“Lehlama tangte zinga miin kan chungah thu tha lo reng sawi tur an neih loh

avanga an zah theih nan, engkimah thil tha tih kawngah tihhmuhtuah intilang la, i
zirtirnaah chuan i takzia te, i zahawmziate i thusawi dikzia sawisel rual loh chu
tilang rawh. Tita 2 : 7-8

Mizo Kristiante zingah Sunday School rawngbawl hna hi Kohhran in a ken tel
pawimawh tak mai a ni a. Rawngbawlhna a zawngah chuan kan hlawhtlinpui thui
ber a ni mai awm e. He rawngbawlna hi Isua hna chhunzawmna a ni a, “tin thu a
sawi a, anmahni a zirtira” tin Mathhaia 5:2 Lal Isua rawngbawldan kha kawng
thum in ana sawi thin a- Thuhril, Zirtir leh tihdam. Kan han sawi ber tur chu
“Zirtir” hi a ni. He rawngbawlna hi thlur hrang hrangin kan kalpui a, Sunday
School –a zirtirtute hmang hian Lal Isua rawngbawlna chu Kohhranin ala
chhunzawm zel a, chuvangin keini ho hi Lal Isua aiawhtu kan ni tihna a nih chu.

Kan dinhmun hi a pawimawh teh e, I zirtir mek naupangten Isua hmel an

hmuhna na chu nangmah kha I ni a. I naupangten Isua nunzia an zirna chu I nunzia
kha a ni tihna a nih chu! Mihring duhsakna avanga he chanvo chelh mai mai emaw
I lo in ti thin em? Nang hi i zirtir Sunday school naupangte tan chuan Isua aiawhtu
i ni a, kan Kohhran aiawha hna thawktu chu nangmah bawk i ni a, kan Kohhran
aiawh i ni bawk.

Mihring leh Pathian inkara lei dawhkai hna hi Puithiam hna ni reng thin.
Mahse tunah chuan Sunday School kal tlangin I kovah nghah a ni a. I zirtir Sunday
School naupangte Pathian inkara inzawmna lei dawhkaitu tur i ni. Inthlahdah angai
thei lo va, thatchhia a rem hek lo.

IV. ZIRTIRTU

MAWHPHURHNA

1. Zirtir

Zirtir, thuhril, tihdam

Pathian thu nung zirtir
Mikhual rilru pu lovin