NUNNA TUIKHUR : AUGUST : 2015 01

A CHHUNGA THU AWMTE

Editorial ................................................... - 2

Keimahni .................................................. - 3

Khawvel Tukverh .......................................... - 4

Muvanlai leh Ringtu Nun

- Baby Naomi Pa .................................. - 19

Chanchintha Mitin Tan, A Bik Takin Mizote Tan

- Familia Fanai Laltansanga ..................... - 22

Hming Thar
- Baby Naomi Pa .................................. - 28

August Thlaa Kan Unau Piangte ....................... - 30

Tlai, Kan Thil Chin Dawklak

- Pro. Pastor F. Lalhmangaihzuala .............. - 31

Chin State Chhiatna .................................... - 32

NUNNA TUIKHUR EDITORIAL BOARD

EDITOR : C. Lalchharliana
JT. EDITOR : Alex Ch. Zanghakliana
LAYOUT EDITOR : Jerome Lalhruaitluanga
NEWS EDITOR : Gin Lalthianghlima
GRAPHIC DESIGNER : Lalremruata
 02 NUNNA TUIKHUR : AUGUST : 2015

K an hriat ţheuh angin, Burma rama kan unauten tuilian tuarin harsat man-
ganna nasa tak an tawk mek a. Tunlai khawvel changkanna zarah keini
pawn mahni awmhmun aţangin an thil tawrhte kan lo hmuin kan lo hre ve zung zung
zel a nih hi. Chu khawvel changkanna avang chuan harsatna tawkte pawh tunhma ang
ngawt ni tawh lovin ţanpui zung zung a lo awlsam phah ta hle mai.
Jakoba 2:14-16 kan chhiar chuan, kan mihring puite saruak leh rilţam, ţanpui
ngaia an awm lai tak hi ţanpuina hna thawh hun ţha a nih thu min hriattir a. Chu chu
khawvel hmun hranga hranga Zohnahthlakte leh kan Mizoram unaute ngei pawhin za-
wmin, pawl hrang hrangin an remchan dan dan anga sum tuakin leh vehbur te khawnin
an han che nghal char char a, a ropui hle mai. Thil ţha kan ti a ni.
Midangte kan ţanpui hian a thlawn ngailo a. Mi harsatnaah kan puih avanga tha
leh zung, hun, sum leh pai kan sen hian kan chan reng reng lo a, kan rin loh lam aţangin
Pathianin mal min lo sawm ţhin a, a let tam takin hlawkna kan chhar zawk ţhin a
lo ni. Deuteronomy 15:11 ah chuan ţanpui ngaite kan ţanpui ngei tur a ni tih kan
hmu bawk a. Chuvangin ţanpui ngaite ţanpui hi Pathian in kan tih tura a thupek
from the EDITOR’S desk

(Order) dinglai a ni tih i hre reng ang u (Tirhkohte 20:35). Tin, Missionary kan
han tih pawh hian ram hlaah va kal chhuak vek kherlo mah ila, min mamawh-
tute tana kan thawh khan rawngbawltu Missionary kan lo ni reng mai dawn a lo
ni.
Chutih ruala kan sawi lan duh chu, khawvel ram hrang hrang aţangin
ţanpuina chu a thleng ruih ruih ngei a. Amaherawhchu, tun ţuma kan sawi duh
ber zawka chu, kan Ţiau thlang lam unaute (Mizoram) in, hun kaltawhah min lo
hliam deuh tawh pawh ni se, tun huna kan tana an theihtawp chhuahna hi i hre
hram teh ang u tih hi a ni. Han sawi ta mai mai ila, CYMA in ţanpuina hmah-
ruai, buhfai quintal 100 lai mai an thawn a, a bo a bang awm lova CAN/F kutah
hlana, Hakha khawpui an thlen te kha a ri a va mawiin a va ropui tak em! Mahse
beisei angin kan hre lar lemlo hle niin a lang. A hnu ni hnih khat vela President
Thein Sein-a’n buhfai bag 200 leh thildang a rawn pek erawh kha chuan darkar
24 chhungin mitin ti ti a ni leh hman si!
Enpawh chu nise, kan sawi duh tak chu, Ţiau chhak lam Zohnahthlakte pawhin
kan rilru sukthlek hi kan sawhsawn a hun ve ta niin a lang. Ţiau thlang lam unauten
kan harsatnaah hmangaih taka min tuamhlawm lai hian, thil ţha lo leh sualna chi hrang
hrang kan zu tih ţhin bansan ve ila. Tin, YMA hming hrim hrim huat tlatna thinlung kan
lo pu tawh a nih pawhin, kan theihnghilh ve a hun tawh hlein a lang. Unau chhulkhat
kual kan nihna bakah, ringtu kan nihna ang pawhin, hun kal tawh chu hre reng lova,
ngaidamtu kan nihnaah khan damna kan chang ang a, chutah chuan remna pawh a lo
awm a, kan Pathian thu pawh a ni e.
Tichuan, he tuilian hian tunhmaa unau hmel kan lo inhai thinna te, kan lo
inchemhar deuhna lo awm tawh ţhin te chu len bo se la, Zohnahthlakte karah inhman-
gaihtawnna lo pungin min suihkhawmtu lo ni se. Keinin khuarel chhiatnaa kan ngaih hi
kan tan Lalpan a malsawmnaah min puansak mawlh rawh se, Amen.
NUNNA TUIKHUR : AUGUST : 2015
KEIMAHNI
*** FELLOWSHIP HRUAI TU IN-
SIAMREM :
Vice Chairman Upa LR.
Vunga’n Australia lamah min kalsan
tak avangin, Upa Laldinga chu Vice
Chairman a tan ruat a ni a. Upa Lald-
inga nihna chelh lai, Fin. Secy. atan
Rocky Chunga chu hlanchhoh a ni
bawk.
MCF O.B. TE:-
Chairman : F. Lalremruata
Vice Chairman: Upa Laldinga
Secretary : C. Lalchharliana
Asst. Secy. : Upa Hrangauchhunga
Treasurer : Juliet Zamveli
Fin. Secy. : Rocky Chunga
***TUILIAN TUAR ṬANPUINA
PE :
Dt. 6/8/2015 (Thursday) zana
Fellowship Executive Committee
Regular Meeting chuan Kalay Myo,
Burmaa kan unau tuilian tuarte hnenah
kan Fellowship hmingin Rs. 40,000/-
a tanpuina pek ve nise tiin a rel a. Kan
tanpui tur khuate hi thlanchhuah nghal
niin, Letpanchaung leh Kanan khuate
hnenah Rs. 20,000/- ve ve pek nise tih
a ni.
Tin, heng bakah hian Fellow-
ship Member leh a duh apiangten
mahni remchan ang anga tanpuina pek
theih a ni bawk ang a. Tanpuina pe
03
duh tan Upa Hrangauchhunga (Asst.
Secy.) leh Rocky Chunga (Fin. Secy.)
te hnenah pek luh tur a ni.
Tanpuina hi a ranglama thawn
chhoh a ngaih dawn avangin, August
14, 2015 (Friday) hma ngeiin pek fel
hman nise a lawmawm hle ang.
***SUM AUDIT :
Fellowship sum audit chu ni
5/9/2015 hian neih leh tura ruahman a
ni.
A hun :Dt. 05/09/2015
Dar 10:00 A.m.
A hmun : F. Lalremruata In, Asalatpur
Auditors :
1. TBC Lamthangpuii (Convener)
2. Rohlupuia
3. T.C. Rodingliana
4. Lalnunsangi
Tin, hemi ni a fatu hna tlawmn-
gaia min thawhsak turin Pu Lalthang-
kima leh Pu Lalnunmawia te chu ruat
an ni bawk.
***LAWMBAWM KHAWN
Women Dept. te chuan ni
15/08/15 khan Lawmbawm khawnna
neiin Rs. 18388/- lai an khawn chhuak
a ni. A petu zawng zawngte Lalpan a
let tam takin malsawm zel rawh se.
04
SAINA
IN SEMIFINAL
THLENG :
India nula
badminton khel-
thiam leh World
No.2 ni mek Saina
Nehwal chuan Ja-
karta a khelh mek World Badminton-
Championship ah semifinal a thleng
ta. Saina Nehwal hian semifinal ah
hian Indonesia nula Lindaweni Fanetr
chu a tum dawn a ni.
CORRUPT LO RESULT PUANG :
MZP in Officer leh Politician
corrupt lo thlanna result an puang.
OFFICER :
1. Lalmalsawma IAS, Chief Secretary.
2. Lalhmasaa EE, PWD.
3. Lalthawmmawia IAS,
Director, School Education.
POLITICIAN :
1. H.Liansailova Ex-Minister
2. Col. ZS Zuala Parliamentary Sec-
retary
3. Vanlalzawma, Ex-MP, MLA.
RIHANNA IN THE VOICE
ZAWM DAWN :
NBC Entertainment Chairman
Robert Greenblatt chuan The Voice
season nine atana coach turin Rihanna
a tel ve dawn niin a sawi. The Voice
NUNNA TUIKHUR : AUGUST : 2015
season nine ah
hian Gwen Stefani
pawh a lo let leh
dawn a, tin, Adam
Levine, Blake
Shelton leh Phar-
rell Williams te
pawh an la awm dawn a ni.
IS TEN AN MIHREN CRO-
ATIA MI LU TAN :
Islamc State firfiak pawl te
chuan July ni 22 a an mi man Croa-
tia mi Tomislav Salopek (30) chu a
lu an tan sak. Tomislav hi IS te hian
Cairo khawpui khawthlang lamah thla
hmasa khan an man a, a lu an tansak
chhan an sawi ah chuan Croatia chu IS
te beihna ah a inhnamhnawih avangin
an mi leh sa an man hi phuba lak nan
an that ta niin an sawi a ni. IS te hian
twitter hmangin Tomislav Salopek lu
an tan lai hi an tarlang a ni. Tomislav
hi nupui nei lai niin fa 2 a nei a, IS
ten an man lai hian Cairo khawpui a
French company pakhat hnuai ah hna
a thawk thin a ni.
CHAMPHAI POLICE IN
HEROIN AN MAN :
Nizan dar 9:30 vel khan Cham-
phai Police te chuan Zokhawtharah
Heroin Hawng 6 (Gram 78) an man a,
a neitu a puh hnam dang mi pahnih an
man tel bawk.
Heroin man hlut zat hi tualchhung hr-
NUNNA TUIKHUR : AUGUST : 2015
alhna a chhutin Cheng Nuai 2 leh Sing
7 man a ni a. Champhai Police-te ch-
uan Zokhawthar to Aizawl Maxicab
a chuang hnam dang pahnih - Bul-
bul (kum 22), S/o Molai Ali, Bagha
(Silchar) leh Jonynul Abedin (kum
35), S/o Abdul Mukti, Mahkal Street,
Karimganj inti te kut atangin Heroin
hi man in, Champhai Police Station-ah
ND& PS Act hnuaiah thubuai ziahluh
a ni a. Vawiin hian Champhai District
Court-ah hruai an ni. (DIPR)
CYMA BUHFAI THAWN
HAKKA THLENPUI
Aug. 11 khan Central YMA
in Burma rama tuilian tuarte tanpui
na hmahruai atana a buhfai bag 200 a
thawn chu Chin state khawpuiber Hak-
ka thlenpui a ni. CYMA hian Mizoram
pumah Burma rama tuilian tuarte tan-
puina tur hian vehbur a khawn mek a
ni.
AFGHANISTAN AH
LIRNGHING
Ni 10/08/’15 tlai dar 3:35 khan
Afghanistan ah 6.2 magnitude a cha-
kin lir a nghing. He lirnghing hian
India ram Jammu and Kashmir, Delhi
leh Rajasthan te pawh a nghawr che
a, Pakistan ram chhung hmun tam
tak pawh a sawi che tel bawk. India
Meteorological Department te chhut
danin lirnghing chhuahna hmun pui
ber (epicentre) chu Hindu kush region
05
a ni a, leichhungril 210 km a thuk ah a
nghing a ni. Khawi atang mahin thi leh
hliam hriat a ni lo hlauh bawk.
MITDAWIVAIH THIAM A
PUH HMEICHHE 5 THAT
Ni 08/08/15 zan khan
Jharkhand a Kanjiya Maraitoli thingt-
lang khua ah mitdawivaih thiam a puh
hmeichhe 5 te chu tualchhung miten
an mu lai kaitho in an that. An khua ah
hian thla 6 liamta ah khan naupang 4
te damlo in a thi a, an thihna chhanah
hian heng hmeichhe 5 te hian an dawi
nia ring in an nun ve zel an phal ta lo a
ni. Police te pawn he thilthlenna khua
hi an tlawh tawh a, thubuai an ziak lut
dawn a ni.
CHINA AH KUM 70 HNU-
AILAM TAN B’DAY LAWM KHAP
China ram bungkhat Tongjiang
county,Northeastern Sichuan Province
ah chuan birthday lawmnan chhun-
gkaw tinin sum an sen hnem thin em
avangin kum 70 chin chunglam tan
chauh birthday lawm phalsak anni. He
sorkar thupek hi mi tamtak chuan an
dodal nasa hle.
AIRTEL IN 4G ZUAR TAN
India rama mobile operator li-
anber Bharti airtel chuan khawpui th-
lan bik 296 ah internet chak chi 4G an
zuar chhuak tan ta.
06 NUNNA TUIKHUR : AUGUST : 2015

