Email : dawrpuinews@gmail.

com
MOTTO 1. Hunawl hman\hat 2. Zofate hmasawnna ngaihtuah 3. Kristian nun dan \ha ngaihsan

Visit us at www.dawrpuiveng.com

YMA chu \anpui ngaite \anpuitu a ni

Vol : XXI Issue No 26 Dawrpui News Kartin Chhuak Pathianni June 26, 2011

TUALCHHUNG
D AMLO : Pu R. Lianbanglova, Zion Street (V. Sect.) chu Mumbai-ah Checkup-in an thang mek Pi Lalnguri Dawrpui West, Pi Lalnguri, Khawsik leh tar chaklo vangin in lamah enkawl meka ni. Pi Lalhliri w/o R/ Dotinaia, Pi Jail Veng chu Check up turin Inrinni khan phai lam an pan leh ta. TLING THAR : Zothankimi D/o Dr. R. Tlangkunga, Jail Veng chu Lunglei Baptist College ah Assistant Profesor atan a tling. PASS : George Lalthakima S/o Rayson F. Ralsun chuan Punjab Technical University, Kolkata atangin B Sc in Hotel Management, tha takin a pass. Lalruatfela S/o R. Vanlalruata Upper Bazar T. Section chuan B. Com. 1st Class-ah a pass bawk. (Zirnaa hlawhtlingte News Editorial Board chuan a lawmpui takzet a, an hmalam hunah duhsakna kan hlan e) T RAINING : Pu F. Lalfakzuala (Upa), Bara Bazar (V. Sect.) chu Pastor Care & Counselling Training chawlhkar hnih chhung awhah a tel mek a, tunkar hian an zo ang. LO HAW : Pu V.L. Ruala, Jail Veng (T. Sect.) Bhutan lal hnena Pathian thu hrilh tumin a kal a. A hmuh theih tak loh avangin Manipur (Imphal) lamaha kal leh a, dam takin alo thleng leh ta. Z IN : Dr. Zothansanga (Sawtha), Bazar Bungkawn chu Synod Choir member thar niin Taiwan |halai khawmpui hmanpui turin CK|P hmingin an zin mek. N GENNA : Dawrpui News ah hian tualchhung chanchin a kim thei ang bera chhuah kan duh thin a, chhung tinte chanchin thar hria apiang ten Editor hnenah emaw a remchang apaing hnenah i hriattir thin ang u.

Media Hmanga Khawtlang Nun Siam that

By - Lalsiama Fambawl, MIS (CYMA leh I&PR Dept. Journalist Workshop Paper laktawi leh siam rem)
Mizote kan vanneihna em em chu hnam nun, sakhua leh \awng tlawnglawn pakhat kan hmang thei hia ni. India ram state dangte chu sawi loh India hmarchhakah pawh hia hnam nun, sakhua leh \awng hran vanga harsatna an tawh hnem zia kan hria a ni. Hnam nun, sakhua leh \awng pakhat hian ram leh hnam inpumkhatna, in unauna, \anrualna a siam a, Kohhran leh NGO hrang hrang YMA, MUP, MHIP etc. te tan hmalak a awlsam phah a ni. India ram pumah a State len dan leh mihring tam lama chhutin Chanchinbu kan ngah ber a. Mizoram Journalist & Journals member zawng zawng hi mi 228 lai an ni (YMA chanchinbu Editor-te tiam lovin). Aizawl-ah 97, Lunglei-ah 35, Champhai-ah 19 Lawngtlai-ah 10, Saiha-ah 17, Kolasib-ah 17, Serchhip-ah 17 leh Mamit-ah 7 an awm mek. MJA report -a alan danin Mizoram-ah Nitin Chanchinbu 91, hunbik nei (Periodicals) 14 leh Cable TV 15 a awm mek bawk. Heng kan chanchinbu neih mek te hmang hian hmasawnna kawng leh nundan \ha min zirtirin fuihna \ha tak tak kan dawng reng a. Media hmanga Khawtlang Nun Siam |hat tih hi a hranpa a sawi a ngai em ni a tih theih a ni. Media hmanga khawtlang nun siam \hat a nih lai hian, Media-in a \ha lo zawnga kan nuin akaihhruai dan pawh a awm tlat si. Nikum khan Synod Social Front, Education and Media Cell chuan zirchianna an lo nei tawh a. Chuta a lan dan chuan Media hian kan inrin hmain min rawn deng thut a, kan nitin nun, sum leh pai leh sakhuana thlengina chhe zawngin min lo hruai thui hle tawh a ni. Naupang, nu leh pa leh tar thengin Media hian \halam min thlen rualin kan hman thiam loh avangin kan chhiat phah ta a ni. Mipat hmeichhiatna ah a vawrtawp kan thleng a; thatchhiatna \ul lo a hun leh sum khawhralnaah kan hmang zawk a ni. Media-in min tihchhiatna laka in vennan Media vek kan hman alo ngai ta a ni.

