Govt. Regd. No.

2172

Kipumkhatna in Gualzawhna hi. (Late 133)

Contact Address
Halelujah Building Ph: 0933565003
Tat Oo 4/51, (Pinlong 8) Email: tuailai@gmail.com
Yathana St., Kalaymyo Web.: www.zomiyouth.org
ZYA TUNGZANG: Tungzang khuaah Oct. 19, 2014
ni-in ZYA, Tungzang kiphuan in panmunlending a
nuai-a bangin telin kipsak uh hi.
President
- B. Kham Suan Thang
Vice- President - Pa Khup Cin Pau
Secretary
- Pa Thang Thawn Mung
Asst. Secretary - Tg. Khup Khan Mang
Treasurer
- Pa Lian Cin Hau
Accountant
- Pa Lian Khan Thang
Auditors
- Pa Phung Lian Khai
- Pa Pau Do Hang
- Pa Hang Thawn Kap
Members
- Pa Thawn En Pau, Cin Sian Piang,
Gin Khua Pau, Tun En Pau,
Thang Lian Khup, Zam Lian Pau,
Khai Cin Lian, Thang Khan Sing,
Thang Sian Tung, Thang Min Lian,
Khup Khan Mung, Lal Sian Thang,
Kai Mun Mang, Gin Cin Mung,
Lian Suan Mung, Chin Tung
Nung, Lel Sian Hong
Advisor
- Pa Kap Za Khai, Pa Ngul Za Khup
Pa Thang Do Kham,
Pa Thawng Cin Zam
WORLD TRADE CENTRE KILAM KIK: US gam
Newyork khuapi a om, leitung sumbawlna zumpi
(World Trade Centre) pen 2001 kumin Al Queda Bin
Laden te in vanleng tawh a phutsiat uh hi-in tun tua
munteek mahah pi 1775 sang, $ Awn 3600, bei in
kilam kik a, Nov. 3, 2014 ni-in honna pawi thupi takin
nei uh hi. US Kumpi zum pawl khat leh Conde Nest,
China Center cihte om khin in Company tuamtuamte
kawm theih dingin zong kibawl hi.
NIGERIA GAM AH BOMB PUAKKHAM: Nigeria
gam nisuahna lam a om Shite Muslim biakna zuite a
biakinn uah thungen in a om laitak Nov. 3, 2014 niin migilo te'n bomb puakkhamsak in mi 15 si in tampi
liam uh hi. A sawt loin Palikte tung pah in migilo dingin
upmawh mi 5 kaplum pah uh ci hi.
IRAQ AH IS TE'N MI 322 GO KHIN: Iraq gam
sunga migilo ahi ISIS kicite in, a kido hihet loin, Suni
minamte 322 golum khin ta uh hi, ci-in Ministry of
Human Rights te'n Nov. 3, 2014 ni-in gen khia uh hi.
Nov. 1, 2014 ni-in hih ISte mah in Albu Nimr minam
neute 75 a innphualzang ah that uh a, naupangno 9
leh numei 6 kihel ci-in gen uh hi.
IS MI 100 ATHAT LIA REHANA: Kurdish galkap
numei Lia Rehana pen numei galhang mahmah khat
leh galkap siam mahmah khat hi a, a mah pen IS te'n
ngawngtan khin hi cih thu Oct. 5, 2014 ni-in thang a,
Oct. 13, 2014 ni-in a mahkia in IS migilo 100 that hi
cih thuthang leuleu in hih nu sikhin maw dam lai cih
leitungin lunglut mahmah uh hi.
KAWLGAM THUKAN KO PA KYI VAI: September
kha sungin Kawlgalkapte leh DKBAte Chaihmazaw
(usdKufra&m) kimteng kikapna ah thukan a pai Ko Pa
Gyi kici Ko Aung Kyaw Naing pen Kawl galkap te'n

