Kipumkhatna in Gualzawhna hi.

(Late 133)
Contact Address
Halelujah Building Ph: 0933565003
Tat Oo 4/51, (Pinlong 8) Email: tuailai@gmail.com
Yathana St., Kalaymyo Web.: www.zomiyouth.org
10 October, 2014 - Lom 4 na, Hawm 41 na
Pa_____________________
_____________________
Govt. Regd. No.2172
Z.Y.A ZUMAH HONG HAWH UH: Augustralia pan
Sia Sian Thang, Church Pastor Burmese Christian
Church leh Sia Do Khan Khup ZOFA- Co- Ordinator
te Oct. 6, 2014 zingsanglam in Z.Y.A Zumah hong
hawh uh a, Z.Y.Ate ZOFA nasepnate pulakna kinei in
Sia Thangin zong Australia ah kumpi huhna
(Scholarship) tawh sangkah theihna om ahih manin
Z.Y.A in pan hong la in Zomi khangno mipilte pilna
sinsak ni. Ken zong hualam panin a kisam bangin na
van thei ding hing, ci-in holim khopna Zomite khantoh
nading kinei hi.
Z.Y.A MAKAITE KHUALZIN: Z.Y.A Kalay leh Z.Y.A
Tedim pan makai pawlkhat Cikha, Tonzang te ah
Z.Y.A om zawhna ding leh a om sate thapia dingin
Oct. 9, 2014 ni-in khualzin khia uh a, Z.Y.A Tedim in
zing an na vak ding uh a, ciah lam ciangin tung
tuangte in sun an hong ne un hong vak nuam ngiat
ung hong ci ahih manin kilungdam mahmah a
Tungtuang khuaah sun an ne in Z.Y.A Tungtuang
kipsakna nei dingin geelna kinei hi.
ZOFA CUP 2014 HONPAWI: A 9 veina ZOFA Cup
2014 sun 12:00 PM hun ah Singunau Pu Suang Kho
Kam tualpi ah thupi takin kibawl dinga, zinmangpi
(Chief Guest) dingin Kalaymyo a Zomi ulian (Nrd KUawmf 0ef )
Pu Kham Lian Khai in thugenna nei ding a, tua man
lian ciangin Kalaymyo sung a om pastorte leh Zomi
numeite bawlung kidemna nasiatakin om ding hi.
ZOFA CUP 2014 MILAK VAI: ZOFA-Cup kimawlna
ah nam dangte zong kihel khanuam lua in, NRC No.
(rSwfyHkwiftrSwf) Zomi tawh khel in hong kihel lianguh i
ngaihsut ciangin, a mau zong hih zah a ZOFA Cup a
kihel nuam ahih teh ci-in kikhem leh zuau phuah kul
loin, nam dang kum 23 nuaisiah Team khat in mi 3
la thei dingin ZOFA Committee in kigeel hi. Tua ahih
manin ZOFA-Cup 2014 ah hong kihel ding Teamte
in zong namdangte i khual na tawh mi 3ta kila thei
ding hi. Kum (8) sungah namdangte kisang loin,
tukum ciangin a kisang pan ahi hi.
Note: ZOFA Cup 2014 ah NRC No. neilo peuhmah
kisuisak vetlo ding hi cih i kizasak hi.
INDIA BIHAR STATE BUAINA: India gam Bihar
State ah Hindu biakna pawi Oct. 3, 2014 ni-in nasia
takin a bawl laitak un Electric mei khau kitat in, mipi
lakah kia ahih manin, mipite lauin taikek uh a,
naupang lam zawdeuh mi 32 mipi in tuanlum kha in
mi 24te nasia takin liamci uh hi.
BRITISH MI THAT KINGAWH KAWLGAM MI 2:
Thai gam Kawhtaung tui kulhah British nupa kop
kithahna ah a kihel kha hi ci a mawhsakna thuak
kawlgam mi 2te tawh kisai, a van ding a Kawlgam
Kumpi-in a sawlte tawh thongah va kimu thei in a
mau lunggulhna om bang le thukhun om bangin
kisemding hi, ci-in kawlgam thunei te'n gen uh hi.
