(14.1.

2011) RFA လွတ်လပ်တဲ့အာရှအသံ လူထုနှင့်ဒေါ်အောင်ဆန်းစုကြည် အပတ်စဉ်အမေးအဖြေကဏ္ဍ

(စ)

မေးသူ။ ။ ခိုင်မြတ်သိန်း - အမေရိကန်ပြည်ထောင်စု

မေးခွန်း။ ။ ကျွန်တော်က အမေရိကန်နိုင်ငံမှာနိုင်ငံတကာလေ့လာရေးကိုဆည်းပူးနေတဲ့ ကျောင်းသားတစ်ယောက်ပါ။

ဒီဗမာနိုင်ငံမှာဆိုလို့ရှိရင် တိုင်းရင်းသားများစွာရှိတာပေါ့နော်။ ဒါပေမယ့် ဗမာတိုင်းရင်းသားဆိုတဲ့အမည်တွေ တခါမှ

လည်းကျွန်တော်ကမကြားဘူးပေါ့နော်။ လူတွေအားလုံးဟာဆိုလို့ရှိရင် အတူတူပဲလို့ကျွန်တော်မြင်တယ်။ ဗမာကိုလည်း ဗမာတိုင်းရင်း
သားအဖြစ်ပဲ ကျွန်တော်ကမြင်တယ်။ ဗမာဆိုတာ People အနေနဲ့ပေါ့နော်။ ထွေထွေထူးထူးသူများလူမျိုးထက် အဆင့်အတန်းတနေ
ရာကိုရောက်နေတဲ့ပုံစံမျိုးမဖြစ်စေချင်ဘူး။ ဒါကြောင့်မို့လို့ ဗမာတိုင်းရင်းသားလို့ပဲလို့ပြောချင်တယ်။ အဲလိုခေါ်စေချင်တယ်။ ကျွန်တော်
လေးစားပါသော ဒေါ်အောင်ဆန်းစုကြည်ကိုကျွန်တော်မေးချင်တာက ဒီကိစ္စနဲ့ပတ်သတ်ပြီးတော့ မြန်မာနိုင်ငံနဲ့တိုင်းရင်းသားရဲ့ကြားထဲ မှာ
မျှတအောင်ဘယ်လိုဖြစ်သင့်တယ်ဆိုတာ ဒေါ်စုအနေနဲ့စဉ်းစားပေးစေချင်ပါတယ်။ ကာယသုခ၊ စိတ္တသုခနဲ့ပြည့်ဝနိုင်ပါစေလို့
ကျွန်တော်ဆုတောင်းပါတယ်ဒေါ်စု။ ကျေးဇူးတင်ပါတယ်။

ဖြေ။ ။ မြန်မာနိုင်ငံရဲ့တိုင်းရင်းသားလူမျိုးစုတွေထဲမှာ ဗမာတွေဟာလည်းတစုဖြစ်တယ်ဆိုတာ ကျွန်မ မကြာခဏပြောပါ

တယ်။ လူဦးရေအများဆုံးအုပ်စုမို့လို့လည်းကျွန်မတို့တိုင်းရင်းသားများအချင်းချင်း ချစ်ချစ်ခင်ခင်ညီညီညွတ်ညွတ်နေ

နိုင်ဖို့ကိုလည်းပိုပြီးတော့ကြိုးစားရမယ်လို့ကျွန်မထင်ပါတယ်။ တိုင်းရင်းသားတွေအကြားမှာ မျှတအောင်ဘယ်လိုလုပ်ရမလဲဆိုလို့ရှိရင်
အချင်းချင်းကြားမှာ နားလည်မှုရအောင်လို့ကြိုးစားတဲ့အပြင်မှာ ဒီလိုမျှတမှုကိုအားပေးမယ့်နိုင်ငံရေးစနစ်တခုပေါ်ပေါက်အောင်လည်း
ကျွန်မတို့ကြိုးစားဖို့လိုမယ်လို့ ကျွန်မတို့ထင်ပါတယ်။

မေးသူ။ ။ ဦးသန်းဝင်း (ABSDF) အမေရိကန်ပြည်ထောင်စု

မေးခွန်း။ ။ လေးစားအပ်ပါသော အမျိုးသားခေါင်းဆောင်ဒေါ်အောင်ဆန်းစုကြည်ခင်ဗျား။ ကျွန်တော်ဟာဒေါ်စုရဲ့ဦးဆောင်မှု

