Jesu nu keh a sanggamte 19Tua laitak in Jesu nu leh a sanggamte in, a kiangah hong pai uh hangin mihonte hangin a nai thei kei uh hi. 20Tua ciangin: Na nu leh na sang-gamte in hong hopih nuamin, a pua lamah a ding uh hi ci-in a va hilhuh hi. 21Jesu in: Pasian thu za in a mang mite in ka nu, ka sanggampa leh ka sanggamnute ahi uh hi a ci hi. Huihpi daihsakna 22Khatvei Jesu in a nungzuite tawh gunkuag tungah tuangin: Tuilii gal khatah pai ni ci-in a pai uh hi. 23Tua bangin a pai lai takun Jesu a ihmu hi. Tuipi tungah huihpi lim nun lua in, gunkuang sung tui tawh kidim in, amaute in a kisiat dinguh a lau uh hi. 24Jesu kiangah hong pai uh a: Topa! Topa! Ka kisia dek tak uh hi ciin a phong uh hi. Jesu tho in, huihpi leh tuipi a kilokte a tai ciangin tawp in, a dai pah hi. 25Jesu in: Na upna uh koi ah om ahi hiam? ci-in a dong hi. Amaute lau uh ahih manun lam-dang a sa uh a: Hipa in kua mi ahi hiam? Huih leh tui na ngawn in a thu a mang tazen hi ci-in khat leh khat a kikum uh hi. Geresa ah dawivei khat damsakna 26Galile gal Geresa gam a tunguh hi. 27Jesu in gunkuang sung panin tuak khia in lei ah a pai lai takin, tua khua panin dawilut mi khatin na dawn tuah hi. Tuapa in a puan deihlohna sawt khin a, innah om loin han lakah a om hi. 28Jesu a muh ciangin a mai-ah bokin: Sang Bel Pasian Jesu aw, nang tawh bang kikum i hi hiam? Nong bawlsiat lohna dingin kong thum hi ci-in a kiko hi. 29A thuumna a hangin kihuai dawi a paikhiatna dingin Jesu in thu a pia khin hi. Dawi in tuapa tamveipi manin, sikkhau tawh hen in, kawlbulh in a khum uh hangin, sikhaute pek sat, tai in gampa lakah a hawlkhia hi. 30Jesu in: Na min bang ahi hiam? ci-in a dot leh: Ka min in Legion ahi hi a ci hi. Bang hang hiam cihleh, a sungah dawi tampi a om hi. 31A thukna leinuai ah a sawl lohna dingin dawite in a thuum uh hi. 32Tua mual tung ah gamta in a om vok honte

LUKA 8 sungah a lutna dingun a nget uh ciangin, Jesu in thu a pia hi. 33Dawite in tuapa sung panin paikhia in, vokte sungah a luh uh ciangin vokte in tai in, ken tung panin tuak suk in, tuili sungah a si khin uh hi. 34Vok cingte in tua thupiang a muh uh ciangin, tai in khua sung leh gam sung khempeuh a gen uh hi. 35Mite in thupiangte en dingin kuankhia uh a, Jesu kiang a tun uh ciangin dawi veipa in puan silh in, mipil bangin tu in, Jesu gei-ah a muh manun a lungmang uh hi. 36A maute in bangci dam hiam? ci-in, mihonte a zasak uh hi. 37Geresa gam mi khem-peuh in lau uh ahih man un, a kiang panun paikhia dingin Jesu kiang ah a ngetuh ciangin, gunkuang tungah tuangin a ciah hi. 38Dawite a paikhiatnapa in Jesu tawh omkhop dingin a ngen hi. 39Jesu in: Na inn ah ciah in. Pasian in na tungah bangzahta in noptuamna hong bawlna thu na zasak in a ci hi. Tuapa in, Jesu in a tungah nop-tuamna a bawlna thu khua sung khempeuh ah a kizeel sak hi. Jairas tanu leh Puan a lawng numei 40Jesu a ciahkik ciangin, mihonte in lungnuam takin a tung sak uh hi. Bang hang hiam cileh, amah lamen in a om uh hi. 41Tua lai takin Jairas min nei: kikhopna ukpa khat in va nai a, Jesu khebul ah bokin, a innah a paina dingin a ngen hi. 42Bang hang hiam cihleh, kum sawm leh nih a pha tanu khat nei in, tuanu in a si dektak hi. Jesu a pai lai takin, mihonte in a phukha uh hi. 43Tua lai takin kum sawm leh kum nih siluang natna a vei, a neih-sate tawh zatote a guaih hangin kuamah in a damsak zawh loh numei khat a om hi. 44Tua nu in, a nung lamah pai in a puan mongteep a lawn ciangin thakhat in a siluang a kang hi. 45Jesu in: Kua in hong lawng hiam? ciin a dong hi. Mi khempeuh in a nial uh ciangin Piter in: Topa aw, mihonte hong phukha in, hong su kha uh hi a ci hi. 46Jesu in: Mi khatin hong lawng ahih manin, ka tung panin vangliatna a paikhiat lam ka thei hi a ci hi. 47Numei in a kibuk zawh not loh lam a theih ciangin liing in hong pai a, Jesu mai-ah bokin, bang hangin Jesu lawngin, bangci bangin thakhat in dam pah hiam cih thu mi khempeuhte mai-ah a gen hi. 48Jesu in: Ka tanu aw, na upna in hong damsak zo hi. Lungnuam takin ciah in a ci hi.

LUKA 9 49Tua thu a gen lai takin, kikhopna inn ukpa kiang panin mi khat hong tungin: Na tanu a si khin hi. Siapa gimsak kei in ci-in hong gen hi. 50Jesu in tua thu a zak ciangin: Lungmang kei in, upna na nei leh a dam kik ding hi ci-in kikhopna inn ukpa kiangah a gen hi. 51Jesu in a inn a tun ciangin Piter, Johan, Jakob, numeino nu leh a pa longal kua mah inn sungah lut lo hi. 52Numeino hangin mi khem-peuh nakpi-in kap in, thuum in a om uh hi. Jesu in: Kap kei un. 53A si hilo hi. A ihmu hi a cih ciangin, numeino a sih lam thei uh ahih manun, Jesu zahpih in a nuihsan uh hi. 54Jesu in numeino khut lenin: Numeino aw, tho in a ci hi. Tua ciangin a kha ciahkik a, thakhat in a tho hi. An pia dingin thu a pia hi. 56A nu leh pa in lamdang sa in, ahih hangin Jesu in tua thu mite kiangah gen lo dingin thu a pia hi. 8:2-3 Mat. 27;55-56; Mk. 15:40-41; Lk. 23:49; 10 Isa. 6:9-10; 16 Mat. 5:15; Lk. 11:33; 17 Mat. 10:26; Lk. 12:2; 18 Mat. 25:29; Lk. 19:26. Sawm leh nihte sawlna Jesu in sawm leh nihte a sap khit cingin: dawite zawhna ding leh cinate a damsak theihna ding un thu a pia hi. 2Pasian Gam Thu hilh ding leh cinate damsak dingin a sawl hi. 3Tua ciangin: Note in lampi-ah zat dingin bangmah keng kei un. Ciang-khut, thungip, khomun, dangka leh puanak nih na keng kei un. 4Inn khat peuhah na lut uh ciangin, tua khua panin na paikhiat mateng un tua innah na om un. 5Mi khat peuhin hong nolh leh na paikhiat uh ciangin, amaute lang khatah teci dingin, na khe-peek nuai ah a om leivuite na sing khia un ci-in thu a pia hi. 6Amaute paikhia uh a, Lungdam Thu hilh in, cinate damsak in, khuapi leh khuaneute ah a pai kawikawi uh hi.

Baptaizpa Johan sihna 7Tua lai takin Menzipa Herod in Jesu hihnate a zak ciangin a lungmang hi. Bang hang hiam cihleh, mi kimkhat in: Johan a thokik hi ci uh hi. 8Kimkhat in: Elijah hong kilang hi a ci uh hi. Kimkhat in: Tanglai kamsangte khat peuh a thokik hi a ci uh hi. 9Herod in: Johan ngawngka tan khin hi. Hi bangin thuhilhpa in kua ahi hiam? ci-in Jesu mu nuam hi.

66 Tulnga vakna 10Jesu kiangah Sawltakte hong ciahkik in, a bawlna thu khempeuh a zasak uh hi. Jesu in amaute tawh gamdaihna munah paipih a, Bethsaida kici khua a tunguh hi. 11Mihonte in a theih uh ciang in a delhuh hi. Jesu in amaute hawlkhia loin, Pasian Gam thu hilh in, cidamna a deihte a dam sak hi. 12Ni a tum kuan ciangin sawm leh nihte in va nai uh a: Mihonte, i kim khua leh lo lai-ah an lei dingin paikhia sak in. Bang hang hiam cihleh, hih munin gamlak ahi hi ci uh hi. 13Jesu in: A an nek dinguh na pia dinguh hi ci hi. Amaute in: Hih mite kham ding an ka nei kei uh hi. Khomun pumnga leh ngasa tawn nih bek ka nei uh hi a ci uh hi. 14A genna hangun, pasal bek zong tulnga a pha uh hi. Jesu in: Mite pawl khat sawmnga cih bangin a lomlom in tu sak un, ci-in thu a pia hi. 15A nungzuite in Jesu gen bangin a om mite khempeuh a tu sak uh hi. 16Jesu in khomun pumnga leh ngasa tawn nih la in, van lam ento a, thupha a piak khit ciangin balnenin, mite lui dingin a nungzuite a pia hi. 17A vekpi un ne in, a kham khit uh ciangin, a val nengte a top uh leh seeng sawm leh seeng nih dim a pha hi.. Pite in Jesu a pulakna 18Jesu in gamdaihna ah thu a nget lai takin, a nungzuite tawh a om khawm hi. Jesu in: Mihonte in kei kua hi hong ci uh hiam? ci-in a dong hi. 19Amaute in: Baptaizpa Johan ci uh a, kimkhatte in: Elijah ci uh hi. Midangte in: Tanglai kamsangte khat peuh a thokik hi a ci uh hi ci-in a gen uh hi. 20Jesu in: Note in kei kua hi nong ci uh hiam? ci-in a dot leh Piter in: Nangmah in Pasian Khris na hi hi a ci hi. A sih ding genkholhna 21Jesu in tua thu kuama kiangah genlo dingin a kham hi. 22Tua khit ciangin: Mihing Tapa in gimna tampi thuak ding a, upate, siampi liante leh laitheite in nial in, thahna zong thuak in, ni thum khit ciangin a thokik ding hi a ci hi. 23Mi khempeuhte kiangah Jesu in: Mi khat peuhin hong zuih nop leh, a pumpi nial in, a singlamteh ni simin pua in hong zui ta hen. 24A nuntakna a gum nuamte in, a nuntakna a mangthang sak ding hi. Keima hangin a nuntakna a manthang sakte in a nuntakna a gum ding hi. 25Mi khat in

67 leitung khempeuh a ngah hangin, a nuntakna mangthang leh bang phattuama om ding hiam? 26Ka thu hangin a maizum peuh mah, Mihing Tapa in Pa phatna leh a siangtho vantung mite phatna tawh hong paikik ciangin, tua mi maizum sak ding hi. 27Ken aman takpi kong cihin, Pasian gam in hih san takah a ding mi kim-khatin a muh mateng un a si kei dinguh hi a ci hi. Meel kilamdanna 28Hih thute a gen khit zawh nigiat ciangin, Jesu in Piter, Johan leh Jakob-te samin thungen dingin mual tungah a kahto uh hi. 29Thu a nget lai takin a meel kilamdang a, a puan pakin a leeng mahmah hi. 30Moses leh Elijah in tua mun ah hong kilanguh hi. 31Jesu tawh kiho in, Jerusalem ah sihna a thuak ding thu a gen uh hi. 32Piter leh amah tawh a om khawmte a lusu uh hi. Ahih hangin a khanlawh uh ciangin, Jesu phatna leh amah tawh a om khawmte a mu uh hi. 33Tuate Jesu tawh a kikhen lai takun Piter in: Topa aw, hih munah kong om uh a hoih hi. Nang ading buk khat, Moses ading buk khat, Elijah ading buk khat, buk thum kong lamsak ding uh hi ci-in cihna ding a theih loh manin a gen hi. 34Hih thu a gen lai takin, amaute meii khat in tuam a, meii sungah a tum lai takun a lau uh hi. 35Tua ciangin: Hihpa in ka teelsa ka Tapa ahi hi. A thu na ngai un ci-in meii kawm panin aw khat hong ging hi. 36Aw a gin khit ciangin Jesu bek a mu uh hi. Pau loin om uh a, a muhuh nate kuama kiangah gen kei uh hi. Dawinin a vei naupang khat damsakna 37Zinsang ciangin mual tung panin hong kumsuk uh a, mihonte in Topa a dawntuah uh hi. 38Mihon lak ah khat in: Sia aw, kong thuum hi ka tapa neihsun hong en in. 39Dawi in a mat ciang in, tha-khat in kiko a, a kam sung panin a cilphuan bua dongin kawnggaw sak a, nakpi tak in a bawlsia in, a paikhia nuam kei hi. 40A hawlkhia dingin na nung-zuite kiangah ka gen hangin a hih thei kei uh hi ci-in a ko hi. 41Jesu in: Upna a neilo lungtang khauh mite aw, note tawh bang tanvei om khwm ding ka hi hiam? Bang tanvei hong thuak zo ding ka hi hiam? Na tapa ka kiang ah hong paipih in a ci hi. 42A paipih lai takin dawi in naupang leilak ah puksakin a kawngaw sak hi. Jesu in kihhuai dawi taai in, naupang a

LUKA 9 damsak khit ciangin a pa kiang ah a pia hi. 43Amaute khempeuh in Pasian vang-liatna lamdang a sa uh hi. A sih ding genkholh kikna 44Mi khempeuh in Jesu hihna lamdang a sak uh ciangin, a nungzuite kiangah Jesu in: Nang lungtang sunguah hih thute lut ta hen. Mihing Tapa in mite khut sungah kiheek ding hi ci hi. 45Amaute in tua thu thei in a tel lohna dingun a kiseel hi. Tua ahih manin a deihna zong a dong ngam kei uh hi. Kua lian pen 46Tua lai takin a nungzuite in, amaute lakah kua lian bel hiam ci-in khat leh khat a kiseel uh hi. 47Jesu in a lungsim suanguah a kiselna thu uh a theih ciangin, naupang khat samin a kiang ah a koih hi. 48Tua khit ciangin: Ka min tawh hih naupang a ngai peuh mahin, kei zong hong ngai hi. Bang hang hiam cihleh, note lakah a neu penpa in a lian pen ahi ding hi a ci hi. Hong langpanglote ei tawh kipawl 49Johan in: Sia aw, na min tawh dawite a hawlkhia mi khat ka mu uh hi. Amah in eite hong zuilo ahih manin ka kham uh hi? a ci hi. 50Jesu in: Hong lang pang lo peuh mah in na pawluh ahih manin, na kham kei un ci-in a gen hi. Samaria khua khat Jesu kinolhna 51Van ah a kilaktoh hun ding a tun kuan ciangin, Jesu in Jerusalem khua lam ma nawh in a pai hi. 52A mai-ah kamtaite sawlin, tuate pai uh a, Jesu ading mun bawlkhol dingin Samaria khua khatah a lutuh hi. 53Jesu in Jerusalem lam zuan ahih manin, tua khua in a nolh uh hi. 54Tua thu a nungzui Jakob leh Johan in a theih uh ciangin: 55Topa aw, kote in van panin mei kiasak in tua mite ka kattumsakna ding uh nawng awi hiam? ci-in a dong uh hi. 56Jesu kihei in amaute a taai khit ciangin khua dang ah a pai uh hi. Jesu nungzui dingte 57Lampi ah a pai lai takun mi khat in: Na paina khempeuh kong zui ding hi ci-in Jesu kiangah gen hi. 58Jesu in: Ngiate in kua nei in, vasate in zong bu a nei uh hi. Ahih hangin Mihing Tapa ahih leh a lutang ngakna ding mun a nei kei hi a ci hi. 59Mi dang khat kiangah: Hong zui in a cih leh: Topa aw, ka pa ka vui

LUKA 10 masak theihna dingin thu hong pia in a ci hi. 60Jesu in: Misi leh misi na kivui ta hen. Nang na hih pai in la, Pasian gam thu na hilh in a ci hi. 61Mi dang khat in: Topa aw, kong zui ding hi. Ahih hangin ka innah a om mite mangpha ka khak masakna dingin thu hong pia in a ci hi. 62Jesu in: Lawilo khawhna leeng len kawm in, nung lam a en mi in, Pasian gam tawh a kituak kei hi a ci hi. 9:4 Sawl. 13:51; 3-5 Lk. 10:4-11; 7-8 Mat. 16:14; Mk. 8:28; Lk. 9:19; 19 Mat. 14:1-2; Mk. 6:14-15; Lk. 9:7-8; 20 Jhn. 6:68-69; 23 Mat. 10:38; Lk. 14:27; 24 Mat. 10:39; Lk. 17:33; Jhn. 12:25; 35 Isa. 42:1; Mat. 3:17; 12:18; Mk. 1:11; Lk. 3:22; 28-35 2Pi. 1:17-18; 46 Lk. 22:24; 48 Mat. 10:40; Lk. 10:16; Jhn. 13:20; 54 2Kum. 1:9-16; 61 1Kum. 19:20. Sawmsagihte sawlna Tua khit ciangin a dang sawmsagihte koih a, a paina dinguh khuapi, khuaneu ah, nihta in pai masa sak hi. 2A thupiakna in: Buh at ding tampi om a, ahih hangin a at ding mi a tawm hi. Tua ahih ciangin buh at nasem dingin hong sawlin ci-in buh nei Topa kiangah thu na ngenun. 3Pai un gia hon lakah tuuno kikhah bangin kong sawl hi. 4Dangka-ip, thungip leh khedap-te na keng kei un. Lampi ah na pai lai takun kuamah na hopih kei un. 5Inn khatah na lutuh ciangin: Hih inn sungah thupha om ta hen na ci un. 6Tua innah thupha a deih a om leh, tua thupha a tungah a tung ding hi. A om kei leh note kiangah hong kilehkik ding hi. 7Tua innah na om uh ciangin, an nek tui dawn hong piak bangbang na ne un. Bang hang hiam cihleh, nasempa in thaman ngah dingin a kilawm hi. Inn khat panin inn khatah kawm themthum kei un. 8Khua khat peuhah na lutuh ciangin, hong tunsak uh leh na mai uah hong kilui khempeuh na ne un. 9Cinate na damsak un. Pasian Gam in note kiang ah hong nai zo hi ci-in thu na hilh un. 10Khua khat peuhah na lutuh ciangin, khua mite in hong nolhuh leh tua panin paikhia un. 11Tua ciangin: Ka khe-peek tunguah a bang leivui nangawn note lang-khatah ka nulkhia uh hi. Ahih hangin Pasian Gam hong nai zo hi ci-in na thei ta un ci-in na gen un. 12Ken kong cihin, Tua Ni ciangin tua khua in Sodom khua sangin a thuak zaw ding hi.

10

68 A kisiklo khuapite 13Khorazin khuapi aw, gimna na thuak ding hi. Bethsaida khuapi aw, gimna na thuak ding hi. Bang hang hiam cihleh, note sungah a kilak vangliatna in Taiar khuapi leh Sidon khuapi sungah kilak hi leh, amaute in a sawtpek in khautang puan silh in, vut tawh a kibuak in, a kisikkik khin dinguh hi. 14Thu-khen Ni ciangin, Taiar leh Sidon khuapi-te sangin na thuak zaw kan dinguh hi. 15Nang Kapernaum khuapi aw, vantung dongin minthanna na ngah ding hiam? 16Note thu a ngaite in ka thu a ngai hi. Note hong nolhte in kei zong hong nolh hi. Kei hong nolhte in kei hong sawlpa zong a nolh hi ci-in Jesu in a gen hi. Sawmsagihte ciahkikna 17Sawmsagihte in lungdamna tawh hong ciahkik uh a: Topa aw, na min tawh dawite na ngawn ka zo uh hi a ci uh hi. 18Jesu in: Satan in khuaphia bangin van panin hong kiasuk ka mu hi. 19En un, note in gul gilote leh mommaite na sikgawpna ding uh leh na galte vangliatna khempeuhte na zawhna dingun thu kong pia hi. 20Note bang mahin hong bawsia lo ding hi. Ahih hangin dawite na zawhna hangun lungdam kei un. Van ah na min uh a kigelh manin na lungdam ta un a ci hi. Jesu lungdamna 21Tua lai takin Jesu in Kha Siangtho tawh lungdam a: Van leh lei a uk ka Pa aw, nangmah in hih thute mipilte leh misiamte kiangah na im a, naupangte tungah lak na hih manin na hehpihna ka phat hi. Ahih mah hi ka Pa aw, tua bangin na deihna ahi hi. 22Ka Pa in na khempeuh kei hong pia khin hi. Pa longal kuamah in Tapa a thei kei hi. Topa leh Tapa in a theihsak nopte longal kua mah in Pa thei kei hi a ci hi. 23Jesu in a nungzuite lam ah kihei in: Na muhuh nate a mu mittangte in thupha a ngah dinguh hi. 24Na muhte uh Pasian kamsang tampite leh kumpi tampite in a muh nopuh hangin a mu loin, na zakte uh a zak nopuh hangin, a za kei uh hi ci-in a gen hi. Samaria mihoih 25Thukham siapa khat in ze-et a: Sia aw, tawn-tung nuntakna ka ngahna dingin bang hih ding ka hi hiam? ci-in a dong hi. 26Jesu in: Thukham sung ah bangci kigelh hiam? Bangci

LUKA 11 sim na hi hiam? ci-in a dong kik hi. 27Amah in: Na Topa Pasian na lungsim khempeuh, na kha khempeuh, na hatna khempeuh leh na pilna khempeuh tawh na it ding hi. Na pumpi na it bangin na lawmte na it in ci-in a gen hi. 28Jesu in: Na dawnna thu ahi takpi hi. Tua bangin na hih leh na nungta ding hi a ci hi. 29Tua pa in ama hoihna a lah nop manin: Ka lawmte kua ahih hiam? ci-in a dong hi. 30Jesu in: Mikhat in Jerusalem khua panin Jerikho khua ah a paisuk lai takin, misuamte tawh a kituak hi. Misuamte in tuapa puan hawkkhiatsak in, nakpi takin a sat khit uh ciangin, si dek takin a nusia uh hi. 31Tua lampi ah siampi khat va pai kha zenzen a, tuapa a muh ciangin peelin a nusia hi. 32Tua mah bangin Levi mi khat hong tung a, tuapa in a muh ciangin peelin a nusia leuleu hi. 33Tua bangin Samaria mi khat khual zinin a pai lai takin, a omna hong tung hi. 34A muh ciangin hepihhuai sa in va nai a, a liammate sathau leh leenggahtui a nuhsak khit ciangin a la tungah tuangsakin, zintunna innah paipih in a koih hi. 35Zingsang a paikhiat ding ciangin peeknih la in, zintunna inn ukpa a piak khit ciangin: Hih mi na khoi in, a bei khempeuh kong paikik ciangin kong loh ding hi a ci hi. 36Nang bangci ngaihsut na hi hiam? Tua mi thum sung panin, kua pen in misuam tuakpa lawm ahi hiam? ci-in a dong hi. 37Thukham siapa in: A hehpihpa in a lawmpa ahi hi a ci hi. Jesu in: Nang zong pai in la, tua mah bangin na gamta in a ci hi. Martha leh Mari kiangah hawhna 38Lampi ah a pai lai takun, khua khatah lutuh a, Martha kici numei khatin a innah a tung sak hi. 39Tua numei in Mari kici sanggam numei khat a nei hi. Mari in Jesu khebulah tu in a thu a ngai hi. 40Martha ahih leh an bawlin gim ahih manin, Jesu kiang va nai a: Topa aw, kei kia in an bawl ka hih manin, ka nau in nang hong nusiat ding na awi hiam? Kei hong huhna dingin thupia in a ci hi. 41Jesu in: Martha aw, Martha aw, na tampi na lunghimawh a, gimna na thuak hi. 42Ahih hangin sapna khat bek a om hi. Mari a hih leh na hoih khat a teel khin hi. Tua na in a tung panin kilakhia lo ding hi a ci hi. 10:28 Mat. 9:37-38; 3 Mat. 10:16; 7 1Kor. 9:14; 1Tim. 5:18; 10-11 Sawl. 13:51; 4-11 Mat. 10:7-14; Mk. 6:8-11; Lk. 9:3-5;

69 12 Pian 19:24-2; Mat. 10:15; 11:24; 13 Isa. 23:1-18; Ezk. 26:1; 28:26; Joel. 3:4-8; Amos. 1:9-10; Zek. 9:2-4; 15 Isa. 14:13-14; 16 Mat. 10:40; Mk. 9:37; Lk. 9:48; Jhn. 13:20; 19 La. 91:13; 22 Jhn. 3:35; 22 Jhn. 3:35; 10:15; 27 Thkna. 6:5; 27 Siam. 19:18; 25-28 Mat. 22:35-40; Mk. 12:28-34; 28 Siam. 18:5; 38-39 Jhn. 11:1. Thungetna thu Jesu hilhna Jesu in mun khat ah thungen in, a man ciang in a nungzuite khat in: Topa aw, Johan in a nungzuite thunget dan ding a hilh mah bangin, kote zong hong hilh in a ci hi. 2Jesu in: Note in thu na ngetuh ciangin hih bangin na ngen un: Pa aw, na min siangtho ta hen. Na Gam hong piangta hen 3Nisim in ka khamkhop dinguh an hong pia in. 4Kote tung ah hong mawhte ka maisak mah bangin, kote mawhna zong hong maisak ta in. Khem-na hong thuaksak kei in ci-in na ngen un a ci hi. 5Jesu in: Note khat peuh in lawm nei in, tua na lawm in zankim lai takin a innah pai in: Lawm aw, ka lawmte khat zin hong tung hi. 6Ka vakna ding bangmah neilo ka hih manin, khomun pum thum hong leitawi sak in a ci hi. 7A lawmpa in inn sung panin: Hong bawlsia kei in. Tu ni-in kong kikhak khin hi. Ka tate tawh ka lum khin uh hi. Tho in kong pia thei kei hi a ci ding hiam? 8Ken kong cihin, a lawmpa ahih manin, tho in a pia kei zongin, ngen teitei ahih manin tho in a deihteng khempeuh a pia ding hi. 9Khatvei kong gen kik in: Ngen un, na ngetuh leh na ngah dinguh hi. Zongun na zonuh leh na mu dinguh hi. Kongkhak kiu un, na kiuhuh leh hong kihon ding hi. 10Bang hang hiam cihleh, a ngente khempeuh in a ngah dinguh hi. A zongte khempeuh in a mu dinguh hi. A kiute khempeuh kongkhak a kihon ding hi. 11A ta in khomun ngen leh, suang pia ding, ngasa ngen leh gul pia ding, 12aktui ngen leh mommai a pia ding note lakah kua om na hi uh hiam? 13Note in mi gilo tate na hi napi un, na tate uh a hoih na piak nopuh leh, vanah a na Pa un a ngente Kha Siangtho hong pia zaw kan ding hilo ahi hiam? ci-in a gen hi. Jesu leh Beelzebul 14Jesu in a pau theilo dawi a hawlkhia hi. Dawi a paikhiat khit ciangin, a pau theilopa a pau

11

LUKA 11 thei pah a, mihonte in lamdang a sa uh hi. Ahih hangin kimkhat in: Belzebul suangin dawite a hawlhia hi a ci uh hi. 16Kimkhat in zong ze-etna dingin van panin lim khat a ngen uh hi. 17Jesu in a lungsim uh a theih ciangin: Gam sung mi kilem loin, a kikhen-na leh a puk ding hi. 18Kei mah in Belzebul suangin dawite a hawlkhia hi ci na hih manun, Satan in amah leh amah kilem loin, a kikhen leh, a gam bangci kip theih ding ahi hiam? 19Belzebul suangin dawi ka hawlkhiat leh, na tate un kua min tawh dawite a hawlkhia dinguh hiam? Tua ahih ciangin, amaute in note tungah thukhen dingte ahi uh hi. 20Ahih hangin Pasian khutme tawh dawite ka hawlkhiat leh, Pasian Gam in note kiangah hong tung zo hi. 21Mi thahatpa in hiam tawi in, a inntual ah a cin lai takin a inn a bit hi. 22Ahih hangin amah sangin a hatzaw hong pai in, tuapa a zawh khit ciangin, a hiamte sut in, a sumte la in a hawm ding uh hi. 23Kei tawh a kipawl lote in ka lang pang mi ahi uh hi. Kei tawh a kaikhawm lote in, a kikhenthang sak hi. Dawinin ciahkikna 24A kihhuai dawi in, mi sung panin a paikhiat khit ciangin vak kawikawi in a khawlna ding mun a zong hi. 25A muh loh ciangin: Ka paikhiatna inn lamah ciahkik ning ci-in a pai leh, tua inn awng in, kiphiat leh kipuah in a om a mu hi. 26Tua ciangin amah sangin a gilo zaw dawi sagih va sam in, tuapa sungah a lutuh hi. Tua ahih ciangin tuapa in a pian masak sangin, a pian nunung a sia zaw hi a ci hi. Thupha taktak 27Jesu in tua thu a gen lai takin, mihon lak panin numei khat in: Nang hongpai gil leh na teep nawi in thupha a ngah ding hi ci-in a kiko hi. 28Jesu in: Pasian thu za a, a mangte in thupha a ngah zaw kan ding hi ci-in a gen hi. Lim khat kalhna 29Mihonte hong kikhawmuh a Jesu in: Hih khang mite in mi gilote ahi uh hi. Amaute in lim a zonuh hangin Jonah lim longal, lim dang a kilak kei ding hi. 30Jonah in Nineveh khuapite tungah lim ahih bangin, Mihing Tapa in amaute adingin lim ahi ding hi. 31Leitaw lam kumpite in thu a khen ciang in hih khangmite langkhat ah dingin,

70 amaute a mawhsak ding hi. Bang hang hiam cihleh, amah in Solomon pilna thu ngai dingin leimong panin hong pai hi. Hiah Solomon sangin a lian zaw mi khat a om hi. 32Thu a khen ni ciangin Nineveh khua mite a lang khatah ding in a mawhsak ding hi. Nineveh khua mite kiangah Jonah in thu a hilhna hangin, a mawhnate uh a kisikkik uh hi. Hiah Jonah sangin a lian zaw mi khat a om hi. Pumpi khuavak 33Mei a kivak khit ciangin kua mah in buliahna ah koih loin, seeng zong a khuh kei uh hi. A lut mite in mei taang a muh theihna dingun kho sangah a vakuh hi. 34Na mittangin na pumpi khuavak ahi hi. Na mit a vak leh na pumpi zong a taang ding hi. Na mit a mial leh na pumpi zong a mial ding hi. 35Tua ahih ciangin na sungah a om khuavak in, mial hiam miallo hiam en cian in. 36Tua ahih ciangin, mun khat bek mial loin, na pumpi a vak leh, meivak vangtaang in na khua vak a hong piak bangin, na pum khempeuh a taang ding hi a ci hi. Farisaite leh Thukham hilh siate mawhsakna 37Tua thu a gen lai takin Farisai khat in Jesu an ne dingin a sap leh pai a, an ne dingin sabuai ah a tu hi. 38Jesu in an nekma in a khut a sil lohna Fari-saipa in a muh ciangin lamdang a sa hi. 39Topa in: No Farisaite in hai leh dalkuangte a pua lam na sil singuh hangin, na sung lamuh ngongtatna leh git-lohna tawh a kidim hi. 40Mi pillote aw, a pua lam a bawlpa in a sung lam zong bawl hilo ahi hiam? 41A sung lam nate hehpihna ngah dingin na kipia un. Tua bangin na hih uh leh, na khempeuh note mai-ah a siangtho ding hi. 42Farisaite aw, gimna na thuak dinguh hi. Bang hang hiam cihleh, leeng-masel, anis leh anteh theipuam khempeuh she-sawm suah sehkhat na piakuh hangin, a thukhenna leh Pasian itna na nusia uh hi. A dangte tang in, hite zong tan dingin a kilawm hi. 43Farisaite aw, gimna na thuak ding uh hi. Bang hang hiam cihleh, kikhopna inn sungah tokhom sang bel leh sumbuk ah zahtakna tawh hopihna nate na deih uh hi. 44Note in gimna na thuak dinguh hi. Bang hang hiam cihleh, a kilanglo han tawh na kibanguh hi. A tungah a pai mite in han om cih a thei kei uh hi ci-in a gen hi.

71 45Thukham hilh sia khat in: Sia aw, tua bang na gen ciangin kote hong tai na hi hi a ci hi. 46Jesu in: Thukham siate aw, note in zong gimna na thuak dinguh hi. Bang hang hiam cihleh, midangte vangik na puaksak uh hangin, na khutme na ngawnun na lawng nuam kei uh hi. 47Note in gimna na thuak dinguh hi. Bang hang hiam cihleh, na nu leh pate in a thahuh Pasian kamsangte han na puahuh a, na pu leh pate hihna na lungkim pihuh hi. 48Amaute in Pasian kamsangte that uh a, note a han na puahna uh tawh teci na panguh hi. 49Tua ahih manin, Pasian lungpilna: Kamsangte leh sawltakte amau-te kiangah ka sawl ding a, tuate kimkhat that in, bawlsia ding uh hi. 50Tua ahih manin Abel sisan a kipan biakna tau leh biakinnpi kikal a kithat Zekhariah sisan dongin, lei piancil panin a kibua khin Pasian kamsangte sisan khempeuh in hih khang mite tungah a kisiik ding hi. 51Hi hi. Ken kong cihin, tua sisante in hih khang mite kiangah a kigen ding hi. 52No thukham hilh siate aw, gimna na thuak dinguh hi. Bang hang hiam cihleh, note in lungpilna konghonna na lakhia uh hi. No lah lut loin, a lut nuamte zong na khamuh hi ci hi. 53Jesu in tua mun panin a paikhiat ciangin, Farisaite leh laitheite in kisatsuah uh hi. 54Ama kampau panin a matna dingun panguh a, kam tampi a genna dingin thu tuamtuam a dong uh hi. 11:15 Mat. 9:34; 10:25; 16 Mat. 12:3; 16:1; Mk. 8:11; 23 Mk. 940; 29 Mat. 16:4; Mk. 8:12; 30 Jhn. 3:4; 31 1Kum. 10:1-10; 0 2Khg. 9:1-11; 32 Jhn. 3:5; 33 Mat. 5:15; Mk. 4:21; Lk. 8:16; 42 Siam. 27:30; 51 Pian.4:8; 2Khg. 24:20-21. Simtatna thu hilhkholhna Tua lai takin khat leh khat kisik kha zah dongin mihonte a kikhawm uh hi. Jesu in a nungzuite kiangah a gen masak thu in: Mi simtat ahi Farisaite silngo pan na kikem un la, na tang un. 2A kilak lo dingin a kisincip bang mah a om kei hi. A kitheilo dingin a ki-imcip bangmah a om kei hi. 3Tua ahih ciangin a mial sungah na gente uh khuavak ah a kiza ding hi. Inndei sung leh na kihuau sim thute uh, innkhum vumah a kiko dinguh hi. Kua kihta ding 4Lawmte aw, pumpi a thah khit ciangin bangmah ahih zolo nate na kihta kei un. 5Pumpi

12

LUKA 12 a thah khit ciangin hel khuk ah a khul theipa na kihta un. Ahi hi, tuapa na kikta un kong ci hi. 6Gitta nga in dang-kasan peeknih tawh kizuak hilo ahi hiam? Tuate khat nangawn Pasian in a mangngilh kei hi. 7Na samzanguh zong kisim khin hi. Na kihta kei un, note in gitta tampi sang in na manpha zaw uh hi. Mite mai-ah pulakna 8Ken kong cihin, mite mai-ah hong mangin, hong ngai khempeuh, Mihing Tapa in Pasian vantung mite mai-ah a ngai ding hi. 9Mite mai-ah hong nialte Pasian vantung mite mai-ah zong ka nial ding hi. 10Mihing Tapa a gensiate in, maisakna thu ngah dinguh a, Kha Siangtho a gensiate in maisakna thu a ngah kei dinguh hi. 11Amaute in, kikhopna inn upate leh thukhente mai-ah hong paipih dinguh a, tua hun ciangin, bangci thuhkik in, bang thu gen ding cih na lunghimawh kei un. 12Na gen dinguh tua hun lai takin Kha Siangtho in hong hilh ding hi ci-in a gen hi. A hau mihaipa thugentehna 13Mohonte lak panin khat in: Sia pa aw, ka u in ka pa gamh leh sumte hong khenna dingin thu na pia in ci hi. 14Jesu in: Mihaipa aw, note thukhen ding leh sumte hawmsk dingin kei hong kikoih ahi hiam? a ci hi. 15Tua khit ciangin Jesu in: Note in huaihamna khempeuh kih in, na tangun. Bang hang hiam cihleh, mihing nuntakna in sum hauhna ding ahi kei hi a ci hi. 16Thugentehna a gen in: Mihaupa khatin a lo panin an tampi a ngah hi. 17A ante a koihna ding kicinglo ahih manin a lungkham hi. 18Hih bangin ka hih ding hi. Ka sal ka phel in, a lian zaw ka lam ding hi. Tua sungah ka nate leh ka sum khempeuh ka koih ding hi. 19Tua ciangin, ka kha kiangah: Ka kha aw, kum tampi zat ding kikhol khin hi. Tawlnga in la ante ne in dawn in nuamsa in om in ka ci ding hi a ci hi. 20Ahih hangin Pasian in: Mi haipa aw, tu zan ciangin na kha kila ding hi. Na kholsa an leh nate kua in a luah ding hiam? a ci hi. 21Tua mah bangin, ama a ding a khol hangin Pasian mai-ah a zawng mi in, tuapa tawh kibang hi a ci hi. Kinna leh lunghihmawhna 22Khavei Jesu in: Note in bang ka ne in bang ka silh ding hiam ci-in na pumpi a ding in na

LUKA 12 lunghimawh kei un. 23Bang hang hiam cihleh, an leh puan sangin pumpi a lian zaw hi. 24Vaakte na ngaihsun un. Amaute in khaici tuh loin, a at kei uh hi. Beem leh sal zong a nei kei uh hi. Ahih hangin Pasian in tuate a vak hi. Vasate sangin note na manpha zaw uh hi. 25Lunghimawh manin note lakah tong khat bek a khangsak thei kua om na hi uh hiam? 26A neu pen thu na ngawn na hih thei kei uh leh, a dangte bang hangin lunghimawh na hi uh hiam? 27Unok kungte bangci khan theih hiam? ci-in na ngaihsun un. Tuate in nasem lo, khau kheek lo uh hi. Ahih hang in Solomon in a minthanna puan a silh laitak na ngawn in unok pak zah in a kizem kei hi. 28Upna neute aw, tu ni-in a om zing ciangin a khul ding lopote Pasian in puan silhsak ahih manin, note zong hong silhsak loin a om ding hiam? 29Bang ne in, bang dawn ding cih na ngaihsun kei un. 30Upkhialhna lungsim na nei kei un. Bang hang hiam cihleh, leitung mite in nate khempeuh a zonguh hi. Note na hihuh leh na Pa un na kisapte uh hong thei hi. 31Ama Gam a dikna na zong masa un. Na zonuh leh tua nate khempeuh zong hong pia thuah ding hi. Vantung gam sum 32Tuu honno aw, na lau ke un. Na Pa un note gam a hong pia nuam hi. 33Na neihsate uh zuak un la, hehpihna na pia un. A lui theilo dangkaip na bawl un. Gutate in a guk zawh loh, ngetin zong a suksiat theih lohna vanah a bei theilo sum na khol un. 34Bang hang hiam cihleh, na sum kholna ah na lungsim uh zong a om ding hi. A kiging nasemte 35Note in kawnggak gak un la, meivak vaksa in na om un. 36A topa mopawi panin hong ciah a, kong a kiuh ciangin, thakhat in a hon thei ding a lamente tawh kibangin na om un. 37Topa hong ciah ciangin, ngakin a om nasemte in thupha a ngah dinguh hi. Ken aman takpi kong cihin, topa in a kawnggak in, tua nasemte an ne dingin tu sak in, hong pai in amaute a vak ding hi. 38Zankim leh khuavak dektak hun ahi zongin, a topa uh hong tun peuh ciangin, tua bangin a om nasemte in thupha a ngah dinguh hi. 39Ahih hangin, gutate hong pai ding hun, inn neipa in thei khol hi leh a inn a luh lohna dingun a pang ding hi ci-in na theita un. 40Kiging khol un. Bang

72 hang hiam cihleh, na ngaihsut loh lai takun, Mihing Tapa hong pai ding hi a ci hi. Diktat leh diktatlo nasempa 41Piter in: Topa aw, hih thugentehna kote a ding ahi hiam? Ahih kei leh mi khempeuh ading in hilh na hi hiam? ci-in a dong hi. 42Topa in: A topa in a hun a tun ciangin, a innkuanpihte nek leh dawn a hawm sak dingin a koih, a diktat leh lungpil nasempa in kua ahi hiam? 43A topa a ciah ciangin, tua bangin a om nasempa in thupha a ngah ding hi. 44Ken aman takpi kong cihin, a topa sum khem-peuh tuapa a kemsak ding hi. 45Ahi zongin tua nasempa in: Ka topa hong ciah hak ding hi ci-in ngaihsun a, nasem pasal leh numeite sat gawpin, an ne tui dawn in zu kham an kham in a om hi. 46A lamet loh ni leh a theih loh kalin a topa hong tung ding a, tua nasempa sat in, a diktatlote tawh a om khawm sak ding hi. 47Nasempa in a topa deihna thei napi-in, kiging khol loin, a topa deihna bangin na a sep kei leh, nakpi satna a thuak ding hi. 48A topa deihna thei loin, sat dingin a kilawm nasem pa in tawmkha satna a thuak ding hi. Hehpihna tampi a ngahte in tampi kingen ding hi. Tampi a neipa kiang panin na tampi kingen kik ding hi. Kkhenna a piansak Jesu 49Leitungah mei khia dingin a hong pai ka hi hi. Tua mei tu in kihal leh, bang deih lai ding ka hi hiam? 50Ahih hangin baptaizna thuak ding khat ka nei hi. Tua ka thuak matengin ka lungkim kei ding hi. 51Leitung ah kilemna pia dingin hong pai hi ci-in na um uh hiam? Ahi kei hi. Kikhenna piangsak dingin hong pai ka hi hi. 52Bang hang hiam cihleh, tu a kipanin innkuan sungah nga a omte in nihte pawlkhat, thumte pawlkhat in kikhen ding uh hi. 53Pa leh tapa, tapa leh pa, nu leh tanu, teeknu leh monu, monu leh teeknu, khat leh khat kikhen ding uh hi ci-in thu a hilh hi. Hun theihna 54Jesu in mihonpite kiangah: Note in nitumna lamah meii kai khat na muh uh ciangin: Guah zu ding hi na ci uh hi. 55Leitaw lam pan huih hong nun ciangin: Ni hong sa ding hi na ci uh hi. Na cih uh mah bangin ahi thei hi. 56Mi simtate aw, note in van leh lei maitang na khen thei uh hi. Tu lai tak hun bang hangin khentheilo na hi uh hiam? 57Note in bang hang in thu khat peuh a

73 man leh man loh khen thei lo na hi uh hiam? 58Na kitotpihpa tawh thukhen mangpa kiang ah na paikhop lai takun, kilemna dingin na hahkat un. Tua bang ahih kei leh, thu-khen mangpa zum ah hong kai ding hi. Thukhen mangpa in palikte tungah hong pia in, thong sungah hong khum ding hi 59Na liau ding dangka na piak khit matengin, thong sung panin na paikhia thei kei ding hi a ci hi. 12:1 Mat. 16:6; Mk. 8:15; 2 Mk. 4:22; Lk. 8:17; 10 Mat. 12:32; 14:15; 27 1Kum. 10:4-7; 2Kum. 9:3-6; 35 Mat. 25:1-13; 36 Mk. 13:34-36; 39-40 Mat. 24:43-44; 50 Mk. 10:38; 53 Mik. 7:6. A kisikik lote adingin siatna Tua lai takin mi kimkhat hong pai uh a Pilat mangpa in Galile mite sisan amaute pasian biakna sa tawh a helna thu Jesu kiang ah a gen uh hi. 2Jesu in: Tua bang a thuak Galile mite in Galile mi dangte sangin mawhna a hauh zawk man hi ci-in na um uh hiam? 3Ahi kei hi, kong ci hi. Note in zong na mawhna uh na kisik kei uh leh, tua mah bangin na kisia khin ding uh hi. 4Tua bek hi loin, Solomon inn sangpi puk in, a delhlup mi sawmleh giatte in Jerusalem khua sungah a om mi khem-peuh sangin mawhna a hauh zawk man uh ahi hiam? 5Ahi kei hi, kong ci hi. Note zong na mawhna uh na kisikkik kei uh leh tuate bangin na kisia khin dinguh hi. a ci hi. A gahlo theikung 6Jesu in thugentehna a gen in: Mi khat in lo lai-ah theikung khat a suan hi. Thei gah zongin tua kung kiangah a pai hangin a gah a om ngei kei hi. 7Tua ciangin: Topa in lo nasempa kiang ah: En in, kum thum khit ciangin a gah zong ding kong pai hangin a gah ka mu kei hi. Leitang nawngkai sak ahih manin na phuk in ci-in thu a pia hi. 8Lo nasempa in: Topa aw, tukum hici koh photin, A phung tovung in, eklei ka sung ding hi. 9Tua khit ciangin hong gah leh a hoih hi. A gah kei leh na phuk ding hi a ci hi ci-in a gen hi. Nipi ni-in Numei elkul damsakna 10Nipi ni khat Jesu in kikhopna inn sung ah thu a hilh hi. 11Tua lai ah kum sawm leh kum giat a cina numei khat a om hi. A nungkul gawp a, a pumpi a zan thei kei hi. 12Jesu in tua numei a muh ciangin samin: Numei aw, na cinatna pan in hong kikhahkhia khin hi a cih khit ciang in a

13

LUKA 13 khut a nga hi. 13Thakhat in a pum tang pah ahih manin Pasian min a phat hi. 14Jesu in Nipi ni-in cina a damsakna hangin, kikhopna inn ukpa heh a, mihonte kiangah: Nasep na ding niguk a om hi. Tua nite sungin pai un la, cindamna na ngah ding uh hi. Nipi ni-in hong pai kei un ci-in a gen hi. 15Topa in: Mi sim-tatte aw, note in Nipi ni-in na bawng uh, na la uh ahi zongin, a buk sung panin paikhia in, tui dawn dingin paipih hilo na hi uh hiam? 16Kum sawm leh kum giat sung Satan hencip hih Abraham tanu in, Nipi ni-in khah dingin kilawm hilo ahi hiam? a ci hi. 17Jesu in hih thu a gen ciangin, a galte a vekpi un a maizum uh hi. Mihingte khempeuh in a bawlna pha hang in a nuam uh hi. Ankam tang thugetehna 18Jesu in: Pasian Gam in bang tawh kibang ahi hiam? Bang tawh genteh ding ka hiam? 19Mi khatin a huan ah a cin ankam tang tawh kibang hi. Ankam tang khangin kung piang a, van ah a leeng vasate in a hiang tungah a tuang thei uh hi a ci hi. Silngo thugentehna 20Jesu in: Pasian Gam in bang tawh ka genteh ding hiam? 21Numei khatin buhneel seeng thum a pawm khit matengin a sawh silngo tawh kibang hi a ci hi. Kong kawciik 22Jesu in khuapi leh khuaneu-te ah pai kawikawi in, thu hilhin Jerusalem khuapi zuan in a zin hi. 23Mi khat in: Topa aw, gupna a ngahte tawm dinguh hiam? ci-in a dong hi. 24Jesu in: Kong kawciik ah na lut un. Bang hang hiam cihleh, mi tampite in a lut nopuh hangin a lut zo kei dinguh hi. 25Inn neipa tho a, kongkhak a khak khit ciangin, inn pua lamah dingin kong na kiu uh a: Topa aw, kong hong hon in na cihuh hangin topa in: Note kua na hi uh hiam? Kong thei ngei kei hi hongci ding hi. 26Tua ciangin note in: Nang tawh an ne, tui dawn in i om khawm hi a ci hi. 27Tua bangin a gen uh hangin topa in: Note kong thei ngei kei hi, ka kiang panin paikhia un hong ci ding hi. 28Abraham, Isaak leh Jakob-te a kipan, Pasian kamsangte khempeuh in, Pasian Gam sungah a om na mu dinguh a, note na hih uh leh a pua lamah hawlkhiatna ngah in, kahna leh ha gawina a om ding hi.

LUKA 14 29Nisuahna, nitumna, leitaw leh leilu lam panin amaute hong pai dinguh a, Pasian gam sungah a tu dinguh hi. 30A nunung kimkhatte in a masa dinguh hi a ci hi. Jerusalem hangin Jesu thuumna 31Tua lai takin Farisaite kimkhat hong pai uh a: Pakhia in la, tai in. Herod in hong that nuam hi a ci uh hi. 32Jesu in: Pai un la, tuni leh zing ciangin dawi ka hawlkhia in, natnate ka damsak ding a, ni thum ni-in ka kikhin ding hi ci-in tua ngia kiangah na hilh un. 33Ahih hangin tuni, zing ciang leh thai ciangin ka pai ding hi. Bang hang hiam cihleh, kamsangpa in Jerusalem khua sim loh mun dangah a si kei ding hi. 34Pasian kamsangte that a, na kiangah hong kisawlte zong suang tawh a deeng Jeusalem, Jerusalem khuapi aw, akpi in a note a kha nuai ah a khop bang in, na tate tam veipi ka kaikhawm nuam a, ahih hangin nang na ut kei hi. 35En in, na inn in in mi om lohna gam simtham in kinusia ding hi. Ken kong cih in: Pasian min tawh hong paipa in thupha ngah ta hen na cih ma tengun nong mu nawnkei dinguh hi a ci hi. 13:14 Pai. 20:9-10; Thkna. 5:13-14; 27 La. 6:8; 28 Mat. 22:13; 25:30; 28-29 Mat. 8:11-12; 30 Mat. 19:30; 20:16; Mk. 10:31; 35 La. 118:26. Tuipuak veipa damsakna Nipi ni in Jesu in Farisaite upa khat inn sungah an ne dingin a lut ciangin, amaute in a enuh hi. 2Tuipuak natna a vei khat in a maiah a om hi. 3Jesu in: Nipi ni-in natna damsak tuak hiam? damsak tuak lo hiam? ci-in thukham hilh siate leh Farisate a dot ciangin, pau loin a paikhia uh hi. 4Tua ciang Jesu in tuapa a dam sak khit ciangin a paikhia sak hi. 5Jesu in: Mi khat in a la, a bawng a neihsa khat Nipi ni-in leihawm sungah kia leh, 6thakhat in a lakhia lo ding note lakah kua om na hi uh hiam? ci-in a dot ciangin, amaute in a dawng kik thei kei uh hi. Leenglate leh Innteekte theih ding 7A kikhote in tokhom sang bel a teel uh Jesu in a muh ciangin, amaute thugentehna tawh thuhilh in: Mi khat peuh in mopawi ah hong sap ciangin, tokhom sang belah na tu kei un. 8Na tut uh leh nang sang in a lian zaw khat hong pai

74 in, hong sampa hong pai in: Hihpa ading tutna na awn in hong ci ding hi. 9Tua ciangin zumna tawh a niam pen mun ah na tu ding hi. 10Mi khat peuh in hong sap ciang in: Lawm aw, a sangna ah na tu to in hong ci ding hi. Tua ciangin nang tawh an a ne khawm mite mai-ah minthanna na ngah ding hi. 11Bang hang hiam cihleh, a mah a kiphat mi khempeuh in niam-khiatna a ngah ding uh hi. A kiniamkhiat mi-in, minphatna a ngah ding hi. 12A sampa kiangah Jesu in: Sun an ahi zongin, nitak an ahi zongin na vak ciangin, na lawmte, na sanggamte, na beh na phungte leh na inn veng mihau-te ahi zongin na sam kei in. Na sap leh, amaute in nang hong samkik in, hong thuk kik ding uh hi. 13Tua ahih ciangin, mi zawngte, mipoite, khebaite leh mittawte na sam in. 14Amaute in hong thukkik zolo ding uh ahih man un, thupha na ngah ding hi. Bang hang hiam cihleh, midikte a thawkkik Ni ciangin nang hong kithuk ding hi a ci hi. Pawipi thugentehna 15Jesu tawh an a ne khawmte lak pan khat in, tua thu a zak ciangin: Pasian Gam sungah, an a neite in thupha a ngah ding uh hi a ci hi. 16Jesu in: Mi khat in pawipi khamin a sim dingin mi tampi a sam hi. 17An nek hun ciangin: Hong pai un, na khempeuh a baih sa in a om hi ci-in a khoh sate sam dingin a nasemte a sawl hi. 18Amaute in a kituak in paulap a nei ciat uh hi. A masa pen in: Lo cingkhat ka lei hi. Pai in va en ding ka hih manin hong mai-sak in a ci hi. 19Khat in: Bawngkap ka lei khin hi. Tuate tel et ding pai ding ka hih manin hong maisak in a ci hi. 20Khat leuleu in: Zi ka pi khin ka hih manin, kong pai man kei ding hi a ci hi. 21Nasem-pa hong ciahin, tua thu khempeuh a topa a zaksak ciangin innteekpa heh a: Khuapi sung lamlian leh zawineute ah pai in la, mizawngte, mipoite, mittawte leh khelbaite hong tonpih in ci-in a nasempa a sawl hi. 22Nasempa in: Topa aw, na cih bangin ka sap hangin omna a awng lai hi a ci hi. 23A topa in: Ka inn a dimna dingin, lampi leh lo lam ah va pai in la, amaute zawhthawhna tawh hong tumsak in. 24Ken kong cihin, a kikho-sate khat beek in, ka an a ciam kei ding hi ci-in a nasem pa thu a pia hi ci-in a gen hi.

14

75 Nungzui suahna 25Mihonte in Jesu tawh a paikhawm uh hi. 26A mah kihei in: Ka kiangah hong pai nuamte in: a pate, a zite, a tate, a sanggampate, a sanggamnute ahi zongin, ama nuntakna nangawn a muhdah kei leh ka nungzui a suak zo kei ding hi. 27A sing-lamteh pua in ka nung hong zuilote in ka nungzui a suak zo kei dinguh hi. 28Mi khatin, inn sangpi a lam nop leh, a zawh theihna dingin, ka dangka a kicing hiam ci-in a sim masa lo kua om na hi uh hiam? 29Tua bang ahih kei leh, khuam a phuh khit ciangin, a zop zawh nawt kei leh, 30a mute khepeuh in: Hihpa in a inn lam ding kipan napi-in a ban a zom zo kei hi ci-in a zahko ding uh hi. 31Ahih kei leh kumpi khatin, kumpi dang tawh a kido ding ciangin, thennih tawh hongkuante, then khat tawh bangci zawh theih ding ahi hiam? ci-in a ngaihsun masa lo kumpi a om ding hiam? 32A zawh kei ding leh a kigamlat lai un, upate sawl in kilemna thu a gen ding hi. 33Tua mah bangin note lakah mi khat peuh in, a neihsa khempeuh a nusiat kei leh ka nungzui a suak zo kei ding hi. A allo ci 34Tua ahih ciangin ci in a pha hi. Ahih hangin a alna a man leh, bangci al kik theih ding ahi hiam? 35Lei ading leh ek kholhna ding ahi zongin a hoih nawn kei hi. Mite in a pua lam ah a paikhia uh hi. Zakna ding bil nei khempeuh in za ta un! a ci hi. 14:5 Mat. 12:11; 8-10 Pau. 25:6-7; 11 Mat. 23:12; Lk. 18:14; 26 Mat. 10:37; 27 Mat. 10:38; 16:24; Mk. 8:34; Lk. 9:23. Tuumang thugentehna Tua lai takin siahdongte leh migilote in Jesu thu ngai dingin a kiang hong nai uh hi. 2Fari-saite leh laitheite in: Hihpa in migilote ngai in, amaute tawh an a ne khawm hi ci-in a zahko uh hi. 3Tua ciangin Jesu in thugentehna a gen thu in: 4Mi khat in a tuu zakhat lak panin, khat a man leh sawmkua leh kuate nusia in a mang tuu khat a muh matengin a zong lo ding note lakah kua na hi uh hiam? 5A muh kik ciangin lungdam in, a liangko ah pua in, a inn ah a ciahpih hi. 6Tua ciangin, a lawmte leh a inn vengte samin: A mang sa ka tuu mu kik ka hih man in hong lungdam pih un a ci hi. 7Kong cihin,

15

LUKA 15 tua bangin vantung ah kisik kikna a kisam lo sawmkua leh kuate sangin, mawhna a kisikkik migilo khat tungah lungdamna a lian zaw hi. Dangka mang thungentehna 8Thu dang khat in, Numei khat in dangka sawm nei a, khat a mansuah leh, meivak vak in, a muh matengin a inn phiat in a zong kawikawi lo ding kua om na hi uh hiam? 9A muh kik cingin a lawmte leh a vengte sam a: A mang khin sa ka dangka ka mu kik ka hih manin, hong lungdam pih un a ci hi. 10Ken kong cihin, a kisik-kik mawhneipa khat hangin Pasian vantung mite kiangah lungdamna a om ding hi a ci hi. Tapa taimang thugentehna 11Khatvei Jesu in: Mi khatin tapa nih a nei hi. 12A naupang zaw in a pa kiangah va pai a: Pa aw, ka ngah dingin a kilawm ka luah ding gamh hong pia in ci-in a ngen hi. A pa in a tate tungah a sum a hawmsak hi. 13Tua zawh a sawt loin a naupang zaw in, a sumte kaikhawm in, gamdang a gamlapi-ah pai in, tua sanah noptatna uang lua ahih manin, a sumte a beimang hi. 14A sumte a bei khit ciangin, tua gamah kialpi tungin, bang mah a nei nawn kei hi. 15Tua ciangin amah pai in, tua gammi khat beel a, vok cing dingin a topa in lo lamah a sawl hi. 16Vokte in begap a nekte na ngawn duhngawh in a nek pih nuam hi. Ahih hangin kua mah in an a pia kei hi. 17A lungngaih kik ciangin: Ka pa inn sungah nasemte khamval bangzah om ding hiam? Kei ka hih leh hih mun ah gilkial in, puksi dingin ka om hi. 18Tho in ciang ning! Ka pa kiangah: Pa aw, Pasian tung leh nangma mai-ah ka khial khin hi. 19Tu a kipanin na ta kicihna ding zong ka kilawm kei hi. Na nasemte khat bangin hong koih in ka ci ding hi ci hi. 20Tua ciangin amah tho in, a pa kiangah a ciah hi. A pa in gamlapi ah a om lai in mu a, hehpihhuai sa in delh mengmeng a, a ta ngawng kawi in a nam hi. 21A ta in: Pa aw, Pasian tung leh nangma mai ah ka khial zo hi. Tu a kipanin na ta cih dingin zong ka kilawm kei hi ci hi. 22Ahih hangin a pa in: Puan hoih bel hong la mengmeng un la silhsak un. A khutah zingbuhte hong bulhsak un. 23Khedap zong bulh-sak un. Bawngno thau pen hong la un la go un la, an ne in nuam sa un. 24A sisa ka tapa a nungta kik hi. A mangsa ahih hang in tu in ka mu kik hi ci-in a

LUKA 16 nasemte a sawl hi. Amaute lungdam in pawi a kham uh hi. 25A ta upa zaw a lo kuanna panin hong ciah a, inn a naih ciangin lasakna leh lamna aw a za hi. 26Nasemte khat sam a: Hih a ging bang ahi hiam? ci-in a dong hi, 27Nasempa in: Na naupa hong ciah khin hi. Cidamin na pa in a muhkik ciangin bawng-no thau a go hi ci-in a gen hi. 28Ahih hangin amah heh in, inn sung ah a lut nuam kei hi. A pa paikhia in a zol hi. 29A ta upa zaw in: Hih tan vei, kum sawtpi nangma na ka sem khin hi. Na thukham khat beek ka palsat kei hi. Ahih hangin ka lawmte tawh nopna ka bawlna dingin keelno khat na ngawn, khatvei beek nong pia kei hi. 30Ahih hangin numei gilo tawh kikhawl in, na sumte a zang mang, na tapa hong tun ciangin ama adingin bawngno thau na gawhsak hi a ci hi. 31A pa in: Ta aw, keimah tawh na om den a, ka neih sa khempeuh nangma neih nang ma lam ahi hi. 32Ahih hangin na nau ahih leh tuma in si a, tu in a nungta kik hi. Tuma in mang in, tu in kimu kik ahih manin nopna leh lungdamna bawl tuak hi ci-in a gen hi ci-in a hilh hi. 15:1-2 Lk. 5:29-30. A diktatlo sumkempa thugentehna Khatvei Jesu in a nungzuite kiangah: Sum haupa khat in sumkempa khat a nei hi. Tua sumkempa in a topa sum a thang bawl thu mite in a topa kiangah a ko uh hi. 2A topa in sumkempa sam a: Na thu ka zakte bangci thu ahi hiam? Sum kep nasep na sem nawnlo ding na hih manin, na sumkep a ciamtehna lai hong la in a ci hi. 3Amah in: Tu in ka topa in sumkepna za panin hong kia sak khin ahih manin, bang ka ci hih ding hiam? khutdawh nget ding lah ka maizum hi. 4Sumkepna za pan ka kiat khit ciangin, innah hong kitun sak theihna dingin bang cih ding cih ka thei hi ci-in a ngahsun hi. 5Tua khit ciangin a topa sumbate a vekpi in sam a: Ka topa kiangah leiba loh ding bangzah nei na hiam? ci-in a masa penpa a dong hi. 6Amah in: Sathau langva phel zakhat ka ba hi a ci hi. Sumkempa in: Na kiciamna lai hong la in la, tu mahmah in sawmnga cih at mengmeng in a ci hi. 7Midang khat kiangah: Bang zah na ba hiam? ci-in dot leh: Mangbuh seeng zakhat ka

16

76 ba hi a ci hi. Sumkempa in: Na kiciamna lai hong la in la, sawmgiat ci-in gelh mengmeng in a ci hi. 8Thuman lo sumkempa in pilna tawh ahih ciangin a topa in a phat hi. Bang hang hiam cihleh, leitung tate in amaute khang ah khuavak tate sangin a pil zaw uh hi. 9Ken kong cihin, leitung sum tawh lawmte na ngah thei ding uh hi. Tua ahih leh na sumte uh a bei ciangin, a om tawntung buk sung ah amaute in hong tungsak ding uh hi. 10Thuneu tungah a diktat mi in, thu liante tungah a diktat hi. Thuneute tungah a diktatlo mi in, thu liante tungah a diktat kei uh hi. 11Tua ahih manin, leitungah a na manlo sum tungah na diktat kei uh leh, kua in note sum hong kem sak ding hiam? 13To nih na a sem khawm zo nasem pa a om kei hi. Bang hang hiam cihleh, a tote khat mudah in khat a it ding hi. Khat beel in khat a simawh ding hi. Note in Pasian na leh leitung nate na sem khawm zo kei dinguh hi a ci hi. Thukham leh Pasian Gam 14Dangka a deihgawh Farisaite in hih thu khempeuh a zak ciangun Jesu a zahko uh hi. 15Jesu in: Note in mite mai-ah hoihna na lak nuam uh hi. Ahih hangin Pasian in note lungsim a thei hi. Bang hang hiam cihleh, mite phatna in Pasian mai-ah kihhuaina ahi hi. 16Johan hong pai dongin Pasian Thukham leh a kamsangte thu kihilh a, mi khempeuh in tua gam sungah zawhthawh bawlin a lut uh hi. 17Ahih hangin Pasian Thukham a neu pen a kipan a kipaihkhiat ding sangin van leh lei manthanna ding a baih zaw ding hi. Kimakna thu 18Zi a mak khit ciangin, numei dang tawh a kitengte in numei tawh a mawh hi a, pasal dang tawh a kikhen numei a tenpihte in numei tawh a mawh ahi hi. Sumhaupa leh Lazaras 19Nidang lai in sumhaupa khat a om hi. Tuapa in nisim in puansan leh siahadial puan silhin, nuamsa in an phabel a ne hi. 20Lazaras kici mi zawng khatin a pumpi dimin meima vei a, sum haupa kong biang ah 21a sabuai tung pan an nengkiate a ngen hi. Uite pai in, a meima a liak uh hi. 22Tua nung ciangin mi-zawngpa si a, vantung mite in Abraham ang sung ah a puak uh hi.

77 23Sum haupa zong si a, a kivui hi. Meikuang sung ah nakpi gimna a thuak lai takin, a khua dak leh Abraham ang sungah a om Lazaras a mu hi. 24Amah in: Pa Abraham aw, hong hehpih in. Lazaras in a khutme dawn tui diah hen la, ka lei hong votsakna dingin ka kiangah hong sawl in. Bang hang hiam cihleh, meikuang sungah gimna nakpi ka thuak hi ci-in a kiko hi. 25Abraham in: Ka ta aw, na nuntak lai in, nop-sakna na ngah a, tua mah bangin Lazaras in a phalo nate ngah hi ci-in na ngaihsun kik in. Tu in ahih leh, amah in nopna a ngah kik hi. Nang na hih leh gimna na thuak hi. 26Tua tham loin, nang leh kote kikal ah a thuk mahmah guam khat a om hi. Tua ahih manin hih mun panin na kiangah a galkah nuamte zong a galkah zo loin, tua mun panin kote kiangah hong galkah nuamte in a galkah zo tuan kei uh hi. a ci hi. 27Sum haupa in: Pa aw, tua bang ahih leh, sang-gam nga ka nei hi. 28Amaute in hih gimna sungah a tun lohna dinguh, a hilh dingin ka pa innah Lazaras nong sawlsakna dingin kong thuum hi ci hi. 29Abraham in: Amaute in Moses thu leh Pasian kamsangte a nei uh hi. 30Tuate thu ngaita uh hen a ci hi. Sum haupa in: Hilo hi, pa Abraham aw, mi sisa khat hong thokikin, amaute kiangah a pai leh, a mawhnate uh a kisik kik ding uh hi a ci hi. 31Abraham in: Tua mite in Moses thu leh Pasian kamsangte thu a ngaih kei uh leh, mi khatin sihna panin a hingkik hangin, a um tuan kei ding uh hi a ci hi ci-in Jesu in a gen hi. 16:13 Mat. 6:24; 16 Mat. 11:12-13; 17 Mat. 5:18; 18 Mat. 5:32; 1Kor. 7:10-11. Pukna ding ze-etna Tua lai takin in Jesu in a nungzuite kiang ah: Pukna ding a om ding hi. Ahih hangin a puksakpa in gimna a thuak ding hi. 2Hih naupangte khat peuh a puksakpa in a ngawngah an gawina suang khih hen la, tuipi sungah tuak suk in, tumcip leh ama adingin a pha zaw ding hi. 3Na kikem un. Na u na nau in a khialh leh, thu hilh in la taai un. A kisik leh, a mawhna mai sak un. 4Mi khatin na tung ah sagih vei dongin: Ka kisik hi hong cih leh a khialhna na maisak un a ci hi.

17

LUKA 17 Upna khan ding ngetna 5Sawltakte in: Ka upna uh khangsak in ci-in Topa kiangah a ngen uh hi. 6Topa in: Note in, ankam tang cia upna na neihuh leh, hih theikung kiang ah: Na zung tawh kibot inla, tuipi sungah po in na cihuh leh, na thu uh a mang ding hi a ci hi. Nasempa sepna 7Note in nasem khat peuh nei in, a lo kuanna leh a tuu cinna panin hong ciah ciangin, a kiangah: Hong pai pak in la, an nekna sabuai ah hongtu in a ci ding note lakah kua ahi hiam? 8Ka an nek ding bawlin la, ne in ka dawn khit matengin, kawnggak in an hong pia in ci-in gen ding hilo na hi uh hiam? 9Nasempa in a Topa thupiak bangin a hihna hang in, a topa in a phat hiam? 10Tua mah bangin note in zong, thu khempeuh hong piak bangin na hih khit uh ciangin: Kote in a pha bawllo nasemte ka hi uh hi. Nasemte ka hih man un, a kituak bekin ka sem uh hi na ci ding uh hi ci-in a gen hi. Phak sawm damsakna 11Jesu in Jerusalem lam zuan in a pai lai tak in, Samari gam leh Galile gam a paltan hi. 12Khua khatah a lut lai takin mi phak sawm in na dawnuh hi. 13A gamla panin: Topa Jesu aw kote hong hehpih in ci-in a kiko uh hi. 14Jesu in tuate a muh ciangin: Pai un la, Pasian siampite kiang ah va kilak un ci-in thu a pia hi. Amaute in tua bangin a pai lai tak un damna a ngah uh hi. 15Amaute lak panin khatin damna a ngah lam a theih ciangin kilehkik a, aw lian tawh Pasian a phat hi. 16Jesu khebul ah bokin hehpihna a phat hi. Tuapa in Samaria mi ahi hi. 17Jesu in: Mi sawm in damna ngah uh hilo ahi uh hiam? A dangkuate koi ah om uh hiam? 18Hih minam dangpa khat simloh hong pai kik in, Pasian a phat kuamah om lo ahi hiam? 19Nang dingin la, pai in. Na upna in hong damsak khin hi a ci hi. Pasian Gam hong tunna 20Farisate in: Pasian Gam in cik ciangin hong tung ding hiam? ci-in a dotuh leh Jesu in: Pasian gam in mittang tawh kimu loin hong tung khin hi. 21En in, hih san tak ah om hi, hua san tak ah a om hi, kici theilo hi. Bang hang hiam cihleh, Pasian Gam in note sungah a om hi.

LUKA 18 22Jesu in khatvei a nungzuite kiangah: Note in Mihing Tapa Ni na muh nop hun uh hong tung ding hi. Ahih hangin na mu kei ding uh hi. 23Mite in: En un, hih lai ah a om hi. Hua lai ah a om hi ci-in note kiangah hong gen uh hangin na pai khia kei un la, a nung uh zong na zui kei un. 24Mihing Tapa Ni hong tun ciangin, khuaphialep in van mong khat pan mong khat dong a tan mah bangin hong tung ding hi. 25Ahih hangin a masa in amah in gimna tampi thuakin hih khang mite in a nial ding uh hi. 26Noah khan lai mah bang in Mihing Tapa Ni ciangin hong piang ding hi. 27Noah in tembaw sung ah a lut ni dong in, mite in ne in a dawn in, kipi kitengin a omuh a, tui ciin a tun ciangin a vekpi un a kisia uh hi. 28Tua mah bangin Lot khan lai takin, amaute in ne leh dawn in, sum lei sum zuak in, an tuh, inn lamin a omuh hi. 29Ahih hangin Lot in Sodom khua sung pan a taikhiat ni in, van panin mei in guah bangin zu a, amaute khempeuh a kang tum hi. 30Mihing Tapa hong kilat ni ciangin tua tawh kibangin in a piang ding hi. 31Tu hun ciang in, inn-khum tungah a om mi in, inn sungah a sum koih la dingin kumsuk kei hen. 32Lo lai ah a omte in, ciah kei ta hen. Lot zi na lungngai un. 33A nuntakna a gum nuam peuhmah in a nuntakna a mangthang sak ding hi. A nuntakna a mangthang sak nuam peuh mah in a nuntakna a gum ding hi. 34Ken kong cihin, tua zanin lupna tung a lumkhawm mi nih lak panin khat kila in khat kinusia ding hi. 35An gawi khawm numei nih lak panin khat kila in khat kinusia ding hi ci-in thu a hilh hi. 36Amaute in: Topa aw, koi munah tua bang a piang ding hiam? ci-in a dong uh hi. 17Jesu in: Sapul omna khempeuh, musanete hong kikhawm dinguh hi ci-in a gen hi. 17:3 Mat. 18:15; 14 Siam. 14:1-32; 26 Pian. 6:5-8; 27 Pian. 7:6-24; 28-29 Pian. 18:20; 19:25; 31 Mat. 24:17-18; Mk. 13:1516; 32 Pian. 19:26; 33 Mat. 10:39; 16:25; Mk. 8:35; Lk. 9:24; Jhn. 12:25. Meigongnu leh thukhen mangpa Lungkia loin thungetna dingin Jesu in gentehna tawh thu a hilh hi. 2Tua thu in: Khuapi khat sungah Pasian kihta lo leh mite a thusim lo thukhen mangpa khat om hi. 3Tua khuapi ah meigong numei khat om a, tua nu

78 pen thukhen mangpa kiang ah tam veipi pai-in: Ka galte tawh kituak in thu hong khensak in a ci hi. 4Ahih hangin thukhen mangpa in a thukhen sak loin sawt veipi a om hi. Tua ciangin amah in: Pasian ka zahtak loh hangin meingongnu in hong nawngkai sak den ahih manin, a thu ka khensak ding hi. 5Tua bang ahih kei leh hong pai ngitnget in ka lungsim hong gimsak den ding hi ci-in, a lungsim sungah a ci hi ci-in a gen hi. 6Topa in: Aman lo thukhen mangpa thu na ngaihsun un. 7Pasian teelsate in sun leh zan khawl loin a kiangah na kiko uh leh, amaute thu khensak ding hilo ahi hiam? Amaute sawtpi thuak ding ahi hiam? 8Ken kong cihin, amaute adingin thu a khensak mengmeng ding hi. Ahih hangin Mihing Tapa hong kumkik ciangin leitungah upna a mu ding hiam? a ci hi. 9Amah dik kisa in, mi dangte a zahtak lo mite kiangah, hih gentehna Jesu in a gen kik in: Mi nih in thungen dingin, biakinnpia ah a pai to uh hi. 10Khat in Farisai hi a, a khat in siahdongpa ahi hi. 11Farisaipa in: Pasian aw, keimah in, mite neihsa zawhthawhna tawh sut in ahi zongin, thuman loin gamtatna ahi zongin, mi zi tawh a mawh thei, hua lai a siahdongpa tawh ka kibang kei hi. Nangma hehpihna ka phat hi. 12Ni sagih lakah ni khat an ka tang hi. Ka neihsa khempeuh sung panin sehsawm suah sehkhat ka khia hi ciin kisial in thu a ngen hi. 13Siadongpa in ahih leh: Pasian aw, mawhnei kei mah hong hehpih in ciin thu a ngen hi. 14Ken kong cihin, hihpa in mawh maisakna ngah in, a innah a ciah hi. Farisaipa ahih leh, mawhmaisakna a ngah kei hi. Bang hang hiam cihleh, a kiphat mi khem-peuh in, niam khaitna ngah ding a, a kiniam-khiat khempeuh in minphatna a ngah ding uh hi a ci hi. Naupangte thupah piakna 15Tua lai takin amaute in naupangte a lawn theihna ding deih in, Jusu kiangah hong paipih uh hi. Ahih hangin a nungzuite in a muhuh ciangin a khamuh hi. 16Jesu in naupangte samin: Naupangte ka kiangah hong pai ta hen. Pasian Gam in tua bangte gam ahi hi. 17Ken aman takpi kong cihin, naupang bangin Pasian Gam a sang lo peuhmah in, tua gam sungah a lut kei dinguh hi a ci hi.

18

79 A hau ukpa 18Tua lai takin mihau khat in: Sia pha aw, tawntung nuntakna ka ngahna dingin bang ka hih ding hiam? ci-in a dong hi. 19Jesu in: Bang hangin kei mipha hong ci na hi hiam? Pasian sim loh mi pha khat beek a om kei hi. 20Thukhamte na thei hi. Mi zi tawh na mawh kei in, Mi na that kei in, Mi neihsa na gu kei in, A hilo teci na pang kei in. Na nu leh pa na zahtak in a ci hi. 21Amah in: Tua thute khempeuh ka neu lai pan kipanin ka tang khin hi a ci hi. 22Jesu in tua thu a zak ciangin: Na khat na kisam lai hi. Na neih khempeuh zuak in la, mizawngte na hawmsak in. Tua hi leh, vantungah sum na nei ding hi. Tua khit ciangin ka nung hong zui in a ci hi. 23Mihau pa in tua thu a zak ciangin, sum hau ahih manin nakpi takin a lung a kim kei hi. 24Jesu in tuapa a et lai takin: Sum tampi neite in Pasian Gam sungah a lutna ding a haksa mahmah hi. 25Saipi khat phimbil vang sungah a lut ding sang in, sumhau mite Pasian gam sungah a lut ding a haksa zaw ding hi a ci hi. 26Tua thu a zate in: Tua bang ahih leh kua in gupna ngah zo ding hiam? a ci uh hi. 27Jesu in: Mite in ahih zawh loh nate Pasian in ahih thei hi a ci hi. 28Tua lai takin Piter in: Kote in, ka neih khempeuhte uh nusia in kong zui uh hi a ci hi. 29Jesu in: Ken aman takpi kong cihin, Pasian gam hangin a zi, a sanggamte, a nu leh pa leh a tate a nusiat leh. 30Tu lai takin a zah tampi ngah in, a hong piang ding hunah, tawn-tung nuntakna a ngah ding uh hi a ci hi. A sih ding thumveina genkhol 31Tua lai takin Jesu in sawm leh nihte sam a: En in, eite in Jerusalem khuapi ah i pai ding hi. Pasian Kamsangte gelhkholh bangin mihing Tapa tungah a tung ding hi. 32Amah in Gentailte khut sung ah kipia ding a, zahkona, bawlsiatna leh cil-phihna a thuak ding hi. 33Amaute in sat gawpin, a that ding uh hi. Ni thum khit ciangin a thokik ding hi a ci hi. 34Amaute in a thugente a thei peuhmah kei uh hi. Mittaw khutdawh ngen damsakna 35Jesu in Jerikho khuapi a nai ciangin, mittaw khat in khutdawh ngenin lampi gei-ah a tu hi. 36Mittaw pa in, mi tampite khe ging a zak ciangin:

LUKA 19 Kuate ahi uh hiam? ci-in a dong hi. 37Amaute in: Nazareth mi Jesu hong pai hi a ci uh hi. 38A mah in: David tapa Jesu aw, kei hong hepih in ci-in a kiko hi. 39A mai-ah a paite in a kiko nawn lo dingin a taai uh hangin: David tapa Topa aw, kei hong hehpih in ci-in a kilim ko semsem hi. 40Jesu in: Tuapa hong paipih un a ci hi. 41Mittawpa a kiang a nai ciangin: Bang kong hihsak ding deihna hi hiam? ci-in Jesu in a dot ciangin: Topa aw, ka mit in khua a muhna ding ka deih hi ci hi. 42Jesu in: Na mit in khua mu hen. Na upna in hong damsak khin hi a ci hi. 43Thakhat in khua mu thei pah a, Pasian min phat in Jesu nung a zui hi. Mi khempeuh in a muhuh ciangin Pasian a phatuh hi. 18:14 Mat. 23:12; Lk. 14:11; 20 Pai. 20:12-16; Thkna. 5:16-20. Jesu leh Zakkhias Jesu in Jerikho khua sung a paltan lai takin, 2Zakkhias kici mi khat a om hi. Amah in siahdongte ukpa ahih manin sum a hau hi. 3Jesu in bangci mi hiam cih a mu nuam hi. Amah a tun tom ahih manin, mihonte lak panin a mu thei kei hi. 4Na ma tai in, Jesu en dingin, a hong paina ding lampi gei theithek kungah a kahto hi. 5Jesu in tua mun hong tun ciangin ento a: Zakkhias aw, a man-langin hong kum in. Tu ni-in na innah kongtam ding hi a ci hi. 6Zakkhias nuam lua ahih manin, kum mengmeng in, Jesu a innah a tung sak hi. 7Amaute in tua thu a muhuh ciangin: Mawhneipa inn sung ah a tam hi ci-in a zahko uh hi. 8Zakkhias dingin: Topa aw, ka neihsa kimkhat mizawngte ka pia ding hi. Mi khat peuh neihsa ka lak leh a zah li in ka lohkik ding hi a ci hi. 9Jesu in: Hihpa in Abraham tapa ahih manin, tu ni-in hih inn sung ah gupna a tung hi. 10Bang hang hiam cihleh, Mihing Tapa in a mangthangte zong ding leh gum ding in hong pai ahi hi a ci hi. Sum leitawi mi sawmte 11Tua thu a hilh lai takin Jerusalem khuapi a naih ta uh hi. Pasian gam hong tung baih ding hi ci-in mite in a up manun gentehna khat Jesu in a hilh hi. 12Amah in: Mihau khatin gamdangah kumpi za ngah ding leh tua khit ciangin ciahkik dingin a pai hi. 13A nasemte sawm sam a, sum tawi sawm a pia hi. Kong tun kik mateng in

19

LUKA 20 summet na bawl un ci-in thu a pia hi. 14A gam mite in amah mudah uh a: Hihpa i kumpi dingin i deih kei hi ci-in a kiangah mite a sawluh hi. 15Hausapa in a gam ukna hun a bei ciangin hong ciah kik a, a sum bawlsakte in a met bang zah ngahuh hiam cih thei nuam ahih manin, a sum zangte a samsak hi. 16A masa pen a topa va nai a: Topa aw, na dangka tawi khatin, a met tawi sawm ka ngah hi a ci hi. 17A topa in: Thuman nasempa aw, thuneu tungah diktat na hih manin, khuapi sawm na uk ding hi ci-in a gen hi. 18Anihna pa hong pai in: Topa aw, na sum tawi khat in, a met tawi nga ka ngah hi ci hi. 19Topa in: Nangmah in khuapi nga na uk ding hi ci hi. 20A dang khatin va nai a: Topa aw, en in, ka dial tawh tunin, ka kepsa na sum tawi khat hi lai ah a om hi. 21Nangmah in, mi haksa na hi hi. Na koih lohna panin na la a, na vawh lohna mun ah at na hih manin, kong kihta hi a ci hi. 22A topa in: Nasem gilopa aw, na kammal zangin thu kong khen ding hi. Keimah in mi haksa hi-in, ka koih lohna mun panin la in, ka vawh lohna pan ka at hi, ci-in na thei hi. 23Tua ahih manin, kong tung kik dong ka dangkate leh a met tawh ngahna dingin, sum sinpa kiangah bang hangin pialo na hi hiam? a ci hi. 24A kiangah dingte kiangah: Hihpa khut sung panin sum tawi khat lakhia un la tawi sawm a neipa na pia un ci-in a gen hi. 25Amaute in: Topa aw, hihpa in dangka tawi sawm a nei khin hi a cih uh hi. 26Tua ciangin a mah in: Ken kong cihin, a neite khempeuh kipiak beh ding hi. A neilote kiang panin, a neihsa nangawn a kilakhia ding hi. 27Tua tham loin, kei uk ding a ut lo, ka galte hong paipih uh la, ka mai ah that un a ci hi. Jerusalemah gualzawhna tawh lutna 28Tua thu a gen khit ciangin, Jesu in Jerusalem khuapi lam zuan in, a pai uh hi. 29Jesu in Olive mualah a om Bethfage khua leh Bethani khua a naih ciangin, a nungzuite sawl a: 30Na mai khua ah va pai un. Tua khua ah na lutuh ciangin, kuama tuan ngeilohna khau a kikhih lano khat na mu dinguh hi. Lano khau sut un la, ka kiangah hong paipih un. 31Mi khat peuh in: Bang hangin lano khau sut na hi uh hiam? hong cih leh: Topa in a deih hi na ci un a ci hi. 32Sawltakte pai uh a, Jesu cih bangin a mu uh hi.

80 khau a sut lai takin, la a neite in: Bang hangin la khau sut na hi uh hiam? ci-in a dong uh hi. 34Amaute in: Topa in a deih hi a ci uh hi. 35Lano Jesu kiangah hong paipihuh a, a tungah a puante uh a phah khituh ciangin Jesu a tungsakuh hi. 36Tua bangin a pailai takun lampi ah a puante uh a phah uh hi. 37Jerusalem khua tawh kinai Oliv mual tung panin a pai sukna mun a tun lai takun, a nung a zuite khempeuh lungdam in, a muhsa uh na lamdangte khem-peuh hangin Pasian a phat uh hi. 38Pasian min tawh hong pai Kumpipa in thupha ngah ta hen. Vantungah nopna leh, a sang bel-na ah minthanna om ta hen ci-in a kiko uh hi. 39Mihonte lakah Farisai kimkhat in: Sia aw, na nungzuite taai in a ci uh hi. Jesu in: Ken kong cihin, hih mite a kiko kei uh leh, suangte a kiko ding uh hi a ci hi. 41Jesu in Jerusalem khua a nai ciangin, khuapi mu in a kap hi. 42Amah in: Nang in tu lai-takin nop-sakna tawh kipawlte thei lecin, nang adingin a pha ding hi. Tu in ahih leh na mittang panin a kiseel hi. 43Na galte in na kimkotah kan to in, hong umcip uh a, mun khempeuh panin a khakcip uh hi. 44Nang leh na sungah a om na tate khempeuh, leitungah a kipuk sak ding ni hong tung ding a, na sungah suang khat tungah suang a kiciang khat beek a om sak kei dinguh hi. Bang hang hiam cihleh, Pasian hong hawh lam na thei kei hi a ci hi. Biakinn siansakna 45Jesu in biakinnpi sungah a lut ciangin, sum zuakte a hawlkhia hi. 46Tua ciangin: Ka inn in thungetna inn kici ding hi ci-in Lai Siangtho sung ah a kigelh hangin, note in guta buluhte omna na suak sakuh hi a ci h. 47Jesu in nisim in biakinn- pi sungah thu a hilh hi. Ahih hangin siampi liante, laitheite leh mi liante in thahna ding a zonguh hi. 48Ahih hangin mite in a thu ngai in, beel ahih man un, thahna ding thu a mu zo kei uh hi. 19:10 Mat. 18:11; 26 Mat. 13:12; Mk. 4:25; Lk. 8:18; 11-27 Mat. 25:14-39; 38 La. 118:26; 46 Isa. 56:7; Jer. 7:11; 47 Lk. 21:37. Jesu in ukna a neihna thu kidong Ni khat Jesu in biakinn sungah Lungdamna Thu mite a hilh lai tak in, siampi
33La

20

81 liante, lai-theite leh upate a kiangah hong pai uh hi. 2A kiang ah: Hih nate kua thu tawh bawl na hi hiam? Kua in thu hong pia hiam? hong hilh in ci-in a dong uh hi. 3Jesu in: Note kam khat kong dong ding hi. Hong dawng un. 4Johan baptaizna thu in koi panin hong piang ahi hiam, mi tung panin hong piang hiam? ci-in a dong hi 5Amaute in: Van panin hong piang hi cile hang: Note in a thu bang hangin umlo na hi uh hiam? ci-in hong dawng ding hi. 6Mi tung panin hong piang hi cile hang, mi khempeuh in Johan in Pasian kamsangpa khat hi ci uh ahih manin, mi khempeuh in suang tawh hong deng ding uh hi ci-in khat leh khat a kikumuh hi. 7Tua khit ciangin: Koi panin hong piang hi cih ka thei kei uh hi ci-in a dawng uh hi. 8Jeus in: Tua mah bangin hih nate kua thu tawh bawl ka hi hiam? cih kong gen kei ding hi a ci hi. Leenggah lo leh a khote thugentehna 9Tua lai takin Jesu in thugentehna tawh mi honte kiangah: Mi khat in lo lai ah leengah kungte suan a, lokhote khohlawh sakin, amah gamdang ah pai in sawtpi a tam hi. 10A hun a cin ciangin lo khawh-lawhte in leenggah a piakna dingin a nasemte khat a sawl hi. Lokhawklawhte in, a nasempa sat in, khut guak tawh a ciahsak uh hi. 11Khatvei nasem dang khat sawl kik a, tuapa zong satin a zahhuai sak khituh ciangin khut guak tawh a ciahsak uh hi. 12Khatvei a thumna ah a nasem khat sawl leuleu a, tuapa sat gawp in a hawlkhia uh hi. 13Tua ciangin lo neipa in: Bang ka cih ding hiam? Ka it mahmah ka tapa a zahtak kha dinguh hi a ci hi. 14Ahih hangin lo khawhlawhte in a tapa a muhuh ciang in: Hihpa in a innluah dingpa ahi hi. A luah ding khempeuh i ngah theihna dingin amah that ni ciin khat leh khat a kikumuh hi. 15Lo neipa tapa leenggah lo nawlah paikhiat pih in a thatuh hi. Tua ahih ciangin lo neipa in lo khawhlawhte tung ah a bangci bawl ding hiam? 16Amah hong pai in, lo khawhlawhte sugawp in, a leenggah lo mi dangte a cing sak ding hi a ci hi. Amaute in hih thuhilhna a zakuh ciangin: Tua bang hi kei hen a ci uh hi. 17Jesu in: Tua a hih leh inn- lamte nilkhiat suangin, a nung ciangin, innkiu suang a piang hi, ci-in a kigelh thu in bang cihnopna hiam? 18Hih suang tung ah a kiate khempeuh in

LUKA 20 kitan ding uh hi. A tungah hih suang kia in, a den khak peuhmah in, leivui bang in a zan gawp ding hi a ci hi. 19Tua lai takin lai-theite leh siampiliante in Jesu mat dingin a zon uh hangin, mite a kihta uh hi. Ahih hangin, a thu gen in amaute a cihna ahih lam a thei uh hi. Siahpiakna thu 20Tua lai takin, Jesu en simuh a, mangpipa vai-hawmna leh thukhennate tungah a piakna ding un, a kampau pan in mat theihna dingin thusim kante a kiangah sawluh hi. 21Tuate in: Sia aw, nangmah in thutak genin, thu na hilh hi. Maitang deidanna nei loin Pasian thu a tangtak in na hilhna thu ka thei uh hi. 22Kote in Kaisar kumpipa tungah siah piak tuak hiam? ci-in a dong uh hi. 23Jesu in amaute khemna a theih ciangin: Denarias peek khat hong lak un. Kua lim leh kua min ahi hiam? ci-in a dot ciangin: Kaisar kumpipa lim leh min ahi hi a ci uh hi. 25Jesu in: Tua ahih leh Kaisar kumpipa sum Kaisar na pia un la, Pasian sum Pasian na pia un a ci hi. 26Amaute in mihonte mai-ah hih thu tawh a man zo kei uh hi. Jesu dawnna thu lamdang sa uh ahih manin pau loin a om uh hi. Thawhkkna thu dotna 27Misite thawhkikna om lo hi ci-in a um Saddusite in Jesu kiangah a pai uh hi. 28Tua ciang in: Topa aw, Mi khat in zi nei a, ta nei loin a sih leh, a nau in a zi luah hen la, a u khang a man lohna dingin zom ta hen ci-in Moses in eite lai hong pia hi. 29Tua thu tawh kituak in, unanau sagih a omuh hi. A upa pen in zi nei a, ta nei loin a si h. 30Anaupa leh a thumna a kipan, a sagih dongin ten pih uh a, ta nei loin in a si uh hi. 31A nung ciang in numei zong a si hi. 32Tua ahih leh tua nu in thawhkik ni ciangin kua pen zi hi ding hiam? 33Bang hang hiam cihleh, tua pasal sagihte tawh tua numei a kiteng kimuh hi a ci uh hi. 34Jesu in: Tua lai khang mite kitengin, a kiteng sakuh hi. 35Ahih hangin, hong tung ding hun leh thawhkikna ngah dingin a kilawmte in kipi in a kiteng kei dinguh hi. 36Amaute in a si ngei kei dinguh hi. Bang hang hiam cihleh, amaute in vantung mite tawh kibangin thawhkikna tate ahih manun Pasian tate ahi dinguh hi. 37Moses in: Abraham Pasian, Isaak Pasian, Jakob Pasian in Topa hi ci-in sawl kawm panin,

LUKA 21 misite a thokik hi ci-in hong lak hi. 38Pasian in a site Pasian hi loin, a nungtate Pasian ahi hi. Bang hang hiam cihleh, mi khempeuh in Pasian adingin a nungta dinguh hi a ci hi. 39Laitheite kimkhat in: Sia aw, a kituak in na gen khin hi a ci uh hi. 40A nung ciangin thu dang a dong ngam nawn kei uh hi. David Tapa thudotna 41Jesu in: Khris in David Ta hi bang hangin kici thei hiam? 42David in: Topa in Na galte na khenuai ah ka koih mateng in, 43Ka ziatlamah na tu in, ci-in Topa kiang ah a ci hi ci-in Late Lai Siangtho sungah a ci hi. 44Tua ahih ciangin David in: Topa in Khris hi a cih leh bangci bangin a ta hi thei ding hiam? ci-in a dong hi. Laitheite mawhsakna 45Mi khempeuhte in a thu a ngaih lai takun Jesu in a nungzuite kiangah: 46Laitheite lak pan in na kikkem un. Amaute in puantual silhin a vak nuam uh hi. Sumbukah zahtakna tawh ho-pihna leh pawi-khamna sungah tutpha pha pen zong a deihuh hi. 47Amaute in meigongte neihsa netum uh a, a mawhna uh a kilat lohna dingin sau veipi thu a ngen uh hi. Tuate in maw-sakna lian zaw a thuak dinguh hi a ci hi. 20:9 Isa. 5:2; 17 La. 118:22; 37 Sawl. 23:8; 28 Thkna. 25:5; 37 Pai. 3:6; 42-43 La. 110:1. Meigongnu piakna Tua lai takin Jesu in en a, sumhaute in sum-kholna sum a khiatuh a mu hi. 2A zawng meigong khat in dangka painih a khiat a mu hi. 3Tua ciangin Jesu in: Ken aman takpi kong cihin, mi khempeuh lak panin tua numei in tam a khia bel hi. 4Bang hang hiam cihleh, mi khempeuh in a neihval uh panin khia uh a, tua numeinu in ahih leh zawng mah napi in, a kivakna nangawn sit loin a khia hi ci-in a gen hi. Biakinn siat ding genkholhna 5Mi kimkhat in biakinnpi suang manphate leh mite piakna tawh a kizepna thute a genuh hi. 6Jesu in: Hih na muhte uh nate in, kiphelkhia loin suang khat tungah suang kiciang khat beek a om loh ding hun hong tung ding hi a ci hi. 7Amaute in: Topa aw, tua thute in cik ciang in

21

82 hong tung ding hiam? A pian hun ding a nai kuan ciangin, bang lim tawh hong kihil ding hiam? ci-in a donguh hi. 8Jesu in: Note kuamah in hong khem zawhlohna dingin na kikem un. Mi tampite in: Kei tuapa ka hi hi. A hun hong tung dektak hi ci-in ka min tawh hong pai dinguh hi. 9Tua mite na zui kei un. Galdona thu leh gamlumna thu na zakuh ciangin lunghimawh kei un. Tua thute in hong piang masa ding hi. Ahih hang in beina a tung nai kei ding hi a ci hi. 10Tua ciangin Jesu in: Mi nam khat leh nam khat hong kido dinguh hi. 11Ziin nakpi in hong ling ding a, mun khatah kial hong tung ding hi. Van panin a kitakhuai nate leh limte hong kilang ding hi. 12Tua thu khempeuh a pian ma in, ka min hangin amaute in hong man in, kikhopna inn sung leh thong sung ah hong pia ding uh a, kumpite leh mangpite mai-ah hong paipih in hong bawlsia ding uh hi. 13Tua munte ah teci na pang ding uh hi. 14Tua hun ciangin: Bang ci thuhkik ding ka hiam? ci-in na ngaihsut kholh lohna dingun na ciamteh un. 15Na gal khempeuh un hong nial theih lo leh hong seel theih lohna dingin gen theihna kam leh muk kong pia ding hi. 16Na nu na pate, na sanggam-pate, na behte leh na lawmte nangawn in note hong pia dinguh a, kimkhat zong hong that dinguh hi. 17Ka min hangin mi khempeuh in note hong mu dah ding uh hi. 18Ahih hangin na samzanguh zang khat na ngawn a kisia kei ding hi. 19Lungkipna tawh nuntakna na ngah dinguh ahi hi. Jerusalem siat ding genkholhna 20Jerusalem khuapi galkapte in a uumcip na muhuh ciangin, tua khua siatna ding a nai hi ci-in na thei un. 21Tua lai takin Judah gamah a omte in mual tungah tai kei ta hen. Jerusalem khuapi sungah a omte in paikhia ta hen. Gampa lakah a omte in a sungah lut kei hen. 22Tua ni ciangin, dan piak dingin a kigenkhol sa bangin hong tung ding hi. 23Tua lai takin hih gamah gimna leh hih mipawlte tungah gimna hong tung ding ahih manin, naupai numeite leh naungeek nei numeite in gimna a thuak ding uh hi. 24Amaute in temtawh sihna thuak ding uh a, gam khempeuh ah salin kipaipih ding hi. Gentailte hun a cin matengin, Gentailte in Jerusalem a khe uh tawh a tuancil ding uh hi.

83 Mihing Tapa hong paina 25Tua lai takin ni, kha leh aksi-te tungah lim hong kilang ding a, leitung a pawlpawl in, tuipi lian leh tui kilok ging bangin, lungkham in gimna a thuak dinguh hi. 26Vanah a om vangliatnate kiling dinguh a, leitungah a tung ding gimnate mite in lamen in, kihta in sibup dinguh hi. 27Tua lai takin vangliatna leh minthanna tawh Mihing Tapa in meii tungah hong kumsuk na mu dinguh hi. 28Hih thute hong pian a kipat lai takin note suahtakna ding naita ahih manin, khuadakin na lu uh na phong to un ci-in a gen hi. Theikung thugentehna 29Jesu in: Theikung khempeuh va en un. 30A tehno na muhuh ciangin khuakhal a naita hi ci-in na thei uh hi. 31Tua mah bangin, tua thute hong piang na muhuh ciangin, Pasian Gam hong nai ta hi ci-in na theita un. 32Ken aman takpi kong cihin, hih khang mite a beima in hih thu khempeuh hong piang ding hi. 33Van leh lei a mangthang ding a, ka thu ahih leh a mangthang ngei kei ding hi. 34Note na kikem un. Ahih kei leh an nek tui dawn hih nuntakna leh lungmanna tawh na lunggim lai takun, tua Ni in thang kisai bangin hong tung ding hi. 35Tua mah bangin leitung mi khempeuhte tung ah hong tung ding hi. 36Ahih hangin note in hong piang ding tua thute tawh na kipelh theihna dinguh leh Mihing Tapa mai-ah na din theihna dingun, a tawntungin thungen in na ngak un ci-in a gen hi. 37Jesu in nisim in biakinnpi sungah thu hilh a, nitak simin paikhia in, Oliv kici mualah a giak hi. 38Zing-sang in mi khempeuh a thu ngai dingin, biak-innpi ah hong pai uh hi. 21:14-15 Lk. 12:11-12; 22 Hos. 9:7; 25 Isa. 13:10; Ezk. 32:7; Joel 2:31; Mang. 6:12-13; 26 Dan. 7:13; Mang. 1:7. Jesu kisawmna Paisan pawi kici silngo om lo khomun pawikham ding a nai zo hi. 2Siampi liante leh laitheite in Jesu a thahlup theihna dingun lampi zonguh a, ahih hangin in mite a kihta uh hi. 3Tua lai takin sawm leh nihte lak pan khat ahi Iskariot sungah Satan a lut hi. 4Amah in siampi liante leh biakinnpi palik mangte kiangah va pai in, amaute khut sung ah Jesu a piak theih dan

LUKA 22 ding a vaihawm uh hi. 5Amaute nuam uh a,: Dangka tawh kong guai ding uh hi ci-in a kiciamuh hi. 6Amah lungkim in, mihonte a om loh lai takin amaute khut sung ah Topa a piak theihna a zong hi. Paisan pawi nekna 7Paisan tuuno a kigawhna ding leh silngo omlo khomun nek pawikham ni ding hong nai ta hi. 8Tua ahih manin Jesu in Piter leh Johan kiang ah: Pai un la, paisan an nek na dinguh va bawl un ci-in a sawl hi. 9Amaute in: Koi munah hong bawlsak le ung deihna na hiam? ci-in a donguh hi. 10Jesu in: Khua ah na lutuh ciangin, tui beel a pua mi khat tawh na kituak dinguh hi. Tua mi lutna innah na zui un. 11Inn neipa kiangah: Sia in, Ka nungzuite tawh Paisan pawi ka nek theihna dingin zintunna inndei koi lai-ah a om hiam? a ci hi ci-in va gen un. 12Tua mi in a kibawlsa deitungnung a lian khat hong lak ding hi. Tua munah na bawl khol un ci-in a sawl hi. 13Amaute pai uh a, Jesu gen mah bangin mu in, Paisan pawi nekna ding a bawlkhol uh hi. A hun a tun ciangin sawltakte tawh Jesu a tu khawm hi. Nekkhawm bawl a pianna thu 15Jesu in: Ka sih ma in hih paisan pawi note tawh nek khop ding ka ut mahmah hi. 16Ken kong cihin, Pasian gam sungah deihna khempeuh a kicin matengin, hih pawi an ka ne nawn kei ding hi a ci hi. 17Tua lai takin Jesu in hai sangin, hehpihna phat khit ciangin: Hih hai la un la, note lakah hawm un. 18Pasian Gam hong tun ma tengin tu a kipan, leenggahtui ka dawn nawn kei ding hi a ci hi. 19A mah in khomun la in, hehpihna a phat in balnen a: Hih khomun in, note adingin a kipia ka pumpi ahi hi. Kei nong phawkna dingun hih bangin na hi un ci-in a nungzuite a pia hi. 20A nek khituh ciangin, hai zong la in: Hih hai in note adingin a kibua kiciamna ka sisan ahi hi.. 21Ahih hang hong in leh-heekpa khut in, sabuai tungah ka khut tawh a om khawm hi. 22Mihing Tapa in a kisehkhol mah bang in a pai ding hi. Ahih hangin a lehheekpa in gimna thuak ding hi a ci hi. 23A nungzuite in: Kua in tua bangin bawl ding hiam? ci-in khat leh khat a kidong uh hi.

LUKA 22 Liatna thu kiseelna 24Amaute lakah kua lian bel hiam ci-in nungzuite khat leh khat a kiseeluh hi. 25Jesu in: Mi liante in Gentailte ukpa in mi hepihpa a ci uh hi. 26Ahih hangin note in tua bang na hi kei dinguh hi. Note lakah a lian pen mi in, a neu pen bangin om ta hen. Makaipa in mi dangte nasem bangin om ta hen. 27Kua lian zaw hiam? Nasempa lian zaw hiam? sabuai tungah a tupa lian zaw hiam? Sabuai tungah a tupa lian zaw hilo ahi hiam? Ahih hangin note lakah nasempa mah bangin ka om hi. 28Gimna ka thuak lai takin, note in kei tawh hong om khawmte na hihuh hi. 29Ka Pa in Gam hong piak ciangin, note zong ka Gam sung ah ka sabuai kim ah an ne in, tui na dawn theihna dingun thu kong pia hi. 30Note in thukhenna tokhom tungah tu in, Israel minam sawm leh nihte tungah thu na khen dinguh hi a ci hi. Piter nial ding genkholhna 31Jesu in: Simon, Simon aw, Satan in buhum haih bangin nang hong haih nuam hi. 32Ahih hangin na upna a kisiat lohna dingin ken thu kong ngetsak khin hi. Na kikheel kik khit ciangin ute naute na kipsak in a ci hi. 33Simon in: Topa aw, thongkiatna leh sihna dongin nang tawh ka thuak khawm ding hi a ci hi. 34Jesu in: Ken ka thei kei hi ci-in thum vei nong nial matengin ak a khuang kei ding hi a ci hi. Dangkaip, thungip leh Namsau 35Jesu in: Dangkaip, thungip leh khedapte keng loin, kong sawl lai in, kisapna a om hiam? ci-in a dot ciangin: Kisapna khat beek a om kei hi a ci uh hi. 36Jesu in: Tua bang ahih leh dangkaip leh thungip a nei mi in la ta hen. Namsau a neilo mi in, a puan zuak in namsau lei ta hen. 37Ken kong cihin: Amah in mawhneite tawh a kisim khawm ding hi ci-in Lai Siangtho sungah a kigelh thu in ka tungah hong tung ding hi. Bang hang hiam cihleh, ka thu a kigelh khem-peuh a tung ding hi a ci hi. 38Amaute in: Nam-sau nih a om hi a cihuh ciangin: Pha hi a ci hi. Olive mualtungah thugetna 39Tua lai takin Jesu paikhia a, a ngeina bangin Oliv Mual tungah kahto in, a nungzuite in a zui uh hi. 40Tua mun a tunuh ciangin: Khemna tawh na kipelh theihna dingun thu na ngen un a ci hi. 41Tua ciang in a nungzuite tawh suang lot khat

84 tan bang kikhen in, tua munah a khuk din hi. 42Tua ciangin: Pa aw, na deih leh, hih hai tawh hong kipelh sak in Ahih hangin kei deihna bang hi loin, nangma deihna bang hi ta hen ci-in thu a ngen hi. 43Van panin vantung mi khat hong pai suk in, Jesu a thahat sak hi. 44Nakpi takin thugen in, a khua ul leitungah si luang malgol bangin kia ahih manin, a gim mahmah hi. 45Thu a nget khit ciangin tho a, a nungzuite kiangah hong pai kik leh, amaute dahna tawh ihmu in a omuh hi. 46Jesu in: Note in bang hangin ihmu na hi uh hiam? Tho un la, khemna tawh na kipelh theihna dingun thungen un a ci hi. Kilehhekna leh kimatna 47Jesu in tua bangin a gen lai takin, mihonte hong pai uh a, nungzui sawm leh nihte lakah khat ahi Judas in makai in, Jesu nam dingin a kiangah a va pai hi. 48Tua ciangin Jesu in: Judah aw, nangmah in napna tawh Mihing Tapa zuak ding na hi hiam? ci-in a dong hi. 49Jesu kimkotah a omte in, a piang ding thu a theihuh ciangin: Topa aw, namsau tawh ka sat dinguh hiam? a ci uh hi. 50A maute lak pan khat in siampi ukpa nasempa khat a sat leh, a bil taklam a satkhia hi. 51Jesu in: Tua zah pha sak in ci-in a khut tawh a bil lawngin a damsak hi. 52Jesu in, amah man dingin hong pai: siampi liante, biakinn mangte leh upate kiangah: Note in galgu mat bangin hong man dingin namsau leh molhtumte tawi in hong pai na hi uh hiam? 53Nisim in biakinnpi sungah note tawh ka om khop lai takin nong man kei uh hi. Ahih hangin, hih hun in note hun leh khuamial vangliatna hun ahi hi a ci hi. Piter nialna 54Jesu a mat khituh ciangin, siampi ukpa innah a paipih uh hi. Piter in gamla sim kihal in a zui hi. 55Inntual ah mei cihuh a, a tutkhop khituh ciangin, Piter zong amaute lakah hong tu hi. 56Piter in mei awi in a om, numeino khat in a muh ciangin, lim takin en a: Hihpa in Jesu tawh kipawl hi a ci hi. 57Piter in: Numei aw, tuapa ka thei kei hi ci-in a nial hi. 58Tua khit a sawt loin midang khatin Piter kiangah: Hua mite lakah khat na hi hi ci hi. Piter in: Lawm aw, ka hi kei hi a ci hi. 59Nai khat bang a sawt khit ciangin, midang khat in: Hihpa in Galile mi ahih manin Jesu tawh a kipawl takpi hi ci-in muanmawhna

85 tawh a ci hi. 60Piter in: Lawm na cihpa pen ka thei kei hi a ci hi. Tua bangin a gen khit phetin ak a khuang hi. 61Tua leh Topa kihei in Piter a en hi. Piter in: Tu zan ak khuan ma in thumnei nong nial ding hi Topa in a cihna thu a phawkkik hi. 62Tua ciangin Piter paikhia in nakpi takin a kap hi. Zakohna leh satna 63Jesu a lente in zahko in a satuh hi. 64A mai a tuam khituh ciangin: Nang kua in hong beng ahi hiam? Kamsangte bangin hong gen in ci uh hi. 65Thu tampi tawh Jesu langpan in a zahko uh hi. Upate mai-ah Jesu 66Khua a vak ciangin mite lakah upate, siampi liante leh laitheite hong kikhawm uh a, zumah Jesu a pai pih uh hi. 67Tua ciangin: Khris na hih leh hih loh kote hong hilh in a cihuh leh: Ka gen hangin na um kei dinguh hi. 68Ken kong dot leh nong dong kik kei dinguh hi. 69Ahih hangin, tu pan kipanin Mi-hing Tapa in Pasian vangliatna ziatlamah a tu ding hi a ci hi. 70A vekpi un: Tua ahih leh Pasian Tapa na hi hiam? ci-in a donguh hi. Jesu in: Na gen bangun ka hi hi ci hi. 71Tua ciangin amaute in: A dang teci i deih lai hiam? A kam panin i za khin hi a ci uh hi. 22:20 Jer. 31:31-34; La. 41:9; 24 Mat. 18:1; Mk. 9:34; Lk. 9:46; 26 Mat. 23:11; Mk. 9:35; 25-26 Mat. 20:25-27; 10:42-44; 27 Jhn. 13:12-15; 30 Mat. 19:28; 35 Mat. 10:9-10; Mk. 6:8-9; Lk. 9:3; 10:4; 37 Isa. 53:12; 53 Lk.19:47; 21:37. Pilat mai-ah Jesu A Kikhawmte khempeuh dinguh a, Pilat mangpa kiangah Jesu a paipihuh hi. 2Pilat mangpa kiangah: Hipa in ka mite uh khem in: Khris kici kumpipa ka hi hi. Kaisar kumpipa phiang siah na pia kei un ci-in a kam panin ka za uh hi ci-in Jesu a mawhsak uh hi. 3Pilat in: Judah kumpipa na hi hiam? ci-in a dot leh Jesu in: Na cih bangin ka hi hi a ci hi. 4Pilat in: Hihpa tungah mawhna ka mu kei hi ci-in siampi liante leh mohonte kiangah a gen hi. 5Amaute kilim ko semsem uh a: Amah in Galile gam pan kipan hih gam dongin Judah gam sung khempeuh thuhilh in mite a zol hi a ci uh hi. Herod mai-ah Jesu 6Pilat in a thu a zak ciangin: Hihpa in Galile mi ahi hiam? ci-in a dong hi. 7Jesu in Herod uk

23

LUKA 23 sung mi ahih lam a theih ciangin, tua lai takin Herod in Jerusalem khua ah om ahih manin, Herod kiangah a paisak hi. 8Herod in Jesu thu za ngei in, a muh nopna sau vei khin in, tua banah a nalamdang bawl mu nuam ahih manin, Jesu a muh ciangin, a lung a dam mahmah hi. 9Thu tampi a dot hangin, kam khat beek a dawng kik kei hi. 10Tua lai takin siampi liante leh laitheite dingin nakpi takin a mawhsakuh hi. 11Herod in a galkapte tawh Jesu simmawh in zahko uh a, puan hoih a silhsak khituh ciangin, Pilat kiangah a paisak kikuh hi. 12Hun beisa in Pilat leh Herod a kiho theih lo uh a, tua ni-in a kiho thei uh hi. Sihna ding thukhenna 13Pilat in siampi liante, upate leh mite a sam hi. 14Tua ciangin: Mikhem theipa bangin, hihpa ka kiangah nong paipihuh hi. Note mai-ah thu ka dot hangin, na mawhsakna uh tawh kituak in bangmah a tungah ka mu kei hi. 15Herod in zong a mawhna mu hi leh ka kiangah hong puakkik lo ding hi. 16Hihpa in sihna tawh kilawm khialhna bang mah a nei kei hi. 17Tua ahih manin, satin ka khah ding hi a ci hi. 18Ahih hangin amaute in: Tuapa that in la, Barnabas khah in ci-in aw khat tawh a kiko uh hi. 19Tua Barnabas in, mi a suamna leh a thahna hang tawh thong sungah a kikhum ahi hi. 20Pilat in Jesu a khah nop manin tua bangin mihonte kiangah a gen hi. 21Pilat in: Bang thu hang hiam? Amah in bang tat khialhna nei hiam? 22Amah in sihna ding tawh kilawm mawhna khat beek a tungah ka mu kei hi. Tua ahih manin, ka sat khit ciangin, ka khah ding hi ci-in thumvei a gen hi. 23Ahih hangin amaute in Jesu singlamteh tungah thahna dingin nakpi takin a kiko uh hi. 24Mipi aw in Pilat mangpa zo ahih manin, a ngetna bangun, thah dingin thu a khensat hi. 25Misuam ahi, mi a thahna hangin a thongkiapa a ngetna bangun khah in, Jesu ahih leh a deihna bangun a bawlna dingun a pia hi. Singlamteh tungah khaina 26Jesu a paipih lai takun, gamlak panin hong pai Simon kici Sairin mi khat, Jesu nung lamah singlamteh pua dingin a suanuh hi. 27Mi tampi leh Jesu hangin nakpi takin a dah numei tampite in a nung a zui uh hi. 28Jesu kihei in: Jerusalem tanute aw, kei adingin kap kei un. Na tate ading in kap zaw un. 29Tasel numei leh nau a pai ngei-

LUKA 24 lo gil leh a kine ngeilo nawite in thupha a ngah dinguh hi a cih hun hong tung ding hi. 30Tua ciangin mite in: Ka tungah hong kia un, kote hong vuk un ci-in mualte a sam dinguh hi. 31Hi bangin singhing tungah a kibawl leh sing keu tungah a nak bawl zaw kan dinguh hi a ci hi. 32Tua lai takin Jesu tawh migilo leh mithat ahi a dang minih tawh thah dingin a paipih khawm hi. 33Lutang Guha kicihna mun a tun uh ciangin, Jesu tawh migilo nihte, khat a ziat lam, khat a veilamah, singlamteh tungah a khai khawmuh hi. 34Jesu in: Pa aw. hih mite in a sep uh theilo uh ahih manun, a mawhnate uh na maisak in a ci hi. Amaute in lai aisanna tawh a puante a hawmuh hi. 35Mite in en in a dinguh hi. A ukte in: Hihpa in mi dangte a gum thei hi. Pasian Tapa ahih takpi leh a pumpi kigumta hen ci-in a zahko uh hi. 36Galkapte hong pai in tuithuk pia uh a: 37Judah kumpipa na hih takpi leh na pumpi kigum in ci-in a zahko uh hi. 38HIHPA IN JUDAHTE KUMPIPA HI ci-in a kigelh lai a tung ah a suanguh hi. 39Tua lai takin a kikhai migilo khat in: Nang Khris na hi hiam? nang leh kote hong gum in ci-in Jesu a zahko hi. 40A khatin ahih leh: Hihpa bangin mawhna thukhenna thuak napi in, Pasian kita lo na hi hiam? 41Eite in i gamtatna tawh kituak in, thuman thu tanna i ngah hi. Hihpa ahih leh bangmah mawhna bawl lo hi ci-in a lawmpa a taai hi. 42Jesu kiangah: Topa aw, na Gam sungah na lut ciangin hong mangngilh kei in a ci hi. 43Jesu in: Ken aman takpi kong cihin, tu ni-in Paradis ah i om khawm ding hi a ci hi. Jesu sihna 44Tua lai tak hun in, sun nai sawm leh nih panin nitak naithum dongin ni taang bei a, leitung khempeuh a mial cip hi. 45Biakinnpi dalna puan in, a laizang panin a kikeek hi. 46Jesu in: Ka Pa aw, ka kha kong ap hi ci-in nakpi takin a kiko khit ciangin a si hi. 47Galkap mangpa in tua thu piangte a muh ciangin: Hihpa in mi diktat mi ahi hi ci-in Pasian min a phat hi. 48Tua thupiang en dingin hong pai khempeuh in, a muhuh ciang in a awm uh a beengin a ciahuh hi. 49Tua lai tak in, Jesu a theite leh Galile gam panin a hong zuite khempeuh in, a gamla panin a gal etuh hi.

86 Jesu kivuina 50Tua lai takin Judah gam Arimathea khua mi Josef kici mikhat a om hi. 51Amah in upa vaihawmte lakah khat ahih manin, upa dangte deihna zui loin, Pasian Gam lamen in, a diktat mi khat ahi hi. 52Tuapa Pilat kiangah va pai in Jesu luang a ngen hi. 53Jesu luang la khia in, saihadial puan tawh a tun khit ciangin, kuama kivui ngei lohna suang kikhuak sungah a sial hi. 54Tua ni-in kigin ni hi-in nipi ni nai ta hi. 55Galile gam panin a hong pai numeite in zui uh a, han leh a luang bangci koih hiam cih a enuh hi. 56Amaute ciahin, pakamtui leh sathaute a bawluh hi. Thukham bangin Nipi ni-in bangmah sem loin a omuh hi. 23:30 Hos. 10:8; Mang. 6:16; 34 La. 22:18; 45 Pai. 26:31-33; 46 La. 31:5; 49 Lk. 8:2-3; 56 Pai. 20:10; Thkna. 5:14. Thawhkikna Ni sagih lakah ni kipat ni zingtung in, numeite in a bawlsa uh paamtui tawi in hanah a va pai uh hi. 2Han kongkhakna suang kikhin khia in a mu uh hi. 3A sungah a lutuh leh Jesu luang a mu kei uh hi. 4Lamdang a sak lai takun minih in mit leng thei puan silh in, amaute kiangah a dinguh hi. 5Numeite in kihta in, lei lakah a bawhsuk lai takun tua tangvalte in: Note in, misite lak panin a nungta mi bang hang in zong na hi uh hiam? 6Hih munah a om nawn kei hi. 7A thokik zo hi. Mihing Tapa in migilote khut sungah kipia in, singlamteh tungah kithat ding a, ni thum ni ciangin a thokik ding hi ci-in, 8Galile gamah a om lai in, note hong hilh thu na ngaihsun un a ci uh ciangin numeite in a phawk-kikuh hi. 9Han panin paikhia uh a, tu thu khem-peuh sawm leh khatte leh a dang Khris-tiante kiangah a ko uh hi. 10Tua numeite in Magdalene khua mi Mari, Joaran leh Jeim nu Mari-te ahi uh hi. Numei dangte in tuate tawh sawltakte kiang ah a ko khawmuh hi. 11Sawltakte a gen mawkuh sa in a um kei uh hi. 12Ahih hangin Piter tho in hanah a tai hi. A tun ciangin kum suk in a et leh, saihadial puak bek a muh ciangin, tua thu piangte lamdangsa in innah a ciah hi, Emaus ah paina 13Tua ni-in Khristian nih Jerusalem khuapi panin a kigamla lo Emaus kici khua lam zuanin a pai uh hi. 14Tua lai takin a piangsa thute khat leh

24

87 khat a kikum uh hi. 15A kikup lai takun Jesu in va nai a, amaute tawh a paikhawm hi. 16Jesu ahih lam a theih lohna dingun a mituh a mang sak hi. 17Jesu in: Note in lampi ah bang thu kikum na hi uh hiam? ci-in a dot leh, maikhingin a khawluh hi. 18Tuate khat ahi Kleopas in: Jerusalem khua ah hawh napi-in, tua munah thupiang a theilo nang bek na hi hi a ci hi. 19Jesu in: Bang thu hiam? ci-in a dot leh, tuapa in: Nazareth mi Jesu thu ahi hi. Tuapa in Pasian mai leh mite mai-ah khutsiamna leh kamsiamna tawh a kidim kamsangpa ahi hi. 20Siampi liante leh eite upate in tuapa a sihna dingin pia uh a, singlamteh tungah thatuh hi. 21Tuapa in Isreal mipawlte tankhia dingpa ahi hi ci-in kote in ka lamenuh hi. Hih thute a pian zawh ni thum a pha khin hi. 22Kote lakah numei kimkhatte in zing tung in han ah a pai uh hi. 23Ahih hangin a luang a muh lohuh ciangin hong pai uh a, numeite gen bangin a et uh hangin, a luang a mu kei uh hi a ci hi. 24Tua lai takin kote lakah mi kimkhatte hanah pai uh a, numeite gen bangin a muh uh hangin Jesu a mu kei uh hi. 25Jesu in: Kamsangte genkholhna thu khempeuh a upna ding pilna a neilote aw, 26Jesu in hi bang teng thuak in, minthanna a ngahna ding thu om ahi hiam? a cih khit ciang in, 27Moses leh kamsangte khempeuhte a kipan, Lai Siangtho sungah amah a cihnopna ahih lam teltakin a hilh hi. 28Khua a naihuh ciangin, Jesu tua khua paisan ding danin a pai hi. 29Amaute in: Kote tawh hong giakkhawm in. Nitum in, khua mial dektak ta hi ci-in Jesu nakpi takin a khohuh ciangin, amaute tawh giak khawm dingin inn sungah a ah lut hi. 30Sabuai ah a tukhop lai takun khomun la in, hehpihna a phat khit ciangin khomun balnen in a pia hi. 31Tua lai takin a mit uh kihong in, Jesu ahih lam a thei uh hi. 32Amaute in: Lampi ah eite hong hilh Lai Siangtho thu hong gen lai takin, i dipkua sak hilo ahi hiam? ci-in khat leh khat a kiho uh hi. 33Tua lai takin amaute tho uh a, Jesrusalem khua ah ciahkik in, sawm leh khatte in, a lawmte tawh a om khawm a mu uh hi. 34Tuate in: Topa thokik takpi a, Simon kiangah a kilang hi a ci uh hi. 35Amaute in zong lampi ah thu piang khempeuh

LUKA 24 leh khomun a balnen lai takin a kilakna thu a genuh hi. A nungzuite kiangah kilatna 36Tua thute a gen lai takun, Jesu in amaute laizangah ding a: Nopna na ngah ta un a ci hi. 37Amaute in sikha sa uh a, lau in a patau uh hi. 38Jesu in: Bang hangin lungmang na hi uh hiam? 39Ka khutte hong en un la, ka khete zong en un. Keima pumpi ahih takpi lam hong en un la, na khutuh tawh hong lawng un. 40Nong muhuh bangin guh leh taang ka nei kei a, sikha ka hi kei hi ci-in a khut leh khe a lak hi. 41Amaute in lamdang sa uh a, lungdam lua ahih manun um zo lo lai uh ahih manun: Note in nek ding khat peuh na nei uh hiam? ci-in a dot khit ciangin, 42ngasa emsa khat a pia uh hi. 43Tua ngasa Jesu in la in, amaute mai-ah a ne hi. 44Khatvei Jesu in: Moses Thukham ahi zong in, kamsangte gelhna thu ahi zongin, Lai Siangtho sungah a keima thu a gelhuh hi. 45Tua ka thu a kigelh khempeuh a tung ding hi, ci-in, note tawh ka om khop lai in kong gen khempeuh in hih thu ahi hi a ci hi. 46Tua lai takin Jesu in, Lai Siangtho a theihna dingun a lungtang uh a hon sak hi. 47Khatvei Jesu in: Khris in sihna thuak in, ni thum khit ciangin a thokik ding hi. 48Ama min tawh kisikkikna thu leh mawhna kimaisakna thu Jerusalem khua pan kipan in, mi pawl khempeuhte kiangah a kihilh ding hi ci-in a kigelh hi. Hih thute ah teci na hi uh hi. 49Pa thuciamna kong pia hi. Ahih hangin van pan in vangliatna na ngah matengun, hih khua ah na ngak un a ci hi. Vankahna 50Tua khit ciangin Jesu in amaute paipih a, Bethani khua pam a tunuh ciangin, a khut lamto in thupha a pia hi. 51Thupha a piak lai takin amaute tawh kikhen in, vanah a kilato hi. 52A maute in Jesu a biak khituh ciangin lungdamna lianpi tawh Jerusalem khua ah a ciahuh hi. 53Pasian min phat in biakinnpi sung ah a pai tawntung uh hi. 24:6-7 Mat. 16:21; 17:22-23; 20:18-19; Mk. 8:31; 10:33-34; Lk. 9:22; 18:31-33; 49 Sawl. 1:4; 50-51 Sawl, 1:9-11.