ZATUI LAMAH NOBEL LETSONG NGAH: Tu
2014 kumah Zatui lam tawh kisai-in American gam
a suak British gammi John, Norway gam mi May-
Britt Moser le EC Moserte in ngah khawm uh hi. Hih
mi 3te in khuak pan a pumpi tungah khuakin koici
bangin nasem hiam cih mukhia uh hi.
U-10-AFC BAWLUNG KIDEMNA: Tukha ni 9, 2014
pan kipanin Yangon le Ngyipyitaw ah kibawl ding 19
Championship (AFC U-19) bawlung kidemna om
ding hi. Hih AFC- U-19 bawlung kidemna pen 1959
kumin Kawlgam in Innteek sem in, tun anih veina
innteek sepna hi a, tangthu thak khat a ki-at ding suak
hi, ci-in makai te'n gen hi.
ZOMI SUNGAH FOURDER & PRESIDENT NATNA
Zomite pen a kipumkhat theilo, a kithutuak thei lote hihang kici ciat in, i biakna in hong khen
in khua, i beh in hong khen ahih man hi kicitek a, tua hangin, khangno te'n kipumkhatna hanciam ni
i khua, i beh leh i pawlpite kikhensak nawn kei ni cih lunggulhna tawh Z.Y.A, Kalay kiphuan in,
Behtuam, khuatuam, pawlpi tuam updan sandan tuam ciat ahih hangin kipum khat in na kisem thei
hi cih kimu khia hi. Tuni dong mah Zomite a kipumkhat thei lo danin a ngaih sun tampi mah ki om
lai in, hong nusia Rev. Dr. Chin Do Kham (Sia Do Kham) in a kipum khat thei lo hi khangin a kipum
khat nai lo hizaw hang a cih pen hi ka sa mahmah hi.
Pasian thupha tawh tun a munmun a khuakhua ah Zomite kipum khat in khut kilen in nasep
khop ding Zomi khangthak khangno te'n lunggulhna lianpi kinei-in Z.Y.A kiphuan ziahziah ta hi.
Hih kipum khat ding lunggulhna tawh in i nasep a kibang kei zongin min beek ki bang sak phot ni
kal masa in kici a, tua tungtawn in Zogam, Kawlgam sungah Z.Y.A mun (34)ah om khin ta hi. Zogam
Zomite khua tengah Z.Y.A omsak ding lunggulhna tawh kalsuanna sungah hong dong tangsak leh
hong khaktan pi pen in bang hiam cih i kikan ciangin Founder le President natna hi, ci-in kimukhia
hi. Khristian Fellowship min tawh ahi zongin min khat peuhpeuh tawh kipawlna, a om khinsa khuate
in, tua a mau phuat kipawlna pen a tangzaizaw ding, a huam kimzaw ding sangin, a fourder hihna
a phuan khia pa/ nu hihna abei ding phalloh manin tangnial thei uh hi.
Zomi sungah khantoh ding leh kipumkhat ding na lunggulhtaktak leh na founder, President
natnate sudam in a hoihzaw ding, a tam zaw lunggulhna ahih leh sansiamna i neih theih ding thupi
hi. Zomi sungah hih natna kivom ciat pian a, hih natna hong dam leh Z.Y.A nasepna tampi tangzai
ding hi, cih i lamen hi. Hih natna vei om na khuaciat in damsak mengmeng in i khua i tuiah Z.Y.A
phuanciat ni, ci-in i kizawn hi.
Editorial
VALICAN AH THUKIKUPNA: Pope Francis makai
in Vatican gamah Bishop 200 val tawh thu
kikupkhopna thupi takin nei uh a, hih sungah
naukhakna vai, nauphiatna vai, neih kibangte vai leh
nupa kikhente vai a thupi diakin kikum ding uh a, kal
khat bang sawt thei ding ci uh hi.