အောက်မှာမတွေဝေစတမ်းဖြောင့်ဖြာင့်တန်းတန်းနောက်ကရပ်တည်နေတဲ့သူတစ်ဦးပါ။ ဒေါ်စုကိုကျွန်တော်မေးလို
သောမေးခွန်းက တိုင်းပြည်တပြည်ပဲဖြစ်ဖြစ်၊ လူမျိုးတမျိုးပဲဖြစ်ဖြစ်၊ လွတ်မြောက်မှုအတွက် အမှန်တရားအတွက်၊ တော်လှန်တိုက်ပွဲဝင်ခဲ့
ကြတဲ့အခါ ဘယ်အရာဟာအရေအကြီးဆုံးပါလဲခင်ဗျာ။ ဘယ်လိုစိတ်ဓာတ်နဲ့ ရပ်တည်ဖို့လိုအပ်ပါသလဲခင်ဗျာ။ မိမိရပ်တည်ချက်အပေါ်မှာ
ဘယ်လိုလုပ်ဆောင်အကောင်အထည်ဖေါ်ဖို့လိုအပ်ပါသလဲခင်ဗျာ။ ကျေးဇူးပြု၍ ဒေါ်စုရဲ့ အတွေးအခေါ်အယူအဆကိုကျွန်တော်သိပါရ
စေခင်ဗျာ။ ဒေါ်စုဘေးဘယာကင်းဝေး၍ လိုချင်သောဆန္ဒဟူသမျှ ပြီးမြောက်အောင်မြင်နိုင်ပါစေ။ ကျေးဇူးတင်ပါတယ်။

ဖြေ။ ။ အမှန်တရားအတွက်တော်လှန်တိုက်ပွဲဝင်ကြတဲ့အခါ ဘယ်ဟာကအရေးအကြီးဆုံးပါလဲဆိုတာကိုဖြေရမယ်ဆိုလို့

ရှိရင်တော့ တကယ်ပဲအမှန်တရားအတွက်ဖြစ်ဖို့လိုပါတယ်။ မှန်ကန်တန

ဲ့ ည်းတွေနဲ့လည်းလုပ်ဖို့လိုပါတယ်။ ဘယ်လို
စိတ်ဓာတ်နဲ့ရပ်တည်ဖို့လိုအပ်ပါလဲဆိုရင်တော့ သန့်ရှင်းစင်ကြယ်တဲ့စေတနာနဲ့ခိုင်မာတည်ကြည်တဲ့စိတ်ဓာတ်တွေလိုမယ်လို့ ကျွန်မထင်
ပါတယ်။ ရပ်တည်ချက်အပေါ်မှာဘယ်လိုလုပ်ဆောင်အကောင်အထည်ဖေါ်ဖို့လိုအပ်ပါလဲဆိုရင်တော့ တကယ်ပဲညီညီညွတ်ညွတ်နဲ့လုပ်
နိုင်ဖို့ကအရေးကြီးပါတယ်။ ညီညီညွတ်ညွတ်လုပ်ဖို့ဟာလဲ တစ်ယောက်နဲ့တစ်ယောက်နားလည်မှုယူဖို့ဟာအရေးကြီးပါတယ်။ နောက်ပြီး
တော့လည်းအရေအသွေးတွေတက်လာအောင်လို့ အမြဲပဲကြိုးစားနေဖို့ဟာလည်းအရေးကြီးတယ်လို့ကျွန်မထင်ပါတယ်။ ဒါတွေကကျွန်မ
ရဲ့အတွေးအခေါ်တွေပါနော်။ တခြားလူတွေမှာလည်း အင်မတန်မှတန်ဖိုးရှိတဲ့အမြင်တွေအတွေးတွေရှိမှာပါ။ ဒါ့ကြောင့်မို့လို့တခြားသူတွေ
ပြောတာကိုလည်းနားထောင်ပြီးတော့ဆုံးဖြတ်ပါလို့ ကျွန်မအနေနဲ့မေတ္တာရပ်ခံချင်ပါတယ်။