DARTHLALANG

-Pro. Pastor F. Lalhmangaihzuala

Tlangval pakhat hian a hmalam hun tur dawnin amah enkawltu tur, nu-
pui fanau nei ta se la engtin nge ni ang, tiin a inngaihtuah buai thei em em a. A
hmalam hun tur chu hriat fiah lawk vek a duh a, mahse hriat a awlai ta si lo va.
Ni khat chu an zirtirtupa a zawt ta tawp mai a, “engtin nge ka hmalam hun tur ka
hriat fiah lawk theih ang,” tiin?
An zirtirtu chuan heti hian a chhang a, zan thim mup hnuaiah mi pakhat
chuan an in hawnna kawng a bo ta tlat mai a, Pathianin eng (torchlight ang) a pe
ta a, chu torchlight chuan an in chu a han
kah/chhun ngial ţhin mah se a kah/chhun
pha lo. Mahse a kalna tur chin erawh a
chhun eng thei zel a, tichuan a tawpah
an in a thleng thei ta a ni. Ringtute pawh
hian kan hmalam hun tur hi kan hmu
lawk lem lo va. Mahse penkhat tete-in
hma lam kan pan zel ang a, a tawpah kan
in tak tak (Vanram) chu kan la thleng
dawn a ni.

MIZO IDOL hle, an Biak In pawh a chanve aia sang

Mizo Idol chu a hmawr baw-
kna lam an hnaih chho ṭan mek zel a,
Top 4 ah Rachel Lalnunkimi, Venghlui
chu niin, top 3 a tlingte :
1. Lalbiakmawia
2. Rebecca
3. Thawhlehnaniropuia
te an ni
MANIPUR TUILIAN
Chatong khua ah tui a lian nasa
tuiin a chim. Chatong khua hi Chandel
district, Manipur a awm a ni.
KELKANG :
Kelkanga harhna chhima kalte
zingah nimin (14/08/15) khan mi
702 an haw a, mi 445 an cham zui a,
mi 800 vel an thlen belh beisei a ni.
Vawiinah (15/08/15) pawh mi 500 vel
an thlen leh beisei a ni a, tuna cham
mekte zingah hian Mizoram pawn lam
NUNNA TUIKHUR : AUGUST : 2015
mi, 4 an tel a ni.
IRAQ AH BOMB PUAK :
Iraq khawpui, Baghdad hmar
chhak lama chawhmeh bazarah pawh
bomb a puah avangin mi 55 an thi a,
mi dang 200 chuang an hliam. Police
hotute sawi danin, bomb puahna hmun
hi Shia Muslim ho chen tamna, Sadr
City venga chawhmeh zawrhna-ah a
ni a, bomb phurhna motor lian chu ba-
zar lun lai-ah a tlan luh hnuah mipui
tamna hmunah a puak a ni. Baghdad
khawpuia Ningani-a bazar lun bera an
sawi, Sadr City-a pawi khawihtute hi
Islamic State mi firfiakte an nih rin a
ni a, hliam zingah hian ngaihtuahawm
tak tak an la awm nual a ni.
PAWISA HLUTNA TLAHN-
IAM :
China sawrkarin ram sum
dinhmun siam thatna atan nimin khan
an pawisa hlutna a tihniam leh a, Peo-
ple’s Bank of China chuan July thla
chhung khan an thil thawn chhuah
atanga an hlep chu za-a 8-a a tlakhni-
am avangin Thawhlehni khan pawisa
hlutna hi za-a 1.9 in a lo tihniam tawh
a, nimin khan za-a 1.6 -in a tihhniam
belh leh a, hemi hnuah hian US dollar
1 leh Yuan 6.3306 a intluk ta a ni.
NIHNA HLIHSAK :
Myanmar rama rorel lai,
07
Union Solidarity and Development
Party (USDP) Chairman, Thura Shwe
Mann chu an party hruaitu a nihna hli-
hsak a ni. Shwe Mann-a hi sipai rorel
laia thuneih dan indawta 3-na a ni thin
a, tuna rorel lai party Chairman a nih
bakah Parliament Speaker a ni. Amah
hi November thla-a Parliament inth-
lanpui lo awm turah pawh President ni
thei tur zinga langsar ber a ni a, amah
pawhin President candidate nih a hnial
loh thu a lo sawi tawh bawk a, mahse
nimin khan an party thupuangtu chuan
an Chairman hi a nihna hlihsak a nih
thu a puang ta thut a, a chhan erawh
chu a sawi lo a ni. Shwe Manna-a ni-
hna hlihsak a nih chhan hi President
Thein Sein-a nen thuneihna an inchuh
avang leh, eptu pawl, National League
for Democracy (NLD) hruaitu, Aung
San Suu Kyi nen inthlanpui lo awm
tura thawh dun tuma inbiaa puh a nih
vang nia sawi a ni a, a aiawh tur hian
an sipai hotu hlui, Than Shwe chu ruat
a nih rin a ni. Puan tawh angin, Myan-
mar ramah hian sipaiten kum 50 dawn
lai ro an rel hnuah kum 2011 khan
mipui thlan sawrkar din a ni a, mahse
Parliament-ah sipai hotuten hmun 4 a
thena hmun 1 an la luah avangin ram
rorelna-ah sipai hotute duh dan a la lal
hle a ni.
CHAWNGKAWR LUPHIR
China rama Nanning khawpuia
sahuanah tun hnai khan chawngkawr
lu phir dah a ni a, ni 15 a dam tawh a,
08
doctor-ten ngun takin an vil a ni. He
chawngkawr hi centimetre 20 chauha
sei a ni a, thluak pahnih a nei a, pumpui
leh ril erawh chu pakhat chauh a nei
a ni. He chawngkawng lu phir hi tun
hnai khan rul khawina hmunah a piang
a, sahuanah hian an dah nghal a, tunah
hian gram 50-a rit a ni a, chawngkawr
pangngai, ni 15-a upa aiin gram 15-in
a zang zawk a ni. Thluak pahnih a neih
avangin a lu pahnih hi a hawi duhna
lam a inang lo deuh reng niin an sawi.
Sahuan enkawltute chuan, he chawng-
kawng lu phir hi a thih mai loh nan
leh, tun hmaa an la hriat ngai bik loh
avangin, khawvel hmun hrang hranga
rul lam thiamte thurawn an dil mek a
ni.
GOOGLE CEO
India mite thlah, America
mi nghet ni tawh, Sundar Pichai chu
Google Chief Executive Officer thar
a ni a, kum 43 mi chauh a ni. Micro-
soft CEO, Satya Nadella, Google Ex-
ecutive Chairman, Eric Schmidt leh
Technology executive hmingthang ber
berten Sundar Pichai hi an lawmpui
thu sawiin, a hna thar sáng tak chu phu
hle-a an ngaih thu an sawi a, Sundar
Pichai-a hi Google CEO pathumna
a ni. Sundar-a hian kum 2004 khan
Google hi a zawm a, mi vbc. tam ta-
kin an hman mek, thil tam tak siam
chhuahnaa hma hruaitu a ni a, a hma-
in Google hnuaia Android, Chrome eh
Apps Senior Vice President pawh a ni
NUNNA TUIKHUR : AUGUST : 2015
tawh a ni. Sundar Pichai-a hian IIT-
Kharagpur atanga B.Tech a zir chhuah
hnuah Stanford University atangin MS
a zo leh a, University of Pennsylvania
atangin MBA degree a nei bawk.
FRESHER’S SOCIAL :
DMZP chuan kum tina a
tih thin angin Delhi a zirlai ti thate
chawimawina Orientation/ Fresher’s
28.8.2015 a neih turah a buatsaih leh
dawn a, class 12 leh a chunglam Delhi
a zirlai ti thate khan hming leh number
a hnuaia tarlan ah hian 23.8.2015 ral
hma in in report tur a ni e. Class 12 bik
hi in report zingah a ti tha ber thlan
leh tur a ni a, Bachelor erawh chu 70%
leh a chunglam hmuchin tan a ni ang.
Master leh a chunglam zawng hi 60%
leh a chunglam a ni thung dawn a ni.
Hminghlua : 9953834291
B Nungi : 9953265091
Mami : 9650263947
DMZP FRESHER’S SPORT
2015
DMZP ten kumtina kan lo
tih thin dan ang in kuminah pawh
kal thar te pualin Dt.22nd Aug 2015
hian Fresher’s sport huaihawt ani leh
dawn a. Hemi ni ah hian sport items
chi hrang hrang hmanga hun hlimawm
tak hman tum leh a ni a , freshers mai
bakah alo awm tawh sa te pawh thahn-
em ngai tak leh kim taka lokal hram
turin kan ngen a che u.
NUNNA TUIKHUR : AUGUST : 2015
A Hmun : Old JNU Campus, Ber Sarai
Tan hun : Dar 10:00 a.m
DOVE AWARDS NOMINA-
TION LIST AN TICHHUAK :
Kristian music huang ch-
hunga chawimawina sang ber leh
secular khawvelah pawh, music lama
hlawhtling leh tling lo tehnaa an hman
fo, GMA Dove Awards nomination list
puan chhuah a ni a, hetah hian Kristian
rapper Lecrae a langsar hle.
Lecrae hian kum 2014 khan
Anomaly album a tichhuak a, he al-
bum hi Billboard 200 chart-ah pawh
pakhatna a hauh thei a ni. He album
avang hian Lecrae chuan nomina-
tion pasarih ngawt a hmu. Australia
chhûlchhuak, Nashville-a insawn ta,
For King and Country chu category
pangaah langin lang hnem ber dawttu
an ni. Chris Tomlin leh Matt Maher
te’n category pali-ah ve ve an lang
bawk.
Ngaihven hlawh category
zingah Artist of the Year hi an hlut
a, he category-ah hian For King and
Country, Francesca Battistelli, Kari
Jobe, Lecrae leh Mercy Me te an lang.
New Artist of the Year-ah About A
Mile, Danny Gokey, I Am They, Lau-
ren Daigle, NF te an inel dawn thung.
Chris Tomlin, For King and Coun-
try, Hillsong UNITED, Lecrae leh
MercyMe te hi Contemporary Chris-
09
tian Artist of the Year-ah an lang a,
Southern Gospel Artist of the Year-ah
Booth Brothers, Ernie Haase & Signa-
ture Sound, Gaither Vocal Band, The
Collingsworth Family, The Isaacs te an
lang bawk. Gospel Artist of the Year hi
mite’n an ngaihhlut em em reng a ni a,
Erica Campbell, Fred Hammond, Is-
rael & New Breed, Jonathan McReyn-
olds, Tamela Mann leh Tasha Cobbs te
hming kan hmu.
Hla lama category ngaihven
hlawh, Worship Song of the Year-ah
“Great Are You Lord” – All Sons &
Daughters, “Holy Spirit” – Francesca
Battistelli, “Forever (We Sing Hallelu-
jah)” – Kari Jobe, “Because He Lives
(Amen)” – Matt Maher leh “This Is
Amazing Grace” – Phil Wickham te
an awm. Dove Awards hi October 18
khian sem a ni ang.
BORUAK THALO VAN-
GIN THIHNA TAM
Non Profit Organization
Berkeley Earth -in zir chiannaa a hmuh
chhuah danin Boruak thianghlimlo
(Air pollution( vangin kumtin China