KALAY DIST ULIAN THUTHANG: Kalay Dist
Zumah zanglo vai tawh kisai kikum dingin a paite
Zum sung pan in hawlkhia in, kumpi nasem ahi lo
hih kipawlna tuamtuamte tawh kikupkhop ding
lunggulhna nei keng a ci Kalay Dist Ulian U Maung
Thu (uav;cd k i f t k yf csKyf a&;rS L;OD ;armi f xl ;) pen a za pan a
khawl nading leh deihlohna lungphona ka bawl ding
uh hi, ci-in Chindwin saklam khangno kipawlna
makai U Kyaw Thet Win in gen hi.
IS DO DING AUSTRALIA KUMPI IN THUPIA: IS
migilote do dingin USte thacialna ah Vakuan khia
taktak dingin Australia kumpi in Oct. 2, 2014 ni-in
thukimna ngah khinta hi. Hih IS migilote a ci man
nadingin Ngasa gu buah bangin khat zong sit loin
zialkul ding hi, ci-in PM Abbott in gen hi. Australia
kumpi in gal vanleng 6 leh galkap siam mahmah 600
paisak dingin kithawisak ta hi.
ZOMI KHUADO PAWI LIMCI: Z.Y.A Nanphalong
leh Z.Y.A Tamute kigawm Khawm in Zomite ngeina
pawi thupi pen ahi Zomi Khuado pawi Oct. 10, 2014
ciangin Nanphalong Tuiphum Biakinnpi ah thupi
takin bawl ding cih thukiza hi.
ZOMITE VOA LE RFA AH THUGEN: ZCD General
Secretary Pa Gin Kam Liante nupa USA gam
Washington DC ah Zomi Khuado pawi ah thugenpi
dingin sam uh a tua khit ciangin Voice of America
(VOA) leh Radio Free Asia (RFA)te phualpite ah
thudotna leh dawnan (interview) thupi takin va nei
thei cih thu kiza hi. Zomite UN zumah VOA, RFA
phualpite ah thugenna nei ding in Topa laptohna i
ngah na hi angtang mahmah hi hang.
HONGKONG BUAINA THUTHAK: Hongkong ah
Democracy diktak tawh a mau leh a mau suak ta takin
ki-uk theih nading makai a mau deih teel theihna ding
leh Sente in a tung panin a ut bang un thu mawkpiak
loding cih adeih lungphona neite leh uliante thu kikum
khawm liailiai ding in thukimna Oct. 7, 2014 ni-in
ngah uh a, Oct. 10, 2014 ni-in thu kikupna nei ding ci
uh hi.
GAM 3 KI GAWM NGEI NA PAWI : Chin
sangnaupangte leh mizo sangnaupangte kipawlin
gam 3 ahi India, Bangaladesh leh Kawlgam sugna
om Chin minamte kimu khawmin, ngeina lahna pawi
Hakha khuapiah Nov. 5-7, 2014 sung neih dingin
geelna kinei a, Zogam kumpi panin Sept 29, 2014 ni-
in phalna kingah khin hi. Hih Ngeina lahna pawi
(Cultural Exchange) pawi ah Mizogam Chief Minister
leh Zogam kumpi pate zong kisam ding hi, ci-in
piangsak Committee makaipi U Ngun Lian Sang in
gen hi.
KAWLGAM THONGKIA 3,073 KIKHAH: Kumpi
U Thein Sein thupiakna leh gam sung kilemna a om
semsem nading ngimna tawh Oct. 7, 2014 ni-in
Kawlgam sunga thongkia mi 3073 kikhahkhia hi. Hih
thongkia suaktate sungah Kawlgam thukan lian pen
a hi ngei U Khin Nyut ( )mite tampha deuh hi.
BETHEL ZBC AH NAUPANG CAMP: Bethel Zomi
Baptist Church Kalaymyo in Oct 7-11, 2014 sungteng
naupang Camp bawl uh a naupang vekpi 127 pha in,
Sia Tuan Khan Sum, ZBCMte Geodon Team, Taunggyi
a sem, thugenpi in zang uh hi.