မေးသူ။ ။ ဓည၀တီသား (အကျဉ်းသား - ထိုင်းနိုင်ငံ နွန်ထပူရီခရိုင်၊ ဘန်ကွင်းအကျဉ်းထောင်)

မေးခွန်း။ ။ မင်္ဂလာနှစ်သစ်ပါအမေစုခင်ဗျား။ ကျွန်တော်က ထိုင်းနိုင်ငံ၊ ဘန်ကွင်းအကျဉ်းထောင်မှာထောင်ကျနေတဲ့ မြန်မာ

နိုင်ငံသားတစ်ဦးပါ။ ထိုင်းနိုင်ငံအကျဉ်းထောင်တွေထဲမှာ မြန်မာနိုင်ငံသား (၅)ထောင်လောက်ရှိမယ်လို့ထင်ပါတယ်။

တကယ်လို့အမေစုမှာလုပ်ပိုင်ခွင့်ရှိမယ်ဆိုရင် တခြားနိုင်ငံအကျဉ်းထောင်တွေကမြန်မာနိုင်ငံသားတွေကိုပြန်ပြီးခေါ်ယူဖို့ စီစဉ်ပေးနိုင်
မလားဆိုတာသိချင်ပါတယ်။ အကျဉ်းထောင်ထဲမှာတောင် ကျွန်တော်တို့မြန်မာနိုင်ငံသားတွေ မျက်နှာငယ်ကြရပါတယ်။ တခြားနိုင်ငံခြား
သားတွေဟာ သူတို့နိုင်ငံသံရုံးတွေကထောက်ခံချက်ပေးလို့သက်ဆိုင်ရာနိုင်ငံတွေကို တယ်လီဖုန်းဆက်ခွင့်ရကြပါတယ်။ ကျွန်တော်တို့
မြန်မာအကျဉ်းသားတွေကိုတော့ သံရုံးကလာမတွေ့တဲ့အပြင် ထောက်ခံချက်တောင်းတာကိုတောင်ထုတ်မပေးပါဘူးခင်ဗျာ။ အမေစုဘယ်
လိုမြင်ပါသလဲ။ အမေစုတစ်ယောက် ဘေးအန္တရာယ်အသွယ်သွယက
်ိုမေတ္တာလက်နက်နဲ့အောင်မြင်ပြီး ဒီမိုကရေစီနိုင်ငံဖြစ်အောင် မြန်မာ
ပြည်ကြီးကိုကယ်တင်နိုင်ပါစေခင်ဗျာ။ အမေစုအားရိုသေကန်တော့လျက်။

ဖြေ။ ။ ဓည၀တီသားကြီးစာကိုဖတ်ရတော့ တော်တော့ကိုစိတ်မကောင်းဖြစ်မိရပါတယ်။ ထိုင်းနိုင်ငံမှာရှိနေတဲ့ မြန်မာ

နိုင်ငံရေး၊ လူမှုရေးအဖွဲ့တွေကို ဘယ်လိုအကြောင်းကြောင့်ပဲဖြစ်ဖြစ်အကျဉ်းကျနေတဲ့ မြန်မာနိုင်ငံသူနိုင်ငံသားတွေ ကို

တတ်အားသရွေ့ ကူညီစောင့်ရှောက်ပေးကြပါလို့ မေတ္တာရပ်ခံချင်ပါတယ်။ ဒီလိုကိစ္စတွေကိုရေရှည်ကိုင်တွယ်နိုင်ဖို့ကတော့ ဆွေးနွေး
တိုင်ပင်ပြီး နည်း(လမ်း)ရှာပါ့မယ်။ အမေတို့ရဲ့နိုင်ငံသူနိုင်ငံသားတွေတိုင်းတပါးမှာ ဒုက္ခရောက်နေတာကို မပစ်ထားချင်ပါဘူး။

မေးသူ။ ။ မဗူဘန်း (ဘန်ကောက်)

မေးခွန်း။ ။ NLD နဲ့ပတ်သတ်ပြီးတော့မှ ၀ီကီလိဒ် ကနေပြီးတော့မှ ဖွင့်ချခဲ့တဲ့သတင်းတစ်ခုကို RFA ကနေတဆင့်ကြားခဲ့ရပါ