JOHAN 1

LUNGDAMNA THU JOHAN GELH

88

Thu in mi bangin hong suakna A cilin Thu a om hi. Thu in Pasian tawh a om khawm hi. Thu in Pasian ahi hi. 2Amah in a cilin Pasian tawh a om khawm hi. 3Thu tawh na khempeuh kipiangsak hi. A kipiangsak lakah thu loin a kipiangsak khat beek a om kei hi. 4A sung ah nuntakna a om hi. Tua nuntakna in leitung mite adingin khuavak ahi hi. 5Tua khuavak in khuamial lakah taangin, khuamial in a zozo kei hi. 6Johan kici mi khat Pasian in hong sawl hi. 7Mi khempeuh in ama hangin thu a up theihna dingun tecipang a, khuavakna thu teici pang dingin hong pai hi. 8Amah in khuavak taktak ahi kei hi. Khuavak thu tecipang dingin hong pai ahi bek hi. 9Khuavak taktak a om hi. Tua khuavak in leitungah a piang mi khempeuh a vaksak hi. 10A mah in leitungah a om khin hi. Amah tawh leitung a kipiang sak hi. Leitung in amah a thei kei hi. 11Amah in a mite kiangah hong pai-in, a mite a sang kei uh hi. 12Ahih hangin amah sang in, a min a um mi khem-peuhte Pasian ta za suak theihna ding thu a pia hi. 13Tua tate in sile-sa tawh piang ahi kei uh hi. Pasian deihna bang in a suakuh hi. 14Thu in mi bangin hong suak a, hehpihna leh thutak tawh a kidim in eite lakah a om hi. Pa in Ta khat bek a piak minthanna bangin a minthanna kimu hi. 15Johan in ama adingin tecipang in a kiko na in: Ka nungah hong paipa in kei om ma in om khin ahih manin, kei sangin lian zaw hi, kong cih in hihpa ahi hi, ci-in a kiko hi. 16Ama kicinna panin i ngah hehpihna in khat khit khat i ngah sawnsawn hi. 17Thukham in Moses khut tungah kipia a, hehpihna leh thuman thutak ahih leh Jesu Khris khut tungah a hong piang hi. 18Kua mah in Pasian a mu ngei kei hi. Pa ang sungah a om Tapa khat bek in Pasian hong kilang sak hi. Baptaizpa Johan thuhilhna 19Judah mite in: Nang kua na hi hiam? ci-in Johan a dong dingin siampite leh Levite in Jerusalem khua panin a paisakuh hi. 20Johan in tua tecipangna im loin: Keimah in Khris ka hi kei hi

ci-in kician takin a gen hi. 21Tuate in: Tua ahih leh, nang kua na hi hiam? Elijah na hi hiam? ciin a dotuh ciangin: Ka hi kei hi ci-in a dawng kik hi. 22Tua ciangin amaute in: Nang kua na hi hiam? Hong sawlte kiangah ka genkik theihna dingun, nang leh nang bang kici na hi hiam? ciin a dongkik uh hi. 23Johan in: Kam-sangpa Isaiah in a genkholh mah bangin: Topa paina ding lam na tangsak in ci-in gampa lakah a kiko aw ka hi hi a ci hi. 24Tua mite in Farisaite paisak ahi uh hi. 25A maute in: Khris hilo, Elijah hilo, kamsang lah hilo na hih leh bang dingin baptaizna hiam? ci-in a dong kik uh hi. 26Johan in: Keimah in tui sung ah ka baptaiz hi. Note laizang ah na theih lohuh, ka nungah hong paipa mi khat a ding hi. 27A khedap khau sut ding na ngawn in ka kilawm kei hi a ci kik hi. 28Johan baptaizna mun Jordan gun gal khat Bethani khua ah hih thu khempeuh a piang hi. Pasian tuuno 29Zingsang ciangin, Jesu hong pai Johan in a muh ciangin: En un! Leitung mawhna a puakhia Pasian tuuno! 30Kei omma in om khin a, kei sang in a lian zaw ka nungah hong pai ding ka cih in hihpa ahi hi. 31Tuapa ka thei kei hi. Ahih hangin Isreal mipawlte lakah a kilatna dingin keimah in tui sungah baptaiz in hong pai ka hi hi ci-in a gen hi. 32Tua lo adang Johan tecipanna in: Kha Siangtho in van panin vakhu bangin hong kum suk a, tuapa tungah a tuang ka mu hi. 33Tuapa ka thei kei hi. Ahih hangin tui sungah baptaiz dingin hong sawlpa in: Mi khat tungah Kha Siangtho in hong kumsuk a, a tungah a tuang na muh leh, tuapa in Kha Siangtho sungah hong baptaiz dingpa ahi hi ci-in thu hong pia hi. 34Keimah in ka mu khin hi, hihpa in Pasian Tapa ahi hi, ci-in teci a pang hi ci-in Johan in a gen hi. Nungzui masate 35A zing ciangin Johan in, a nungzuite nih tawh a dinkhop lai takin lampi ah a pai Jesu a mu uh hi. 36Pasian tuuno en un a ci hi. 37Johan nungzui nihte in a thu a zak uh ciangin, Jesu nung a zui uh hi. 38Jesu kihei in, amaute in a

89 zuih uh a muh ciangin: Bang zong na hi uh hiam? ci-in a dong hi. Amaute in: Rabbi aw, koi lai ah om na hi hiam? ci-in a dong uh hi. Rabbi a khiatna in Sia cihna ahi hi. 39Jesu in: Hong pai le ucin na mu dinguh hi a ci hi. Tua ciangin a maute pai in, a omna a mu uh hi. Tua hun in nitak nai li hi a, a kiangah a tamuh hi. 40Johan thu a za Jesu nungzuite nihte in Simon Piter leh Andru ahi hi. 41Amah in a u Simon zong masa a: Messiah ka mu khin hi ci-in Jesu kiangah a paipih hi. Messiah a khiatna in Khris cihna ahi hi. 42Jesu in tuapa en a: Nangmah in Jonah tapa Simon na hi hi. Kefas hong kici ding hi a ci hi. Kefas in Piter cihna ahi hi. Filip leh Nathanael sapna 43Zing ciangin Jesu in Galile gamah pai ning ci a, Filip a muh ciangin: Ka nung hong zui in a ci hi. 44Filip in Andru leh Piter-te tenna khua Bethsaida khua mi ahi hi. 45Filip in Nathanael zong a: Moses in Pasian Thukham laibu sung leh kamsang laibu sungte ah a kigelh kholh mah bangin Nazareth mi Jesu ka mu khin hi a ci hi. 46Nathanael in: Nazareth khua sung panin na hoih khat a piang thei ding hiam? ci-in a dot leh Filip in: Hong pai in la hong en in a ci hi. 47Nathanael hong pai Jesu in a muh ciangin Jesu in: En un. A sungah khemna a omlo Israel mi taktak ahi hi ci-in tuapa thu a gen hi. 48Nathanael in: Topa aw, Bang ci bangin hong thei na hi hiam? ci-in a dot ciangin Jesu in: Filip in nang hong sap ma in, theikung nuai ah na tut lai takin kong mu hi a ci hi. 49Nathanael in: Rabbi aw, nangmah in Pasian Tapa na hi hi. Israel mite kumpipa zong na hi hi a ci hi. 50Jesu in: Theikung nuai ah kong mu hi ka cih man in hong um na hi hiam? Tua sangin a lianzaw nate na mu ding hi. 51Ken aman takpi kong cihin, van kihong in, Pasian vantung mite in Mihing Tapa tung ah kahsuk kahto in a om na mu ding hi a ci hi. 1:6 Mat. 3:1; Mk. 1:4; Lk. 3:1-2; 21 Mal. 4:5; Thkna. 18:15-18; 23 Isa. 40:3; 51 Pian. 28:12. Kana mopawi Ni khat khit ciangin, Galile gam Kana khua ah mopawi om a, Jesu nu zong tua lai ah a om hi. 2Jesu leh a nungzuite zong tua lawmvakna ah a sam uh hi. 3Leenggahtui a bei ciangin Jesu nu

JOHAN 2 in Jesu kiangah: Leenggahtui a nei nawn kei uh hi ci-in a va ko hi. 4Jesu in: Numei aw, bang kikum i hi hiam? Ka hun a tung nai kei hi a ci hi. 5A nu in a nasemte kiangah: Ama hong sawl bangin na hih un ci-in a gen hi. 6Judah mite ngeina bangin, siangtho biakna dingin tua mun ah seeng nih leh thum bang a ta thei leibeel guk a kikoih hi. 7Jesu in: Hih tui beelte tui tawh na dim sak un ci-in na semte a sawl hi. 8Tuate in tui a let dektak liangin a dim sak khit uh ciangin: Tu in suak un la, lawmvakna pawi ukpa kiang ah va paipih un a cih cingin a paipih uh hi. 9Pawi ukpa in tui a ciap ciangin, leenggahtui suak a, tui tawi nasemte in tua leeng-gahtui a theih uh hangin, pawi ukpa in a thei kei hi. 10Zipipa sam a: Mi khempeuh in leenggahtui hoihte hawm masa uh a, mite in a kham khit uh ciangin a hoih lote a hawmuh hi. Nang na hih leh tu dongin leenggahtuite tui hoihte na koih cing lai hi a ci hi. 11Jesu in na lamdang a bawl masak pen Galile gam Kana khua ah bawl a, a minthanna kilang sak in, a nungzuite in a mah a um uh hi. 12Tua ciangin a nu a kipan a naute leh a nungzuite tawh Jesu in Kapernaum khua ah pai uh a, sawt lo khat a tam uh hi. Biakinn siansuahna 13Judah mite paisan pawi naita ahih manin Jerusalem ah Jesu a pai to hi. 14Biakninnpi sung ah bawngte, tuute, vakhu zuakte leh sum khekte in a tu mite a om uh hi. 15Jesu in a satna ding khautep khat a bawl khit ciangin tuute leh bawngte hawlkhia in, sumkhekte dangkate bua in, a sabuaite uh a sawnpai hi. 16Vakhu zuakte kiang ah: Hih nate paimangpih un. Ka Pa inn in sum zuakna na suak-sak kei un a ci hi. 17Tua lai takin a nungzuite in: Nangma inn ka deihluatna in kei hong netum ding hi ci-in a kigelh a phawk uh hi. 18Tua ciangin Judah mite in: Namgmah in hih bangin nasepna tawh bang na lamdang hong lak na hi hiam? a ci uh hi. 19Jesu in: Hih biak innpi na phel siatuh hangin, nithum sungin ka lamkik ding hi a ci hi. 20Judah mite in: Hih biak innpi in kum sawmguk tawntung a kilam ahi hi. Ni thum bek in lam ding na hi hiam? a ci uh hi. 21Amah in tua bangin a genna in, ama pumpi biakinnpi a cihnopna a hi hi. 22Tua ahih manin, sihna pan in a thawhkik khit ciang in, a nungzuite

JOHAN 3 in hih thu phawk kik uh a, Lai Siangtho leh Jesu thu a um uh hi. Mi khempeuh a theihna 23Paisan pawi sung Jerusalem khua ah a om lai takin, Jesu in na lamdang a lahte mi tampi in a muhuh ciangin Jesu a um uh hi. 24Ahih hangin Jesu in amaute thu a mang kei hi. 25Bang hang hiam cihleh, amah in mi khempeuh thei in, mite lungsim sungah a om khempeuhte zong thei ahih manin, mite a dingin teci a pan dingin a deih kei hi. 2:12 Mat. 4:13; 13 Pai. 12:1-27; 17 La. 69:9; 19 Mat. 26:61; 27:40; Mk. 14:58; 15:29. Jesu leh Nikodemas Judah upa ahi Nikodemas kici, Farisaite lakah mi khat a om hi. 2Tuapa in zan lai takin Jesu kiangah pai a: Rabbi aw, nangmah in Pasian kiang pan hong pai thuhilhpa na hi cih kote in ka thei uh hi. Bang hang hiam cihleh, na bawl na lamdangte Pasian in a om khop kei leh kua mah in a bawl thei kei ding hi a ci hi. 3Jesu in: Ken aman takpi kong cihin, mi khat peuh in nihvei a suakkik kei Pasian Gam a mu kei ding hi a ci hi. 4Nikodemas in: Mi khatin a teek zawh ciangin bangci suakkik theih ding ahi hiam? A nu gil sungah tum kikin suak kik thei ding ahi hiam? a ci hi. 5Jesu in: Ken aman takpi kong cihin, mi khat peuh in tui leh Kha siangtho tawh a suak kik kei leh Van Gam sungah a lut thei kei ding hi. 6Silesa tawh a piang mi in silesa ahi hi. Kha Siangtho tawh a piang mi in, khami ahi hi. 7Khatvei na suakkik ding hi, ka cih lamdang sa kei in. 8Huih in a ma ut bangin a nung hi. Tua huih ging na zak hangin, koi panin hong pai a, koi lamah pai ding cih na thei kei hi. 9Kha Siangtho tawh a suakte khempeuh tua mah tawh kibang hi a ci hi. Nikodemas in: Hih thute bang-ci piang zo ding hiam? ci-in a dong hi. 10Jesu in: Nangmah in Isrealte siapa hi napi cin, hih thute thei ngeilo na hi hiam? 11Ken aman takpi kong cihin, kote in ka theih uh thute gen in, ka muhuh thute teci ka panna uh na mang kei uh hi. 13Lei-tung thu kong gen ciangin na up kei leh, vantung thu kong gen hangin bangci up theih ding na hi hiam? 13Van ah omin hong kumsuk Mihing Tapa longal kua mah in vantung a kahto ngei kei hi.

90 14Gampa lakak Moses in daan gul a khai bang in, Mihing Tapa hong kikhai ding hi. 15Amah a um mi khempeuh in manthang loin, nuntak tawntungna a ngahna ding ahi hi. 16Pasian in leitung mite it luat ahih manin a Tapa khat neihsun hong pia hi. Tua a tapa a um mi khempeuhte in kisia lo a, nuntak tawntungna a ngahna ding ahi hi. 17Leitung mite thukhen dingin Pasian in a Tapa leitungah hong paisak kei hi. 18Amah a um mi in thukhenna a thuak kei ding hi. Amah a um lo mi ahih leh, tu mahmah in thukhenna a thuak khin hi. Bang hang hiam cihleh, Pasian Tapa khat bek a um kei hi. 19Thukhenna thu in leitung ah khuavak bangin hong tung a, mite gamtatna manlo ahih manin, khuavak sangin khuamial a deih zaw uh hi. 20A hoih loin a gamta mi khempeuh in khuavak mudah uh a, a gamtatnate uh a kilat lohna dingin khuavak sungah a pai kei uh hi. 21Ahih hangin thuman in a gamta mite ahih uh leh, a gamtatna uh Pasian deihna tawh kituak hi cih a kilat sakna dingin, khuavak sungah a pai uh hi ci-in a gen hi. Jesu leh baptaizpa Johan 22Tua khit ciangin Jesu a nungzuite tawh Judah gamah pai in, tua munah amaute tawh a om khawm in a kibaptaiz hi. 23Johan in zong Salim tawh kinai Ainon khua ah tui tam ahih manin tua munah a baptaiz hi. 24Johan in thong sungah kikhum nailo ahih manin, mite hong pai in a kibaptaiz uh hi. 25Tua ciangin Johan nungzuite in a siangtho biakna thu Judah mi khat tawh a kiselna hangun Johan kiangah hong pai uh hi. 26Tua ciangin: Rabbi aw, Jordan gungal khatah nangmah tawh a om khawm, ama thu teci a pang pa in baptaiz a, mi khempeuh in a kiangah a pai uh hi a ci uh hi. 27Johan in: Van panin a kipiak kei leh, kuamah in bangmah a ngah thei kei hi. 28Keimah in Khris ka hi kei hi. Khris maiah hong paipa ka hi hi, ci-in kong gen khin a, note zong ka tecite na hi uh hi. 29Zipipa in a zi neipa ahi hi. Ahih hangin zi neipa kiangah dingin, ama thu a za a lawmpa in zi pipa aw a zak ciangin a lungdam mahmah hi. Tua mah bangin ka lungdamna a kicing hi. 30Tuapa in lian sem sem ding a, kei ka hih leh ka kiam semsem ding hi a ci hi.

91 Van pan hong paipa 31Tung lam panin hong paisukpa in na khempeuh tungah a uk hi. Leitungah a piang mi in, leitung mi hi a, leitung thu a gen hi. Van panin hong pai pa in na khempeuh a uk hi. 32A muhsa leh a zaksa thute teci a pang hi. Kuamah in a tecipanna thu a mang kei uh hi. 33Ama tecipan a mang mite Pasian in thuman thutak hi ci-in a ciamteh hi. 34Pasian Kha Siangtho in kiteh loin pia ahih manin, Pasian sawl mi in Pasian thu a gen hi. 35Pasian in a Tapa it in, na khempeuh a khutsung ah a pia hi. 36Tapa a um khempeuhte in nuntak tawntungna a nei hi. Ahih hangin Tapa a zuilo mi in, nuntakna ngah lo ding a, Pasian hehna in tua pa tungah a om hi. 3:14 Gam. 21:9; 24 Mat. 14:3; Mk. 6:17; Lk. 3:19-20; 36 Mat. 11:27; Lk. 10:22. Jesu leh Samaria numei Jesu in Johan sang in nungzui tam zaw a suaksakna leh a baptaiz thu, Farisaite in a theih lam uh Jesu in a thei hi. 2Tua ahih manin Judah gam panin Galile gamah a pai kik hi. 3Ahih hangin Jesu in baptaiz loin, a nungzuite in a baptaiz uh hi. 4Amah in Samaria gam paltan in a pai hi. 5Jakob in a tapa Josef a piak locing khat tawh a kinai, Samaria gam Saikhar kici khua a tunguh hi. 6Tua munah Jakob tuikhuk a om hi. Jesu a lam paina gim ahih manin tua tuikhuk gei a tu hi. Tua hun lai takin sun lai tak a hi hi. 7Samaria numei khat tuitawi dingin hong pai ciangin Jesu in: Ka dawn ding tui hong pia in ci-in a ngen hi. 8A nungzuite in Samaria khua sungah an lei dingin pai khin ahih manun, tui a ngen ahi hi. 9Samaria numei in: Nangmah in Judah mi na hi hi. Bang hangin kei Samaria numei kiangah dawn ding tui hong ngen na hi hiam? a ci hi. Bang hang hiam cihleh, Judah mi leh Samari mite a kiho thei kei uh hi. 10Jesu in: Pasian hehpihna leh dawn ding tui hong pia in, ci a hong ngenpa kua mi ahih thei leicin a kiangah tui na ngen ding a, amah in nuntakna tui hong pia ding hi a ci hi. 11Numei in: Topa aw, tui dipna ding na nei kei hi. Tua nun-takna tui bangci ngah ding na hi hiam? 12Hih tui-khuk hong piapa leh amah a kipan a tate leh a ganhingte in a dawn uh i pu Jakob sang in lian zaw

JOHAN 4 na hi hiam? ci-in a dawng hi. 13Jesu in: Hih tui a dawn mi khempeuh in, a nung ciangin a dangtak kik ding uh hi. 14Ahih hangin ka piak tui a dawnte in a tawntungin a dang tak ngei kei ding hi. Ka piak tui in tua mi sungah nuntak tawntungna tuikhuk in a piang ding hi a ci hi. 15Numei in: Topa aw, tui ka duh not lohna ding leh tui tawi in hih munah ka pai not lohna dingin tua tui hong pia in ci-in a ngen hi. 16Jesu in: Na pasal va sam in la hong pai kik in a ci hi. 17Numei in: Pasal ka nei kei hi a cih ciangin Jesu in: Pasal ka nei kei hi na cihna thu aman hi. 18Pasal nga na nei khin hi. Tu lai tak na neih mi in, na pasal takpi ahi kei hi. Hih thu a man takpi in na gen hi a ci hi. 19Numei in: Topa aw, nangmah in Pasian kamsangpa na hih lam ka thei hi. 20Ka pu ka pa-te un hih mual tungah Pasian a bia nei uh hi. Note in ahih leh: Jerusalem khua bekah mite Pasian a bia uh hi na ci uh hi. 21Jesu in: Numei aw, ka thu hong um in. Hih mual tungah ahi zongin, Jerusalem khua sungah ahi zongin Pa Pasian na biak lohna ding uh hun hong tung ding hi. 22Note in na theih lohpi uh na bia uh hi. Kote in ka theih uh ka bia uh hi. Bang hang hiam cihleh, Judah mite sung panin gupna a piang hi. 23A bia taktakte in thuman thutak leh kha tawh Pa Pasian a biak hun hong tung ding tham loin a hong tung khin hi. Amah bia dingin Pasian in tua bang mite a zong hi. 24Pasian in Kha ahi hi. Amah a biate in thuman thutak leh kha tawh a bia dinguh hi ci-in a gen hi. 25Numei in: Khris a kici Messiah hong tung ding hi cih ka thei hi. A hong tun ciangin thu khempeuh hong hilh ding hi a ci hi. 26Jesu in: Nang tawh a kiho keimah in Messiah ka hi hi a ci hi. 27Tua ciangin a nungzuite hong tunguh a, numei tawh a kihopih lamdang a sa uh hi. Ahih hangin: Bang a deihna hiam? Bang hangin tua numei tawh thu gen ahi hiam? ci-in kuamah in a dong ngam kei uh hi. 28Numei in a tuiphel nusia in khua sungah a ciah hi. 29Tua ciangin: Hong pai un, ka gamtatna khempeuh honglakpa en un. Tuapa in Khris ahi hiam? ci-in mite kiangah a ko hi. 30Amaute in khua sung pan paikhia in, a kiang ah hong pai uh hi.

JOHAN 5 31Mite hong tun ma in a nungzuite in: Rabbi aw, an ne in a ci uh hi. 32Jesu in: Note theih loh an nek ding ka nei hi a ci hi. 33Tua ciang in a nungzuite in: Mi khat peuh in a an nek ding puak khin hiam? ci-in khat leh khat a kikum uh hi. 34Jesu in: Kei hong sawlpa deihna bangin, nasep ka zawhna in ka an nek ahi hi. 35Tu a kipan in kha li ciangin buh at hun ta ding hi ci-in thei hilo na hi uh hiam? Ken kong cihin buh minin kuai khin ta a, at hun ta hi ci-in khudak in en un. 36Buh atte in thaman ngah thei uh a, nuntak tawntungna dingin gah a a khawm ding uh hi. Tua ahih manin, a vawhte leh a atte a lungdam khawm dinguh hi. 37Tua ahih ciangin: Mi khat in vawh in, mi dang a at hi a cihna thu a man hi. 38Na khawh lohna lo ah buh at dingin note kong sawl hi. Midang in vawh in, note in amaute nasepna na tum zo uh h a ci hi. 39Numei in: Ka gamtatna khempeuh hong lak hi ci a a tecipanna thu hangin Samaria mite tampite in Jesu a um uh hi. 40Samaria mite in a kiang hong tun uh ciangin, khua ah a tamna ding in thuum uh ciangin ni nih a tam hi. 41Ama thu hangin mi tampi in a up beh uh hi. 42Amaute in numei kiangah: Tu in ahih leh, na gen hangin a um ka hi kei uh hi. Kote in zong ka za ciatuh a, hihpa in leitung mite Gumpa ahi takpi hi ci-in ka thei uh hi a ci uh hi. Upa khat tapa damsakna 43Ni nih khit ciangin, tua mun panin paikhia in Galile gam a tung hi. 44Amah in: Kamsangpa in a omna gamah minthanna ngah ngeilo hi ci-in kician takin a gen hi. 45Galile mite zong Jerusalem ah pawikhamna ah pai ahih manun, tua lai ah a bawl nate khempeuh muhuh ahih manin, a gamuh a tung ciangin a ngai uh hi. 46Tui leenggahtui a pian-sakna munah a pai kik hi. Tua lai takin Kaper-naum khua ah upa tapa khat cina in a om hi. 47Tuapa in Jerusalem panin Jesu hong tunna thu a zak ciangin, a kiangah va pai in, hong pai sukin a si dektak a tapa a dam-sakna dingin a thum hi. 48Jesu in: Note in lim leh na lamdang na muh kei uh na um kei dinguh hi a ci hi. 49Tuapa in: Topa aw, ka tapa a sih ma in hong paisuk in a ci hi. 50Jesu in: Ciah in, na tapa a nungta ding hi a ci hi. Tuapa in Jesu thupiakna um in a ciah hi. 51Tuapa in lampi ah a

92 paitak in a silate in hong dawn tuah uh a: Topa aw, na tapa a dam khin hi ci-in hong ko uh hi. 52Amah in: Bang hun in damna ngah ahi hiam? ci-in a dot leh amaute in: Za ni nai sawm leh nai khat hun lai takin a dam hi a ci uh hi. 53Tua hun in: Na tapa a nungta ding hi ci-in Jesu in a gen hun tawh kituak lam a theih ciangin, amah a kipan a innkuante khempeuh tawh Jesu thu a um uh hi. 54Hih na lamdang pen Jesu in Judah gam panin a hong tun khit ciangin a bawl nihveina ahi hi. 4:5 Pian. 33:19; Josh. 24:32; 9 Ezr. 4:1-5; Neh. 4:1-2; 44 Mat. 13:57; Mk. 6:4; Lk. 4:24; 45 Jhn. 2:24; 46 Jhn. 2:1-11. Bualah damsakna Jesu in Jerusalem ah Judah mite pawikhamna a tun kik ciangin a pai to kik hi. 2Jerusalem khua ah Tuu Kongkhak tawh a kinai Hebru kam tawh Bethzada kici bual khat a om hi. Tua bual kimkot ah buk nga a om hi. 3Tua bukte ah mittaw, khezaw, 4pumlang khat si a kipan cina tampite a lumuh hi. 5Kum sawmthum leh kumgiat tawntung a cina mi khat in zong tua munah a om hi. 6Tuapa lum in a om Jesu in mu a, sawtveipi cina in a om cih a theih ciangin: Cidam na ut hiam? ci-in a dong hi. 7Cinapa in: Topa aw, tui a kilawh ciangin bual sungah hong diah ding mi ka nei kei hi. Ka pai ciangin mi dangte in ka mai-ah a tung uh hi. ci-in a dawng hi. 8Jesu in: Tho in, na lupna pua in la ciah in a ci hi. 9Thakhat in tua pa dam pah a, a lupna pua in lam a pai hi. Tua ni in Nipi ni ahi hi. 10Tua ahih ciangin Judah mite in: Tu ni in Nipi hi in, lupna puak tuak lo hi ci-in a gen uh hi. 11Amah in: Kei hong damsakpa in: Na lupna pua in la, lampai in ciah in hongci hi a ci hi. 12Judah mite in: Na lupna pua in la, lam pai in hongci in kua mi ahi hiam? ci-in a donguh hi. 13Ahih hangin kua in damsak hiam cih a thei kei hi. Mitampi om ahih manin Jesu a paikhia sim hi. 14Jesu in tuapa biakinnpi sungah a muh kik ciangin: Na ci a dam khin hi. Tua gimna sangin a haksa zaw na thuak lohna dingin, a nung ciangin mawhna na bawl nawn kei in a ci hi. 15Tuapa paikhia in, amah a damsakpa in Jesu hi ci-in Judah mite kiang ah a gen hi. 16Nipi ni in tua bangin bawl ahih manin Judah mite in Jesu a bawlsia uh hi.

93 17Jesu in: Ka Pa in tu dongin a sem hi. Ken zong ka sem hi ci-in a dawng kik hi. 18Tua ciang in amahin Nipi ni siasak tham loin, Pasian na ngawn: Ka pa hi ci-in Pasian bangin a kibawl hi ci-in, Judah mite in Jesu a thah nopna uh a khang semsem hi. Topa in ukpa ahihna 19Tua ciangin Jesu in: Ken aman takpi kong cih in, Tapa in a deih bangin a hih kei hi. Pa hihna a muh bangin a bawl thei hi. Pa in a bawl bang mahin Tapa in a bawl hi. 20Pa in Ta it ahih manin, note in lamdang nasakna dingun, hih sangin a lian zaw nate Tapa in hong musak ding hi. 21Pa in mi si sate a thosak, a hingsak kik mah bangin Tapa in zong a deihte a hingsak thei hi. 22Mi khempeuh in Pa a zahtak mah bangin, Tapa zong a zahtakna dingun Pa in kuamah thu a khen kei hi. 23Thukhenna ding thu khempeuh Tapa a pia hi. Tapa a zahtak lo mi in, Tapa a sawlpa a zahtak lo ahi hi. 24Ken aman takpi kong cihin, ka thu za a, kei hong sawlpa a um mi in, nuntak tawntungna ngah zo ahih manin, thukhenna a thuak kei ding hi. Sihna pan paikhia in nuntakna ah a tung khin hi. 25Ken aman takpi kong cihin, a sisate in Pasian Tapa aw a zakna dinguh a hun hong ding tham loin tu in zong hong tung khin hi. Tua aw a zate in a nungta dinguh hi. 26Bang hang hiam cihleh, Pa in a sungah nuntakna a neih bangin, Tapa in zong a sungah nuntakna a neihna ding thu a pia zo hi. 27Tapa in Mihing Tapa ahih mah bangin thu a khenna dingin Pa in thu a pia hi. 28Han sungah a om khempeuh in a aw a zakuh ciangin hong puasuak hunuh hong tung ding ahih manin, hih thu lamdang sa kei un. 29Gamtatna pha a bawlte in nuntakna ngah dingin hong thokik dinguh a, a gilo gamtana a bawlte in thukhenna thuak dingin hong thokik ding uh hi. Jesu ading teci 30Hong sawlpa deihna bangin sem ka hih manin, keimah in ka ut bangin ka hih thei kei hi. Ka zak bangin thu ka khen hi. Ka thukhenna in thutak ahi hi. 31Keima adingin teci ka pan leh, ka tecipanna in thuman ahi kei hi. 32Kei ading teci pang ding mi khat a om hi. 33Note in Johan kiangah na sawl uh ciangin, amah in thuman thu tak teci a pang hi. 34Ahih hang in ka thu ading a

JOHAN 6 teci a panna in mite tecipanna ahi kei hi. Note gupna na ngah theihna dingun hih thute hong gen hi. 35Amah in kuangin a taang meivak hi a, note in ama khuavakna ah tawlkhat nop-sakna ding na deihuh hi. 36Ahih hangin Johan tecipanna sangin, tecipanna a lian zaw ka nei hi. Bang hang hiam cihleh, nasep ka zawhna ding ka Pa in hong piak ahi tu lai takin ka sepna thu in, Pa in hong sawl ahihna teci hong panguh hi. 37Kei hong sawl ka Pa in teci hong pang khin hi. Note in tuapa aw na za kei uh a, a mel zong na mu kei uh hi. 38A sawlpa um lo na hih manun, a thu in zong note sungah a om kei hi. 39Lai Siangtho hangin nuntakna ngah ding cih na up manun Lai Siangtho na tel etuh hi. Lai Siangtho na ngawn in ka teci ahi uh hi. 40Nuntakna na ngah theihna dingun ka kiangah nong pai kei uh hi. 41Mite mithanna ka sang kei hi. 42Ahih hangin Pasian itna lungsim na neih lohuh ka thei hi. 43Ka Pa min tawh kong pai hangin nong sang kei uh hi. Mi dang khat peuh ama min tawh hong pai leh na sang dinguh hi. 44Khat leh khat kipiak minthanna ngah in, Pasian khat bek in a piak theih minthanna a zong lo note in bangci up na hi uh hiam? 45Pa mai-ah hong mawhsak ding hi ci-in um kei un. Note hong mawhsak ding mi khat a om hi. Tuapa in kua hiam na cihuh leh, na muanpa uh Moses ahi hi. 46Moses in ka thu gelh ahih manin, Moses thu na up uh leh, ka thu zong na um dinguh hi. 47Ama gelh lai na up kei uh leh, ka thu bangci up theih ding na hi uh hiam? ci-in a gen hi. 5:10 Neh. 13:19; Jer. 17:21; 29 Dan. 12:2; 33 Jhn. 1:19-27; 3:27-30; 37 Mat. 3:17; Mk. 1:11; Lk. 3:22. Tulnga vakna Tua khit ciangin Jesu in Tiberia tuili kici, Galile tuili gal khatah a pai hi. 2Cinate tungah lim a lahna a mute in a zui-uh hi. 3Jesu in mual tungah kahto a, a nungzuite tawh a tu khawm hi. 4Tua lai takin Judah mite paisan pawi hun a nai zo hi. 5Tua ahih ciangin Jesu a khuadak leh mihonte a kiangah hong pai a muh ciangin Filip kiangah: Hih mite khomun nek ding bang lak pan in i lei ding hiam? ci-in a dong hi. 6Tua bang in a dotna in a lungkham takpi hi loin, Filip a zeetna ahi hi. 7Filip in: Mi khempeuh in a nek

JOHAN 6 theihna ding un dangka zanih a kicing kei ding hi, tua tawh them khat ciat bek a ngah dinguh hi ci-in a dawng hi. 8Simon nau Andru in: Hiah khomun pumnga leh ngasa tawnnih a nei naupang khat a om hi. 9Ahih hangin hi zahta mihonte adingin bang tham hi ding hiam? a ci hi. 10Jesu in: Mite na tu sak un a ci hi. Tua mun ah lopa tampi a om hi. Tua mite in pasal tulnga bang a tu uh hi. 11Jesu in khomun la in hehpihna a phat khit ciangin, a tu mipite lakah a hawmsak hi. Ngasa zong mipite deih zah ciat in a hawm sak hi. 12Amaute in a kham khituh ciangin Jesu in: Zatna ding a om loh hangin, a khamvalte uh tawm kik un ci-in a nungzuite thu a pia hi. 13Tua ciangin mite khamval mangbuh khomun themnengte a top kik uh ciangin, seeng-sawm leh seengnih dim a ngah uh hi. 14Jesu in tua bangin a na lamdang bawl tua mite in a muh uh ciangin: Hihpa in leitungah hong pai ding Pasian Kamsangpa ahi takpi hi a ci uh hi. 15Tuate in amah kumpipa in a koih theihna ding un pan a lak sawm lam uh Jesu in a theih ciang in, mualtung ah amah guak a kahto hi. Tuipi tungah paina 16Nitak ciangin a nungzuite tuili ah a paisuk uh hi. 17Gunkuang tungah tuang in Kapernaum tung dingin a pai uh hi. Tu lai takin khuamial ta a, ahih hangin Jesu hong tungsuk nailo hi. 18Huihpi nakpi-in nungin, tui kilim lok mahmah hi. 19Tua ahih manin, tainih tai thum bang a hot khituh ciangin Jesu in tui tungah amaute kiang lamzuan in hong pai a muh uh ciangin a lau uh hi. 20Jesu in: Lau kei un. Keimah ka hi hi a ci hi. 21Tua ciangin amaute lungdam in gunkuang tungah Topa la uh a, gunkuang in a pai nopna mun leitang a tun hi. Mite in Jesu a zonna uh 22Zingsang ciangin, tuili gal khatah a ding mihonte in gunkuang khat longal gunkuang dang a mu kei uh hi. 23Amaute in khomun a nekna phual uh tawh a kinaina Tiberias khua pan in gunkuang tawh hong tung uh hi. Jesu in a nungzuite tawh tua gunkuang tungah lut khawm loin, a nungzuite bek hong pai a mu uh hi. 24Amaute in tua mun ah, Jesu leh a nungzuite om loh lam a theih uh ciangin, amaute zong gunkuang tung ah tuang in Jesu zong ding in Kapernaum khua

94 ah a pai uh hi. 25Tuli gal khat ah Jesu a muhuh ciangin amaute in: Rabbi aw, cik hun in hih mun hong tung na hi hiam: ci-in a dong uh hi. Nuntakna khomun 26Jesu in: Ken aman takpi kong cih in, note in na lamdang na muhna hangun kei hong zong na hi kei uh a, khomun ne in, na khamuh ciangin hong zong na hi zaw uh hi. 27A sia thei an ngah theihna dingin na hahkat kei un. Mihing Tapa in a hong piak a hing tawntung an na ngah theihna ding un na hahkat un. Bang hang hiam cihleh, Pasian ciamtehna ngahna in tua a Tapa ahi hi a ci hi. 28Amaute in: Pasian na ka sep theihna ding un bang hih ding ka hi uh hiam? ci-in a dong uh hi. 29Jesu in: Pasian hong sawlpa upna in, Pasian nasepna ahi hi a ci hi. 30Tua ciangin amaute in: Topa aw, hong mu in, kong upna na ding un na lamdang bang nong lak hiam? Bang bawl na hi hiam? 31Van pan in khomun a maute nek ding a pia hi, ci-in Lai Siangtho sungh a kigelh bangin, i pute pate in gampa lakah khomun a ne uh hi a ci uh hi. 32Jesu in: Ken a man takpi kong cihin khomun a piapa in Moses hi loin, ka Pa in van panin khomun taktak note hong pia hi. 33Pasian khomun in van panin hong pai suk, leitung mite nuntakna a pia kho-mun ahi hi a ci hi. 34Amaute in: Topa aw, tua khomun kote hong pia tawntung in a ci uh hi. 35Jesu in: Keimah in nuntakna khomun ka hi hi. Ka kiangah hong pai mi in, a nung ciangin a gil kial ngei nawn kei ding hi. Kei hong um mi in. a nung ciangin a dangtak nawn kei ding hi. 36Ahih hangin note in kei hong mu in, nong um kei uh hi, kong ci khin hi. 37Pa in kei hong piak khempeuh ka kiang ah hong pai dinguh hi. Ka kiangah hong pai mite ka hawlkhia ngei kei ding hi. 38Kei deihna bangin gamta dingin van panin hong kum suk ka hi kei a, kei hong sawlpa deihna bangin gamta dingin hong kumsuk ka hi zaw hi. 39Kei hong sawlpa deihna in, hong piak mi khat beek ka mansuah lohna dingin, Ni tawp ni ciangin ka thosak kik ding hi. 40Tapa mu a, a umte khempeuh in nuntak tawntungna a ngahna dinguh Pa deihna ahi hi a ci hi. 41Jesu in: Van panin hong kumsuk khomun ka hi hi a ci hi. 42Judah mite in: Hihpa in Josef tapa Jesu hilo ahi hiam? A nu leh pa thei hilo i

95 hiam? Tua ahih leh: Van panin kong pai suk hi bang hangin ci thei hiam? ci-in a gensia uh hi. 43Jesu in: Khat khit khat in hong gensia kei un. 44Kei hong sawl Pa in a sawl kei leh, kuamah in ka kiangah hong pai thei kei ding hi. Keimah in Ni tawp ni ciangin tua mi ka thosak ding hi. 45Pasian in tuate a hilh ding hi ci-in Pasian kamsangte lai sungah a kiciamteh hi. Pasian kiangah thu ngai in, a kisin mi in, ka kiangah hong pai uh hi. 46Tua bang ka cih ciangin, Pasian kiang panin hong paipa longal mi khat beek in, Pasian a mu khin hi ka cihnopna hilo hi. 47Van pan in hong paipa in Pasian a mu khin hi. Ken aman takpi kong cihin, hong umte in nuntak tawntungna a nei uh hi. 48Nuntakna khomun ka hi hi. 49Na pu leh pate un gampa lakah khomun ne in a si uh hi. 50Van panin hong kumsuk hih khomun a nete in sihna tawh a kipelh ding hi. 51Keimah in van panin hong kumsuk nuntakna khomun ka hi hi. Hih khomun a nete in a nungta tawntung dinguh hi. Hi hi. Ka hong piak khomun in leitung mite nuntakna dingin ka piak ka sa ahi hi a ci hi. 52Tua ciangin Judah mite in: Hihpa in ama sa nek dingin hong bangci piak theih ding hiam? ciin khat leh khat a kiseel uh hi. 53Jesu in: Ken aman takpi kong cihin, Mihing Tapa sa ne in, a sisan na dawn kei uh leh note sungah nuntakna a om kei ding hi. 54Ka sa ne in, ka sisan a dawn mite in nuntakna a nei uh hi. Ni tawp ni ciangin tua mi ka thokik sak ding hi. 55Bang hang hiam cihleh, ka sa in an taktak hi a, ka sisan in dawn ding taktak ahi hi. 56Ka sa ne a, ka sisan a dawnte in ka sungah om in, kei zong tua mite sungah ka om ding hi. 57A nungta Pa in kei hong sawl a, Pa hangin ka nuntak mah bangin kei hong nete in kei hangin a nungta ding uh hi. 58Hih khomun in van panin hong kumsuk khomun ahi hi. Pute pate in khomun ne in a sih uh bang hi loin, hih khomun a nete in a nungta tawntung ding hi a ci hi. 59Kapernaum khua kikhopna inn sungah thu a hilh lai takin, Jesu in hih thute a gen hi. Nuntak tawntungna thute 60A nungzui tampite in hih thu a zakuh ciang in: Hih in thu haksapi ah hi. Kua in mang zo ding hiam? a ci uh hi. 61Jesu in tua thu hangin, a nungzuite gensiatna thu a theih ciang in: Hih thu

JOHAN 7 in note hong puksak hiam? 62Mihing Tapa in a omna mun ah a kilaktohkik na muhuh ciangin, na bangci ngaihsut dinguh hiam? 63Nuntakna a piapa in kha ahi hi. Sa in phattuamna a pia thei kei hi. Note kiangah kong gen thu in kha leh nuntakna ahi hi. 64Ahih hangin note lakah a um lo kimkhat a om hi. 65Tua ahih manin, ka Pa in thu a piak kei leh, kua mah in ka kiangah hong pai thei kei ding hi kong ci hi a ci hi. Tua bang a cih na hangin, kua in um lo a, kua in lehheek ding hiam cih Jesu in a cil panin a thei hi. 66Tua ciangin a nungzui tampite in Jesu tawh kipawl nawn loin a kihei kik uh hi. 67Jesu in: Note zong paikhia ding na hi uh hiam? ci-in sawm leh nihte kiangah a dong hi. 68Simon Piter in: Topa aw, kote in kua kiangah pai ding ka hi uh hiam? 69Nangmah in tawntung nuntakna thu na nei hi. ci-in kote in um in, ka thei uh hi a ci hi. 70Jesu in: Sawm leh nihte hong teel hilo ka hi hiam? Ahih hangin note lakah khatin dawi hilo ahi hiam? a ci hi. 71Tua bang a cihna in sawm leh nihte lakah amah lehheek ding Simon Iskariot tapa Judas a cih nopna ahi hi. 6:31 Pai. 16:4-15; La. 78:24; 45 Isa. 54:13; 68-69 Mat. 16:16; Mk. 8:29; Lk. 9:20. A sanggamte in a up lohna Tua nung ciangin Judah mite in Jesu thah dingin zong uh a, tua ciangin Judah gam sungah vak nuam nawn lo ahih manin Galile gam sungah a vak hi. 2Tua lai takin Judah mite Buk pawikham ding nai zo ta hi. 3Jesu sanggamte in: Na bawlnate na nungzuite in a muhna ding un, hih mun panin paikhia in la, Judah gam ah va pai in. 4Nang mah in mite a kithei sak nuam pa hi in, a kilang loin bangmah na bawl nop lohna thu ka thei uh hi. Hih nate bawlna tawh leitungah na pumpi na kithei khia sak in ciin a gen uh hi. 5Bang hang hiam cihleh, a sanggamte in zong Jesu a um kei uh hi. 6Jesu in: Ka hun a tung nai kei hi. Note hun ahih leh a tung ngitnget hi. 7Leitung mite in note hong mudah thei kei uh hi. Keimah in amaute gamtatna a hoih kei hi ci-in teci pang ka hih manin, kei hong mudah uh hi. 8Tua pawikhamna ah note va pai un. Ka pai kei ding hi a ci hi. 9Tua thu a gen khit ciangin Galile gamah a om lai hi.

JOHAN 7 Buk pawikhamna ah Jesu 10A sanggamte pawikhamna ah a paikhit uh ciang in, Jesu zong va pai sim hi. 11Judah mite in: Koi lai takah om hiam? ci-in donguh a, pawi sungah a zonguh hi. 12Mihonte in ama hangin thu tampi a kikum uh hi. Kim khat in: Mi pha ahi hi ci uh a, kimkhat in: Mi pha ahi kei hi. Mihonte khempa ahi hi ci uh hi. 13Ahih hangin Judah mite a kihtak manun kua mah in, kician takin a gen ngam kei uh hi. 14Pawikham hun kim khat a kizawh khit ciang in, Jesu biakinnpi ah pai to in, thu a hilh hi. 15Judah mite in: Hih mi in, lai sin ngeilo na pi-in, bangci bang lai theithei hiam? ci-in lamdang a sa uh hi. 16Jesu in: Ka thuhilhna in keima thu hi loin, hong sawlpa thu ahi hi. 17Mi khat in Pasian deihna bangin a gamtat nop leh hih thu in Pasian thu ahi hiam? Ka ut thu gen ka hi hiam? a thei ding uh hi. 18Ama ut tawh thu a genpa in minthanna a zong hi. A sawlpa minthanna a zong mi ahih leh, thuman thutak mi hi a, ama sungah dik lohna a om kei hi. 19Moses in note Thukham hong pai hilo ahi hiam? Ahih hangin, note lakah khat beek in tua Thukham na tang kei uh hi. Bang hangin thah dingin hong zong na hi uh hiam? a ci hi. 20Mihonte in: Nangmah in dawilawm nei na hi hi. Thah dingin kua in hong zong ahi hiam? a ci uh hi. 21Jesu in: Nipi ni in ka bawl thu khat note in lamdang na sa uh hi. 22Moses in vunatna thu note hong pia hi. Ahih hangin Moses kiang panin na ngah uh hi loin, tanglai i pu leh pa-te kiang panin na ngah uh ahi hi. Tua ahih manin Nipi ni-in vun na at uh hi. 23Moses Thukham a siat theih lohna dingin, Nipi ni-in mite in vunatna a ngahuh hi. Ahih hangin Nipi ni-in mi khat ka damsakna hangin, bang hangin ka tung ah heh na hi uh hiam? 24Maitang zahtakna tawh thu na khen kei un, aman takin thu na khen un a ci hi. Hihpa in Khris ahi hiam? 25Jerusalem khua mite kimkhatte in: Hihpa in thah dingin a zonpa uh hilo ahi hiam? 26En un, a kilangin thu a hilh hangin, kuamah in a kham kei hi. Hihpa in Khris hi cih upa vaihawmte in a thei takpi uh hiam? 27Ahih hangin hihpa in koi panin hong pai cih i thei hi. Khris hong pai ciangin, a pianna mun kuamah in a thei kei ding hi a ci uh

96 hi. 28Jesu in: Note in kei nong thei uh hi. Ka pianna lah na thei uh hi. Ahih hangin ka ut thu tawh hong pai ka hi kei hi. Hong sawlpa in thuman thutak tawh a kidim hi. Tuapa na thei kei uh hi. 29Ama kiang panin hong sawl ahih manin, ken ka thei hi ci-in kiko kawm in biakinnpi sung ah thu a hilh hi. 30Amaute in Topa matna dingin a vaihawm uh hangin, a hun tung nailo ahih manin kua mah in a tungah khut a nga kei hi. 31Mihonte lak panin mi tampi in a um uh a: Khris hong pai ciangin hihpa lah sang in a lamdang zaw nate a lak ding hiam? a ci uh hi. Jesu man dingin palikte kisawlna 32Mihonte kikupna thu a theih uh ciangin, siampite leh Farisaite in Topa man dingin palikte a sawluh hi. 33Jesu in: Note tawh tawlno khat bek ka om khop khit ciangin kei hong sawlpa kiangah ka ciah ding hi. 34Ka omna mun nong tung zo kei ding uh hi a ci hi. 35Judah mite in: Eite muh zawh lohna dingin koi lai ah pai ding hiam? A kikhenthang Grik mite kiangah pai in, thu ahilh ding hiam? 36Nong zon uh hangin nong mu zo kei dinguh a, ka omna mun na tung zo kei ding uh hi, a cih in bang a cih nopna hiam? ci-in khat leh khat a kikum uh hi. Nuntakna guntui 37Pawi kham a bei leh a thupit pen ni in Jesu ding a: Mi khat peuh in tui a duh leh, ka kiangah hong pai in dawn ta hen. 38Kei hong umte in Lai Siangtho sungah a kigelh mah bangin, a sung panin nuntakna guntui a luangkhia ding hi ci-in a kiko hi. 39Tua bang a cih ciangin, a umte ngah ding Kha Siangtho a cihna ahi hi. Tua hun Jesu in minthanna ngah nailo ahih manin Kha Siangtho a kipia nai kei hi. Mite kikhenna 40Mihonpite kimkhat in tua thu a zakuh ciang in: Hihpa in kamsangpa ahi takpi hi a ci uh hi. 41Kimkhatin: Hihpa in Khris ahi hi ci uh a, kimkhat in: Khris in Galile gam panin hong suak thei ding hiam? 42Khris in David suan hi a, David omna Bathlem khua ah a suak ding hi ci-in Lai Siangtho sungah kigelh hilo ahi hiam? a ci uh hi. 43Tua ahih ciangin, mihonte in ama hangin lung kituak lohna piang ahih manin, a kikhenthang uh hi. 44Mi kimkhat in a mat nopuh hangin, kuamah in a tungah khut a nga ngam kei hi.

97 Upa vaihawmte up lohna 45Tua ahih manin palikte in siampi liante leh Farisaite kiangah a ciah kik uh ciangin, amaute in: Bang hangin hong paipih lo na hi uh hiam? ci-in a donguh hi. 46Palikte in: Tuapa thuhilh bangin kuamah in thu a hilh ngei kei hi a ci uh hi. 47Farisaite in: Note nangawn hong khem zo ta ahi hiam? 48Upa vaihawmte lak leh Farisaite lakah ahi zongin, amah a um mi khat beek a om hiam? 49Thukham a thei lo hih mihonte in hamsiatna ngahte ahi uh hi a ci uh hi. 50Khat vei lai in Jesu kiangah a pai ngei khat Nikodemas in: 51Eite Thukhamna thu ah mi thu za in, a gamtatna thei tello pi-in thukhenna ding thu a om hiam? a ci hi. 52Amaute in: Nang zong Galile mi na hi hiam? Galile gamah kamsang a piang ngei lohna thu dong lecin na thei ding hi a ci uh hi. Tua hih manin mi khempeuh a inn ciat ah a ciah uh hi. 7:2 Siam. 23:34; Thkna. 16:13; 22 Pian. 17:10; Siam. 12:3; 23 Jhn. 5:9; 37 Siam. 23:26; 38 Ezk. 47:1; Zek. 14:8; 42 Mik. 5:2; 50 Jhn. 3:1-2. Numei khat a mawh laitak kiman Oliv mualah Jesu pai hi. 2Zingtungin biakinnpi ah pai kik a, mi khempeuhte a kiangah hong pai in, Jesu in thu a hilh hi. 3Laitheite leh Farisaite in numei khat pasal tawh a mawh lai tak mu in, a mat khituh ciangin hong paipih in, mite lai zangah a koih uh hi. 4Tua khit ciangin: Sia aw, hih numei a khialh lai tak kimu hi. 5Thukham sungah hih bang mi: Suang tawh deenglum un ci-in Moses in thu hong pia hi. Ahih hangin nang bang na ci hiam? a ci uh hi. 6Tua bangin Jesu mawhna zonna dingin a ze-et uh hi. Ahih hangin Jesu kun a, a khutme tawh lei lakah a gelh hi. 7Amaute in a dot kikkik uh ciang in ding a: Note lakah mawhna nei lo mi khatin numei deeng masa hen a ci hi. 8Khatvei kun kik a, khutme tawh lei lakah a gelh hi. 9Tua thu a zakuh ciang un, a teek pen pan a khangno pen dong in khat khit khat a pai khia uh hi. Jesu guak om in, numei zong a laizang ah a om hi. 10Jesu ding kik a: Numei aw, amaute koi lai ah om uh hiam? Kuamah in nang thu hong khen lo hiam? ci-in a dong hi. 11Numei in: Kuamah in hong khen lo hi Topa aw a ci hi. Jesu in: Ken zong kong khen

JOHAN 8 kei ding hi. Pai in la a nung ciang in na mawh nawn kei in a ci hi. Jesu in leitung khuavak 12Khatvei Jesu in: Keimah in leitung khua vak ka hi hi. Ka nung hong zuite in khuamial sung ah pai loin, nuntakna khuavak a ngah ding hi a ci hi. 13Tua ciangin Farisaite in: Nangma adingin nangmah in teci na pang hi. Na tecipanna a man kei hi a ci uh hi. 14Jesu in: Keimah in kei ading in teci ka pan hangin ka tecipanna a man hi. Bang hang hiam cihleh, keimah in koi lam pan hong pai in, koi lamah pai ding cih ka thei hi. Note in ahih leh koi lam pan hong pai in, koi lam ah pai ding ka hiam cih na thei kei uh hi. 15Note in silesa khen theih bangin na khen uh a, ken kua ma thu ka khen kei hi. 16Hi hi. Kei hong sawlpa in kei tawh om khawm ahih manin, thu ka khen hangin ka thu khenna a man hi. 17Hi hi. Teci nih a om leh thu aman hi ci-in note Thukham lai sungah a kigelh hi. 18Keimah in keima ading teci pangin, hong sawlpa Pa in keima a dingin teci a pang hi ci-in a gen hi. 19Amaute in: Na Pa koi lai ah om hiam? ci-in a dot uh leh Jesu in: Note in nong theih kei uh leh, ka Pa zong na thei kei dinguh hi. Nong theih uh leh, ka Pa na thei dinguh hi. a ci kik hi. 20Biakinnpi sung ah thu a hilh lai takin, sumkholna dei sung ah hih thu a gen hi. A hun tung nailo ahih manin a man thei kei uh hi. Ka paina ah note pai theilo ding 21Khatvei Jesu in: Kei ka ciah ding hi. Note in nong zonuh hangin na mawhna sunguah na si dinguh hi. Ka paina mun nong tung zo kei ding uh hi. a ci hi. 22Tua ciangin Judah mite in: Ka paina mun nong tung zo kei dinguh hi, ci ahih manin amah kithat ding hiam? a ci uh hi. 23Jesu in: Note in nuailam mi na hi uh hi. Keimah in tung lam mi ka hi hi. Note in hih leitung panin a piang na hi uh hi. Keimah in hih leitung panin piang ka hi kei hi. 24Tua ahih manin, note in na mawhna sunguah na si dinguh hi. Keimah in tuapa ka hih lam na up kei uh leh na mawhna sunguah na si dinguh hi kong ci hi. Bang hang hiam cihleh, keimah in tuapa ka hih lam na up kei uh leh, na mawhna sunguah na si dinguh hi a ci hi. 25Amaute in: Nang kua na hi hiam? ci-in a dotuh ciangin Jesu in: Keimah in a cil pek pan

JOHAN 8 in kong kigen khin hi. 26Note tungah gen ding leh khen ding thu tampi ka nei hi. Ahih hangin hong sawlpa in thuman pa ahi hi. Ama kiang panin ka zak bang bek in, leitung mite kiangah thu ka hilh hi a ci hi. 27Amaute in Pa thu gen ahih lam a thei kei uh hi. 28Jesu in: Note in Mihng Tapa na khaitoh khituh ciangin, tua pa ka hih leh keimah deihna bang hi loin, Pa in hong sinsak bangin hih thute ka gen ahih lam na thei dinguh hi. 29Hong sawlpa in kei tawh a om khawm hi. Ama deihna bangin hih tawntung ka hih manin, hong nusia ngeilo ding hi a ci hi. 30Tua thu a gen ciang in mi tampi in um uh hi. Thuman thutak in suahtakna 31Jesu in amah a um Judah mite kiangah: Ka thuhilhna na zuih uh leh ka nungzui taktakte na hi ding uh hi. 32Thuman thutak zong na thei dinguh a, tua thuman thutak in note hong suakta sak ding hi. ci-in a gen hi. 33Tuate in: Kote in Abraham suante ka hi uh hi. Cik mah hun in mi sila ka hi ngei kei uh hi. Note hong suakta sak ding hi bang hangin ci na hi hiam? ci-in a dong kik uh hi. 34Jesu in: Aman takpi kong cihin: Mawhna ahih khempeuhte in mawhna sila ahi uh hi. 35Sila in a inn sungah om den loin, ahih hang in tapa ahih leh a om tawntung hi. 36Tua ahih ciangin Topa in note hong suahtak sak leh a suakta taktakte na hi dinguh hi. 37Note in Abraham suante na hih lamuh ka thei hi. Ahih hang in, ka thuhilhna in note sungah a omna ding mun ngahlo ahih manin, note in thah dingin nong zawng uh hi. 38Keimah in ka Pa kiangah ka muh bangin kong hilh hi. Note in zong na pa uh kiang pan na zak bangun na gamta uh hi a ci hi. Dawimangpa tate 39Amaute in: Ka pa uh Abraham ahi hi a ci uh hi. Jesu in zong: Note in Abraham suan hi takpi le-ucin Abraham gamtat bangin na gamta ding uh hi. 40Ahih hangin ka Pa kiangah ka zak bangin note kiangah thuman thutak hong hilhpa keimah thah dingin tu-in nong zong uh hi. Abraham in tua bangin a gamta kei hi. 41Note in na pa uh a gamtat bangin na gamta uh hi a ci hi. Amaute in: Kote in zawlta ka hi kei uh hi. Pasian kici Pa khat bek ka nei uh hi a ci uh hi. 42Jesu in: Pasian in note Pa ahih takpi leh note in kei nong it dinguh hi. Keimah in Pasian kiang pan in

98 hong paikhia hi-in, ka ut thu tawh hong pai hi loin, amah in hong sawl ka hi hi. 43Bang hang hiam cihleh, ka thuhilhna ngai nuam lo na hih manun, ka thu na thei kei uh hi. 44Note in dawimangpa tate na hi uh hi. A gilo na pa uh deihna bangin na gamta nuam uh hi. Amah in a cil panin mi thatpa hi a, thumanna nei loin ahih manin thuman thutak sungah a kip kei hi. Amah in thu zuau a gen ciangin, ama thu a gen hi. Amah in zuauthu genpa leh thu zuaupa zong ahi hi. 45Thuman thutak ka gen ciangin ka thu na um kei uh hi. 46Ka tungah mawhna a om hi ci-in note lakah kua in hong lak ahi hiam? Keimah in thuman thutak hilh ka hilh leh, bang dingin hong um lo na hi uh hiam? 47Pasian tawh kipawlte in Pasian thu a ngai thei uh hi. Note in Pasian tawh kipawl lo na hihuh ciangin ka thu na ngai kei uh hi. ci-in a gen hi. Abraham pianma in Jesu om khin 48Judah mite in: Nang Smaria mi na hihna leh dawilawm nei hi kong cihuh man hilo ahi hiam? a ci kik uh hi. 49Jesu in: Dawilawm nei ka hi kei hi. Ka Pa zahtak in, note in kei nong simmawh uh hi. 50Ka minthanna ding ka zong kei hi. Ka minthanna dingin, thukhen ding khat a om hi. 51Ken aman takpi kong cihin, mi khat peuh in, ka thu a ngaih leh sihna tawh a kipelh tawntung ding hi a ci hi. 52Judah mite in: Nangmah in dawilawm nei na hih takpina tu in ka tel uh hi. Abraham a kipan kamsangte a si khin uh hi. Nangin: Mi khat peuh in ka thu a ngaih leh sihna tawh a kipelh ding hi na ci hi. 53A sisa ka pa uh Abraham sangin lian zaw na hi hiam? Pasian kamsangte zong a si khin uh hi. Nang kua lim bangin hong kibawl na hi hiam? a ci uh hi. 54Jesu in: Ka minthanna kong lah hangin a mawkna ahi ding hi. Ka min a thangsakpa in ka Pa ahi hi. Tua Pa in: kote Pasian ahi hi na ci uh hi. 55Note in tua Pasian na thei kei uh a, ahih hangin ken ka thei hi. Ka thei kei hi cilengh note bangin zuau gen ka hi ding hi. Tua Pasian thei ka hih manin a thu ka ngai hi. 56Na pa uh Abraham in ka Ni mu nuam a, mu takpi in a lung a dam mahmah hi a ci hi. 57Tua ciangin Judah mite in: Kum sawmnga zong na pha nai kei hi. Abraham mu zo na hi hiam? a ci uh hi. 58Jesu in: Ken aman takpi kong cihin Abraham pian ma

99 in ka om khin hi a ci hi. 59Tua ahih ciang in amaute in Jesu suang tawh deeng dingin suang tawm uh a, ahih hangin Jesu kibu in, biakinnpi sung pan in a piakhia hi. 8:5 Siam. 20:10; Thkna. 22:22-24; 12 Mat. 5:14; Jhn. 9:5; 13 Jhn. 5:31; 33 Mat. 3:9; Lk. 3:8. Pianpih mittaw khat damsakna Jesu lampi ah a pai lai takin a nu sungpan in a mittaw sa in a suak mi khat a mu hi. 2A nungzuite in: Rabbi aw, kua mawhna hangin hihpa mittaw ahi hiam? Ama mawhna hang hiam? a hih kei leh a nu leh pa mawhna hang hiam? ci-in a donguh hi. 3Jesu in: Ama mawhna leh a nu leh pa mawhna hang ahi kei hi. Pasian minthanna a tungah a kilat theihna dingin mittaw sa in a suak hi. 4Ni a om laitengin kei hong sawlpa na i sem ding hi. Kuamah in a sep theih loh hun hong tung ding hi. 5Leitungah ka om lai tengin leitung khuavak ka hi hi a ci hi. 6Tua khit ciangin leilakah a cil sia in, a cil tawh buan a bawl khit ciangin mittawpa mitah buan a nuhsak hi. 7Tua khit ciangin: Pai in la, Siloam bual tui sungah na mit va sil in ci-in sawl hi. Siloam a khiatna in: Hong sawl cih nopna ahi hi. Tua ahih ciangin, tuapa pai in a sil khit ciangin a mit in khua mu thei in hong ciah kik hi. 8Khutdawh ngen mi ahihna a innvengte leh a mute in: Hihpa in! tua khutdawh ngenpa hilo ahi hiam? a ci uh hi. 9Midangte in: Ahi hi a ci uh hi. Kimkhat in: Ahi kei hi, amah tawh a kibang mi ahi hi a ci uh hi. Amah in: Keimah in tuapa ka hi hi a ci hi. 10Amaute in: Tua ahih leh na mittang bangci bangin hong vak thei hiam? a ci uh hi. 11Amah in: Jesu kici mi khat in buan bawl a, ka mit a nuh khit ciangin: Pai in la. Siloam bualah va sil in hong cih bangin ka sil leh khua ka mu thei hi a ci hi. 12Amaute in: Tuapa in koi lai ah om hiam: ci-in dot uh leh: Ka thei kei hi a ci hi. 13Amaute in tuapa Farisaite kiangah paipih uh hi. 14Jesu in buan bawlin a mit a vaksak ni in Nipi ni ahi hi. 15Farisaite in: Na mit in bangci bangin hong vak hiam? ci-in a dong kik uh hi. Amah in: Ka mit buan hong nuhin, ka sil khit ciangin khua ka mu thei hi a ci hi. 16Farisai kimkhat in: Hihpa in Nipi ni tanglo ahih man in, Pasian sawl ahi kei

JOHAN 9 hi a ci uh hi. Kimkhat in: Migilo khat in hi bangin na lamdang a lak thei ding hiam? a ci uh hi. Tua ahih manin amaute kithutuak loin a kikhenthang uh hi. 17Khatvei amaute in: Na mit hong vak sakpa kua tawh kibang hiam? Bangci na ngaihsut hiam? ci-in dong kik uh hi. Amah in: Pasian kamsangpa ahi hi a ci hi. 18Tua ciangin Judah mite in mittaw khua mu kikpa nu leh pa sam uh a: Hihpa in mittaw sa in a suak na tapa uh ahi takpi hiam? 19Tua ahih leh, bangci bangin khua a mu kik thei hiam? ciin a dot matengin mittaw sa in a suahna thu a um kei uh hi. 20A nu leh pate in: Hihpa in ka tapa hi a, a suahpih mittaw ahi hi. 21Ahih hangin bangci bangin khua mu kik thei a, kua in a mit vaksak hiam cih zong ka thei kei uh hi. Amah zong a khan cingkhin ahih manin, amah na dong un, tua hileh kician takin hong gen ding hi a ci uh hi. 22A nu leh pa-te in Judah mite a kihtak manun tua bangin a gen uh hi. Bang hang hiam cihleh: Jesu in Khris ahi hi, ci-in a lo kha khempeuh biakinnpi pan in kihawl khia ding hi ci-in a vaihawm khin uh hi. 23Tua ahih manin amaute in: Amah in a khan cing khin hi. Amah na dongun a ci uh hi. 24Pianpih mittaw a damkikpa sam kik uh a: Pasian phat in, hihpa in migilo ahih lam ka thei uh hi a ci uh hi. 25Amah in: Migilo ahi hiam ka thei kei hi. Thu khat ka thei hi. Nidang in ka mittaw in, tu in khua ka mu thei hi a ci hi. 26Amaute in: Nang tungah hong bangci bawl hiam? Na mit hong bangci vak kik hiam? ci-in a donguh hi. 27Amah in: Khatvei kong gen khit hangin na um kei uh hi. Bang hangin za kik nuam na hi uh hiam? A nungzui suak nuam na hi uh hiam? ci-in a dawng hi. 28Amaute in: Nangin a nung zui na hi hi. Ahih hangin kote in Moses nungzuite ka hi uh hi. 29Pasian in Moses tungah thu a piak khitna thu ka thei uh hi. Ahih hangin hihpa in koi panin hong pai hiam cih ka thei kei uh hi. ci-in a gensia uh hi. 30Amah in: Ka mit khua hong mu sakkik na pi-in a pianna na theih loh uh lamdang hi. 31Pasian in migilote thu ngailo hi ci-in i thei hi. Pasian zahtak in, a deihna a zui mite Pasian in a ngai hi cih i thei hi. 32Lei piancil pan kipan in mittaw khua a mu sakkik hi cih thu i za ngei kei hi. 33Hihpa in Pasian kiang pan in

JOHAN 10 hong pai hi kei leh bangmah a hih thei kei ding hi a ci hi. 34Amaute in: Na suah pan kipan khialhna tawh a kidim na hi napi in, kongte thu nong hilh ding hiam? ci-in tuapa biakinnpi pan in a hawlkhia uh hi. Kha lamah mittawtna 35Tuapa a kihawlkhiatna thu Jesu in a zak ciangin: Pasian Tapa na um hiam? ci-in a dong hi. 36Amah in: Topa aw, amah ka upna dingin Pasian in kua ahi hiam? ci-in a dawngkik hi. 37Jesu in: Amah na mu khin a, nang tawh thu a gen pa in Pasian Tapa ahi hi a ci hi. 38Amah in: Topa aw, ka um hi ci-in a bia hi. 39Jesu in: Khua mu theilote in a muh theihna ding leh thukhen dingin leitungah kong pai hi. a ci hi. 40A kiangah a om Farisai khat in tua thu a zak ciangn: Kote in mittaw ka hi uh hiam? ci-in a dong hi. 41Jesu in: Note in mittaw na hih uh leh, mawhna na nei kei ding uh hi. Ahih hang in: Khua ka mu uh hi ci na hih man un na mawhna uh a om lai hi. 9:5 Mat. 5:14; Jhn. 8:12. Tuukhumna tawh gentehna Jesu in: Ken aman takpi kong cihin Tuukhumna kongpi pan lut loin lamdang panin a tumte in guta buluh ahi hi. 2Kongpi panin a lutte in a kicing tuu ahi hi. 3Kongcingpa in amah hon ding a, a tuute in a kam a ngai uh hi. Amah in a tuute a min in samin, a pua lamah a paipih hi. 4Tuute a khah ciangin a mai-ah pai in, a aw thei uh ahih manun tuute in a zui uh hi. 5Amaute in midangte a zuih leh, a aw theilo ding uh ahih manun, amaute kiang pan in a tai khia dinguh hi a ci hi. 6Tua thugentehna Jesu in a hilh hang in, a khiatna a thei tuan kei uh hi. Migi tuucing Jesu 7Khatvei Jesu in: Ken aman takpi kong cihin, tuukhumna kongpi ka hi hi. 8Ka mai-ah hong paite khempeuh in, guta buluhte ahi uh hi. Tuate aw tuute in a ngai kei uh hi. 9Tuukhumna kongkhak ka hi hi. Mi khat in keimah ah a lut leh gal tawh kipelh ding a, sungtum pusuak in an nek ding gamtatna ding a mu dinguh hi. 10Gutate in a gu ding leh a that ding bekin hong pai uh hi. Kei ka hih leh, tuute in nuntakna a ngah bek hi loin, a kicing a dim nuntakna a ngahna dingun kong pai hi. 11Keimah in migi tuucing ka hi hi. Migi

10

100 tuucing in a tuute tangin a nuntakna a paai thei hi. 12Tuu neipa hilo, a cingpa ahih leh, ngia hong pai a muh ciangin tuute nusia in tai a, ngia in tuute manin a kithehthang sak hi. 13Amah in a kicial tuucing ahih manin, tuute hoihna ding ngaihsun loin in, a tuute a taisan hi. 14Migi tuucing ka hi hi. Pa in kei hong thei in, ken zong Pa ka theih bangin ka tuute ka thei a, ka tuute in zong hong thei uh hi. 15Keimah in ka tuute adingin ka nuntakna ka paai hi. 16Hih tuukhumna sungah a omlo a dang tuu zong ka nei lai hi. Tua tuute zong ka hong paipih ding hi. Amaute in ka aw ngai dinguh a, amaute honkhat suak in tuucing khat bek a nei dinguh hi. 17Tua ciangin ka nuntakna ka lakkik dingin paai ka hih manin, ka Pa in kei hong it hi. 18Ka nuntakna kua mah in hong sut thei loin, ka ut thu in ka paai hi. Ka nuntakna paikhia in lakkik theihna ding thu ka nei hi. Tua thu ka Pa in hong pia hi. ci-in a gen hi. 19Tua thu hangin Judah mite kithutuak loin, a kikhenthang kikuh hi. 20Amaute lak ah tampite in: Amah in dawilawm nei mihai ahih manin, ama thu bangin hangin ngai na hi uh hiam? a ci uh hi. 21Kimkhat in: Tua thu in, dawilawm neite thu ahi kei hi. Dawi in mittawte khua mu sak thei ding ahi hiam? a ci uh hi. Judahte in Jesu sanglo 22Jerusalem ah ki-apna pawi a tun hun in phalbi laitak ahi hi. 23Jesu biakinnpi tual Solomon talaap ah a kawi pai hi. 24Tua lai takin Judah mite in Jesu kimah hong kikhawmuh a: Bang tanvei kote hong lungkham sak lai ding na hi hiam? Khris na hih takpi leh tangtak in hong gen in a ci uh hi. 25Jesu in: Kong hilh khit hangin na um kei uh hi. Ka Pa min tawh ka bawl nate in ka teci ahi hi. 26Note in ka tuute hilo na hih manun nong um kei uh hi. 27Ka tuute in ka aw ngai uh a, ka tuute ka thei in, amaute in ka nung hong zui uh hi. 28Amaute nuntak tawntungna ka pia a, cikmah ciangin a kisia kei dinguh hi. Kuamah in ka tuute ka khut sung panin hong sut zo kei ding hi. 29Amaute hong pia ka Pa in na khempeuh sangin lian zaw ahih manin ka Pa khut panin kuamah in a sut zo kei ding hi. 30Keimah in ka Pa tawh pumkhat ka hi uh hi ci-in a gen hi. 31Tua ahih ciangin Judah mite in suang tawh deeng dingin suang a tawm kik uh hi. 32Jesu in:

101 Pasian kiang panin ka ngah thupha tampi kong lak khin hi. Tua thu lakah bang thu hangin suang tawh hong deeng ding na hi uh hiam? ci-in a dong hi. 33Judah mite in: Apha na bawl hangin suang tawh hong deeng ding ka hi kei uh hi. Mihing na hi napi in, Pasian bangin kibawl in, Pasian na gensiat manin suang tawh hong deeng ding ka hi uh hi a ci uh hi. 34Jesu in: Note in pasiante na hi uh hi, ci-in note Thukham sungah kigelh hilo ahi hiam? 35Pasian thu a ngahte in pasian ahi uh hi a kicih leh Pasian Lai Siangtho kinial lo hi. 36Tua ahih manin, Pa in a sianthosak ahi hih leitungah hong paisak keimah in: Pasian Tapa ka hi hi ka cih ciangin: Pasian na gensia hi ci na hi uh hiam? 37Ka Pa deihna bangin ka gamtat kei leh, hong um kei un. 38Ahih hangin ka gamtat leh nong up loh uh hangin, ka bawlna thu na um un. Tua bangin na up uh leh Pa in ka sungah om in, keimah in Pa sungah ka omna thei in na ciamteh ding uh hi a ci hi. 39Judah mite in matna dingin Topa a zon kik uh ciang in amaute khua sung pan a paikhia hi. 40Johan in a baptaiz masakna mun Jordan gun gal ah Jesu pai kik in, tua lai ah a om hi. 41Mi tampite a kiangah va pai uh a: Johan in na lamdang a lah loh hangin hihpa thu Johan in a genna khempeuh a man hi a ci uh hi. 42Tua mun ah mi tampte in Topa a um uh hi. 10:15 Mat. 11:27; Lk. 10:22; 33 Siam. 24:16; 34 La. 82:6; 40 Jhn. 1:28. Lazaras sihna Mari leh a sanggamnu omna Bethani khua ah Lazaras kici mi khat cina in a om hi. 2Cinapa sanggamnu Mari in Jesu khe sathau nuh in, a sam tawh a nulnu ahi hi. 3A sanggamte in Jesu kiangah mi sawl uh a: Topa aw, na itpa cina in a om hi ci-in a ko uh hi. 4Jesu in a zak ciangin: Hih natna in sihna ding natna ahi kei hi. Pasian leh Mihing Tapa minthanna a kilahna ding ahi hi a ci hi. 5Jesu in Martha, Mari leh Lazaras a it hi. 6Tua ahih ciangin Lazaras natna thu a zak hangin pai loin, a omna munah ni nih a om lai hi. 7Tua khit ciangin: Tu in Judah gam lamah pai kik ni ci-in a nungzuite kiangah a gen hi. 8A nungzuite in: Rabii aw, Judah mite in tu nangawn in nang suang tawh den ding in hong

11

JOHAN 11 zong lai ahih manun, tua lamah pai ding i hi hiam? a ci uh hi. 9Jesu in: Nisuahna leh nitumna kikal nai sawm leh nai nih pha hilo ahi hiam? Mi khatin sun laitakin a pai leh khuavak ahih manin a puk kei ding hi. 10Ahih hangin mi khat in khuamial sungah a pai leh a sungah khuavak omlo ahih manin a puk thei hi a ci hi. 11Tua bangin a gen ciangin Jesu in: I lawmpa Lazaras in ihmu in a om hi. A phong dingin ka pai ding hi a ci hi. 12A nungzuite in: Topa aw, a ihmut leh a noptuam ahi ding hi a ci uh hi. 13Jesu in Lazaras sihna thu a gen hang in a ihmu takpi cihna in a nungzuite in a ngaihsun uh hi. 14Jesu in: Lazaras a si khin hi. 15Note in na upna dingun tua sanah omlo ka hih manin ka lung a dam hi. Ahih hangin tu-in a kiangah va pai ni ci-in a tel gen hi. 16Didimas kici Thomas in a lawmte kiang ah: Ei zong Topa tawh sihna hang in dahna thuakte hehnem ding in pai ni a ci hi. Thawhkikna leh nuntakna 17Jesu a tun ciangin Lazaras in han sungah ni li a pha khin hi ci-in a thei hi. 18Bethani khua in Jerusalem khua tawh tai nih dektak a kigamla hi. 19Martha leh Mari in a sanggampa uh si ahih manin a hehnem dingin Judah mite tampi hong pai uh hi. 20Jesu hong paina thu Martha in zak ciangin a dawn dingin a pai hi. Mari ahih leh inn sungah tu in a om hi. 21Martha in: Topa aw, nang om lecin ka sanggampa a si kei ding hi. 22Tu na ngawn in Pasian kiang ah na nget khempeuh hong pia ding hi cih ka thei hi a ci hi. 23Jesu in: Na sanggampa a thokik ding hi a ci hi. 24Martha in: Ni tawp ni ciangin thawhkikna ah a thokik ding hi cih ka thei hi a ci hi. 25Jesu in: Keimah in thawhkikna leh nuntakna ka hi hi. Kei hong umte in a sih hangin nungta kik ding a, 26cik mah ciangin a si ngei kei ding hi. Hih thu na um hiam? ci-in a dong hi. 27Amah in: Ka um hi. Topa aw, Leitung ah hong pai ding Pasian Tapa Khris na hihna ka um hi a ci hi. Jesu kap 28Tua bang a cih khit ciangin Martha ciah a, a sanggamnu kiangah: Siapa hong tung khin a, nang hong sam hi ci-in a sim koh hi. 29Tua thu a zak ciangin Mari in thakhat in tho a, Jesu a va dawn hi. 30Tua lai takin Jesu khua sungah hong lut nai loin, Martha dawnna munah a om lai hi.

JOHAN 12 31Tua ciangin dahna hehnem ding a inn sungah Mari tawh a om khawm Judah mite in, amah tho in, manlang tak a paikhiatna a muh uh ciangin, kap dingin han lamah a pai ding hi ci-in a nung a zui uh hi. 32Tua ciangin Mari in Jesu omna mun tung a, Topa a muh ciangin a khebul ah bok in: Topa aw, nang om lecin ka sanggampa a si kei ding hi. a ci hi. 33Mari a kipan amah tawh hong paikhawm Judah mite a kah uh Jesu in a muh ciang in a lungsung ah a khuisa in, a lungmang hi. 34Jesu in: Koi lai ah vui na hi uh hiam? ci-in a dot leh: Topa hong pai in la, hong en in a ci uh hi. 35Jesu a kap hi. 36Tua ciangin Judah mite in: En un, amah in bangzah ta in it hiam? a ci uh hi. 37Amaute lakah kimkkhat in: Mittawpa khua a musak theipa in, hih mi zong a sih lohna dingin bawl thei lo ding ahi hiam? a ci uh hi. Lazaras thawhkikna 38Jesu in khuisa kawm in han ah a pai hi. Tua han in leihawm hi a, suang tawh a kisin hi. 39Jesu in: Suang lem khia un a ci hi. Misipa sanggamnu Martha in: Topa aw, ni li pha khin ahih manin, a uih ta ding hi a ci hi. 40Jesu in: Na up leh Pasian minthanna na mu ding hi. Hong gen khin hilo ka hi hiam? a ci hi. 41Tua ciangin amaute in suang a lemkhia uh hi. Jesu dakto in: Pa aw, nangmah in ka thu hong ngai na hih manin na hehpihna ka phat hi. 42Ka thu na ngaih denna ka thei hi. Ahih hangin kei nong sawl ka hihna a umlo mihonte in a upna dingun thu ka ngen hi a ci hi. 43Tua bang a cih khit ciangin: Lazaras aw, hong paikhia in ci-in nakpi takin a kiko hi. 44Si luangin in a khut leh khe leh a maite han puan tawh kitun in a paikhia hi. Jesu in: Amah phel un la khahkhia un a ci hi. Jesu a kisawmna 45Mari kiangah hong pai Judah mi tampite in Jesu bawlna a muh ciangin a um uh hi. 46Ahih hangin kimkhat in Farisaite kiangah pai in, Jesu bawlna thu khempeuh a zasak uh hi. 47Tua ciangin siampi liante leh Farisaite in upa vaihawmte khawm uh a: Bang cih ding i hi hiam? 48Hihpa i koih khong leh, mi khempeuh in amah um dinguh a, Rom mite hong pai in, eite omna gam leh i pawl ahi zongin hong susia dinguh hi a ci uh hi. 49Amaute lakah tua kum siampi ukpa a sem Kaiafas in: Note in bang mah na thei kei uh

102 hi. 50Mi tampi tang dingin mi khat a sih leh, Judah mite kisiatna sangin, pha zaw hi ci-in ngaihsun lo na hi uh hiam? a ci hi. 51Tua bang a cih ciangin ama ut thu gen ahi kei hi. 52Tua kum in amah siampi ukpa ahihna tawh kizui in Jesu in mite tang ding in si ding bek hi loin, mun khempeuh ah a kikhenthang Pasian tate a kaikhawm kiksak ding in a si ding hi ci-in Pasian kamsangpa bangin a gen hi. 53Tua ni a kipan in amaute in Jesu a thah theihna dingun, kikum in a vaihawm uh hi. 54Tu ahih manin Jesu in Judah mite lakah a kilangin a pai ngam nawn kei hi. Tua mun panin paikhia a, gammang tawh kinai Efraim kici khua ah pai in, a nungzuite tawh a om hi. 55Judah mite paisan pawikham ding hong nai in, mi tampi in a kisiantho sakna dingun, gam khempeuh panin Jeursalem hong zuan ta uh hi. 56Tuate in Jesu zonguh a: Bang na ci ngaihsut uh hiam? Amah in pawikhamna ah hong pai lo ding hi ci-in na ngaihsun uh hiam? ci-in biakinnpi sungah dingin a kidong uh hi. 57Siampi liante leh Farisaite in Jesu omna a mun thei na om uh leh, a mat theihna ding un hong hilh uh hen, ci-in lai a hawm uh hi. 11:1 Lk. 10:38-39; 2 Jhn. 12:3. Bethani ah sathau kinilhna Jesu in paisan pawikham hun ding niguk in a sap lai takin a sisa a thawhkiksakpa Lazaras omna Bethani khua ah a pai hi. 2Tua san takah nitak an Martha in a vak hi. Lazaras in Topa tawh an ne khawmte lakah a om hi. 3Tua lai takin Mari in a manpha mahmah paknamtui thawl khat la hi. 4Tua khit ciangin Jesu khe buak in a sam tawh a nul hi. Tua a gim in, inn sung khempeuh kizeel in, a nungzuite khat ahi Jesu lehheekpa Judas Isakariot in: 5Hih paknamtui dangka zathum tawh zuak in, mizawngte bang hangin pialo ahi hiam? a ci hi. 6Tua bang a cih ciangin mizawngte phattuamna ngaihsun hi loin, amah in dangka ip tawi in gutapa ahih manin, a sungah a om teng a sawk theihna ding ahi hi. 7Jesu in: Ka luang vuina dingin hih paknamtui koihkhol ta hen. 8Mizawngte in note tawh om khawm tawntung ding a, kei ka hih leh note tawh a om khawm den ding ka hi kei hi a ci hi.

12

103 Lazaras kisawmna 9Tua mun ah Jesu a om lam Judah mite in a theih uh ciangin, Jesu hang bek hi loin Lazaras zong en dingin a hong pai uh hi. 10Siampi liante in Lazaras zong thah dingin a vaihawm khin uh hi. 11Amah hangin Judah mite in Jesu a up man un, tampi a paikhia uh hi. Jerusalem ah gualzawhna tawh a lutna 12Zingsang ciangin pawikhamna ah a hong pai mite in Jerusalem khua ah hong pai ding hi cih a thei uh hi. 13Tua ciangin nisuh hiang tawi in, Topa dawn dingin a paikhia uh a: Hosanna, Pasian min tawh hong pai Israel in, Thupha ngah ta hen ci-in a kiko uh hi. 14Lai Siangtho sungah a kigelh mah bangin, Jesu in la no khat ngah a, a tungah a tuangin, 15Zion tanu aw, lau kei in. En in, na kumpipa in, Lano tungah tuangin hong pai ding hi a ci hi. 16Tua thute a cilin a nungzuite in a theih loh uh hangin Jesu in minthanna a ngah khit ciangin Topa thu tua bangin kigelh in, a tungah tua bangin a kibawl ding hi a cihna thu a phawk uh hi. 17Lazaras han sung pan samkhia in, sihna pan a thawhkiksak lai takin, Jesu tawh a om khawm mihonte in teci a pang uh hi. 18Tua lim a bawlna mihonte in a zak uh ciangin a dawn dingin a paikhia uh hi. 19Farisaite in: En un, bangmah na hih zo kei uh hi. Leitung mi khempeuh in a nung a zui khin ta uh hi ci-in khat leh khat a kici uh hi. Grik pawlkhatte in Jesu zong 20Pawikhamna ah Pasian bia dingin hong pai lakah Grik mite zong a om uh hi. 21Tuate in Galile gam Bethsaida khua mi Filip kiangah: Lawm aw! Jesu ka mu nuam uh hi ci-in gen uh hi. 22Filip in Andru kiangah a gen sawn khit ciang in, anih un Jesu a ko uh hi. 23Jesu in: Mihing Tapa in minthanna a ngah hun hong tung khin hi. 24Ken aman takpi kong cih in, buhum khat in leitungah kia in, a sih kei leh amah bek a om ding hi. Ahih hangin a sih leh tampi a gah thei hi. 25A nuntakna a itte in a nuntakna a mangthang sak ding uh hi. Hih leitungah a nuntakna a mudahte in nuntak tawntungna a nei dinguh hi. 26Ka na hong semte in ka nung hong zui ta hen. Ka omna munah ka nasemte zong a om dinguh hi. Pa in ka na hong semte a pahtawi ding hi.

JOHAN 12 Mihing Tapa kikhaitohna 27Tu lai tak ka lungmang ahih manin bang ka gen ding hiam?! Pa aw, hih hun panin hong gum in ka ci ding hiam? Hilo hi, hih thu hangin ka hun a tung zo hi. 28Pa aw, na min na thangsak in a ci hi. Tu ciang in van panin aw khat hong ging in: Ka thangsak zo a, ka thangsak lai ding hi a ci hi. 29A kim ah a om mihonte hih thu a zakuh ciangin: Van ging hi ciin, kimkhat in: Vantung mi khat amah tawh kiho hi a ci uh hi. 30Jesu in: Hih aw in kei adingin hong pai hi loin, note adingin hong pai ahi hi. 31Tu in hih leitung in thukhenna thuak ding a, leitung ukpa kihawlkhia ding hi. 32Leitung panin ka kikhaitoh ciangin mi khempeuh ka kiangah ka huup ding hi a ci hi. 33Tua bang a cih ciang in, a sih ding lim a gen ahi hi. 34Mihonte in: Khris a om tawntung ding hi, ci-in Thukhamna ka za khin uh hi. Tua bang ahih leh: Mihing Tapa in kikhaina a thuak ding hi bang hangin ci na hi hiam? Hih Mihing Tapa in kua mi ahi hiam? ci-in a kidong uh hi. 35Tua ciangin Jesu in: Khuavakna in note kiang ah tawlkhat om lai ding hi. Khuamial in note hong lap lohna dingin khuavak a om lai takin na pai un. Khuamial lakah a pai mi in a tunna ding a thei kei hi. 36Khuavak in note tawh a om khop lai takin khuvak tate na suahna dingun khuvak na um un ci-in a gen hi. Tua thute Jesu in a gen khit ciangin paikhia in a kibu hi. 37Tua bangin ahihna in, Pasian kam-sangpa Isaiah genkholhna thu a tunna ding ahi hi. Tua thu in: Topa aw, ka gen thu uh kua in hong um ahi hiam? Pasian khut kua kiangah kilang ahi hiam? a ci hi. 39Isaiah in a genna mun dang khat ah: 40A mit uh taw sak in, a lungsim uh a khauh sak hi. Tua bang a hi kei leh a mituh tawh mu in, a lungsim uh tawh thei dinguh a, a cinatna ka damsak ding hi a cihna thu hangin amate in a um kei uh hi. 41Isaiah in Jesu minthanna muh khol ahih manin tua bangin a thu a genkhol hi. 42Tua bang ahih hangin upa vaihawm tampite nangawn in Jesu a up uh hangin, biakinnpi sung panin Farisaite hawlkhiat ding a lauh manun, kuamah in a kilang in a mang ngam kei uh hi. 43Tuate in Pasian piak

JOHAN 13 minthanna sangin, mite piak minthanna a deih zaw uh hi. Jesu thukhenna 44Jesu in: Kei hong um mi in, kei bek hong um ahi kei hi. 45Kei hong sawlpa zong a um hi. Kei hong mu mi in, kei hong sawlpa zong a mu hi. 46Keihong um mi in, khuamial ah a om lohna dingin, khuavak dingin leitung ah kong pai hi. 47Ka thu za in, a zuilo mite thu ka khen kei ding hi. Bang hang hiam cihleh, leitung mite thukhen dingin hong pai ka hi kei hi. Leitung mite gum dingin hong pai ka hi zaw hi. 48Kei hong nolh a ka thu a ngailo mi in thukhen ding mi khat a nei hi. Ka hilhna thu in ni tawp Ni ciang in tua mi tungah thu a khen ding hi. 49Kei ma ut bangin thu gen loin, hong sawl Pa in bangci gen ding, bangci hilh ding ci-in thukham hong pia hi. 50A thukhamna in nuntak tawntungna hi ci-in ka thei hi. Tua ahih manin ka hih nate in, Pa in kei kiangah hong piak bangin hih ka hi hi a ci hi. 12:3 Lk. 7:37-38; 8 Thkna. 15:11; 13 La. 118:25-26; 15 Zek. 9L9; 25 Mk. 8:35; Lk. 9:24; 17:33; Mat. 10:39; 16:15; 34 La. 110:4; Isa. 9:7; Ezk. 37:25; Dan. 7:14; 38 Isa. 53:1; 40 Isa. 6:10. A nungzuite khe silsak na Paisan pawikham ma in, Jesu in leitung pan Pa kiangah a ciah hun tungta ding cih thei ahih manin, leitung mite a tawp dongin a it hi. 2Dawimang in Jesu lehheekna dingin Simon tapa Judas Iskariot lungsim a guan khit ciangin nitak an a ne uh hi. 3An a nek lai takun Pa in a khut tung ah na khempeuh a apna thu, amah in Pasian kiang panin hong pai ahihna leh Pasian kiangah paikik ding ahihna a thei hi. 4Jesu ding in, a puanza suah in dial tawh a kawng a gak hi. 5Tua ciangin kuang sungah tui sung a, a nungzuite khe silsak in, a kawngah a ten dial tawh a khe uh a nulsak hi. 6Simon Piter kiang a tun ciangin Piter in: Topa aw, ka khe zong sil ding na hi hiam? a ci hi. 7Jesu in: Tu lai takin ka bawl thu na thei kei hi. Tu nung ciangin na thei ding hi a ci hi. 8Piter in: Ka khe cikmah hun in na sil ngeikei ding hi a ci hi. 9Jesu in: Kong sil kei leh kei tawh na kipawl thei kei ding hi a ci hi. 9Tua ciangin Simon Piter in: Topa aw, ka khe bek hilo, ka khut leh ka lu zong hong silsak in a

13

104 ci hi. 10Jesu in: A kisilte in khe longal sil ding a deih kei hi. A pumpi a siang hi. Note na sianuh hangin na vekpi un na siang khin kei uh hi a ci hi. 11A lehheek dingpa theikhol ahih manin: Note in na vekpi un na siang kei uh hi a ci ahi hi. 12Amaute khe a sil khit ciangin puan silh in tu kik a: Tu lai tak a note tung kong bawl thu na thei uh hiam? 13Note in: Sia leh Topa nong ci uh hi. Tua thu in a man hi, nong cihmah bangun ka hi hi. 14 Keimah in note Topa leh sia ka hi napi-in, na khe uh kong silsak leh note khat leh khat na kisilsak dinguh hi. 15Keimah in note tungah kong sep bangin, note in na hihna dingun lim hong lak ka hi hi. 16Ken aman takpi kong cihin, sia in a topa sangin a lian zaw kei hi. Sawltakte in a sawlpa sangin a lian zaw kei hi. 17Tua thute tel na hih manun thupha na ngah dinguh hi. 18Note khempeuh kongci nuam kei hi. Ka teel mite ka thei hi: Keima an ne mi in a khetul tawh hong peek hi ci-in Lai Siangtho thu a tunna ding ahi hi. 19Hih thute hong tun ciangin tuapa ka hih lam na theihna dingun, hong tun ma in note kiangah kong genkhol hi. 20Ken aman takpi kong cihin, ka sawlpa a ngai mi in, kei zong hong ngai hi. Kei hong ngai mi in kei hong sawlpa zong a ngai hi a ci hi. A kilehheek ding genkholhna 21Tua thute a gen khit ciangin Jesu a lungmang mahmah a: Note khat in nong lehheek ding uh hi ci-in kician takin a gen hi. 22Kua a cihna hiam ci-in a nungzuite kimuang-mawh ciatin, khat leh khat a ki-en uh hi. 23Jesu angah a nungzuite khat kingam in a om hi. 24Amaute in: Kua a cihna hiam? ci-in Piter in lim tawh a lak hi. 25Tuapa in Jesu angah kingam in lum a: Topa aw, kua ahi hiam? a ci hi. 26Jesu in: Ama ading in khomun kamkhat ka diah khit ciangin ka piak pa ahi hi a cih khit ciangin khomun kamkhat diah in, Simon tapa Judas Isakariot a pia hi. 27Tua khomun kam khat a san khit ciangin a sung ah Satan a lut hi. Tua ciangin Jesu in: Na bawl ding thu a manlangin bawl in a ci hi. 28Bang hangin tua bangin gen hiam ci-in sabuai a tute kuamah in a thei kei uh hi. 29Amaute lakah kim khat in, Judas in dangka-ip kempa ahih manin: Pawikhamna ah a zat ding uh na khat peuh lei in ci ahih kei leh: Mi zawngte na khat

105 peuh na pia in a ci hi dingin a ngaihsun uh hi. 30Amah in khomun kamkhat a san khit ciang in thakhatin a paikhia hi. Tua hun in zankim ahi hi. Thukham thak 31Judas a paikhiat khit ciangin Jesu in: Tu in Mihing Tapa kiphat a, a sungah Pasian a kiphat ding hi. 32A sungah Pasian a kiphat leh Pasian in Tapa tha khat in a phat ding hi. 33Ka tanote aw, note tawh tawlkhat bek ka om khawm ding a, Ka paina munah nong tung zo kei dinguh hi ci-in Judah mite kiangah ka gen bangin, note kiangah zong kong ci hi. 34Thukham thak kong pia hi. Note khat leh khat na ki-it un la, note kong it bang in khat leh khat na ki-it un. 35Khat leh khat na ki-it uh leh, mi khempeuh in ka nungzuite na hihna uh a thei dinguh hi a ci hi. Piter nial ding genkholhna 36Simon Piter in: Topa aw, koi lamah pai ding na hi hiam? a cih ciangin Jesu in: Ka paina lam tu in nong zui zo kei dinguh hi. Tu nung ciangin nong zui dinguh hi a ci kik hi. 37Piter in: Topa aw, keimah in, bang hangin tu-in hong zui zolo ding ka hi hiam? Nang adingin ka nuntakna ka paai ding hi a ci hi. 38Jesu in: Kei adingin na nuntakna na paai ding hiam? Ken aman takpi kong cihin, thumvei nong nial khit ciang in ak a khuang ding hi a ci hi. 13:12-15; Lk. 22:27; 16 Mat. 10:24; Lk. 6:40; Jhn. 15:20; 18 La. 41:9; 20 Mat. 10:40; Mk. 9:37; Lk.9:48; 10:16; 33 Jhn. 7:34; 34 Jhn. 15:12; 17:1; Jhn. 3:33; 2Jhn. 5. Pa kiang tuna lampi Jesu in: Note lungmang kei un. Pasian um un la, kei zong hong um un. 2Ka Pa inn sungah omna tampi a om hi. A om kei leh, kong gen khin ding hi. Note omna ding mun bawlkhol dingin ka pai ding hi. 3Pai in na omna dinguh mun ka bawl leh, note kiangah hong paikik ding a, ka omna ah na om theihna dingun ka hong la ding hi. 4Ka paina ding lampi na thei kei uh hi a ci hi. 5Thomas in: Topa aw, na paina ding lampi bangci theih ding ka hi uh hiam? a ci hi. 6Jesu in: Keimah in lampi ka hi hi. Thuman thutak ka hi hi. Nuntakna zong ka hi hi. Kei hong suang loin kuamah Pa kiang a tung thei kei ding hi. 7Note in kei nong theih uh leh Pa zong na thei

JOHAN 14 ding uh a, tu a kipan in ka Pa na mu zo uh hi a ci hi. 8Filip in: Topa aw, Pa hong lak lecin ka deihna uh kicing ding hi a ci hi. 9Jesu in: Filip aw, note tawh hih tanvei ka omkhop hangin, bang hangin hong theilo na hi hiam? 10Pa sung ah ka om a, kei sungah Pa a om cih umlo na hi hiam? Note kiangah kong gen thu in, keima thu hong hilh ka hi kei hi. Kei sungah a om Pa in amah na hong bawl hi. 11Pa sungah ka om a, Pa in ka sungah a omna na um un. Ahih kei leh ka bawlna thute ngaihsunin um un. 12Ken aman takpi kong cihin, kei hong um mi in, ka bawl bang nate bawlin, tua sangin a lian zaw a bawl ding uh hi. Bang hang hiam cihleh, Pa kiangah ka ciah ding hi. 13Ka min suangin thu na nget khempeuh uh Ta tungah Pasian phatna a kilatna dingin hong hih ding hi. 14Ka min suangin na nget khempeuh uh hong hih ding hi. Kha Siangtho ciamna 15Kei nong it uh leh, ka thukhamna na ngai ding uh hi. 16Pa kiangah thu ka ngen ding a, note tawh a om khawm tawntung ding Kha Siangtho ahi huhpa dang hong pia ding h. 17Tua Kha Siangtho leitung mite in theilo ahih ciangin a sang zo kei dinguh hi. Tua Kha Siangtho note sung ah om ding ahih manin na thei ding uh hi. 18Note tagah bangin kong nusia kei ding hi. khit ciangin leitung mite a hong mu kei dinguh hi. Note in ahih leh nong mu dinguh a, nungta ka hih manin note zong na nungta dinguh hi. 20Pa sungah ka om bangin, kei sungah note na omuh leh tua ni ciangin note sungah ka om lam na thei dinguh hi. 21Ka thukhamna nei in, a zuite mi in kei hong it hi. Kei hong it mite ka Pa in a it ding hi. Ken zong amah ka it ding a, a kiang ah ka kilang ding hi. a ci hi. 22Judas Iskariot ahi lo a dang Judas in: Topa aw, ko kiang ah na kilat hangin, bang hangin leitung mite kiangah kilang lo ding na hi hiam? a ci hi. 23Jesu in: Kei hong it mi in ka thu zui ding a, ka Pa in amah it in, a kiangah hawh in, amah tawh ka om khawm ding hi. 24Kei hongit lo mi in, ka thu a zui kei hi. Note zak thute in kei thu hi loin kei hong sawlpa thu ahi hi.
19Tawlkhat

14

JOHAN 15 25Note tawh ka omkhop lai takin hih thute kong kong hilh khin hi. 26Ahih hangin ka min tawh Pa in hong sawl ding Huhpa a kici Kha Siangtho in na khempeuh hong hilh ding a, kong gen thu khempeuhte hong phawksakkik ding hi. 27Note nopna kong pia hi. Leitung mite in a piak bangin kong pia kei hi. Na lungmang kei un la, na lau kei un. 28Ka ciah hangin note kiangah kong pai kik ding hi ka cihna thu na za khin uh hi. Nong it uh leh Pa kiangah ciah ding pen na nuam dinguh hi. Ka Pa in kei sangin a lian zaw hi. 29Tua thu a tun ciangin na upna dingun hong tunma in kong genkhol khin hi. 30Tua kipan in note kiangah thu tampi ka gen nawn kei ding hi. Bang hang hiam cihleh, leitung ukpa hong pai a, ahih hangin kei tungah thu a nei kei ding hi. 31Ahih hangin keimah in Pa thupiakna bangin hilh in, Pa ka it cih leitung mite in a theihna ding ahi hi. Tho un! paikhia ni. Jesu in leenggui Keimah in leenggah gui ka hi a, ka Pa in leenggah gui lo cingpa ahi hi. 2Kei tungah a gah lo hiang khempeuhte a sattan ding hi. A gah thei hiangte in a gah semsemna dingin a hah siang ding hi. 3Ka thu hilhna hangin note tuin na siangtho uh hi. 4Kei sungah om un. Note sungah kei zong ka om ding hi. Leenggah hiang in gui tawh a kizop keileh, a gah theih loh bang in, note zong ka sungah na om kei uh leh na gah zo kei dinguh hi. 5Keimah in leenggah gui ka hi hi. Note in a hiangte na hi uh hi. Note in ka sungah om in, note sungah ka om leh, tua mi in tampi a gah thei hi. Ka sungah na om kei uh leh bangmah na hih thei kei dinguh hi. 6Ka sungah a om lote in hiang bangin kipaikhia in, a kikeu sak hi. Tua ciangin mite in khawmuh a, mei sungah khulin, mei in a kangtum hi. 7Ka sungah na om uh a, ka thu in note sungah a om leh, na nget peuhmah uh na ngah dinguh hi. 8Note in tampi na gah uh leh ka Pa minthanna na kilangsak dinguh a, note in ka nung a zui takpite na hi dinguh hi. 9Pa in kei hong it bangin note kong it hi. Ka itna sungah om un. 10Ka Pa thukhamte zui in, hong itna sung ah ka om mah bangin note in ka thukhamte na zuih uh leh, ka sungah na om

15

106 dinguh hi. 11Note sungah ka lungdamna om in, note lungdamna a kicinna dingin hih thute note kiangah kong gen hi. 12Ka thukhamna in, note kong it bangin note zong khat leh khat na ki-it un. 13A lawmte tang dingin nuntakna a paai itna sangin itna lian zaw kua mah in a nei kei hi. 14Ka thukham bangin na hihuh leh ka lawmte na hi ding uh hi. 15Sila in a topa bawlna thu thei lo uh a, ka Pa kiangah ka thu zakte note hong theisak khin ka hih manin, tu a kipanin note sila kong ci nawn kei ding a, lawmte kong ci ding hi. 16Note in nong teel kei uh a, ken kong teel zaw hi. Note pai in a tampi na gah khituh ciangin, na gahuh a kipna dingin kong koih khin hi. Tua ciangin ka min tawh thu na nget khempeuh uh Pa in hong pia ding hi. 17Hih thukham kong pia hi: Khat leh khat na ki-it un. Leitung mite muhdahna 18Leitung mite in hong muhdah leh, note hong muhdah ma in kei hong mudah khin hi ci-in na thei ta un. 19Leitung mite tawh na kipawl uh leh, leitung mite in note hong it dinguh hi. Ahih hang in, note in leitung mite tawh na kipawl kei uh a, leitung mite lak panin note kong teelkhia hi. Tua ahih ciangin leitung mite in note hong mudah uh hi. 20Sila in a topa sangin a lian zaw kei hi, ci-in ka gensa thu na ngaihsun un. Amaute in kei hong bawlsia ahih uh leh, note zong hong bawlsia zaw kan ding hi. Amaute in ka thu a zuih uh leh, note thu zong a zui ding hi. 21Amaute in hong sawlpa thei lo uh ahih manin, ka min hangin tua thute khempeuh note tungah hong bawl dinguh hi. 22Kei hong pai in amaute thu hilhlo hi lengh, amaute in mawhna a nei dinguh hi. Tu in ahih leh, amaute mawhna pan a suahtak theihna ding a nei kei uh hi. 23Kei hong mudah mi in, ka Pa zong a mudah hi. 24Mi dangte bawl ngei loh amaute lakah bawllo hi lengh, mawhna a nei kei dinguh hi. Ahih hangin tu-in amaute in kei leh ka Pa hong mu in, a hong mudah uh hi. 25Tua ahih ciangin: Thu omlo pi-in, kei hong mudah uh hi ci-in amaute Thukhamna sungah a kigelh bangin a tunna ding ahi hi. 26Pa kiang panin a pusuak, thuman thutak Kha Siangtho ahi Pa kiang panin note kiangah kong sawl ding Huhpa in a hong tun ciangin,

107 keima adingin teci a pang ding hi. 27Note in zong a cil panin kei tawh om khawm na hih manun teci na pang dinguh hi. 15:12 Jhn. 13:34; 15:17; 1Jhn. 3:23; 2Jhn. 5; 20 Mat. 10:24; Lk. 6:40; Jhn. 13:16; 25 La. 25:19; 69:4. Kha Siangtho nasepna Note na kipuk lohna dingun hih thute kong genkhol hi. 2Amaute in kikhopna inn sung panin hong hawlkhia dinguh hi. Hi hi; hong that mi khempeuh in Pasian na ka sem hi ci-in a kium dinguh hi. 3Amaute in ka Pa thei loin kei zong hong theilo ahih manun, tua bangin a bawl dinguh hi. 4Amaute hun a tun ciangin kong gensa thute na phawkkikna dingun tu in kong gen khol hi. Note tawh om khawm lai ka hih manin, a cil panin hih thute note kiangah kong gen kei hi. 5Ahih hangin tu in kei hong sawlpa kiang ah ciah ding ka hih manin: Koi lai ah pai ding na hi hiam? ci-in note lakah kuamah in nong dong kei uh hi. 6Ahih hangin hih thute note kiangah kong gen ciangin, note lungsim in dahna tawh a kidim khin hi. 7Ken aman takpi kong cihin, ciah lengh note adingin a pha zaw ding hi. Bang hang hiam cihleh, ka ciah kei leh Huhpa in note kiangah hong pailo ding hi. Ahih hangin ka ciah leh, tuapa in note kiangah kong sawl ding hi. 8A hong tun ciangin: mawhna, siangthona leh thukhenna thute leitung mite kiangah a pulak ding hi. 9Amaute in kei hong up loh manun, a mawhna uh a pulak ding hi. 10Pa kiangah ka ciah leh, note in hong mu nawnlo ding na hih manun, sianthona a pulak ding hi. 11Hih leitung ukpa in thukhenna thuak zo ahih ciangin thukhenna a pulak ding hi. 12Note kiangah thu tampi gen ding a om hang in, tu-in na sang zo kei ding uh hi. 13Ahih hangin thuman thutak Kha Siangtho hong tun ciangin, thuman thutak a vekpi hong hilh ding hi. Amah in a ut bang gen loin, a zaksa thu khem-peuh hong gen ding hi. 14Keima aa la in note kiangah hong gen in, ka minthanna hong kilang sak ding hi. 15Ka Pa neihsa khempeuh keima aa ahi hi. Tua ahih ciangin, keima aa la in note kiangah hong gen ding hi, kong ci hi. Dahna pan lungdamna 16Tawlkhat khit ciangin nong mu kei dinguh a, tawlkhat khit ciangin nong mu kik ding uh hi a ci

16

JOHAN 16 hi. 17Tua ciang in a nungzuite kimkhat in: Tawlkhat khit ciangin mulo ding a, tawlkhat khit ciang in mu kik ding a cih leh Pa kiangah ka pai ma in a cih in bang a deihna hi hiam? ci-in khat leh khat a kidonguh hi. 18Tua ciangin: Tawlkhat khit a cih ciangin bang a cihna ahi hiam? ka thei kei uh hi ci-in a genuh hi. 19Amaute in a dot nopna uh Jesu in a theih ciangin: Tawlkhat khit ciangin note in nong mu kei dinguh a, tawlkhat khit ciang in, nong mu kik dinguh hi ka cihna thu note kidong na hi uh hiam? 20Ken aman takpi kong cihin, note kap in na kiko dinguh hi. Leitung mite ahih uh leh a lungdam dinguh hi. Note na dahuh hangin na dahna uh lungdamna a suak ding hi. 21Numei in ta a suah lai takin, a hun tungah ahih manin a dah hi. Ahih hangin a suah khit ciangin, leitungah mi khat kibehlap ahih manin, lungdam in a gimna zong a phawk nawn kei hi. 22Tua ahih manin tu in na dahuh hangin, nung ciangin kong mu kik ding a, na lungdam dinguh hi. Note lungdamna kuamah in hong sut zo ngei kei ding hi. 23Tua Ni ciangin ka kiangah bangmah nong dong kei dinguh hi. Ken aman takpi kong cihin, note in ka min tawh Pa kiangah thu na nget khempeuh uh hong pia ding hi. 24Tu dongin, ka min suangin bangmah na ngen kei uh hi. Na lungdamna uh a kicinna dingin ngen un, na ngah dinguh hi. Leitung zawhna 25Tua thute thugentehna tawh kong gen khin hi. Thugentehna lo tawh Pa thu tel takin kong gen ding hun hong tung ding hi. 26Tua ni ciangin note in ka min suangin thu na ngen dinguh hi. Note adingin Pa kiangah ngen ning kaci kei hi. 27Note in kei hong it in, Pa kiang panin hong pai hi ci-in nong upna hangun Pa in zong note hong it ding hi. 28Keimah in ka Pa kiang panin hong pusuak in leitungah kong kumsuk a, leitung pan in khatvei ka pusuak in Pa kiangah ka pai kik ding hi a ci hi. 29A nungzuite in: Tu in thugentehna zang loin in tel takin nong gen hi. 30Na khempeuh na thei a, kuamah in nang hong dotna ding thu a om kei hi ci-in tu in ka thei uh hi. Tua ahih ciangin nangmah in Pasian kiang panin hong pai hi ci-in ka um uh hi a ci uh hi. 31Jesu in: Tu in nong um takpi uh hiam? 32En un, note in na omna panun kikhenthang in, kei guak bek nong nusiat hun uh

JOHAN 17 hong tung ding a, zong hong tung khin hi. Ahih hangin kei guak ka om kei hi. Pa in kei tawh a om khawm hi. 33Note in ka sungah a om nopna na neih theihna dingun hih thute kong genkhol hi. Note in leitungah gimna na thuak dinguh hi. Ahih hangin lunghimawh kei un leitung ka zozo hi ci-in a gen hi. A nungzuite ading thungetna Hih thute a gen khit ciangin, van lam ento in: Pa aw, a hun tung zo hi. Tapa in hong minthansakna ding in, Tapa hong minthang sak in. 2Ta khut sungah na piak khempeuhte, nuntak tawntungna na piakna dingin minam khempeuh ukna dingin Ta na pia hi. 3Amaute in, Pasian taktak khat bek na hihna leh na sawlpa Jesu Khris a theihna un nuntak tawntungna ahi hi. 4Sep dingin nong piakte sem zo ka hih manin, leitungah na min ka thangsak khin hi. 5Pa aw, lei pian ma in, na kiangah ka neihsa minthan tawh tu in, na kiangah hong minthang sak in. 6Leitungah nong piaksa mite kiangah na min ka lak khin hi. Tuate in nangma neihsa hi uh a, hong pia khin na hih manin, na thu amaute in a zui uh hi. 7Kei nong piak khempeuhte in, na kiang panin hong pai hi ci-in ka thei hi. 8Na kiang panin pai ka hihna leh nang ma nong sawl ka hih lam thei in um takpi uh ahih manun, nong piak thute amaute ka pia a, amaute in a sanguh hi. 9Amaute adingin thu ka ngen hi. Nong piak mite in, na neihsa ahih manun amaute adingin thu ka ngen hi. 10Ka neihsa khempeuh nangma neihsa ahi hi. Na neihsa khempeuh keima aa ahi hi. Amaute hangin minthanna ka ngah hi. 11Tua a kipan in leitungah ka om nawn kei ding hi. Hih mite in leitungah a om lai dinguh hi. Nangma kiangah kong pai kik ding hi. A siangtho Pa aw, nang tawh pumkhat i hih mah bangin, amaute zong pumkhat a suahna dingun nong piaksa hih mite na min tawh kipsak in. 12Amaute tawh ka omkhop lai takin nong piaksa mite na min tawh kipsak khin in, amaute ka kem zo hi. Lai Siangtho thu a tunna dingin, Tapa longal kua mah a kisia kei ding hi. 13Tu in, na kiangah kong pai ding hi. Ka lungdamna in hih mite tungah a kidimna dingin, hih thute leitungah ka om lai in ka gen hi. 14Amaute kiang ah na thu ka pia khin

17

108 hi. Lei tung tawh ka kipawl loh mah bangin, amaute zong kipawl lo ahih man un, leitung mite in a muhdah uh hi. 15Leitung panin amaute la khia in ci-in thu kong ngen kei hi. Gilopa tawh a kipelhna dingun thu kong ngen zaw hi. 16Leitung tawh ka kipawl loh mah bangin, amaute zong a kipawl kei uh hi. 17Thuman thutak tawh amaute na siangtho sak in. Na thu in thuman thutak ahi hi. 18Leitungah nong sawl mah bangin, leitungah amaute zong ka sawl hi. 19Amaute zong thuman thutak tawh na siantho sakna dingin, ken zong ka kisiangtho sak khin hi. 20Hih mite ading bekin thu ka ngen kei hi. Amaute thuhilhna hangin kei a hong um mite adingin zong ka ngen hi. 21Nong sawlna thu leitung mite in a upna dingun Pa aw, ka sungah na om a, keizong na sungah ka om mah bang in, amaute zong ei sungah om in pumkhat a suahna ding un thu kong ngen hi. 22Ei zong pum khat i hih bang in, keimah in amaute sungah om in, ka sungah na om mah bang in, amaute in pumkhat suak in, a kipumkhatna uh a kicinna dingin, kei nong sawl hi. 23Nong it bangin, amaute na itna thu leitung mite in a theihna dingun, nong piaksa minthanna in amaute tungah ka pia khin hi. 24Pa aw, kei nong piak mite in zong, nong piak minthanna a muhna ding un, ka omna ah na om khop sakna dingin ka deih hi. Bang hang hiam cihleh, lei pianma pan kipan in nong it hi. 25A siangtho ka Pa aw, leitung mite in nang hong theih lohuh hangin ken kong thei hi. Hih mite in nong sawlna thu a thei uh hi. 26Itna tawh nong itna in amaute sungah om in, kei zong amaute sungah ka omna dingin, nangma min amaute kiangah ka lak khin a, ka lak lai ding hi ci-in thu a ngen hi. 17:12 Lk. 41:9; Jhn. 13:14. Jesu a kilehheekna Jesu in hih thute khempeuh a gen khit ciangin a nungzuite tawh huan khat omna Kidron kici lui gal khatah pai in, a nungzuite tawh huan sungah a lut uh hi. 2Jesu in a nungzuite tawh pai denuh ahih manin, a lehheekpa Judas in zong tua mun a thei hi. 3Tua lai takin Judas in galkap pawlkhat leh siampi liante leh Farisaite a paisak palik mangte tawh: meivak, meilah leh

18

109 hiamte tawi in tua munah hong pai uh hi. 4Jesu in a tungah a piang khempeuh thei ahih manin paikhia in: Note in kua zong na hi uh hiam? ciin a dong hi. 5Amaute in: Nazareth mi Jesu ka zong uh hi a ci uh leh Jesu in: Keimah in tuapa ka hi hi a ci hi. Tua lai takin a lehheekpa Judas in amaute tawh a ding khawm hi. 6Jesu in: Keimah in tuapa ka hi hi ci-in a gen lai takin, amaute nungkik in lei lakah a puk uh hi. 7Jesu in: Note in kua zong na hi uh hiam? ci-in a dot kik leh amaute in: Nazareth mi Jesu ka zonguh hi a ci uh hi. 8Jesu in: Keimah in tuapa ka hi hi kong ci khin hi a ci hi. 9Kei nong piak mite khat zong a mangthang kei hi a cihna thu a tunna ding in Jesu in: Keimah hong zong na hih uh leh hih mite paikhia ta hen a ci hi. 10Tua lai takin Simon Piter in a namsau dok in siampi ukpa silapa a sat leh a taklam bil a satkhia hi. Tuapa min in Malkhas ahi hi. 11Tua ciangin Jesu in Piter kiangah: Namsau a paai ah siat kik in. Pa in kei hong piak hai dawn lo ding ka hi hiam? a ci hi. Siampi ukpa mai-ah Jesu 12Tua lai takin galkapte a kipan galkap mangpa leh Judah upa nasemte in Jesu manuh a, khau tawh a hen uh hi. 13Tua khit ciangin Annas kiangah a paipih masa uh hi. Amah in tua kum in siampi ukpa Kaiafas sungpa ahi hi. 14Tua Kaiafas in: Mite tang dingin mi khat a sih leh a pha hi ci-in Judah mite tawh a vaihawmpa ahi hi. Piter nialna 15Simon Piter leh a dang nungzuite khat tawh Jesu nung a zui uh hi. Tua a zuipa in siampi ukpa tawh kimel theih ahih manin Jesu tawh siampi ukpa inntual ah a lut khawm uh hi. 16Ahih hangin Piter in a pua lam kongpi gei ah a ding hi. Siampi ukpa tawh a kimeltheih nungzuipa in paikhia a, kongcing numei kiangah a gen khit ciangin Piter a lut sak hi. 17Tua kongpi a cing numei in: Nangmah in hipa nungzui khat hilo na hiam? a cih ciangin: Ka hi kei hi a ci hi. 18Tua lai takin silate leh nasemte in inntual ah meiphual cihuh a, khuadam ahih manin, tuasan tak ah mei awi in a dinguh a, Piter in zong amaute tawh mei a awi khawm hi. Siampi ukpa dotna 19Tua ciangin siampi ukpa in a nungzuite leh a thuhilhna thute a dong hi. 20Jesu in: Leitung

JOHAN 18 mite mai-ah a kilangin ka gen khin hi. Judah mite kikhopna inn leh biakinnpi sungah a tawntungin thu ka hilh hi. A simtham in thu ka hilh kei hi. 21Bang hangin kei hong dong na hi hiam? Ka thu a zate kiangah bang thu gen ka hiam cih na dong in. Ka thugen thute amaute in a thei dinguh hi ci-in a dawng hi. 22Tua bangin a dawn ciang in, a gei ah a ding nasem khat in: Bang hangin, tua bangin siampi ukpa dawng kik na hi hiam? ci-in a khut tawh Jesu a beeng hi. 23Jesu in: Thuman lo gen ka hih leh, a man lohna hong lak in. Aman ka gen leh bang hangin hong beeng na hi hiam? ci-in a dawng kik hi. 24Tua ciangin Annas in siampi ukpa Kaiafas kiangah kihen sa in a paisak hi. Piter nial kikna 25Piter in dingin mei a awi lai takin amaute in: Nangmah in Jesu nungzui khat hilo na hiam? ci-in a dotuh leh: Ka hi kei hi ci-in a nial hi. 26Piter in a bil a satpa tawh a kibeh, siampi ukpa sila khat in Piter kiangah: Jesu tawh huan sungah hong mu hilo ka hi hiam?a ci hi. 27Piter in a nial kik hi. Tua khit phet in ak a khuang hi. Pilat maiah Jesu 28Tua ciangin Kaiafas kiang panin manginn ah Jesu a paipih uh hi. Tua hun in zingsang tung ahi hi. Amaute in nin loin paisan pawi a nek theihna ding un, manginn sungah a lut kei uh hi. 29Tua ciangin Pilat hong paikhia a: Hihpa in mawhna bang nei ahi hiam? ci-in a dong hi. 30Amaute in: Hipa in migilo hi kei leh, na kiang ah kong paipih kei dinguh hi a ci uh hi. 31Tua ciangin Pilat in: Hihpa la un la, na ngeina bangin thu na khen un a ci hi. Judah mite in: Kote in mi thah theihna thu ka nei kei uh hi a ci uh hi. 32Tua bang a cih ciangin, Jesu in bangci sih ding cih a lahna leh genkholhnate a tangtunna ding ahi hi. 33Pilat mangpa in, innsung ah a lut kik khit ciang in Jesu sam a: Judah kumpipa na hi hiam? ci-in a dong hi. 34Jesu in: Nangma ut thu tawh bang hangin hong dong na hi hiam? Ahih kei leh midangte in ka thu hong gen khinuh ahi hiam? ci-in a dawng hi. 35Pilat in: Judah mi ka hi hiam? Na minamte leh siampi liante in ka khut sungah nang hong pia uh hi. Nang bang khialhna nei na hi hiam? ci-in a dot ciangin Jesu

JOHAN 19 in: Ka gam in leitung ahi kei hi. 36Leitung hi leh Judah mite khut sung ka tun lohna dingin ka mite in a do dinguh hi. Tu in ka gam in hih munah a om kei hi a ci hi. 37Pilat in: Tua bang ahih leh kumpipa na hi hiam? ci-in a dot ciangin Jesu in: Kumpipa hi nong ci hi. Ken ahih leh thuman thutak ading teci pang dingin, leitungah hong kum in kong suak hi. Thuman thutak a deih mi khempeuh in ka aw a ngai uh hi a ci hi. 38Pilat in: Thuman thutak bang ahi hiam? a ci hi. Tua thute a gen khit ciangin Judah mite kiangah paikhia in: Hihpa tungah mawhna ka mu kei hi. 39Ahih hangin Paisan Pawikhamna ah mi khat khah ding ngeina khat a om hi. Tua ahih ciangin note kiangah Judahte kumpipa ka khah ding nong awi uh hiam? a ci hi. 40Amaute in: Hihpa khah dingin ka deih kei uh hi. Barabas na khah ding ka deih uh hi ci-in nakpi takin a kiko kik uh hi. Barabas in misuampa ahi hi. 18:11 Mat. 26:39; Mk. 14:36; Lk. 22:42; 14 Jhn. 11:49-50; 42 Jhn. 3:14; 12:32. Si dingin thukhenna Tua lai takin Pilat in Jesu la khia in a sat hi. 2Galkapte in ling tawh kigan lukhu khusak in, puanza san a silh sak uh hi. 3Tua khit ciangin: Judahte kumpipa aw, na cidam ta hen! ci-in a beenguh hi. 4Pilat paikhia kik a: Hih pa tungah mawhna bangmah ka mu loh lam na theihna dingun note kiangah kong la khia hi. 5Tua ciangin Jesu ling lukhu khu in, puanza san silh in a paikhia hi. Pilat in: En un hihpa a ci hi. 6Siampi liante leh upate in Jesu a muhuh ciangin: Singlamteh tungah that in! Singlamteh tungah that in! ci-in a kiko kik uh hi. Pilat in: La un la, singlamteh tungah that un. A tungah mawhna ka mu kei hi a ci hi. 7Tua ciangin Judah mite in: Kote in Thukham ka nei uh hi. Amah in Pasian Tapa ka hi hi ci ahih manin, tua thu tawh kituak in si dingin a kilawm hi ci-in a genuh hi. 8Tua thu Pilat in a zak ciangin lau semsem a, manginn sungah a lut kik hi. 9Tua ciang in: Koi panin hong pai na hi hiam? ci-in a dot ciangin Jesu in kam khat beek a dawng kei hi. 10Tua ciangin Pilat in: Ka kiangah thu hong gen nuam lo na hi hiam? Nangmah khahna ding leh

19

110 singlamteh tung ah ahi zongin thahna ding thu neipa ka hi hi a ci hi. 11Jesu in: Tung lam pan thu na ngah kei leh, ka tungah bang mah na hih thei kei ding hi. Na khut sungah kei hong pia-pa in khialhna lian zaw a nei hi ci-in a dawng hi. 12Tua a kipan in Pilat in Jesu khahna ding lampi a zong zaw hi. Ahih hangin Judah mite in: Hihpa na khah leh Kaisar kumpipa lawm na hi kei ding hi. Kaisar kumpipa gal in a kibawl na hi hi a ci uh hi. 13Tua thu a zak ciangin Pilat in Jesu paikhiatpih a, Hebru kam tawh: Gabbatha kici: Suangphah a cihna mun ah thukhenna tokhom tung ah a tu hi. 14Tua lai takin paisan pawi kigin ni, sun naisawm leh nainih lai tak ahi hi. Pilat in Judah mite kiangah: En un! Note Kumpipa ci-in a gen hi. 15Tua ciangin amaute in: Tuapa that in! tuapa that in! ci-in a kiko uh hi. Pilat in: Na Kumpipa uh singalmteh tung ah that ding ka hi hiam? ci-in a dot ciangin: Kaisar kumpipa longal adang kumpi ka nei kei uh hi ciin siampi liante in a dawng kikuh hi. 16Tua ciang in, Pilat in Jesu singlamteh tungah thah dingin, amaute khut sungah a pia hi. Singlamteh tungah thahna 17Tua ciangin amaute in Jesu la in, a paipih uh hi. Jesu in a singlamteh pua in, Hebru kam tawh: Golgotha kici: Lungtang guh mun ah pai dingin a paikhia uh hi. 18Tua munah Jesu singlamteh tungah a khai uh hi. A lang tuakah mi nih tawh khai khawmuh a, Jesu a laizangah a om hi. 19Pilat in singlamteh tungah suan ding lai gelh a: JUDAHTE KUMPIPA, NAZARETH KHUA MI JESU AHI HI a ci hi. 20Jesu a kithahna mun in Jerusalem khuapi tawh kinai ahih manin, tua lai Judah mi tampite in a sim uh hi. Tua lai pen: Hebru, Latin leh Grik kam tawh kigelh hi. 21Tua ciangin, Judah siampi liante in Pilat kiangah va pai uh a: Keimah in Judahte Kumpipa ka hi hi, a ci hi: ci-in gelh in a ci uh hi. 22Pilat in: Ka gelhsa in ka gelh khin hi a ci hi. 23Galkapte in Jesu singlamteh tungah a khai khituh ciangin, a puante la in, sehli a suah khat ciat la uh a, a puanak zong a la uh hi. Hih puanak in, kikhui loin, a lu pan a kikhum suk thei dingin a kiphan ahi hi. 24Tua ciangin: Hih puan balkek kei ni, kua in ngah ding hiam cih lai-ai i

111 saan ding hi ci-in Lai Siangtho sungah a kigelh thu a tangtunna dingin galkapte a kikum uh hi. Tua thu in: Amaute khat leh khat in ka puante a hawm uh hi. Ka puan tungah lai ai a saan uh hi ci-in a kigelh hi. Galkapte in tua bangin a hih uh hi. 25Jesu singlamteh phungah a nu sanggamnu Klopas zi Mari leh Magdala khua mi Mari-te a dinguh hi. 26Jesu in a nu leh a it nungzuipa a kiang ah a ding a muh ciangin: Numei aw, na tapa en in! a ci hi. 27A nungzuipa kiangah: Nang na nu en in! a ci hi. Tua pan kipanin tua nungzuipa in Jesu nu a innah a khoi hi. Jesu sihna 28Tua khit ciangin Jesu in thu khempeuh kizo khin cih a theih ciangin, Lai Siangtho sungah a kigelh bangmah in a tunna dingin: Tui ka duh hi a ci hi. 29Tua munah tuikha tawh a kidim beel khat a om hi. Amaute in tuipan khat tua sungah a diah khit uh ciangin, pumpeng dawnah koih in, a kamah a bak uh hi. 30Jesu in tua tui a ngah khit ciangin: Ka zo zo hi ci-in a lu kunin a si hi. Jesu pang kisun 31Tua ni in kigin ni ahih manin, a luang in Nipi ni-in singlamteh tungah a om lohna dingin Judah mite in Pilat kiangah a khe kuaitan in a luang a paikhiatna ding thu a va ngen uh hi. Bang hang hiam cihleh, amaute adingin Nipi ni-in a thupi mahmah ahi hi. 32Tua ahih ciangin galkapte hong pai uh a, Jesu tawh singamteh tungah a kikhai khawm khat a khe a kuaihtan khituh ciang in, a khatpa khe zong a kuai tan uh hi. 33Jesu kiang a tun uh ciangin, a si khin hi ci-in a muhuh ciang in, a khe a kuai tan kei uh hi. 34Ahih hangin galkap khatin a pang tei tawh a sut leh thakhat in si leh tui hong luangkhia hi. 35Tua thu a mu mite in teci a pang hi. Ama tecipanna thu a man hi. Note in na up theih lohna ding un a genna thute in thuman hi ci-in a thei hi. 36Bang hang hiam cihleh: A guh khat bek a kikuaitan kei ding hi ciin Lai Siangtho sungah a gen bang in a tunna dingin hih thute a kibawl ahi hi. 37A dang Lai Siangtho sung ah: Amaute in a sutpa uh a en dinguh hi ci-in a kigelh hi. Jesu kivuina 38Tua khit ciangin Arimathai khua mi Josef in Judah mite a kihtak manin a kilang loin Jesu thu

JOHAN 20 a zuipa in, Jesu luang a paipihna dingin Pilat kiangah ngen a, Pilat in thupia a pia hi. Tua ciang in amah pai in Jesu luang a paipih hi. 39Khatvei lai a, zankim lai takin Jesu kiangah a paipa Nikodemas in pound zakhat a man mirrah leh aloes kihel paknamtui a paipih hi. 40Tua ciangin Jesu luang la uh a, Judah mite kivui ngeina bangin paknamtui tawh dial sungah a tun uh hi. 41Singlamteh tungah a kikhaina mun a nai ah huan khat om a, tua huan sungah kuama kivui ngei lohna han thak khat a om hi. 42Judah mite kiginkholh ni hi-in, tua han nai ahih manin tua munah Jesu a vui uh hi. 19:24 La. 22:18; 28 La. 69:21; 22:15: 36 Pai. 12:46; Gam. 9:12; La. 34:20; 37 Zek. 12:10; Mang.1:7; 39 Jhn. 3:1-2. Thawhkikna Ni sagih lakah ni kipat ni, khuavak ma zingtungin Magdala khua mi Mari hanah pai leh han kong khakna suang a kilem khia khin in a mu hi. 2Tua ciangin tai mengmeng a, Piter leh Jesu a it a nungzuipa kiangah tungin: Han sung panin Topa luang a paikhiat pih zo uh hi. Koi lai takah koih uh hiam cih ka thei kei hi. ci-in a gen hi. 3Tua lai takin Piter leh adang nungzui pa paikhia uh a, han lamah a tai uh hi. Ahih hangin adang nungzuipa in Piter a makhelh in han a tung masa hi. 5Amah kunsuk in a sung a et ciang in saihadial leh a puan bek a muh hang in, han sungah a lut kei hi. 6Simon Piter in a nung ah hong tung a, han sungah a lut hi. 7Saihadial puan a om hangin, a lu tunna puan tawh a om khawm kei hi. 8Tua lai takin, han a tung masa adang nungzuipa in zong han sungah lut a, a muh ciangin a um hi. 9Tua ciangin Jesu in sihna panin thokik ding a cihna Lai Siangtho sungah a om thu a thei nai kei uh hi. 10Tua ahih ciangin tua nungzuite in a inn ciatah a ciahuh hi. Magdala Mari tungah kilatna 11Mari in han lamah dingin a kah kawm in, kun suk in han sung a en hi. 12Vantungmi nih puanpak silh in Jesu luang a kisialna a lu lamah khat, a taw lamah khat tu in om a mu hi. 13Amaute in: Numei aw, bang hangin kap na hi hiam? ci-in a dot ciangin Mari in: Ka Topa a paikhiat pih zo uh a, koi lai-ah koihuh hiam cih ka thei kei hi a ci hi. Tua khit ciangin a nung lamah a kihei leh Jesu

20

JOHAN 21 dingin a om a mu hi. Ahih hangin Jesu ahih lam a thei kei hi. 15Jesu in: Numei aw, bang hangin kap na hi hiam? Kua zong na hi hiam? ci-in a dot leh Mari in Jesu pen huancingpa sa a: Topa aw, amah na paikhiat pih leh na koihna hong gen in, ka va la ding hi a ci hi. 16Jesu in: Mari aw a cih ciangin Mari kihei in Hebru kam tawh: Ribboni aw a ci hi. Riboni a khiatna in: Topa a cihna ahi hi. 17Jesu in: Ka Pa kiangah kahto nailo ka hih manin, hong len kei in. Ka sanggamte kiangah pai in la: Ka Pa ahi note Pa, ka Pasian ahi note Pasian kiangah ka kahto ding hi ci-in amaute kiangah va gen in ci-in a sawl hi. 18Tua ciangin Magdala Mari zong pai a: Topa ka mu khin hi, tua thute hong gen zo hi ci-in a nungzuite kiangah a gen hi. A nungzuite tungah kilatna 19Ni sagih lakah ni kipat ni, a nitak in Judah mite a kihtak manuh, a nugnzuite in kikhopna kongte khak in omuh a, tua sungah thakhat in Jesu in, amaute laizangah hong dingin: Nopa na ngah ta un! a ci hi. 20A cih khit ciangin a khut leh a pang a lak hi. Nungzuite in Topa a muhuh ciangin a lungdamuh hi. 21Jesu in: Nopna na ngah ta un. Pa in kei hong sawl bangin note kong sawl hi a ci kik hi. 22Tua khit ciangin a maute mut a: Kha Siangtho na sang un. 22Mi mawhna na maisak uh leh, tua mi mawhna ka maisak dingin hi. Mi mawhna na om sak uh leh tua mi mawhna a om lai ding hi ci-in thu a pia hi. Thomas uplohna 24Jesu a kilak lai takin sawm leh nihte lakah khat Didimas kici Thomas a kihel kei hi. 25Nungzui dangte in: Topa ka mu khinuh hi ci-in Thomas kiangah a genuh ciangin amah in: A khut sik khetna pawn mu-in, a pawn sungah ka khutme tawh lawngin, a pang zong ka khut tawh ka lawn kei, ka um kei ding hi a ci hi. 26Tua khit nigiat ni ciangin, a nungzuite inn sungah khatvei kikhawm kikuh a, Thomas zong a om hi. Kongte a khakcip lai takin Jesu hong kilangin amaute laizangah hong ding a: Nopna na ngah ta un a ci hi. 27Tua ciangin Thomas kiangah: Na khutmete zanin la, ka khut en in. Na khut zan in la, ka pang lawng in, um khial kei in la, um in a ci hi. 28Thomas in: Ka Topa leh ka Pasian aw a ci hi. 29Jesu in: Nong muh manin um na hi hiam?