ramah mi 1.6 million-in nunna an chan
thin niin a tarlang. Boruak thianghlim
lo avanga natna an thihpui tam ber hi
lungphuchawl, strok, chuap cancer leh
thawhahte a ni. Beijing, Shijiazhuang
leh china hmar chhak Tanshang-ah
boruak thianghlim lo a tam zual bik
nia ngaih a ni. (The Guardian ).
10
KUM 11 MIIIN NAU
HRING
Paraguay naupang pakhat
kum 11 mi, a pahrawnin rawng taka a
pawngsual chuan tunkar ningani kham
naute 3kg-a rit chu tha takin a hring.
He naupang hi a pa hrawnin a
pawngsual hnuah a rai tih hriat chhuah
a ni a, a nu in tihtlaktir a duh viau nain
Paraguay danah nau tihtlak phal a nih
loh avang leh he naupang nunna atan
hian a hlauhawm avangin titla lovin
hrintir a ni ta a ni. (CNN).
ZAWHTE UPA BER
Corduroy tia koh Oregon-a mi
Zawhte chuan August 1 khan kum 26
a tling a, khawvela zawhte upa ber,
damrei berah Guineas World Record
chuan a puang. Corduroy hian a hun
tam ber chu a pu Ashley Reed Aku-
ra, Oregon bulah a hmang thin a ni.
(CNN).
MAGGI ZALEN TEP
Mumbai High Court-in Maggi
Noodles khuahkhirh chungchanga
thubuai Food Safety and Standard
Authority (FSSA) -in Nestle India
kalh zawnga a theh luh chungchang a
ngaihtuah hnuah vawiin chawhma lam
khan thuremna a tichhuak a, thurem-
naa tarlan a nih danin “Maggi noodles
khuahkhirh a nih hma hian Principle of
Natural justice and procedures zawm
that a ni lova, chuvangin, Maggi noo-
NUNNA TUIKHUR : AUGUST : 2015
dles khuahkhirhna chu hlih a ni ang a,
amaherawhchu, dawra zawrh chhuah
leh hmain test nawnleh phawt tur a ni
“ tih a ni.
(TOI).
KUM 10 CHHUNGIN MI 3 KHAI-
HLUM TAWH
Khawvela Democracy ram
lian ber India ramah dan rorelna hnu-
aia thi tura an chungthu rel tawh zat
chu 2004-2012 inkar kum 10 chung
khan mi 1,303 an tling tawh a, mahse,
court sang zawkah appeal thin a nih
avangin mi 1,300-te chu court zahn-
gaihna avang liau liauin damchhung
tang zawk tura commute sak a ni a, mi
3-te erawh khaihlum an ni. Chungte
chu:-
1. Dhanajoy Chatterji: Tleirawl
pawngsuala that zuia puh chu thi tura
a chungthu rel a nih avangin Aug. 14,
2004 khan kum 42 a nihna piancha-
mah Alipore Central Jail, West Ben-
gal-ah khaihlum a ni.
2. Mhammad Ajmal Amir Kasab:
Kkum 2008-a helpawlin Mumbai
khawpui an beih tuma helpawl dam-
khawchhuak awm chhun chu Nov. 21,
2012 khan Pune-a Yerwada Jail-ah
khaihlum a ni.
3. Mohammed Afjal Guru: Kum 2001-
a India Parliament beihnaa mawhphur-
tua puh chu Feb. 9, 2013 khan Delhi
Tihar Jail chhungah khaihlum a ni.
Kum 1993-a Mumbai hmun hranga
bomb tihpuaha mawhphurtu bera puh
NUNNA TUIKHUR : AUGUST : 2015
Yakub Memon chu thiamloh chantira
thi tura a chungthu rel a nih ang ngeiin
nimin July 30, 2015 khan Nagpur Jail
chhungah khaihlum a ni ta bawk.
IIT-IN ZIRLAI 71 ADMIT
IIT chuan thla kal taa zirlai
awm tha duh lo 71 a lo hnawh chhuah
tawhte chu thudelhkilh neiin an vaiin a
admit nawnleh ta.
DELHI POLICE-TE’N
THU ZAWT FIAH
Thawhtanni khan Delhi Po-
lice crime branch team-te chuan Del-
hi University hnuaia Kiroki College
hnathawk (Staff) pakhat chu dik lo
taka admission a lak chungchangah
thu an zawt fiah.
N. E. AH UNIVERSITY
THAR
Thawhtanni khan Tripura left
front sorkar chuan Tripura State Uni-
versity din a nih theih nan hma lak
mek a nih thu a puang. He University
hi din a nih theih nan Tripura Assem-
bly fur thutkhawm hun zirtawpniah
hian bill pawmpui hman tura ruahh-
manna kalpui mek a nih thu a tarlang
bawk.
KERALA-AH IIT THAR DIN
India rama 18-na ni turin thawhtanni
11
khan Indian Institute of Technology
(IIT) thar chu Kerala-ah hawn thar a
ni. He IIT tharah hian zirlai 117 admit
nghal an ni a, UP atangin zirlai an tam
ber a, a dangte hi State dang leh Kerala
state chhunga mite an ni. (Zee News).
MALAYSIAN AIRLINES
MH370
Malaysian Minister Abdul
Aziz Kaprawi-a’n a tarlan danin niku-
ma Malaysian Airlines flight MH370
Boeing 777 michuang 239 phur chun-
ga chin hriat loha tun thlenga bo chu
khawvel sorkar hrang hrang puihnaa
an zawn hmuh theih tawh loh chu
India tuipui (Indian Ocean )-ah he
thlawhna keh them ni ngeia hriat chu
hmuh a nih thu uar takin a sawi. (The
Guardians).
PRISON BREAK IS COM-
ING BACK!!!
American T.V series lar, helai
ah pawh Mizo tawng a an leh kan lo
en nasat ve em em Prison Break chu
a chhuak leh dawn e! Prison Break
hi season 4 (2005-09) chhung khan
chhuah a ni a, season 5 na tur an
chhuah thar tur thu U.S T.V network
Fox chuan an puang leh ta. Season
thar hi nakum 2016 a chhuah tur a ni
a, episode 10 a awm ang.
Wentworth Miller leh Dominic
Purcell ten changtupa te unau Michael
Scofield leh Lincoln Burrows te lem
12
an chang leh ang. Prison Break tawp
na “The Final Break” ah khan Michael
chu a thi a mahse season thar ah hian a
dam leh dawn a ni.
Executive producer chuan
“Show tawp ah Michael kha thi tawh
mahse season thar ah chuan awihawm
tak leh awmze nei takin a la dam dawn
a ni. Kan character zawng zawng te an
la dam ang a, an nun dan te a lang leh
vek ang.’’ a ti. Michael leh Lincoln te
bak ah hian tu tu nge lang leh dawn
tih an la puang lo na in Sara leh T.Bag
leh L.J tih vel te chu an lan leh ngei a
beiseiawm.
MAHNI INTIHLUM TAM
National Crime Record Bureau
(NCRB)-in a chhut danin nikum 2014
chhung khan India ramah natna (Ill-
ness ) tih lohah chuan mahni intihh-
lumna hi thih chhan tam ber dawttu a
tling. Rilru leh taksa lam natna avanga
mahni intihlum hi nikum chhung khan
mi 1,31,666 an awm a, heng zinga mi
23,756-te hi rilru buai avanga intihlum
an ni a, intihlumte hi hneicchhia aiin a
let hnih aia tam mahin mipa an tam nia
chhut a ni. (Firstpost)
NAUPANG NEIH TUM
MAN
Kum 35 mi Kallanai chuan
Zirlai kum 12 mi chu nupuia neih
tuma inhualna thi awrhtir tumin bus
tlan laiah a tihchiai avangin Madu-
NUNNA TUIKHUR : AUGUST : 2015
rai Tamilnadu-ah Police te’n an man.
Kallaini hian he zirkai naupang hi a
hmangaih bur avangin hetiang hian a
ti ta a ni. Naupang hi a rak vak avan-
gin a bula mitten Kallaini hi an man a,
police kutah an hlan ta a ni. (TOI).
EUROPE AWARD A THI-
AM ZUAL PATHUM MESSI,
RONALDO LEH SUAREZ
Europe khawmualpuia foot-
ball thuneitu sang ber UEFA chuan
Best Player in Europe award dawng
thei tur hming sawm a tarlan aṭangin
pathumah a thlifim leh ta a, Barcelona
player pahnih Lionel Messi leh Luiz
Suarez te hming a lan bakah Real
Madrid innghahna Cristiano Ronaldo
hming a lang bawk.
UEFA hnuaia ram 54 journal-
ist-ten UEFA Best Player in Europe
award dawng thei tur hi vote hmangin
an thlang a, chawimawina dawngtu hi
August 27-ah puan chhuah a ni ang.
Best Player dawng tura mipui
rin hlawh ber Messi hian season hman
zawh takah khan Catalan club tan
vawi 57 a inlanah goal 58 a khung a,
Barcelona treble champion an nihna
kawngah a thawhhlawk hle.
Nikuma chawimawina dawng-
tu Ronaldo hian season hman zawh
takah khan inelna hrang hrangah goal
61 a khung a, 9-1 a Granada an sawp
ṭumin goal nga a khung nghe nghe.
NUNNA TUIKHUR : AUGUST : 2015
Striker chanchin ngah Suarez
hi Barca tlarhmaah Messi leh Neymar
te nen inkawpin an khingpui defender-
te tan mangchhia an ni. Uruguayan
striker hian season hmasaah khan
vawi 43 inlanah goal 25 a khung a,
Messi leh Ronaldo angin goal khung
hnem lo mah se ṭhiante goal khung tur
siamsak kawngah a ṭangkai hle.
FB-AH I PHONE NUMBER
DAH SUH
Facebook-ah mi tam tak chuan
kan phone number kan dah a, mahse
hei hi a lo him lo. I dah a nih chuan
siam ṭhat nghal a ṭha mai thei. FB-ah
i phone number i dah a nih chuan FB
search bar-ah i phone number dahin an
search anga i private detail an hre thei
dawn.
Salt. agency-a an technical
director Reza Moaiandin chuan Brit-
ain, US leh Canada-a phone number
te hmangin a tichhin a, privacy set-
ting aṭang pawhin siam mah se, phone
number a risk dik hote personal profile
a duh ang angin a hre thei. Hei hi com-
puter lam chinchang hre tan, hacker
tan chuan hack-na remchang tak a
awm thei ang a, cyber crime lamah a
him lo thei a ni.
FACEBOOK IN NAUTE
THAR NEI DAWN
Facebook co-founder leh CEO
Mark Zuckerberg leh a nupui Priscilla
13
Chan te chuan an fa hmasa ber turin
hmeichhia an beisei mek tih an puang.
Mark leh Priscilla te hi 2012 khan an
innei a, naute an neih tur thu a puan
rual hian naute neih tura an beih na-
sat zia sawiin khang kum 2 chhung
khan vawi 3 lai nau anlo chhiat twh
ani. Mark chuan “ naute kan nei dwn
tih kan hriat chuan beiseina nasa tak
min siam a,eng ang mi nge an nih anga
