Carl Joshua T.

Daodaoen
Grade 12 – STEM

Buod ng kwentong “Sa Bagong Paraiso” ni Efren Abueg

Sa kwentong ito mayroong dalawang batang matalik na magkaibigan at iyon ay sina Ariel
at Cleofe. Ang mundo nila ay parang isang paraiso na kawangis ng mapayapang langit, puno ng
saya at walang iniisip na kahit anumang problema. Noong sila'y walong taong gulang pa lamang,
palagi na silang nagkakasama sa paglalaro. Madalas silang maglaro sa kanilang looban o di kaya'y
sa kanilang dalampasigan. Dahil sa palagian nilang pagsasama, sila'y puring-puri ng kanilang
magulang at mga kanayon at minsa'y inisip nila na sila ay magkakatuluyan sa paglaki nila. Nang
matapos nila ang elemantarya, tumungo silang dalawa sa bayan upang mag-aral ng haiskul. Dito
matatahak nila ang unti-unting pagbabago ng kanilang nakaugalian gaya ng siglang makipaglaro
sa isa't isa dahil sa sila'y nagbibinata at nadadalaga na. Dumating ang araw ng Sabado, isinama si
Ariel ng kanyang tatay upang tumungo sa isang kakilala na nagngangalang Ba Aryo. Dahil sa
nagbibinata na si Ariel, sinabihan siya ng kanyang tatay na magpatuli na upang siya'y maging
isang ganap na lalaki. Ngumata siya ng dahon ng bayabas, pumikit siya at pagkaraan ng iba pang
ginawa, siya’y itinaboy ni Ba Aryo upang maligo sa ilog. Kasunod ng pangyayari, tuluyan na
ngang nawalan na ng sigla ang dalawang bata na maglaro. Dumating ang panahon, nung natapos
na nila ang haiskul at sila na ay magkokolehiyo. Napagbawalan si Cleofe na makipagkita muna
kay Ariel dahil sa nais ng magulang na maging doktora siya at magpukos muna sa kanyang pag-
aaral at upang maiwasan ang tukso. Sa sumunod na mga araw hindi na tuluyang nagkikita ang
dalawa. Gayunpaman, sa hindi inaasahang pangyayari, nagkasalubong sila sa isang pamilihan at
doon niyaya ni Ariel si Cleofe na makipagusap muna sa kanya at kumain sa isang restawran. Sa
oras na yan, nagtapat si Ariel kay Cleofe na may nararamdaman siya para sa kanya sabay halik sa
palad ng babae. Napagdesisyonan nilang dalawa na magkita sa Luneta park at sa mga nagdaang
araw palagi na muli silang nagkikita pero di pa rin nila maiiwasan ang mga suliranin dulot ng
magulang ng babae. Nagpadala ng lihim ang nanay ni Cleofe sa kanya na nakita siyang may
kahawak kamay na lalake at 'yun ay si Ariel. Dahil sa ayaw nilang matigil ang kanilang pagiibigan,
nagpadesisyonan ng dalawa na ilihim na muna ang kanilang relasyon at ang palagiang pagkikita
sa kani-kanilang mga magulang. Dahil sa patago na pagiibigan nina Ariel at Cleofe, nagbago na
ang paraisong kanilang hinahatak. Kung noon ay parang kawangis ng mapayapang langit, ngayon
ay hindi na malawak sa kanilang kalooban o kaya parang isang dalampasigang malamig kung ang
dapithapon ang silahis ng araw ay mapulang parang dugo. Bilang pangwakas, naging maligaya
sila sa kanilang daigdig at sa kanilang bagong paraiso. Hanggang sa dumating ang araw, biglang
may hindi naging maganda ang pakiramdam ni Cleofe. Biglaang sumikad ang kanyang lalamunan.
Siya'y napanganga, napapikit, napaluha at sa pagkakapit niya sa palababahan ng bintana ay
naduwal siya. Sa huli'y napabulalas ng iyak ang dalaga.
Carl Joshua T. Daodaoen
Grade 12 – STEM

BIONOTE ni Leonardo da Vinci

Si Leonardo di ser Piero da Vinci o mas kilalang Leonardo da Vinci ay isang italyanong
pintor, imbentor, arkitekto, inhinyero at mag-aaral sa lahat ng mga bagay na siyentipiko. Siya'y
naipanganak noong Abril 15, 1452 sa Republika ng Florence, Italya at namatay sa taong 1519,
Mayo 2. Isa siyang magandang halimbawa bilang "Renasimyentong Tao" at isa sa mga taong
nagtataglay ng dakilang katalinuhan na nabuhay sa mundong ito. Higit na mas nakilala si Leonardo
da Vinci sa larang ng sining at siyensya. Itinuturing siya bilang pinakadakilang pintor na nabuhay
na nakalikha ng higit limampu (50) na obra maestra.
Ilan sa pinakatanyag na obra maestra na kanyang naisagawa ay ang The Last Supper
(1498), Vitruvian Man (humigit-kumulang sa taong 1490), The Virgins of the Rocks (1483-1486)
at ang Mona Lisa (1503-1506) na hanggang ngayon ito pa rin ang pinakasikat, patuloy na
binibisita, at hindi kumukupas na ganda kaya't inaakit nito ang karamihan. Sa mga obra maestra
na kanyang natapos, ilan lamang yan sa mga pinaka-kinikilalang artistikong larawan sa mundo.
Bilang isang inhinyero, nakapagdisenyo rin siya ng mga makina at mga bagay na ngayon ay
palagian na nating ginagamit. Ilan lamang ang mga ideya na kanyang naibahagi ang
naisakatuparan. Kasama ang ilan sa kanyang dinesenyong imbensyon ay ang helikopter, parasyut,
gunting, kalkulator, glider, landing gear, triple-barreled cannon, ang diving suit, ang armored car,
at ang anenometer. Sa pamamagitan ng kanyang angking katalinuhan sa larang ng siyensya, pinag-
aralan din niya lahat ang tungkol sa haynayan, optiks, medisina, matematika at anatomy.
Rodolfo E. Dalen II
Grade 12 – STEM

