Professional Documents
Culture Documents
Kohhran Aw 01
Kohhran Aw 01
thenkhat-
in tawlailirte
an ring a,
thenkhatin
sakawrte an
ring a. Keini
erawh chuan
Lalpa kan
Pathian
hming kan
lam zawk a
ni....
Sermon
I AWM DAN TUR CHU LALPA CHUNGAH
I awm dan tur chu Lalpa chungah Innghat la, Amah chu ring la, Aman a ti vek
ang ( Sam 37:5)
H
e Bible chang hi lar tak, kan hriat tlan sa vek a ni. Kan hriat lar em avangin
he chang hian mi hruai a tumna leh zirtir a tumna lam pawh kan ngaihtuah
fo tawhin a rinawm. Kum 2012 ni hmasaber kan lo chuangkai tan leh ta a. Ni
hmasaber atanga kan awm dan tur kan rel fel a ngai a, chutianga kan rel fe
theihna turin he Bible chang hi a pawimawh hle a ni. Engtin nge, eng angin nge
he kum thar hi kan hman dawn? Tum dan chu kan nei theuhin a rinawm a, kan
tum dan ang takin kan awm thei dawn em tih erawh chu tuman kan sawi thei
lo. Chuvang chuan, kum thara kan awm dan tur chu Lalpaah kan nghah thiam
a pawimawh dawn ta a ni.
Lalpaa innghat thiam apiang an nihlawh mai dawn a, mihringte hian
innghahna kan nei thin a, kan dinhmun leh kan nihnate inang chiah lo mahse,
kan inngahnate chu a inang tlangpui awm e. Tumah rinchhan nei lova awm an
awm lova, Kan hria emaw, hre lo emaw, kan nun hian nghenchhan nghet tak a
nei vek a ni. Kan innghah thinna thil thenkhat lo tarlang ila- Kan Nu leh Pate,
kan Pasal/ Nupui te, kan unau te, Kan pi leh pute, kan thiante, kan thenawm
khawvengte, kan zirtirtute, kan in leh lo te, kan sum leh pai te, kan nitin eizawnna
te, kan hnam leh sawrkar te, kan thiamna, kan finna leh changkanna te hi a ni.
Heng kan tarlan te bakah hian innghahna dang tamtak sawi tur ala awm
ngeiin a rinawm. Heng kan innghahna te hian kan nun a ti thlamuangin, a ti
hahdam hle thin. Mahse, hengte hi kan innghahna turin a tha tawk lo tih Bible-
in min hrilh hnem hle.
i) Lalpa Pathian tel lo chuan thil engmah hi a hlun lova, a rintlak tak tak loh
a ni. Lalpan in a sak loh chuan, A satute chuan an thawkrim thlawn mai a
ni. Lalpan khawpui a ven loh chuan, A vengtu chu a meng thlawn mai a ni.
ii) Khawvel lalna leh thuneihnate chu mihringte ta a nih lohzia leh innghahna
tak tak atan an tlin tawk lohzia Nebukanezzara nunah khan tihlan a ni.
Chungnungbera chuan mihringte lalna ram chhungah thu a nei a, a duhsak
apiang a pe a, mi hnuaihnung berte pawh a luahtir thin a ni.
iii) Khawvel hausaknate pawh nun innghahna atan chuan a tawk lohzia Isua
tehkhin thuah pawh kan hmu.
Tuna kan tarlante bakah pawh hian Pathian thua innghah a pawimawih
zia tam tak a awm a, chuvangin kan nun kaihruaitu atan leh kan nunin
nghenchhana a hman tur khawvelah thil engmah kan nei silova, Lalpa chungah
innghat tawp mai ang u. I awmdan tur chu Lalpa chungah nghat la, Amah chu
ring la, Aman a ti vek ang.