MGA KARANIWANG PAGKAKAMALING PAMBALARILA NG MGA MAG-
AARAL SA FILIPINO NG MGA ESTUDYANTE SA IKAAPAT NA TAON NG
BANISIL NATIONAL HIGH SCHOOL SA TAONG 2014-2015
Isang Mungkahing Papel na Iniharap sa Departamento ng Filipino Kolehiyo ng Agham Panlipunan at Humanidades Mindanao State University Fatima, General Santos City
Bilang Parsyal na Pangangailangan sa Asignaturang Fil 198
Inihanda para kay:
Prof. Carmela G. Ong
Inihanda ni:
Vincent Jake E. Naputo
Agosto, 2014
KABANATA I Ang Suliranin at Sandigan Nito Ang kabanatang ito ay naglalayong maipakita ang panimula tungkol sa wikang Filipino, saklaw at limitasyon, paglalahad ng suliranin, kahalagahan ng pag-aaral at katuturan ng mga termino.
Panimula Dekalidad na Edukasyon. Ito ang sigaw ng bawat isa sa atin. Nagnanais tayo na itoy matugunan ng institusyon kung saan tayo nag-aaral. Ang dekalidad na edukasyon ay makakamtan lamang kung malalaman ang mga salik na siyang makatututlong upang paunlarin ang performans ng mga mag-aaral. Ang gawain na ito ay responsibilidad ng mga guro, dapat niyang malaman kung anu-ano ito sa ganoon ay makapagplano siya ng mga estratehiya na makapagbibigay daan tungo sa mas maunlad at produktib na resulta sa performans ng mga mag-aaral. Isa sa mga asignatura na kasalukuyang kabilang sa bawat programa sa pag-aaral na inilantad ng DepEd ay ang Filipino. Ang Filipino ay isang asignatura na tumatalakay sa mga bagaybagay na may kaugnayan sa ating wikang pambansa. Dapat lamang na pagtuunan ng pansin ang asignaturang ito dahilan din na dito nakasalalay kung tunay nga bang isa ka o ako na Pilipino. Sa kasalukuyan ang asignaturang ito ay isa sa may mababa na grado lalo na sa resulta ng NAT Examination (Gregorio, Herman C., PRINCIPLES AND METHODS OF TEACHING, 1976). Ayon kay Leticia Cantal, ang gawaing pagtuturo ay hindi madaling gawain. Hindi sapat na maituro ng isang guro kung ano ang mga araling/paksang nakapaloob sa kanyang silabus kundi kung paano niya ito maituturo at matutunan ng kanyang mga estudyante. Kaya nga sinasabi na ang kahusayan ng pagtuturo ay nasusukat hindi sa dami ng mga naituro kundi bagkus sa dami ng mga natutuhan ng kanyang mga estudyante. Bilang tugon sa mga pangyayari at sa globalisasyon, ang mananliksik ay naglalayong matulungan ang ating mga guro sa pagdetermina kung anu-ano ang mga epektibong estratehiya ang magagamit upang mas mapaunlad pa ang performans ng mga mag-aaral sa asignaturang Filipino. Paglalahad ng Suliranin Ang pag-aaral na ito ay naglalayong pag-aralan ang mga karaniwang pagkakamaling pambalarila ng mga mag-aaral sa Filipino ng mga estudyante sa ikaapat na taon ng Banisil National High School, taong 2014-2015. Ang mga tiyak na layunin nito na binigyan ng kasagutan ay ang mga sumusunod: 1. Matukoy ang mga karaniwang pagkakamaling pambalarila ng mga estudyante sa ikaapat na taon ng Banisil National Highschool. 2. Malaman ang mga dahilan sa mga pagkakamaling pambalarila ng mga edstudyante sa ikaapat na taon ng Banisil National Highschool. 