tiin beiseina nen an hmalam hun tur
kan ngaihtuah a. An tan ruahmanna
te kan siam hnuah puitlin hma in min
kalsan a, hun tawn khawharthlak tak
a ni. Mi tam tak chuan nauchhiat hi
sawipui an duhlo a, a chhan chu kha
thil khan anmahni ah harsatna a thlen
an hlauh vangte ania. Mahse tunlai ah
chuan sawiho te hian in pawh tlanna
leh beiseina min siamsak zawk a ni.
Keini pawh kan thiante hnena kan
han hrilh chuan mi tam tak keini ang
bawka harsatna twk ten a hnuah naute
hrisel tak tak an nei leh tho a ni. Heng
kan thil tawn atang hian midangte
pwhin beiseina thar an neih leh kan
beisei a ni. Tunah chuan naute pawh a
kar a tam ve tawh a...nauchiat theihna
chance pawh a tam tawh lo a..beiseina
sang tak kan nei a ni.
Naute leh anu pawh an hrisel-
na a tha a, hmuh hlan ka ngakhlel tawh
em em a, ultrasound ah pawh thumps
up min pe a hei vang hian ka hnung a
rawn zui ngei ngei ang tih ka ring a ni.
“We’re looking forward to
welcoming her into the world and
14
sharing more soon when she’s ready
to come out and meet everyone.”
Pu Mark leh Pi Priscilla te kan
lawmpui e, naute hrisel leh hmeltha
tak an neih ngei kan duhsak e.
CLUB HAW TU NGAH
BER MAN UTD
Mirror in survey an neihna ah
Premier League club zing a haw tu
ngahber chu Manchester United an ni.
Club hrang hrang fans te chu Mirror
hian zawhna an zawt a, United hian
haw tu an ngah ber a, pahnihna ah
Premier League champion lai Chelsea
an awm bawk. Liverpool chu pathum-
na ah awm in Man City palina ah an
awm thung a, Tottenham pangana ah
awmin Arsenal parukna ah an awm ve
bawk. Premier League rawn kai thar
Bournemouth chu haw tu nei tlember
niin Bournemouth dawtah chiah hian
Southampton an awm bawk a ni. Club
haw tu ngah te(Average a lak a ni)
Man Utd | 68
Chelsea | 65
Liverpool | 60
Man City | 53
Tottenham | 46
Arsenal | 41
Stoke | 41
Newcastle | 39
West Ham | 37
Aston Villa | 32
Sunderland | 30
Crystal Palace | 24
NUNNA TUIKHUR : AUGUST : 2015
Leicester | 21
Everton | 21
West Brom | 21
Norwich | 18
Watford | 15
Swansea | 13
Southampton | 11
Bournemouth | 9
KHAWVEL A LUNGHLU
HLU BER “VIRGIN RAINBOW”
HMUH CHHUAH A NI TA.
South Australia rama lunghlu
khur atanga an laih chhuah tak ‘Opal’
rawng chi hrang hrang in chawih mawi
tak mai chu khawvel in tlereuh a hmuh
tawhte zing a mawi ber a ni hial awm
e.
Tuikeplung var, naupangte thil
khalh thin a chhung a tui emaw thil
hnang deuh emaw an thun avanga che
deuh hlurh hlurh ang viau mahse, a hlu
in a mawi a ni.
Dollar maktaduai khat a hlu ni
in, dinosaur te ruang khawro tawh, lei
inthuahthip kâra kum maktaduai ch-
uang lo in phum ru tawh a nih avanga
Opal-a lo insiam ta a nih avangin “Vir-
gin Rainbow” tih in a hming phuah a
ni a.
He lunghlu hi South Austra-
lian Museum, Adelaide-ah tun favang
chhoh velah, a vawikhatna atan mipui
hmuh theih tur in phochhuah a ni ang.
NUNNA TUIKHUR : AUGUST : 2015
CHINA RAMAH KANG-
MEI RAPTHLAK A THLENG
Ni 13/08/15 zan khan China
ram khawpui Beijing bula Tianjin-ah
kang mei rapthlak tak chhuakin mi 44
an thi a, mi tam takin hliam an tuar.
China ram dar 9 vel khan mi mak-
taduai 15 lai chenna leh Industry lian
tam tak awmna Tianjin-ah thil puak
ring tak hriat a ni phawt a, chumi hnu-
ah a aia ring a puak leh a, kangmei a
chhuak nghal a, thilpuak hmasa zawk
hi TNT kg 3000 halpuah ang vela na
a ni a, a vawihnihna puak phei hi chu
TNT kg 21,000 tihpuah ang khawpa
na a niin hla taka tang pawhin a ng-
hawr natzia a hriat theih a, chuta tang
chuan kangmei nasa tak a chhuak ta
niin CCTV chuan a puang a, BBC ch-
uan “industrial accident” a thleng a ni
ber e, a ti.
Kangthelh motor 100 zetin
zankhua-in mei chu thelhmih tumin
an bei a, zing khua a lo var meuh ch-
uan Tianjin chhiatna rapthlakzia hmuh
theihin a lo lang ta uar mai a ni.
CCTV sawi dan chuan mi 44
an thi a, hliam 500 lai an awm a, hliam
zinga 32 te chu ngaihtuahawm tak an
ni hlawm.
SIKEISEN-AH “ALIEN
HMEICHHIA” NIAWM TAK
THIL AN HMU!
America Vansang chanchin
15
zirbingho- NASA’s Mars Curiosity
Rover chuan mel maktaduai tam, hla
tak atangin Sikeisen (Mars) ah “Alien
Hmeichhia” niawm takin Rover khawl
chu Tlang pakhat atanga a thlir lai an
hmu niin, UFO Sightings Daily chuan
a tarlang. Social media-ah thawn darh
a ni.
Sapho pawh hian Mizote ang
thovin, thilmak sak danglam deuh
(strange) hi an lo lawm ve khawp mai.
“Enge ni a i hriat?” tiin, NASA’s Jet
Propulsion Lab., US chuan a zawt let
a, “Thil engemaw chu a ni” tichauhvin
an hrilhfiah !
US ṬANPUINA SUM HUI
HNEM TUR RAM 10
Khawvela ram ropui ber
America chuan 1946 atang tawh khan
khawvela ram rethei leh pachhia 200
lai kumtin a lo tanpui tawh thin a, ku-
mina America ramin US Agency for
International Development (USAID)
tanpuina sum a pek tur zingah India
ramin a hui hnem ber dawn a, a fa
chuam Isreal-in a dawt dawn thung a
ni. India hi a lehlamah hmasawn tak
angin lang mah ila, lehkhathiam lo
tamna ram ngang hi a ni a, mi mawl
tihchangkan hi thil harsa ber a ni hial
awm e. Child survival leh health, de-
velopment assistance, HIV/AIDS ini-
tiatives, migration leh refugee assis-
tance, food aid leh narcotics control
lama hman tur a ni a.
Israel ram humhim leh venhim
16
hna hi America hian pa chan changin
a mawhphurhna-ah a la hrim hrim a, a
tanpuina te hi Economic Support Fund
leh Security Support Assistance atan
hman tur a ni ang.
1. India: $65.1bn
2. Israel: $65bn
3. United Kingdom: $63.6bn
4. Egypt: $59.6bn
5. Pakistan: $44.4bn
6. Vietnam: $41bn
7. Iraq: $39.7bn
8. South Korea: $36.5bn
9. Germany: $33.3bn
10. France: $31bn
TUILIAN VANGA
HALKHA KHAWPUI IN CHHE
ZAT 1119
Chin state Capital Halkha
khawpuiah leimin avangin chhiatna
a thleng nasa hle a. Leimin avanga in
chhia zawng zawng hi 1119 a ni, lei-
min tuar hi mihring 7678 an ni a, lei-
min avanga nunna chan mi 4 an awm
bawk a ni.
Halkha khawpui 10% vel hi le-
imin hian a tuam a, leilawn 21 a chhia
a, lo acre 200 a chhe bawk, leimin
avanga in leh lo chan zawng zawng hi
a pawisaa a hlutna chhut chuan Kyat
3.8 Billion hu a tling a ni.
Chin state Government-a In-
dustry & Power Minister Pu Cin Lian
Pau-a chuan ‘ Halkha khawpui hi Ge-
ologist ten an enfiah phawt ang a, a tul
chuan sawn a ngaih dawn thu a sawi
NUNNA TUIKHUR : AUGUST : 2015
a ni. Tunah hian in 300 vel chu loh
theih lohva sawn a ngai dawn a, tunah
hian Halkha leh Falam inkar mile 4
leh mile 7 inkarah an in benbelna tur
inhmun remruat mek a ni ‘ a ti.
TLANGRAM KHAWPUI
FAI AH AIZAWL 35 NA.
The Telegraph in a tarlan dan
in Tlangram Khawpui fai/ thianghlim
thlanna ah Aizawl chu 35 na ani a,
Gangtok erawh top ten ah langpha in
10 na ani. Mizo ten kan tlawh chak em
em thin Darjeeling chu 129 na ani a,
Shillong pawh 120 na ani. Tlangram
khawpui fai ber no 1 chu Thiruchira-
palli (Tamil Nadu) ani e. Hei hi tukin
news paper atangin a ni e.
He survey hi Union minis-
try of Urban development neih ani a,
khawpui bal ber chu Damoh (madhya
pradesh) ani..an survey hi khua 476 a
ni.
MALAYSIA AH MIZO THI
Lalramthanga (aung nei mu)
Malaysia a cheng chu Dt 06.08.15 In-
dia zan dar 10 vel ah mi kut tuarin a
boral a ni.
Pu Lalramthanga kutthlak tu hi
man a la ni lova, tlangmi tho ni ngei
a rin a ni. Rinhlelh pa hian hmanni
lawkah kut a lo thlak in a lo sawisa
tawh bawk a ni. Pu Lalramthanga tlai
lam dawr a thil lei tur a kal chu hepa
vek hian Taxi in tlai tawh takah eng-
NUNNA TUIKHUR : AUGUST : 2015
mah hre lovin a rawn thlah haw a, a
chhungte hnenah kawr ah a tla tiin a
hrilh mai a, anni pawh chuan a thusawi
chu awihin an lo bawihsawm nghal a,
mahse a lu ah hliam te a awm avang in
leh kawr a tla si a thawmhnaw pawh a
huh miah loh avangin damdawiin ah
an hruai a, doctor in zai nghal tur a, a
tih chu zai chi anih tawh loh thu leh
nasa taka kutthlak anih thu a sawi a,
chu mi hnu ah chuan Pu Lalramthanga
chu a hliam tuar lovin a boral ta a ni.
Rinhlelh pa in a, Pu Lal-
ramthanga ava hruai haw hnu hian
amah hian a Phone Switch off in a bo
ta nghal a ni.
Pu Lalramthanga nupui hi Ma-
laysia Police ten an la nghal bawk a,
tunah hian a pasal ruang pawh la hmu
thei lova hren a ni rih bawk a ni.
Tukin lamah chhiat tawk ch-
hungte zinga mi US a awm pakhat ch-
uan he an rihhlelh pa hi a Phone on lai
tak nang fuh in a be hlauh mai a Police
a inpe tur in a ti a, ani chuan ka in pe
ang tiin a lo chhang ve mai bawk a.
Mahse a in pe chuang lo a, biak zawm
theihin a awm lo leh zui ta a ni. Pawi
khawih tu hi zawn mek a la ni a, an