112 Hong mu loin a um mite in thupha a ngah dinguh hi a ci hi. Laibu a deihna 30Hih laibu sungah a kigelh lo lim leh na lamdang tampi zong Jesu in a nungzuite mai-ah a lak hi. 31Jesu in Khris hi in, Pasian Tapa ahihna note na up theihna dinguh leh, a min um in tua min hangin nuntakna na ngah theihna dingun hih laibu a kigelh ahi hi. 20:23 Mat. 16:19; 18:18. Nungzui sagihte tungah kilakna Tua nung ciangin, Tiberias tuili gei-ah a nungzuite kiangah Jesu kilak hi. A kilakna thu in hi bang ahi hi. 2Simon Piter leh Didimas kici Thomas a kipan, Galile gam Kana khua mi Nathanael leh Zebedi tate nih in, a dang nungzuite tawh a om khawm uh hi. 3Simon Piter in: Nga beng dingin ka pai ding hi a cih ciangin a dangte in: Kote zong ka pai dinguh hi a ci uh hi. Amaute gunkuang tawh zan tawntung ngasa beeng uh a, ahih hangin khat beek a man kei uh hi. 4Khua a vak ciangin Jesu tuili gei-ah a ding hi. Ahih hangin Jesu ahih lam a nungzuite in a thei kei uh hi. 5Tua lai takin Jesu in: Ka taneute aw, ngasa na manuh hiam? ci-in a dot ciangin: Ka man het kei uh hi ci-in a dawng kik uh hi. 6Jesu in: Khatvei gunkuang ziat lamah na ngen uh paai un. Tua ahih leh ngasa na man ding hi a ci hi. Tua bangin a ngenuh a paih uh leh ngasa tampi khuhkha uh ahih manin, ngen a kai zo kei uh hi. 7Tua lai takin Jesu in a it nungzuipa in Piter kiangah: Topa ahi hi a ci hi. Topa ahih lam Simon Piter in a theih ciangin, puanak tungsilh guak tawh tui sungah a tuak suk hi. 8A dang nungzuite in tuili gei tawh lam sawmnga bek kigamla ahih manin ngasa tawh kidim ngen kai uh a, ngunkuang tungah tuangin a pai uh hi. 9Lei lak a tunuh ciangin mei-am leh a am tung ah ngasa leh khomun kihang a mu uh hi. 10Jesu in: Tua a mat uh ngasa kimkhat hong paipih un ci-in thu a pia hi. 11Simon Piter in gun-kuangah tungah kahto in ngasa za leh sawmnga leh thum tawh a dim hangin ngen a kikeek kei hi. 12Jesu in: Hong pai un la, zing an ne un a ci hi. Topa ahih lam a nungzuite in a theih uh ciangin: Nang kua na hi hiam? ci-in kuamah in a dong ngam

21

113 nawn kei uh hi. 13Jesu hong pai in, khomun leh ngasa a lak khit ciangin amaute in a pia hi. 14Hih kilakna in Jesu sihna panin a thawhkik khit ciang in, a nungzuite kiangah thumvei a kilakna ahi hi. Ka tuute na vak in 15An a nek khituh ciangin Jesu in: Johan tapa Simon aw, hihte sangin kei nong it zaw hiam? ci-in Simon Piter a dong hi. Piter in: Ahi hi. Topa aw, kong itna na thei hi a cih ciangin Jesu in: Ka tuunote na kem in ci-in thu a pia hi. 16Khatvei Jesu in Piter kiangah: Johan tapa Simon aw, kei nong it takpi hiam? a cih kik ciangin: Ahi hi. Topa aw, nang kong it na thei hi a cih ciangin: Ka tuute na cingin a ci hi. 17Jesu in: Johan tapa Simon aw, kei nong it hiam? ci-in thumveina a dong hi. Thumvei dong a dotna hangin Piter dah a: Topa aw, nangmah in na khempeuh na thei a, kong itna zong na thei hi a cih ciangin Jesu in: Ka tuute na vak in. 18Ken aman takpi kong cihin, na khangno lai in, na utna peuhah na pai thei hi. Ahih hangin na teek ciangin na khutzan in, midangte in hong len dinguh a, na ut lohna munah zong hong paipih ding uh hi a ci hi. 19Tua thu a genna pen Piter in bangci bangin a sihna tawh Pasian min a thansakna ding lim

SAWLTAK 1 tawh a lah nopna ahi hi. Tua thu a gen khit ciang in Piter kiangah: Ka nung hong zui in a ci hi. A it nungzuipa 20Jesu in nitak an a nek lai takin a angah kingam in: Topa aw, nang kua in hong lehheek ding hiam? ci-in a dongpa Jesu nungzui Piter in kihei in a mu hi. 21Piter in Jesu kiangah: Topa aw, hihpa in bang ahih ding hiam? ci-in a dong hi. 22Jesu in: Kong paikik matengin hihpa a om ding ka deih leh, nang adingin bang phamawh sa na hi hiam? Nang na hih leh ka nung hong zui in ci-in thu a pia hi. 23Tua thu hangin a sanggamte in:Tua nungzuipa in a si kei ding hia gen thang uh hi. Ahih hangin Jesu in: A si kei ding hi a ci kei hi: Kong paikik hun matengin tuapa a omna ding ka ut leh bang phamawh sa na hi hiam? a ci hi. 24Hih thute khempeuh adingin tecipang in, a gelhpa in tua nungzuipa ahi hi. A tecipanna in a man hi ci-in kote in ka thei uh hi. 25Hihthute banah Jesu in a gen thu tampi a om lai hi. Tua a hihna khempeuh gelh khin lehang a gelhna laibu leitungah ta zolo ding hi ci-in ka um hi. 21:3 Lk. 5:5; 6 Lk. 5:6; 20 Jhn. 13:25.

SAWLTAKTE TANGTHU
Kha Siangtho ciamna Theofilas aw, Jesu in a teel sa sawltakte Kha Siangtho piak dingin a vaikhak khit ciangin, 2tung lamah laktohna a ngah matengin a bawlsa leh a thuhilhna khempeuh a masa lai sungah ka gelh khin hi. 3Tua Jesu in gimna a thuak khit ciang in, amaute kiangah ni sawmli tawntung kilang in, hihna tampi tawh nungta takpi ahihna 2 lak in, Pasian Gam thu a hilh hi. 4Sawltakte tawh a omkhop lai takin, Jerusalem panin paikhia loin: Ka kiangah na zaksa uh Pasian thuciamna na ngakun. 5Bang hang hiam cihleh, Johan in tui sungah hong baptaiz hi. Ahih hangin a sawt loin Kha Siangtho na kibaptaiz ding uh hi a ci hi. Vankahna 6Amaute a kikhop lai takin: Topa aw, tu lai takin Israel mi pawlte, cik ciangin a gamuh uksak

kik ding na hi hiam? ci-in a dong uh hi. 7Jesu in: Pa in ama ukna ah a koihsa a hun leh a ni in na theihna ding uh thu a om kei hi. 8Ahih hangin Kha Siangtho in note tungah hong kumsuk khit ciangin vangliatna na ngah ding uh a, Jerusalem khua pan kipan in Judah gam, Samari gam khempeuh leh leimong dongin ka tecite na hi dinguh hi. a ci hi. 9Tua thu a gen khit ciang in sawltakte in a et lai takun, van lamah Jesu kilato a, meii khat in a muh lohna dingun a liah hi. 10Jesu a kilato amaute in vantung a et cian lai takun, puanpaak silh mi nih amaute kiang ah hong dingin: 11Galile mite aw, bang hang in van lam ento na hi uh hiam? Note kiang pan in van ah a kilato Jesu na muhuh bang in khatvei hong kumsuk kik ding hi a ci hi.

SAWLTAKTE 2 Judah zalaih ding teelna 12Tua ciangin Jerusalem khua tawh kinai, Ni khat paina Oliv mual panin sawltakte Jerusalem ah hong ciahkik uh hi. 13A tunuh ciangin Piter, Johan, Jeim, Andru, Filip, Thomas, Bartholomai, Mattiu, Alfes tapa Jeim, Simon Zealot leh Jeim tapa Judas-te a tunna uh inndei tungah a paito uh hi. 14Tua mite khempeuh in Jesu nu Mari a kipan numeite leh Jesu sanggamte tawh lungsim kikhat in thu a ngen den uh hi. 15Mi za leh sawmnihte a kikhop lai takun, Piter in amaute laizang ah a ding hi. 16Tua ciangin: Ute naute aw, Jesu a man mite lam a hilh pa Judas Isakariot thu Kha Siangtho in David kam sung pan in thu hong genkholh ahi Lai Siangtho sung ah a om thu a tunna ding a om hi. 17Bang hang hiam cihleh, amah in kote tawh kisim khawm in, thihilhna za a ngah khin hi. 18(Tuapa in a git-lohna thaman tawh lo khat a lei khit ciangin a bungbu in kia a, a gilpi kitam in, a gilzang khempeuh a buakhia hi. 19Tua thute Jerusalem khua mite in a zak uh ciangin amah pau in tua lo pen: Akeldama ci uh a, tua in: Sisan lo a cih nopna hi. 20A genna in: Ama omna gamdai suak hen. Ama omna ah kuamah teng kei hen cih leh Ama za mi dang khat in ngah ta hen ci-in Lai Siangtho sung ah a kigelh hi. 21Tua ahih ciang in Johan baptaizna pan kipan in Topa Jesu in eite tawh a kikhen ni dongin, sung tum in i pusuak khop mah bangin, 22Amah in kote tawh kikhawl den mite lak panin, khat in kote tawh Jesu thawhkikna thu ah teci a suak ding hi a ci hi. 23Tua ciangin mi nih: Barabas kici, a min dang Justas ahi Josef leh Matthias a teel uh hi. 24Amaute in: Mi khempeuh lungsim a thei Topa aw, 25Judas in thuhilh za leh sawltak za panin tawp kik a, tua za a ngah dingin hih mi nihte lak pan in na teel penpen hong lak in ci-in thu a nget khit uh ciang in lai ai a san uh hi. 26Matthias in ngah ahih manin sawltak sawm leh nite lakah a kisim khawm hi. 1:1 Lk. 1:1-4; 4 Lk. 24:49; 5 Mat. 3:11; Mk. 1:8; Lk. 3:16; Jhn. 1:33; 8 Mat. 28:19; Mk. 16:15; Lk. 24:47-48; 9 Mk. 16:10; Lk.24:50-51; 13 Mat. 10:2-4; Mk. 3:16-19; Lk. 6:14-16; 18-19 Mat. 27:3-8; 20 La. 69:25; La. 109:8; 22 Mat. 3:16; Mk. 1:9; 16:16; Lk. 3:21; 24:51.

114 Kha Siangtho hong tunna Pentecost pawikham ni a tun ciangin amaute khempeuh mun khat ah a om khawm uh hi. 2Tua lai takin huihpi nung bangin van panin thakhat in aw ging hong suak a, amaute tutna inn a dim hi. 3Tua lai takin meikuang tawh kibang leiite kikhen in, amaute lu tungah kilang in, a vekpi tung ah a tung kim hi. 4Amaute in Kha Siangtho tawh kidim in, Kha Siangtho in thu a piak bang in kamtuam pau tawh thu a hilh uh hi. 5Tua lai takin van nuai gam khempeuh panin a hong pai, Pasian a zahtak Judah mite Jerusalem ah om uh hi. 6Tua aw ging a zakuh ciangin mihonte hong kikhawm uh a, mi khempeuh in a pau uh ciat tawh a zak manin lamdang a sa uh hi. 7Amaute khempeuh lamdang sa in, lungmang uh a: Hih thuhilhte khempeuh in Galile mite hilo uh ahi hiam? 8Eite in minam leh pau tuam ciat i hih hangin i pianpih kam ciat tawh bangci bangin za thei i hi hiam? 9Parthia mi a kipan, Media mi, Elam mi, Mesopotamia gam, Judah gam, Kappadokia gam, Pontos gam, Asia gam, 10Frigia gam, Pamfilia gam, Izipt gam, Sarin khua kimkot Libia gam sung ah a teng mite leh Rom khua pan in hong paite, 11Judah mite, Judah mite ngeina sung ah a lut mite, Kret leh, 12Arab ahi eite khempeuh in Pasian na lamdangte i kam ciat tawh hong kigen i za hi! ci-in khat leh khat a kikum uh hi. 13Mi kimkhat in: Hih mite in leenggahzu thak a khamuh hi ci-in a zahko uh hi. Piter thuhilhna 14Tua lai takin sawm leh khatte tawh Piter ding khawm in, kiko in tua mite thu a hilhna in: Jerusalem khua ah a tengte khempeuh leh Judah mite aw, note in hih thu na thei un la, ka thu a tel takin na ngai ta un. 15Tu hun in, zingsang nai kua hun hi in, na up uh bangin hih mite in zu a kham kei uh hi. 16Hih thute in Kamsang Joel hilhkholhna thu: 17Hun nunung ni ciangin Mi khempeuh tung ah ka Kha ka bua ding hi. Na tapate leh na tanute un kamsang dinguh a, na tangvalte un maang a mu in, na puteekte un mang a man ding uh hi. 18Tua lai takin ka nasem pasal leh numeite tung ah, Ka kha ka bua ding a, kam a sang ding uh hi. 19Tung lam ahi vanah na lamdang

115 ka lak ding a, van nuai leitungah lim ka lak ding hi. Sisan, meikuang leh meikhu tawh ka lak ding hi. 20Topa Ni a vanglian leh a lamdang hong tun ma in, Ni hong mial ding a, Kha in sisan hong suak ding hi. 21Tua lai takin Topa min tawh thu a ngen khempeuh in Gupna a ngah ding uh hi. ci-in Pasian in a gen hi a ci hi. 22Israel mite aw, hih thu na ngai ta un. Na theih mah bangun Pasian in Nazareth mi Jesu tungah vangliatna, na lamdangte leh lungmanhuaite a bawl theihna tawh Pasian in note kiang ah tua Jesu a dik hi ci-in hong lak hi. 23Tua Jesu Pasian hamciamna leh theih kholhna hang in a kipiak khit ciang in, note in mi gilote khut tawh singlamteh tung ah na si sak uh hi. 24Ahih hang in sihna in lencip zo loin, Pasian in sihna hang in gimna a suksiat khit ciangin, a hing sak kik hi. 25David in a genkholhna ah: Topa Pasian ka maitangah a om ka mu tawntung hi. Bang hang hiam cihleh, ka kikhin theih lohna dingin ka ziat lamah a om hi. 26Tua ahih ciangin ka lungdam a, Ka lei zong a nuam hi. Tua tham loin ka sa in lamen in a nungta ding hi. 27Bang hang hiam cihleh, sihna gam sungah ka kha na nusia kei ding hi. Na Mi Siangtho zong muatna na thuaksak kei ding hi. 28Nangmah in nuntakna lampi nong hilh khin a, Na meel mu in lungdamna tawh nong dimsak hi a ci hi. 29Ute naute aw, i pianna pupi David thu a tel takin kong gen in, tua David si a, a kivuina han in, tuni dongin eite kiangah a om lai hi. 30Amah in kamsangpa hi-in, a suan sung panin mi khat a tokhom tungah a tusak ding hi ci-in Pasian a kiciam hi cih theikhol ahih manin, Khris hin kikna thu a gen ahi hi. 31Tua Jesu in sihna gamsungah kinusia loin, a sa zong muatna a thuak kei hi. 32Pasian in tua Jesu a hin kiksakna thu ah kote in teci ka hi uh h. 33Tua ahih ciangin amah in Pasian ziat lamah phatna ngah a, Pa kiangah Kha Siangtho kiciamna a ngah khit ciangin, na muh uh leh na zakuhnate hong bua hi. 34David in vanah a kahtoh loh hangin, amah in:

SAWLTAKTE 3 Topa in ka Topa tung ah, na galte na khengakna in ka bawl matengin, 35Ka zat lam khut ah tu in a ci hi. 36Tua ahih ciangin note in singlamteh tung ah na thah uh Jesu pen, Pasian in Topa leh Khris a suaksak hi, ci-in Isreal mi khempeuh in teltak in thei ta un a ci hi. 37Tua mite in hih thu a zakuh ciangin a lungtang uh vut a: Ute naute aw, bang cih ding ka hi uh hiam? ci-in Piter a kipan a dang sawltakte kiangah a donguh hi. 38Piter in: Na mawhnate uh kisik kik un la, na vekpi un mawhna kimaisakna dingin Jesu Khris min tawh kibaptaiz un. Tua bang na hih uh leh Kha Siangtho na ngah ding uh hi. 39Hih kiciamna in note leh na tate uh ahi zong in, gamla ah a om Topa i Pasian in a sapsa mi khempeuh ading a hi hi. 40Hih gilo khang mite lak pan in kigumkhia un ci-in thu dang tampi tawh a hanthawn in thu a hilh hi. 41Tua thu a mang mite kibaptaz uh a, tua ni in mi tulthum bang a kibehlap hi. 42Amaute in sawltakte thuhilhna manguh a, kipawlkhopna, khomun balnenna leh thungetna a bawl den uh hi. Thu um masate nuntakna 43Sawltakte in na lamdang tampi leh lim tampi a bawluh a, mi khempuh in a lau uh hi. 44Thu um khempeuh in pawlkhat bekin omuh a, amaute neihsa khempeuh gawm in a zang khawm uh hi. 45A neih a lamte uh a zuak khituh ciangin mite kisapna bangin a hawmsak uh hi. 46Amaute in biakinnpi sungah nisim in lungsim kituak in a om uh a, inn ah anlum balnen in, a siangtho lungdamna tawh ne in dawn in, Pasian a phat uh hi. 47Mi khempeuh mai-ah maipha a ngahuh hi. Gupna a ngah mite zong ni simin Pasian in a kibehlapsak hi. 2:1 Siam. 23:15-21; thkna. 16:9-11; 17-21 Joel 2:28-32; 23 Mat. 27:35; Mk. 15:24; Lk. 23:33; Jhn. 19:18; 24 Mat. 28:5-6; Mk. 16:6; Lk. 24:5; 34-35 La. 110:1; 44 Sawl. 4:32-35. A khebai khat damsakna Piter leh Johan in thunget hun nai thum lai takin biakinnpi ah a kahto uh hi. 2Tua lai takin a nu gilsung panin khebai sa in a suak khat hong pua uh a, biakinnpi ah a lut mite kiangah khutdawh ngen dingin Hoih Kongkhak gei ah nisim in a koih uh hi. 3Tuapa in Piter leh Johan-te in biak-

SAWLTAKTE 4 innpi sungah a lut lai takun, khutdawh in hehpihna a ngen hi. 4Piter leh Johan in tuapa lim tak in en uh a: Hong en in a ci uh hi. 5Tua ciang in amah in na khat peuh ngah ding lametna tawh sawltakte a en hi. 6Piter in: Kham leh ngun ka nei kei hi. Ahih hangin ka neihsun kong pia ding hi. 7Nazareth mi Jesu Khris min tawh tho in la, kalsuan in ci-in a ziat lam khut lenin a phot lai takin, a khepeek leh a siakmit guhte khauh in, 8thakhat in tho a, a din khit ciangin lam pai in, diang in, Pasian min phat in sawltakte tawh biakinnpi sungah a lut khawm hi. 9Tua bangin kalsuan in, Pasian min phat in a om mihonte in a muh uh hi. 10Tua ciang in amaute in biakinnpi Hoih Kongkhak gei-ah khutdawh ngen in a ompa ahih lam thei uh a, a tungah a piang thu lamdang sakna leh lungmanna tawh a kidim uh hi. Solomon talap ah Piter thuhilhna 11Tuapa in Piter leh Johan beel in a om lai tak in Solomon talap ah mi khempeuh in lungmanna tawh hong tai in, a kikaikhawm uh hi. 12Piter in tua mite a muh ciangin: Israel mite aw, hih thu bang hangin lamdang sa na hi uh hiam? Kote vangliatna leh phatna tawh hihpa lam a paisak bangin bang hangin hong en gega na hi uh hiam? 13Abraham, Isaak leh Jakob Pasian, i pu i pate Pasian in a sila Jesu min a thangsak zo hi. Note in tua Topa pen gam vaihawmte tungah pia in, Pilat in khah ding a sawm hang in, a maitang ah tuapa na nial uh hi. 14Note in Mi pha Mi Siangtho nial in, mi thatpa khat khahna ding in na ngen uh hi. 15Nuntakna hong pia Mangpa na that tazen uh hi! Ahih hangin Pasian in amah a hinkiksakna thu ah teci ka hi uh hi. 16Tua a min upna hang leh tua Topa min tawh na muh leh na theih uh hi mipa a hatsak hi. Hi hi, tua Jesu hangin a kingah upna in note khempeuh mai-ah hih mi a kicing sak zo hi. 17Ute naute aw, note leh hong ukte in na theih lohna uh ka thei hi. 18Khris in gimna a thuak ding hi ci-in Pasian in, kamsang khempeuh kam tawh a genkholh thu a tung sak khin zo hi. 19Tua ahih ciangin Pasian kiang panin nopna hong tung hi. 20Tua in note ading hong koihsa Khris Jesu hong paisakna ding leh mawhnate uh a sawp siangna dingin, na kisik kik un la, na lungsim uh na kikhel un. 21Tang lai panin, a siangtho kamsangte kam

116 tawh a genkholh mah bangin na khempeuh a bawl thak kik matengin vantung in Jesu a sang ding hi. 22Moses in: Topa Pasian in, note lakah keimah bangin kamsang khat note adingin piangsak in, note kiangah thu a hong gen khempeuh na ngai dinguh hi. 23Tua kamsangpa thu genna a ngailo khempeuhte in a mipawl lak pan in kimangthang sak ding hi a ci hi. 24Samuel pan kipanin Pasian kamsangte khempeuh leh a nung ciangin hong piang ding a gen khempeuhte in hih nite thu a genkhol uh hi. 25Note in kamsangte suan leh khakte na hi uh hi. Pasian in Abraham kiangah: Na suan leh khakte hangin leitung minam khempeuh in thupha a ngah dinguh hi ciin na pute leh na pate tawh kiciamna hangin, a suan leh khakte na hi uh hi. 26Pasian in a silapa hong thawhkik sak khit ciangin, note in na vekpi un na khialhna uh panin hong kikhel sak in, note thupha hong pia dingin, note kiangah hong pai masa sak hi a ci hi. 3:13 Pai. 3:15; 15 Mat. 27:15-23; Mk. 15:6-14; Lk. 23:13-23; Jhn. 19:12-15; 22 Thkna. 18:15-18; 23 Thkna. 18:19; 25 Pian. 22:18. Upate maiah Piter leh Johan Piter leh Johan in mihonte kiangah thu a gen lai takun, biakinnpi ukpa a kipan siampite leh Saddusi-te hong pai uh hi. 2Sawltakte in mite kiangah thu hilh in, Jesu hangin sihna thawhkikna thu a hilh manun a lungmang uh hi. 3A maute a mat khituh ciangin nitak ahih manin, zinsang dong thong sungah a khumuh hi. 4Ahih hangin, thuhilhna a za mi tampite in um uh a pasal bek zong tulnga bang a pha uh hi. 5A zingsang ciangin amaute a ukte, laitheite, siampi ukpa Annas, Kaiafas, Johan, 6Alexander a kipan siampi ukpa suante khempeuh tawh Jerusalem khua ah a kikhawm uh hi. 7Amaute laizangah sawltakte dingsak uh a: Note in bang vangliatna leh kua min tawh hih nate na bawl uh hiam? ciin a donguh hi. 8Tua lai takin Piter in Kha Siangtho tawh kidim hi. 9Piter in Makaite leh upate aw, a zawngkhal mi khat tungah noptuamna pia in, a cinatna a bangci dam hiam? ci-in nong dotuh leh, 10note in singlamteh tungah na thah khituh ciangin, Pasian in sihna pan a thawh kiksak Nazareth mi Jesu min tawh hihpa in note

117 mai-ah cidamin a ding hi cih note leh Israel mi khempeuh in thei ta un. 11Tua Topa in innlam note in na nialkhia uh a, a nungciang in innkiu suangpi a suak hi. 12Tua mi sim loh mi dng tung ah gupna thu a om kei hi. Bang hang hiam cihleh, ama min sim loh eite gupna ding vaannuai mite lakah a hong pia ding min dang khat beek a om kei hi a ci hi. 13Amaute in Piter leh Johan hansanna mu uh a, lai siam lo leh pilna neilo ahih lamuh a theih uh ciangin lamdang sa in, Jesu tawh om khawm khin a hihna thu uh, a phawk kikuh hi. 14Cidamna a ngahpa in amaute tawh din khopna a muhuh ciangin nialna ding a mu zo kei uh hi. 15Vaihawmna panin sawltakte paikhia dingin thu a pia uh hi. 16Tua ciangin: Hih mite tungah bang i cih ding hiam? Amaute tungah na lamdang a liante a kilak zo hi ci-in Jerusalem khua mi khempeuh in thei uh a, eite in i nial zo kei hi. 17Ahih hangin mite lakah a kizelh semsem lohna dingin, tu nung ciangin tua min tawh kuama kiangah thu a hilh not lohna dingun, amaute tawngin thu pia ni ci-in khat leh khat kikum uh hi. 18Tua ciangin sawltakte sam kik uh a: Jesu min tawh thugen nawn peuh mah lo ding leh thu hilh nawn peuh mah lo dingin a kham uh hi. 19Piter leh Johan in: Topa thu sangin note thu ngaih ding Pasian mai-ah a kilawm zaw hiam? cih note in thu na khen ta un. 20Kote ka hih uh leh ka muhsa uh leh ka theihsa uh thute gen loin ka om thei kei uh hi ci-in a dawnguh hi. 21Amaute in mihonte hangin Piter leh Johan mawhna dan piakna dingin thu a ngah lohuh ciangin, khatvei a tawn kik khituh ciangin a khah uh hi. Bang hang hiam cihleh, hih bawlna thu hangin mi khempeuh in Pasian min phatuh hi. 22Tua cidam ngah leh na lamdang a tunnapa in kum sawmli val a pha khin hi. Hansanna ding thungetna 23Sawltakte a khah khituh ciangin a pawlte kiangah pai uh a, siampi liante leh upate in amaute tung ah a gen khempeuh a zasak uh hi. 24Tua mite a zak uh ciangin, lungsim kikhatin Pasian kiangah kiko uh a: Van leh leitang, tuipi leh a sungah a om khempeuh a Bawlpa, Topa aw, 25Gentailte in bang hangin a gamlum uh hiam? Mihonte in bang hangin a mawkna in a hanciam uh hiam?

SAWLTAKTE 5 leh Khris do dingin Leitung kumpite tho in,, Gam ukte a kikhawm uh hi ci-in Kha Siangtho tawh ka pa uh David kam tawh na gen mah bangin, 27hih khua sung ah Herod leh Pontias Pilat in Gentailte leh Israelte tawh nangma khut leh na ciamtehna in hong piang ding thu a piak kholh bangin, 28sathau na hilh khit na Sila siangtho Jesu tungah bawl ding in a kikhawm takpi uh hi. 29Topa aw, amaute hong tawnna thu na ciamteh in la, cinate a damna dingin na khut na zan lai takin na silate in, 30lau loin na thu a genna dingun a siangtho sila Jesu min tawh lim leh na lamdang a kibawl theihna dingin hong hehpih in ci-in thu a ngen uh hi. 31Thu a nget khituh ciangin a kikhopna uh liing a, amaute khempeuh in Kha Siangtho tawh kidim in Pasian thu hangsan takin a gen uh hi. Na khempeuh neihkhopna 32Thu um mite in a lungsim leh ngaihsut kikhat in a neihsate uh kua mah aituam ngaihsut loin, a neih khempeuh uh a kitaanguh hi. 33Sawltakte in, Topa Jesu thawhkikna thu vangliatna tawh teci panguh a, a vekpi un thupha hehpihna tampi a ngah uh hi. 34Amaute lakah mizawng khat beek a om kei hi. Bang hang hiam cihleh, inn leh lo a neihte khempeuh a zuak khituh ciangin a ngah uh sumte, 35sawltakte khebul ah koih uh a, mi kim in a kisapna uh tawh kizui in a vekpi un a hawm ciat uh hi. 36Josef kici: Hehnempa Ta cih nopna ahi sawltakte in a minthak a phuak uh Levi pawl, Saipras in mi khat in lo nei a, 37a zuak khit ciangin a dangka ngah khempeuhe hong paipih in sawltakte khebul ah a koih hi. 4:11 La. 118:22; 24 Pai. 20:11; Neh. 9:6; La. 146:6; 25-26 La. 2:1-2; Lk. 23:1-11; 27 Mat. 27:1-2; Mk. 15:1; Lk. 23:1; Jhn. 18:28- 32; Sawl. 2:44-45.
26Topa

Ananias leh Sapfira Ananias in a zi Sapfira tawh a neihsa lo khat a zuak khituh ciangin, 2a nupa in kilungtuak in, a man kimkhat seel in, a kimkhat hong hong paipih a, sawltakte khebulah a koih hi. 3Piter in: Ananias aw, Kha Siangtho khem in, lei na zuakna a man kimkhat na seel na dingin Satan in na lungsim sungah hong dim sak hiam? 4Tua lo in na neihsa hilo ahi hiam? Na zuak khit ciangin na ngah sumte in nang ma neihsa mah

SAWLTAKTE 5 hilo ahi hiam? Bang hangin na lungsim tawh hi bangin hanciam na hi hiam? Mite tungah zuau thu a gen hi loin, Pasian tungah zuau thu gen na hi zaw hi. a ci hi. 5Annanias tua thute a zak ciangin pukin a si hi. Tua thu a zate khempeuh nakpi takin a lau uh hi. 6Tangvalte hong pai in, a luang puan tawh a tun khituh ciangin paipih in, a vui uh hi. 7Tua khit nai thum pawl in, a zi hong tunga, a piangsa thute thei loin hong tum hi. 8Piter in: Hih zah tawh na lo zuak takpi na hi hiam? Hong gen in ci-in a dot ciangin amah in: Hi mah hi. Hihzah tawh ka zuak uh hi a ci hi. 9Piter in: Note in Topa Kha Siangtho ze-et dingin bang hangin kilungtuak na hi uh hiam? En in! Na pasal vuite khe in kongkhak kiangah a om lai hi. Nang zong a hong puakhia dinguh hi a ci hi. 10Tua lai takin thakhatin Piter khebul ah puk in, a si hi. Tangvalte hong tum uh a, tua numei si a muhuh ciang in a luang puakhia in, a pasal kiangah a vui uh hi. 11Pawlpi buppi a kipan tua thu a zate khempeuh in nakpi takin launa tawh a kidim uh hi. 12Sawltakte khut tung panin mite mai-ah lim leh na lamdang tampi tak kibawl hi. Amaute in Solomon talap ah lungsim kikhat in a om khawm hi. 13Kuamah in a kipawlpih ngam lohuh hangin a phatuh hi. 14Tua bangin thu um mi numei leh pasalte tampi tak a kibehlap hi. 15Tua ciangin, Piter a lam pai lai takin, mi khat peuh a liim in a liah khakna dingin, cinate hong pua khia uh a, a lupna puan tungah lampi gei ah a koih uh hi. 16Jerusalem kimkotah a om khuate panin cinate leh dawi bawlsiatna a thuak tampite hong kikaikhawm uh hi. Tuate khempeuh in damna a ngah uh hi. Bawlsiat kipatna 17Tua lai takin siampi ukpa leh a kipawl pih Saddusite mite khempeuh in hazatna tawh a kidim uh hi. 18Sawltakte a mat khituh ciangin thong sungah khum uh hi. 19Ahih hangin zan lai takin Topa vantung mi khatin thonginn kongkhakte a hon khit ciangin, amaute a lakhia hi. 20Tua ciangin: Note pai in, biakinnpi sungah dingin, hih nuntakna thu mite kiangah va hilh un ci-in thu a pia hi. 21Amaute in tua thu a zakuh ciangin zingsang tungin biakinnpi sungah lut uh a, thu a hilh uh hi. Pasian siampi ukpa leh amah

118 tawh kipawlte hong pai uh a, upa vaihawmte a kipan Isreal upate khempeuh a kikhop sak khituh ciangin, sawltakte a paipihna dingun thong sungah mi a sawl uh hi. 22Palikte pai in, thong sungah sawltakte a muh lohuh ciangin a ciah kik uh hi. 23Amaute in: Thong kongkhak phatak kikhak a, thong cingte kong pua lamah dingin a om uh ka mu uh hi. Ahih hangin ka hon khit uh ciang in thong sungah mi khat beek ka mu kei uh hi a ci uh hi. 24Biakinnpi ukpa leh siampite in hih thu a zakuh ciangin, bangci bang hi ding hiam ciin a lunghimawh uh hi. 25Tua lai takin mi khat hong pai in: Thongah na khum mite in biakinnpi sungah thu a hilh uh hi ci-in a ko hi. 26Tua ciang in biakinnpi ukpa leh palikte pai kik uh a, mite in suang tawh a den dinguh lau ahih man un, gamdai takin a paipih uh hi. 27Tua ciangin vaihawmte mai-ah hong paipih uh hi. 28Siampi ukpa in: Tua min tawh thu hilh nawnlo dingin kong kham uh hangin Jerusalem khua sungah na thuhilhna uh dimsak in, kote tungah hipa sisan hong tunna dingin na hamciam uh hi a ci uh hi. 29Piter leh a dang sawltakte in: Mi thu sangin Pasian thu ka ngaih dinguh a kilawm zaw hi. 30I pute pate Pasian in singlamteh tungah na thah uh Jesu thokiksak zo hi. 31Israel mi pawlte kisikkikna leh mawh kimaisakna thu a piakna dingin Pasian a ziat lamah koih in a laamsang hi. 32Kote in hih thute khempeuh ah teci ka hi uh hi. Topa Pasian in a thu a ngaite a piaksa ahi Kha Siangtho in zong teci ahi hi ci-in a dawng uh hi. 33Hih thu a zak uh ciangin, lungsim tamkham dektak in hehuh a, sawltakte that dingin khat leh khat a kikum uh hi. 34Tua lai takin mi khempeuh in a zahtak uh Pasian Thukham hilh sia ahi Gamaliel, Farisai khat in vaihawmte lakah dingin, sawltakte a pua lamah tom kha sung a pusuak dingin thu a piak khit ciangin: 35Isreal mite aw, hih mite tungah bang bawl sawm na hi uh hiam? na kikem un. 36Bang hang hiam cihleh, tuma in Thadas kici mi khat tho a: Keimah in mi mawk-mawk ka hi kei hi ci-in mi zali bangin a belh khit ciangin, amah kithat a, a thu a um khempeuh a kikhenthang in, a kisia uh hi. 37Tuapa khit ciang in, mi a kisim lai takin Galile mi Judas tho a, a nungzui dingin mi kimkhat a

119 zol hi. Amah hong si in, a thu zuite a kikhenthang uh hi. 38Note kiang ah kong gen in, tua mite kham loin omsak lel un. Hih hanciamna in mihing hanciamna ahih leh a sia ding hi. 39Ahih hangin Pasian hamciamna ahih leh, na siasak zo kei dinguh hi. Pasian tawh na kido lohna dingin na kikem un a ci hi. 40A thugen manguh a, sawltakte sam kik in, sat uh a, Jesu min tawh thuhilh lo dingin kham in a khah uh hi. 41Tua ciangin sawltakte in Jesu min hangin zumhuaina thuak dingin kilawm kisa uh ahih manun, lungdam in upa vaihawmte kiang panin a paikhia uh hi. 42Biakinnpi sung leh innte ah zong nisim in: Jesu in Khris ci-in tawlnga loin thuhilh in, thu a ngen den uh hi. 5:28 Mat. 27:25. Makai sagih koihna Khristiante kilim behlap mahmah a, Grik Judah meigongte in nisim kivakna a ngah loh uh ciangin, Grik Judah mite in Hebru mite tungah phun uh hi. 2Tua ciangin sawm leh nihte in Khristian mihonte a sap khituh ciangin: Pasian thu genna nusia in an nek sabuai na ka sep ding uh a kilawm kei hi. 3Tua ahih ciangin ute naute aw, Kha Siangtho tawh a kidim leh zahtakna a ngah, note lakah pasal sagih zongun la, hih nasep sem dingin, ka koih dinguh hi. 4Kote in ahih leh, thungetna leh thugenna nasep ka sem dinguh hi a ci uh hi. 5Hih thu tawh kilungkim sakuh a, upna leh Kha Siangtho tawh a kidim: Stefen, Filip, Prokhoros, Nikanor, Timon, Parmenas, Judah ngeina a zui Antiok khua mi Nikolas-te teel in, sawltakte mai-ah a koih uh hi. 6Sawltakte in, tua mite lutungah a khutuh nga in thungetna tawh a kipsak uh hi. 7Pasian thu khangin, Jerusalem ah Khristian hong tam sem sem ahih manin, siampite tampite in upna thu a ngai uh hi. Stefen kimatna 8Stefen in hehpihna thupha leh vangliatna tawh kidim in mite mai-ah na lamdang a bawl hi. 9Tua lai takin Sal Suakta a kici mi pawlte kiang panin Sairin mi, Aleksandria mi, Kilikia mi leh Asia mi kimkhatte in dinguh a, Stefen tawh a kiseel uh hi. 10Amaute in Stefen zat lungpilna leh Kha Siangtho a nial zo kei uh hi. 11Tua ahih

SAWLTAKTE 7 ciangin: Hihpa in Moses leh Pasian tungah simmawhna thu a gen ka za uh hi ci-in a gen dingin mite a cial uh hi. 12Mihonte, upate leh laitheite hansuah uh a, Stefen kiangah pai in, a mat khit uh ciangin vaihawmna ah a paipih uh hi. 13Zuau thugen ding tecite sam uh a, tuate in: Hihpa in mun siangtho leh Thukham khempeuh-te a simmawh den hi. 14Bang thu gen hiam na cih uh leh: Tua Nazareth mi Jesu in hih inn sugawp ding a, Moses in a hong piak ngeina a kikheel sak ding hi ci-in a genna thu ka za khin uh hi ciin teci a pang uh hi. 15Vaihawmna sungah a tu mi khempeuh in Stefen pen tel takpi in a etuh ciangin, a maitangin vantungmi maitang tawh kibangin taang in a mu uh hi. Stefen kihutna Tua lai takin siampi ukpa in: Hih thu a man hiam? ci-in a dot ciangin, Stefen in: 2Ute naute aw, na ngai ta un. Eite i pa Abraham in Haran gamah a pai ma Mesopotamia gamah a ten lai takin, a minthang Pasian kilang a: 3Na gam leh na behte kiang panin paikhia in la, kong lahna gamah pai in ci-in thu a pia hi. 4Tua ciangin Abraham in Khaldea gam panin paikhia in, Haran khua tungin a teng hi. A pa sih khit ciangin Pasian in, tu lai tak a i omna gamah a lal sak hi. 5Hih gamah a khe tawh a sikna ding mun nangawn a kipiak loh hangin: Nang a kipan na tate leh na tute kiangah hih gam kong pia ding hi ci-in ta khat zong a neih loh hangin thu a ciam hi. 6Pasian in: Na suante in gam dang ah khual mi hi dinguh a, mi dangte sila suak in, kum zali sung a bawlsia dinguh hi. 7Tua ciangin sila in a bawlte tungah thu ka khen ding a, a nung ciangin amaute paikhia in, hih gamah hong bia dinguh hi ci-in thuciam a pia khol hi. 8Pasian in vunat kiciamna thu pia in, tua mah bangin Abraham in tapa Isaak a neih ciangin, a suak zawh nigiat a cin ni-in a vun a at hi. Isaak tapa Jakob, Jakob tate ahi mipawl sawm leh nihte pate ahi uh hi. 9Tuate in Josef haza uh a, Izipt gamah a zuak uh hi. 10Ahih hangin, Pasian in amah tawh om khawm in, gimna leh tawlna khempeuh lak panin gumkhia in, Izipt kumpi ahi Faro maipha leh lungpilna pia in, tua kumpipa in Izipt gam leh a

SAWLTAKTE 7 inn sung Josef a uksak hi. 11Tua lai takin Izipt gam leh Kanaan gam khempeuh kialpi tungin, nakpi takin gimna a tun ciangin, i pate in an nek ding a nei nawn kei uh hi. 12Izipt gamah buhtang a om thu Jakob in a theih ciangin i pate a pai sak hi. 13A nihveina ciangin Josef in a sanggamte kiangah kipulak a, tua ciangin Faro in Josef innkuante a thei hi. 14Tua ciangin Josef in a pa Jakob leh a behte mi sawmsagih leh nga a vai khak hi. 15Izipt gamah Jakob pai suk a, amah leh i pate tua gamah a si khinuh hi. 16A sih khituh ciang in, a luanguh Shekem ah pua a, Shekem khua sungah Hamor tate tung panin ngun tawh Abraham leisa han ah a vui uh hi. 17Pasian in Abraham kiangah a thuciamna a tun kuan ciangin, Izipt gam sungah tuami nasia takin pungin a khanguh hi. 18Josef a theilo kumpipa in gam a uk hi. 19Tua kumpipa in i mipawlte lungpilna tawh khem a, naupang pasalte thahna tawh i pu i pate a bawlsia hi. 20Tua lai takin a mel hoih mahmah Moses suak a, kha thum sung khempeuh a pa inn sung kikhoi hi. 21Tua khit ciangin kipai khia a, Faro tanu in tawm in, a ta bang in a kem hi. 22Moses in Izipt mite pilna khempeuh sin in, kam tawh, nasepna tawh a siam hi. 23Kum sawmli a phak ciangin, Israel mi pawl a sanggamte don dingin a ngaihsun hi. 24Izipt mi khatin Israel mi khat a bawlsiat lai tak a muh ciangin phula in Iziptpa that in, a bawlsiatpa a honkhia hi. 25Pasian in a khut tawh amaute gumkhia ding hi ci-in a thei dinguh hi cih Josef in a up hangin a thei kei uh hi. 26A zing ciangin, a mite khat leh khat a kitot lai tak in va pai a: Lawmte aw, u leh nau hi napi ucin, bang hangin kibawlsia na hi uh hiam? ci-in kilemna thu a gen hi. 27A bawlsiapa in: Hong uk ding leh thu hong khen dingin kua in nang hong koih hiam? 28Zani a Iziptpa na thah bangin hong that nuam na hi hiam? ci-in Moses a nial hi. 29Tua thu a zak ciang in Moses taimang a, Media gamah khualzin mi in a om hi. Tua gamah ta nih a nei hi. 30Kum sawmli a phak khit ciang in Sinai mual gampa lakah meikuang tawh sawl kawm sungah Pasian vangtung mi khat hong kilang hi. 31Moses tua na lamdang a muh ciang in a lungmang hi. 32A encian dingin a naih leh: Keimah in na pute

120 pate Pasian Abraham Pasian, Isaak Pasian, Jakob Pasian ka hi hi ci-in Topa kikona aw a za hi. Tua lai takin Moses in liingin a en ngam kei hi. 33Topa in: Na dinna mun a siangtho ahih man in, na khedap suah in. 34Izipt gamah a om ka mite in a thuakuh bawlsiatnate ka mu khin a, a maute tauna awte ka za khin hi. Amaute gumkhia dingin hong kumsuk ka hi hi. Tu in pai in la, Izipt gamah kong paisak ding hi ci-in a gen hi. 35A kiangah: A kua in hong uk ding leh thu hong khen dingin hong koih hiam? ci-in nialna a ngah Moses in a uk ding leh a gum dingin Pasian in sawlkawm sungah a kilang Pasian in a vantung mi a khut tawh a paisak hi. 36Tuapa in Israel mi pawlte paikhiat pih a, kum sawmli tawntung Izipt gam San Tuipi leh gampa a lakah na lamdangte leh limte a bawl hi. 37Pasian in na ute leh na naute lakah keimah tawh kibang kamsang khat note adingin ka piangsak ding hi, ci-in Israel mi pawlte kiangah a genpa in Moses ahi hi. 38Amah in gampa lakah kikhopna sungah leh Sinai mual tungah ahi zongin, Sinai mual tungah a kihopih vantung mi tawh ahi zongin eite pate tawh ahi zongin, om khawm a, ei hong piak ding hinna thu a ngahuh hi. 39I pate in a thu ngai loin, nial uh a: Kote mai-ah a pai dingin pasiante hong bawlsak in. 40Izipt gam panin hong paikhiat pih hih Moses in bang suakta hiam cih ka thei kei uh hi ci-in Aaron kiang ah a gen uh hi. Izipt gam lam ah lunghei kik uh hi. 41Tua ciangin bawngno khat bawl in, tua milim bia in, a khutuh tawh a bawl na tawh a lungdam uh hi. 42Pasian kamsangte laibu sungah: Israel mi pwlte aw, note in kigawhna ganhingte tawh biakna, gampa lakah kum sawmli tawntung hong bia na hi uh hiam? 43Note in Molok biakna inn leh Refan pasian ahi aksi bia dingin na bawl uh milim na pua ta uh hi. Tua ahih ciangin Babilon khua gal khat ah kong paipih ding hi a cih mah bangin, Pasian in nungngat in, vantung nate a biakna dingun, a dawng nawn kei hi. 44Pasian in: Na muhna lim tawh kibangin puanbuk na bawl in ci-in Moses kiangah a genpa in a vaikhak mah bangin gampa lakah i pate in a nei uh hi. 45A piang nunung eite pate in, tua puanbuk tawh Gentailte leitang a luah uh ciangin

121 Joshua tawh a pai uh hi. Tua Gentailte Pasian in David khang dongin i pute i pate mai pan a hawlkhia hi. 46Tua David in Pasian thupha ngah a, Jakob Pasian omna ding a mun a lamna ding in thu a ngen hi. 47Ahih hangin Solomon in Pasian adingin inn a lam hi. 48Sang Pen Pasian in khut tawh kibawl inn sungah a teng zo kei hi. Pasian kamsangpa in: 49Van in ka tokhom ahi hi. Lei in ka khe ngakna ahi hi. Bangci bangin kei adingin biakinnpi lam ding na hi hiam? Ka khawlna mun in koi lai-ah a om ding hiam? 50Ka khutin hih nate piangsak hi lo ahi hiam? ci-in Pasian in a gen hi a ci hi. 51Lungkhauh leh lungsim bil a kivut lo mite aw, note in Kha Siangtho a tawntungin na nialuh hi. Na pu na pate gamtat bangin nam gamta uh hi. 52Na pu na pate in a bawlsiat loh kamsang kua om ahi hiam? Mi Dik Pa hong pai ding hi. Tua Mi Dik Pa a heekte leh a thatte na suak khin uh hi. 53Note in vantung mi hong piak bangin, Thukham na ngahuh hangin na tang kei uh hi a ci hi. Stefen suang tawh denlupna 54Amaute in hih thu a zakuh ciangin a lunguh so a, Stefen tungah a ha uh a gawi uh hi. 55A mah in Kha Siangtho tawh kidim in, tung lam a ettoh lai takin Pasian vangliatna leh Pasian ziat lamah a ding Jesu a mu hi. 56Tua ciangin amah in: En un van kihong in Mihing Tapa Pasian ziat lamah a ding ka mu hi a ci hi. 57Ahih hangin amaute in nakpi takin kiko uh a, a biluh hum in, a kiangah lungsim kikhat in a tai uh hi. 58Khuanawl ah a hawlkhiat khituh ciangin suang tawh a deng uh hi. Teci a pangte in a puanuh Sawl kici tangvalno pa khe gei-ah a koih uh hi. 59Stefen in Pasian kiangah thungen a: Topa aw, ka kha kong ap hi a ci hi. 60Tua khit ciangin khukdin in: Hih khialhna hangin, amaute na mawhsak kei in ci-in nakpi takin a kiko khit ciangin a si hi. 1:4 Pian. 11:31; 12:4; 5 Pian. 12:7; 13:15; 18:17; 13:15; 18:17; 6-7 Pian. 15:13-14; 8 Pian. 17:10-14; 21:2-4; 25:26; 29:31; 38;18; 9 Pian 37:11; 37:28; 29:2-21; 10 Pian. 41:39-41; 11 Pian. 42:1-2; 13 Pian. 45:1; 49:16; 14 Pian. 45:9-10; 45:17-18; 46:27; 15 Pian. 46:1-7; 15 Pian. 49:33; 16 Pian. 23:3-16; 33:19-50; 7:13; Josh. 24:32; 17-18 Pai. 1:7-8; 19 Pai. 1:10-11;

SAWLTAKTE 8 1:22; 20 Pai. 2:2; 21 Pai. 2:3-10; 23-29 Pai. 2:11-15; 18:3-4; 30:34 Pai. 3:1-10; 36 Pai. 7:3; 14:21; Gam. 14:33; 37 Thkna. 8:15-18; 38 Pai. 19:1-20; Thkna. 5:1-33; 40 Pai. 32:1; 41 Pai. 32:2-6; 42-43 Amos 5:25-27; 44 Pai. 25:40; 45 Josh. 3:14-17; 46 2Sam. 7:1-16; 1Khg. 17:1-14; 47 1Kum. 6:1-38; 2Khg. 3:117; 49-50 Isa. 66:1-2; 51 Isa. 63:10. Pawlpi baawlsiatna Sawl in Stefen sihna dingin a thukim hi. Tua lai takin Jerusalem khua ah a om pawlpite nasia takin bawlsia uh a, sawltakte sim loh Khristian dangte khempeuh in Judah gam leh Samaria gam mun khempeuh ah a kithehthang uh hi. 2Thu a zahtakte in Stefen vui uh a, ama hangin nakpi takin a kap uh hi. 3Sawl ahih leh pawlpi bawlsia in, inn khempeuh ah a lut khit ciang in, pasal leh numeite kaikhia in, thung sung ah a khum hi. Lungdamna thu Samaria ah 4Tua bangin gam khempuhah a kikhenthangte vak kawikawi in thu a hilh uh hi. 5Filip in Samaria khua ah pai in Khris thu a gen hi. 6A za mihonte in Filip bawlna na lamdangte a muhuh ciangin, tua thu lungsim kikhat in a ngai uh hi. 7Dawivei mi tampite sung panin dawite nakpi takin kiko in paikhia uh a, pum langkhat a si mi leh khebai mi tampi in damna a ngahuh hi. 8Tua khua sungah lungdamna thu tampi a piang hi. 9Simon min nei mi khatin tua khua ah mitphial bawl in: Kei zong mi lian khat ka hi hi ci-in, Samari mite lamdang a sasak ngei hi. 10A neu a lian khempeuh in: Hihpa in Lian kici Pasian vangliatna mah hi ciin a thu a ngai uh hi. 11Amah in mitphial bawl in, sawt veipi mite lamdang sa sak ahih manin, a thu a ngai uh hi. 12Filip in Pasian Gam leh Lungdamna thug gen a, tu a mite in a up uh ciangin, numei leh pasalte a kibaptaiz uh hi. 13Simon in zong um a, a kibaptaiz khit ciangin Filip kiangah om in, na lamdang lian leh lim a bawl a muh ciangin lamdang a sa hi. 14Samaria khuate in Pasian thu manna uh Jerusalem ah a om sawltakte in a zakuh ciangin Piter leh Johan a sawl uh hi. 15A tunuh ciang in Kha Siangtho a ngahna dingin thu a ngetsak uh hi. 16Tua mite in Topa Jesu min tawh a kibaptaiz khituh hangin Kha Siangtho khat beek tungah a tung nai kei hi. 17Tua bangin tua mite tungah a

SAWLTAKTE 9 Khut uh a ngak khituh ciangin Kha Siangtho a ngah uh hi. 18Sawltakte in a khut a ngakna hang in Kha Siangtho kipia Simon in a mu hi. 19Tua ciang in: Ka khut ka ngaknate in Kha Siangtho a ngahna dingun thu hong pia in ci-in dangka a lui hi. 20Piter in: Pasian hehpihna dangka tawh kilei thei hi ci-in ngaihsun na hih manin, na dangka tawh kisia khawm ta in. 21Pasian mai-ah khial na hih manin, hih thu tawh na kituak kei hi. 22Na khialhna kisik kik in la, na ngaihsutna a kimaisakna dingin Pasian kiangah thungen in. 23Bang hang hiam cihleh, a kha sinkha na nei a, mawhna khihna na thuak hi cih ka thei hi. a ci hi. 24Simon in: Na thupiak khat zong ka tungah hong tun lohna dingin Pasian kiangah thu hong ngetsak in a ci hi. 25Amaute in tecipangin thu a hilh khituh ciangin Jerusalem khua ah ciah kik in, Samaria mite khua tampi ah Lungdamna Thu a hilh uh hi. Filip leh Ethiopia mangpa 26Pasian vantung mi khat in Filip kiangah: Tho in la, Jerusalem khua panin Gaza khua paina lampi ah pai in ci-in a gen bangin Filip a pai hi. Tua mun in gamlak ahi hi. 27Tua lai takin Ethiopia gam a uk Kandake kumpinu nuai ah a vanglian vaihawm mang leh a sum khempeuh a uk Ethiopia mi khat Jerusalem khua ah a pai hi. 28A ciahkik ciangin leeng tungah tuang kawm in kamsangpa Isaiah laibu a sim hi. 29Kha Siangtho in Filip kiangah: Tua leeng va beel in ci-in thupia a, Filip zong tuapa a va nai pah hi. 30Tua ciangin kamsangpa Isaiah laibu a sim za in: Na sim a thu na thei hiam? ci-in a dong hi. 31Tua mangpa in: Hong hilh a om kei leh bangci theih ding ka hi hiam? a cih ciangin Filip in a leeng tungah kahto in, tukhawm dingin mangpa kiang ah a ngen hi. 32A Lai Siangtho simna in: Thah dingin, a kipaipih tuu bangin amah a paipih hi. Tuuno in a mulmette mai-ah a ham loh mah bangin, amah zong a kam a ka kei hi. 33A kilungnem sak lai takin mi dangte in a tungah thu a khen uh hi. A hinna in leitungah kilakhia ahih manin, a suante kua in a lak ding hiam? cih ahi hi. 34Mangpa in: Kamsangpa in kua thu gen ahi hiam? Amah a cihnopna in gen ahi

122 hiam? ci-in Filip a dong hi. 35Filip in a kamka in, Lai Siangtho thu leh Jesu thu a hilh hi. 36Tua bangin lampi ah a pai laitak in tui omna mun a tunguh hi. 37Mangpa in: Tui a om hi. Ka kibaptaiz lohna dingin bang thu in hong kham ahi hiam? a ci hi. 38Mangpa in a leeng a khawlsak khit ciangin, Filip leh mangpa tui sungah a pai uh hi. Filip in a baptaiz hi. 39Tui sung panin a kahtoh khituh ciangin Kha Siangtho in Filip lakhia in, mangpa in lungdamna tawh kidim in a pai kik hi. Mangpa in Filip a mu ngei nawn kei hi. 40Ahih hangin Azotas khua ah Filip kimu hi. Tua khua panin Kaisaria khua dongin khua khempeuh ah pai kawikawi in Lungdamna Thu a hilh hi. 8:3 Sawl. 22:4-5; 26:1-11; 32-33 Isa. 53:7-8. Sawl kikhelna Sawl in Topa nungzuite langpang in tawng a, thah dingin a hu a sang hi. 2Tua thu a zui numeite leh pasalte a muh ciangin khau tawh khih in, Jerusalem khua ah paipih dingin Damas-ka khua kikhopna inn ukte kiangah vaikhakna lai piak dingin siampi ukpa kiangah a gen hi. 3Amah pai a, Damasak khua a naih ciangin van panin khuavak in a kimkot ah thakhat in hong taang hi. 4Leilak ah kipuk a: Sawl! Sawl aw! bang hangin kei hong bawlsia na hi hiam? ci-in aw khat a za hi. 5Sawl in: Topa aw, kua na hi hiam? ci-in a dong hi. Jesu in: Na bawlsiat Jesu ka hi hi a ci hi. 6Tho in la, khua sungah lut in, na gamtat dan ding kong hilh ding hi a ci hi. 7Sawl tawh a pai khawmte in tua aw a zakuh hangin, kuamah mulo ahih manun, pau thei loin a ding uh hi. 8Sawl in leilak panin a thawh ciangin, khua mu theilo ahih manin, a lawmte in a len in, Damaska khua sungah a lut uh hi. 9Ni thum tawntung bangmah mulo, nelo leh dawn loin a om hi. 10Tua lai takin Damaska khua ah Ananias kici Khristian khat a om hi. Tua pa mang sungah Topa in: Ananias aw ci-in sam a Ananias in: Ka om hi Topa aw ci hi. 11Topa in: Tho in la, tang a kici lamzing ah pai in. Sawl kici Tarsas mi, Judah innah va zongin. 12Bang hang hiam cih leh, amah in thu a nget ciangin, Ananias kici mi khat a kiangah hong pai-in, a khua muhna dingin a tungah a khut ngakna dingin, a mang sungah a kihil khin hi. 13Ananias in: Topa aw, tuapa in

123 Jerusalem ah na mi siangthote a lim bawlsiat mahmahna thu mi tampi tung panin ka za khin hi. 14Hih munah zong na min tawh thu ngen khempeuhte khau tawh hen dingin siampi liante kiangah thu a ngah hi a ci hi. 15Topa in: Pai ta in. Bang hang hiam cihleh, amah in Gentailte leh kumpite mai-ah ka min puak dingin ka teelsa beel ahi hi. 16Ka min hang in bangzah in gimna thuak ding hiam cih ka lak ding hi ci-in a gen hi. 17Ananias pai a, inn sung ah lutin Sawl tungah a khut nga in: Ka nau Sawl aw, na paina lampi ah na tungah hong kilang Topa Jesu in khua na muh kik theihna ding leh Kha Siangtho tawh na kidim theihna dingin kei hong sawl hi a ci hi. 18Tua lai takin thakhat in Sawl mit panin ngasa lip bangin na khat kia pah a, khua a mu thei hi. 19Amah tho in a kibaptaiz khit ciangin an ne in a thahat kik hi. Damaska khuah Sawl thuhilhna 20Sawl in Damaska khua Khristiante tawh ni tawm kha a om khawm hi. 20Amah in: Jesu in Pasian Tapa hi ci-in kikhopna inn sungah tha khat in thu a hilh hi. 21Thu a zate in lamdang sa uh a: Hihpa in Jerusalem khua sungah tua min tawh thu a ngente a bawlsiapa hilo ahi hiam? Thu zui mite khau tawh hen in siampi liante kiangah paipih dingin hih munah hong pai hi a ci uh hi. 22Sawl in thuhilh siam semsem a, Judah mite thu thuk kik in, Jesu in Khris ahi takpi hi ciin a lak hi. Judahte kiang pam Sawl suahtakna 23Ni tampi a phak khit ciagin Judah mite in Sawl thahna dingin a vaihawm uh hi. 24A vaihawmna thu uh Sawl in a thei hi. A thahna ding un kongpi gei-ah sun leh zan tawh a panguh hi. 25Nungzuite in zan lai takin Sawl la uh a, seeng sungah koih in, kulh tung panin a khia suk uh hi. Sawl Jerusalem ah 26Sawl in Jerusalem khua a tun ciangin Khristiante in amah um loin, lau in kihta ahih manun, amaute tawh a kipawl thei kei hi. 27Ahih hangin Barnabas in Pasian sawltakte kiangah Sawl paipih in, lampi ah Jesu tawh a kimuhna leh Damaska khua sungah Jesu min tawh lau loin thu a hilhna thu a gen hi. 28Sawl in amaute tawh Jerusalem khua ah om khawm in, pai zel ciah zel in a om hi. 29Lau loin Jesu min tawh thu hilh

SAWLTAKTE 10 a, Grik Judah mite tawh thu kinial in a om hi. Tuate in Sawl thah dingin a zonguh hi. 30Ute naute in tua thu a zakuh ciangin Kaisaria khua ah Sawl kha uh a, Tarsas khua ah pai sak uh hi. 31Tua ciangin Judah gam, Galile gam, Samaria gam mun khempeuhah pawlpite in lungkim in kipna a ngah uh hi. Pasian kitakna leh Kha Siangtho huhna tawh omin a khang semsem hi. Aineas damsakna 32Tua lai takin Piter in mun khempeuhah a kawivak lai takin Lidda khua ah a om mi siangthote kiangah a tung hi. 33Tua khua ah Aineas kici khut leh khe a si, kum giat tawntung a lupna tungah a om a mu hi. 34Piter in: Aineas aw! Jesu in nang hong damsak khin hi. Tho in! na lupna zial in a cih ciangin thakhat in a tho hi. 35Lidda khua a kipan Saron gamah a om khempeuhte in tuapa a muhuh ciangin Topa lamah a kihei uh hi. Dorkas hinkikna 36Joppa khua ah Dorkas a cihnopna ahi Tabitha min nei, Khristian numei khat a om hi. Tua numei in gamtat pha in mi hehpihna lungsim a nei hi. 37Tua lai takin amah ci na in a si hi. A luang a sil khituh ciangin dei tungnungah a koih uh hi. 38Lidda khua in Joppa khua tawh kinai ahih manin Piter tua khua ah a om lam Khristiante in a theih uh ciangin mi nih sawl uh a: Zekai loin, ko kiangah hong pai in ci-in a thuum uh hi. 39Piter tho in, amaute tawh pai a khawm hi. A tun uh ciangin dei tungnung sungah a paipihto uh hi. Meigong khempeuh a kiangah dingin kap uh a, Dorkas in amaute tawh a om khop lai takin a bawl puanakte leh puante a lak uh hi. 40Piter in tua mite khempeuh a paikhiat sak khit ciangin khukdin in thungen a, si luang lam kihei in: Tabitha aw! tho in a ci hi. 41A mit hong hak in, Piter a muh ciangin tho in, a tu hi. Piter in a khut lenin a dinsak khit ciangin mi siangthote leh meigongte sam a, Dorkas a nungta in a lak hi. 42Tua thu in Joppa khua ah kizel a, Piter in Joppa khua ah savun bawlpa Simon innah sawt veipi a a tam hi. 9:23-25 2Kor. 11:32-33. Piter leh Kornelias Kaisaria khu ah Italy kici galkap kuan khat a uk. Galkap bu Kornelias a om hi. 2Amah

10

SAWLTAKTE 10 in a diktat leh a innkuanpihte tawh Pasian kihta in, mite tungah hepihna tampi a piak banah Pasian kiangahthu a ngen den hi. 3Nitak lam nai thum ciangin Pasian vantung mi khat a kiangah hong pai in: Kornelias aw ci-in a mang sungah a tel takin a mu hi. 4Amah in a en tel a, lau mahmah in: Topa aw, bang ahi hiam? a ci hi. Vantung mi in: Na thungetna leh na hehpih piaknate Pasian a ngaihsutna dingin a kiang tung khin hi. 5Tu in Joppa khua mi sawl in la, a min thak Piter kici Simon samsak in. 6Tuapa in tuipi gei-ah a om savun bawlpa Simon innah a tung hi a ci hi. 7A kiangah a gen vantung mi a paikhiat khit ciangin Kornellieas in a nasem nih leh a na a sepsak den Pasian a zahtak galkap khat a sam hi. 8Thu khempeuh a gen khit ciangin Joppa khua ah a pai sak hi. 9A zing ciangin pai uh a, Joppa khua a naih uh ciangun, nai sawm leh nih ciangin Piter in thu ngen dingin innkhum tungah a kahto hi. 10A gil kial in an a duh hi. Mite an a thuk lai takun mang a mu hi. 11Van kihong in puanza tawh a kibang kiuli a nei hong kiasuk na khat a mu hi. 12Tua sungah kheli nei ganhing, bokvak tawh a pai thei ganhing leh vasa pawlkhat a mu hi. 13Tua lai takin: Piter aw, tho in la ne in ci-in aw khat a za hi. 14Piter in: Topa aw, hi theilo ding hi. Bang hang hiam cihleh, a siangtho lo nate leh a nin nate khatvei beek ka ne ngei kei hi ci hi. 15Khatvei aw in hong kiko kik a: Pasian in a siangtho a cihte a siangtho loin ngaihsun kei in a ci kik hi. 16Tua bangin thumvei a gen khit ciang in, tua na in van ah a kilato kik hi. 17Piter in a mangmuhna a deihna bang ahi hiam ci-in a lung-hihmawh lai takin, Kornelia mi sawlte in: Simon inn koi lai ah om hiam? ci-in a dot khituh ciangin inn kong khakah a ding uh hi. 18Amaute in: Piter kici min thak nei Simon in hi innah a om hiam? ci-in a kiko uh hi. 19Piter in a mangmuhna a ngaihsut laitak in Kha Siangtho in: Mi thum in hong zong uh hi. 20Tho in la, kumsuk in. Lung-himawh kei in la, amaute tawh na pai khawm ding hi. Bang hang hiam cihleh, tuate kong sawl ahi hi a ci hi. 21Piter in tua mite kiangah kumsuk a: Na zonpa uh ka hi hi. Bang thu om ahi hiam? ci-in a dong hi. 22Amaute in: Pasian a kihta, Judah mi khempeuh in a zahtak, midik, galkap mang

124 Kornelias in nang hong samsak a, na tung panin thu ka zakna dingun, vantungmi siangtho khat in thu a pia hi a ci uh hi. 23Tua ciangin Piter in tuate a tung sak hi. A zing ciang in Piter tho a, amaute tawh a paikhawm hi. Joppa khua unau kimkhatte in zong a zui uh hi. 24Zing sang ciangin Kaisari khua ah lutuh a, Kornelias in a behte, a lawmte kaikhawm in lamen in a om uh hi. 25Piter a tum ciangin Kor-nelias in na dawn a, a khebul ah bokin a bia hi. 26Piter in phongto a: Tho in, kei zong mihing mah ka hi hi a ci hi. 27Kornelias tawh a kihopih kawmin inn sungah lut uh a, mi tampi a kikai-khawmte a mu hi. 28Piter in: Judah mite in mi dangte tawh kipawl a, amaute kiangah pai dingin kilawm lo hi a cihna na thei uh hi. Ahih hangin a siangtho lo, a nin hi, kuamah ka cih lohna ding un Pasian in hong hilh khin hi. 29Kei nong sap uh ciangin nial loin ka hong pai hi. Tua ahih ciangin bang vai tawh kei hong sam na hi uh hiam? a ci hi. 30Kornelias in: Tu ni tawh ni li pha khin a, tu hun bang mah ahi nai thum pawl in, thungetna ka inn sungah ka neih lai takin, puan taang mahmah a silh khat ka mai-ah hong ding hi. 31Kornelias aw, na thungetnate kiza khin hi. Na hepihna piaknate Pasian in sang khin hi. 32Tua ahih ciangin Joppa khua ah a om Piter kici Simon va samsak in. Tuapa in tuipi gei ah a om savun bawlpa Simon innah a tung hi ci-in thu hong pia hi. 33Tua ciang in na kiangah a manlang in mi kong paisak hi. Tu in hong tung na hih man in, nangmah in na hoih pha tak in na sem hi. Tua hih ciangin hih san takah, Pasian in na tungah thu hong piakte ngai dingin kote khempeuh Pasian mai-ah ka om uh hi a ci hi. Piter thuhilhna 34Piter in a kamka in a thuhilhna in: Pasian in mite maitang et tuam a neih loh lam ka tel hi. 35Mi nam khempeuh lak panin amah kihta in, thuman thutak a bawlte a sang hi. 36Mi khempeuhte Topa ahi Jesu Khris hangin thupha Lungdamna Thu kihilh in, Israel mite a vaikhak hi. 37Tua tawh kizui in, Johan in baptaizna thu a hilh khit ciangin Galile gam pan kipan, Judah gam mun khempeuh dongin a kihilh khitna thu note in na thei uh hi. 38Pasian in Nazareth khua mi Jesu Kha Siangtho leh vangliatna tawh a zuih khit

125 ciangin, tua Jesu pai kawikawi in, thupha bawl in, dawimangpa in a bawlsiatte khempeuh a damsak hi. Bang hang hiam cihleh, amah tawh Pasian a om khawm hi. 39Judah gam sung leh Jerusalem khuapi sungah a bawl na khempeuhte ah kote in teci ka hi uh hi. Amaute in singlamteh tungah khai in a that uh hi. 40Ni thum khit ciangin Pasian in a thosak kik hi. 41Mi khempeuhte kiangah hi loin, Pasian in a teel kholhsa a teci, a nuntak kik zawh ciangin, amah tawh an ne khawm kote kiang bek ah hong kilatna ding thu a pia hi. 42Amah in: Mi khempeuhte kiangah thuhilh uh la, mi nungta leh mi site thu a khen dingin Pasian sehsa mi in, tuapa ahi hi, ci-in teci na pang un ci-in thu hong pia hi. 43Amah a um mi khempeuh in a min tawh mawh kimaisakna a ngah dinguh hi ci-in Pasian kamsangte khempeuh in teci a pang khin uh hi ci-in a gen hi. Gentailte tungah Kha Siangtho kipiakna 44Piter in thu a hilh lai takin a za khempeuh tungah Kha Siangtho a tung hi. 45Piter tawh a paikhawm vunatte khempeuh in Gentailte tungah Kha Siang tunna a muh uh ciangin a lungmang uh hi. 46Tua mite in kam tuamtuam tawh pau in, Pasian a phatna thu a za uh hi. 47Tua ciangin Piter in: Eite bangin Kha Siangtha a ngahte in kibaptaiz lohna dingin kua in tui a kham thei ding uh hiam? a ci hi. 48Amaute in Khris min tawh a kibaptaiz dingin thu a pia hi. Ni tawm khat Piter a tam laina dingin a thuum uh hi. 10:34 Thkna. 10:17. Jerusalem pawlpite Piter thuzaksakna Gentailte in Pasian thu a sanna thu uh Judah gamah a om sawltawkte leh Khristiante in a za uh hi. 2Piter in Jerusalem ah a pai to hi. 3Vunatte in: Nangmah in vunat lohte kiang ah pai in an na ne khawm hi ci-in a mawh sak uh hi. 4Piter in a banban in a gen hi. 5Amah in: Keimah in Joppa khua ah thu ka nget lai tak in, ka mangmuhna ah van panin kiu li tawh a kikhai puanza tawh a kibang na khat ka mu leh ka kiangah hong tung sak hi. 6Hih puan tel takin ka en in, ka ngaihsut lai takin leitungah a om khe li nei ganhingte, gamsate, a bokvak ganhingte leh vanah a om vasate tawh ka mu hi. 7Tua ciangin: Piter aw, tho in, go in la, ne in hong ci aw khat

11

SAWLTAKTE 11 ka za hi. 8Topa aw, tua bang hi theilo ding hi, a nin leh a siangtho lote khatvei beek ka ne ngei kei hi ka ci hi. 9Tua ciangin: Pasian in siangtho sakte a siangtho loin ngaihsun kei in ci-in van panin a nihveina aw in hong ci hi. 10Tua bangin a thumveina dongin ahih khit ciangin tuate khempeuh vanah a kikhaito kik hi. 11Kai-saria khua panin hong kisawl mi thum in thakhat in ka kiangah hong dinguh hi. 12Kha Siangtho in: Lunghimawh kei in la, amaute tawh paikhawm in hong ci hi. Hih unau gukte in kei tawh paikhawm in, tuapa innah ka lut uh hi. 13Amah in: Vantung mi khat ka inn sungah a ding ka mu a, Joppa khua ah a min thak Piter a kici Simon sam dingin sawl in. 14Tuapa in, nang leh na innkuanpite in gupna na ngahna ding uh hong hilh ding hi hong ci hi ci-in hong gen hi. 15Thuhilh ka kipat lai takin, eite tungah hong tun bangin amaute tungah zong Kha Siangtho a tung hi. 16Johan in tui sungah hong baptaiz hangin note in Kha Siangtho tawh na kibaptaiz dinguh hi ciin Topa thugenna ka phawk hi. 17Tua ahih ciang in eite in Topa Jesu Khris thu i up ciangin Pasian in thupha hong piak mah bangin, Pasian in tuate pia ahih leh, Pasian a nial dingin kei kua ka hi hiam? ci-in a gen hi. 18Hih thu a zakuh ciangin: Pasian in Gentailte zong a nuntakna dingun kisik kikna thu a pia hi ci-in Pasian a phat uh hi.. Antiok khua ah pawlpi 19Stefan bawlsiatna hangin a kikhenthang mite in Foenisia gam, Saipras gam leh Antiok khua dongin pai uh a, Judah mite kiang bekah thu a hilh uh hi. 20Ahih hangin Saipras mi leh Siria mi kimkhatte in Antiok khua a tunuh ciangin Topa Jesu Lungdamna Thu Grik mite kiangah zong a hilh uh hi. 21Pasian khut in amaute tawh om khawm a, mi tampi in um in, Pasian lamah hong kihei uh hi. 22Tua thute Jerusalem pawlpite in a zakuh ciangin, Antiok khua ah Barnabas a sawl uh hi. 23Barnabas a tun ciangin Pasian hehpihna thupha mu a, lungdam in amaute in lungsim takpi tawh Pasian beel dingin a hanthawn hi. 24Barnabas in mipha hi-in, Kha Siangtho leh upna a kidim ahih manin, mi tampi a kibehlap uh hi. 25Barnabas in Sawl zong dingin paikhia a, Tarsas khua a tung hi. 26A muh ciang in Antiok khua ah a paipih hi. Amaute in

SAWLTAKTE 12 pawlpi tawh kum khat sung om khawm uh a, mi tampi kiangah thu a hilh uh hi. Jesu nungzuite in Antiok khua ah Khristian a kici masa pen hi. 27Tua lai takin Jerusalem khua pan in, Antiok khua ah Pasian kamsangte hong tunguh hi. 28Tuate lakah Agabas kici khat ding a: Gam khempeuh ah kial hong tung ding hi ci-in Kha Siangtho tawh thu a hilh hi. Tual kialpi in Klaudia a man hun lai takin hong tung hi. 29Khristiante a hih thei zah ciatun Judah gamah a om Khristiante huhna sum khak dingin a vaihawm uh hi. 30Tua mah bangin bawluh a, upate kiang ah Barnabas leh Sawl-te a sawluh hi. 11:16 Sawl. 1:5; 19 Sawl. 8:1-4; 28 Sawl. 21:10. Jeim kithahna leh Piter thongkiatna Tua lai takin Herod kumippa in pawlpi a kibawlsiat theihna dingin thu a pia hi. 2Johan sanggampa namsau tawh a that hi. 3Hih thu hangin Judah mite lungdamna a muh ciangin Piter zong a manuh hi. Tua lai takin silngo sawh loh Anlum pawikham hun ahi hi. 4Piter a mat khit ciangin galkap li ciat a kikop, kop li cing sak in, thong sungah a khum hi. Paisan pawi a bei ciangin mihonte mai-ah lak khiat dingin a hanciam hi. 5Tua bangin Piter thong sungah a om lai takin pawlpite in ama adingin hahkat in thu a ngetsak uh hi. Piter suahtakna 6Herod in a lakkhiat ma a zan in, Piter sikhau nih tawh khih a, galkap nih kikal ah a ihmu in, thong kongkhak cingte in a cing uh hi. 7Pasian vantung khat a kiangah hong dingin, thonginn sungah khuavak a taang hi. Vantung mi in Piter pang bengin phong a: Tho mengmeng in a cih ciangin sikkhaute a khut panin a kitolkhia hi. 8Vantung mi in: Na kawng gakin la, na khedap bulh in a cih ciangin tua mah bangin a hih hi. Na puan silh in la, hong zui in a ci hi. 9Piter pai khia a, vantung mi nung a zuih hangin vantung mi ahih lam thei loin, mangmu a kisa hi. 10A cingte a thuapthuap in khengin, khuapi sung lutna kongpi a tun uh ciangin a ma thu tawh a paina dingun, kulh kongkhakte kihongin a paikhiat khit uh ciangin, thakhat in vantung mi in Piter a nusia hi. 11Piter in khua phawk a: Topa in vantung mi hong sawl in, Herod kumpipa khut

12

126 leh Judah mite lametna sung panin hong suakta sak takpi ahih ka thei hi a ci hi. 12Tua bangin a ngaihsut khit ciangin Marka, a min thak Johan nu Mari innah a pai hi. Tua lai ah mi tampi kikhawm in, thu a ngen uh hi. 13Piter in kong a kiuh ciangin Roda min nei nungak khatin a va ngai hi. 14Piter aw cih a theih ciangin lungdam mahmah a, kong hon loin inn sungah tai in: Kong khak kiangah Piter a ding hi ci-in a gen hi. 15Amaute in: A hai na hiam? a cihuh ciangin, amah in: Piter om takpi hi a ci teitei hi. Amaute in: Vangtung mi bangin Piter hong kibawl hi ding hi a ci uh hi. 16Piter in kong kiu kikkik a, a hon uh leh mu uh a, a lungmang uh hi. 17Amah in dai ding in a khut a van khit ciangin Topa in thong sung panin a lakkhiat dan a hilh hi. Tua thu Jeim leh sawltakte kiangah va gen un a cih khit ciang in, tua mun panin paikhia in, mundang ah a pai hi. 18A zingsang in Piter in koi lam tung hiam ci-in galkapte a gamlum uh hi. 19Herod in zongsak a, a muh lohuh ciangin a cingte thu a dot khit ciangin a that sak hi. Tua ciangin Judah gam pan in Kaisaria khua ah paisuk a, tua mun ah tawlkhat a om hi. Herod sihna 20Herod in Taiar leh Sidon khua mite tungah heh a, amaute in lungsim kikhat in a kiang pai in, a lupna saipa Blatas a mat khit uh ciangin kilemna thu a gen uh hi. Bang hang hiam cih leh, amaute an nek pen kumpite piak ahi hi. 21A kiciamkholh ni-in Herod in a kumpi puan silh in tokhom tung ah tu in, amaute kiangah thu a gen hi. 22Mohonte in: Hih aw in, mihing aw ahi kei hi. Pasian aw ahi hi! ci-in a kiko uh hi. 23Amah in Pasian min phatlo ahih manin Pasian vantungmi khat in thakhat in sat lum a, thante in a ne uh hi. Barnabas leh Sawl 24Ahih hangin Pasian thu in khang in a kizeel semsem hi. 25Barnabas leh Sawl in a sep ding khempeuh uh a zawh khituh ciangin Marka kici a min thak Johan la uh a, Jerusalem khua panin a ciah uh hi. 12:4 Pai. 12:1-17. Saipras ah thuhilhna Antiok khua pawlpi ah kamsangte leh thu hilhte a om uh hi. Tuate in Barnabas,

13

127 Niger kici Simeon, Sairia mi Lukias, Herod tawh a khangkhawm Manean leh Sawl-te ahi uh hi. 2Topa nasem in, a antan lai takun Kha Siangtho in: Barnabas leh Sawl ka nasem dingin hong khenkhiat un a ci hi. 3Tua ciangin antangin thu a ngen in, a tungah a khut uh a ngak khit uh ciang in a paisak uh hi. 4Kha Siangtho lamlahna bangin Seleukia khua ah a paisuk uh hi. Tua khua panin tembaw tung ah tuangh Saipras tuikulh a tunguh hi. 5Salamis khua ah a om lai takun Judah mite khopna inn sungah Pasian thu a hilh uh hi. Johan in amaute huh dingin a om hi. 6Tua gam khempeuh a paltan khituh ciangin Pafos khua tunguh a, Judah mi ahi amin Baar jesu kici zuau thu gen kamsangpa khat a mu uh hi. 7Tuapa in a pil mahmah Sargias Pawlas mangpa kiangah a om hi. Tua mangpa in Pasian thu za nuam ahih manin Barnabas leh Sawl a sam hi. 8Ahih hangin mibum thei ahi Elimas in amaute nial in, mangpa in thu a up lohna dingin a bawl uh hi. 9Ahih hangin Paul kici Sawl in Kha Siangtho tawh kidim in tuapa lim takin a en hi. 10Tua ciangin: Thu zuaute leh khemna namcin tawh a kidim, dawimangpa ta ahi thuman thutak galpa aw, Pasian lamtang siasak dingin khawl lo ding na hi hiam? 11Tu in na tungah Pasian khut om ding a, ni mu loin tawl khat na mittaw ding hi a cih ciang in thakhat in meii leh khuamial a tungah tung a, a khut lenin a paipih ding mi a kawi zon hi. 12Tua thu a muh ciangin mangpa in Pasian thu lamdang sa in a um hi. Antiok Pisidia ah Paul leh Barnabas 13Paul leh a lawmte in Pafos khua panin tembaw tawh pai in Pamfilia gam Perga a tung uh hi. Tua khua panin Johan in amaute tawh kikhen in, Jerusalem ah a ciah hi. 14Amaute Perga gamah pai suak in, Pisidia gam Antiok khua tung in, Nipi ni-in kikhopna inn sungah lutin a tu uh hi. 15Thukham lai leh kamsangte lai a sim khit ciangin kikhopna inn ukpa in amaute sam in: Ute naute aw, thuhilh ding na neihuh leh thu hong gen un a ci hi. 16Tua ciangin Paul ding in: Israel mite leh Pasian a kihtate aw, na ngai un. 17Israel mi pawlte Pasian in i pute pate teel a, Izipt gamah a om lai takun tua mite pahtawi in, tua mun pan in a khut tawh a paikhiatpih hi.

SAWLTAKTE 13 sawmli tawntung gampa lakah naupang bang in a kem hi. 19Kanaan gam sunga a om mi nam sagihte a suksiat khit ciangin, tua gam a luahna dingun kum zali leh sawmnga sung tawntung a hawmsak hi. 20Tua khit ciangin kamsang Samuel dongin thukhen mangte a pia hi. 21Tua khit ciangin amaute in kumpi ngenuh a, kum sawm li kumpi sem dingin, Benjamin pawl mi Kish tapa Sawl a pia hi. 22Tuapa khit ciangin David kumpipa in koih a: Ka deih bangin a sem ding, ka lungsim tawh a kituak mi Jessi tapa David ka mu khin hi ci-in ama adingin teci a pang hi. 23Amah hong kilat ma in, Johan in Isreal mite kisik kikna ding baptaizna thu a hilh hi. 24Johan in thu a hilhkholh lai takin, tua David suante lak panin Pasian a ciamsa bangin Israel mite ading Gumpa Jesu a piangsak hi. 25Tua Johan in a sepna a zawh ciangin: Kei in kua hi ci-in nong um uh hiam? Amah ka hi kei hi. Ahih hangin ka nungah hong pai mi khat a om lai hi. A khedap khau sut ding na ngawnin ka kilawm kei hi a ci hi. 26Abraham suan a kipan ute naute leh note lakah Pasian a kihtate aw, hih gupna thu eite kiang ah hong tung khin hi. 27Jerusalem khua pihte leh a ukte in amah leh Nipi ni simin a kisim Pasian kamsangte thute theilo ahih manun, tua thute tungsak dingin Jesu a dantat uh hi. 28Sihna tawh kituak ding a tungah thu khat beek a muh lohuh hangin, thah dingin Pilat mangpa kiangah a ngen uh hi. 29A thu a kigelhkhol khempeuh a tunsak khit uh ciangin, singlamteh tung panin la khia in, han sungah a vui uh hi. 30Ahih hangin sihna panin Pasian in a hing kik sak hi. 31Galile gam panin Jerusalem khua ah a nungzuite maiah ni tampi sung a kilang hi. Tua mite in tu lai tak in mite mai-ah ama adingin teci ahi uh hi. 32Ka tapa ahi hi. Tu ni-in nang ka hong piangsak hi ci-in Late Lai Siangtho nambat nihna sungah a kigelh khol hi. 33Tua mah bangin Pasian in Jesu hingsak kik a, i pute pate kiangah a piak kiciamna in ei a tate tungah hong tungsak hi ci-in Lungdamna Thu note kiangah kong paipih uh hi. 34David tungah a siangtho leh a kiptak ka piak hehpihna thupha note kong pia ding hi ci-in a genkholh mah bangin, tua Topa sihna panin hing sak kik a, a nung ciangin a muat ngei kei ding hi.
18Kum

SAWLTAKTE 14 35Lai Siangtho sungah: Na Mi Siangtho a muatna dingin thu ka pia kei ding hi ci-in a kigelh hi. 36David in Pasian deihna bangin a khan lai in, na a sep khit ciangin si a, a pute pate tawh kivui khawm in, muatna a ngah hi. 37Pasian in a hinkiksakpa ahih leh muatna a thuak kei hi. 38Tua ahih ciangin ute naute aw, tuapa hangin mawhna kimaisakna thu note kiangah hong hilh khin hi ci-in na thei ta un. 39Amah a umte khempeuh in Moses Thukham hangin a suakta zolote zong, ama hangin a suakta thei uh hi. 40Tua ahih manin Pasian kamsangte thu in note tungah hong tun lohna dingin na kikem un. 41Tua thu in: Mi gilote aw, en un. Lungmang un la, taimang un! Bang hang hiam cihleh, note khang hun in na khat ka bawl ding hi. Tua bawlna thu mi khatin hong hilh hangin na um kei ding uh hi ci-in a hilh hi. 42Paul leh Barnabas a paikhiat lai tak un, a mai Nipi ni ciangin thuhilh kik dingin a ngen uh hi. 43Kikhop a man ciangin Judah mite leh Judah ngeina sungah a tum Pasian zahtak mi tampi in Paul leh Barnabas nung zui uh a Pasian thupha sungah a kipna dingun amaute in thuhilhin a hansuah uh hi. 44Nipi ni kik ciangin Pasian thu ngai dingin khuazang dektak phial in hong kikhawm uh hi. 45Ahih hangin Judah mite in mihonte a muhuh ciang in haza uh a, Paul thuhilhna a gensia uh hi. 46Paul leh Barnabas in: Note kiangah Pasian thu hilh masa dingin thu a om hi. Ahih hangin, note paikhia in, nuntakna ngah dingin kilawm kisalo na hih manun, Pasian in kote thu hong piak mah bangin, Gentailte kiangah ka kihei ding uh hi. 47Pasian thupiakna in: Lei mong dongin gupna na piansakna dingin Gentailte khuavak dingin ka hong koih khin hi a ci hi ci-in lau loin a genuh hi. 48Gentailte in hih thu a zakuh ciangin a lunguh dam mahmah in, Pasian thu a phat uh hi. Nuntakna ngah dingin Pasian in a teelsate in thu a um uh hi. 49Topa thu in tua gam khempeuhah a kizeel hi. 50Ahih hang in Judah mite in Pasian a zahtak numei liante leh khua sung mi liante hansuah uh a, Paul leh Barnabas bawlsia in, khua panin a hawlkhia uh hi. 51Amaute in a khepeek tungah a bang leivuite amaute langkhat ah a sin khiat khit uh ciang in

128 Ikonium khua ah a pai uh hi. 52Khristiante in lungdamna leh Kha Siangtho tawh a kidim uh hi. 13:17 Pai. 1:7; 12:51; 18 Gam. 14:34; Thkna. 1:31; 19 Thkna. 7:1; Josh. 14:1; 20 Thkna. 2:16; 1Sam. 3:20; 21 1Sam. 8:5; 10:21; 22 1Sam. 13:14; 16:12; La. 89;10; 24 Mk. 1:4; Lk. 3:3; 25 Mat. 3:11; Mk. 1:7; Lk. 3:16; Jhn. 1:20; 1:27; 28 Mat. 27:2223; Mk. 15:13-14; Lk. 23:21-23; Jhn. 19:15; 29 Mat. 27:57-61; Mk. 15:42-47; Lk. 23:21-23; Jhn. 19:38-42; 34 La. 2:7; Isa. 55:3; 35 La. 16:10; 13:35; 41 Hab. 1:5; 47 Isa. 42:6; 49:6; 51 Mat. 10:14; Mk. 6:11; Lk. 9:5; 10:11. Ikonium ah Paul leh Barnabas Ikonium khua Judah mite kikhopna ah lutuh a, thu a hilh uh ciangin Judah mi leh Grik mi tampite in a um uh hi. 2Thu umlo Judah mite in amaute a kihuat bawl theihna ding in Gentailte a hansuah uh hi. 3Tua khua ah sawtpi tamuh a, lau loin Topa min tawh thu a hilh uh hi. Topa in amaute khut tungah lim leh na lamdangte a bawlna dingin thupia a, a hehpihna thu adingin teci a panguh hi. 4Khua sung mi honpite kikhen in, kimkhat in Judah mite lamah, kimkhat in sawltakte lamah a pang uh hi. 5Gen-tailte leh Judahte in upate tawh bawlsia uh a, suang tawh den dingin nakpi takin delh dingin a kisa uh hi. 6Amaute in a theihkholh uh ciangin Likaonia khua, Listra khua leh Derbe khua a kipan, 7tua khua kim gamah tai uh a, tua gamah Lungdamna Thu a hilh uh hi. Listra khua ah Paul suang tawh kidenna 8Listra khua ah pianpih khe zaw, a thahat lo leh khatvei beek lam a pai ngeilo mi khat tu in a om hi. 9Amah in Paul thuhilhna a ngaih lai takin, Paul in tel et a, dam theihna ding upna a neih lam a mu hi. 10Tua ciangin: Na khe tawh ding tang in ci-in nakpi takin a kiko ciangin, tuapa ding in lam a pai hi. 11Paul bawlna mihonte in a muh uh ciangin: Pasiante in mi hing mel bangin eite kiangah hong kumsuk hi ci-in Likaonia pau tawh a kiko uh hi. 12Barnabas pen Zeas ci uh a, Paul in thugen penpa ahih manin Hermas a ci uh hi. 13Khua mai-ah a om Zeas biakna innpi siampipa in paak leh bawngpi la in kongpi kiang ah paipih a, mihonte tawh bia dingin a kithawi uh hi. 14Paul leh Barnabas in a zakuh ciangin a puanuh balkek in, mihonte lamah a tai uh hi. 15Tua ciang

14

129 in: Topa aw, bang hangin hih bangin bawlna hi uh hiam? Kote in note tawh a kibang lungsim nei mi hi-in, hih a mawkna sepnate paaikhia in la, van leh leh, tuipi a kipan, a sungah a om khempeuhte a piangsak a nungta Pasian kiangah na kiheina dingun Lungdamna Thu kong hilh uh hi. 16Tua Pasian in a khang masa minam khempeuhte a ut bangin a gamtatna dinguh thu a pia hi. 17Ahih hanginn hong hehpih a, an tawh lungdamna hangin na lunguh hong dimsakin van guahtui hong zu sak a, a gah hun hong pia ahih manin, ama adingin teci a om khin hi a ci uh hi. 18Tua bangin mihonte a biak lohna dingin haksapi in a kham uh hi. 19Ahih hangin Antiok leh Ikonium khua panin Judah mite hong pai uh a, mihonte a hansuah khituh ciangin Paul suang tawh deengin, si khin ding a up uh ciang khuanawlah a kaikhia uh hi. 20Ahih hangin Khristiante in a kimkotah a om laitakun tho in khua sungah a lut kik hi. A zing ciangin Barnabas tawh taikhia a, Derbe khua tunguh hi. 21Lungdamna Thu khua sungah hilhuh a, Khristian tampi a suak sak khituh ciangin, Listra khua, Ikonium khua leh Antiok khua ah kilehkik in, Khristiante a kipsak uh hi. 22Amaute in: Eite in gimna tampi thuak in Pasian Gam sungah i lut ding hi ci-in upna sung a omna ding un, a hanthawn in thu a hilhuh hi. 23Amaute in pawlpi khempeuhah upate koihuh a, an tang in thu a nget khituh ciangin, Pasian khut sung ah a ap uh hi. Siria gam Antiok ah ciahkikna 24Pisidia gamah pai suak in, Pamfilia gam a tunguh hi. 25Perga khua ah Pasian thu ahilh khituh ciangin Attalia khua ah a paisuk uh hi. 26Tua khua panin, a zawh khitsate a sem dingin Pasian sungah thupha a ngah leh amaute a kisawl khiatna Antiok khua teembaw tawh a tung uh hi. 27A tunuh ciangin pawlpite kikhawmsak uh a, amaute tungah Pasian nasepnate leh Gentailte adingin thu upna kong a kihonna thute a zasak uh hi. Khristiante tawh sawtveipi a om khawm uh hi. Jerusalem vaihawmna Judah gam panin mi kimkhat hong pai uh a: Note in Moses Thukham bang in vun

15

SAWLTAKTE 15 na at kei uh leh gupna na ngah kei dinguh hi ciin sanggamte kiangah a genuh hi. 2Paul leh Barnabas in tua mite tawh tamveipi kinial in, a kiseel khituh ciangin, Khristiante in Paul, Barnabas leh Khristian kimkhatte tua thu kikum dingin Jerusalem khua ah a om sawltakte leh Pasian thuhilhte kiangah a paisakuh hi. 3Pawlpite in kha in Paul leh Barnabas in Foenesia leh Samaria gam tawnuh a, Gentailte kiheina thu a zasak uh ciangin ute naute in nakpi takin a lungdamuh hi. 4Jerusalem khua a tunuh ciangin pawlpi leh sawltakte leh upate in tung sakuh a, amaute tungah Pasian hihna thu khempeuh a zasak uh hi. 5Farisai pawl lak panin thu um pawlkhat hong ding in: Gentailte in vunat in Moses Thukham a zuihna dinguh hilh dingin a kilawm hi a ci uh hi. 6Sawltakte leh upate in tua thu vaihawm dingin a kikhawm uh hi. 7Tamveipi a kiseel khituh ciangin Piter ding in: Ute naute aw, Topa Pasian in a masa in note lakah ka kam panin Gentailte in Lundamna Thu za in, a upna dingun hong teelna na thei uh hi. 8Lungsim a thei Pasian in Kha Siangtho kote hong piak mah bangin amaute kiangah zong a pia hi. 9Amaute leh eite hong tuam khen loin upna tawh a lungsimuh siangtho sak in, amaute ading in teci a pang hi. 10Tua bang ahih leh, eite ahi zongin, i pute pate ahi zongin, a puak zawhloh hakkol Khristiante ngawngah suan dingin bang hangin Pasian ze-et na hi uh hiam? 11Topa Jesu hehpihna hang bek tawh tua mite in gupna a ngah mah bangun, eite in zong gupna i ngahna dingin i um hi a ci hi. 12Barnabas leh Paul in amaute tungtawn in, Gentailte kiangah Pasian in lim leh na lamdang a bawlna thu a zaksak lai takin mihonte in daidide in a ngai uh hi. 13A gen khituh ciangin Jeim in: 14Ute naute aw, ka thu hong ngai un. Pasian in a min adingin Gentailte sung pan kimkhat a teelkhiat ding, a masa in amaute kiangah a paina thu Simon hong hilh khin hi. 15Lai Siangtho sungah a kigelh mah bangin, tua thu in kamsangte thu tawh kituak hi. 16Tua thu in: Ka min tawh a kiphuak Gentailte leh a om lai mite in Topa a zonna ding un, a nung ciangin ka hongpai kik ding hi. A kipuksa David buk ka lamkik ding hi. 17A sia gawp khinte zong, ka bawl kik khit ciangin ka ding sak kik ding

SAWLTAKTE 16 hi. 18Ci-in, a cil pan thu hong theisak Pasian in a gen hi ci-in a kigelh hi. 19Tua ahih ciangin Gentailte lak pan in Pasian kiangah hong kiheite bawlsia kei ni. 20Ahih hangin milim kihhuaite ahi zongin, numei tawh khialhna ahi zongin, gawlmeek kithatsa ahi zongin, sisan ahi zongin, a tanna dingun vaikhak dingin kilawm ka sa hi. 21Bang hang hiam cihleh, tanglai pan kipanin kikhopna innah Moses Thukham Lai Siangtho Nipi ni simin kisim a, khua khempeuhah thuhilhte a om uh hi ci-in a gen hi. Upa thukikumte khensatna 22Tua ciangin sawltakte, upate leh pawlpi khempeuh in amaute lakah milian ahi: Barnabas, a min thak Judah leh Silas-te teel in, Antiok khua ah Paul leh Barnabas-te tawh paikhawm sak le hang a hoih ding hi, ci-in a thukim uh hi. 23Lai khat gelh uh a, tuate tawh hi bangin a khak uh hi: Sawltakte leh upate ahi sanggamte in Antiok khua a kipan Siria gam leh Kilikia gamah a om Gentailte ute naute kiangah ki-itna, lai tawh kong zasak uh hi. 24Mi kimkhat in kote thupiakna hi loin, kote kiang panin paikhia uh a, note lungsim hong lumlet in, hong gimsakna thu ka za uh hi. 25Tua ahih manin kote leh Topa Jesu min hangin a nuntakna a pia ka it uh, 26Barnabas leh Paul ka teeluh note kiangah kong paikhop sakna dinguh ka thukim uh hi. 27Tua ahih ciangin note kiangah kam tawh hong zasak dingin Judas leh Silas kong paisak uh hi. 28A thu in, milim biakna ganhing sa ahi zongin, sisan ahi zongin, gawlmeek kithatte sa leh numei tawh khialhna-te, 29na tanna dinguh thukham sim loh, van dang note tungah suat ding in Kha Siangtho leh kote in kong awi kei uh hi. Tuate tang le-ucin, note adingin a pha ding hi. Na ci dam ta un ci-in lai gelh a pia uh hi. 30Tuate khutah lai a piak khituh ciangin Antiok khua ah pai uh a, mite a kikhop sak khituh uh ciangin laikhak a pia uh hi. 31Amaute in tua lai a sim khituh ciangin noptuamnate hangin a lungdam uh hi. 32Judah leh Silas in Pasian kamsang ahih man un sanggamte kiangah thu tampi hilh in a kipsak uh hi. 33Sawtpi a tam khituh ciangin, 34lungdamna tawh sawltakte ahi sanggamte kiangah a ciahsak kik uh hi. 35Ahih hang in Paul

130 leh Barnabas in Antiok khua ah midangte tawh Topa thuhilh in a om lai uh hi. Barnabas leh Paul kikhenna 36Ni tampi khit ciangin Paul in: Pasian thu i hilh khitna khuate ah a om Khristiante bangci om uh hiam, va en kik ni? ci-in Barnabas kiangah a gen hi. 37Barnabas in Marka tonkhopih dingin a ngaihsun hi. 38Paul in Pamfilia khua ah Marka in amaute tawh kikhen ahih manin, tua bang nasem ding a zui nuamlo mi pen tonpih dingin a deih kei hi. 39Tua thu hangin khat leh khat kinial in, kikhen uh a, Barnabas in Mark tonpih in tembaw tungah tuangin Saipras gamah a pai hi. 40Khristiante in Pasian khut sungah Paul a ap khit uh ciangin Silas samin a paikhia uh hi. 41Amaute in Khristian pawlpi kipsakin Siria gam leh Kilikia gamah a pai uh hi. 15:7 Sawl. 10:1-43; 8 Sawl. 2:4; 10:44; 16-18 Amos 9:11-12; 20 Pai.34:15-17; Siam. 18:6-23; Siam. 17:10-16; 33 Sawl. 13:13. Timoti leh Silas in Paul a zuihna Paul in Derbe khua leh Listra khua a tung hi. Listra khua ah Timoti min nei Khristian khat a om hi. A nu in thu um Judah numei khat ahi hi. 2A pa ahih leh Grik mi ahi hi. Tuapa in Listra khua leh Ikonium khua ah a om sanggamte lak ah maipha a ngah mi ahi hi. 3Paul in tonpih nuam ahih manin, a pa in Grik mi ahihna tua gamah a om Judah mite in thei uh ahih manin, a vun a at sak masa uh hi. 4Amaute in khuapite ah a pai lai takun Jerusalem khua ah a om sawltakte leh a piakuh thukhamte Khristiante pawlpite a pia uh hi. 5Tua ahih manin Khristian pawlpite upna kip semsem a, nisim in a kibeklap den uh hi. Makedonia pan sapna 6Frgia gam leh Galatia gamah a pai suak khit uh ciang in, Asia gamah Pasian thu a hilh lohna dingin Kha Siangtho in a kham hi. 7Misia gam a tun uh ciang in Bithinia gamah pai dingin a ngaihsut lai takin Jesu Kha in thu a pia kei hi. 8Misia gam nawlah pai in, Tros khua a tunguh hi. 9Zan ciangin Paul mang sungah Makedonia mi khat dingin: Makedonia gamah hong galkah in la, kote hong huh in ci-in a thuum hi. 10Paul in mang a mat khit ciang in, amaute kiang ah

16

131 Lungdamna Thu hilh dingin Pasian in kote hong sawl hi ci-in ciamteh in ka ngaihsut uh ciangin, Makedonia gamah thakhat in pai dingin ka hanciam uh hi. Lidia kikhelna 11Tua ciangin Troas khua pan tembaw tungah tuangin Somathroasia kici tuikulh ah tang pai suak in, a zing ciangin Neapolis khua a tunguh hi. 12Tua panin Rom gamke Makedonia gam sungah lian pen, Filippi khua ka tunguh a, sawt veipi ka tam uh hi. 13Nipi ni-in thungetna mun hi ding ka upmwhna uh gun gei-ah pai in, tua munah puansan zuak a kikhawm numeite thu ka hilh uh hi. 14Puansan zuak Thiatira khua mi ahi, Pasian a bia numei a min Lidia in ka thu uh a za hi. Paul thuhilhna tua numei in a ngaihna dingin Pasian in a lungsim a honsak hi. 15A inn kuanpihte tawh a kibaptaiz khit ciangin: Pasian thupha um takpi ci-in nong upuh leh, ka innah hong tungun la hong tam un ci-in thum in hong kho hi. Filippi ah thongkiatna 16Tua khit ciangin thungetna munah ka pai lai takun, aisan in a tote ading sum ngah thei, dawilut sila nungak khat in kote hong dawn hi. 17Amah in Paul leh kote hong zui in: Hihte in gupna lampi hong hilhte hi uh a, Sang Pen Pasian nasemte ahi uh hi ci-in a kiko hi. 18Tua bangin ni tampi sung a hih hi. Paul lungdamlo ahih manin kihei a: Jesu Khris min tawh a sung panin paikhia in, thu kong pia hi a cihleh, tua dawi in thakhat in a paikhia hi. 19A tote in sum ngahna ding lametna a om notloh lam a theihuh ciangin, Paul leh Silas manin, khua ukte mai ahi sumbuk lamah a paipih uh hi. 20Thukhen mangte kiang a tun uh ciangin: Hih mite in Judah mi hinapi-in kote hong bawlsia hi. 21Rom mi in i san ding leh i zuih ding a kilawm lo ngeinate hong hilh uh hi a ci uh hi. 22Mihonte in a langkhatah dinguh a, a puante uh a balkeek uh ciangin, thukhen mangpa in ciangpum tawh sat dingin thu a pia hi. 23Mun tampi a liam khit uh ciang in, thong sungah khum uh a, thong ukpa kiangah: Phatak in na cing in ci-in thu a pia hi. 24Tua bangin thupiakna a ngah khit ciangin, thong tawng nung penah koih in, a khete uh kol a bulh hi.

SAWLTAKTE 17 25Zan lai takin Paul leh Silas in thungen in Pasian min phatna la sa uh a, thongkia mite a ngai uh hi. 26Tua lai takin, thakhat in zin nakpi in liing a, thonginn bulte kiliingin, kong khak khempeuh kihong in, mi khempeuh a kisut khia hi. 27Thong ukpa tho in, kongkhakte honsa in a om a muh ciangin, thongkia khempeuh suakta khin hi ci-in ngaihsun a, a namsau dok in, kithat dingin a kisa hi. 28Paul in: Bang mah hih kei in. Ka vekpi un ka om uh hi ci-in a kiko hi. 29Thong ukpa in meivak tawh lut in, Paul leh Silas-te khebul ah bokin, launa tawh a liing hi. 30Amaute a paikhiat pih khit ciangin: Tote aw, gupna ka ngahna dingin bang hih ding ka hiam? ci-in a dong hi. 31Amaute in: Topa Jesu na up leh nang leh na innkuanpite tawh gupna na ngah dinguh hi a ci uh hi. 32Tua ciangin amah leh a innkuanpihte thu a hilh uh hi. 33Tua nai laitakin thong ukpa in Paul leh Silas-te a kisatna liammate a sawpsak khit ciangin, a mite tawh thakhat in a kibaptaiz uh hi. 34A inn ah lutpih in an vak a, Pasian a up manin, a innkuanpite tawh a lungdam uh hi. 35A Zingsang ciangin thukhen mangpa in palik bute nih paisak in: Tua mite na khah un ci-in thu a pia hi. 36Thong ukpa in: Na kikhahna ding un thukhen mangpa in thu hong pia khin hi. Tua ahih ciangin paikhia un la, lungnuam takin om un ci-in Paul kiangah a gen hi. 37Ahih hangin Paul in: Rom mi ahi kote thukhenna om loin, a kilangin hong sat khituh ciangin thong sungah hong khum khin hi. Tu in hong khah sim dinguh ahi hiam? Hilo hi. Amaute hong pai uh hen la, hong lakhia uh hen ci-in palikbute kiangah a gen hi. 38Palik bute in thukhen mangpa kiangah Rom mi ahihna uh a zaksak uh ciangin a lau mahmah uh hi. 39Amaute mah hong pai in thuum in, a lakkhiat khituh ciangin, khua sung panin a paikhiatna dingun a ngenuh hi. 40Tua ciangin Paul leh Silas in thong sung panin paikhia uh a, Lidia innah lut in, ute naute tawh kimu in, amaute a lungkipsak khituh ciangin a paikhia uh hi. Thesalonika khua gamlumna Amaute in Amfipolis leh Apollonia khua ah a ban khituh ciangin Thesalonika khua a tung uh hi. 2Paul in a geina bangin kikhopna inn

17

SAWLTAKTE 17 ah lut in, amaute kiangah Nipi thum tawntung, amaute tawh Lai Siangtho a kiseel uh hi. 3Khris in sihna a thuak khit ciangin sihna pan a thawhkikna ding thu om a: Kong thuhilh in Jesu Khris ahi hi ci-in tel takin thu a hilh hi. 4Amaute lak pan in kimkhat in um uh a, Pasian a bia Grik tampite leh a minthang numeite in Paul leh Silas tawh a kipawl uh hi. 5Ahih hangin Judah mite in haza uh a, mi gilo kimkhatte a sap khituh ciang in, mihonte kikhawm sakin, khuasunga gamlum sak uh hi. Jason inn ah umcih uh a, mite mai-ah kaihkhiatna ding a zong uh hi. 6A muh loh uh ciangin, Jason leh sanggamte kimkhat khua ukte kiangah paipih in: Leitung gam khempeuh a kilumlet sak hih mite in hih san dongin hong tung uh hi. Jason in a inn ah tung sak hi. 7Tuate khempeuh Kaisar kumpipa thu nialin: Jesu kici kumpupa a dang a om hi ci-in a kiko uh hi. 8Mihonte leh khua ukte in hih thu a zakuh ciangin a lungmang uh hi. 9Tua ciang Jason leh a dangte in kiciamna sum a piak khituh ciangin khah uh hi. Berea ah sawltakte 10Sanggamte in Berea khua ah thakhatin zan lai takin Paul leh Sila a pai sak uh hi. A tun uh ciang in Judah mite kikhopna inn ah lut uh hi. 11Tua mite in Thesalonika khua mite sangin migi zaw uh hi. Lungulhna tawh Pasian thu sanguh a, hih thute in aman hiam? a man kei hiam? cih a theihna dingun ni simin Lai Siangtho tel takin a sin uh hi. 12Tua ahih ciangin, a minthang Grik numeite leh pasalte in thu a um uh hi. 13Ahih hang in Paul in Berea khua ah Pasian thu hilh in a omna thu Thesalonika khua Judah mite in a zakuh ciangin, Berea khua ah hong pai uh a, mihonte a hansuah khituh ciangin, a nawngkai sak uh hi. 14Tua ciangin sanggamte in Paul tuipi dong ah thakhat in a paisak uh hi. Silas leh Timoti in a tam lai uh hi. 15Paul a khate in Athen khua dong a khak khituh ciangin Silas leh Timotite a manglangin hong paina dingin vaikhakna thu a zak sak khituh ciangin a ciah uh hi. Athen ah Paul 16Paul in Athen khua ah Silas leh Timoti ngak in a om lai takin, khua sungin milim tawh a kidimna a muh ciangin a lungmang hi. 17Tua ciang in kikhopna inn sung ah Judah mite leh Pasian a bia mite leh sumbuk a kituahpih mite tawh a

132 kikum uh hi. 18Epikura leh Stoik lungpilte kimkhat in Paul tawh kidem uh a, kimkhatte in: Hih kamtam pau theipa in bang thu gen nuam ahi hiam? a ci uh hi. Kimkhat in: Hihpa in gam dang pasiante thu hong hilh hileh a kilawm hi a ci uh hi. Bang hang hiam cihleh, Paul in Jesu hinkikna thu a genna hang ahi hi. 19Tua ciangin amaute in Paul samuh a, Areopagas mualno tung ah a paipih khituh ciangin: Na thu theih in, kote theih dingin a kilawm hiam? 20Bang hang hiam cihleh, kote zak ngei loh thu nong zasak hi. Tua thu in bang a cihnopna hiam ka thei nuam uh hi a ci uh hi. 21Athen khua mite khempeuh leh Athen khuapia a zin a tungte khempeuh thu a ngaihna ding sim loh, na dang a sem kei uh hi. 22Paul in Areopagas mualno tungah dingin: Athen mite aw, note in biakna inn na hahkat lam uh ka thei hi. 23Bang hang hiam cihleh, lampi-ah ka pai lai takin, na biaknate uh ka et leh: Kitheilo Pasian ading ci-in a kigelh biakna tau khat ka mu hi. Note in na theih lohuh tua Pasian thu kong hilh ding hi. 24Leitung a kipan a sungah a om na khempeuhte a piangsak Pasian in, van leh lei a uk mangpa ahih manin, mi khut tawh kibawl biakna inn ah a teng kei hi. 25Amah in hinna leh naksuk naktohna a kipan na khempeuh hong pia ahih manin, na khat peuh a deih manin, mite khut tawh kivak ahi kei hi. 26Amah in leitung mi khempeuh namkhat bek panin bawl a, amaute nuntakna ding hun leh a tuam ciatin a omna dinguh ahi zongin a ciamteh khin hi. 27Bang hang hiam cihleh, mite in Pasian zongin a muh theihna dinguh a hi hi. Tua bang i cih ciangin Topa Pasian eite kiang panin a gamla kei hi. 28Bang hang hiam cihleh, eite in hingin, gamtang in, i nungta hi. Tua mah bangin note lai gelhpa in a gen mah bangin: Eite in ama suante i hi hi a ci hi. 29Pasian suante i hih manin Pasian mite lungsim siamna leh khutsiamna tawh a bawl kham tawh, ngun tawh, suang tawh a kibangin ci-in i up dingin a kilawm kei hi. 30Pasian in mihingte thei lohnate a thusim loh hangin, tu in amaute mawhna a kisik kikna ding un, mun khempeuh ah mite kiangah thu a pia khin hi. 31Bang hang hiam cihleh, amah in a koihpa tawh leitung mite tungah thumanna tawh thu a khenna ding Ni a gen khol khin hi. Tuapa in sihna pan in

133 a hinkik ciangin, a kitel khin hi ci-in mi khempeuh a theisak khin hici-in Paul in a gen hi. 32Amaute in misite hinkikna thu a zakuh ciang in, kimkhat in kosia uh a, kimkhat in: Hih thu ka za nuam lai hi a ci uh hi. 33Tua ciangin Paul in amaute kiang pan in a paikhia hi. 34Mi kimkhat in Paul beelin a thu a um uh hi. Tua mite lakah Areopagas mi Diaonisias leh Damaris min nei numei a kipan mi dangte zong a om uh hi. 17:24-25 1Kum. 8:27; Isa. 45:5 Sawl. 8:47. Korin ah Paul Tua khit ciangin Paul in Athen khua panin paikhia a, Korin khua a tung hi. 2Tua lai takin Klaudia kumpipa in Judah gam mi khempeuh Rom khua panin a paikhiatna dinguh thupia khin ahih manin Pontas gam mi ahi a min Akuila kici Judah mi khat a zi Prisilla tawh Italy gam panin a sawt loin hong tunguh a, Paul in a muh ciangin a kiangah a tung hi. 3Puanbuk khui ahi a nasepuh kibang ahih manin Paul in a innah om in, na a sem khawm uh hi. 4Paul in Nipi simin kikhopna innah thuhilh a, Judah mite leh Grik mite a zol hi. 5Silas leh Timoti in Makedonia gam panin hong tunuh ciangin, Paul in thuhilhna bek sem in, Jesu in Khris hi ci-in Judah mite kiangah nakpi takin a hilh hi. 6Judah mite in nial in, tawn bawl ahih manun Paul in a puan singin: Note sisan in, note lu tungah om ta hen! Kei ka siang hi. Tu a kipanin Gentailte lamah ka pai ding hi a ci hi. 7Tua khit ciangin, tua lai panin paikhia in Pasian a bia Titus Justas innah a pai hi. Tuapa inn in kikhopna inn tawh a kinai hi. 8Kikhopna inn ukpa Khrispas in a inn kuanpihte tawh Topa a um hi. Korin mi tampite in zong thu ngai uh a, um in a kibaptaiz uh hi. 9Zan kim lai tak Paul mang sungah Topa in: Lau kei in. Pau loin om kei in, thu na gen ding hi. 10Nangmah tawh om khawm ka hih manin kuamah in nang hong bawlsia in, hong sat lo dinguh hi. Hih khua sung ah mi tampi ka nei hi. a ci hi. 11Paul in tua khua mite kiang ah Pasian thu hilh in, kum khat leh khaguk tawntung a om hi. 12Gallio in Akhaia gam mangpipa za a ngah khit ciangin Judah mite in lungsim kikhatin Paul mannuh a, thukhen tokhom mai-ah a paipih uh hi. 13Tua ciangin: Hihpa in ngeina tawh kituak

18

SAWLTAKTE 18 loin Pasian bia dingin mite a zol hi ci uh hi. 14Paul in thu gen dingin a kipat lai takin Gallio in: Judah mite aw, ngeina ahi thu leh gitlohna thu ahi zongin, na thu uh ka ngaih dingin a kilawm hi. 15Tua hi loin, thu ahi a, min ahi zongin, note biakna thukhat tawh kisai ahih leh note mahin na vaihawm dinguh hi. Tua bang thute a khen ding in ka ut kei hi a ci hi. 16Tua ciangin thukhenna tokhom panin a hawlkhia hi. 17Mihonte in kikhopna inn ukpa Sosthenes man uh a, thukhenna tokhom mai-ah a satuh hi. Gillio in ahih leh, tua thu phamawh sa loin a om hi. Antiok Paul ciahkikna 18Paul in ni tampi a tam khit ciangin sanggamte tawh kikhen a, khatvei lai-in a kiciamsa bang in Kenkhrea khua ah a sam a met khit ciang in, Prisilla leh Akuila-te tawh tembaw tung ah tuangin Siria gamah a pai hi. 19Efesa khua a tun ciangin, Akuila leh Prisilla-te a nusia hi. Paul ahih leh kikhopna inn sungah lut in, Judah mite tawh thu a kikum uh hi. 20Amaute in Paul a tam laina dinngin a nget uh hangin a mang kei hi. 21Paul in: Pasian in hong awi leh, khat vei kong pai kik ding hi ci-in amaute tawh kikhen in tembaw tawh Efesa khua panin a paikhia hi. 22Paul in Kaisaria khua a tun ciangin pawlpite kikhoppih ding in a paitoh khit ciangin, Antiok khua ah a pai suk hi. 23Tua khua ah sawtpi a om khit ciangin pai kik a, Galati gam leh Frigia gam ah pai in, Khristian khempeuh a kipsak hi. Efesa ah Apollos thuhilhna 24Alekzandria khua mi Apollos min nei, thuhilh siam, Judah mi khatin Efesa khua ah a tung hi. 25Tuapa in Lai Siangtho siam in, Topa lam thu sim khin a, lungsim hahkat in Jesu thu tel takin a hilh hangin, Johan baptaizna thu bek a thei hi. 26Amah in kikhopna inn sungah lau loin thu a hilh hi. Prisilla leh Akuila-te in a thu a zakuh ciangin samuh a, Pasian ngeina thu a kician zaw in, a hilh uh hi. 27Amah in Akhai a gamah pai dingin a kisak ciangin, ute naute in zin a na tunsakna dingin vaikhakna lai pia uh a, a hansuah uh hi. A tun ciangin thupha hehpihna tawh a umte nakpi in a huh hi. 28Jesu in Khris ahihna thu Lai Siangtho tawh tel takin lak a, mite mai-ah Judah mite kam a nial hi. 18:18 Gam. 6:18.

