Diocesan Shrine of St. Agustine Sta.Cruz Parish Dalaw Patron sa mga Calle ng Poblacion Tema: “San Agustin, huwaran ng mga Pari at mga Nagtalaga ng buhay sa Diyos” Insert: Karakol Tanong: Alam ko na ang lahat ay pamilyar na pamilyar sa tugtuging ito, ano ang ginagawa natin sa tuwing maririnig ito? Ano nga ba ang karakol?
Ito ay isang paraan ng Pananalangin na pasyaw upang
magpuri at magpasalamat sa Diyos kung kaya’t hindi dapat gamitin ang mga tugtugin na parang nambabastos (tulad ng Spaghetti pababa, o tatlong bibe) ang mga deboto ay hindi lamang nag sasayaw kundi sinasamahan nila ang patron na inililibot sa bayan upang higit na pagpalain ng Diyos ang bayan at ang mga tao sa tulong ng patron. Sino nga ba si San Agustin? Si San Agustin ay isinilang noong ika – 13 ng Nobyembre, 354, sa Tagaste (ngayon Souk- Ahras, Algeria) sa hilagang Africa. Ang kanyang mga magulang ay sina Patricio at Santa Monica. Si Patricio ay pagano at opisyal na Romano samantalang si Monica ay isang masugid na Kristiyano na nagsikap hubugin sa pamumuhay Kristiyano ang kanyang anak. Noong taong 370, nag-aral siya sa Cartago ng retorico sa pagnanais na maging isang manananggol sa batas. Iniukol niya ang sarili sa pananaliksik sa mga kaalaman ukol sa mundong ito at unti-unting tinalikuran ang pananampalatayang Kristiyano, noong nasa Milan naman siya ay hinikayat siya ng kanyang ina na makinig sa mga paliwanag ng Obispo ng Milan, si Ambrosio. Ngayon ay si San Ambrocio. Sa pamamagitan ng pakikinig sa mahusay na Obispo, naantig ang kanyang puso, nagbagong-loob at nagpabinyag sa naturang Obispo noong gabi ng Muling Pagkabuhay taong 387, sa gulang na 33. Tinugon ng Diyos ang mga panalangin at pagpapakasakit ng kanyang ina. Nang sila ay pabalik na sa Africa namatay si Sta.Monica sa Italya subalit natupad ang kanyang minimithi na makita niya si San Agustin na isang matapat na Katoliko. Noong taong 391 siya ay inordenahang pari at makaraan ang limang taon hinirang siyang Obispo. Siya ang naging pangunahing pinuno ng Simbahan sa Africa. Sa panahon ng kanyang pagiging Obispo marami siyang iniakdang mga aklat at sulatin hinggil sa pagpapaliwanag at pagtatanggol ng pananampalataya sapagkat noon ay laganap ang iba’t ibang maling sekta na nagpapagulo sa pananalig at umaakit sa maraming Katoliko. Dahil dito, siya ay itinanghal bilang isa sa mga dakilang Ama at Pantas ng Simbahan. Nagwakas ang kanyang paglilingkod bilang matapat na Obispo ng Hippo nang siya ay bawian ng buhay noong Agosto 28, 430 sa gulang na 76. QUESTION: Kung si San Agustin ay taga Hippo, paano siya napunta sa Tanza?
Sino si San Agustin de Tanza?
May paniniwala na noong 1795, may isang magsasaka mula sa barrio Amaya ang nakatagpo sa imahen ni San Agustin na nakahiga sa gitna ng isang sunog na palayan na kung tawagin ay Bañadero, malapit sa Ilog Obispo. Ang magsasaka na walang kaalaman o kamalayan kung ano o sino ang natagpuan niya ay nagpasyang dalhin ang kanyang natagpuan sa munisipyo. Ang pinuno ng bayan, na wala ring kaalaman ay nagpasyang ilagay ang imahen sa ilalim ng hagdan ng munisipyo at doo’y naging talian ng mga kalabaw at kabayo. Dahil sa kalapastanganang ginawa sa imahen ni San Agustin ay sinasabing nagpakita sa panaginip ng noon ay kura paroko na si Padre Narciso Manas. Inatasan sa panaginip si Padre Narciso Manas na kunin siya mula sa munisipyo at ilagak sa simbahan kung saan siya ay maigagalang at ang mga tao ay makakapamintuho. Simula noon, napakaraming himala at pagpapala ang naganap at doon nagsimula ang lubusang debosyon kay San Agustin. Mayroon din namang paniniwala ang ibang tao na ang imahe ni San Agustin ay nagmula pa sa bansang Espanya at bahagi ng mga Cargo ng lumubog na galleon sa Manila Bay. Ayon sa teorya ang imahen ay lumulutang-lutang sa dagat hanggang makarating sa bunganga ng Ilog Obispo hanggang sa makarating sa Bañadero. May isa paring paniniwala na ang imaheng ito rin ni San Agustin ay inukit dito sa Pilipinas, sa kadahilanang ito ay inukit katulad ng mga inukit na imahen sa Pilipinas: “Isang matandang balbasin na nakadamit ng mahaba; may “miter” upang ipaala-ala na isa siyang Obispo; medyo nakatikom ang palad upang mahawakan ang tungkod, ang munting modelo ng simbahan na nasa ibabaw ng isang aklat upang ipakita at pahalagahan ang kanyang pagiging duktor ng simbahan.”