Media hmanga khawtlang nun siam \hat :

2] Hoarding hmangin Print Media hmangin - 1] Chanchinbu 3] Banner leh Poster 4] Leaflets leh brochures hmangin Chanchinbu : Tuna kan neih sa YMA Branch tin ten chawlhkar khata vawikhat, hming hrang hrang vuah a kan chhuah, mipuiin an hlut em em hi a ni. Zing thawh veleh chhiar hmasak kan inchuh laih laih khawp a hlu a ni a. Chuvangin kan chinchinbu hi a hlu em em a ni. Hemi a nih avang hian kan YMA chanchinbute hi kan hmang \angkai thiam tur a ni ang. Naupang leh \halai, puilting zawng zawngin an chhawr \angkai theih tura uluk a ngai. Heng - Tlawmngaihna, Rinawmna, Taihmakna, Thuawihna, Ai upa zahna etc. lam hawi te hi ziak tam ila, vengchhung mi ril deuh ten i thawh uar zel ang u. Tin, Cartoon lam hawi pawhin zirtirna kan kalpui thei bawk. Hoarding hmangin : Khawtthler lun leh ualau laiah thu ziak \ha tak - Zoram nuam i siam ang u tih te hi tar uar ila, tlan paha chhiar theih nise, thu mawi leh \ah tak tak ziah i uar ang u. Banner leh Poster : Banga tar tur Banner leh Poster thu mawi tak thuchah \ha tak keng tar uar bawk ila, thlalak mawi tak nen tar ila, a sem pawh sem ila. Leaflets leh brochures hmangin : Computer leh printer changkang tak tak a tam tawh a, thlak nen mawi takin thuchah \ha keng tel siam/sem uar bawk ila. Media hmang hian nasa zawkin hmasawnna a kal zel dawn, min la run deuh deuh dawn. Chuvangin, Bible zirtirna leh Pathianin mihring awmdan tur a a kaihhruai tum dan erawh a danglam ve lo. Nunphung inthlak thlengin a kawih her a rem lo. Chu chu kan ven tur a ni. Heti taka Media-in Mizote eizawnna, sakhuana leh khawtlang nun a min run mekna hi kan enliam mai mai thiang lo, a chhe lai siam \hat hi YMA thil tum bulpui lo ni zel rawh se.

Dawrpui

News

Kartin chhuak

Pathianni

June 26, 2011

Editor Co Editor Jt. Editors News Editors

: Ziakkima Pachuau 9436141408 : Kapchhunga Pachuau 9862399954 : H.Dingluaia Lalngaihawma (Angaiha) : Lalhlimpuia Khiangte Lalrinsanga(Asanga) David Lalhlimpuia(SKA) Members : Vanlaldiki Sailo Lianzama Pachuau Lalnunmawia (Mawia) Rosangliana H. Lalchhanhima James Thanmawia Columnists : Dr. Thangchungnunga Vanhmingliana Aldrin Lallawmzuala Correspondents: Jonathan F.Zomawia Ramherliana P.C. Lalrinchhana 9612225812 9862404739 9862357024

KUMPUAN HUANG
Kar kalta leh tunkar chho khan Dawrpui YMA Kumpuan Sub-Committee te chuan Zu fun 7, Parvon Capsule 2,136 an man a, a neitute hi CADS hnenah hlan nghal an ni. Central YMA hnuaia ruihhlo do pawl CADS-te chuan June 20, 2011 (Thawh\anni) zan khan Heroin can 23 leh a kawltu Thangzovi (40) Upper Republic-a awm chu an man a, Parvon spas mum 432 an man bawk a, a neitu nia chhal Lalkungpuii, Bawngkawn leh a pasal Bachu tia hriat chu an tlan bo hman a ni.

