Payaba ko ika

souldreamer

Payaba ko ika, amo, ika
Maski paguna mo iba, ika man sana
Buro barkada ngaya, pero iba na
Payaba ko talga ika dawa sala na

Nagpon sa sungyaw, natapos matod na
Ipangod nung muna, ngana iba na ang muya
Lang supog man sabyun, tibad maingot ka pa
Pero sasabyun ko na , kakayawn ko na

Pinuglan ko nung muna, mas lalong naglala
Rinayuan ko ika tanganing mawara
Nanganap ning iba pero indi talaga
Ika na talaga, wara na iba

Nabuyong sinabi ko, uryan na palan
May piday ka na, uno pa man?
Dapat sadto pa, nya pawnon ta man
Kabuntad pawno, amwan kita san

Masupog man aminun, pero udi na talaga
Ika man gilayon, wara man iba
Piga-ulat ko pa, tibad pwede pa
Makasanit man ako, kapatalan ko kaya

Payaba ko ika, ika man sana
Udi sana ako pag di mo na kaya
Ika ma gilayon maski kawlay na
Arog san talaga, payaba ko ika