တယ်။ အဲဒီဆောင်းပါးအရဆိုရင် NLD အန်ကယ်(လ်)ကြီးများဟာ ဒေါ်အောင်ဆန်းစုကြည်နေအိမ်အကျယ်ချုပ်မှာ

နေစဉ်ကာလမှာ ဘာတွေမလုပ်ခဲ့ဘူး။ ဘာတွေမစွမ်းဆောင်နိုင်ခဲ့ဘူး…. စသည်ဖြင့် ၀ီကီလိဒ် ကနေမှ ဖွင့်ချခဲ့ပါတယ်။ အဲဒီသတင်းနဲ့
ပတ်သတ်ပြီးတော့မှ အန်တီစုအနေနဲ့ဘယ်လိုတုန့်ပြန်မလဲလို့ကျွန်မကြားသိလိုပါတယ်။ ပြီးတော့ ၀ီကီလိဒ်နဲ့ပတ်သတ်ပြီးတော့မှ ဒီလို
လျှို့ဝှက်သတင်းတွေကို ဖွင့်ချတာဟာ ကောင်းသလား။ ဆိုးသလား။ လုပ်သင့်သလား။ မလုပ်သင့်သလား။ အန်တီစုတဦးတယောက်
အနေနဲ့ သဘောထားကို ကျွန်မသိချင်ပါတယ်။ အန်တီစုကျန်းမာပါစေလို့ ဆုမွန်ကောင်းတောင်းလိုက်ပါတယ်ရှင့်။

ဖြေ။ ။ NLD အဝေဖန်ခံရတဲ့အခါကျလို့ရှိရင် ဒီဝေဖန်ချက်တွေဟာ မှန်လားဆိုတာ သုံးသပ်ပြီးတော့ ကျွန်မတို့အနေနဲ့

ပြုပြင်သင့်တာတွေကိုပြုပြင်ဖို့အမြဲပဲကြိုးစားခဲ့ပါတယ်။ ၀ီကီလိဒ် ကနေပြီးတော့ဖွင့်ချချက်တွေနဲ့ပတ်သတ်လို့ ဒီလိုပဲ

ကျွန်မတို့ဆက်ပြီးတော့လုပ်သွားမှာပါ။ ၀ီကီလိဒ်က ဖွင့်ချချက်တွေ လုပ်ရတဲ့နေရာမှာ ပွင့်လင်းမြင်သာမှုကို အားပေးသောအားဖြင့်လုပ်
တယ်လို့ ရှင်းပြပါတယ်။ ဒီလိုလုပ်တဲ့အခါမှာတော့ မလိုအပ်ဘဲနဲ့ ဘယ်သူ့ကိုမှ မထိခိုက်စေဖို့၊ အန္တရာယ်မဖြစ်စေဖို့တော့ နဲနဲသတိထားဖို့
လိုမယ်လို့ ကျွန်မထင်ပါတယ်။

မေးသူ။ ။ သီရိစု (ရန်ကုန်)

မေးခွန်း။ ။ အမေစုခင်ဗျာ။ တစ်ခုလောက်မေတ္တာရပ်ခံချင်ပါတယ်။ အမေက လူငယ်တွေကို အားကိုးချင်သလိုကျွန်တော်တို့

 လူငယ်တွေကလည်း အမေ့စကားဆိုရင် အင်မတန်မှလေးစားကြပါတယ်။ အဲဒါကြောင့်မို့လို့ လူငယ်တွေ လက်ရှိ
နိုင်ငံရေးအခြေအနေတွေကိုနားလည်လာစေဖို့နဲ့ သူတို့ရဲ့ပတ်ဝန်းကျင်မှာရှိတဲ့ လူမှုရေး၊ ကျန်းမာရေး၊ ပညာရေး ပရဟိတလုပ်ငန်းတွေမှာ
ပါဝင်ဆောင်ရွက်ချင်စိတ်တွေဖြစ်ပေါ်လာအောင်တပတ်ကိုတကြိမ်လောက် မီဒီယာမှဖြစ်စေ၊ အင်တာနက် facebook စာမျက်နှာမှာဖြစ် စေ၊
လမ်းညွှန်ချက်တွေပေးဖို့တောင်းဆိုချင်ပါတယ်။ ကျွန်တော့ယုံကြည်ချက်ကတော့ မိမိနိုင်ငံရဲ့ကောင်းကျိုးကို လုပ်တဲ့အလုပ်မှန်သမျှ
နိုင်ငံရေးလို့ထင်ပါတယ်အမေ။ အမေကျန်းမာပါစေ။