man thuai a rinawm a ni.
Pu Lalramthanga hian a nupui
leh a fapa kumthum mi a kalsan a ni.
A thattu a rinhlelh hi Hmunenga S/o
Thangseia a ni a, Aizawl Sharon ven-
17
gah Malaysia a kal hma in rei vak lo a
awm a ni.
Pu Lalramthanga hi Hmunen-
ga putea a ni a, Hmunenga hian a putea
hi a lo cho fo tawh thin a ni. Chhiat
tawk chhungte Pathianin a kut chakin
veng se la, awmpui tlat rawh se. Kan
tuarpui takzet a tawngtainaah kan hre
theuh dawn nia.
PM MODI INDEPEN-
DENCE THUCHAH 10
Prime Minister Narendra
Modi chuan Red Fort,Delhi-ah Inde-
pendence thuchah a sawi a, a thusawi
pawimawh zual 10;
1. Tukin hi tuk dang ang a ni lo, India
ram mipui vbc 125 te tan ni pawimawh
bik, hmasawn zel tura beiseina eng an
hmuh ni a ni.
2. India mipui vbc 125 te hi Team In-
dia chu kan ni a, kan ram tikang tura
pawl khat team khat tangrual mek chu
kan ni.
3. Hnam inthliarhranna, casteism leh
communalism hian kan ramah hmun a
chang tur a ni lo.
4. Jan Bhagidari hi democracy rohlu
ber a ni, ram mipuite nena langtlang
taka inhriatpawhna hi a pawimawhin
ram hmasawn nan kan hmang tangkai
zel tur a ni.
5. Kan ruahmanna te hian mi retheite
a huam tel vek tur a ni. Mi retheite tan
bank khawngkhar inkhar reng hi kan
pawmzam tur a ni lo.
18
6. Bank accounts neih hi ram pum
huap miretheite tihchangkan nan leh
kan ram financial system atan thil
pawimawh tak a ni.
7. Nikum Red Fort-a thu ka sawi khan
thianghlimna leh dailen in chungchang
ka sawi lang a, kha ka thil sawi khan
a tha zawnga nghawng a lo ngei a nih
chuan chu chu thianghlimna kawnga
beihpuithlak hlawhtlina bul chu a ni
ngei ang.
8. Swachh Bharat Abhiyaan ti-
hlawhtling tute hi tute nge ni? India
ram naupang te hi an ni.
9. Hnathawh zahpui loh leh hnathawh
zahawmna hi kan ram leh hnam
mawhphurhnaa a nih angin kan nitin
nunah kan senglut ngei tur a ni ang.
10. Shrameva Jayate Yojana beihpui
kan thlak mek hi kan rama hnathawk-
tute zahawmna chawinuna tur ruah-
manna a ni a, kan rama hnathawktute
kan en dan hi kan thlakthleng a hun ta
tak zet a ni.
MI CHANGKANGTE NI-
HNA
1. Eng hna pawh an thawk hreh lo.
2. Mahni intodelh an tum.
3. Mi tlawmngai tak an ni thin.
4. Mahni culture ah an chiang.
5. Pawnlam lan danah mi an Judge ve
mai ngai lo.
6. Fashion aiin knowledge an ngai
pawimawh zawk.
7. Fashion ain responsibility an ngai
pawimawh hmasa zawk.
NUNNA TUIKHUR : AUGUST : 2015
8. Midang an hmusit ngai lo.
9. Midangte thil tih sa an sawisel
ringawt ngai lo.
10. Thil hre ber anga lan an tum ngai
lo.
11. Mi vantlang khawsak anga khaw-
sak mai hi nuam an tiin, mi zingah
dangdai leh lansarh ber an tum ngai lo.
12. Thusawitu nih aiin mi dang thu-
sawi ngaithlatu nih an duh zawk fo.
13. An aia thil hre lo zawkte an nui-
hzat mai ngai lo.
14. Mi dangte ngaihdan an ngaichang
thiam.
15. An thu sawiah an fimkhur.
16. Mi dang nun/life style-ah an buai
ve lem lo...
ARNGENG/HMAI BAWL
(ACNE/PIMPLE) DAMDAWI
Ramhmul damdawi (Natural
remedy) tha tak hmang hmai arngeng
(Pimples ) leh hmai bawl /arngeng
(acne) enkawl nana damdawi thate :
1. Serthlum rah/a hnah
2. Thingrai (sandalwood ) hriak
3. Hmawng zung (banian oots )
4. Antam bulthlum(carrot) hel
5. Dhania (celery) hnah nuai sawm
tui/a a zung
6. Nihawi (Dandelion) hnah dip atan-
ga siam powder.
Hengte hi Arngeng damdawi atana
hman chuan nghawng tha lo (side ef-
fects ) engmah a awm ve lova a dam
a chiang bik bawk. Mahse nghah rei
peih a ngai thin a ni.
NUNNA TUIKHUR : AUGUST : 2015
MUVANLAI LEH RINGTU NUN
I saia 40:31 “Lalpa nghaktute erawh chuan an chakna chu an
siam ţha leh ang a; muvanlaite angin thlain an thlawk chho
vang a; hah lovin an tlan ang a; chau lovin kein an kal ang.”
Lalpa ringtu leh Amah nghak-
tute an mualpho ngai lo. Mizo Bible
hian mupui tiin a ziak a, mahse mu-
vanlai a ni zawk. Thil engkim hi aw-
mze nei veka siam an ni. Muvanlai tar
tih nei lo an tih ţhin kha, chungleng
leh hnuileng an indo khan
chungleng lal chu mu-
vanlai a ni a, hnuai-
leng lal erawh rulpui
a ni. Hnuaileng an
tlawm a, chunglen-
gin an hneh. Mu-
vanlai chu ringtu
nun zirna atan aw-
mze nei ril tak a
ni.
Muvanlaiin kawppui tur a
zawn dan chu thingţang a hmuia se-
hin sang takah a thlawhpui a. Kawp-
pui atan a sawm hma zawnah chuan
a lo hmuh ngei turin a thlak thla a. A
sawma chuan a lo hmuh veleh a saw-
mtu chu a han en chho thuai a, a duh
zawng a lo nih chuan thingţang chu lei
a thlen hmain a zuk chhar a. A sawmtu
hnenah, “min sawmna hi ka pawm e”,
tih entirnan a pe kir leh a, tichuan ch-
19
-Baby Naomi Pa
hungkua dinin bul an lo ţan ţhin a ni.
Pathianin Krista mo atan thing Kros
hmangin min rawn zawng a. A ringtu
apiangte van khua leh tuiah min siam
a, Pathian chhungte kan lo ni ţhin.
Muvanlaiin ran thisawn sa a ei
ngai lo. A nung lai ngei a man a,
a taksa leh a thisen lum lai
takin a ei a, a fate chawm
nan pawh a hmang ţhin.
Isuan, “ka taksa leh ka
thisen in ei a, in in lohvin
nangmahniin nun nei hek lo che
u”, min tih kha.
Muvanlaiin
thlaler lungpui
chungah te,
hmun fianrial takah te rannung dang
ten an chimbuai lohna hmunah, hling
zum tak tak hmangin bu a chhep ţhin.
A chungah chuan savun hmul dup
nuam ţha tak mai a note sen laia an
mut lum theihna turin a phah leh thlap
a. A note an lo changkan deuh hunah
chuan sahmul chu a paihsak a, hling
zumah an awm ţhin. Muvanlai note
chu a lo puitlin dawnin a puiin a bu
ata a ţham a, thlawh zirtirin a paih thla
20
ţhin a, an tlak nat loh nan lei an thlen
hmain a thlain a chawi kang leh zel
ţhin.
Ringtute kan lo pianthar tirh
chuan lawm sawi hleihtheih loh khaw-
pin kan hlim em em a, buzawl dup
nuam takah chuan sa leh thisen lum
lai ngatin min chawm a, inkhawm leh
ţawngţai kan kham lo va, zai leh lamte
a nuam em em mai a. Pathian thu
sawi leh ngaihthlakte a nuamin thla a
muang hliah hliah a.
Nun puitling nei tura min zirtir
chinah meuh chuan, a chhandam hlim
lawmna leh kan innghahna zawng
zawng min ţhiahsak a. Ţhian ţhate
pawhin min kawmserh a, chhungkuaa
kan chenpuite ngei pawhin thatchhiat
leh dawngdah vangah min puhsak a.
Ramhuai thlarau changah te min puh
a, (anmahni zawkin ramhuai thlarau
an chang a ni si a) kan lo puitlina, Lal-
pa hmantlak kan nih theihna turin Ani
chuan min zirtir a ni zawk si. Thilnung
pali te ang khan a changin a hmaah ka
sual min hriattir a, a changin a ding la-
mah malsawmna min vur a, a changin
vei lamah sawichhiat min hlawhtir a.
A changin hnung lamah chhelna min
zirtir ţhin. Zum leh hriam karah min
dah a, nimahsela, sual tuipuiin min
chim pil loh nan amah Lalpa vekin
muvanlai thla angin min chawikang
leh ţhin.
Muvanlaiin ran thisawn sa
NUNNA TUIKHUR : AUGUST : 2015
a ei ngailo a, mulukawlh erawh ch-
uan ran thisawn sa rimchhe tak a ei
ţhin a; nunna, vitamin a awm ve lo.
Ringtute chuan nunna Pathian thu leh
a thawkkhum Bible thunung chauh
chhiarin chaw atan kan hmang a.
Ringlo mite erawh chuan mulukawlh
angin, khawvel leh mihring chanchin
mai mai hi an mit leh beng tlaina tawk
chauh an buaipui a. Thlarau tân nunna
vitamin a awm ve lo.
Muvanlai chu van sanga khaw-
sa a ni a, tuipuia chaw a zawn dawnin
a mit aţangin tehna ţangkai tak mai
chu hmangin, a ral beih tura taksa rih
lam leh a thahrui chak lam a hriatsak
hmasa ţhin. Hnuaileng, a hmelma laka
a chetsual loh nan, ani chu chungleng
lal a ni si a. Ringtute chuan Bible
pawn lam thu kan chhiarin emaw,
mi dangte thu sawi kan ngaihthlakin
emaw, chunglam hriatna hmangin kan
teh ţhin a. Thlarau nazawng pawh kan
ring mai lo. Chunglam hrin kan ni a,
kan hmelmapa, Setana lem channa
mai a kalsual tur kan ni lo.
Muvanlai chu a lo upa a, a mit
a chak tawh lo va, a thla leh a mei te
pawh lo bulin, a hmui leh a ke tinte
pawh a lo bil a. A hmulte tla kawlhin,
a vun hial pawh a ngawt zo ta. Hetih
hunah hian a siamtu thiltihtheihzia
chu hre rengin a pianna hmun fianrial,
thlaler lungpui chungah kumkhat pum-
hlum chawnghei ţawngţai a hmang
a, nitinin zinga ni lo chhuak chu tlai
NUNNA TUIKHUR : AUGUST : 2015
lama a tlak thlengin a en reng ţhin a.
Chutianga kumpui sul a lo vei meuh
chuan ni zung chakna chu a mitah lo
lutin, a mit chu a tleirawl lai anga siam
ţhatin a lo awm leh ţhin. Thlasik vur
leh dai khawvawt chuan a taksa pu-
min a hmet zawr vek a, ţhal khawlum
leh ni sen-sain a em ût leh rum mai a,
fur thlichhe hrâng leh ruahtui nasa em
em chuan a rawn tleuh fai duak mai
a. Chutianga kumpui lingleta hun ţhen
zawng zawngte a tuarchhuah vek hnu-
