ZO PHUALVA
Vo l u m e 0 7 , I s s u e 0 8 Thupuak
Thahatna hi lo, vangliatna zong hi loin keima Kha hang ahi hi. Zech 4:6
Upna Hangin Thumaanna leh Gupkhiatna Sungah Lungnopna (Khen 2na)
Apiangsa Eite ie Taangthupi e koi bang
hiam?
Minneapolis ah 1888 kum in GC taangpi khawmpi ih neih pen
Seventh-day Adventistte ading aki bawl khawmpi hi a, Minneap-
olis, Minnesota cihna mun ah ahi hi. Tua in Seventh-day Advent-
ist Pawlpi adingin apiang thupi khat ahi ih mualsuang hong suak
hi. Tua lai in aki helpi teng in Alonzo T. Jones, Ellet J. Waggon-
er, leh Ellen G. White, amaute langah G. I. Butler, Uriah Smith,
leh adang te tawh khuam phut khawm uh hi. Tua khawmpi hun
sungah a thupi mahmah Pasian thu buainate ah, upna hangin
thumaanna cih leh thukham leh hehpihna kikaal kizopna cih te ie
khiatnate nasia takin kikum uh hi.
Ih pawlpi ie taangthupi amanpha mahmah hun ah anop-
mawh uh ahi upna hangin thumaanna cih thulu tun en kik
pak ni.
Kum 1888 ma in, E. J. Waggoner leh A. T. Jones te in upna
hangin thumaanna pawlpi ie telna hongto uh hi. Anunung pen ah
alamdang lo takin thu kikupna sungah Mrs White zong hong ki-
hel thei hi.
Ellen White in Adventistte ie zia leh tong hoihna tung leh
Pasian thukham zuihna tungah kingaknopna hangsan takin
maitang kisi-in hong gen khia hi. Eite in eima thumaanna nusiat
ding kisam hi, aci hi. Amah in 1882 kum camp meeting ading
kiging khol aa, a at thulu khat in, Khris ie thumaanna in eite
ading hi ci in gencianna hong nei hi. Khris tungah eite hihna
khempeuh kingakna in eite thahatna ahi hi. Ei hihna ih sih sak kul
hi. Ih neih khempeuh pen abei theilo Pasian thusiamna ie
hauhluatna pan hi cih ih theih ding apeelmawh thu hi. Mrs White
muh khitsa mah bangin, Khris kipiakkhiatna sung ah upna leh
Ama hoihna te itna tawh zui aa, itna hangin thumanhna in zui
ding hi. Tua khitteh Khasiangtho in thu-um-mi tungah Pasian
liim leh meel ah kikheeltheihna vaangliatna ahong pia ding hi.
Dah akin amah in upna thugen khiatna ah, hih thu tel cian takin
atel mi om mah ta se leh asaang mi tawm hi, aci hi.
Hamphatlohna tawh hih thu atel khial leh amau thumaanna
sungah kimisak tampite in amaan itna taktkak ie agah lungnopna
phu khalo uh hi. Tulai hun tawh ei kibang khalo ding ih hiam?
Eite zong ih Pu ih Pa te cih bangin, ahoih khat hih na ding, ki-
niam khiatna omlo in na khempeuh ah Pasian hoihna phatna ki
pia thei ding hiam? Eite in eima thumaanna khempeuhte ih nusia
thei khin hiam? En in tulai kamsangte pawlpi in bangci dan in ki
bia kiho a, tua lai hun mah bangin tuhun en leeng, Mrs White ie
buaina aneih pen kibang lel lo ding hiam?
Azenzen in pawlpi makaite in azaak theih kei leh (amangh kei
leh), mite kiangah Mrs White in tangtakin va pai hi. Ahih hang
amasa in asaang penpente kiang atun nang khat vei hanciam
phot lai hi. Tua dan in tua kha kik sung Battle Creek khawmpi ah
amah na om aa na kihel thei hi, midangte bel ama mai ah na tung
khin uh hi. Amau thu kizaaksaknate leh Minneapolis pan laite in
Elder Butler ie khensatsa thute leh muanmawhnate akip khosak
hi. Ellen White in ama ie kipumkhat ding lunggulh na tawh But-
ler lawpsak dingin na haanciam hi. Tua hi ama lunggulhna Thu
April 21, 2017
ahi bangbang muh theih ding leh nate siang tang sak ding.