ဖြေ။ ။ မိမိနိုင်ငံရဲ့ကောင်းကျိုးကိုလုပ်တဲ့အလုပ်မှန်သမျှဟာနိုင်ငံရေးလို့ သားသီရိစုပြောတဲ့ဟာကို အမေလည်းသဘော

တူပါတယ်။ အမေတို့လူငယ်တွေလက်ရှိနိုင်ငံရေးအခြေအနေတွေကိုနားလည်လာစေဖို့အမြဲပဲကျိုးစားနေပါတယ်။
ပြောနိုင်သလောက်လည်းပြောပါတယ်။ သင်တန်းတွေလည်းပေးပါတယ်။ ပတ်ဝန်းကျင်မှာရှိတဲ့ လူမှုရေး၊ ကျန်းမာရေး ပရဟိတလုပ်ငန်း
တွေမှာပါဝင်ချင်စိတ်ဖြစ်လာအောင်ဆိုတာကတော့ အပြောနဲ့တင်မဟုတ်ဘဲနဲ့ အမေတို့ NLD ကနေပြီးတော့အလုပ်နဲ့ပါ အားပေးနေပါ
တယ်။ ဒါကြောင့်မို့လို့လည်း NLD ဟာ လူမှုရေးအလုပ်တွေ ပရဟိတ အလုပ်တွေကို ဆထက်တပိုးတိုးပြီးတော့လုပ်ဆောင်နေပါတယ်။

မေးသူ။ ။ ဇော်ပေါက် (အမေရိကန်ပြည်ထောင်စု)

မေးခွန်း။ ။ ကျွန်တော်မေးချင်တဲ့မေးခွန်းလေးကတော့ အမေစု ဘားအံ၊ သာမညကိုလာတုန်းက သာမညဆရာတော်ကိုဖူးရင်း

စည်းရုံးရေးခရီးစဉ်ကိုလာတုန်းက ကျွန်တော့ကိုရေးသွားပေးခဲ့တဲ့ “စိတ်ဓာတ်ခိုင်.. အောင်ရမည်” ဆိုတဲ့စာကြောင်း

လေးတစ်ကြောင်းရေးသွားပေးခဲ့တယ်။ ဘယ်လိုမျိုးစိတ်ဓာတ်တွေကို ခိုင်မာအောင် အောင်မြင်အောင်ကျင့်ရမလဲဆိုတာ ကျွန်တော်အပါ
အ၀င် အားလုံးသိအောင် အမေစုဖြေကြားပေးစေချင်ပါတယ်။ ကျေးဇူးပါပဲအမေစုရေ။

ဖြေ။ ။ ဘယ်လိုစိတ်ဓာတ်မျိုးကိုခိုင်အောင်လုပ်ရမလဲဆိုတာကို တိုတိုတုတ်တုတ်နဲ့ပြောရမယ်ဆိုရင်တော့ မှန်မှန်ကန်ကန်

နဲ့ ကိုယ်ဖြစ်စေချင်တဲ့ကိစ္စတွေကို ဖြစ်အောင်လို့လုပ်တဲ့နေရာမှာ စိတ်ဓာတ်ခိုင်မာရမယ်လို့ပဲပြောပါရစေ။ ကိုယ်လုပ်

မယ့်အလုပ်တစ်ခုဟာ မှန်ကန်တယ်ဆိုတာကို ကိုယ်ကနေပြီးတော့ ယုံကြည်လို့ရှိလို့ရှိရင် အဲဒီအလုပ်ကို ဘယ်လိုပဲ ပြဿနာတွေရှိရှိ၊
ဘယ်လိုပဲ ခက်ခဲခက်ခဲ ဆက်ပြီးတော့ အောင်မြင်တဲ့အထိလုပ်မယ်ဆိုတဲ့ ခိုင်မာတဲ့စိတ်ဓာတ်ကို မွေးမြူဖို့ပြောတာဖြစ်ပါတယ်။

(ဆုံး)