Gr.

3 Tagalog
Science

1
YUNIT 1: Matter

2
 Kabanata 1: Ang mga Solid

Ang kabanatang ito ay tumutukoy sa mga katangian

ng mga solids ayon sa kulay, hugis, sukat at tekstura. Ang
mga solids ay may tiyak na katangian na nagpapakita nang
iba-ibang katangian o pagkakatulad sa bawat isa.

Aralin 1: Katangian ng mga solid

Gawain 1: Ano ang mga katangian ng solid?

Layunin

1. Nailalarawan ang iba-ibang bagay na nasa hardin

ng paaralan.
2. Nauuri ang mga bagay ayon sa katangian

Kagamitan
Iba-ibang bagay na makikita sa hardin ng paaralan

Pamamaraan
1. Bumisita sa hardin ng paaralan. Manguha ng iba-
ibang solid.
2. Magtala ng 10 solid na iyong nakuha.
3. Ilarawan ang mga solid ayon sa katangian.
4. Isulat sa tamang hanay ang ngalan ng mga solid
na iyong nakuha. Gawin ito sa iyong kuwadeno.

maliit malaki magaspang makinis bilog parisukat itim puti

Sa inyong kuwaderno o papel, sagutin ang

sumusunod:

3
 1. Paano mo ilalarawan ang solids?
2. Ano-ano ang katangian ng solids?
3. Ano ang iba pang katangian ng solids?

Aralin 2: Mga Katangian ng solid ayon sa kulay

Gawain 2: Paano mailalarawan ang mga solid ayon sa
kulay?
Layunin
Nailalarawan ang solid ayon sa kulay.

Kagamitan
Mga larawan at hangga`t maaari ay tunay na hinog at
hilaw na papaya, hinog na manga, hinog na kamatis,
hilaw na kamatis,talong at uling
Pamamaraan

1. Pag-aralan ang mga larawan ng solids.

2. Isulat ang kulay ng solid sa talaan.

Solid Kulay

Hinog na manga

Hilaw na kamatis

Hinog na
kamatis

4
 Hilaw na papaya

Hinog na papaya

pakwan

Talong

Uling

Sa iyong kuwaderno, sagutin ang sumusunod:

1. Paano mo inilarawan ang mga bagay?
2. Lahat ba ng solid ay may tiyak na kulay?
3. Ano-ano ang kanilang mga kulay?
4. Ang mga solid ba ay may tiyak na kulay?

Aralin 3: Katangian ng Solid ayon sa Hugis

Gawain 1:Mabuting Pagkakahugis ng mga solid

5
Layunin
Nakikilala ang mga solid ayon sa hugis

Kagamitan
bola, pambura, kalamansi, plato, bayabas,
kuwaderno, tatsulok (instrumento ng Musika)

Pamamaraan
1. Kumuha ng 6 na bagay sa kahon.
2. Masdan ang hugis ng mga ito.
3. Isulat ang ngalan ng mga bagay ayon sa tamang
hanay.

Bilog Parihaba Tatsulok

Sa iyong kuwaderno o papel, sagutin ang sumusunod:

1. Paano mo inuri ang mga solid?
2. Ano-ano ang mga hugis ng solid?
3. Ang mga solid ba ay may tiyak na hugis?

Aralin 4: Katangian ng mga Solid ayon sa laki o sukat.

Gawain: Nakikilala ang mga solid ayon sa laki o sukat.

Layunin
1.Nakikilala ang mga solid ayon sa laki o sukat.
2.Nasusukat ang mga solid gamit ang ruler.

Kagamitan
bag na may lamang solid,ruler

Pamamaraan
1. Kunin ang mga solid sa iyong bag.

6
 2. Kilalanin ang mga solid ayon sa kanilang sukat, lagyan
ng tsek (/) ang angkop na hanay sa ibaba.
3. Itala ito sa iyong kuwaderno.

Mga Kagamitan/Solid Laki

Maliit Malaki

1. Sukatin ang solid gamit ang ruler.

2. Itala ang tamang sukat sa kuwaderno.

Solid Sukat (tamang sukat)

Sagutin ang sumusunod:

1. Paano mo nalaman ang mga sukat ng mga solid?
2. Ano ang iyong ginamit sa pagkuha ng sukat?
3. Nakuha mo ba ang tamang sukat ng solid? Paano?
4. Mayroon bang tiyak/tamang sukat ang mga solid?