SKVBA-YF THUSINNA: A 2veina SKVBA Khangno
thusinna Emmanuel Baptist Church ah Oct. 7-10,
2014 sung om in, nitak thugenpi Evan. Langh Do
Khup hi-in, sun thusinsak Rev. Dr. Man Hau Cing
"Gender", Rev. Silas Langh Khan Mung "Church
Administration" leh Dr. Khai Sawm Tuang "Makai
hoih leh nungzui hoih" cih thusinna nei uh a, khangno
vekpi 209 kah thei uh hi.
Oxygen leh Motor tawh nasepna (Friday - Friday)
Date Min Biakna/Pawlpi/Khua Theih ding
Oxygen 6-7,10-2014 Phai R.C
Bung 3 Lia Niang Lun Mang
Motor 4-10-2014 Revival UPC, Kalay Sivui Nu Kai Za Niang
Sisan tawh nasepna (Friday - Friday):
No.
Date
Min Biakna/Pawlpi/Khua
Natna
Sihawm/
ngen
Zato min Theih ding
1. 4-10-2014
Sihawm
Singen
Rev. Dr. Cin Za Dal
Pa Sui Mang
Tahan Siyin B.C
Believer Peaceofch, Tahan
Sinna Agape Clinic
1 vei hawmna
1 vei ngetna
2. 8-10-2014
Sihawm
Singen
Tg. Vungh Suan Mung
Nu Kim Nuam
Galilee A.G
A.B.M
Kalna Kalay G.H
2 vei hawmna
2 vei ngetna
3. 9-10-2014
Sihawm
Singen
Tg. Yang Kho Kai
Nu Mang Sian Cing
S.D.A (M.M.C.C)
Emm B.C
Sinna Kalay G.H
1 vei hawmna
1 vei ngetna
wrl;NrdKUr(12)eef;zmvHk
A siading Honkhia in a si ding don in!
Na sisan tawh honkhia in!
oi fhaoG;jzi fht oufu, fyg/
ZYA Blood Donation Service
DAHPIHNA: 1. Z.Y.A ading Constitution and Bylaw
bawlna ah thudotte lakah khat ahi, Ngaih Te beh Pu
Suan Khan Dongh kum (73) (B.A. Law. , LL.B.,
M.A.Theology) in October 7,
2014 ni in Pinlong Kalaymyo a inn panin Topa kiang
hong zuatsanta cih i zak manin Zomi sungah
Thukhunlam ( )tawh kisai mipil khat a sum hi
hang ci-in Z.Y.A Weekley News pan in Dahpihna i
pulak hi.
2. Rev. Go Mun Thang President & Founder ETS
Siapipa pianna Nu Niang Khaw Dim (74) in October
3, 2014 ni-in Royal City Kawlpi ah zingsang nai 6:00
in hong nusia a, pian na Kansau khua ah Siapa in a
nu luangpua in October 5, 2014 (Sunday) in kivui hi.
Z.Y.A Weekly News pan dahpihna i pulak hi.
LUAN DIM LCCI TRAINING CENTRE
TAT OO 8/8, KALAYMYO. 0947073065
E-mail: luandimlcci.kalay.mm@gmail.com
(A) 2 Oct 2014 (9-11 am) (Mon to Fri)
(B) 13 Oct 2014 (4-6 pm) (Mon to Fri)
(C) 1 Nov 2014 (3-6 am) (Sat & Sun)
(D) 3 Nov2014 (9-11 am) (Mon to Fri)
(E) 3 Nov 2014 (3-5 pm) (Mon to Fri)
(F) 4 Dec 2014 (9-11 am) (Mon to Fri)
(G) 6 Dec 2014 (3-6 pm) (Sat & Sun)
New Class for Level-3 .... 2014/2015
(A) 4 Dec 2014 (Mon to Fri) (4-6 pm)
New Class for Level 1 + 2 .........Series 4/2014-2/2015
Level-3 oif wef ;aMu;ud k Bud Kwif oG if ;ygu txl ;avQmh ay;rnf /