Vol.

XIII :

Issue No. 44

30th October

2011

Pathianni

Phek 1 - na

LALPAN THIL ROPUI MIN TIHSAK E

Upa C.Hualchhunga, Centenary Organising Secretary Kohhran in tangrualin, in inpekna a ropui a, in hmalakna hrang hrangte kha ka han thlir vel thin a. Aizawl khawpuiah pawh hetiang bak hi ka la hmu ngai lo. Mizoram ah hian khawi hmunah mah a awm chuang lovang, Centenary hi ka rawn hmang ve lovang tih ka hlau ta ngawt mai ti a min han hrilh mawlh mawlh lai chuan, mal min sawmsaktu lam theihnghilh a, lo hawi champ ve palh a hlauhawm duh kher mai ! A dik tak chuan, Pathian lawm tlak kan ni ang em ? tih bakah chuan, khawpui lama kan unaute, mi chetdan mawi hnai zawng zawng lo hmu a, tuihnai tinreng lo hre pha chin mit mawlh mai kha kan tlung zo lovang tih a hlauhawm ber mai a.Chutih laia, an awka ngei maia khatiang a han ri chhuak thin kha zawng...ngawih bo pui mai uihawm ve tak chu a ni reng e. A mak ngawt mai !! Han thlir kir ta ila- October apiangin thingpui ruai tuihnai tawk tak kilho tur kan han Ni 18 zana, a bul kan han tan phat atang khan, inkhawm nei ziah maite kha a van tha em !A dik tak chuan a boruak kha a tha nghal em em mai a.. a mak a ni, kan nih chhuanawm pha vein ka hre tlat !! A tawp zana, kan Synod phung pangngai bakah sep kanin kan awm nghal tlat mai Zaipawl haw turin, pudding, am tak maia an han dawh nia!! In lo chhut ve em ? Zaipawlpui, member 300 rual nawn sap sap han hmuh phei kha chuan, a sawngbawltute zet mai ina mam tha tak maia hla ropui tak kan han rem chunga lawmthu sawi ngei hi a tul a ni. Han inchhut kir theih tak atang khan, beisei a sang tlat. A hma lama kan hlawm ta ila- Kan Centenary hlawhtlinna chhan ber kha zirnaah pawh khatiang a mam tha khan kan sak theih enge ni a kan hriat hlawm le ? Kei chuan, Kohhran mipuite hauh loh kha.Han ngaihtuah thui zel ta ila, Kohhran kan tanrualna leh kan inphalna bakah, mite tana kan luan Hmeichhe Zaipawl te pawh khatianga ropui leh tha khan chhuah vena kha kan Pathian hian mal min sawm niin ka an zai khat khawp ang,chutiang zelin Kohhran Zaipawl hre tlat nia!! Kan Kohhran atanga indangte daih veka a dangte pawh, Hranghlui Zaipawl thleng khan a nung tha man awm lova Calendar kan han sem te, Singirbil Biak em em vek mai anih kha. A ropui ngawt mai !! Han chhut In kan sak hnu a, a enkawltu kan han ruai nghal mai te, a kir leh thin ila, Inbuatsaihna hun pawh nei hlei theilo man awm lova Souvenir kan han sem thei te, mi harsate lekin Follow Up hunte in belh zel leh nghal a, tunkar tanpui nana Cheng 1,00,000/-(Nuaikhat) kan han dah a, chhungte hi chu Cetenary inbuatsaih nana tih ve kan Kohhran chhung mai pawh duh tawk lova, kan tawh awm alawm mawle, in ngaihtuah chiang lo deuh a ni ti a mi thahnemngai zualte an han an deuh hlak hlak Kohhran atanga indangte thlenga pawisa kan han sem tawh nak alaia Crusade chhunzawm tur han puan leh kep thei te, kum upate leh rualbanlote thilpek kan han pe ngat phei kha chu timawm duh ve tak a ni. Mahse,tihian te, kan kohhran chhung damlote kanna sum kan han sem han ngaihtuah kir leh ta ila, kan inbuatsaihnate kha a tam te, kan ruai kil ve tura khawpui chhung kohhran kan han tawk lo a ni mai thei e, mahse, kan programme te khan sawm tawp maite leh a hmuna rawn kil ve thei lo tur malsawmna a dawng tlat. A hmangtuten an kham lo mai Damdawi In, Jail leh Home hrang hrangte hnena ruai an ni lovin Kohhran mipuite pawhin kan kham lo vek zawk lo theh vena tur Rs 5000/- theuh ( a vai chuan Rs 30,000) a nih kha mawle. Ropui tak a nia! Mi zahawm tak pakhat kan han sem ve theite khan rilru avan tihlim tak em ! pawh hian kan Centenary dar vuak atang khan, a mi huat Kan Thalai rualten a mamawh apiangte hman atana thisen ber mai thin pakhat chu Lalpa hmingin a lo ngaidam thlap unit 106 zet an han pe chhuakte kha sawi lo phal chi a ni awm love.Tin,kan Missionary lo haw theite bakah kan mai a nih chu !! Lalpa thlarau zawk a lo che a ni e. Kan Kohhran hi chu a zei rual awmkhawmna Synod Choir thlenga an TA/DA kan han pe thei te kha chu kan ni lo, mahse, kan puan in hi chu a zim bik ngailo kan tanrualna rah liau liau a ni e.Awle, hetianga thil ropui a nia, ei inah ngat phei hi chuan mi kan huphurh hi ka hre tak min tihsaktu hi tu dang nge ni ang le ? Kan Pathian ngai tlat lo, hei hi kan malsawm dawn thinna pawh niin hnenah hian lawmthu i sawi mawlh mawlh ang u. Mite tana malsawmna ni thei tura mal min sawmtu ka hria tia ka lo sawi ve thinte kha ka tawng sualin ka hre ta bik lo. A zan tir ber atang khan, inkhawm ban Lalpa chu fakin awm mawlh rawh se.