ah, favang hun thengthaw nuam tak
maiah chuan a taksa pumin siamţhatin
a lo awm ta a.
Ringtute ang
maiin mu-
vanlai
chu tar
tih nei lovin siam
ţhatin a awm zel a ni.
Thing tinrengte pawh hian fur,
ţhal, thlasik leh favang te hun ţhen za-
wng zawng kumpui lingleta an tuar
chhuah hnu chauhin rah an chhuah
thei chauh a ni. Ringtute kan lo puitli-
nin, Lalpa chuan a rawngbawl turin
min duh a, mahse Kros paltlang lovin
Lal rawng a bawl theih loh. Hrehawm
tam tak tuarin vanah khian ro kan
khawlkhawm a ni zawk.
Muvanlai chu a thlawh san poh
leh leia a chaw, a hmelma chu a hmu
fiah ting mai a. Ringtute Krista lama
kan san poh leh sual leh a hnathawh
kan hmufiah tual tual mai a ni. Lalpa
21
ringtu leh amah nghaktute chu, thlem-
na leh fiahnate tuarna hmunah pawh
Lalpa zawkin a lo nghak ţhin. Meipui
aţang te, sakeibaknei puk aţang te,
tuipui mawng nghapui kawchhung
aţangtein.
Lalpa nghak lova mihring lam
lo chet hmasaknaah tisa mi Ismaela a
lo piang a. Abimaleka chuan Lalpa a
nghak lo va, Moab ramah ţam tlanin
muk takin a pem a, ţam tlanna hmu-
nah a fapa te pahnih nen s e n g i n
an awm a , a mote
pahnih leh a
nupui hmeithai
kutbengin an kir leh.
Pathian finna erawh chuan a
mite ţam tlanna hmunah bawih
a chantir a, a thiltihtheihzia an
hriat theih nan amah vekin a hruai
chhuak leh thin a ni.
HRIATZAUNA
-Pro. Pastor F. Lalhmangaihzuala
Tirhkohte Thiltih bung 10:
12 (Mizo Bible)-a “Fuliafa” tih
ţawngkam a awm a. “Fowls” tiin Sap
(King James) ţawngah chuan a awm a,
mahse sava chhungkuaa mi anga ngai-
hin a huam zau ber awm e.
22
CHANCHIN THA MITIN TAN
A BIK TAKIN MIZOTE TAN
H masang finna lo chhuahna ram Greek ram chu a lo tluchhe
ta a, Greek philosopher ropui Socretes te, Plato te, Aristotle
te kha lo tho leh ta se, engtin tak ngai ang maw?
KNOW YOURSELF
Hmasang hnam fing hmasa Greek-ho
khawpui Delphi-a Temple of Apollo
luhna kawngkapui chungah chuan,
“Know thyself” tih thuziak hi an tar
kuau mai a. A awmzia chu, “Mahni
inhre chiang rawh” tihna a ni mai awm
e. Socrates-a chuan mahni inhre chi-
ang mang si lo va, finna thuk zawk leh
hriatna ril zawk hriatchhuah tuma hun
leh tha khawhral chu thil atthlak leh
thil nuihzatthlak tak a nih thu a sawi
a. Mahni inhre chiang phawt ila, thil
dang chu chiang leh fiah zawkin kan
thiam theiin kan hre thei dawn chauh
a ni a tihna a ni ber awm e. Mizote hi
tute nge kan nih? Eng ang hnam nge
kan nih a, eng ti tur nge kan nih? tih hi
han sawi ka tum a ni.
MIZO FUSION
Mizote’n kan ngaihsan em em Sap-ho
leh an ţawng, English hi hnam khat
aţanga rawn insiamchhuak a ni lo va,
hnam hrang hrang leh ţawng hrang
hrang aţanga rawn insiamchhuak a
ni. England ram khu hmanlai chuan
NUNNA TUIKHUR : AUGUST : 2015
-Familia Fanai Laltansanga
Irebisan leh Celt te awmna a ni a, B.C
55 kum khan Rome Lal Julius Ceasar
khan a run a, A.D 410 thlengin an awp
a. German hmar lama awm Tutono
hnamin an run leh a, chung hnamte
chu Angles, Saxons leh Jutes te an ni
a. Danish–hovin an rawn run reng a,
A.D 871 khan Alfred the Great kha
lal a lo ni ta hial a. Danish-ho an rawn
pemlut zel a, a hnu-ah Saxon chu thu-
neitu ber an lo ni leh ta a. A.D 1066-ah
Norman hovin an rawn run leh a, an
chenchilh ta reng a, nupui pasal inneih
pawlhin an inthlahpawlh nasa ta hle
a. French ţawng pawh chu ţawng tual
leng hran bik liau liau angin a awm
thei ta bik lova, Latin ţawng leh Saxon
ţawng te nen a inchawhpawlh ta vek a.
Tichuan kum sangbi a lo ral meuh ch-
uan English hnam leh English ţawng
chu fusion (sokhawm, remkhawm,
tuahrem) aţanga lo piangchhuak a lo
ni ta a ni. (W. Weech’s History of the
World page 460).
Chutiang deuh chiah chuan
Mizo hnam leh Mizo ţawng pawh hi
NUNNA TUIKHUR : AUGUST : 2015
Zohnahthlak hnam peng hrang hrang
khawsaho leh chenhona aţanga rawn
insiamchhuak a ni. Lentlang-ah khan
Mizo hnam hrang hrangte kha khaw
hran hranah mahni hnam bil ţawng,
mahni hnam zia leh mahni inthawi dan
hrang ţheuh neiin kan khawsa a. Th-
lanrawn râl hlauvin thlâng kan rawn
tlak hnu khan Selesih-ah lâl 7 an in-
finkhawm a. Heta ţang hian thlang an
tla ta zel a, Sailo lalho khua-ah Mizo
hnam hrang hrangte chu khua leh
tui niin an lo khawsaho ta a. Lallula
thlahten Zadeng lalho, Rolura thlaht-
en Palian lalho leh Lianlula thlahten
Thangluahho an tudai a. Khawchhak
lam Pawi leh Paite nawr turin Lal
huaisen Lalsavung an dah bawk a.
Tichuan, kum 1750 vel aţanga
1880 inkar vel chhung hian Mizoram
dung leh vangah ţawng hman thu-ah
te, khawtlang inrelbawl danah te, thu
chhia thu ţha remdanah te, sakhaw
biak dan chenin ngaihdan, rindan leh
nunphung a lo inang ta deuh vek a.
Chuvangin Mizo hnam peng hrang
hrangte ţawng khat, nunphung khat,
rorel dan inang khata kan intuahrem
(fusion) theihna atana Sailo lalho
thawhhlawkzia hi sawiin a siak lo a
ni ber e! Khuanu remruat ka ti lo thei
lo! Heng hun lai hian Mizoram khaw-
tin deuh thaw-ah Zawlbuk neiin sa
leh rála an damkhawchhuah (survive)
theih nan Lal leh val upate kaihhruai-
na hnuaiah nun dan inzirtirna (insti-
tution) nghet leh ţha tak kan lo nei ta
23
a, Zonunmawi (Mizo value system)
inzirtirna hmun pawimawh tak a lo ni
chho ta a ni.
KUMPINU LEH MIZO LALTE
• Kum 1854 hma lam khan kum 17 ch-
hungin Mizovin phaitual vawi 19 an
run a, mi 107 an that a, mi 186 salah
an man.
• Kum 1850–ah Col. Lister-an Sentlang
Ngura khua a hal fai vek. Mirâwng an
man 200 a chhanchhuak.
• Kum 1860-ah Ngura chuan chhim
lam a run leh a, khua 15 a run a, mi
185 an that a, sal 150 an mân.
• Kum 1862 leh kum 1869-ah Lal-
suthlah-a’n Vaiho a run.
• Kum 1871 January ni 23-ah Beng-
khuaia hovin Tlawng dungah Alexan-
drapore leh Katlicherra a run a, Mr.
Winchester an that a, a fanu kum 5 mi
lek emaw Mary Winchester an mân a.
Mizo pasalţhaten Sap hmeichhe nau-
pang hlau hmel pu tak, zanah meich-
her enga an kalpui lai lemziak chu
Sap chanchinbu-ah a chhuak a, chu
hmeichhe naupang thlabar tak hmel
chuanna chanchinbu chu London-a
Sap mipa naupang pakhatin lo hmuin,
a rilru a khawih hle a, a theihnghilh
thei ngai tawh lo. Chu Sap mipa nau-
pang chu J.H. Lorrain (a hnu-a Pu
Buanga lo ni ta kha) a ni.
• Ainakhal an run leh bawk a, mi 25 an
that a, sal 37 an man bawk.
• January ni 23, 1871 khan Lalburha
hovin Tuirial dunga Jhalnacherra an
run a, kuli 7 an that.
24
• January ni 26, 1871-ah Moniarkhal
an run leh bawk.
VAI AN LO LIAN TA!
Sipai rual thlur 3-in an lo lut a. Mizo
upaten Vai lian an tih kha Lushai expe-
diton (1871-72) a ni a.
• Khawthlang tuipui(Tlabung)-a
lo chhuak chu Right Wing an ti a,
General Brounlow-an a ho. Lt. Col.
Thomas Herbert Lewin-a’n (Thangli-
ana) a ţawiawm a, inkap lovin Mary
Winchester chu January 21, 1872–ah
an lachhuak a, Tlabung lam panin an
kalpui a, Calcutta lamah an chhukpui
ta zel a ni.
• Tlawng dunga lutte chu Middle
Wing an ti a, Reiek, Sailianpuia khua
an thlen laiin Mary Winchester lakch-
huah a ni ta tih hrilh nan Meithallawn,
Thenzawl aţang kahchhuah an hmu
a, meithallawn vekin an chhang a, an
haw leh ta a ni. Right wing leh Middle
Wing te hi Mary Winchester chhanch-
huak tura lo chhuak an ni.
• Tipaimukh-a lo chhuakte hi Left
Wing an ti a, an rawn thawk rip ber a,
Sai pawh an chhawr a, Brigadier-Gen-
eral G. Bourchier-a’n a ho va, mi 4000
chuang an ni. An tum chu Lalburha
hrem leh a silai leh rallakte laklet a ni.
Champhai lal Vanhnuailiana a lo thi
hman a, a lungdawh thar takah chuan
Sukte lu, la sen seng sung 4 an lo tar
an va hmu. February ni 21, 1872 khan
an kir leh ta.
SAP LU AN LA!
• Kum 1888-ah Rahmate kiangah Lt.
NUNNA TUIKHUR : AUGUST : 2015
Steward leh a hote survey nei lai chu
Pawi lal Hausata te rammuin an hmu
fuh a, an suam a, Sap 2 leh sipai 1 an
that.
• 1888 December thlaah Lungliana
leh Nikhama’n Tlabung aţanga mel
4 vel Sirte tlanga mi Thangluah khua
an run a, mi an that chiam a, salah an
hruai ţeuh bawk.
• Kum 1889-ah Lianphunga’n Sati-
kang rama mi bawk Tuikukho a zuk
run a, mi an that tam hle a, sal pawh
100 lai an man bawk.
VAI LIAN VAWI HNIHNA
(Chin-Lushai Expediton 1889-1890)
KUMPINU chuan Mizoram chu awp
hlen turin a siruk la-in ţhuang thum
(3)-in an rawn thawk ta rup mai a, Chit-
tagong Column chu Bragadier Gener-
al V.W. Tregear-a’n a hova, mi 3400
vel an ni. Assam Column chu Mr. Da-
ly-a’n a hova, Surma valley Military
Police 400 a hruai a. Northern column
chu Colonel G. J. Skinner-a’n a hova,
sipai 800 vel an ni. Chhim lam Vai
