“Ano ang kabuluhan ng pagsasalin sa kontekstong Filipino?

Pagpapayaman at pagpapahalaga sa ating wikang kinagisnan ay isa sa mga bagay na

kinakailangan para mapanatili at maipagpatuloy ang paglago nito. Habang tumatakbo ang
panahon at dumarating na ang panibagong henerasyon, mas lalong napag-iiwanan ang ating
sariling wika sa mga umuusbong na pangyayari sa ating bansa. Ngunit ito’y maaring mapawi
kung paiiralin natin ang ating mga isip at pagmamahal para sa sariling wika.
Ang pagsasalin sa kontekstong Filipino ay isang mahalagang aspeto dahil sa maraming
bagay na naitutulong nito para sa ating wika. Isa rito ang mga nakukuha nating mga bagong
kaalaman tuwing naisasalin ang mga gawang akda o anumang panitikan sa wikang Filipino. Sa
tuwing may mga libro o pahayag na galling sa isang banyaga, isinasalin natin ito sa ating
sariling wika upang tunay na maintindihan natin ito. Napapayaman rin nito ang ating wika
sapagkat nagsisilbi itong kagamitan upang maipahayag rin nito ang bawat ideya na gusto
ipahayag ng bawat tao.
Maaring tayong magkakaiba, may Ilocano, Cebuano at Bicolano ngunit hindi ito isang
hadlang upang tayo’y hindi magkaisa. Hindi dapat nating tanggalin ang wika ng iba upang
maipakita ang pagmamahal sa wika. Tayo’y dapat magkaisa at ang isang patunay nito ay ang
wikang Filipino mismo, Malaki ang pagkakatulad ng bawat wikang gamit natin, sa sintax,
morpolohiya at lexicon ng mga ito ay isang patunay na tayo’y iisa parin.
Wikang Filipino ang nagsisilbeng tulay upang maintindihan ng bawat Pilipino ang bagay
na nais ibigay ng mundo sa atin. Nararapat na maging aksesibol sa lahat Pilipino ang kaalaman
na maaaring makatulong sa kanila sa darating na panahon.
Maraming nagbabago habang lumilipas ang panahon, ang mga kahulagan nito o kaya
ang mga salitang di na kadalasang nababanggit ngayon. Ito’y marapat na tandaan lalo na kung
nais mong ihayag ang mga ideya sa isang taong bago rito. Kaya marapat na maingat sa paraan
ng pagsasalin upang hind imaging taliwas sa ideyang gustong ibigay ng may akda ang
impormasyong matanggap ng isang mambabasa o tagapakinig. Palagi nating binibigyan
pahalaga ang tagatanggap ng ideyang isasalin upang lubos na maunawaan niyo ang tekstong
isasalin. Iba-iba tayo ng wika kaya’t dapat nating tandaan kung sa paanong paraan natin
isasalin ang isang teksto para mas maunawaan ito ng nakakarami. Ito ang dahilan kung bakit
mahalagang malaman natin kung pano maisasalin ang bawat salita sa Filipino. Dahil rito ay
mas lalo nating napapayaman at napapanatili ang kahalagan ang ating wika sa pamamagitan
ng pagasasalin sa kontekstong Filipino.