Kohhran Aw

Pathianni chhuak

: 30th October

2011

Phek -2- na

2011- KOHHRAN AW SEMTUTE: B-1: Lalengkima, Lalfakawma, Lalkhawngaiha B-2: Vanlalnghaka, Zahmingliana B-3: Zosangliana,Vanlalruata, Lalbiakthanga B-4: Zochhuanmawia, Lalrinawma B-5: Noel Lalremsiami, Lalnunpuia B-6: Lalawmpuia, Lalmuanawma B-7: Zohmingthanga Tlau, Lalsangliana B-8: Lalmalsawma, Lalrindika, MS Dawngliana, Lalremruata, Zohmingkima B-9: Lalhriatpuii,Lalnunziri, Lalruatfeli B-10: Lalbiakngheta, Malsawmtluanga B-11: Saithangpuia, Remruatsanga B-12:Lalnunthara, Lalfelkima, New Saron : Lalrinchhana, Lalramhmachhuana, Lalnunzira

Christian News
Gospel for Asia chuan India rama hnam hnuaihnung (Dalit) ho tana tawngtai beihpuithlak leh a theih ang anga tanpuina tur huaihawt a tum a. Thawkkhat laia Film lar tak Slumdog Millionaire tih khan mi rilru a hneh hle a. Gospel for Asia beng pawh a lo thleng ta a ni. Heng hnam hnuaihnung ho hi India ram pumah mi Maktaduai 300 vel an awm niin an hria a, Hinduho hnam ah chuan khawih thianglo an ni a. Kum 2001 khan khawih thianglo an nihna hi hlihsak an ni naa Hindu sakhua ah chuan an la en hrang em em tho niin Gospel for Asia hotu pakhat chuan a sawi. Dalit ho hi hna zawn chungchangah te leh zirna lamah te an hnawl nasat avangin an tan dinchhuah a har em em a, retheihna bak hmabak an neilo tlangpui. Gospel for Asia chuan khawvel puma Kristian te chu heng hnam hnuaihnung te tana tawngtai tura hming pe turin a sawm a, thla 12 chhung tal an tan mi maktaduai chuang an tawngtai reng dawn niin an sawi.He tawngtaina hian ringtu tamtak siam belhin mi rethei tamtak a khaichhuah theih an ring a ni. Christian Solidarity Worldwide (CSW) sawi danin Iran rama Pastor pakhat Youcef Nadarkhani , kum 2009 a man tawh chu taninah tihduhdahna nasa tak a tawk a, Mosolman-a inlehtir tumin tan an la mek a, amah vengtu te leh tanina thuneitu te chuan Mosolman lekhabu te chhuar luihtirin an hreng mek niin an sawi. He Pastor hi Mosolman-te Kristiana inleh luihtir tumah puh a ni a. Tualchhung Court chuan thiamloh a chantir a, Court sang zawkah tunah hian ngaihtuah that leh mek niin an sawi bawk. Ani chauh lo pawh hi Iran rama Kristian tamtak hetianga tanina tihduhdahna tawk mek an awm nual thu CSW hian a sawi bawk a ni.Iran ramah hian Kristian te an chep hle a, thubuai phuahchawp hmangin kristian tamtak lungin ah an khung thin niin an sawi. Kum 2009-a Karnataka-a puithiam Fr James Mukhalel thihna chungchangah High Court chuan