SAWLTAKTE 19 Efesa ah Paul Apollos in Korin khua ah a om lai takin, Paul in leilu lam gam a pai suak khit ciang in Efesa khua hong tung kik in, Khristian tawm a mu hi. 2Paul in: Note in na up khituh ciangin Kha Siangtho na ngah uh hiam? ci-in a dot leh: Kha Siangtho om hi cih thu a zak mahmah zong ka za ngei kei uh hi a ci uh hi. 3Paul in: Tua bang ahih leh kua min tawh kibaptaiz na hi uh hiam? ci-in a dot ciangin: Johan bapaizna ka ngah uh hi a ci uh hi. 4Paul in: Johan in: Ka nungah hong paipa na um dinguh hi ci-in mite kiangah genin, mawhna a kisik kik manun a baptaiz hi. Tua in Topa Jesu a cihna ahi hi ci-in a gen hi. 5Amaute in hih thu a zakuh ciangin Topa Jesu min tawh a kibaptaiz uh hi. 6Paul in amaute lutungah a khut a ngak khit ciangin, Kha Siangtho in amaute tungah hong tungin kamtuam pau in, kam a sang uh hi. 72Tuate a kisim ciangin pasal sawm leh nih a pha uh hi. 8Paul in kikhopna innah lut in, kha thum tawntung Pasian Gam thu gen a, zolin, lau loin a hilh hi. 9Mi kimkhat in lungkhauh in, um loin mite maiah Lam thu a kosiat uh ciangin, Paul in amaute kiang panin Khristiante a tuam khenkhit ciangin Tirannas laihilhna sanginn ah nisim in thu a kikum uh hi. 10Tua bangin kum nih tawntung thu a hilh khit ciangin, Asia gam sungah a om Judah mi leh Grik mi khempeuh in Topa thu a za den uh hi. Skeva tapate 11Pasian pawlpi tungtawn in a lian na lamdang tampi a lak hi. 12Pawlpi sung pan mainul leh kawnggak ahi zongin na khat peuhpeuh cinate kiangah a puakuh ciangin dam in, dawi gilote a paikhia uh hi. 13Ahih hangin a mot vak kawikawi kimkhat in dawi gilo lutna mite tungah Topa Jesu min tawh thupia in: Paul in a hilh Jesu min tawh kong sawl hi ci uh hi. 14Akeva kici Judah siampi tapa sagihte in tua bangin a hih un hi. 15Dawi gilote in: Jesu ka thei uh hi. Paul zong ka thei uh hi. Note in kua mi na hi uh hiam? a ci uh hi. 16Tua khit ciangin dawi gilo lutpa in tuate tungah diangin, zo mang a, a puante uh suah sakin, a liam a bai in, inn panin a taikhia uh hi. 17Tua thu Efesa khua ah a om Judah mite leh Grik mite khempeuh in a zak uh ciangin lau uh a, Topa

19

134 Jesu min a phatuh hi. 18A um mi tampite hong pai in tuate gamtatna thu uh a genuh hi. 19Aisan thei mi tampite in zong amaute laibute hong paipih uh a, mite mai-ah mei tawh a hal uh hi. Hih laibute a man a kiseh ciangin ngun thennga man ahih lam a kithei hi. 20Tua bangin Topa thu vangliatna tawh khangin a zo zaw hi. Efesa khua gamlumna 21Tua nung ciangin Paul in Makedonia gam leh Akhaia gamah a pai khit ciangin Jerusalem khua ah pai dingin, a lungsim tawh a hanciam in: Tua khua a tun khit ciangin Rom khua ka phak teitei kul ding hi a ci hi. 22A nasem mi nih ahi: Makedonia gamah Timoti leh Erastas a pai sak khit ciangin, amah in Asia gamah tawlkhat om lai hi. 23Tua lai takin Lam thu hangin thusia a piang hi. 24Bang hang hiam cihleh, Demetrias min nei sum sungpa khat in Diana dawi numei ngun biakna inn neute bawl in, sum sungte a meet sak thei hi. 25Tuapa in sum sungte leh tua bang nasemte a hawmsak khit ciangin: Lawmte aw, hih nasepna tawh eite in sum i ngah lam na thei uh hi. 26Hih pawlpi in: Mite khut tawh kibawl pasian om lo hi ci-in Efesa khua bek hilo, Asia gam khempeuh ah mi tampi zol a, a lunglut sakna uh mu in na thei uh hi. 27Eite nasepna hong sia gawp tham loin, a lian dawi numei Diana biakna inn thusim loin, Asia gam a kipan mi khempeuhte in a biakuh a minthana zong a kisiatna ding lunghihmawh huai hi ci-in a gen hi. 28Amaute in hih thu a zakuh ciangin hehna tawh kidim uh a: Efesa khua Diana a lian hi! ciin a kiko uh hi. 29Khua sung khempeuh gamlumna tawh kidim hi. Amaute in Paul in khual a zin pih Makedonia mi Gaias leh Aristarkhus a mat khituh ciangin, pawikhamna inn sungah lungsim kikhat in a tai uh hi. 30Paul in kikhopna inn sungah lut dingin a kisak lai takin Khristiante in a kham uh hi. 31A lawmte in Asia pawikhamna inn sungah pai lo dingin mi sawl in Paul kiangah a thuum uh hi. 32A kikhawm mite in gamlum uh ahih manin, thu a tuamtuam tawh a kiko uh hi. Mi a tam zawte in amaute in bang hangin kikhawm ahi uh hiam cih zong a thei kei uh hi. 33Judah mite in Alekzandria sawl in, mihonpi lak panin sam uh a, mite mai-ah a pai sak uh hi. Alekzandria in a khut zanin kham a, mite mai-ah

135 mawh kiphelna thu a gen nuam hi. 34Ahih hangin Judah mi ahih lam amaute in a theihuh ciangin: Efesa khua Diana a lian hi! ci-in nai nih dektak aw kihual in a kiko uh hi. 35Khua lai-atpa in mihonte a daihsak khit ciangin: Efesa khuapihte aw, Efesa khua mite in van panin a kiasuk mi lian Diana biakna inn a kicing ahih lam a theilo kua om i hi hiam? 36Hih thute nialna ding omlo ahih manin note in daitak in ngaihsut huai hi. Ngaihsun masa loin, na hih uh leh a kilawm kei hi. 37Bang hang hiam cihleh, biakna inn hong sut lo, eite pasiannu a kosia lo hih mite nong paipih zenzen uh hi. 38Tua ahih ciangin Demetrias a kipan amah tawh a om khawm mi khat peuh tung ah thu nei uh ahih leh, zum inn om a, thukhen mangte zong om in, amaute in khat leh khat kimawhsakta uh hen. 39Ahih hangin thu dang na koh nopuh leh, mi kikhopna sungah kikhen ding hi. 40Bang hang hiam cihleh, tu ni gamlumna hangin mawhsakna i thuak khak ding lung hihmawh huai hi. Hih kikhopna ah i thugen ding bang mah omlo hi a ci hi. 41Tua thu a gen khit ciang in mi kikhawmte a paikhia sak hi. Makedonia leh Grik gamah Paul a zinna Tua gamlumna a bei khit ciangin Paul in Khristiante sam in, a hansuah khit ciangin Makedonia gamah a pai hi. 2Tua gamah pai suakin, Khristiante a hansuah khit ciangin Grik gam a tung hi. 3Kha thum a tam khit ciangin, tembaw tawh Siria gamah pai dingin a kisak lai takin Judah mite in bawlsiat dingin hanciam uh ahih manun, Makedonia gam lamah pai kik ding in a hanciam kik hi. 4Paul in Asia gam adingin a pai khawmte Bera khua mi Pirras tapa Sopater, Thesalonika khua mi Aristarkhus leh Sekundus, Derbe mi Gaia, Listra mi Timoti, Asia gam mi Tikhikas leh Trofimas ahi uh hi. 5Hih mite pai masa uh a, Troas khua ah kote hong ngakuh hi. 6Silngo sawhloh Anlum pawikham ni a bei khit ciangin, Filippi khua panin tembaw tuangin pai in, ni nga khit ciangin Troas tungin tua khua ah ni sagih ka tam uh hi. Troas ah mangpha khak in Paul a hawhna 7Ni sagih lak pan ni masa bel ni-in khomun belnen dingin ka kikhop lai takun, Paul zing din sawm ahih man in, kihopihna ah zan kim dong in

20

SAWLTAKTE 20 thu a hilh hi. 8Inndei tung ahi ka kikhopna ah meivak tampi a om hi. 9Eutikhas kici tangval khat in, kongvangneu ah a tut lai takin a lusu hi. Paul in sawt veipi thuhilh ahih manin tuapa ihmu in, inn dawl thumna panin kiasuk in a si hi. 10A nuai ah Paul kumsuk a, a tungah lumin a kawi khit ciangin: Gamlum kei un. A sungah hinna a om lai hi a ci hi. 11Paul kahto kik a, khomun balnen in a nek khituh ciangin, khuavak dong hopih in, tua khit ciangin a paikhia hi. 12A hingin tua tangvalpa a paipih uh a, a lung uh a dam mah-mah uh hi. Troas pan Miletas ah 13Kote in Paul mai-ah tembaw tawh pai in Assos panin amah lak dingin ka hanciam in, tua khua ah ka pai uh hi. Bang hang hiam cihleh, Paul in tua khua dong leilam zuih dingin a hanciam hi. 14Assos khua panin ka kitun tuah khituh ciangin Mitiles khua ah ka pai uh hi. 15Tua khua panin ka paikik uh ciangin a zing ciangin Khios tuikulh kiang tungin, kha khat khit ciangin Samos tuikulh tungin, a ni khat khit ciangin Miletas khua ka tung uh hi. 16Bang hang hiam cihleh, Paul in Pentcost pawikham ni a tun ma in, Jerusalem khua a tun zawh khak leh ci-in hahkat in, Asia gamah sawtpi om nuan loin, Efesa khua ah khawl loin pai dingin a hamciam hi. Efesa upate hanthotna 17Miletas panin Paul in Efesa khua ah mi sawl in pawlpi upate a samsak hi. 18Amaute a tunuh ciangin Paul in: Asia gam ka tun pan kipan tu dongin note bangci gamta in ka om zia nong thei uh hi. 19Lungsim kiniam sak in, khitui luangin Judah mite hanciamna a hoihlo bawlsiatna thuak in, Topa na ka sem hi. 20Note adingin thupha khat beek sit loin mite kikhopna leh inn khat khit inn khat ah kong hilh hi. 21Pasian mai-ah kisik kikna thu leh Jesu Khris upna thute Judah mite leh Grik mite kiangah ka hilh thu na thei uh hi. 22Tua in Kha Siangtho khihna thuak in Jerusalem ah ka pai ding hi. Tua khua panin ka tungah bang thu piang ding hiam cih ka thei kei hi. 23Ahih hangin kihenna leh thong kiatna in kei hong ngak hi ci-in Kha Siangtho in ka tunna khuate ah hong hilh hi. 24Ahih hangin Pasian hehpihna ahi Lungdamna Thu hilhna dingin, Topa Jesu khut sung panin ka ngah za nasepna

SAWLTAKTE 21 ka zawh theihna dingin, ka nuntakna sungah bang mah phatmawh sak ka nei kei hi. 25Vak kawikawi in Pasian Gam Thu ka hilhna ka maitang na mu nawn kei dinguh hi, ci-in tu in ka thei hi. 26Tua ahih ciangin mi khempeuh sisan tungah khial loin ka omna thu kong hilh kik hi. 27Bang hang hiam cihleh, Pasian thu khempeuh note hilhna dingin a ka peel kei hi. 28Tua ahih ciangin Topa in sisan tawh a lei pawlpi vak dingin, Kha Siangtho in note a hong koih tuunote leh nomau pumpi uh pha takin na kem un. 29Ka paikhiat khit ciangin gia gilote hong lutin, tuute a hehpih kei dinguh hi. 30Khristiante zolkhiatna dingin zuau thu a gen mite note lakah piang ding hi cih ka thei hi. 31Tua ahih ciangin ngak un. Kumthum tawntung sun leh zan in khitui tawh mi khempeuh tungah ka thu hilhna na mangngilh kei un. 32Pasian tungah note kong pia hi. Note hong piak khopna dingin, Pasian kepna leh a hehpihna thupha note kong ap hi. 33Mite ngun leh kham-te ka deih gawh kei hi. 34Hih ka khutin, kei leh kei mah tawh a om khawmte hong vakna note in na thei uh hi. 35Tua bangin na sepuh leh thahat lo mipte na huh thei in: Ngahna sangin piakna ah lungdamna a lian zaw hi ci-in Jesu thugen na ngaihsutna dingun na khempeuh note thugentehna tawh kong lak khin hi ci-in a gen hi. 36Tua thute a gen khit ciangin khukdin in thu a ngen khawm uh hi. 37Avekpi un nakpi in kapuh a, Paul ngawng kawi in a namuh hi. 38Amaute in a maitang a muh not loh dingin a genna hangin a dah pen uh hi. Amaute in tembaw khawlna dong Paul a kha uh hi. Miletas pan paikhiatna Tua mite tawh a kikhen khituh ciangin, tembaw tawh Kos khua ka tunguh a, a zingsang ciang in Rodes tuikulh ka tung uh hi. Tua khua panin Patara tuikulh ka tunguh hi. 2Foenesia gam tembaw a pai ding om a hih mamnin, tuangin ka pai suak uh hi. 3Saipras tuikulh ka muhuh ciangin a tak lamah pai in Siria gam ah galkah in tembaw in a van khempeuh a suahkhiatna ding mun Taiar khua ah ka khawluh hi. 4Tua lai ah Khristiante ka muhuh ciangin ni sagih sung ka tamuh hi. Paul in Jerusalem ah pailo dingin amaute Kha Siangtho tawh a gen hi.

21

136 sagih khit ciangin ka pai kikuh a, Khristiante khempeuh in a zite tate tawh khua nawl dong hong kha in, tuipi gei ah khukdinin thu ka ngen uh hi. 6Thu ka nget khituh ciang in mangpha kikhak in, tembaw tung ah ka kahto uh a, amaute a ciah uh hi. 7Taiar khua panin Tolemias khua ka tunuh ciangin tembaw tungah paina a om nawn kei hi. Tua khua ah Khristiante ka hopih uh a, ni khat ka tam uh hi. 8A zingsang ciangin paikhia kik in Kaisaria khua tung in, upa Sagihte lak ah Filip thuhilh siapa innah tungin ka om uh hi. 9Tua-pa in kamsang tanu li a nei hi. 10Tua innah sawt pi ka om lai takun Agabas min nei kamsangpa khat in Judah gam panin hong pai suk hi. 11Tuapa in kote kiangah hong tung in, Paul kawnggak la in, a khut leh khe a henkhit ciangin: Hih kawnggak neipa in Jerusalem khua ah a om Judah mite in hih bangin hen in, Gentailte khut tung ah a pia ding uh hi ci-in Kha Siangtho tawh thu a pia hi. 12Tua thu ka zakuh ciang in kote leh tua khua ah a om mite in: Jerusalem ah pai kei in ci-in Paul kiangah ka thum uh hi. 13Paul in: Bang dingin kapin, ka lungsim kitap zanna ding in om na hi uh hiam? Topa Jesu min hangin Jerusalem khua bek ah kihenna hi loin, sihna dong thuak dingin ka kiging khol khin hi a ci hi. 14Ka zolna uh hong man loh ciang in kote in: Topa deihna bang hi ta hen ci-in ka zol nawn kei uh hi. 15Tua khit ciang in ka vante uh la in, Jeru-salem khua ah ka paito uh hi. 16Kaisaria khua ah a om Khristian kimkhat in hong zui uh hi. Ka zintunna dinguh Manason min nei Saipras gam mi, Khristian a suak zawh a sawt nailopa innah hong kha uh hi. Jeim kiangah Paul hawhna 17Jerusalem khua ka tunuh ciang in ute naute in lungdamna tawh hong dawn uh hi. 18A zing ciangin Jeim kiangah Paul tawh ka hawh khawm uh a, Khristian upa khempeuh hong kikhawm uh hi. 19Paul in tua mite a hopih khit ciangin a sepna hang in Pasian in Gentailte tungah a hihna thu khempeuh khat khit khat a banin a gen hi. 20A zak uh ciang in Pasian min a phat uh hi. Paul kiang ah zong: Sanggam aw, thu um Judah mi then bangzah a om na thei hiam? Tua mite khempeuh Thukham hahkat in a zui uh hi. 21Gentailte lak ah a om Judah mite khempeuh in
5Ni

137 a tate u vunat saklo bek hi loin, ngeina tang loin Moses thu nusia dingin hilhuh hi ci-in hih mite in a za khin uh hi. 22Tua ahih ciangin bang cih ding na hi uh hiam? 23Na hong tunna uh thu a za ding uh hi. Tua ahih ciangin ka cih bangin gen un. Thu kiciamsa mi li ka nei uh hi. 24Tua mite la in, amaute tawh na kisiangtho sak in la, amaute sammetna ding dangka na sik ding hi. Tua bang ahih kei leh na thu a zakuh pen bangmah hilo ahih man in, Thukham tang khial loin na om lam a thei dinguh hi. 25Thu um Gentailte ahih uh leh, milim biakna, sisan leh gawlmek tawh a kithat sa leh numei tawh khialhna a tanna dingun thukhen in lai ka gelh khinuh hi ci-in a genuh hi. 26Tua ciangin Paul in tua mite paipih a, zingsang ciang in amaute tawh a kisiantho sak khit ciang in biakna innpi sung ah pai in, tuate khempeuh ading biakna a piak khit ciangin, kisiantho sakna ni a cing sak hi. Paul kimatna 27Ni sagih a cin dek tak ciangin, Asia gam Judah mite in biakinnpi ah Paul a mu uh hi. 28Tua ciang in mi honpite hansuah uh a: Israel mite aw, hong huh un! Hihpa in i mipawlte, Thukhamte leh hih munah ahi zongin a kituak loin gamta a, mun khempeuh ah a om mi khem-peuh kiangah thu a hilh hi. Tua bek hi loin, Grik mite biakna inn sungah lut in, hih mun siangtho a nin sak hi. ci-in a man uh hi. 29Bang hang hiam cihleh, Efesa mi khat in Trofimas khua sungah Paul mu khin a, Paul in tuapa biakinnpi sungah a lut sak hi ci-in a um uh hi. 30Khua zangin gamlum uh a, mi tampi hong tai in, kikhawm uh a, Paul man in biakinnpi sung pan a kaikhiat khituh ciang in kong a khak kik uh hi. 31Amaute in Paul that ding in a kisak lai takun, khuazangin a gamlumna thu uh galkap mangpa kiangah a tung hi. 32Tua ciangin galkap mangpa leh galkapte a manlang in sam a, tua mite kiangah a tai suk hi. Amaute in galkap bupa leh galkapte a muh ciang in Paul a sat nawn kei uh hi. 33Tua ciangin galkap mangpa in va nai a, Paul a mat khituh ciang in sikkhau nih tawh hen dingin thu pia a: Hihpa in kua mi ahi hiam? Bang gamta khial hiam? ci-in a dong hi. 34Kimkhat in thu tuam, kim-khat in thu tuam ciat in kiko uh ahih manun, mangpa in a gamlumna hang uh tel zolo ahih

SAWLTAKTE 22 manin, galkap innah Paul paipihna dingin thu a pia hi. 35Kahlei a tung ciangin galkapte in Paul domin a pua uh hi. 36Bang hang hiam cihleh, mi honte in a nungzui in: Amah that ni ci-in a kiko uh hi. 37Galkap inn sungah Paul a tum lai takin: Kam khat kong gen thei ding hiam? ci-in galkap mangpa kiangah a dot leh: Grik kam siam na hi hiam? 38Nangmah in ni dang lai in misuam ding hansuah in, a suamte tuili leh gampa lakah a paipih Izipt mi hilo na hi hiam? ci-in a dong hi. 39Paul in: Kilikia gam khua khatah a suak Judah mi ka hi hi. Khua ginalo ah teng ka hi kei hi. Hih mite kiangah thu ka gen theihna dingin thu hong pia in, kong thum hi a ci hi. 40Galkap mangpa in thu a piak ciangin kahlei tungah dingin a khutzan in mite kham a, amaute in a daih khit uh ciang Hebru kam tawh thu a hilh hi. 21:8 Sawl. 6:5; 8:5; 10 Sawl. 11:28; 23-24 Gam. 6:13-21; 25 Sawl. 15:29; 29 Sawl. 20:4. Judahte maiah Paul a kihutna Ute naute leh pate aw, tu ni-in ka mawhna kiphelhna dingin kong gen thu na ngai un a ci hi. 2Hebru kam tawh a gen mite in a zakuh ciangin a dai semsem uh hi. 3Paul in: Kilikia gam Tarsas khua ah a suak, Judah mi ka hi hi. A hih hangin hih khua sungah Gamaliel khe kiang ah an vak ngah in, i pu i pate Thukham bangin pelh loin thu kihilhna ka ngah hi. Note khempeuh bangin tu ni-in Thukham ka hahkat hi. 4Hih Lam a zui numei leh pasalte hen in, thong sungah khum in, a sih dongun ka bawlsia hi. 5Hih thu khempeuh ah siampi liante leh upate in ka hihna thu hong tel gen thei dinguh hi. Amaute kiang panin ute naute a ding vaikhakna lai ka ngah khit ciangin, Damaska khua ah a omte dantat ding leh ka hen khit dingin, Jerusalem khua ah paipih dingin ka pai hi. 6Tua bangin ka pai lai takin: Lampi ka pai lai takin Damaska khua ka naih uh ciangin, sun lai takin van panin khuavak a taang mahmah ka kimkotah thakhatin hong taang hi. 7Lei tung ah ka puk ciangin: Sawl aw! Sawl aw! bang hangin hong bawlsia na hi hiam? hong ci aw ka za hi. 8Tua ciangin: Topa aw, kua na hi hiam? ci-in ka dot leh: Na bawlsiat Nazareth khua mi Jesu ka hi hi hong ci hi. 9Ka tonpihte khuavak a muh uh hangin, thu hong genpa a mu

22

SAWLTAKTE 23 kei uh hi. 10Keimah in: Topa aw, bang ka hih ding hiam? ci-in ka dot leh; Tho in la, Damaska khua sung ah na lut ding hi. Tua khua panin na nasep ding vaikhakna thu khempeuh hong kihilh ding hi hong ci hi. 11Tua khuavakna hangin ka mit in khuamu nawnlo ahih manin, ka tonpihte in a khut uh tawh hong kai in, Damaska khua ka tunguh hi. 12Tua lai takin Thukham tawh mawhsakna a omlo, tua khua ah a om Judahte khempeuh tung ah phatna a ngah, 13Ananias hong pai in ka kiangah: Sanggampa Sawl aw, na mit in khua mu ta hen a cih cingin thakhatin amah ka mu thei pah hi. 14Amah in: I pute pate Pasian in a deihna a theihna ding leh a Mi Siangtho na muhna ding ahi zongin, a kam sung panin aw na zak ding ahi zongin, hong koih khin hi. 15Bang hang hiam cihleh, na muh leh na zakte khempeuh mi khempeuh mai-ah ama ading in teci na hi ding hi. 16Tu in zong bang ngak na hi hiam? Pasian kiangah thungen in la, na mawhna sawp siangna dingin kibaptaiz in hong ci hi. 17Tua khit ciangin Jerusalem khua biakinnpi sungah thu ka nget lai takin, mang ka mu hi. 18Tua in: Jerusalem khua panin a manlangin paikhia in. Bang hang hiam cihleh, na thu genna hong sang kei ding hi ci-in Pasian in hong genna ka za hi. 19Kei zong: Topa aw, nang hong umte thong sungah ka khum a, kikhopna inn khempeuh ah ka satna thu amaute khempeuh in hong thei uh hi. 20Na teci Steven sisan a kibuak lai takin a kiangah dingin thukim bek hi loin, a that mite puan ka kepsak hi ci-in ka gen hi. 21Tua ciangin: Paikhia in la, Gentailte kiang a gamlapi ah nang kong sawl ding hi hong ci hi ci-in a gen hi. 22Hih thu khempeuh amaute in a za uh hi. Tua ciangin: Hihpa leitung panin paaikhia mang un, hing khawi dingin a kilawm kei hi ci-in a kiko uh hi. 23Amaute kiko in, a puante uh suahkhia in leivui van lamah a lawn uh hi. 24Tua ciangin galkap mangpa in, bang hangin kiko na hi uh hiam cih a theihna dingin Paul satna tawh thu dot dingin galkap inn sungah tumpih dingin thu a pia hi. 25Paul savun khau tawh a hen khituh ciangin, Paul in a kiangah a ding galkap bupa kiangah: Rom mi khat thukhenna omlo pi-in sat ding in a

138 kilawm hiam? ci-in a dong hi. 26Galkap bupa in tua thu a zak ciangin galkap mangpa kiangah pai a: Bang cih ding na hi hiam? Hihpa in Rom mi ahi hi a ci hi. 27Galkap mangpa in Paul kiang ah hong pai in: Rom mi na hi takpi hiam? a cih ciang in: Ka hi hi a ci hi. 28Galkap mangpa in: Dangka tampi pia in hih nam min ka ngah hi a cih ciangin Paul in: Ka pianna panin Rom mi ka hi hi a ci hi. 29Tua ciangin thu dong dingin a kisa mite in Paul kiang panin a paikhia pah uh hi. Amah in Rom mi ahih lam thei napi in, khau tawh hen khinuh ahih manun, galkap mangpa in a lau mahmah hi. 30A zing ciangin, Judah mite mawhsakna galkap in thei tel nuam ahih manin Paul khah in, siampi liante leh upate a kikhop sak khit ciang in paipih suk a, amaute mai ah a koih hi. 22:3 Sawl. 20:4; 3 Sawl. 5:34-39; 4-5 Sawl. 8:3; 26:9-11; 20 Sawl. 7:58. Upa vaihawmte maiah Paul Paul in upte tel takpi in en a: Ute naute aw, tu ni dongin Pasian mai-ah ka pumpi mawhsakna ding om loin ka om hi a ci hi. 2Tua ciangin: Siampi mangpa Ananias in: A muk sat un ci-in a kiangah a ding mite thu a pia hi. 3Tua ciang in Paul in: Leikang tawh a kizut suang cian aw, Pasian in nang hong sat ding hi. Pasian Thukham tawh ka tungah thukhen dingin na tu napi in, Thukham tawh kileh ngat in hong kisatna ding in, bang hangin thu pia na hi hiam? a ci hi. 4A kiang ah a ding mite in: Bang hangin Pasian siampi mangpa gensia na hi hiam? a ci uh hi. 5Tua ciangin Paul in: Ute naute aw, amah in Pasian siampi mangpa ahih lam ka thei kei hi: Na mite a uk siampi mangpa na kosia kei ding hi, ci-in Lai Siangtho sungah a kigelh hi a ci hi. 6Upa kimkhat Farisaite, Saddusite kimkhat ahih lamuh Paul in a theih ciangin: Ute naute aw, Farisai mi ka hi hi. Mi sisate hong thokik ding hi ci-in ka lamet hangin thu dotna ka thuak hi ciin upate kiangah a gen hi. 7Paul in tua thu a gen khit ciangin Farisaite leh Saddusite khat leh khat kiseel uh ahih manin, a kikhawmte a kikhen uh hi. 8Bang hang hiam cihleh, Saddusite in: Hinkikna leh vantung mite om hi cihthu um lo uh a, ahih hangin Farisaite in a um uh hi a ci uh hi. 9Tua ciang in gamlumna piang a, Farisaite lak ah

23

139 laitheite kimkhat dingin nakpi takin nial uh a: Hihpa tungah bangmah mawhna ka mu kei hi. Kha ahi zongin vantung mi ahi zongin a kiangah a gen leh bang phamawh hiam? a ci uh hi. 10Kiseelna a tam semsem ciangin, amaute in Paul a kisuh ding uh lau ahih man in galkap mangpa paisuk a, amaute lak panin zawhthawh thu tawh Paul a la hi. 11A zing nitak ciangin Topa in Paul kiangah ding a: Paul aw, lunghimawh kei in. Ka thu Jerusalem khua ah na gen khin hi. Tua mah bangin Rom khua ah zong ka teci thu na pang lai ding hi a ci hi. Paul thah dingin kigeel 12Khua a vak ciangin Judah mite kikhawm uh a: Paul ka thah matengun an ne lo, tui dawn loin ka om dinguh hi ci-in a kiciam uh hi. 13Tua bang in a kiciamte a kisim ciangin sawmli val a pha uh hi. 14Tua mite in siampi liante leh upate kiangah pai uh a: Kote in Paul ka thah matengun bang mah ka ne kei dinguh hi ci-in a kiciam uh hi. 15Tua ahih maninn note in upa vaihawmte tawh Paul thu phatakin khen ding bangin a hong paipih sukna dinguh galkap mangpa kiangah na gen un. Note kiangah Paul hong tun ma in, lam kalah a that dingin ka na om khol dinguh hi. ci-in a genuh hi. 16Paul sanggamnu tapa in, tuate in lampi ah pang cih a theih ciangin, galkap inn sung ah lut in Paul a zasak hi. 17Paul in galkap khat sam a: Hih tangvalpa in thugen ding khat nei ahih manin, galkap mangpa kiangah va kha in a ci hi. 18Galkap bupa in tangvalpa pen galkap mangpa kiangah paipih a: Mangpa kiangah kohnop a nei hih tangvalpa na kiang ah va paipih in hong ci hi a ci hi. 19Galkap mangpi in tangval pa khut len a, a kilang lona ah paipih in: Bang thu hong ko nuam na hi hiam? ci-in a dong sim hi. 20Tangvalpa in: Zing ciangin Paul in upa kikhopna ah hong pai suk ciangin, Judah mite in ama thu tel takpi in a dong ding bangin, na kiang ah hong ngen ding in a vaihawm khinuh hi. 21Tua ahih ciangin amaute deihna bang zui kei in. Bang hang hiam cihleh, Paul a thah matengun an nelo, tui dawnlo dingin a kiciam mi sawmli val in lam gei ah a pang uh hi. Tua mite in, amaute thu na thukim pih ding bek a ngakuh hi a ci hi. 22Tua ahih ciangin galkap mangpa in: Hih thu ka

SAWLTAKTE 23 kiang ah nong gen lam kuama kiang ah na gen kei in ci-in tangvalpa thu a pia hi. Kaisaria ah Paul paipihna 23Tangvalpa a ciah khit ciangin galkap mang pa in galkap bupa sam a: Tu nitak nai kua ciang in Kaisaria khua ah pai dingin galkap zanih tawh, sakol tuang galkap sawmsagih tawh teipi tawi galkap zanih tawh na kisasak in. 24Paul tuanna ding sakol pia in la, phatakin mangpipa kiangah a paipih dinguh hi ci-in thu a pia hi. 25Amah in hi bangin lai a gelh hi: Klaudia Lisias in Mangpipa Feliks kiangah lungdamna lai kong khak hi. 27Judah mite in hihpa man uh a, that ding in a kisak lai tak un, amah in Rom mi ahihna thu ka theih ciang in, galkapte tawh pai in, a nuntakna ka honkhia hi. 28A mawhsakna thu uh ka theihnop manin, amaute upa vaihawmte kiangah ka paipih suk hi. 29Kithah theihna ding leh thong sung ah khum theihna dingin khialhna nei loin, a thukham thu bekuh tawh mawhsak ahih lam ka tel hi. 30Tuapa bawlsiatna dingin, a hanciam thu ka zak ciangin, thakhat in na kiangah kong paisak a, amah a mawhsakte in nangma kiangah hong kohna dingin thu ka pia khin hi a ci hi. 31Tua ciangin galkap mangpa vaikhak bangin galkate in Paul la uh a, zan lai takin Antipatris khua ah a tung uh hi. 32A zingciang in sakol galkapte in Paul paipih uh a galkapte a ciah uh hi. Sakol tuang galkapte in Kaisaria khua a tun uh ciangin, Mangpa khut tung ah lai pia in, Paul zong mangpipa mai-ah a koih uh hi. 34Mangpipa in lai a sim ciangin: Kua gam mi na hi hiam? ciin a dot leh Kilikia gam mi ahih lam a thei hi. 35Tua ciangin: Hong mawhsakte hong tunuh ciangin na thu ka ngai ding hi ci-in Herod kumpipa inn ah khum dingin thu a pia hi. 23:3 Mat.23:27-28; 5 Pa. 22:28; 6 Sawl. 26:5; Fil.3:5; 8 Mat. 22:23; Mk.12:18; Lk. 20:27. Felik maiah Paul Ni nga khit ciangin siampi ukpa Ananias in Tertullas kici kamsiampa leh upa vaihawmte tawh Kaisaria khua hong tung uh a, Paul thu mangpipa a ko uh hi. 2Paul a sap khit uh ciangin, Tertullas in mawhsakna thu gen a: Alian Mangpipa Felik aw, nangma nong donna

24

SAWLTAKTE 25 hangin, hih mipawlte sungah nopna hong khang semsem hi. 3Gam khempeuh leh mipawl khempeuh in lungdamna lianpi kinei ahih manin, a lian Felik aw, na tungah ka lunguh a dam mahmah hi. 4Ahih hangin, kong buaisak lohna ding un, hehpihna tawh kote thu nong ngaihsakna dingin kong thum hi. 5Nazareth mipawl ukpa ahi, leitung khempeuhah a om Judah mite suamna dingin a hansuah, hih migilopa ka mu uh hi. 6Tua banah biakinnpi a simmawh ciangin ka manuh a, kote Thukham bangin ama thu sit dingin ka geel khinuh hi. 7Ahih hangin galkap mangpa Lisias in hong pai in, zawhthawh thu tawh kote kiang panin hong lakkhiat sak a, na mai-ah a langte hong paina ding thu a pia hi. 8Amah thu dong lecin ka mawhsakna thu uh na tel zaw seem ding hi ci-in a ko uh hi. 9Judah mite in zong: Hih thu ahi takpi hi ci-in a mawhsak uh hi. Felik mai-ah Paul kihutna 10Mangpipa in a khut tawh thugen dingin Paul a hilh khit ciangin Paul in: Nangmah in hih mipawlte sau veipi na ukna thu thei ka hih man in, lungdamin ka mawh kiphelhna thu kong gen ding hi. 11Pasian bia dingin Jerusalem ah ka paitoh ni sawm leh ni nih bek a phak lam na thei khin hi. 12Biakinnpi sungah mi khat peuh tawh thu ka nialna hong mu khat zong a om kei hi. Kikhopna inn sung, khua sung leh mihonte ka hansuahna hong mu a om kei hi. 13Hong mawhsakna thu uh teci dingin thu kician takin hong lak thei kei uh hi. 14Ahih hangin, amaute biakna pawltuam a cih uh Lam thu bangin ka pute pate Pasian ka bia hi ci-in ka nial kei hi. Thukham leh Pasian kamsangte Lai Siangtho khempeuh ka um hi. 15Mi dik leh mi dik lote khempeuh in sihna panin hing kik ding hi ci-in amaute lamet bangin Pasian suangin ka om hi. 16Tua ahih manin, Pasian tungah ahi zongin, mite tung ah ahi zong in, ka lungsim sungah mawhna a om lohna dingin a tawntungin nakpi takin ka hahkat hi. 17Tu-in kum tam veipi khit ciangin ka pawlte hehpihna lungdamna piakna dingin kong pai hi. 18Tua hehpihna ka piak lai takin biakinnpi sung ah mi kikhawm omlo leh gamlumna om het loin a siangtho biakna ka piak lam, Asia gam panin hong pai mi kimkhat in hong mu uh hi. 19Tua

140 mite in, hih mite in ka tungah mawhsakna ding a om leh na mai-ah hong pai in hong mawhsak leh a kilawm hi. 20Ahih kei leh upa vaihawmte maiah ka din lai takin, 21Mi site in a hinkikna thu hangin, tuni dong in note thu dotna ka thuak hi cih kikona aw kamkhat longal, a dang mawhna a mu uh hiam? tu in hih mite in hong gen ta uh hen a ci hi. 22Mangpipa in: Galkap mangpa Lisias hong paisuk ciangin note kong dong ding hi ci-in Lam thu thei zo ahih manin, thukhen loin, amaute a khahkhia hi. 23Tua ciangin: Paul thong sung ah om loin, kicing hen. A lawmte in a kiangah pai in, an a piak nopuh leh na kham kei un ci-in galkap bupa a vaikhak hi. 24Tua khit a sawt loin Felik mangpiapa in Judah mi ahi, a zi Drusilla tawh hong pai khawm in, Paul samin Jesu Khris upna thu a ngai khawm uh hi. 25Paul in dikna thu, kidekna thu leh hong tung ding thukhenna Ni thute a hilh ciangin Felik mangpipa in lau a: Tu in pai in, a kilawm hun ciangin kong sam kik ding hi a ci hi. 26Paul in a kihutna ding dangka a piak khak leh ci-in, tamveipi samin a vaihawm hi. 27Kum nih a cin ciangin Porsias Festas in Felik za a laih hi. Tua Felik in Judah mite lungdam sak nuam ahih man in thong sungah Paul a omsak lai hi. 24:17-18 Sawl. 21:17-18. Kaisar tung Paul ngetna Festas mangpa tua gam hong tun zawh ni thum khit ciangin Kaisaria khua panin Jerusalem ah a paito hi. 2Tua ciangin siampi liante leh Judah u liante in Paul thu tawh kisai a kiang ah a ko uh hi. 3Lampi ah suamlup ding in vaihawm uh a, Jerusalem khua ah a paisakna ding in a thum uh hi. 4Ahih hangin Festas in: Paul in Kaisaria khua ah kikhum in a om hi. Tua khua ah sawt loin ka pai ding hi. 5Tua ahih ciangin note lakah ahi theite in hong zui un la, tuapa tung ah mawhsakna ding a om leh mawhsak ta un a ci hi. 6Festas in Jerusalem ah ni giat a tam khit ciangin Kaisaria khua ah pai a, a zing ciangin thukhen tokhom tungah tu in, Paul a samsak hi. 7Paul a tun ciangin Jerusalem pan in hong pai mite in, teci kician a lah theih loh uh hangin, a

25

141 lian thu tampi tawh Paul a mawhsak uh hi. 8Paul in: Judah ngeina Thukham leh a biakinnpi ahi zongin, Kaisar kumpipa tungah ahi zongin ka khial kei hi a ci hi. 9Ahih hangin Festas in: Jerusalem khua ah pai in, hih thu kong khensak ding na ut hiam? ci-in Judah mite a lungdam sakna dingin Paul kiangah a dong hi. 10Paul in: Kaisar Kumpipa Thukhenna tokhom mai-ah ka ding hi. Tua tokhom mai-ah ka thu khen dingin a kilawm hi. Na theih bangin Judah mite tungah bangmah khialhna ka nei kei hi. 11Tua ahih ciang in mi gilo ka hih a, sihna kilawm mawhna ka gamtat leh sihna tawh ka kipelh kei ding hi. Ahi zongin hih mite hong mawhsakna khat beek zong man lo ahih man in, kuam ah in amaute khut sungah hong pia thei kei ding hi. Kaisar kumpipa kiang ah ngetna ka nei ding hi a ci hi. 12Tua ciangin Festas mangpipa in upate tawh vai a hawm khit ciangin: Nangmah in Kaisar kumpipa kiangah ngetna ka bawl ding hi ci na hih manin Kaisar kumpi kiangah na pai ding hi a ci hi. Agrippa leh Bernika mai-ah Paul 13Tua khit a sawt loin Agrippa kumpipa leh a zi Bernika tawh a tunuh ciangin Festas a hopih uh hi. 14Sau veipi a tam khit ciangin, Festas in Paul thu kumpipa kiangah: Feliks mangpipa in thong sungah khum in, a nusiat mi khat a om hi. 15Jerusalem khua ah ka om lai takin siampi liante leh Judah upate in tuapa thu hong ko uh a, a tung ah thu hong khensak in ci-in hong thum uh hi. 16Tua ciangin: Mawhsakna a ngah mi in, a mawhsak mite tawh kimai tuahsak in, a mawhsakna panin a kiphelna thu a ngah masiah, mi dang tung ah piak ding cih pen Rom ngeina ahi kei hi ci-in ka gen hi. 17Tua mite in hih munah hong kikhawm in khawl loin, a zing ciangin thukhen tokhom tungah tu in tuapa ka sam sak hi. 18Amaute in dingin genuh a, ka upmawh bangin a tungah thusia a koih kei uh hi. 19Amaute biakna thu leh a sisa mi khat Jesu hang in a mawhsak uh hi. Paul in: Tua Jesu nungta hi a ci hi. 20Tua thu ka tel lohna hangin: Jerusalem ah pai in, hih thukhenna na thuak ding hiam? ci-in amah ka dong hi. 21Amah in: A lian kumpipa kiangah ngetna ka bawl nuam in, kikhum lai dingin hong ngetna bangin Kaisar kumpipa kiangah a pai masiah ka khumsak hi a ci hi.

SAWLTAKTE 26 in: Tuapa thu ka za nuam hi a cih ciangin Festas in: Zing ciangin a thu na za ding hi a ci hi. 23A zingsang ciang Arippa leh Bernika in mi lian ahihna uh tawh kizui in, khua sung uliante tawh hong tunguh a, kikhopna inn sung ah a tum uh ciangin, Fastas thupiakna tawh Paul zong a lutsak uh hi. 24Festas in: Kumpipa Agrippa a kipan kote tawh a om khawm mite aw, hihpa na mu uh hi. Jerusalem khua leh hih lai ah a om Judah mite khempeuh in a thu nong ko uh a; Amah in tomkha nangawn nungta dingin a kilawm kei hi na ci uh hi. 25Amah in sihna dong thuak ding in mawhna a gamta loh lam ka thei a, a lian Kumpipa kiangah ngetna bawl nuam ing a cih ciangin, a paina dingin thu ka khen hi. 26A thu lai tawh kician takin gelh in kumpi zaksak ding thu a kician ka nei kei hi. Tua ahih ciangin note in na dot tel khituh ciangin lai gelh ding ka neihna dingin note mai leh kumpipa Agrippa maiah kong paipih hi. 27Bang hang hiam cihleh, kumpipa kiangah mawhsakna lai pia loin paisak lengh a kilawm kei hi ci-in ka um hi a ci hi.
22Agrippa

Agrippa mai-ah Paul kihutna Tua ciangin Agrippa in: Nangmah in, nang adingin na gen thei ding hi a cih ciangin Paul in a khut zan in: 2Agrippa kumpipa aw, na mai-ah Judah mite hong mawhsakna pan ka kipelhna ding thu gen thei ding ka hih manin ka nuam hi. 3Judah ngeina thute leh thu kidotna khempeuh siamin na thei khin hi. Tua ahih ciangin lim takin ka thu na ngai ta un. 4Jerusalem khua ah ka mipawlte kiangah ka om lai tak in, ka neu lai pan ka om zia leh ka hihnate Judah mite khempeuh in a thei uh hi. 5Judah ngeina a zui Farisai mi ka hihna mite in teci a pan nopuh leh a thei masa pente ahi uh hi. 6Tu in Pasian in i pute pate a piak thu kiciamna hangin lametna tawh thukhenna thuak in ka om hi. 7Judah nam sawm leh nihte in sun leh zan in hahkat in, Pasian bia in thu kiciamna a ngah-na ding uh a lamen uh hi. Kumpipa aw, hih lametna hang in Judah mite in hong mawhsak uh hi. 8Pasian in mi mite hing kiksak ding hi cih pen up ding hilo hi ci-in bang hangin ngaihsun uh ahi hiam? 9Nazareth khua mi Jesu min tawh a kituak thu tampi bawlhuai lo hi ci-in ka um hi. 10Jeru-

26

SAWLTAKTE 27 salem khua ah hi bangin ka hilh khin hi. Siampi liante kiang pan thu ka ngah khit ciangin, mi siangthote thong sungah ka khia hi. Amaute sihna a thuak uh ciangin ka thukim hi. 11Mite in Pasian tungah pau khialhna dingin kikhopna inn sung khempeuh ah tam veipi dantat in, heh lua ka hih manin gam dang dongin amaute ka bawl sia hi. 12Tua ahih cingin siampi liante thupiakna lai pua in Damaska khua lampi ah ka pai laitakin, 13ni sang in a taang zaw in kei tawh a paikhawmte kimkotah hong taangin, sun laitak in van panin khuavak khat ka mu hi, Kumpipa aw. 14Ka vekpi un lei lakah ka puk lai takun: Sawl aw, Sawl aw, bang hangin hong bawlsia na hi hiam? Na khe tawh ciangkang zum sui lecin, na khe liam ding hiam ciangkang zum liam zaw ding hiam? ci-in Hebru kam tawh hongci aw khat ka za hi. 15Tua ciangin: Topa aw, nang kua na hi hiam? ci-in ka dot leh: Na bawlsiat Jesu ka hi hi. 16Ahih hangin tho in, ding in la, Judah mite leh Gentail mite khut sung pan hong gumkhia in, na muh zawhloh thute leh nung ciangin na tungah kong kilatsak ding thute na hilh in. 17Tua bangin teci panna za ah kong koihna dingin na kiangah hong kilang ka hi hi. 18Tua Gentailte in khuamial sung pan khuavak lamah galkah in, Satan ukna pan Pasian kiangah kihei dinguh a, mawhna kimaisakna ngah in, kei hong up manun a siangtho mite tawh luahna a ngah khopna ding un, a mit tanguh hon sakin, amaute kiangah kong pai sak ding hi ci-in thu hong pia hi. Judahte leh Gentailte tungah Tecipanna 19Tua ahih ciangin Agrippa Kumpipa aw, vantung mangmuhna mang loin ka om kei hi. 20Amaute kisik kik in, kisik kikna tawh kilawm gamtatna bang in gamta in, Pasian kiang ah a kiheina dingun Damaska khua ah ka gen khit ciangin Jerusalem khua a kipan Judah gam sung a mi khempeuhte leh Gentailte kiangah ahi zong in ka hilh hi. 21Tua thu hangin Judah mite in biakinnpi sungah hong manuh a, hong thah theihna ding uh a hanciam uh hi. 22Tua ahih ciangin Pasian kiang panin huhna ngah ka hih manun tuni dong ka hing lai hi. 23Khris in sihna panin a thokik masa pen ahih manin Judah mite leh Gentailte kiangah khuavak thu a piang ding hi ci-

142 in, Moses a kipan Pasian kamsangte thugente khempeuh tel kan loin, ahi bangin mi lian leh neu khempeuhte kiangah teci ka pang hi a ci hi. Paul in Agrippa a zolna 24Tua bangin Paul in a mawhna kiphelna thu gen lai takin, Fetas in: Paul aw, nang in mi hai bang na hi hi. Lungpilna tampi na sin khit ciang in, mihai na suak hi ci-in a kiko hi. 25Paul in: Mangpa Festas aw, ka hai kei hi. Thumanna leh lungphatna thu ka gen hi. 26Kumpipa mai-ah ka gen ngam hih thute kumpipa in a thei hi. Hih thu a theilo khat beek a om kei hi, ci-in ka lungsim takpi tawh ka um hi. Bang hang hiam cihleh, hih thute a sim thamin ka gen ahi kei hi. 27Kumpipa Agrippa aw. kamsangte thu na um hiam? Na um cih ka thei hi a ci hi. 28Agrippa in: Zolna thu tawm tawh Khristian nong suaksak dek tak hi a ci hi. 29Paul in: Nang leh tu ni-in hih ka thu a zate khempeuh in, hih sikkol sim lohin, thu tam leh thu tawm tawh ahi zongin, kei tawh na kibat theihna dingun Psian kiangah thu ka ngen hi! a ci hi. 30Tua ciangin Kumpipa leh Bernike leh mangpipa leh amaute tawh a tu khawmte a ding uh hi. 31A paikhiat khituh ciangin: Hihpa in sihna ding leh thongkiatna theihna ding ahi zongin mawhna a bawl kei hi ci-in khat leh khat a kikum uh hi. 32Agrippa in: Tuapa in: Kaisar kumpipa kiang ah ngetna ka bawl ding hi ci kei leh khah ding in a kilawm hi ci-in Festas kiang ah a gen hi. 26:5 Sawl. 23:6; Fil. 3:5; 9-11 Sawl. 8:3; 22:4-5; 20 Sawl. 9:20; 9:28-29; 23 1Kor. 15:20; Isa. 42:6; 49:6. Paul in Rom zuatna Italy gam tembaw ah tuangin ka pai ding a kitel khit ciangin, Julias min nei Augustus pawl galkap khut tungah Paul leh thongah a kikhum mi dangte a pai uh hi. 2Asia gam tuipi gei ah a om khuapite ah pai dingin a kithawi Adtamittium tembaw tungah tuangin ka pai uh hi. Mekedonia gam Thesalonika khua mi Aristartkhus-te tawh a om khawm hi. 3A zing ciangin Sidon khua tungin, a lawmte kiangh pai in an vakna a ngah theihna dingin Julias in Paul hehpihna a pia hi. 4Tua khua panin ka paikhia uh a, huih kituak lo ahih manin Saipras gam lam huih dal in pai in, 5Kilikia gam leh Pamfilia gam kikal

27

143 tuipi ah ka galkah khituh ciangin Likia gam Mura khua ka tunguh hi. 6Tua khua ah Italy gam a pai dingin Alenzandria tembaw khat galkap mangpa in mu a, tua tungah hong tuang sak hi. 7Damdam in pai in, ni tampi ka paikhituh ciang in, huihpi kiphu zo nawn lo ahih manin, Krete gam lam huih dalsak in Salmone leidawk lamah tangtak in ka pai uh hi. 8Krete gam nawlah pai in Lasia khua tawh a kinai Khawlmun Nuam kici mun khat, haksa pi-in ka tunguh hi. 9Ni tampi hong bei a, an tanna hun bei khin ahih manin, tuipi galkahna ding launa om ahih manin Paul in: 10Tote aw, tuipi galah kah le hang tembaw leh vante bek hi loin, eite nuntakna zong kisia ding hi ci-in ka thei hi. ci-in a kikepna dingun thu a hilh hi. 11Ahih hangin galkap mangpa in Paul thugen ngai loin, tembaw ukte leh tembaw neite thu a ngai hi. 12Tua tembaw in phalbi sung khempeuh tua munah om dingin hoihlo ahih manin: Tua mun panin paikhia in Foenisia khua i tun zawh leh phalbi sung tua mun tam le hang a hoih zaw ding hi ci-in mi a tam zaw in a gen uh hi. Foenik khua Krete gam tembaw khawl mun hi a, leilu lam pan nitumna lam leh, lei taw lampanin nitumna lam a nga hi. Tuipi ah huihpi 13Leitawlam huih in dam takin hong nun ciang in, kipai thei ding ci-in ngaihsun in khawl-sakna sikawi lianpi a khai khituh ciangin, Krete gei tawh kinai ah a pai uh hi. 14Sawt kihal loin Eurokulo kici huihpi in lei lam panin hong nung hi. 15Tembaw in phu zolo ahih manin huih mutna lam ka zui uh hi. 16Kauda kici tuikulh lam huih dalin ka pai uh a, tembaw tawh a om khawm gunkuang a kisiat lohna dingin haksa pi in ka la uh hi. 17Gunkuangte tembaw sungah ka koih khit uh ciangin khau tawh tembaw ah ka gakuh hi. Sirti kici sehnel tungah awk ding ka lauh manun puandal sut khia in, tua ciangin huih in hong mut in hong lenpih hi. 18Tui kilok lua in, killing gawp ahih manin, a zingsang ciang n ka vante uh tui sung ah a paaikhia uh hi. 19Ni thum khit ciangin, a khutuh tawh tembaw nate a paaikhia uh hi. 20Ni, kha leh aksi-te sawt veipi kimu lo a, huihpi nasia mahmah ahih manin, suahtakna ding zong lametna a om nawn kei hi.

SAWLTAKTE 27 21An ne loin sawt veipi a om khituh ciangin Paul in amaute laizangah dingin: Tote aw, ka thu hong ngai hile ucin Krete gam ah khawl suak le hang hih haksatna tawh i kipelh ding hi. 22Tu in lungmang tuan kei un. Tembaw longal kua mah i kisia kei ding hi. 23Hong uk leh a na ka sepsak Pasian vantungmi khat in tuzan in ka kiang ah a ding hi. 24Amah in: Paul aw, lunghimawh kei in. Kaisar kumpipa mai-ah na ding ding hi. Nang leh tembaw sungah na om khoppihte Pasian in nang hong pia khin hi hong ci hi. 25Tua ahih manin tote aw, lungnuam in om un. Ka tungah thu hongpiak bangin ahih ding in Pasian suang in ka om hi. 26Ahih hangin tuikulh khat peuh tungah i kipaaikhia ding hi a ci hi. 27Nisawm leh nili zanin Andria tuipi tungah lamin ka kikawi heihei lai takun, zankim ciangin gam khat peuh kitung dek kha ding hi ci-in tembaw nasemte in a um uh hi. 28Tui a tehuh lam swmnih in a thuk hi. Tawm vei khit ciangin a tek kik uh leh lam sawm leh lam nga in thuk hi. 29Suangpi phut khak ding a lung hihmawh man un, tembaw taw lam panin tembaw khawlna sikkawipi khia in, khuvak ding ka ngak uh hi. 30Tembaw nasemte in taisan nuam uh ahih man un sikkawipi khia bangin, gunkuangte a khia suk uh hi. 31Tua lai takin Paul in: Hih mite in tembaw tung ah a om kei uh leh note nasuakta kei ding uh hi ci-in galkap mangpa leh galkapte kiang ah a gen hi. 32Tua ciang in galkapte in gunkuang khau sattat uh a, a khahkhia uh hi. 33Khua vak dektak ciangin Pual in mi khempeuh an ne ding in hansuah a: Note in ni sawmli leh nili tawntung an ngawl in, gilkial in na omuh hi. 34Tua ahih manin an na nekna ding un kong thum hi. Tua hi leh na tha uh hat tuam ding hi. 35Note samzang khat na ngawn a kisia kei ding hi ci-in a gen khit ciangin, Khomun la in, tua mite mai-ah Pasian hehpihna a phat khit ciangin balnen in a ne hi. 36Tua ciangin a vekpi un lungnuam takin a ne uh hi. 37Tembaw sungah mi zanih leh sawmsagih leh guk ka pha uh hi. 38An ka nek khit uh ciangin buhhumte tuipi sungah khia in tembaw a zangsak uh hi.

SAWLTAKTE 28 Tembaw kisiatna 39Khua a vak ciangin, tua gam a tel lohuh hangin, tuipi dawk khat a mu uh hi. Tua sehnel tungah tembaw khawlsak ding leh khawlsak loh ding a vaihawm uh hi. 40Sikawipite tuipi sungah a khiat khituh ciangin, tuipi sungah nusia uh a, a hawlnate a phel khituh ciangin, tembaw lu lam pan puante huih lak ah khai in tui dawk lam ah tembaw a phusak uh hi. 41Tuihual kilok a kituahna mun a tun uh ciangin, tembaw leitang ah kinga ahih manin, a lu lam a kilok thei nawn kei hi. Ahih hangin a taw lam ahih leh tuikilok in sat khia in a kisia hi. 42Tua lai takin thongkiate tuipeek in a tai mang dinguh galkapte a lunghihmawh manun galkapte in: That ni ci-in a vaihawm uh hi. 43Ahih hangin galkap mangpa in Paul suahtak theihna ding a ngaihsutna in galkapte kham a: Tui peek siamte leilak a tung ding in peek masa un. 44A dangte ahih leh singpeek tung leh tembaw sungah a om na khat peuh tawh hong paina ding i vaihawm ding hi ciin thu a pia hi. Tua ciangin mi khempeuhte in a suak ta uh hi. Malta tuihkulh ah Paul Ka suahtak khituh ciangin Malta tuikulh ahih lam ka thei uh hi. 2Guah zu in, khuadam ahih manin, a gam mite in mei cihin ka vekpi un phatak in hong hehpih uh hi. 3Paul in sing lom khat la in, mei sungah a khul lai takin gul khat meikhu sung panin hong paikhia in, Paul khut a tu hi. 4Tua gam mite in a muh uh ciangin: Hihpa in mi thatpa ahih takpi hi. Tuipi sung lauhna pan in a suahtak hang in, a hinna ding in thuman in thu a pia kei hi ci-in khat leh khat a kikum uh hi. 5Ahih hangin Paul in gul pen mei sungah singkhia in, bang mah natna a thuak kei hi. 6A pum bok leh thakhat in pukin si dingin ngaihsun uh ahih manun, tua mite in sawt veipi a ngakuh hangin a tungah siatna khat beek a pian lohna a muhuh ciangin, a ngaihsutna uh kikheel in: Hihpa in pasian ahi hi ci uh hi. 7Tua mun panin a kigamla lo Publias kici tuikulh gam sung hausapa a om hi. Tua hausapa in hong zin tung sak a, ni thum sung phatakin hong vak hi. 8Publias kici hausapa in nattutna leh gilsan vei in a lum hi. Tua cinapa kiangah Paul lutin, thu a nget

khit ciangin a tungah a khut nga in cinatna a damsak hi. 9Tua ciangin tuikulh ah a om cina dang khempeuh hong pai uh a, damna a ngahuh hi. 10Tua mite in lungdamna tampi hong pia uh a, tembaw tungah ka tuan kikuh ciangin, ka kisapna khempeuh uh tembaw ah a koih uh hi. Rom khuapi tunna 11Kha thum khit ciangin Tapeeng milim a om, tuikulh gamah phalbi sung tawntung a khawl Alexzandria tembaw tungah ka tuang kik uh hi. 12Sirakhus tungin, tua khua ah ni thum sung ka tam uh hi. 13Ka pai kikuh ciangin, kawi panin, Regium khua ka tunguh a, ni khat ka tam khituh ciangin, leitaw lam panin huih hong nung ahih manin a ni nih ni-in Puteoli khua ka tunguh hi. 14Tua khua ah ute naute tawh kimu in: Ni sagih sung hong tam un a cih bangun ka tam khituh ciangin Rom khua ah ka pai uh hi. 15Rom khua ah a om sanggamte in ka tunna thu uh a zakuh ciangin hong dawn dingin kimkhat in Appias sumbuk dongin, kimkhat in Mangbuk Thumna dongin hong pai uh hi. Paul in tua mite a muh ciangin hehpihna phatin, a lungdam uh hi. 16Rom khua ka tun uh ciangin Paul in a cing galkapte tawh suakta takin om theihna ding thu a ngah hi. Rom ah Paul thuhilhna 17Ni thum khit ciangin Paul in Judah mi upate a kikhop khituh ciangin: Ute naute aw, Juah mite tungah leh i pute pate ngeina tungah ahi zongin khialhna ka neih loh hangin, Jerusalem khua mite in hong man in Rom mite khut sungah hong pia uh hi. 18Amaute hong dot khituh ciangin, sihna dong ding mawhna mulo ahih manun hong khah nuam uh hi. 19Tua bangin a deihna uh Judah mite in a nial ciangin Kaisar kumpipa tungah ngetna bawl dingin ka ngaihsun hi. Tua bang ka deihna in ka mipawlte mawhsakna ding ahi kei hi. 20Tua ahih ciangin note mu in, hong hopih dingin kong sam hi. Bang hang hiam cihleh, Isreal minamte lametna hangin hih sikkhau khihna ka thuak hi a ci hi. 21Tua mite in: Na thu kizaksakna lai Judah gam panin ka ngah kei uh hi. Tua gam panin a hong tung sang-gamte hong mawhsak kuamah om lo hi. 22Ahih hangin hih biakna in gam khempeuh bawlsiatna a thuak lam ka theihuh ciangin, na upna thu na tung panin ka ngai nuam uh hi. a ci uh hi.

28

145 23A ni kiciam ni un mi tampite in Paul omna ah hong pai uh a, Paul in Pasian Gam thu teci pang in, tuate in Jesu a up theihna dingun Moses Thukhamna laibu leh Pasian kamsangte lai a kipan in thuhilh in, zing sang pan kipanin nitum dong a zol hi. 24Kim khatin Paul thugen um uh a, kimkhat in a um kei uh hi. 25Tua mah bangin khat leh khat thu kituak loin Paul in thu khat a gen khit ciang in a paikhia uh hi. Paul in: Kha Saingtho in kamsangpa Isaiah tungah na pute pate kiang ah a kituak in a genna in: 26Pai in la, hih mite tungah hi bangin ci in. Zaza napi in tel lo, mumu na pi in thei lo. 27Amaute in a mit uh tawh a muh lohna ding,

ROM 1 a bil uh tawh a zaklohna ding, a lungsim uh tawh thu a theihtel lohna ding, amaute kihei in damna a ngah lohna dingun, a lungsimuh a mawk hi. A biluh ngong in, a mit uh a si hi a ci hi. 28Tua ahih ciangin Pasian in hong piak hih gupna thu Gentailte kiangah a kipuak ding hi. 29Amaute in a ngaih ding lam na thei ta un ci-in a gen hi. 30Paul in kum nih tawntung a sapna innah om a, a kiangah a paite khempeuh a tungsak hi. 31Nongkaina khat beek om loin, noptakin Pasian Gam thu gen a, Topa Jesu Khris thu a hilh hi. 28:19 Sawl. 25:11; 26-27 Isa. 6:9-10.

ROM KHUA MITE KIANGAH SAWLTAK PAUL LAIKHAK

Mi pawl lam sangah David suan, sihna panin thawhkikna hangin a siangtho, 2Kha lamsang ah vangliatna a nei, Pasian Ta a kici Topa Jesu Khris ahi, Pasian in a Tapa thu tang lai in, a kamsangte tungah, 3Lai Siangtho sungah thu kiciamna Lungdamna Thu a hilh dingin a teelsa sawltak in hong koih, 4Jesu Khris nasem keimah Paul in, Rom khua ah a om mi siangthote ahi Pasian a it khempeuhte kiangah kong zasak hi. 5Topa Jesu Khris leh i Pa Pasian thupha hehpihna leh nopna in note tungah om ta hen. 6Tua Topa Jesu min hangin mi pawl khempeuh a upna ding in amah kiangah heh-pihna thupha leh sawltak za ka ngah hi. 7Jesu Khris mi suak dingin hong sapsa note in zong tua mite lakah na om uh hi. Rom ah Paul a hawh nopna 8Leitung gam khempeuh na upna uh kizeel ahih manin, note hangin Jesus Khris leh Pasian hehpihna ka phat hi. 9Thu ka nget ciangin, note thu tawh kizom in thu ka ngen den hi ci-in Topa Lungdamna Thu hilh in ka lungsim sung ah ana ka sep Pasian in keima lamah teci ahi hi. 10A tawpna ah Pasian deihna in hong awi leh, note kiangah kong tun theihna dingin thu ka ngen hi. 11Note na lung kip theihna dingun, note tungah Kha Siangtho thupha hehpihna khat peuh mah kong piak theihna dingin hong mu nuam ka hi hi.

bang ka cih ciangin, khat leh khat i upna hangin nopna i ngah ciatna ding ka cihna ahi hi. 13Ute naute aw, Gentailte lakah gah ka ngah mah bangin note lakah zong ka ngahna dingin note kiangah hong pai ning ci-in tam veipi ka hanciamna thu na thei loh dinguh ka deih kei hi. Ahih zongin tu dongin hong kham a om hi. 14Grik mi, mi pilote, siamna a neite, siamna neilo mite khempeuh tungah leiba ka nei hi. 15Tua a hih ciangin ka hih theih zahin, Rom khua ah a om note kiang ah Lungdam Thu ka hilh nuam hi. Lungdamna Thu vangpiatna 16Pasian Lungdamna Thu hangin ka maizum kei hi. Tua thu in a masa in Judah mite, a nung ciang in Grik mite a kipan mi khempeuhte in gupna a ngahna ding Pasian vangliatna ahi hi. 17Lai Siangtho sungah: Midik in upna tawh a nungta ding uh hi ci-in a kigelh mah bangin, thu upna dingin, thu upna tawh Pasian dikna a kilang khin hi. Minam mawhna 18Gitlohna tawh thuman thutak a nial mite a gitlohna tungah Pasian hehna in van panin hong kilang hi. 19Bang hang hiam cihleh, Pasian thu a kitel takin amaute laka a kilang hi. 20A tawntung vangliatna leh sianthona ahi mit tawh kimu theilo nate, lei piancil a kipan a kimu hi. Tua ahih man in amaute a suakta thei kei ding uh hi. 21Amaute

12Tua

ROM 2 in Pasian thei napi in, Pasian phat dingin a kilawm bangin a phat loin, a hehpihna phat lo bek hi loin mawkna in ngaihsun in, ciamteh thei loin, a lungsimuh a mawk hi. 22Amaute in: Lungpil mi ka uh hi a cih hangun mihai a suak uh hi. 23A kisiatheilo Pasian vangliatna in, a sia thei mite, vasate, kheli nei ganhingte leh a bokvak ganhingte pen tuate a lim tawh a kheek uh hi. 24Tua hih ciangin Pasian in a pumpi uh, a maute hang mah in a siat sak theihna dingun, a lungngulhna na bangun kihhuai sungah a pia uh hi. 25Pasian thu thuman thutak zuau thu tawh kheek uh a, a Piangsakpa nusia in a piansakte a bia uh hi. Tua Topa in thupha ngah tawntung ta hen. 26Tua ahih manun, Pasian in amaute zumhuai lunggulhna sung ah a pia hi. A numeite un ngeina bang zui loin, ngeina tawh kituak lo lam a zui uh hi. 27Tua mah bangin pasalte in zong, numei tawh kizopna ngeina nusia in khat leh khat kilungngulh uh a, pasal leh pasal zumhuai in gamta in, amaute mawhna tawh kituak dan a pumpi sung ah a thuak uh hi. 28Amaute in Pasian thei nuamlo uh ahih manun, a kituak lo nate ahihna dingun, Pasian in gitlohna lungsim a pia hi. 29Tua mah bangin diklohna, gitlohna, duhhawp huaihamna, haza-tna, enna, mi thahna, kitotna, khemna leh etsat muhdahna tawh a kidim uh hi. 30Amaute in mi tawng thei mi, a hangsan mi, Pasian a mudah mi, a kheltat mi, a kisathei mi, a kiphasak mi, gitlohna a piangsak mi, a nu leh pa thu a manglo mi, 31A kikem lo mi, ciampel mi, sanggam itna a nei lo mi leh hehpihna lungsim a neilo mi a suak uh hi. 32Tua bangin a gamtate in, sihna dan a thuak ding hi ci-in Pasian thukham thei napi in, tua bangin a gamta bek loin, a gamta mite zong a awi uh hi. 1:13 Sawl. 19:21; 16 Mk. 8:38; 17 Heb. 2:4; 21 Ef. 4:17-18; 23 Thkna. 4:16-18. A thuman Pasian khenna Tua ahih ciangin mi dangte thukhenpa aw, mi dangte tungah thu na khen bangin, nang zong gamta na hih manin, na suakta tuan kei ding hi. 2Tua bang mite tungah thuman thutak tawh Pasian in thu a khen lam tak i thei hi. 3Tua bang mite tungah thu khen napi cin, tua bangin a

146 gamtapa aw, Pasian thukhenna tawh kipelh zo dingin na ki-um hiam? 4Pasian hehpihna thupha in kisikkik dingin hong zol hi ci-in na mangngilh lai takin, a kicing hepihna, lungduaina leh itna donlo lai ding na hiam? 5Tua bangin na lungtang khauh in, na kisik nop lohna hangin, Pasian hehna leh a thuman thukhenna a kilat Ni adingin na tungah hehna a khol na hi hi. 6Tua Ni ciangin Pasian in mi khempeuh a gamtatna uh tawh kizui in a thukkik ding hi. 7A pha in gamtatna, minthanna, zak-takna leh muat lohna a zong mite nuntak tawntungna a pia ding hi. 8Paupeenna lungsim a nei mi, thuman thutak a ngailo mi, a diklo thu a zui mite tungah hehna leh thangpaihna a koih ding hi. 9A masa bel in Judah mi, a nung ciangin Grik mi leh gitlohna a hihte khempeuh a kha tungah gimna leh dahnate a tung ding hi. 10A masa bel in Judah mi, a nung ciangin Grik mi leh a hoih in a gamta mi khempeuh tungah minthanna, vangliatna leh nopna-te a tung ding hi. 11Bang hang hiam cihleh, Pasian in maitang et tuam a nei kei hi. 12Thukham thei loin a khialte in, Thukham loin a sia dinguh hi. Thukham thei napi in a mawhna ahihte in Thukham bangin thukhenna a thuak ding hi. 13Thukham a zate in Pasian maiah dik-kiksakna ngah loin, Thukham bangin a gamtate bek in dikkisakna a ngah ding uh hi. 14Pasian Thukham a theilo Gentailte in a ngeina bangin zui in, Thukham mah bangin a gamtat uh leh, tuate in Thukham a theih lohuh hangin, a maute adingin Thukham mah ahi hi. 15Bang hang hiam cihleh, amaute kitheihna lungsim in teci pang a, amaute kingaihsutnate in khat leh khat kikum in, kimawhsakna leh kimaisakna lungsim sungah Thukham deihna tawh kituak ciamtehna a om cih a kilang sak hi. 16Ka hilh Lungdamna Thu bang in, Pasian Jesu Khris tawh mite tung ah a kiseelsim lungngaih tawh thu a khen Ni ciangin tua bangin a khen ding hi. Judah mite leh thukham 17Nangmah in Judah kicihna ngah khit ciangin Thukham muang in, 18Pasian hangin kisa thei in, Thukham sinin lamdang nate na khen thei hi. 19Tua in: mittaw lamhilh mi, khuamial sung ah a om mite khua a vaksak mi, 20mihaite thu hilh mi, naupangte thu hilh mi, thukham hangin pilna leh

147 thuman thutak a nei mi na hi ci-in na kingaihsut takpi hiam? 21Mi dangte thuhilhpa aw, nang zong kihilh lo na hi hiam? Mi sum gu kei in ci-in a hilhpa aw, nang mahin na gu hiam? 22Mi zi tawh na mawh kei in ci-in thuhilhpa aw, nang mahin mi zi tawh na mawh hiam? Milim kihhuai sapa aw, a milim biakna inn uh na luh gawp hiam? 23Thukham suangin a kisatheipa aw, Thukham na khialhna hangin Pasian min na daisak hiam? 24Bang hang hiam cihleh, Lai Siangtho sungah a kigelh mah bangin, nangma hangin Gentailte lak ah Pasian min a kigensia hi. 25Pasian Thukham na zuih leh, vunatna hangin phat-tuamna a om hi. Ahi zongin Thukham na khialh leh, na vunatna in vunat loh mah tawh a kibang a hi hi. Tua ahih manin vun ki-at lo mi in Thu-kham a zuih leh, ama vunat lohna in, vuatna mah bangin kingaihsun ding hilo ahi hiam? 27Vunat loh mi in a ut thu in Thukham a zuih leh Lai Siangtho leh vunatna nei napi-in Thukham a khial nangma tungah thu hong khen ding hilo ahi hiam? 28Pua lam Judah mi hihna Judah hihna taktak hihna ahi kei hi. Pua lam pan vunatna in vunatna takpi ahi kei hi. 29A sung lamah Judah mi hihna in, Judah mi taktak ahi hi. Vunatna in zong Lai Siangtho thu tawh kibang loin, Kha Siangtho lungsim tawh a kipawl hi. Tua bangin vun a at mite kiangah phatna ngah loin, Pasian kiang panin phatna a ngahuh hi. 2:1 Mat. 7:1; Lk. 6:17; 6 La. 62:12; Pau. 24:12; 11 Thkna. 10:17; 24 Isa. 52:5; 29 Thkna. 30:6. Midik khat zong omlo Tua ahih leh, Judah mite bang hangin hampha uh hiam? Vun ki-atna hangin hamphatna a ngahuh hiam? Phattuamna a tuamtuam a om hi. 2A lian bel phattuamna ahih leh, amaute tungah Pasian thu a kipia khin hi. 3Judah mi kimkhatin Pasian um lo uh ahih leh, tua in Pasian dikna siasak hiam? 4Tua bang hi zenzen lo ding hi! Na thupiakna in, na thukhenna kilang sak a, thukhenna na phut ciangin na gualzo ding hi. ci-in Lai Siangtho sung ah a kigelh mah bangin, mi khempeuh in thuciamna pelh mi a kicih uh bangin Pasian in thuman thutakpa hi ta hen. 5Ahih hang in eite diklohna in Pasian dikna a kilatsak leh bang thu gen lai ding i hi hiam? Dan

ROM 3 hong pia Pasian in ahi lopi-in bawl ahi hiam ci-in leitung ngeina bangin ka gen hi. 6Tua bang hi zenzen lo ding hi. Tua bang ahih leh Pasian in leitung mi tungah bangci bangin a khen thei ding hiam? 7Ka zuau genna hangin, Pasian thuman thutak vangliatna a khansak leh bang hangin mawhna nei bangin ka tungah thu hong khen lai ding hiam? 8Dikna a pianna dingin dik lohna gamta ni ci-in mi kimkhat in hong kosia uh a, ka kamuh hong dawn kik mah bangun ka genkik lai ding hiam? Tua bangin a gente in thuman dan a thuak ding uh hi. 9Tua bang ahih leh ka bangci gen ding hiam? Judah mite in Gentailte sangin pha zaw i hi hiam? A phazaw i hi zenzen kei hi. Bang hang hiam cihleh, Judah mi leh Grik mite khempeuh in mawhna i nei hi cih thu kong lak khin hi. 10La Siangtho sungah Midik khat beek a om kei hi. 11A thei khat beek a om kei hi. 12Amaute khempeuh in lampial khin uh hi. A vekpi un kimanna a nei kei uh hi. A hoih gamta a om kei hi. Khat na ngawn a om kei hi. 13A gawlgui un a kihong sa hankhuk ahi hi. A lei uh tawh mi a khem khin uh a, a muk tung ah gul hangsan gu a om hi. 14A kam uh hansanna leh kam khauh tawh a kidim hi. 15A khe un mite sisan suahna ding in a manlang hi. 16A paina lampi uh kisiatna leh gimna tawh a kidim hi. 17Nopna lampi a thei kei uh hi. 18Pasian kihtakna a maitanguah a teng kei hi ci-in a kigelh hi. 19Thukham thu in Thukham nuaiah a omte adingin thu gen ahih manin, gen zong a kul lo hi leh mi khempeuh in Pasian maiah diksakna ahi ding hi. 20Ahih hangin, Thukham in mawhna kilatsakna ahih man in Thukham zuihna tawh kua mah in Pasian mai-ah dikkisakna a ngah kei ding hi. Upna bek tawh dikkisakna 21Pasian diksakna in Thukham tawh hong kilang hi ci-in Thukham thu leh kamsangte in teci a panguh hi. 22Thukham lo tawh Pasian diksakna in Jesu Khris a um khempeuhte tungah hong kilang ahih manin, kilamdanna neukha beek a

ROM 4 om kei hi. 23Mi khempeuh a mawh uh a, Pasian maipha a ngahna dinguh kisia hi. 24Ahih hangin Jesu Khris in hong tatkhiatna hangin, man piak kul loin Pasian hehpihna hang in dikkisakna i ngah hi. 25A sisan hangin upna tawh Pasian diksakna ngah i hihna hong tel gen a, tua in i mawhnate khempeuh beimang sak hi. 26Tu lai takin ka gen ahi, a hong kilatsak dikkisakna in, a disakpa ahi Jesu upna hang tawh dikkisakna i ngah hi. 27Tua ahih manin, kisaktheihna ding khempeuh a paai khia khin hi. Tua bang ahih leh gamtatna tawh kipaaikhia ahi hiam? Hilo hi. Upna bek tawh a kipaaikhia ahi zaw hi. 28Tua ahih man in mi khat in thukham zuihna hang tawh hi loin upna hang tawh dikiksakna a ngah hi ci-in i ciamteh hi. 29Tua bang ahih leh Pasian in Judah mite Pasian bek ahi hiam? Gentailte Pasian zong hilo ahi hiam? Hi mah hi. Pasian khat bek a om leh Gentailte Pasian zong ahi hi. 30Tua Pasian in upna hangin vunatte leh vunat lohte dik a sa hi. 31Tua bang ahih leh eite in upna tawh Thukham paaikhia i hi hiam? Tua bang ahi zenzen kei hi. Thukham i kipsak hi. 3:4 La. 2:16; 51:4; 10-12 La. 14:1-3; 53:1-3; 13 La. 5:9; 140:3; 14 La. 10:7; 15-17 Isa. 59:7-8; 18 La. 36:1; 20 La. 143:3; Gal. 2:16; 22 Gal. 2:16; 30 Thkna. 6:4; Gal. 3:20. Thuciam lui mite tawh gentehna I pu Abraham in a silesa tawh phattuamna mu ahi hiam? 2Abraham in a gamtatna hang tawh dikkisakna ngah ahih leh kisaktheihna ding thu a om hi. Ahih hangin Pasian mai-ah tua bang ahi kei hi. 3Lai Siangtho sungah: Abraham in Pasian thu um ahih manin, tua a upna in ama adingin dikkisakna in a kiciamte hi ci-in a kigelh hi. 4Nasem mi in a sepna thaman a ngah ciang in, hehpihna a ngah hi kici ngeilo a, thaman a ngah hi a kici hi. 5Bang mah a semlo, Pasian zaktakna a nei lo khat in a diksaktheipa upna tawh ama adingin dikkiksakna in a kiciamteh hi. 6Tua ahih manin a sem lo Pasian diksakna a ngah mite thupha a piakna in: 7A khialhna uh maisakna leh a mawhna uh seelcipna a ngah mite in Thupha a ngahuh hi. 8Pasian mawhsakna tawh a kipelh mi in thupha a ngah hi

148 ci-in a gen hi. 9Tua ahih manin, tua thupha in vunatte bek pia ahi hiam? Ahih kei leh vunat lohte a pia hiam? Bang hang hiam cihleh: Abraham in a upna hangin dikkisakna in a kiciamteh hi i ci hi. 10Tua bang ahih leh a bangci kiciamteh hiam? Vunatna a thuak khit ciang a kiciamteh hiam? Vunat ma in a kiciamteh hiam? Tua bang ahi kei hi. 11I pa Abraham in, vunatna a thuak nai loh hang in, upna hangin dikkisakna a ngahna ding leh tuate pa a suah theihna ding in, 12amah in vunatna a thuakma in, a neih upna hang in a ngah dikkisakna ci-in ciamtehna ding in vunatna lim a ngah khit ciangin vunatna a thuak hi. 13Bang hang hiam cihleh, Abraham in leitang a luahsakna ding leh a suante in, thuciamna a ngahna uh pen Thukham hangin ngah ahi kei uh hi. Upna tawh kipawl dikkisakna hangin a ngah zaw uh hi. 14Thukham tawh kipawlna bek tawh gam luahuh ahih leh, upna thu siasak in, kiciam na zong a mawkna a suak ding hi. 15Bang hang hiam cihleh, Thukham in hehna piangsak a, ahih hangin Thukham om lo hileh khialhna zong om lo ding hi. 16Tua ahih ciangin, kiciamna in Thukham tawh a kipawlte bek hi loin, Abraham upna tawh a kipawlte in zong, a suan leh khak khempeuh a kipna dingin, hehpihna tawh a kibang upna a pian theihna ding in kiciamna a ngahuh hi. 17Lai Siangtho sungah: Keimah in minam tampite pa ka hong suaksak ding hi a cih mah bang in a sisate thosak a, a piang nailote a piangsa bangin a ciamteh Pasian in, Abraham in a up Pasian mai-ah, eite khempeuh pa ahi hi. 18Tua banah: Na suan leh na khakte in tua bangin a piang ding hi ci-in thu a piakkholhna hangin, mi tampi pa a suahna ding lawpna a om loh hangin, amah in um in, lamen in a om hi. 19Amah in kum zakhat dektak pha in, a pum in a sihna leh a zi Sarah gil zong a theih hangin a upna a kiam tuan kei hi. 20Pasian thuciam ah up khialhna leh lungkatna a nei kei hi. 21A thuciampa in a ciam bang in bawl thei hi ci-in upna khauh tawh Pasian a phat zaw hi. 22Tua ahih ciangin, a upna in amah dikiksakna in a kiciamteh hi. 23Tua bang a ciamtehna in, Abraham ading bekin Lai Siangtho bu ah a kigelh ahi kei hi. 24Eite adingin zong a gelh ahi hi. Eite in sihna panin Topa Jesu a

149 thokiksakpa i up leh, tua upna in eite ading in dikkisakna bangin hong kiciamteh ding hi. 25Tua Topa in eite khialhna tang dingin kipia in, eite in dikkisakna i ngah theihna dingin a thokik hi. 4:3 Pian. 15:6; Gal. 3:6; 7-8 La. 32:1-2; 11 Pian. 17:10; 13 Pian. 17:4-6; 22:17-18; Gal. 3:29; 14 Gal. 3:18; 16 Gal. 3:7; 17 Pian. 17:5; 18 Pian. 15:5; 19 Pian. 17:17; 25 Isa. 53:4-5. Dikkisakna hangin i ngah thupha Eite in upna hang tawh dikkisakna ngah i ngah khit ciangin, Topa Jesu Khris hangin Pasian tawh kilemna i ngah hi. 2Tua Topa hang in eite omna ahi hepihna sungah upna hang tawh lut theihna ngah in, Pasian vangliatna lamen in, lungdam in, i om hi. 3Gimna i thuak ciangin hong lungdamsak ahih manin gimna thuakzawhna piangsak hi. 4Thuakzawhna in teci i hihna kilangkhia sak a, tua teci kilatkhiatna in lawpna piang sak hi. 5Kha Siangtho in Pasian itna i lungtang sungah hong guan khin ahih man in, tua lawpna in hong maizum sak ngei kei ding hi. 6Eite i thanem lai takin, a kilawm hun in Khris in mi gilote tang dingin a si hi. 7Midikte adingin haksatna thuak in a si ding mi haksa a, tua bang in a si ding mi om mah ta leh, 8Eite in mawhnei mi i hih lai takin Khris in eite tang ding in a sihna tawh Pasian a itna hong kilang sak hi. 9Tua ahih manin, a ma sisan hangin dikkisakna i ngah khit ciangin, tua Topa hangin Pasian hehna tawh i kipelh hi. 10Bang hang hiam cihleh, eite in a galte i hih lai takin, a Tapa sihna a thuakna hang tawh Pasian tawh kilemna ngah i hih leh, a hinna hang tawh gupna i ngah zaw kan ding hi. 11Tua banah, i Topa Jesu Khris hangin kilemna thu ngah khin i hih manin, tua Jesu hangin Pasian tung ah i lungdam hi. Adam leh Khris 12Tua ahih ciangin mi khat hangin leitungah sihna hong tung a, mawhna hangin sihna a pian mah bangin, mi khempeuh mawh khin ahih man un, mi khempeuh tungah sihna hong tung hi. 13Bang hang hiam cihleh, Thukham a om ma in, leitung ah mawhna a om khin hi. Ahih hang in Thukham omlo hileh, mawhna a om lam i phawk kei ding hi. 14Adam khang pan kipan in Moses khang dongin, Adam khialhna hangin, sihna in a khiallote na ngawn uk hi. Tua Adam in a nung

ROM 5 ciangin hong piang ding lim ahi hi. 15Ahih hangin mawhna leh hehpihna kibanglo hi. Mikhat khialhna hangin mi khempeuh sihna ngahuh ahih leh, mi khat ahi Jesu Khris hehpihna thupha hangin, i ngah lungdamna leh Pasian hehpihna thupha in mi khempeuh adingin a kicing hi. 16Mi khat mawhna hangin a piang thu leh hehpihna a kibang kei hi. Thukhamna in mawhna khat hang in dan thuak hen cih hi a, hehpihna in mawhna tampi a om hangin maita hen ci-in thu a khen hi. 17Mikhat khialhna hangin sihna in a uk leh, tua Jesu Khris, mi khat hangin hehpihna thu kicing in, hehpihna leh nuntakna a ngah mite in nuntakna a uk zaw kan ding hi. 18Tua ahih manin mi khat hangin mi khempeuh dan thuak hen ci-in thukhenna a ngah bangin, dikna tawh kipawl hihna khat hangin mi khempeuhte in nuntakna tawh kipawl dikkisakna a ngah uh hi. 19Mi khat thu ngaih lohna hangin, mi tampi in mawhnei mi a suah mah bangin, mi khat in a thungaihna hangin mi tampi in zong dikkiksakna a ngah mite a suaksak hi. 20Khialhna a khanna ding Thukham hong lut a, khialhna a khanna hang in, hehpihna a khang zaw kan hi. 21Tua ahih manin khialhna hangin sihna in hong uk mah bangin, Topa Jesu Khris hangin hehpihna nuntak tawntungna a suaksakna dingin dikna a uk hi. 5:11 Pian. 3:6. Sihna leh nuntakna Tua ahih ciangin i bangci gen ding hiam? Hehpihna a khan theihna dingin mawhna bawlin om lai ding i hi hiam? Tua bang hi zenzen lo ding hi. 2Mawhna sung pan a suakta eite in, tua mawhna sungah bangci om theih lai ding i hi hiam? 3Khris Jesu sungah a kibaptaiz eite khempeuh in a sihna sungah baptaizna i ngah khit lam theilo na hi uh hiam? 4Tua ahih ciangin a sihna sung ah kibaptaizna in Jesu tawh a kivui khawm i hi hi. Khris in Pa Pasian vangliatna a thawhkik mah bangin, eite zong nuntakna thak i zuih theihna ding ahi hi. 5Bang hang hiam cihleh, a sihna lim la in amah tawh eite pum khat sa khat i suah takpi leh, Topa thawhkikna lim zong la in, pum khat sa khat i suak hi. 6Khialhna tawh kipawl pumpi a

ROM 7 suksiatna dingin, eite pumpi lui in amah tawh singlamteh tungah sihna a thuak khawm khin hi ci-in i thei hi. 7Tua ahih manin, a si khinsa mi in mawhna sung panin a suakta hi. 8Khris in sihna pan thokik ahih manin sihna tawh a kipelh tawntung hi. 9Sihna in a nung ciangin a uk lohna ding thei i hih manin, eite in Khris tawh i sih khop leh amah tawh i nungta khawm ding hi ci-in i um hi. 10Khris in sihna , khialhna hangin khatvei bek a si hi. A nuntakna in Pasian adingin a nungta hi. 11Tua mah bangin, mawhna lam panin a si khin na hi uh a, Khris Jesu hangin Pasian lam panin, a nungta na hih lamuh na ciamteh un. 12Tua ahih manin, note in deihgawhna lam na zuihna ding un khialhna ahi a si thei, na pumpi uh na ki-uk sak kei un. 13Tua ban ah pumpi tung a nate in diklohna vanzat a suahna dingin mawhna kiang ah na pai kei un. Sihna pan a thokik bangin, Pasian kiangah na pumpi uh na pia un. Dikna vanzat bangin Pasian tungah na pumpi nate uh zong na pia uh. 14Hehpihna nuai ah om na hih manun, mawhna in note hong uk lo ding ahih manin, Thukham nuai ah na om kei un. Dikna sila 15Tua bang ahih leh bang i cih ding hiam? Thukham nuai ah om loin, hehpihna nuai ah om i hih manin, mawhna i bawl lai ding hiam? Tua bang hi zenzen lo ding hi. 16Mi khat kiangah sila dingin na lutuh ciangin, tua mi in sila tawh a kilawm mawhna thu leh dikna tawh a kilawm thu ngaihna dingin na to uh ahih lam theilo na hi uh hiam? 17Note in mawhna sila na hih ngei uh hangin, tu in na zaksa uh thuhilhna in lungsim takpi tawh deihna takpi tawh ngai na hih manun Pasian hehpihna ka phat hi. 18Mawhna sila sung pan na suaktak khit uh ciangin, dikna sila na suak uh hi. 19Na lungsim uh khauh nailo ahih man in, leitung ngeina bangin thu kong hilh hi. Note in na pumpi nate tungah, kihhuaina leh kheltatna sila ah na om sak mah bangun, tu-in na pumpi tung nate a kisianthosakna dingin dikna sila in na om sak un. 20Mawhna sila na hih lai takun dikna tawh na kipelh uh hi. 21Tua ahih manin, zumhuai na sakuh gamtatnate na bawl lai takun, bang phattuamna ngah na hi uh hiam? Tua gamtatnate tawpna in in sihna ahi hi. 22Tu in mawhna khut sung pan suakta khin in, sianthona

150 dingin phattuamna na ngah uh a, a tawpna in tawntung nuntakna na ngah ding uh hi. 23Bang hang hiam na cih uh leh, sihna in mawhna thaman ahi hi. Ahih hangin in eite Topa Jesu Khris hangin nuntak tawntungna in, man piak kul loin Pasian kiang panin i ngah letsong ahi hi. 6:4 Kol. 2:12. Nupa tawh gentehna Thukham a thei ute naute aw, mi a nuntak sungin thukham in a uk lam thei hilo na hi uh hiam? 2Pasal a nei numei in, a pasal a sih ma tengin thukham bangin a pasal tawh a kikhih khawm hi. A pasal a sih ciangin numei in a pasal ukna panin a peng hi. 3Tua ahih manin a pasal a nuntak lai in, mi dang zi a suah leh, numei gilo a kici ding hi. Ahih hangin a pasal a sih khit ciang in, a pasal ukna tawh kipelh ahih manin, mi dang tawh a kiten hangin numei gilo a kici nawn kei ding hi. 4Tua mah bangin ute naute aw, note in zong mi dang a kici sihna pan a thokikpa zi na hi uh hi. Pasian deihna bangin gah na gahna ding un, Khris pumpi tawh si khawm na hih man un, Thukham tawh a kikhen na hi uh hi. 5Eite in i pumpi silesa ngeina bangin i gamtat lai takin, mawhna tawh a kipawl i lungsim in, Thukham hangin piang a, sihna gah i gahna ding in i pumpi nate sungah na a sem hi. 6Tu in ahih leh, thukham lui muang loin, Kha Siangtho hang in nuntakna thak sungah i gamtatna dingin hong ukpa lamah i sih khit ciangin, thukham panin i suakta khin hi. 7Tua bang ahih leh i bangci gen ding hiam? Thukham in mawhna hi ci ding i hi hiam? Tua bang hi zenzen lo hi. Ahih hangin Thukhamna hang bek tawh mawhna lungsim ka thei hi. Thukhamna in: Huaihamna lungsim a nei kei in cilo hi leh huaihamna lungsim ka thei kei ding hi. 8Ahih hangin mawhna thu in Thukhamna hangin theithei i hih manin, ka lungsim sungah huaihamna namcin a piangsak hi. Thukham om kei leh, mawhna a si ding hi. 9Nidang lai in thukham loin ka nungta hi. Ahih hangin thukham hong pian ciangin mawhna nungta kik a, kei ka si hi. 10Hinna tawh kipawl thukham in sihna tawh a kipawl lam ka thei hi. 11Mawhna in thukhamna hangin i ngah hi a, tua in thukhamna tawh hong

151 khemin hong that hi. Tua ahih manin, thukham in a siangtho hi. A thu zong siangtho in, dik in, a pha hi. 13Tua bang ahih leh a hoih leh a pha nate in ka sungah sihna suak ahi hiam? Tua bang hi zenzen lo hi. Mawhna in mawhna takpi ahihna a kilatna dingin, a pha nate hangin, ka sung ah sihna a piang sak hi. Bang hang hiam cihleh, mawhna in thukham hangin mawhna ahih takpi theihna ding ahi hi. Silesa leh Kha Siangtho kidona 14Thukham in Kha Siangtho tawh kipawl hi ciin i thei hi. Keimah in mawhna khut sungah a kizuak, a si thei leitung mi ka hi hi. 15Bang hang hiam cihleh, ka gamtatna ka thei hi. Ka gamtat nop bangin ka gamta thei kei hi. Ka muhdah gamtatna ka hih hi. 16Ahih hangin ka gamtat nop loh khat ka gamtat leh, Thukham in a pha hi ka ci hi. 17Tua ahih ciangin ka deih bangin gamtatna hoih in ka gamtat theih lohna in, ka sungah a om khialhna in a bawl hi. 18Ka pumpi ahi ka silesa sungah a pha khat beek a om kei hi cih ka thei hi. Bang hang hiam cihleh, a pha gamtat nopna lungsim ka neih hangin a pha gamtat theihna ding ka mu kei hi. 19A pha ka gamtat nop ka hih thei kei hi. Ka gamtat nop loh gitlohna ka hih hi. 20Ahih hangin ka gamtat nop loh ka gamtat ciangin, keimah a gamta ka hi kei a, ka silesa sungah a om mawhna a gamta ahi zaw hi. 21Ahih hangin a pha in a gamta nuam ka sungah a om lam ka thei hi. 22Ka sungah a om silesa mi hihna hangin Thukham pha ka sa hi. 23Ahi zongin ka tung nate lakah a dang thukham khat ka lungsim tawh kido in, ka pumpi nate ahi silesa mawhna khut tawh man in a piak theihna ka mu hi. 24Lunggim mi ka hi takpi hi. Hih a si ding silesa panin kua in hong honkhia ding ahi hiam? 25Eite hong tan Topa Jesu Khris hang in Pasian hehpihna ka phat hi. Tua ahih ciangin ka lungsim hang tawh Pasian thukham deihna ka zuih hangin, silesa hangin mawhna ahi Thu-kham deihna ka zui hi. 7:7 Pai. 20:17; Thkna. 5:21; 11 Pian. 3:13; 15 Gal. 5:17. Kha sungah nuntakna Tua ahih ciangin Khris sungah a om mite in mawhna thukhenna tawh kipelh khin hi. 2Bang hang hiam cihleh, Khris Jesu hangin a om

ROM 8 nuntakna leh Kha tawh kipawl thukham in mawhna leh sihna thukham panin hong honkhia khin hi. 3Thukham in silesa hangin thanem ahih man in, a kibawl zolo nate, Pasian in mawhna tawh a kidim silesa ahi pumpi lim bangin, mawhna a maisakna dingin a Tapa hong sawl in, cilesa sungah mawhna hong khen hi. 4Bang hang hiam cihleh, cilesa deihna zui loin, Pasian Kha Siangtho deihna i zuih zawkna dingin, a nungta eite tungah a Thukham hanciamna thu a tunna ding ahi hi. 5Silesa thu a zuite in pumpi deihna a mang uh hi. Pasian Kha Siangtho a zuite in, Kha Siangtho thu a ngai uh hi. 6Bang hang hiam cihleh, silesa lungsim in sihna tawh kituak a, Kha Siangtho lungsim ahih leh nuntakna leh nopna tawh a kituak hi. 7Silesa lungsim in Pasian Thukham mang zolo ahih manin Pasian tawh a kido hi. 8Silesa sungah a omte in Pasian a lungdam sak zo kei uh hi. 9Pasian Kha Siangtho in note sungah a ten leh note in silesa sungah na om loin, Pasian Kha Siangtho sungah na om uh hi. Bang hang hiam cileh, Khris Kha Siangtho a neilo mi in, Khris mi ahi kei uh hi. 10Khris note sungah a om leh, na pumpi uh mawhna hangin a sih hangin, na kha uh dikna hangin a nung ta hi. 11Jesu a thokiksak Pasian in note sungah a om leh, note sungah a teng Kha Siangtho hangin, a si thei na pumpi uh hinna a pia ding hi. 12Tua ahih ciangin ute naute aw, eite in silesa thu zuihna dingin, silesa lei i ba kei hi. 13Note in silesa zui-in, a na nuntak uh leh, na si dinguh hi. Kha Siangtho hangin na silesa gamtatna uh na sihsak uh leh, na nungta ding uh hi. 14Pasian Kha Siangtho thuhilhna a mang mi khempeuh in Pasian tate ahi uh hi. 15Note in lauhkikna dingin sila lungsim na nei kei uh hi. Abba, Pa aw i cih mah bangin, ta suahna lungsim na ngahuh hi. 16Eite in Pasian tate na hi uh hi ci-in Kha Siangtho in i lungsim sungah teci hong pang khawm hi. 17Tate i hih leh, gamhluahte i hi hi. Khris tawh vangliatna i ngahna dingin, amah tawh gimna thuak khawm lehang, amah tawh gamh i luah khawm ding hi. Hong tung ding vangliatna 18Eite tungah hong kilang ding vangliatna ka ngaihsut ciang in, tu lai tak a i thuak gimnate

ROM 9 ngaihsut tham ka sa kei hi. 19A kipiangsak nate in Pasian tate kilat ding lamen in, lawpin a ngak uh hi. 20Bang hang hiam cihleh, a kipiangsak nate kisiatna gam lam, a ut bangun a zui kei ding uh hi. 21Pasian tate tawh kipawl khahkhiat nopsakna ahi, kisiatna in hencipna panin kikhah-khia in, nopna lametna ding thu pia a, ahih hang in a kisia thei gam lam a zuisakpa deihna bang bek a zui uh hi. 22A kipiangsak nate khempeuh in tu dongin tau uh a, gimna thuakin a om uh i thei hi. 23Tua bek hi loin, Kha Siangtho a kipatna gah a ngah eite in zong a tate za-ah koihna thu ahi, i pumpi gupkhiatna ngakin i pumpi sungah tau in i om hi. 24Eite in lawpna hangin gupna i ngah hi. Ahih hangin i lawpna in i muh khitsa ahih leh, lawpna ding a om kei hi. Bang hang hiam cihleh, a muhsate ah kua in a lawp ding hiam? 25I muh nailoh nate ah i lawp leh, tuate lungnemna tawh ngakin i om hi. 26Tua mah bangin Kha Siangtho in i thahat lohnate hong huh hi. Eite in thunget dingin a kilawm bangin thunget ding i thei kei hi. Kha Siangtho mah in muk tawh pau theihloh tauna tawh, eite adingin thu hong ngetsak hi. 27Kha Siangtho in mi siangthote ading Pasian deihna tawh kituak in thu hong ngetsakna lungsim a zongpa in Kha Siangtho lungsim a thei hi. 28Pasian a it mite leh a geelna bangin a sap mite in, na khempeuh a kituak in piangsak hi cih i thei hi. 29Pasian Tapa in sanggam tampite lakah a upa pen a hihna dingin, Pasian in tanglai panin a theih kholh mite, a Tapa lim tawh a kibang a suah theihna dingun, a ciamteh khol hi. 30Pasian in a ciamtehsa mite sam a, a sapsa mite a diksak hi. A diksak mite vangliatna a pia hi. Jesu sungah Pasian itna 31Tua bang ahih leh, hih thu hangin bang i gen ding hiam? Pasian in eite lamah a om leh, kua in langah a pang zo ding hiam? 32A Tapa khat bek haza loin, eite khempeuh ading a piapa in man ngen loin nate khempeuh a Tapa tawh hong pia khawm loin a om ding hiam? 33Pasian teelsate kua in mawhsak ding hiam? A diksakpa in Pasian ahi hi. 34A mawhsak mi in kua ahi hiam? Sihna a thuak bek tham loin, sihna panin thokik a, Pasian ziat lamah tu in, eite adingin thu hong ngetsakpa in Khris ahi hi. 35Khris hong itna

152 tawh kua in hong kikhensak thei ding ahi hiam? Gimna, kahna, bawlsiatna leh namsaute in hong kikhensak thei ding ahi hiam? 36Lai Siangtho sung ah: Nangma tang dingin, kote in sun thapai in thahna ka thuak uh hi. Gawh dingin a kikoih tuu bangin, mite in kote hong ciamteh uh hi ci-in a kigelh hi. 37Khen theilo ding hi. Eite hong itpa hangin eite in na khempeuh tungah gualzo pente i hi hi. 38Tua ahih manin, sihna, hinna, vantung mite, ukna, tu lai takin a omte leh tu nung ciangin hong piang dingte ahi zongin, 39A sang leh a niamna a kipan a kipiangsak khat beek in i Topa Jesu Khris hangin i ngah Pasian hong itna tawh hong kikhensak zo kei ding hi ciin man takin ka um hi. 8:11 1Kor. 3:16; 15-17 Gal. 4:5-7; 15 Mk. 14:36; Gal. 4:6; 20 Pian. 3:17-19; 23 2Kor. 5:2-4; 36 La. 44:22. Pasian teel Israelte Ka silesa kitheihna lungsim in, Kha Siangtho tawh kibangin ka sungah teci hongpang khawm a, zuau thu gen loin Khris mai-ah a man takpi ka cih in, 2ka dah mahmah a, ka lungsim sung ah ka gim den hi. 3Ka gimna in silesa lam ah ka pawl ahi ka sanggamte tang dingin Khris tawh kikhen in hamsiatna thuakna dingin lungsim ka nei hi. 4Tua mite in Israel mite ahih man un, ta za ah a kikoihna dingin, vangliatna, thu ciamnate, Thukham koihna, Pasian biakna leh thuciamnate ahi zong in, amaute adingin pute pate panin a kizom khinsate hi-in, Khris in zong silesa lam panin tua mite pawl ahi hi. 5Tua Khris in zong na khempeuh uk a, thupha a ngah tawntung Pasian ahi hi. 6Tua bang ka cih hangin Pasian thu a kip kei hi ka cihna hi lo hi. Isreal suan khempeuhte in Isreal mi taktak ahi kei uh hi. 7Tua mah bangin Abraham suan khempeuh in a tate taktak ahi kei uh hi. Pasian in: Isaak tungtawn bekin na suan leh khak kici ding hi ciin Abraham tungah a gen hi. 8Tua ahih ciangin silesa tate in Pasian tate taktak ahi kei uh hi. Thuciamna tawh kipawlte bek in, a suan taktakte a kici hi. 9Thuciamna in: Tu hun hong tun kik ciangin, kong pai ding a, Sarah in ta a nei ding hi a ci hi. 10Tua bek hi loin Rebekah in i pu ahi Isaak tawh a gai khit ciangin, 11Pasian teelkhiat-

153 na kipawl hanciamna bangin a gamtatna hang hi loin, a hong sampa deihna hangin a kip theihna dingin, ta a suahma in, a maute gamtat hoih leh hoih lo a neih ma un, 12A ta upa in a tum pen sila ahi ding hi ci-in tua nu kiangah a gen hi. 13Tua mah bangin: Jakob ka it a, Esau ka mu dah hi ci-in a kigelh hi. 19Tua ciangin: Tua bang ahih leh, Pasian in bang hangin hong mawhsak lai hiam? Kua in a deihna khaktan a hiam? ci-in nong dong ding uh hi. 20Pasian a nial mi aw, kua na hi hiam? A kibawl mi in: Bang hangin kei hong hici bawl hiam? ci-in a bawlpa kiangah a gen ding hiam? 21Beel seekpa in a beel leitang ahi hiam? Beel leitang lom khat tawh beel manpha leh manpha lo ahi zongin bawl thei hilo ahi hiam? 22Pasian in a hehna hong lak in, a vangliatna a kitheihsakna dingin, a deihna bangin a kisia dingin a bawlsa, hehna tawh a thuak beelte a lungnemna tawh a thuak leh, bang gen ding om lai ahi hiam? 23A vangliatna a lahna dingin a masa in a bawlsa heh-pihna a ngah beelte in, 24Judah mi pawl sung pan bek hi loin, Gentailte sung panin zong hong sapsa eite tungah a kicing vangliatna a kilatna ding in, a hong bawl leh, bang gen ding a om lai ding hiam? 25Hosea Lai Siangtho sungah: Ka mi a hilote, Ka mite hi ka ci ding a, Ka ngaihloh mite Ka ngaih mite ka ci ding hi.26Note in: Ka mite na hi kei uh hi a cihna mun ah: A nungta Pasian tapate kicihna na ngah ding uh hi ci-in a gen hi. 27Isaiah in, Israelte thu panin: Isreal mi pawlte in tuipi sehnel zah in a tamuh hangin a kim khat bekin gupna a ngah dinguh hi. 28Bang hang hiam cihleh, Topa a dingin a khen sak thute kip in, manglangin a zo ding hi ci-in a kiko hi. 29Isaiah in: Vantung Topa in eite ading khaici hong om sak lai hi kei leh, eite in Sodom leh Gommorah khuate bangin i kisia khin ding hi ci-in a masa a gen bang ahi hi. 30Tua bang ahih leh i bangci gen ding hiam? Dikna a deihlo Gentailte in upna hang tawh dikna mun a tunguh hi. 31Ahihna hangin Israelte in upna tawh delh lo uh ahih manin tua dikna thukham ah a tung zo kei uh hi. 32Lai Siangtho sung ah a kigelh mah

ROM 10 bangin amaute adingin kipukna ding suang a sui kha uh hi. 33Tua thu in: Ngai un, suih a kipuk khakna ding suangpi leh mawhsakna suangpi Zion mual tungah ka koih hi. Tua sunagpi a beelte in maizumna a thuak kei ding hi a ci hi. 9:4 Pai. 9:4; 7 Pian. 21:12; 9 Pian. 18:10; 12 Pian. 25:23; 13 Mal. 1:2-3; 15 Pai. 22:19; 17 Pai. 9:16; 20 Isa. 29:16; 45:9; 25 Hos. 2:23; 26 Hos. 1:10; 27-28 Isa. 10:22-23; 29 Isa. 1:9; 33 Isa. 28:16. Mi khempeuh ading gupna Ute naute aw, Israel mite in gupna a ngahna ding un ka lungsim tawh deihsak in, Pasian kiangah thu ka ngetsak hi. 2Amaute in Pasian tungah lungsim kip a neih uh hangin, lungpilna man hilo hi ci-in amaute adingin teci ka pang hi. 3Amaute in a dikna uh kipsakna ding zong zaw uh ahih manun, Pasian dikna thei loin, Pasian dikna thu a mang kei uh hi. 4Bang hang hiam cihleh, thu a um mi khempeuh in dikna a ngahna dingun, thukham mongin Jesu ahi hi. 5Moses in: Thukham tawh kipawl dikna thu a zuite in, tua dikna thu bangin nungta ding hi ciin a gelh hi. 6Ahih hangin upna tawh kipawl dikna in: Van ah kua kahto ding ahi hiam? 7A thukna ah kua kumsuk ding hiam? ci-in na ngaihsun kei un a ci hi. Tua bang a cihna in Khris hong paipih suk dingin, kua kahto hiam? Khris in sihna panin a thosak dingin a thuk sung ah kua va kum suk hiam? a cihnopna ahi hi. 8Tua thu in na kam sung leh na lungtang tungah a om ahi, ka hilh uh upna thu a cihna ahi hi. 9Bang hang hiam cihleh, Jesu in Topa hi ci-in a kam tawh mangin, sihna panin Pasian in thokik sak zo hi ci-in a lungsim takpi tawh a up leh gupna a ngah ding hi. 10Dikkisakna ngahna ding in lungsim takpi tawh ki-um a, gupna ngahna ding in kam tawh kipulak hi. 11Tua ahih manin Lai Siangtho in: Amah a um mi khempeh in zumna a thuak kei ding hi ci-in a kigelh hi. 12Tua ahih manin, amah in Juda minam, Grik minam cih bangin teeltuam a nei kei hi. Mi khempeuh a uk Pasian khat bek om a, a kiangah thu a ngen khempeuhte in a kicing hehpihna a ngah dinguh

10

ROM 11 hi. 13Tua ahih manin, Topa min tawh thu a ngen khempeuh in gupna a ngah dinguh hi. 14Tua ahih leh thu a um lote in bang ci thunget dinguh ahi hiam? A thu a zakngei lohuh Topa bangci up theih dinguh ahi hiam? 15A kisawl kei leh kua in hilh ding hiam? Lai Siangtho sungah a kigelh bangin: Nopna Lungdamna Thu hong zasakte mite khe in bangzah takin kilawm ahi hiam? 16Ahih hangin mi khempeuh in Lungdamna thu a ngai kei uh hi. Kamsang Isaiah in: Topa aw, kote thuhilhna kua in um ahi hiam? a ci hi. 17Tua ahih ciangin zakna in zong Khris thu hang in a piang hi. 18Ahih hangin amaute in za lo uh ahi hiam? Za takpi mah uh hi: Amaute aw in, leitung khempeuh a zeel mang khin ta hi. Amaute thu in leimong dongin a tung zo hi 19Khatvei ka cihin, Israel mite in hih thu thei lo uh hiam? Moses in: Mi pawl ahi lote hangin note in na enna dinguh leh pilna neilo mi pawlte hangin hehna dinguh ahi zongin ka bawl ding hi a ci masa hi. 20Isaiah in ngat zaw in: Kei hong zonglo mite in hong mu uh hi. Ka thu hong kanlo mite tungah ka kilang khin hi a ci hi. 21Israel mipawlte thu panin: Thu a ngailo, thu a seel thei mi pawlte lamah, ni khat tawntung ka khut ka zan hi a ci hi. 10:5 Siam. 18:5; 6-8 Thkna. 30:12-14; 11 Isa. 28:16; 13 Joel 2:32; 15 Isa. 52:7; 16 Isa. 53:1; 18 La. 19:4; 19 Thkna. 32:21; 20 Isa. 65:1; 21 Isa. 65:2. A omlai Israelte Tua bang ahih leh, Pasian a minamte paaikhia ahi hiam? Paikhia lo hi. Keimah in zong Abraham suan, Benjamin mi pawl Israel mi ka hi hi. 2Pasian in a theihkholh a mite a paaikhia kei hi. 3Kamsangpa Elijah in: Topa aw, amaute in na kamsangte a that khin uh hi. Na biakna taute a susia gawp khin uh hi. Kei bek ka nuntak lai hangin, tu in ka nuntakna hong zong uh hi ci-in Pasian mai-ah Israel mite a langpanna thu Lai Siangtho sungah a cihna thei lo na hi uh hiam? 4Pasian in bangci dawn kik hiam? Balaam mai-ah a khukdinlo mi tul sagih keima adingin a om lai hi a ci hi. 5Tua tawh kizui in, tu

11

154 lai takin hehpihna hang tawh a kiteel khinsa a om lai uh hi. 6Hehpihna hang ahih leh, gamtatna hang hilo hi. Tua bang hi zenzen leh, hehpihna in hehpihna ahi kei ding hi. 7Tua bang ahih leh bang cih ahi hiam? Israel mite in a zonuh hangin a mu kei uh hi. A teelsate bekin a ngahuh hi. 8Tua mah bangin Lai Siangtho sung ah: Pasian a mu theilo mittang leh khua a za theilo bil in, ihmut nopna lungsim tua mite tungah a pia hi ci-in a kigelh hi. 9David in: Amaute pawi in amaute tung mahah tehlop leh thangzak bangin a kisuih khakna ding pukna leh dantahna dingte hi ta hen. 10Amaute in a muh zawhlohna ding un, a mittangte uh mial ta hen. Amaute a tawntung in a nung ka kulsak hi ci-in a gelh hi. Gentailte gupna 11Tua bang ahih leh a puk donguh a sui kha uh hiam? Tua bang hi zenzen lo hi. Amaute sungah eenna a omna dingin, amaute pukna hangin Gnetailte in gupna a ngahuh hi. 12Amaute pukna in leitung mite hauhna kem a, a kikhihna un Gentailte hauhna ahih leh, a kicinna un hauhna tam piangsak zaw kan ding hilo ahi hiam? 13Gentailte sawltak ka hih manin, Gentail ahi lo note kiangah kong gen hi. 14Ka silesa pihte lungsim sungah eenna piangsak in, lam khat peuh tawh, kimkhat ka gup zawh khakna dingin, ka za ka phat hi. 15Tua mite a kipaih-khiatna hang in leitung mite kilemkikna a piansak leh, amaute a kikoihkholhna in sihna panin thawhkikna hilo ahi hiam? 16A kipia masa buhnel a siantho leh, a lompi in a siangtho ding hi. A zung a siantho leh, a hiangte zong a siangtho ding hi. 17A hiang kimkhat a kitan khit ciangin, gamlak Oliv hiang ahi, nangmah in, amaute pumtungah pehin na bulh leh hiangte tawh kibangin Oliv sing tha zungtui zom in na neek leh, 18a kisattan khin hiangte in kosia in a kisathei kei in. Na kisaktheih leh nangmah in zung a pua hi loin, zung in nangmah hong pua ahi zaw hi. 19Tua ahih man in nangmah in: Kei hong kipehna dingin hiangte a kitan hi nong ci ding uh hi. 20Hi ta hen. Upna lungsim neilo ahih ciang in amaute kitan uh a, nangmah in na upna hang bek tawh a kip na hi

155 hi. 21Kisathei kei in la, kihta in. Pasian in a hiang taktakte pammaih a sak kei leh, nang zong pammaih hongsa lo ding hi. 22Tua ahih ciangin a puk mite tungah thukhenna leh a hehpihna sung ah na kip naak leh, na tung ah Pasian hehpihna leh hih thu nihte na ngaihsun in. A hehpihna sung ah na kip kei leh, phuk tanna na thuak ding hi. 23Pasian in amaute khatvei peh kik thei ahih manin, amaute in a up lohna sungah a om kei uh leh, a kungtungah zom kik in, pehkikna ding thu a ngah ding uh hi. 24Bang hang hiam cihleh, gamlak Oliv kung taktak panin hong sattan in, Oliv kung hoih tungah ngeina bang loin, nang hong peh ahih leh, hiang taktakte ahi tua mite in Oliv kung tawh zomin pehkikna ding a ngah zaw kan dinguh hilo ahi hiam? Mi khempeuh ading Pasian gitna 25Ute naute aw, na kisaktheih lohna ding in, Gentailte khempeuh hong lut khit mateng un, Israel mite tungah khuamial hun tawm a tung hi ci-in hih thu thuk thei loin na om dinguh ka deih kei hi. 26Tua ahih ciangin Lai Siangtho sungah a kigelh mah bang in Israel mite khempeuh in gupna a ngah ding uh hi. A kigelhna in: Zion mual tung ah Gumpa hong pai ding a, Jokob suante lak panin Pasian a zahtaklohna uh ka la khia ding hi. 27Amaute mawhnate ka lakkhiat khit ciangin, ka piak thuciamna in, tua thu ahi ding hi a ci hi. 28Amaute in Lungdamna Thu hangin, na galte uh ahi uh hi. Teelkhiatna thu panin, pute pate hang in a ki-it mi ahi uh hi. 29Bang hang hiam cihleh, Pasian thupha hehpihna leh hong sapna in a kisia thei kei hi. 30Note in ni dang lai in, Pasian thu na ngaih lohuh hangin, tu in a hehpihna na ngahuh hi. 31Note in zong hehpihna na ngahuh mah bangin, tu in amaute in zong hehpihna a ngahna dingun, thu ngai loin a om uh hi. 32Pasian in mi khempeuh a hehpih theihna dingin, mi khempeuh thu ngaih lohna sung ah a khumcip hi. 33Pasian hauhna, pilna leh siamna in bang zahin thuk hiam? A thukhennate kuamah in a thei zo kei uh hi. A paina lampi a zonuh hangin, a mu zo kei uh hi. 34Topa lungsim kua in thei ahi hiam? Ama vai kua in hawm sak hiam? 35A thuhkikna dingin, kua in Pasian tungah na khat

ROM 12 peuh pia ngei hiam? 36Bang hang hiam cihleh, na khempeuh a kiang panin ahi zongin, ama hangin ahi zongin leh ama ading ahi zongin a pianguh hi. Amah in, minthanna ngah tawntung ta hen. Amen. 11:1 Fil. 3:5; 3 1Kum. 19:10-14; 4 1Kum. 19:18; 8 Thkna. 29:4; Isa. 29:10; 9-11 La. 69:22-23; 26 Isa. 59:20; 27 Jer. 31:33-34; 33 Isa. 55:8; 34 Isa. 40:13; 35 Job. 41:11; 36 1Kor. 8:6. Khris sungah nuntakna thak Tua ahih ciangin ute naute aw, a hing biak piakna leh a siangtho Pasian deihna kituakin, na pumpi uh Pasian kiangah na kipiakna ding un Pasian hehpihna tawh kong thum hi. Tua bangin hihna in a kilawm biakna nasepna ahi hi. 2Hih leitung mite bangin na om kei in. A hoih, a deihhuai, a kicing ahi Pasian deihna in bang ahi hiam ci-in na khen theihna dingun, na lungsim uh bawl thakin, na limte uh na kilamdang sak un. 3Na hihna tawh kituak lopi in upna na nei kei un. Pasian in mi khempeuh tungah upna a hawm sak mah bangin, na pumpi uh tawh kituak bek na upna dingun, ka ngahsa hehpihna thupha suang in note lakah a om mi khempeuh kiangah kong gen hi. 4Pumpi khat tungah nate tampi i nei a, tua nate in sep theihna za khat bek a neih loh mah bangin, 5a tampi ahi eite in Khris sung ah pumkhat bek hi-in, i vekpi-in nate i hi hi. 6A hong piak hehpihna thupha tawh kizui in eite in nam tampi hehpihna phatna dingin i ngah ciat a, kamsang za i ngah leh, upna tawh kituak in kamsang za sem ni. 7Nasepna za i ngah leh, tua na sem ni. Thuhilhna a ngah mi in, thuhilhna mah sem ta hen. 8Hansuah mi in, mite hansuah ta hen. Hehpihna piakna a ngahte in, lungkimna tawh mite pia ta hen. Mi dang hehpihna a ngahte in, mite hehpihna lungsim tawh pia ta hen. 9Simtat lo itna lungsim om ta hen. Gitlohna mudah in gamtat hoih na beel un. 10Ute naute aw, itna panin khat leh khat kidon in na ki-it un. Minphatna panin, mi dangte na phat zaw un. 11Nasep hahkat un la thadah kei un. Lungdamna tawh Topa na sem un. 12Lawp in, lungdam in, gimna hong tun ciangin na thuak un. Thungen tawntung un. 13Mi siangthote a kisapna bangin na huh un. Zindo na hahkat un.

12

ROM 14 14Hong bawlsiate thupha na pia un. Samsiatna kihel loin thupha na pia un. 15A lungdamte tawh na lungdam khawm un. A kapte tawh na kap khawm un. 16Khat leh khat na lungsim uh na kituak sak un. Kiliat sakna na lunggulh kei un. Kiniamkhiatna na deih un. Mipil bangin na kingaihsun kei un. 17Mi dangte hong bawlsiatna na thukkik kei un. Mi khempuh mai-ah a kilawm in gamtat ding na hanciam un. 18Na hih zawhzah un mi khempeuh tawh na kilem un. 19Ka itte aw, mi dangte in note tungah hong khialh leh, a mawhna uh na thukkik kei un la Pasian hehpihna thupha na pia un. Lai Siangtho sungah: Thuhkikna in keima aa ahi hi. Amah hihna tawh kituak in ka thuk ding hi, Topa in ci hi ci-in a kigelh hi. 20Tua bek hi loin: Na galpa a gil a kial leh na vak in. Tui a duh leh a dawn ding tui na pia in. Tua bangin na hih leh, a lu tungah mei-am a koihna hi ding hi 21Gitlohna na lel kei un la, gamtat pha tawh gitlohna na zo un. 12:4-5 1Kor. 12:12; 6-9 1Kor. 12:4-11; 14 Mat. 5:44; Lk. 6:28; 16 Pau. 3:7; 19 Thkna. 32:35; 20 Pau. 25:21-22. Vaihawmte tungah cihtakna A hong uk mangte ukna khempeuh na mang un. Pasian in amaute thu pia kei leh, ukna za a nei kei dinguh hi. Ukna za a nei khempeuh in Pasian piak ahi hi. 2Tua ahih ciang in ukna a nial mi in Pasian thu a nial ahi hi. Gamtat hoih a gamta mite in ukna neite kihtakna ding a om kei hi. Gamtat hoih lote in ukna a neite a kihtak ding ahi hi. 3Ukna a neite na kihtak nop kei leh, a hoih in gamta in. Tua bang na hih leh ukna neite kiang panin pahtawina na ngah ding hi. 4Na phattuamna dingin amah in Pasian nasem ahi hi. A hoih in a gamta mi na hih leh na zahtak ding hi. Amah in namsau a mot tawi hi loin, a gam sungah mi hoih lote dan pia dingin Pasian sawltak ahi hi. 5Tua ahih ciangin, dan kihtakna hang bekin a mang hi loin, na kitheihna lungsim uh tawh na mang un. 6Amaute nasepna in Pasian sawltak hi-in tua nasepna sem ahih man in phiangsiah na pia uh hi. 7Mi khempeuh a ngah dinguh a kilawm bangin na pia un. Zahtak dingin a kilawmte na zahtak un. 8Khat leh khat ki-itna longal lei na kiba sak kei un. A lawmte a it mi in Thukham khempeuh a zui

13

156 khin hi. 9Thukham in: Mi zi tawh na mawh kei in. Mi neihsa na gu kei in. Mi neihsa na deihgawh kei in a cihna thukhamte a kipanin a dang thukhamte in: Nangmah na ki-it bangin na lawmte na it in ci-in thukham khat a om hi. 10Itna in lawmte a siasak kei hi. Tua ahih ciangin ki-itna in thukham zuihna thu a kicinna ahi hi. 11Tua tham loin, eite hong gupna in, eite upna kipat ni sangin, hong nai semsem zaw ahih man in, ihmutna panin khanlawhna ding hun hong tung zo hi ci-in i thei hi. 12Zan bei dektak in, sun hong nai zo hi. Tua ahih ciangin, khuamial gamtatna paikhia in, khuavak tate bangin om ni. 13Gualnop pawikhamna, guih theih zu kham luatna, hukna, lanna, kihuaina, kitotna, ki-elna-te tang in, sun laitak bangin a kilawmin gamta ni. 14Jesu Khris silh un la, huaihamna lungtang na vom kei un. 13:6-7 Mat. 22:21; Mk. 12:17; Lk. 20:25; 9 Pai. 20:14; Thkna. 5:17-19; 5:21; Pai. 20:13-15; 20:17. Sanggam ki-itna Upna neu mi na don un. Up khialhna ding thute mi tawh na kikum kei un. 2Mi khat in na khempeuh nek theihna dingin upna a nei hi. Ahih hangin a thanem mi in anteh theipuam bek a ne hi. 3Pasian in a vekin mang kim ahih manin, an khempeuh a ne mi in, a ne lote simawh kei hen. A ne lo mi in, a ne mite dong tel kei ta hen. 4Midangte sawltak a dong tel mipa aw, nang kua na hi hiam? Tuapa in i Topa thudotna ah a kip leh kip lohna hangin a tuak ding hi. Bang hang hiam cihleh, Topa in tuapa kipsak theihna thu nei ahih manin a kipsak ding hi. 5Mi khatin ni khat leh ni khat a manphatna kibang lo hi ci-in a ciamteh hi. Mi dang khat in ni khempeuh a kibang hi ci-in a ciamteh thei hi. Mi kimkhat in a lungsim sungah pha a sak bangin hi ta hen. 6Pasian hehpihna phatna tawh, ni a tang mi in Topa hangin a tang hi a, an a ne mi in Topa hangin a ne hi. 7Bang hang hiam cihleh, eite lakah eima pumpi adingin a nungta i om kei a, kuamah in mi dangte sih tang dingin a si zong i om kei hi. 8I nuntakna in Topa adingin a nungta i hi hi. I sih leh Topa adingin a si i hi hi. Tua ahih manin, nungta in i si ahi zongin Topa neihsa i hi hi. 9Khris in misite leh a nungtate Topa a suahna dingin sihna a thuak khit ciangin a hing kik hi.

14

157 10Bang hangin na sanggamte dongtel in, thukhen na hi hiam? Na ute naute bang hang in simmawh na hi hiam? Eite khempeuh in Pasian thukhenna tokhom mai-ah i ding ding hi. 11Lai Siangtho sung ah: Nungta ka hih manin, mi khempeuh ka maiah khukdin ding uh a, Leii khempeuh in Pasian a phat ding uh hi ci-in Pasian in thu a pia hi ci-in a kigelh hi. 12Tua ahih ciangin eite khempeuh in i gamtatna bang ciat tawh Pasian thu dotna i thuak ding hi. 13Tua ahih manin eite in tu pan kipanin, khat leh khat thu kisuah mawhna bawlin awm kei ni. Unau khat pukna ding leh khialhna ding ahi zong in i hih lohna dingin ngaihsun zaw ni. 14A pianpih tawh a kihuai hi loin, keimah in Topa Jesu muangin ka lungkim thei hi. Ahih hangin a kihhuai khin mi khat a om leh, a tungah a kihhuai hi. 15Na u leh na nau in na an nekna hangin a dah leh, itna tawh a gamta lo na hi hi. Ama tang dingin Khris sihna a sang mi khat, nekna tawh na siasak kei in. 16Tua ahih manin hong kigensiat lohna dingin na hanciam un. 17Pasian Gam in nek leh dawn ah a kip kei hi. Kha Siangtho hangin a kingah sianthona, kilemna leh lungdamna tawh a kip hi. 18Tua bangin gamta in, Khris na a sem mi in Pasian lungdamsak a, mite mai-ah zong phat huai mi ahi hi. 19Tua ahih ciangin kilemna ding leh khat leh khat kikipsakna ding nate tawh a kizom thute na zui un. 20Nekna hangin Pasian nasepna na susia kei un. An khempeuh a siantho hangin, mi dangte pukna dingin a ne mi in a khial hi. 21Sa nekna leh leenggahtui dawnna a kipan na sanggamte pukna ding nate khempeuhh tan huai hi. 22Na sansa upna, nangma a dingin Pasian mai-ah na om sak in. Thuman na sungah a pum tungah thu a khen lo mi in lungdamin a om hi. 23A um khial mi in a nek leh upna kician nei loin ne ahih manun thukhenna a thuak hi. Upna tawh a kituak lo gamtatna khempeuh in khialhna ahi hi. 14:1-6 Kol. 2:16; 10 2Kor. 5:10; 11 Isa. 45:21. Lawmte lungdamsakna A thahat eite in i deihna bang zui loin, a thanemte tung ah thuak zawhna i neih kul

15

ROM 15 hi. 2I vekpi in i lawmte phattuamna ding ngaihsun in, amaute i kipsakna dingin a deihna uh zui ni. 3Khris in zong ama deihna bang zui loin, Lai Siangtho sungah a kigelh mah bangin: Nang hong simmawhte kammal in ka tung ah hong tung hi a ci hi. 4Eite in Lai Siangtho panin i ngah thuakzawhna leh hehpihna hangin lawpna i neihna dingin, Lai Siangtho sungah tanglai panin a kigelh thute in, eite hong hilhna dingin a kigelh ahi hi. 5Note in i Topa Jesu Khris Pa ahi Pasian lungsim tuakin na kamuh tawh na phat theihna dingun, 6Khris Jesu deihna bangin khat leh khat kilung tuakin na omna dingun, thuakzawhna leh hehnepna a pia Pasian hong hehpih ta hen. 7Tua ahih ciangin Khris in zong note hong mang ahih mah bangin, note in Pasian minphatna na kilangsak un la, khat leh khat na kimang un. 8Khris in Pasian thuman thutak hang in pute pate a piak thuciam a kipna ding ahi zong in, 9Gentailte in zong, Pasian hehpihna ngahuh a, a phatna ding un, vunatna a thuak mite nasem dingin hong kikoih hi. Lai Siangtho sung ah: Tua ahih ciangin Gentailte lakah na heh pihna ka phat hi. Nangma min phatna la ka sa ding hi ci-in a kigelh bang ahi hi. 10Khatvei amah in: Gentailte aw, note in a mipawlte tawh na lungdam khawm un a ci hi. 11Khatvei leuleu: Gentailte khempeuh aw, Topa phat un. Mi pawl khempeuhte in amah phat ta un a ci hi. 12Kamsangpa Isaiah in: Jessi bul mengin, Gentailte a uk ding mi ahi ding hi. Gentailte in amah a muang dinguh hi a ci hi. 13Kha Siangtho vangliatna hangin lametna pha tawh na kidimna ding un, na upna sunguah lungdamna leh noptuamna a pawlpawlte tawh na kidimna dingun, muanna a nei Pasian in hong pia ta hen. 14Ute naute aw, lungsim pha leh pilna tawh kidim na hih manun, khat leh khat thu na kihilh theih dinguh ka um hi. 15Kha Siangtho in hong sianthosak deihuai biakna ahi Gentailte kiangah ka piak theihna dingin, 16keimah in Pasian Lungdamna Thu hilh za ngah in, Gentailte tungah Khris nasem ka suakna dingin, Pasian in hong piak hehpihna thupha hangin, lauhna kihel loin,

ROM 16 note kong phawksak kik hi. 17Tua ahih manun Pasian tawh a kituak nate hangin, note tungah Khris Jesu min suangin ka kisathei hi. 18Gentailte in kam leh gamtatna tawh thu a ngaihna dingun, Khris in lim leh na lamdang vangliatna leh Kha Siangtho vangliatna ka tungah hong bawl nate bek ka gen ngam hi. 19Tua ahih ciangin Jerusalem khua panin Illrikum gam dong leh a kimkot mun khempeuh ah Khris Lungdamna Thu a vekpi in ka hilh khin hi. 20Hi hi. Mi dangte khuamphuh sa tung ah ka lam lohna dingin, Khris min a kizak ngei lohna munte ah Lungdamna Thu hilh dingin, ka lungsim takpi tawh ka hahkat hi. 21Lai Siangtho sungah: Tua mi thu, kuamah in a lah ngei loh hangin, amaute in a mu dinguh hi. A za ngeilo mite in a thei dinguh hi ci-in a kigelh hi. 22Tua ahih manin note kiangah kong pai lohna dingin tamveipi hong kikhak khin hi. 23Tu lai takin hi lai ah ka hih ding omlo ahih manin, note kiang ah kong pai ding ka ngaihsutna sauvei khin hi. 24Spain ah ka pai ciangin, lampi ah note tawh kimu in, khawlkhawm in, deihna teng a kicin khit ciangin, tua gamah ka paina dingin note kiang pan thupha ka ngah ding hi ci-in ka lamen hi. 25Tu in ahih leh, mi siangthote vak dingin Jerusalem ah ka pai ding hi. 26Bang hang hiam cihleh, Makedonia gam mite leh Akhaia gam mite in Jerusalem khuapi ah a om mi siangtho a zawngte adingin, a lungsim takpi uh tawh sum a piakhia uh hi. 27Hi hi. Lungsim takpi tawh ka cih hangin, leiba a nei uh hi loin, Gentailte in Judah mite tawh Kha Siangtho in a piak vantung sum ngah khawmuh ahih leh, leitung sum piakna tawh Judah mite a vak dinguh a kilawm hi. 28Tua ahih ciangin, hih nasep zo in, hih piakhiatna lim takin ka piak khit ciangin note kiang tawn in Spain gamah ka pai ding hi. 29Note kiang kong tun ciangin, a kicing Khris thupha tawh kong pai ding lam ka thei hi. 30Ute naute aw, Judah gamah a om a nial mite khuttung panin ka suahtakna ding leh Jerusalem khuapi ah an vakna ka sep ding pen mi siangthote in a san theihna uh leh, 31Pasian deihna bang in lungdamna tawh note kiang tung in, note tawh thupha ka ngah khopna ding ahi

158 zongin, note in keimah tawh hahkatin keima adingin Pasian kiangah thu na nget sak un, 32ciin Topa Jesu Khris leh Kha Siangtho itna tawh kong thum hi. 33Kilemna hong pia Pasian in note khempeuh tawh om khawm ta hen. Amen. 15:3 La. 69:9; 9 2Sam. 22:50; La. 18:49; 10 Thkna. 32:43; 11 La. 117:1; 12 Isa. 11:10; 21 Isa. 52:15; 22 Rom. 1:11; 25-26 1Kor. 16:14; 27 1Kor. 9:11. Itna tawh hopihna Kenkhrea khua ah a om, pawlpi nasem i sanggamnu ahi Foebe thu note kiangah kong gen nuam hi. 2Note in mi siangthote bawl ding a kilawm bangin Pasian mi ahihna na tung sak un la, huh dingin a kisapna khempeuh na huh un. Amah in mi tampi leh kei nangawn hong huh den mi ahi hi. 3Kei tawh Khris Jesu nasem khawmte ahi Prisilla leh Akuila na hopih sak un. 4Ka nuntakna tang dingin a kipiate hi uh a, amaute in hehpihna a neihna uh hangin, kei bek hi loin, Gentail pawlpi khempeuh in zong a phatuh hi. 5Amaute inn sungah a om pawlpi zong na hopih sak un. Asia gamah Khris adingin gah masa pen ahi ka it Epainetas zong na hopih sak un. 6Note ading a hatkat nasem Mari zong na hopih sak un. 7Kei tawh thong a kia khawm, ka behte ahi Andronikas leh Junias zong na hopih sak un. Amaute in sawltakte lakah minphatna a ngahte hi uh a, kei sangin Khristian a suak masa zawte zong ahi uh hi. 8Pasian hangin ka it ahi Amflias na hopih sak un. 9Kote tawh Khris nasem khawm ahi Urbanas leh ka it Stakhus zong na hopih sak un. 10Khristian kician mahmah ahi Epells leh Aristobulus innkuante zong na hopih sak un. 11Ka beh Herodion leh Narkissas innkuante lakah Topa nung a zuite zong na hopih sak un. 12Topa na semte ahi Trifana leh Trofosa na hopih sak un. Topa nasem ahi it dingin a kilawm numei Persis zong na hopih sak un. 13Topa teelsa Rufas leh a nu ahi ken zong nu ka cih na hopih sak un. 14Asinkhritas, Flegon, Hermes, Patrobas, Hermas a kipan, amaute tawh a om khawm mi siangtho khempeuh na hopih sak un. 15Filogoas, Julia, Nereas leh a sanggamnu leh Olimpas a kipan, amaute tawh a om khawm mi siangtho khempeuhte na hopih sak un. 16Khat leh khat

16

159 siangtho kinapna tawh na kihopih un. Khris pawlpite khempeuh in note hong hopih hi. 17Ute naute aw, na sansa uh thuhilhna tawh a kituak lo, kikhenna leh pukna a bawl thei mite ciamteh un la, na tangun ci-in kong thum hi. 18Bang hang hiam cihleh, eite Topa Khris na sem loin, amaute gilpi ading bekin sem uh a, kamsiam leh kamzol tawh miphate a khem thei uh hi. 19Note thu upna in mi khempeuh lakah thang ahih manin, note hangin ka lung a dam mahmah hi. Note in thu hoih lam sangah lungpilna nei in, gitlohna lam sangah mawhna a om lohna dingin ka hong deih hi. 20Nopna hong pia Pasian in a sawt loin, note khenuai ah Satan a bawlsia ding hi. I Topa Jesu khris hehpihna in note tung ah om ta hen. 21Kei tawh nasem khawm Timoti a kipan ka behte ahi Lukais, Jason leh Sosipater-te in hong hopih hi.

