Sabi nila, ang sanggol ay hindi mananatiling sanggol
Ang binhi ay hindi mananatiling binhi Ang panahon ay hindi mananatiling panahon Katulad lang din ng oras patuloy na nagbabago
Sa patuloy na pagyabong at pag-ikot ng mundo
Natutuklasan ang talino ng bawat Pilipino Nakakalikha ng bagay, salita at kung anu-ano Pati ang wika nating Filipino patuloy na binabago.
Charot , keme, chenes, echos o kung ano pa man
Uy! Hindi ko kayo minamasama, bagkus akin lang kayong pinapaalalahanan Na ang bawat salita na namumutawi sa inyong bibig ay mahalaga Dahil ang simpleng pantig ay kayang baguhin ang bawat isa
Impluwensya rin ng mga karatig bansa
Doon tayo sa uso dahil yun ay kakaiba “Anyeonghaseyo oppa” sa Korea, sa Japan nama’y “Konichiwa” “Sawadika” naman sa Thailand, sa China nama’y “Nihaoma”
Teknolohiya at social media ang daan sa pagpapauso
Ng mga bagong salita, “Ano nga ba ang dulot nito?” Noon, bata ang hindi makaintindi sa lalim ng salita Ngayon, matanda ang hindi makaintindi sa sinasabi ng bata
Sa bawat pagdaan ng oras at panahon, tignan natin ang buong mundo
Tila bang isang halaman na namunga na’t naging isang puno Ang bunga nito ay ang pag asa ng bayan at yun ay tayong mga Pilipino Tayo ang dahilan kung bakit lahat ay patuloy na nagbabago.
Nagbago nga ba tayo sa tama? O para lamang sa wala?
Tila ba napakalaking tanong sa isip ng bawat isa Ano nga ba ang dahilan? Patungo nga ba tayo sa kaunlaran? O wala na ba talagang pag-asa ang ating bayan?
Katulad ni Gat. Jose Rizal na siya nating tinitingala
Patuloy nating mahalin ang sariling bayan, ang ating mga tula at ang literatura Dahil ang wika ang magpapayaman sa isip ng bawat isa Sabay-sabay nating ipagmalaking Filipino ang ating wikang pambansa
Muli, ang sanggol ay natuto ng maglakad
Ang binhi ay sumibol na’t namukadkad Sa pagdaan ng panahon, marami man ang magbago Ang wika ay mananatiling wika at tayong Pilipino ay mananatiling Pilipino
Ang Katayuan NG Wikang Filipino Sa Kalagitnaan NG Paggamit NG Ibat Ibang Uri NG Wika Batay Sa Paggagamitan Nito Ayon Sa Isinagawa Na Sarbey Sa Loob NG Holy Cross of Agdao.