“Sa bagong Paraiso” ni Efren Abueg

Buod
Ang kwento ay tungkol sa dalawang batang walong taong gulang na sina Cleofe at Ariel,
madalas silang maglaro sa bakuran, sa ilalim ng puno at sa dalampasigan. Sila ay nagkaklase at
kung walang pasok, sila'y naghahabulan, umaakyat ng puno, gumagawa ng kastilyong buhangin
at marami pang iba. Madalas nilang pinapanood ang paglubog ng araw, dahil palagi silang
magkasama, madalas sabihin ng iba na siguro pagtanda nila ay sila ang magkakatuluyan. Isang
araw may tumudyo sa kanila habang sila’y pauwi “kapit-tuko” paulit-ulit nitong sabi at umiyak
ang batang babae habang ang batang lalake naman ay nakipagsuntukan . Dumating ang guro at
inawat sila at pinabalik sa eskuwelahan kung saan sila pinarusahan ng tigtatlong malalakas na palo
sa puwit. Habang nakahiga sa damuhan sa ilalim ng puno, napansin nila ang bunga ng sineguelas
at ito'y kanilang tinikman ngunit maasim pa. Ayun sa kanilang lola madaling mahinog ang pruras
kapag naulanan. Hinintay nila ang ulan at noong ito'y dumating na, sila’y naligo. Pagkaraan ng
ilang araw nahinog na ang sineguelas, ito’y kanilang kinain kasama ng iba pang prutas. Sila’y
nagtapos ng elementarya at sumating ang araw ng pasukan ng hayskul. Doon na sila sa bayan
mistulang nagiging binatilyo't dalagita na ang kanilang pananamit.magkaibigan parin sila ngunit
hindi na katulad ng dati kung sila’y magsama. Isang araw nakita ng batang lalake ang kanyang
bagong tuling kaklase at natuklasang kailangan niya rin itong pagdaanan. Siya'y nabigla at
tinanong ang ama tungkol dito. Sinagot ng ama na balang araw siya’y matutuli rin at di nagtagal
nagkatotoo na nga ito. Simula nung natuli sya, hindi na siya ganoon kakomportable tuwing
nakikipaglaro at nakikitabi ito sa babae. Isang araw napansin ng lalake na umiiyak ang babae kaya't
ito'y kanyang kiniliti at naghabulan sila sa buhanginan. Naramdaman ng binata na siya’y imiibig
na sa babae. Habang nakahiga anh kalaro, ito’y umiiyak. Hindi na raw sila puwedeng maglaro
dahil nagiging binata't dalaga na sila sabi ng ina nito. Naging madalang ang kanilang pagkikita't
pag-uusap at kahit saan may nakatingin sa kanilang mga matang nagbabawal. Sumunod ay
matuklasan ng dalaga ang pag-reregla. Natapos sila ng hayskul.kinagabihan ay ang JS prom kung
saan sila’y sumayaw. Pinagbawalan si Cleofe ng kanyang magulang na makipagkita sa binata at
pinayuhan din si Ariel ng kanyang ama, ang babae daw ay tukso. Sila'y naging tutok sa kanilang
pag-aaral at di maiwasang mamiss ang isa't isa. Isang araw nagkasalubong sila sa pamimili ng
gamit pang eskuwela. Binati ng binata at inanyayahan itong kumain, sa oras na iyon parang
bumalik sa dati ang lahat. Nagtuloy tuloy ang kanilang pagkikita at sila’y lumigaya. Nalaman ito
ng magulang ni Cleofe ngunit palihim parin silang nagkikita hanggang sa sila’y natukso at
nagtalik. Habang umuulan ay napaduwal si Cleofesa bintana at napagtantong buntis na siya.
Rodolfo E. Dalen II
Grade 12 – STEM

BIONOTE
Si Joanne Rowling o mas kilala bilang JK Rowling at Robert Gailbraigth ay isang mahusay
na manunulat ng nobela. Siya ay isinilang sa Yate, Gloucestershire, England noong ika-31 ng
Hulyo, 1965 at kasalukuyang 53 anyos nakatira sa Edinburgh, Scotland. Siya ay naging
mananaliksik at sekretarya sa billingguwal para sa Amnesty International sa London noong 1990.
Sa ngayon, isa siyang novelist, philanthropist, film producer, television producer at screenwriter.
Si Joanne ay nakapagtapos sa kursong Bachelor of Arts in French and Classics sa University of
Exter. Isa sa nakilalang gawa niya ay ang Harry Potter. Ito ang kanyang naging pinakamalaking
tagumpay at siyang nagbukas sa kanyang karera bilang manunulat. Tinagurian siya bilang kauna-
unahang bilyonaryong manunulat sa buong mundo. Di nagtagal ay naglaho rin ang kanyang estado
bilang isang bilyonaryo dahil sinuportahan niya ang iba’t ibang karidad kabilang ang Comic relief,
One Parent Families, at Multiple Sclerosis Society of Britain at gumawa ng sariling karidad na
Lumos. Siya ay naparangalan bilang Bestselling Living Author at isa sa Sunday Times Rich List
noong 2016. Nakatanggap din siya ng parangal bilang Person Of the Year noong 2010 at
tinaguriang Most Influential Woman In Britain. Iyan ang mga papuri at gantimpalang kanyang
natamo dahil sa husay sa pagsusulat.