I KORIN 1 lai a gelh keimah Tertias in Topa hangin kong hopih hi. 23Keimah leh, pawlpi khempeuh ahi zongin, zin hong do thei Gaias in hong hopih hi. Khuapi dangka kem Erastas leh i sanggam Kuartas-te in hong hopih uh hi. 24I Topa Jesu Khris hehpihna in note khempeuh tawh om khawm ta hen. Thukhupna 25Tang tawntung a kisel ahi, tu ni in hong kilang minam khempeuh in upna thu a ngahna dinguh, 26kamsangte Lai Siangtho sungah a kigelh Pasian thukham bangin, Lungdana Thu Jesu Khris thuhilhna hangin hong kipsak ahi Topa khat bek in, 27pilna tawh a dim Pasian in Jesu Khris hangin a tawntungin vangliatna ngah tawntung ta hen! Amen. 16:3 Sawl. 18:2; 13 Mk. 15:21; 21 Sawl. 16:1; 23 Sawl. 19:29; 1Kpr. 1:14; 2Tim. 4:20.
22Hih

KORIN KHUA MITE KIANGAH SAWLTAK PAUL LAIKHAK MASA

Hopihna Pasian deihna hangin, Khris Jesu sawltak za in hong kikoih, keimah Paul in i sangam Sosthenes tawh, Khris Jesu hangin mawhna tawh a kipelh, mi siangtho dingin hong kikoh ahi Korin khua ah a om Pasian pawlpite a kipan, 2mun khem-peuh ah eite Topa bek hi loin, mi khempeuhte Topa zong ahi Topa Jesu Khris kiangah thu a ngen mi khempeuh kiangah thu kong zasak uh hi. 3Topa Jesu Khris leh i Pa Pasian kiang panin hehpihna leh nopna in note tungah hong tungta hen. 4Khris thu tecipanna in note lakah a kip hi. 5Tua ahih manin, note in ama hangin thugenna leh lungpilna a kipan na khempeuh ah na kicing uh hi. 6Khris Jesu hangin, note a hong piak hehpihna thupha suangin, note hangin Pasian hehpihna ka phat den hi. 7Tua ahih ciangin note in i Topa Jesu Khris hong kilat ding ngakin na om lai takun, a hong piak thupha khat beek na sem kei uh hi. 8Tua Topa in eite Topa Jesu Khris

Ni a tun ciangin mawhsakna tawh na kipelhna dingun, a bei dongin note hong kipsak ding hi. 9I Topa ahi Topa Jesu Khris tawh kipawlna sungah hong lut sak Pasian in a ciampeel mi ahi kei hi. 10Ute naute aw, note kam kikhat in gen in, kikhenthang loin, lungsim kikhatin, kiciamtehna kikhat in, kicing takin na omna dinguh i Topa Jesu Khris min in kong thum hi. 11Ute naute aw, note lakah a kitawng om hi ci-in Khloe-te innkuanpih kim khat in hong zasak uh hi. 12Note in: Kei Paul mi, kei Apollo mi, kei Kefas mi, kei Khris mi, cih bangin na om ciatuh hi. 13Khris a kikhen hiam? Paul in note tang dingin singlamteh tungah a si hiam? Ahih kei leh Paul min tawh kibaptaiz na hi uh hiam?. 14Krispas leh Gaias longal note lakah kuamah baptaiz lo ka hih man in, Pasian hehpihna ka phat hi. 15Tua ahih manin: Paul min tawh baptaizna ka ngah hi ci-in kuamah in a gen thei kei ding hi. 16Stefanas-te innkuan zong ka baptaiz hi. Mi dangte a baptaiz lam ka thei kei hi. 17Khris in baptaiz ding

I KORIN 2 in kei hong sawl lo hi. Lungdamna Thu hilh dingin hong sawl hi. Ahih hangin Khris singlamteh in mawhsakna ahih lohna dingin, pilna tawh hilh dingin hong sawl lo hi. 18Bang hang hiam cihleh, siatna a thuak ding mite adingin, singlamteh thu in haina hi a, gupna a ngah ding eite adingin Pasian vangliatna ahi hi. 19Lai Siangtho sungah: Pilna a neite pilna ka susia ding hi. Lungpil mite a lungpilna uh ka sugawp ding hi. Lungpilna neite a lungpilna ka paimang ding hi ci-in a kigelh hi. 20Lungpil mi koi ah om ahi hiam? Laithei mi koi ah om ahi hiam? Leitung thu a kidong thei mite koi ah om ahi hiam? 21Pasian geelna bangin leitung mite in a pilna uh Pasian theihna in zanglo uh ahih manin, Pasian a um mite in haina thuhilhna tawh a gupna ding in lungsim a nei ni. 22Judah mite in na lamgdang ngen thei uh a, Grik mite in lungpilna a zong thei uh hi. 23Eite in i hih leh singlamteh tungah a si Khris thu i hilh hi. Tua thu in Judah mite adingin ki-pukna hi a, Jentailte adingin haina ahi hi. 24A hih hang in gupna Judah mi hita leh Grik mi hita leh a kisamte adingin Psian vangliatna leh pilna ahi hi. 25Bang hang hiam cihleh, Pasian haina in mite pilna sangin a pil zaw hi. Pasian thanemna in mite thahatna sangin a hat zaw hi. 26Ute naute aw, note hong sapna thu na ngaihsun un. A hong sapmite lakah leitung pilna a nei tampi a om kei hi. Minthanna a nei tampi om loin, nam liante zong a om kei hi. 27Pasian in lungpilte a zumsakna dingin leitung mihaite a teel hi. A tha hatte a zumsakna dingin a tha zawngkhalte a teel hi. 28A om nate a manthansakna dingin, leitungah a kithupi sim lote leh a omlo nate a teel hi. 29Tua ahih ciangin Pasian mai-ah kisak theihna ding a om kei hi. 30Tua Pasian hangin, note in Jesu Khris sungah na om uh hi. Tua Jesu Khris in eite adingin Pasian kiang panin siamna, sianthona leh tatkhiatna hong pia hi. 31Tua ahih manin, Lai Siangtho sung ah a kigelh mah bangin: A kisatheite in Topa hangin kisathei ta hen a ci hi. 1:2 Sawl. 18:1; 12 Sawl. 18:24; 14 Sawl. 18:4; 19:29; Rom. 16:23; 16 1Kor. 16:15; 19 Isa. 29:14; 20 Job. 12:17; Isa. 19:12; 33:18; Isa. 44:25; 31 Jer. 9:24.

160 Paul hilh singlamteh thu Ute naute aw, note omna ah kong pai ciangin, ka siamna leh ka pilna tawh Pasian tecipanna thu gen dingin kong pai kei ding hi. 2Note lakah kong om ciangin Jesu Khris thu leh singlamteh thu longal, thu dang ka ngaihsut lohna dingin ka lung-sim takpi tawh ka hanciam hi. 3Note tawh ka om khop ciangin, thanem leh lau in ka om khak ding ka patau hi. 4Note upna in, mite pilna ah kip loin, Pasian vangliatna ah a kip zawkna dingin, 5ka kam leh ka thuhilhna in mipilte pilna kammal tawh zolna kammal ka zang ngei kei a, ahih hangin Kha Siang-tho hong lah vangliatna tawh ahi zaw hi.

6A kicing mite kiangah pilna thu tawh i gen hi. Ahih hangin leitung pilna thu leh a mangthang ding hih leitung ukte pilna thu ahi zongin ka hilh kei hi. 7Leitung pianma in i minthanna dingin Pasian a geel sa thuthuk pilna ahi Pasian pilna tawh ka hilh uh hi. 8Tua pilna in leitung ukte in khat beek in a thei kei uh hi. Thei uh hi leh, vangliatna Topa sing-lamteh tungah a that kei dinguh hi. 9Lai Siangtho sungah: Pasian in a itte adingin a koih a bawlsa nate, mit tawh kimu thei lo, bil tawh zong a kiza thei lo, mite lungsim sungah a lut zolo nate ahi hi ci-in a kigelh hi. 10Pasian in tua thuthukte Kha Siangtho tawh eite hong lak in, tua Kha Siangtho in Pasian thuthukpi dong in a zong hi. 11A lungsim sung ah a om thute longal, midang khat peuh in tua thu a theithei ding hiam? Tua mah bang in Kha Siangtho longal in tua Pasian nate a thei kua mah a om kei hi. 12Bang hang hiam cihleh, eite in leitung tawh kipawlna dingin leitung lungsim i ngah kei hi. Pasian man ngen loin hong piakte i hihna dingin, Pasian kiang pan in a hong tung lungsim i ngah hi. 13Tua nate in mite hong hilh, mipilte kamsiamna ka gen kei uh hi. Kha Siangtho in hong hilh kam tawh kha thute kha mite kiangah ka gen zaw uh hi. 24Leitung lungtang a nei mi in, Pasian Kha Siang-tho nate a mang zo kei hi. Bang hang hiam cihleh, tuate haina sa uh a, Kha Siangtho bek tawh tel theih ahih lam a thei kei hi. 15Kha Siangtho a nei mi in, na khempeuh khen thei a, amah kuamah in a khen thei kei hi. 16Pasian thuhilh thei ding in

161 Pasian lungsim a thei kua om ahi hiam? Eite in ahih leh Khris lungsim i nei hi. 2:3 Sawl. 18:9; Isa. 64:4; 16 Isa. 40:13. Nuntakna bulpite Ute naute aw, Kha Siangtho a nei mite bang hi loin, leitung lungsim a nei mite, Khris sungah nawine lai naungekte hilh bangin kong hilh hi. 2Note in anham haizan zo nailo na hih manun, sa tawh kong vak nai kei ding a, nawizu kong tulh ding hi. 3Bang hang hiam cihleh, leitung lungsim nei lai na hih manun, note lakah, kienna, kitotna a om lai tengin, leitung lungsim nei lai in, leitung mite ngeina bangin gamta lai hilo na hi uh hiam? 4Mi khat in: Kei Paul mi ka hi hici-in khat in: Apollos mi ka hi hi na cih uh ciangin leitung lungsim a nei mi hilo na hi uh hiam? 5Tua ahih manin Apollos in kua hi a, Paul in kua ahi hiam? Topa in thu a hong piak ciat mah bangin, note in upna na neih theihna dingun thuhilh mite hilo ka hi uh hiam? 6Keimah in a suanpa ka hi hi. Apollos in tui buakpa ahi hi. A khangsakpa in Pasian ahi hi. 7Tua ahih ciangin a suanpa in mi phamawh ahi kei a, tui a buakpa in zong mi phamawh hi loin, a khangsakpa Pasian in mi phamawh ahi hi. 8Ahih hangin a suanpa leh tuibuakpa in mi hi a, amaute a kipiak nasepna a sep bang ciatun noptuamna a ngah dinguh hi. 9Kote in Pasian tawh nasem khawm mi hi-in, note in Pasian huan leh Pasian inn na hi uh hi. 10Pasian hong piak thupha hehpihna ka ngah tawh kizui-in inn lamsiampa bangin khuam ka phut hi. Mi dangte in a ban zomin a lam uh hi. Ahi zongin mi khempeuh in tua khuam tungah bangci bangin zomin a lamuh hiam ci-in kikem ta uh hen. 11A kiphut khin khuam Jesu Khris longal kua mah in khuam a dang a phut zo kei ding hi. 12Tua khuam tungah: kham, ngun, sing, lopa leh buhkungte tawh a lam a om leh, 13Mi khempeuh a hihna uh hong kilang ding a, bang ci bangin hong kilang ding hiam cihleh, tua ni ciangin meitawh a kilang sak ding hi. Mi khempeuhte nasepna mei tawh a kize-et ding hi. 14Tua khuam tungah zomin a lam mi, nasepna a kip leh noptuamna a ngah ding hi. 15Mi khat na-sepna a kat tum leh tuapa a zaang ding hi. Ahi zongin a

I KORIN 3 pumpi meikatna tawh a kipelh mah bangin gupna a ngah ding hi. 16Note in Pasian biakna innpi na hi uh a, Pasian Kha Siangtho in note sung ah a ten lam theilo na hi uh hiam? 17Pasian biakinnpi siangtho ahih manin, mi khat in Pasian biakinnpi a suk gawp leh Pasian in tuapa a sugawp ding hi. Note in tua biakinnpi na hi uh hi. 18Kuamah na kikhemsak kei un. Note lakah mi khat peuh in, hih leitung pilna ka nei hi ci-in a kiup leh, tuapa in mi lungpil a suahna dingin mihai suak masa hen. 19Bang hang hiam cihleh, leitung mite pilna in Pasian mai-ah haina ahi hi. Lai Siangtho sungah: Pasian in mipilte pen amaute zuau thu mah tawh a man hi ci-in a kigelh hi. 20Khatvei: Mipilte hanciamna in a mawkna hi ciin Pasian in a thei hi ci-in a kigelh hi. 21Tua ahih ciangin kuamah in mite hangin kisathei kei ta hen. Bang hang hiam cihleh, nate khempeuh in note ading ahi hi. 22Paul ahi zongin, Apollos ahi zongin, Kefas ahi zongin, leitung ahi zongin, sihna ahi zongin, hinna ahi zongin, a hong piang dingte ahi zongin, tuate khempeuh in note ading ahi hi. Note in Khris mi na hih uh bangin, Khris in zong Pasian mi ahi hi. 3:2 Heb. 5:12-13; 4 1Kor. 1:12; 6 Sawl. 18:4-11; 18:24-28; 16 1Kor. 6:19; 2Kor. 6:16; 19 Job 5:13; 20 La. 94:11. Sawltakte nasepna Khris sawltak bang leh Pasian thuthuk a kemte bangin mi dangte in hong ciamteh ta uh hen. 2Tua tham loin, sumpi kempa in lungsim dik a nei ding hi. 3Ahi zongin note a kipan, mi dangte in ka thu hong khen leh a khenna thu uh thuneu no khat ahi hi. Ahi hi. Ka pumpi zong keimah in ka khen kei hi. 4Bang hang hiam cihleh, mawh-sakna ding ka pumpi tungah bang mah ka mu kei hi. Ahih hangin keimah in tua thu hang in thu-khenna tawh a kipelh ding ka hi tuan kei a, keima thu hong khen dingpa in Topa ahi hi. 5Tua ahih ciangin khuamial sungah a kiseelte leh lungsim sungah hanciamnate a kilangsak dingin Pasian hong pai ma, a hun a tun matengin thu na kikhen kei un. Tua hun ciangin Pasian kiang panin phatna i ngah ciat ding hi. 6Ute naute aw, kote hangin: A kigelhsa thute na kheng kei un a cihna na theihna dinguh leh

I KORIN kisathei in khat muangin khat na nial lohna ding uh ahi zongin, ka gensa thute note adingin kei leh Apollos gentehna in zangin kong hilh hi. 7Kua in note hong kikhel sak hiam? Ngah khin in, sang khin na hih uh leh, a ngah lo leh a sanglote bangin bang hangin kisathei na hi uh hiam? 8Tu in na kicing khin uh hi. Sum na hau khinuh hi. Kote kihel loin nuam na sa khin uh hi. Note tawh nuam kasak theihna dingun a nuamsa takpi hi leucin ka ut hi. 9Thah dingin a kikoih mite bangin, sawltak ahi kote Pasian hong lak khin hi ci-in ka um hi. Bang hang hiam cihleh, leitung mite leh vantung mite lakah pawikham siim dingin hong koih hi. 10Kote in Khris adingin mihai ka hi uh a, note na hihuh leh Khris sung ah mi-pilte na hi uh hi. Kote in mi thanemte ka hi uh hi. Note na hih uh leh a thahatte na hi uh hi. Note in minphatna na ngahuh hi. Kote in zumna ka thuak uh hi. 11Tu dongin gilkial in dangtak in, puan silh ding nei loin, satna leh bawlsiatna thuak in ka om uh hi. Inn na ngawn zong ka nei kei uh hi. 12Ka khutuh tawh gimpi in nasem in ka om uh hi. Hong kikosiat ciang in, thupha piakna tawh ka thukkik uh hi. Hong kibawlsiat ciangin ka thuak uh hi. 13Gensiatna ka thuakuh ciangin ka thum uh hi. Tu dongin a kihhuai nate bangin, mun khempeuh ah a kiphiat khia ninte bang ka hi uh hi. 14Kong maizum sakna dingin hi bangin a gelh ka hi kei hi. Ka it ka tate bangin hilhna dingin hong gelh ka hi zaw hi. 15Khris sungah thuhilh thenkhat bang na neihuh hangin a tampi na nei kei uh hi. Keimah in in Lungdamna thu hangin Jesu Khris sung ah note pa ka suak khin hi. 16Tua ahih ciangin ka gamtat bangin na gamtatna dinguh kong thum hi. 17Tua thu hangin Topa nasepna a dik tat, ka it ka ta Timoti pen note kiangah kong sawl hi. Mun khempeuh ah a om pawlpite thu ka hilh mah bangin, ka gamtatnate amah in hong phawksak ding hi. 18Kei hong pailo ding hi ci-in mikim khat a kisathei uh hi. 19Ahi zongin Topa in hong awi leh, a manlang in kong pai ding hi. Kong tun ciangin a kisathei mite kam ciamteh loin, amaute vangliatna ka ciamteh ding hi. 20Pasian Gam in kampau hang tawh kip loin, vangliatna hang tawh a kip zaw hi. 21Koici bang dan deihna hi uh hiam? Ciangduai tawh note kiangah hong pai ding ka hi hiam?

162 Ahih kei leh, ki-itna lungsim leh lungnemna lungsim tawh hong pai zaw ding ka hi hiam? 4:12 Sawl. 18:3; 16 1Kor. 11:1; Fil. 3:17. Numei tawh mawhna thu Numei tawh mawhna a bawl bek hi loin, a pa zi tawh a kiteng cih Jentailte lak nangawn ah zong a kiza ngei lo mawhna in, note lakah a om thu a thang khin hi. 2Tua bang mite, note lak panin hawlkhiat ding ngaihsun lo bek tham loin, na kisakthei zaw lai uh hi. 3Tua ahih manin, ka pumpi in note tawh a kigamlat hangin, ka kha in note tawh a om khawm mah bangin, tua bangin a gamta mite tungah thu ka khen khin hi. 4Ka thukhenna in Topa Jesu min leh ka kha tawh na kikhop uh ciangin, Topa Jesu vangliatna suang in, 5Topa Jesu Ni ciangin tua mipa kha in gupna a ngah theihna dingin a pumpi kisiatna dingin Satan khut sungah na pia un ci-in ka khen hi. 6Na kisaktheih pihuh thu in thu hoih ahi kei hi. Silngo tawmcik in annel lomkhat a tawk sak na thei uh hiam? 7Note in silngo tawh na kipelh mah bangun, annel thak na suah theihna dingun, a lui silngo na mangsak khin un. Bang hang hiam cihleh, Khris ahi eite Paisan tuuno a kigo khin hi. 8Tua ahih ciangin silngo lui, hai leh a gilo silngote tawh hi loin, silngo sawh loh a siangtho leh thuman thutak anlum tawh pawi kham ni. 9Numei tawh a mawhte tawh na kikolh lohna dingun, tu ma in lai sungah kong gelh khin hi. 10Tua bang ka gelhna in, hih leitung numei tawh a mawhte, huaihamna leh duhhopnate, zawhthawh bawlna tawh suhna leh milim a biate tawh kikhawl peuh mah kei un ka cihnopna ahi kei hi. Tua bang hi leh leitung panin na paikhiat uh kul ding hi. 11A sanggam numei tawh a mawhte, huaihamte, duhhopte, milim biate, hangsan a kosiate, zukhamte, zawhthawh bawla a sutte, tua bangin a gamtate tawh kikhawl lo bek hi loin, an nangawn na ne khawm kei un ci-in ka gelh hi. 12Bang hang hiam cihleh, a pualam mite thukhenna tawh thu kikum ka hi hiam? A sunglam ah a om note thu a khen hilo ka hi hiam? 13A pua lamah a omte Pasian in thu a khen ding hi. Tua a gilopa note lak panin na hawl khia un. 5:1 Thkna. 22:20; 6 Gal. 5:9; 7 Pai. 12:5; 8 Pai 13:7; Thkna. 16:3; 13 Thkna.13:5; 17:7.

163 Thu umlo mite maiah kihiatna Khat leh khat thu na kineihuh ciangin, mi siangthote khensak loin, lawkite a khensak ngam ding note lakah khat beek na omuh hiam? 2Mi singthote in leitung mite thu a khen ding thei lo na hi uh hiam? Leitung mite thu na khentakpi dinguh leh, thuneute khen dingin na kilawm uh hiam? 3Eite in vangtung mite thu i khen ding lam theilo na hi uh hiam? Tua ahih ciangin leitung thute a khen dingin a kilawm zawte hilo na hi uh hiam? 4Leitung thu a khen dingte na hih uh leh, pawlpi sungah a om migina lote thu a khen dingin mi koih na hi uh hiam? 5Tua bang ka cih ciangin na maizumna dingun kong cihna ahi hi. A ute naute thu a khensak thei ding note lakah lung pilna a neihna dingin note lakah khat beek omlo na hi uh hiam? 6U leh nau cih bangin kiseel bek hi loin, thu umlo mite mai-ah na khia tazen uh hi. 7Note khat leh khat na kitot uh ciangin na phattuamna uh a kiam lua hi. Thu um loin bang hangin bawlsiatna thuak zaw lo na hi uh hiam? Bang hangin thukhen zumte zang zaw na hi uh hiam? 8Tua bang bek hi loin, thuman lopi tawh na kisu ta zen uh a, u leh nau khat leh khat sum na kilak sak uh hi. 9Mi diklote in Pasian Gam a luah loh ding lam theilo na hi uh hiam? Na kikhem kei un. Numei tawh a mawhte, milim a biate, mi zi tawh a mawhte, pasal leh pasal a khialte, tua bang a thuak mite, 10sum gute, huaiham duhhopte, zu-kham theite, hangsan kosia theite, zawh-thawhna tawh sum sutte khempeuh in Pasian Gam a luah kei dinguh hi. 11Note kimkhat in ni-dang lai in, tua bangin na gamta ngei uh hang in, tu in Topa Jesu Khris min leh i Pasian Kha Siangtho tawh na kisil siang khit uh ciangin, dikkisakna na ngah uh hi. Pasian phatna 12Na khempeuh ka hih theih hangin, na khempeuh a hih dingin a kilawm loh banah, tua nate khat sila in ka kipia kei ding hi. 13An leh tui in, gilpi ading ahih hangin tuate gel Pasian in a siasak ding hi. Pumpi in numei tawh khialhna ding ahi kei hi. Topa ading hi-in, Topa in zong pumpi a ding ahi hi. 14Pasian in a vangliatna tawh Jesu thosak ahih man in, eite zong hong thosak ding hi.15Note pumpi in Khris pumpi nate ahih lam thei lo na hi uh hiam? Tua a hih man in Khris nate

I KORIN 7 la in, numei gilote nate ka piangsak ding hiam? Tua bang hilo ding hi. 16Numei gilo tawh a kipawlte in, numei gilo tawh sakhat pumkhat ahih lam theilo na hi uh hiam? Bang hang hiam cihleh: Tuate gel in sakhat pumkhat kici ding hi kici hi. 17Topa tawh a kipawlte in Topa tawh lungsim kibang ahi ding hi. 18Numei tawh mawhna panin taikhia un. Mihing in a hih theih khialhna khempeuh in a pualam ah a om hi. Numei tawh a khial mi ahih leh, ama pum tungah a khial hi. 19Note pumpi in Pasian a hong piak, a sungah a teng Kha Siangtho biakinn ahih lam theilo na hi uh hiam? 20Note in man tawh a kilei khin na hi uh hi. Tua ahih ciangin na pumpi sunguah Pasian na phat un. 6:12 1Kor. 10:23; 16 Pian. 2:24; 19 1Kor. 3:16; 16:2; 2Kor. 6:16. Nupa kikal thu Nong khak uh lai sung thu tawh kisai in, pasal in numei tawh kiteng kei leh a hoih hi. 2Ahi zongin numei tawh mawhna tawh kisai in, pasal khempeuh zi nei ciatuh hen. Numei khempeuh in zong pasal nei ciat uh hen. 3Pasal in a bawl a kilawm bangin a zi tungah bawl ta hen. Tua mah bangin numei in zong a bawl dingin a kilawm bangin a pasal tungah bawl ta hen. 4A zi in a pumpi uk loin, a pasal in a uk zaw hi. Pasal in a pumpi uk loin, a zi in a uk zaw hi. 5Thugen ding tawh kisai-in tom kha sung bek longal khat leh khat na kinial den kei un. Na pumpi uh na kikham zawhloh uh hangin Satan in hong zol zawhlohna ding in, na om khawm kik pah un. 6Hi bangin kong gen ciangin Thukham hi loin, thupiakna bek hangin hong gen ka hi hi. 7Mi khempeuh kei tawh kibang leh ka awi hi. Ahi zongin mi khempeuh in Pasian piakna tawh kizui in, a kibanglo thupha a ngah ciatuh hi. 8Zi neilo, pasal neilo leh meigongte numeite kiangah ka cihin, amaute in kei tawh kibangin om le uh a pha ding hi. 9Ahi zongin a pumpi uh a kideek zawh kei ding uh leh kitenguh hen. Huuk in a laan in a om uh sangin kiteng leh a phazaw ding hi. 10Zinei leh pasal neite tung ah ka thukham ahi lo Pasian thukham in, zi in a pasal ma kei hen. 11A mak leh pasal dang nei loin om hen. hih kei leh a pasal tawh kilemin om kik hen. Pasal in zong a zi ma kei hen.

I KORIN 12Mi dangte kiangah Pasian thukham ahi lo, kei cihna in: unau khatin thu umlo zi nei in, a zi in a pasal kiangah a om nop leh, kikhen kei uh hen. 13Tua mah bangin numei in thu umlo pasal nei in, a pasal in a zi kiangah a om nop leh kikhen kei uh hen. 14Bang hang hiam cihleh, thu umlo pasal in a zi hangin a siangtho hi. Thu umlo zi in a unau hangin a siangtho hi. Tua bang ahih kei leh na tate uh a siangtho lo ding a, tua bangin ahih leh a siangtho ding hi. 15Ahi zongin thu umlo mi in kikhen a ut leh, kikhen ta hen. Tua bang ahih leh sanggampa ahi zongin, sanggamnu ahi zongin kihencipna om lo hi. Bang hang hiam cihleh, Pasian in kilemna i neihna ding hong sam ahi hi. 16Zi aw, na pasal na gup thei ding leh na gup theih loh ding bangci theih na hi hiam? Pasal aw, na zi na gup theih ding leh na gup theih loh ding bangci theih na hiam? Pasian sehsa nuntakna 17Pasian in mi khempeuh deihsak tuam ciat hong pia hi. Pasian in mi khempeuh a sapna thu tawh kituakin, mi khempeuh gamta ta hen. Pawlpi khempeuhte kiangah hih thukham ka pia hi. 18Vunat mi hong sap leh, vunat loh mi suak kei hen. Vunat loh mi hong sap leh vun ki-at sak kei hen. 19Vunatna hangin bangmah phattuamna omlo hi. Pasian thukhamte zuihna hang bek tawh phattuamna a om hi. 20A hong sap lai takin, a om bangin mi khempeuh om ta hen. 21Sila na hih laitak hong sap leh lunghimawh kei in. A hih hangin suahtakna na ngah khit zawh ahih leh suahtakna thu na zang in. 22Bang hang hiam cihleh, sila hihna panin Topa sapna a ngah mi in, Topa sungah a suakta mi ahi hi. Tua mah bangin to neilote hong sapna panin Khris sila ahi uh hi. 23Note in man tawh hong kilei khin na hi uh hi. Tua ahih ciangin mi sila in om kei un. 24Ute naute aw, hong sap lai takin a om bang in mi khempeuh Pasian tawh om khawm ta uh hen. Nungak leh meigong numei 25Nungakte thu panin, Topa thukham ka ngah loh hangin mipha ka hihna dingin Topa hehpihna a ngah mi bangin thu ka pia hi. 26Tua ka thupiakna in tu laitak in a kithuak bawlsiatna hangin, mite in ahihna bang ciatin om leh a pha ding hi ci-in ka um hi. 27Zi na neih leh kikhen ding ngaihsun kei in. Na zi tawh na kikhen leh zi dang nei

164 kik kei in. 28Ahih hangin zi na neih leh, mawhna omlo hi. Nungak in pasal a neih leh mawhna omlo hi. Ahih hangin tua bang a neite in a pum tungah gimna a thuak dinguh hi. Tua bang na thuak dinguh ka deih kei hi. 29Ute naute aw, ken kong cihin, hun tom ahih ciang in zi neite in a neilo mah bang ding uh hi. A lungdamte in a lungdam lo mah bang dinguh hi. 30A kapte in a kap lo mah bangin dinguh hi. 31Sumleite in bangmah a neilote mah tawh kibang dinguh hi. Hih leitung a nop zatte in a zanglo mah kibang dinguh hi. Bang hang hiam cihleh, hih leitung lim leh mel in a mangthang ding hi. 32Note in lunghimawhna tawh na kipelhna dinguh ka ut hi. Zi neilo mi in Pasian a lungdam sakna dingin Pasian thu a ngaihsun hi. 33Zi nei mi ahih leh a zi a lungdam sakna ding in leitung thu a ngaihsun hi. 34Tua mah bangin pasal a nei numei leh a neilo numei a kilamdang uh hi. Pasal neilo numei in a pumpi leh a lungsim a sianthona dingin Pasian thu a ngaihsun hi. Pasal nei numei ahih leh a pasal a lungdam-sakna dingin leitung thu a ngaihsun hi. 35Tua bang ka cih ciangin note phattuamna dingin a gen ka hi hi. Note thangsiahna bangin a gen ka hi kei hi. Note in a kituak in gamta in, nongkaina om loin, Pasian na biak theihna dinguh deihna tawh kong gen ahi hi. 36Nungak in pasal nei loin a khang hamluat leh a kilawm kei hi ci-in tua nungak a nei mi in ngaihsun in, kiten pihsak nop a neih leh a ngaihsut bangin hih ta hen. Khialhna a omlo ahih man in, kitengsak ta hen. 37Ahih hangin lungsim kip a nei, phatmawhsak neilo ahih nop bang ahih theih ding thu thei a, a nungak lim takin kem thei ning ci-in a lungsim sungah a khentat zo mi in a hoih in a gamta hi. 38Tua ahih ciangin a tanu a kiteng sak mi in a hoih in a gamta hi. 39A zi in a pasal nuntak laitengin a pasal tawh a om khawm ding hi. A pasal a sih leh, a deih bangin mi dang tawh a kiten theih hangin Topa kiang bekah a ngah thei hi. 40Ahih hangin a om ngei bangin om lai leh, a lung a nuam zaw ding hi ci-in ka um hi. Pasian Kha Siangtho ka nei hi ci-in ka ki-um hi. 7:10-11 Mat. 5:32; 19:9; Mk. 11-12; Lk. 16:18.

165 Milim biakna ganhing Milim biakna ganhing thu panin, eite khempeuh in pilna i neih i thei hi. Ki-itna in hong kipsak thei hi. 2Mi khat in hih thu ka thei hi ci-in a ki-up leh, a theih ding zah a kilawm a thei nai kei hi. 3Mi khat in Pasian a it leh Pasian in tua mi a it thei hi. 4Milim biakna sa neekna panin ahih leh leitungah milim in a mawkna a hihna leh Pasian khat longal Pasian dang a om kei hi cih i thei hi. 5Pasian tampi leh topa tampi a om bangin, van leh lei ah pasian a kici a tampi a om uh hi. 6Pasian khat bek Pa sung panin na khempeuh piang in, amah bek adingin eite i omna tua Pasian khat bek i nei hi. Topa khat bek hangin eite a kipan na khempeuh a pianna Jesu Khris khat bek i nei hi. 7Ahih hangin mi khempeuh in tua bang pilna nei kei uh hi. Kimkhatte in tu dongin milim biakna sa a neekuh ciangin milim ngaihsutna tawh ne uh a, a kitheihna lungsim uh kician lo ahih manin kihhuaina a piang hi. 8Ahih hangin an neek tui dawnna hang in Pasian maipha kingah lo hi. Antanna bek tawh dikna omlo a, annekna bek tawh a a pha zong om tuan lo hi. 9Ahih hangin note in na ngah uh thu in upna neute puaksakna a suah lohna dingin na kikem un. 10Deihna in, lungpilna a nei namgmah in milim biakna inn sungah tu in, nei in na om a, kitheihna a kician lo khat in hong mu leh, milim sa neek dingin hangsan pah ding hilo ahi hiam? 11Tua ahih manin Khris sungah upna neu ahi na sanggam in, na pilna hangin a kisia ta zen hi. 12Tua ahih manin, na sanggamte in lungsim kisuanna tawh thanem in a om lai tak un, tua bangin na omna uh a muh uh ciangin, Khris tung ah zong a khial na hi uh hi. 13Tua ahih ciangin ka nekna leh ka dawnna hangin ka sanggamte a puk lohna ding un ka tang zaw tham ding hi.

Sawltakte thuneihna To neilo mi hilo ka hi hiam? Sawltakpa hilo ka hi hiam? I Topa Jesu a mu mi hilo ka hi hiam? Note in Pasian sungah ka nasepna gah hilo na hi uh hiam? 2Midangte adingin sawltak ka hih loh hangin note adingin sawltak ka hi hi. Bang hang hiam cihleh, Topa sungah a om note in sawltak ka hi hi cih na ciamteh uh hi.

I KORIN 8 3Hong teldotte kiangah hi bangin dotna ka dong thei hi. 4Kote in ne in dawn in ka omna ding uh thu omlo ahi hiam? 5Kefas leh Topa sanggamte a kipan a dang sawltakte bangin thu-um mite zite ka ton pih kawikawi na dinguh thu neilo ka hi uh hiam? 6Ahih kei leh, kei leh Barnabas in nasem loin om theihna thu neilo ka hi uh hiam? 7Ama sum zangin kua in galkap na sem ding ahi hiam? Lokho mi khat in, a gah ne loin a om hiam? Tuu cing khat in a tuute nawitui ne loin a om hiam? 8Leitung mite in a gen bangin hih thu a gen ka hi hiam? Thukham in zong hih bangin ci hilo ahi hiam? 9Moses Thukham lai sungah: Bawng in buh a cil lai takin a muk na hen kei un ci-in a kigelh hi. Pasian in bawng bek a ngaihsutna tawh a gen ahi hiam? 10Ahih kei leh, eite adingin a gen ahi hiam? Ahi hi. eite adingin a gen ahi hi. Lokho mi leh buhcil mite in noptuamna a ngah ciatna dingun lawp in a sem uh hi. 11Kote in zong note lakah Kha Siangtho khaici ka tuh khit uh ciang in, note kiang panin leitang gah ka lak uh leh, gensiatna ding bang a om hiam? 12Mi dangte in tua ngahte a ngah theih uh leh, kote in ka ngah dinguh a kilawm zaw kan hi. Ahih hangin kote in tua thu ka zang kei uh hi. Khris Lungdamna Thu a kham ka hih lohna ding un na khempeuh ka thuak uh hi. 13A siang-tho nate a semte in biakinnpi panin a ne uh hi. Biakna tau ah nasemte in biakna tau tawh kipawl ante a ngah uh theilo na hi uh hiam? 14Tua mah bangin Lungdamna Thu hilhte in zong Lungdamna Thu panin a kivakna dingun Topa in thu a pia hi. 15Ahih hangin ka zat theih nate ka zang kei hi. Ka tungah tua bangin nong bawlna dingun lai hong gelh ka hi kei hi. Bang hang hiam cihleh, ka kisaktheihpih mi khat in, hong sukgawp sang in si lengh a pha zaw ding hi. 16Lungdamna Thu hilhna ding za hong pia ahih manin, ka kisaktheihna ding thu a om kei hi. Thu ka hilh kei leh gimna thuak ka hih manin, hilh loin ka om thei kei hi. 17Ka deihteelna tawh hih na a sem ka hih leh, phatuamna ka ngah hi. Ka deihtelna hang a sem ka hih kei leh zalian in hong kikoih mi ka hi hi. 18Tua ahih leh bang noptuamna ngah ka hi hiam? Lungdamna Thu ka hilh ciangin thuhilhte ngah dingin a kilawm nate zang loin, Lungdamna

I KORIN 10 Thu a ngaite neihsa leh sum zong ka beisak kei leh phattuamna a om bek ding hi. 19Kuama sila ka hih loh hangin, mi tampi ka ngah theihna dingin mi khempeuh sila ka suak hi. 20Judah mite ka ngah theihna dingin, Judah mite bangin, Thukham ka zuih loh hangin, Thukham zui mite ka ngah theihna dingin, thukham zui mite bangin ka hi hi. 21Pasian Thukham zui bangin ka om hangin, Thukham a zuilo mite ka ngah theihna dingin, Thukham zuilo bangin ka om hi. 22A zawngkhal mite ka ngah theihna ding in, a zawngkhal mi bangin ka om hi. Mi kimkhat lam khat peuh panin ka gup theih khak leh ci-in mi khempeuh adingin na khempeuh ka suak hi. 23Mi dangte tawh Lungdamna Thu ka ngahkhop theihna dingin, Lundamna Thu adingin na khempeuh ka bawl hi. 24Tai kidemte khempeuh a tai uh hangin khat bekin pahtawina a ngah hi cih theilo na hi uh hiam? Tua ahih ciangin note zong phattuamna na ngahna ding un na tai un. 25Kimawlna sungah a kidem khempeuh in, na khempeuh ah a pumpi kideekin a kikem thei uh hi.. Tuate in a vul thei khamlukhu a ngah nop manun a kidem uh hi. Eite i hih leh, a vul theilo leh a kisia theilo khamlukhu ngahna dingin i kidem hi. 26Tua ahih manin ka tai ciangin ka mot tai kei hi. Mi tawh ka kitup ciangin huih lak tum bangin ka tum kei hi. 27Mi dangte thu ka hilh khit ciangin hawlkhiatna ka thuak lohna dingin ka pumpi tum in ka kiseek hi. 9:9 Thkna. 25:4; 1Tim. 5:18; 11 Rom. 15:27; 13 Thkna. 18:1; 14 Mat. 10:10; Lk. 10:7. Milim biakna hilhkholhna Ute naute aw, i pute in meii nuai ah om uh a, San Tuipi a paltanna uh ahi zongin, 2a vekpi un meii leh tuipi sungah Moses baptaizna a ngah uh ahi zongin, 3a vekpi un kha an a nekkhopna uh ahi zongin, kha tawh kipawl tui a dawn khawm uh ahi zongin, thei loin na om ding uh ka deih kei hi. 4Tuate khempeuh in amaute nungah a zui kha tawh kipawl suangpi panin a luangkhia tui a dawnuh hi. Tua suangpi in Khris ahi hi. 5Ahih hangin amaute lak pan tampite tung ah Pasian lungkimlo ahih man in, gampa lak ah tampi a si uh hi.

10

166 6Amaute in a hoihlo nate a deihgawh bangun, i deihgawh lohna dingin tua thute in eite adingin hong kilak lim ahi hi. 7Tua thu ah: Mite in ne in dawn in tu uh a, a nung ciangin lam dingin a dinguh hi ci-in a kigelh bangin, tuate in milim a biakuh bangin, na bia kei un. 8Tuate in numei leh pasal mawhna bawluh a, ni khat in mi thennih leh tulthum a sih uh bangin na sih lohna dingun, numei leh pasal mawhna na bawl kei un. 9Tuate kim khatin Topa ze-et uh a, gul in a tuk gawp bangin, eite in Pasian ze-et loin om ni. 10Tuate kimkhat in kihhuai nate bawl uh a, susia thei mite khut sungah a kisiat bangun eite in kihhuainate bawl kei ni. 11Tua khempeuh lim ahi dingin, tua mite tungah a tung hi. Tua thute in leitung a khang a nunung pen ahi eite adingin ciamteh in a kigelh ahi hi. 12Tua ahih ciangin ka lungkip hi ci-in a ki-um mi in a puk lohna dingin kikem hen. 13Mi in a thuakzawhloh ding ze-etna khat beek a thuak kei ding hi. Pasian in dikna lungsim tawh kidim ahih manin, na thuakzawhloh uh ze-etna hong tungna dingin thu a pia kei ding hi. Note in na thuakzawh ding uh ze-etna hong tun ciang na taikhiatna ding un lampi hong bawlsak hamtang ding hi. 14Tua ahih ciangin kong itte aw, milim biakna thute panin na taikhia un. 15Lungpil mite kiangah ka gen mah bangin note kiangah zong kong gen hi. Ka thu na lim ngaihsut un. 16Eite hehpihna i phatna thupha hai in, Khris si tawh kizopna leh i balnen khomun in Khris pumpi tawh kizopna hilo ahi hiam? 17Khomun pum khat bek om in, eite khempeuh in tua pumkhat bek ahi tua khomun zomin ne i hih manin, a tampi eite in pum khat bek i hi hi. 18Silesa lamah Israel mite na en un. Biakna sa a nete in biakna tau tawh kipawl hilo uh ahi hiam? 19Tua ka cih ciangin bang ka deihna hiam? Milim leh a kibiakna ganhing in ngaihsut huai a hihna thu a gen nuam ka hi hiam? 20Tua bang ahi kei hi. Gentailte biakna in Pasian biakna hi loin, dawigilote biakna ahi hi ka cihna ahi hi. Note in dawigilote tawh na kipawl dinguh ka deih kei hi. 21Topa hai leh dawi gilote hai na dawn khawm zo kei dinguh hi. Topa sabuai leh dawigilote sabuai ah an na ne khawm zo kei dinguh hi. 22Ahih kei leh, Topa hehna ding

167 in eite i gamta i hi hiam? Amah sangin eite hat zaw i hi hiam? Na khempeuh Pasian vangliatna ding 23Tuate khempeuh i hih theih hangin, i hih dingin a kilawm kei hi. Thukhem peuh i hih theih hangin, tuate in hong kipsak theilo uh hi. 24A phatuamna ding bek kuamah in zong loin, mi dangte phattuamna ding zong ta hen. 25Sia leh pha theihna tawh ngaihsun in, sumbuk ah a kizuak khempeuh tel dot se loin na ne un. 26Bang hang hiam cihleh, leitung leh a sung ah a om nakhempeuhte in Topa neihsa ahi hi. 27Thu umlo khat in an ne dingin hong sap leh sia leh pha na theihna lungsim tawh ngaihsun in, hong kilui khempeuh tel dot loin na ne un. 28Ahi zongin mi khat in: Hih milim biakna sa ahi hi ci-in hong gen leh tua hong genpa lungsim kipsakna dingin na sia leh pha theihna tawh na ne kei un. 29Sia leh pha kitheihna ka cih ciangin, nang ma kitheihna ka cih bek hi loin, ama lungsim kitheihna ka cihnopna zong ahi hi. Bang hang hiam cihleh, mi dangte kitheihna lungsim in bang hangin kei tungah thu hong khen ding ahi hiam? 30Hehpih theihna lungsim tawh zangin, hehpihna phatin an ka nek leh, bang hangin gensiatna ka thuak ding hiam? 31Tua ahih ciangin note in anneek tuidawn a kipan na khempeuh na hihuh ciangin Pasian vangliatna ngaihsun in na bawl un. 32Mi dang tampite in gupna a ngahna dingun ka noptuam na ding zong loin, 33mi tampite noptuamna ding zong in, mi khempeuh deihna ka zuih bangin note in zong Judah mi leh Grik mi ahi zongin Pasian pawlpi ahi zongin a puk lohna dingin na kikem un. 10:1 Pai. 13:21-22; 14:22-29; 3 Pai. 16:35; 4 Pai. 17:6; Gam. 20:11; 5 Gam. 14:29-30; 6 Gam. 11:14; 7 Pai. 32:6; 8 Gam. 25:1-18; 9 Gam. 21:5-6; 10 Gam. 16:41-49; 16 Mat. 26:26-28; Mk. 14:22-24; Lk. 22:19-20; 18 Siam. 7:6; 20 Thkna. 32:17; 22 Thkna. 32:21; 23 1Kor. 6:12; 26 La. 24:1. Numeite maituam Khris gamtatna ka zuih bangin note zong na gamta un. 2Note in na khemepuh ah hong ngaihsun in, ka hong thupiak bangin na zuihuh ciangin ka hong phat hi. 3Pasalte lu in Khris ahi hi. Numeite lu in pasal ahi hi. Khris lu in Pasian ahi hi ci-in note in na theih dinguh ka

I KORIN 11 deih hi. 4Thungetna leh thuhilhna ah lu a sin pasal khempeuh in a lu uh ahi Khris a daisak uh hi. 5Ahih hangin thungetna leh thuhilhna ah a lu a sinlo numei in a pasal a daisak hi. Tua bangin ahih uh leh, a samuh a met tawh kibang hi. 6Numei in a lu tuam kei leh a sam mettol hen. Sammetna in zumhuai ahih leh, a lu uh tuam hen. 7Pasal in Pasian lim leh minthanna ahi man in, alu uh a sit dinguh a kilawm kei hi. Numei a hih leh pasal minthanna ahi hi. 8Pasal in numei panin piang hilo a, numei in pasal panin piang ahi zaw hi. 9Numei adingin pasal a piang ahi kei a, pasal adingin numei a piang ahi zaw hi. 10Tua ahih ciangin vantung mite hangin numei in a lu tungah ukna lim a om dingin a kilawm hi. 11Ahih hangin Topa sungah pasal loin numei piang ahi kei a, numei loin pasal zong a piang ahi tuan kei hi. 12Numei in pasal panin piang ahih bang mah in, pasal in zong numei panin a piang hi-in, na vekpi un Pasian panin a piang na hi uh hi. 13Numei in a lusin loin Pasian kiangah thungen leh a kilawm leh lawm loh na khen ta un. 14Pasal in samsau a neih leh a zumhuai in ci-in leitung ngeina nangawn in hong hilh hilo ahi hiam? 15Numei samin amah a kisitna ding ahih manin, a sam a sau leh a vangliatna ahi hi. 16Ahih hang in mi khat peuh in a hong nial leh, kote lakah ahi zongin Pasian pawlpi lakah ahi zongin tua bang in ngeina a om hi. Nekkhawm bawlna thu 17Phattuamna khansakna ding hi loin, phattuamna a kiam zawkna dingin kikhawm na hih man un, thukham kong piak lai takin kong phat kei hi. 18A masa bel thu in, na kikhop uh ciangin khat leh khat na kikhenthangna thu uh ka za hi. Ka zak bangin kimkhat hi takpi dingin ka um hi. 19Note lakah miphate a kilatna dingin pawlpi sungah kikhenna a om ding hi. 20Na kikhop uh ciangin Topa khomun leh leenggahtui na gai zo kei uh hi. 21An na nek uh ciangin nomau an ciat la in ne na hih manun, pawlkhat in khamval in, pawl kha tin gilkial in na om uh hi. 22Tua bangin nek leh dawnna dingin inn neilo na hi uh hiam? Ahih kei leh Pasian pawlpi kikhopna a simmawh in, mi zawngte maizumna ding a bawl na hi uh hiam? Bangci gen ding ka hi hiam? Hih thu

11

I KORIN 12 panin hong phat ding ka hi hiam? Kong phat thei kei hi. 23Note kiangah ka hong piak thu in Topa kiang pan ka ngah bang in: Topa Jesu a galte khut sung ah a kipiak ding nitak in, khomun la in, 24thu a nget khit ciangin khomun balnen in: Hih khomun in note a dingin a kipia ka pumpi ahi hi. Kei nong phawkna dingun hih bangin na bawl un a ci hi. 25Tua mah bangin nitak an a nek khit uh ciangin hai zong la in: Hih hai in kiciamna thak a kipsak ka si ahi hi. Hih hai na dawnuh ciang in kei nong phawkna dingun na dawn un. 26Note in hih khomun ne in, hai na dawn sim un, a hong paikik matengin Topa sihna a lak na hi uh hi. 27Tua ahih ciangin Topa khomun leh hai a kilawm loin ne in a dawn mi in, Topa sisan leh a pumpi tung ah a mawh dinguh hi. 28Mi khat in a pumpi a kitel dot khit ciangin ne in dawn ta hen. 29Amah in Topa pumpi a khen theih kei leh a tungah mawhna a tunna dingin a ne a dawn ahi hi. 30Tua thu hangin note lakah thanem leh cidamlo ahi zongin, a si nangawn na omuh hi. 31Eite in i pumpi i teldot leh thukhenna i thuak kei ding hi. 32Thukhenna i thuak ciangin leitung mite tawh mawhsakna i thuakkhop lohna dingin Topa thuhilhna i ngah hi. 33Tua ahih ciangin ute naute aw, Topa an ne dingin na kikhopuh ciangin khat leh khat na kingak kim dimdiam un. 34Na kikhopna uh mawhna a suak lohna dingin, a gil-kial mi in a innah an ne ta hen. Thu a om laite kong tun ciangin a kikum lai ding hi. 11:1 1Kor. 4:16; Fil. 3:17; 7 Pian. 1:26-27; 8-9 Pian. 2:18-23; 25 Pai. 24:8; Jer. 31:31-34; 25 Pai. 24:6-8. Kha Siangtho piak thuphate Ute naute aw, note in Kha Siangtho piak thuphate na theih loh dinguh ka deih kei hi. 2Note in Gentail mi na hih lai takun, bangci bangin na zui uh ahi zongin, a pau theilo mipilte lampite zui na hih lamuh na thei uh hi. 3Tua ahih ciangin Pasian Kha Siangtho tawh: Topa Jesu in hamsiatna a thuak hi ci-in a gen thei a om loh hangin: Jesu in Topa hi ci-in kuamah in Kha Siangtho suang loin a gen thei kei uh hi. 4A hong piaksa hehpihna a tuamtuam a om hangin, a hong pia Kha Siangtho in khat bek a

12

168 om hi. 5Nasepna za a tuamtuam a om hangin Topa khat bek a om hi. 6Nasepna a tuamtuam a om hangin mi khempeuh tungah na khempeuh a bawl Pasian khat bek a om hi. 7Ahi zongin Kha Siangtho hoih in phattuamna om hi cih a kilatna dingin mi khempeuh tungah a pia hi. 8Tua Kha siangtho in mi khat kiangah: pilna thu a pia hi. A dang khat kiangah siamna thu a pia hi. 9A dang khat kiangah upna thu a pia hi. A dang khat kiangah cinate damsak theihna thu a pia hi. 10A dang khat tungah na lamdang bawl theihna thu a pia hi. A dang khat kiangah kamsanna thu a pia hi. Mi dang khat kiangah lungsim kha khentel theihna thu a pia hi. Mi dang khat kiangah kamtuam pau theihna thu a pia hi. Mi dang khat kiangah tua kamte a khiatna gen theihna thu a pia hi. 11Hih thu khempeuh Kha Siangtho khat bek in bawl a, a deihna bangin mi khempeuh tungah a hawmsak hi. Pumkhat i hihna 12Pumpi tungah nate tampi a om hangin pumpi khat bek ahih mah bangin Khris in zong khat bek ahi hi. 13Judah mi leh Grik mi ahi zongin, sila ahi zongin, to neilote ahi zongin, eite khempeuh in Kha Siangtho khat ahi pumpi khat sungah baptaizna ngah in, Kha Siangtho khat sung pan in i dawn khawm hi. 14Pumpi in na khat bek nei loin, tampi a nei hi. 15Khe in: Khut hilo ka hih man in pumpi tawh ka kisai kei hi tua bangin a cih hangin kisailo a hi tuan kei hi. 16Bil in: Mittang hilo ka hih manin pumpi tawh kisaina ka nei kei hi a cih hangin a kisai veve hi. 17Pumpi khempeuh in mittang hi khin leh bangci bangin khua a za thei ding hiam? Pumpi khempeuh in bil hi khin leh bangci bangin a ngimnam thei ding uh hiam? 18Tua ahih manin Pasian a deihna bangin pumpi sungah na a tuamtuam a guang kim hi. 19Tuate khempeuh in na khat hi khin leh pumpi koi lai ah a om ding hiam? 20Na tampi a om hang in pumpi khat bek ahi hi. 21Mitt ang in khut kiangah: Kong deih kei hi ci theilo hi. Tua mah bangin lutang in a khete kiangah: Note kong deih kei hi ci theilo hi. 22Tua mah bangin a ginalo bangin a kilangte in a kisam zaw kante na hi thei hi. 23A kithusimlo nate in minthanna tampi a pia thei hi. Kilawmna a neilote in kilawmna tam zaw a ngah thei uh hi. 24Kilawmna a omlo nate

169 in, kilawmna a kisam kei uh hi. 25Pumpi sungah nate khat leh khat kikhen loin, khat leh khat a kizop ciatna ding in Pasian pumtung ah belh khawm in, phatna a neilo nate phatna a pia hi. 26Tua ahih ciangin na khat in zawngkhalna a thuak leh, a dang khempeuh in zong a thuak kim uh hi. Na khatin phatna a ngah leh, na khempeuh in zong lungdamna a ngah kim uh hi. 27Note in Khris pumpi na hi uh a, na vekpi un a nate na hi uh hi. 28Pasian a masa in sawltakte, a nihna ah kamsangte, laihilhte, na lamdang a bawl theite, cina a damsak theite, a huhna a pia thei mite, pawlpi ukte, kamtuam a pau thei khempeuhte pawlpi sungah a koih hi. 29Mi khempeuh in sawltakte ahi uh hiam? Mi khempeuh in kamsangte ahi uh hiam? Mi khempeuh in laihilhte ahi uh hiam? Mi khempeuh in na lamdang bawl theite ahi uh hiam? 30Mi khempeuh in cina damsak theite ahi uh hiam? Mi khempeuh pau tuamtuam tawh a gen thei mi ahi uh hiam? Mi khempeuh tua kamtuamte a khiatna gen theite ahi uh hiam? 31Note in Kha Siangtho piak thupha lian belte na deih pha un. 12:4-11 Rom. 12:6-8; 12 Rom. 12:4-5; 28 Ef. 4:11. Itna Tua banah lampha zaw kong lak ding hi. Leitung mite kam leh vantung mite kam ahi zongin ka gen theih hangin, ki-itna ka neih kei leh a ging thei daak, a ging thei daltuah tawh a kibang ka hi hi. 2Kamsangte pilna khempeuh nei in, thu thuk khempeuh, pilna khempeuh thei siam in, mual kinsak zawhna dingin upna ka neih hangin, ki-itna ka neih kei leh a mawknapi mah ka hi hi. 3Mi zawngte vakna ding ka sum khempeuh pia khia in, ka pumpi mei ah khul ding zah dongin ka piak hangin, ki-itna ka neih kei leh phattuamna bangmah a om tuan kei ding hi. 4Ki-itna in, a lungduai thei hi. A hehpih thei hi. Ki-itna ah ki-elna a om kei hi. Ki-itna in a kisa thei loin, a kiphasak kei hi. 5A kituak loin a gamta kei hi. Ama phatna ding a zong kei hi. A heh baih kei hi. Gitlohna a ciamteh kei hi. 6Gitlohna thu ah a lungdam thei kei hi. Thuman thutak ah a lungdam thei hi. 7Na khempeuh a thuak thei hi. Na khempeuh a um thei hi. Na khempeuh a thuak keikai hi. 8Ki-itna in a mangthang ngei kei

I KORIN 14 ding hi. Kam-sangte thu a om leh mangthang ding a, pau-tuam gen theihna a om leh zong a mangthang ding hi. Lungpilna a om leh zong a mangthang ding hi. 9Tua lai takin eite in kicing loin i thei a, kamsangte pilna tawh kicing lopi in i hilh hi. 10Ahih hangin kicinna a tun ciangin a kicinglo nate a mangthang ding hi. 11Naupang ka hih lai in, naupang bangin thu ka gen a, a hih hangin ka khancin ciangin naupang hihnate ka paaikhia hi. 12Tu lai takin kician lopi in, limlang sungah et bangin i en hi. Tu nung ciangin a maitang kician takin i mu ding hi. 13Tu in upna, lawpna leh itna-te a om hi. Hih thumte lakah a lian pen in ki-itna ahi hi. 13:2 Mat.17: 20; 21:21; Mk. 11:23. Kamtuam leh kamsanna Ki-itna na deih tham loin, kamsanna ding in Kha Siangtho hong piak thuphate na deih pha un. 2Kamtuam tawh a gen mi in mite kiangah gen ahi kei hi. Pasian kiangah gen ahi hi. Kha Siangtho tawh thuthuk gen ahih manin, kuamah in a kam a thei kei hi. 3Ahi zongin kamsanna in kipsakna thu, hansuahna thu leh nopsakna thute mite kiangah a hilh hi. 4Kamtuam tawh a gen mi in, a pumpi a kipsak hi. 5Note khempeuh in kamtuam tawh gen thei leucin ka deih hi. Ahih hangin kamsanna kong deihsak zaw kan hi. Bang hang hiam cihleh, pau nam tuam tawh a gen mi in pawlpi a kipna dingin, a khiatna a gen kei leh, a mah sangin kamsang mi a lian zaw hi. 6Ute naute aw, note kiang kong tun ciangin kamtuam tawh kong gen hangin, lungpilna tawh ahi zongin, kamsanna tawh ahi zongin, hilh tel in kong lah kei leh bang phattuamna om ding hiam? 7Tua in a aw a kiza thei, gawsem leh tamngai a gin ciangin a aw a kikhel kei leh bangci theih ding ahi uh hiam? 8Penkul in zong a aw manlopi in a gin leh gal kap dingin kua a kithawi bangci ding hiam? 9Tua mah bangin note in a kitel baih ding kam tawh na gen kei uh leh na thugen uh theih ding ahi uh hiam? Huih lak ah a gen tawh na kibang dinguh hi. 10Leitung kampau nam tampite in khiatna a nei ciatuh hi. 11Tua ahih ciangin a khiatna ka theih kei leh hong hilhpa adingin mihai ka hi ding hi. A hong hilhpa zong

14

13

I KORIN 15 kei adingin mihai mah ahi ding hi. 12Tua ahih ciangin note in Kha Siangtho thupha deih lua na hih manun, pawlpi kipsakna ding leh na kicinna dingun na hahkat un. 13Tua ahih manin kam tuamtuam tawh a gen mi in, a khiatna zong a gen theihna dingin thungen ta hen. 14Kam tuamtuam tawh thu ka nget leh, ka lungsim sungah thu ka nget hangin, ka pilna in phattuamna a ngah kei hi. 15Tua ahih leh bang i cih ding hiam? Kha tawh thu ka ngen ding a, pilna tawh zong thu ka ngen ding hi. Kha tawh la ka sa ding a, pilna tawh zong la ka sa ding hi. 16Kha tawh hehpihna na phatuh ciangin, a tel zo lo mi khat in, hehpihna phatna zui in: Amen a ci thei ding hiam? 17Nangmah in hehpihna limtakin na piak hangin, mi dangte adingin kipna a piang tuan kei hi. 18Note khempeuh sangin kam tuamtuam tawh thu tam gen thei zaw ka hih manin Pasian hehpihna ka phat hi. 19Ahih hang in pawlpi lakah kamtuam thu then khat ka gen sangin, mi dangte hilh theihna dingin kam nga bek lungpilna tawh hilh theihna ding ka deih zaw hi. 20Ute naute aw, pilna lamah naupang bang un. Gitlohna lamah nawine naungekte na bang un. Lungpilna lamah khankhinte na bangun. 21Thukham sung ah Kam tuam a nei leh mi pawl dangte kam tawh, hih mi pawlte ka hilh ding hi. Ahih hang in ka thugen a ngai kei dinguh hi ci-in Topa in thu a pia hi ci-in a kigelh hi. 22Tua ahih manin kamtam pau in thu-umte adingin lim hilo a, a umlote adingin lim ahi hi. Kamsanna ahih leh a umlote adingin lim hi loin, a um mite adingin lim ahi hi. 23Tua ahih manin pawlpi kikhopna ah, kamtuam pau tawh na kihilh ciangin, a siam lote hong lut leh: Note mihai na hi uh hi hongci dinguh hilo ahi hiam? 24Tua bangin thu na hilh uh ciangin, a umlo mi leh a siamlo mi hong lutuh ciangin pawlpi mi khempeuh in tuapa mawhsak in, amah leh amah limtakin a kingaihsut sak ding uh hi. 25Tuapa lungsim kiphawkna hong nei leh amah in: Pasian in note lak ah a om takpi hi ci-in gen in, bok in Pasian a bia ding hi. Pilvang takin zatna 26Ute naute aw, koici bang ahi hiam? Na kikhop uh ciangin salan la sakna, thuhilhna leh

170 kamtuam pauna-te khempeuh a khiatna na gen un la, pawlpi kipsakna dingin na bawl un. 27Kamtuam tawh thuhilhna a om leh nih ahi a, thum ahi zongin khat khit khat a khiatna gen kik ta hen. 28Kamphen a om kei leh, tuapa in kikhopna sung ah gen loin om hen. Amah leh Pasian tungah gen hen. 29Nih hiam thum hiam kam a san leh mi dangte in tel dotuh hen. 30A tu mite kiangah na lamdang khat peuh a kilah leh a gen masapa pau loin om ta hen. 31A om khempeuh in phattuamna a ngahna dingun, note in khat khit khat thu na hilh thei uh hi. 32Kamsang mi in kamsangte ukna nuai ah a om uh hi. 33Pasian in kitotna Pasian hi loin, kilemna leh kipawlna Pasian ahi zaw hi. 34Mi Siangtho ahi pawlpi mite sungah numei in pau loin om ta hen. Thukhamna sungah a maute in ukna sungah om ding hi ci ahih manin, thu gen theihna a ngah kei uh hi. 35Numeite in thu khat peuh a sin nopuh leh innah a pasalte kiangah dong ta uh hen. Bang hang hiam cihleh, amaute in pawlpi sungah thugenna pen a zum-huai hi. 36Pasian thu in note kiangah hong tung masa ahi hiam? Ahih kei leh note kiang bek ah hong tung ahi hiam? 37Note kiangah kong piak thute in Pasian thukham ahi hi ci-in kamsangte leh khamite in Topa thupiakna bangin kong gelh ahi hi. 38A thei nuamlo mite in, thei loin om lel ta hen. 39Tua ahih ciangin Ute naute aw, note in kamsanna na deih pha takpi un. 40Na khempeuh a kilawm a kituak in na hih un. 14;21 Isa. 28:11-12. Thawhkikna thu Ute naute aw, note kong hilh ngei mah bangin, na san uh leh na belh uh Lungdamna Thu kong zasak kik ding hi. 2Tu ma in kong hilh thu in a mawkna hi ci loin, um in na lungulh takpi uh leh, tua thu hangin gupna na ngah dinguh hi. 3Ka ngah bangin note kiangah note kiangah kong gen masak thu in: Lai Siangtho sungah a kigelh mah bangin Khris in eite tang dingin sihna a thuak hi. 4A kivui khit ciangin, Lai Siangtho sungah a kigelh mah bangin, ni thum ni-in a thokik hi. 5Kefas kiangah a kilat khit ciangin sawm leh nihte kiangah zong a kilang hi.

15

171 6Tua nung ciangin sanggamte zanga sangin a tam zawte tungah thakhat in a kilang hi. Tua mite lakah a tam zawte tu ni dongin a nungta lai uh hi. 7Tua khit ciangin Jeim kiangah a kilang hi. Tua khit ciangin sawltakte khempeuhte kiangah a kilang hi. 8A nunung bel in, a hun lopi in a suak mi ahi ka tungah hong kilang hi. 9Tua ma in pawlpite bawlsiapa ka hih ciangin a neu pen sawltak a kici dingin zong ka kilawm kei hi. 10Ahih hangin Pasian hehpihna thupha hangin ka hih bangin ka suak hi. Ka ngah hehpihna thupha in a mawkna suak loin, sawltakte khempeuh sang in hahkat zaw in ka sem hi. Tua bang ka cih ciangin, keima hahkatna hi loin, ka sungah a om Pasian hehpihna thupha in a hahkat hi. 11Tua ahih ciangin kei leh amaute in tua bangin ka hilh uh a, ka hilh bang un note in zong na um uh hi. Misite thawhkikna 12Khris in sihna panin a thawhkikna thu ka hilh ciangin: Misite thawhkikna a om kei hi ci-in note lakah mi kimkhat in bang hangin a ci uh hiam? 13Misite thawhkikna a om keileh, Khris a thokik kei ding hi. 14Khris thokik lo hi leh, kote thuhilhna in a mawkna ahi ding a, note upna in zong a mawkna mah a suak hi. 15Tua bek hi loin, Pasian thu ka hilhna uh panin zuau teci ka hi uh hi. Bang hang hiam cihleh, misite thokik lo hi leh, Pasian in Khris a thokik sak kei ding hi. Tua ahih manin Khris in a thokik takpi hi ci-in Pasian ading in teci ka hi uh hi. 16Misite thawhkikna a om kei leh Khris zong a thokik kei ding hi. 17Khris a thawhkik kei leh na upna uh zong a mawkna hiin, note in mawhna sung ah na om lai uh hi. 18Tua tham loin, Khris sungah a site in, kisiatna mun a tung khinuh hi. 19Eite in hih nuntakna bek adingin Khris sungah lametna i neih leh mi dangte sang in i hehpihuai zaw kan ding hi. 20Khris in sihna pan thokik khin ahih manin, misite lakah gah masa pen a suak hi. 21Mi khat hangin sihna hong tun mah bangin, mi khat hang mahin misi thawhkikna zong a piang hi. 22Adam sungah mi khempeuh a sih bangin, Khris sungah mi khempeuh a nungta uh hi. 23Ahih hangin mi khempeuh a hun ciat uh tawh kituak in a zui dinguh hi. Khris in gah masa bel ahi hi. Tu nung ciangin Jesu hong paikik ding a, tua ciangin a mite in thawhkikna ngah dinguh hi. 24Tua ciangin

I KORIN 15 Khris in ukna ana leh vangliatna khempeuhte paai khia ding a, Pa Pasian kiangah Gam a piak khit ciang in leitung beina a piang ding hi. 25Pasian in a galte khempeuh a khenuai ah a khiat mateng in, Khris a mang ding hi. 26A khak bel gal ahi sihna mangpa in lelhna a thuak ding hi. 27Lai Siangtho sungah: Na khempeuh a khenuai ah a khia hi ci-in a kigelh hi. Ahih hang in: Na khempeuh a khia hi a cih ciangin, a khiasakpa Pasian a om lai a cihna ahih lam a kilang hi. 28Na khempeuh Khris nuai-ah a khiat khit ciangin, na khempeuh a nuai-ah a khiapa Pasian ukna Topa in a mang ding hi. Tua ahih ciang in Pasian na khempeuh tung ah na khemepuh ahi ding hi. 29Ahih kei leh, misite tang dingin bang hangin kibaptaiz na hi uh hiam? Misite thokik lo takpi ahih uh leh amaute tang dingin bang hangin a kibaptaiz uh hiam? 30Kote in hong tung gimna tawh bang hangin kituak den ka hi uh hiam? 31Ute naute aw, nisim in sihna ka thuak hi ci-in Topa Jesu Khris sungah note hangin kisathei in, lungdamin kong gen nuam hi. 32Leitung ngeina bangin Efesa khua ah sahangte tawh ka kitot hangin phattuamna a om hiam? Misite thawhkikna a om kei leh: Ne in, dawn ni. Zing ciangin i si ding hi. 33Na kikhem kei un: Mi phalote tawh kikholhna hangin gamtat pha a ksia thei hi. 34Note kimkhat in Pasian theilo na hih manun thupha tawh tho un. Mawhna hih nawn kei un. Tua bang ka cih ciangin na maizumna ding un kong ci ahi kei hi. Thawhkikna pumpi 35Kim khat in: Misite bangci thawhkik dinguh hiam? Bangci mel hong pua ding hiam? ci-in hong donguh hi. 36Lungpil lo mi aw, na tuh khaici a kisiat kei leh, a po thei kei ding hi. 37Khaici na tuh ciangin, a kung na tuh kei hi. Mangbuh ahi zongin, buh ahi zongin a tang na tuh uh hi. 38Pasian in a deihna bangin tua a tang panin kung a piangsak hi. A khaici bang ciatin a kung a po hi. 39Sa khempeuh in nam khat bek ahi kei uh hi. Mihing sa nam khat, ganhing sa nam khat, vasa nam khat, ngasa nam khat cih bangin a tuam ciatin a om hi. 40Van pumpi om a, lei pumpi a om hi. Van pumpi in a vangliatna tuam khat, lei

I KORIN 16 pumpi a vangliatna tuam khat cih bangin a om ciat hi. 41Ni vangliatna om a, kha vangliatna om in, Aksite vangliatna cih bangin a nei ciatuh hi. Tua ahih manin aksi vangliatna in a tuam pian hi. 42Tua bang mah in misite thawhkikna zong ahi hi. Pumpi a kituh ciangin muat theihna a om hi. A thawhkik ciangin muat theih lohna a om hi. 43A kituh ciangin maizumna a om hi. A thawhkik ciangin minthanna tawh a kidim hi. A kivui ciang in thahatna a om kei hi. A thawhkik ciangin tha hatna tawh a kidim hi. 44A kituh ciangin lei-tung pumpi ahi hi. A thawhkik ciangin kha pumpi ahi hi. Leitung pumpi a om leh kha pumpi zong a om hi. 45Lai Siangtho sungah: A masa Adam in mihing ahi hi Ahih hangin, a nunung Adam in nuntakna pia thei kha a suak hi a ci hi. 46Ahih hangin kha pumpi piang masa loin, leitung pumpi a piang masa hi. A nung ciangin kha pumpi a piang hi. 47A masa bel mi in, lei panin a piang ahih manin leitung mi ahi hi. A nihna mi in van panin hong piang ahi hi. 48Leitung mi in, leitung mite tawh a kibang hi. Van mi in vangtung mite tawh a kibang hi. 49Eite in leitung mi lim i neih mah bangin vantung lim zong i nei hi. 50Ute naute aw, ken kong cihin, silesa in Pasian Gam a luah zo kei ding hi. A muat theihte in muat theih lohna a luah zo kei ding hi. 51En un! Thu thuk khat kong gen ding hi. Eite khempeuh in si cip ding i hi kei hi. 52A nunung peengkul hong gin ciangin tomkhat mitphiat kalin eite khempeuh i kikhel ding hi. Tua peengkul a mut ciangin, misite in muat thei nawnlo dingin hong thokik dinguh hi. Eite khempeuh zong i kikhel ding hi. 53Tua ciangin hih muat theihna in, muat theih lohna a silh ding hi. 54Hih sih theihna in sih theih lohna a silh ding hi. Tua ciangin: Zawhna in sihna valh tum khin ding hi ci-in Lai Siangtho sungah a kigelh thu hong tung ding hi. 55Sihna aw, na zawhna koi ah om ahi hiam? Sihna aw na gu koi ah om ahi hiam? 56Sihna gu in mawhna ahi hi. 57Mawhna vangliatna in thukham ahi hi. Ahih hangin i Topa Jesu Khris hangin eite zawhna hong pia Pasian hehpihna i phat hi. 58Tua ahih ciangin ute naute aw, na hahkatna uh Pasian tungah mawkna a suak lohna dingin lungkipin, kicingin, thakiam loin, hoi loin hahkat sem un.

172 15:3 Isa. 53:5-12; 4 La. 16:8-10; Mat. 12:40; Sawl. 2:24-32; 5 Lk. 24:34; 5 Mat. 28:16-17; Mk. 16:14; Lk. 24:36; Jhn. 20:19; 8 Sawl. 9:3-6; 9 Sawl. 8:3; 25 La. 110:1; 27 La. 8:6; 32 Isa. 22:13; 45 Pian. 2:7; 51-52 1The. 4:15-17; 54 Isa. 25:8; 55 Hos. 13:14; 16:1; Rom. 15:25-26. Sumpi piakna Mi Siangthote ading sumpi khiatna thu ahih leh Galati gam pawlpite ka vaikhak mah bangin na hih un. 2Kong tun ciangin sumpi kaihkhopna a om not lohna dingin ni sagih lakah ni masa bel ni-in, na ngah bangun na vekpi un na khia ciat un. 3Kong tun ciangin mite deihnate lungkim sakin, note piakte Jerusalem khua ah a pua dingin ka sawl ding hi. 4Kei zong ka pai leh, amaute tawh ka ton khawm ding hi. 5Makedonia gam lamah pai in, tua khit ciangin note kiangah kong tung ding hi. 6Note kiang pan in gam dangah ka pai ciangin, note in nong khakna uh thupha ngahna dingin, note kiangah phalbi sung khempeuh ka tam ding hi. 7Bang hang hiam cihleh, lam lakah kimuh pak ding ka ut kei hi. Topa in thu a hong piak leh, sauveipi note tawh ka om khop theih ding ka lamen hi. 8Pentecost pawikham ni dong Efesa khua ah ka om ding hi. 9Tua munah a lian mahmah kong khat keima adingin a kihong hi. Pai lo dingin hong kham mi zong a om uh hi. 10Note kiangah Timoti hong tun leh, lungmang loin note tawh a om khopna dingin na kem un. Keimah bangin Pasian na a sem mi ahi hi. 11Tua ahih manin kuamah na simawh sak kei un. Ka kiangah hong paikik ciangin a lungman lohna dingin hong kha un. Amah in sanggamte tawh hong ton khawm thei ding hi ci-in ka lung a nuam hi. 12I sanggam Apollos thu panin, ute naute tawh note kiangah hong pai dingin ka zol hangin, pai ding a ut het kei hi. A nung ciangin ahih theih leh hong pai ding hi. Tawpna hopihna 13Note kikemin ngak un. Upna ah na kip un. Pasal tawh kibangin thacing in na thahat un. 14Ki-itna lungsim tawh na khempeuh na bawl un. 15Ute naute aw, Stefanas-te innkuan in Akhaia gamah gah masa bel ahi uh a, mi siangthote nasem dingin hong kipum piak uh hi. 16Tua bang mite ukna leh nasep a hahkat mi khempeuhte

16

173 ukna ahi zongin na manna dingun kong thum hi. 17Atefanas, Fortunatas leh Akhaikas-te hong tunguh ahih manun ka lungdam hi. Amaute in note nong bawlna uh a kicing lote hong kicing sak uh hi. 18Kei leh note lungsim hong lungmuang sak khin uh hi. Tua mite na ciamteh un. 19Asia gamah a om pawlpite in hong hopih uh hi. Akuila leh prisilla-te in amaute innah a om pawlpite tawh, Topa min suangin hong hopih uh hi. 20Ute naute khempeuh hong hopih uh hi. Khat

2 KORIN 1 leh khat a siangtho napna tawh na kihopih ciat ta un. 21Keimah Paul in kong hopihna dingin khut tawh ka gelh hi. 22Topa a it lo khemepuh in, hamsiatna thuak ta hen. 23Topa Jesu Khris hehpihna in note tungah om den ta hen. 24Ka itna in Khris sungah a om note khempeuh tawh om den ta hen. Amen. 16:8 Siam. 18:2; 8-9 Sawl. 19:8-10; 10 1Kor. I:16; 19 Sawl. 18:2.

KORIN KHUA MITE KIANGAH PAUL LAIKHAK NIHNA

Hopihna Pasian deihsakna hangin Khris sawltak ahi keimah Paul leh sanggampa Timoti in Korin khua ah a om Pasian pawlpi a kipan, Akhaia gam khempeuhah a om mi siangthote khempeuh kong zasak uh hi. 2I Pa Pasian leh Topa Jesu Khris kiang panin hehpihna thupha leh nopna in note tung om den ta hen. 3Hepihna Pa leh hehpihna namcin Pasian ahi i Topa Jesu Khris Pa in thupha ngah ta hen. 4Pasian thupha hehpihna hangin kote hehpihna ka ngah bangun, gimna a thuak mite ka hehnep theihna dingun, gimna tuamtuamte sungah Pasian hehnepna ka ngah uh hi. 5Khris hangin gimna tampi ka thuak mah bangun, Khris hangin kote in hehnepna tampi ka ngahuh hi. 6Tua ahih manin gimna ka thuak uh hangin, note hehnepna leh gupna ding ahi hi. Hehnepna ka thuakna hangun note adingin gimna na thuak zawhna dinguh leh hong bawlphat thei hehnepna na ngahna dinguh ahi hi. 7Tua ahih manin note adingin ka lametna uh a kip hi. Bang hang hiam cihleh, note in ka gimna uh nong thuak khop pih mah bangun hehnepna zong i ngah khawm ding hi ci-in ka thei uh hi. 8Ute naute aw, kote in Asia gamah gimna ka thuakna uh hangin ka nuntakna na ngawn uh suahtakna ding lametna a omlo, thuak zawh loh ding zah dongin, a gik mahmah ka thuakuh thu thei loin na om dinguh ka deih kei hi. 9Kote in kimuang loin, misite a thosak Pasian muanna

dingin sihna thukhenna a thuak mi bang ka hi uh hi. 10Tua Pasian in tua zahin a kitakhuai sihna sung panin hong gumkhia a, zong hong gumkhia lai ding hi. 11Note hong huh in, thu hong nget sak leucin, nung ciangin zong hong gum lai ding hi ci-in um in, muangin ka om uh hi. Kote a hong hehpihna hangin mi tampite lungdamkohna in Pasian kiang a tung dinguh hi. 12Kote kisaktheihna in leitung pilna suang loin, Pasian thupha suangin Pasian hong piak ahi lungsim sianthona leh dikna tawh a lian pen in note lakah ahi zongin, leitung mite lakah ahi zongin gamta in ka bawluh hi ci-in ka theihna lungsim uh teci kong pang uh hi. 13Note in sin in, na zuihsa thute uh longal a dang gelh in hong pia ka hi kei uh hi. 14Note in Topa Jesu Ni ciang in kote kisaktheihna ding leh ka lungdamna ding na hih mah bangun, kote in zong na kisaktheihna uh ka hi dinguh hi ci-in kimkhat in ka thute uh na manuh bangin, a tawp dongin na mang ding uh hi ci-in lawp in ka um uh hi. 15Tua bang lametna hangin, note in thupha a thuap in na ngahna dingun note kiangah hong pai masa ning ci-in ka lungngai hi. 16Note kiang panin kilehkik in, Makedonia gamah ka pai khit ciang in, note kiangah hong kilehkik in, note nong khakna uh thupha tawh Judah gam dong pai ding in ka hamciam hi. 17Tua bangin ka hanciamna hang un lungsim a kheel mi ka hi hiam? Keimah kam tawh: Ahi hi. Ahi hi cihna ding ahi zongin: Ahi kei hi. Ahi kei hi cihna ding ahi

174 zong in a suahna dingin ka hamciamnate in silesa lungsim ahi hiam? 18Pasian in dikna tawh a kidim mah bangin note kiangah ka kam tawh: Ahi hi cihna ding ahi zongin: Ahi kei hi cihna ding ahi zongin a hi kei hi. 19Keimah a kipan Silvanas leh Timoti-te in zong note kiangah kong hilhuh Pasian Tapa Jeus Khris in: Ahi hi cihna ding ahi zongin: Ahi kei hi cihna ding ahi zongin ahi kei hi. Ahih hi cihna ding bek ahi hi. 20Thuciamnate in bangzah in a tam hangin Pasian vangliatna kilatsakna dingin: Ahi hi cihna ding ahi zongin, kote hangin: Amen cihna ding ahi zongin ahi hi. 21Tua Pasian in eite hong ciamteh in, i lungsim sungah Kha Siangtho malep hong guan hi. 23Hong dawm ka hih manin, Korin khua ah hong paikik nawn kei ning ci-in ka lungsim sung ah teci dingin Pasian ka koih hi. 24Tua bang ka cih ciangin, note upna a uk ka hi kei uh hi. Note lungdamna hong huh in a sem ka hi bek uh hi. Bang hang hiam cihleh, upna hangin note in kiptak in na om uh hi. 1:1 Sawl. 18:1; 8 1Kor. 15:32; 16 Sawl. 19:21; 19 Sawl. 18:5. Itna kipakna Note kiangah dahna lungsim tawh kong pai kik lohna dingin ka lungsim tawh ka hanciam hi. 2Note ka hong dahsak leh, ka dahsakte longal kua in kei hong lungdamsak ding ahi hiam? 3Ka lungdamna in note khempeuh lungdamna hi ci-in lungkim in, kong tun ciangin, hong lungdam sak dingin a kilawm mite tung panin dahna a suak lohna dingin tuma in lai kong khak khin hi. 4Lungdamna leh dahna tawh khitui tampi luangin lai kong gelh hi. Note hehna ding hi loin, ka hong itna lungsim na theihna dingun hong gelh ka hi zaw hi. 5Mi khat peuh dahna ding a bawl ciangin kei bek hong dahsak loin, note khempeuh zong na dah ciat uh hi. Tua bang ka cih ciangin nakpi haksatna a om lohna dingin a gen ka hi hi. 6Mi tampite thukhenna dan in, tua bang mite ading in a kicing hi. 7Tua ahih ciangin tua bang mi in dah luatna hangin a manthan lohna dingin note in a mawhna maisak in, na hehnep dinguh a kilawm hi. 8Tua ahih ciangin note in amah it takpi na hihna na kilatsakna dinguh kong thum hi.

2 KORIN 3 tham loin, note in thu khempeuh na ngai uh leh ngaihloh uh ka theih nop manin na zia uh kong etna dingin tuma in lai kong gelh khin hi. 10Mi dangte mawhna na maisak uh leh, tuate mite mawhna zong ka maisak ding hi. Mi khat mawhna ka maisak leh, note ngaihsutna tawh Khris mai-ah ka maisak ding hi. 11Tua bang ahih kei leh, Satan in hong zawh khak dingin lung hihmawhhuai hi. Ama hanciamnate i theih hi. 12Khris Lungdamna Thu hilh dingin Troas khua ka tun ciangin, Topa hangin kei adingin kong khak hong kihong hi. 13I sanggam Titus ka muh loh ciangin lungkim theilo ka hih manin, mite kiangah genin, Makedonia gamah ka pai hi. 14Khris hangin zawhna pawikhamna in a tawntung in kote hong tonpih a, tua Topa theih telna namtui, kote hangin mun khempeuh ah a kizeel sak Pasian hehpihna phatna a om hi. 15Eite in gupna a ngahte leh kosiatna a thuakte ahi zongin, kisiatna a ngahte khempeuh adingin Khris in a namtui hi. 16A kisia mite adingin sih dongin sihna namtui ahi hi. A kihonkhiate adingin hinna a ngah dongin a namtui hi. Tua ahih ciang in hih nate tawh kua kilawm ahi hiam? 17Pasian thu a lumlet mite tawh kote kibang loin, lungsim sianthona leh Pasian deihna tawh kituak in Khris thu ka hilh uh hi. 2:12-13 Sawl. 20:1.
9Tua

Thuciam thak nasemte Khatvei beek ka kiphat ngei uh hiam? Ahih kei leh, ka kiphatna lai uh kong piakna dinguh leh, note kiangah midangte na piakna dingun, mi kimkhat bangin ka hih uh hiam? 2Note in ka lungtang tungah a kigelh, mi khempeuh in a sim thei ka lai na hi uh hi. 3Note in laitui tawh kigelh hi loin, a nungta Pasian Kha Siangtho tawh a kigelh a hih kei leh, suang peek tungah kigelh ahi lo lungtang satak tungah a kigelh lai, kote in a na ka sepuh Khris adingin lai kician mahmah na hi uh hi. 4Kote in Khris hangin Pasian mai-ah tua bang in ka lungkim uh hi. 5Ahih hang ka siamna uh suang loin, ka ut thu un na khat peuhpeuh na hanciamna dingun ahih thei ka hi kei uh hi. 6Pasian sungah kihih zo bek ahih manin, kiciamna thu nasemte ka suah zawhna dingun Pasian

175 in siamna kote hong pia hi. Tua bang ka cih cingin Lai Siangtho lui thu ka cihnopna hi loin, Kha Siangtho thu ka cihnopna hi zaw hi. Bang hang hiam cihleh, Lai Siangtho lui thu in hinna a that thei hi. Kha Siangtho in thu a hingsak thei hi. 7Tua tham loin, a mang thei vangliatna ahi Moses maitangah a kilang vangliatna hangin, Israel mite in a maitang a tel et ngam loh zah dongin, suangpeek tungah, laimal tawh a kigelh ahi sihna tawh kipawl in vangliatna tawh kidim ahih leh, 8Kha Siangtho tawh kipawl nasepna in vangliatna tawh kidim zaw kan ding hilo ahi hiam? 9Mawhna thukhenna in vangliatna a neih leh, dikna nasepna in vangliatna a nei zaw kan ding hi. 10A hong tung ding vangliatna in nasia mahmah ahih ciangin, a omsa vangliatna in a mangthang ding hi. 11A mangthang thei in vangliatna a neih leh a kip tawntung in vangliatna in nei zaw kan ding hi. 12Tua bangin khamuanna nei ka hih manun, kote in im loin, kician takin ka hilh uh hi. 13A mangthang leh a bei thei vangliatna pen Israel mite in a tel et lohna dingin, Moses in a mai a sit bangin ka hih kei uh hi. 14Tuate lungsim theih haksa in, tu ni dongin Thuciamna a lui a simuh hangin, tua sitna in a sincip hi. 15Tua sitna in Khris hangin kipaaikhia zo hi cih a thei kei uh hi. 16Ahih hangin Topa kiangah a kihei uh ciangin tua kisitna a paaikhia uh ahi hi. 17Tua ahih man in: Topa a cih ciangin Kha Siangtho a cih-nopna ahi hi. Topa Kha Siangtho omna ah lung-nop suahtakna a om hi. 18Eite in mai sitna om loin, limlang ah ki-et mah bangin, Pasian vang-liatna mu in, Kha Siangtho ahi Topa in tua meel hong piak mah bangin, ama meel mah bangin a taang zaw sem in i kikheel hi. 3:3 Pai 36:26; 24:12; Jer. 31:33; Ezk. 11:19; 36:26; 6 Jer. 31:31; 7 Pai. 34:29; 13 Pai. 34:33. Sawktak nasepna Tua ahih ciangin kote in tua nasepna za ngah in, a hehpihna thupha ngah ka hih manun, khatsiatna leh lungkiatna ka nei kei uh hi. 2Zumhuai na tawh a kiseel nate khempeuh ka paaikhia khin uh hi. Khemna zang loin, Pasian thu im loin, lumlet loin, thumanna thu tel takin hilh in, Pasian mai-ah mi khempeuh peuh a

2 KORIN 4 kitheihna lungsim uh tawh hong phatna dingun ka gamta uh hi. 3Ka hilhuh Lungdamna Thu in a kisincip ahih leh a kisia ding mite tungah bekah a kisincip in a om hi. 4Tua bang mite in Pasian meel ahi Khris vangliatna tawh a kidim Lungdamna thu a tansak lohna dingun, hih leitung ukpa in a umlo mite lungsim mit a taw sak hi. 5Kote in ka thu-uh a hilh kei hi kei uh hi. Jesu Khris in Topa ahi hi cih ahi zongin, note sila ka hi uh cih ahi zongin ka hilh uh hi. 6Tua ahih manin: Khuamial sungah khuavak a hong taang ding hi a ci Pasian in Jesu Khris maitangah Pasian vangliatna theihna ahi tua vangliatna hong piakna dingin, kote lung lunsim sungah khuavak hong tangsak hi. 7Ahih hangin a lian mahmah vangliatna in kote kiang pan in hi loin, Pasian kiang pan ahih na dingin tua sum leibeel sungah hong kiguang kote in ka nei uh hi. 8Bawlsiatna namcin ka thuak uh hang in ka phattuamna uh kiam tuan loin, ngaihsut theih zawhloh dong ahih hangin ka lungkia tuan kei uh hi. 9Hong kibawlsia in hong kidelh ciangin, amah in hong nusia lo a, pukna ding ka tuakuh hangin, siatna ka thuak kei uh hi. 10Jesu hinkikna in kote tungah hong kilatna dingin Jesu sihna pen ka pumpi sunguah ka pua tawntung uh hi. 11Jesu nuntakna in, a si thei ka pumpi sunguah a kilatna dingin a nungta kote in Jesu hangin sihna khut sungah piakna ka thuak ngitnget uh hi. 12Tua ahih ciangin sihna in kote sung ah na hong sem in, note sungah a hih leh nuntakna in na a sem hi. 13Lai Siangtho sungah: Ka upna thu ka gen hi ci-in a kigelh mah bangin, kote in zong upna lungsim nei ka hih manun ka gen uh hi. 14Topa Jesu a thosakpa in, Jesu tawh eite hong thokiksak khawm ding a, tua ciangin, i vekpi in a kiangah hong lut khawmsak ding hi cih ka thei hi. 15Bang hang hiam cihleh, hehpihna in mite hangin khang a, Pasian vangliatna hangin hehpihna phatna a kicinna dingin na khempeuh in note ading ahi hi. 16Tua ahih ciangin khasia leh lungkia loin ka om uh hi. A kimu thei pum sungah a om mi in a kisiat hangin ka sunguah a om mi in ni khat khit ni khat bawlthakna a ngah den hi. 17Kote maitang ah a kilang nate in tawl khat bek kip a, a kilanglo nate in a tawntung in a kip ding hi. 18Tua

2 KORIN 6 ahih manin a kilang nate en in ka ciamteh kei uh a, a kilanglo nate en in ciamteh zaw in, tawlkhat sung bek gimna hong pia in, tua in tawntung adingin vangliatna a piangsak hi. 4:6 Pian. 1:3; 13 La. 116:10. A kisia thei leh a kip tawntung Kote omna ahi hi leibuk a kisiat hangin, khut tawh kibawllo Pasian bawlsa a kisia ngei lo van ah inn om hi cih ka thei uh hi. 2Kote in van panin a piang a om nate silhna dingin thumin ka om uh hi. 3Tua bangin silh le hang puan nei loin i om kei ding hi. 4Hih buk sungah a om kote in vangik pua in, thum in ka tau uh hi. Puan silh nuam loin tau ka hi kei uh hi. a si thei nuntakna in a si theilo nuntakna sungah phum nuam in tau in thum ka hi zaw uh hi. 5Tua bang thupha ngahna dingin hong bawlpa in Pasian ahi hi. Tua Pasian Kha Siangtho maleep eite hong pia hi. 6Tua ahih ciangin pumpi silesa tawh ka om lai tengun Pasian tawh kigamla in ka om lamuh thei ka hih manun lau loin ka om uh hi. 7Mit tawh a kimu theilo mi tawh om khawm in, gamta ka hih manun, 8pumpi silesa tawh kikhen in Pasian kiang ah om den ding ut zaw ka hih manun, lau lohna lungsim ka nei uh hi. 9Tua ahih ciangin kote in ka om ngeina banguh leh kikhenin ka omuh ahi zongin Pasian deihna bangin a gamta mi ka suah theihna dingun lungsim takpi tawh ka hahkat uh hi. 10Eite i pumpi silesa tawh i gamtatna bang ciatin thukhenna ngah dingin Khris tokhom mai-ah i kilang ciat ding hi. 11Tua ahih leh, Topa kihtakna thei in midangte ka zol lai takun, Pasian mai-ah a kilang ka hi uh hi. Note lungsim ngaihsutna mai-ah zong a kilang ka hi uh hi ci-in ka um uh hi. 12Note maiah a kiphat ka hi kei uh hi. Lungsim leh maitangte ngaihsun loin, a kisathei mite kam na thuhkik theihna dingun, kote hangin na kisaktheihna ding bekuh hong gen ka hi hi. 13Bang hang hiam cihleh, a hai ka hih uh leh Pasian adingin bek in ka hai uh hi. A pil ka hih uh leh, note ading in mipil ka hi uh hi. 14Bang hang hiam cihleh, mikhempeuhte tang dingin mi khat bek sihna hangin mi khempeuh a si ahi zongin, a nungta mite in amaute deihna bangin a hin lohna uh leh amaute tang dingin si in, a thokik pa

176 deihna bangin a nuntakna dingun, 15mi khempeuh tang dingin sihna thuak hi ci-in ka ciamteh uh hi Tua ahih manin Khris itna in kote zawhthawh thu tawh hong sawl hi. 16Tua ahih ciangin tu a kipanin kote in silesa pawlte ngaihsun in Khris ka theih ngei uh hangin, tua kipanin in ka thei nawn kei uh hi. 17Tua ahih ciangin Khris sungah a om mi in, mi thak a suak hi. A lui nate kikheel in, a thak a piang zo hi. 18Na khempeuh in Pasian panin a piang ahi hi. Khris hangin Pasian in amah tawh hong kilemsak a, tua kilemna thu tawh kipawl nasepna za kote hong pia hi. 19Tua thu pen Pasian in Khris sungah om in, leitung mite mawhna ciamteh loin, kilemsak theihna thu kote hong pia hi. 20Tua ahih ciangin, kote in Khris tang dingin sawltakte ka hi uh hi. Note in Pasian tawh na kilem un ci-in Pasian in kote hong hansuah mah bangin kote in zong Khris tang in note kiangah kong thum uh hi. 21Pasian in mawhna a neilo Khris pen eite tang ding in mawhna a suaksak hi. Bang hang hiam cihleh, eite in tua mi hangin Pasian dikna i suah theihna ding ahi hi. 5:10 Rom. 14:10. Nasepna thu ah mawhsakna Pasian hehpihna thupha na ngah uh a mawkna na suaksak kei un ci-in, kote in Topa tawh nasem khawm ka hihna hangun, hansuah in kong zol uh hi. 2Pasian in: A kilawm hun na kam ka ngai a, gupna Ni in nang kong gum hi a cih mah bangin, en in, tu Ni in a kilawm hun hia a, gupna Ni ahi hi. 3Ka sepna uh mawhsakna a om lohna ding leh sui kha in kipukna ding khat beek ka hih kei uh hi. 4A kipelh thei lo, bawlsiatna leh zawnkhalna-te thuakin, 5satna tupna, thong-kiatna, mi tawh kitotna, nasepna, ihmu theih lohna, gilkialna-te thuak in, 6lungsim sianthona, pilna, lungduaina, hehpih bawlna, Kha Siangtho ngahna, it khemna hilo it takpitna, 7thuman thu-hilhna, Pasian vangliatna lahna, dikna galhiam ziat leh vei ah silhna ahi zongin, 8minthanna leh simmawhna, phatna leh kosiatna-te ahi zongin mi khemte bang ka hih uh hangin thuman gen mi hi in, 9Kuama theih loh

177 mi ka bat uh hangin, minthanna a ngahte hi-in, sihna a thuak mite ka batuh hangin a hing mite hi in, thahna thuak mite ka batuh hangin, thahna tawh a kipelh mite hi-in, 10a dahte ka batuh hangin, a lungdam dente hi in, a zawng ka batuh hangin, a hau mi hi in, sum a nei kiukeuh lote tawh ka batuh hangin, na khempeuh a neite bangin Pasian na sem takpi in, na khempeuh tawh a kilangin ka lak uh hi. 11Korin mite aw, kote kam in note adingin honsa in a om hi. Ka lungsim un zong ka za uh hi. 12Note in kote adingin a tangtawi na hi kei uh hi. Ki-itna hangin hehpihna ah na ciluh hi. 13Kote thupha nong thuh kikna dingun, na lungsimuh na tangzai sak un. Tua bang ka cih ciangin tate hilh bangin hongci ka hi hi. A nungta Pasian biakinnpi 14Thu um lote tawh kipawl in, a kituak lo hakkol na pua khawm kei un. Tua bang ahih leh dikna thu in gitlohna tawh a kigawm thei ding hiam? Khuavak in khuamial tawh a kizom thei ding hiam? 15Khris in Balial tawh bangci kilem theih ding ahi hiam? Thu umte in thu umlote tawh ngah khop ding bang nei i hi hiam? 16Pasian biakinnpi in milim tawh a bangci kizop theih ding hiam? Bang hang hiam cihleh, eite in a nungta Pasian biakinnpi i hi hi. Pasian thu piakna in: Amaute sungah tengin, ka vak kawikawi ding hi. Amaute Pasian ka hi ding a, amaute in ka mite ahi dinguh hi a ci hi. 17Tua ahih ciangin: Tua mite lak panin paikhia un la, a tuamin om un. A siangtho lo nate lawng kei un. 18Note Pasian ka hi ding a, note in zong ka tanu leh ka tapa-te na hi dinguh hi Vanglian Topa in ci hi. 6:2 Isa. 49:8; 5 Sawl. 16:23; 16 1Kor. 3:16; 6:19; 16 Siam. 26:12; Ezk. 37:27; 17 Isa. 52:11; 18 2Sam. 7:14; 1khg. 17:13; Isa. 43:6; Jer. 31:9. Pawlpi kiphuahphatna Tua ahih ciangin ka itte aw, tua thuciamna in eite tawh kisai ahih manin, i pumpi ah a om kihhuainate leh lungsim kihuainate khempeuh panin kisiangtho sak in, Pasian kihta in a siangtho gamtatna tawh kidim ni.

2 KORIN 7 2Kote adingin na lungsim sunguah mun hong pia un. Kote in kuama tungah khial loin zong ka bawlsia kei uh hi. 3Note mawhsakna dingin hi bangin a gen ka hi kei hi. Note tawh nuntak khopna ding leh sih khopna ding ka deihna luatna in kong itna hang ahi hi ci-in tuma in kong gen khin hi. 4Note kiangah lau loin kong ci hi. Note hangin kisathei lua zen ka hih manin, noptuamna tawh ka kidim hi. Ka thuakna uh gimna khempeuhte hangin a kigen zolo zah dongin ka lung a dam hi. 5Makedonia gamah ka tunuh ciangin, ka silesa a dingun bangmah noptuamna a om loh hangin, lam khempeuh panin bawlsiatna ka thuak uh hi. Pua lam kidona a om mah bangin sunglam kidona zong a om hi. 6Ahih hangin a kipampaih mite a hehnem thei Pasian in Titu a hong tunna hangin kote hong hehnem hi. 7Tua hang bek hi loin, note kiangah Titu in a ngah hehnepna hang in hong hehnem zaw kan hi. Bang hang hiam cihleh, na lunggulhna uh, na thumna uh, ka phatna dinguh na deihna lungsim-te uh lian mahmah hi ci-in kote kiangah hong gen ciangin ka lunguh a dam semsem hi. 8A masa kong piak lai in, note tawl khat sung bek hong dahsakna thu ka theih ciangin, a masa in ka kisik hangin, tu in ka kisik nawn kei hi. 9Note hong dahsak man in a nuam ka hi kei a, hong dahsakna hangin kibawlphatna piang ahih manin nuam ka hi zaw hi. Kote hangin na noptuamna uh neukha beek a kisiat lohna dingin, Pasian deihna tawh kituak in kong dahsak uh hi. 10Pasian deihna tawh kituak dahna in, hong gupna dingin kizop kikna leh a kikheel thei nawnlo kisikkikna hong pia thei hi. Leitung dahna in sihna a piangsak thei hi. 11Pasian deihna tawh kituak ahi note dahna in, note kiphawk kikna, mawhna phelna, hehna, launa, lunggulhna, dikna lungsim, thumanna hangin dan piakna thu ah bawlphatna ciin na mu ta un. Note in hih thu sungah mawhsakna tawh, kipelh khin na hih lamuh na khempeuh hangin na lakkhia khin uh hi. 12Tua mah bangin note deihsakna kong piak ciangin, mawhna ahih mi leh mawhna a thuak mite bek ngaihsun in hong gelh ka hi kei hi. Kote phattuamna ding in Pasian mai-ah bawl nopna

2 KORIN 8 lungsim nei in, tua na lungsimuh na kilat sakna dingun hong gelh ka hi zaw hi. 13Tua ahih ciang in kote in hehnepna ka ngah khin uh hi. Tua hehnepna ah zong note khempeuh tawh Titu lungsim noptuamsak khin a, ama lungdamna hangin kote zong ka lungdam zaw kan uh hi. 14Note hangin ka kisaktheihna a tung ah gen khin ka hih manin, tu in ka maizumna ding a om kei hi. Na khempeuh ah a thuman note kiangah kong gen mah bangun, Titu mai-ah ka kisaktheihna kam in a man tak ahih lam kician takin ka tel gen hi. 15Note in launa leh linna tawh amah tungsak in, a thu ngaih in na omna thu uh a ngaihsut ciangin note itna leh hehpihna lungsim tawh a kidim hi. 16Note tawh na khempeuh ah pan la khawm ka hih manin, ka lungsim tha hat sak ahih manin ka lung a dam mahmah hi. 7:5 2Kor. 2:13. Cit piakna Ute naute aw, Makedonia gamah a om pawlpi tungah Pasian in a bawl hehpihna thuphate zong note kong zasak uh hi. 2Tua pawlpipite in a zawnkhal uh hangin ze-etna tampi a thuak lai takun, a lungdamna uh lian ahih manin, nakpi takin a zawnkhal uh hangin sumpi piakna ah a khang mahmah uh hi. 3A maute in ahih theih zah bekuh hi loin, a hih theih zah sangin piakna dingin ut thu piak nopna lungsim a nei uh hi ci-in teci ka pang ahi. 4Amaute in mi siangtho vakna leh a huh theihna dingun hansuah zolna kam tampi tawh kote kiangah hong thum uh hi. 5Tua bangin ahih uh ciangin, kote lamet zah sangin tam zaw hih uh a, Pasian deihna tawh kituak in amasa in Pasian kiangah, tua khit ciangin kote kiangah ahi zong in, amaute mahmah hong kipia uh hi. 6Tua ahih ciangin Titu in note kiangah hong patsak sa bangin hih hehpihna zong na zawh theihna dingun kote in a kiangah ka thum uh hi. 7Bang hang hiam cihleh, note in upa, thuhilhna, pilna, hahkatna khempeuh leh kote nong itna uh pan kipan na khempeuh tawh na kidim mah bangun, hehpihna zong na dimsak un. 8Tua bang ka cih ciangin thukham bangin a gen ka hi kei hi. Mi dangte hahkatna paulam in note kong itna lungsim in, a man hiam? a man

178 kei hiam cih ze-etna tawh kong ci hi. 9I Topa Jesu hau mah napi-in, zawnkhalna a thuakna tawh note in hauhna na ngahna dingun, note tang dingin zawnkhalna a thuakna leh a hehpihna na thei uh hi. 10Hih thu tawh kisai in ka lungsim kician takin kong lak hi. Nung kum pan kipanin, lungsim hanciamnate a masa bel in note a dingin ka bawl ding a kilawm hi. 11Tua ahih ciangin ni dang lai in, hih nopna lungsim tawh hanciamnopna a om mah bangin, na hih theih zahzah uh hih un la, hih thu khat leh khat na kizasak un. 12Hih nopna lungsim hong om leh, hih zawh lohna ngaihsutna te bei in, hih zawhna bek ngaihsutna dingin a deihhuai hi. 13Hih thu kong gen ciangin mi dangte in noptuamna ngah in note in zawnna na thuakna dinguh a hanciam ka hi kei hi. 14Lai Siangtho sungah: A tam ngahte neihsa lah val lo. A tawm ngahte aa lah kisam tuan lo a cihna kammal bangin a kihawmna thu na ngaihsun un. 15Tu in note hauhna in amaute zawnna huh in, a nung ciang in amaute hauhna in note zawnna hong huh kik ahi zongin, a kikim dimdiam a suahna dingin ka hanciam hi. Titu leh a kikholhpihte 16Note adingin huhna ngah theihna dingin ka hamciam mah bangin, Titu lungsim sungah a guang Pasian in Phatna ngah ta hen. 17Amah in kote hanthotna a mang bek hi loin, hih nopna lungsim takpi tawh ama thu in note kiangah hong pai ahi hi. 18Pasian Lungdamna Thu hilhna ah pawlpi mite sung panin phatna a ngah sanggampa zong Titu tawh kong sawl khawm uh hi. 19Tua sanggampa in vangliatna leh kote lungsim hoihnate ahi zongin kilangsak a, hehpihna tawh sumpi piakna nasepna kote tawh ton khawm dingin pawlpite in a teelin a koihpa zong ahi hi. 20Kote in a tampi sumpi piakna ka sep lai takun, mawhsakna a om lohna dingin ka kikem uh hi. 21Topa mai bekah hi loin, mite mai-ah zong a kilawm a kituak in gamtat ding ka hanciam uh hi. 22Tua nihte tawh a dang sanggam zong kong paisak uh hi. Tua sanggampa pen tamveipi ka ze-et khituh ciangin ka theih bangun a thahatpa ahi hi. Tu in note hong muang mahmah ahih manin a hahkat zaw sem hi. 23Titu in bangci bang mi hiam ci-in hong kidot leh, ka kikholhpih

179 ka lawmpa hi-in, note huhna dingin kei tawh a semkhawmpa zong ahi hi. Sanggam dangte zong bangci mi hiam ci-in hong dong a om leh, pawlpi sawltakte leh Khris vangliatna zong ahi uh hi. 24Note in khat leh khat na ki-itna uh leh kote nong itna hangun ka kisaktheihna dinguh ahi zongin, pawlpite mai-ah tuate tungah na kilangsak un. 8:1 Rom. 15:26; 15 Pai. 16:18; 21 Pau, 3:4. Mi siangthote ading piakkhiatna Mi siangthote vakna thu note kiangah kong gelh hangin phattuamna om tuan lo ding hi. 2Note in huh nopna lungsim na neih lamuh thei ka hih manin, tua na huh nopna lungsim hangun ka kisathei hi. Akhaia gammite in nikum pek in a khol khin uh hi ci-in Makedonia gam mite kiang ah ka gen thei hi. Tua ahih manin note thanopna lungsim in mi tampi hansuahna a piang hi. 3Ahih hangin note hangin kisaktheihna in a mawkna a suah lohna dingin, tua kammal tawh kituak in a kigingkhol sa in na omna dingun kong vaikhak hi. 4Tua bang ahih kei leh kong ton khoppih ding Makedonia mi kimkhat in, na khol nai lohuh thei leh note maizum bek ding hi loin, kote zong ka mai-uh a zum ding hi. 5Tua ahih ciangin na kiciamna sa uh sumpi piakna in, zawhthawh thu hangin piakna hi loin, hehpihna bangin na kholna dingun i sanggmate in note kiangah hong pai masa in, kigin kholhna na neihna dingun hong hansuah kei lengh kilawm ka sa kei hi. 6Khaici tawm kha a vawhte in buh tawmkha at ding a, tampi a vawhte in tampi mah a at dinguh hi ci-in na ciamteh un. 7Mi khempeuh in a kizawh zah ciatin pia ta hen. Hazatna lungsim tawh pia kei hen. Piak nopna lungsim tawh a pia mi bek Pasian in a it hi. 8Note in na khempeuh ah na zat dinguh sumte na neih den theihna dinguh leh gamtat phate tawh na kidimna dingun, thupha namcin a kicinna dingin Pasian in a hih thei hi. 9Lai Siangtho in: Amah in a hawmkhia khin hi, Mi zawngte a pia khin hi. A dikna in a kip tawntung hi a ci hi. 10Khaici vawhte khaici leh nek theih ante a piapa in note vawh dingin khaici hong pia in, a khansak khit ciangin note in dikna gahte na tam sak dinguh hi. 11Tua bangin note hehpihna lung-

2 KORIN 10 sim tawh na hawmsak uh a, na piakna dingun na khempeuhte a kicingin na neih uh ciangin kote tungah Pasian hehpihna phatna ding a om ding hi. 12Tua bangin hihna in, mi zawngte zawnna a huh bek hi loin, Pasian hehpihna phatna dingin tampi tawh a kidim ding hi. 13Note in Khris Lungdamna Thu na deihna uh, zuihna tawh na piakkhiatna uh tawh kilang sak in, tua mi siang-thote a kipan mi khempeuh hehpihna lungsim tawh hawm in na piaknate uh, a ngaihsut uh ciangin, tua kivakna thu teci in zangin Pasian hehpihna a phat thei ding uh hi. 14Note tungah a lamdang Pasian thupha hehpihna ngaihsun in, note ading thungen in, hong lunggulh dinguh hi. 15A kigen zolo hong hehpihna thupha hangin Pasian tungah hehpihna phatna om den ta hen. 9:9 La. 112:9; 10 Isa. 55:10. Amah leh amah kihutna Note tawh i kikhen khit ciangin, kiniam sakna tawh keimah Paul in Khris lungnemna leh hehpihna hangin note kiangah kong thum hi. 2Kote in silesa tawh a gamta mi hi ci-in hong ngaihsun mi kimkhatte kiangah, lau loin ka hanciam bangin, na kiangah kong tun ciangin, tua bang a om lohna dingin kong thum hi. 3Kote in silesa ngeina bangin ka gamtatuh hangin cilesa ngeina bangin gal ka do kei uh hi. 4Kote galdona ah ka zat uh galvante in cilesa tawh kipawl ahi kei hi. Khuapi kulhte a cim gawp sak thei, Pasian mai-ah vangliatna a kidim hiamte ahi hi. 5Tua hiamte tawh mite hanciamna ahi zongin Pasian theihna pilna lang khatah vum in a om a sangtote ahi zongin, khuplet gawp in, lungsim khempeuh manin, ka khumcip khituh ciangin Khris thu ka ngaisak uh hi. 6Note thu ngaihna a kicin khit ciangin, thu ngai lo khempeuh dan pia dingin a baihsa in ka om uh hi. 7Note in na maitangah a omte bek na en uh hi. Mi khat in: Kei Khris mi ka hi hi ci-in a ki-up leh tuapa in Khris mi ahih bangin kote zong Khris mi ka hihna uh na ngaihsun hen. 8Note sukgawpna ding hi loin, kip sak zawkna dingin Topa in a hong piak ana ah tampi ka kisaktheihna hangun zumna ka thuak kei ding hi. 9Kong piak lai in note tawnna hilo hi. 10Bang hang hiam cihleh: A lai in a gik vangliatna tawh kidim lai ahih hangin

10

2 KORIN 11 a pumpi ahih leh, hatna neilo, thusim taklo leh kam a pau thei mi a ci mi a om thei kha ding hi. 11Kote in ka pumpi sunguah om loin, lai sun uh ahi hi ci-in tua mite in ciamteh ta uh hen. 12Amaute a kiphat tawm tawh kisim khopna leh kidemna-te ka hih ngam kei uh hi. Tuate in khat leh khat kiteh in kidem in pilna a nei kei uh hi. 13Kote ka hih uhleh, ka sep dinguh khengin ka bawlna un ka kisathei kei dinguh hi. Pasian a hong hawmsak ka nasepna dinguh kitehna sungah ka hihna bang bek in ka kisathei dinguh hi. Tua kitehna note dong a hong ban hi. 14Note dong hong banlo bangin, kote in khengin sem ka hi kei uh hi. Bang hang hiam cihleh, Khris Lungdamna Thu hilhna dingin note kiang dong kong tung khinuh hi. 15Kote in ka nasepnate uh kheng in, mi dangte na sepna sungah ka tum manun a kisathei ka hi kei uh hi. 16Tua mite sepna sa sungah ka bawlnate uh kisathei loin, note gam langkhatah galkah in Pasian Lungdamna Thu hilh theihna a omna dingin, note upna a khan lai takin kote nasepna in zai semsem ding hi ci-in ka lawp mahmah uh hi. 17Tua ahih ciang a kisatheite in Topa hang bekin kisathei ta hen. 18Amah a kiphat tawm mi in, san huai lo hi. Topa phatna a ngah mi in san dingin a kilawm hi. 10:17 Jer. 9:24. Paul leh Sawltak zuaute Ka haina neukha beek ciam le ucin ka ut hi. Na ciam takpi un. 2Nungak siangtho bangin note Khris kiangah kong piakna dingin pasal khat tawh hong kiteng sak khin ka hih manin, Pasian tawh kipawl lunghimawhna tawh note kong lung himawh hi. 3Gulpi in a zuau thu tawh Eve a khem bangin note lungsim gimin kisia in, Khris sungah kiptak in a om na lungsim, a manthan khak ding ka lunghimawh hi. 4Note kiangah hong pai midangte in, kote kong hilhuh ahi lo adang Jesu hong hilh zongin, na ngah ngei loh dinguh Kha Siangtho na ngahna uh leh na zak ngei lohuh Lungdamna Thu ahi zongin tua bang mite na thuak zo uh hi. 5Keimah in sawltak liante sangin neu kha beek ka niam zaw tuan kei hi. 6Ka kam hangin a hai bang leh pilna lam sang ah a pil lo mi ka hi kei hi. Hih thu

11

180 khempeuh tawh kisai in, note kiangah kician tak in konglak khin hi. 7Note hong kipahtawi theihna dingin kiniam khiat in, thaman la loin Lungdamna Thu kong gen pen mawh ka hi hiam? 8Note nasem dingin pawlpi dangte tung panin thaman dangka sangin amaute sum a sut ka suak ta hi. 9Note tawh ka om khop lai takin na khat peuh ka kisap ciangin kuamah vangik kong suan kei hi. Makedonia gam panin in sanggamte in ka kisapna khempeuh hong pia uh hi. Note hong gimsak ka suah lohna dingin na khempeuh ah ka kikem hi. A nung ciangin zong ka kikem lai ding hi. 10Khris thuman thutak in ka sungah a om mah bangin, Akhaia gamah hi bangin ka kisak theih ding kua mah in hong kham zo kei ding hi. 11Hih bangin kong gen ciangin, note kong itna lohna ahih loh lam Pasian in a thei hi. 12Thu ngah nuam mite in a ngah lohna ding leh amaute kisaktheihna ah kote mah bangin kician tak in, a kilatna dingin, ka bawl bangin ka hih lai ding hi. 13Tua bang mite in sawltak zuaute, Khris bangin a kineih khemte ahi uh hi. 14Hih thu pen lungkhamna ding hi lo hi. Satan na ngawn in khuavak tawh kipawl vantung mi bang in a kibawl thei hi. 15Tua bang ahih ciangin a nasemte zong thudik nasem bangin a kibawl leh, genna ding a om ding hiam? Amaute in a gamtatna uh tawh kizui in a tawpna ah a thuak ding uh hi. Paul thuaknate 16Kong gen kik in, mihai hi ci-in kua mahin hong um kei un. Ahih kei leh neu kha kisaktheihna dingin, mi hai bangin hong ngaih-sun in hong thuak un. 17Hih bangin ka gen ciang in Topa thupiak bangin a gen ka hi kei a, mihai bangin, lau loin kisathei in a gen ka hi hi. 18Mi tampite in silesa ah kisathei uh ahih manun kei zong ka kisathei ding hi. 19Note in mipilte na hih manun kiitna lungsim tawh mihaite na thuak un. 20Mi khat in note sila in hong manin, kiphasak in, hong beengte nangawn na thuak uh hi. 21Hatna neilo hi ci-in hong kikosiatna paulam in kong gen ahi hi. Ahih hangin na khat peuh ah mi khat lau loin a om leh, kei zong ka lau tuan kei hi ci-in mihai bang in ka gen hi. 22Amaute in Hebru mi ahi uh

181 hiam? Kei zong ka hi hi. Amaute in Israel mi ahi uh hiam? Kei zong ka hi hi. Amaute in Abraham suante ahi uh hiam? Kei zong ka hi hi. 23Amaute Khris nasemte ahi uh hiam? Kei zong ka hi kan hi ci-in mihai bangin ka gen hi. Na sepna ah gimna a lim thuak zaw mi, thongsungah khiatna a thuak zaw mi, satna tupna a kisim zolo zah dongin a thuak zaw mi, sihna ding tawh tamveipi a kituak zaw mi ka hi hi. 24Judah mite sung panin sawmli panin khat vei a kiam satna ngavei ka thuak hi. 25Ciangpum tawh satna thumvei leh suang tawh denna khatvei ka thuak hi. Sun leh zan khat tawntung tuipi sungah ka om khin hi. 26Tamveipi thuhilh in ka zin a, gun gal khatah lauhhuaina, misuamte kihtakna, ka mipihte hong bawlsiatna pan launa, Gentailte bawlsiatna pan launa, khuapi sungah a tung launa, gam lakah a tung launa, tuipi tung launa, sanggam bangin a kibawl mite bawlsiatna ding launa-te khempeuh ka thuak khin hi. 27Hahkat in gim mahmah in nasepna, gilkialna, dangtakna, antanna, khuadamna leh puan neih lohna-te tam veipi ka thuak khin hi. 28A pua lam thute bek hi loin, pawlpi khempeuh ka lunghihmawhna hangin nisimin gimna ka thuak hi. 29Ka thakiam lohin kua tha kiam ahi hiam? Ka lunggim lohin kua lunggim ahi hiam? 30Kisathei nuam hi lengh, ka thanemna bek zong suangin ka kisa thei ding hi. 31Zuau thu ka gen lohna thu Tapa Jesu Pa leh Pasian in a thei hi. 32Damaska khua Aretas Kumpipa in kei hong man dingin Damaska ah hong pai hi. 33Tua lai takin Khrisiante in seeng sungah khuapi kulh tung panin hong khiasuk uh a, a khut sung panin ka suakta hi. 11:3 Pian. 3:1-5; 3:13; 9 Fil. 4:15-18; 23 Sawl. 16:23; 24 Thkna. 25:3; 25 Sawl. 16:22; Sawl. 14:19; 26 Sawl. 9:23; 14:5; 32-33 Sawl. 9:23-25. Paul mangmuhna Kisakthei dingin ka kilawm loh hangin ka kisathei ding hi. Tua ahih manin Topa hong lah mangmuhna leh hong thupiakna kong gen ding hi. 2Tua ma kumsawm leh kumli lai takin Khris sungah a om mi khat, van thuap thumna dongin a paipih ka thei hi. 3A pumpi a tonpih leh tonpih loh thu ka thei kei a, Pasian in

12

2 KORIN 12 a thei hi. 4Tuapa Paradis khua ah a paipih hi. Mite kam tawh a kigen cian zolo tawh a genna ka thei a, mipa thugen ding ahih leh a kham hi. 5Tua mipa hangin ka kisathei hi. Ka pumpi adingin ahih leh ka thanemna sim loh ka kisaktheih pih ding dang a om kei hi. 6Aman takin thu gen nuam ka hih manin, kisathei nuam hi lengh zong mihai ka hi kei ding hi. Mi khat in kei hong muh leh ka thu a zak ciangin hong uplohna ding ahih leh bang mah gen loin ka om zaw ding hi. 7Ka ngah mangmuhnate lamdang sa lua ka hih manin, tua hangin ka kisaktheihna lungsim ka neih lohna dingin dan hong tat Satan sawltak in ka pumpi hong sun dingin ling khat hong pia hi. 8Tua zawnkhalna tawh kipelhna dingin thumvei dong thu ka ngen hi. 9Kum thum khit ciang in: Ka hehpihna thupha in nang adingin kicing hi. Ka vangliatna in na vangliatna dingin a kicing hi ci-in thu hong pia hi. Tua ahih ciangin Khris vangliatna in kei tungah hong tunna dingin ka thanemna hangin kisaktheih ding ka ut zaw hi. 10Tua ahih ciangin Khris hangin thanemna, kosiatna, zawnkhalna, bawlsiatna leh haksat gimna-te ka thuak ciangin ka nuam hi. Bang hang hiam cihleh, ka tha nemna in ka thahatna ahi hi. Pawlpi ading lunghimawhna 11Note in nong zawhthawhna hangun mihai ka suak hi. Bangmah ka hih loh hangin sawltak lian belte nuai ah neukha beek ka neu zaw tuan lo ka hih manin, note phatna ngah dingin ka kilawm hi. 12Hi takpi mah hi. Na khempeuh ah thuakna tawh na lamdangte leh dipkuat huaite, vangliatnate tawh sawltakte lim note kiangah a kilang khia khin hi. 13Note kong gimsak sim loh, note in pawlpi dangte sangin na ginat zawkna uh bang ahi hiam? Tua ka khialhna hong maisak un. 14Note kiang a thumveina kong paina dingin ka kigingkhol khin hi. Ahih hangin note kong gim sak kei ding hi. Note neihsa ahi na sumte hong zong ding hi loin, note mahmah hong zong ding ka hi zaw hi. Tanute tapate in a nu leh pa-te adingin sum a khol kei uh hi. A nu leh pa-te in a tanu leh tapa-te adingin a khol zaw uh hi. 15Note kha in nopsakna a ngahna dingin, ka sum ahi zongin, ka pumpi ahi zongin lungdamna tawh ka beimang sak nuam hi. Note kong itna a liat leh

GALATI 1 note nong itna uh a neu zaw hiam? 16Note adingin vangik ka hi kei hi. Ahih hangin pil ka hih manin khemna tawh note kong man hi. 17Note kiangah kong pai sak mi khat tawh note sumte la ngei ka hi uh hiam? 18Titu in note kiangah hong pai theihna dingin a kiangah ka thum a, i sanggam khat tawh kong pai khawm sak hi. Titu in khemna tawh note sum a la hiam? Kote in lungsim kibangin a gamta hilo ka hi uh hiam? Lam khat bek a zuite hi ka hi uh hiam? 19Note in ka suahtakna dinguh thugen hi ci-in tu dongin nong um uh hi. Khris sungah kipin Pasian mai-ah ka genuh hi. Ahih hangin ka itte aw, kote ka hih uh leh na khempeuh note kipsakna dingin ka hih uh hi. 20Kong tun ciangin, note in ka deih bangin om loin, kei zong note deih bangin om loin, tua hangin note sungah kitotna, kidemna, hehna, kiseelna, kiphunna, kikheemna, kiphatsak theihna leh nakpi tak a kinialna a suah lohna ding ahi zongin, 21Khatvei lai in a khial ahi kihhuai gamtatna, numei tawh mawhna, huk luatna, lan luatna hih kha in, tu dongin a kisik lo mi tampi a om hangin, ka lungsim nuam loin ka thum hi. Note mai-ah Pasian in kei hong niamkhiatna ding ahi zongin ka lunghi mawh hi. Mangpha khak hopihna Hih in note kiangah kong pai ding a thumveina ahi hi. Teci nih bang thum bang kam hangin thu khempeuh a kip ding hi. 2Kong gensa thu ah, kong tun ciangin kong dawm kei ding hi ci-in mawhna a neisate leh kip in a om mite khempeuh kiangah ni dangin ka gen bangin, tu in zong note tawh ka om khop loh hangin a nihvei om khawm khin mah bangin khatvei kong gen khol hi. 3Note lakah thanem loin, a thahat Khris in ka tungah hong genna teci ding zong na hih man un kong tun ciang in kong

13

182 dawm kei ding hi. 4Tua Khris in singlamteh tungah thanemna hangin sihna a thuak hangin, Pasian vangliatna tawh a nungta hi. Kote zong Khris sungah ka thanemuh hangin, Pasian vangliatna hangin Khris tawh note lakah ka nungta khawm ding uh hi. 5Note in upna sungah kipin na om leh om loh uh na pumpi ciatuh na kitel dot in, na kisittel un. A kidong cian theilote na hih uh leh note thu nomau mah in theilo na hi uh hiam? 6Kote in a kidongtel zolote ka hi kei uh hi ci-in note zong na theih dinguh ka um hi. 7Kote in a kidongtel mite ka hihna uh lahna ding hi loin, a kidongtel zolo mite bangin, note gamtat hoih na gamtat theihna dingun, gamtat hoih lo khat beek na gamtat lohna dingun Pasian kiangah thu ka ngenuh hi. 8Kote in thuman thutak lang khatah bangmah ka hih thei kei uh hi. Thuman thutak lamah ka hih thei bekuh hi. 9Kote thanem in ka om lai takun, note thahat in na omna hangun ka lunguh a dam hi. Na kicinna dingun thu ka ngenuh hi. 10Tua ahih ciangin suksiatna ding hi loin, kilamna ding in Pasian a hong piak vangliatna thu om mah bangin, kong tun ciangin nakpi takin kong bawl lohna dingin, gamla ah ka om lai takih hih thu kong gelh hi. 11A khak bel ah, ute naute aw cidam ta un, Lungsim kikhatin na om un. Khat leh khat na kilem un. Tua bang na hih uh leh, ki-itna leh kilemna Pasian in note tawh hong om khawm ding hi. 12Khat leh khat a siangtho napna tawh na kihopih un. 13Mi siangthote khempeuh in note hong hopih uh hi. 14Topa Jesu Khris hehpihna thupha ahi zongin, Pasian hong itna ahi zongin, Kha Siangtho kihotheihna ahi zongin note khempeuh tung ah om den ta hen. 13:1 Thkna. 17:6; 19:5.

GALATI MITE KIANGAH SAWLTAK PAUL LAIKHAK

Hopihna Mite kiang pan hilo, mite thu tawh hilo, Jesu thu leh sihna panin Jesu a thokiksak Pasian

thu hangin Sawltak ahi keimah Paul a kipan, 2kei tawh a om khawm sanggamte khempeuh in Galati gam ah a om pawlpite kiang ah thu kong

183 zasak uh hi. 3I Pa Pasian leh Topa Khris kiang panin hehpihna thupha leh nopsakna in note tungah om den ta hen. 4Tua Jesu in, Pasian deihna tawh kituak in, a gilo hih leitung panin eite hong gupkhiatna dingin, i khialhna tangin a pumpi a pia hi. 5Tua Pasian in vangliatna ngah den ta hen! Amen. Lungdamna thu a dang omlo 6Khris thupha hehpihna hangin note hong sampa kiang panin, a manlangin kikhen in, a dang lungdamna thu na san uh lamdang ka sa hi. Tua Lungdamna Thu in lungdamna thu dang ahi kei hi. 7Note hong bawlsia in Khris Lungdamna Thu a lumlet nuam mi kimkhat a om hi. 8Ahih hangin note kiangah kong hilhuh Lungdamna thu longal a dang lungdamna thu kote in ahi zongin, van panin hong pai vantungmi in ahi zongin, hong hilh mi in hamsiatna thuakta hen. 9Na sansa uh Lungdamna Thu sim loh lungdamna thu a dang mi khat peuhin hong hilh leh, tua mi in hamsiatna thuak ta hen ci-in ka gensa bangin kong ci kikuh hi. 10Mite deihna zui ka hi hiam? Ahih kei leh Pasian deihna zui ka hi hiam? Mite pahtak dingin hanciam ka hi hiam? Mite pahtak ding a hamciam ka hih leh Khris sila ka hi kei hi. Paul sawltak a suahna 11Ute naute aw, Ka hilh Lungdamna Thu in mite thu ahi kei hi. 12Mite tung panin ka ngah ahi kei hi, Mite tung panin ka sin zong ahi kei hi. Jesu Khris thupiak bang bekin ka ngahna thu note kiangah kong zasak hi. 13Ni dang lai-in Juduh ngeina zui-in ka gam ta a, Pasian pawlpi gen theih loh zah dongin bawlsia in, ka su gawp hi. 14Ka pu leh ka pa-te tung panin ka ngah ngeina siamin, ka zuihna thu ahi zongin note in na thei uh hi. 15Ahih hangin ka nu gil sung panin hong teelkhia in, a hehpihna thupha tawh hong sam hi. 16Tua Pasian in, a Tapa Lungdamna Thu Gentailte kiangah hilh dingin, a deihna tawh kituak in, Tapa sungah a kilatsakna bangin ka silesa tawh ka vaihawm nawn kei hi. 17Tua ciangin sawltak a suak mite omna Jerusalem khua ah zong pai loin, Arabia gamah pai in khatvei Damaska khua ah ka ciah kik hi. 18Tua khit kum thum ciangin, Kefas tawh kimel theihna ding in Jerusalem khua ah pai in, amah tawh ni

GALATI 2 sawm leh ni nga ka om khawm hi. 19Amah leh Topa nau Jeim longal a dang sawltakte khat zong ka mu kei hi. 20Hi bang a note kong zaksakna in zuau thu ahi kei hi ci-in Pasian mai-ah ka kiciam hi. 21Tua khit ciangin Siria gam leh Kilkia gamah ka pai hi. 22Khris sungah a om Judah gam pawlpi mite in, ka meel a hong ciamteh kei uh hi. 23Amaute in: Eite hong bawlsia ngei pa hi a, ni dang lai in, a suksiat gawp upna thu tu in amah mah in a hilh hi ci-in a za ngei bek uh hi. 24Tua ahih manin keima hangin Pasian min a phat uh hi. 1:13 Sawl. 8:3; 22:4-5; 26:9-11; 14 Sawl. 22:3; 15-16 Sawl. 9:3-6; 22:6-10; 13:18; 18 Sawl. 9:26-30. Jerusalem ah vaihawmna Kum sawm leh kumli khit ciangin, Titus leh Barnabas tawh Jerusalem khua ah ka pai uh to uh hi. 2Pasian in thu hong piak bangin Gentailte kiangah pai in Lungdamna Thu ka hilh nate ka zasak hi. Ka sepna leh ka sepsa thute in a mawkna a suak lohna dingin a minthang mite kiangah ka gen sim hi. 3Ahih hangin, ka tonpih Titu in Grik mi ahih hangin vunat ding thu a pia kei uh hi. 4Khris hangin i ngah ahi suahtakna tawh kisai-in, encik in, eite sila hong suaksak nuam in hanciam uh a, khemna tawh note kong lutsakna dingun a simtham in note sanggam bangin a kibawl mite bangin, kote in zong ka hanciam uh hi. 5Thuman thu ahi, Lungdamna Thu in note sungah a kip theihna dingin, kote in tua mite thu mitphiat khat sung na ngawn ka ngai kei uh hi. 6Mi lian a kicite in, hun beisa in bangci mi hiam cih kei tawh kisai lo hi. Pasian in maitang zahtak a nei kei hi. 7Tua mite tawh kipawlin bang mah ngahlo bek hi loin, vunatna a thuak mite lakah Piter in sawltak a suahna dingin thupha a pia mi in, kei zong Gentailte lakah sawltak za ka ngah theihna dingin thupha hong pia hi. 8Vunatte tawh kipawl Lundamna Thu in Piter tung ah a kipiak mah bangin, vunat lohte tawh kipawl Lungdam Thu in ka tungah hong kipiak lam khuamte a kici Jeim, Kefas leh Johante in, ka tungah a om hehpihna thupha a theihuh ciangin, 9amaute in vunatte kiangah a paina ding uh leh kote in Gentailte kiangah ka paina dingun, amaute in Barnabas tawh a khut taklam uh hong

GALATI 3 pia uh hi. 10Amaute in mi zawngte bek ka veina dingun hong deihsak uh hi. Tua a hong deihsakna uh pen, hahkatna lungsim nei in ka sepna dingin ka hanciam hi. Paul in Piter a mawhsakna 11Tua khit ciangin Antiok khua ah Kefas hong tun ciangin a mawhna kan ding thu a om ahih manin, a maitangah kician takin ka mawhsak hi. 12Jeims kiang panin mi kimkhat hong tunma in, Gentailte tawh an a ne khawm hi. Tuate hong tun khituh ciangin, vunatte a kihtak manin nung kin a tuam om hi. 13A dang Judah Khistiante in zong amah tawh simtat khawm in, tua sim tatna pen Barnabas na ngawnin tuate a zui hi. 14A maute in Lungdamna Thu tawh kituak thuman thutak bangin tang takin a zuih lohuh ka muh ciangin, mi khempeuh mai-ah Kefas kiangah: Judah mi na hi napi in, Judah ngeina zui loin, Gentailte ngeina bangin na gamtat leh, Gentailte in Judah ngeina a zuihna dingin, bang hangin zawhthawh bawl na hi hiam? ka ci hi. 15Thukham zuihna tawh dikiksakna kingah loin, Jesu khris upna hang bek tawh dikkisakna kingah hi ci-in mawhna a nei Gentailte hi loin, i pianna panin Judah mite i hih lam i kithei hi. 16Tua ahih manin Thukham zuihna tawh dikkisakna ngah loin, Khris upna hang bek tawh dikkisakna a ngah eite in zong Jesu Khris thu i um zo hi. Bang hang hiam cihleh, Thukham zuihna hang tawh kuamah in dikkisakna a ngah kei ding hi. 17Khris sungah dikkisakna ngahna dingin a hatkat eite in zong mawhnei i hih lam a kilat leh, Khris in mawhna thu bawl ahi hiam? Tua bang hilo ding hi. 18Ka suksiatna khat ka lam kik leh a khial hi cih ka kilang sak hi. 19Thukham hangin Thukham sungah ka sihna leh, Pasian sungah ka nuntak theihna ding ahi hi. 20Singlamteh tung ah Khris tawh ka sih khop khit ciangin, keimah a nungta hi nawn loin, Khris in ka sungah a nungta ahi zaw hi. Tu lai tak a silesa tawh ka nuntakna in, hong itna hangin, nuntakna piapa Jesu Khris sungah upna tawh a nungta hi. 21Hehpihna a paaikhia ka hi kei a, Thukham hangin dikkisakna om thei hi zenzen leh, Jesu sihna in a mawkna ahi ding hi. 2:1 Sawl. 11:30; 15:2; 6 Thkna. 10:17; 16 La. 143:2; Rom. 3:20; 3:22.

184 Upna gah in dikisakna Pilna neilo Galiti mite aw, singlamteh tung ah sihna a thuak Jesu Khris thu teltak in kong lah khit ciangin, note kua in hong bum hiam? 2Thukham zuihna hang tawh Kha Siangtho ngah na hi uh hiam? ahih kei leh Upna hang tawh ngah na hi uh hiam? 3Hihzah ta in bang hangin hai na hi uh hiam? Kha Siangtho suangin na kipat khituh ciangin silesa tawh na ma uh na tun zo dinguh hiam? 4Hih bangin gimna na mot thuak uh hiam? A mawkna suaksak takpi ding na hi uh hiam? 5Thukham na zuihna hangun Kha Siangtho ngah in, note lakah na lamdang hong lak ahi hiam? Ahih kei leh upna hangin ngah na hi uh hiam? 6Lai Siangtho sungah: Abraham in Pasian um in, a upna hangin Pasian in midik in a ciamteh hi a ci hi. 7Tua ahih manin upna a neite in Abraham suan taktakte ahih lam na thei ta un. 8Gentaite dikkisakna in, Pasian a upna hangun, a kipsak hi ci-in Kha Siangtho in thei khol ahih man, Abraham kiang ah: Nangma hangin mi nam khempeuh in thupha a ngah dinguh hi ci-in Lundamna Thu na hilhkhol hi. 9Tua ahih manin upna a neite khempeuh in, Abraham tawh thupha a ngah khawm dinguh hi. 10Thukham tawh kipawl gamtatna a suang mi khempeuh in hamsiatna nuai ah a om uh hi. La Siangtho sungah: Thukham laibu sungah a kigelh thu khempeuh a zui tawntung lo mi khempeuh in hamsiatna a thuak uh hi ci-in a kigelh hi. 11Thuhkham zuihna hangin Pasian mai-ah khat beek in dikkisakna a ngah loh ding ahihna kician mahmah hi. Lai Siangtho sungah: Ka midik in upna tawh a nungta ding hi ci-in a kigelh hi. 12Thukham leh upna kisai lo hi. Bang hang hiam cihleh: Tua gamtatna bangin a gamta mite in, tua gamtatna hangin a nungta dinguh hi ci-in a kigelh hi. Tua ahih manin kua mahin Pasian maiah dikkisakna a ngah zo kei ding hi. 13Lai Siangtho sungah: Singkhuam tungah kikhaina a thuak khempeuh in hamsiatna a ngah hi ci-in a kigelh mah bangin, Khris in eite tang dingin hamsiatna a thuakna hangin, Thukham hamsiatna panin eite hong tankhia khin hi. 14Tu in Jesu Khris hangin. Abraham thupha in Gentailte tungah a tunna ding leh eite in upna hang tawh

185 Kha Siangtho tawh kipawl thuciamna i ngahna ding ahi hi. Thukham leh thuciam 15Ute naute aw, leitung mi bangin thu ka gen in, mite in zong kiciamna khat a bawl khit ciangin, kua mah in phiat theilo, behlap theilo leh a guanbeh thei kei hi. 16Thuciamna in Abraham leh a suan leh khakte tungah a koih khin hi. A suan a khakte ci-in mi tampi in ngaihsun in thu a pia kei hi. Na suan mi khat bek ci-in thu a pia zaw hi. Tua mi khat in Khris ahi hi. 17Ken kong cihin, Pasian in a kipsak ahi thuciamna kum zali leh kum sawmthum khit ciangin a piang kik Thukham in, tua thuciamna a mawkna suak ding in a paaikhia kei hi. 18Bang hang hiam cihleh, innluahna in thukham tawh kipawl ahih leh thuciamna tawh a kipawl kei hi. Ahih hangin Pasian in Abraham kiangah tua luahna a pia khin hi. 19Tua ahih ciangin Thukhamna in bang phattuamna pia ahi hiam? Thuciamna a ngah a suan leh khakte a hong pai matengin khialhna hangin a piak thuah hi. Tua thukham in vantung mite tung ah a kikham, mi khut tawh a kikoih ahi hi. 20A kikham mi in langkhat bek tawh kipawl a lo hi. Ahih hangin Pasian ahih leh khat bek ahi hi. Thukham a deihna 21Tua ahih ciangin Thukham in Pasian thukhamte lang khatah om ahi hiam? Tua bang hilo ding hi. Nuntakna a pia thei thukham a om leh tua thu hangin dikna a kingah zo takpi ding hi. 22Tua bang ahih leh, a um mite in Jesu Khris upna tawh kipawl kiciamna a ngahna dingun Lai Siangtho in na khempeuh mawhna sungah a khumcip hi. 23Upna thu hong tun ma in, eite in thukham nuai ah ukna thuakin om in, a nung ciangin hong kilang ding upna lamen in khumcipna thuak in i om hi. 24Tua ahih ciangin eite in upna hang tawh dikkisakna i ngahna dingin, Thukham in Khris kiang i tunna dingin hong cing a suak hi. 25Tu in ahih leh upna thu hong tung ahih manin, tua a hong cing ahi Thukham khut nuai ah i om nawn kei hi. 26Bang hang hiam cihleh, note khempeuh in Khris na upna hangun Pasian tate na hi uh hi. 27Tua ahih manin, Khris sungah baptaizna a ngah mi khempeuh in Khris a silhuh hi. 28Khris Jesu sung ah Judah mi, Grik mi, sila, siala lo,

GALATI 4 pasal, numei cih bangin a om nawn kei hi. Khris Jesu sungah na vekpi un pumkhat na hi uh hi. 29Note in Khris neihsa na hih uh leh. Abraham suan leh khakte hi-in, thuciamna bangin innluah mi na hi uh hi. 3:6 Pian. 15:6; Rom. 4:3; 7 Rom. 4:16; 8 Pian. 12:3; 10 Thkna. 27:26; 11 Heb. 2:4; 12 Siam. 18:5; 13 Thkna. 21:23; 16 Pian. 12:7; 17 Pai. 12:40; 18 Rom. 4:14; 29 Rom. 4:3. Khris in tapa ahihna Ken kong cihin, innluahpa in sum khempeuh a ukpa ahih hangin, a neu lai in sila tawh kilamdanna a nei kei hi. 2A pa thuciam hun a tun matengin amah in a cingte leh a kemte khutnuai ah a om hi. 3Tua mah bangin eite in i neu lai in, leitung thungekte khutnuai ah i om hi. 4A hun a cin ciangin, tapa za i ngahna dingin Thukham khut nuai ah a om silate gumkhia dingin numei gilsungah hong gai hi. 5Tua Thukham khutnuai ah a hong suak Tapa pen Pasian sawl ahi hi. 6Tua bangin tate na suak khituh ciangin: Abba, Pa aw hong cisak in, Kha Siangtho eite lungsung ah hong guansak dingin Pasian in a Tapa hong sawl hi. 7Tua ahih ciangin sila hi nawn loin, tapa na hita uh hi. Tapa na hih uh leh, Pasian hangin innluahpa zong na hi pahuh hi. 8Ahih hangin note in tua lai hun in Pasian thei loin omin, na suak uh pan kipanin mite sila in na om uh hi. 9Tu in ahih leh, Pasian a thei khinte bek hi loin, Pasian in note hong theih khit ciang in, thahat lo leh nopna hong pai theilo thungeek lamah, bang hangin kihei kik in, sila in om kik nuam na hi uh hiam? 10Note in nite, khate, hunte leh kumte na tang ta uh hi. 11Note adingin ka hahkatna in a mawkna hi ci-in, note thu hangin lunghimawh in ka om hi. 12Ute naute aw, note tawh a kibang ka hih manin, keima gamtat bangin na hih un ci-in kong thum hi. Ka tungah neukhat beek na khial kei uh hi. 13Ahih hangin, ka pumpi thanemna hangin khatvei lai in note kiangah Lungdamna Thu kong hilhna thu na thei uh hi. 14Note in haksatna na tuakna hangun ka pumpi gimnate hong pampaih loin, Pasian vantung mi bang leh Jesu Khris bangin nong saanguh hi. 15Tua bang ahih leh tua na lungdamna uh koi ah om ta ahi hiam? Na mittang nangawn uh piak theih hi leh nong pia

GALATI 5 khin dinguh hi ci-in note adingin teci ka pang hi. 16Tua ahih ciangin, thuman thutak note kiangah kong genna hangin note gal suak ka hi hiam? 17Tua mite in, a kilawm thu tawh hahkat in hong zoluh a, amaute na zonna un, a pua lamah hong koihna dinguh ahi hi. 18Ahih hangin a hoih lampi zonna in lungsim hoihna hi a, tua in note tawh ka omkhop hun sung bek ading ahi kei hi. 19Ka ta neute aw, Khris in note sungah kipin a om matengin, ama adingin nasem a suak kik den ka hi hi. 20Note tungah ka lungmang ahih manin, tu lai takin a om khawm hile hang ka kampau zia ka khel nuam hi. 21Thukham nuai ah a om nuam mite aw, note in thukham za lo na hi uh hiam? Ka kiangah hong gen un. 22Lai Siangtho sungah: Abraham in tapa nih a nei hi. Khat in sila numei tawh a ta hi a, a khat in sila lo numei tawh a ta ahi hi. 23Sila numei tawh a tapa in silesa ngeina bangin a suak hi a, sila ahi lo numei tawh a tapa ahih leh thuciamna hangin a suak hi. 24Tua thute ah gentehna ding thu a om hi. Tua numeite in thuciamna nihte ahi hi. Hagar ahi numei in Sinai Mual tung pan in hong piang sila suahna ding thu ahi hi. 25Hih Hagar in Arabia gam sungah a om Sinai mual hi a, amah in a tate tawh sila in om ahih manin, leitungah a om Jerusalem tawh kibang hi. 26Ahih hangin tunglam ah a om Jerusalem ahih leh, eite nu ahi, sila numei ahi kei hi.. 27Lai Siangtho sungah: Ta suak ngeilo a ciing numei aw, lungdam ta in. Nausuak gimna a thuak ngeilo numei aw, kiko in. Bang hang hiam cihleh, pasal a nei numeite sangin, a kipaaikhia numei in ta tam nei zaw hi ci-in a kigelh hi. 28Ute naute aw, eite in Isaak bangin thuciamna tawh kipawl tate i hi hi. 29Ahih hangin amah in tua hun in silesa tawh bawlsiatna a thuak mah bangin, tu in zong ahi hi. 30Ahih hangin, Lai Siangtho sungah: Sila numei in a tapa tawh kihawlkhia in, silanu tapa in sila lo nu tapa tawh innluah khawm theilo ding hi ci-in a kigen hi. 31Tua ahih ciangin ute naute aw, eite in sila numei ta hi loin, sila lo numei tate i hi hi. 4:5-7 Rom. 8:15-17; 22 Pian. 16:15; 21:2; 27 Isa. 54:1; 29 Pian. 21:9; 30 Pian. 21:10.

186 Kha Siangtho tawh nuntakna Khris in suahtakna i neihna dingin hong suakta sak hi. Tua ahih manin kip in om un. Sila suahna hakkol pua in, kikhih kik nawn kei un. 2En un. Keimah Paul in kong gen in, vunatna na thuak uh leh, Khris hangin bangmah phattuamna na ngah kei dinguh hi. 3Tua bang ahi takpi hi. Vunatna a thuak mi khempeuhte kiang ah teci ka pan kik nopna in, tua bang mite in Thukham khempeuh a zuihna dinguh leiba a nei uh hi. 4Thukham hangin dikkisakna a ngah nuam note in, Khris tawh kikhen in, a hehpihna panin na paikhia khin uh hi. 5Kote in ahih leh upna hang tawh dikna ngah ding ci-in lamenin Kha Siangtho hangin ngakin ka om uh hi. 6Bang hang hiam cihleh, vunatna ahi zongin vunat lohna ahi zongin Khris Jesu sungah phattuamna a om kei hi. Upna tawh nasepna ahi itna sung bekah phattuamna a om hi. 7Ni dang lai-in limtakin na tai uh hi. Thuman thutak na ngaihlohna dingun kua in hong khem ahi hiam? 8Hih khemna tawh zolna in note hong sampa tung panin piang ahi kei hi. 9Silngo tawm kha in an nel lom a vekpi in a tawk sak thei hi. 10Note in lungsim a tuam dang na nei kei dinguh hi ci-in Topa sungah note tawh kibangin upna ka nei takpi hi. Note hong khel bawlte khempeuh in mawhna dan a thuak ding hi. 11Ute naute aw, vunatna a hilh hi lengh bang hangin bawlsiatna thuak ding ka hi hiam? Tua bang ahih leh singlamteh tawh kipawl pukna in paihkhiatna a thuak khin hi. 12Note hong khialsak mite in amau leh amau kiget ta uh hen ka ci hi. 13Ute naute aw, note in suahtakna thu ngah dingin sapna a ngah mi na hih uh leh, na silesa nopsakna dingun tua suahtakna na zang kei un. Ki-itna tawh khat leh khat na a kisepsak mi na suak un. 14Note in: Na pumpi na it bangin na lawmte na it in a cih thukham na zuih uh leh, Thukham khempeuh a zui zo na suak dinguh hi. 15Ahih hangin, khat leh khat kipet in, na kinek uh leh, khat leh khat na kisiasak dinguh hi ci-in lunghimawh ka hih manin na kikem un. 16Kha Siangtho hangin na gamta un. Tua bangin na gamtat uh leh silesa deihna zui loin na om dinguh hi. 17Bang hang hiam cihleh silesa leh Kha Siangtho a kido hi. Tua ahih man in, na

187 gamtat nop bangun na gamtat theih lohna ding un tua nihte in a kilem kei uh hi. 18Kha Siangtho in note hong kha leh thukham nuai ah na om kei dinguh hi. 19Silesa gamtatnate in a kilang khin hi. Tua gamtatnate in: numei tawh mawhna, kihhuai gamtatna, lunggulh luat khialhna, 20milim biakna, mibumna, kitotna piansakna, kitotna, ki-elna, hehna, kiseelna, kikhenna, pawl khenna, 21deihgawhna, zukham luatna, pawi-khamna a kipan tua bang gamtatnate ahi uh hi. Tua bangin a gamta mite in Pasian Gam a luah kei dinguh hi ci-in ni dang lai in kong hilh ngei bangin tu in zong kong ci kik hi. 22Kha Siangtho gahin: kiitna, lungdamna, kilemna, lungduaina, mite hehpihna, gitna, diktatna, 23lungnemna, pumpi deihna khamnate ahi uh hi. Tua bang in a gamta mite thukham in a kham kei hi. 24Khris mite in a silesa deihna leh a lungngulhnate singlamteh tungah a kilhcip khin uh hi. 25Eite in Kha Siangtho hangin i nuntak leh, Kha Siangtho hangin gamta ni. 26Khat leh khat kibawlsiatna, khat leh khat kihazatnate tangin, a khiatna om lo minthanate lungulh in om kei ni. 5:9 1Kor. 5:6; 14 Siam. 19:18; 17 Rom. 1:15-23. Vangik kipuak pih ding Ute naute aw, mi khat kikem khial in mawhna ahih khak leh, Kha Siangtho a nei note in, tua mawhna hongzolna tawh na kipelhna dingun kikem in, tua bang mite lungnemna tawh na kem un. 2Van puak ding a om leh khat leh khat na kipuak pih in, Khris thukham na zui un, 3Mi khat in bang mah ahih loh hangin, ahi bangin a ki-up leh amah leh amah a kikhem ahi hi. 4Ahih hangin mi khempeuh in a sepna thu kidong ciat ta uh hen. Tua bang ahih leh mi dangte tungah hi loin, ama tung mahah kiphat theihna a om ding hi. 5Mi khempeuh in a vanciat uh a pua ding uh hi.

Efesa 1 6Pasian thu a sin sak mi in a sinpa tungah hoihna khempeuh hawm ta uh hen. 7Na ngaihsun khial kei un. Pasian in thudon lohnate mang ahi kei hi. Mi khatin a vawh mah bangin a at ding hi. 8A pumpi adingin a vawh mi in, silesa hangin muatna a at ding hi. Kha Siangtho hangin khaci a vawh mi in, Kha Siangtho hangin nuntak tawntungna a at ding hi. 9Eite in lungkia loin gamtat hoih tawh gamta ni. Tua bangin lungkia loin i om leh a hun a tun ciangin a gah i at ding hi. 10Tua ahih ciangin eite lampi hong honsakna tawh kituak in mi khempeuh tungah thupha bawl ni. A zaw deuh in upna i kibatpihte tung ah hahkat zaw kan ni. 11Ka khut tawh ka gelh laimal liante na en un. 12A pumpi uh minthanna ding a deih mite in, Khris singlamteh hangin thuak in, bawlsiatna tawh a kipelh nuam bekte in, note zawhthawh thu tawh hong zol uh hi. 13Tua bangin vunat mite in Thukham zuilo uh a, a pumpi uh kisathei nuam ahih manun, note vunat dingin hong deih uh hi. 14Kei ka hih leh, eite Topa Jesu Khris singlamteh longal kisaktheih pih ding a dang bang mah ka nei kei hi. Tua singlamteh in leitung tawh kei hong kikhen sak hi. 15Bangbang ahi zongin vunatna in phattuamna bangmah omlo hi. Vunat lohna in zong phattuamna a om tuan kei hi. Mi thak suahna bekah phattuamna a om hi. 16Hih thupiak a zui mi khempeuh tungah ahi zongin, Pasian Israel mi pawlte tungah ahi zongin nopna leh hehpihna om den ta hen. 17Tu pan kipan in kuamah in kei hong nawngkai sak nawn kei ta hen. Bang hang hiam cihleh, ka pumpi tungah Khris ciamtehna ka pua hi. 18Ute naute aw, i Topa Juesu Khris hepihna thupha note lungsim tawh om khawm den ta hen.

EFESA MITE KIANGAH PAUL LAIKHAK

Hopihna Pasian deihna hangin Khris Jesu sawltak ahi keimah Paul in Efesa khua ah a om mi siangthote leh Khris Jesu sung a midikte kiangah

thu kong zasak hi. 2Pa Pasian leh Topa Jesu Khris kiang pan hehpihna thupha leh nopna in note tungah hong om den ta hen.

EFESA 2 3Khris sungah a om vanlam kha thupha hong pia Topa Jesu Khris Pa Pasian in thupha ngah ta hen. Amah in lei pianma panin hong teel khin ahih manin, eite in a itna sungah sianthona leh mawhsakna om loin a mai-ah ding ni. 4A hehpihna dikna hang tawh Jesu Khris tungtawn in ta za hong suaksakna dingin na geelkhol khin hi. 5Tua Pasian in a it a Tapa hangin eite hong hehpihna leh vangliatna phate phat dingin, 6Note in vunatna hang hi loin, Jesu Khris hangin a tapa za i ngahna dingin hong deih in, hong hehpihna hangin, amah neihsa dingin a masa in hong koih khol hi. 7Pilna khempeuh leh phawk theih pilna khempeuh tawh kituak in, hong hehpihna hong kicing sak hi. 8Tua Jesu sisan hangin mawh maisakna ahi tatkhiatna thupha a kiang panin in i ngah hi. 9Pasian in a geelsa bangin sem a, Khris hangin a sep ding a geelsa thu thukte hong theisak hi. 10A hun a cin ciangin a sep dingin Pasian in a geelna vantung leh leitungah a om na khempeuh in gawmin Khris uk sak ding hi. 11Amah deihna tawh kipawl hanciamna bangin tanglai pek pan kipan in hong ciamtehsa bangin eite in tua Khris sungah luahna i ngah hi. 12Tua bangin a hihna in Khris hangin muanna a nei eite in a vangliatna a phate i suahna ding ah hi. 13Note in zong hong gupna tawh kipawl thuman thutak ahi Lungdamna thu ngai in, tua Khris na up khituh ciangin thuciamna tawh kipawl Kha Siangtho ciamtehna na ngah khin uh hi. 14Pasian neihsa leh Pasian vangliatna phat ding a deihna in, Kha Siangtho in eite luahna hong malep hi. 15Tua ahih ciangin note in Topa Jesu upna leh mi siangtho khempeuhte na ki-itna uh ka zak ciangin, 16Ka thungetna ah note hong mangngilh loin, Topa tungah tatsat loin thu ka ngen den hi. 17Tua bangin ka thungetna in, eite Topa Jesu Khris Pasian vangliatna Pa in a kha pilna leh a theihnate note hong piakna ding ahi hi. 18A hong sapna hangin lemetna thu thei in, a mi siangthote in a sungah luahna i ngah ahi min-thanna leh hauhnate na theihtheihna dingun, na lungtang mitte uh a vakna dingin thu ka ngen hi. 19Ama vangliatna leh hatna tawh a nasepna a um eite tungah a a hong piak vangliatnate lamdang in lian hi. 20Sihna panin Khris a thawhkik sakna tungtawn in hong piak khit ciangin, vanah

188 ama ziat lamah a tu hi. 21Na khempeuh tungah ukna, ana, vangliatna leh zawhna leh min khempeuh lakah a tawntung adingin min a pia hi. 22A khenuai ah na khempeuh koih in, pawlpi lu tangin koih a, 23Ama pumpi sungah na khempeuh kicing takin a om hi. 1:1 Sawl. 18:19-21; 19:1; 7 Kol. 1:14; 20 La. 10:1; 22 La. 8:6; 22-23 Kol. 1:18. Sihna pan nuntakna Note in na khialhna hangun a si khin na hi uh hi. 2Leitung ngeinate zui in, leitung a ukpa ana leh vangliatna ukna nuai ah a om ngei leh a tapa thu nialna lungsim na nei uh hi. 3Tua mite tawh eite khempeuh in zong ni dang lai-in silesa deihna lungsimte zui in, silesa deihna bangin gamta in i om a, mi dangte mah bangin, note lak ah zong silesa deihna zui in, tua kha in tu dongin nasem in, na ngaihsutna na silesa henna a thuak mi i hi hi. 4Ahih hangin hehpihna tawh a kidim Pasian in eite hong it lua ahih manin, mawhna sungah si in a om eite pen Khris tawh hong hing khawmsak khin hi. 5Note in hehpihna hang bek tawh gupna na ngahuh hi. 6Topa tawh hong tho khawm kiksak a, vangtung tawh kipawl omna ah Khris tawh hong tusak khawm hi. 7Khris hangin eite hong hehpih a, a kicing mah mah a hehpihna thupha a nung ciangin a kilatsakna ding ahi hi. 8Bang hang hiam cihleh, note in thu upna hang bek tawh gupna na ngah uh hi. Note ut thu-in a ngah na hi kei uh hi. Pasian letsong ahi hi. 9Kuamah a kisaktheih lohna ding in note gamtat pha hangin gupna ngah na hi kei uh hi. 10Bang hang hiam cihleh, eite in gamtat hoih i gamtat theihna dingin Khris Jesu sungah a piansak a bawl nate i hi hi. Tua gam-tatna pha i gamtatna dingin Pasian in tua gam-tatna pha na bawlkhol hi. 11Tua ahih ciangin silesa tawh a kibawl vunat a kici mite in, vunat loh a cihuh leh silesa panin Gentail mi ahi note in, 12Tua hun in Khris tawh kikhenin, Israel mi pawl hi loin kiciam a om thuciamnate tawh kisai loin, na omuh na ngaihsun un. 13Ni dang lai in gamlapi ah a om note in tu-in Khris sisan hangin Khris kiang na tung khin uh hi. 14Bang hang hiam cihleh Khris in gal kilemna ahi hi. 15Ngeina tawh kipawl Thukham

189 tawh kilemlohna a pumpi sung pan a paih khiat khit ciangin kikhenna ahi dalna kawm phelkhia in, mi nam nihte in nam khat bek a suak ta hi. Gal kilemsakna in a sungah tua pawl nihte pawl khat bek a suahna dingin bawlpha in, pawl khat bek suah khin ta hi. 16Khris singlamteh hangin kilemlohna that in, tua mi nam nihte nam khat bek suaksakna in Pasian tawh hong kilemsakna ding ahi hi. 17Amah hong kumsuk in, a gamla ah a om mite leh a nai ah a om mite kiangah gal kilemna lungdamna Thu a hilh hi. 18Tua ahih manin, Khris hangin pawl nih ahi eite in Kha Siangtho khat tawh Pa kiangah nai in, lut theihna ding thu i ngah hi. 19Tua ahih manin note in tu a kipan in namdang leh khual mi zong na hi nawn kei uh a, mi siangthote tawh gam mi khat hi-in Pasian innkuanpihte na hi ta uh hi. 20Tua thu in, sawltakte a kipan kamsangte in a phuhsa uh khuam tungah note in zomin a kilam mi na hi uh hi. Khris in tua innkiu nuai suang ahi hi. 21Tua suang leh inn khempeuh kizom in khang a, Topa sungah a siangtho biakinnpi ahi hi. 22Note in zong Topa sungah Pasian tenna inn na suah theihna dingun a kilam na hi uh hi. 2:1-5 Kol. 1:13; 15 Kol. 2:14; 16 Kol. 1:20; 17 Isa. 57:19. Paul nasepna Tua thu hangin na phattuamna dinguh ngaihsun in, kei a hong piak Pasian hehpihna thupha note in na zakuh leh, 2Gentail mi ahi note hangin Khris Jesu tawh thongkia keimah Paul in, 3ni dang lai in, thu tawm ka gelh mah bangin, Pasian thupiak kholhna hangin thuhthuk kong kilangsak hi. 4Tua thute pen na simuh ciangin, Khris thuthuk ka theihte note in zong na thei dinguh hi. 5Tua thuthukte in a siangtho sawltakte leh Pasian kamsangte kiangah, Kha Siangtho hangin a kilat mah bangin, tang lai in mihingte tungah a kilang ngei kei hi. 6Tua thuthuk in, Gentailte in in Lungdamna Thu hangin Judah mite tawh luahkhopna ngah in, pumpi khat nate suak khawm uh a, Khris tawh kipawl thuciamna ah a kizom khawm mi a suak uh hi. 7A vangliatna hangin bawlphatna a om bangin Pasian in a hehpihna hong piak ka ngah hi. 8Tua mah bangin tua Lungdam Thu Gentailte kiangah hilh ding ahi zongin, na khempeuh a bawl Pasian

EFESA 4 sungah tang tawng panin a kisel cip thuthuk tawh a kipawl thu in, 9bangci bang ahi hiam ci-in mi khempeuh theihsakna dingin, mi siangtho a neu pen sangin a neu zaw ahi keima tungah hehpihna thupha hong pia khin hi. 10Tua ahih ciangin i Topa Khris Jesu hangin hanciam den in vanah a om ukna leh vangliatnate kiangah pawlpi tawh, 11a lamdang Pasian lungpilna a kitheihna ding ahi hi. 12Tua Topa Jesu upna hang tawh eite lungkim in, lau lohna lungsim nei in, tum theihna i ngah hi. 13Tua ahih ciangin note in minthanna bawl in, note adingin ka thuak gimna hangin lungkia kei un ci-in kong thum hi. 14Tua ahih ciangin van leh lei ah a om mi khempeuh a min a pia mi 15Pa mai-ah khukdin in thungen in ka om hi. 16Ka thu ngetna in, Topa in a Kha Siangtho hangin note sungah a om mi in, hatna tawh kip tawntung in, 17upna hangin Khris note lungsim sungah a omna ding vangliatna tawh a kidim mah bangin note hong pia in, ki-itna ah zungkha in khuam zong kiphut kip khin in, 18mi siangthote tawh a dung a vai, a sang a niam-te khen in na theih khopna dinguh ahi zongin, 19Na pilna uh tawh na theihzawh lohte uh Khris itna na theih telna dingun note in hih thei in, Pasian kicinna a om khempeuh tawh na kidimna ding un thu ka ngen hi. 20Eite tungah vangliatna hong bawl bangmah in, i nget i ngaihsut sangin a hih thei zaw Pasian tung leh pawlpi sungah ahi zongin, 21Jesu Khris sungah ahi zongin a tawntung in vangliatna om den ta hen. Amen 3:4-6 Kol. 1:26-27. Kha Siangtho sungah pumkhat suahna Tua ahih ciangin a hong sapna thupha na ngahna uh tawh kituak in, na zuihna dingun, Topa hangin thongkia keimah in hong hansuah in kong zol hi. 2Na khempeuh ah kiniamsakna, lungnemna, lungduaina tawh kidim in, ki-itna lungsim tawh khat leh khat na kithuak un. 3Kilemna tawh kipawlna leh kikhopna ah note in Kha Siangtho hangin na ngahuh pum khat bek i hihna na zuihna dingun na hahkat un. 4Note hong sapna ah lametna khat bek hangin hong koih ahih manin, pumpi khat leh Kha Sianngtho khat bek a om hi. 5Topa khat bek, Upna khat

EFESA 5 bek. Baptaizna khat bek. 6Mi khempeuh tungah a om, mi khempeuh lakah a kizeel, mi khempeuh sungah a om, mi khempeuh Pa ahi Pasian khat bek a om hi. 7Ahih hangin Khris hong hawmsak mah bangin i vekpi in a hehpihna i ngah ciat hi. Lai Siangtho sungah: A sangna munah a kahtoh khit ciangin, mi tampi manin paipih a, mite kiangah lungdamna a pia hi ci-in a kigelh hi. 9Amah a kahto a cih ciangin, leinuai ah a kumsuk thu ngaihsun in a gen hilo ahi hiam? 10A kumsuk mi in mi dang ahi kei hi. Na khempeuh kicinsakna dingin van dawn khengin a kahto mi ahi hi. 11Khris in silesa lam panin sepna ding leh mi siangtho kipsakna ding ahi zongin, 12amah in mi kimkhat sawltak za, kamsang za, thuhilh za leh laihilh za-te a koih hi. 13Tua ahih manin eite khempeuh in thu upna leh Pasian Tapa theihtelna ah a kibangin ngah in, Khris kicinna lim ahi a khangcing mite i suahna dingin i piang hi. 14Bang hang hiam cihleh, mi dangte in mawhna lamah zolna dingin, zuau thu gen uh ahih manun, eite in a nung ciangin thuhilhna khempeuh ah a hawi kawikawi nau-pang i bat lohna dingin, 15ki-itna lungsim tawh thuman thutak gen in, i lutang ahi Khris kicinna dongin, na khempeuh ah i khanna ding ahi hi. 16Tua lutang panin guh leh taangte thahatna ngah in a pumpi khempeuh kizom kimat in, na khempeuh in a sep ciat dinguh a sep mah bang un, itna tawh a pumpi i lamna dingin hong khangsak hi. 17Tua ahih ciangin Gentailte in a lungsim kiphatsakna uh tawh a gamtat bangin note in na gamtat not lohna dingun, Topa deihna tawh kituak in thumin kong hansuah hi, 18Tua mite in lungkhauh uh a, neukha beek thei lo ahih manun pilna khuavak kiliah in, Pasian nuntakna tawh a kikhen uh hi. 19Amaute in maizumna mel theilo uh a, a deihgawhna uh a lianlua a hih man in kihuai gamtatna nam khempeuh tawh kidim in, a pumpi uh a lunggulhna khat peuh sungah a pia uh hi. 20Ahih hangin tua bangin kipiakna dingin Khris thu na sin kei uh hi. 21Ni dang lai in na gamatatna uh a hong khem thei, huaihamna lungsim hangin a muat thei mi lui suah khia in, 22lungsim thak ka ngah khituh ciangin, thuman thutak tawh kipawl dikna leh sianthona hang in,

190 tawh a kibangin a kibawl mi thak na silhna dingun, 24Jesu Khris thu za in, na zuih uh ciangin, Jesu sungah thuman thutak a om mah bangin, tua Topa kiangah thu na sin un. 25Tua ahih manin zuau thu paikhia un la, thuman thutak khat leh khat na kikum un. Eite in pumpi tungah na khat ciat i hi hi. 26Hehna tawh khialhna na piang sak kei un. Na hehna uh ni na tumsak kei un. 27Dawimangpa hun na pia kei un. 28Ni dang lai a guta mi in, gu nawn loin, kisapna a neite na hawmin, na piak zawhna dingun a khut tawh nasep hoih semin hahkat hen. 29Na kamsung panun kammal hoihlo khat beek na pusuak sak kei un. A zo mite phattuamna a piang sak ding, a kisapna thu ah kipsakna dingin kammal hoihte na zang un. 30Tatna Ni a hong tun dongin note hong ciamtehna ahi Pasian Kha Siangtho na daksak kei un. 31Kimuhdah theihna khempeuh, heh theihna khempeuh, thangpaih theihna khempeuh, hansan theihna khempeuh, midai theihna ding gensiatna khempeuh, hazatna theihna khempeuh-te note kiang panin na paikhia un. 32Khat leh khat na kihehpih un la, thupha na kibawl un. Khris hangin Pasian in na mawhna uh hong maisak mah bangin khat leh khat na mawhna uh na kimaisak un. 4:2 Kol. 3:12-13; 8 La. 68:18; 16 Kol. 2:19; 22 Kol. 3:9; 24 Kol. 3:10; Pian. 1:26; 25 Zek. 8:16; 26 La. 4:4; 32 Kol. 3:13.
23Pasian

Pasian palai hihna Tua ahih ciangin note in Pasian it tate na hih uh bangin, Pasian gamtat bangin na gamta un. 2Khris in note hong itna hangin Pasian maiah namtui in i omna dingin a pumpi kipia in kibia in, eite adingin a kipaih mah bangin note in itna tawh na gamta un. 3Numei tawh khialhna, kihhuai lungulhna, huaihamna namcin, mi siangthote in tan dingin kilawm ahih manin, kampau na ngawn tawh na kizom kei un. 4A kilawmlo a kihhuai kam, mawkna kam, mawhna kamsiamte zong paikhia un. 5Bang hang hiam cihleh, numei tawh a khial mi, a kihhuai mi, milim mi leh a huaiham-te khat beek in Khris leh Pasian Gam sungah luahna a ngah ngei kei dinguh hi ci-in i thei hi. 6Khiatna neilo kamte tawh na kikhem sak kei un. Tuate hangin Pasian hehna in a nial thei mite tungah a

191 tung hi. 7Tua ahih ciangin amaute tawh na gamta khawm kei un. 8Ni dang lai in note in khuamial tate na hih uh a, tu in ahih leh Topa sungah khuavak tate na hi uh hi. Tua ahih manin khuavak tate bangin na gamta un. 9Khuavak gah in a hoih na khempeuh, dikna khempeuh leh thuman thutak ahi hi. 10Pasian deihna in bang ahi hiam ci-in a kan hi. 11A gah neilo in khuamial gamtatna tawh na kipawl kei un la, tua gamtatnate in mawhna a hihna na lak zaw un. 12Amaute in a simtham in a gamtatnate uh gen khiat ding na ngawn a zumhuai hi. 13A om na khempeuh in mawhna ahihna a kilat ciangin khuavakna in a kilang sak hi. 14Tua ahih ciangin: A ihmu mi aw, khanglo in la, sihna panin thokik in! Tua bang ahih leh, na tungah Khris hong taang ding hi a ci hi. 15Tua ahih ciangin note bangci bangin gamta na hi uh hiam cih na kikem un. Pilna a nei lo bang hi loin, pilna a nei mah bangin na hih un. 16Tu hun in hun gilo ahih manin hun na teel siam un. 17Tua ahih manin mihai suak loin, Topa deihna in bang ahi hiam ci-in na thei un. 18Hong khamsak lua thei leenggahzu tangin, Kha Siangtho tawh kidim in na om un. 19Late a kipan biakna la leh phatna la a pawlpawlte tawh khat leh khat na kikum un la, na lungsim takpi uh tawh Topa mai-ah la na sa un. 20Na khempeuh ah a hong hehpihna lian hi ci-in i Topa Jesu min suangin Pasian tungah lungdamna na puak tawntung un. 21Khris zahtakna hangin, khat leh khat kikalah na pumpi uh na kiniam sak un. Pawlpi leh Khris 22Zite aw, Topa ukna na man mah bangun na pasalte uh ukna zong na mangun. 23Bang hang hiam cihleh, Khris in pawlpi lutang ahih mah bangin pasal in zong zite lutang ahi hi. Khris in ama pumpi a honpa ahi hi. 24Pawlpi in Khris ukna a man bangin zite in zong a pasal ukna khempeuh mang ta uh hen. 25Pasalte aw, Khris in pawlpi a it mah bangin na zite uh na it un. 26Pawlpi in siangtho ahih manin mawhsakna ding omlo hi. 27Tua ahih manin, nin a banglo, satonna om lo, a mel et lawm pawlpi, Khris a mah kipiakna dingin, Pasian thu leh tui ah a sil siang khit ciangin, a siangthosakna dingin pawlpi adingin a pumpi a pia hi. 28Tua mah bangin pa-

EFESA 6 salte in zong, a pumpi a ki-it bangun, a zite a it tuak hi. A zi a it mi in, a pumpi a it mi ahi hi. 29Bang hang hiam cihleh, amah leh amah a kimudah mi khat beek a om kei hi. Khris in pawlpi vakin a kep mah bangin, mihingte in zong a ma pumpi vakin a kem hi. 30Eite in Topa pumpi tungah a om nate i hi hi. 31Tua a hih manin pasalin a nu leh a pa nusia in a zi a beel ding a, tua mi nih in pum khat a suak dinguh hi. 32Hih thu in thuthukpi ahi hi. Tua bang ka cih ciangin Khris leh pawlpi ngaihsun in ka gen hi. 33Note in zong na pumpi uh na it ciat mah bangun, na zite uh na it un. Numeite in zong a pasalte zahtakta uh hen. 5:2 Pai. 29:18; La. 40:6; 16 Kol. 4:5; 19-20 Kol. 3:16-17; 22 Kol. 3:18; 1Pi. 3:1; 25 Kol. 3:19; 1Pi. 3:7; 31 Pian. 2:24. Innkuan sung kizopna Tanute tapate aw, Topa deihna bangin na nu leh pate thu na mang un. Hih gamtatna in thuman gamtatna ahi hi. 2Nangmah in nuamsa in leitungah na nuntakna a sau theihna dingin na nu leh pate na zahtak in a cihna thu in, 3thuciamna tawh kipawl thukham masa pen ahi hi. 4Pate aw, na tapate leh na tanute hehna ding na bawl kei un. Pasian deihna tawh kituak in tai in, hilh un la, vaak un. Silate leh tote 5Silate aw, Khris thu na ngaihuh mah bangin launa tawh kihta in, liing in, lungka loin silesa ngeina bangin na tote uh thu na mang un. 6Mite lungnemsak mi bangin, amaute mai bekah mang loin, Khris sila bangin lungkim in, Pasian deihna tawh kituak in mite nasem bang bek hi loin, 7Topa nasem bangin itna lungsim tawh na na sem un. 8Thuhoih bawl in, gamtatna in sila leh sila lo hi loin, Topa khut sung panin nopna a ngahna dinguh na thei ta un. 9Tote aw, tawnna om loin, na silate uh tungah tua bangin na bawl un. Note leh amaute Topa in vanah om a, amah in kuamah maitang zahtak a neih loh lam na thei ta un. Pasian galhiam 10A khak belin, Topa leh a vangliatna sungah thahat in om un. 11Dawimangpa khemna na nan zawhna dingn Pasian galhiam khempeuh na silh un. 12Eite in silesa tawh a kido i hi kei hi. A sang

FILIPI 1 pente, ukna neite, vangliatna, leitung tawh kipawl khuamial ukte leh vantung ah a om a gilo khate tawh i kido hi. 13Tua ahih manin haksatna leh gitlohna namcin hong tun ciangin a kisam galvan khempeuh manin na do zawhna dingun Pasian galhiam khempeuh na silh un. 14Tua ahih ciangin thuman thutak kawnggak gakun la, dikna awmdal na bulh un. 15Kilemna tawh kipawl Lungdamna Thu a kipan kisak kholhna khedap bulh in na do un. 16Dawimangpa hong kapna mei thaltangdal zawhna dingin upna lum tawi in, galhiam khempeuh na silh un. 17Gupna siklukhu na khu un la, Pasian thu ahi Kha Siangtho tem na tawi un. 18Thungetna a pawlpawlte, thumna a pawlpawlte, Kha Siangtho tawh a tawntungin thu na ngen un. Tua bang thungetna ah thakiam loin, mi siangtho khempeuh adingin, thu ngetsak in na om un. 19Tua tham loin kol bulhna thuak in Lungdamna thuthuk hangin sawltak na ka sem

192 hi. 20Tua ahih ciangin tua thu a thukna hilhna dingin lau loin, ka kam ka hon theihna dingin, kei adingin thu na get sak un. Tawpna hopihna 21Note in ka tunga thupiang khempeuh na theihna dingun Topa sungah lungsim nei a, sawltak na a sem Tikhikas in note kiangah thu a vekpi in hong gen ding hi. 22Note in ka thu uh na theihna dinguh leh, amah in note hong hehnepna dingin note kiangah kong sawl hi. 23I Pa Pasian leh Topa Jesu Khris kiang pan ki-itna in upna leh nopna tawh sanggamte khempeuh tungah om ta hen. 24A kisia lo itna tawh i Topa Jesu Khris in mi khempeuh tungah hehpihna thupha om ta hen. 6:1 Kol. 3:20; 2-3 Pai. 20:12; Thkna. 5:16; 4 Kol. 3:21; 5-8 Isa. 52:7; 17 Isa. 59:17; 21 Sawl. 20:4; 2Tim. 4:12; 21-22 Kol. 4:7-8.

FILIPI MITE KIANGAH SAWLTAK PAUL LAIKHAK

Hopihna Khris sila ahi Paul leh Timoti in Filippi pawlpi siate leh upate a kipan Khris Jesu sungah kipin a om mi siangtho khempeuhte tungah thu kong zasakuh hi. 2I Pa Pasian leh Topa Jesu Khris kiang panin hehpihna thupha leh nopna in note tungah om ta hen. 3Thu ka nget ciangin lungdamna tawh note khempeuh adingin ka ngen den hi. 4Note kong ngaihsut ciangin, a kipat pan kipan tu dongin, 5Lungdamna Thu khansakna ah kipawl khawm in na hahkatna thu uh ka ngaihsut ciangin, Pasian hehpihna ka phat hi. 6Tua bangin ka phatna in, hih a pha nasepna hong patpitpa in Jesu Khris Ni dongin hong huh in, hong gualzawhpih ding hi ci-in ka lung a kim hi. 7Note khempeuh a dingin tua bang lungsim ka neih ding a kilawm hi. Bang hang hiam cihleh, note khempeuh in kei tawh thupha ngah khawmin, ka thongkiatna, Lungdamna Thu hutna leh kipsakna ah ahi zongin hong huh na hih manun, tua thu hangin note kong ngaihsun hi. 8Khris Jesu hehpihna hangin kong itna kong ngaihna thu ah

Pasian in ka teci ahi hi. 9Note in a hoih a pha na theihna dingun, theihtheihna namcin hangin na ki-itna uh khangin, 10a kicin na ding ahi zongin Pasian vangliatna ding leh phatna dingin, Jesu Khris hangin dikna gah tawh kidim in, 11Khris Ni dongin lungsim sianthona leh gen bang loin na omna dingun thu kong nget sak hi. Ka nuntakna in Khris neihsa 12Ute naute aw, ka tungah a hong tung nate in Lundamna Thu kham zaw loin, khangsak zaw hi ci-in na theihna dingun ka deih hi. 13Tua ahih manin ka thongkiatna in Khris hang hi cih kumpipa a vil galkap khempeuh leh mi dangte lakah a kithei khin hi. 14Topa sungah a om sang-gamte lak panin, a tampite in ka thuak khaukhihna hang in upna sungah lungkim in, lau loin, Pasian thu hilhna ah a hangsan semsem uh hi. 15Mi kimkhat in ki-enna leh kitotna lungsim tawh thu a hilh uh hi. 16Lungdamna Thu hu ding in hong kikoih ahihna thu kimkhat in thei in, kiitna lungsim tawh thu a hilh uh hi. 17Kimkhat ahih uh leh lungsim siangtho neilo uh a, kihenna ka thuakna pen hong gimsak behlap nuam in,

193 hanciam uh a, kitotna lungsim tawh Khris thu a hilh uh hi. 18Tua bang thu bangci bang hiam? Khemna ahi zongin, dikna tawh ahi zongin Khris thu a hilh uh hi. Tua ahih ciangin ka lungdam a, tu nung ciangin zong ka lung a dam lai ding hi. 19Bang hang hiam cihleh, maizumna nei loin, lau loin, Khris minthanna ka kilat sak den mah bangin, tu in zong ka hing ahi zongin, ka si ahi zongin kilang takpi ding hi ci-in nakpi takin ka lamen hi. 20Tua mah bangin, note thungetna hang leh Jesu Khris Kha Siangtho hang ahi zong in, ka gimna in keimah hong gupna hi ci-in ka thei hi. 21Ka nungtakna in Khris neihsa ahi hi. Si lengh a hoih zaw ding hi. 22Ahih hangin ka pumpi sungah nungta in, tua nuntakna in sepna gah a piansakna ding ahih leh ka teel zaw ding hi ci-in ka thei hi. 23Thu nih kikal ah cihna ding mel thei loin ka om hi. Kei adingin phazaw tham ding hi cih ngaihsutna tawh, pai-in Khris tawh om khop ding ka lunggulh hi. 24Ahih hangin ka pumpi tawh om lengh note adingin a pha zaw ding hi. 25Tua bangin ka om ding ki-um ka hih manin, note kiangah khatvei kong pai theih lai ding hi. 26Tua bang hi leh keima hangin note in Khris Jesu sungah lungdamin na kisaktheihna zawkna ding uh ahih banah, upna sungah khangin na lungdamna dingun, keimah in ka pumpi tawh om in, note khempeuh tawh om khopna ding thu ka ngah ding hi ci-in ka thei hi. 27Note in galte hangin lau loin, lungsim kha khat sungah kip in, Lungdamna Thu tawh kipawl upna adingin lungsim kituak in na hahkatna uh, kong tun ciangin kimu in ahi zongin, kikhen in na om uh ka zak theihna dingin Khris Lungdamna Thu tawh a kilawm a kituakin na gamtatna ding un na hamciam un. 28Tua bangin galte hangin lauh lohna in, amaute kisiatna ding lim a hi hi. Note a dingin ahih leh Pasian geelna bangin gupna na ngahna dinguh lim ahi hi. 29Note in ni dang lai in na muhsa uh leh, tu lai takin na zakuh bangin note in zong na thuak uh hi. 30Tua ahih ciangin Khris upna bekah hi loin, gimna zong thuakna dingin thu na ngah uh hi. 1:1 Sawl. 16:12; 13 Sawl. 28:30; 30 Sawl. 16:19-40. Khris tawh kibang nuntakna Tua ahih ciangin Khris sungah hansuahna, itna tawh kipawl lungnopna, 2Kha Siangtho

FILIPI 2 tawh kiho theihna leh hehpihna hangin dikkisakna khat peuh a om leh khat leh khat ki-it ciat in, khat leh khat lungsim kikhen loin hanciamna kibangin, lungsim kikhat in na omna uh tawh ka lungdamna na kicing sak un. 3Huaihamna lungsim, khiatna neilo minthanna nopna lungsim neihna hang tawh bang mah na hih kei un. Note sangin mi dangte a phazaw hi ci-in lungsim kiniamkhiatna tawh khat leh khat na kidon un. 4Aituam phattuamna bek ngaihsun loin, mi dangte noptuamna dingin khat leh khat kikhual in na kidon un. 5Khris Jesu sungah a om lungsim in note sungah om ta hen: 6Amah in Pasian lim leh meel tawh dimin om napi-in, Pasian tawh kibatnate ka khah kei ding hi ci loin, 7A minthanna paai in sila lim la-in, mi tawh kibatna a suak hi. 8Tua bang lim tawh dimin kimu a, sihna a thuak bek tham loin, singlamteh tungah sih dongin, thungai in a pumpi a kiniam sak hi.9Tua ahih ciangin Pasian in amah pahtawi in. min khempeuh sangin a lian zaw min a pia hi. 10Bang hang hiam na cih uh leh, Vantung, leitung leh leinuai ah a om mi khempeuh in Jesu min hangin khukdin dinguh hi. 11Tua khit ciangin: Pa Pasian vangliatna a kilatna ding in: Jesu in Topa hi ci-in leii khempeuh in a mang ding uh hi. Khuavak bangin taanna 12Ka itte aw, note in thu na ngaih tawntung mah bangun, ka maitang bekah hi loin, ka muh lohna ah zong thu ngai in, launa liinna lungsim tawh na pumpi na gupna dingun na hah kat zaw kan uh hi. 13Pasian in, a deihna bangin nasep nopna dinguh leh na sep theihna ding un note sung ah hong piangsak ding hi. 14Note in na bawlna khempeuh uh thum lo, tau lo leh kinial loin na hih un. 15Tua bangin na hih uh leh mawhsakna ding leh kuama tungah khialhna om loin, lungsimkawi in a kisia mi pawlte lakah mawhna neukha beek nei loin Pasian tate na suak dinguh hi. Nuntakna tawh kipawl thu hilh in, leitung khuavaknate bangin tua mi pawlte lakah na taang un. 16Tua bang ahih kei leh, keimah in a mawkna in tai in, a mawkna in hahkat ka hi kei hi

FILIPI 3 ci-in Khris Ni ciangin lungdam kisathei in ka om ding hi. 17Tua tham loin, na piakuh biakna, na upna uh biakna tungah kipiakna ka thuak leh nuam in note khempeuh tawh ka lung a dam khawm hi. 18Tua mah bangin note in zong nuam un la, kei tawh hong lungdam khawm un. Timoti leh Epafradites 19Ka lungnopna a phattuamna ding leh note thu ka theihna dingin note kiangah Timoti kong sawl ding hi ci-in Jesu sung ah ka lemen hi. 20Amah in note phattuamna ding a pha lungsim a neih mah bangin, tua bang a nei khat beek ka kiangah a om kei uh hi. 21Amaute in Jesu phattuamna ding zong loin, amaute phattuamna ding bek a zong uh hi. 22Ahih hangin a pa tawh na a sem khawm mah bangin Timoti in kei tawh Lungdamna Thu khansakna ah na a sem khawm hi ci-in teci thute na thei ta un. 23Ka tungah thu piangte ka theih khit ciangin, a manlang in note kiangah kong sawl ding hi ci-in lamen in ka om hi. 24Ahih hangin, keimah teek note kiangah a manlang in kong pai ding hi ci-in Topa sungah ka um hi. 25Ka nasepna leh galdona ah keimah hong vaak leh hong khoi mi ahi, note sawltak ka nau Epafraditas pen tu in note kiangah sawl dingin kilawm ka sa kei hi. 26Bang hang hiam cihleh, a cinatna na zakuh ciangin, amah in note hong ngai in, nakpi in a lungleengin a om hi. 27Amah in si dektak in a gim mahmah hi. Ahih hangin Pasian in amah a hehpih bek hi loin, ka dahna zong a kibehlap sawnsawn lohna dingin kei zong hong hehpih hi. 28Tua ahih ciangin note in amah na muh uh ciangin na lungdamna dinguh leh ka dahna in zong a kiamtuamna dingin note kiang ah kong hah sawl hi. 29Tua ahih ciangin Topa sungah lungdamna tawh amah na tungsak un la, tua bang mite na zahtak un. 30Bang hang hiam cihleh, note in nong vakna uh leh nong khoina uh a kicinglote amah in hong kicingsak dingin, Khris adingin a nuntakna paai in sihna tawh a kinai khin hi. 2:10-11 Isa. 45:23; 15 Thkna. 32:5. A thuman nuntakna A khakbel thu ah, kong it sanggamte aw, Topa sungah na lungdam ta un. Note bitna ding ahih manin, hih lai kong gelhna hangin ka

194 gim kei hi. 2Uite leh gitloh gamtatna hoih lo mite na peel un la, vunatna a thuak mi zong na peel un. 3Bang hang hiam cihleh, Kha Siangtho hangin bia in, i pumpi muang loin Khris hangin lungdamna leh kisaktheihna bek a nei eite in vun a ki-at takpite i hi hi. 4Ahih hangin kei ka hih leh, silesa ah zong suan ding ka nei hi. Mi dang khat peuh in silesa hangin kisuan ding nei ing ci-in a ki-up leh ken ka nei zaw kan hi. 5Ni giat ni-in vunatna ka thuak a, Isreal mipawl Benjamin suan ka hi hi. Hebru mi panin a piang Hebru mi taktak ka hi hi. Thukham lam panin cile hang Farisai mi taktak ka hi hi. 6Lungsim khauhna lam panin silesa hangin pawlpi a bawlsiapa ka hi hi. 7Ahih hangin kei ading na khempeuh phattuamna hong pia ahi Khris a dingin supna hi ci-in ka ngaihsun hi. 8Tua bek hi loin Khris Jesu ka Topa ka theih telna dingin na khempeuh supna hi ci-in ka ngaihsun hi. 9Topa hangin na khempeuh ka tang zo hi. Sihna pan a thawh-kikna thu ka ngah theihna dingin Topa in a thuak sihna sung ah ka tum hi. 10Tua ahih manin, tua Topa ahi zongin a gimna thuakna zomin thuakna ahi zongin, theihtelna dingin, thukham hangin ka ngah dikna om loin, Khris upna hang tawh Pasian in a hong piak dikna a om hi. 11Khris a meet in ngah in, tua Topa ah kipak in ka om zawhna ding in na dang khempeuhte a mawkna hi ci-in ka ngaihsun hi. 12Tua bang ka cih ciangin ka ngah zo hi cih leh ka tum khin hi a ci nuam ka hi kei hi. Ahih hangin noptuamna piak dingin Khris Jesu in hong manin, tua noptuamna ka let khakna dingin zui-in ka delh hi. 13Ute naute aw, tua noptuamna kip let khin ingh ka cih loh hangin, ka nasepna khatin ka nungah a om nate hong ngaihsun sak loin, ka mai lamah a om nate hong zam sak hi. 14Jesu Khris sungah Pasian in tung lam panin hong sapna tawh kipawl lungdamna ka ngahna dingin, kidem in, kung dongin hahkat in ka tai hi. 15Tua ahih ciangin a kicing eite khempeuh in tua bangin lungsim nei ciat ni. Na khat peuhah na ngaihsutna uh a kibat kei leh Pasian in tua na hong lak ding hi. 16Ahih hangin i phak zawh zahzah in lam khat bek zui ni. 17Ute naute aw, ka gamtatna tawh kituak in na gamta un. Note ka hong piakuh lim tawh kituak

195 in a gamta mite zong na ciamteh un. 18Khris singlamteh gal in do in, a gamta mi zong tampi om ahih manin, tamveipi kong gen khol a, tu in zong khitui luang kawmin ka hong gen kik lailai hi. 19Tua mite in kisiatna mun a tung dinguh hi. Amaute pasian in a gilpi uh hi-in, leitung nate a lungulh uh hi. 20Eite i hih leh van gam tawh a kipawlte i hi hi. Tua gam panin Honpa ahi Topa Jesu Khris hong paisuk kik ding hi ci-in ngak in, lamen in i om hi. 21Topa in na khempeuh a nuai ah khia thei a, bawlphatna hangin eite kiniamsakna ahi hih i pumpi in, minthanna pumpi a suaksakna dingin hong kikheel sak ding hi. 3:5 Rom. 11:1; Sawl. 23:6; 26:5; 6 Sawl. 8:3; 22:4; 26:9-11; 17 1Kor. 4:16; 11:1. Kicinna ngaihsutna Tua ahih ciangin ka lungnopna leh ka kisaktheihna lukhu, ka it kong ngaih sangmte aw, tua bangin Topa sungah kip in na om un. Ka itte aw! 2Euodia leh Sintikhe in Topa sungah a lung kituakna dingun ka thum hi. 3Lawm naseppih taktak aw, tua numeite huh dingin kong thum hi. Bang hang hiam cihleh, tuate in kei leh Klement a kipan nuntakna laibu sungah a min kikhum a dang ka naseppihte tawh Lungdamna Thu ka hilh khopna uah hong huh in, a hahkat mi ahi uh hi. 4Topa sungah lungdam tawntungin om un. Khatvei ka hon gen kik in lungdam un! 5Mi khempeuh mai-ah na lungnemna uh na lak un. Topa hong tun ding a nai zo hi. 6Thu khat peuh ah lungmang loin, na khempeuh ah a hehpihna phat in, na nget nopnate uh Pasian kiangah na ko un. 7Tua bangin na hih uh leh, kuamah in a tel zawh loh Pasian nopna in Khris sungah note lungsim leh ngaihsutnate uh hong kem ding hi. 8A khak bel thu in, ute naute aw, thuman thu tawh kipawl nate, a zahtakhuai nate, a dik nate, a siangtho nate, deihuai nate, pahtawi huai na khempeuh ahi zongin, gamtat pha khat peuh, thu phatna khat peuh tawh a kipawl-te khempeuh na lungsim sunguah na ngaihsun den un. 9Note in ka kiangah sin in na zaksa, na muhsa leh na ngahsa thute na zui un. Tua bangin na zuih uh

Filipi 4 leh nopna Pasian in note tawh hong om khawm ding hi. Pasian hong sikna 10Tu in zong kei adingin phawk kikna nei na hih manun, Pasian tungah ka lung a dam mahmah hi. Ni dang lai in nong phawkuh hangin hih theihna thu na ngah kei uh hi. 11Tua bang ka cih ciangin ka kisapna ngaihsun in a gen ka hi kei hi. Ka thuakna khempeuh ah ka lungkimna dingin ka sin khin hi. 12Simmawhna leh hauhna ahi zongin ka thuak thei hi. An khamna, gilkialna, sumhauhna, zawnnate khempeuh thuak dingin thuthuk khempeuh ka sin khin hi. 13Hong tha hatsatpa Khris hangin na khempeuh ka hih thei hi. 14Ahih hangin gimna ka thuak lai takin, note in kei tawh na kizopna hangun na pha na bawl zo uh hi. 15Lawm Filippi mite aw, Lungdamna Thu hilh kipan dingin Makedonia gam panin ka paikhiat lai takin, piakna leh sanna in note sim loh a dang pawlpi in kei tawh a kizom kei uh hi. 16Thesalonika khua ah ka om lai takin, ka kisapnate note in khatvei nong piak khituh ciangin nong pia thuah lailai uh hi. 17Tua bang ka cih ciangin huhna sumte ka la hi ka cihna hilo hi. Note adingin a gah a khanna ding bek ka zong hi. 18Na khempeuh nei khin in, ka hau hi! Pasian tungah a lungdam huai, a san huai gim namtui biak piakna ahi nong khakuh huhnate Epafraditas khut tung panin ngah ka hih man in ka hau hi. 19Ka Pasian a vangliatna tawh kipawl hauhna a neih mah bangin, note kisapna khempeuh Khris sungah hong kicing sak ta hen. 20Eite Pa leh Pasian tungah a tawntungin vangliatna om den ta hen. Amen. Tawpna hopihna 21Khris Jesu sungah a om mi siangtho khempeuh na hopih sak un. Kei tawh a om khawm sanggamte a kipan mi siangthote khem-peuh in hong hopih uh hi. 22Kaisar kumpipa inn sungah a om mi siangthote in hong hopih pha diak uh hi. 23Topa Jesu Khris hehpihna thupha in note lungsim kha tawh om khawm den ta hen. 4:16 Sawl. 17:1; 15-16 2Kor. 11:9; 18 Pai. 29:18.

KOLOSE KHUA MITE KIANGAH SAWLTAK PAUL LAIKHAK

Hopihna Pasian deihna hang tawh Khris Jesu sawltak keimah Paul in i sanggam Timoti leh Kolose khua ah a om mi siangthote ahi, Khris sungah lungsim a nei mi sanggamte kiangah thu kong zasak uh hi. 2I Pa Pasian kiang panin hehpihna thupha leh nopna in note tawh tungah om den ta hen. 3Jesu Khris sungah na upna uh leh mi siangthote na itna thu uh ka za hi. 4Ni dang lai in na zakuh thuman thutak ahi Lundamna Thu hangin note adingin vantungah a kikhol lametna ngaihsun in, 5nisim in note adingin thungen in, i Topa Jesu Khris Pa Pasian hehpihna ka phatuh hi. 6Tua thu in leitung khempeuhah a kizelh khit bangin, mi khempeuh in zong a hilh thei uh hi. 7Kote adingin midik Khris nasem ahi ka it uh leh sila ka hih khoppihuh Epafras in note hong hilh bangin, Pasian hehpih thuman thutak na theih ni pan kipan in tua bangin noptuamna a om hi. 8Kha Siangtho sungah a om note itna thu zong kote kiangah hong gen khin hi. 9Tua ahih ciangin kote in zong ka zak ni uh pan kipanin note adingin thungen tawntungin ka om uh hi. 10Thu ka ngetuh ciangin, note gamtat hoihnate in gah gah in, Pasian theihna leh pilna ah khangto in, lungdamna tawh na khempeuh thuakin na lungduaina dingun a minthanna leh vangliatna bangin thahatna tawh a kidim hi. 11Tua ahih manin Topa tawh a kilawm in gamta in na khempeuh ah a deihna na ngahna dingun, Pasian tawh kipawl theihna leh a deihna khempeuh na telna dingun thu ka ngen uh hi. 12Khuavak sungah a om mi siangthote luahna a hong pia Pa tung ah lungdam i ko hi. 13Khuamial sung pan hong hotkhiat khit ciangin, a it a Tapa Gam sungah eite hong koih hi. 14Ama hangin mawh maisakna thupha i ngah hi. Tehpih theih ding omlo Khris 15Tua Tapa in mittang tawh a kimu theilo Pasian lim hi a, a piansak khempeuh lak panin zong ta upa pen ahi hi. 16Tua a Tapa hangin Pasian in, van leh lei ah a om khempeuh ahi a kimu thei, a kimu theilo, kumpi tokhomte, uknate,

a sang pen nate leh vangliatnate ahi zongin a piansak khempeuhte in, tua Tapa hangin ahi zongin, Tapa ading ahi zongin na khempeuh a piangsak hi. 17Na khempeuh a pianma in Tapa om khin a, amah hangin na khempeuh a kip hi. 18Amah in a pumpi ahi pawlpi lutang ahi hi. Na khempeuh tungah a sang pen ahih theihna dingin pahtawina ngah in, misite lak panin ta upa pen a suak hi. 19Tua in kicinna khempeuh a Tapa sung ah a kipsakna ding ahi hi. 20Singlamteh tungah a buakkhiat a sisan hangin gal kilemna piangsak a, leitung nate leh vantung nate khempeuh in tua Tapa hangin Pasian tawh a kilem theihna dingin a deih hi. 21Note in ni dang lai in Pasian tawh kikhen in, gitlohna lungsim nei in, dawi gilo gamtatnate tawh na kizom uh hi. 22Ahih hangin a sihna tungtawn in na silesa pumpi uh amah tawh na kizop kikna uh pen a mai-ah na din ni uh ciangin a siangtho, mawhsakna om loin hong kisan theihna ding ahi hi. 23Na zaksa uh ahi Lungdamna thu ah na kilam khit uh ciangin na up uh leh a san uh ahi tua sungah kipin, kisia loin, kiam loin om un. Keimah Paul in tua thu tawh kipawl nasem dingin hong koihna tawh kizui in vannuai mun khempeuh ah kihilh in a om hi. 24Note ading ka thuakna leh ama tang dingin ka pumpi ka kipiakna hangin ka lung a dam hi. Khris ngimna mabante tuate hangin pawlpi sungah hong kicing sak hi. 25Pasian kiang panin thute khempeuh hilh dingin za hong piakna tawh kizui in pawlpi sungah nasem suak in, note noptuamna a kicinna hangin, kicing takin thu gen khiatna hong guan ding hi. 26Tang lai pan kipanin tua thuthuk in kiseelcip in a om hangin, tu-in Topa mi siangtho kiangah hong kilak hi. 27Note sungah a om Khris vangliatna leh minthanna thu thukpi ahi tua ama hauhna, minthanna leh vangliatna-te, Pasian in Gentailte lakah zong bangzah in lian hiam cih a theih dinguh a deih hi. 28Khris sungah kicinna in mi khempeuh pia in a ngah theihna dingun, tua thu thei sak dingin pilna a pawlpawl tawh tai in hilh in Khris thu ka

197 hilh uh hi. 29Hih ngimna hangin, ka tungah a vangliatna tawh hong sepna bangin, haksatna tampi thuak in ka sem hi. 1:7 Kol. 4:12; File. 23; 14 Ef. 1:7; 18 Ef. 1:22-23; 20 Ef. 2:16. Khris sungah kicinna Note leh Laodikia khua mite ka maitang a mu ngeilo khempeuhte in, ki-itna tawh kipawlin Khris ahi Pasian thu thukpi thei in, 2up khialhna om lo, pilna hauhnate tawh a kidim na lungsim tawh na kihehnepna ding un bang zahin a lian kidemna leh kidona ka thuak thu note kong theisak nuam hi. 3Tua Khris sungah pilna sum leh theihna sum khempeuh kiseel in a om hi. 4Kua mah in zuauthu tawh note hong khem zawhlohna dingin hih thu kong gen hi. 5Note tawh ka pumpi kikhen in a om hangin, ka lungsim in note tawh om khawm a, note in ngeina phatakin na bawl theihna uh leh Khris sungah upna tawh kip in na omna uh ka muh ciangin ka lung a dam hi. 6Tua ahih ciangin Khris Jesu Topa in na san khituh ciangin tua Topa sungah gamta in, zungkha in, 7kilamin omin, kihilhna na ngah khit mah bangun upna ah kip in, hehpihna phatna tawh upna ah khangin kicingin om un. 8Khris thu a zuilo mite tangthu leh leitung thungeek zui in, leitung ciimna leh khiatna neilo thu khempeuh hangin note kuamah in hong sutna leh hong bawlsiat theih lohna dingin na kikem un 9Bang hang hiam cihleh, Pasian hihna zia leh tong khempeuh in Khris sungah kicing takin a om hi. 10Ukna thu leh vangliatna thu a uk Topa sungah kicingin na om uh hi. 11Khris vunatna silesa pumpi paikhia in khut tawh kibawl vunatna ahi Topa tawh na ngahuh baptaizna hangin, amah tawh na kivui khawm uh hi. 12Khris sihna pan a thosak Pasian vangliatna na upna uh tawh kizui in baptaizna in Topa tawh thawhkikna na ngahna dinguh ahi hi. 13Mawhna leh pumpi silesa vunatna ngah loin, si in a om note in Khris tawh kibangin hong hing sak in, eite khialhna khempeuh hong maisak hi. 14Eite lang khatah a om kilemlohna ngeina tawh kipawl kiciamna lai phiatmang in, singlamteh tungah kilhcip in, eite kikal panin a paimang hi. 15A sang pen vang-liatna leh uknate a siatsak khit ciangin, kitel takin lak a, singlamteh hangin zawhna pawi a khaam hi.

KOLOSE 3 16Tua ahih ciangin annek tuidawnna, pawikham ni, kha det ni leh Nipi ni tawh kipawl thute khempeuh kidongin khat leh khat thu na kikhen kei un. 17Tua nate in a nung ciangin hong piang ding lim hi-in, pumpi ahih leh Khris ahi hi. 18Tua ahih manin, pumpi silesa tawh kipawl lungsim kisak theihna, a muhnate kanin lungsim kiniam khiatna, vantung mite biakna khempeuh leh nuamsa in a om khat na ngawn in note lungdamna na kisutsak kei un. 19Lu panin pumpi khempeuh in guh leh taangte tawh kizomin, a kipawlna hangin hatna piang a, Pasian deihna tawh kituakin a khang hi. 20Note in leitung thute panin Khris tawh si khawm khin na hih uh leh, bang hangin tua leitungah a om lai bangin gamta na hi uh hiam? 21Khatvei zatna tawh muat theihna nate ahi mi hing ngeina bangin kihilhna ahi: Len kei in, Ciam kei in, Lawng kei in kici thute bang hangin zui-in om na hi uh hiam? 22Tua nate khempeuh zatna hangin muatna a piang ding hi. 23Tua bang ngeina in ut thu biakna, lung kiniamsakna leh pumpi bawlsiatna tawh kipawl pilna a neih bang in a om hangin, pumpi deihna zuih lohna dingin, kimanna khat beek a nei kei hi. 2:12 Rom. 6:4; 13 Ef. 2:1-5; 14 Ef. 2:15; 16 Rom. 14:1-6; 19 Ef. 4:16. Nuntakna lui leh a thak Tua ahih ciangin note in Khris tawh thokik khawm na hih uh leh, Pasian ziat lamah a tu Khris omna mun, tung lamah a om nate zong un. 2Leitungah a om nate lunggulh in om kei un la, tunglam nate bek na lunggulh zaw un. 3Note in si khin na hih manun, note nuntakna in Khris tawh Pasian sungah kiseel khawm in na om uh hi. 4I nuntakna in Khris hong kilat ciangin, note in zong tua Topa tawh na minthang khawm dinguh hi. 5Tua ahih ciangin numei tawh mawhna, kihhuai gamtatna, nu leh pa kilunggulh luatna, deihgawhna, milim biakna ahi huaihamna note sungah a om nate na sisak un. 6Tua khialhna hangin Pasian hehna in a nial tate tungah a tung hi. 7Tua mite tawh note zong na kipawl lai un tua khialhnate na zang uh hi. 8Tu in ahih leh, tua khialhna khempeuh ahi: hehna, thangpaihna,

KOLOSE 4 hazatna, mindaina dingin gensiatna leh kam ginalote na muk panun na paaikhia un. 9Khat leh khat zuau thu na kigen kei un. Mi lui gamtatna leh mi lui puante suahkhia in, a hong piangsakpa lim bangin, 10thuman thutak pilna adingin bawlphatna mithak a silh mi na hi un. 11Tua bawlphatna ah Grik mi, Judah mi, vunat mi, vunat loh mi, mipil lo mi, Sithia mi, sila leh sila lo cih bang in kikhen lo a, Khris in na khempeuh hi a, na khempeuh sungah a om hi. 12Tua ahih ciangin note in Pasian teel mi, a siangtho mi, a it mite bangin hehpihna, thupha bawlna, lungsim kiniamsakna, lungneemna, heh baih lohna lungsimte na silh un. 13Khat leh khat na kimawhsakna dinguh a om ciangin kithuak un la, na kiniam sak un. Topa in note mawhna hong maisak mah bangin note zong khat leh khat na kimaisak ciat un. 14Kicinna tawh a kipawl pumkhat suahna ahi ki-itna, tua nate tungah thuap in na silh un. 15Note lungsim sungah Khris nopna na uksak un. Tua bang deihna in note in pum khat bek sungah kisapna na ngahuh ahi, hehpihna phatna lungsim na nei un. 16Khris thu in pilna a pawlpawl tawh note sungah om ta hen. Late a kipan biakna la leh Kha Siangtho tawh kipawl la a pawlpawl tawh note khat leh khat kihilh in, kitai in, hehpihna thupha lungsim nei in, Pasian tungah lasa in na phat un. 17Tua ahih manin na bawlna leh na hihna khempeuh uh, tua Topa hangin Pasian hehpihna phat in Topa Jesu min suangin na bawl un. Innkuan sung gamtatna 18Numeite aw, Topa sungah a kilawm ahih mah bangin, pasalte hong ukna na mang un. 19Pasalte aw, na zite uh na it unla, a tunguah na hangsan kei un. 20Tapate tanute aw, thu khempeuh ah na nute leh pate thu na mang un. Tua in Pasian deihna ahi hi. 21Pate aw, na tapate leh na tanute a lungkiatna ding uh leh a thanemna a neih lohna dingun na heh sak kei un. 22Silate aw, Pasian kihta in, mite pahtak dng utna bek tawh na mai taisak bek loin, lungka loin, silesa tawh kipawl na tote thu khempeuh na mang un. 23Mite nasem bang bek hi loin, Topa nasem bangin na hihna khempeuh uh itna lungsim tawh na hih un. 24Note in luahna ahi phattuamna pen tua Topa khut tung pan in na ngah ding uh hi ci-in na thei

198 un. 25A dik loin a gamta mi in, kuamah maitang zahtak a neilopa mai-ah a gamtat mawhna dan a thuak ding hi. 3:1 La. 110:1; 9 Ef. 4:22; 10 Ef. 4:24; Pian. 1:26; 12-13 Ef. 4:2; 13 Ef. 4:32; 16-17 Ef. 5:19-20; 18 Ef. 5:22; 1Pi. 3:1; 19 Ef. 5:25; 1Pi. 3:7; 20 Ef. 6:1; 21 Ef. 6:4; 22-25 Ef. 6:5-6; Thkna. 10:17; Ef. 9:9. Hanthotna Tote aw, note in zong vantungah a om Topa khat bek na neihuh na thei un la, thuman thutak tawh hawmna thu ah, a kituak in na silate uh na bawl un. 2Thugen tawntung un la, hong heh-pihna phat in ngak un. 3Khris thuthuk hangin thongkiatna thuak in, 4tua thuthuk gen dingin, Pasian in thuhilhna kong khakte kote adingin a honna ding leh tua thu thuk hilh dingin a kilawm bangin ka hilh theihna dingun, kote adingin thu hong ngetsak un. 5A pua lam mite tungah pilna tawh na gamta un la, hun na teel un. 6Mi khempeuh tungah na dawnkikna dinguh na theihna dingun, note kam in ci bangin a al limna tawh dimin kilawm tawntung ta hen. Tawpna hopihna 7Topa sungah dikna a nei, ka naseppih uh a it huai mi ahi sanggampa Tikkhikas in ka thu khempeuh note kiangah hong gen ding hi. 8Note in kote thu na theihna dinguh leh note lungsim a hehnep theihna dingin, amah leh note sung pan in a piang dikna a nei, 9a ithuai mi Onesimas ahi zongin, note kiangah kong sawl dinguh hi. 10Kei tawh thong sung khiatna a thuak Aristarkhas a kipan Barnabas nu Marka leh Justas a kici Jesu-te in note hong hipih uh hi. Marka thu tawh kipawl kong khak khin hi. Amah in note kiangah hong tun ciangin nuam takin zin na tung sak un. 11Vunatna a thuak mite lakah hihpa bek Pasian Gam a dingin ka seppihte hi-in kei hong hehnem uh hi. 12Note lakah a piang Khris Jesu sila Epafras in note hong hopih hi. Note kicingin Pasian deihna khempeuhah lunghih-mawhna om lo lungkimna dingin, note ading hahkatin thu a ngen tawntung hi. 13Note a kipan Laodikia khua leh Hierapolis khua ah a om mite adingin amah in nakpi in a hahkatna thu ama adingin teci ka pang hi. 14Itna a ngah zato mang-pa Luka leh Demas in note hong hopih uh hi. 15Laodikia khua

199 ah a om sanggamte leh Nimfa a kipan a innah a om pawlpi mite na hopih sak un. 16Hih lai na sim khituh ciangin Laodikia khua ah a om pawlpite zong na simsak un. Laodikia khua panin na ngah dinguh lai zong na sim un. 17Ar-khippas kiangah zong: Topa khut sung pan na ngah nasepna na zawhkhitna dingin na ciamteh in ci-in na gen un.

1 THESALONOKA 2 18Kei Paul in ka khut tawh note hopihna hih lai ka gelh hi. Ka thuak kikhihna na ngaihsun un. Note tungah hehpihna thupha om ta hen. 4:1 Ef. 10:12; 10 Sawl. 19:29; 27:2; File. 24; Sawl. 12:12; 25:13; 13:37-39; 12 Kol. 1:7; File. 23; 14 2Tim. 4:11; File. 24; Tim. 4:10; 17 File. 2.

THESALONIKA MITE KIANGAH SAWLTAK PAUL LAIKHAK MASA

Hopihna Paul, Silavanas leh Timoti-te in Pa Pasian leh Topa Jesu Khris sungah kip in a om, Thesalonnika pawlpite kong zasak uh hi. Heh-pihna thupha leh nopna in note tungah om ta hen. 2I Pa leh Pasian mai-ah note in umin, gamta in, itin, hahkatin, 3Topa Jesu Khris lemenin, na thuaknate uh kote in ka ngaihsun tawntunguh hi. 4Pasian a hong it sanggamte aw, na ngahuh ahi a hong teelna thei in, note thu hangin Pasian hehpihna phat tawntung in, note adingin thu ka ngen den uh hi. 5Note tawh ka om khop lai un, note adingin bangci mi ka hi hiam cih na theih mah bangun, ka hilhuh Lungdamna Thu in note sungah kampauna hang bek hi loin, vangliatna, Kha Siangtho leh up khialhna om loin, lungkimna kicing tawh a kidim thu ahi hi. 6Note in gimna lianpite na thuak uh hangin, Kha Siangtho tawh kipawl lungdamna tawh Pasian thu na san khituh ciangin kote tawh Topa ngeina bangin a gamta mite na hi uh hi. 7Tua ahih ciangin Makedonia gam leh Akhaia gamah thu um mi khempeuhte adingin note in limpha a lak na hi uh hi. 8Bang hang hiam cihleh, note kiang panin Topa thu in Makedonia gam leh Akhaia gamte kizeel bek hi loin, note in Topa thu na upna uh mun khempeuh ah a tung hi. Tua ahih ciangin bang mah gen ding ka nei kei uh hi. 9Kote in note kiangah hong bangci lut cih bek hi loin, note in a nungta leh thuman thutak Pasian na nasepna dinguh leh a hong tung ding hehna panin eite hong gumkhia Jesu ahi, 10sihna panin Pasian in thokiksak a, Topa in van pan in hong kumkik ding gakna ding

leh milim lak panin Pasian kiangah bangci kihei uh cihte pen amaute mah in a zasak uh hi. 1:1 Sawl. 17:1; 6 Sawl. 17:5-9. Paul nasepna Ute naute aw, note kiangah kong lutna uh a mawkna a suah lohna thu na thei uh hi. 2Na theihsa mah bangin, Filippi khua ah zawnkhalna leh bawlsiatnate ka thuak khituh ciangin, Pasian suangin nakpi takin nialna tawh Pasian Lungdamna Thu note kiangah lau loin kong hilh uh hi. 3Kote in zuauthu tawh a kihhuai thuhilh-nate zangin, hong khem in hansuahna zangin hong zol thei ka hi kei uh hi. 4Lungdamna Thu zui dingin a kilawm mi ci-in Pasian hong koih mah bangin mite lungkimsakna bang lel hi loin, lungsim hong dongtel leh hong ze-et Pasian deihna bangin thu ka hilh uh hi. 5Note in na theih mah bangun, kote in mi phatna kammal khat beek ka zang kei uh hi. Kiseelna leh huaihamna lungsim khat beek a om lohna thu Pasian in kote adingin teci ahi hi. 6Kote in sawltak na sepna sem dingin hong kikoihna hang tawh, mite kiang pan ahi zongin, note leh mi dangte kiang panin ahi zong in minthanna ka zong kei uh hi. 7Note kong itna hangun nupite in nawine naungekte a khoi bang in hong khoi in kong ngai uh hi. 8Pasian Lungdamna Thu bek hi loin, ka nuntakna nangawn uh zong note piak nopna lungsim ka nei uh hi. 9Ute naute aw, nasep ka hahkatna hangun ka gimna thu uh na thei uh hi. Note lakah van gik khat peuh kong suat lohna dingun sun leh zan hahkat in sem in, Pasian Lungdamna thu ka gen

1 THESALONIKA 3 uh hi. 10Tua bangin lawpna tawh ka kipiakna uh leh thu zui mite in mawhsakna ding om loin ka sepnate un, note leh Pasian in ka teci na hi uh hi. 11Na theihsa bangun, pa in a tate a don bangin, hong hanthawn in, tha hong pia, kong gen uh hi. 12Tua bang ka hihna hangun, Pasian mai-ah a kilawm a kituak na gamtat theihna ding uh leh a Gam luahna dingin hong sapna tawh kituak in, a minthanna ding zong ahi hi. 13Kote in mite kiang panin hi loin, Pasian kiang panin ka ngah uh thu, kote kiang panin na zakuh leh na sanuh Pasian thu in ahihna bang lian in na ngah bangun nuntakpih na hih manun, Pasian tungah lungdam thu ka ko den uh hi. 14Bang hang hiam cihleh, Judah gamah a om, Khris sungah a nungta pawlpite in Judah mite tung panin gimna a thuak mah bangun, note in zong tua mah bangin, na mi pawlte khut sung panun thuak na hih manun, Judah gamah a om Khristiante tawh na thuakna uh a kibang ahi hi. 15Tua Judah mite in, Topa Jesu a kipan kamsangte a that khin uh hi. Kote zong hong hawlkhia in, Pasian thu tawh kituak loin gamta uh ahih man un, mi khempeuh tawh zong a kilem kei uh hi. 16Tua banah Gentailte tungah genna ding leh gupna a ngahna dinguh hong khamna hangun, amaute mawhna in amaute tung mahah bukkhuk uh a, hehna in a tawpna ah tua mite dawn tuah ding hi. 17Ute naute aw, lungsim leh pumpi tawh hun tomno sung i kikhen hangin, hong mu nuam in, hong ngai mahmah ka hih manun, ka lungsim uh tawh ka hahkat zaw sem uh hi. 18Tua ahih man in, note kiangah nihvei pai dingin ka hanciam khin a, ahih hangin Satan in hong kham hi. 19I Topa Jesu hong kumkik ciangin, a mai-ah ka lamentna uh leh ka lungdamna uh ahi zongin, ka kisaktheihna lukhu in note hilo na hi uh hiam? 20Bang hang hiam cihleh, note in kote minthanna leh lungdamna na hi uh hi. 2:2 Sawl. 16:19-24; 2 Sawl. 17:1-9; 14 Sawl. 17:5; 15 Sawl. 9:23-29; 13:45-50; 14:2-5; 19:17; 5:13; 18:12. Timoti hawhna dingin thapiakna Tua ahih ciangin, lunghimawh in ka thuak zawhnot lohuh ciangin, Athen khuapi ah kote bek om lai ding in ka deih uh hi. 2Khris Lung-

200 damna Thu ka hilh khituh ciangin, i sanggam Timoti kong sawl uh hi. Hih gimnate hangin kua mah lungkia loin, hong kipsak in, na upna uh tha a hong piakna dingin kong sawluh ahi hi. 3Hih gimna a thuak dingin kote hong kikoih ahih lam na thei uh hi. 4Bang hang hiam cihleh, i om khop lai in, gimna i thuak ding kong genkhol khin uh a, tua mah bangin a piang hi ci-in na thei uh hi. 5Tua ahih ciangin, ze-et thei leh a zol theipa in note hong ze-et in ka nasepna uh a mawkna a suak khak ding lunghimawh in, ka thuak zawh not lohuh ciangin, note upna ka theihna dingun hong sawl ka hi uh hi. 6Tu-in Timoti in note kiang panin hong ciahkik khin a, note upna leh ki-itna in a kipna thu leh kong ngaih mah bangun, note in zong hong ngai in, nisim in nong ngaihsutna uh leh nong phawkna thu uh ka zak man un, ka lungdamna thu uh kong zasak kik uh hi. 7Ute naute aw, kote lunghihmawhna khempeuh leh gimna ka thuak uh hangin, note upna hangin hehnepna ka ngah uh hi. 8Note in Topa sungah na kipna hangun, kote in a nungta ka hi uh hi. 9I Pasian mai-ah note hangin ka lungdamna khempeuh uh ngaihsun in, note hangin Pasian tungah lungdamna bangci thuh zawh ding ka hi uh hiam? 10Na maitang uh mu in, note sungah a kisam lai khempeuh a kicinsakna dingin, sun tawh zan tawh nakpi in thu ka gen den uh hi. 11Note kiangah kong pai theihna dingin, i Pa Pasian leh i Topa Jesu in lampi hong honsak ta hen 12Note kong it mah bangun, note khat ciat in ahi zongin mi khempeuh ahi zongin it in, tua kiitna a khan theihna dingin Topa in hong om pih ta hen. 13Topa in a mi siangthote khempeuh tawh hong kumsuk ciangin sianthona ah mawhsakna om loin, Pasian mai-ah i om theihna ding in, itna sungah na lungsimuh na bawlpha un. 3:1 Sawl. 17:15; 6 Sawl. 18:5. Siangthona leh itna A khak belin, ute naute aw, note in Pasian deihna tawh kituakin na nuntakna dingun kote kiang panin na ngahuh mah bangun gamta in khangin na kicinna dingun kong thuum uh hi. 2Kong piak uh thukhamte in Topa Jesu thu neihna ahih lam na thei khin uh hi. 3Pasian

201 deihna ahi numei tawh mawhna tangin na sianthona ding uh ahi hi. 4Pasian theilo Gentailte in numei leh pasal kilungulh luatna a neih banguh hi loin, 5note in na vekpi un sianthona a kilawm a kituak in na pumpi uh na kep theihna dinguh ahi hi. 6Hih thu ah kuamah in a sanggamte tung a khialh lohna in kong deih uh hi. Kote in hong hilh in, thuciamna kong piak khit bangun, Topa in khialhna khempeuh a thuak mi ahi hi. 7Pasian in kihhuaina tawh hong sam hi loin, sianthona tawh hong sam ahi zaw hi. 8Tua ahih manin hih thu a nial mi in, mi bek a nial hi loin, Kha Siangtho hong pia Pasian zong a nialuh ahi uh hi. 9Sanggam ki-itna thu ahih leh, note kiangah lai tawh gelh in, mi khat peuh in hong piakna ding thu a om kei hi. Bang hang hiam cihleh, note khat leh khat na ki-itna dingun, Pasian thuhilhna a ngah mite na hi uh hi. 10Tua bangin, Makedonia gam mun khempeuhah a om i sanggamte kiangah na gamta uh hi. 11Kong thupiak bangun, nopna na ngahna dingun, na ngaihsutna uh bawlpha un la, na nasep ciatuh hahkat in, na khutuh tawh na sem ciat un. 12Tua bang ahih leh a pualamte muhna ah mawhsakna om loin, limpha na suak dinguh hi. Topa hong paikikna 13Ute naute aw, muanna a neilo mi dangte a dah bangin na dah lohna dingun, a si mite thu thei loin na om dinguh ka deih kei hi. 14Jesu in a sih khit ciangin, a thawhkikna i up leh, tua bangin Jesu sungah a si mite zong Pasian in amah tawh a kha khawm ding hi. 15Topa thupiak kholhna bangin note kiangah kong gen uh hi. Topa hong kumsuk dongin a om lai eite in, a si mite mai-ah omna ngah ding i hi peuh mah kei hi. 16Topa in kikona tawh, van mangpa kikona tawh, Pasian peengkul tumna tawh, van panin hong kumsuk ciangin a si mite in a tho masa dinguh hi. 17Tua khit ciangin a nungta in a om lai eite in van kim lai-ah Topa dawn dingin, tua mite tawh meii tung ah puaktohna ngah in, Topa tawh i mang khawm tawntung ding hi. 18Tua ahih ciangin hih thu tawh khat leh khat na kihehnem un. 4:15-17 1Kor. 15:51-52.

1 THESALONIKA 5 Topa Ni Ute naute aw, a hun leh nite thu lai tawh gelh in kong piakna ding thu a om kei hi. 2Tua hun in zan a gutate hong pai mah bangin Topa Ni in hong tung ding hi cih teltakin na thei khin uh hi. 3Amaute in: Nopsakna om in, launa om lo hi ciin a gen lai tak un, numei gai khat in a ta suah ding gimna a thuak bangin, amaute tung ah kisiatna galpa in thakhatin hong tung ding a, kua mah suak ta lo dinguh hi. 4Ahih hangin ute naute aw, tua Ni in guta bangin hong tunna dingin, note in khumial sungah na om kei uh hi. 5Note khempeuh in khuavak tate, sun lai tate na hi uh hi. Eite in zan leh khuamial tawh ahi zongin i kipawl kei hi. 6Tua ahih ciangin mi dangte ihmut bangin ihmu loin, thuman thutak kikepna tawh ngak ni. 7A ihmu mite in zanin a itmuh thei uh hi. A kham a guite in zongin zan in a kham thei uh hi. 8Eite i hih leh, sun lai tak tawh a kipawl mite i hih manin, thuman thutak tawh kikem in, upna leh ki-itna tawh kipawl awmdal bulh in, gupna tungah lamentna tawh kipawl siklukhu khu in om ni. 9Hehna thuak dingin Pasian in eite hong koih lo hi. 10I Topa Jesu Khris hangin gupna i ngahna dingin hong koih in, eite in i hing ahi zongin i si ahi zongin, Topa tawh i hinkhopna dingin, eite tang dingin sihna a thuak khin hi. 11Tua ahih ciangin note na hih bangun, khat leh khat kihan suah in, khat leh khat na kikipsak un. Tawpna hanthotna leh hopihna 12Tua tham loin, sanggamte aw! note lakah hong hansuah in, Topa sung ah hong uk a, kiphawkkikna a bawl mite na ciamteh un. 13A bawlnate hangin ki-itna lungsim tawh na zahtakna dingun kong thuum uh hi. Khat leh khat kilem in na om un. 14Sanggamte aw, thadah zulhtat mite a kikepna dingin na hilh un. Lungsim thazawmte na hansuah un la, a thanemna uh huh in, mi khempeuh tungah na lungduai un. 15Mi dangte tungah hehna na thukkik lohna ding un na kikem un. Khat leh khat tungah ahi zongin, mi khempeuh tungah ahi zongin thu hoih lamsang bawlna ding na hahkat tawntung un. 16A tawngtungin na lungdam ta un. 17Thungen niloh un. 18Na khempeuhah a hong hehpihna phat un. Bang hang hiam na cihuh leh, note in tua bangin

2 THESALONIKA 2 na hih dinguh Jesu Khris hangin Pasian deihna ahi hi. 19Kha Siangtho huhna na mitsak kei un. 20Pasian kamsangte thu na simmawh kei un. 21Na khempeuh sin in, a hoih nate na len tawntung un. 22Khialhna namcin na tang un. 23Nopna hong pia Pasian in note khempeuh hong siangthosak ta hen. Note lungsim, kha leh na pumpi uh, i Topa Jesu Khris hong pai kik ciang in mawhsakna tawh a kipelhna dingin hong kem ta hen. 24Note hong sampa in thuman

202 thutak tawh kidim ahih manin, tua bangin hong bawl ding hi. 25Ute naute aw, kote adingin thu na ngen un 26Sanggamte khempeuh a siangtho napna tawh na hopih un. 27Hih lai pen sanggamte khem peuh na simsakna dingun Topa min tawh kong ngen hi. 28I Topa Jesu Khris hehpihna thupha in note tungah om den ta hen. 5:2 Mat. 24:43; Lk. 12:29; 2Pi. 3:10; 8 Isa. 59:17; Ef. 6:13-17.

THESALONIKA MITE KIANGAH SAWLTAK PAUL LAIKHAK NIHNA

Hopihna Paul, Silvanas leh Timoti-te in i Pa Pasian leh Topa Jesu Khris sungah kipin a om Thesalonika pawlpite kong zasak uh hi. 2Pa Pasian leh Topa Jesu Khris kiang panin hehpihna thupha leh nopna in note tungah om den ta hen. 3Ute naute aw, na upna uh khangin, khat leh khat na ki-itna uh lian ahih manin, kote hih dingin a kilawm bangin, Pasian hehpihna ka phat den uh hi. 4Bawlsiatna leh gimna khempeuhte na thuakuh hangin, thuakzawhna leh upna na neih lamuh na theih manun, Pasian pawlpi lakah ka kisathei uh hi. 5Note in Pasian Gam hangin gimna thuakin, tua Gam tawh a kilawm mi hihna na ngahna ding un, thuman thutak tawh Pasian thukhenna tua bangin a kilang hi. 6Note gimna hong piate Pasian in zong gimna a pia ding hi. 7Topa Jesu in a vangliatna tawh kipawl vantung mite tawh van panin meiikuang tawh hong kilangin, note gimna hong piak mah bangin, amaute tungah a pia ding hi. 8Pasian a theilo mite leh Topa Jesu Khris Lungdamna Thu a nial mite tungah dan a piak ciangin, note hong gimsakte tungah gimna leh gimna a thuak ngei eite tungah nopsakna, tua bangin Pasian in hong thukkik in, tua ciangin Pasian in thuman a bawl hi ci-in a ciamteh hi. 9Tua mite in Topa maitang pan leh vangliatna leh minthanna mai-ah a mawhna hangun kikhen in, a tawntung kisiatna dan a ngah dinguh hi. 10A mi siangthote minthang sak ding hong pai kik Ni

ciangin, ka teci panna hangun note khempeuh tungah a lamdang luangdamna lianpi hong tung ding hi. 11Tua hun tawp ni adingin note adingin tawlnga loin thu ka thunget denna hang un, a hong sapna leh a hoihna khempeuh ah na kicin nate uh leh upna tawh vangliatna suangin na hihnate uh ahi zongin Pasian in hong kipsak ding hi. 12Tua ciangin i Pasian leh Topa Jesu hehpihna a om bangin, Jesu Khris min hangin hong minthangsak ding a, tua mah bangin note in zong a min na thangsak ding uh hi. 1:1 Sawl. 17:1. Gitlohna mangpa Ute naute aw, i Topa Jesu hong paikikding ahih man in eite a sung ah i kikaih- khopna thu panin, 2kampau leh kha hangin ahi zong in, konglai khak bangin, lungkiatna leh lunghimawh patauhna na thuak lohna dingun kong thum uh hi. 3Note kuamah in hang khat peuh tawh hong khem kei ta hen. Tua ni hong tun ma in, a lian langpanna piang masa ding a, kisiatna ta ahi Gilo Mi hong piang ding hi. 4Tua mi in thunial in, Pasian a kici khempeuhte tungah a pumpi pahtawi in, Pasian biakinnpi sungah tu in: Pasian ka hi hi ci-in a pumpi lakin a om ding hi. 5Note tawh ka om khop lai in hih thu kong gen khitna thu phawk lo na hi uh hiam? 6Tua mi in a hun a tung ciangin a kilat theihna dingin tu lai takin kiseel in a om hi. 7A kiseel gilo mi in tu nangawn in na sem a, a hih hang in gilo mi in a

203 kilatkhiatna dingin a khaam mi khat a om hi. 8Tua khit ciangin a kiseel Gilopa hong kilang ding a, Topa Jesu in a kam sung panin a paikhia hu tawh Gilopa siasak in, tua ciangin hong pai khia vangliatna tawh a mangthang sak ding hi. 9Hong pai ding a kiseel Gilopa hong pianna thu in, Satan bangin zuauthu tawh kipawl vangliatna, na lamdang, dipkuathuai khempeuh, kisiatna hangin a ngah ding mite adingin diklohna namcin tawh a piang ding hi. 10Bang hang hiam cihleh, tua mite in gupna a ngahna dingun ki-itna tawh kipawl thuman thutak a sang kei uh hi. 11Tua ahih ciangin, khialhna thute khangin, a up theihna dingun, Pasian in amaute sungah zuau thu a guang hi. 12Tua bang ahih ciangin, amaute in thuman thutak um loin, gitlohna sungah nuamsa ahih manun thukhenna thuak dinguh hi. 13Ahih hangin Pasian a it ute naute aw, note in Kha Siangtho tawh sianthosakna leh thuman thutak na upna hangun, a masa bel in note hong teel ahih amanin, kote in note adingin ka hih dingun a kilawm ahi Pasian hehpihna ka phat tawntung uh hi. 14Tua bangin hih ding deihna in, kote hilh Lungdamna Thu tawh note hong sam khin a, tua in Topa Jesu Khris vangliatna na ngahna dinguh ahi hi. 15Tua ahih ciangin ute naute aw, kam sung panin a pusuak thu hang leh kote lai hang ahi zongin, note in na sinsa uh ngeina kipte len in, na deih pha un. 16I Topa Jesu Khris in hong itna hangin hong hehnep tawntungna thu ah, hehpihna thupha hong pia hi. 17I Pa Pasian in note lungsim hong hehnemin, a hoih nate leh thu hoih namcin tawh note hong kipsak ta hen. 2:1 Sawl. 27:1; 1Thess. 4:15-17; 4 Dan. 11:36; Ezk. 28:2; 8 Isa. 114; 9 Mat. 24:24. Hanthotna A khak bel in ute naute aw, Topa thu in note kiangah a pian mah bangin kizeel in, vangliatna a ngahna ding leh a nial mite leh migilote khutsung panin hotkhiatna ka ngah theihna ding un thu na ngetsak un. 2Bang hang hiam cihleh, mi khempeuh in thu um mi ahi khin kei uh hi. 3Topa in midik ahihna tawh kizui-in, note hong

2 THESALONIKA 3 kipsak ahih manin, thu hoihlote tawh hong kipelhsak ding hi. 4Kote thukham bangin tu in a gamta bekte hi loin, nung ciangin zong a ban zom dingin, Topa suangin ka lung kim uh hi. 5Pasian itna ding leh Khris bangin thuakzawhna ding ahi zongin, Topa in note lungsim sungah hong hilh ta hen. 6Ute naute aw, kote tung panin na san uh ngeina thu bangin gamta lo mi, thadah zulhtat sanggamte khempeuh na tangun ci-in Topa Jesu Khris min tawh thukham kong pia uh hi. 7Kote in note lakah kuamah thadah zulhtat in ka gamtat lohna thu hangun, kong piak lim zui in na gamtatna dingun a kilawm hi ci-in na thei uh hi. 8Man pia loin kuama an ka ne kei uh hi. Note lak mi khatpeuh tungah vangik ka suah lohna dingun, hahkat in gimpipi in sun tawh zan tawh na ka sem uh hi. 9Tua bangin ka bawluh ciangin, a la ding leh a ngah dingin a kilawmlote hi loin, note zuih dingin, lim ka suah theihna dingun tua bangin a bawl ka hi uh hi. 10Note tawh ka om khop lai takun: Mi khatpeuh in na a sep nop kei leh, tua mi in an ne kei hen ci-in thukham kong pia khin uh hi. 11Note lakah na sem loin, amaute tawh kisailo thute ah kitaaklah in, a vakthap mi kim khat om hi ci-in thu ka za uh hi. 12Tua bang mite in thanuam takin nasem in, a khut panin a piang an a nek theihna dingun, i Topa Jesu Khris min suangin thu pia in, hansuah in ka zol uh hi. 13Ute naute aw, note na hih uh leh thakiam loin, hoihnate tawh na gamta un. 14Hih lai tawh kong gelhuh thukham a mang lo mite na ciamteh un la, a maizumna ding in amah tawh na kithuah kei un. 15Ahih hangin gal bangin na ngaihsun kei un la, sanggam bangin na hilh un. Thupha piakna 16Nopsakna Topa in note tungah nopsakna namcin hong pia ta hen. Topa in note tawh om khawm ta hen. 17Keimah Paul in note hopihna lai ka khut tawh ka gelh ahi hi. Hih bangin gelhna in, ka gelh thuhilhna lai khempeuh in lim ahi hi. 18I Topa Jesu Khris hehpihna in note khempeuh tawh om khawm den ta hen.

TIMOTI KIANGAH SAWLTAK PAUL LAIKHAK MASA

Hopihna Eite Honpa Pasian leh i lemetna Jesu Khris thukham tawh Jesu Khris sawltak ahi keimah Paul in, 2upna sungah ka ta taktak ahi Timoti kiangah kong zasak hi. Pa Pasian leh Jesu Khris ahi i Topa hehpihna thupha ahi hehpihna leh nopna in na tungah om den ta hen. 3Efesa nusia in Makedonia gam ka pai ding ciangin, thuhilhna a dang zui lo ding leh Pasian ngeina kip a siasak thei ahi khat leh khat kinialna a piangsak thei, 4tanglai thu leh khang ciamtehnate zuilo dingin na khamna ding hi ci-in kong thum mah bangin, tu in kong ci kik hi. 5Thukham koihna ding a bulpi in: lungsim siangtho, lungsim kisuanna a om lohna ding leh thuman thutak itna tawh a kipawl ahi hi. 6Tua gamtatnate kim khatin zui den loin, a mawkna thu lamah a pial khin uh hi. 7Tuate thukham hilh nasep a sep nopuh hangun, a kampau uh leh bang thu hilh uh hiam cih ahi zongin a theitel kei uh hi. 8Thukham in midikte adingin a kikoih hilo a, midik lo mi, ukna thu a ngai lo mi, Pasian a bia lo leh mawhna nei mi, a siangtho lo leh kammal sia a zang thei mi, 9a nu leh a pa a bawlsia thei mi, mi that mi, numei tawh a khial mi, pasal leh pasal a om khawm mi, a guta thei mi, 10zuauthu a gen thei mi, thuman lo pi-in a kiciam thei mite a kipan thuhilhna pha tawh a kilemlo mi khempeuh adingin a kikoih hi ci-in thei in, tua thu a pha in a zang mite adingin Thukham in phattuamna hong pia thei hi ci-in i thei hi. 11Tua bangin ka gen ciang in, thupha a ngah vanglian Pasian in kei hong kepsak Lungdamna Thu tawh a kituak hi. 12Tua thu hong kemsak leh ka tha hong dimsak i Topa Jesu Khris hehpihna ka phat hi. 13Upna ka neih lohna hangin Pasian kosia in, a bawlsia ngei mi leh a ta khial ngei mi ka hih hangin thudik mi hi ci-in Topa in hong ciamteh a, thuhilh za ah hong koih hi. 14I Topa hehpihna in, Jesu Khris sungah a om upna leh itna tawh, a kigen zo loin zah dongin tam in a om hi. 15Jesu Khris in i mawhnate panin hong gum dingin leitung ah hong pai suk a, a cihna thu in thuman thutak ahih manin, a vekpi-in san ding in a kilawm hi. Tua mawhnei mite lakah a mawh pen mi ka hi hi. 16Ahih hangin nuntak tawntungna ngah ding, a nung ciang in a um ding mite in a

zuih ding uh lim ka hihna dingin mawhna a lian pen a nei ka tungah, Jesu Khris in a thuakzawhna lungsim khempeuh hong lahna dingin kei hong hehpih hi. 17A om tawntung kumpipa ahi, a si theilo, mit tawh kimu theilo, khat bek a om Pasian in a tawntungin minthanna leh vangliatna ngah tawntung ta hen. Amen, 18Ka ta Timoti aw, nang hong ngaihsun in, a kigensa thu gen kholhna kam bang in upna leh lungsim siangtho suang in, galdona a pha na dona dingin, a tunga kong gensa thukham koihna thu nang kong pia hi. 19Mi kimkhat in tua upna thu nial uh a, upna tembaw a siasak uh hi. 20Tua mite lakah Himenaius leh Alekzander a om uh hi. Tuate in thu gensiatna kam a zat not lohna ding a sinna dingun Satan ka kemsak khin hi. 1:1 Sawl. 16:1; 13 Sawl. 8:3; 9:4-5. Thungetna tawh kisai hilhna Tua ahih ciangin Pasian biakna inn lamah nuamsa in, a kilawm gamtatna a pawlpawl bawl in, kilemin, nuam takin i omna dingin, 2kumpipa a kipan ukna a nei mi khempeuh leh mi pawl khempeuhte adingin thungen in, thuum in, itna pia in hehpihna phatna bawl dingin a masa in ka hong zol hi. 3Tua bang hihna in sepna hoih hi a, eite hong Honpa Pasian deihna tawh a kituak hi. 4Tua Pasian in mi khempeuh in gupna ngah hen la, thuman thutak a theih dinguh a deih hi. 5Pasian khat bek om a, Pasian leh mite kikal ah mi mah ahi a hong kikham Jesu khat bek a om hi. 6Tua Jesu in mi khempeuh tankhia dingin, a pumpi a pia hi. A hun a tun ciangin teicipang dingin a om hi. 7Kei mahin tua tecipanna za, sawltak za, upna thu leh thuman thutak in Gentailte kiangah hilhna za in hong koih hi: ka cih ciangin zuau thu a gen hi loin, thuman thutak a gen ka hi hi. 8Tua ahih ciangin mun khempeuhah pasalte in hehna tawh kinialna om loin a khut siangtho uh sang khai in, thu a nget dinguh ka deih hi. 9Tua mah bang in numeite in a kipheek sam tawh ahi zong in, kham tawh ahi zongin, suangmanpha tawh ahi zongin, puan manpha tawh ahi zongin kizem loin, 10zumhuaina leh khuaval zulhtat loin, a kilawm puan tawh ahi zongin Pasian thu a mang numeite kizepna ding a kilawm gamtatna

205 pha tawh a kizepna dinguh ka deih hi. 11Numei in na khempeuh ah ukna mangin pau loin om ta hen. 12Numei in thuhilh ding leh pasal tungah uk ding ahi zongin thu ka pia kei hi. Amaute in pau loin a om dinguh ka deih hi. 13Bang hang hiam cihleh, Adam piang masa in a nung ciangin Eve a piang sak hi. 14Tua bek hi loin, Adam in khemna a thuak kei hi. Numei in khemna thuak masa in, a khial hi. 15Ahih hangin a tate in khuaval lohna, upna, itna leh sianthona ah kip in a om uh leh, numei in ta suah manin gupna a ngah ding hi. 2:7 2Tim. 1:11; 9 1Pi. 3:3; 13 Pian. 2:7; 2:21-22; 14 Pian.3:16. Thu hilh za ah a kisamte Thuhilh za a deih mi in na pha a deih hi a cihna thu in, thuman thutak ahi hi. 2Tua ahih ciangin thuhilhpa in mawhsakna ding tawh a kipelh mi, zi khat bek a nei mi, a lungsim a kip mi, a khuaval lo mi, a kilawm a kituak a gamta mi, zindo siam mi, thuhilh siam mi hi ding hi. 3Tuapa in zu kham loin, mi dangte a sat a vua mi hi loin, a lungduai mi, thusia lamah a seel hat lo mi, sum lamah a duhhawp lo mi hi ding hi. 4Amah in a innkuan pha takin uk zo in, a tate khempeuh ah khuaval loin, a uk thei mi hi ding hi. 5Mi khatin a innkuan sung a uk zawh kei leh Pasian pawlpi a bangci kep theih ding ahi hiam? 6Kisaktheihna tawh hai in, dawimangpa thuak mawhna thukhenna a thuak ding laulai ding ahih manin, pawlpi sungah a lut thak mi hilo ding hi. 7Tua bek hi loin, amah in kosiatna leh mawhsakna leh dawimangpa thangsiahna tawh a kipelhna dingin a pua lam mite lakah zahtakna a ngai mi hi ding hi. 8Tua mah bangin pawlpi upate in zong khuaval lo mi, sum siangtho lo a deih lo mi hi dinguh hi. 9Kitheihna lungsim siangtho tawh upna thu thukpi a zang mi hi ding uh hi. 10Tua mite in a masa in ze-etna thuak ta uh hen. Tua khit ciang in mawhsakna ding a om kei leh pawlpi upna na sem uh hen. 11Tua mah bangin a zite in zong khuaval lo ding a, min daina ding thu gensiamte hi lo dinguh a, na khempeuh ah a diktat mi ahi dinguh hi. 12Upate in zi khat bek nei-in, a tate leh a innkuan sung pha takin uk ta uh hen. 13Upa

1 TIMOTI 4 sem a phattakte in amaute adingin hoih na leh phatna ahi zongin, Khris Jesu sungah a om upna hang tawh launa a om lohna a ngah uh hi. 14Na kiangah a sawt loin kong pai theih ding ka lamet hangin, sawt veipi ka khawl leh, Pasian innpi sungah a om mite bangci gamtat ding cih na theihna dingin, hi bangin lai gelh in kong pia hi. 15Tua innpi in a nungta Pasian pawlpi thuman thutak khuam bulpi ahi hi. 16Pasian biakna thu thukpi in bangzah in lian hiam cih nialna ding a om kei hi. Amah in pumpi tawh kilang hi. A thumanna Kha Siangtho tawh a kilang hi. Vantung mite in a mu uh hi. Mi khempeuh lakah a thu kihilh hi. Leitung khempeuh ah a thu ki-um hi. Vangliatna tawh vanah lak tohna a ngah hi 3:2-7 Titu. 1:6-9. Upna nusiatna ding genkholhna Kha Siangtho in tel takin a genkholh in, beina hun ciangin, a lungsim uh kisuanna tawh a kidim siksa tawh ciamtehna a ngah khituh ciang in, 2zuau thu a gen thei mite in sim tatna hangin mi kimkhat in upna thu zui nawn loin, a khem thei khate leh dawigilote thuhilhna ngai dinguh a, 3kiten lohna ding leh thuman thutak a um mite in hehpihna phatin a nek dinguh Pasian bawlsa an namcin tanna dingin a kham dinguh hi. 4Pasian bawlsa khempeuh a pha hi ci-in hehpihna phatin a kisan leh bangmah tan ding a om kei hi. 5Tuate khempeuh in Pasian thu leh thungetna tawh a kisiangthosak khin ahi hi. Nasem hoih 6Hih thute ute naute kiang hilh in, upna thu leh tu dongin na zuih thuhilh a hoih tawh na vak leh Khris Jesu nasem hoih na suak ding hi. 7Numei teekte in, a mot gen theih uh mawkna tangthute paikhia in, Pasian biakna lamah nuamsa in a omna ding in na kiseksak in. 8Pumpi a ding kisekna in phattuamna tawm kha pia thei a, Pasian biakna lam nopsakna in tu lai tak leh a nung ciangin hong piang ding nuntakna tawh kipawl a ngah khit ciangin, na khempeuh ah phattuamna hong pia thei hi. 9Tua bangin a cihna kam in thuman thutak hi a, a vekpi in san dingin a kilawm kam zong ahi hi. 10Tua ahih ciangin mi khempeuhte Gumpa ahi, a um mite, a

1 TIMOTI 6 gum takpi a nungta Pasian pen eite in muangin, um in, hahkatin sem in kidem ni. 11Hih thute vaikhak in la, hilh in. 12Na khangno na kuamah na kisimmawh sak kei in. Thugenna, gamtat leh ngaihsutna, mi dangte itna, upna, siangthona tawh a um mite adingin lim na suak in. 13Kong pai ma tengin Lai Siangtho na sim in la, mite hansuahna leh thuhilhnate hahkat in na om in. 14Kamsanna tawh, upate kipsak in, nang hong kipia Kha Siangtho thupha zang loin na om kei in. 15Na khantohna mi khempeuh mai-ah a kilatna dingin, hih nate deih pha in la, na hahkat in. 16Nang leh na thuhilhnate ah kikem in na om in. Hih nate ah na kip tawntung in. Tua bangin na hih leh nang leh na thu ngaite gupna na ngahsak ding hi. Meingonte thupi bawlna Puteekte na tai kei in la, pa bangin na thum in. Tangvalte sanggam bangin ahi zongin, 2nupite na nute bangin ahi zongin nungakte a siangtho tawh thu na hilh in. 3Meigong taktak numeite na zahtak in. 4Ahih hangin ta leh tu a nei meigongnu ahih leh, a tute a tate in a masa in a innkuanpihte zahtak in, a pa leh a pite hehpihna thukkikna ding in sin uh hen. Tua bangin hihna in Pasian mai-ah a deihhuai ahi hi. 5Meigong a mah guakin a om lai numei in Pasian muang in sun tawh zan tawh thungen in a om tawntung hi. 6Ahih hangin mawktat in, nopsa in a om numei in, a nuntak hangin si in a om hi. 7Tua mite in mawhsakna tawh a kipelhna dingun hih thute vaikhak in. 8Mi khat in a innkuante kem loin, upna thu a nial mi in, a um lo mite sangin a gilo zaw hi. 9Kum sawmguk a pha lo meigong numeite min na khum kei in. 10Pasal khat a nei ngei, na pha a sem, maipha a ngah, a tate a khoi thei, zindo a siam, mi siangthote khe a silsak thei gimna thuakte a hehnem thei, nasepna a pha khempeuh a sem thei numei ahih leh a min na khum in. 11A khangno lai meigongte a hihuh leh nopsakna lungsim nei in, Khris tawh kilem loin pasal nei nuam ahih manun a min na khum kei in. 12Tua bang mite in thuciam masa siasak uh ahih manin thukhenna a thuak dinguh hi. 13Tua tham loin, inn khat pan inn khat ah vak kawikawi in,

206 thadah bek hi loin, kam tamin, gen dingin a kilawmlo thute genin, amah tawh a kisai lo thu ah a kihel thei uh hi. 14Tua ahih ciang in a khang-no meigong numeite in pasal a neihna ding leh ta zong a neihna dingin, a inn sung a ukna dingin, i galte in hong gensiat theih lohna dingin a gamtatna dinguh ka deih hi. 15Bang hang hiam cihleh, mi kimkhat in tu na ngawn in Satan nung a zui uh hi. 16Thu um numei khat peuh in, meigong a neih leh, pawlpi tungah vangik suan loin, amahmah in kem ta hen. Tua bang ahih kei leh meigong taktak ahite pawlpi in a vak thei hi. 17Pawlpi a pha takpi in a ukte, Pasian thu man takin genin, thuhilh in a hahkatte, a zah nih in zahtakna ngah dingin a kilawm hi ci-in na ciamteh in. 18Lai Siangtho sungah: Buh cil lai bawng kamna hencip kei in a cih leh Nasemte in thaman a ngah ding in a kilawm hi ci-in a kigelh hi. 19Teci nih leh thum bang a om kei leh, mawkna kam na zang kei in. 20Mi dangte in zong a lauh theihna dingin, a khial mite, mi khempeuh mai-ah na taai in. 21Thu ma khen loin, gup tuam neihna lungsim tawh bangmah hih loin, hih thute na zuihna dingin Pasian mai leh Khris Jusu maiah, a kiteel vantung mite mai-ah pha takin thu kong pia hi. 22Ngaihsun khol loin, kua ma tungah na khut nga kei in. Mi dangte mawhna tawh na kisai kei in la, na nuntakna na siangtho sak in. 23Na gilpi leh na natna adingin, tu a kipan in tui bek dawn loin, leenggahzu tawm na zang in. 24Mi kim khatte a gitlohna uh kilangin a pai masa thei uh hi. Mi kimkhat a gitlohna in a nung zuih thei hi. 25Tua bang mahin a kilang gamtatna hoih om thei a, a kilanglo gamtatna hoih a kiseel zo kei hi. 5:18 Thkna. 25:4; Mat. 10:10; Lk. 10:7; 19 Thkna. 17:6; 19:5. Pasian nasep zia ding hilhna Pasian min leh a thuhilhna in gensiatna a thuak lohna dingin, hakkol nuai-ah a om silate a thum mite in a tote uh a kilawm a kituak in zahtakna a piak dingun a kilawm hi. 2A tote in thu um mi ahih uh leh sanggam khat ahi uh hi. Tua bangin sanggam khat hihna hangin, thusim lo leh thudon loin om loin, nasep hahkat zaw kan uh hen. Tua bangin upna hang tawh luahna a ngah mite it ding ahih aman un, hih thute hilh in a nuntak pihna dingun hansuah in.

2 TIMOTI 1 3I Topa Jesu Khris kam ahi, kam siangtho ahi zongin Pasian biakna lamah nopsakna tawh a kilawm thuhilhna a mang loin, thuhilhna dang a hilh mi a om uh hi. 4Tua mite in kisathei in, bangmah thei lo leh thu kidotna tawh kisai in, a kam bek zangin kiseelna a zang mi ahi uh hi. Tua bang ahih ciangin enna, kitotna, gensiatna, hazatna tawh up khialhna, lungsim heh in, thuman thutak thu tawh a kipelh mite hangin kitotnate a piangsak thei hi. 5Tuate in Pasian biakna lamah nopsakna in sum hauhna hong piangsak thei hi ci-in um uh hi. 6Lungkim in Pasian biakna lamah nopsakna in hauhna lianpi a piangsak thei hi. 7Bang hang hiam cihleh, leitungah bangmah lo tawh i suah khiat mah bangin, bang mah lo tawh i paikhia kik ding hi. 8Tua ahih ciangin neek ding leh silh ding a om zah tawh lungkim in i om ding hi. 9Sum hau nuam mite in khemna sungah awk cip in, haina tawh noptuamna a sia sak thei deihgawhna namcin sungah a kia thei uh hi. Tua bang deihgawhna hang tawh mite in kisiatna sungah a tum mang uh hi. 10Bang hang hiam cihleh, sum hauh nopna in khialhna nacim bulpi ahi hi. Mi kimkhat in sum hauh nopna hangin upna lampi panin paikhia uh a, lunggimna namcin in a pumpi uh a vutlet khin hi. Pumpi ading hanthotna 11Pasian mi aw, nang na hih leh, tuate sung pan in tai khia in la, dikna leh Pasian biakna lam ah nopsakna ahi upna, itna, thuakzawhna, lungnemnate na phak matengin delh in. 12Upna thu

207 tawh kipawl galdona pha na do in. Nuntak tawntungna na lenkip in. Tua nuntakna ngah dingin hong sapna thu mi tampi mai-ah teci na pang in. 13A nungtasak Pasian mai-ah leh Pontias Pilat mai-ah ahi zongin pha takin thuman thutak teci a pang Jesu Khris mai-ah ahi zongin, 14Jesu Khris hong kilat dongin, nin banglo leh mawhsakna ding om loin, na om theihna dingin thukham na zuihna dingin na hahkat in. 15Sihna tawh a kipelh, kuamah naih theih loh khuavak sungah a om, kua mahin a muh ngei loh, 16a muh theih loh, thupha a ngah Topa ahi kumpite Kumpipa, topate Topa in a ciamteh sa hunte ah, hong kilang ding hi. Tua Pasian in zahtakna leh vangliatna ngah tawntung ta hen. Amen. 17Hih leitungah sum haute mite lungsim kiliatsakna tawh na kipelh in la, leitung sum hauhna na muang kei in. 18Eite lungdamna ding na khempeuh a kicingin hong pia Pasian muang in, nuntakna taktak ahi tua nuntakna ngahna dingin, hong tung ding hun ah, 19amaute bulpi zong khol in, mi dangte tungah thupha bawlna, gamtat hoih tawh kicingin, mite piak nopna nei in, khat leh khat kipawl in, kilemna a belhna dingun thukham na pia in. 20Timoti aw, hong kipia a pha nasepna lim takin na kem in. Pilna hi a kici a kiphuak khial, pilna thu tawh kipawl ahi lo, mawkna kamte leh kinialnate khempeuh na peel in. 21Tua pilnate mi kimkhat in mangin, a gamtat manun upna panin a pial khia khin uh hi. Na tungah hehpihna thupha om ta hen. 6:13 Jhn. 18:37.

TIMOTI KIANGAH SAWLTAK PAUL LAIKHAK NIHNA

Hopihna Khris sungah a om nuntakna hong pia ding in a ciam mah bangin, Pasian deihna hangin Khris Jesu sawltak keimah Paul in, 2ka it ka tapa Timoti kong zasak hi. Pa Pasian leh i Topa Khris Jesu kiangah panin hehpihna thupha leh nop-sakna in na tungah om ta hen. Lungdamkohna leh hanthotna 3Na khitui luanna phawk kik in, ka lungdamna a kicinna dingin kong mu nuam hi. Na pi Lois leh

na nu Euike-te sungah a masa in kipin a om upna hangin, ka lungkim mah bangin, na sungah kiphatsakna a omlo na upna ka phawk hi. 4Sun leh zan in thu ka nget ciangin, hong phawk in, 5hong ngaihsun in, ka pute pate un a biakuh bangin, ka lungsim sung ah kisuanna omlo, a siangtho tawh ka biak Pasian hehpihna ka phat uh hi. 6Tua ahih ciangin na tungah ka khut ngakna hangin, Pasian in a hong piak thupha hehpihna tawh na hansuahna dingin kong thei-

2 TIMOTI 2 sak hi. 7Pasian in lauhna lungsim eite hong pia lo hi. Vangliatna a om lungsim, a it thei lungsim leh kikep theihna dingin lungsim hong guan ahi zaw hi. 8Tua ahih ciangin Topa hangin thongkiapa keimah in Topa ading tecipanna ah ka maizum kei hi. Pasian hong piak vangliatna bangin Lungdamna Thu hangin gimna na thuak in. 9Tua Pasian in eite gamtatna bang ahi lo, tanglai hun pan kipan in Khris Jesu sungah eite adingin a hanciamna leh a hong piak hehpihna tawh a ngaihsut kholhsa bangin eite hong gumin, a siangtho sapna tawh eite hong sam hi. 10Tua thupha hehpihna in eite hong Gumpa Topa Jesu Khris hong paina hang ahih lam tu in hong kilang ta hi. Tua Topa in sihna beisak in, a kisia theilo nuntakna ahi Lungdamna Thu tawh hong kilang sak hi. 11Tua thu hilhna za, sawltak za leh laihilh za-te ah kei hong koih hi. 12Tua thu hangin hih gimna ka thuak hi. Ka uppa ka thei a, a kiangah ka piak nate zong, tua Ni adingin kem ding hi cih um ka hih manin, ka mai a zum kei hi. 13Ka kiang panin na zaksa limpha thute, Jesu Khris sungah a om upna leh itna tawh na kem in. 14Nang hong kipia a pha nate leh eite sungah a om Kha Siangtho tawh na kem hi. 15Asia gamah a om mi khempeuh in ka kiang panin a pialkhiat khitna thu uh na thei hi. Tuate lakah Figelas leh Hermogenes-te zong a kihel uh hi. 16Onesiforas innkuante in tam veipi nopna hong bawl in, ka sikkhau kikhihna hangin maizum lo uh ahih manun, Topa in Onesiforas innkuanpihte tungah hehpihna tungsak ta hen. 17Amaute in Rom khuapi sung hong tun uh ciang in hahkat in hong zongin, hong mu uh hi. 18Amah in tua Ni ciangin Topa khut sung panin hehpihna a ngahna dingin Topa in thu pia ta hen. Amah in Efesa khua ah zong bangzah takin hong kem hiam, cih kician takin na thei khin hi. 1:2 Sawl. 16:1; 5 Sawl. 16:1; 11 1Tim. 2:7. Khris ading galkap hoih Tua ahih ciangin ka ta aw, nangmah in, Jesu Khris sungah a om thupha hehpihna tawh thahat in na om in. 2Teci a pang mi tampite tung panin, ka kiang pan na zaksa nate, dikna tawh kidimin mi dangte a hilh thei mite na pia sawn in.

208 in Khris Jesu galkap siam bangin kei tawh gimna na thuak khawm in. 4Na a sep lai takin, galkap mi in, paltan a lutsakpa deihna bangin a sep theihna dingin, leitung thute tawh kimemat lo leh a nawngkai sak thei na khempeuh a paikhia hi. 5Tua mah bangin mi khat in tai kidem ciangin ngeina bangin a kidem kei leh, lukhu a ngah ngei kei ding hi. 6Nasep a hahkat lokho mi in, a masa pen in a gah a ngah ding hi. 7Topa in pilna hong pia ding ahih manin, ka thu na ciamteh in. 8Ka hilh Lungdamna Thu bangin David suan ahi, sihna panin a hing kik Jesu na ngaihsun in. 9Tua Lungdamna Thu hangin migilote bangin sikkhau khihna ka thuak hi. Ahih hangin Pasian thu ahih leh a kikhih kei hi. 10Tua ahih ciangin, a kiteel mite zong tawntung vangliatna tawh Jesu Khris sungah gupna a ngahna dingun na khempeuh ka thuak hi. 11A dikna thu panin: Amah tawh i sihna khop leh, amah tawh i hing khawm ding hi. 12I thuak khop leh, amah tawh i maang khawm ding hi. Eite in amah i nial leh, amah in eite hong nial ding hi. 13Eite i dik loh hangin, ama dikna a kip hi. Bang hang hiam cihleh, amah in ama pumpi a nial zo kei hi kici hi. Maizum loin nasepna 14Hih thute amaute na phawksak in. Bangmah phattuamna a omlo, a za mite lungsim a siasak ding kam bek hangin kinialna a om lohna dingin, Topa mai-ah a kiciamna dingun thu na pia in. 15Zumhuaina om loin thuman thutak a man takin a khen theipa leh Pasian mai-ah a deihhuai mi na suahna dingin, na pumpi na kipiak zawhna ding na hahkat in. 16Thuman thutak ahi lo, a mawkna kamte na tang in. 17Tuate in Pasian biak lohna ding lamah khangto in, a dam ngeilo ding meima bangin hong ne tum ding hi. Tua mite lakah Himenaius leh Filetas-te a kihel uh hi. 18Amaute in, thuman thutak panin pialkhia uh a: Mi site thawkikna tung khin hi ci-in thu upna panin pial in, mi kimkhatte upna a kisia sak uh hi. 19Ahih hangin: Topa in ama mite a thei hi cih leh: Topa min a muang mite in diklohna panin paikhia hen ci ahih manin, ciamtehna a om leh a kho mahmah Pasian dinna in kipin a om hi.
3Nangmah

209 20Inn lian mahmah sungah kham leh ngunte bek om loin, sing nate leh lei nate zong a om hi. Tuate lakah kimkhat in minthan ding leh kimkhat in minthan lohna ding a om hi. 21Tua ahih manin tua nate tawh a pumpi a kisiangthosak mi in, minthanna, sianthona leh inn neipa zat dingin a kilawm, nasepna pha namcin adingin ahi uh hi. 22Khangno hihna tawh lungulhnate na tangin la, lungsim siangtho tawh Pasian kiangah thu a ngen den mite tawh dikna, upna, itna leh nopna delhin na zui khawm in. 23Pilna om lo dotna haite tawh thu kidotna in kitotna piangsak thei hi ci-in na thei in la, na tang in. 24Pasian sila in mi tawh kitawng thei loin, mi khempeuh tungah dam takin ahih thei mi, thu a hilh thei mi leh a thuak zo mi ahi ding hi. 25A nial hat mite in thuman thutak a theihna dingun Pasian in kisikna a piak dingin, dawimangpa deihna a zuihna hangun thangsiahna ah a awk mite na phawk in. 26A gilopa thang pan suahtakna a ngahna ding un lungnemna tawh thu na hilh in. 2:12 Mat. 10:33; Lk. 12:9. Hong tung ding haksatna A nunung bel nite ah haksatnate hong piang ding hi ci-in na ciamteh in. 2Tua hun ciangin: ama pumpi a it mi, sum it mi, a kisathei mi, lungtang khauh mi, mi a gensia thei mi, nute pate thu a mang lo mi, hehpihna a thei lo mi, siangtho lo mi, 3ngeina bangin itna a nei lo mi, kitotna lungsim a nei mi, mi a gendai thei mi, a pumpi a kikem zolo mi, a hangsan mi, a hoih lam a deihlo mi, 4thuciamna a siasak mi, thuhilhna a ngai nuam lo mi, kisaktheihna tawh a hai thei mi, Pasian sang in leitung nopsakna a it zaw mi, 5Pasian biakna puatham bek zui a ahih hangin a vangliatna a nial mi-te ahi dinguh hi. Tua bang mite na peel in. 6Tuate in mite lakah simtat in innte sungah a lut khituh ciangin deihgawhna namcin zui-in, 7a kihilh den hangin cikmah hun in thuman thutak a theithei lo numei haite a man mite hong om ding hi. 8Zannes leh Zambres in Moses a nial mah bangun, tua mite in zong thuman thutak a nial uh hi. Amaute in lungsim uh kisia in upna thu ah thudotna a thuak zolo mite ahi uh hi. 9Tua mi nihte haina in, mi khempeuhte mai-ah a kilat mah bangin, tua bang mite leh a

2 TIMOTI 4 hainate uh zong hong kilang ding a, amaute in khanto in sotto thei ngeilo dinguh hi. 10Nang na hih leh, ka thuhilhna, ka gamtatna, ka hanciamna, ka upna, ka lungduaina, ka itna, ka zawhna, ka thuak bawlsiatna leh ka gimna a kipan, 11Antiok khua, Ikonium khua leh Listra khuate ah ka thuak gimnate na thei hi. Tua thu khempeuh panin Topa in hong honkhia hi. 12Hi hi. Jesu Khris sungah kipin a nungta nuam mi khempeuhte in zong bawlsiatna a thuak dinguh hi. 13A gilo leh mi khem theite in gilo semsem ding uh a, mi dangte khem in, a pumpi nangawn a khem ding uh hi. 14Na sinsa leh na theihsa thute khempeuh phawk den in la, hahkat in. 15Naupang na hih lai pan kipan in na theihsa Lai Siangtho thu ahi Jesu Khris sungah upna na ngahna dingin pilna hong pia thute mangngilh kei in la, kiptak in om in. 16Bang hang hiam cihleh, Pasian a humop ahi Lai Siangtho thu khempeuhte in thu kihilhna ding, mawhna lahna ding, thuman leh manlo theihna ding leh dikna thute sinna ding in kicing hi. 17Tua ahih manin, Pasian mi in a kicing leh a hoih gamtatnate a sep theihna ding in phattuamna a bawl hi. 3:8 Pai. 7:11; 11 Sawl. 13:14-52; 14:1-20. Thuhilh in Pasian mai-ah ahi zongin, a nungta mi leh a si mi tungah thu a khen ding Khris Jesu maiah ahi zongin, Jesu hong kilatna ding a Gam suangin ka hong piak thu in: 2Pasian thu hilh in, a hun om in omta kei leh hakatin, mawhna lakin, taai in, lungnemna khempeuh tawh thu hilh in la hansuah in. 3Bang hang hiam cihleh, mite in thuhilhna pha mang loin, bil thak nei in, amaute deihna bangin thuhilh mi tampite amaute adingin a koih dinguh hi. 4Thuman thutak ngai loin, tangthu ngai in a paikhiat hunuh hong tung ding hi. 5Nang na hih leh, na khempeuh sungah na lungsim na kikem in, gimna na thuak in, thuhilh sia nasepna na zawh dong sem in. 6Tu in ahih leh biakna tau tungah kisungin om lai ka hih manin, ka pai hun ding hong tung khin hi. 7Gal dona pha ka do khin hi. Taina ding lamah kung dongin ka taai khin hi. Upna thu ka kem khin hi. 8Tua a kipanin dikna lukhu in keima adingin a kikoih khol khin hi. Tua Ni ciang in

TITU 1 thuman thutak tawh thu a khenpa in tua lukhu hong pia in, kei bek hi loin, hong kilat ding a lamen khempeuhte zong a pia ding hi. 9Ka kiangah a manlangin nong paina ding na hamciam in. 10Bang hang hiam cihleh, Demas in leitung nuntakna a it manin kei hong taisan in, Thesalonika khua ah pai khin hi. Kresen in Galati gamah a pai khin hi. Titu in Dalmatia gamah a pai khin hi. 11Luka bek ka kiangah om hi. A na sepna ah phattuamna om ahih manin, nong pai ciangin Marka hong tonpih in. 12Thikhikas ahi leh Efesa khua ah ka sawl khin hi. 13Troas khua ah Karpas kiangah ka koih ka puanza, ka laibute leh ka savun laizialte hong pua in. 14Sumsungpa Alekzander in ka tungah a hoihlo tampi hong bawl hi. Amah gamtatna tawh kituak in Topa in a thuk ding hi. 15Amah in eite hong lim nial lua ahih manin, tuapa lak panin na kikem in. 16Ka thuhkik masak lai-in, kei tawh a pang khawm om loin, mi khempeuh in hong taisan uh hi. Tua thu hang in amaute tung ah mawhsakna tung kei ta hen. 17Thuhilhna khempeuh hilh thei in, Gentailte

210 khempeuh in a zak theihna dingin, Topa in lam hong lak in, ka tha hong dimsak ahih manin, humpinelkai kam sung panin hong honkhia hi. 18Topa in thu hoihlo khempeuh panin hong honkhia a, vantung dong in hong kha ding hi. Tua Topa in a tawntung in vangliatna ngah den ta hen. Amen. Thukhupna hopihna 19Prisilla leh Akuila a kipan Onesiforas innkuante na hopih sak in. 20Erastas in Korin khua ah a om lai hi. Trofimas in a cina ahih manin Miletas khua ah ka nusia hi. 21Phalbi ma in nong paina dingin na hamciam in. Eubulus, Pudens, Linas leh Klandia a kipan sanggamte khempeuh in hong hopih uh hi. 22Topa in na kha tawh om khawm ta hen. Na tungah hehpihna thupha om ta hen. 4:10 Kol. 4:16; File. 24; 2Kor. 8:23; Gal. 2:3; Titu. 1:4; 11 Kol. 4:14; File. 24; Sawl. 12:12; 13: 13; 15:37-39; Kol. 4:10; File. 24; 12 Sawl. 20:4; Ef. 6:21-22; Kol. 4:7-8; 14 Sawl. 20:6; 14 1Tim. 1:20; La. 62:12; Rom. 2:6: 19 Sawl. 18:2; 2Tim. 1:16-17; 20 Sawl. 19:22; 20:4; 21:29; Rom. 16:23.

TITU KIANGAH SAWLTAK PAUL LAIKHAK

Hopihna Zuau thu a gen theilo Pasian in tanglai panin thuciam a, eite Honpa Pasian thukham bangin kei hong piak thuhilhna tawh a kilawm hunte ah, 2Pasian a kilat khiatsakna thu tawh kipawl, tawntung nuntakna lamen in, Pasian biakna lamah nopsakna tawh a kipawl thuman thutak i theihna ding ahi hi. 3Pasian in a teel mite upna ding leh Pasian sila leh Jesu Khris sawltak ahi keimah Paul in, 4Upna sungah a kibang ka ta taktak ahi Titu kiangah thu kong zasak hi. Pa Pasian leh eite Honpa ahi Jesu Khris kiang panin hehpihna thupha leh nopsakna in na tungah om den ta hen.

Upate hihna 5Kong vaikhak mah bangin, Krete gamah a kisapnate uh vaihawm kik in, khua khempeuh ah upa na koihna dingin kong nusia hi. 6Mawhsakna tawh a kipelh mi, zi khat bek a nei mi, leitung

nopsakna hangin mawhsakna ding a omlo mi, ukna panin simawhna a omlo leh thu um tate a nei mite na koih in. 7Siapa in Pasian sumkem ahih manin, mawksakna tawh a kipelh mi hi ding hi. Tua ahih manin, a deihna a zui mi, a lungtom mi, zukham kham in a kitawng thei mi, mi dang a vua thei mi, a siangtho lo a deih mi hilo ding hi. 8Zindo a siam mi, a hoih lam a deih mi, khuaval zulhtat lo mi, a dik mi, a siangtho mi, a pumpi a kikem zo mi hi ding hi. 9Tuate banah, amah in thuhilhna siangtho hansuahna, a nial mite kam a thukkik theihna ding leh thuhilhna thu tawh a kilawm dikna kam a zui tawntung mi hi ding hi. 10Bang hang hiam cih leh, ukna mang loin, a mawkna tawh mi dangte a khem thei tampi a om uh hi. Tuate in vunatna a thuak mite lakah om thei den hi. 11Tua bang mite in sum siangtho lo hangin a hilh tuak lo thu hilh in, innkuan khempeuh lumlet thei uh ahih manun, a kam uh kihucip ding hi. 12Amaute lak ah khat in:

211 Kret mite a zuau thei mi, ganhing gilo, anhai leh thadah mite ahi uh hi a ci khin hi. 13Hih teci thu in a man hi. Tua ahih manin amaute upna ah a kip theihna dingun, 14Judah mite tangthu a thudon lohna dinguh leh, thuman thutak panin pialkhia in, mite thukhamte a zuih lohna dingun tai in na hilh in. 15A siangthote adingin na khempeuh a siangtho hi. Ahih hangin a kihhuai leh a um lote a lungsimuh leh a lungtang uh kihuaina tawh kidim ahih manin, amaute adingin a siangtho khat beek a om kei hi. 16A kamuh tawh Pasian ka thei hi a cihuh hang in a gamtatna uh tawh lehdo uh a, muhdahna leh thumman lohna tawh kidim ahih man un, a gamtatna pha uh zong kimanna a om kei hi. 1:4 2Kor. 8:23; Gal. 2:3; 2Tim. 4:10; 6-9 1Tim. 3:2-7. Thuhilhna siangtho Thuhilhna a siangthote tawh thu na hilh in. 2Puteekte in a pumpi deihna a khamna ding un, khuaval in zulhtat lohna ding, a lungkipna ding, itna a neihna dinguh leh a thuakzawhna dingun na hilh in. 3Tua mah bangin piteekte zong Pasian thu tawh a kilawm a kituak in a gamtatna dinguh leh mi dangte a gendai lohna ding, leenggahzu sila ahih lohna ding, 4thu hoih hilh thei in, Pasian thu in gensiatna a thuak lohna dingun na hilh in. 5A khangno lai numeite a pasal leh a tate it in, a khuaval a zulhtat lohna ding, mi siangtho ahihna ding, a innsung a uk zawhna ding leh a pasal ukna a manna dingun thu na hilh in. 6Tua mah bangin tangvalte in zong, a khuaval a zulhtat lohna ding uh na hilh in. 7Na pumpi tawh gamtatna khempeuh limpha bangin na lak in. Thu na hilh ciangin khemna thu a om loin, khuaval zulhtat loin leh mawhsakna a om lohna ding in a siangtho thu na hilh in. 8Tua bangin na hih leh i langpangte in hong gensiatna ding uh thei loin, a maizum dinguh hi. 9Silate in i Honpa Pasian thuhilhna khempeuh a kilawm a kituak in a theihna dingun, a tote ukna mangin, 10nial loin, na khempeuhah a deihhuai ahihna dinguh leh guta loin na khempeuhah dikna a kilatsakna ding un na hilh in. 11Eite in thupha lametna leh a lian Pasian ahi eite Honpa Jesu Khris vangliatna hong kilat ding

TITU 3 a lamente i hih manin, Pasian thu tawh kituak lo gamtatna leh deihgawhnate nial in, 12khuaval zulhtat lohna, thuman gamtatna leh Pasian sung ah nopsakna bawlna dingin, 13Pasian hehpih thupha hong kilangin, mi khempeuh kiangah gupna thu hong paipih khin hi. 14Tua Topa in i mawhna sung panin hong tankhia ding leh gamtatna a hoihte ah a lungsimuh a khauh ama a uk a mipawlte ahi siangthosak ding ahi zongin, eite khempeuh adingin a pumpi a kipia hi. 15Hih thute hilh in la, hansuah in zol in, nang hong kipia na ukna za tawh amaute taai in. Kuamah kisim mawhsak kei in. 2:14 La. 130:8; Pai. 19:5; Thkna. 4:20; 7:6; 14:2; 1Pi. 2:9; 12 Sawl. 20:4; Efe. 6:21-22; Kol. 4:7-8; 2Tim. 4:12. Gamtat hoihah kipna Mite in gam ukte leh mangte ukna a manna dinguh leh nasepna pha khempeuh sem dingin a kiginkholh theihna dingun, 2kuamah gensia loin, kitawng loin, lungkhauh loin, mi khempeuh tungah a lungnem theihna dingun na hilh in. 3Bang hang hiam cihleh, ni dang lai-in eite zong pilna a neilo mi, thumang lo mi, khemna a thuak mi, deihgawhna namcin leh gualnop ukna sila ahi ngei mi, hazatna leh enna tawh a gamta ngei mi, a muhdahhuai mi leh khat leh khat a kimuhdah ngei mi i hi hi. 4I Honpa Pasian hehpihna leh a itna hong kilat ciangin, 5eite gamtatna pha hang hi loin, amah hehpihna hangin nihvei suahkikna tawh kipawl sawpsiangna leh Kha Siangtho in mi thak dingin hong bawlphatna tawh hong gum hi. 6Eite Honpa Jesu Khris hangin eite tungah tua Kha Siangtho a kicingin hong sung hi. 7Pasian hehpihna thupha hangin dikkisakna i gah khit ciangin, nuntak tawntungna i lametna tawh kituak in, eite in a luah ding mite i hihna ding ahi hi. 8Hih thu in thuman thutak ahi hi cih ngaihsutna tawh, Pasian a um khempeuh in gamtat hoihte a letkip denna dingun, hahkat in na hilhna dingin ka deih hi. Hih thute in thuhoih thupha ahih banah mite phattuamna a piangsak thei hi. 9Phattuamna hong pia theilo a mawkna thute ahi: thu kidotna a haihuaite leh khangtangthu ciamtehna laite, kitotnate leh Thukham hangin kiseelnate na peel in. 10Thu kinialna hangin a kikhen mite khatvei

FILEMON 1 nihvei na tai in la, 11tua bang mite in amah leh amah thu kikhen a ahih manun, mawhna bawl mi leh a khial mi ahih lam tel in la, paaikhia in. Mimal thugenna 12Artemas ahi zongin, Tikhikas ahi zongin na kiangah kong sawl ciangin Nikopolis khua ahi keima omna ah nong paina ding hong hanciam in. Bang hang hiam cihleh, tua khua ah phalbi sung khempeuh khawl ning ci-in ka ngaihsun khin hi. 13Sitni Zenas leh Appolos-te in kisapna a

212 neih lohna dingun na donin la, na kha in. 14I mite zong gah a nei theilote hi loin, kisapna a neih lohna dingun, gamtat tawh a nuntak theih denna dingun na sin sak in. Thupha piakna 15Ka kiangah a om mi khempeuh in hong hopih uh hi. Upna sungah ka it mite na hopihsak in. Note khempeuh tungah hehpihna thupha om den ta hen. Amen. 3:13 Sawl. 18:24; 1Kor. 16:12.

FILEMON KIANGAH SAWLTAK PAUL LAIKHAK

Hopihna Khris Jesu hangin thongkia keimah Paul leh i sanggam Timoti leh kote tawh nasem khawm ka it uh Filemon aw, 2ka sanggamnu uh Apfia leh kote tawh galkap ahi Arkhippas a kipan na inn sungah a om pawlpite khempeuh kong zasak uh hi. 3I Pa Pasian leh i Topa Jesu Khris kiang pan in hehpihna thupha leh nopsakna in note tungah om den ta hen.

Filemon upna leh itna 4Topa na upna leh mi siangtho khempeuh na itna thu ka zakuh ciangin, 5Pasian hehpihna phat tawntung in thu kong ngetsak uh hi. 6Upna sung kipna in vangliatna ah om in, Khris Jesu sungah eite aa ahi a hoihna a om khempeuhte pen mi dangte in zong a theihna dingun ka ngen uh hi. 7Ka sanggam aw, nangma hangin mi singthote in lungsim phattuamna ngah ahih man un, na itna ngaihsun in lungdam lua in ka nuam uh hi. Onesimas ading thumna 8Tua ahih ciangin nangmah in na bawl dingin a kilawm thukham na piakna dingin, Khris sungah lau loin om ka hih manin, 9puteek hong kici kei-mah Paul in tu in zong Jesu Khris hang in thongkia ka hih manin, itna tawh na kiangah kong thum hi. 10Kikhihna ka thuak lai takin ka piansakpa ahi, 11ni dang lai in, kimanna om lo hi na cihpa in, tu-in ahih leh i zat theih mi Onesimas adingin kong thum hi. 12Ka pumpi bangin na

ngaihsutna dingin, na kiangah kong ciahsak kik hi. 13Lungdamna Thu hangin kikhihna ka thuak lai takin, nangma tangin hong hehnepna dingin, ka koih nop hangin, ka tungah thupha nong bawl ciangin, 14zawhthawhna bang hi loin, na deih bangin na bawlna dingin ka deih a, na hih nop kei leh hong sawl kaltang ka hi kei hi. 15Amah in thukhat peuh hang tawh kikhen in na omuh hangin, tu in na kepsuak dingin kong sawl hi. 16Tua bang ka cih ciangin sila bangin na ngaihsun kei in la, amah in ka it mahmah ka sanggam hi a, nang adingin leh Pasian sungah sanggam bang in na ngah kikna ding ka cihnopna ahi hi. 17Tua ahih manin lawmpa takpi in nong ngaihsut leh, keimah bangin na tungsak in. 18Amah in na tung khialhna khat peuh a nei ahi zongin, leiba khat peuh a neih leh zong keima bat bangin na ciamteh in. 19Hong loh kik ding hing ci-in keimah Paul in ka khut tawh lai kong gelh hi. Ahi zongin nangmah in kei tungah leiba nong loh ding om hi ka cihna hi lo hi. 20Hi hi, ka sangampa aw, nang ma hangin Topa sungah ka lungdamna hi ta hen. Khris sungah ka lung hong dam sak in. 21Nangmah in ka thu nong ngaih ding lungkimna ding bek a gen hi loin, na hih ding hi cih ka theih manin lai hong gelh ka hi zaw hi. 22Tua banah, ka khawlna ding omna mun zong na bawl in. Bang hang hiam cihleh, na thu ngetna hangin na kiangah kong tun theihna ding in thu ka ngah kikna ding ka kilemen hi. 213

Thukhupna 23Khris Jesu hangin kei tawh thong kia khawm Epafras a kipan ka nasepih Marka, 24Aristarkhua, Demas leh Luka-te in hong hoipih uh hi. HEBRU 1

25Eite

Topa Jesu Khris hehpihna thupha in na kha tawh om den ta hen. Amen. 2 Kol. 4:17; 10 Kol. 4:9.

HEBRU MITE KIANGAH LAIKHAK

A khakbel a Tapa tawh thugenna Pasian in tanglai kamsangte tung tawn in, i pute pate kiangah lam tuamtuam tawh thu a piak khit ciangin, a nunung pen hun ah a Tapa tung tawn in eite thu hong pia hi. 2Tua a Tapa in na khempeuh a luah dingin koih khin a, ama ading in zong leitung a piangsak hi. 3Tua a Ta in Pasian vangliatna meel leh pianlim hi-in, a vangliatna tawh na khempeuh kip in, a sangna mun ah vangliatna ziat lamah tu in a om hi. 4Vantung mite in a ngahuh min sangin a pha zaw min a ngah mah bang in, vantung mite sangin a lian zaw mi ahi hi. 5Vantung mite khat peuh tungah thu a piak ngei loh thu ahi: Nang in ka Tapa na hi hi. Tu ni-in nang kong piangsak hi ci-in ahi zong in, Keimah in a Pa ka hi ding a, amah zong ka Tapa ahi ding hi ci-in ahi zong in, 6lam khat pan in a Tapa upa leitung ah hong sawl ciangin: Pasian vantung mi khempeuh in bok in a bia uh hi ci-in a gen hi. 7Lam khat pan in: A vantung mite in huih nung bangin ahi zong in, a nasemte in meikuang bang in ahi zong in a piangsak hi ci-in vantung mite ngaihsun in a gen hi. 8A Tapa thu panin: Pasian aw, na tokhom in, a om tawntung tokhom ahi hi. Dikna ahi ukna ciangkhut in na gam na ukna ciang ahi hi 9Nangmah in dikna thu deih in, gitlohna thu na mudah hi. Tua ahih ciangin na Pasian in, a lawmte khempeuh sangin hong pahtawi zaw in, lungdamna sathau hong nilh khin hi

a ci hi. 10Khatvei:Topa aw, nangmah in a kipatcil in leitung bulpi na phut a, vantung zong na khut tawh na zaal hi. 11Tuate kisia dinguh a, nang na hih leh na om tawntung ding hi. Tuate in puan bangin a tul ding hi. 12Amaute puan bangin na zial ding a, amaute puan bangin a kikheel dinguh hi. Nang na hih leh kikheel ngei loin, na nuntakna a bei ngei kei ding hi. a ci hi. 13Tua ban ah: Na galte khempeuh na khenuai ah ka koih mateng in, Ka ziat lamah na tu in cih thu vantung mi khat peuh tungah thu pia ngei ahi hiam? 14Vantung mite in, gupna ngah mite khate kem ding leh sawltak nasem ding hi lo uh ahi hiam? 1:5 La. 2:7; 2Sam. 7:14; 1Khg. 17:13; 6 Thkna. 32:43; 7 La. 104; 4; 8-9 La. 45:6-7; 10-12 La. 102:27; 13 La. 110:1. Alian gupna Tua hih ciangin eite in i zak nate panin kinlo leh i paikhiat lohna dingin lungsim pha tawh lungngulh huai hilo ahi hiam? 2Vantung mite thu piakna kipin om in, zuih khialhna leh thu ngaih lohnate hangin thuak dingin a kilawm thukhenna a ngah leh, a cil in Topa in hilh in, 3kam a za mite in dik a sakuh a lian mahmah gupna thu don loin om le hang, mawhna dan tawh bangci i kipelh thei ding i hi hiam? 4Tua thu teci a pang mite tungah Pasian in lim leh na lamdangte leh a tuamtuam vangliatnate, a deihna bangin a hawm sak Kha Siangtho piak thupha tawh ahi zongin teci a pang khawm hi. Gupna bawlpa 5A nung ciangin hong piang ding ci-in i gen pen vantung mite aa ding hi lo hi. 6Mi khat in:

HEBRU 3 Mihingte na ngaihsut dingin bang hi mawk uh hiam? Mihing Tapa na phawkna dingin bang ahi hiam? 7Vantung mite sangin neukha niam zaw in na bawl a, vangliatna leh minthanna lukhu khusak in, na khut tawh na piansakte khempeuh na uksak hi. 8Na khempeuh a khenuai ah na koih khin hi ci-in teci a pang hi. Na khempeuh koih khin hi cih ciangin, a koih lai ding adang khat zong om nawn kiuhkeuh lo hi cihna ahi hi. Na khempeuh ama aa dingin a koih khitna tu in i mu khin nai kei hi. Gupna piangsakpa 9Ahih hang in vantung mite sang in neukha niam zaw in a kibawl Jesu in, sih dongin a thuakna hangin, Pasian hehpihna tawh mi khempeuh in sihna i ciapkhak lohna ding ahih manin, minthanna leh vangliatna a khusak hi. 10Ta tampite minthanna sungah a khak theihna ding in, ama aa ding na khempeuh leh a tung-tawn in na khempeuhte hong piang a, amah in a thuakna tungtawnin, gupna piangsakpa leh amaute gupna a piak theihna dingin ki-cinna a nei hi. 11Tua ahih manin a siangtho-sakpa leh a sianthosakte in Pa khat bek panin hong piang uh ahih manun: Sanggamte ci-in a sap ding a maizum kei hi. 12Tua thu in: Ka sanggamte lakah na min ka gen ding a, mipi laizangah na phatna la ka sa ding hi ci-in a gen hi.13Mun dang khat ah: Ka muanna in Pasian sung ah ahi hi a ci hi. Khatvei: En in, kei leh naupangte in Pasian kiang pan in ka hi uh hi ci-in a kigen hi. 14Tua naupangte in silesa tawh a kizop mah bangin, amah in zong amaute mah bangin silesa hihna la in, sihna dongin a thuakna hangin, sihna vangliatna a ukpa ahi a suksiatna ding leh. 15sila in a hong bawl a lauhhuai sihna panin i suahtak theihna ding ahi hi. 16Vantung mite amah huh loin, Abraham suante a huh hi. 17Amah in mite mawhna tang dingin, Pasian tawh kipawl ahi hehpihna dikna-te tawh kidim in, Siampi Ukpa a suah theihna dingin a sanggamte tawh a kibatna ding thu a om hi. 18Amah in ze-etna namkim a

214 thuakna hangin, ze-etna a thuak mi khempeuh a huh theihna dingin siamna a nei hi. 2:6-8 La. 8:4-6; 12 La. 22:22; 13 Isa. 8:17-18. Siampi lian pen Jesu Tua ahih ciangin vangam tawh kipawl sapna thupha a ngah sanggamte aw, a thuman Sawltak leh Siampi Ukpa ahi Jesu tel takin lim ngaihsut un. 2Moses in Pasian innpi sung khempeuh a diktat mah bangin, Jesu in amah a koihpa mai-ah a diktat hi. 3Inn lampa in a inn sang in a minthan zawk mah bangin, Jesu in Moses sang in mithan a lianzaw a ngah ding in a kilawm hi ci-in i ciamteh hi. 4Inn khempeuh mite lam ahi hi. Na khempeuh a piangsakpa in Pasian ahi hi. 5Moses in a nung ciangin hong piang ding tecipang in sem ahih manin, a inn sung khempeuh ah a diktat hi. 6Khris ahih leh Tapa hihna tawh inn uk in, thuman in a diktat hi. Eite in lau lohna, lametna tawh kipawl lungdamna tawh i kisaktheihna dingin, a tawp dong in i let kip leh tua inn ah i teek tang ding hi. 7Tua ahih ciangin Kha Siangtho gen bangin: Tu ni-in a aw na zak leh, 8na lungsim khauhsak in, kei hong hehsak kei un. 9Na pu na pate un, kum sawm li tawngtung gam lakah ka nasepna a muh hangun hong ze-et in, hong hehsak bangin om kei un. 10Tua ahih manin hih khang mite in, a lungsim sunguah khial tawntunguh a, ka ngeinate thei lo uh ahih manun, a tungah ka heh hi ci-in ka gen hi. 11Tua ahih manun, amaute in ka nopsakna sungah a lut thei ngei kei dinguh hi. ciin heh in a kiciam hi ci hi. Thu umlote kisiatna 12Ute naute in note lakah theihna khat zong nei loin, gitlohna lungsim nei in, a nungta Pasian kiang panin na paikhiat lohna na dingun na kikem un. 13Mawhna in hong zolna hangin: Tu ni a kicih lai tengin nisim in khat leh khat kihansuah un. 14Eite in a cil panin i upna tawh a tawp dongin i kip leh Khris tawh a kipawl i hi ding hi. 15Lai Siangtho sungah: Tu ni-in a aw na zakuh leh na lungtang khauh sak kei un. Kilem lohna bawl in, a kihehsak hunah na om ngei bang un na om kei un a ci hi.

215 16Thu za napi-in kilem lohna a bawl mite in kuate ahi uh hiam? Moses nungzui in, Izipt gam panin a paikhia mi khempeuh in tua bangin gamta uh hi lo ahi hiam? 17Kum sawm li tawntung a nial mite in kuate ahi uh hiam? Mawhna leh khialhna bawl in gam lakah a si mite hilo uh ahi hiam? 18Kua mite tungah: Note in ka nopsakna sungah na tum kei dinguh hi ci-in ciamsiatna nei ahi hiam? Thu ngai mite tungah hilo ahi hiam? 19Tua ahih manin amaute in a up lohna hangun a lut zawhlohna uh i thei hi. 3:2 Gam. 12:7; 7-11 La. 95:7-11; 15 La. 95:7-8; 16-18 Gam. 14:1-35. Thu um mite tawlngakna Tua ahih ciangin Pasian nopsakna sungah tum zawhlohna ding thu kiciamna eite adingin om lai mah napi-in, note lakah a pha zolo khat peuh i om khak ding lunghihmawh huai hi. 2Eite in tua mite mah bangin Lungdamna Thu i za khin hi. Ahih hangin amaute a zakuh thu in upna kihel lo ahih manin phattuamna a om kei hi. 3A um eite in ahih leh a nopsakna sungah i tum hi. A genna in: Amaute in ka nopsakna sungah a tum thei kei ding uh hi ci-in heh in a kiciam hi a ci hi. Ahih hangin Pasian in a cil pan in na khempeuh a zo khin hi. 4Ni sagih ni thu tawh kisai-in Lai Siangtho sung mun khat ah: Pasian in a ma bawlna khempeuhte a zawh khit ciangin, ni sagih ni-in tawlnga in a om hi a ci hi. 5Lai Siangtho mun dang khat ah: Amaute in nopsakna a tum thei kei dinguh hi ci-in a om hi. 6Tua ahih ciangin mi kimkhat a tum theih dinguh hangin, Lungdamna Thu a za mite in a up lohna hangun a tum thei kei uh hi. 7Khatvei: Tuni in, a aw na zakuh leh, na lungtang uh na khauhsak kei un ci-in hih zah a sawt khin ahi: Tu ni ci-in David tungah a gen ciangin, tang lai in ni khat peuh ciamtehna tawh ngaihsun in a gen ahi hi. 8Joshua in tua mite nopsakna pia hi leh, a nung ciangin a om ding ni tawh kisai in Pasian in a gen kei ding hi. 9Tua ahih ciangin Pasian mite adingin nopsakna Ni a om lai hi. 10Pasian in a na

HEBRU 5 sepna khempeuh a zawh khit ciangin tawlnga in a om bangin, tua nopsakna sungah a tum mite in zong a nasepna khempeuh zo in tawlnga in a om ding uh hi. 11Isreal mite in thungaih lohna lungsim a neih uh ciang in a kipuk uh bangin, kuamah kipuk loin nopsakna sungah i tum theihna dingin hahkat ciat ni. 12Bang hang hiam cihleh, Pasian thu in nungta in, vangliatna nei a, lang nih a hiam namsau sang in hiam zaw in, nuntakna leh kha ahi zong in guh leh taang leh guhngeek-te khen in pailet thei a, lungsim ngaihsutna leh hamciamnate khempeuh a theithei hi. 13Tua tham loin, eite thu hong khenpa mai-ah a kilang lo na khat beek a om kei hi. Na khempeuh a liah a dal om loin a mai-ah kipho lakin a om hi. 14Tua ahih ciangin van khengin a pai a lian Siampi Ukpa ahi Pasian Tapa Jesu in, eite aa ahih manin eite in i zuihsa thu ah kiptak in om ni. 15I siampi ukpa in, eite thuak mah bangin ze-etna namcin thuak in, mawhna khialhna tawh kipelh ahih manin, eite thanemnate hong hehpih zolo ding ahi kei hi. 16Tua ahih ciangin eite in hehpihna leh a kilawm hun ah hong huhna thupha i ngahna ding in, lau lohna lungsim tawh hehpihna tokhom kiangah nai ni. 4:3 La. 95:11; 4 Pian. 2:2; 5 La. 95:11; 7 La. 95:7-8; 8 Thkna. 31:7; Josh. 22:4; 10 Pian. 2:2. A kicing siampi uk Jesu Mite lak panin a kiteelkhia siampi ukpa in mite mawhna tangin biak piakna pia dingin Pasian tawh kipawl nasepna ah a koih hi. 2Amah in thanem ahih man in a pil lo leh mawhnei mite thuakpih ding in a siam hi. 3Tua ahih ciangin mite mawhna tang ding leh ama mawhna tang dingin biakpiakna a pia hi. 4Pasian in Aaron a sap bangin a sap mite longal kuamah in tua a lian za a ngah thei kei ding hi. 5Tua ahih manin Khris in zong siampi ukpa ahih theihna dingin a pumpi a kiniam sak hi. Nang in ka Tapa na hi hi. Tu ni-in nang kong piangsak hi ci-in thu a piapa in Khris a pahtawi hi. 6Tua mah bangin, Lai Siangtho mun khat ah: Nangmah in Mekhizedek pawl, a tawntung Siampipa na hi hi

HEBRU 7 a ci hi. 7Tua Khris in mipum bangin a om lai takin, sihna pan a honkhia zopa kiangah kiko a, khitui luanna tawh thanem in thuum in, Pasian kihtakna lungsim hangin thungaihna a ngah hi. 8Ta taktak hi napi-in, gimna tawlna a thuakna tawh thumanna a sin hi. 9Tua bangin kicinna a tun khit ciangin, ama thu a mangte khempeuh a dingin a tawntung adingin gupna bawlpa a suak hi. 10Melkhizedek pawl siampi lian hi ci-in Pasian in min a pia hi. 11Tua Melkhizedek thu gen ding tampi ka nei uh hi. Ahih hangin note in pilna neilo na hih man un gen ding a haksa hi. 12Note in thuhilh sia suak khin dingin na kilawm uh hangin, Pasian thupiak lakah a kisin masa, a kipatna thute, mi dangte kiangah khatvei na sin kikna dingun kilawm na hih manun, an ne ding kilawm nai loin, nawi zu bek na ne thei lai uh hi. 13Nawi bek a ne mi in naupang hi lai ahih manin, dikna thute a siam kei hi. 14Sia leh pha khentel theihna pilna a nei leh zakna muhna theih na kician tawh a kidim mite adingin ahih leh an tak ahi hi. 5:3 Siam. 9:7; 4 Pai. 28:1; 5 La. 2:7; 6 La. 110:4; 7 Mat. 26:3646; Mk. 4:32-42; Lk. 22:39-46; 12-13 1Kor. 3:2. Puk ding a lauhuaina Tua ahih manin sihna tawh kipawl gamtat nate ahi, kisikkikna, 2Pasian upna, baptaizna, thuhilhna khutngakna, misite thawhkikna, thukhen tawntungna ahi a kipatnate lamkik loin, Khris ngeina a kipatna thute nusia in kicinna lam ah kahto in mainawt ni. 3Pasian thu hong piak leh tuate i bawl ding hi. 4Khatvei khuavakna mun tung khin in, van hehpihna ciamin, Kha Siangtho ngahna tawh a kizom ahi Pasian thu hoih ahi zong in, 5a hong tung ding vangliatna ahi zongin a ciap khit ciangin a tawp kikte ahih uh leh, 6amaute in Pasian Tapa singlamteh tungah that kik in, simmawh uh ahih manin, a nung ciangin kibawlthakna ahi kisikkikna a ngah zo nawn kei dinguh hi. 7Bang hang hiam cihleh, a tungah a kia ngitnget guahtui dawn in, a sem mite adingin anteh theipuam a piang sak thei leitang in, Pasian tung panin thupha ngah ahi hi. 8Ahi zongin ling-kung leh thangling a piansak leh, paihkhiatna

216 thuak in, hamsiatna a thuakna dingin, a tawpna ah meikhuk sungah khulna a ngah ding hi. A pha zaw 9Ka itte aw, tua bang ka cih hang in, note in gupna tawh kipawl a hoih zaw nate tawh kipawlte na hih manun ka lungkim uh hi. 10Note in na nasepna uh leh ni dang lai pan kipanin, mi siangthote an na vak mah bangun, tu dongin zom in, tua nasepna in a min hangin itna na lahnate uh Pasian in a mangngilh ding in thuman lo mi ahi kei hi. 11Note khempeuh in thadah loin, upna leh thuakna hangin thuciamna a luah ding mite gamtat bangin, 12na gamtat zawhna dingun, a tawp dongin up khialhna om loin, lametna tawh na kidimna dingun, na hahkatna dinguh ka deih uh hi. 13Pasian in Abraham tungah thuciamna a piak ciang in, amah sang in a lian zaw kiciamna ding om ahih manin, amah tawh, 14Thupha a man takpi nang kong pia ding a, a man takin kong khangsak ding hi ci-in a ciam hi. 15Tua mah bang in Abraham in thuak in, a ngak khit ciangin thuciamna bangin a ngah hi. 16Mite in amaute sangin a lianzaw tawh a kiciam thei uh hi. Kiciamna khempeuh kinialna tawh a beisak uh hi. 17Tua ahih ciangin thuciamna a luah ding mite in Pasian hanciamna in kikheel ngeilo ahih lam a theihna dingin, Pasian in kiciamna tawh thu a ciam hi. 18Pasian in a kheel theih loh thu nihte ah zuau thu zang loin, eite mai-ah a koih lametna len in, a beel dingin a tai eite in, hansuahna hanthotna pha i ngahna ding ahi hi. 19Tua lametna in dalna puan sungah lut in, i lungsim kipna ahi siklum bangin eite adingin a om hi. 20Tua sungah Jesu in Melkhizedek pawl ahi, a kip tawntung Siampi Ukpa a suah khit ciangin eite adingin a masa pen in tum hi. 6:8 Pian. 3:17-18; 14 Pian. 22:16-17; 19 Siam. 16:2; 20 La. 110:4. Melkhizedek siampi hihna Kumpite a thahna panin a hong ciah ciangin Abraham na dawn in thupha na pia hi. 2Abraham in a ngah sum khempeuh panin sehsawm suah sehkhat khen in a piak Salem Kumpipa ahi Sangbel Pasian Siampi Melkhizdek (A khiatna:

217 Dikna Kumpipa ahih kei leh Nopsakna Kumpipa) pen Salem Kumpipa ahi hi. 3Amah in pa omlo, nu om lo, suan leh khak neilo, a nuntakna kipatna leh a beina nei loin, Pasian Tapa tawh kibangin a tawntung siampi dingin a om hi. 4I pu Abraham in a sum ngahna lak pan a hoih pente sehsawm suah sehkhat a piaknapa in bang zah in lian hiam cih na lungngai un. 5Levi tate lak panin siampi a ngahte in Abraham suante hi uh a, thukham a om mah bang in, a maute tung panin sehsawm suah sehkhat sanna dingin thu a ngah uh hi. 6Ahih hangin, a mi namte ahi lo tuapa in Abraham tung panin sehsawm suah sehkhat sangin, thuciamna a ngah mi zong thupha a pia hi. 7Mi lianin mi neu thupha a piakna thu ah nialna dingin a om kei hi. 8Tua ahih manin a si thei mite in sehsawm suah sehkhat sanguh a, tua hun lai in ahih leh a nungta hi ci-in tecipanna a ngah mi in sehsawm suah sehkhat a ngah hi. 9Tua ahih ciangin sehsawm suah sehkhat a ngah theipa Levi in a sehsawm suah sehkhat pen Abraham tungah a pia hi cih gen ding thu a om kei hi. 10Melkhizedek in Abraham a dawn lai takin Levi in a pum sungah a om lai hi. 11Lamkhat panin, Levi suan siampi pawlte tawh kizomin, mite thukham ngahuh ahih man un, amaute hangin kicinna a om leh, a dang siampi Aaron suante bangin a kisam lo Melkhizedek tawh a kibang siampi hong pian laina dingin kul lai ding ahi hiam? 12Siampite kikheel ahih leh Thukham zong a kikheel loh phamawh hi. 13Tua genkholhna in, biakna tau tungah na a sem ngeilo pawl sung panin a piang hi. 14Tua tawh kizui in, eite Topa in Judah suante sung panin hong piang hi ci-in a kilang hi. Tua thu tawh kisai in Moses in siampite thu kam khat beek a gen kei hi. 15Tua ahih manin Melkhizedek bangin a dang siampi piang khin ahih leh a tungah a kigelh lai in thuman a hihna kilangsak zaw kan hi. 16Tua siampi in silesa tawh kipawl ngeina bang hi loin, a vanglian leh a nungta tawntung in a om hi. 17Bang hang hiam cihleh: Nang in Melkhizedek hihna bang in, a tawntung Siampipa na hi hi ci-in teci a pang hi. 18Thukham in bangmah ki-cing sak theilo ahih

HEBRU 8 manin, tanglai thukham in hatna nei loin, phattuamna zong pia zolo ahih man in, paihkhiatna a ngah khin hi. 19Ahih hang in tua sangin lametna thu a pha zaw hong piang sak hi. Tua lametna hang tawh eite in Pasian kiang ah naih theihna i ngah hi. 20Tua mite in kiciamna om loin siampi za a ngah uh hi. 21Jesu ahih leh kiciamna tawh a ngah hi. 22Tua thu in: Topa aw, Nangmah in a tawntung adingin siampi na hi hi ci-in kiciam khin ahih manin, a lungsim a kikheel nawn kei ding hi ci-in thu a koih kholh mah bangin, Jesu in kiciamna tawh siampi za ngah a, a pha zaw thu kiciamna, thukhun a suak hi. 23Tuate in si in a kip tawntung a dingin kip zolo ahih manun, siampite tampi ahi uh hi. 24Jesu ahih leh kip den ahih manin, a kikheel theilo siampi za a ngah hi. 25Tua ahih manin Jesu hang in Pasian kiang nai theihna a ngahte tang ding in a thuum theihna dingin Topa in nungta tawntung ahih manin, a tawntungin hong gum thei hi. 26Tua siampi ukpa in siangtho in, dik in, kihhuaina om loin, mawhneite tawh kikhen in, vante sangin a san zawkna munah tung ahih manin, eite adingin a kilawm hi. 27Amasa siampi dangte in ama mawhna tang dingin biakna a piak khit ciangin, mi dangte mawhna tang dingin nisim in a piakuh bangin, tua Topa in ama pumpi khatvei bek a piakna hangin, tua bangin biakna a piakna ding thu a om kei hi. 28Thukham in a khial thei mite siampi ukna za ah a koih hi. Thukham khit ciangin kiciamna a piakkholhna thu in, a tawntung ading in kicing in a om Topa a koih hi. 7:1-2 Pian. 14:17-20; 5 Gam. 18:21; 17 La. 110:4; 21 La. 110:4; 27 Siam. 9:7. Thuciam thak siampi lian Tua a kigensa thute bulpi in tua bangin siampi ukpa i nei hi. Amah in van ah a vanglian tokkhom ziat lamah tu in a om hi. 2Amah in mite khut tawh a kilam ahi lo, Pasian in a lam buk sung ah, a siangthona mun ah biakna na a sem mi ahi hi. 3Siampi ukte khempeuh in biakpiakna nasem dingin a kikoih mah bangun, siampi ukpa in biak piakna dingin na khat peuh a

HEBRU 9 neih kul hi. 4Thukham ngeina bangin biakna pia mite bangin, tua Topa in leitungah a om leh siampi ahi kei ding hi. 5Moses in buk lam dingin a kithawi ciangin: Mual tungah kong lahsa lim bangin na khempeuh na bawl ding na ciamteh in ci-in thupiakna a ngah bangin, tua siampite in vantung nate lim leh liim tawh kipawl nasepna a semuh hi. 6Tu in ahih leh Jesu in a pha zaw thuciamnate tung ah kipin a kikoih a phazaw thuciamna hong ciam ahih manin, tua sangin a lian zaw biakna nasepna za a ngah hi. 7Tua ahih manin, a masa thu ah mawksakna ding thu omlo hi leh, a nihna thuciamna a omna ding thu zonna ding a om kei ding hi. 8Tua mite Pasian in mawhsakna thu a pia kei hi: Keimah in hih mi pawlte a pu a pate a khut panun kai in, Izipt gam panin ka paikhiat pih ni-in amaute a kipia thuciamna tawh a kibang lo ahi Thuciam thak Isreal innkuante tawh ka bawl ding hun hong tung ding hi. 9Ka piak thuciamna ah kip lo uh ahih manun, amaute don loin ka om hi. 10A nung ciang in Israel innkuan tawh ka thuciamna ka thukhamte amaute lungsim sungah guang in, amaute lungtang tungah ka gelh ding hi. Tua ciangin amaute Pasian ka hi ding a, amaute in ka mite ahi dinguh hi. 11Tuate in: Topa thei un ci-in amaute pawlciat, a sanggam ciat khat leh khat thu ka hilh ding hi. Tua ciangin a neu pen pan kipan a lian pen dongin a vekpi un hong thei dinguh hi. 12Tua ciangin amaute mawhnate ka maisak ding hi ci-in Topa in thu a pia hi a ci hi. 13Thuciamna Thak ci-in thu a piak ciangin, thuciamna masa lui in, kiam a, tua a lui pen a manthanna ding a nai hi. 8:1 La. 110:1; 5 Pai. 25;40; 8-12 Jer. 31:31-34. Van leh lei tawh kipawl siangtho munte Lam khat panin, thuciamna masa in biakna ngeina leh hih leitung tawh kipawl siangtho mun a nei hi. 2Tua dingin puanbuk khat a lamuh hi. A masa deih sungah, meivak, sabuai leh Pasian mai-ah a kikoih khommunte a om hi. Hih mun in siangtho Mun kici hi. 3A nihna puan dalna sungah Siangtho Pen Mun a kici dei khat a om

218 hi. 4Tua dei sungah paknamtui halna leh kham tawh a kibawl thuciamna singkuangte a om uh hi. Tua singkuang sungah mana koihna kham beel leh a hiang mengin a pak Aaron ciangkhut leh thukham kigelhna suangpeekte a om uh hi. 5Tua singkuang tungah vangliatna tawh kipawl vantung mi limte in, mawhphelna tokhomte khuh in a om uh hi. Tua nate khempeuh tu in ka gen khin zo kei ding hi. 6Tua ahih ciangin hih na khempeuh a kibawl ciang in, siampite in biakna pia dingin buk masa sung ah a tum niloh uh hi. 7A nihna sung ah siampi ukpa in ama ading leh mi dangte a dingin biakna in gan sisan paipih in, kum khatin khat vei bek a lut hi. 8A masa dei ah a om lai tengin Siangtho Pen Mun ah paina ding a kilang nai kei hi ci-in Kha Saingtho in hih thu tawh a lak hi. 9Tua biak piakna inndei in tu hun adingin lim a hi hi. I lungsim in ngaihsun leeng, tua biakna in a bia mite a kicinsak zawh loh lam i thei hi. 10Tua banah neek ding, dawn ding, silh ding khempeuh leh pumpi tawh kipawl ngeinate hi uh a, a kibawl thak hun a tun dongin a kip bek hi. 11Tu in khuttawh kibawl lo, leitung tawh kipawl lo, a lian zaw leh a kicing zaw bukah, a nung ciangin a piang dingin phattuamna dingin siampi ahi, 12Khris in eite ading a tawntung tatkhiatna thupha hong ngahsak khit ciangin: keel sisan leh bawng sisan tawh hi nawn loin, ama sisan tawh Siangtho Pen Mun ah khatvei a lut hi. 13Bang hang hiam cihleh, bawng sisan, keel sisan leh bawngnuno vunte in a nin mite tungah a theh ciangin amaute pumpi a siangtho sak thei hi. 14Tua bang ahih leh tua sangin a pha zaw mawhna a nei lo, a tawntung Kha Siangtho tawh amah mahmah Pasian biakna ah a kipia Khris in, a nungta Pasian biakna ding in na pumpi uh kisuanna lungsim sung ah a om sihna tawh kipawl gamtatnate tawh kipelh in, a sianthosakna ding in bawl thei zaw kan ding hilo ahi hiam? 15Tua ahih ciangin thuciamna masa hun lai takin mawhna a tatkhiatna dingin, sihna thuak zo ahih manin, a sap mite in luah tawntungna tawh kipawl thuciamna ngahna dingun, tua Topa in thuciamna thak thukhun a suak hi. 16Sih khit ciangin luahna ding a om lai leh sisan tawh lainatna hangin a kiciam mite adingin tua sisan

219 in a kicing hi. 17Sisan tawh kiciamna lai atpa in a nuntak lai tengin kip nai lo a, a hih hangin, a sih khit ciangin tua sisan tawh kiciamna lai in a kip ding hi. 18Tua ahih manin thuciam masa in sisan lo tawh kiciamna ahi kei hi. 19Moses in Thukham khempeuhte mi khempeuh kiangah a hilh khit ciangin, tui tawh kihel bawng sisan, keel sisan, a san tuu mul leh pumpeeng ngekte la in, mi khempeuh tung ah a theh hi. 20Lai Siangtho sungah: Hih sisan in note tungah Pasian hong piak thukham kiciamna sisan ahi hi a ci hi. 21Tua mah bangin biakbuk leh a biakna sisan tawh a theh hi. 22Thukham thu bangin na khempeuh sisan tawh a kisiangtho sak hi. Si kibua loin mawhna kimaisak a om kei hi. Mawhna piahkhiatna 23Tua ahih ciangin vanah a om nate limte in tuate tawh a kisiangtho sak hi. 24Tua mah bangin a siangthona mun adingin lim takpi ahi, mi khut tawh kibawl a siangtho mun sungah Khris a lut kei hi. 25Tua banah, siampi ukpa in, Siangthona Mun sungah ama sisan tawh ahi lo kumsim in a lut bang hi loin, Khris in a pumpi tawh tamveipi biakna pia ahi kei hi. 26Tua bangin biakna ding kisam hi zenzen leh, lei piancil panin sihna tam veipi a thuak khin ta ding hi. Tu in ahih leh hun nunungah khat vei bek a pumpi kipiakna tawh mawhna a bei siangsakna ding hi ci-in a kilang hi. 27Mite in khat vei bek si in tua khit ciangin thukhenna a thuak dinguh hi. 28Tua mah bangin Khris in zong mi khempeuhte mawhna thuak dingin khatvei bek kipiakna tawh sihna a thuak khit ciangin, amah a lamen mite gum dingin mawhna tawh kihel loin, a nihveina hong pai kik ding hi. 9:2 Pai. 25:31-40; 26:1-30; 26:1-30; 3 Pai. 26:31-33; 4 Pai. 16:33; 25:10-16; 30 Gam. 1:1-6; Gam. 17:8-10; Thkna. 10:3-5; 5 Pai. 25::18-22; 6 Gam. 18:2-6; 7 Siam. 16:2-34; 13 Siam. 16:5-16; Gam. 19:7; 19:17-19; 19-20 Pai. 24:6-8; 21 Siam. 8:15; 22 Siam. 17:1; 28 Isa. 53:12. Khris khatvei sihna in kicing hi Lam khat panin, Thukham in a nung ciang in a hong piang ding nopsakna takpi hi loin, a lim bek hong lak ahih manin, kum simin a kipia biaknate tawh a nai mite adingin kicinna a

HEBRU 10 piang zo kei hi. 2Ahih kei leh, a bia mite in khatvei bek a siantho khituh ciangin, lungsim kisuanna ding om nawnlo ahih manin, tua biakna khatvei a piak khit ciangin a nung ciangin piak kik kul lai ding ahi hiam? 3Tu in ahih leh, hih biakna pia in i mawhnate kum simin kingaihsun in a om hi. 4Bang hang hiam cihleh, Bawngtal sisan leh keel sisan in mawhna a paaikhia zo kei hi. 5Tua ahih manin Khris in leitungah hong pai ciangin: Pasian aw, biakna leh piaknate na deih kei a, keimah adingin pumpi na bawl khol khin hi. 6Mawhna maisakna dingin mei tawh pumpi hal biakna leh piaknate hangin na lung a kim kei hi. 7Tua lai takin keimah in, Lai Siangtho sungah keimah kingaihsun in a kigelh mah bangin: Na deihna bangin a sem dingin a hong pai ka hi hi, Pa aw a ci hi. 8Thukham ngeina bangin sepnate pan in Khris in: Biaknate, piaknate leh pumpi mei tawh hal biaknate mawh maisakna biaknate na deih kei a, na lungkim kei hi a cih khit ciangin, 9Na deihna bangin a sem dingin a hong pai ka hi hi a cihna in, a masa paaikhia in, a nihna a kipsak ahi hi. 10Tua deihna tawh Jesu Khris pumpi khatvei piakna hangin eite in sianthona i ngah hi. 11Siampi khempeuh in cikmah hun in a kimai sak zo piaknate pia kikkik in a dinguh hi. 12Tua Topa ahih leh mawhna kimaisakna dingin biakna khatvei bek a piak khit ciangin, 13Pasian ziat lam ah a tawngtung in, a galte khempeuh a khenuai ah a koih khit matengin ngak in a om hi. 14Tua ahih manin sianthona a ngah mite in, khatvei biakna tawh kicin tawntungna a ngah sak hi. 15Kha Siangtho teci panna in: 6Tua hun ciangin amaute tawh ka kiciamna in, keimah Topa in, Ka Thukhamte amaute lungtang sungah guansak in, a lungtang tung ah ka gelh ding hi ci-in tu ma in thu a piak khit ciangin khatvei: 17Amaute mawhna leh khialhnate ka mangngilh ding hi a ci hi. 18Tua kimaisakna hangin a nung ciangin mawhna hangin biakpiakna bawlna ding thu a om nawn kei hi.

10

HEBRU 11 Hanthotna leh hilhkholhna 19Tua ahih ciangin ute naute aw, Jesu pumpi ahi dalna puantawh, 20tua Topa in eite adingin hong honsak nuntakna lampi thakah eite in Mun Siangtho Pen sungah Jesu sisan hangin i tumna dingin launa ding a om kei hi. 21Pasian innpi a ukpa om ahih manin, 22eite in lungsim kisuanna a om lohna dingin a kitheh tui siangtho tawh a kisil khit ciangin up khialhna om lo, upna ah kip in, dikna tawh a dim lungsim tawh a kiang nai ni. 23Lametna thu tawh kipawl i zuihsa nate ah hawi loin, len kip ni. Bang hang hiam cihleh, thuciamna a koihpa in a thuman hi. 24Tua ban ah itna lungsim neihna ding leh a pha in gamtatna dingin kihansuahna tawh khat leh khat kidon ni. 25Kimkhatte ngeina bangin kikhop pelh lohna dingin khat leh khat kihansuah ni. A Ni hong naita ahih manin na hakkat zaw kan un. 26Eite in thuman thutak i theih khit ciangin, i deihna bangin zui kik mawk lehang, a nung ciangin mawhna kimaisakna ding biakna a om nawn kei ding hi. 27Tua ahih manin a lau huai dantahna thuak ding thu leh thu nial mite a siasak dingin hehna meikuang bek a om lai hi. 28Moses Thukham a nial mi in, teci nih bang, thum bang a om leh hehpihna ngah loin a si hi. 29Tua bang bek hi loin, Pasian Tapa a khe tawh sik a, amah a siangtho sak thuciamna sisan a siangtho lo ci-in ngaihsun in, thupha a pia Kha Siangtho a simmawh mi in bang zah in a lian zaw dantahna a thuak ding hiam? 30Phulakna in keima aa ahi hi. A mawhna tawh kituak in ka thuk kik ding hi cih leh: Pasian in ama mite tungah thu khen ding hi cih thu a piapa i thei hi. 31A nungta Pasian khut sungah pukna in a lipkhaphuai pukna lian ahi hi. 32Note in khuavak sungah na tun khituh ciang in, mite mai-ah kisiatna thuak in, tua bang a thuakte tawh kipawl khopna in, gimna lianpi dona, 33ni dang lai in na thuakna uh na ngaihsun un. 34Tua lai in note in khihna a thuak mite na khasiat bekuh hi loin, na zat dingin a phazaw a kip tawntung sum om hi cih thei in, na sum na paaite uh hong kisuh ciangin na lunguh dam in na manguh hi. 35Tua ahih ciangin phattuamna lianpi tawh kizom in, na lungmuanna uh na

220 paaikhia kei un. 36Pasian deihna bangin na sep khituh ciangin a hong thuciamna na ngahna dingun thuakzawhna lungsim na kisamuh hi. 37Bang hang hiam na cihuh leh, a hong pai dingpa in, khawl loin tawlno khat khit ciangin hong tung ding hi. 38Ka mi dikin upna tawh a nungta ding hi. A nungkin leh tua mi tungah ka kha a lungdamna kei ding hi ci-in Pasian in thu a pia hi. 39Eite i hih leh, kisiatna tungah dingin a nungkin mite lakah i om kei hi. Lungsim kha in gupna a ngahna dingin upna a nei mite lakah i om hi. 10:5-7 La. 40:6-8; 11 Pai. 29:38; 12-13 La. 110:1; 16 Jer. 31:33; 17 Jer. 31:34; 22 Ezk. 36:25; Siam. 8:30; 27 Isa. 26:11; 28 Thkna. 17:6-19; 29 Pai. 24:8; 30 Thkna. 32:35; Thkna. 32:36; 37-38 Hab. 2:3-4. Upna thu Upna i cih in a kimu nailo nate ah lametna tawh lungkimna ahi hi. 2Tua upna hangin tanglai mite in tecipanna a ngahuh hi. 3A kimu nate leh a kilang nate panin piang loin, leitung in Pasian thupiakna tawh a piang hi ci-in upna tawh i thei hi. 4Abel in Kain sangin upna tawh Pasian tungah biakna phazaw pia a, ama piaknate Pasian in sang ahih manin dik hi ci-in tecipanna a ngah hi. Tua ahih manin Abel a sih khit hangin a upna in thu a hilh lai hi. 5Enok in upna hangin sihna tawh kipelh in laktohna a ngah hi. Pasian in lato ahih manin a kilang nawn kei hi. Amah a kilaktoh ma in Pasian a lungdamsak hi ci-in tecipanna a ngah hi. 6Pasian kiangah a nai mi khempeuh in Pasian om hi cih leh hahkat in amah a zong mite phattuamna a pia ding hi cih upna kisam ahih manin, upna lo tawh Pasian kilungdamsak zo lo hi. 7Noah in a muh nai loh thute ah, thupiakna a ngah khit ciangin, upna tawh Pasian kihta in a innkuanpihte tawh gupna a ngahna dingin tembaw a lam hi. Tua upna hangin amahin leitung mite mawhna tungah thukhen in, a upna kipawl dikkisakna a ngah hi. 8Abraham in a luahna ding gamah paikhia ding un, Pasian sapna a ngah khit hang in, a paina ding a theih loh hangin, upna tawh thu mangin a paikhia hi. 9Upna tawh, a theih lohna

11

221 gamah mi vakvai bangin, thuciamna tawh kipawl a luah ding gamah khualzin mi bangin a om hi. Tua a thuciamna a luahpih Isaak leh Jakob-te tawh puanbuk sungah a teenguh hi. 10Amah in Pasian lamsa, bulpi a nei khuapi ana zong hi. 11Sarah in a teek khit ciangin ta neihna ding thu vangliatna leh upna tawh a ngah hi. Amah in thuciam a piapa in thumanpa hi ci-in a um hi. 12Tua ahih ciangin, mihing hihna a si khin ahi Abraham panin a kisim zo lo, aksi zah leh tuipi gei a sehnel zah suan leh khak a nei hi. 13A kigensa mite in thuciamna tawh kipawl nopna ngah kha loin, gamlapi pan gal et in, hopih in, amaute in leitungah khualzin mi bang leh leitung panin a paikhiate bangin a om uh hi. 14Tua bangin a mang mite in amaute adingin zongin a vak kawikawina uh a lak hi. 15Amaute in a nusiatna gamah ciahkik nuam hi leh, a ciahkikna ding hun a om lai hi. 16Ahih hangin amaute in van gam ahi, tua sangin a phazaw gam a delh uh hi. Tua ahih manin Pasian in amaute Pasian a kicih ding maizum loin, amaute omna dingin khuapi a bawlkhol hi. 17Abraham a kize-et ciangin, upna tawh Isaak biakpiakna in pia in: Isaak tung bekah na suan na khakte kisim ding hi a ci hi. 18Tua bangin a thupiak kholhna a kipan thuciamnate pen lungdam in sang in, a tapa neihsun a pia hi. 19Tua bangin a piak ciangin Pasian in sihna panin thokiksak thei hi ci-in a lungkim hi. Tua a ta in a si khinsa a hingkik tawh a kibang hi. 20Isaak in zong upna tawh a piang ding nate ngaihsun in, Jakob leh Esau thupha a pia hi. 21Jakob in a sih kuan ciangin upna tawh Josef tate nih thupha a piak kawm in, a ciangkhut dawnah kingam in a pia hi. 22Jakob in a sih kuan ciangin upna tawh Isael mite paikhiatna na ding thu lakin, a guhte tawh kisai-in thu a vaikhak hi. 23Moses a suah khit ciangin a meel hoihna a nu leh pa in a muhuh ciangin, upna tawh kumpipa thupiakna kihta loin, kha thum tawntung a seel uh hi. 24Moses a khancin ciangin mawhna tawh kipawl nopsaknate tawlkhat a ngah sangin, Pasian mite tawh bawlsiatna a thuak khop ding teel zaw a, 25Izipt gam sung sum khempeuh sangin Khris tawh kipawl kosiatna a lian zaw ah lungkim in, a nung ciangin a ngah ding nopna

HEBRU 11 lamen ahih manin, 26Faro tapa kicihna thu a nial hi. 27Mit tawh a kimu theilo Pasian a mu khin bangin lungkip ahih manin, upna tawh kumpipa hehna lau loin Izipt gam a taisan hi. 28Tua upnate a sisakpa in Israel mite a suk gawp lohna dingin upna tawh Paisan pawi leh sisan tawh kithehna a bawl hi. 29Isreal mite leikeu tung ah upna tawh San Tuipi laizangah a pai uh hi. Amaute bangin Izipt mite pai a sawm uh leh tui sungah a si khin uh hi. 30Jerikho khuapi ni sagih sung a kimkot khituh ciangin, upna tawh khuapi kulh a cimsak uh hi. 31Numei gilo Rahab in gam en simte zawlin manin, a innah tungsak ahih manin, thu ngailote tawh kisia khawm loin, upna tawh a suakta hi. 32Tua lo a dang gen ding i nei lai hiam? Gideon, Barak, Samson, Jefthah, David, Samuel a kipan kamsangte thu khempeuh genna dingin hun a kicing kei hi. 33Tua mite in upna tawh gualzawhna ngah in, thuman thutak tawh thukhen uh a, thuciamna ngah in, humpinelkai kam a ka sak kei uh hi. 34Meikuang mitsak uh a, namsau maiah a suakta uh hi. Zawnkhalna pan thahat in, gal hangte suak uh a, gam dang galkapte a taimang sak uh hi. 35Numeite in sihna panin thokik in, a misite uh a ngah kik uh hi. Kimkhat in a phazaw thawhkikna a ngahna dingun, suahtakna sang loin, nakpi takin satna a thuak uh hi. 36Kimkhatte in kosiatna, sat gawpna, henna leh thongkiatnate tawh ze-etna a thuak uh hi. 37Suang tawh denna, singat tawh at tanna, ze-etna leh namsau tawh thahna a thuak uh hi. Nakpi takin zawngkhal in, bawlsiatna thuak in, tuu vun leh keel vunte silh in a kawivak uh hi. 38Hih leitung in tua mite tawh kilawmna nei lo ahih manun, amaute in gamlak, mualkuam, leihawm leh leihawm sungte ah lal kawikawi in, a vak kawikawi uh hi. 39Tuate khempeuh in upna tawh tecipanna a ngahuh hangin thuciamna tawh kipawl nopsakna a ngah kei uh hi. 40Tua mite in eite kihel loin, kicinna ah a lut lohna dingun Pasian in eite ading in a phazaw nate a ciamteh hi. 11:2 Pian. 1:1; La. 33:6-9; Jhn. 1:1; 4 Pian. 4:3-10; 5 Pian. 5:21-24; 7 Pian. 6:13-22; 8 Pian. 12:-5; 9 Pian. 35:27; 11 Pian. 18:11-14; 21:2; 12 Pian. 15:5-22; 17:32-12; 13 Pian. 23:4; 1Khg. 29:15; La. 39:12; 17 Pian. 22:1-14; 18 Pian. 21:12; 20 Pian. 27:27-29; 27:39-40; 21 Pian. 47:31-48; 22 Pian. 50:24-

HEBRU 12 25; Pai. 13:19; 23 Pai. 2:2; 1:22; 24 Pai. 2:10-12; 27 Pai. 2:15; 28 Pai. 12:21-30; 29 Pai. 14:21-31; 30 Josh. 6:16-21; 31 Josh. 2:1-21; 32 Tkte. 6:11; 8:22; 4:6; 5:31; 11:1-2; 12:7; 13:2; 16:31; 1Sam. 16:1; 33 Dan. 6:1-27; 34 Dan. 3:1-30; 35 1Kum. 17:1724; 2Kum. 4:25-37; 36 1Kum. 22:26-27; 2 Khg. 18:26-27; 2Khg. 18:26-28; Jer. 20:2; 37:15; 38:6; 37 2Khg. 24:21. Topa thuhilhna Hih zah a tam tecipanna in hong um cih ahih manin, i van khem peuh leh hong bawlsia thei mawhna khempeuh suahkhia in, 2eite upna a piangsakpa leh a kicingsakpa Jesu tel takin en in, i mai-ah a om kitaitehna ah thakiam loin kidem in tai ni. Tua Topa Jesu in a mai-ah a koih nopna thu hangin zumna dingin ngaihsun lo a, singlamteh tungah a thuak khit ciangin Pasian tokhom ziat lamah a tu hi. 3Thakiamna leh lungkiatna a om lohna dingin, mawhna a nei mite lakah tua bangin gimna a thuak Topa na ngaihsun un. 4Note in mawhna khialhna tawh kido in, sisan luang zah khopin na thuak nai kei uh hi. 5Tua ahih manin: Ka tapa aw, Topa thuhilhna ciamteh loin om kei in la, na mawhna hong tel dot ciangin lungkia kei in. 6Bang hang hiam cihleh, Pasian in a it mite thu a hilh thei a, a san a tate khempeuh a sat thei hi ci-in a tate kiangah a cih mah bangin, note tung ah hong kigen thuhilhna kammalte na mangngilh khin uh hi. 7Note in thu hong hilhna dingin na thuak un. Tate tungah a kibawl bangin Pasian in note tungah hong bawl hi. Bang hang hiam cihleh, tate a thuhilh lo Pa kua om ahi hiam? 8Tate khempeuh in pate thuhilhna a thuak kei uh leh ta taktak hi loin, zawlta na hi dinguh hi. 9Lam khat panin, pumpi tawh kipawl pate khutnuai ah eite in thuhilna i thuak ciangin, amaute i zahtakna a kilangsak i hi a, kilangsak i hi a, tua bang bek hi loin, eite in khate Pa ukna thuak in a nungtate hilo i hi hiam? 10Bang hang hiam cihleh, tua pate in hilh dingin kilawm hi a cihna hangun, amaute deihna bangin tawlkhat bek thu hong hilh uh hi. Topa in ahih leh a sianthonate i zopna dingin, eite nop-sakna ding ngaihsun in hong hilh hi. 11Thuhilhna i thuak lai takin, lungdamna lamin ngaihsun loin in, dahna ding

12

222 kisa thei hi. Ahih hangin thuhilhna a ngah mite a nung ciangin nopsakna ahi dikna a ngah uh hi. 12Tua ahih ciangin a zaw khutte leh tha neilo na khukte uh khauhsak un. 13A khezaw in kilawi gawp loin, cidamna a ngahna dingun, na paina lampi uh na tangsak un. 14Sianthona lo tawh kua mah in Topa mu thei lo ding ahih manun, mi khempeuh in nopna a ngahna dingin na kihansuah un. 15Note lak ah Pasian hehpihna thupha na ngah kimna uh ahi zongin, a kha zung kung po in, note hong bawlsia in mi tampi hong ninsak ding ahi zongin, 16numei paktatte tawh kuamah a khialh lohna ding leh an kamkhat tawh innluah za a zuak Esau bang in Pasian thu a simmawh mi a om lohna ding in na kikem un. 17Na theihsa mah bang un Esau in a nung ciangin a luah nop hang in, nialna ngah ahih manin, khitui tawh kisikkik in a zon hangin phatuamna a om nawn kei hi. Sinai leh Zion a kibatlohna 18Tua lo a dang note in khut tawh kilawng thei meikang mualah ahi zongin, a vom meiipi ahi zongin, khuamial ah ahi zongin, huihpi nungah ahi zongin, 19peengkul tumna aw ah ahi zongin, kam aw ah ahi zongin, a tung na hi kei uh a, tua aw a za mite in thu a piak kik lohna dingun a thum uh hi. 20Mipite in: Ganhing nangawn in tua mual a suk khak leh suang tawh kideng lum ta hen ci-ia thukhamna aw mite bil in a thuak zo kei uh hi. 21Tua bangin a kilatna in kihtakhuai mahmah ahih manin Moses: Kihta in ka liing hi a ci hi. 22Note in Zion mual leh a nungta Pasian khua ah ahi zongin, van Jerusalem khuapi ah ahi zongin, a kisim zolo vantung mite kikhopna ah ahi zongin, 23vantung laibupi sungah a kikhum tapa upa pawl kikhoppina leh pawlpi ah ahi zongin, mi khempeuh tungah thu a khen ding Pasian kiangah ahi zong in, 24thuciamna thakah hong kikham ahi Jesu kiangah ahi zongin, Abel sisan sangin a phazaw a kitheh sisan kiangah ahi zongin na tunguh hi. A kilinglo gam 25Note in thu hong piapa kam na nial lohna ding un na kikem un. Bang hang hiam cihleh, leitung ah thugen kholhna hong kipia thute a nial mite in mawhna tawh kipelh lo ahi leh, van panin thu hong piakholpa kiangah panin eite paikhia

223 lehang mawhna panin i suakta kei zaw tham ding hi. 26Tua hun a thu a pia kholpa aw in leitung a liingsak hi. Tu in ahih leh: Khatvei keimah in lei bek hi loin, van na ngawn ka liingsak kik ding hi ci-in ciamna a om hi. 27Hih munah: Khatvei a cihna kam a khiatna in, a liinglo nate a piansak nate bangin paaikhia ding a cihnopna ahi hi. 28Tua ahih ciangin eite in a liinglo a kip gamh ngah i hih manin, kihtakna leh zahtakna lungsim tawh Pasian a lungdam sak thei biakna i sep zawhna dingin, hong hehpihna lungsim nei ni. 29Bang hang hiam cihleh, Pasian in a kang tum thei mei ahi hi. 12:5-6 Job. 5:15; Pau. 3:11-12; 12 Isa.35:3; 13 Pian. 4:26; 15 Thkna. 29:18; 16 Pian. 25:29-34; 17 Pian. 27:0-40; 18-19 Pai. 19:16-22; 18:21; Thkna. 4:11-12; 5:22-27; 20 Pai. 19:12-13; 21 Thkna. 9:19; 24 Pian. 4:10; 25 Pai. 20:22; 26 Hag. 2:6; 29 Thkna. 4:24. Pasian tungah a lungkimhuai nasepna Ute naute ki-itna kipta hen. 2Zinte do ding na mangngilh kei un. Mi kimkhatte in zin a do lai takun vantung mi ahih lam theilo in zin a do khial uh hi. 3Khau khihna a thuak mi tawh kikhih khawm bangin kingaihsun un. Pumpi silesa tawh kipelh lo na hih manun bawlsiatna a thuak mite na phawk un. 4Mi khempeuh lakah kitenna kithupi sak ta hen. Pasalte in zite tawh khat leh khat a kithuman ciatna dinguh ahi hi. Numei tawh a mawhte leh mi zite tungah a mawhte tung ah Pasian in thu a khen ding hi. 5Sumduh luatna tawh na kipelh un. Na neih zah sum tawh na lungkim un. Amah in: Kong paisan ngei kei ding a, zong kong nusia ngei kei ding hi ci-in hong gen khin hi. 6Tua ahih ciangin: Topa in kei hong huhpa hi a, ka kihta kei ding hi. Mite in ka tungah bang hong bawl thei dinguh ahi hiam? ci-in kimuanna lungsim tawh i gen thei hi. 7Note kiangah Pasian thu hong hilh in, note hong uk mite na ngaihsun un. Amaute in bangci gamtat in a si uh hiam cih tel takin na lungngai un la, amaute upna lim na zui un. 8Jesu Khris in zani, tuni leh a tawntungin kikhel ngeilo hi. 9A tuam dang, a tuam pian leh a lamdang thuhilhna thak na zui kei un. An nek hang hi loin, hehpihna

13

HEBRU 13 thupha hang bek tawh lungkhauh in na om uh leh a pha hi. An nek bek a ngaihsun mi in phattuamna a ngah zo kei dinguh hi. 10Buk sungah biakna nasem mite in a nek theih ding bek ahi lo, biakna tau eite in i nei hi. 11Siampi ukpa in mawhna maisakna dingin biakna gan sisan, a siangtho mun sungah a lut pih khit ciangin, biakpiakna gan pumpi pen giahbuk pua lamah a hal hi. 12Tua mah bangin Jesu in zong a sisan tawh mite a siantho sakna dingin khuapi pua lamah sihna a thuak hi. 13Tua ahih ciangin eite in Topa tawh kosiatna thuak khawm in, giakbuk pualam ah a kiang va nai hi. 14Eite in hi munah khuamun kip i nei kei a, hong piang ding khuapi a zong i hi zaw hi. 15Tua ahih ciangin tua Topa hangin ama min tawh Pasian tungah phatna biakna pia tawntung ni. 16Thupha bawlna, sum piakkhiatnate na mangngilh kei un. Pasian in tua bangin biaknate pha sa in a deih hi. 17Hong uk mite thu na ngai un la, na zui un. Amaute in note pumpi hong teldotna a thuak mite ahih manun, na kha un noptuamna a ngahna dingin hong kem uh hi. Note nopsakna a piansak theihna dingin, dahna tawh hi loin, lungdamna tawh amaute kiteldotna a thuakzawhna dingun kikem in na om un. 18Kote ading in thu hong ngetsak un. Kote in lungsim sia leh pha theihna nei in, na khempeuh ah a hoih in gamtat ding a deih mi ka hi uh ci-in ka lungkim uh hi. 19Note kiangah a manlangin kong pai kik theihna dingin, kote adingin thu hong ngetsak un ci-in kong hansuah zaw uh hi. Thukhup hopihna 20A tawntung kiciamna sisan hangin Tuucing lian ahi sihna panin Topa Jesu a lakhia, nopsakna Pasian in, 21ama deihna thu Jesu Khris hangin eite tungah hong bawlna bangin, note in a deihna na zuihna dingun a hoih na khempeuh ah hong kicingsak ta hen. Tua Topa in a tawntungin vangliatna ngah tawntung ta hen. Amen. 22Ute naute aw, a tomin gelh in hong zasak ka hih manin, ka hansuahna kam na thuak un ci-in kong thum hi. 23I sanggam Timoti a kikhahna thu na thei un. Amah in a sawt loin hong tun leh, amah tawh hong paikhawm in hong mu dinguh hi. 24Note hong ukte khempeuh ahi zongin, mi

JEIM 1 siangthote khempeuh tawh kong hopih uh hi. 25Note khempeuh tungah hehpihna thupha om den ta hen. Amen.

224 13:2 Pian. 18:1-8; 19:1-3; 5 Thkna. 31:6-8; Josh. 1:5; 6 La. 118:6; 11 Siam. 16:27.

JEIM LAIKHAK
Hopihna Pasian leh Topa Jesu Khris sila ahi keimah Jeim in mun khempeuh ah kikhenthang in a om, minam sawm leh nihte kong hopih hi. 2Sanggamte aw, ze-etna namcin na thuakuh ciang in lungdamna ding bek hi ci-in na ciamteh un. 3Bang hang hiam cihleh, na upna uh hong ze-etnate tungtawn in thuakzawhna hong khang sak hi ci-in na ciamteh un. 4Note in neu kha beek kisapna om loin, na kicin zawkna dingun thuak zawhna lungsim a kicing takin kibawlphatna hong pia ta hen. 5Note lakah khat peuh in lungpilna a deih leh, kosiatna a neilo mi, mi khempeuh tungah piakkhiat nopna a neihna dingin Pasian kiangah thun a get leh a nget khempeuh a ngah ding hi. 6Ahih hangin um khial loin, upna tawh ngen ta hen. Bang hang hiam cihleh, up khialhna a nei mi in huih nun ciangin a kilok thei tui tawh kibang hi. 7Tua bang mite in lungka thei uh a, a hanciamna a bawlna khempeuhah a kip lo mi ahih manin, 8Topa kiang panin bang mah ngah dingin ki-um kei hen. Zawnna leh hauhna 9A zawng sanggamte in a ngahzah tawh kilungkim sak thei ta hen. 10A hau sanggamte in kiniamsakna a thuakna hangun kilungdamsak thei ta hen. Bang hang hiam cihleh, amah in lopa bangin a mangthang thei hi. 11Ni in satna tawh hong suah ciang in lopa kungte keugaw in, a pakte vul in, a kilawmna a meelte zong a mangthang thei hi. Tua bangmah in sum hau mi in, a neihsate vulin a mangthang ding hi. Khemna leh ze-etna 12Ze-etna a thuak zote in thupha a ngah ding uh hi. Bang hang hiam cihleh, ze-etna a thuak khit ciangin Topa in a it mite a ciam bangin nuntakna lukhu a ngah dinguh hi. 13Mi khat in zeetna a thuak ciangin: Pasian in kei hong ze-et hici-in gen kei hen. Bang hang hiam cihleh, a

hoih lo tawh Pasian kize-et zo lo a, amah in kua mah a hoih lo tawh a ze-et thei kei hi. 14Lunggulhna in kai in, zolna a thuak ciangin mi khempeuh in ze-etna a thuak ahi hi. 15Tua nung ciangin lunggulhna hong gai in mawhna suakkhia in, tua mawhna in a kicin ciangin sihna a piangsak hi. 16Kong it ka sanggamte aw, na kikhem kei un. 17A phate kicing takin hong piak thupha a om khempeuh in khuavak a nei Pa kiang van panin hong pai ahi hi. Tua pa in a kikheel bek hi loin, kihei in a lim zong a siasak kei hi. 18A piansakte lakah eite in a gah masa bel i suahna dingin, thuman thutak tawh a deihna bangin eite hong piangsak hi. Zakna leh sepna 19Kong it, sanggamte aw, hih thu na thei un. Ahih hangin mi khempeuh in zakna ding manlang hen la, hehna ding ahih leh zekai hen. 20Bang hang hiam cihleh, hehna in Pasian dikna piangsak lo hi. 21Tua ahih manin a kihhuai na khempeuh leh hazat luatna lungsimte paaikhia in, na kha uh hong thei note lungsungah a kituh Pasian pen lungnemna tawh na sang un. 22Pumpi khemna dingin thu ngaite bek hi loin, thu bangin a gamtate na hi un. 23Mi khat in zui loin a ngai bek ahih leh, tua mi in limlang sung ah a maitang a en mi tawh kibang hi. 24Limang sungah a mai a et khit ciangin mun dangah pai in, a meel bangci bang hiam cih a mangngilh pah hi. 25Suahtakna tawh kizom a kicing thukham ah lim takin en in, kip takin a om mi in a thuzakte a mangngilh thei mi ahi kei hi. A zui miin thuman thutak zui in a gamtatna hangin thupha ngah mi ahi ding hi. 26Mi khat in: Pasian ka bia hi ci-in a ki-up hangin a kam a kep zawh kei leh, tua mi in ama pumpi a khem hi in, a biakna in a mawkna ahi hi. 27I Pa Pasian mai-ah a nin lo, a siangtho biakna

225 in pa neilo naupangte leh meigong numeite a dah lai takun en in keem thei a, a pumpi zong kihhuai nitna tawh a kipelhna dingin a kikeem thei hi. 1:1 Mat. 13:55; Mk. 6:3; Sawl. 15:13; Gal. 1:19; 10-11 Isa. 40:6-7. Maitang zahtak nei tuam loh ding hilhkholhna Sanggamte aw, a vanglian Topa ahi Topa Jesu Khris upna thu ah maitang zahtah tuam na nei kei un. 2Kham khutbuh bulh in puan hoih a silh mi leh a kihhuai puansia a silh mi zawngte in, 3kikhopna inn sungah hong lut khawm in, puan hoih a silhpa en in: Omna pha hih lai-ah na tu in ci-in, 4mi zawngpa kiangah: Hua lai ah na tu in, ahih kei leh ka khe ngakna gei-ah na tu in na cih uh leh, maitang zahtak tuamna nei in, a hoih lo han ciamna tawh thukhen mi hilo na hi uh hiam? 5Kong it sanggamte aw, ngai un. Leitung mite mai-ah mi zawngte in upna tawh a kidimna dinguh leh Pasian a it mite a thuciamna gam a luahna ding ahi zongin, tua mite a teel hilo uh ahi hiam? 6Note na hih uh leh, mi zawngte na thu don kei uh hi. Sum haute in note hong bawlsia uh a, thukhenna tokhom mai-ah ong kai uh hi lo ahi hiam? 7Note na phuah uh a min ngaihte uh nangawn gensia uh hi lo ahi uh hiam? 8Thukham sungah: Na pumpi na it bangin na lawmte na it in a kici na zuih uh leh, a pha in na gamta khin uh hi. 9Ahih hangin, maitang zahtak tuam nei in, gitlohna bawl mi ahih leh, thu ngailo mi ci-in thu hong kikhen ding hi. 10Thukham khempeuh ka zui ci napi-in khat a khialh leh, Thukham khempeuh a khial khin hi. 11Bang hang hiam cihleh: Mi zi tawh na mawh kei in a cipa in: Mi na that kei in ci-in a kham lai hi. Tua ahi ciang in mi zi tungah na mawh loh hangin mi na thah leh, Thukham palsat mi na hi hi. 12Suahtakna ding thu ah thukhenna a thuak ding mi bangin thu genin gamta un. 13Bang hang hiam cihleh, hehpihna a nei mi in, hehpihna ngah loin thukhenna a thuak ding hi. Hehpihna in thukhen in a kisathei hi. 14Ka sanggamte aw, mi khat in: Upna ka nei hi a cih hangin a hoih in a gamtat kei leh, bang phattuamna om ding hiam? Tua upna in tua mi a

JEIM 3 gum zo ding hiam? 15Sanggam numei leh pasal khat peuh in puan nei loin nisim an nek ding a neih loh ciangin, 16note lakah mi khat in: Nuam takin pai in la, na khua lum in, na gil vah ta hen a cih hangin, tua mi zat theih ding in bang mah a piak tuan kei leh bang phat tuamna om ding hiam? 17Tua mah bangin gamtatna hoih om lo, upna in khat bek ahih manin si in a om hi. 18Hi hi. Khat in: Nangmah in upna na nei hi. Ken ahih leh gamtatna pha ka nei hi hong ci ding hi. Gamtatna pha kihel lo na upna hong lak in. Kei ka hih leh, ka gamtatna tawh ka upna kong lak ding hi. 19Pasian khat bek a om hi ci-in na um hi. Pha hi, dawi gilote in zong um in a liing lianguh hi. 20A kiphatsakpa aw, gamtatna pha om lo upna in phattuamna om lo hi cih thei nuam na hi hiam? 21I pa Abraham in a tapa Isaak biakna tau tungah a piak dingin, a gamtat hoihna hangin dikkiksakna ngah hi lo ahi hiam? 22Upna in gamtatna pha tawh bawlpha khawm a, gamtatna pha hangin upna a kicing hi ci-in na thei ta un. 23Abraham in Pasian um a, a upna in dikna in a kiciamte hi a cihna a kicinna dingin: Pasian lawmpa hi cih zong a ngah hi. 24Mi khat in upna bek tawh dikkisakna a ngah ahi kei hi ci-in na thei uh hi. 25Tua mah bangin numei paktat Rahad in sawltakte a tun sak khit ciangin lam tuam dang khat ah a ciahsak manin, a gamtatna pha hangin dikkisakna ngah hi lo ahi hiam? 26Kha tawh a omlo pumpi in a sih mah bangin gamtatna omlo upna in a si ahi hi. 2:8 Siam. 19:18; 11 Pai. 20:14; Thkna. 5:17-18; Pai 20:13; 21 Pian. 22:1-4; 23 Pian. 15:6; 2Khag. 20:7; Isa. 41:8; 25 Josh. 2:1-21. Leii Sanggamte aw, note lakah a tampi thuhilhte na suak kei un. Bang hang hiam cihleh, eite khempeuh in thukhenna i thuak ding lamtak na thei ta un. 2Eite in na tampi i khial thei hi. Kam pau tawh a kikhial lo mi in a kicing mi hi a, a pumpi zong a kem thei mi ahi hi. 3Sakol ukna dingin kamkaih bulh leeng, a pumpi khempeuh a kiheisak thei hi. 4Ngai un! Tembaw a liat mahmah hangin a neu mahmah khat tawh a kihei thei hi. 5Tua mah bang in lei in a neu hang

226 in a pumpi nate a kiheisak thei hi. Bang zah in a lian sing tampi zong a neu mahmah mei tawh a kangtum thei cih na thei un. 6Leii in mei ahi hi. A gilo na, leitung na ahi i pumpi sung leh pualamah a om khempeuh nin sak thei a, pumpi hihna khempeuh zong kang tumsak in, hel khua dong a tun thei hi. 7Ganhing namcin; vasa khempeuh leh tuipi sung ah a om ganhing khempeuh mite a zual sak zo uh hi. 8Leii ahih leh, kuamah in a zozo kei hi. Leii in om hithiat thei loin, gilo ahih manin sih theihna a piangsak gukhal tawh a kidim hi. 9Leii tawh eite in Topa Pasian i phat thei a, Pasian lim bangin kibawl mite a samsia thei hi. 10Kamvang khat bek panin phatna leh samsiatna a pai khia khawm thei kei hi. Sanggamte aw, tua bangin ahihna dingin a kilawm kei hi. 11Ciktui in naak khat panin a lim leh a kha a paikhia khawm thei ding hiam? 12Sanggamte aw, theikung in Oliv gah a gah thei ding hiam? Tua mah bangin tui al a luankhiatna panin, tui lim a paikhia ngei kei hi. Van pilna 13Note lakah pilna leh theihna a nei kua a om hiam? Tua mi in gamtat hoih gamta in, pilna leh lungnemna tawh a gamtatnate hong lak hen. 14Ahih hangin note lungsim sungah hazatna leh kidemna na hoihlo a om leh, thuman thutak tawh kilem loin na kisathei kei un. 15Tua bang pilna in van panin hong pai pilna hi loin, letung pilna, khuak pilna leh dawi gilote pilna ahi hi. 16Bang hang hiam cihleh, hazatna leh kidemna hoih lo a om leh, gamlumna leh a kihhuai gitlohna bawlna namcin a om thei hi. 17Van panin hong piang pilna in a masa pen in a siangtho hi. A nungciangin kilemna, lungnemna, zol baihna, hehpihna leh gah pha tawh kidim in, maitang zah tak tuamna leh simtatna a om kei hi. 18Kilemna a piang sak thei mite adingin dikna thu khaici in kilemna tawh a kivawh hi. Leitung tawh kipawlna Note lak ah a om kidona leh kitotnate koi pan in hong piang ahi hiam? Note sungah nate pan in gal a bawl thei gal a phuang thei deihgawhna panin hong piang hilo ahi hiam? 2na deihgawh uh hangin ngah loin, na that uh a, ahih hangin thungetna kihel lo ahih manin ngah tuan

JEIM 4 lo na hih manun, kitawng in na kido uh hi. 3Thu na nget uh hangin na deihgawh uh nopsakna hoihlote na ngahna dingun ngen khial na hih man un, na deihna uh na ngah thei kei uh hi. 4A pangtat mite aw, leitung tawh kipawlna in Pasian tawh kilemlohna ahih lam thei lo na hi uh hiam? Tua ahih manin leitung tawh a kipawl mite khempeuh Pasian gal a suak uh hi. 5Lai Siangtho in: Eite sungah hong om sak Kha Siangtho in enna hong deihgawh sak hi a cihna in a mawkna hi dingin na um uh hiam? 6Topa in hehpihna thupha a tam zaw hong pia in, Lai Siangtho sungah: A kisatheite Pasian in deih loin, a kiniam khiat mite thupha a pia hi ci-in a kigelh hi. 7Tua ahih ciang in Pasian ukna na mang un. Dawimangpa na kham un. Tua bangin na kham uh leh note kiang panin a taikhia ding hi. 8Pasian kiang na nai un. Tua bang na hih uh leh, note hong nai ding hi. Mawhneite aw! na khut uh siangthosak un la, Lungka mite aw! na lungsim uh na siangtho sak un. 9Lunggimna thuak in, kap in thuum in om un. Na nuihnate uh dahna suaksak un la, na lungdamnate uh lunggimna na suaksak un. 10Topa mai-ah na kiniamkhiat un. Tua bangin na hih uh leh amah in note hong pahtawi ding hi. Sanggam khat leh khat thu kikhenna 11Sanggamte aw, khat leh khat na kikosia kei un. A u ahi zongin a nau ahi zongin a kosia mi peuh mah in, Pasian Thukham a kosia bek hi loin, Thukham tungah thu khen ahi hi. Pasian thukham tungah thu na khen uh leh, Pasian thu a zui na hi kei uh hi. 12Thukham a koih mi leh thukhen mipa in khat bek a om hi. Tuapa in upna ding leh siatsakna ding a hih thei hi. Na lawmte tungah thu a khen mi in kua na hi hiam?. A kisatheite hilhkholhna 13Tu ni leh zing ciang ahi zongin, hi bangin khuapi sungah pai-in kum khat tawntung om in sumbawl in a meet ka ngah theihna dingin ka sem ding hia ci mite aw ngai un! 14Zing ciangin bang thu piang ding hiam cih na thei kei uh hi. Na nuntak uh bang tawh kibang ahi hiam cih leh, tomno kalsungin mangthang thei tuikhu tawh a kibanguh hi. 15Pasian in hong awi leh, eite in nungta in hi bangin, tua bangin i hih ding hi ci-in na gen ding uh a kilawm hi. 16Tu in ahih leh, note kiphasak in kisathei na hih manun, tua bang

227 gamtatna in a hoih kei hi. 17Tua ahih ciangin gamtatna pha thei napi-in a gamta lo mi tungah mawhna a om hi. 4:6 Pau. 3:34; 13-14 Pau. 27:1. Mihaute hilkholhna Sum haute aw, tu in hong pai un, note tungah hong tung ding gimna tawlnate hangin kap un. 2Na sum na paite uh muat khin in, na puante uh zong nget in netum khin hi. 3Na kham leh ngunte uh zong kekseu khin ahih manin, tuate in note langkhatah teci hi uh a, meima bangin note sa hong netum ding hi. Note in hun nunungte adingin sum ka khol khinuh hi na ci uh hi. 4Ngai un! Note lo lai-ah an atte na khemuh a, thaman pia lo na hih manun, tua a thamante uh kiko in a om hi. A at mite kikona aw in zong vantung mite Topa bil sung tung khin hi. 5Note in leitungah lungdamna leh nopsakna na ngah khin uh hi. Kithah ni adingin na lungsim uh na vak thau khin uh hi. 6Midik tungah thukhen in, na that uh a, amah in hong thuk kik lo hi. Lungduaina leh thungetna 7Tua ahih ciangin ute naute aw! Topa hong pai ma tengin thuak in ngak un. Lokho mi in guah zu masa leh guah zu nunung a zuk matengin a manpha leitang gahte thum loin ngakin a lamen hi. 8Tua mah bangin note in zong thuak in na ngak un la, na lungsim uh na kip sak un. Bang hang hiam cihleh, Topa hong pai kik ding a nai zo hi. 9Ute naute aw, thukhenna tawh na kipelhna dingun khat leh khat na kiphunsan kei un. En un! Kongkhak gei-ah Thukhenpa dingin a om hi. 10Ute naute aw, gimna tawlna tawh kisai-in Topa min tawh thu a hilh kamsangte lim na ciamteh un. 11En un, a thuak zo mite in thupha a ngah mite ahi uh hi ci-in i gen hi. Job thuakna thu na

I PITER 1 za zo uh hi. Pasian in a thu a zawh khit ciangin, a hehpih theihna thu zong na thei khin uh hi. 12Sanggamte aw, thu khempeuh ah na kiciamnate uh na tangtung sak un. Van tawh na kiciam kei un la, lei tawh zong na kiciam kei un. Bang khat peuh tawh na kiciam kei un. Thukhenna tawh na kipelhna dingun: Ahi hi na cihte uh a hi takpi mah hi ta hen. Ahi kei hi na cihte uh a hi lo takpi mah hi ta hen. 13Note lakah gimna thuak khat peuh a om hiam? Thungen ta hen. A lungdam khat peuh a om leh la sa ta hen. 14Note lakah a cina a om leh pawlpi upate sam hen la, amaute in Topa min tawh cinapa sathau zutin a tungah khutnga in thungetsak ta uh hen. 15Tua bangin na hih uh leh upna tawh thungetna in cinapa a nop tuam sak ding hi. Mawhna ahih khak leh zong tua mawhna kimai sak ding hi. 16Tua ahih ciang khat leh khat na mawhna uh pulak in, cidamna dingin khat leh khat thu na kingetsak un. Midik thungetna in vangliatna nakpi-in nei ahih manin, deihna a ngah thei hi. 17Elijah in eite mah bangin leitung mi mah hi na pi-in, guah zuk lohna dingin thu nakpi-in a nget ciangin kum thum leh kha guk tawntung leitang in guah tui a ngah kei hi. 18Khatvei thu a nget kik ciangin van in guah zu sak in, leitang in gah pha a gah hi. 19Sanggamte aw, note lakah mi khat peuh in thuman lampi panin a pial khiat ciangin, 20mi dang khat in tua mi a kiheisak kik leh, mawhnei mi khat lam pialna panin kiheisak kik in, sihna panin gumkhia ahih manin, mawhna tampi a khuh mi ahi ding hi cih na thei ta un. 5:2-3 Mat. 6:19; 4 Thkna. 24:14-15; 11 Job. 21:22; 2:10; La. 103:8; 12 Mat. 5:34-37; 14 Mk. 6:13; 17 1Kum. 17:1; 18:1; 18 1Kum. 18:42-46; 20 Pau. 10:12; 1Pi. 4:8.

PITER LAIKHAK MASA

Hopihna Jesu Khris sawltak ahi keimah Piter in thu ngaihna leh Jesu Khris sisan tawh thehna ngahna dingin, Kha Siangtho in sianthosak in, Pa Pasian theih kholhna bangin a teelkhiat ahi

Pontas gam, Galati gam, Kappadokia gam, 2Asia gam leh Bithunia gam khempeuh ah kikhenthang in a lal in a omte kong zasak hi. Hehpihna thupha leh nopna in note tungah hong khang semsem ta hen.

I PITER 2 3Jesu Khris sihna leh thawhkikna hangin mi thak suahna hong pia in, a nungta lametna hong guan, a hehpihna hong ngahsak i Topa Jesu Khris Pa Pasian in thupha ngah ta hen. 4Tua in a sia theilo, kihhuaina omlo, a vul theilo luahna i ngahna dingin, van gam hong sehkholh sak hi. 5Hun nunungah hong kilatkik ciangin, upna hang tawh gupna i ngahna dingin vangliatna tawh Pasian in hong cing hi. 6Hun tomno sung adingin ze-etna na thuakuh hangin, hih thute hangin lungdam in kipak in om un. 7Mei tawh a kize-et hangin a kisia thei kham sangin, note upna hong ze-etna in phazaw ahih manin, Jesu Khris hong kilatkik ni ciangin pahtawina leh minthanna na ngah dinguh hi. 8Na muh ngei lohuh hangin it in, tu lai takin zong amah na upna hangun a kigen zolo kipakna leh lungdamna tawh kidim na hih manun, 9na upna hangun na ngahuh na kha gupna dinguh lenkip un. 10Tua gupna thu in kamsangte a tel nopna uh hangin a na kan uh pen, note tungah hong piak ding thupha hehpihna a na genkhol uh hi. 11Khris thuak gimnate khit ciangin a kilang ding vangliatnate in amaute sungah a om Khris Kha Siangtho teci a pan kholh ciangin, bangci bang in? bang hun ciang cih a theih nopna hang un na zong uh hi. 12Amaute kamsanna in amaute ading hi loin, note ading hi ci-in amaute kiangah a kilang hi. Van panin hong sawl Kha Siangtho tawh Lungdamna thu a hilh mite in, tu in note kiangah hong hilh uh hi. Tua nasepna in vantung mite in zong muhnop sa in, a mu nuam mahmah uh hi. 13Tua ahih ciangin lungsim kawnggak gakin om unla, khuaval zulhtat loin Jesu Khris hong kilat ni ciangin note in na ngah dinguh thupha hehpihna lametna sungah na kip un. 14Note in siamna na neih loh lai bangun, deihgawhna thu zui nawn loin, thu mang thei naupangte bangin na hi ta un. 15A hong sampa in a siantho mah bangin na hihna khempeuh uh na siangtho sak un. 16Lai Siangtho sungah: Keimah siangtho ka hih manin, note zong na siangtho ta un ci-in a kigelh hi. 17Maitang zahtakna om loin, mi khempeuh ahihna uh tawh kituak in thu a khenpa kiangah, note in Pa bangin ngaihsut in thu na ngetuh leh, leitungah pemta bangin na om lai

228 teng un launa lungsim tawh na gamta un. 18Na pute na pate ngeina ahi mawkna gamtatna pan ahi zongin, kham leh ngun a kipna a kisia thei sumte tawh note hong tankhia ahi kei hi. 19Meelhemna omlo leh poina a neilo tuuno tawh a kibang ahi aman pha pen Khris sisan tawh hong tankhia hi ci-in na thei ta un. 20Tua Khris in lei pianma panin a kiciamteh khit ahih hangin, Pasian in a um note adingin hih hun nunungah hong kilangsak hi. 21Note upna leh lametna in, Pasian min suangin a kip theihna dingin, Pasian in tua Topa sihna panin tho kiksak in vangliatna a pia hi. 22Note in a kisia thei khaici panin piang na hi kei uh hi. A kisia thei lo khaici ahi Pasian thu panin a piangkikte na hi uh hi. 23Tua ahih manin ki-it khemna hi loin, a man takpi in i ki-itna dingin thuman thutak ngai in, na lungsim uh siangtho sak na hih manun, khat leh khat na lungsim khempeuh uh tawh na kilim it mahmah un. 24Lai Siangtho sung ah: Mi khempeuh in lopa kungtawh kibanguh hi. A vangliatnate uh zong lopa paak tawh kibang hi. Lopa kung keu thei in, a paak zong a vul thei hi. 25Pasian thu ahih leh a om tawntung ding hi cih thu in, note kiangah hong kihilh Lungdamna Thu ahi hi. 1:1 Sam.11:44-45; 19:2; 24-25 Isa. 40:6-8. A suakthak naupangbatna Note in a pha hi ci-in Topa na ciap khituh ciagin, gitlohna, khemna, a simtham gamtatna, 2enna leh gensiatna-te khempeuh na pai khia un la, 3hong gupna dingin Pasian thu ahi nawizu siangtho tawh na khantohna dingun a suakthak naungek bangin lunggulhna na nei un. 4Mite in a nilkhiat hangin Pasian teel nuntakna suangpi ahi, tua Topa kiang panin, 5note in zong a nungta suangte bangin kilamin, kha inn na hi uh hi. Jesu Khris hangin Pasian deihna tawh a kituak in biakna a pia thei, a siangtho siampi pawl na hi uh hi. 6Lai Siangtho sungah: A kiteel a vangliat innkiu khuambul suangpi, zion mual tungah ka koih hi. Tua suangpi a beel mite in, zumna a thuak kei ding hi

229 ci-in a gen hi. 7Tua ahih ciangin a um note ading in vangliatna a om hi. A um lote adingin ahih leh: Inn lamte nikhiat suangin, a nung ciangin innkiu suang a piang hi cih ahi zongin: 8A puksakna ding suangpi, a khialhsakna ding suang ahi hi ci-in a kigelh hi. Tua thu tawh kituak in, amaute in thu ngai loin, Pasian thu suikha in a puk uh hi. Tua thu tawh kituak dingin tua mite a kikoih ahi hi. 9Note na hih uh leh, khuamial sung panin a lamdang khuavak sungah hong sampa vanglian hehpihna na lahna dingun, a hong teel mi pawl, manna nopna a nei siampi pawl leh mi siangtho pawl ahi Pasian in a uk leh a neihsa dingin mi namte na hi uh hi. 10Note in ni dang lai in, a mi pawlte na hih loh uh hangin, tu in Pasian mi namte na hi uh hi. Ni dang lai in hehpihna thupha a ngah lote na hi uh a, tu in ahih leh a ngahte na hi uh hi. 11It luatte aw, khualzin mi leh peemta bang ahi note in, kha tawh a kido thei silesa tawh kipawl deihgawhna khempeuhte na tanna dingun kong thum hi. 12Gentailte in gitlohna a bawl mite ci-in hong kosiat uh hangin, Pasian in thu a khen ni ciangin, na gamtatna pha uh amaute in a muhuh ciangin, Pasian min a phat theihna dingun, a maute mai-ah a kilawm a kituak in na gamta un. Thuneite zahtakna 13Leitung a uk a lian pen Kumpi bangin Topa ah kipia in, 14khialhna nei mite tungah dan a pia thei leh midikte tungah phatna a pia thei ukna za a kipia mite thu na mang un. 15Note in a pha in gamta in, mihaite thudotna kammalte na thuhkikna ding un, Pasian in tua bang dingin hong deih hi. 16To neilo na hih hangun, gitlohna a seel mite bangin na gamta kei un. 17Mi khempeuh na zahtak un la, sanggamte na it un. Pasian na kihta un la, Kumpipa na zahtak un. 18Silate aw, kihtakna tawh na tote hong ukte ukna khempeuh na mang un. Na tote un migi in, a lungnemna hoih nei mi leh a lungkhauh thei mi ahi zongin na mang un. 19Mi khat in thuman lopiin bawlsiatna a thuak ciangin, Pasian thu ngaihsun in a thuak zawh leh phattuamna a ngah ding hi. 20Mawhna na bawlna hangun dan na tuakuh ciangin, lungnemna tawh na thuak uh leh bang

I PITER 3 pahtawina om ahi hiam? A pha bawl in gimna na thuak uh ciangin, lungnemna tawh na thuak uh leh Pasian maipha na ngah dinguh hi Khris in etteh ding lim 21Tua bangin na gamtatna dinguh deihna tawh note hong sam ahi hi. Khris in zong note adingin gimna a thuakna in, a khekhap na zuih dingun etteh ding lim in a koih khin hi. 22Mawhna nei loin, a kam panin zong zuau thu a kimu kei hi. 23Kosiatna a thuak lai takin a launa dingun tawng kik loin, thuman thutak tawh thu a khenpa khut sung ah a pumpi a ki-ap hi. 24Eite mawhna lam ah i sih lai tak in, dikna lam ah i nuntak theihna ding in, eite mawhna tang in, a pumpi tawh sanglamteh tungah a thuak hi. Ama liamnate hangin damna i ngah hi. 25Ni dang lai in note in tuu bang in lam na pial khit uh hangun, tu in ahih leh, note kha hong ukpa leh hong cingpa kiang na tung khin uh hi. 2:3 La. 34:8; 6 Isa. 28:16; 7 La. 118:22; 8 Isa. 8:14-15; 9 Pai. 19:5-6; Isa. 43:20; Pai. 19:5; Thkna. 4:20; 7:6; 14:2; Titu. 2:14; Isa. 43:21; Isa. 9:2; 10 Hos. 2:23; 22 Isa. 53:9; 23 Isa. 53:7; 24 Iisa. 53:5; 25 Isa. 53:6. Nupa kikal thu Zite aw na pasalte ukna na mangun. Pasal kimkhat Pasian thu a ngailo omuh leh tuate in kihtakna tawh kipawl na gamtatna siangtho a muh uh ciangin, 2Pasian thu hang hi loin, na zite uh gamtatna pha hangin, hong zahtak dinguh hi. 3Numei kizepna panin, sam pheekna, kham leh suangmanpha leh puansilh tawh kisai in, a uang lua in na kizemsak kei dinguh hi. 4Pasian mai-ah a pha ahi lungnemna lungsim, kisaktheihna omlo kizepna leh a kimu theilo lungsim kizepna hi ta hen. 5Tua bangin kizepna in, Pasian lamen in a om tanglai numei siangthote in tua bangin a om uh hi. 6Sarah in a pasal Abraham : Topa ci-in a thu a ngaih bangin, a pasalte ukna a mang uh hi. Note in a pha in gamta in, patauhna na neih kei uh leh Sarah tanute na suak dinguh hi. 7Tua mah bangin pasalte aw, na thugennate uh nialna a om lohna dingin, nuntakna thupha a ngah leh a luahkhawm mite bang bek hi loin, lungpil mi bangin, na zite uh tawh om khawm in, thahat lohna uh ngaihsun in, na zite uh dawm in na hehpih un.

I PITER 4 8A tawpna thu in, note khempeuh lungsim kikhat in om un. Hehpihna lungsim nei un. Sanggam bangin na ki-it un. Na kidahpih un. Kiniamkhiatna na nei un. 9Kitawng kei un. Kikosia kei un. Thupha na kipia un. Note in thupha na luah dingun hong kisam ahih manin tua bangin na gamta un. 10Nuntakna ah nuamsa in, hun nuam a mu nuam mite in, a leii in phatlohna a bawl lohna dingin kham hen. A mukin zuau thu a gen lohna dingin kham hen. 11Gitlohna peelin, gitna bawl hen. Mi tawh kilemna dingin, a phak dongin delh hen. 12Bang hang hiam cihleh, Topa mit in midikte en a, a bilin zong a thungetna a ngai hi. Mawhna a bawlte ahih leh Topa in a nungngat hi. 13Note in thu a pha ah lungsim a nei mi na hih uh leh, kua in note hong siasak ding ahi hiam? 14Thuman thutak hangin gimna na thuak uh leh, thupha na ngah dinguh hi. Amaute tawnna na lau loin, na lungmang kei un. 15Na lungsim sunguah Khris in Topa hi ci-in zahtakna na nei un. Na lametna uh hong dong mite tungah lungnemna leh zahtakna tawh na dawnkik theihna dingun kigingkhol tawntung un. 16Khris sungah na gamtat hoihnate uh a simmawhte in hong kosiat ciangin, maizumlo leh na lungsim kisuanna a om lohna dingun a siangtho in na om un. 17Pasian deihna a om leh phatna na bawlna hangun na thuak un. Gitlohna bawlna hangin thuakna sangin a pha zaw hi. 18Khris in a pumpi silesa tawh sihna thuak in, kha tawh nuntakna ngah in, eite Pasian kiang hong tunna dingin, midik mi in, mi gilote tang dingin mawhna hangin khatvei bek gimna a thuak hi. 19Tua kha tawh Khris pai in, thong-sung ah a khum khate kiangah suahtakna thu va gen hi. 20Tua khate in tang lai Noah khan lai in, tawm kha ahi mi giatte tui tawh a gupna dinguh teembaw a bawl lai takun, Pasian in thuak in a ngak hangin, thu a ngai nuam tuanlote ahi uh hi. 21Tu in baptaizna ahi tua tui in lim bangin note hong gum hi. Tua baptaizna ka cih ciangin, pumpi silesa a nin sawp siangna ding cih nopna hi loin, lungsim sungah kisuanna om loin, a siangtho Pasian mai-ah a mang ka cihna ahi hi. 22Tua Topa in van ah kahto in, Pasian ziat lamah a tu

230 hi. Vantung mite a kipan a ukte leh vang-liatnate in a ma nuai-ah kikoih in a om hi. 3:1 Ef. 5:22; Kol. 3:18; 3 1Tim. 2:9; 6 Pian. 18:12; 7 Ef. 5:25; Kol. 3:19; 10-12 La. 34:12-16; 14 Isa. 8:12-13; Mat. 5:10; 20 Pian. 6:1-7. Pasian hehpihna a kem mi hoihte Khris in a pumpi silesa tawh gimna thuak ahih manin, note zong a nung ciangin mite deihna zui loin, 2Pasian deihna zui in, na pumpi uh a nuntak hun a bei dongin, tua bang lungsim na nei un. Tua bangin gimna a thuak mite in, mawhna tawh a kikhen uh hi. 3Gentailte deihna ahi lungulhna, a ninte deihgawhna, leenggahzu khamna, pawikham nopsakna, tam dawn luatna, a kihuai milimte biakna ah a om theihna dingin a hun kicing ta hi. 4Tua gamtatnate ahi noptatna a zang mite tawh kipawl loin, na bawl lohna uh hong kithei in hong kosia thei uh hi. 5Tua mite in a nungta leh a si mite thukhen ding in a om kholpa mai-ah suahkhiatna a thuak ding uh hi. 6Tua bangin a nungta mite in a thuak bang un, pumpi silesa tawh thukhenna a thuakuh hangin, Pasian deihna tawh kituak in a nuntak theihna dingin mi site kiangah Lungdamna Thu a kihilh khin hi. 7Na khempeuhte beina hun hong nai ta hi. Tua ahih ciangin limtakin kikem in pil un la, thungen in ngak un. 8Tua banah, ki-itna in mawhna tampi seel thei ahih manin, note khat leh khat nakpi takin na ki-it un. 9Phun loin khat leh khat zin na kido un. 10Thupha hehpihna na ngah ciatna uh tawh kizui in, Pasian hehpihna namcin a kem miphate bangin khat leh khat na kihawm un. 11Topa Jesu hangin Pasian in na khempeuh ah vangliatna a ngah theihna dingin, mi khat peuh in thu a hilh leh Pasian thupiak bangin hilh ta hen. Mi khat peuh in na a sep leh Pasian piak bangin sem ta hen. Tua Pasian in ukzawhna, vangliatna nei tawntung ta hen. Khris thuakna zopna 12It luatte aw, note hong ze-etna dingin, na thuak uh mei tawh kibangin bawlsiatna in lamdang na sa kei un la, na lungmang kei un. 13Khris in a thuak gimna a ban zom na hih man un, a vangliatna hong kilat ni ciangin, lungdam lua leh nuamna lianpi tawh om ding na hih man

231 un, tu in zong na nuam un. 14Vangliatna tawh kipawl Kha Siangtho in note tungah om ahih manin, Khris min hangin kosiatna na thuak uh leh thupha na ngah dinguh hi. 15Note lakah khat peuh in, mithat mi bangin, sum gu mi bangin, a gilo mi bangin, mi dangte thusia lakah a kihel bangin na om kei un. 16Khris mi khat hihna tawh khat peuh in gimna thuak a om leh zum kei hen. 17Bang hang hiam cihleh, Pasian innkuanpihte a masa pen in thukhenna ding hong tung khin hi. Eite thu hong kikhen masak leh Pasian Lungdamna thu a zuite tungah a zawhna bang ahi ding hiam? 18Mi dikte a dingin gupna ngahna ding haksa ahih leh, Pasian neilo, mawhna nei mi in, koi lai ah kilang ding uh ahi hiam? 19Tua ahih manin Pasian deihna tawh kituakin gimna a thuak mite in, a pha a gamtat lai takun, amaute a Bawlpa khut sung ah a kha uh pia ta uh hen. 4:8 Pian. 10:12; 18 Pau. 11:31. Lunglut takpi tawh Pasian nasepna Tua ban ah upate bek hi loin, Khris gim thuakna mu in teci hi a, a kilang ding vangliatna zom dingin note lakah a om upate kong hansuah hi. 2Note lakah a om Pasian tuu honte cinna ding thu tawh kisai in, zawhthawhna leh a siantho lo sum ngahna ding hi loin, hehpihna lungsim takpi tawh, 3a pawlpawlte na ukna uah ana tawh hi loin, tuu honte nuai ah na pumpi uh limpha suak in, Pasian deihna tawh kituak in na kicing un. 4Tua bang ahih leh Tuucing Ukpa hong kilat ni ciangin, note in a vul theilo vangliatna lukhu na ngah dinguh hi. 5Tua mah bangin khangnote aw, a khangham khin upate uknate

II PITER 1 na mang un. Hi hi. Note na kizepna dingun kiniamsakna na silh un. Bang hang hiam cihleh: Pasian in a kisaktheihna kham in, a kiniamkhiatte tungah hehpihna thupha a pia hi. 6A hun hong cin ciangin Pasian in note hong pahtawina dingin, ama khut vangliatna nuai ah na kiniamkhiat un. 7Pasian in hong kem ahih manin, na lung hihmawhnate khempeuh uh a tungah koih un. 8Kipna tawh om in na kikem un. Kikepna tawh na ngak un. Bang hang hiam cihleh, na gal uh ahi Dawimangpa in a hawk thei humpinelkai bangin kua ka ne ding hiam ci-in a zong kawikawi hi. 9Leitung mun khempeuh ah a om na sanggamte un tua bangin a thuak lamtak thei un la, upna ah kip in, Dawimangpa na nial un. 10Khris hangin note a tawntung vangliatna tawh hong sam hehpihna thupha khempeuh hangin, tawlkhat gimna na thuak khituh ciangin Pasian in hong kicingsak, hong kipsak, hong khauhsak ding hi. 11Tua Pasian in ukna nei tawntung ta hen. Thukhupna hopihna 12Note hansuahna hih thute in Pasian hehpihna thupha thuman thutak ahi hi ci-in tecipang in hih lai a tomin ka gelh khit ciangin, midik ka sak sanggampa Silvanas khut sung pan in kong pia hi. 13Ka tapa Marka a kipan Babilon khuapi sungah a om note tawh a kiteel khawm pawlpte in zong hong hopih uh hi. 14Khat leh khat ki-itna leh napna tawh na kihopih un. Kris sungah a om nopsakna in note khempeuhte tungah om denta hen. 5:2 Jhn. 21:15-17; 5 Pau. 3:34; 6 Mat. 23:12; Lk. 14:11; 18:14; 12 Sawl. 15:22-40; 13 Sawl. 12:12; 25:13; 13:15; 13:37-39; Kol. 4:10; File. 24.

PITER LAIKHAK NIHNA

Hopihna Jesu Khris sila leh sawltak ahi keimah Simon Piter in, eite Pasian leh Honpa Jesu Khris dikna hangin, kote upna bangin a manpha upna a ngah mite ka hong zasak uh hi. 2Pasian leh i Topa Jesu theihtel pilna hangin hehpihna thupha leh nopsakna in note tungah om den ta hen.

3Tua mah bangin a dikna leh a vangliatna tawh hong sampa Pasian theihtelna pilna hang in, eite nuntakna leh Pasian lamah nopsakna tawh kipawl khempeuh a vanglian siangtho in hong pia zo hi. 4Tuate hangin zong a manpha a lian mahmah thuciamnate eite hong pia khin hi. Hih thuciamnate suang in deihgawhna hang in,

II PITER 2 hih leitungah a om kosiat gawpna tawh note in kipelh in, Pasian nuntakna tawh a kizom mi na suahna dinguh ahi hi. 5Hi hi. Tua thu hangin note in upna tungah lungpilna, 6lungpilna tungah noptat khamna, noptat khamna tungah thuakna, thuakna tungah, 7Pasian biakna sungah nopsakna, Pasian biakna sungah nopsakna tungah sanggam ki-itna, sanggam ki-itna tungah itna hahkat semsemnate koih thuah un. 8Tua thuphate note in nei in na hauh uh leh, i Topa Jesu theihtelna ah thadah lohna ding leh gah a neilo a mawkna ahih lohna dingin, hong bawlpha thei uh hi. 9Tua gamtat pha a neilo mi in mittaw, muhna toi, a mawhna-luite a kisawpsiang khitna a mangngilhte ahi uh hi. 10Tua ahih ciangin ute naute aw, note hong sapna leh hong teelna kipsakna dingin, nakpi takin na hahkat zaw kan un. Tua bang na hihuh leh na puk ngei kei ding uh hi. 11Tua thu hangin, Honpa Jesu Khris tungtawn in Gam sung ah lut theihna thu a kicingin note hong kipia ding hi. 12Tua ahih manin note in na ngahuh thuman thutak thei in, tua thu ah kipin na omna uh kong ngaihsutna hangin tua thu hong phawksak dingin ka om khol tawntung ding hi. 13I Topa Jesu Khris in a hong lahsa mah bangin a sawt loin ka pumpi nuntakna ka nusiat ding thei ka hih manin, 14hih pumpi nuntakna ah ka om lai takin, note hong phawksak in, kong hansuah ding kilawm ka sa hi. 15Hi hi. Ka sih khit ciangin note in hih thute na phawk tawntungna dingun ka hahkat hi. Muhna tawh Teci 16Topa Jesu Khris vangliatna leh hong pai kikna ding thu in, note kiang ah kong gen uh ciangin pilna tawh kibawl tangthu zui loin, a vangliatna muhna tawh tecite ka hi uh hi. 17Van panin: Hih mi in, ka lung hong damsak ka it ka tapa ahi hi ci-in Vanglian Bel sung panin tua Topa tungah aw khat hong tun ciangin, Pa Pasian kiang panin minthanna leh vangliatna a ngah hi. 18Kote in mual siangtho tungah Topa tawh ka omkhop lai takun, van panin tua aw ka za uh hi. 19Tua thu hangin kamsangte thungenna thu, eite adingin a kip zaw hi. Note lungsim sung ah khuavak in, zingsol a suah dongin tua thu, khuamialna a taang meivak bangin ngaihsun in

232 na belhna dingin a kilawm hi. 20Lai Siangtho sungah a om Pasian kamsangte thu in mite ut thu bangin a khiatna dawk ngeilo hi ci-in a masa pen in na ciamteh un. 21Pasian kamsangte thu in mite deihna bangin hong tung ngei kei hi. Kha Siangtho tawh hansuahna a ngah mite in, Pasian kiang pan in a gen sawn uh ahi zaw hi. 1:17-18 Mat.17:1-5; Mk. 9:2-7; Lk. 9:28:35. Zuau thu kamsanna leh thuhilhna Lam khat panin mite lak panin kamsang zuaute hong pian mah bangin, a kikhentang sak thei upna khialhna ngeina, khemna tawh guangin, a pumpi uh sisan tawh a lei Topa na ngawn nial in, amaute tungah a manlangin in kisiatna a tungsak zuau thu hilh siate in zong note lakah hong om ding hi. 2Mi tampi in amaute kihhuai gamtatnate zui-in, thuman thutak lampi kosiatna thuak sak dinguh hi. 3Amaute huaiham luatna in zuauthu genna tawh note hong khem dinguh hi. Amaute tungah thukhenna in tanglai pan kipan in, ol lo, zekai lo a, amaute kisiatna in zong a ihmu kei hi. 4Pasian in a khial vantung mite zong pammaih sa loin, hel khua sungah a khiat khit ciangin thukhen Ni dongin khuamial thukpi sungah a khum hi. 5Tanglai in leitung na ngawn pammaih sa loin, dikna thu a hilh Noah leh mi sagihte kembit in, Pasian bia lote leitungah tucin a tumsak hi. 6Sodom leh Gommorah khuapite zong mei vut suakin, cipsiatna dan tawh thu khen a, a nung ciangin Pasian bia lote adingin lim dingin a koih hi. 7Tua lai takin mi gilote kihhuai gamtatna hang in bawlsiatna a thuak, mi dik Lot a gum khia hi. 8Tua midikpa in amaute lakah a om khop lai tak in, amaute gitlohna gamtatnate in nisim in a mit tawh mu in, a bil tawh za in, ama dikna lung-sim nakpi tak in a bawlsia uh hi. 9Tua ahih ciang in Topa in Pasian a biate a ze-etna sung pan gumkhiat ding ahi zongin, 10a taktakin cile hang kihuai deihgawhna tawh pumpi deihna zui in, ukna thusim lo a diklo mite thukhen Ni dongin dantatsak in a kikhumna ding ahi zongin a hih thei hi. Tua mite in lau loin, a maute deihna a zui thei mi hi uh a, a lian a ukte a kosia ngam uh hi. 11Vantung mite in ahih leh amaute sangin hat in

233 a vang uh a liat zawkuh hangin Pasian mai-ah amaute in kosiatna mawhsakna a bawl kei uh hi. 12Hih mite ahih uh leh, ngaihsut pilna neilo ganhingte bangin hi uh a, siatna a thuak ganhingte bangin, a theih lohpi thute kosia in a siatsakna hangun, kisiatna tung takpi dinguh a, gitlohna thaman ahi gitlohna tawh bawlsiatna a thuak dinguh hi. 13Tua mite in sun lai takin pawikhawm uh a, nuamtak in a om uh hi. Note tawh pawi a kham khopuh ciangin, khemna tawh noptat lua in a kihhuai a nin kinuhte ahi uh hi. 14Amaute in mi zite tungah mawh nopna lungsim tawh kidim uh a, a kham theilo mittang nei ahih manun, a kiplo mite a zol thei uh hi. Huai hamluatna ah siamna lungsim nei uh a, samsiatna tate ahi uh hi. 15Thuman thutak panin pial in, mangthang uh a, Beora tap Balaam lampi a zui uh hi. Tua Balaam in gamhoihna thaman deih ahih manin, a mawhna hangin taina thuak ahi. 16Bangci thuak hiam cihleh, kam a pau ngeilo la khat in, mihing kammal zangin, tua kamsangpa haina thu a kham hi. 17Tua mite in tui omlo a kang cikte leh huih nakpi in nung a a lenpih meiite ahi uh hi. Amaute adingin a mial mahmah khuamial sahpi a kikoih khol khin hi. 18Amaute in mawhna leh khialhna ahih thei mite sung panin, kisaktheihna kamsiam ahi khiatna a neilo mawk genna leh silesa lungulh luatna hangin mawhna sungah a zol thei uh hi. 19A pumpi uh kisiatna hi napi-in: Suahtakna ka hong pia dinguh hi a ci uh hi. Amaute in mite lungsim a zawhthei na uh topa in a nei uh hi. 20I Topa leh Honpa Khris theihtelna hangin leitung kihuaina pan a suahtak khituh ciangin, khatvei awkkik in a lelh uh leh, a pian masak uh sangin, a nung ciangin a pianna uh a siasuak zaw kan hi. 21Dikna thu lampi a theih khituh ciangin thukham siangtho a paihkhit kik sese uh sangin, theilo vet om hi le uh amaute adingin a pha zaw ding hi. 22Ui in ama luak ne kik a, vokpi in a kisil khit ciangin buan lakmah ah a kibual kik hi ci-in a man thugentehna bangin tua mi tungah a piang hi. 2:5 Pian. 6:1-7:24; 6 Pian. 19:24; 7 Pian. 19:1-16; 15-16 Gam. 22:4-35; 22 Pau. 26:11.

II PITER 3 Topa hong paikik ding thuciamna Ka itte aw, a nihveina lai kong gelh hi. 2Nidang lai in kamsangte in a gensa thute leh sawltakte hong piak Topa leh Honpa thukhamte na ngaihsutna dinguh leh na lungsim siangtho sungah phawksakna dingin a nihveina lai kong gelh hi. 3A masa pen in theih dingin a kilawm thu in a nunung nite ciangin a kosia thei mite amaute deihgawhna bangin gamta in, 4Topa hong paikik ding hi cih thuciam in koi ah om ahi hiam? I pute pate a si khinuh hi. Ahih hangin na khempeuh a piansak cil a om mah bangin a om lai hi ci-in, tua bangin kosiatna tawh a hong pai dinguh hi. 5Tanglai in Pasian thupiakna in van ahi zongin, tui sung panin a paikhia leh tuipi kingakna leitang kipna ahi zongin, 6tua thu tawh tu lai takin a om leitang ahi, tui tumsakna leh a kisiatna thu ahi zongin, tua mite in a ciamteh nuam kei uh hi. 7Tu in Pasian bia lo lei leh van ah a om mite kisiatna ding thukhenna ni dingin, amaute in mei khuk sungah khul dingin a kikoih khol khin uh hi. 8Ahih hangin ka itte aw, Pasian adingin ni khat in kumtul khat bangin ahi zongin, kumtul khat in ni khat bangin ahih theihna thu na mangngilh kei un. 9Mi kimkhat in zekai bangin a ciamteh theih uh hangin, a thuciamna ah Pasian a zekai kei hi. Kuamah kisia loin, mi khempeuh in kisikna a ngahna dingun, amah in note hong thuak keikai ahi hi. 10Guta bangin Topa Ni hong tung ding hi. Tua Ni ciangin van in a aw lian mahmah tawh mangthang ding a, vanah a om nate zong sa lua in a kisia dinguh hi. Lei piancil a kipan a kibawl na khempeuhte a kangtum dinguh hi. 11Hih na khempeuhte in tua bangin mangthang ahih manin, van in mei sat luatna hangin kisia in, vanah a om nate in sa lua in, tui suakna leh mangthan sakna Pasian Ni hong tung ding hi ci-in note in lamenin lawpin 12gamtatna siangtho tawh gamta in, Pasian biakna sungah nopsakna tawh a kidim na hihna dinguh bangzah ta in kilawm ahi hiam? 13Ama dikna thuciamna hangin a om van thak leh lei thak eite in lamen in i om hi. 14Tua ahih ciangin ka itte aw, note in hih nate lamen in om na hih manun, ama mai-ah mawhsakna omlo, nin tawh kisawh kha loin, nuam takin na omna dingun na hahkat un. 15I sanggam

I JOHAN 2 Paul in a ngah lungpil tawh note kiangah gelh in a hong piak lai leh ama bawl thuhilhna lai khempeuh in hih nate tawh kizom in a gelh mah bang in, i Topa thuakna in gupna ahih lam na ciamteh un. 16Tua laite sungah theih haksa ding thute a om hi. A siamlo leh a kiplo mite in, tua thute leh Lai Siangtho khiatnate lumlet in amaute pumpi a siasak thei uh hi. 17Tua ahih ciangin ka itte aw, note in na kipna sunguah kip in na omna dingun,

234 tua thute thei khol khin na hih manun na kikem un. 18Hehpihna thupha ahi zongin, i Topa leh Honpa Jesu Khris theihtelna ah na khangto un. Tua Topa tungah a kip tawntung vangliatna om den ta hen. Amen. 3:3 Juda 18; 5 Pian. 1:6-9; 6 Pian. 7:11; 8 La. 90:4; 10 Mat. 34:43; Lk. 12:39; 1The. 5:2; Mang. 16:15; 13 Isa. 65:17; 66:22; Mang. 21:1.

JOHAN LAIKHAK MASA

Nutakna bulpi A cilpanin za in mittang tawh a mu, kician takin khut tawh ka lawn khituh ciangin, tua nuntakna Thu tawh kipawl note kong zasak uh hi. 2Tua nuntakna in hong kilang khin in, kote in zong ka mu khin uh a, Pa tawh a om khawm ngei, kote kiangah hong kilang tua nuntakna thu, note kiangah teci hong pangin kong hilhuh hi. 3Hi hi. Pa leh a Tapa Jesu tawh kihopih ka hih man un note in kote tungtawn in hopihna na ngahna dingun ka muhuh leh ka zakuh nate uh note kiangah kong lakuh hi. 4Note lungdamna a kicinna dingin hih thute kong zasak uh hi. Pasian in khuavak ahihna 5A kiang panin ka zakuh kong hilh uh thu in Pasian in khuavak hi-in, a sungah khuamial a om kei hi. 6Eite in: Pasian tawh ka kiho thei hi ci napi in khuamial sungah i gamtat leh thuman thutak zui loin zuau thu a gen mi i hi hi. 7Amah in khuavak sungah a om mah bangin, eite zong tua khuavak sungah om i hih manin khat leh khat kiho thei in, a Tapa Jesu sisan in eite hong sawp siang takpi hi. 8Eite in: Mawhna ka nei kei hi i cih leh eimah leh eimah a kikhem hi-in, i sungah thuman thutak a om kei hi. 9I mawhnate pulak in thum le hang, mawhna maisakna ding leh gitlohna khempeuh a sawpsiangna dingin amah in thumna thutak leh dikna tawh a kidim hi. 10Eite in: Ka mawh kei hi i cih leh zuaugenpa hi ci-in amah mawhsak i hih manin, ama thu in zong i sungah a om kei hi. 1:1 Jhn. 1:1; 2 Jhn. 1:14.

Khris in eite hong huhpa Ka ta neute aw, note in mawhna na bawl lohna dingun hih thute lai tawh kong gelh hi. Mi khat peuh in mawh in a khialh leh eite hong huh ding midik ahi Pasian kiangah huhpa Jesu Khris i nei hi. 2Tua Topa in eite mawhna bek hi loin, leitung mi khempeuh mawhna na ngawn a maisak ding hi. 3A thukhamte zuihna in, amah theihtelna ding ahih lam hong kilang ding hi. 4Tua Topa ka thei hi ci napi-in a thukham a zuilo mi in, zuau gen mi hi a, a sungah thuman thutak a om kei hi. 5A thukham a zui mite sungah Pasian itna in kicing takin a om hi. 6A sungah i omna thu a kitelna in: Topa sungah ka om hi a ci mi khempeuh in tua Topa gamtat bang a gamta ding uh hi. Thukham thak 7Ka itte aw, note kiangah thukham thak kong gelh kei hi. A cil pan kipan in na neih khituh thukham lui mah kong pia hi. Tua thukham lui in, a masa pen in na zakuh thuhilhna ahi hi. 8Khatvei thukham thak note kiangah kong gelh hi. Tua thukham in, tua Topa sung leh note sungah a om thuman thutak ahi hi. Tua thu in khuamialna a manthang in, khuavak a tan laitak ahi hi. 9Mi khat in: Khuavak sungah ka om hi a cih hangin a sangamte a muhdah leh, tua mi in tu dongin khuamial sungah a om lai hi. 10A sangamte a it mi in khuavak sungah om a, ama tungah pukna ding a om kei hi. 11A sangamte a mudah mi ahih leh khuamial sungah omin, tua sungah lampai in

235 a gamta uh hi. Khuamial in a muhna ding dal ahih manin, a paina lampi a thei kei hi. 12Ka ta neute aw, ama min hangin na mawhna uh kimaisak khin ahih manin note kiangah lai kong gelh hi. 13Pate aw, a cil panin a om mi thei na hih man un lai kong gelh hi. Tangvalte aw, note a gilopa zo na hih manun lai kong gelh hi. Naupang note aw, note in Pa thei na hih manun lai kong gelh hi. 14Pate aw, a cil panin a om mi na theihna hangun lai kong gelh hi. Tangvalte aw, na tha uh hat in khauh in, note sungah Pasian thu om in, a gilopa zo na hih manun lai kong gelh ka hi hi. 15Leitung leh a sung a omte na it kei un. Leitung nate a it mi sungah Pa itna a om kei hi. 16Leitungah a om na khempeuh ahi: silesa deihgawhna, muhna tawh deihgawhna, khiatna omlo pi in kisaktheihna in Pa tawh a kipawl hi loin, leitung tawh a kipawl ahi zaw hi. 17Leitung leh a sungah a om nate a deihgawh mi in man-thang ding a, Pasian deihna bangin a gamta mite ahih leh a kip tawntung ding hi. Antikhris 18Ta neute aw, tu lai tak in hun nunnung pen ahih manin, Khris gal ahi Antikhris hong pianna ding thu na zak khit mah bangun, tu in antikhris tampi om khin ta hi. Tua thu hangin tu hun in hun nunung pen ahih lam i thei hi. 19Tua mite in eite lak panin a paikhia uh hangin eite tawh a kipawl ngei kei uh hi. Eite tawh kipawl takpi hile uh, eite lak panin a paikhia kei dinguh hi. Tua mite in eite tawh a kipawl lohna uh a kilatna ding in, eite kiang panin a paikhia ahi uh hi. 20Note in Mi Siangthopa tung panin thupha hong kibuak ngah na hih manun na khempeuh na thei uh hi. 21Note in thuman thutakthei lo hi cihna tawh lai hong gelh ka hi kei hi. 22Zuau a gen mite in kua ahi uh hiam? Jesu in Khris hilo hi ci-in a nial mi ahi hi. Hih bang mite in Pa leh Tapa nialuh ahih manun Antikhris ahi hi. 23Ta a nial mi in Pa zong a nei kei hi. 24Note na hihuh leh, a cil panin na zaksa uh thuhilhna in note sungah na kipsak un. Note in a cil panin na theih uh thuhilhna in note sung ah a om leh note in Pasian sung leh Tapa sung ah na kip dinguh hi. 25Eite a hong piak thuciamna in nuntak tawntungna ahi hi. 26Note a hong khem mite thu hi bangin kong gelh hi. 27Note na hihuh leh a khut sung panin na

I JOHAN 3 ngah uh thupha buahna hang tawh note khempeuh hong hilh thu in, thuman thutak hi-in zuau thu hilo ahih manin, note hong kihilhna tawh kizui in ama sungah kipin na om un. 28Ka ta neute aw, tu in a sungah om un. Tua bangin na omuh leh amah hong kilat ni ciangin, eite in lau loin, a mai-ah zumhuaina a om kei ding hi. 29Amah in midik ahih lam na theihuh leh, dikna thu tawh a gamta mi khempeuh in, a piansak mi ahih lam na thei ta un. 2:7 Jhn. 13:34. Pasian tate Eite in Pasian tate cihna i ngahna ding in, Pa in eite bangzah takin hong it hiam cih na ngaihsun un. Eite in tate taktak i hi hi. Tua ahih manin leitung mite in amah a theih loh mah bang un eite zong hong theilo uh hi. 2Ka itte aw, tu in Pasian tate i hi hi. Nung ciangin bangci mi i hi ding hiam cih a kilang nai kei hi. Ahih hangin amah hong kilat ciangin amah tawh i kibat ding lamtak i thei hi. Bang hang hiam cihleh, a pumpi bangin amah i mu ding hi. 3Hih bangin a lamen mi khempeuh in Topa in siangtho ahih bangmah in, amaute pumpi zong a kisiangtho sakuh hi. 4Mawhna a hih mi khempeuh in thukham a kanuh hi. Khialhna in thukham kanna ahi hi. 5Topa in mawhna a pua dingin hong pai ahih lam na thei uh hi. Ahih hangin a sungah mawhna leh khialhna a om thei kei hi. 6Ama sungah a om mi in, mawhna ahih kei uh hi. Mawhna a bawl mite in amah mu ngeilo leh thei ngeilo uh hi. 7Ka ta neute aw, lam hong khialsak dingin kuamah na kizol sak kei un. A diktat mi in Topa dik ahih man in, a dikuh hi. 8Mawhna a bawl mi in, Dawimangpa tawh a kipawl uh hi. Tua Dawimangpa in a cil pan kipan in mawhna a bawlpa ahi hi. Dawimangpa nasepnate siasak dingin Pasian Tapa hong kilang zo hi. 9Pasian piansak mi in, a sungah Pasian khaici om ahih manin mawhna bawl thei loin, zong a mawh nuam kei hi. 10Tua bangin Pasian tate leh Dawimangpa tate a kikhen uh hi. Dikna tawh a gamta lo mite in a sanggamte a it lote leh Pasian tawh zong a kipawllote ahi uh hi. Khat leh khat ki-itna 11Note in a cil panin na zakuh thu in, Dawimangpa tawh kipawl a nau a that Kain bang hi

I JOHAN 4 loin, eite khat leh khat ki-itna dingin hong genuh hi. 12Kain in a naupa that ahih manin, a gamtatna hoih loin, a naupa gamtatna in a dik hi. 13Ute naute aw, leitung mite in hong muhdah uh ciang in lamdang nasa kei un. 14Eite in khat leh khat kiit i hih manin, sihna panin nuntakna ah i galkah khitna thu i thei hi. Itna a neilo mi in, sihna sung ah a om lai hi. 15A sanggamte a muhdah mi in mithat mi ahi uh hi. Mi that mi khat sungah nuntakna a om loh lam i thei hi. 16Khris in eite taang dingin a nuntakna a piakna hangin eite in itna i nei thei hi. Eite in zong i sanggamte taang dingin i nuntakna i piakna dingin a kilawm hi. 17Mi khat in leitung sumte hau in, a sanggam a zawngte tungah hehpihna lungsim a neih tuan kei leh, tua mi sungah Pasian itna bangci om theih ding ahi hiam? 18Ka ta neute aw, eite in kampau bek leh leii bek tawh ki-it loin, gamtatna tawh a mantak ki-itna nei ni. Lungmuanna 19Tua bangin i gamtat leh, thuman thutak tawh kipawl thei in, lungsim mawhsakna bang mah om loin, a mai-ah i omna dingin thu i ngah ding hi. 20I lungsim in hong mawhsak leh, i lungsim sangin a lian zaw Pasian om a, amah in na khempeuh a thei hi. 21Ka itte aw, i lungsim in hong mawhsak kei leh Pasian mai-ah launa ding a om kei ding hi. 22Hong piak thukham zui-in, ama mai-ah a deihhuai gamtatte i bawl manin, i nget khempeuh a kiang panin i ngah hi. 23A thukham in Topa Jesu min um in, a thu piakna bangin khat leh khat ki-itna ding ahi hi. 24A thukham a zui mi in, a sungah kip in om a, amah zong tua mi sungah a om hi. Amah in eite sung ah a omna thu, a hong piak Kha Siangtho hangin i thei hi. 3:5 Jhn. 1:29; 11 Jhn. 13-34; 12 Pian. 4:8; 14 Jhn. 5:24; 23 Jhn. 13:34; 15:12-17. Pasian kha leh Antikhris kha Ka itte aw, kha khempeuh na um kei un. Khate in Pasian tawh kipawl hiam, kipawl lo hiam dongtel in en un. Bang hang hiam cihleh, zuau thu a gen kamsang tampite a piang khin ta uh hi. 2Pasian Kha Siangtho theihna dingin Jesu Khris in mipum bangin hong pai hi ci-in a mang kha khempeuh in Pasian tawh a kipawl hi. 3Tua

236 bangin Jesu a manglo kha khempeuh in Pasian tawh a kipawl kei uh hi. Tua kha in hong tung ding ci-in na zaksa uh Antikhris kha ahi hi. Tua kha in tu nangawn in leitungah a om khin hi. 4Ka itte aw, note in Pasian tawh kipawl in tua khate na zo uh hi. Bang hang hiam cihleh, leitung lamah a om mi sangin eite lamah a om mi in a lian zaw hi. 5Amaute in leitung tawh kipawl uh ahih manun, leitung mite bangin thu genuh a, leitung mite in a thugente uh a ngai uh hi. 6Eite i hih leh Pasian tawh kipawl i hih manin, Pasian a thei mite in eite hong thei uh hi. Pasian tawh a kipawl mite in, eite thu a ngai uh hi. Tua bangin thuman thutak kha leh zuau thu a gen kha i khen thei hi. Pasian ki-itna 7Ka itte aw, ki-itna in Pasian tawh kipawl ahih manin, eite zong khat leh khat ki-it ni. A it thei mi in Pasian piansak mi ahih manin Pasian a thei hi. 8Pasian in ki-itna ahih manin, a it theilo mi in Pasian a thei kei hi. 9Eite in nuntakna i ngahna dingin a Tapa hong sawlna hangin Pasian itna in eite sungah hong kilang hi. 11Ka itte aw, Pasian in eite hihzahta in hong it ahih leh, eite zong khat leh khat a ki-it dingin i kilawm hi. 12Kuamah in cikmah hun in Pasian a mu ngei kei hi. Eite in khat leh khat i ki-it leh Pasian in eite sungah a om hi-in, ama itna in eite sungah hong kicing hi. 13Amah in a Kha Siangtho hong pia ahih manin, eite sungah omin eite in zong ama sung ah i omna thu i thei hi. 14Pasian in a Tapa leitung mite Gumpa a suah theihna dingin, kote in thei in teci ka panguh hi. 15Jesu in Pasian Tapa hi ci-in a mang mi khempeuh in Pasian sungah om uh a, Pasian in zong tua mi sungah a om hi. 16Pasian eite hong itna thu thei in i um hi. Pasian in ki-itna ahi hi. Ki-itna sungah a om mi in, Pasian sung ah a om hi. Pasian in zong tua mi sungah a om hi. 17Eite in tua bangin ki-itna tawh kidim i hih manin, thukhenna Ni ciangin lauh lohna ding thu i ngah ding hi. Bang hang hiam cihleh, eite in amah tawh kibangin leitungah i piang hi. 18Ki-itna in launa tawh a kigawm thei kei hi. Launa in dantahna piangsak thei ahih manin, a kicing kiitna in launa a hawlkhia hi. A laupa in ki-itna sungah a kicing nai kei hi. 19Pasian in eite hong it masa ahih manin, eite in zong a mah i it hi.

237 20Mi khat peuh in: Pasian ka it hi a cih hangin a u leh naute a it kei leh tua mi in zuau gen mi ahi hi. Amuh theih a u leh naute a it kei leh, a muh theih loh, Pasian a bangci it theih ding hiam? 21Pasian a it mi in, a u le naute zong a it ding hi a cihna thukham pen kote in Khris tung panin ka ngah uh hi. 4:14 Jhn. 1:18. Upna in zawhna ahi hi Jesu in Khris hi ci-in a um mi in, Pasian piansak mi ahi hi. Pasian a it mi in, Pasian in a piansak mi zong a it ding hi. 2Eite in Pasian it in, a thukham bangin i gamtat ciangin, Pasian tate i itna hong kipsak hi. 3Bang hang hiam cihleh, Pasian itna a kilahkhiatna in a thukhamte zuihna ahi hi. Pasian thukhamte zong zuih dingin a haksa lua a om kei hi. 4Eite upna in leitung zawhna ahih manin, Pasian piansak tate khempeuh in leitung a zo thei uh hi. 5Jesu in Pasian Tapa hi ci-in a um mi sim loh kua in leitung zo ahi hiam? Tapa thu tecipanna 6Tui leh sisan tawh hong pai Topa in Jesu Khris ahi hi. Tui bek tawh hi loin, tui tawh ahi zongin sisan tawh ahi zongin a hong pai hi. 7Kha Siangtho in thuman thutak ahih manin teci a hong pang hi. 8Teci a pang in thum ahi: Kha Siangtho, tui leh sisante om uh a, tua thumte in pawl khat bek ahi uh hi. 9Mite tecipanna i man leh Pasian tecipanna a lian zaw hi. Pasian tecipanna in a Tapa adingin a tecipan khitna thu ahi hi. 10Pasian Tapa a um mi in, a sungah tecipanna a ngah hi. Pasian a umlo mi in, Pasian peen zuau gen mi ci-in a mawhsak hi. Tua mi in, Pasian in a Tapa adingin a tecipanna thu a um kei hi. 11Tua tecipanna in Tapa sungah a om

11 JOHAN 1 nuntakna tawntungna pen Pasian in eite hong pia hi. 12Tapa a nei mi in nuntak tawntungna a nei hi., Pasian Tapa a nei lo mi in, nuntak tawntungna a nei kei hi. Nuntak tawntungna theihna 13Pasian Tapa min a um note in nuntak tawntungna na ngahuh na theihna dingun, hih thute kong gelh hi. 14Ama mai-ah eite in i ngah lauh lohna ding thu in, ama deihna bangin na khempeuhah thum in i nget leh a hong ngaihna ding thu ahi hi. 15I thunget khempeuh hong ngai hi ciin i theih leh a kiang panin i nget khempeuh i ngah ding hi ci-in i thei hi. 16A sanggam khat in sihna thuak zah dong dingin mawhna ahih leh thungen hen. Sihna a thuak dingin a kilawm lo a bawl mite adingin Pasian in nuntakna a pia ding hi. Sihna thuak dingin a kilawm mawhna a om hi. Tua bang mawhnate maisakna dingin thungen un kong ci kei hi. 17A diklo na khempeuh in mawhna ahi hi. Tua lo a dang sihna thuak dingin a kilawm lo mawhna pawl a om hi. 18Pasian piansak mi khempeuh in mawhna ahih kei uh hi ci-in i thei hi. Pasian piansak mi in a pumpi kem in, a gilo mi in tua mi a sukha thei kei hi. 19Eite in Pasian tawh i kipawlna leh leitung khempeuh in a gilopa khut sungah a omna thu i thei hi. 20Pasian Tapa hong pai in, thuman thutak Topa i theihna dingin eite pilna hong piakna thu i thei hi. Tua a Tapa Jesu Khris ahi, tua thuman thutak Topa sungah i om hi ci-in i thei hi. Hih Topa in Pasian tatak ahi hi. Nuntak tawntungna zong ahi hi. 21Ka ta neute aw, milimte na tang un. 5:3 Jhn. 14:15; 11 Jhn. 3;36.

JOHAN LAIKHAK NIHNA

Hopihna Upa in, eite sungah kipin eite tawh a om khawm den dingin thuman thutak hang in, 2keimah a kipan thuman thutak a thei mi khempeuh in a kiteel Tonu leh tate kong it uh hi cih thu a zasak hi. 3Pa Pasian kiang panin ahi zong

in, Pa Tapa Jesu Khris kiang panin ahi zongin, hehpihna thupha leh nopsaknate in eite hong om ding hi. Thumanna leh Itna 4Eite in Pa kiang pan thukham i ngahna tawh kizui in, na tate kim khat in thuman thutak lampi

III JOHAN 1 a zuih uh ka muh ciangin ka lung a dam mahmah hi. 5Tu in tonu aw, thukham thak hong gelh bang hi loin eite in a cil pan i neih thukham hong gelhin, khat leh khat ki-itna dingin ka thum hi. 6Ama thukhamte bang i gamtatna in ki-itna ahi hi. Note in thukham tawh kituak na gamtatna dingun a cil panin na zakuh mah bangin thukham in tua bang deihna ahi hi. 7Jesu Khris in mi pum bangin hong pai hi ci-in a sanglo mi tampi leitungah a pai zo uh hi. Hih bang mi in mi khem thei leh Antikhris kha ahi hi. 8Kote in ka bawl uh nate mangthangsak loin, a kicing noptuamna na ngahna dingun na kikem un. 9Khris thuhilhna ah kip loin a zuikhial mi in Pasian a neilo mi ahi hi.

238 Khris thuhilhna ah a kip mi in Pa leh Tapa a nei hi. 10Mi khat in note kiangah hong pai in, hih thu a vom kei leh, note innah na tungsak kei un: Thupha ngah in ci-in hopih kei un. 11Bang hang hiam cihleh, tua banga a hopih mi in tua mi gilo gamtatnate tawh kipawl a suak hi. Tawpna hopihna 12No kiangah ka hong gelh nopna thu tampi a om hangin lai tungah, laitui tawh gelh ding ka deih kei hi. Note kiangah hong pai in, khat leh khat lungdamna a kicinna dingin, maitang kituah in i kihopih ding ka lamen hi. 13A kiteelna na naunu tate in nang hong hopih uh hi. 5 Jhn. 13:34; 15:12-17.

JOHAN LAIKHAK THUMNA

Upa in a man takin ka it Gaias kong zasak hi. 2Ka it mi aw, na lungsim nopsakna bang mah in nang mahin na khempeuhah nopsakna leh cidamna na ngahna ding thu ka ngen hi. 3Nangmah in thuman thutak na zuih mah bang in na neihsa thuman thutak unaute in hong pai in, teci hong pan uh ciang in ka nuam mah-mah hi. 4Ka tate in thuman thutak lam a zuih thu ka zak ciangin ka nuamna sangin nuam zawkna a om kei hi. Gaias zindona kiphat 5It luat aw, nangmah in ute naute tung leh zinte tungah na bawl khempeuh dikna tawh kipawl in a bawl na hi hi. 6Tua mite in na itna thu pawlpi mai-ah teci a panguh hi. Nangmah in Pasian deihna tawh kituakin tua mite na huh kik leh, a pha na bawl ding hi. 7Bang hang hiam cih leh, amaute in Topa min hangin Gentailte kiang ah man ngen loin a pai uh hi. 8Tua a hih manin, eite in thuman thutak a huh mi i suahna dingin tua bang mite i zindo ding a kilawm hi. Diotrefes langpanna 9Lai tawh gelh in Pawlpite vaikhakna ka pia zo hi. Ahih hangin a uk a lian a suak nuam

Diotresfes in ka thu a mang kei hi. 10Tua ahih ciang in ka hong pai ciangin amah in a bawlna thu ka phawksak kik ding hi. Amah in enna leh hazatna kam tawh kote hong kosia tham loin, sanggamte a innah a tungsak kei hi. A tungsak nuam mi zong kham in, pawlpi sung pan a hawlkhia hi. Demetrias thu a kihoih genna 11Ka it mi aw, a sia lam zui kei in la, a hoih lam zui in. A hoih in a gamta mi in Pasian tawh a kipawl hi. A hoih loin a gamta mi in Pasian a mu nai kei hi. 12Mi khempeuh adingin Demetrias in teci ahi hi. Thuman thutak in zong a teci ahi hi. Hi hi, kote in zong tua mi lamah teci ka panguh hi. Kote tecipanna thu in a man hi ci-in na thei hi. Tawpna hopihna 13Ka gelh ding thu tampi a om hangin laikung leh laitui tawh gelh ding ka deih kei hi. 14A sawt loin nang tawh kimu in, khat leh khat kihopih in kam genin i om ding ka lamen hi. 15Na tungah nopsakna om ta hen. Lawmte in nang hong hopih uh hi. Na kiangah a om lawmte a min lo in na hopihsak in. 1 Sawl.. 1:14. 19:29; Rom 16:23; 1Kor. 1:14.

239

JUDAH 1

JUDA LAIKHAK
Hopihna Jesu Khris sila leh Jeim unau keimah Juda in, Pa Pasian hangin itna ngah in, Jesu Khris a dingin keemin, kisapna a ngah mite kiang ah kong zasak hi. 2Note tungah hehpihna, nopsakna leh itna khang ta hen. Thuhilh zuau theite tungah Thukhenna 3Ka itte aw, eite in i ngah khop Gupna thu tawh kizomin, note kiangah ka hong gelh thu hahkat a ka bawl lai takin, mi siangthote kiangah khatvei bek a piaksa upna thu adingin, lungsim khauh in, na dona ding un hansuah in ka hong gelh hi. 4Eite in Pasian hehpihna thupha pen kihhuai gamtat nopna suaksak in, eite hong uk khat bek ahi Topa Jesu Khris nialin, Pasian thu a deihlo mite in, hih thukhenna thuak dingin, tang lai panin a gelh kholhna thu ah mi kimkhat a lut sim uh hi. 5Note in na khempeuh na theih pahuh hangin, kong phawksak nop thu in: Topa in Izipt gamsung mi pawlkhat a gupkhiat khit ciangin a nung ciangin a nihveina ah a umlo mite a siasak hi. 6A thu ngahna uh a kep lohna hangun, a omna uh panin a paikhia vantungmite zong a lian thukhen Ni dongin khuamial suangah a tawntungin hencip in a khum hi. 7Tua mah bangin Sodom leh Gomorrah khuapi a kipan a kimkotah a om khuapite zong tua mite bangin a kihhuai noptatna ah gamta in, amaute pum deihna lungsimte zui uh ahih manun, meikuang tawngtung sungah dan thuak in, i theihna ding lim ahihna uh a kilang hi. 8Tua mite in tua bangin a pumpi uh kihhuaisak a, ukna a thusim loh khituh ciangin a minthang mite a kosia thei uh hi. 9Vantung mite a ukpa na ngawn in Dawimangpa tawh kido in, Moses luang tawh kisai in, a kinial lai takun siatna bawl ngam loin: Topa in nang hong taai hen a ci bek hi. 10Tua mite ahih uh leh, a theih uh thu khempeuh a kosia uh hi. A ngaihsun theilo ganhingte bang in ngeina bangin a theihtheih nate uh hang in a pumpi uh a sia sak uh hi. 11Amaute in Kain lampi zui in, thuman thutak ngaihna dingin Balaam mawhna zui-in delh uh a, Korah nialna

thute tawh kisia uh ahih manun gimna a thuak takpi dinguh hi. 12Tua mite in note tawh itna pawi ne khawm dawn khawm in a om lai takun, amaute lau loin, an kham takin ne in, pawi sung a ninsak tuucingte ahi uh hi. Tui paai lo huih in a lenpih meii leh a gah om lo, singkung a bul pan in a kibot khia bang ahi zongin, 13amaute maizumna thu a phuan khia sak tui kilok gilo bang ahi zong in, amaute adingin a kikoih khualmial sahpi a tawntung adingin amaute adingin kikoih khol in a om aksi leengleeng bang ahi uh hi. 14Adam khang pan a kipan khang sagih mi Enok in kamsangpa genkholhna in: En in, a kisim zo lo misiangthote tawh a siangtho Pa hong pai in, 15Pasian deih loh ahi kihhuaina tawh a gamtate khempeuh, mawhna sungah nopsa in a kidiah mi khempeuhte, Topa tungah gensiatna kam khempeuh a kilang sak ding hi a ci hi. 16Tua mite in phun in a mawhsak thei mi, amaute lunggulh deihgawhna bangin a gamta thei mi, a kam un kisaktheihna thu a gen thei mi, amaute noptuamna ding bek ngaihsun in mite maitang a en thei mite ahi uh hi. Hilhkholhna leh hanthotna 17Ka itte aw, note na hihuh leh, i Topa Jesu Khris sawltakte in a masa in hong genkholh thute na phawk un. 18Amaute in: A nunung hunte ah Pasian deih lohna tawh kipawl pumpi deihgawhna bangin zui-in, a kosia thei mite hong kilang ding uh hi ci-in note kiangah hong gen khin uh hi. 19Tua mite in Kha Siangtho neilo uh a, pawlpi kikhenna a bawl thei mi leh pumpi deihna a zui thei mite ahi uh hi. 20Ka itte aw, note na hihuh leh a siangtho upna tungah na pumpi uh lamin, Kha Siangtho tawh thungen in, 21nuntak tawntungna na tun mateng un i Topa Jesu Khris hehpihna na lamet lai takun, Pasian itna sungah na pumpi uh kikem in na om un. 22A um khial kimkhatte na hehpih un. 23Mi kimkhat mei sung panin kaikhia in na gum un. Mi kimkhatte zong pumpi deihgawhna hangin nin tawh kisawh puante nangawn kikihhuai sa in, launa tawh na hehpih un.

MANGMUHNA 2 Thupha piakna 24Note na kipuk lohna dingun hong kemin, mawhna om loin, lungdamna tawh note in a vangliatna mai-ah hong koih thei, 25I Topa Jesu

240 Khris hangin eite Honpa Pasian khat bek tungah vangliatna, thupina, mithanna leh ukzawhnate in, tu ma, tu lai tak leh a tawntungin om den ta hen. Amen.

JOHAN MANGMUHNA LAIBU

Theisakna leh hopihna A sawt loin a piang ding nate, a silate tung ah a lak ding in Pasian in a piaksa Johan in Jesu Khris thu a mangmuhna lai ahi hi. Tua Topa in a vangtung mi khat sawl a, a silapa Johan kiangah a hilh hi. 2Tua Johan in a muh khempeuhte tawh kizom in, Pasian thu leh Jesu Khris tecipanna thute teci a pang hi. 3A hun nai ta ahih manin, hih lai a sim mite leh hih hilhkholhna thu za in, lai sungah a kigelh thute a zui mite in thupha a ngah dinguh hi. 4Asia gam sungah a om pawlpi sagihte tung Jesu Khris hehpihna leh nopsakna om ta hen. Tu lai takin a om, a om ngei, tu nung ciangin a hong pai lai dingpa leh tokhom mai-ah a om kha sagihte ahi zongin, 5thuman thutak tawh teci a pang mi leh misite lak panin a suak masa pen leh leitung kumpi a ukpa leh eite hong it in, a sisan tawh i mawhna sung panin suahtakna hong pia, 6Pasian mai-ah kumpi za leh siampi za ah hong koih Topa tungah vangliatna leh ukzawkna om tawntung ta hen. Amen. 7En un Topa in meiitungah hong kumsuk kik ding a, mi khempeuh leh a pang a sun mite in a mu dinguh hi. Leitung ah a om mi nam khempeuh in zong ama hangin a kap dinguh hi. Tua bangin hong piang ding hi. Amen. 8Topa in: En un, keimah in Alfa leh Omega ka hi hi A om ngei, tu lai takin a om, nung ciangin hong pai ding ahi Vanglian Topa Pasian in a gen hi. Patmos ah mangmuhna 9Na sanggam leh note tawh luahkhopna a ngah leh gimna na thuak khopih uh keimah Johan in, Pasian thu leh Jesu tawh kipawl tecipannate hangin Patmos tuikulh gamah ka om hi. 10Topa Ni in Kha Siangtho sungah ka om lai takin, ka nunglam panin peengkul aw bangin nakpi takin aw khat hong ging hi. 11Tua aw in:

Na muh nate lai sung ah gelh in la, Efesa khua, Smurna khua, Pergamun khua, Thiatira khua, Sardis khua, Filadelfia khua leh Laodikia khua ah a om pawlpi sagihte kiangah khak in ci-in hong kigen aw ka za hi. 12Tua aw a neipa mu ding in kihei in ka et leh, kham meivak sagih, 13tua meivak sagihte laizang ah mihing tapa tawh kibang mi khat ka mu hi. Tua mi in a khe dong in puanza silhin, a awmah kham kawnggak tawh a gak hi. 14A lutang leh a sam in tuumul bangin paak in vuk bangin a ngo hi. A mittangte in meikuang tawh a kibang hi. 15A khete in zong mei tawh a kisiangtho saksa sumngo tawh kibangin, a aw in tuipi hual gin tawh kibang hi. 16A khut taklamah aksi sagih tawi in, a kam pan in lang nih a hiam namsau a paikhia hi. A maitang in a taang mahmah in ni tawh kibang hi. 17Tua mi ka muh lai takin, a khe kiangah misi bangin ka puk hi. Tua lai takin amah in, a khuttak lam ka tungah hong nga in: Lau kei in. Keimah in a masa pen leh a nunnung pen mi ka hi hi. 18Nidang lai in ka sih ngei hangin en in, tu in a tawntung in nungta in, sihna leh sihna gam kong honna ka nei hi. 19Tua ahih ciangin na muhsa nate khempeuh leh tu lai takin a om nate gelh in la koih in. 20Ka khut taklamah na muh aksite a kipan, kham meivak sagihte thu a thukna gelh in. Aksi sagihte in vangtung mite hi in, Meivak sagihte in pawlpi sagihte ahi uh hi. 1:4 Pai. 3:14; 4 Mang. 4:5; 5 Isa. 55:4; La. 89:27; 6 Pai. 19:6; Mang. 5:10: 7 Dan. 7:13; Mat. 24:30; Mk. 13:26; Lk. 21:27; 1The. 4:17; Zek. 12:10; Jhn. 19:34-37; 8 Mang. 22:13; Pai. 3:14; 13 Ezk. 1:24; 43:1; 17 Isa. 44:6; 48:12; Mang. 2:8; 22:13. Efesa ading thu Efesa khua ah a om pawlpi vantung mi kiangah hi bangin gelh in. A khut taklamah aksi sagih tawi in, kham meivak sagihte laizang ah a pai kawikawipa thupiakna in:

241 2Na gamtatna, na hahkatna leh na thuakzawkna ahi zongin, mi gilote na thuak zo bek hi loin, sawltak a kineih tawm: Sawltak ka hi hi a ci mite dongin entelin, a man lohna uh na muhna thu ahi zongin, 3thuakzawhna nei in, ka min hangin gim lo cimtaak loin na thuakna khempeuhte ka thei hi. 4A hih hangin na tungah gen ding ka nei hi. Tua thu in, na neih masak itna na paihkhiatna thu ahi hi. 5Tua ahih ciangin nang mahin na kiamna a hangte na kiphawkkik khit ciangin na kisiksik in la, a cil a na gamtat ngei bangin na gamta kik in. Tua ciangin na kiangah kong pai ding a, na kisik kei leh, na meivak a omna panin ka khinkhia ding hi. 6Na tungah a om phatnate in ka muhdah Nikolas pawlte gamtatnate ka muhdah mah bangin, nangmah in zong na mudahna ahi hi. 7Kha Siangtho in pawlpi a thupiak thu bil nei mi in ngai ta hen. A zo mite kei mah tawh Pasian Paradis gam sung ah a om nuntakna gah a nek theihna ding in thu ka pia ding hi. Smurna ading thu 8Smurna khua ah a om pawlpi vantung mi kiangah hi bangin gelh in: A masa pen leh a nunung pen mi ahi, ni dang lai in sihna a thuak zo, tu in a nungta mi thupiakna in: 9Gimna na thuakna, hau na pi-in na zawnkhalna a kipan Judah mi pawl ahi lo: Judah mi pawl ka hi hi a kici Satan pawlte in hong kosiatna thute ka thei hi. 10Na thuak lai dingte kihta kei in. Ze-etna na thuakna dingin note kimkhat Dawimangpa in thong sungah hong khia in, ni sawm sung gimna na thuak dinguh hi. Sihna na thuak dongin thuman in om in. Tua hi leh, nuntakna kumpi lukhu kong pia ding hi. 11Kha Siangtho in pawlpite a thupiakna bil nei mi in ngai ta hen. A zo mi in nihvei sihna a ciam kei ding hi. Pergamun ading thu 12Pergamun khua ah a om pawlpi vangtung mi kiangah hi bangin gelh in. Lang nih a hiam namsau a nei mi thupiakna in: 13Satan tokhom omna munah na omna thu ka thei hi. Ka min lencip in, Dawimangpa tenna munah note lakah thahna a thuak ka teci leh ka midikpa Antipas khan lai nangawn in keimah upna thu na nial kei hi. 14Ahih hangin nang tung

MANGMUHNA 2 ah gen ding thu neu kha a om hi. Milim mai-ah biakna sa nek ding, numei leh pasal tawh khialhna gamtatna ding leh Israel mi pawlte maiah suih khakna ding Barak in a hilh Balaam thuhilhna thu a zui mi kimkhat na sungah a om hi. 15Tua bek hi loin, Nikolas pawlte thuhilhna a zui mi kimkhat zong a om hi. 16Tua ahih ciangin na kisikkik in. Tua bang ahih kei leh a manlangin na kiangah kong pai ding a, ka kamsung panin a pusuak namsau tawh tua mite ka do ding hi. 17Kha Siangtho in pawlpite a thupiakna bil nei mi in ngai ta hen. A zo mi in a kiseel manna leh a ngah a mite bek in a theih, kuamah in theih zawh loh min thak kigelhna suangpak ka pia ding hi. Thiatira ading thu 18Thiatira khua ah a om pawlpi vangtung mi kiangah hi bangin gelh in. Meikuang bang mittang a nei, sumngo taktak bang khete a nei Pasian Tapa thupiakna in: 19Na gamtatna, na itna, na upna, na nasepnate, na thuakzawhnate leh a nunung na gamtatnate in, a masa na gamtatnate sangin a tam zawkna thu ka thei hi. 20Ahih hangin nang tung ah gen ding thu ka nei hi. Kamsang numei ka hi a ci Jezebeel nial loin, numei leh pasal mawhna gamtatna ding leh milim mai-ah biakna sa nekna ding a kipan tua numeite in ka silate hilh in a zol uh hi. 21Tua numei a kisik kikna ding in hehpih in hun ka piak hangin, a kihuai a gam-tatna panin a kisik nuam kei hi. 22En in, a lupna tungah ka pai ding a, amah tawh a mawh mite in a kisik kei uh leh gimna lianpi ka tungsak ding hi. 23A tate zong ka that ding hi. Tua ciangin lungsim ngaihsutna a zong kawikawi thei Topa ka hihna thu pawlpi khempeh in a thei dinguh hi. Note khempeuh zong na gamtatna uh tawh kituak in kong thuk kik ding hi. 24Ahih hangin kong gensa thuhilhna a manglo Satan thu thukpi a kici nate a theilo, a siamlo Thiatira khua ah a om lai mite kiangah kong cih in, note tungah van dang kong suan kei ding hi. 25Ahih hangin note in na ngahsa khempeuh uh kong pai dongin kiptakin na len un. 26Zo in, ka gamtatnate a tawp dongin a zui zo mi in, mipawlte tungah ukna aana ka pia ding hi. 27Ka Pa kiang panin thu ka ngah bangin beel seekte in a beeluh a suk zan bangin, amah in sik ciang-

MANGMUHNA 3 khut tawh a uk ding hi. 28Zingsol amah ka pia ding hi. 29Kha Siangtho in pawlpite a thu piakna bil nei mi in ngai ta hen. 2:7 Pian. 2:9; Mang. 22:2; Ezk.28:13; 31:8; 8 Isa. 44:6; 48:12; Mang. 1:17; 22:13; 11 Mang. 20:14; 21:8; 14 Gam. 22:5-7; 31:16; Thkna. 23:4; Gam. 25:1-3; 17 Pai. 16:14-15; 16:33-34; Jhn. 6:48-50; Isa. 62:; 65:15; 20 1Kum. 16:31; La. 7;8; Jer. 17:10; La. 62:12; 26-27 La. 2:8-9. Sardis ading thu Sardis khua ah a om pawlpi vangtung mi kiangah hi bangin gelh in. Pasian Kha Siangtho sagih leh aksi sagih a nei mi thupiakna in: Na gamtatnate leh nungta hi ci-in minthanna na ngahna hangin a si na hihna thu ka thei hi. 2Khanglo in la, a mangthang dingin a kipante ahi a om laite kipsak in. Na gamtatna khat beek ka Pasian mai-ah kicingin ka mu kei hi. 3Tua ahih ciangin bangci sanin, bangci na zakna hiam cih thu phawkkik in la, zui-in kisik kik in. Tua ahih ciangin ngakin na om kei leh, guta bangin kong pai ding a, na kiang kong tun hun ding na thei kei ding hi. 4Ahih hangin amaute puanza a nin sak lo mi neukha Sardis khua ah na nei lai hi. Tua mite kilawm uh ahih manun, a puanpite silh in kei tawh a paikhawm dinguh hi. 5A zo mi in tua bang puan a silh dinguh hi. A min zong nuntakna laibu sung panin ka phiat kei ding hi. Ama min in ka Pa mai leh ka Pa vantung mite mai-ah ahi zongin ka gum ding hi. 6Kha Siangtho in pawlpite a thupikna bil nei mi in ngai ta hen.

thuakzawhna tawh kipawl thute zui zo na hih manin leitungah a om mite in thu dong dingin, leitung khempeuh ah a tung ding ze-etna hun pan in nang kong liah ding hi. 11A manlangin kong pai ding hi. Na kumpi lukhu kuamah in a lakkhiat lohna dingin, na neihsa kip takin len in. 12A zo mi in ka Pasian biakinnpi khuampi ka suaksak ding hi. Tua nung ciangin a pua lamah cik mah ciangin a paikhia nawn kei ding hi. Tua mi tungah ka Pasian min leh ka Pasian kiang van panin hong kumsuk ding Jerusalem khua thak ahi ka Pasian khuapi min thak ahi zongin, ka min thak ahi zongin ka gelh ding hi. 13Kha Siangtho in pawlpite a thupikna bil nei mi in ngai ta hen. Laodikia ading thu 14Laodikia khua ah a om pawlpi vangtung mi kiangah hi bangin gelh in. Amen ahi mi, a dik a man teci a pang, Pasian piancilna kipatna bulpi ahi mi thupiakna in: 15Na gamtatnate leh nangmah in vot lah vot lo, sat lah sa loin na omna thu ka thei hi. Na vot leh vot vet in la, na sat leh sa vet in. 16Tua bang ahih kei leh ka kamsung panin nang kong siakhia ding hi. 17Keimah in ka hau hi. Sumte leh nate kisapna ka nei nawn kei hi na cih hangin, pumpi lunggimna, hehpihuaina, zawnkhalna, mittawtna, puan neih lohna na thuak lam tak thei lo na hih manin, 18Nangmah na hauhna dingin mei tawh kisiansakna kham ahi zongin, puan nei loin na omna zumhuai a kilat lohna dingin na silh ding puan ahi zongin, na mit in khua a muhna ding ahi zongin ka kiang panin mitza na leina dingin kong hansuah hi. 19Ka it khempeuhte a mawhnate uh lakin ka hilh thei hi. Tua ahih ciang in lungsim khauh in la kisikkik in. 20En in, keimah in kong khak kiangah dingin kiu in ka om hi. Mi khat peuh in ka aw za in kong hong hon leh tua mi kiangah ka tum khit ciangin, amah tawh an ne leh tui dawn khawm in ka om ding hi. Amah in zong kei tawh an ne khawm tui dawn khawm in a om ding hi. 21Keimah in ka zawh khit ciangin ka Pa tawh tokhom tungah ka tut khop bangun, a zo mi in, kei tawh tokhom tungah a tut khop theihna dingin thu ka pia ding hi. 22Kha Siangtho

Filedelfia ading thu 7Filedelfia khua ah a om pawlpi vangtung mi kiang ah hi bang in gelh in. A siangtho mi, a thuman mi, David kong honna a nei mi, kuama khak theih loh dingin hong in, kuama hon theih loh dingin a khak thei mi thupiakna in: 8En in, kuama khak zawh loh ding na mai-ah kong ka hong hi. Na gamtatnate leh nangin tawm kha thahatna nei in, ka thute zui in, ka min nial loin, na omna thu ka thei hi. 9En in, Judah mipawl ka hi uh a ci zuau thu gen pawl ahi Satan mi pawlte kong pia a, amaute in na khe kiangah bokin hong bia in, nang kong it hi ci-in amaute ka theisak ding hi. 10Nangmah in ka

243 in pawlpite a thupiakna bil nei mi in ngai ta hen ci-in thu hong pia hi. 3:5 Pai. 32:-33; La. 69:28; Mang. 20:12; Mat. 10:32; Lk. 12:8; 7 Isa. 22:22; Job. 12:14; 9 Isa. 49:23; 60:14; 43:4; 12 Isa. 62:2; 65:15; Mang. 21:2; 14 Pau. 8:22; 19 Pau. 3:12; Heb. 12:6. Vantungah biakna Tua thute khit ciangin ka et leh, vanah kong khat kihongin a om ka mu hi. Hong kahto in. A nung ciangin a piang ding nate kong lak ding hi ci-in a hong gen masak bangin peengkul aw nakpi in kiko aw ka za hi. 2Tua ciangin thakhat in kha Siangtho sungah ka om a, vanah a kikoih tokhom khat leh tua tokhom tungah tu in a om mi khat ka mu hi. 3Tua mi a meel in jasper suang manpha leh sardis suang manpha meel tawh kibang hi. Tokhom kimah emerald sungmanpha meel tawh kibang sakhituihup a om hi. 4Tokhom kimkot ah tokhom sawmnih leh li leh tua tokhomte tungah puanpaak silh in kham kumpi lukhu a khu upa sawmnih leh li tu in a om uh hi. 5Tokhom tung panin khuaphialep bangin a manlang aw in vanging tawh a pusuak uh hi. Tokhom mai-ah Pasian Kha Siangtho sagih ahi, meivak sagih kivakin a om uh hi. 6Tokhom mai-ah khristal tawh kibang limlang tuipi a om hi. Tokhom laizang leh a kimkotah a nung leh a mai mittang tawh a kidim ganhing li a om hi. 7A khatna ganhing in humpinelkai tawh kibang hi. A nihna ganhing in bawngno tawh kibang hi. A thumna ganhing in mihing maitang tawh kibang maitang a nei hi. A linna ganhing in a leeng kawikawi muvanlai tawh kibang hi. 8Tua ganhing lite in kha guk ciat nei uh a, a khate uh a sung leh a pua in mittang tawh kidim in, sun tawh zan tawh khawl loin: A om ngei, a om lai tak, a hong om ding Vanglian Topa Pasian in Siangtho hi, Siangtho hi, Siangtho hi ci-in kiko in a om uh hi. 9Tua ganhingte in a tawntung in tua bangin nungta in, tokhom tungah tu in a om vangliatna, minthanna leh hehpihna phatnate a phat lai tak in, 10tokhom tungah mi mai-ah upa sawmnih leh li-te in bokin, a tawntung in a nungta mi bia in tokhom mai-ah amaute kumpi lukhu a khia khit uh ciangin: 11Kote Topa leh Pasian aw, nangmah in na

MANGMUHNA 5 khempeuh na piangsak hi. Nangma deihna bangin piangin omuh ahih manun, vangliatna, minthanna leh ukzawhnate khempeuh a ngah dingin na kilawm hi ci-in a phat uh hi. 4:2-3 Ezk. 1:26-28; 10:1; 5 Pai. 19:16; Mang. 8:5; 11:19; 16:18; Ezk. 1:13; Mang. 1:4;Zek. 4:2; 6 Ezk. 1:22; 6-7 Ezk. 1:5-10; 10:14; 8 Ezk. 1:18; 10:12; Isa. 6:2-3. Laibu leh tuuno Tokhom tungah a tu mi khutak lamah, ciamtehna sagih tawh kip takin a kiciamteh, a sung leh a pua ah a kigelh sa laibu khat ka mu hi. 2Tua lai takin a thahat vantungmi khat in: Tua laibu phen ding leh ciamtehna hong dingin kua a kilawm ding hiam? ci-in nakpi in a kiko hi. 3Vantung leh leitung leh leinuai khempeuh ah tua laibu phen in, a en zo ding kuamah a om kei hi. 4Tua laibu phen ding leh en dingin a kilawm kuamah a kimuh loh ciangin nakpi takin ka kap hi. 5Tua lai takin upa khat in: Kap kei in, En in David Zung Judah minam panin Humpinelkai in tua laibu leh ciamtehna a phen thei dingin a zo khin hi hong ci hi. 6Tua khit ciangin tokhom laizang leh ganhing laizang leh upate laizang ah leitung khempeuhah a kisawl Pasian Kha Siangtho sagih ahi, kisagih tawh kibang mittang sagih nei, a kithat sa tawh kibang Tuuno a ding ka mu hi. 7Tua Tuuno in hong pai in tokhom tungah tu in mi khut taklam panin tua laibu a la hi. 8Tua laitak in gawmsem tawi leh mi siangthote thungetna ahi, paknamtui tawh a kidim kham hai tawi ciat ganhing li leh upa sawmnih leh li-te in Tuuno mai-ah bok in: 9Nangmah in laibu la in, ciamtehnate a phel dingin na kilawm hi. Thahna na thuak khit ciangin mi nam khempeuh, kam khempeuh, mipawl khempeuh leh gam khempeuhte sung panin, Pasian adingin sisan tawh lei in, 10Kote Pasian mai-ah kumpi za leh siampi za ah ahi zongin na koih hi. Tuate in leitung ukin a om ding ahi hi ci-in la thak a sa uh hi. 11Tua lai takin tokhom a kipan ganhingte leh upnate kimkotah vantung mi tampi ka mu a, amaute aw zong ka za hi. Amaute a kisim ciangin, a tultul a thenthen ahi uh hi. 12Tua vantung mite in:

MANGMUHNA 6 Thahna a thuak tuuno in, ukzawhna, hauhna, pilna, hatna, minthanna, vangliatna leh thuphate ngah dingin a kilawm hi ci-in nakpi takin a kiko in a phat uh hi. 13Vantung leitung, leinuai leh tui sungah a om a bawlsa ganhing khempeuh a kipan, tua vantung, leitung, leinuai leh tui tungah a om na khempeuhte in zong: Tokhom tungah a tu mi leh Tuuno tungah a tawntung in thupha, minthanna, vangliatna leh ukzawhna om ta hen ci-in a phat uh hi. 14Ganhing lite in zong: Amen a ci uh hi. Tua lai takin upate in bokin a bia uh hi. 5:5 Pian. 49:9; Isa. 11:1_10; 6 Isa. 53:7; Zek. 4:10; 8 La. 141:2; 9 La. 33:3; 98:1; Isa. 42:10; 10 Pai. 19:6; Mang. 1:6; 11 Dan. 7:10. Ciamtehna Tuuno in ciamtehna sagih lakah khat a hon ka mu hi. Tua lai takin ganhing lite lak panin khat in, vanging tawh kibang aw tawh: Hong pai in hong cihna ka za hi. 2Ka et leh sakol kang khat ka mu hi. Tua sakol tungah a tuang mi in thal a tawi hi. Tua mi kumpi lukhu khat a pia hi. Amah in a zawh khit banah zo lailai dingin a paikhia hi. 3Tuuno in nihna ciamtehna a hon ciangin, nihna ganhing in: Hong pai in hong cih ka za hi. 4A san ahi sakol dang hong paikhia hi. Tua sakol tungah a tuang mi in, leitung panin nopsakna lak khiat theihna leh leitung mi khat leh khat kithahsak theihna thu a pia hi. Amah namsau saupi khat zong a pia hi. 5Tuuno in thumna ciamtehna a hon ciangin thumna ganhing in: Hong pai in hong cih ka za a, ka et leh sakol vom khat ka mu hi. Tua sakol tungah a tuang mi in, a khut sung ah tawikhaina a tawi hi. 6Tua laitakin: Mangbuh pawtta khat hamu, taang pawtta khat hamu man hen. Sathau leh leenggahzute ahih leh su kha kei in ci-in ganhing lite laizang pan in aw khat ka za hi. 7Tuuno in lina ciamtehna a hon ciangin ganhing lina in: Hong pai in hong cih ka za a, ka et leh sakol puang khat ka mu hi. 8Tua sakol tung ah a tuang mi minin Sihna hi a, Hell gam in amah tawh a ton khawm hi. Leitung sehli suah seh khat namsau tawh, kialpi tawh, pul natna

244 tawh, leitung sahangte tawh thah theihna thu amaute a pia hi. 9Tuuno in ngana ciamtehna a hon ciangin, Pasian thu hang leh a sanuh tecipanna hang ahi zongin, thahna a thuak mite khate biakna tau nuai-ah ka mu hi. 10Amaute in: A siangtho leh a dik Vanglian Topa aw, leitungah a om mite, sihna hangin thukhen in, dantat loin bang tanvei sawt lai ding na hi hiam? ci-in nakpi takin a kiko uh hi. 11Tua lai takin, amaute puanpaak khat ciat a piak khit ciangin, amaute tawh nasem khawm mite a kipan, amaute mah bangin thahna a thuak ding sanggamte in kicinna a tun dongin tomkha a ngak laina dingin thupiakna a ngah uh hi. 12Tuuno in a gukna ciamtehna a hon khit ciangin, ka et leh nakpi takin zin a liing hi. Ni in samul tawh kigan puan bangin a vomin suak hi. Kha in zong sisan bangin a piang hi. 13Huih in theikung nakpi takin a mut ciangin a min nailo a gahte a pulh bangin, vanah a om aksite in leitungah hong pulh sukuh hi. 14Van in laidal zial bangin kizial mang hi. Mualte leh tuikulhte khempeuh in a omna mun panun a kinkhia uh hi. 15Leitung kumpi mangte leh vaihawm lian upate, galkap mangte, sumhaute, thahatte, silate leh to nei lote khempeuh in suang hawm leh mual kawm suangpi lakah a bu uh hi. 16Amaute in: Kote tungah hong cimin, tokhom tungah a tu in a om mi maitang pan leh Tuuno hehna panin ahi zongin hong liah in. 17Tuate hehna Ni hong tung khin hi. Kua in a thuak zo ding hiam? ci-in mualte leh suangte kiangah a ci uh hi. 6:2 Zek. 1:8; 6:3-6; 4 Zek. 1:8; 6:2; 5 Zek. 6:2-6; 8 Ezk. 14:21; 12 Mang. 11:13; 16:18; Isa. 13:10; Joel. 2;10-31; 3:15; Mat. 24:29; Mk. 13:24-25; Lk. 21:25; Joel. 2:31; 13-14 Isa. 34:4; Mang. 16:20; 15 Isa. 2:19-21; 16 Hos. 10:8; Lk. 23:30; 17 Joel. 2:11; Mat. 3:2. Hun kallak sung Tua nung ciangin vantung mi li in lei kiu li mong ah dingin, leitung, tui tung, singkung khat peuh tung ah huih a nun lohna dingin, leitung huih lite lencip in a om ka mu hi. 2Tua lai takin a nungta Pasian ciamtehna a tawi khat in, nisuahna lam panin hong kahto ka mu hi. Tua mi in leitung leh tuipi tungah gimna a bawl thei vantung mi lite kiangah: 3I Pasian silate a taltang

245 tungah a ciamteh khit matengin leitung, tui tung leh singkungte na gimsak kei un ci-in nakpi tak in a kiko hi. 4Israel suan leh khakte lak panin mi kisimna zong ka za hi. Tua in in sangkhat leh thenli leh tulli ahi uh hi. 5Judah minamte sung panin, thenkhat leh tulnih, Reuben minamte sung panin thenkhat leh tulnih, Gad mi namte sung panin thenkhat leh tulnih. 6Asher minamte sung panin thenkhat leh tulnih, Naftali minamte sung panin thenkhat leh tulnih, Manasseh minamte sung pangin thenkhat leh tulnih, 7Simeon minamte sung panin thenkhat leh tulnih, Levi minamte sung panin thenkhat leh tulnih, Isakhar minamte sung panin thenkhat leh tulnih, 8Zebulon minamte sung panin thenkhat leh tulnih, Josef minam sung panin thenkhat leh tulni, Benjamin minamte sung panin thenkhat leh tulnih, a hi uh hi. Gimna sungpan mihonpite 9Tua khit ciangin ka et leh, gam khempeuh, nam khempeuh, pawl khempeuh, kam khempeuh sung panin kuama sim zawh loh ding mihonpite in tokhom leh Tuuno mai-ah puanpaak silh in, a khut sungah nisuh hiang tawi in a ding uh ka mu hi. 10Tua mite in: Tokhom tungah a tu eite Pasian leh Tuuno tungah Gupna thu a piang hi ci-in nakpi in a kiko uh hi. 11Tua lai takin tokhom a kipan upate leh ganhing lite kimkotah dingin a om vangtung mi khempeuh in tokhom mai-ah bok in Pasian bia uh a: 12Amen! I Pasian tungah a tawntungin Thupha, vangliatna, pilna, hehpihna, minnthanna, ukzawhna leh hatna-te khempeuh om ta hen. Amen a ci uh hi. 13Tua lai takin upa khat in ka kiangah: Puanpaak a silh hua mite in kua mi ahi uh hiam? Koi panin hong pai uh ahi uh hiam? ci-in hong dot ciang in keimah in: 14Topa aw nangmah in na thei hi ka cih kik leh tua upa pa in: Hua mite in gimna liangpi sung panin hong paikhiate ahi uh hi. A puante uh zong Tuuno sisan tawh kisawp

MANGMUHNA 8 siang in, a kipaksak ahi hi. 15Tua ahih ciangin amaute in Pasian tokhom mai-ah omin, a biakinnpi sungah sun tawh zan tawh na a semuh hi. Tokhom tungah a tu mi in, amaute tungah buk zalin a lam ding hi. 16Amaute in cik mah ciangin gilkial dangtakna a thuak nawn ngei kei dinguh hi. A nung ciangin Ni sa a kipan a sa khempeuh tawh a kisukha nawn kei dinguh hi. 17Tokhom lai zangah a om Tuuno in amaute a cing suak in, amaute nuntakna ciktui omna mun ah paina dingin lam a hilh ding hi. Pasian in zong amaute mittang pan a khituite uh a nul siang sak ding hi a ci hi. 7:1 Jer. 49:36; Dan. 7:2; Zek. 6:5; 3 Ezk. 9:4-6; 14 Dan. 12:1; Mat. 24:21; Mk. 13:19; 16 Isa. 49:10; 17 La. 23:1-2; Ezk. 34:23; Isa. 49:10; 25:8. Ciamtehna sagihna leh kham kuang Tuuno in ciamtehna sagihna a hong khit ciangin, van ah nailang sung bang daidide in a om hi. 2Tua khit ciangin Pasian mai-ah a ding vantung mi sagih ka mu a, tuate peengkul khat ciat a kipia hi. 3Khamkuang khat a tawi vantung mi a dang khat zong hong pai in, biakna tau gei ah ding a, tokhom mai-ah a om kham biakna tau tungah a om mi siangthote thungetnate khempeuh tungah sunsawn dingin paknamtui a pia hi. 4Tua mi siangthote thungetna tawh paknamtui khu in, tua vantung mi khut sung panin Pasian kiangah a tung to hi. 5Tua khit ciangin vantungmi in kuang la in, biakna tau pan mei tawh a dimsak khit ciangin leitungah a khiat suk leh, van ging, aw ging, khuaphialep leh zinliingte a piang hi. Peengkulte 6Tua laitak in peengkul a nei vantung mi sagihte in peengkul mut dingin hong kisa uh hi. 7A khatna vantung mi in peengkul a mut leh, sisan tawh kihel gial leh mei leitungah kia in, leitang sehthum suah sehkhat, sing sehthum suah sehkhat leh lopa hing khempeuh a kangtum hi. 8Nihna vantung mi in, peengkul a tum leh, mei in a kat mualpi bangin na khat in tuipi sung kidenna in, tua khit ciangin tuipi sehthum suah sehkhat sisan suak hi. 9Tuipi sungah a om nuntakna a nei ganhing sehthum suah sehkhat a si uh hi. Tembaw sehthum suah sehkhat a kisia hi.

MANGMUHNA 10 10Thumna vantung mi in peengkul a tum ciang in, meilah kuang bangin a kuang aksipi khat in van panin gun sehthum suah sehkhat leh ciktui sehthum suah sehkhat tungah a kia hi. 11Tua aksi min in Gamsai kici hi. Tua ciangin tui sehthum suah sehkhat in gamsai tui suak a, tui kha sak a hih manin mi tampi a si uh hi. 12Lina vantung mi in peengkul a tum ciangin ni sehthum suah sehkhat, kha sehthum suah sehkhat, aksi sehthum suah sehkhat sukha in, sehthum suah sehkhat a mial pah hi. Sehthum suah sehkhat taang nawn loin, zan sehthum suah sehkhat in khuavak a nei nawn kei hi. 13Tua bangin ka et lai takin muvanlai khat in, van kim lai-ah leeng in: A om lai vantung mi thumte tum ding in peengkul awte bang in leitung ah a om mite tungah gimna, gimna, gimna a om ding hi ci-in nakpi takin a kiko ka za hi. 8:3 Amos. 9:1; Pai. 30:13; 5 Siam. 16: Ezk. 10:2; Pai. 19:16; Mang. 11:19; 16:18; 7 Pai. 9:23-25; Ezk. 38:22; 10 Isa. 14:12; 11 Jer. 9:15; 12 Isa. 13:10; Ezk. 32:7; Joel. 2:10-31; 3:15. Peengkul ngana leh kuamthukpi Ngana vantung mi in peegkul a tum ciang in, van panin lei ah hong kia suk aksi khat kam mu a, tua mi kiangah kuam thukpi honna tawhtang a pia hi. 2Amah in tua kuam thupi a hon ciangin, meiphualpi pan in a khu paikhia bangin tua kuam thukpi panin hong pai khia a, tua mei khu hangin ni leh huih a mial hi. 3Tua meikhu sung pan in leitung ah kauphete hong piang in, tuate in leitung ah om mommaite vangliatna tawh kibang vangliatna a pia hi. 4Amaute in lopa kung a kipan a hing singkung khempeuh ah bang mah siatna a bawl lohna dinguh leh a taltang tungah Pasian ciamtehna a ngahlo mite ahih leh bawlsiatna ding thu a pia hi. 5Ciamtehna a ngah lo mite thahna ding thu a pia kei hi. Tuate gimna in mommai in a sut khak natna tawh kibang hi. 6Tu nite lai takin, mite in sihna ding a zonuh hangin a mu kei dinguh hi. Amaute in a sih nop luat uh hangin sihna mangpa in amaute kiang panin a taikhia ding hi. 7Tua kauphete meel in gal sim dingin a kisakhol sakol tawh kibanguh hi. Amaute lu tungah kham kumpi lukhu tawh kibang a om hi. A maitangte un pasal maitang tawh kibang hi. 8Numeite bangin samsau nei uh a, a ha uh hum-

246 pinelkai hate tawh kibang hi. 9A awmdal un sik awmdal tawh kibang hi. A khazap gingun galkapna sungah a kidelh sakolleengte gin tawh kibang hi. 10A meite un mommai meite tawh kibangin, gu nei ling a om hi. Kha nga sung mite a bawlsiat theihna dingin, amaute mei sungah vangliatna a om hi. 11Amaute tungah kumpipa in Hebru kam tawh: Abaddon a kici leh, Grik kam tawh: Apollion ci-in kiphuak a, amaute in kuam thukpi sawltakte ahi uh hi. 12Gimna khatna bei in, gimna nihna hong tung lai ding hi. 13Gukna vantung mi in peengkul a tum ciangin Pasian mai-ah a om kham biakna tauki sung panin a pusuak aw in: 14Eufrates gunpi kiang ah kikhih in a om vantung mi lite khah un ci-in peengkul a nei vantung mi gukna kiangah a gen ka za hi. 15Tua lai takin mi sehthum suah sehkhat thahna ding a kum, a kha, a hun leh a nai adingin a kikoih khol vantung mi lite a kikhahkhia hi. 16Sakol galkap pawl a kisim ciangin thennih mun thennih ahi hi ci-in a kisimna nambat ka za hi. 17Ka mangmuhna sung ah tua sakolte leh a tuang mite ka mu a, tua mite in mei bang in a san, a engdum leh kat bangin a eng awmdalnate a nei uh hi. Sakol lutangte in humpinelkai lutung tawh kibang hi. Amaute kamsung panin mei, meikhu leh kat a pusuak hi. 18Tua bangin hong pusuak mei, meikhu leh kat ahi gimna nam thum hangin sehthum suah sehkhat a si uh hi. 19Tua sakolte vangliatna in a kam sung leh a mei-te sungah a om hi. A meite uh gul tawh kibang a, lutang nei in, gimna a bawl thei uh hi. 20Tua gimna hangin a si nailo in a om lai mite in dawigilote tawh, a za ngeilo, a mu ngeilo, a pai thei ngeilo kham milim, ngun milim, sumngo milim, suang milim leh sing milim-te a biak lohna dungun, a khutuh tawh a bawl nate a kisik lo bek hi loin, 21amaute mi thahna, mi bumna, numei leh pasal mawhna leh guktakna-te khempeuh zong a kisik kei uh hi. 9:2 Pian. 19:28; 3 Pian. 10:12-15; 4 Ezk. 9:4; 6 Job. 1:6; 9 Joel. 2:5; 13 Pai. 30:1-3; 20 La. 115:4-7; 135:15-17; Dan. 5:23. Vangtung mi leh laibu neu Tua ciangin a dang a thahat vantung mi khat meiipi silh in van panin hong kumsuk ka mu hi. A lu tungah sakhituihup om a, a maitangin ni bangin taang in, a khete in meikuang

10

247 bang ahi hi. 2A khut sungah laibu neu khat phensa in a tawi hi. A taklam khe in tui tungah, veilam khe in leitang tungah a nga hi. 3Tua khit ciangin humpinelkai hawk bangin nakpi takin a aw tawh kiko in, a kiko ciangin vanging sagihte in amaute kam panin a paikhia awte a genuh hi. 4Tua bangin vanging sagihte genna gelh dingin ka kisak leh: Vanging sagihte in a genuh thute ciamteh in la gelh kei in ci-in van panin hong pusuak aw in thu hong pia hi. 5Tua ciangin tuipi leh leitang tungah a khe a nga ka muh vantung mi in, a khut taklam van lamah a lam to hi. 6Tua ciangin, a tawntung in nungta in, van leh lei sung ah a om nate, tuipi leh tuipi sungah a omte a piangsak Topa kiciamna in, 7Sagihna vantung mi in peengkul tum dingin a kisak lai takin Pasian silate leh kamsangte tungah a gen khit bangin Pasian thu thukpi in, zekai loin a kihilh khin ding hi a ci hi. 8Tua lai takin ka zak ngeisa vantung mi aw in, ka kiangah: Tuipi tung leh leitang tungah a ding vantungmi khut sungah a kiphen laibu pen pai in la, va la in hong ci hi. 9Tua vantungmi kiang pan in laibu neu ka van get ciangin, vantung mi in: La in la ne in. Na kam sungah khuaizu bangin khum ding a, ahih hangin na gilpi sungah a kha ding hi hong ci hi. 10Tua ciangin tua laibu neu la in, ka nek ciangin ka kam sungah khuaizu bang in khum in, ka gilpi sung a tun ciangin a kha hi. 11Tua lai takin: Nangmah in minam khempeuhte, kamte, kumpi tampite thu tawh kizomin a nung ciangin a piang ding na genkhol ding hi ciin hong gen uh hi. 10:5-7 Pai. 20:11; Thkna. 32:40; Dan. 12:7; Amos. 3:7; 8-10 Ezk. 2:8-3:3. Teci nihte Tua khit ciangin ciangkhut tawh a kibang pumpeeng khat hong piak khit ciangin: Tho in la, Pasian biakinnpi, biakna tau leh a bia mite teh in. 2Ahih hangin biakinnpi pua lam ahi gawl sung teng teh kei in la, siit in. Tua gawl sung teng pen Gentailte adingin a kipia khin hi. Amaute in kha sawmli leh khanih sung khuapi siangtho a sik gawp dinguh hi. 3Ka teci nihte zong thu ka pia ding a, amaute in khautang puan silh in ni tul khat leh zanih leh sawmguk dongin

11

MANGMUHNA 11 kamsangte bangin thu a hilh dinguh hi hong ci hi. 4Tua mite in leitung adingin Topa mai-ah a om olive kung nih leh meivak koihna nihte ahi uh hi. 5Mi khat peuh in amaute tungah gimna a bawl nop leh a kam sunguh panin mei pusuak in a galte uh a kang tumsak thei dinguh hi. Mi khat peuh in amaute tungah gimna a bawl nopuh leh tua bangin gimna a thuak dinguh hi. 6Tua mi nihte in a thuhilh hun lai takun guah zuk lohna dingin van kongvang khak theihna vangliatna a ngah banah tui sisan suahsak theihna leh amaute deih hun peuh ciang in leitung mi pawl khempeuh dantahna dingin pulnatna a tunsak theihna dingun thu a nei dinguh hi. 7Amaute in tecipanna a zawh khituh ciangin, kuam thukpi sung ah a kikhia sahang in hong kahto in do in, zo in a that ding uh hi. 8A luangte uh zong a Topa uh singlamteh tuangah a sihna khuapi ahi, a khiatna in Sodom leh Izipt a kici khuapi sungah a om lamzing khempeuhah a om dinguh hi. 9Tua misi luangte pen, minam khempeuh, kamte leh gamte sung panin tua luangte kivui sak loin, nithum leh nilang tawntung a en dinguh hi. 10Leitung ah a om mite in zong tua kamsang nihte bawlsia ngei uh ahih manun, tua luangte hangin khat leh khat lungdamna a kiko dinguh hi. 11Ni thum leh nilang a cin khit ciangin tua mite sung ah Pasian nuntakna huih lut in, amaute thokik in, hong ding ding uh a, a mu mi khem-peuh in lau ding uh hi. 12Van panin zong: Hi lai-ah hong kahto un ci-in nakpi thupiakna aw za uh a, van meii tungah tuangin a kahtoh uh amaute in a mu dinguh hi. 13Tua lai takin zin nakpi in liingin khuapi sehsawm suah sehkhat cim in, mi tulsagih a si uh hi. A om lai mite in lau in liinguh a, van Pasian vangliatna a phatuh hi. 14Nihna gimna a bei khin hi. En in, gimna thumna a manlangin hong tung ding hi hong ci hi. 15Sagihna vantung mi in peengkul a tum ciang in: Hih leitung in, i Topa Khris gam a suak zo hi. Amah in a uk tawntung ding hi ci-in van panin kikona tawh aw ka za hi. 16Tua lai takin Pasian mai-ah amaute tokhom tunga a tu upa sawmnih leh lite bokin Pasian bia uh hi. 17Tua ciangin: A om ngei khin, tu lai takin a om, Vanglian Topa Pasian aw, nang in a lian pen vang-

MANGMUHNA 13 liatna tawhna uk na hih manin na hehpihna ka phat uh hi. 18Minam khempeuh hehuh a, na hehna leh a si mite thukhenna ding leh na sila kamsangte a kipan mi singthote leh, na min a kihta mi lian leh mi neu-te khempeuh lungdamna na piak ding hun leh leitung a siasak mite na siatsakna ding ahi zongin a hun a tung khin hi ci-in a genuh hi. 19Van ah a om Pasian biakinnpi kihongin, thuciamna singkuang biakinnpi sungah a kimuh khit ciangin, khuaphialep leh aw gingte, van gingte, zinliingte leh nakpi takin gialkiatna-te a piang hi. 11:1 Ezk. 40:;3; Zek. 2:1-2; 2 Lk. 21:24; 4 Zek. 4:3; 4:11-14; 6 1Kum. 17:1; Pai. 7:17-19;1Sam. 4:8; 7 Dan. 7:7; 7:21; Mang. 13:5-7; 17:8; 8 Isa. 1:9-10; 11 Ezk. 37:10; 12 2Kum. 2:11; 13 Mang. 6:12; 16:18; 15 Pai. 15:18; Dan. 2:24; 7:14; 7:27; 18 La. 2:5; 110:5; 115:13; 19 Mang. 8:5; 16:19-21. Numei leh gulpi Van ah a lian leh a lamdang khat a kilang hi. Numei khat in ni silh in, kha in a nuai ah a omin aksi sawm leh nih a tuang kumpi lukhu a lu tungah khu hi. 2Tua nu mei gai in, ta suah hun ahih manin nakpi takin kiko in a om hi. 3Tua lai takin a dang na lamdang van ah hong kilang thuah a, tua in gulpi san a lian mahmah khat hi in, lutang sagih leh ki sawm a nei hi. A lute tungah kumpi lukhu sagih a khu hi. 4Tua gulpi in vanah a om aksite sehthum suah sehkhat a mei tawh vat khia in, leitungah a khiat khit ciang in, ta suak dingin a kisa numei mai-ah ding in a suah ciangin ne dingin a om hi. 5Numei in minam khempeuh sikciang tawh a uk ding tapa a suah ciangin, Pasian kiang leh a tokhom kiangah a kipai pih hi. 6Tua numei in ni tul leh sawmguk sung in, tua tapa vakin a khoina ding in, Pasian in sehkholhna mun gam lakah a tai hi. 7Tua ciangin vanah gal kidona om a, Mikhael leh a vantung mite in gulpi tawh a kido uh hi. 8Gulpi leh a nungzuite in a do uh hangin lel uh ahih manun, amaute in vanah om theihna a ngah nawn kei uh hi. 9Leitung khempeuh a khem Dawimangpa kici Satan ahi tanglai gulpi in a nungzuite tawh leitungah a khiasuk uh hi. 10Tua ciangin van pan in aw lian mahmah tawh: Tu in eite Pasian gupna a kipan, vangliatna, gam leh ama Khris ukna ana a hong tung

12

248 khin hi. I Pasian mai-ah sun tawh zan tawh a mawhsak in, khiat sukna a thuak zo hi. 11Amaute in Tuuno sisan hangin zawhna la uh ahih manun, sihna a thuak dongun a nuntakna uh a haza kei uh hi. 12Tua hih ciangin vantung leh a sungah a omte aw, nuam un! Leitung leh tuipi tungah a hih leh siatna a om hi. Bang hang hiam cihleh, Dawimangpa in hun tomkha sung bek ngah lai ahih lam kithei in, heh luatna tawh note omna ah hong paisuk khin hi ci-in a genna aw ka za hi. 13Leitungah gulpi kikhia suk khin ahih manin tapa a suak ding numei a bawlsia hi. 14Hun khat, hun nih leh hun lang sung khempeuh, amah vakna dingin, a omna gam lakah, tua gulpi kiang panin a suahtakna dingin, leengin a tai theihna dingin muvanlai kha a lian mahmah nih tua numei a kipia hi. 15Gulpi in tua numei a taimang dingin, a kam sung panin a nungah gunpi bangin tui a pusuak sak hi. 16Leitung in numei huh in, a kam sung panin a paikhia gunpi pen a valh tum hi. 17Numei tungah gulpi heh mahmah a, Pasian thukham leh Jesu tecipanna leh numei suante lak panin a om laite do dingin a piakhiat khit ciang in, 18tuipi gei sehnel tungah dingin a om hi. 12:3 Dan. 7:7; 4 Dan. 8:10; 5 Isa. 66:7; La. 2:9; 7 Dan. 10:1321; 12:1; Juda. 9; 9 Pian. 3:1; Lk. 10:18; 10 Job. 1:9-11; Zek. 3:1; 14 Dan. 7:25; 12:7. Sahang nihte Tua lai takin kisawm, lutang sagih, kite tungah lukhu sawm, lutangte tung ah kosiatna min a nei ciat sahang khat in tuipi sung panin hong kahto khat ka mu hi. 2Ka muh sahang in kamkei tawh kibangin, a khete in vompi khe tawh kibang a, a kam in humpnelkai kam tawh kibang hi. Gulpi in a vangliatna, a tokhom leh ama ana khempeuh tua sahang a pia hi. 3Tua sahang lutang khat in si dehtak in kisatna liamna ma a nei hi. Tua liamma in a dam khin hi. 4Leitung mi khempeuh in tua sahang zui-in lamdang sa uh a, amah ana a pia gulpi a bia uh hi. Sahang zong: Kua in hih sahang tawh kibang ahi hiam? Kua in amah tawh a kido zo ding hiam? ci-in a bia uh hi. 5Tua sahang tungah a lianpi thute, kosiatna thute tampi a gen theihna dingin, muk leh kha

13

249 sawmli leh khanih tawntung a om theihna ding ahi zongin thu a pia hi. 6Sahang in Pasian leh a min leh a buk ahi vantung ahi zong gensia dingin a kam a ka hi. 7Mi siangtho tawh zong kido in, a zawhna ding thu pia a, minam khempeuh, leitung mi khempeuh, kam leh gamte khempeuh tungah ukna thu a ngah hi. 8Lei piancil panin thahna a thuak Tuuno nuntakna laibu sungah a min a kigelh lo leitung mi khempeuh in sahang a bia ding uh hi. 9Bil nei mi khempeuh in ngai ta hen. 10A kiman dingte a kiman ding hi. Namsau tawh midang a thatpa pen amah zong namsau mah tawh kithat ding hi. Hih thu ah mi siangthote thuakna leh upna a om hi. 11Tua khit ciangin lei sung panin a dang sahang khat hong pusuak ka mu hi. Tua sahang in tuuno bangin ki nih nei a, gulpi bangin a pau thei hi. 12Amah in a masa sahang mai-ah tua sahang ngah ana khempeuh nei in, si dek takin a liam khin a damkik sahang pen leitung mi khempeuh a bia sak hi. 13Mite mai-ah, van panin lei ah mei kiasak dongin na lamdang a lianpite a lak hi. 14Tua bangin na lamdang a lah theihna hangin, leitungah a om mite kheem in, tem satna tawh ma pawn a om a nungta sahang lim bawlna dingin leitung mite kiangah thu a pia hi. 15Tua bangin thu a piak khit ciangin, tua milim kam a pau thei in, nuntakna a thun theihna dingin thu a ngah khit ciang in, tua milim a bia lo mi khempeuh thah theihna ding thu a ngah hi. 16Tua ahih ciangin amah in upa, naupang, sumhau, mi zawng, sila leh to neilo khempeuh sahang min ahih kei leh tua min ciamtehna khat peuh a neilo mi peuh mah in zuak in a lei theih lohna ding un, 17mi khempeuhte khut taklam tung ahih kei leh a taltang tungah a ciamteh sak hi. 18Hih thu ah pilna a kizang thei hi. Pilna a nei mite in sahang nambat tuat ta hen. Bang hang hiam cih leh, tua nambat in mi khat peuh nambat ahi hi. Tua nambat in zaguk leh sawmguk leh guk ahi hi. 13:1 Dan. 7:3; Mang. 17:3; 7-13; 2 Dan. 7:4-6; 5-6 Dan. 7:25; 11:36; 7 Dan. 7:21; 8 La. 69:28; 10 Jer. 15:2; 43:11. Sang khat leh thenli leh tulli te lasakna Tua lai takin ka et leh, Zion Mual tungah ding in a om Tuuno a kipan, a taltang tung

14

MANGMUHNA 14 ah tuuno min leh a Pa min tawh a kigelh in a om, mi sangkhat leh thenli leh tulli-te in amah tawh a om khawm ka mu hi. 2Tua lai takin van-tung mi in tuipi ging leh van ging bangin aw khat ka za hi. Ka zak aw in gawsem tumging tawh kibang hi. 3Tua mite in tokhom mai-ah ganhing lite leh upate mai-ah la thak a sa uh hi. Tua la thak pen leitung panin lei khitsa ahi tua mi sangkhat leh thenli leh tulli-te bek in a sa thei uh hi. 4Tua mite in ahih leh tangval ahi numei tawh khialhna a bawl ngeilote ahi uh hi. Amaute tuuno paina khempeuh a zuite ahi uh hi. Pasian ading leh Tuuno ading gah masa pen ahihna dingun, mite lak panin a kilei mite ahi uh hi. 5Amaute kamsung ah zuau thu a om kei hi. Amaute in mawhsakna ding khat zong a om lote ahi uh hi. Vangtung mi thumte thugenna 6Leitungah a teeng mite a kipan gam khempeuh, minam khempeuh, pau khempeuh leh pawl khempeuhte kiang ah Pasian Lungdamna Thu hilh dingin, vantung mi khat van kimlai ah a leeng ka mu hi. 7Tua vantung mi in: Thukhen hun hong tung khin hi. Pasian kihta un la, a vangliatna phat un. Vantung, leitung, tuipi leh ciktuite a piangsakpa bia ta un ci-in nakpi in a kiko hi. 8Tua nung ciangin nihna vantung mi in zui in: Nu leh pa khialhna tawh kipawl, a hehna leenggahzu minam khempeuh a dawnsak khuapi Babilon a cim zo hi! a cim zo hi! ci-in a kiko hi. 9Tua khit ciangin a thumna vantung mi khat in hong zui a: Mi khat peuhmah in sahang leh a lim bia in, a taltung leh a khuttung khat peuh ah ciamtehna a neite khempeuh Pasian hehna hai tawh a kigawm lo, a kikoih hehna leenggahzu a dawn ding hi. 10A siangtho vantung mite mai leh Tuuno mai-ah tua mi in mei leh kat tawh bawlsiatna a thuak ding hi. 11Tua mite thuakna uh meikhu in a tawntung in a kahto hi. Sahang leh a lim a bia mite leh sahang ciamtehna a ngah mi khempeuhte in sun leh zan a mit geilo leh bei hun a nei lo mei sungah a om dinguh hi. 12Hih thu ah Pasian thukhamte leh Jesu upna hangin mi siangthote thuakna ding a om hi. 13Tua lai takin: Tu a kipan in Topa sungah a si mite in thupha a ngah ding uh hi ci-in gelh in hong ci van panin aw khat ka za hi. Kha Siang-

MANGMUHNA 16 tho in zong: Tua thu a man hi. Tua mite in tua bangin nasepna bei in, khawlna leh tawlngakna ding thu a ngahuh hi. Tua banah a nasepna un zong amaute a zui ding hi a ci hi. Leitung anlakna 14Tua lai takin ka et leh van meii kang ka mu hi. Tua meii tungah mihing tapa tawh kibang mi khat in kumpilukhu ahi khamlukhu khat a lungtungah khu in, phiaukawi hiam tawi in a tu hi. 15Tua lai takin vantungmi khat biakinn panin hong paikhia, meii tungah a tu mipa kiangah: An lak hun tung khin ta ahih manin, na phiaukawi sawl in la, at in. Leitung gah in mi zo in, a kuai zo gawp ta hi ci-in nakpi takin a kiko hi. 16Meii tungah a tu mi in phiaukawi leitungah a khiatsuk leh, leitung in at sa a suak hi. 17Tua nung ciangin a dang vantung mi khat in, vanah a om biakinnpi sung panin a hiam phiau kawi tawi in a paikhia hi. 18Tua banah, meii a uk vantung mi khat in biakna tau sung pan a paikhiat khit ciangin, phiaukawi a tawi vantung mi kiangah: Leitungah a om leenggahte min zun khin ta ahih manin, a bawkte at ding leh la dingin na phiaukawi hiam sawl in ci-in a kiko hi. 19Tua khit ciangin, vantung mi in a phiaukawi leitungah a khiatsuk leh, leitungah a om leenggahte ki-at khit ciangin, a cilna phual ahi Pasian hehna sungah a paai hi. 20Tua leenggah in khuapua lam munah a kicil hi. Tua phual sung panin a pusuak sisan in tai zanih dongin sakol kamkaih ban dongin a luang hi. 14::1 Ezk. 9:4; Mang. 7:3; 5 Zef. 3:13; 8 Isa. 21:9; Jer. 51:8 ;Ezk.26:13; Mang. 18:2; 10 Isa. 51:17; Pian. 19:24; Ezk. 38:22; 11 Isa. 34:10; 14 Dan. 7:13; 15 Joel. 3:13: 20 Isa. 63:3; Kah. 1:15; Mang. 19:15. A nunung gimnate Tua khit ciangin a lian mahmah a lamdang khat vantung mi ka mu hi. Tuate in gimna nam khat ciat a nei vangtung mi sagihte ahi uh hi. Pasian hehna in tua gimnate tawh kicing ahih manin, tuate in a nunung pen gimnate ahi uh hi. 2Tua nung ciangin mei tawh kihel limlang tuipi bang leh sahang a kipan a lim leh a min nambat gimna panin a suakta khin, Pasian gawsem tawi mite in, tua limlang tuipi kiangah dingin a om ka

250 mu hi. 3Tua mite in Pasian sila Moses leh Tuuno la sa in: Vanglian Topa Pasian aw. Na bawl nate lian in, a lamdang hi! Minam khempeuhte Kumpipa aw, na gamtatnate in dik in a thuman hi! Topa aw, na min kua in kihta lo leh phat loin a om ding hiam? Nang bekin na siangtho a, nangma dikna gamtatnate in kilang khin ahih manun, minam khempeuh in na mai-ah hong thuum in, hong bia dinguh hi ci-in a phat uh hi. 5Tua thute khit ciangin vanah teci tawh kipawl buk ahi, biakinnpi a kihong ka mu hi. 6Gimna nam sagihte in a siangtho, a taang suangmanpha silhin, a awmah kham awmgak gakin, tua biakinnpi sung panin hong puasuak uh hi. 7Tua khit ciangin, ganhing lite khat in, vantung mi sagihte kiangah, a tawntung in a nungta Pasian hehna tawh a kidim kham hai sagih a pia hi. 8Tua lai takin biakinnpi in Pasian vangliatna hangin, meikhu tawh dimin tua vantungmi biakinnpi sungah kua mah a lut thei kei hi. 15:3 Pai. 15:1; 4 Jer. 10:7; La. 86:9; 5 Pai. 38:21; 8 Pai. 40:34; 1Kum. 8:10-12; 2Khg. 5:13-14; Isa. 6:4. Pasian hehna haite Tua a siangtho vantungmi sagihte kiang ah: Note pai un la, Pasian hehna hai sagihte leitungah bua un ci-in biakinnpi pan in kikona aw ka za hi. 2Khatna vantung mi hong pai in, a tawi hai leitungah a buak leh, sahang ciamtehna nei in, a lim a biate tungah a kihuai meima a piang hi. 3A nihna vantung mi in, a tawi hai tuipi sungah a buak leh tui in misite sisan tawh kibangin piang a, a sungah a om ganhing khempeuh a si uh hi. 4Thumna vantung mi in, a tawi hai gunte leh cikte tungah a buak leh tui khempeuh sisan a suak hi. 5Tua a cing vantungmi in: Tu lai takin a om, a om ngei ahi a siangtho Topa aw, nangmah in hi bangin thukhen na hih manin a dik na hi hi. 6Amaute in mi siangthote leh kamsangte sisan bua uh a, amaute sisan a dawnsak khin hi. A maute zong a dawn ding mahin a kilawm uh hi a cihna aw ka za hi. 7Biakna tau in zong: Hi hi. Vanglian Topa Pasian aw, na thukhente a manin a dik hi a cih thu ka za hi.

16

15

251 8Lina vantung mi in a tawi hai ni tungah a buak ciangin, ni in mite mei bangin a satsakna ding thu a ngah hi. 9Mite in sa lua uh ahih manun kangtum uh a, gimnate a uk Pasian min a kosia uh hi. Topa vangliatna phatna dingin a kisik tuan kei uh hi. 10Ngana vantung mi in a tawi hai sahang tokhom tungah a buak ciangin, sahang gam in khuamial suak a, a gam mite in na sa lua in a lei uh a gawi uh hi. 11Amaute natna meimate hangin van Pasian kosia uh a, a gamtatnate uh zong a kisik tuan kei uh hi. 12Gukna vantung mi in a hai tawh Eufrates gunpi tungah a buak ciangin, nihsuahna lam panin kumpite a hong paina dingun gun tui a kang hi. 13Tua lai takin gulpi kam, sahang kam leh zuau thuhilhte kam sung panin, uiphuk tawh kibang a kihhuai kha pawl nam thum hong paikhia ka mu hi. 14Amaute in na lamdangte lak in, Vanglian Pasian Ni lianpi ah galdo in, leitung khempeuh panin kumpite a kikhawm sak dingin a paikhia dawi gilo khate ahi uh hi. 15En in, keimah in guta bangin hong pai in, kong tung ding hi. Puan silh loin pai in, mite a maizum lohna dingun ngak in, a puante uh phatakin a kem mite in thupha a ngah dinguh hi. 16Dawi gilo khate in kumpite, Hebru kam tawh: Armaged-don a kici munah a kikhawm sakuh hi. 17Sagihna vantung mi in a tawi hai huih lakah a buak ciangin: A zo zo hi ci-in biakinnpi sung tokhom panin nakpi takin kikona aw hong ging hi. 18Khuaphialepte, awte leh vangingte a piang uh hi. Leitung piancil pan kipan in, a piang ngei lo a lauhhuai mahmah zinlinna a piang hi. 19Khuapi in sehthum kisuah in a kikhen hi. Gam sungah a om khuapite zong a cimuh hi. Babilon khuapi zong Pasian hehna lianpi ahi leenggahzu a dawnsak dingin Pasian mai-ah tua khuapi kiciamteh hi. 20Tuikulh gam khempeuh a manthang hi. Mualte khempeuh zong a kimu nawn kei hi. 21Tua lai takin van panin tawi zali bang a gik gialpi kia a, tua gimna in nasia lua hih manin, mite in tua gialpi hangin Pasian a kosia uh hi. 16:2 Pai. 9:10; 4 Pai. 7:17-21; La. 78:44; 10 Pai. 10:21; 12 Isa. 11:15; 15 Mat. 24:43-44; Lk. 12:39-40; Mang. 3:3; 16 2Kum. 23:29; Zek. 12:11; 18 Mang. 8:5; 11:13-19; 19 Isa.

MANGMUHNA 17 51:17; Mang. 14:10; 16:19; 20 Mang. 6:14; 21 Pai. 9:23; Mang. 11:19. Numei hilo leh sahang Tua nung ciangin hai sagih a tawi vantung mite lak panin khat in ka kiangah hong pai in: Hih lai ah hong pai in, tui lianpi tungah a tu, a lian numei gilo in a thuak ding thukhenna kong musak ding hi. 2Tua numei tawh leitung kumpite mawh uh a, leitung mite in nu leh pa mawhna leenggahzu a khamuh hi hong ci hi. 3Tua lai takin, Kha Siangtho tawh gam lakah hong paipih in, Pasian tungah pau khialhna min a dim, lutang sagih leh ki sawm a nei, sahang san tungah tu in a om numei khat ka mu hi. 4Tua numei in a san leh a eng puante silh in, kham leh suangmanpha leh pala tawh kizeemin, a khut sungah a gitlohna leh kihhuaina ahi muhdahhuainate tawh a kidim kham hai a tawi hi. 5A tal tungah, thu thukpi ahi: Leitungah a om numei gilote leh kihhuainate Nu Babilon khuapi ci-in a min a kigelh hi. 6Tua numei in mi siangthote sisan ahi zongin, Jesu thu teci a pangte sisan ahi zongin kham in a om ka mu hi. Ka et ciangin lamdang ka sa mahmah hi. 7Tua ciang in vantung mi in: Bang hangin lamdang sa na hi hiam? Tua numei a kipan lutang sagih leh ki sawm a nei numei tuanna sahang thu thukpi kong gen ding hi. 8Na muh sahangin a om ngei zo a, tu in a om loin, kuam thuk sung panin hong paikhia dingin kisa a, kisiatna ah a pai ding hi. Lei piancil a kipan nuntakna laibu sungah min kigelh lo mi khempeuh in, tua sahang a om ngeina thu leh tu in a om lohna thu leh a hong piang ding thute a muhuh ciangin lamdang a sa dinguh hi. 9Hih thu ah pilna lungsim a om hi. Lutang sagih in tua numei tutna mual sagih hi a, kumpi sagih zong ahi hi. 10Ngate kisia khin in, tu in khat om a, a om lai khat hong piang nai kei hi. A hong pian ciangin tomkha sung bek a kip ding hi. 11A om ngei, tu in a om sahang in a giatna kumpi hi bek loin, sagihte lak ah zong a kihel hi. Amah in kisiatna munah a pai ding hi. 12Na muh ki sawm in gam a ngah nailo kumpi sawm ahi uh hi. Ahih hangin amaute in sahang tawh kumpi za ana nai khat sung a ngah ding uh hi. 13Tuate in lungsim khat bek nei in, a

17

MANGMUHNA 18 vangliatna leh a ana uh sahang kiangah a pia uh hi. 14Amaute in Tuuno tawh a kido uh ciangin, Tuuno in topate Topa, kumpite Kumpi ahih man in zo mang ding hi. Kiteel khia in a kisam mite thuman mite ahi Topa tawh a om khawm mite in zong zawhna pawi a kham dinguh hi ci-in ka kiangah hong gen hi. 15Khatvei amah in: Numei gilo tutna na muh tuite in minamte, mipawlte, gamte leh kamte ahi uh hi. 16Na muh ki sawm leh sahangte in tua numei a muhdah khituh ciangin, amah in belh ding nei nawnlo ahih manin, ama sa ne in, a mah a kattumna dingin mei tawh a hal dinguh hi. 17Tua a lungsimte uh kipum khat theihna ding leh Pasian thute a kicinsak dongun, amaute gam sahang tungah a apna dinguh leh a lungkimna dingun Pasian in ngaihsutna a pia hi. 18Na muh numei in leitung kumpite a uk khuapi ahi hi ci-in ka kiangah hong gen hi. 17:1 Jer. 51:13; 2 Isa. 23:17; Jer. 51:7; 3 Mang. 13:1; 4 Jer. 51:7; 8 Dan. 7:7; Mang. 11:7; La. 69:28; 12 Dan. 7:24. Babilom kisiatna Tua thute khit ciangin ana lian mahmah a nei vantung mi khat in van pan in hong kum suk ka mu hi. A vangliatna leitung ah hong taang hi. 2Amah in: Babilon khuapi a cim hi! Dawi gilote omna, kihuai kha khempeuh khumna a suak khin hi. 3Tua khuapi in nu leh pa mawhna leenggahzu hangin, mi nam khempeuh kipuk in, a kisia uh hi. Leitung kumpite in zong amah tawh mawh uh a, a hauhna hang tawh a kiliatsakna hangin, leitung sumbukte in a hauh lawh uh hi. ci-in aw lian mahmah tawh a kiko hi. 4Tua lai tak in van panin aw khat ka za a: Ka mipawlte aw, tua khuapi gitlohnate tawh na kipawl lohna ding uh leh amaute pul natnate na thuak lohna dingun pusuak in hong paikhia un. 5Tua khuapite gitlohna in van dong in tungto khin ahih man in, Pasian in tua gitlohna thute a thei khin hi. 6Amah in mite a piak bangin pia kik in, a gamtatna uh a zah nih in a thukkik ding hi. Ama bawl hai, ama adingin a zah nih in bawlsak in, 7Amah in a pumpi pahtawi in nopsakna tawh a khan mah bangin, nakpi tak in kahna tawh kikona leh bawlsiatna a thuaksak ding hi. Bang hang hiam cihleh: Keimah in kumpinu ka hi hi, meigong

18

252 numei ka hi ngei kei hi, ci-in a lungsungah a gen hi. 8Tua ahih ciangin, a tungah thu a khen Topa Pasian in a vanglian ahih manin, a gimna ahi sihna, kahna, kikona leh kialpite in ni khat sung in a tung dinguh hi. Amah pen mei in a kangtum mang ding hi. 9Amah tawh mawhna hangin nopsakna a ngah leitung kumpite in zong tua khua ah mei katna hangin a paikhia meikhu a muh ciangin, 10tua khuapi in a thuak gimna kihta in, gamlapi panin: Babilon khuapi, a kip khuapi in gimna a thuak zo hi! Gimna a thuak zo hi! Nai khat hun sung bekin thukhenna a thuak ta hi ciin ama hangin kapin, kiko in a gen ding uh hi. 11Leitungah a om sum zongte in ama hangin kap in kiko ding uh hi. 12Bang hang hiam cihleh a maute neihsa ahi: kham, ngun, a manpha suangte, suang manpha, saihadial puan, puansan, nai puan leh puan eng, sahawk khum kung, saiha nate, a manpha sing, sumngo, sik, suangkang tawh kibawl kuangte, 13kinnamon, masala, panamtui, mirrah, paknamtui khal, leengahzu, sathau, buhneel, mangbuh, bawng, tuu, sakol, leeng, sila leh mihing nuntakna kha pumte kua mahin a lei ngei nawn kei ding hi. 14Tua khuapi in a deih pen gahte leh a tehte a kipang a hoih a kizang thei nek theih khempeuh mangthang khin ahih manin, a nung ciangin a kimu zo nawn kei ding hi. 15Tua sum kizuakte ki lei in, tua khuapi hangin hauhna a ngah sumte in tua khuapi in a thuak gimna kihta in gamlapi ah dingin: 16Saihadial, a san, a eng puante, kham nate, a manpha suangte leh suang manphate tawh a kizem a lian khuapi in gimna a thuak hi! gimna a thuak hi! 17Nai khat sung bek in tua zaha nopsaknate a beimang ta hi ci-in kapin a kiko dinguh hi. Tembaw ukte a kipan, tembaw tawh sumbawlte, sum zuakte, tembaw nasemte leh tuipi tungah nuntakna a zong mi khempeuhte in gamlapi ah dingin, 18tua khua mei katna hangin paikhia meikhute en in: Tua khuapi kibat pih khuapi dang a nei hiam? ci-in a gen khituh ciangin, 19a lute uh leivui buakin: Tua a lian khuapi in gimna a thuak hi, gimna a thuak takpi hi A zat manpha na khempeuhte hangin, tuipi tungah a pai tembaw neite khempeuh in a sum hauhna khukpi uh tua khuapi, nai khat sungin a kisia ta hi ci-in kapin a kiko uh hi. 20Van pan kipan mi siangtho, sawl-

253 takte, kamsangate aw, tua khuapi hangin nuam un! Pasian in note tawh kipawl thukhenna a tung ah a tung sak khin hi! a ci hi. 21Tua lai takin a thahat vantungmi khat in a lian mahmah an gawina suang tawh kibang suang khat la in, tuipi sungah a khiat suk leh: A lian Babilon khuapi in hih bangin khiat sukna thuak dingin ni dang ciangin a kimukik ngei kei ding hi. 22Gawsem tumte, la siamte, tamngai tumte, peengkul tum khempeuhte tumna aw in a nung ciangin na sung panin kiza ngei nawnlo ding hi. Khutsiam pilnate na sung panin cikmah ciangin a kimu ngei nawn loin, an gawina ging zong na sung panin cikmah ciangin a kiza ngei nawn lo ding hi. 23Meivakna sungah cik mah hun in mei kivak nawn lo ding hi. Mo leh mopina aw cik mah hun in na sung panin a kiza ngei nawn kei ding hi. Bang hang hiam cihleh, na sumbukte in leitung upate hi ngei uh hi. Na bum siamna in minamte a khem hi. 24Kamsangte leh mi siangthote sisan leh leitungah thahna a thuak mi khempeuh sisan in tua khua ah kimu thei hi a ci hi. 18:2 Isa. 21:9; Jer. 50:39; 51:8; Mang. 14:8; Isa. 13:21 Isa. 47:7; 4 Isa. 48:20; Jer. 50:8; 51: 6:45; 5 Pian. 18:20-21; Jer. 51:9; 6 La. 137:8; Jer. 50:29; 7-9 Isa. 47:7; 9-10 Ezk. 26:16-17; 11 Ezk. 27:31-36; 12-13 Ezk. 27:12-13; 27:22; 15 Ezk. 27:3034; 20 Thkna. 32:43; 21 Jer. 51:63-64; Ezk. 26:21; 22 Ezk. 26:13; Isa. 24:8; 22-23 Jer. 7:34; 25:10; 24 Jer. 51:49. Halleluijah livei Tua thute khit ciangin vanah a om mi honpite aw tawh kibang aw ka zak in: Halleluijah, gupna thu a kipan vangliatna leh minthanna in i Pasian aa ahi hi. 2A gilo nu leh pa khialhna tawh letung mite a siasak nuam numei gilo tungah thukhen in, a sisa a silate hangin a tung ah dantat khin ahih manin, a thukhenna in man in a dik hi. 3Halleluijah ci-in a nihveina a phat kik uh hi. Tua khuapi meii khu pen a tawntung in a kahto hi. 4Upa sawmnih leh lite leh ganhing lite in, tokhom tungah tu in a om Pasian mai-ah bokin bia uh a: Halleluijah Amen a ci uh hi. 5Tokhom tung panin a pusuak aw in: Topa a kihta a neu leh a lian leh a silate aw, eite Pasian phat ta un a ci hi.

19

MANGMUHNA 19 6Tua lai takin mihongte aw in, tuipi hual leh nakpi vanging aw bangin kampau aw in: Halleluijah! Vanglian Topa i Pasian a mang hi. Tuuno mopawi 7Lungdamin nuam in, a min phat ni. Bang hang hiam cihleh, tuuno zipina hun a tung zo hi. A lawmnu in kiginngkhol sa in a om hi. 8A siangtho, a ngo mahmah saihadial puan silhna thu a ngah hi. Tua saihadial puan in, mi siangthote dik gamtatna ahi hi ci-in a gen hi. 9Tua lai takin vantung mi in: Tuuno zipina pawi ah a kisamte in thupha a ngah dinguh hi ci-in gelh in cih leh: Hih kammal in Pasian thumanna thu ahi hi ci-in hong kigen ciangin, tua vantung mi khe phungah bokin bia dingin ka kisak leh, amah in: Kei hong bia kei in! 10Nang leh keimah in Jesu ading tecipanna ah sanggamte tawh a kibang sila ka hi uh hi. Jesu tecipanna thu in kamsangte lungsim ahih manin, Pasian bia in ci-in ka kiang ah hong gen hi. Khris hong paikikna 11Tua khit ciangin van kihongin ka et toh leh, sakol kang khat ka mu hi. Tua sakol tungah a tuang mi in Dikna leh Thuman kici hi. Tua mi in diktak in thu khen in gal a do thei hi. 12A mittang in meikuang bang hi a, a lu tungah lukhu tampi a om hi. Kuamah in a theih zawh lohuh min zong a nei hi. 13Sisan tawh kitheh puanza silh in, a min in Pasian Thu ahi hi. 14Vanah a om galkapte in zong a siangtho leh a ngo saihadial puan silh in sakol kang tungah tuangin a nung a zui uh hi. 15Minam khempeuh satna dingin a kamsung pan in namsau a hiam mahmah paikhia in, amaute zong sik ciangkhut tawh a uk ding hi. Vanglian Pasian heh ahih manin leenggahzu kicilna phualah amaute a cil hi. 16A puan tung leh a phei tung ah: kumpite Kumpi. topate Topa cih min a kigelh hi. 17Tua nung ciangin vantung mi khat ni sungah a ding ka mu hi. Amah in van kim lai ah a leeng vasate kiangah: Pasian zan an nekna pawipi ah hong pai un. 18Kumpite sa, galkapte sa, a vanglian mite sa, sakol leh sakol tuang mite sa, sila leh to neilote sa, mi lian leh mi neute sa a om khempeuh ne ding in hong pai un ci-in nakpi tak in a kiko hi. 19Tua lai tak in sapi leh leitung

MANGMUHNA 20 kumpite leh a galkap khempeuhin sakol a tung tuangpa tawh kido dingin a kikai khawm uh hi. Sapi leh zuau thei kamsangte thuakna 20Sapi leh a mai-ah na lamdang bawl in, sapi ciamtehna a neite, sapi bia in, mite a khem kamsang zuau thei khempeuh in, kimatna a ngah khituh ciangin, a nihun kat meiphualpi sungah a hing tangin kikhiatna a ngahuh hi. 21A om lai mite in, sakol kang tungah a tuangpa kamsung panin a paikhia namsau tawh thahna thuak uh a, ka gen vasate in a sa uh kham takin a ne uh hi. 19:2 Thkna. 32:43; 2Kum. 9:7; 3 Isa. 34:10; 5 La. 115:13; 6 Ezk. 1:24; La. 93:1; 97:1; 99:1; 9 Mat. 22:2-3; 11 Ezk. 1:1; La. 96:13; Isa. 11:4; 12 Dan. 10:6; 15 La. 96;9; Isa. 63:3; Joel. 3:13; Mang. 14:20; 17-18 Ezk. 39:17-20; 20 Mang.13:1-18. Kumtul manna Tua nung ciangin vantung mi khat in kuampi kong honna tawhtang leh sikkhau lian khat tawi in, van panin hong kumsuk ka mu hi. 2Amah in Dawimangpa ahi Satan, tanglai gulpi manin, kumtul khat tawntung a hencip hi. 3Tua ciangin kuampi sungah khia suk a, kumtul a cin matengin minamte a khem theih lohna ding in kongkhak khakcip in, a ciamteh hi. 4Tua lai takin kumpi tokhomte ka mu hi. Tokhom tungah a tu mite in thukhen theihna a ngah uh hi. Tua bek hi loin, Jesu ading tecipanna hang leh Pasian min hangin lu tanna a thuak mite nuntakna khate a kipan, sapi leh tua sapi lim a bialo, a taltang tung leh a khut tungah ciamtehna a neilo mite khate zong ka mu hi. Tua mite in kum tulkhat sung nungta in Khris tawh a mang khawmuh hi. 5A om lai a si mite in kum a cinma in a nungta kei uh hi. Hih thawhkikna in a masa thawhkikna ahi hi. 6Amasa thawhkikna ah a kihel mi in, thupha ngah leh mi siangtho ahi uh hi. Tua mite tungah nihvei sihna in a uk kha kei ding hi. Amaute in Pasian leh Khris siampite suak in, amah tawh kum tul sung a mang khawm ding uh hi. Satan guallelhna 7Kum tul a cin khit ciangin, a kikhumna panin Satan kikhah khia hi. 8Amah in letung kiuli ah a om Gog leh Magog-te mipawlte galdona phualah a kaikhawm dingin a kisuakta sak ahi hi. Tua mi

20

254 pawlte a kisim ciangin tuipi gei a sehnel zah a pha uh hi. 9Tua mite in zanglei tungah a kahtoh khituh ciangin siangtho giahna phual leh a it huai khuapi a um cih khituh ciangin van panin meikia in tua mite a valh tum hi. 10Amaute a khem Dawimangpa in sapi leh kamsang zuaute omna kat meiphual sungah khiatsukna thuakin, amaute in sun tawh zan tawh a tawntungin bawlsiatna a thuak ding uh hi. Tokhom kang thukhenna 11Tua nung ciangin kumpi tokhom kang a lian mahmah leh tua tokhom tungah a tu Topa ka mu hi. Tua Topa maitang panin lei leh van a mangthang uh hi. 12Tua lai takin a sisa a lian a neu in tua tokhom mai-ah dingin a om ka mu hi. Laibute zong phen in, nuntakna laibu ahi a dang laibu khat zong a phen hi. Tua a sisa mite gamtatna khempeuh in tua laibu sungah kigelh ahih manin, tua ciamtehna bangin thukhenna a thuak uh hi. 13Tua lai takin tuipi in a sungah a om misite puak in, Sihna leh Sihna Gam in zong a sungah a om misisate a puak uh hi. Mi khempeuh a gamtatna bang ciatun thukhenna a thuak uh hi. 14Tua ciangin amaute khempeuh Sihna leh Sihna Gam meilipi sungah a kikhia hi. Tua meilipi in a nihna sihna ahi hi. 15Nuntakna laibu sungah a min kigelh lo khempeuh tua meilipi sungah kikhia suk hi. 20:2 Pian. 3:1; 4 Dan. 7:9; 7:22; 8 Ezk. 38:2-9; 38:15; 11-12 Dan. 7:9-10. Van thak leh lei thak A masa van leh lei mangthang in, tuipi na ngawn a om nawn kei hi. Tua nung ciang in van thak leh lei thak ka mu hi. 2Tua lai takin Jerusalem khua thak ahi Khuapi Siangtho in a pasal ading in kizeemsa in a om leh a kipi ding mo bang in kiging khol in, Pasian kiang van pan in hong kiasuk ka mu hi. 3Kumpi tokhom tung pan in: En in! Pasian buk in mite lakah hong om in, amah in a mite tawh hong om khawm hi. Amaute in zong minamte suak in, Pasian in a maute tawh om khawm in, amaute Pasian ahi ding hi. 4Amaute mittang panin khitui khempeuh nul siang sak in, sihna zong a nung ciangin a om nawn kei ding hi. Thuumna, kahna leh natna zong a om nawn kei ding hi. A masa na khem-

21

255 peuhte a mangthang khin zo hi ci-in nakpi takin kikona aw ka za hi. 5Tua nung ciangin tokhom tungah a tu mi in: En in! na khempeuh a thakin ka bawl khin hi hong ci hi. Tua banah: Hih thute dikin thuman a hih manin gelh in ci-in thu hong pia hi. 6Tua khit ciangin: Hih thute a piang khin zo hi. Keimah in Alfa leh Omega, a kipatna leh a tawpna ka hi hi. Tui a duh mite in nuntakna ciktui man ngen loin ka pia ding hi. 7A zo mi in hih nate luah in, kei mah in a Pasian ka hi ding a, amah in ka ta ahi ding hi. 8Lauhna a neilo mi, a umlo mi, a kihuai mi, mi that thei mi, nu leh pa mawhna a bawl mi, mi bum thei mi, milim bia mi leh zuauthu a gen mi khempeuhte ahih uh leh nihna sihna ahi kat leh mei lipi sungah a mawhna uh tawh kituak in a thuak dinguh hi ci-in ka kiangah hong gen hi. Jerusalem thak 9Tua lai takin a nunung pen gimna pawl sagih a omsa hai sagih a tawi vantungmi sagihte khat hong pai in: Hih lai ah hong pai in. Tuuno zi ahi monu kong lak ding hi hong ci hi. 10Tua khit ciangin Kha Siangtho in a lian mualsang dawnah hong paipih in, Pasian kiang vantung panin Pasian vangliatna pua in hong kiasuk Jerusalem Khuapi Siangtho hong lak hi. 11Tua khuapi a tanna vang in khristal leh jasper suangmanphate tawh a kibang hi. 12Tua khuapi kim ah a lian leh a sang kulhpi leh khuapi kongvang sawm leh nih, tua kong vangte ah vantungmi sawm leh nih leh Isarel minam sawm leh nihte min a kigelh hi. 13Khuapi in nisuahna lamah kongvang thum, nitumna lamah kongvang thum, leilu lamah kong vang thum leh leitaw lamah kongvang thum a om uh hi. 14Khuapi kulh nuai-ah a nuaiphah sawm leh nih om a, tuate tungah Tuuno sawltak sawm leh nihte minte a kigelh hi. 15Ka kihopih mi in, khuapi leh khuapi kong vangte, kulhte tehna dingin kham pumpeeng khat a tawi hi. 16Tua khuapi in kiuli nei in, a dung leh a vai a kikim hi. Tua pumpeeng tawh khuapi a teh ciangin tai tulkhat leh zanga a pha hi. Khuapi in adung a vai leh a sannate a kikim khin hi. 17Khuapi kulh a teh ciangin mite tong tawh a kibang vangtungmite tong sawmli leh li a pha hi. 18Tua khuapi kulhin jasper suangmanpha tawh kibawl hi a, khuapi in a siangtho limlang tawh a

MANGMUHNA 22 kibang kham citak ahi hi. 19Khuapi nuaiphate in suangmanpha namcin tawh a kizem hi. Tua suangmanphate in jasper, sapfeiros, khatsidoni, emerld, 20donik, sardius, khrisolaitm beryl, topaza, khrisoprase, jacinth leh amethyst suangmanphate ahi uh hi. 21Khuapi kong khak sawm leh nihte in suangmanpha peek sawm leh nih hi in, kongkhak khempeuh in a tuam ciat suangmanpha ahi uh hi. Khuapi sung lampi in a siangtho limlang tawh a kibang kham ciktak ahi hi. 22Tuuno vangin tua khuapi tan a, Tuuno in tua khuapi biakinnpi ahih man in khuapi sungah biakinnpi ka mu kei hi. 23Pasian vang in tua khuapi ah tangin, Tuuno in zong tua khuapi meivak hi a, ni leh kha tanna zong a kisam nawn kei hi. 24Minam khempeuh in tua khuavak sungah lam pai uh a, leitung kumpite in tua khuapi sungah a vangliatna uh pua in a tunguh hi. 25Tua lai ah sun leh zan zong om ngei loin, sun laitak bangin kong khak zong a khak ngei kei uh hi. 26Minam khempeuh in a vangliatna leh phatna khempeuh tua khuapi ah a paipih uh hi. 27A kihhuaite, muh-dahhuaite leh thuman lo nate a bawl mi khem-peuh in tua sungah a tum thei ngei kei dinguh hi. Tuuno nuntakna laibu sungah a min kigelhte bek in tum theihna a ngah uh hi. 21:1 Isa. 65:17; 66:22; 2Pi. 3:13; 2 Isa. 52:1; Mang. 3:12; 3 Ezk. 37:7; Gam. 26:11-12; 4 Isa. 25:8; 35:10; 65:19; 6 Isa. 55:1; 7 2Sam. 7:14; 32:89; 26:27; 10 Ezk. 40:2; 12-13 Ezk. 48:30-35; 15 Ezk. 40:3; 18-21 Isa. 54:11-12; 23 Isa. 60:19-20; 24 Isa. 60:3; 25-26 Isa. 60:11; 27 Isa. 52:1; Ezk. 44:9. Nuntak gunpi leh singkung Tua nung ciangin vantung mi in ka kiang ah khristal suangmanpha tawh kibangin a taang Pasian leh Tuuno tokhom panin hong pusuak, 2khuapi lampi laizangah a luang nuntakna gunpi hong lak hi. Tua gunpi a pang tuakah nuntakna singkung khat om a, tua singkung tungah a gah nam sawm leh nam nih om, kha khatin nam ciat a gah thei hi. A tehte in minam khempeuh damna dingin ahi hi. 3Hamsiatna in cikmah hunin a om kik ngei kei ding hi. Pasian leh Tuuno silate in Topa bia in, a mai a mu dinguh hi. 4A minte uh zang a taltang tungah ciatah a om ding hi. 5Zan cih om nawnlo ding a, meivak leh ni taang zong a kisam nawn kei dinguh hi. Bang

22

MANGMUHNA 22 hang hiam cihleh, Topa Pasian in amaute khuavakna guan ding a, amaute in a mang tawntung ding uh hi. Jesu hong paikikna 6Tua lai takin vantung mi in: Hih thute a dik in a man hi. Kamsangte khate a uk Topa Pasian in a sawt loin a piang ding thute a sialte hilh dingin, a vantung mi khat a sawl hi. 7En in, a manlangin kong pai ding hi: Hih laibu ah a om a nungciangin a piang ding nate genkholhna thute a zui mi in thupha a ngah ding hi hong ci hi. 8Tua thute za in, a mu mi in keimah Johan ka hi hi. Za in ka muh lai takin a hong lak vantung mi bia dingin a khe bulah ka bok hi. 9Tua ciangin vantung mi in: Kei hong bia kei in. Nang leh na u leh na nau kamsangte leh hih laibu sungah a om thute a zui mite tawh ahi zongin a sila i hi khawm hi. Pasian bia in hong ci hi. Tawpna thuhilhna 10Tua nung ciangin amah in: A hun hong tung dektakta ahih manin, hih laibu sungah a om genkholhnate im kei in. 11A diklo mite in a dik lo mah in gamta lai ta hen. A kihhuai mi in kihuai lai ta hen. A dik mi in a dik in gamta ta hen. 12En in! a manlangin kong pai ding hi. Mi khempeuh a gamtatna uh tawh kituak a thaman dinguh pua in kong pai hi. 13Keimah in Alfa leh Omega, a masa pen leh a nunung pen, a kipatna leh a tawpna ka hi hi. 14Nuntakna kiang pai dingin a kilawm leh khuapi sungah kongpi panin thum theihna ding thu ngah in, a puante uh a sawp siang mite in

256 thupha a ngah ding uh hi. 15Pua lamah ahih leh uite, mibum mite, nu leh pa mawhna a bawl mite, mi that mite, milim biate leh thuman lohna tawh a gamta mite a om dinguh hi. 16Pawlpi tungah hih thute tecipang dingin kei Jesu in ka vantungmi na kiangah kong sawl hi. Keimah in David bulpi leh David suan a taang khuavak zingsol ka hi hi ci-in thu hong pia hi. 17Kha Siangtho leh a kipi Mo in: Hong pai in ci-in a gen uh ka za hi. A za mite in zong: Hong pai ta in ci ta hen. A dangtak mi in hong pai hen la, a dawn nuam mi in, man pia loin nuntakna tui dawn ta hen. 18Hih laibu sungah a om kamsanna thute a za mi khempeuh kiangah teci ka panna in, behlap in a guan beh mi peuh mah in, hih laibu sungah a kigelh gimna khempeuh tua mi tungah Pasian in a koih ding hi. 19Hih kamsanna thu tawh kipawl hih laibu sungah a om thute a paihkhia a om leh laibu sungah a kigen nuntakna kung leh Khaw Siangtho panin, tua mi a ngah ding khempeuh Pasian in a lakkhiat sak ding hi. 20Hih thute teci a pang Topa in: En in! a manlangin kong pai ding hi ci-in thu hong pia hi. Amen Topa Jesu aw hong pai ta in! 21Topa Jesu hehpihna thupha in mi singthote tawh om khawm den ta hen. 22:1 Ezk. 47:1; Zek. 14:8; 2 Pian. 2:9; 3 Zek. 14:11; 5 Isa. 60:19; Dan. 12:10; 12 Isa. 40:10; 62:11; La. 28:4; Jer. 17:10; 13 Mang. 1:8; Isa. 44:6; 48:12; Mang. 1:17; 2:8; 14 Pian. 2:9; 3:22; 16 Isa. 11:1-10; 17 Isa. 55:1; 18-19 Thkna 4:2; 12:32.

Thuciam thak beita