Aralin 5: Katangian ng mga Solid ayon sa Tekstura

Gawain 1: Uriin ang solid ayon sa tekstura

Layunin
Nauuri ang mga solid ayon sa tekstura

Kagamitan
Bag o kahon na may lamang bato, bulak, buhangin,
saging, karton, papel de liha, rambutan, balat ng
langka

Pamamaraan
1. Kunin ang laman ng inyong mga bag.

7
 2. Sa iyong kuwaderno, isulat ang ngalan nang mga
solid.Uriin ito batay sa tekstura at isulat sa angkop na hanay
sa ibaba.

Bagay Makinis Magaspang Malambot Matigas

Sagutin ang sumusunod:

1. Paano mo pinangkat ang mga solid?

2. Ano ang mga katangian ng solid na nakita mo?
3. Nailarawan mo ba nang wasto ang mga solid ?
Bakit?
4. Anong mahahalagang bagay ang natutunan mo
sa gawain?
5. Ang mga solid ba ay may tiyak na tekstura?

Kabanata 2: Ang mga Liquid

Ang kabanatang ito ay tatalakay sa liquids bilang
bagay na may bigat o timbang, paraan nang pagdaloy
nito, paano nagiging katulad ang hugis nang kanilang
pinaglagyan, paraan kung paano sila nakakukuha ng
lugar/espasyo sa sisidlan, at kung ito ay may lasa o amoy.

Aralin 1: Katangian ng Liquids

Gawain 1: Pangalanan ang iba-ibang liquids

Layunin
Natutukoy ang pangalan ng mga bagay na liquid
Kagamitan
Liquids na may iba-ibang katangian ng paraan
ng pagdaloy, sumusunod sa hugis ng lalagyan,at
lasa at amoy

8
Pamamaraan:
1. Pumunta sa kantina ng paaralan.
2. Itanong sa tauhan ng kantina ang mga liquids na
makikita dito.
3. Pangalanan ang bawat liquid.
4. Suriin ang liquid batay sa kung paano ito dumaloy, sa
hugis ng pinaglalagyan nito, at sa espasyo na
nakukuha ng mga bahagi nito.
5. Tikman ang lasa o amuyin ang mga liquid nang
may pag-iingat (Kailangan ng gabay ng guro
6. Itala ang inyong nakita sa iyong kuwaderno.

Aralin 2: Paglalarawan ng Pagdaloy ng mga Liquid

Gawain 1: Paano dumaloy ang liquids?

Layunin

Nailalarawan kung papaano dumadaloy ang liquids.

Kagamitan
Gatas na kondensada, toyo, suka,shampoo,tubig,langis,
2 kutsara, silag na mangkok

Pamamaraan

1. Kumuha ng 2 kutsara.

2. Hawakan ng kamay ang bawat kutsara tulad ng

nasa larawan.
3. Sumalok ng isang kutsarang tubig at isang
kutsarang suka.
4. Hawakan ang bawat kutsara nang kapantay ng
siko.
5. Itagilid ang dalawang kamay ng sabay tulad ng
makikita sa larawan.

9
 6. Itala ang iyong napansin sa iyong kuwaderno. Alin ang
mabilis na dumaloy, tubig o suka?
7. Gawin muli ang pamamaraan mula 2 hanggang 6
gamit ang iba pang liquids na ipapares sa tubig.
(Tandaan: Tubig ang magsisilbing pagtutularan ng bilis
ng daloy ng likido.)

Pangalan ng Mabagal Mabilis Napakabilis

Liquid bang bang bang
dumaloy? dumaloy? dumaloy?
1. tubig
2.toyo
3. suka
4. shampoo
5. langis
6. gatas na
kondensada
Tanong
1. Magkasabay bang dumaloy ang liquid?
2. Aling liquid ang mas mabilis dumaloy?
3. Aling liquid ang mabagal dumaloy?

Aralin 3: Paglalarawan sa Liquid Ayon sa Uri ng Hugis

ng Lalagyan Nito
Gawain 1: May hugis ba ang mga liquid?

Layunin
Nailalarawan kung paano nakukuha ng liquid ang
hugis ng lalagyan/sisidlan

Kagamitan
Lalagyan/sisidlan na may iba-ibang hugis
liquid

10
Pamamaraan
1. Ilarawan ang 3 hugis ng lalagyan/sisidlan.
2. Kumuha ng 3 uri ng liquids.
3. Ilagay ang bawat liquid sa tig-iisang
lalagyan/sisidlan.
4. Sa inyong kuwaderno, Itala ang iyong nakita.

