Professional Documents
Culture Documents
April Ni 15, 2012
April Ni 15, 2012
2012
MUP HRIATTIRNA
Chawhnu inkhawm banah kan member boralte ralna neih tur a ni a.Kim tak a kal turin kan in ngen e. Ahnuai ami ang hian kal dan tur ruahman ani a, mahni awmna lamah kal nise. Pu H.Lalnunmawia In 1) Hmar Veng 2)Mualvengchung. 3)Mualvengthlang leh Vety Mual. 4)Biak In Mual. Pi Thangngheli In Venglai ah :1)Venglai. 2)Field Mual. 3)Venghlun chhak leh thlang.
MC & DC NEWS
Kum 2012 chhunga MC & DC member tur kan zawn te Dt 15.4.2012 aia tlai lovah theh luh tur a nih avangin member zawngtu ten theh luh kim a hun tawh a, Secretary hnenah thehluh tur a ni e. KUM 2012 MC & DC HRUAITU TUR TE President : Pu Lalhmangaihzuala Vuite Vice President:-R.Liandawla Secretary:-Vanlaldika Asst Secretary:-Ramnienga Treasurer:- Nl Lalrinawmi Fin Secretary:-Krosnunhlui i/c Secretary :i/c Secretary Dance : Tv F.Vanlalfela Tv H.Lalnuntluanga Nl Malsawmtluangi i/c Secretary Property : Nl Lalrinkimi Tv Lallawmawma i/c Secretary Information & Publicity Tv Lalrinmawia Tv Andrew Lalrindika Adviser :Pu Rosiama Ralte Pu Zahmuaka Hauzel Pu JH Lianzuia Pu Ngurthanmawia (Vice President Br YMA) Patron :Pu H.Vanlalruata (Chairman Local Council) Committee member 8 an ruat bawk a ni.
Keimahni
Republican man hi kum khat atan Rs.100/- a ni a. Remchang hmasaberah Section tin Agent ten an rawn khawn ang. Chuvang chuan chhungtinte lo inring tan turin kan in ngen e.
Dt. 15.04.2012
E DITORIAL B OARD
News Editors
YMA RUN hmang turte tan Br. YMA I/c Secy., Property - 9862369320 / 9436362024
RINAWMNA. Kan ram hian kawng tamtakah hmasawnna a nei a tih theih awm e, Aizawl khawpui bik hi chu kan ram khawpui ber a nih angin khawpui dang ngaihtuah phei chuan a changkangin mipui mimir te pawh kan changkang deuh tura ngaih a ni. Hetih mek lai hian a nawlpui ang pawhin rinawmna hi kan tlachham hle niin a lang. Vantlang thil mahni ta a nihloh vanga tihchhiat mai duh te kan la awm, Sawrkar leh Company thil thenkhat phei chu ru duh mai tawk te pawh kan la awm niin a lang. Dan in a phallo tih kan hriat reng pawh mi hmuh loh lai anih chuan bawhchhiat mai kan hrehlo thin. Kan nitin hnathawhna hmunah te hian hlawk duh luat vangin rinawmna kan tlachham em tih inenfiah fo a tha hle. Rinawmna vawng nung turin mitinin tan i la thar leh theuh ang u.
TRUCK HIRE THEIH Ashok Leyland-1212 Truck (Ecomet) MZ01-H1653, bungraw phurh nana dawng hlawk tak leh tangkai tak, hmang duh tan hire tur ka nei e. (5-2) Contact : 9862383398 Mala, Sec-III (Venglai)
DISCOUNT! DISCOUNT!
Mizoram a home appliance zuar hmasa ber leh hlun ber chu TV, LCD, LED, Fridge leh Washing Machine company hrang hrangah discount a pe mek. After sales services rintlak tak kan pe thei bwk. MANA INTERNATIONAL - 2322486 DAWRPUI - 2345776 ZARKAWT (Near Cell City) - 2306883 (3-3)
BADMINTON NEWS
Ni
Dt. 15.04.2012
(Article chhunzawmna....)
NAUTE THAR
* Lalawmpuia leh Lalrengpuii (Sec - V) te nupa chuan 12th April 2012 khan fanu thar duhawm tak Malsawmtluangi Pautu chu Civil Hospital ah an nei a Republican Editorial Board ten kan lawmpui hle. * Pu Zorammuana Sec VI Executive member te chuan Dt 9.4.12 (Monday) khan fanu thar duhawm tak Lalruathlui Tlau chu Durtlang Hospital ah an nei.
PEM THAR
Pu B.Laldingliana te chhung chu Dt 2.4.2012 khan Salem Veng atangin kan vengah an rawn pem a, Pu Zahmingliana Sec - VI te in hnuai an rawn luah.