lian Brig. General Tregear hote chuan
Kum 1888 December thlaah Tlabung
an lo thleng a, Hmar lam Vai lian chu
kum 1889 January thlaah Changsil
an lo thleng a ni. Tichuan nasa taka
an inkah hnuah Mizo lalte an titlawm
ta zel a, an inkah hnuhnung ber chu
February ni 29, 1892 kuma Sesawng
inkahna kha a ni.
Tichuan, Kumpinu-in min
rawn awp ţantirh khan Mizoram hi
Sailo lalte inrelbawlna hnuaiah a lo
NUNNA TUIKHUR : AUGUST : 2015
awm deuh vek tawh a. Chutah tak ch-
uan ţawng thuhmun, Lusei ţawng an
lo hmangho thei deuh vek tawh a, Sa-
phovin min awp hnu hian indo, inrun,
inrawk a tawp ta vek a. Ni tla seng
lova roreltu Kumpinu rorelna hnuai-
ah Lushai Hills chu ralmuang takin a
lo awm ta a ni.
Zonu Zopa hriat thiam theih
zawngin han sawi dawn ta ila, ram
chang ţha tak, thing leh mau pik tak
chu lo atan an han vât ta a, vahchap
an han phoro hnu chuan lo an han
hal ta a, buh chi thlak turin buahsaih
peih a lo ni ta a. Chutiang chiah chuan
Mizoram thim tak leh indo inrun reng
renga awmna ram chu British sawrkar
a insawhngheh rualin Chanchin Ţha
dawng turin a lo inpeih ta a ni.
MIZO ZAWLNEI 2
Hmanlai Seipui khura kan awm lai
nge a hun tak hriat theih a ni lo va,
Selkhuma an tih chuan thu mak tak tak
a sawi ţhin a. ”An thuin Van a ur ang
tih te, Chhim leh Hmarah mei a eng
ang tih te leh Tlawng hnarah lal ngai
lo a lâl ang tih te, a lo sawilawk ţhin a.
A hnu kum fe-ah Mizo Zawlnei ropui
Darphawka (a hming dik tak chu Dar-
neihthanga) khan mumang anga inlar-
na vawi 3, 1882, 1885 leh 1890 kumah
te a hmu a, a hnuhnung ber 1890 hian,
“Tuifinriat ral aţangin mingo an lo kal
ang a, an thu lo awih vat ang che u”
tiin a sawi a ni. “Nimahsela amah,
Thlarau dik tak chu, a lo thlen hun ch-
25
uan thutak zawng zawngah a hruailut
ang che u, amaha phuahchawpin thu
a sawi dawn si lo; thu a dawn apiang
chu a hril zawk ang: thil lo thleng turte
pawh a hriattir ang che u” (Johana
16;13) tih ziak ang khan.
CHANCHIN ŢHA
Mizo zawlneite’n an lo hril lawk ang
ngeiin Chanchin Ţha hril tur mingo an
lo chhuak ta! Khasi rama awm, Welsh
Presbyterian missionary Rev. William
Williams chuan Sap chanchinbu editor
hruaiin Aizawl-ah Kum 1891 march ni
20-ah an lo lut a, Mizo leh Sap indo lai
a ni a, awm rei an phal lo va, April ni
17-ah an hawng leh a, Mizorama Mis-
sionary hna thawh a tum hle a, a boral
tak avangin a thil tum a puitlin hman
ta lo. A report ziak avangin Welsh mis-
sion-in a hnu deuh hlekah Mizoramah
a lo luh phah ta.
Mihring thil tum hi chu a
hlawhtling lo fo va, Pathian chatuan
remruat erawh dan rual a ni lo. Ram
a lo ralmuan tak avangin North Lus-
hai Hills Bawrhsap Mr. A.W. Davies
chuan Frederick William Savidge
(Sap Upa) leh James Herbert Lorrain
(Pu buanga) te hnenah Lushai Hills
luhphalna an pe ta a, January ni 11,
1894 kumah Aizawl an thleng. Hemi
kum hian A AW B min siamsak nghal
a. April ni 2-ah Mizorama Sikul leh
Biak In ni nghal hmasa ber an sa zo
bawk. Sap Upa leh Pu Buanga te hi a
hun takah an lo thleng a ni. Rev. D.E.
Jones chuan, “Sawrkar kal hmain he-
26
tah (Aizawlah) lo kal ta sela, an lu tan
chhum a ni ang.” a ti hial. Kumpinu
sawrkar chuan Mizoramah Bengali
ţawng hi official language atan hman a
lo tum mek a. Bawrhsap A. Porteous-
a chuan 1896 kum-ah Assam Chief
Commissioner Secretary hnenah Mizo
naupangte tan sikul 1 din a rawtna-ah
chuan Bengali ţawng zirtir phawt nise
tiin a ziak. Pu Buanga ten Mizo haw-
rawp min siamsak hun pawh hi a hun
dik tak a ni. Rev. C. L. Hminga chuan,
“Chanchin Ţha hi keimahni ţawng
leh hawrawp ngeiin inpek chhawn ni
ta lo sela chuan, kan hnam pum hian
Chanchin Ţha hi kan la chang kim lo
tawp ang” a ti.
MISSIONARY THLARAU MI
Mizoram kan vanneihna em em chu
BMS missionary 2, Sap Upa leh Pu
Buanga te kha an ţha em em a, an
hna-ah an tui a, an thlarau mi bawk.
Welsh Missionary Zosaphluia (Rev.
D.E Jones) kha thlarau mi tak a lo ni
lehzel a, Mizote zai leh hlaphuah lama
kan talent haichhuak turin Zosapthara
(Rev. Edwin Rolands) kha hla phuah
thiam tak, zai thiam tak a lo ni lehzel
a. Rev. Dr. H.S Luaia’n min hrilh dan
chuan, “Missionary lo chhuak zawng
zawng kha an ţha vek kher lo va, Sap
Upa leh Pu Buanga kan nei kha kan
vannei hle a ni” a ti. Mak leh ang reng
tak mai chu Mizoram lalte an tuktlawm
hnua Kumpinu hnuaia Mizoram awp-
tu 2 te kha Pathian ţih mi leh Kohhran
ţiaktir ngai pawimawh em em an ni
NUNNA TUIKHUR : AUGUST : 2015
tlat kha a ni. Tarmita (J. Shakespeare)
leh Loch Sapte kha mi ţha tak an ni
ve ve a ni. Tarmita’n suamhmang leh
tualthat Lamsuaka te kha 1900 kum
khan Mizo lalho hma-ah a khaihlumtir
a. An chungthu a ngaihtuah zawh hnu
hian a office-a mi a chhuahtir vek a,
kawngka inkalhkhumin minute 5 vel
chhung Pathian hnenah a inhlan a nih
an ring.
1904 kumah sikul enkawl hna
chu Mission kutah sawrkarin a dah ta
a. 1952 kumah sawrkarin sikul tam
ber a la let leh ta chauh a ni. Kum 50
deuhthaw Mizorama zirna In zawng
zawng deuhthaw Mission kuta a awm
avangin zirna lamah hma kan sawn
hle a ni. Chhim lama BMS missionary
te leh hmar lama Welsh Presbyterian
Mission hnuaia missionary te chauh
hian Pathian thu hi hril ta se, Mizoram
pumah Kristian sakhua hi a darh chak
lo viau ang. Pathian rorel dan mak
tak a lo lang leh ta a, Thlarau thiang-
hlim chuan Harhna hmangin Mizo
mipuite min han nuai leh ta a, ringtu
kan lo pung chak ta em em a ni. 1901
kum khan Mizoram mihring awm zat
82,434 zingah ringtu 24 emaw chauh
an awm a.
HARHNA TUM KHATNA
Kum 1906 khan Aizawla Zosaphluia
leh Lunglei Serkawna Pu Buanga te
chuan Khasi ram, Mairang khuaa Har-
hna chhim a, chu Harhna chu Mizora-
ma rawn puakchhuah ve theih beiseiin
Mizoram aţangin palai 11 an tir a. Mi
NUNNA TUIKHUR : AUGUST : 2015
11 kher an thlan nachhan chu Lal Isua
zirtirte Juda Iskariota tel lo zat chiah
niin Hmeichhia 3 an teltir a ni. Hmar
lam aţanga palaite chu Chawnga,
Thanga, Khuma leh Vanchhunga te an
ni a, hmeichhiate chu Siniboni, Pawn-
gi leh Thangkungi te an ni a. Chhim
lam aţanga palaite chu Thankunga (R.
Buchhawna pa), Parima, Zathanga leh
Lìnga te an ni. Lìnga hi a ke a nat avan-
gin Aizawl thleng chauh a kal thei ta a.
An zuk chhim chu eng teh ual an ang
thei lo va, an lo haw kawngah phei ch-
uan an intithiam lova, kawng tluanin
an inbe thei mang lo. Aizawl an luh
dawn Chaltlanga an ţawngţai laiin thil
eng emaw tak chu an rilru-ah a thleng
a, Harhna erawh a la thleng lo. April ni
9, Thawhţan zingah Chhim lam palaite
thlahna ţawngţai inkhawm, Hmeichhe
sikul Mission Veng, Aizawl-a an neih
laiin harhna hi a thleng ta! Zosaphlu-
ia chuan Khandaih khua-ah Harhna
a thleng ve ang tia thlarau mit-a a lo
hmuh chu, Nilai (April 11, 1906) za-
nah Vanphunga khua Khandaihah zan
inkhawmah Bomb phum/kam ruk
puak angin a thleng phut bawk.
Sap Upa leh Pu Buanga Aiza-
wl an thlen hlim khan Mizo khawsak
dan an han en vel a, an ran vulhte nen
inkhata an lawiza a, an khawsaho mai
kha mak a ti hle mai a, Pu Buanga
phei chuan hetiang hnam mawl leh
hnam bal lutuk hnena Pathian thuhril
tura Pathianin a ruat nia a hriat kha a
ringhlel rum rum a. Khawvelah hnam
ropui, changkang leh fing zawk an
27
tam tehreng nen hetiang hnam mawl,
hlumbel ang mai a hmuh chuan mak
a tihzia a log book-ah a ziak hial a ni.
Pathian thu an han hrilh ţan a, mi sual
an nihzia an han hrilh chuan Mizo-ho
nuih an tiza hle a, misual an nihna an
inhre tlat lo. Chuvangin ramhuai aia
thil tithei Pathian a awm thu an hrilh
ta zawk a ni. Chutianga sual nih inhre
thei lo Mizote chu Harhna ţum khatna
hian a han nuai ta a, sual nih inhriatna
an nei a, an sual an puang a, Pathian
ngaihdamna an chan thu hriattirin an
awm ta bawk kha a mak hle a ni.
HARHNA ŢUM HNIHNA
Champhai Hmunhmelţha khua-ah
February ni 9, 1913 zanah khawhar
(Mihlim Dara) in-a an zaikhawm laiin
harhna hi a thleng a, kar awm meuh
lovin Durtlang leh Aizawl Mission
Vengah a thleng a, he harhna hian nau-
pang a nuai hle. He harhna thu ken ber
chu Krawsa tawrhna thu leh Lal Isua
lo kal leh hnaihzia a ni.
HARHNA ŢUM THUMNA
Kum 1919 July ni 26 Pathianni zana
Biak In inkhawmna-ah a rual ţhatin
Thingsai, Zotlang leh Nisapuiah a
thleng a ni. He harhna hian Zoram
dung leh vang mai ni lo, Zohnahthlak
awmna Burma, Manipur, Halflong leh
Zampui tlangdungte a fanchhuak thu-
ai a, ringtu an pung nasa em em a ni.
1920 kum vel hian Mizoramah bawlpu
leh seluphante a bo deuh vek tawh.
(..chhunzawm tur..)
28 NUNNA TUIKHUR : AUGUST : 2015