Pangalan ng liquid Hugis ng liquid na ibinuhos sa

lalagyan

1. Ano ang nangyari nang ibuhos ang liquids sa lalagyan?

2. Magkapareho ba ang hugis ng mga liquid?
3. Anong katangian ng liquid ang iyong nakita?
4. Anong kaisipan ang ipinahahayag ng gawaing ito tungkol
sa hugis ng liquid?
5.May tiyak na hugis ba ang likido?

Aralin 4: Paglalarawan ng Liquid Kung Paano Nakakukuha

ng espasyo/lugar ang mga Liquid
Gawain 1: Nakakukuha ba ng espasyo ang liquid?

Layunin
Nailalarawan kung paano nakakukuha ng
espasyo/lugar ang liquid

Kagamitan
Bato, tubig, beaker, basahan

Pamamaraan
1. Ihanda ang mga kagamitan.
2. Lagyan ng tubig ang beaker.

11
 3. Dagdagan ng tubig ang beaker.
4.Masdan ang mangyayari habang dinadagdagan ng tubig
ang beaker.
5. Lagyan ng bato ang beaker na may tubig.
6. Masdang muli ang mangyayari.
7. Itala/Iguhit ang nakita sa kuwaderno.

Sa iyong kuwaderno, sagutin ang sumusunod:

1. Ano ang nangyari sa tubig ng iyong dinagdagan? Bakit?

2. Nang lumubog ang bato, ano ang iyong nakita sa ilalim
ng baso?
3. Ano ang nangyari sa tubig? Bakit?
4. Ang tubig ba ay nakakukuha ng lugar/espasyo? Bakit?
5. Totoo ba na ang liquid ay nakakukuha ng espasyo/lugar?

Aralin 5: Paglalarawan ng Liquid Batay sa Lasa

Gawain 1: May lasa ba ang liquid?
Layunin
Nailalarawan ang lasa ng mga liquid.
Kagamitan
Gatas, juice, tubig, suka, hot sauce, softdrinks,ketsup,
patis
Pamamaraan
1. Tikman ang bawat liquid.
2. Ilarawan ang lasa nito.
3. Lagyan ng tsek ang tsart ayon sa lasa.

Liquid Matamis Maalat Maasim Mapait Maanghang Walang

lasa

12
Sa iyong kuwaderno, sagutin ang sumusunod:

1. Paano mo ilalarawan ang lasa ng iba-ibang liquid?

2. Ano ang lasa ng iba-ibang liquid?
3. Magkakapareho ba ang lasa ng lahat ng liquid?
4. Ano ang dapat nating gawin upang maiwasan ang
pagkalason kung titikman ang liquid?

Aralin 6: Paglalarawan sa Liquids Ayon sa Amoy Nito

Gawain 1: May amoy ba ang mga liquid?

Layunin

Nailalarawan ang amoy ng mga liquid.

Kagamitan
Patis, pabango, alkohol, ketsup, coke, hand sanitizer,
shampoo, liquid na sabon
Pamamaraan
1. Ihanda ang mga kagamitan. Kilalanin ang mga
liquid.
2. Amuyin ang bawat liquid.Ilarawan ang amoy.
( Paalaala: Mag-ingat sa pag-amoy sa mga
liquid. Huwag ilapit sa ilong na mabuti ang mga
liquid dahil maaaring makapagdulot ito ng
iritasyon.)
3. Itala ang iyong nakita.Gamitin ang talaan sa ibaba.

Liquid Mabahong Amoy Mabangong Amoy

Sa inyong kuwaderno, sagutin ang sumusunod:

1. Ano-anong katangian ang naaamoy mo sa liquids?

2. Paano mo pinangkat ang mga ito?

13
3. Magkakapareho ba ang amoy ng lahat ng liquid?
4. Kumunot ba ang iyong noo nang maamoy mo ang
mabahong liquid? Bakit?
5. May amoy ba ang mga liquid?

Kabanata 3: Ang Mga Gas

Ang hangin ay gas. Hindi ito nakikita ng ating mga

mata ngunit ito ay ating nadarama dahil ang molecules ng
gas ay magkakalayo.
Tatalakayin sa kabanatang ito ang mga kaisipan na
ang gas ay walang tiyak na hugis ngunit sumusunod sa hugis
na lalagyan; nakakukuha ng espasyo, walang lasa at
walang amoy.

Aralin 1: Paglalarawan sa Paraan ng Pagsunod ng Gas sa

Hugis ng Lalagyan Nito
Gawain 1: May hugis ba ang mga gas?