7 November, 2014 - Lom 4 na, Hawm 45 na

Pa_____________________
_____________________
manin thau suhin taisawm in kikap lum hi, ci-in thu
a suah uh lungkim loin Yangon Town Hall mai ah 88
sangnaupangte leh mipi 1000 val in lungphona nei
uh a, mihing zalenna lamsai (Human Rights
Commission)te in a thu diktanin hong kan khia in, a
mawhte thukhun om bangin dan apiak nading un
ngen uh a Nov. 5, 2014 ni-in a luang a kiphumna
pan sittel pha dingin phokhia kik in a khaguh
munthum kitan, a hate kitan mang, a pumpi leh a lu
tungah thau tawh kapna om banah sing tawh kisat
gawp bangin nim gawp ci-in gen uh hi.
THAI PAN KAWLGAM NUMEI 13: Thai gam ah
nasem ding paulapin akisam Kawlgam pan numei
13te a kikoihna Kredtrakarn mun panin Thai gam
Kumpi lamte leh Kawlgam palai zumte kipawl in Oct.
31, 2014 ni-in Vanleng tawh Kawlgam hong puak kik
uh a, hih numei 13te pen a kizuak himaw hilo cih a
mau mah lim takin thudong phot ding ci uh hi.
GAMDANG BANK AH INDIA SUM KHOLTE:
India gam a mihau pawlkhatte in India Kumpi
tungah phiangsiah (Tax) apiak nop loh manin,
gamdang Bankte ah sum khol uh a tua mite amin uh
apuak nadingun India thukhen zumpite in Kumpi
tungah ngen uh hi. India gam mite in gamdang a
sum khol uh pen Billion za val bang pha dingin lamen
uh hi.
YANGON AH CANCER CENTRE HONG DING:
Yangon Region Dagon khuapi thak a om, Pinlong
Zatopi ah Nov. 2, 2014 ni-in Cancer natna neite bawl
theih nading in Cancer Centre hong uh a, gamsung
gampua pan Siavuan siamte in bawl ding a, sum le
pai zong a tawm bei thei pen dingin kivaihawm ding
hi, ci-in cancer lam Siavuanpite in gen hi.
INDONESIA VUANZITE: Indonesia gam a Prime
Minister thak ahi Widodo in a ma kumpi sung Vuanzi
34 lak ah 1/3 pen numei koih a tuilam leh gamdang
Vuanzi zong numei mah koih hi. Vuanzi 34 lakah
20te mipil bek koih a, tua lote ah Politic (EdkifiHa&;orm;)
makaite koih hi.
INNMUN GUKZUAK TAIMANG: Yangon Dagon
Township Aungziya lampi a om, leitang awng khat
pen innmun lai (Gran) NRC No. (rSwfyHkwif) leh omna
m u n (vd y f p m ) zuau tawh sum sang tul thum
(ode;f oH;k axmif) tawh zuak uh a, a zuakte taimang uh
hi. Kawlgam sungah innmun, lo cihte i lei ciangin
pilvanghuai mahmah cihna hi.
MI A GIMSAKDEN NGEINA HOIHLO: Leitungah
mi tampi in Vitamin tawmna hangin kitawldam theilo
kigim denin ngaihsun uh a, hong gimsakna a hangte
in 1. Ihmut cimlo, 2. Gim ding lau man gamtang lo,
3. Tui kicingtak a dawnlo, 4. Tandat ( oH"mwf)tawm, 5.
Zingan nelote hang hi cizaw uh hi.
KAWLGAM THUKHUN NO. 436 VAI: 2008 kum
Kawlgam thukhunpi sungah No. 436 puahpha ding
adeihte suai kikaisak (vufrw
S x
f ;kd )na ah mipi Awn 5

(5oef;) in suaikai in Hlutdaw kipuakkhin ci hi. Ahih

hangin galkap MP pawl in bel puahnuam nailo uh a,
mai lamah i gam vai ding thu um mite'n nakpi takin
thunget ding kisam cih i kiphawksak nuam hi.
KAWLGAM THU KHUNVAI: 2008 kum a kikipsak
Kawlgambup thukhunpi pen Kawlgambup dan leh
mualtung mite lunggulhna tawh kilehngat ahih
manin Kawlgam thukhun thak khat bawlphat ding
kisam hi, ci-in Shan National Democracy makaipi U
Khun Tun Oo in Party kiphuhzawh kum 26 cinna Oct.
26, 2014 ni-in gen khia hi. Hih Shan National
Democracy (&Srf;wdkif;&if;om;rsm;'Drdkua&pDtzGJUcsKyf )pen 1990
kum kitelna ah mualtung mi mee tam ngah nihna hi
a, 2004 kumin Kawlgam thukhun bawl Khawmpi
pan tawp uh a, 2010 kum Kawlgam kiteelna ah kihel
loin langpan uh hi.
U AUNG TAWNG BLACK LIST NGAH: Kawlgam
sungah Kumpite leh mualtung mi thautawite kikalah
kilem nading vaihawm makai leh Hlutdaw MP khat
ahi U Aung Tawng pen, Kawlgam kilem nading
nasepna ah mi nawngkai khat hi, ci-in American pan
(OFAC) kipawlna pan thukhensat E.O. 13448 tawh
ciaptehna ngah mi (Black List) ah koih uh a, American
gam leh a mau ukna nuai a om gamte ah U Aung
Tawngin neihsate zong a kikhak suakpah in Kawlgam
sung kikhel nadingin bel thupi lualo ding hi, ci-in gam
lam thukan te'n gen uh hi.
BUKINA FOSO PRESIDENT TAWPSAK: Bukina
Foso gam kum 27 sung U Ne Win banga a utut a,
ukcip President Compaore pen mipite in deih nawn
loin Oct. 31, 2014 ni-in, a tutna panin sawnkhia loh
phamawh ahihna tawh mipi-in umcih uh a, tu in a
tutna taisan ta in, galkap lianpen pa ahi Honore Traore
in tawmvei sung gam ukna lenphot ta dih ding ci hi.
THE 1ST MARRIAGE SEMINAR: A 1veina Pasian
nasem nupakop thusinna Nov. 5-7, 2014 sung Agape
(AMC) Pawlpi ah kinei in Zomi Pasian nasem
nupakop 50te lim takin kikah thei in thusinsak na Rev.
Dr. JM. Paupute nupa in nei-in a pai Pasian nasem
khempeuh in tha kingah thei mahmah hi. Hih
thusinna ah nupakal buai theihnate leh buaina
ahangte banah nupakal nopna ding nusiat ding letkip
ding cihte a pawlpawl in khen in kikupna leh kihop
sawn kikna zong kinei in nuam kisa mahmah hi.
THUKANTE TUNG DAW SU THUGEN: Kawlgam
Democracy lam manawh in a kalsuanna ah a khe
kitan in dinkhol phot banah nungdeuh a ka kimuh
khopna uh zong bangmah thugina om lo hi, ci-in Nov.
5, 2014 ni-in Yangon thukante maiah hangsan takin
Daw Su Kyi in genkhia giap hi.
US GAM SENATE KITELNA: US gam sungah Nov.
4, 2014 ni-in kitelna nei uh a, Senator 100 lakah
Obama party in 45, Republican in 52 ngahin, House
of Representative mi 435 lakah Obama Prty in 176
Republian Party in 243 ngahin, tutung kitelna panin
Hlutdaw dawl tungnung leh nuai nungah Obama
Party langpang Republicante in a tamzaw ngah
mangdan hiphot hi.