HMING THAR

-Baby Naomi Pa

T hupuan 2:17, “Thlarauvin kohhranho hnena thu a sawi hi beng

nei chuan hre rawh se. A hnehtu apiang hnen ngeiah chuan manna
thuhruk zinga mi ka pe ang a, lung var pawh ka pe ang, chu mi lunga hming thar
ziak nen; chu hming chu a changtu chauh lo chuan tuman an hre lo, a ti e’ tiin.”

Isua ringtute hian hunbi nei
ni pawimawh bikte kan nei a, chumi
ni lo thleng tur chu kan nghakhlel em
em ţhin a, nasa takin kan lo inbuatsaih
ţhin. Chawlhkar tin Pathian ni te, kum
thar te, tumkau ni te, Isua sun ni te,
Isua thawhlehna ni te, Isua pian ni te,
leh Thlarau Thianghlim lo thlen ni te
hi hlim taka kan hman ţhin te a ni. Ni
ropui tak lo la thleng ngei tur erawh
chu; kan la nghak mek rih a nih hi.
Mahse, a rei tawh lo vang, kan hma
lawkah khian a awm a, a lo thleng ngei
dawn a ni. Sual leh ramhuaite tlawmna
ni tur chu, chhandam fate kan zalenna
ni a ni ang a, sual leh thihna ngei pawh
hi a thi ve tawh ang.
Lal Isua a lo kal hmasak khan
a lo pian tur thu zawlneiten an hril
lawk a. A lo kal vawi hnihna tur hun
erawh Pa chauh lo chuan tuman an hre
lo. A lo kal hmasak khan khualbuk a
hnawng a, Bethlehem dai reh bawng
in tlawm a nghak. A lo kal leh hunah
chuan leilung pumpui hi a nghawr ng-
hing ang. A lo kal hmasak khan puan
senduk an sintir a, a lo kal leh hunah
chuan puan var a rawn sin tawh ang.
A lo kal hmasak khan ‘Judate lal’ tia
tielin nuihza siamnan an hmang a, a
lo kal leh hun chuan a hmingah Path-
ian thu-a an ti tawh ang a, hnamtin
chawimawiin a awm tawh ang.
A lo kal hmasak khan Rom si-
paiten an veng a, a lo kal leh hunah
chuan puan zaisin var tak, fai tak sin
van sipaiten sakawr var chunga chuan-
gin an rawn zui ang. A lo kal hmasak
khan sabengtung no chungah a chuang
a, a lo kal leh hunah chuan sakawr var
chungah a rawn chuang tawh ang. A
lo kal hmasak khan hling lukhum an
khumtir a, a lo kal leh hunah chuan
Lal lukhum khumin a lo kal ang. A lo
kal hmasak khan luang tiang an kentir
a, a lo kal leh hunah chuan thirtiang
a rawn keng ang. Uain thur an tulh
luihna ka aţang ngei khan a lo kal leh
hunah chuan khandaih hriam tak a lo
chhuak ang. A lo kal leh hunah chuan
hnamtin chitina mite ro a rel dawn a
ni.
NUNNA TUIKHUR : AUGUST : 2015
Lal Isua lo kal leh hunah ch-
uan amah ringtu leh nghaktute chu
kan lawm a kim tawh ang. Lungn-
gaih thlaphan leh buaina a awm tawh
lo vang a, mangan leh buaina a bo
tawh ang. Riltam tuihal a awm tawh
lo vang a, lungchhiat mittui tlak a reh
tawh ang. Damchhung buainate pelin
lungngaihna zawng hnutiang kan
chhawn ang a, Setana vanga kan rum-
na hi min hmangaihtu kan hrilh ang.
Khawngaihna hun hi a liam
a, Jentailte ni a kin hunah chuan Lal
Isua a lo kal leh
ang. Vantirhkoh
chungnung bera
aw nen, Pathian
tawtawrawt rite
nen van aţangin
chhum ropui ta-
kin a lo kal ang
a. Thlâna awm
zawng zawngte
pawhin a aw an
hria ang a, lei
taksa ni tawh lovin van taksain an tho
leh ang. Nungdama la awmte pawh
tihdanglamin kan awm ang a. Chumi
hunah chuan nupui pasal inneih a
awm tawh lo ang a, rilţam tuihal pawh
a bo tawh ang. Intihnat a awm tawh lo
ang a, kan zain hmeichhe hmelţha tak
angin kan awm tawh ang. Mipa chak-
na thahrui kan nei ang a, vana vantirh-
kohte ang kan ni tawh dawn a ni.
Kan Lalpa Isua lo kal leh hu-
29
nah chuan leia a kohhran a rawn seng
ang a, he lei hrehawm kan khualzin-
na ram leh, kan cham chhunga kan
chenna bawkte, kan lei in (taksa) hi
chhuahsanin, van khawpuia Pa hn-
enah kan haw tawh dawn a ni. Tihduh-
dahnate awm tawh lovin rangkachak
tual kan leng tawh ang. Krista ringa a
khawngaihna chhuangtute chu chatu-
anin kan nung reng ang.
Mi pakhat thuawih loh avan-
gin khawvelah sual a lo lut a, lei hi an-
chedawngin a awm a, thihnain thilsiam
zawng zawng a
fan chhuak vek
a. Fuliafate leh
nungcha tin-
rengte pawhin
nau vei leh rum
tlawk tlawkin,
Pathian fate lo
lanna chu ng-
hakhlel takin an
thlir ve reng a
ni.
Mihringah hian Setana chi tuh
lo ţo ve hi a awm a, mahse Lalpan a
phun loh chu a pawt phawi vek ang.
Kan hming leh kan chanchin chhia za-
wng zawngte chu Isuan a thihpui vek
tawh a. Kan felna chenin thlanah a
phum bo vek a, rul thlah hming pawh
Rom sipaite khan an khengbet tel vek
tawh. ‘In pa Diabola’, min titu khan
a faah min pawm tawh a. A awmna
vanah khian min kohna tur hming thar,
30 NUNNA TUIKHUR : AUGUST : 2015
Ama ka ngeia sak hming chu min kohna turin a lo ziak sa diam tawh a. Chu chu
manna thuhruk zinga mi lungvar thianghlim takah chuan ziakin a dah a, mahse
chu hming chu a hnehtu apiang hnen ngeiah chuan min pe ang a. A changtute
chauh lo chuan tuman an hre lo vang.

Lal Isua chu a lo kal hmain a hming puan lawk a ni a. Keini erawh a
changtu chauh hriat turin lung vara ziak manna thuhruk zinga mi hming inthup,
hming pakhat kan inţawm dawn a ni. Lalpa ka ngeia a kohna tur hming thar
changtu leh hnehtu ni turin, Isua tel lova kan ţhahnemngaihnate leh kan inpe-
knate hi Isua rualin invui liam phal ang u. Chuti lo chuan kan inpek zawhna
leh kan ţhahnemngaihnate hi kan hlawhchhampui hlauh dah ange. Hringnun hi
indona rapthlak tak mai a ni a, hnehtu kan nih theih nan Lalpan mal min sawm
rawh se, Amen.

Isaia 62:2, “Tichuan hnam tinin i felna chu an hmu ang a, lal zawng za-
wngin i ropuina chu an hmu bawk ang; tin, hming thar, LALPA kain a vuah tur
chuan an ko vang che. LALPA kuta mawina lallukhum leh i Pathan kuta ropuina
i ni bawk ang.” Lalpan malsawm che rawh se, Amen.

Sl. No. HMING PIAN NI

A 1 Pi Zothantluangi 10
2 Lalnunthari 11
U 3 Pu Rocky Chunga 15
G 4 Pi Lalnunzari 15
5 Pi Vanlalrami 16
U 6 Tv. C. Lalhunmawia 20
S 7 Moses Lalchia 24
8 Nl. Jenny Zonunsangi 25
T 9 Tv. H. Lalhleisum 29
10 Nl. Lalnunsangi 29
NUNNA TUIKHUR : AUGUST : 2015 31

TLAI, KAN THIL CHIN DAWKLAK

-Pro. Pastor F. Lalhmangaihzuala

T hil engkim (meeting, hnatlang, inkhawm leh hna (office), etc…nu-

pui neih tlai chu sawi lo i la; Tv. Liana kan hek nasa lutuk palh ang)
apianga tlai chin dawklak hi kan inngaihtuah chian a ţul hlein ka hria. Tlai zeuh
chu thil awm thei a ni tehmeuh mai a, tlai fo leh nghah ngai bik nih reng erawh
hi chu a ching dawklak bik kan awm niin a lang. Zia (mizia) harsatna (problem)
chi khat a ni ti ila a dik mai lo’ng maw? Tam tak chuan Delhi-zia an ti ngei
ang! Tlai lo nih hlau fe fe te pawh a awm theih hial awm e, intihchangkan nana
hmang pawh an lo awm mial mahna le! “Tlai” hi chin dawklak a nih tawh phei
chuan addict ang maiin, sim leh tur chuan a siruk laa beih fe a ţul ngei ang. Hun
vawn dik (punctuality) chungchang sai sa (thunawi) ka han chhawp chhuak ve
mai mai e.

1. Tlai fo hi chu chhungkaw inkaihhruaidan ţha lo (disfunction) zia pakhat a ni.

2. Mi ţuanmuang apiang an tlai ţhin chuang lo va, mi ţuang rang fe fe tlai reng
a awm theih tho.
3. Tlai/Nghah ngaih bik fo hi chu midang (thawhpui, rawngbawlpui)-te zah loh
vang a ni thei.
4. Tih loh/ Kal loh hreh si kal peih bawk silo-te hi an tlai ţhin.
5. Tlai duh hauh lo hi chu an tlai lo mai ţhin niin a lang, tlai pawisa lo chu an
tlai zel mai.
6. Ţan hun sawn tlai pawh hian a tlaia te chu an tlai reng tho ţhin.
7. Tlai lo turin hmanhmawh phili kher a ţul chuang lo va, mi hmanhmawh
phili chungte zingah tlai an awm tho. Hun manages thiam a ţul.
8. Chhuanlam chu a awm zel, mi sincere an tlai reng ngai lo.
9. Tlai reng maite hi mi rilru hrisel lo an ni thei bawk.
10. Tlai fo maite hi planning felfai tak nei lemlote zingah an chhiar tel theih tho
awm e.

Chuvang chuan, thil engkim tihna apianga tlai nih i tum lo ang u. Tlai loh
hi hmasawnna kawngte zinga rahbi pawimawh tak pakhat a ni tih hi i hrereng
ang u.
32 NUNNA TUIKHUR : AUGUST : 2015

CHIN STATE CHHIATNA

Chin state sorkar chuan Chin state chhunga Township 9 a chhiatna an
tawh dan leh in leh lo chhia a tarlan dan in :
1. Sikul - 40
2. Biak In - 16
3. Sorkar building - 28
4. Mimal In - 1812
5. Kawngchhia - 105
6. Lei(Bridge) chhia - 73
7. Lo leh thlai chin (acre) chhia - 1707
He chhiat tawhna hi Burma cheng a chhutin Kyats 10,52,666,400 niin an
chhut a ni. India pawisa chuan Nuaih 10,526 hu vel a ni. He an chhutna ah hian
Kalay Kabaw ala huam tel lo a ni.
Mizoram lamah pawh PUMP chuan chhiat tawkte tanpuina tur function
a buatsaih chhunzawm mek a, Millenium Ground Floor ah zaithiam hrang hrang
te ruaiin tanpuina bawm an dawh chhunzawm zel bawk a ni.
Zofa Global Network (ZGN) pawhin Aizawl khawpuiah Burma tuilian
tuartu Zofate pualin Vehbur khawnin Mobile Concert an huaihawt a, Aug. 12
khan Burma lamah truck 2 hmangin Dal, Chini etc. leh Rs. 3,90,000 an thawn
chho bawk. Truck 1 hi Zokhawthar lamah a kal anga 1 zawk hi Farkawn lamah
phurh luh a ni ang. ZNG hotu ten Vanapa Hall kawt Aizawl atangin Truck hi an
vai liam a ni.
Lunglei lamah pawh mi thahnemngai ten Aug. 13 khan Mobile Concert
an huaihawt a, mipui ten an robawm te hawngin Rs. 2,22,125 lai an hmuchhuak
a ni. Heng mai bakah Mizoram Dist. hrang hrang aṭang ten mimal leh NGO’s
ang ten ṭanpuina vehbur te an khawn a ni. MZP lam pawh in Mizoram a zirlai
zawng zawng ten an nikhat lunch ei ai kan unaute ṭanpui nan thawh tur a an ngen
angin an lo thawh tawh bawk a ni.