Layunin
Nailalarawan na ang gas ay sumusunod sa hugis ng
sisidlan

Kagamitan
Iba-bang hugis ng lobo (walang hangin), tali

Pamamaran
1. Kumuha ng lobong may iba-iba ang hugis.
2. Hipan ito upang magkaroon ng hangin at talian ang
bahaging malapit sa butas nito.
3. Ilarawan ang hugis ng hangin sa bawat lobo.
4. Isulat ang iyong nakita.
5. Iguhit ang hugis ng hangin na nasa lobo.

Sa inyong kuwaderno, sagutin ang mga tanong:

14
 1. Ano ang nangyayari sa lobo habang hinihipan mo?
2. Umayon ba ang hangin sa hugis ng lobo?Ang hangin
ba ay may hugis?
3. Anong katangian ng hangin ang ipinapakita sa
gawain?
4. Ano ang hugis ng hangin sa loob ng pinaglalagyan
nito? Kailan nagkakaroon ng hugis ang hangin?

Aralin 2: Paglalarawan na ang Gas

ay Nakakukuha ng Lugar o Espasyo
Gawain 2 : Nakakukuha ba ng lugar o espasyo ang gas?

Layunin
Nailalarawan na ang gas ay nakakukuha ng lugar o
espasyo

Kagamitan
tissue,basong inuman,malaking mangkok na puno ng
tubig

Pamamaraan
1. Ihanda ang basong inuman.
2. Ilagay ang tissue sa pinakailalim na bahagi sa loob
ng basong inuman upang di mahulog kapag
binaligtad.
3. Lagyan ng tubig ang malaking mangkok.
4. Hawakan ang baso ng pabaligtad at mabilis na
ilubog sa tubig.
5. Bumilang ng 1-10 habang hawak ang baso na
nakalubog sa tubig.
6. Dahan-dahang alisin ang baso sa tubig. Siguraduhin
na ang baso ay pantay na nakatayo habang inaalis sa
tubig.
7. Masdan. Ano ang nangyari sa tissue?

15
Sa isang kuwaderno, sagutin ang sumusunod:

1. Ano ang nasa loob ng baso?

2. Ano ang nangyari sa tissue?
3. Ano ang ipakikita ng gawain?

Aralin 3: Paglalarawan na ang Hangin, isang Uri ng Gas, ay

Walang Kulay

Gawain 3: Walang Kulay ang Hangin (Gas)

Layunin
Nakapagbibigay ng hinuha na walang kulay ang gas.

Kagamitan

Pamaypay na papel,lobo,salamin

Pamamaraan
1. Ihanda ang set-up.
2. Hipan ang iyong kamay. Mayroon ka bang
naramdaman?
3. Hipan ang lobo. Ilarawan ang hangin nasa loob nito.
4. Kumuha ng kapareha, paypayan ang bawat isa.
Ilarawan ang hangin na nagmula sa pamaymay.

Panuto

1. Iguhit kung paano mo hinipan ang iyong kamay upang

mapatunayan na ang hangin ay walang kulay.
2. Ilarawan ang hangin na lumipat sa loob ng lobo at sa
salamin.

16
3.Sa tatlong pangungusap, ilarawan ang kulay ng hangin
na iyong naramdaman habang pinapaypayan ang sarili at
ang kapareha.

Mga Tanong

1. Ano ang naramdaman mo pagkatapos mong hipan ang

iyong kamay? May hangin ka bang nakita na lumabas sa
iyong bibig?
2. Nakita mo ba ang hangin sa loob ng lobo?
3. Ano ang iyong naramdaman nang paypayan ka ng
iyong kapareha? Nakita mo ba ang kulay ng hangin
habang isinasagawa ito?
4. Anong katangian ng gas ang ipinakita sa gawain?

Kabanata 4: Ligtas na Paggamit ng Karaniwang

Solid, Liquid at Gas sa Tahanan at Paaralan

Ang kabanatang ito ay tumatalakay sa solid, liquid at

gas na karaniwang matatagpuan sa bahay at paaralan
tulad ng solid,liquid at gas. Nararapat na ilagay natin ang
mga ito sa tamang lugar at markahan ang mga lalagyan
nito ng angkop na pangalan.

Aralin 1: Mga Karaniwang Solid, Liquid, at Gas sa

Bahay at Paaralan
Gawain 1: Talaan ng mga Karaniwang Produkto na
Makikita sa Tahanan at Paaralan

Layunin
1.Nakakikilala ang karaniwang solid, liquid at gas na
makikita sa tahanan at paaralan.
2. Tukuyin ang gamit ng mga karaniwang bagay na
makikita sa tahanan
Kagamitan
Papel, pen,manila paper
17
Pamamaraan
1. Gumawa ng listahan ng mga karaniwang bagay na
makikita sa paaralan at tahanan. Pangkatin ang mga gamit
ang talaan sa ibaba.

