Leron Leron Sinta Lyrics

Leron, leron sinta

Buko ng papaya,
Dala-dala'y buslo,
Sisidlan ng sinta,
Pagdating sa dulo'y
Nabali ang sanga
Kapos kapalaran,
Humanap ng iba.

Gumising ka, Neneng,

Tayo'y manampalok,
Dalhin mo ang buslong
Sisidlan ng hinog.
Pagdating sa dulo'y
Lalamba-lambayog,
Kumapit ka, neneng,
Baka ka mahulog.

Leron, leron sinta

Buko ng papaya,
Dala-dala'y buslo,
Sisidlan ng sinta,
Pagdating sa dulo'y
Nabali ang sanga
Kapos kapalaran,

Ang ibigin ko'y

Lalaking matapang,
Ang baril nya'y pito,
Ang sundang nya'y siyam
Ang sundang nya'y siyam
Ang lalakarin nya'y
Parte ng dinulang
Isang pinggang pansit
Ang kanyang kalaban.

Leron, leron sinta

Buko ng papaya,
Dala-dala'y buslo,
 Sisidlan ng sinta,
Pagdating sa dulo'y
Nabali ang sanga
Kapos kapalaran,
Humanap ng iba
 Bahay Kubo
Filipino Folk Songs

Bahay kubo, kahit munti

Ang halaman doon ay sari-sari
Singkamas at talong
Sigarilyas at mani
Sitaw, bataw, patani

Kundol, patola, upo't kalabasa

Labanos, mustasa
Sibuyas, kamatis
Bawang at luya
Sa paligid nito puno ng linga.
 Paruparong Bukid Lyrics
Filipino Folk Songs

Paruparong bukid na lilipad-lipad

Sa gitna ng daan papagapagaspas
Isang bara ang tapis
Isang dangkal ang manggas
Ang sayang de kola
Isang piyesa ang sayad

May payneta pa siya -- uy!

May suklay pa mandin -- uy!
Nagwas de-ohetes ang palalabasin
Haharap sa altar at mananalamin
At saka lalakad na pakendeng-kendeng.
 Sitsiritsit Lyrics
Filipino Folk Songs

Sitsiritsit, alibangbang
Salaginto at salagubang
Ang babae sa lansangan
Kung gumiri'y parang tandang

Santo Niño sa Pandakan

Putoseko sa tindahan
Kung ayaw mong magpautang
Uubusin ka ng langgam

Mama, mama, namamangka

Pasakayin yaring bata.
Pagdating sa Maynila,
ipagapalit ng manika.

Ale-ale,namamayong ,
pasukubin yaring sanggol,
Pagdating sa Malabon,
ipagpalit ng bagoong.
Magtanim Ay 'Di Biro Lyrics

Magtanim ay di biro
Maghapong nakayuko
Di naman makatayo
Di naman makaupo

Braso ko'y namamanhid

Baywang ko'y nangangawit.
Binti ko'y namimintig
Sa pagkababad sa tubig.

Sa umagang paggising
Ang lahat iisipin
Kung saan may patanim
May masarap na pagkain.

Braso ko'y namamanhid

Baywang ko'y nangangawit.
Binti ko'y namimintig
Sa pagkababad sa tubig.

Halina, halina, mga kaliyag,

Tayo'y magsipag-unat-unat.
Magpanibago tayo ng lakas
Para sa araw ng bukas
Para sa araw ng bukas!
O Ilaw Lyrics - Filipino Folk Songs

O, Ilaw
sa gabing madilim
Wangis mo'y
bituin sa langit

O, tanglaw
sa gabing tahimik
Larawan mo Neneng
nagbigay pasakit

Tindig at magbangon
sa pagkagupiling
Sa pagkakatulog
na lubhang mahimbing

Buksan ang bintana

at ako'y dungawin
Nang mapagtanto mo
ang tunay kong pagdaing
Santa Clarang Pinong-pino Lyrics

Santa Clarang pinung-pino

Ang hiling ko po ay tupdin niyo
Pagdating ko po sa Obando
Magsasayaw ako ng pandanggo

Aruray!
abarinding!
ang pangako ay tutuparin!

Santa Clarang pinong-pino,

Ako po ay bigyan mo
Ng asawang labintatlo

Sa gastos ay walang reklamo!

Kalesa Lyrics - Philippine Folk Songs

Kalesa'y may pang-akit na taglay

Maginhawa't di maalinsangan
Nakahahalina kung pagmasdan
Kalesa ay pambayang sasakyan

Kabayo ay di natin problema

Pulot at damo lang ay tama na
Matulin din sa kalsada
Tumatakbong maginhawa
Wala pang gasolina

Repeat all

Kalesa ay panghatid tuwina

Nung panahon nina maria clara
Mga bayani nitong bayan
Sa kalesa'y dinuduyan

Kalesa'y nakaaaliw
Lalo na pag gumagabi
At kung kasama ko ang aking giliw
Mangangalesa na rin kami

(Repeat first and second paragraphs)

Matulin din sa kalsada

Tumatakbong maginhawa
Wala pang gasolina.
 Ang Pipit Lyrics - Philippine Folk Songs
by: Levi Celerio

May pumukol sa Pipit sa sanga ng ng isang kahoy

At nahagip bato ang pakpak ng munting ibon
Dahil sa sakit,
di nakaya pang lumipad
At ang nangyari ay nahulog ngunit parang taong
bumigkas
Mamang kay lupit, ang puso mo'y di na nahabag
Pag pumanaw ang buhay ko,
may isang pipit na iiyak
May isang pipit na iiyak,
may isang pipit na iiyak.