CBI chu chhui chiang turin a hrilh. He puithiam thih danah hian a chhung te chuan mahni intihlum ah an ring theilo a Court ah hian an zualko a, hei vang hian Court hian chhui tha leh turin thupek a chhuah ta a ni. A thih hlimchhawna Post Mortem result ah khan a thih dan an sawin chiang theilo a, a hnuhnung zawkah khan hliam a tuar tih an hmuchhuak leh thung a ni. Audio Bible chu khawvel puma tawng tlanglawn zawng zawng deuhthaw a tihchhuah a ni ta tih a buaipuitu ten an sawi. Tawng chi hrang hrang 542 in an tichhuak a, he Bible- benga ngaihthlak chi hi tunlai phone chhuakthar ah hian a thun theih a, khawilo kalnaah pawh Pathian thu a awlsam takin ngaihthlak theih tawh dawn a ni. Tunlaia Thailand tuilianah mi 363-in nunna an chan tawh thu World Vision chuan a sawi a. He tuilian hian a bik takin naupang a nghawng nasa hle niin an sawi a, naupang 600,000 velin harsatna nasa tak an tawh phah niin an sawi a . He tuilian tuarte tanpui tur hian Kristian pawl thenkhat te chuan chet an la tan a. Christian Development Agency chuan natna inkaichhawn theih chi a len mai an hlauh thu an sawi.

Editorial : Ruaitheh

Kohhran huangchhungah kher lo pawh ruai hi kan theh fo thin a. Kan eiin a thianghlima, a that leh that loh chu kan sum neih dan a zir pawh a ni mai thei. Mahse, kan sum neih leh neih lohin kawngro a sut miah loh changkannaa innghat thil hi a tam hle mai. Hmanni khan Centenary ruai ropui takin kan theh mup mup a. Khuain min bumro deuh vang pawh a ni mahna, tin, kan ruai thehna hmun hmain min dawl zo lo deuh pawh a ni mahna, a ei hnuhnung lam tan chuan kan eina bawr vel chu tawp tak a ni. Thalai pawl leh Sanitation Dept. tan han senghawi zung zung a theih lohva, kan ei bangnawi, saruh eng ilo te kha mahni thlengah theuh han rut fai leh thin ila tlem chuan a felfai deuh mahna. Kan hma lawkah khian Krismas leh Kumthar ruaipui kan theh leh dawn a, hetah hian kum 100 zet Kohhran lo ding tawh kan nihna hi Thlarau lamah te, missionary kan tirhchhuah dan leh kan inkaihhruai dana kan tihlan mai bakah tesepa kan ngaih ruaitheh ilo vel thleng pawhin tilang thin ila a tha khawp mai.Tlang ruai a nih thin avang hian changkang leh chawhmeh hrang hrang han tih hi a buaithlakin kan sumin a daih lo pawh a ni maithei, mahse thianghlim taka ruaitheh tum erawh sum ngai lem lo leh mipui tanrualna a inghat a ni bawk a thlai rual leh fatu te hahdamna a lo ni bawk nen, thianghlimna a hmasawn tum ranin ruai theh i tum teh ang u.