Solid Liquid Gas

2. Pagpangkatin ang mga bagay na nakatala sa Bilang 1

gamitin ang talahanayan sa ibaba.

Paglilinis
Pagpapa- Paglilinis Pamatay
Pagpapa- ng
Pagkain Pagluluto -ganda Ng kulisap/
ganda katawan/
ng bahay bahay peste
sarili

Ano-ano ang mga karaniwang bagay sa tahanan at

paaralan?
Ano ano ang gamit ng mga bagay na makikita sa
tahanan at sa paaralan?

Gawain 2: Masasamang Dulot ng mga Karaniwang Bagay

na Matatagpuan sa Bahay at Paaralan

Layunin
Nakikilala ang mga masasamang dulot ng mga bagay
na makikita sa tahanan at sa paaralan
Kagamitan
Pinaglagyan/pinagbalutan na mga bagay ng
kagamitan
Pamamaraan

18
 1. Basahin ang mga label ng karaniwang
produkto/kagamitan na makikita sa tahanan at
tingnan ang sumusunod na simbolo.

Nagliliyab Toxic

Nakalalason Nakasisira
Narito ang ilan sa mga halimbawa.

19
2.Gamit ang talaan sa ibaba, pangkatin ang mga
kagamitan ayon sa mga nakapipinsalang epekto nito sa
tao, at iba pang may buhay.

3. Isulat ang iyong sagot sa sanayang kuwaderno.

Nakalalason Toxic Nagliliyab Nakasisira

Gawain 3. Mga Gawain Upang Maging Ligtas sa Paggamit

ng mga Mapaminsalang Bagay

Layunin
Nailalarawan ang wastong paraan ng paghawak at
paggamit ng mapaminsalang bagay.

Kagamitan
Larawan ng wastong paraan ng paghawak at
paggamit ng mapaminsalang bagay

Pamamaraan
1. Tingnan ang mga larawan.
2. Isulat sa sagutang papel ang letra ng larawan na
nagpapakita ng tamang paggamit ng mga
nakapipinsalang bagay.

a. b.

Lagyan ng pangalan ang iba-

ibang kemikal at ilagay ang Magsuot ng guwantes sa kamay
mga ito sa lugar na hindi at gas masks kung gagamit ng
20 mga pamatay sa insekto.
maaabot ng mga bata
c. d.

Palagiang tingnan ang tangke na Ilagay ang mga bagay na

ginagamit sa pagluluto. maaring lumiyab malapit
Siguraduhing ito ay nakasara sa lutuan
nangmahigpit.

Tanong
Susundin mo ba ang mga gawaing pangkaligtasan sa
paghawak at paggamit ng mga nakapipinsalang bagay?
Bakit?

Kabanata 5: Mga Pagbabagong Nagaganap sa mga Solid,

Liquid, Gas

Ang kabanatang ito ay tumatalakay sa pagbabagong

nagaganap sa solids, liquids, gases kapag ginamitan o
sinasalang sa init.Tatalakayin din dito ang mga mga
pamamaraan sa pagkuha ng temperatura gamit ang
laboratory thermometer.

Aralin 1: Pagsusukat ng Temperatura ng mga Bagay

Gawain 1: Mainit ba o Malamig?

Layunin
Nasasabi kung ang bagay ay mainit o malamig

Kagamitan
manila paper, marker/pentel pen
21
Pamamaraan
1. Tingnan at suriin ang bawat larawan sa ibaba.
Tukuyin kung ang larawan ay nagpapakita ng
mainit o malamig na bagay.

(1) (2) (4)

(3)
Gamit/Bagay Malamig
2. M Mainit ba?
ba?
a
g
b 1
i
g ningas ng kandila
a
y
2

n sorbetes
g

i 3
b
kumukulong tubig
a

p
a
4
n
g kumukulong
sopas

h
a
5
l
i
m iced tea

22
 bawa ng mainit at malamig na bagay. Isulat ang mga
ito sa angkop na hanay sa talaan.

Mainit na mga bagay Malamig na mga bagay

Tanong
1. Kailan mo masasabi na mainit ang bagay?
2. Kailan mo masasabi na malamig ang isang bagay?