Ahih hang, amah in thusimlo phial hi cih pen na vei hi Battle
Creek aa adangte in zong Mrs White awlmawhlo aa om hithiat
uh hi. Ni dang in hih khuapi sung ka om lai in hih biakbuuk ah
atawntung in thu gen dingin hong cial pahpah hi aa, aw ka
lungleengsi! Tun ahih leh ngeeina dan khat tawh thu gen dingin
hong kisam bek aa, bek thamlo in, elderte nih hong pai in na gen
ding thulu bang hiam ci in hong kanta mawk uh hi. Hih thu
hilhkiau na ah pilvaangna omlo mahmah mawk hi, tua khitteh
Mrs White in Topa leh kei kikaal ah hih thu in ahoih pen a om
lai thu hi ci in kiptakin a gen khia hi. Amah in biakbuuk ah A. T.
Jones zong thu gen ding aa asam ding aphamawh hi ci in a gen
hi. Uriah Smith tawh ka kiho masak kul phot ding hi ci in amau
kiheem khia uh hi. E G White in phamawh asak mah bang un,
kinawh takin hih uh aa, ahangin mite aa dingin Elder Jones in
Pasian thupuak khat nei hi. Jones in hun hong zangh thei in
mitampi takte in phat tuamna ngah uh hi.
Tua hun lai aa buaina tuhun in zong pawlpi sungah aki bang
buaina om dingin ka um hi. Ahangin, upna hangin thumaanna
cih thu kitel khial aa, kamsangna ie kiciatna leh thukhaam
zuizawhna hangin hih theihna cih thu ih upna ah tampitakte in
dotna hong tun hi.
Eite in khat veivei tulai thumaan zong lungsim puak maanlo
khat tawh kipualah kha zeel hi. 1887 kum khaal hun kipat in
White in 1886 kum kikuppina ah akihelpi atam zaw te kiangah
athu kimlohna lai khat akhaak hi. Amah in Waggoner leh Jones
te amau le amau kimuang a, a khenvaal alungsim puak uh leh
mipite abuai saknate uh a taii hi. Kipumkhat na lam ah -
manawh hi ung cih pen leitung in a muh ding ama deihna hi.
Butler leh Smith te zong khial theilo hi tuanlo hi uh teh cih thu
na ci lai hi.
Upna hangin thumaanna cih thu amaan taktakin ie tel teh mi
khat tungah bang piang thei hiam tun en in ie mu ding hi.
Mrs White in Elder Uriah Smith ading atuam vilvel vangik
pua aa hehpih takin hopihna tamveipitak na nei hi. Hih thute ah
amah in Kaal Thunget tawh pawlpi mite kisikkikna taktak leh
Khris kiang zuat taktak nang hong makaih aa, Uriah Smith tun-
gah amanpha mahmah muibun huzaapna hong om hi. Tua khit
asawtlo in amah in khat leh khat maitang kimu holim theih
nang Mrs White tungah hong ngen aa, tua hun sungah Smith ie
lungsimpuak zia kilamdanh mahmahna amah in hong tel muh hi.
Hih pen pawlpi makaite makaihna tawh aki bawl ama ie Meet-
ing neuno khat aneih khit ni nih khitteh ama ie lungsimpuak zia
maanlohna leh 1888 kum aa aki gen khia thupuakte langdo
khialh kha aa a thuumna Elder Smith Suangpi tungah hong
tuuk in kitamzaan ei ci in Mrs White na nuam lua hi.
Aw, ei tampitakte in tua akibang Suangpi tungah tuuk
teeiteei kik ding kisam aa kitamzaan dingin bangzah tak in um
ka hiam? Kiphatsakna, kidona, kitotna, vaangliat zawh nang
kitom gawpnate, leh pawlpi sungah thu kituaklohna hangin
pawlpimite sungah kihuatna lam ah makaih bek thamlo aa,
bangmah theilote zong tuate sungah hong manawh in hong kihel
ta uh hi.
Eite khempeuh ih tel ding a phamawh thu khat in eite in
gupkhiatna sungah lungnopna taktak ie nei thei ding hi.
1. Ama mai-a kikoih lungnopna angah na dinga singlamteh
ah simmawh bawlsiatnate athuak keeikai khit ciangin Pasian
taklamah a tu, ih upna apiang sakpa le ahoihkim sakpa Jesu
mitsuan gige ni.( Heb 12:2).
2. Tua mah bangin ken kong geninah, mawhnei mikhat a
kisikna hangin Pasian vansawltakte omna ah nuamna aom hi, a
ci hi.( Luke 15:10)
3. Kisiikkikna in upna tawh kizopna hi aa Lungdamna thu
sungah gupna in akisam athupit mah bangin aphamawh
thuhilhna khat hi Hih kisiikkikna sungah ama kisialhpih ding
omlo hi, ahang in amangthang mawhneimi ie lametna bek ahi
Honpa Khris asaan theih nang alungtang kiging sak hi.
4. Puknah in hong siangsak lecin ka siang dinga; kei hong
sawplecin vuk sangin ka pakzaw ding hi. Lungnopna leh kipah-
na hong zasak in; na sukzansa guhte nuamsak in. Ka mawhnate
buksan inla ka khialhna khempeuh phiatkhia in. Pasian aw, ka
sungah lungsim siang hong piangsak inla akip ka lungsim thak-
suak sak in. Na omna pan in kei hong paikhia kei inla kei tung
pan na Khasiangtho lakhia kei in. Na hotkhiatna lungsim hong
guanin hong dingkipsak in( Late 51:7-12 ).
Tua gupna ih neih lam hong kilang sak khat in lungnopna
(ahkl) lungmuanna hi. Aneu 13na ah, mawhmaina leh Ama ie
sisan in kicing khin cih upna neihna gahte kimu thei hi. LST in,
Tua ciangin akhialte tungah na lampite ka hilh dinga,
mawhneite nang lamah hong kihei kik ding uh hi.
Late 51:13 ah en leng, upna hangin eite mawhnate kisiikkik
in Khris ie mawhmaisakna ih saan khitteh adang hong ki-
langhsak khat in midangte gupna thuhilh ding na kici hi. Ahih
hang eite in ih phawk ding ah lungnopna maan taktak pen Pasi-
an tawh ih kipom ciang hipan aa tua cihtakna in itna ie agah hi.
Sawltaakte Nasepnate, laimai 393 ah sim in: Kisiikkikna leh
upna hangin amaute mawhna hang in kimawh sak nawnlo aa
Khris thusiamna tungtawn in Pasian thukhaam zuihzawh nang
hong panpih hi.
Khaakna
Ih neihsa khempeuh agamla pen dong ngaihsun le hang, ih
kitomgawpna pen upna hangin thumaanna ih tel loh man ahi hi.
Eite in muanmawhna neilo in kitom, thukham zuihzawh nang
hanciam theih tawp hanciam in lungkimna nei zo lo leh, tua dan
pipi in ih tun nading mun thei aa ih tung zo tuan kei aa ih mawh
veve hi. Tua bang nuai ah ngah gupna in lungnopna hi lo aa, ih
kidop kei aa leh ahi thei taktak thu khat in ih thupuak muanlah-
na ei leh ei akitun ding hi hang aa leitung aa aom amanlo
pawlpite tungah khuataang apia ding Pasian phutsa pawlpi
mahmah zong muanhlohna hong tun ding hi.
Hih muanmawhna meei vom nuai-ah, Kha ie Genkholhna
thute khitteh, LST nangawn muanloh thu dotna dinmun dong
hong tun kha ding hi. Tuate humop taktak hi ding maw? Azom
in Sunday biakna ah kituah aa, tuukin lam ih pialnate Pasian
mah ngawh kha ding hi hang.
Kongit te aw, tua in Sunday lam ah hong makaih hi. Azen-
zen aa eite in Khris tawh ih ki-it ciang thukhaam lina sungah
itna ih mu ding hi. Tua in upna hang upna hangin thumaanna
Ama ie sisan in eite ie mawhnate hong tuamzo cih ih um ding
aa, Amah eite khatciat ading ahong si ahi hi. Late 51:12 sung
aa gupna sungah lungnopna cih pen tuateh eite in ih mu tak-
tak ta ding hi.
Seventh-Day Adventist Church
No 8-3A, Jalan Sungai Besi 57100
Kuala Lumpur, Malaysia
Sia Noel Cinh (Ph: 018-227 3302)
Sia Cinbawk (Ph: 011-2720 0826)
Banghangin Ih Mite in Upna Hangin Thumaanna Ih Tel
ding kisam Hiam?
Khris ie thumaanna pen eite sungah hong kiguan cih ngaihsut
nang, eilam pan eite hih theihna mal khat zong om hilo aa, Pa-
sian hong piak khong khutsaan hi, hihin amanh pha ngaihsut na
ahi hi. Pasian gal leh mi in hih thumaan siangtakin kipuak ding
deihlo hi; ahangin hih thu akicing adimtakin kisaang leh ama ie
vaangliatna kitamzaan ding cih aman na thei ahih man hi.
Sia Noel Cinh Mangthuam, Righteous by Fatih and the
Joy of Salvation, Adventist Affirm Vol 23, No 2.
Laimal kizang Pawlkhat:
Thumaanna= Righteousness
Peelmawh = Kisam, a kul, hih hamtang ding
Ie = possessive case, Apostrophe s mun ah
Cidam Nading A Manpha Maigah
Maigah sungah Vitamin (A), Manganese, Potassium, Phos-
phate cih bang dat a tuamtuam kihel ahih manin cidam nading a
manpha mahmah mehgah khat ahi hi.
1.Maigah sungah Calorie tam kihel lo ahih manin pumpi hong
thau sak lo-in gil hong vahsak hi.
2. Magnesium kihel ahih manin gilpi cidamsak hi.
3. Maigah in pumpi votsak thei ahih manin khuakhal hun/
khualum hun ciang nek huai hi.
4. Vitamin (A), Vitamin (C) leh Manganese kihel ahih manin
pumpi natna dalzawhna tha hatsak hi.
5. Sikhang natna, Pumpi zawtna leh Lungtang natna cihte pan
zong dal hi.
6. Vitamin (A), Vitamin (C) le fiber dat tam kihel ahih manin
sisan sungah sathau hoihlo ahi cholesterol tawmsak hi. A kihel
Vita- minte in guh leh taang bawkna leh Ashma a kici nak lah/
nakhak/ huih khamloh natna pan dal thei hi.
7. Fiber dat tampi kihel ahih manin gilpi sungah guu kikholna
pan dala, Gilpi cancer ngahsak lo hi.
8. Prostate enlargement a kici Pasal zun lampi dam lohna pan
dal hi. Prostate enlargement hangin hong piangthei zunthak
haksatna leh Nu leh Pa omkhopna nawngkaaina beisak hi.
9. Vitamin (A) leh Lutein dat kihel ahih manin mit tang cidam-
sak hi.
10. Khuak cidam sakin ciapteh zawhna tha hatsak hi.
11. Maigah sungah tuidat tam kihel aa Potassium dat zong kihel
ahih manin lungtang cidamsak hi. Maigah i nek ciangin tuitam i
dawn kei phialzongin pumpi tuidat kicing zo hi.
12. Phosphorous leh Magnesium kihel ahih manin guh leh taang
cid amsak hi. Kum tam khit ciang a piang thei guhngot natna
pan dal thei hi.
13. A engdup mahmah maigah sungah a engduplo maigah
sangin tha tam kihel zaw hi. Maigah na nek ciangin a hawng
kheh kei-in. A hawng sungah Antioxidant a kici dat nam khat in
tek leh guaina hong zekai sakin hong moisuahsak thei hi.
Maigah na huan ma-in limtakin sawpsiang sitset phot in.
Sm Vung Hau Lun, Mikim Cidamna, pp 3,4.
Lungdam Kohna: Tu kal Zo Phualva Thupuak hawmkhiatna
dingin Ni Hau Ngaih in abei khempeuh hong sik ahih manin
pawlpi in kilungdam mahmah hi. Pawlpi ading leh Ama nasep-
na dingin Topa in thupha tampi hong piakbeh sak lai ta hen.
KL ZOMI SERVICE PAI DAN DING:
Every Friday: BUS > Pudu Pasar
Dorcas 08:00pm Train LRT > Pudu Station
Every Saturday:
Sabbath School 10:45am Facebook: Zomi Adventist Group
Divine Service 12:30pm Email: zomiadventistmls@gmail.com
Adventist Youth 03:00pm https://voice-hope.blogspot.com