Kohhran Aw

Pathianni chhuak

: Dt. 30th October

2011

Phek -3-na

Synod News
October 28 - 30 chhung hian Masihi Sangati Convention, vawi 27-na neih a ni a, Chanmari Pastor Bialin Chanmari West Presbyterian Kohhran Biak Inah an thleng a. Kumin Convention-ah hian Speaker atan Rev. Vanlalbela hmangin , thupuiah I thih hnuah khawnge i kal dawn (Hebrai 9:27) an hmang. October 29 & 30 (Inrinni & Pathianni) zing karah Bible Study neih a ni a, Rev. Adam Kerketta-in Masihi Jeewan ka Adhar (Exidus 20:1-17) a zirpui ang. Masihi Sangati Convention hi kum khat danah neih thin a ni a, kum 2009 khan Bungkawn Pastor Bialin Bungkawn Kohhranah convention hi an thleng a, kum 2007 khan an kum 25-na champha (Silver Jubilee) Zarkawt Biak Inah an lo lawm tawh bawk. Kum hmasa lamah chuan Non-Mizo Convention tih thin a ni a, kum 2009 atang khan Masihi Sangati Convention tiha thlak a ni ta a ni. October 24 khan Patna Mission Field-a Arra khuaah Pastor Lalhminghluan ringthar, puitling hlir mi 6 baptisma a chantir. Tripura Mission Field huam chhungah tun hnai thla khat chhungin ringthar 52 neih belh a ni a, kumin (2011) chhung hian ringthar 1292 an awm tawh a ni. Pathian hnenah lawmthu sawiin Patna leh Tripura Mission Field thawktute hmalak zelna turah leh ringtharte tawngtainaah hre reng turin Kohhran mipuite an ngen nghal bawk. October 27 khan Champhai Vengthlang Presbyterian English Schoolin kum 15 an tlin champha an lawm a, hetah hian Rev. Mangchhuana Sailo, Suopervisor, PES lo kal a. Rev. Mangchhuana Sailo hian October 28 khan Hnahlan-a Presbyterian English School a tlawh nghal bawk a ni. Nimin (Oct. 26) khan Pi Zaii Hall, Synod Conference Centre-ah Presbyterian Kohhrana Pastor leh Pro. Pastor nupui Intawhkhawm, vawi 38-na neih a ni a, pastor nupui mi 90 lai an tel thei a ni. Speaker atan Rev. C. Chanchinmawia, Bawngkawn an hmang a, thupuiah Chaklohnaa Pathian thiltihtheihna (I Kor. 12:9) tih an hmang. Programme hi chawhma leh chawhnu hun siam a ni a, chawhma hun hi dar 10:00 a.m. - ah tanin Pi Lalhmangaihi w/o Rev. C. Lalsangliana (Synod Moderator) in programme a kaihruai a, Pi Lalthianghlimi w/o Rev. B. Vanlalduha, Lungmual-in tanna hun a hmang. Pi Lalrinpuii w/o Rev. Zosangliana Colney, Mission Veng-in Report leh Inhmelhriattirna hun a hmang a, speaker Rev. C. Chanchinmawia hnen atangin Pathian thuchah ngaihthlak a ni. Chawhnu dar 1:00 atangin session hnihna neih leh a ni a, Pi R. Thanmawii w/o Rev. Lalzuithanga, Mission Veng-in programme a kaihruai a, Pi Lalthanzami w/o Rev. Vanlalzuata, Mission Vengin Extempore Speech hlimawm tak a kaihruai bawk. Pi Lalrinzuali w/o Rev. Lalchungnunga, ATC hnen atangin zai ngaihthlak a ni a, Mission Compound, Mission Veng ten Lemchan tawi hmuhnawm tak an entir a, tlaiah chawhlui an kilho nghal bawk. Presbyterian Kohhran Pastor Nupuite hian kum tin intawhkhawmna hun an hmang thin a, mithiamte ruaiin thuchah ngaihthlak bakah thupui thlan bik paper te an zirho thin a, an pasalte rawngbawlna an tawiawm theih dan tur leh Kohhran tana Nu nih tling an nih theihna tura theih tawpa hma la tura infuihna hun te hman a ni bawk thin.

Damlo Tawngtaipui Ngaite

Pi Saithuami, Pu Lalzarmawia, Pi Sangkhawli, Pu Tlangchuana leh Pu F. Lalkunga te i tawngtaipui zel ang u.

Pangpar Khawi Turte

Vawiina pangpar khawi tute : (1) Nl. Lalthanpuii (2) Nl. Helen Laltlankimi

Vawiin NPSS Zirlai

Beginners Khawvel Sunday School Ni Inbuatsaihna Primary Khawvel Sunday School Ni Inbuatsaihna Junior Khawvel Sunday School Ni Inbuatsaihna Inter Khawvel Sunday School Ni Inbuatsaihna Sakramen Khawvel Sunday School Ni Inbuatsaihna Senior Khawvel Sunday School Ni Inbuatsaihna

Pavalai Hriattirna
Naktuk zan dar 6:30 hian an member boral ta, Pu C. Vanlalsiama inah Pavalai member-te len tur a ni a. Pavalai member zawng zawng ten ngai pawimawh tura ngen in ni e.

Member Senior-te
Kan Kohhrana kum 80 chin chunglam kan neih dan chu hetiang hi a ni :Mipa - 12, Hmeichhia - 19. An vaiin mi 31 an ni a. Kohhran tan heng mite hi an hlu hle a ni.

Kohhran Committee
Dt 28.10.2011 (Zirtawp) zan khan Kohhran Committee chuan Thlatawp Committee Vestry-ah an nei.

Generator Endik
Kan Kohhran Generator chu Dt 26.10.2011( Nilaini ) khan Aizawl atangin a siamtu Kirloskar Company Engineer ten an rawn endik a. Engine Oil put theiha avangin a Oil a lo kang tep a. Hei hi siam tha nghalin ` 3003 man Engine Oil (13 lt ) thun nghal a ni. Engineer te chuan thlaruk hnua rawn endik leh an tum thu an sawi bawk.

Kohhran Aw

Darthlalang : Rawngbawlhona

Pathianni chhuak :

Dt. 30th October 2011

Phek -4-na

Nilai zan zirlai kan zir thin atanga ngaihtuahna lo lut pakhat chu Pathianin min hrilh bak mihring ngaihtuahnain Pathian thu behchhana ngaihdan kan siam thin a pawi theih thu a ni. Hmanlai atang rengin Juda ho hian huat an kai hle mai a. Sumdawnna lama an tih htheih em avangte, Pathian hnam thlan nih inchuhna avangte, Isua Krista khengbettu an nih avangtein mi huat an kai a, ram tam tak leh hnam tam takin an hua a, an ram atangin an hnawtchhuak thin a, nuaichimih tum pawh an awm nual tawh thin. France Lal ropui Napolean-a kha Catholic Kohhran mi ni mahse a ram awp tam tak kha Protestant lalna ram a ni a, Catholic leh Protestant inep viau thin mahse a ni chuan engkimah zalenna a siam thin. Chutiang bawkin ram tam takin Juda an hnawhchhuah laiin a ni chuan Juda hnawtchhuak tura thurawn reng reng ka ngaithla lovang a ti a. Tin, Hnawhchhuah ai chuan chimral tum hi France tan thahrui a siam zawk a ti a. Hei vang hian Russian Orthodox Kohhran hotu Patriarch an tih chuan Napolean-a hi Krista Dodaltu leh Pathian Hmelma (Anti-Christ & Enemy of God) tiin a puang ta hial a ni. Kohhrana rawngbawlhona ah hian tamtakin mahni ngaihpawimawh zawng hi Thlarau Thianghlim hriatpui ni bik riauva hriatna a awm thin.Tam tak ngaihpawimawh zawng, kan tui ve lohte chu a penhleh leh van kai lo thil riauah kan ngai a, Thlarau Thianghlim hnathawh pawh va ni suh kan ti ve hmiah mai thin a. Thenkhat phei chuan kan thiante rawngbawlna pawh Thlarau Thianghlim tivui thei hialah kan rinthu thin a nih hi. Thlarau Thianghlim tivuitu nih kan hlauh viauna hmun hi rawngbawlna huangchhungah chauh a ni duh phian a, kan khawlai nunah pawh a tivuitu nih hi a hlauhawm tho a ni. Tin, Thlarau Thianghlim hi chuti taka vui hma pawh a ni kher lovang ; kan thatna tur leh Pathian kan hnaih theih nan kan hriat loh lai pawhin rum sawi hleih theih loh khawpa nasain min tawngtaisak thintu zawk a ni. Engkim hi a tha vek e tih ngawt thin erawh a fel lo maithei, mahse, rawngbawlnaa kherkhiap viaua, mite phak tawka lungawi thei lo nih hi a tha lo hle. Mi pawhin an ti tia mahni lansarhna tur melh rana thil an tih pawhin, thil tha lo titute avangin inti lungngai lo turin Pathianin min hrilh a, mite thiltihah kan rilru lo hah phah suhse, Pathianin a tawkin ro a rel dawn a, chu chu nghak zawk ila. Mahni rilru puakchhuaka Pathian thu nena hmehbela mite chanchina kan lo buai viau thin hi kan tih tur a ni lo, mahni taksa thu pawh relfel thei lo hian mite thlarau dinhmun kan hrilhfiah thei lo, kan tihtheih chu an tana tawngtai mai hi a ni.

October Chairman : Upa BS Kailiana VAWIIN BIAK INPUI

Chawhma : Sunday School Inkhawm Tantu : Pi Darthuami Zirlai : 41-na Thupui : Chhandamna nghet Chawhnu : Pathian Biak Inkhawm Tantu : Pi Zaveli Thuhriltu : Upa Dr Thangsailova Colney Zan : Pathian Biak Inkhawm Thuhriltu : Upa JC Rohnuna KTP TAWNGTAI INKHAWM Hruaitu : Tv. H.S. Lalruatkima Tantu : Nl. P.C.Lalchhanzuali,Lk.Gr. Thuzirho : Political education Sawitu : T/Upa C. Lallianzauva, Ldr Dt.31. 10. 2011 : THAWHTAN ZAN (KTP Inkhawm) Hruaitu : Pu Lalnunsanga Fanai Tantu : Nl. Zorampari, Mk Gr Thusawitu : Pu Vanlalthuama Zadeng Dt 01. 11. 2011 : THAWHLEH ZAN (Kohhran Hmeichhe Inkhawm) Hruaitu : Pi Kawlkhumi Tantu : Pi Lalpartlani Thusawitu : Pi Zosiami Thilpek : Pi Vanlalringi lakhawmtu Pi C. Thanthuami Dt. 02. 11. 2011 : NILAI ZAN Tantu : Pi Chuangliani Thupui : Har-Magedon Indona Thupui hawngtu : Pu J. Lalthianghlima Dt. 03. 11. 2011 : NINGANI ZAN (Pavalai Inkhawm) Hruaitu : Pu F. Hranghluna Tantu : Pu Hlunkhawsawia Thuhriltu : Upa Vanlalhranga Dt. 05. 11. 2011 : INRINNI ZAN Tantu Thusawitu : Pi Vanlalhruaii : Pu JC Chawngvawra

TAWNGTAI INKHAWM HRUAITU

TAHRIK ZING :Dar 5:45 AM TLAI: Dar 4:00 PM 31.10.11(Thawhtanni) : Pu HS Lalchhuanmawia Pu Rohlira Colney 01.11.11(Thawhlehni) : Pu Vanlalthafamkima Pi C. Lalremthangi 02.11.11(Nilaini) : Pi R. Lalengzauvi Pi Vanlalringi 03.11.11(Ningani) : Upa H. Nghakliana Pi Lalnunnemi 04.11.11(Zirtawpni) : Pu J. Lalthianghlima Pi H. Lalzawmliani 05.11.11(Inrinni) : Pi TC Lalbiaknguri Ram tana tawngtai 06.11.11(Pathianni) : Pu C. Zothanliana Pi Zoramliani

Editor : T/Upa Lalhuapzauva, Jt.Editor : C.Lalthanpuia, News Editor : VL Zauva Chhangte, Robert Lalmuanpuia Manager : JC.Laldinsanga Cir. Manager : Lalrinawma, Published by Vengthlang Kohhran & Printed at C.K.Offset, Vengthlang. Biak In Ph.:: 235380