Gawain 2: Pagsukat sa Temperatura ng Mainit/Maligamgam

na Bagay

Layunin
1.Nasusukat ang mga temperatura ng tubig galing sa
gripo at tubig na mainit/maligamgam gamit ang
thermometer.
2.Nababasa nang wasto ang temperatura na
nakasaaad sa thermometer.
3.Napaghahambing ang temperatura ng tubig galing
sa gripo at tubig na mainit/maligamgam.

Kagamitan
2 beakers/magkaparehong babasaging lalagyan
tulad ng baso
laboratory thermometer
magkaparehong dami ng mainit/maligamgam na
tubig at tubig galing sa gripo

Pamamaraan
1. Pag-aralang mabuti ang laboratory thermometer.
23
 2.Suriin ang mga tanda na makikita sa thermometer.
- Ano ang pinakamaliit na bilang sa thermometer?
Saang bahagi ito matatagpuan?
- Ano ang pinakamataas na bilang sa
thermometer?
- Saang bahagi ito matatagpuan?
- Anong yunit ng panukat ang ginamit?
- Anong simbolo ang ginamit upang maipahayag
ang sukat ng temperature?
3. Lagyan ng kalahating dami ng tubig ang beaker
galing sa gripo.

4. Hawakan ng patayo ang thermometer, siguraduhin

na ang bahagi ng bulb nito ang siyang nasa ilalim.
Ilubog ang thermometer sa beaker na may galling sa
gripo. Ilubog lamang ang bahaging mayroong bulb upang
masukat ang temperatura ng tubig.

Paalala: Huwag hawakan ang may kulay na pulang liquid

5. sa loob ng thermometer. At huwag hayaang lumapat sa
Tuku ilalim ng beaker.
yin ang sukat ng temperatura ng tubig sa thermometer.
Kunin ang tanda na katapat ng lebel ng pulang liquid sa
thermometer at itala ito sa Talaan 1.
a.Ano ang temperatura ng tubig galing sa gripo?
(Ito ay Temperatura ng tubig galing sa gripo na ayon
temperature sa loob ng silid-aral)

Paalala: Sa pagbasa ng thermometer, sikaping

kapantay ng iyong mata ang lebel ng tubig sa
thermometer.

24
6. Lagyan ng kalahating dami ng mainit /maligamgam na
tubig ang beaker.

Paalala: Maging maingat sa pagsasalin ng

mainit/maligamgam na tubig sa lalagyan. Maaaring ikaw
ay mapaso o maaksidente. Hingin ang tulong ng guro.

7. Ilubog naman ang thermometer sa

loob ng beaker na may
mainit/maligamgam na tubig.

8.Suriin ang nangyayari sa lebel ng pulang liquid sa loob

thermometer.

3. Tukuyin ang temperatura ng mainit /maligamgam na

tubig pagkalipas ng 5 minuto, isulat ang temperatura sa
Talaan 1 sa ibaba.
- Ano ang temperatura ng mainit/maligamgam na
tubig?

25
Talaan 1: Temperatura ng tubig galing sa gripo at
mainit/maligamgam na tubig

Kagamitan Temperatura (0C)

Tubig galing sa gripo
Mainit/Maligamgam na tubig

1.Paghambingin ang mga temperatura ng tubig na

galing sa gripo at tubig na mainit/maligamgam.
- Paano mo mapaghahambing ang temperatura ng
tubig galing sa gripo at tubig na
mainit/maligamgam?

2. Ilarawan ang epekto ng init sa tubig.

- Ano ang epekto ng init sa tubig?

Tanong

Ano ang iyong gagawin kung kailangan mo ng mainit o

malamig na tubig sa bahay?

Gawain 3: Pagsusukat ng Temperatura ng Malamig na

Bagay

Layunin

1. Nasusukat ang temperatura ng tubig na galing sa

gripo at ng malamig na tubig gamit ang thermometer.
2. Nababasa nang wasto ang temperatura gamit ang
thermometer.
3. Napaghahambing ang temperatura ng tubig galing
sa gripo at ng malamig na tubig.

26
Kagamitan
2 beakers/magkaparehong babasaging lalagyan,
laboratory thermometer,magkaparehong dami ng
tubig na malamig at tubig na galing sa gripo,ice cubes

Pamamaraan
1. Lagyan ang beaker ng kalahati ng tubig galing sa
gripo.

2. Ilubog ang
thermometer sa
beaker na may
tubig galing sa
gripo. Hawakan ito
nang patayo.

Paalala:
Huwag hawakan
ang bulb ng
thermometer. At
huwag hayaang
lumapat sa ilalim
ng lalagyan.

