WIKA

Ano ang wika para sa iyo?

Mayroon ka bang paniniwala sa tamang paggamit nito?
At paano mo kaya mapapahalagahan ito?

KAHULUGAN AT KATANGIAN NG WIKA

Ang wika ay pinagkasunduan ng bawat isa upang lumikha ng katawagan at kahulugang

sumasagisag sa pinagmulang lahi. (L.K.S. 1965)

Ang wika ay parang isang tubig na dumedepende sa hugis na kanyang pinaglalagyan.

(Abueg,2005)

Ang wika ay kumakatawan sa kung ano ang sinasabi ng isang tao at kung ano ang kanyang
pagkatao. (Almario, 2006)

Ang wika ay bunubuo ng mga salitang nagbibigay kamalayan at ideya batay sa kultura at
paniniwala… (Mabilin, 2010)

Ang wika ay dumudukal at lumilinang ng karunungang ginagawang salalayan sa pagkatamo ng

makabuluhang landas ng buhay… (Mabilin, 2011)

Biyaya ng Dakilang
Lumikha sa Tao
May Masistemang
Balangkas Arbitaryo at Likas na
Nalilinang Batay sa
Kulturang Kinagisnan

Gumagamit ng simbolo WIKA Nag-uugnay ng

upang magbigay sambayanan
kahulugan

Binubuo ng Tunog, Ang Wika ay

Pinipili at Isinasaayos Daynamiko

Makapangyarihan
Ngunit Walang
Angking
Pagkasuperyor
MGA TUNGKULIN NG WIKA

1. Interaksyonal – ginagamit bilang daan ng komunikasyon o pakikipag-ugnayan sa

lipunan. Kasama na rito ang karaniwang pakikipag-usap sa mahal sa buhay, sa kapwa, sa
kaibigan o sa iba pang tao sa lipunan.

2. Personal – ginagamit ng tao ang wika upang maipahayag ang sariling intensyong
maipakilala ang sariling ideya o kagalingan, kakayahan at husay sa anomang bagay o
larangan. Sa puntong ito, kadalasang ginagamit ang wika sa mga pormal o di-pormal na
talakayan o pamamahayag.

3. Instrumental – ang wika ay may instrumental na tungkulin kung ang intensyon ng

tagapagpahayag nito ay makuha ang katugunan mula sa mga makikinig at babasa. Ang
mga halimbawa nito ay ang mga pananawagan sa radyo o telebisyon, anunsyo sa
pahayagan, pagsasagawa ng mga kilos-protesta, paggawa ng mga liham transaksyonal o
pangangalakal; korespondensya opisyal; liham pamamasukan; mga memorandum, at iba
pang mga katulad na gawain o layunin.

4. Regulatori – lumalabas ang ganitong tungkulin ng wika kung ang pamamaraan ng

pagkakahayag ay kontrolin o mani-obrahin ang kilos at gawa ng ibang tao. Kadalasang
makikita rin ang ganitong mga pangyayari sa relasyong pinuno at naninilbihan, opisyal at
kawal, tagapagsanay at manlalaro, magulang at mga anak, guro at mga mag-aaral.

5. Impormatibo – ang tungkulin namang ito ay nagaganap kung ang layunin ng mga
tagapagpahayag ay magbigay impormasyon at kabatiran. Maaaring sa paglalahad ng mga
anunsyo, paalala, babala o iba pang mahahalagang impormasyon at kaalaman.

6. Heuristik – mababatid ang ganitong tungkulin sa paghahanap naman ng mga natatanging

impormasyon o pagsasaliksik sa mga bagay at kaalaman upang bigyang solusyon ang
isang suliranin o pag-aaral.

7. Imahinatibo – ito naman ang pinakamasining na tungkulin ng wika sapagkat

nangangailangan ito ng imahinasyon o pagpapagalaw ng diwa sa bawat magpapahayag
nito. Ginagamit ito sa mga akdang pampanitikang katulad ng tula, nobela, maikling-katha
at iba pa.
 TATLONG MUKHA NG WIKA

1. Wika Bilang Ekspresyon – Nakikilala ang wika kung ito ay ipinahahayag nang may
malay ng damdamin at pag-iisip sa pamamagitan ng mga salita, parirala, mga
pangungusap, mga idyoma at iba pang pagpapatalinghaga’t imahinasyon kasama na rito
ang diin, tono at intonasyon mula sa nagsasalita o gumagamit nito.

2. Wika Bilang Pagpapakahulugan – Nakikilala ang wika kung ito ay nagbibigay ng

pagpapakahulugan batay sa ekspresyon at pagkakagamit.

3. Wika Bilang Konteksto – Nakikilala ang wika batay sa sitwasyon o okasyong

pinagagamitan sa kapaligiran. Kadalasang ipinahahayag ang wika batay sa mga
pangyayari sa lipunan kung saan nagkakaroon ng pagkakataon ang tagapagpahayag na
gumawa ng hakbang o pagpapahayag kaugnay sa hinihingi ng pagkakataon at pinag-
uusapan.

Inihanda ni:

SAIDAR, AISAH S.

Educ105B