3. Matukoy ang tamang paggamit ng ng at nang, rin at din at iba pang mga kawastuhang pambalarila upang matugunan ang kamalian ng mga estudyante sa ikaapat na taon ng Banisil National Highschool kung mayroon man. Saklaw ng Pag-aaral at Limitasyon Ang pag-aaral na ito ay sumasaklaw lamang sa pagtukoy ng mga karaniwang pagkakamaling pambalarila ng mga estudyante sa ikaapat na taon ng Banisil National Highschool sa taong 2014-2015. Kahalagahan ng Pag-aaral Ang datos at impormasyong nakalap ng pag-aaral na ito ay mahalaga sa mga sumusunod na sangay ng lipunan: Sa mga mambabasa, isang karagdagan sa kanilang kaalamang pangkomunikasyon na nagpapatibay ng kanilang kamalayan sa tama at wastong paggamit ng mga salita at upang maging malinaw at tama ang kanilang pagpapahayag. Sa mga guro, makatutulong sa mga talakayang pampaaralan ang pag-aaral na ito bilang sanggunian ng mga impormasyong napatutungkol sa paksang kaugnay ng kawastuhang pambalarila at maibahagi sa mga estudyante ang kaalamang ito upang maiwasan ang mga karaniwang pagkakamaling pambalarila. Sa mananaliksik, upang mas lalo pang mapalawak ang kanyang kaalaman at kasanayan sa mga karaniwang pagkakamali ng mga estudyante sa paggamit ng mga salita at malaman ang mga kawastuhan sa balarilang Filipino. At sa iba pang mga mananaliksik na maaaring mangailangan ng mga mapagkukunan ng impormasyong makatutulong sa kanilang pag-aaral hinggil sa mga karaniwang pagkakamaling pambalarila ng mga estudyante. Katuturan ng mga Termino Upang mas maging madali at ganap ang pagkaintindi ng mga mambabasa, minarapat ng mga mananaliksik na bigyan ng depinisyon ang mga sumusunod na terminolohiya batay sa kung paano ginagamit ang bawat isa sa pamanahong papel. Ang mga salitang ginamit sa pag-aaral na ito ay binigyan ng kahulugan ayon sa istandard na depinisyon o konsepto at operasyonal upang madaling maintindihan. Sa lubos na ikauunawa ng pag-aaral na ito, mahalaga ang mga sumusunod na katuturan ng termino: Maikling kwento- isang masining na anyo ng panitikan na kinapapalooban ng paglalarawan at paglalahad na giangawa sa realidad sa paraang madali, maikli at masining, sa gayon, sa isang upuan lamang o sa sandaling panahon agad itong matutunghayan, mababasa, at kapupulutan ng pananabik at aliw (Arrogante, et al., 2004) Sa pag-aaral na ito, ang tinutukoy na mga maikling kwento ay ang mga maikling kathang Hiligaynon na nagmula sa aklat ni Lucero 1991. Hiligaynon- ito ang wikang ginagamit sa Iloilo at Negros Occidental, ang pinakamaunlad na mga lalawigan sa Kanlurang Visayas. Hiligaynon ang kasalukuyang lingua franca ng rehiyon, ito kasi ang wikang may pinakamaraming gumagamit at nakakaintindi. Nangangahulugang umagos/ paagusin ang salitang ugat ng Hiligaynon na ilig sa kadahilanang: (a) patungkol ito sa tubig na bumabalot sa buong isla, at sa (b) sinasabing sinaunang trabaho ng mga katutubo roon; ang pagpapaagos ng mga kawayan sa ilog upang ipagbili (http://sesura.multiply.com). Sa pag-aaral na ito, ang maikling kathang nakasulat sa wikang Hiligaynon ang ginamit sa pagsusuri. Imahe- mga larawang nakapaloob sa isang akda na nagbibigay ng tiyak at malinaw na kahulugan o paliwanag ng mga kaisipan at diwang nais ipabatid ng may-akda sa pamamagitan ng paggamit ng angkop na salita o pahayag (Pangkalinawan, 2009). Sa pag-aaral na ito, ang mga imahe ng mga pangunahing tauhan ang binigyang-diin sa pag-aaral na ito. Imahismo- Ang imahismo ay isang teoryang sa pampanitikang pagsusuri na kung saan ginagamit ang wika upang epektibong maihatid ang wastong imahe na magbibigay- daan sa wastong mensahe. (http://www.slideshare.com). Sa pag-aaral na ito, ang pagdulog imahismo ang ginamit na teorya sa pagsusuri upang matukoy ang imahe ng mga pangunahing tauhan.