3. Suriin ang sukat ng tubig sa thermometer.

4. Sukatin ang temperatura ng tubig galing sa gripo.

(Basahin ang tanda katapat ng sukat ng pulang likido sa
loob ng thermometer). Itala ang temperatura sa Talaan
-Ano ang temperatura ng tubig galing sa gripo?
27
 (Temperatura ng tubig galing sa gripo ayon sa
temperatura sa silid-aralan)

Paalala: Sa pagbabasa ng thermometer, dapat

kapantay ng inyong mata ang lebel ng pulang
liquid sa thermometer.

5. Lagyan ng kalahating dami ng malamig na tubig ang

beaker.(Lagyan ng kaunting maliliit na yelo upang
maging malamig ang tubig).

6. Ilubog ang thermometer sa loob ng beaker na may

malamig na tubig.

7. Suriing muli ang sukat ng pulang liquid sa thermometer.

28
 8. Basahin ang temperatura ng tubig na malamig.
Pagkalipas ng 5 minuto, itala ang temperatura sa Talaan
2 sa ibaba.
-Ano ang temperatura ng tubig na malamig?
Talaan 2. Temperatura ng tubig galling sa gripo at tubig na
malamig

Kagamitan Temperatura (0C)

Tubig galing sa gripo
Tubig na malamig

9. Paghambingin ang mga temperatura ng tubig galing sa

gripo at tubig na malamig.
- Paano mo paghahambingin ang temperatura ng
tubig galing sa gripo sa tubig na malamig?

10. Ilarawan ang epekto ng pag-aalis ng init sa tubig.

- Ano ang epekto ng kawalan ng init sa tubig?

Aralin 4: Pagbabagong Nagaganap sa mga Bagay Sanhi

ng Temperatura
Gawain 1: Ano ang Mangyayari Kapag ang Kandila ay
Nainitan o Lumamig?
Layunin
Nailalarawan kung ano ang mangyayari sa kandila
kapag ito ay nainitan at lumamig.

Kagamitan
maliliit na piraso ng kandila,1 kutsara, makapal na tela,
platitong seramik , 1 piraso kandila,posporo

Pamamaraan

29
1.Balutin ang hawakan ng kutsara ng makapal na tela.
Ilagay ang piraso ng maliit na kandila sa kutsara. Tingnan
ang nasa larawan.
2. Nasa anong anyo (solid, liquid, gas) ang
maliliit na piraso ng kandila?
3. Itayo ang kandila sa isang platitong seramiks at sindihan
tulad ng nasa larawan.
4. Hawakan ang kutsara at ilagay sa tapat ng may sinding
kandila.

Paalala: Ang kutsara ay iinit. Mag-ingat sa

paghawak.

5. Initin ang kutsara na may lamang maliliit na piraso ng

kandila ng limang (5) minuto. Tingnan at pag-aralan ang
mangyayari sa kandila.

- Ano ang nangyari sa maliliit na piraso ng kandila?

- Mayroon bang nagbago sa anyo ng kandila?

Anong anyo mayroon ito ngayon?

-Ano ang dahilan ng pagbabago ng anyo ng kandila?

- Ano ang epekto ng init sa kandila?

6. Alisin ang kutsara sa tapat ng may sinding kandila.

7. Maghintay ng ilang minuto hanggang lumamig ang
kandila.
Suriin at alamin kung ano ang mangyayari sa kandila.
- Anong nangyari sa kandila ng lumamig?
- Mayroon bang pagbabago sa anyo ng
kandila? Anong pagbabago ang nangyari?

30
- Bakit nangyari ang pagbabago?
- Ano ang epekto ng pag-alis ng init sa kandila?
- Mayroon bang nagbago nang sindihan ang kandila?

Gawain 2: Ano ang Mangyayari Kapag ang Tubig ay Ininit?

Layunin
Nailalarawan ang mangyayari sa tubig habang
tumataas ang temperatura o habang naiinitan ang
tubig
Kagamitan

beaker,tubig,pangguhit/pananda

Pamamaraan
1.Lagyan ng 10 ml na tubig ang beaker. Markahan ang
beaker ayon sa antas ng dami ng tubig sa loob.

2. Ilagay ang beaker na may tubig sa ilalim ng init ng araw

sa loob ng 15 minuto. Tingnan at pag-aralan kung ano ang
mangyayari.

3. Markahan muli ang lebel ng tubig sa loob nito.

a.May nakita ba kayong pagbabago sa antas ng
dami ng tubig?