US PRESIDENT KAWLGAMAH : US President

Obama Nov. 12, 2014 ni ciangin Asia nisuahna gam
lam makai teng thukikupna ah kihel dingin hong tung
ding a, Nov. 14, 2014 ciangdong tam dingin White
House pan Nov. 4, 2014 ni-in tangko uh hi. Nov. 14,
2014 ni ciangin NLD makaipi Daw Su Kyi tawh kimu
dingin gen hi. Kawlgam panin Sen gam leh Australia
gamte zong phading a, Sen gam a APEC kikhopna ah
kihel in, tua khit ciangin Sen Kumpipa Xi Jing tawh
zong atuam in kimu ding ci uh hi.
PAKISTAN AH PASIAN NASEM KITHAT: Pakistan
gam Punjab Province Kot Radha Kishan khua a Pasian
nasem Pakistan gammi nupa khat Muslimte Lai
Siangtho Koran nin sak hi, ci-in Nov. 4, 2014 ni-in a
nupa un that in haltum uh hi. Palik te'n zong hon
ngam lo uh ci hi. Leitungbup phial in mawhsak uh
ahih manin Pakistan Kumpi thuneite in hih vai tawh
a kizom mi 43 Nov. 5, 2014 ni-in man khia uh a, a
dang zong zon behbeh lai uh hi.
MANLAK LO MANGLAI SANG: Fund zonna Mee
kizuak angah (
)nambat teng a nuai-a bang hi.
1st - 825
- 889
- 297
2nd - 160
- 942
- 302
3rd - 394
- 561
- 179
- 987
- 191
- 928
- 865
- 736
- 787
Trinity English Center (Sia On Dal Lai Siangtho Sang
munlui) ah 15-11-2014 a ngah (
) te'n a van nong
laak nang un kong zasak uh hi.

PLANETSHAKERS LASIN NANG

Kawlpi dungsuk Khangno Fellowship
lasinkhopna a nuai-a bangin om ding hi.
Ani : 10-11-2014 (Monday) ; Ahun : 6:30 PM
Amun:Kalay Baptist Church (vrf;qHk)Biakinn
N o t e ; B u s o m d i n g . (Munlai BC, Tahan AG, Galilee AG, Agape AG)

SIANGTHO BUT
I
A
HA
L
V
I
K
Z
Dr. H. Gin En Cin bawl Zokam Internatio-nal
Version (ZIV) Lai Siangtho buthak American
gam a, Bible League tawh kop in a bawl uh a
sauna 8.75 a vai 5.75 a padikdek laimal 9.5 tawh
para endnote aom, savun tawh kituam zit
kithuah Lai Siangtho buthak hoih mahmah
asawt loin Kalaymyo ah honna pawipi kinei in,
tua khit ciangin mipi tungah kizuak dingcih thu
kiza hi.

A siading Honkhia in a si ding don in!

Na sisan tawh honkhia in!

oifhaoG;jzifh toufu,fyg/
ZYA Blood Donation Service

Sisan tawh nasepna (Friday - Friday):

No.

Date

1. 3-11-2014
2. 4-11-2014
3. 4-11-2014

Sihawm/
Min
ngen
Sihawm Lia Aye Aye Aung

Biakna/Pawlpi/Khua
Buddish, Kalay

Singen Pa Tial Chawng Kham

Pyidawtha B.C
Sihawm Tg. Zam Deih Pau
Pinlong SDA (MMCC)
Singen Nu Vung Dim Man
Sihawm Tg. Kam Sian Khai
Singen Nu Vung Dim Man

Carmel B.C, Tai 9

Pinlong SDA (MMCC)
Carmel B.C, Tai 9

Natna

Zato min

Gilpi

Kalay G.H

Nausuak

Wesley

Nausuak

Wesley

Theih ding
5 vei hawmna
1 vei ngetna
1 vei hawmna
1 vei ngetna
1 vei hawmna
2 vei ngetna