Dawrpui MUP News

Tleirawl/Rawlthar te ngaihsak an ngai
Tleirawl/Rawlthar te hian tawnhriat an la neih tlem avangin an hmalam hun tur thui tak an thlir thiam ve lo. Chutiang anih laiin an tleirawl/ rawlthar hun an hman thiam leh thiam lohvin chhuan tam tak a nghawng thei a, chuvangin an kal thiamna tura ngaihsak leh kawng kawhhmuh hi nu leh pate mawhphurhna a ni. Davida anga Pathian hmaa thupha chawi chuk ngai lo tura kawng dik zawh tir a pawimawh. Kan tleirawl/rawlthar te sualin a beihna hmanraw langsar tak takte chu Sex leh zuk leh hmuam tih ruk duhna a ni fo. Kan fate hawi lam hi kan hriat a pawimawh, hrilh tul ni a kan hriat chu tlang taka hrilh zel tur a ni. An zawm lo anih chuan an thu a ni ve tawh mai a, an chunga kan mawhphurhna chu nu leh pate hian kan hlen ngei tur a ni. Tunlaiah vaihlo-a siam a hmuam chi Tiranga (Gutkha product) an ti nasa hle a, hengah te hian i veng tha ang u. A tlai hma hian kan fate zirtir ngun ila, a tlai hma hian tan i la ang u. Tiang lek a tul pawhin lek mai rawh, a tlai hnuah chuan i zilhhauna engahmah a ngai tawh lovang. Dawrpui MUP chuan a hnuaia mi ang hian Member hrang hrangte hnenah mawhphurhna pawimawh tak a siam a, tlawmngaia thawk theuh tura beisei an ni bawk. Tin, an thawk mek tawh tih MUP Member-te kan han inhriattir a ni e. A hnuaia mi ang hian Bial then a ni. 1. Dawrpui South leh West bial tute: Pi Lalhmingthangi Sailo leh Pu VLT Muana 2. Medical Quarter leh Thana Tlang bial turte: Pu CS. Vanhnuna, Pu R. Lianchhawna leh Pu H. Bualsanga 3. Jail Veng leh Upper Bazar bial turte: Pi Lalbiakdiki, Pu PC. Thandanga leh Pu R. Vansanga 4. Bara Bazar leh a chuan hnuai bial turte: Pu Lalhmingliana leh Pi Thangliani 5. Zion Street leh New Market bial turte: Pu V. Mankunga, Pu Zoramthanga, Pu Vanthuama leh Pu H. Thanmawia. Khawngaihin Member-te rualkhai taka kan thawhho zel theihna turin mahni bial theuhte i vil zel ang u. Sd/Zadingluaia Secretary, Dawrpui MUP

Lehkha kawngbo
State Bank of India atanga lehkha lo kal Zotanpuia, Dawrpui veng, Aizawl tih chu a neitu hriat a ni lova, a neitu dik tak chuan Dawrpui News Editor hnenah ngaihven theih a ni e. State Bank of India atang tho a lehkha lo kal Zothansanga, Dawrpui Aizawl tih chu a neitu hriat a nilo bawk. He lehkha-ah hian Cheque a tel bawk. A neitu chuan a chunga tarlan Editor hnenah hian ngaiven ran chi a ni ang.

LOCAL COUNCIL

THU THAR

Dawrpui Local Council member \henkhatte chuan June 23, 2011 (Ningani) khan 26th Assam Rifles hotu (Adjutand) an kawm a, thil chi hrang hrang an sawiho bakah Local Council Memberte hian Dawrpui |halaite hmakhua ngaiin, a \ul huna AR Ground an hman theih dan turte an sawiho a, an hotu lam chuan mamawh hunah dan anga dilna te siam a, lo \anpui a inpeih thute a sawi.

Fire Extinguisher
Dawrpui Local Council chuan veng mipuiten a tul apianga hman atan Kang thelhna hmanrua (Fire Extinguisher) panga an lei a, hei hi Dawrpui Local Council Chairman Pu Zosangzualan a kawl a, veng chhungah kangmei a chhuak palh thut emaw, mahni chenna In pawh kang palh thut thei a ni. Chutah chuan he thil hi a tangkai em em dawn a, veng mipui ten i hre theuh ang u.

Ngaihdan
Tiranga leh a kaihhnawih reng reng zawrh khap a nih hnu hian, dawr tam zawk chuan an zuar tawh lo a. Amaherawh chu dawr thenkhatah lehkha a funin an la zuar ru tho mai a, hei hi kan MHIP hruaitu te beng a thleng tawh em le? An ni hi Tiranga leh Gutkha kaihhniawih lama Zoram tana hma latu an nih avangin kan veng chhungah hian tan han la leh se kan va ti em aw. - Tiranga duh lo te.

Dawrpui

News

Kartin chhuak

Pathianni

June 26, 2011

KHAPNA THUCHHUAH
Dawrpui Khawtlang Hruaitu Joint Committee : 2011 chuan Dawrpui Vengchhung a lo Thianghlim leh Ralmuan zawk theih nan Sawrkar leh Khawtlang phalloh Zu leh Ruihhlo chi hrang hrangte Dawrpui Vengchhung ah zawrh, kawl leh lakluh a khap tlat a ni. Khawlai a Standing zu zuarte zu Stock, bihruk leh humhim nan a Dawr, Restaurant, Hotel, Office leh Chenna In te lo hmantir pawh khap tlat a ni. Damdawi dawkaiten an Drugs Licence in a huamloh leh phalbak piahlam kawl leh hralh khap a ni. Schedule H Drugs leh a huam loh chenin damdawi ruih nan a hman chi reng reng chu Doctor Prescription nei hnenah chauh prescribe ang zat chiah an hralh chhuak tur a ni. Zu leh Ruihhlo leh a kaihhnawih thil chi hrang hrang tih nan leh hman nan a Dawrpui Vengchhung rawn hman hi khap tlat a ni bawk. Tiranga leh Gutkha product reng reng pawh zawrh leh lakluh khap tlat ani. Heng a chunga khapna thuchhuah tarlan te hi zawm lo leh ti lui te man an nih chuan Dawrpui Khawtlang Hruaitu Joint Committee thuchhuak : 2011 hmangin na taka hrem an ni ang. Hremna pawh duan sa vek a ni. Phal loh chi hrang hrang te: 1. Zu (Liquor) : Hei hian Country Liquor (Local), Indian Made Foreign Liquor (IMFL : A Senchi) leh Imported Foreign Liquor te a huam ang. Standing zu zuar : Hei hian khawlaia zuar a thehdarh tute a huam bik ang. Dawr, Restaurant leh Hotel : Hei hian mi in luah chhawnga Dawr, Restaurant leh Hotel siam leh In neitu ngeiin a siam te a huam ang. Office leh Chenna In : Office tih hian Sawrkar leh Private Office te leh School te a huam ang a, Chenna In hian Neitu Chenna (Private Owned Resident) a huam ang. Heng hmun te hi zu zuar tlanchhia, bihruk leh humhim nan leh zu stock nan hman a ni fo thin a, Office Staff te emaw, In neitu thleng pawh a in hnamhnawihna chin a awm bawk thin. Man an nih chuan a tul dan azirin Department Head thleng a thlen theih a ni ang. Mimal chenna in pawh zu chungchanga hremna ang khat a hrem theih a ni ang. A tul dan a zirin hnawhchhuah thleng in Joint Committee-in a rel thei ang. 2. Ruihhlo : Hei hian Schedule H Drugs, damdawi dang ruih nan a hman chi zawng zawng, Ganja leh Dendrite te pawh a huam thei ang. 3. Zu leh Ruihhlo chi hrang hrang tih nan leh a kaihhnawih te hman nan Dawrpui Vengchhung rawn hmangte man an nih chuan an chungah hremna na tak lekkawh a ni ang. Police/ Excise leh Home ah hlan leh tan in a tan tir thleng a hrem theih a ni ang a, an sawibuai thei lovang.