Kung atin namang sisiyasating mabuti ang
altar na kung saan nakalagay ang imahen ni San Agustin ay mababasa natin“ SAN AGUSTIN, 1795.: kung ganon, ang mga pinuno ng lokal na simbahan ay tinanggap ang 1795 na pagkakatagpo sa imahen ni San Agustin.
Sa katunayan, ipinagdiwang pa ng buong saya
at ringal ang ika-200 anibersaryo noong 1995. Naging kaugalian ng mga taga Tanza na tawaging “Tata Usteng” si San Agustin, (minsan nga ay kilala si Tata Usteng at hindi si San Agustin) Ito ay ang tawag ng pagmamahal sapagkat para sa mga taga Tanza si San Agustin ay isang ama na palaging nagmamahal, sumusubaybay at nangangalaga sa kanyang mga anak. Tignan natin ang larawang ito.
Ano ang ipinakikita sa atin ng larawan?
“Ang larawang ito ay simbolo ng tunay na paglilingkod na ipinamalas sa buhay ng ating patrong si San Agustin” ipinakita sa atin ang kahulugan ng Renwed Servant Leader, ito ay ang (Lubusang paglilingkod na unang ipinamalas sa atin ng ating Panginoong si Hesus. Ang taong ito ay dineklara ng CBCP bilang Year of the Clergy and Consecrated Life (Dec.03, 2017 – Nov.25, 2018). Ano ang kahalagahan ng pagkakaroon ng Year of the Clergy and the Consecrated Life?
Ito ay upang maihanda ang mga mananampalataya sa
ikalabing anim ng Marso 2021. Ano ba ang kahalagahan nito sa ating mga mananampalataya? Bakit kailangan tayong maging handa? Ating ipagdiriwang ang ika-500 taong anibersaryo ng Krsitiyanismo sa Pilipinas.
Balikan natin ang kasaysayan ng ating
pananampalataya: Ang unang misa sa Pilipinas ay ginanap sa Limasawa sa Linggo ng Pagkabuhay, March 31, 1521 maaalaala natin na si Raja Humabon (bininyagang Carlos) at ang kanyang kabiyak na si Hara Amihan (bininyagang Juana) ang mga unang bininyagan. Si Hara Amihan ay niregaluhan ng Sto.Nino na makikita natin sa isang shrine na nakalagay sa gilid ng Simbahan sa Cebu.
Sa ngayon tayo’y nasa ika-6 na taon ng
paglalakbay tungo sa 2021. Matatandaan natin na noong July 2012 ang CBCP ay pinahayag ang 9 na taong paglalakbay patungo sa bagong Ebanghelisasyon. (New Evangelization) 2013 – Year of Integral Faith Formation 2014 – Year of the Laity 2015 – Year of the Poor 2016- Year of the Eucharist and the Family 2017 – Year of the Parish as Communion of Communities 2018 – Year of the Clergy and Religious 2019 – Year of the Youth 2020 – Year of Ecumenism and Inter-Religious Dialogue 2021 – Year of Missio ad Gentes (Mission to the Nations) Ang taong 2021 ay maituturing na: A Year of Great Jubilee for the Church in the Philippines.
Sa taong ito ating mapagninilayan ang
napakahalagang gamapanin ng mga Pari / Relihiyoso / Relihiyosa sa buhay ng mga mananampalatayang Pilipino. Ang mga taong ito katulad ng ating patron na si San Agustin ay tinatawag nating pinunong tunay na naglilingkod, sila ang tinatawag na Servant Leaders.
Isang servant Leader na KATULAD NI KRISTO
SA PAGMAMAHAL; KATULAD NI KRISTO SA PAGLILINGKOD.
Ang Taon ng mga Pari at ng mga Nagkonsagra ng
buhay ay isang panawagan para sa ating lahat na siyasatin, bigyang pansin ang ating pansariling misyon at paglilingkod, sabi nga ni Kristo (NAPARITO AKO SA MUNDO HINDI PARA PAGLINGKURAN KUNDI PARA MAGLINGKOD.)
QUESTION: Nakikita mo ba ang iyong sarili na
ginagampanan ang misyon na ito sa tulong ng ating patrong si San Agustin? Speaker Schedules: