Pamantasan ng Bohol

Siyudad ng Tagbilaran

Graduate School and Professional Studies

PAARALANG GRADWADO AT PROPESYONAL NA PAG-AARAL

MASTER OF ARTS IN TEACHING FILIPINO

(Master ng Sining sa Pagtuturo ng Filipino)

Asignatura: Filipino 202-Ponolohiya

Petsa ng Pagpasa: Pebrero 15, 2019
Ipinasa ni: Erlinda Tuyogon Olaco
Dalubguro: Maria Luisa Arbastro, Ph.D

PT1-Ano ang papel na ginagampanan sa mga prinsipal na sangkap ng pananalita

kaugnay sa wastong pagbigkas o pagsasalita ng isang tao? Ipaliwanag.
PS1-Ang papel na ginagampanan sa mga prinsipal na sangkap ng pananalita kaugnay
ng wastong pagbigkas o pagsasalita ng isang tao ay ang pagkakaroon ng kabatiran sa
pagtukoy sa punto ng artikulasyon na maaaring makaimpluwensiya sa kaukulang
kahulugan ng bawat salita.
PT2-Paano nagkakaiba ang mga ponemang segmental at suprasegmental?
PS2-Nagkakaiba ang ponemang segmental at suprasegmental sa pamamagitan ng
makahulugang tunog na inirerepresenta ng simbolo ng mga titik at ang mahahalagang
yunit ng tunog na karaniwang hindi tinutumbasan ng mga letra sa pagsulat.
PT3-Bumuo ng isang talata gamit ang gitling, gatlang, at kudlit. Iikot sa paksang pag-
ibig. Lagyan ng kakaibang pamagat.
PS3-
MULA SIMULA

Lumipas na ang napakaraming taon ngunit nananatiling buhay ang isang pag-
ibig na lagi na’y nakaukit sa puso’t isipan. Hindi man batid ng lahat, noon pa ma’y hindi
nawalay ang katotohanang may nag-uumapaw na masidhing damdamin na patuloy na
iniingatan at inaalagaan. Isang damdaming dinadaluyan ng pag-asa’t katatagan sa
kabila ng hindi mabilang na sigwa at kapintasan. Makailang ulit kong napaglirip ang
sinasabing pag-ibig na ito na ang tanging hatid ay pag-asa, ah-----hindi ko
maipagkailang iyo’y nakapagpapatahimik sa nilalakbay ng isip. Sa kalagitnaan ng aking
pagbulay-bulay, ako’y napapangiti na para bagang may mga bituing nagkikislapan sa
kaibuturan ng aking puso kasabay ng isang pampatulog na musikang tumagos sa
aking pandinig. Musikang nagdulot ng kapanatagan at kasiyahan na mula simula’y
umukit na sa aking buong kamalayan. Sana nga, bukas-makalawa, at hanggang sa
pagsisid ng araw, ay hawak-kamay na tunguhin ang isang pangakong mananatili
hanggang may hiningang taglay.