31
 b. Ano ang ipinakita ng pagsusuri na ito?
c. Ano ang epekto ng sikat ng araw sa tubig?

d. Nasubukan mo na bang maglagay ng palanggana

na may tubig sa ilalim ng init ng araw? Anong
nangyayari sa dami ng tubig?

Gawain 3: Ano ang Mangyayari sa Water Vapor Kapag

Lumalamig?
Layunin
Nailalarawan ang nangyayari sa water vapor kapag
lumamig.
Kagamitan
ice cubes,kutsara,garapon na may takip, orange juice

Pamamaraan
1. Hawakan nang dalawang kamay ang walang
laman na garapon.
- Ano ang iyong naramdaman?
2. Lagyan ng orange juice ang garapon (lampas ng
kalahati nito) katulad ng nasa larawan sa ibaba.
3. Lagyan ng ice cubes. Pagkatapos, mahigpit na
ilagay ang takip ng garapon.

4. Aluging mabuti ang garapon nang ilang segundo.

5. Hawakan ang ibabaw ng lalagyan ng ilang minuto.
-Ano ang iyong naramdaman?
- May hangin bang nakapalibot sa garapon?
- Mayroon bang water vapor na nakapalibot sa
garapon?
- Saan nanggaling ang water vapor ?

6. Ipatong muna ang garapon sa ibabaw ng mesa sa

loob ng dalawang minuto.

32
 7. Pagkatapos ng dalawang minuto, tingnan at suriing
mabuti ang garapon.Hawakan ang ibabaw ng
garapon ng ilang minuto.

- Ano ang iyong naramdaman at nakita sa ibabaw ng

garapon?
- Ano ang kinalabasan nang pagsusuri mong ito?

Gawain 4: Ano ang Mangyayari sa Naphtalene Ball Kapag

Nainitan?

Layunin

Nailalarawan ang nangyari sa naphthalene ball kapag

nainitan o inilagay sa lugar na may mataas na temperatura.

Kagamitan
maliit na piraso ng naphthalene ball
2 magkaparehong may kulay na platito, piraso ng
bato, piraso ng damit

33
Pamamaraan
1. Kumuha ng isang piraso ng naphthalene ball. Ilagay
ito sa isang kapirasong damit tulad ng nasa larawan.

Napthalene ball

2. Ibalot ito sa kapirasong damit.

3. Durugin ang naphthalene ball sa maliliit na bahagi sa

pamamagitan ng bato.
4. Hatiin ang durog na naphthalene ball sa dalawang
bahagi.
5. Ilagay ang durog na naphthalene ball sa isang platito
at ang kalahati ay sa isang platito.

34
 - Nasa anong anyo ang napthtalene ball (solid,
liquid, gas)?
6. Ilagak ang isang (1) platito sa loob ng silid.

7. Ang isa naman na platito ay sa labas ng silid na

nasisikatan ng araw tulad ng nasa larawan.

8. Pagkalipas nh 10 minuto, tingnan at suriin ang

naphthalene ball sa una at ikalawang platito.
Ilarawan ang iyong obserbasyon.
- Ano ang iyong napansin?
- May nakita ka bang pagbabago sa kaanyuan ng
naphthalene ball sa dalawang platito?
- Ano ang sinasabi ng nakita mo?
- Ano ang epekto o dulot ng init sa naphthalene ball?
- May kaalaaman ba kayo sa camphor ball?

(komersiyal na ngalan ng naphthalene ball)

Gawain 5: Ano ang Mangyayari sa Hangin na Nasa Loob ng

Bote at Lobo kung Ito ay Mainitn o Palalamigin?

Layunin
Nailalarawan kung ano ang mangyayari sa hangin sa loob
ng bote/lobo kung ito ay paiinitin at palalamigin

35
Kagamitan

babasaging bote (may makipot na bunganga),lobo

2 maliit na palanggana,mainit na tubig,malamig na tubig

Pamamaraan

1. Kumuha ng lobo. Banatin ang

butas at ipasok sa bibig
ng bote tulad ng nasa larawan.

- May hangin ba sa loob ng bote?

- May hangin ba sa loob ng lobo?

2. Ilagay ang bote sa palanggana na may mainit na tubig.

Masdan at suriin ito pagkalipas ng 3 minuto.

- Anong nangyari sa lobo?

- Ano ang epekto ng mainit na tubig sa hangin sa loob
ng bote?
3. Ilipat ang bote sa palanggana na may malamig na
tubig. Masdan at suriin itong muli ang gawain pagkalipas
ng 3 minuto.

36
- Anong nangyari sa lobo?
- Ano ang epekto ng malamig na tubig sa hangin sa
loob ng bote?

37