HRISELNA

Hlauh loh hlauhawm

(Dichloro Diphenyl Trichloro Ethane)
- Dr. Thangchungnunga, MS (Ortho) DDT a ni a, taksa a thawh dan hi chi hrang hrang a ni a, kan sawi seng lo a ni, amah DDT hrim hrim hi engah pawh awm se, amah hrim hrim hi a ral thei lo ang tluk in a chhe thei lova. Tuifinriata rei tawk tak thla hnih chuang an chiah pawh in a dang lam chuang lo. Chuvangin sap ram leh khawvel hmun tam zawk ah chuan an siam tawhlohna a rei tawh a. Engmah hian an tawk ngamlo a ni ber, i in velah rul leh pangngang, fanghmir a lo kal thin a nih chuan in kual chhuak in DDT phulla an reh hmiah mai ang Thlai ei tur chi ah phei chuan pek reng loh tur a ni, a bula phul phei chu reilo te ah a rah leh ahnah ah a kal nghal vek a, thlai dam chhung kha chu a awm ta reng mai a ni. Hetiang ei mai chi mai chi, maian, Bean, Tomato etc a an chin (Tuh) laia an telh ngat phei chuan han chhumla Bean rah pawh nise DDT rim a nam pha hial a ni. 1964 khan kan Bean lei pawh DDT chhum ang chiah a ni. Tuna Thosi kah nana kan hman pawh hi ei leh in awmna lai leh thlai vel kan kah tir ngailo. Banga DDT an kah kha ro leh vat mahse a chak ngaiin a chak reng a ni. DDT hman tam lutuk vang leh a ruka thlai a lo phul te an awm reng avang hian a ni mahna pumpui Cancer te kan ngah em em na chhan pawh. Kum 1964 khan Mauchar ah DDT in Sangha an vua a aphur khat lawih in mipali in an hawn a a hringa ei tam ber kha kum hnih lek chhungin Pumpui Cancer in a thi a, a repro a ei pathum te chu kum li kum nga hnuah Pumpui Cancer vekin an thi a ni Chuvangin DDT hi a khawih pawh khawih suh , i ei palh ang e. Thil pawi tak chu veng thenkhat YMA Thuthlengah (DDT a hlauhawm lo ) tih inziak ka hmu fova, huan siam ho rilru a la kawi anga thlaiah an lo phul ang tih a hlauhawm a ni. Thosi tam vangin kan la hmanglo thei silova, a pawi in a thlakna awm silo hi a buaithlak lai ber chu a ni.

ACCOUNTANCY TUITION
Class XI & XII Accounting a harsatna nei te tan awlsam leh ril zawk a thiam dan kan lo zirtir ang che.
Class Timing : 6:00 -7: 00AM, 4:00-5:30PM Class tan hun : 4th July 2011 BBA, B.Com,BCA, MBA te pawh kan pui thei e. ADMISSION GUIDANCE B.Tech, BBA, BCA, MCA, MBA, MBBS, BDS, B.Pharm, Physiotherapy

LAWMAWM
Bazar Bungkawn YMA Building sira Vantlang Inthiarna tur chu Dawrpui Local Council te hmalakna-in a sak hna an tan dawn ta. Mipuite tana pawimawh em em Inthiarna tur kan veng Local Council ten an siam dawn ta hi an fakawm hle.

ZoCareer Solutions
A-77,Chanmari, Near Axis Bank 0389-2306789 / 9436193526 / 9612122678