LAWMTHU SAWINA
Samsung Plaza Inter Veng Basketball Tournament Under 14,18 & 21 chu Zarkawt Recreation Centre ah khelh mek a ni a.Kan veng hmingin Under 18 & 21 team chhuakte chuan vawi hnih ve ve khel tawh in kan la chak tluang zel a,vengchhung mipuite tawiawmna leh tawngtaipuina avang hian chakna/hnehna kan chang thin niin kan hria a,lawmthu kan sawiin inmi tawiawmnate ,intawngtai puinate kan ngen nawn leh bawk a ni. Tin,Pu R.Vanlalsawma Section I a mi chuan team tan Rs 500/- min pe a kan lawm hle. Veng ti hming tha turin theihtawp chhuahin kan bei sauh sauh ang.Republic Veng vul zel rawh se. In khawngaihna dawngtu C.Zirliana, Team Manager
Chutiang khawpa rilru luahkhattu chu tu nge i ti ani mai thei, a mak ngawt a sin, a hmel hmang leh pian ziate chu mawi lemlo tak changkha hmel ang maia sawrbawl leh zum fir fer mah nise ka tan chuan leitlang dingdi leh rose parmawi tak ang mai a hmuh nuam leh hlu ani bawk si.Khawvel mawina leh hring nun duhawmna te siamtu ropui zia hre ve thei tura minlo duanna hmun leh min dahna hmun alo ni leh zel te hian a hlutna a ti zual em em ani..Chutiang khawpa ka tana hlu chu nimahse sawi thui ngai loin a chhung lam nun ka han thlir a; bumna thang inkam fer fur mai te chu ka hmu a, engtikah nge tih per an tum?? Heng thangte hi tu kam nge ni ang?? Ngaihtuahna a tithui em em mai a. Tin ,mahni nihna hai thak khawpa mi pamham te, mahni tih ngei pawh midang tiha puh thlu thei hmui dawthei leh bum hmang, sihal ang maia fing vervek chinghnia ang maia koham, bak ang maia dawi zepte chuan an chenchilh reng bawk si. Thian chhan thih aia thiante luman lo tel tum, mahni sa hmim tih puar nan chuan dawt sawi hreh miahlo leh mahni dai chin piah lam hret sawi belh ching an tam em em mai bawk nen. Lalna leh thuneihna chan chiah duha, thuneihna chan hma zawnga hmangaih awm takin lang thin. An hmangaih zia pawh mut mawh hnar mawha nei niawma insawi thin, Lalna chan changa an thlirna tarmit a fiah leh si loh avanga,chung mite ei chhiata awm mek bawk nen.Hetiang miten derna anka an hlan reng lai hian kei hian ka mutthilh san zel thei dawn emni tiin ka inzawt a. A in chhung ngeiah chuan mahni nihna lungawi pui tum lo,chhung khat nu leh chhung khat pa anihna pawmpui theilo, chi bing leh peng bil anga lo inbawk hran tum, tawng hrang leh hnam chin hrang neia lo inkalhhnan khip khepte an lo piang ve zel bawk a. Khual chimawm leh khual huang tau chhungpui fa ang mai a,Lal hrawt tum thuneitu ten khuahkhirh tak a ruanga an thlavang an huahsak, rorelna fawng vawn dan ringawt ngaihtuaha hman hlel tam tak an awm bawk si a.Chutah chhung pui fa ten hnathawh tur hre lova hmun rem chang leh mi dawr kawt vela lo nui thler duai duai . hna thawk tha peihlo awm awl inti thei tawk lah bo lo.. Mi hnam zia thalo lai la a, an thatna lai leh an taimakna lai hmuh thelh leh si. Kan hna thawh tur duh loh tha tha vai ngalria leh chhaklam fa ten an thawh mek lai hian inzir harh tur leh inenfiah turin khua kan hawi zau a hun ta hle mai. Hmangaih tur dik leh hmangaih tur tak hi kan hmangiah a hunta hlein a lang. He hring nun zin kawngah hian rilru hahna leh lungngaihna sawi chhuak thiam ve chu nise, nitin zantin hian sawi tur ava`n ngah dawn em!!.Mahse siam tu`n a duan dan leh a siam danah hian lungawi takin hun chu a hmang ve zel chu ani si a.Hetiang khawpa chhan ngai leh siamthat ngai anih lai hian phatsan thei leh hawisan thei dinhmunah dingin ka inhre si lo.Ka tih theih chu tlem hle mahse a sakruang humhalh kawngah leh a chhungril nun siam that kawngahte theih tawp chhuah turin "In then tawh lawng aw ,"tiin he Zoram hi biahthu ka hlan a. Ka theih tawk chu tlem hle mahse tui mal far tete infin khawmin lui pui a siam ang hian ka tih ve theih tawk tlemte hmang hian bul tan ka tum ta a ni.
ADVERTISEMENT
Pic: Kan veng field a LPK Tripper tang
Kan veng field hi khawtlang hruaitute hmalakna in lirthei luh theih loh turin a luhka dan a ni. Hei hi i ngai pawimawh theuh ang u
Wanted Office Assistant in Presbyterian English School,Republic Veng Min. qulification : HSSLC with CCA, Full member of PCI Pay Rs 5500 - Rs 9500 Last date : Dt 22nd April 2012 Computer test : Dt 24th April 2012 at 9:30 am Personal Interview : Dt 28th April 2012 at 10:00 am Ph - 2313942 (O), Sd/0389-2350147 (R) (KHALHLIANA RALTE) 9436360523(M) Secretary School Managing Board Committee
Dt. 15.04.2012