Professional Documents
Culture Documents
Ang Sinaunang Gresya ang kabihasnang Griyego na kabilang sa isang panahon ng kasaysayan ng
Gresya na tumagal ng mga isang libong taon mula ika-8 siglo BCE hanggang ika-6 siglo BCE
hanggang sa wakas ng antikwidad(ca. 600 CE). Pagkatapos ng panahong ito ang pasimula ng
Maagang mga gitnang panahon at panahong Bisantino.[1] Kabilang sa Sinaunang Gresya ang
panahon ng Klasikong Gresya na yumabong noong ika-5 hanggang ika-4 siglo BCE. Ang Klasikong
Gresya ay nagsimula sa pagpapatalsik sa isang pananakop na Persa (Persian) ng mga pinunong
Atenian. Dahil sa mga pananakop ni Dakilang Alejandro, ang kabihasnang Helenistiko ay
yumabong mula Sentral Asya hanggang sa kanluraning dulo ng Dagat Mediteraneo.
Ginagamit ang salitang Sinaunang Gresya patungkol sa mga tao, pamumuhay at kaganapan sa
mga lugar kung saan Grego ang salita ng mga tao noong sinaunang panahon. Maliban sa
peninsula ng Gresya, kabilang dito ang Tsipre, mga isla sa Dagat Aegea, ang baybayin ng Anatolia
(kilala noon bilang Ionia), Sicily sa timog Italya (kilala noon bilang Magna Graecia), at ang mga
kalat na tirahan ng mga Grego sa baybayin ng Kolkis, Illyria, Thrace, Ehipto, Cyrenaica, timog Gaul,
silangan at hilagang-silangan ng Peninsulang Iberiko, Iberia at Taurica.
Ang Greece ay isa sa mga pinakakilalang bansa sa daigdig sapagkat marami silang naiambag sa
kasaysayan.Isa rin sa mga naging dahilan kung bakit sila ay kilala ay ang kanilang
Panitikan.Maraming tao ang naging interesado sa mga kuwento patungkol sa mga Diyos at Diyosa
ng Greece.
Maraming bagay-bagay mula sa iba'ti ibang larangan ang naiambag ng mga Griyego sa
daigdig.Ipinamalas ng Greece ang kagalingan ng kabihasnan nito sa larangan ng
agham,arkitektura,drama,eskultura,medisina,pagpinta,kasaysayan,pananampalataya at
pilosopiya.
Ang unang sibilisasyon ng bansang Gresya ay lumitaw sa isla ng Crete sa pagitan ng 3000
at 2000 b.k.
Ang sibilisasyong ito ay tinawag na Minoan sa karangalan ni haring minos na sinasabing
naghari noon doon.
Sa Knossos, ang kabisera ng Crete, natagpuan ng mga arkeologo ang magarang palasyong
Minoan nang maghukay sila noong 1900.
Pagsapit ng mga banding 1600 b.k, naglitawan naman sa may Mycenae ang mga
manggagaya sa maluho at maunlad na pamumuhay ng mga taga-knossos.
Noong ika-2 milenyong BC, ang Mycenae ay isa sa pangunahing mga sentro ng
kabihasnang Griyego, isang matibay na tanggulang pangmilitar (kuta) na nangibabaw sa
katimugang Gresya.
Ang kapanahunan ng kasaysayan ng Gresya magmula sa tinatayang 1600 BC
magpahanggang sa 1100 BC ay tinatawag na Gresyang Miseno bilang pagtukoy sa
Mycenae.
Kabihasnang Greece
Ang kabihasnang Greek ay ang una sa napatanyag na kabihasnang klasika. Ang Greece ay
nasa timog na dulo ng Balkan Peninsula sa Timog Silangang Europe. Mabundok ang
Greece kung kaya ang nabuong kabihasnan nito ay pawang watak watak na mga lungsod-
estado o city state. Ang klima ng Greece ay angkop sa pagtatanim ng ubas, olive, trigo, at
barley. Liko-liko ang baybaying-dagat ng Greece at marami itong magagandang daungan.
Sparta at Athens
Ang Atenas (Griyego: Αθήνα, Athína; Ingles: Athens) ay ang kabisera at
pinakamalaking lungsod ng Gresya. Matatagpuan ito sa rehiyon ng Attica. Isa ang
Atenas sa mga pinakamatandang lungsod sa buong mundo, na may naitalang
kasaysayan sa loob ng humigit 3,000 taon. Ipinangalan ang lungsod sa dati nitong
patron na si Athena noong kapanahunan ng Matandang Atenas.