Dawrpui

News

Kartin chhuak

Pathianni

June 26, 2011

INFIAMNA

SKA

Infiamna huangah tunlai hian football kan thlur bing deuh a, players-te insawn kual hunlai niin thu bengverh tam tak a awm vang a ni bawk. BOSMAN RULE : Bosman hi footballer ve tho niin Belgium 1st Div. RFC Lige-a khelin kum 1990 khan a contract a zova, French club Dunkerque ah luh a duha, mahse Dunkerque hian Belgian club RFC Lige hnenah an lungawina tawk transfer fee an pek duh loh vangin Lige hian an chhuah duh ta lova. Heng boruak avang hian Bosman chu first-team player ah chhawkin a hlawh pawh an ti hniam a. A thinrimin European Court of Justice (Luxembourg) ah a club chu a khing ta hmiah mai! FIFAs rules restraint of trade Article 17 hmangin December 15 1995 khan Fifa Article 39(1) behchhanin Bosman leh European footballers chu an contract a zawh phawt chuan free transfer-in an chhuak thei ta a ni. Players \ha leh future nei \ha chu kum 2/3 chauh an neih tawh chuan an khelhna club ten contract thar ziah pui hi an tum ber a ni. A chhan chu players in contract a hman zawha contract thar ziak lova a chhuah chuan free transfer niin a khelhna club in pawisa engmah chan an nei ngai loh vang ani. He mi chungchang/dan hi FIFA chuan Bosman Rule a ti. Marawhchu player in contract a neih laia a khelhna club hriatpui lova club dang nen an lo inbiak/indawr chuan hremna na tak a lek kawh \hin. Top Flight club player zinga he dan chhawr hmasa ber chu, Edgar Davids niin 1996 khan Ajax Amsterdam atangin AC Milan-ah. English zinga hmasa ber ve thung chu Steve McManaman niin Liverpool atanga Real Madrid a luh khan a ni. UEFA chuan dan thar duangin European Cup kan tih Ram (nation) ho in elna ah lawmman anti pung! Champion team tan $34 mktd. a ni a, tourney a vawi-1 chakah $1.4 mktd., draw game-ah $75,000 a la ni cheu? Qtr Final thleng hnenah $2.9 mktd. Semi lut tan $4.3 mktd. Tin, Yellow card hmu hnem ber chu UEFA competition-ah game 2 hrem tur a ni. Transfer Bazar Langsar zualte: Tunlai Bazar a ngaihven hlawh ber Alexi Sanches chu tunkar hian Barca-in 45 mktd. a la lut fel tura ngaih a ni. Aston Villa star A.Young chuan 15 mktd. in Man. United a zawm. Young hi United player lakluh 2-na niin Rovers atangin 16.5 mktd.in Phill Jones an la lut a, Athletico Keeper De Gea lak leh ngei an tum bawk. FC Chealsea chuan Coach thar an nei ta... Kum 1977 Oct 17-a piang Villass Boas chu Coach atan an la lut fel ta. Villas hian season hmasa khan FC Porto chu Trophy 4 lakpuiin, heng zingah hian Europa League a tel nghe nghe. Portuguese league-ah tlawm miah lovin a team te a champion pui a, 2-na aiin point 21 in an sang. (Villass chanchin hi issue dang ah kan la thai lang dawn nia).

PRESBYTERIAN
June 26, 2011 (Pathianni)

Sunday School
Bible Society Campaign

Chawhnu Inkhawm
|antu Thusawitu Thusawitu : Pi Zangaii, Bial - III : Pu VLT Muana, Bial - II

Zan Inkhawm
: T.Upa Lalthlanga

K.|.P.
June 26, 2011
A hmun Hruaitu

|awng\ai Inkhawm

: Fellowship Hall : Nl. Lalkhawngaihthangi Hmangaihna Gr. |antu : Tv. Enoch Vanlalvena, Chhandamna Gr. Thuchah tawi : Nl. R. Lalsangpuii, C/m Bible chhiar : Rom 12:1-2, Jakoba 4:5

June 27, 2011

Thawh\anni Zan

GROUP NITE (Khawngaihna & Hmangaihna Gr) FP Hlantu : Nl. Kimlianmawii Bible chhiar : Sam 133:1-3, Jakoba 3 : 17-18 (Damlo Pual thilpek bawm hun a ni ang)

SALVATION ARMY
June 26, 2011

Thianghlimna Inkhawm

: Pu David Lawmzuala Hruaitu Thusawitu : Pu Vanlalreia C.S

Chhandamna Inkhawm
(Division Songster and Quiz Competion Closing Function) Hruaitu : New Israela Thusawitu : Maj. Sangchhunga D.C

SAY
June 27, 2011
Hruaitu Thusawitu Thilpek hlantu Bible chhiar

Thawhtanni zan Inkhawm

: Lalawmzuala Music i/c : C. Lalthlamuana Leader : K.L. Khuma : Lalrinpuia

Mitthi vui hun hi CYMA chhiatni kaihhruaina in a sawi angin tlaivarpui ngai chu chhun dar 12:00 ah vui a ni anga, tlaivarpui ngai lo chu chawhnu dar 1:00 ah vui a ni ang. Chhungkaw lam atanga rokhawlhna dang a awm chuan, YMA hruaitute inrawn khawm tur a ni. Vuina programme erawh chu mitthi chhungte leh kohhran hruaitute buatsaih tur a ni ang.

Published by Y.M.A., Dawrpui Branch, Printed at G.S. Offset Printers, Treasury Square